Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» COV ZAJ NYEEM NRUAB LIS PIAM XYOO I 2016-2017
by Mim 8th December 2016, 5:41 am

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    Txhob tso koj lub siab ntshaw zes luag poj luag sev ( kev qias neeg hauv nruab siab)

    Share

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Txhob tso koj lub siab ntshaw zes luag poj luag sev ( kev qias neeg hauv nruab siab)

    Post  Maiv Paj Lug on 28th September 2010, 4:42 am

    Txhob tso koj lub siab ntshaw zes luag poj luag sev ( kev qias neeg hauv nruab siab)
    Yog tias koj yog ib tug neeg ntseeg ntuj tiag, koj yuav tsum coj YESXUS 10 lo lus qhia. Hauv 10 lo lus qhia muaj nqe 9 uas peb txhua tus yeej tsis ceev faj txog. Peb niaj hnub niaj hmo pw nrog peb tej kev txhaum zais ntshis hauv peb nruab siab.


    Kev cai qhuab qhia sawv daws hauv Yesxus 10 txoj cai, nqe 9 qhia rau peb txhua leej txhua tus tias:

    1 / koj txhob tso koj lub siab ntshaw zes luag poj luag sev, txhua yam koj lub siab ntshaw txawm koj tsis tau ua los yog koj lub siab muaj kev xav phem yeej ua rau koj txhaum. Yesxus hais tias koj pom ib tug poj niam, txawm koj tsis tau deev , koj lub siab ntshaw nws lub cev koj yeej txhaum puag hauv nruab siab.

    Peb txhua tus yuav tsum nco ntsoov hais tias txawm peb lub cev tsis tau ua txhaum rau leej twg pom los peb lub siab twb ua txhaum. YESXUS pom txhua yam puag hauv peb nruab siab, nws yeej paub koj txoj kev txhaum tob tshaj uas koj zais. ( Matth.,V.)

    2 / Txoj cai 9 no txawv txoj cai 6 . Txoj cai 6 nws txwv tsis pub koj deev luag poj luag sev sab nraum koj lub cev, txoj cai 9 nws txwv tsis pub koj lub siab ntshaw deev luag poj luag sev hauv koj nruab siab qias rau koj tus ntsuj plig qhov muag tsis pom tiam sis TSWV NTUJ pom.

    3 / YESXUS muab txoj cai 9 no rau peb , vim muaj ntau yam kev txhaum uas peb lub siab xav ua, yog tias peb kheev lam ua tau. Muaj ntau yam kev phem uas peb xav, qhia tau tias peb mloog ntxwj nyoog lus hauv peb nruab siab lawm, txawm peb lub cev tsis tau ua los peb lub siab twb txhaum.


    4 / Txoj kev xav phem yog ib yam kev txhaum loj kawg nkaus rau ntawm TSWV NTUJ xwb ntiag. Peb tsis muaj cai yuav ntshaw phem , xav phem rau hauv peb nruab siab.

    5 / Txawm tias peb xav xwb peb lub cev tsis tau ua los vim peb yeej yog txhob txwm xav phem ces peb yeej txhaum tuag nthi, vim peb paub tias tsis muaj lwm txoj hau kev uas peb yuav ua tau txhaum ntawm peb daiv tawv , ces cia peb xav qhov txhaum twj ywm rau peb nruab siab, qhov no yog ib qho txhaum loj kawg nkaus rau yus tus ntsuj plig. Nco ntsoov txhob pub koj tus ntsuj plig poob rau kev qias neeg ntawm txoj kev xav phem.

    6 / Yam qhia rau peb tias peb tsis muaj cai xav phem mas vim peb ua txhaum TSWV NTUJ . Yog peb xav phem ces txhais tias peb muab kev phem qias los xav ua ntej TSWV NTUJ , yam no nws ua rau peb qias neeg tsis dawb huv.


    7 / Txoj kev xav phem uas muaj nyob hauv peb lwb hlwb, peb yuav tsum tiv thaiv kom txhob hla tau ntawm peb mus rau hauv peb nruab siab. Yog peb nyiaj dhau peb yuav tsis txhaum. Yam kev xav phem tshwm sim hauv peb lub hlwb uas peb tiv thaiv dhau nws yuav tsis ua rau peb txhaum, nws yuav tig mus ua ib lub txiaj ntsim rau peb kom peb yeej txhua txoj kev raug ntxias.

    8 / Yuav kom peb yeej txoj kev ntxias hauv kev xav phem mas peb yuav tsum nco ntsoov tias :

    1/ TSWV NTUJ pom peb thiab paub peb txoj kev xav, nws yog tus yuav txiav txim rau peb.
    2/ Peb yuav tsum hu txog TSWV NTUJ thaum peb lub siab xav phem.
    3/ Yuav tsum tiv thaiv yus kom zoo ua ntej txoj kev xav phem txeem tau los rau hauv yus lub siab.
    4/ Hu txog nkauj tsim txiaj Mab Liab los thov ntuj pab peb, yog tias peb tsis muaj zog tiv thaiv .





    <3 <3 Pab kuv rov los cuag koj Huab Tais Yesxus <3 <3

    NrhiavTswvNtuj
    Hmong Catholique
    Hmong Catholique

    Messages : 600
    Date d'inscription : 2009-08-18

    Re: Txhob tso koj lub siab ntshaw zes luag poj luag sev ( kev qias neeg hauv nruab siab)

    Post  NrhiavTswvNtuj on 28th September 2010, 8:18 am


    Nyob zoo Maiv paj Lug,

    Wow...! Nws yuav tham tau zoo ua luaj li no, yog kawg, ntau zaus yus lub siab ywj faj ywj fwj mus rau tej kev txhaum, kev ntxias rau lub siab cev nqaij...Muaj ntau zaus, cov neeg tsis hwm Ntuj, tsis ntshai kev txhaum lawv hais ntau yam ces cia li ua rau cov neeg siab ntshiab nrog lawv yuam kev rau tej kev txhaum lawm thiab...
    Nws daim duab nov mas txhais tau ntau yam thiab yeej kos tau zoo kawg li, kuv xav tias tus neeg kos daim duab nov mas nws yuav tsum muaj kev ntseeg loj thiab leej Tswv Yim Ntshiab nrog nws thiaj kos tau meej npaum nov...

    Kuv ntsia daim duab nov, ua rau kuv nco txog thaum kuv muaj li 5-6 xyoo, kuv ua npaws ces kuv kub heev, kuv tsis nco qab lawm...Thaum saum yaj kuv twb tsis nco qab lawm, kuv niam los puag kuv hauv txaj los txog ntawm rooj paim (rooj txag), kuv pom ib tug dub dub nrog kuv niam sib txeeb kuv, nws tuaj sib sab, kuv niam tuaj sib sab, nkawd ob leeg khawm kuv...Kuv niam khawm kuv li yus puag me nyuam, ib txhais tes phuag pem kuv taub hau rau xwb pwg, ib txhais nyob nnram kuv pob tw rau kuv sab ceg...Tus dub dub, kuv tsis pom nws ntsej muag, tab sis nws zoo nkaus li ib tug tib neeg, nws tuaj sab hauv txaj, nws ib sab tes khawm ntawm kuv plab rub kuv thaum tab tom nyob kiag ntawm rooj paim...Tab sis thaum kuv niam hla dhau kiag lub rooj paim lawm ces tssi pom tus i lawm...Tshuav kuv niam lawm xwb...Uab...! Kuv pom koj cov duab no...Tuaj Kub dub dub li tus i...Thaum lub caij ntawd, peb yeej ua Ntuj Kev Cai lawm, peb tsis muaj xwm kab, peb tsis teev dab lawm; tab sis peb tsis tau txais lub Cim Ntxuav, vim Moos Loob Naj Thuab tawg, Koom Tsha los nyob ces cov Txiv Plig thiab cov Hmoob Ntseeg khiav nrog Tub Rog los mus rau Pham Dees Thaib teb lawm, tom qab lawv los nyob rau Naj Nkos ze Huab Xais ntawd...Kuv txiv muaj tuab tam ntau thiab nws cov me nyuam tag nrho muaj 10 leej tseem puab leej me me thaj tsam 1-13 xyoos xwb. Ces peb thiaj nrog Nyab Laj nyob...Ntev tom qab no cov Tog Sab Xis rov tuaj txog peb zos, peb mam li nqes los raws Txiv Plig lawv, tab sis peb raws tsis cuag...Peb tseem nyob 3 hnub ke ntawm lawv thiab...





    Tus plig yim mus siab lub cev yim nyiaj mob
    Tus plig yim ntshiab huv lub cev yim uv luag
    Tus plig yim nyob ze Tswv Ntuj lub cev yim txom nyem
    Tswv Ntuj tsom kwm koj vim koj yog tus neeg siab ntshiab
    Tswv Ntuj txhais tes tsa rawv saum koj tau hau,
    Vim koj ntshiab saum taub hau ti nkaus ko taw.

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Txhob tso koj lub siab ntshaw zes luag poj luag sev ( kev qias neeg hauv nruab siab)

    Post  Maiv Paj Lug on 28th September 2010, 9:24 am



    Nrhiavtswvntuj, cas koj piav tau txaus ntshai ua luaj thiab! Wow , ntshe koj niam nqa koj lub cev xwb hos niag dub dub ntawv twb chua koj tus ntsuj plig ntag lau yom. Tiam sis tej zaum koj yeej yog neeg dawb huv puag thaum me me los ces tus dub dub thiaj txeeb tsis tau koj.

    Daim duab saum toj no txhais tau ntau yam kawg li tiag, yog peb ua zoo xav hauv peb lub neej txij thaum peb paub tab los mus , ntau zaus peb yeej ua txhaum rau TSWV NTUJ tas zog tsis tseg , yus twb xav tias yus tsis cem luag tej, tsis thuam luag, tiam sis qee zaus yus lub siab txawm siv muab luag cem ua ntej lawm. Li no txhai tau tias yus tsis dawb huv tseem.

    Thaum peb hais zaj KUV LEES TXHAUM ntawm TSWV NTUJ muaj hwj huam tas nrho, peb twb hais 3 kab lus tias :  KUV LUB CEV UA TXHAUM, KUV LUB NCAUJ HAIS TXHAUM, KUV LUB SIAB XAV TXHAUM....3 yam no yog yam peb ua txhaum loj tshaj plaws rau HUAB TAIS TSWV NTUJ, vim TSWV NTUJ yog tus pom peb cov txhaum, peb tsis hwm TSWV NTUJ peb thiaj tso peb lub siab xav txhaum. Yam txhaum tob tshaj plaws yog yam yus zais hauv yus lub siab uas TSWV NTUJ pom tseeb tshaj.

    Peb yuav tsum nco ntsoov tias peb lub cev thiab peb tus ntsuj plig yog TSWV NTUJ li, yog peb tsis txuag peb, ces peb yuav poob mus rau hauv dab phem teb, tus khuv xim peb yog TSWV NTUJ HUAB TAIS YESXUS. Vim nws yog peb tus TSWV. Yus sim xav rau yus tej me tub me nyuam yus yug tau , yog tias lawv tsis mloog lus, lawv ua ua lawv raug txim mus kaw nkuaj, tus mob siab tshaj twb yog yus. LI no peb lub cev thiab peb tus ntsuj plig yog TSWV NTUJ tsim rau peb, TSWV NTUJ mob siab peb tshaj. Peb yuav tsum hwm TSWV NTUJ.





    <3 <3 Pab kuv rov los cuag koj Huab Tais Yesxus <3 <3

    NrhiavTswvNtuj
    Hmong Catholique
    Hmong Catholique

    Messages : 600
    Date d'inscription : 2009-08-18

    Re: Txhob tso koj lub siab ntshaw zes luag poj luag sev ( kev qias neeg hauv nruab siab)

    Post  NrhiavTswvNtuj on 28th September 2010, 9:55 am



    Maiv Paj Lug,

    Koj hais yog kawg, ntau zaus peb ua txhaum yam peb tsis nco qab thiab tsis paub txog peb tej kev txhaum. Vim peb siab fab ces peb xav tias peb lub cev thiab lub ncauj tsis tau ua txhaum ces peb yog neeg dawb huv lawm. Tab sis yog peb lub siab tssi dawb hu nrog thiab mas Leej tswv Yim Ntshiab yuav nyob tsis tau hauv peb. Yog leej tswv Yim Ntshiab nyob tsis tau hauv peb ces peb nyob tsis tau ze Tswv Ntuj. Txoj kev yuav nyob ze Tswv Ntuj, yog peb muab hlo peb lub siab rau, twb tsis nyuaj npaum li cas thiab...Hais los tseem yooj yim tshaj qhov ua phem, tab sis ua cas neeg yuav nyiam ua phem ntau xwb, cov ua zoo mas tsawg leej...Puas yog Tuaj Kub ntxias heev dhau, zoo li koj tau piav dhau los...Tuaj Kub cov tub teg tub taws tos ntshi Tuaj Kub yuav txib lawv tuaj ntuav lawv cov kev ntxias dag rau ntiaj teb xwb es thiaj yuav muaj zog ua luaj li...? Yog neeg ua zoo li Tswv Ntuj hais, Tswv Ntuj qhuab...Mas twb tsis hais yuav tos tuag es mem tau mus nyob Ntuj Ceeb Tsheej, tab niaj hnub no nyob ntiaj teb los yeej yuav tsis muaj quaj, muaj kev tu siab, nros ntshis li...Ntshe txhua leej txhua tus yuav nyob kaj siab lug, ntshe yuav sib nyiam sib hlub tsis txawj tag tsis txawj kawg...Ntshe twb tsis txawj laus, tsis muaj mob muaj nkeeg li lawm...Vim txhua leej muaj lub neej nyab xeeb thiab thaj yeeb...





    Tus plig yim mus siab lub cev yim nyiaj mob
    Tus plig yim ntshiab huv lub cev yim uv luag
    Tus plig yim nyob ze Tswv Ntuj lub cev yim txom nyem
    Tswv Ntuj tsom kwm koj vim koj yog tus neeg siab ntshiab
    Tswv Ntuj txhais tes tsa rawv saum koj tau hau,
    Vim koj ntshiab saum taub hau ti nkaus ko taw.

    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: Txhob tso koj lub siab ntshaw zes luag poj luag sev ( kev qias neeg hauv nruab siab)

    Post  Mim on 28th September 2010, 11:45 am

    Maiv Paj Lug thiab NrhiavTswvNtuj,

    Hnub no neb tuaj tham tau ib qho zoo kawg li...Yog kawg, nyob hauv Tswv Ntuj 10 lo lus qhia mas yeej muaj txhua tsav puas yam qhia kom peb xyaum coj lub neej ntshiab dawb huv, yog yus coj tsis tau yus xwb.

    Raws li kuv to taub mas nqe 6 yog qhia kom peb tsis txhob ua kev sib dee tsis raws Tswv Ntuj txoj cai. Ib tug tub hluas thiab ib tug ntxhais hluas nkawd muaj cai sib tham kom sib paub, nkawd muaj cai sib nyiam sib hlub raws kev ncaj ncees kev dawb huv, tsis pub muaj sib dee ua ntej sib yuav. Vim li ntawd, thaum nkawd sib yuav mas yuav tsum tos kom nkawd ua lub cim cog lus tas tso mam cia nkawd los nyob ua ke mas thiaj yog. Txawm cov poj ntsuam yawg ntsuag los mus ib yam li ntawd. Ib tug txiv neej los ib tug poj niam uas muaj poj niam los muaj txiv lawm mas tsis muaj cai yuav mus tham lwm tus ntxiv, tsis txhob mus ua tav muag ntsia luag tej poj niam los tej hluas nkauj ntxiv lawm. Ib tug tub hluas los ib tug ntxhais hluass tsis muaj cai yuav mus tham luag tej txiv los luag btej poj niam.
    Tsis tas li ntawd xwb, thaum ob tug sib yuav lawm, tsis muaj cai sib nrauj mus tas lub neej. Thaum sib yuav tau lawm, yog nkawd muaj kev tsis sib nyiam tom qab, nyob tsis tau ua ke, mas nkawd sib cais tau, tiam sis tsis muaj cai mus yuav dua lwm tus, vim nkawd yeej tseem muaj poj niam muaj txiv.

    Qhov kuv piav los no yog txoj cai raws li Koom Txoos Kas Tos Liv qhia.

    Tiam sis peb cov neeg tiam no yeej tsis coj li lawm. Tej tub tej ntxhais twb tsis tau sib yuav los niaj hnub nyob ua ke cuag niam txiv li. Tej sib yuav tau los xav sib nrauj thaum twg cia li sib nrauj nplawg ntia, zoo li yooj yooj yim xwb. Tej poj niam tej txiv neej uas mus tham luag tej txiv luag tej poj niam los muaj coob muaj ntau, ua rau tej neej puas tag, qhov loj, yog ua rau tej me tub me nyuam ua ntsuag ciaj, nuiam txiv tsis tuag, tiam sis tej me nyuam tsis muaj niam muaj txi hlub thiab qhuab qhia.

    Nqe 9 yog li Maiv Paj Lug hais lawm, nws qhia tias kom peb tsis txhob tso peb lub siab ntshaw luag teej luag tug. Vim yog thaum muaj lub siab ntshaw lawm ces yeej yuav mus ua kom tau raws siab nyiam xwb xwb li thiaj tas. Muaj tsawg tsawg tus uas ntshaw hauv siab tsis ua tawm. Cov coob yog cov yuav ua kom tawm. Qhov ntshaw xwb twb yog ib qho txhaum, tseem ua kom tau raws siab xav thiab ces yog ua ob zaug txhaum lawm.

    Nqe 7 thiab nqe 10 los mus ib yam li ntawd thiab, tiam sis tsis yog ntshaw neeg los txeeb neeg, tiam sis yog ntshaw luag tej khoom los txeeb luag tej khoom.

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Txhob tso koj lub siab ntshaw zes luag poj luag sev ( kev qias neeg hauv nruab siab)

    Post  Maiv Paj Lug on 29th September 2010, 2:33 am

    NiamLaus Mim, peb yeej xav kom muaj coob leej ntau tus tuaj sawv daws tham sib qhia txog qhov phem qhov zoo, peb yeej xav kom coob leej ntau tus muaj kev tso siab thiab kev ntseeg thiaj li nyob tau kaj siab lug. Xav kom peb haiv Hmoob muaj kev cia siab rau TSWV NTUJ. Li no peb yuav tsum tau tham kom txhij kom txhua, tus txawj sau NTAWV NTSHIAB los tuaj sau, tus txawj qhuab qhia ua neej los kav tsij tuaj, tus txawj ntuas sawv daws rau qhov zoo los yeej meem tuaj peb sib pab sib txhawb seb puas muaj ib hnub peb pab tau coob leej ntau tus dim ntawm txoj kev txhaum. Koj tuaj piav ntxiv thiab mas zoo heev , koj qhia tau zoo kawg li thiab.




    <3 <3 Pab kuv rov los cuag koj Huab Tais Yesxus <3 <3

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Txhob tso koj lub siab ntshaw zes luag poj luag sev ( kev qias neeg hauv nruab siab)

    Post  Maiv Tooj on 30th September 2010, 5:59 am

    Nyob zoo cov phooj ywg,

    Hnub no peb tham txoj kev ua txhaum, ces kuv yuav muab zaj nyeem Hnub Chiv dhau los nov tuaj tso rau peb qhov chaw tham nov...Vim nws piav txog Ntuj txias teb tsaus thiab Ntuj Ceeb Tsheej...Hauv zaj nyeem no piav txog tus nplua nuj thiab tus txom nyem, tab sis sawv daws ho txhob xav txog tias cov neeg muaj ces yuav tsis tau mus Ntuj Ceeb tsheej, Yes Xus hais cov "neeg muaj, nplua nuj" yog cov neeg nws muaj tsis ncaj ncees, nws muaj ces nws thuam, saib tssi taus luag tej, nws siab hlob thiab tsis nco txog lwm tus...Nov yog cov neeg muaj tsis tau txiaj ntsim...Tab peb txawm pluag pluag, txom txom nyem los yog peb lub siab tsuas tab ntshaw thiab siab hlob ces peb yeej yuav tsis tau txiaj ntsim tib yam...

    Cov ZAJ NYEEM RAU HNUB CHIV 26/09/2010
    ( Hnub Chiv 26 - Xyoo C )


    * Zaj nyeem 1 : Phau Ntawv As Mos 6,1.4-7

    1 Cov tso siab lug rau Xis Yoos thiab cia siab khov kho rau Xas Mas Lias lub roob yuav mob siab thiab tib yam rau cov thawj coj ntug His Xais Lais lub tsev khaub zig nraim,
    4 Cov nquag xyab luas saum txaj kaus ntxhw thiab pw ntog ntawm tej rooj tog noj thav yaj ntawm npoj thiab sis huas dhev xyuas nyuj hauv nkuaj,
    5 Ncauj rua ras xev suab nkauj suab ncas muaj plhus qog Das Vis,
    6 Haus tsheej ntim cawv thiab pleev cov thawj roj, tiam sis, tsis txawj txob txhawj kiag Yos Xes xwv txheej.
    7 Vim li ntawd, ziag no, lawv yuav raug ntiab yog pab ua thawj raug cab khiav ua npoj pw ntog tu noob nrho.

    * Lus Kav Ntawv Moo Zoo 16,19-31

    19 "Muaj ib tug neeg nplua nuj, hnav ntaub tsuj thiab ntaub npuag ntaug leev niaj hnub ua qav noj seem noj so.
    20 Ib tug pluag lub npe hu ua Las Ntxas Los, chev ntawm nws mom kaum tsev khub kiav txhab,
    21 Nqhis qhuav siab qhawv tej yam poob ntawm tus nplua nuj lub rooj mov ntxiv ntawd, dev tseem tuaj yaim nws tej qhov txhab.
    22 Muaj ib hnub, tus pluag tuag mus, cov tshiab tuaj nqa nws mus hauv Has Nplas Has xub ntiag ; tus nplua nuj kuj tuag thiab muab nws faus av.
    23 Hauv ntuj txias teb tsaus, nws txom nyem, nws tsa muag ntsia pom deb Has Nplas Has thiab Las Ntxas Los nyob hauv nws xub ntiag.
    24 Nws hu tias : Txiv Has Nplas Has, thov khuv leej kuv yuas, xa Las Ntxas Los kom muab nws ntsis ntiv tes raus dej los tub kuv nplaig, vim kuv raug tsim txom hauv cov nplaim taws no.
    25 Has Nplas Has thiaj hais : Me nyuam, koj nco ntsoov, koj twb muaj koj teej zoo hauv koj lub neej thiab Las Ntxas Los tib yam mob qas ntsuav. Ziag no, Las Ntxas Los muaj kev nplij ntawm no, hos koj raug tsim txom.
    26 Thiab tsis tag li ntawd, ntawm peb thiab nej ib lub qhov ntuj loj kem kom cov xav hla ntawm peb rau tim nej ua tsis tau thiab kom cov tim nej tuaj tsis tau tim peb.
    27 Nws hais : "Txiv, kuv thov koj xa Las Ntxas Los mus rau kuv txiv tsev,
    28 Kuv muaj tsib tug kwv tij, kom nws qhia lawv, kom xwv lawv tsis txhob tuaj hauv qhov chaw txhawj xeeb no.”
    29 Has Nplas Has hais : “Lawv muaj Mais Xes thiab cov yaj saub, kom lawv mloog cov ntawd.
    30 Tus no hais : “Tiam sis, txiv Has Nplas Has, yog ib tug tuag mus cuag lawv, lawv thiaj yuav tig hloov siab.
    31 Nws thiaj teb tus no : “Yog lawv tsis mloog Mais Xes thiab cov yaj saub, tab yog ib tug sawv tsees hauv cov tuag kuj tsis txaus lawv ntseeg.”









    Sponsored content

    Re: Txhob tso koj lub siab ntshaw zes luag poj luag sev ( kev qias neeg hauv nruab siab)

    Post  Sponsored content Today at 3:38 am


      Current date/time is 10th December 2016, 3:38 am