Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

TSA TSEV TEEV NTUJ HAUV TOJ COB TSIB TEB 06-06-2014

Gallery


Suav neeg tuaj saib, txij hnub 17/09/2010 los mus.

    Niam Mab Liab nyob La Vang, Nyab Laj teb

    Share

    Mim
    Tswv Cuab Hmong Catholique
    Tswv Cuab Hmong Catholique

    Messages: 1045
    Date d'inscription: 2009-10-17

    Niam Mab Liab nyob La Vang, Nyab Laj teb

    Post  Mim on 7th August 2010, 9:21 am

    Niam Mab Liab nyob La Vang, Nyab Laj
    Teb




    Piav me
    ntsis kwv huam Nyab Laj teb


    Thaum xyoo 1593, yog ib tug txiv plig Spanish, TP Diego
    Aduarte xub coj txoj kev ntseeg Kas Tos Liv tuaj txog Nyab Laj teb. Lub sij hawm ntawd, muaj ob tsev neeg ua vaj
    kav lub teb chaws. Tsev neeg Trinh kav
    yav qaum teb, hos tsev neeg Nyuyen kav yav qab teb. Tiam sis thaum ntawd yav qab teb tsuas mus txog zaj
    nruab nrab Nyab Laj teb tam sis no xwb. Tsev
    neeg Nguyen qhib qhov rooj rau pej kum
    teb tej nkoj tuaj ua lag ua luam, ces tus TP Aduarte thiaj tau kev nrog cov
    nkoj ua lag ua luam tuaj. Nws tuaj poob rau cov Nguyen lub tuam nroog hu ua
    Dinh Cat, nws tuaj nyob ntawd pib tshaj Ntuj Lus.


    Ib ntus tom qab, ib tug TP Is Tas Lis kuj tuaj thiab, hu
    ua TP Francisco de Pina. Tus TP no paub lus Nyab Laj zoo, vim li no muaj neeg
    los txais kev ntseeg coob tuaj. Tus Vaj Nguyen tus phauj los kuj los ua neeg
    ntseeg tib si. Lub sij hawm ntawd muaj txog
    37 pawg ntseeg nyob hauv Nyab Laj teb, ib ncig Dinh Cat thiab raws zaj
    ntug hiav txwv.


    Xyoo 1624, tus TP Fab Kis hu ua TP Alexander de Rhodes tuaj
    tshaj Ntuj Lus rau Nyab Laj teb thiab. Nws pom tias Nyab Laj tsis muaj ntaub
    ntawv li, nws thiaj siv cov txwm ntawv Las Tees los tsim cov ntawv Nyab Laj uas
    niaj hnub no lawv tseem siv.


    Thaum chiv thawj li plaub caug tawm xyoo, cov vaj kuj kav
    liam cov TP, cia lawv ua lawv cov hauj lwm tshaj Ntuj Lus. Tiam sis xyoo 1788,
    cov vaj Nguyen txawm muab lawv tus ciaj ciam teb yav qab teb txav mus kom deb
    puag nram qab raws li tus ciam niaj hnub no, hos yav qaum teb ped, lawv kuj mus txeeb kav tib
    si, ces lawv muab Nyab Laj teb los ua ib lub teb chaws lawm xwb. Lub tuam nroog (capital), lawv muab hloov mus
    nyob rau Hue lawm.


    Txoj kev
    hiam cov neeg ntseeg. Niam Mab Liab tshwm sim nyob La Vang



    Txoj kev hiam cov neeg ntseeg yeej xub pib puag thaum xyoo
    1640 lawm. Xyoo ntawd, cov vaj Nguyen thiab cov tub lag tub luam Spanish muaj
    kev tsis sib haum, ces cov vaj muab ob
    tug TP tua. Xyoo 1645, lawv kuj muab ib
    co neeg ntseeg ntawm Dinh Cat tua thiab lawv muab TP Alexander de Rhodes ntiab
    tawm hauv teb chaws mus. Tiam sis txoj kev hiam cov neeg ntseeg loj tiag yog
    pib xyoo 1798. Xyoo ntawd cov vaj tshaj tawm tias txoj kev ntseeg Kas Tos Liv
    yog ib txoj kev teev hawm uas pej kum teb coj tuaj qhuab qhia thiab txw cov
    neeg ruam kom lawv sawv tiv cov vaj Guyen xwb. Ob peb hlis tom qab, lawv cia li
    tab meeg tuaj hiam thiab tsim txom cov neeg ntseeg ntawm 37 pawg ntseeg tib si.
    Ces lub sij hawm ntawd muaj txog li 100,000 leej ntseeg tau tuag ua tim khawv.


    Yog xyoo 1798 ntawd uas Niam ML tuaj tshwm sim rau cov neeg
    ntseeg Nyab Laj nyob La Vang. Xyoo ntawd
    tus vaj Canh Minh tshaj tawm kom muab cov tsev teev ntuj thiab tsev kawm ua
    txiv plig rhuav kom tas nrho. Ces ib co neeg ntseeg thiaj khiav mus nkaum hav
    zoov. Lub hav zoov ntawd nyo b ze lub zos Quang Tri, nyob toom nruab nrab Nyab
    Laj teb tam sis no. Lawv mus nkaum hav zoov li ntawd mas lawv raug txom nyem loj: lawv yoo tshaib yoo nqhis, muaj mob muaj
    nkeeg ntau yam, lawv ntshai los ntshai tsiaj qus thiab tsov tom, hmo ntuj los lawv yuav tsum tau tiv no vim no no kawg li.
    Lawv txom nyem kawg nkaus, lawv npaj tuag lawm xwb. Thaum yav tsaus ntuj, lawv pheej los nyob ua tej pwb
    pab koom teev ntuj ua ke ntawm ib thaj tsam do me ntsis.



    Muaj ib hmos, lawv tab tom teev ntuj, tsis nco ceev faj,
    lawv cia li pom ib tug poj niam zoo zoo nkauj, hnav ib lub tsho ntev ntev, puag
    ib tug me nyuam ntawm xub ntiag, hos muaj ob tug tshiab nyob ob sab. Cov neeg txawm cia li to taub hais tias yog Niam ML.
    Niam ML thiaj nrog lawv tham thiab nplij lawv. Nws qhia kom lawv muab cov
    nplooj nyab suab thiab nroj tsuag ib ncig ntawd los rhaub ua tshuaj haus kho
    lawv tej mob nkeeg. Nws kuj qhia lawv tias, txij hnub no mus yog leej twg tuaj
    teev ntuj ntawm thaj chaw no, mas Tswv Ntuj yuav mloog lawv cov lus thov, thiab
    yuav pub raws li lawv thov. Qhov chaw Niam ML tuaj sawv yog ntawm ib qho chaw do muaj nyom, ze
    hauv ib tsob qab ntoos faj khaum, uas cov neeg pheej nquag tuaj teev ntuj ua ke
    nyob ntawd. Niam ML tseem tuaj tshwm sim ob peb zaug ntxiv tom qab rau lawv thiab. Tas
    nrho cov uas tuaj teev ntuj ntawd sawv daws tau pom.


    Lo lus “la vang,” muaj ib txhia hais tias yog los ntawm lo
    lus Nyab Laj tias “quaj hu.” Tiam sis
    cov neeg paub txuj hais tias yog los ntawm lo lus tias “nplooj suab.” Vim thaj
    tsam ntawd muaj muaj ib hom nyab suab. Cov neeg ntseeg pib muab ntoo muab nqeeb
    los ua tau ib lub nyuag tsev teev ntuj dog dig rau thaj chaw uas Niam ML tuaj
    xyuas lawv ntawd, thiab lawv tuaj teev ntuj tsis tseg.


    Xyoo 1802, txoj kev hiam ntaug lawm. Cov neeg ntseeg thiaj
    tawm rov los nyob hauv lawv tej zej tej zos.
    Lawv los piav txog Niam ML txoj kev tshwm sim rau txhua leej paub. Txawm
    qhov chaw nyob rau ib qho xu kev, tsis muaj kev zoo mus txog los muaj coob leej
    tuaj mus teev ntuj ntawm thaj chaw tsis tu ncua. Xyoo 1820, cov ntseeg ua ib lub tsev teej ntuj
    zoo me ntsis rau ntawd.


    Xyoo 1830-1885, cov nom tswv rov qab hiam cov neeg ntseeg ib
    lwm loj loj. Lawv muab lub tsev teev ntuj rhuav tas. Tiam sis xyoo 1886, cov ntseeg
    rov pib tsa dua ib lub tsev teev ntuj tshiab rau. Lawv ua tau ntev xyoo mam
    tiav rau xyoo 1901. Thaum tiav lawm, tus tswv qhia Gaspar ua thaj txi ntuj muab
    lub tsev teev ntuj fij rau Niam ML tus Pab cov Neeg Ntseeg (Our Lady Help of
    Christians).
    Church of Our Lady of La Vang, built in 1928 and destroyed in 1972 during the war

    Xyoo 1928, vim muaj neeg tuaj teev ntuj coob, ces thiaj tsa
    dua ib lub tsev teev ntuj loj rau ntawd. Tim 8 lub 12 hlis 1954, lawv coj tus
    mlom Niam ML nyob La Vang los tso rau hauv lub tsev teev ntuj. Thaum lub 8
    hli 1962, vaj qhia Zam XXIII muab lub tsev teev ntuj ntawd tsa ua ib lub tuam
    tsev teev ntuj minor basilica nyob Nyab Laj teb. Tiam sis xyoo 1972, thaum ua
    rog Vietnam, lawv tua lub tsev teev ntuj puas tag lawm. Xyoo 1988, tim 19 lub 6 hli, vaj qhia Zam Paj
    Lug II tau tsa 117 leej Nyab Lab ua leej ntshiab tuag ua tim khawv. Nws kuj tau hais txog tias xav kom rov tsa
    lub tuam tsev teev ntuj nyob La Vang , saib puas tiav rau thaum ua kev nco txog
    Niam ML tshwm sim tau 200 xyoo, xyoo 1998. Tiam sis tam sis no kuj tsis pom
    muaj qhov twg qhia tias rov tsa lub tuam tsev teev ntuj ntawd lawm.
    Lub tsev teev ntuj puas tas lawm.



    Niaj hnub no los nyob Nyab Laj, peb cov ntseeg yeej tseem
    niaj hnub raug hiam raug tsim txom los ntawm tseem hwv koom tshas (communist). Lawv yeej ua tsis tau ywj siab li.
    Coob leej tseem raug ntes mus kaw los raug tua ib yam li txheej thaud thiab.


    Vim li ntawd peb thiaj yuav tau thov Niam ML nyob La Vang
    tus uas pab cov neeg ntseeg, kom nws pab peb cov ntseeg uas raug txom nyem,
    tshwj xeeb yog peb cov Hmoob nyob Nyab Laj teb.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages: 4408
    Date d'inscription: 2009-08-19

    Re: Niam Mab Liab nyob La Vang, Nyab Laj teb

    Post  Maiv Tooj on 7th August 2010, 10:31 pm


    Nyob zoo Mim,

    Ua tsaug nawb mog, uas nws yuav txawj mus tshawb tau tej yam zoo npaum nov los tso ua Tim Khawv Kev Ntseeg rau peb Hmoob paub txog. Peb Hmoob los ua Ntuj Kev Cai, cov paub luag pej kum ntaub ntawv thiab lus ces tsis pes tsawg, cov tsis paub mas tshuav ntau yam tseem tsis tau nrog luag paub. Cia peb tuaj ua ntsaum kwv pleb es ib hnub txhim ib qho, ntev mus nyaj peb yuav muaj yam puav li luag thiab.
    Kuv zoo siab thiab ua koj tsaug rau txhua yam uas koj txhais rau lub Forum Hmoob Catholic nov. Nws yuav nyob tsis muaj caij kawg nawb Mim.





    Cob Tsib tua cov Txiv Plig Tshaj Ntuj Lus nyob yav Cob Tsib Qab teb 1935
    Lawv muab riam lij, pleev kua txob thiab ntsev rau...Tu siab kawg,
    Ntuj tsim neeg rau txoj kev hlub,
    tab sis neeg yuav ua qhov phem thiab mob tshaj kom siab nqeg....




    Muag tub qhe, Txiv Plig Guerlach tau muas tus tub qhe no.





    Txiv Plig Guerlach, Mission Etrangère de Paris mus rau Cob Tsib teb 1903...





    Mim
    Tswv Cuab Hmong Catholique
    Tswv Cuab Hmong Catholique

    Messages: 1045
    Date d'inscription: 2009-10-17

    Re: Niam Mab Liab nyob La Vang, Nyab Laj teb

    Post  Mim on 9th August 2010, 12:00 pm

    Taais Tooj,

    Cias ua li koj hais os... Peb mam ua ntsaum kwv av, maj mam kwv ob peb hn ub tau ib nyuag thooj los tso rau xwb los xij. Nyob nyob kuj tau ib xub ntsaum lawm thiab os...

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages: 4408
    Date d'inscription: 2009-08-19

    Re: Niam Mab Liab nyob La Vang, Nyab Laj teb

    Post  Maiv Tooj on 11th August 2010, 2:30 am



    Thaum lawv tuas cov neeg Ntseeg nyob Cob Tsib teb:



    Tus Yaj Ntshiab cov ntshav ntxuav lawv kom huv tuaj.
    Thaj tsam entre 1745 thiab 1862.









    Mim
    Tswv Cuab Hmong Catholique
    Tswv Cuab Hmong Catholique

    Messages: 1045
    Date d'inscription: 2009-10-17

    Re: Niam Mab Liab nyob La Vang, Nyab Laj teb

    Post  Mim on 11th August 2010, 11:48 am

    Tais Tooj,

    Ua tsaug rau koj cov duab os. Koj coj tau ib co duab zoo kawg tuaj rauy peb saib, kom peb haj yam to taub zoo txog cov ntseeg Nyab Laj thaum ub lawv txoj kev raug luag tsim txom.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages: 4408
    Date d'inscription: 2009-08-19

    Re: Niam Mab Liab nyob La Vang, Nyab Laj teb

    Post  Maiv Tooj on 11th August 2010, 12:54 pm



    Mim,

    Lub Koom Txoos nyob Cob Tsib teb Sawv los ntawm kev tsim txom thiab roj ntsha pua los mus...Tu siab thiab txaus ntshai kawg nkaus...Yog nrhiav tau lub caij nyoo, yuav nthuav ntau ntxiv kom paub meej dua nov. Cia seb puas nrhiav tau caij...Yog tias koj ho khoom no koj pab nrhiav cov tim khawv sau tseg tuaj rau peb nyeem thiab os Mim.




    Niaj hnub no tseem raug txom nyem qees...




      Current date/time is 25th November 2014, 10:15 am