HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Cov Txivplig Hmoob Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Yesterday at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


4 posters

    Cov Txivplig Hmoob

    avatar
    Invité
    Guest


    Cov Txivplig Hmoob Empty Cov Txivplig Hmoob

    Post  Invité 30th July 2010, 3:07 pm

    Webmaster sau li no:
    Cov txivplig Hmoob muaj lub peevxwm yuav daws tau peb cov txhaum.
    Nqi lus no yog txhais li cas tiag?


    Nqi lus ob,
    Cov Txivplig Hmoob:
    Hloov tau cov mov nplej los ua Yexus cov ntshav.
    Kuv nug hais tias, cov Txivplig Hmoob puas ua tau li ntawd tiag?
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Cov Txivplig Hmoob Empty Re: Cov Txivplig Hmoob

    Post  Maiv Paj Lug 31st July 2010, 2:51 am

    Sinner Man wrote:Webmaster sau li no:
    Cov txivplig Hmoob muaj lub peevxwm yuav daws tau peb cov txhaum.
    Nqi lus no yog txhais li cas tiag?


    Nqi lus ob,
    Cov Txivplig Hmoob:
    Hloov tau cov mov nplej los ua Yexus cov ntshav.
    Kuv nug hais tias, cov Txivplig Hmoob puas ua tau li ntawd tiag?

    Webmaster sau li no:
    Cov txivplig Hmoob muaj lub peevxwm yuav daws tau peb cov txhaum.
    Nqi lus no yog txhais li cas tiag?

    Lo lus no txhais tias, Yesxus tso Leej Ntuj Plig tuaj nyob rau hauv peb cov Txiv Plig Hmoob tib yam li lwm haiv neeg cov Txiv Plig lawm thiab. Peb cov Txiv Plig Hmoob kuj mus kawm tiav rau cov tsev kawm ntawv siab yuav los ua T.P, thiab thaum lawv ua Txiv Plig mas lawv tau lub cim tiag tes los ntawm Txiv Vaj Qhia uas yog Benoit16, uas yog tus Pape  taj Yesxus chaw hauv ntiaj teb no , thaum ub Yesxus tau tsa pob zeb uas tus thawj coj hloov nws, ces dua Pob Zeb lawm, txhua tus Txiv Tswv Qhia thiaj thov kom Leej Ntuj Plig nrog lawv xaiv tsa dua lwm tus Pape uas yuav los ua Vaj Qhia " txheej dhau txheej los txog tam sim no Benoit16 yog tus tseem hloov coj Yesxus lub koos txoos.

    Yesxus hais rau Pob Zeb hais tias : " Txhua yam txhaum koj daws rau luag, saum ntuj kuj daws tib yam, yog koj tsis daws lawv cov txhaum , saum ntuj kuj yuav tsis daws thiab. "

    Li no peb cov Txiv Plig Hmoob kuj tau txais lub cim tiag tes los ntawm Txiv Vaj Qhia lawm ces txhua yam uas Txiv Plig muaj cai ua los daws kuj muaj cai ua tas nrho .


    TXIV PLIG CWJ VUAM CHIV LUB CIM TIAG TES XYOO 2008


    Nqi lus ob,
    Cov Txivplig Hmoob:
    Hloov tau cov mov nplej los ua Yexus cov ntshav.
    Kuv nug hais tias, cov Txivplig Hmoob puas ua tau li ntawd tiag?

    Lawv kuj ua tau tib yam vim lawv txais lub cim tiag tes lawm. Lub cim tiag tes txhais tau tias, Tswv Ntuj tus Ntsuj Plig nqis los nyob rau hauv txhua yam uas nws cov tub txib foom hmoov zoo tag nrho.

    Li no thaum cov Txiv Plig foom hmoov zoo rau cov mov nplej, cov mov  nplej yeej hloov tau ua Yesxus lub cev thiab cov ntshav tiag tiag li, vim hais tias nws tuaj ntawm Tswv Ntuj tus muaj hwj huam tas nrho tus Ntsuj Plig tuaj. Txhua yam tuaj ntawm Tswv Ntuj, yuav tsis muaj ib yam uas Tswv Ntuj ua tsis tau.

    Peb qhov muag tsis pom cov mov nplej hloov lawm, tiam sis peb tus ntsuj plig pom tau tias hloov lawm tiag tiag, vim thaum peb noj Yesxus lub cev thiab haus Yesxus cov ntshav peb tus ntsuj plig pom tau tias kev thoob tsib thiab kev hlub txawj txhawv hauv peb tuaj.


    " AS LES LUS YAS"  LEEJ TWG NOJ YESXUS LUB CEV YUAV MUAJ TXOJ SIA MUS LI.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Cov Txivplig Hmoob Empty Re: Cov Txivplig Hmoob

    Post  Maiv Tooj 31st July 2010, 9:52 pm

    Sinner Man wrote:Webmaster sau li no:
    Cov txivplig Hmoob muaj lub peevxwm yuav daws tau peb cov txhaum.
    Nqi lus no yog txhais li cas tiag?


    Nqi lus ob,
    Cov Txivplig Hmoob:
    Hloov tau cov mov nplej los ua Yexus cov ntshav.
    Kuv nug hais tias, cov Txivplig Hmoob puas ua tau li ntawd tiag?

    Nyob zoo Sinner Man,

    Zoo siab txais tos koj tuaj nrog peb sib fab Tswv Ntuj lub txiaj ntsim.
    Uab! Tso lub npe mab sua, xav tias yog leej twg no cas yog kuv me kwv tij Hmoob neej tsa los sav! Zoo kawg uas koj tuaj xyua peb, tuaj sib pab nrhiav sib pab khaws Tswv Ntuj txoj kev HLUB uas xav muab rau leej neeg txhua leej kom txhob raug kev lwj siab ntxhov plawv rau ntiaj teb, kom tau kev CAWM thiab kaj siab nyob mus li saum NTUJ.

    Kuv los kuj tseem nrhiav paub ib yam li koj thiab, tab sis kuv lam teb koj cov lus li kuv paub thiab xav raws li nram no:


    1/ Cov txivplig Hmoob muaj lub peevxwm yuav daws tau peb cov txhaum.
    Nqi lus no yog txhais li cas tiag?

    -Tas nrho txhua leej Txiv Plig tsis hais Hmoob los mab sua, pej kum, puav leej lees ua Tswv Ntuj tub txib, sawv Yes Xus chaw thaum lawv txais lub Cim Tiag Tes. Lawv muaj peev xwm Daws tau peb cov txhaum, yog peb xav DAWS tej thaum peb ua yuam kev los yog tej lub caij peb raug ntxias, chim siab, tag kev cia siab, tswj tsis tau tus kheej, peb tau ua tej yam uas peb xav tias tsis yog, tsis ncaj ncees rau lub ntuj los yog leej neeg. Tej thaum mas yog kev ua txhaum tiag, tej thaum yog yus lub siab xav txhaum, mas puav leej yog kev txhaum rau Tswv Ntuj tag nrho tib si.
    Thaum koj npaj siab mus Daws Txhaum, yog koj txaj muag los yog koj tsis ntseeg tiag tus Txiv Plig muaj lub hwj huam los Daws tau koj cov txhaum, koj hais tsis tag mas koj cov txhaum yuav tsis daws rau koj. Yog koj tso siab lug, koj hais tag nrho hauv koj lub siab ntsws tuaj tsis zais, koj yuav tsum TU SIAB rau cov txhaum uas koj tau ua mas thiaj DAWS tau koj cov txhaum pov tseg. Yog koj lam mus DAWS txhaum tab sis koj zais thiab txaj muag los yog koj tsis ntseeg koj lam mus xwb mas koj cov txhaum yuav tsis DAWS. Yes Xus twb tau hais ntau zaus tias: " Koj lub siab ntseeg cawm koj".

    Thaum koj Daws Txhaum, koj yuav txhob txaj muag tej yam uas koj ua yuam kev ntawd rau Txiv Plig. Txiv Plig tsuas nyob ntawd mloog koj hais hauv koj lub siab rau nws ( tej yam kev zais uas Hmoob hais tias: Ciaj tsis qhia neej tuag tsis qhia dab), mas txawm yog txim tua neeg es luag tab tom nrhiav koj txhom los tus Txiv Plig yuav tsis muaj cai muab koj qhia rau luag. Yog Txiv Plig tseem mus qhia luag thiab mas nws yuav muaj txhaum loj heev...Tswv Ntuj txoj hauj lwm Tswv Ntuj saib xyuas, neeg tsuas saib xyuas txij li neeg txoj hauj lwm xwb.


    2/
    Nqi lus ob,
    Cov Txivplig Hmoob:
    Hloov tau cov mov nplej los ua Yexus cov ntshav.
    Kuv nug hais tias, cov Txiv plig Hmoob puas ua tau li ntawd tiag?

    - Cov Txiv Plig Hmoob thiab txhua leej Txiv Plig uas tau txais lub Cim Tiag Tes puav leej tau txais Huav Tais Yes Xus lub hwj huam los Foom Hmoov Zoo rau cov mov mog thiab cov cawv tsis rau poov xab, kom hloov ua Yes Xus lub Cev thiab cov Ntshav. Yes Xus lub Cev thiab cov ntshav, muaj hwj huam heev, yog leej twg niaj hnub los niaj Lis Piam txais Yes Xus lub Cev mas nws txawm tsis tau kev Cawm hauv hauv ntiaj teb nov los nws yuav tau kev Caws saum Ntuj, qhov nov mas tsis muaj leej twg rov los hais qhia ces yuav ntseeg nyuaj dua...Tab sis muaj coob leej thiab ntau zaus uas lub Cim Yug = Yes Xus lub Cev cawm tau neeg thiaj ua hwj huam yees ntxwv rau neeg ntiaj teb yam muaj hwj huam tag nrho tiag. Daws tau cov muaj mob, cov muaj kev txom nyem nyuaj siab, leej twg vam txog NWS yuav muaj kev cawm...

    Yam li muaj ib tug ntxhais neeg Fab Kis lub npe hu ua Marthe Robin noj Yes Xus lub Cev tau 50 xyoo. Nws tsis haus dej, tsis noj mov li.

    Nujsisloob1
    Nujsisloob1
    Tuaj Tshiab
    Tuaj Tshiab


    Messages : 52
    Date d'inscription : 2010-02-02
    Age : 48
    Localisation : California, USA.

    Cov Txivplig Hmoob Empty Re: Cov Txivplig Hmoob

    Post  Nujsisloob1 1st August 2010, 4:46 am

    Sinner Man wrote:Webmaster sau li no:
    Cov txivplig Hmoob muaj lub peevxwm yuav daws tau peb cov txhaum.
    Nqi lus no yog txhais li cas tiag?


    Nqi lus ob,
    Cov Txivplig Hmoob:
    Hloov tau cov mov nplej los ua Yexus cov ntshav.
    Kuv nug hais tias, cov Txivplig Hmoob puas ua tau li ntawd tiag?

    Nyob zoo Phooj ywg SM,

    Koj lo lus nug tias cov Txivplig Hmoob puas daws tau peb cov txhaum, Thxias li cas?

    Zoo sia koj tuaj nrog peb sib fij sab sib coj nrhiav cog kawm os nawv, kuv tsis yog ib tug Txiv Plig tiam sis kuv kuj yog ib tug tub txib rau Tswv Ntuj thiab, kuv yuav teb koj qhe lus raws li nyob hauv lub koom txoos tau tsim muaj xwb.
    Txhua tus Txiv Plig muaj caij ua lub cim daws Txhaum rau neeg, vim lawv tau cog lus thiab tso tas ib puas tsav yam tseg los lees ua ib tug tub txib zoo raws li Yes Xus tus qauv, Lawv tau kawm tiav txoj kev ntseeg nyob hauv Lub Koom Txoos Catholic raws li muaj. yog li thaum lawv txais lub cim cog lus ua Ib tug Txiv Plig lawm mas llawv thiaj li muaj cai ua tau lub Cim daws txhaum.

    Nyob hauv Lub Koom Txoos Catholic Roman, mas lawv tau tsim muaj 7 lub Cim tseem ceeb qa txiaj ntsim tuaj pab cov ntseeg. xws li Lub Cim Ntxuav, Cim Yug, Cim Txhab Zog, Cim Daws Txhaum, Cim Pleev, Cim Tiag Tes ua Txiv Plig, thiab Cim Cog Lus sib yuav ua txij nkawm. Tas txhua lub cim no tsis yog lawv lam tau lam muab los ua rau lawv siv, txhua yam no yeej muaj cov nqe lus sau tseg nyob hauv ntawv Bible tseg muaj cia lawm. Yog li no lub koom txoos thiaj li tau muab teeb ua muaj tej theem raws li lawv txoj cai saib tus neeg zoo li cas thiaj li ua tau cov Cim raws li lawv tau tsim muaj. Kev tus Txivplig daws txhaum yog ib lub Cim nyob hauv 7 lub Cim hauv Lub koom Txoos tau tsim muaj. Tus Txivplig muaj cai daws txhaum tau, tiam sis nws tsis muaj peev xwn daws txhaum tau, nws tsuas yog sawv Yes Xus chaw thov Tswv Ntuj daws txhaum xwb. Vim nws kuj yog neeg txhaum ib yam li koj kuv peb. Tos Catholic hos tsim muaj kev cai daws txhaum tau mas yog lawv tshawb fawb tau thiab ua raws li thaum ub Yes Xus tau hais tseg rau nws cov Thwj Tim raws li nqe lus muaj nyob hauv qab no:

    Mais Tais, 16 : 18 - 19.

    Yes Xus hais rau Pob Zeb tias:
    koj yog lub Pob Zeb, Kuv yuav txhim
    kuv lub koom txoos rau saum lub pon zeb no
    Dab phem teb cov qhov rooj yuav tiv tsis tau lub Pob Zeb no.

    Kuv muab Ntuj Ceeb Tsheej cov Yawm sij
    rau koj, koj khi yam twg nyob ntiaj teb no mas
    Ntuj siab yam ntawd yog khi nyob saum Ntuj
    koj daws yam twg nyob ntiaj teb no mas
    Ntuj saib yam ntawd yog daws nyob saum Ntuj.


    Nqi lus ob,
    Cov Txivplig Hmoob:
    Hloov tau cov mov nplej los ua Yexus cov ntshav.
    Kuv nug hais tias, cov Txivplig Hmoob puas ua tau li ntawd tiag?

    Lo lus koj hais no ib lo lus poob rau hauv lub Cim Yug nyob hauv Catholic 7 lub Cim tib yam thiab.
    Yes, tsis yog Txivplig HMoob thiaj li ua tau xwb, txhua tus Txiv Plig puav leej muaj caij ua tau luv Cim Yug, ( Eucharist ).
    Qhov kev ua no nws yog ib qho kev ntseeg ( Mistry faith ). Ku j yog Koom Txoos Catholic tau muab hauv ib nqe lus tauu sau tseg nyob hauv Bible los ua thiab, lawv tsis yog xav ua ces lam kwv yees ua txhua yam lawv ua mas yuav tsum muaj nuj nqis thiab muaj (Proof).
    Catholic qhov kev ntseeg tseem ceeb tshaj ces yog lub Thaj Txi Ntuj ua lub Cim yug txhua hnub Chiv rau cov ntseeg tuaj txais lub Cim Yug. Saib raws li nqe lus hauv qab no, thaum Yes Xus Tsim Lub Cim Yug:

    Mastais, 26: 26-28.

    YES XUS TSIM LUB CIM YUG
    thaum lawv noj mov txog tog, Yes Xus tuav ib lub Cuav Mov Mog, nws hais zaj foom hmoov rau, nws ntais lub Cuav Mov nws muab faib rau nws cov Thwj tim nws hais tias: NEJ TXAIS NEJ NOJ QHOV NO YOG KUV LUB CEV, Thaum noj mov tas nws kuj tuavib lub ntim Cawv, nws hais xaj foom hmoov, nws muab lub ntim Cawv rau lawv haus nws hais tias: NEJ SAWV DAWS HAUS, QHOV NO YOG KUV COV NTSHAV COG LUS YUAV LOS DAWS IB TSOOM NEEG COV TXHAUM.


    Qhov cov Catholic ua yog los qhov no los os nawv tus phooj ywg, vam tias koj yuav nkag siab zoo lawm, yog tshuav tej yam tsis ntxaws no los ho rov nug tau os nawv, ua tsaug koj tuaj fim peb os mog.



    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Cov Txivplig Hmoob Empty Re: Cov Txivplig Hmoob

    Post  Mim 1st August 2010, 3:22 pm

    Sinner Man wrote:Webmaster sau li no:
    Cov txivplig Hmoob muaj lub peevxwm yuav daws tau peb cov txhaum.
    Nqi lus no yog txhais li cas tiag?


    Nqi lus ob,
    Cov Txivplig Hmoob:
    Hloov tau cov mov nplej los ua Yexus cov ntshav.
    Kuv nug hais tias, cov Txivplig Hmoob puas ua tau li ntawd tiag?

    Nyob zoo Sinner Man,

    Twb muaj ob peb tug tuaj teb koj lawm, kuv ho tuaj lig los kuv tuaj hais li kuv to taub thiab.






    Cov txivplig Hmoob
    muaj lub peevxwm yuav daws tau peb cov txhaum.
    Nqi lus no yog txhais li cas tiag?

    Kuv yuav teb koj ncaj qha tias, peb cov txiv plig Hmoob yeej muaj lub peev xwm
    daws tau peb cov txhaum tiag. Thiab tsis
    yog cov txiv plig Hmoob xwb, tsuav yogi b tug txiv neej, txawm yuav yog haiv
    neeg twg los yog nws tau kawm tiav thiab tau txais lub Cim Tiag Tes ua txiv
    plig lawm ces nws yeej muaj peev xwm daws txhaum tau. Qhov no hais meej li no rau koj. Tiam sis xav
    kom koj to taub tias, yog hais saum tus neeg xwb ces tsis muaj leej twg yuav
    muaj peev xwm ua tau dab tsi li. Tiam sis vim lawv tau txais Yes Xus lub peev
    xwm nyob hauv lub Cim Tiag Tes (Ordination), ces lawv thiaj ua tau. Koj twb paub zaj Ntawv Moo Zoo (Gospel) piav txog muaj ib zaug Yes Xus xa nws cov thwj
    tim mus qhuab qhia neeg hauv tej zos.


    And he called to him
    the twelve, and began to send them out two by two, and gave them authority over
    the unclean spirits. He charged them to take nothing for their journey except a
    staff; no bread, no bag, no money in their belts; but to wear sandals and not
    put on two tunics. And he said to them, "Where you enter a house, stay
    there until you leave the place. And if any place will not receive you and they
    refuse to hear you, when you leave, shake off the dust that is on your feet for
    a testimony against them." So they went out and preached that men should
    repent. And they cast out many demons, and anointed with oil many that were
    sick and healed them. Mark 6: 7-13.



    Nyob hauv zaj no, Yes Xus xa lawv mus, nws muab nws lub peev
    xwm rau lawv, lawv thiaj ntiab tau dab, thiab kho tau neeg mob zoo. Hauv no
    hais tias lawv siv roj pleev cov neeg mob, ces neeg mob zoo. Ua ntej ntawd, lawv yeej tsis txawj ua tau
    tej yam ntawd li, yog Yes Xus xa lawv thiab muab peev xwm rau lawv, lawv thiaj
    ua tau xwb.


    Niaj hnub no los peb cov txiv plig zoo ib yam li ntawd. Vim
    lawv tau txais Yes Xus lub peev xwm lawm, mas lawv thiaj daws txhaum tau. Yog nyob
    nyob ib tug txiv neej, tab txawm twb yogi b tug xib hwb, cia li los hais tias nws daws txhaum rau ib
    tug neeg, mas nws ua tsis tau, vim nws tsis tau txais Yes Xus lub peev xwm hauv
    lub Cim Tiag Tes ua leej choj. Peb
    ntseeg hais tias. Thaum peb mus daws txhaum ntawm ib tug txiv plig, mast sis yog
    txiv plig zam txhaum rau peb, tiam sis yog Yes Xus zam txhaum rau peb, vim txiv
    plig tsuas nyob ntawd sawv Yes Xus chaw xwb.


    Niaj hnub no los peb cov txiv plig yeej tseem nqa roj mus
    pleev rau tej tus neeg mob nyhav, txhawb zog rau lawv kom lawv ua siab loj tiv lawv
    tus mob. Qee zaum kuj ua rau lawv yeej lawv tus mob, lawv kuj zoo tau rov los
    thiab. Peb hu qhov no ua lub Cim Pleev Roj. Txiv plig tsis yog pleev roj xwb,
    nws tseem ua kev daws txhaum rau tus neeg mob tib si thiab.


    Nqi lus ob,
    Cov Txivplig Hmoob:
    Hloov tau cov mov nplej los ua Yexus cov ntshav.
    Kuv nug hais tias, cov Txivplig Hmoob puas ua tau li ntawd tiag?



    Kuv hais rau koj tias cov txiv plig Hmoob los puas tsuav yogi
    b tug txiv plig xwb, nws muaj lub peev xwm ua tau kom lub mov txia ua
    Yes Xus lub cev, thiab kom cov cawv txia ua Yes Xus cov ntshav tiag. Vim tus
    txiv plig tau txaiv Yes Xus lub peev xwm nyob hauv lub Cim Tiag Tes ua leej choj lawm. Tus txiv plig yuav tsis muaj peev xwm ua nws
    tus kheej, tiam sis nws sawv Yes Xus chaw ua xwb. Tus ua tiag tiag yog Yes Xus.
    Txiv plig rov ua ib yam nkaus li thaum ub Yes Xus tau ua: Nws tuav lub mov, nws tuav lub ntium cawv, nws foom hmoov zoo thov ntuj rau cov mov, cov
    cawv, nws hais Yes Xus cov lus kiag, “…nej txais mus nej noj, qhov no yog kuv
    lub cev, …nej txais mus nej haus, qhov no yog kuv cov ntshav…” Thaum txiv plig
    hais Yes Xus cov lus, ces lub sij hawm kiag ntawd, cov mov yog Yes Xus lub Cev
    lawm, cov cawv yog Yes Xus cov ntshav lawm.
    Peb tseem ntsia pom nws yog mov li qub, nws yog cawv li qub. Peb noj los
    tseem qab li mov thiab haus los tseem qab
    li cawv, tiam sis hauv peb lub siab ntseeg yog Yes Xus lawm tiag tiag. Qhov no
    yog kev ntseeg lawm, tsis yog kev uas yus yuav pom tau lawm.


    Nyob hauv Kas Tos Liv, peb yam uas kuv tau piav tas los no,
    lub Cim Daws Txhaum, lub Cim Yug (Yes Xus lub Cev thiab cov Ntshav), lub Cim
    Pleev Roj rau cov neeg mob, mas tsuas yog tus txiv plig thiaj ua tau xwb, ib
    tug xib hwb, ib tug deacon los ua tsis tau li, vim lawv tsis tau txais lub peev
    xwm los ua peb yam no.

    Sponsored content


    Cov Txivplig Hmoob Empty Re: Cov Txivplig Hmoob

    Post  Sponsored content


      Current date/time is 28th March 2024, 7:36 am