Tsob txiv ncuav pias qhuav. 11 : 20 - 26.

**Maiv Paj Lug** 25th July 2010, 12:32 am

Maiv Paj Lug: Tswv Cuab Hmong Catholique; Messages : 1235
Date d'inscription : 2009-08-17

Post n°1

Tsob txiv ncuav pias qhuav. 11 : 20 - 26.

Post Maiv Paj Lug 25th July 2010, 12:32 am

Tsob txiv ncuav pias qhuav. Mas Kos Ntawv Moo Zoo
11 : 20 - 26.

Yes Xus hla tuaj mus rau teb chaws Npes Tas Nis,
Yes Xus tshaib plab, Yesxus mus xyuas ib tsob
ncuav pias muaj nplooj ntsuab xiab uas
tsis tau txog nws lub caij hlav, nyob hauv
tsob txiv ncuav pias tsis muaj ib lub txiv noj
Yesxus hais tias : " Txij no mus,
yuav tsis muaj neeg noj koj cov txiv. "
20 Tag kis sawv ntxov, Yes Xus lawv hla
mus, lawv pom tsob txiv ncuav pias qhuav
ti nkaus cag. 21 Pob Zeb nco dheev txog,
nws hais rau Yes Xus tias :
"Xib Hwb, koj saib : tsob txiv ncuav pias
uas koj tsawm qhuav tas lawm."
22 Yes Xus teb rau lawv tias :
"Nej ntseeg Tswv Ntuj mog. 23 Kuv hais
tseeb rau nej, yog leej twg hais rau lub
roob no tias : "Koj txav, koj dhia lawm
hauv dej ntuj," yog tias tus ntawd tsis ua
xyem xyav hauv siab li, thiab nws ntseeg
tias qhov nws hais yuav tshwm sim tiag,
mas qhov ntawd yuav tsheej xeeb rau nws
tau. 24 Vim li ntawd, kuv thiaj hais rau
nej tias : tas puas tsav yam uas thaum nej
teev Ntuj, nej thov, nej cia li ntseeg tias
nej twb tau txais lawm, ces Ntuj yuav pub
yam ntawd rau nej.
25 Hos thaum nej tab tom sawv ntsug
teev Ntuj, yog nej muaj ib lo lus tsis txaus
siab rau ib tug, mas nej zam rau nws, kom
xwv nej Txiv nyob saum ntuj zam txhaum
rau nej thiab.

Yesxus yeej paub tias tsis tau txog lub caij
tsob txiv ncuav pias txi, tiam sis
tsob txiv ncuav pias hlav nplooj ntsuab xiab
xws li lub tuam tsev nom tuam tsev tswv
luag ua rau Huab Tais Tswv Ntuj tiam sis
nyob hauv lub tuam tsev luag muab ua luam, tsuas pom
pej xeem ntshaw nyiaj nkaus xwb,
tsis muaj tus xav thov ntuj .[26]