HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Zes Haum Vas cov Tim Khawv yog dab tsi? Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Yesterday at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


    Zes Haum Vas cov Tim Khawv yog dab tsi?

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Zes Haum Vas cov Tim Khawv yog dab tsi? Empty Zes Haum Vas cov Tim Khawv yog dab tsi?

    Post  Maiv Tooj 6th August 2010, 8:46 am

    Zes Haum Vas cov Tim khawv yog cov uas tsis ntev, tsis ntev nej pom tuaj khob nej qhov rooj ib zaug. Qhov ntau lawv tuaj ob leeg tas li xwb; thaum lawv tuaj mas nej ntsia kiag xwb yeej paub, lawb hnav tsoos tsho tshiab tshiab, tu cev du sais, nqa ib phau classeur ntawm tes thiab khuam ib lub hnav tawv. Lawv tuaj khob qhov rooj mas yog tuaj coj thiab yaum kom yus ntseeg lawv hom Kev Cai nkaus xwb.
    Keeb kwm yog thaj tsam 1830 muaj ib tug yawg As Mes Liv Kas npe hu ua William Miller tsim tau ib txoj kev ntseeg uas tsis muaj hauv paus hauv ntsis tawm tuaj. Txij thaum 1870 los mus, Yawg As Mes Liv Kas hu ua Charles Russel thiaj muab qhov uas yawg W.Miller tsim ntawd tshem tawm. Tab sis nws kuj khaws yawg Miller lub tswv yim yam puav uas nws pom tias muaj qab hau los xyaw rau txoj kev ntseeg thiab muab los qhia rau ib cov Tub Kawm Ntawv Ntshiab (Etudiants de la Bible).
    Thaum xyoo 1931, tus sawv los tuav Yawg Charles Russel qhov chaw yog yawg J.R Rutherford, thiaj muab cov Tub Kawm Ntawv Ntshiab nov tis npe hu ua "Zes Haum Vas cov Tim Khawv".
    Cov Zes Haum Vas cov Tim Khawv no kuj ua tau ib cov phau ntawv coj tuaj faib rau sawv daws thaum lawv tuaj khob yus qhov rooj. Lawv hais lus zoo heev, yog yus pib nrog lawv txuas lus lawm mas tham zaj tsis tag li, thiab ntxias yuam yus heev. Lawv txawj ntxias cov neeg uas lawv muaj kev ntxhov siab, nyuaj siab kom yuam kev mus ua lawv pawg. Vim lawv yog ib pab Sawv Saub ntseeg uas ntaim nws cov Ntseeg nyiaj txiag teeg tug los rau lawv lub Koom Haum Kev Ntseeg. Tsis tag li ntawd, lawv tseem dag tias neeg ntiaj teb yuav tsis paub tuag, luv ntiaj teb yuav yog lub Ceeb tsheej. Cov lus uas lawv hais nyob hauv cov phau ntawv lawv coj tuaj faib mas kuj yog lawv muab ntawm Ntawv Moo Zoo los sau rau ntau thiab xwb. Tab sis ntau yam mas lawv tsis hais li Tswv Ntuj cov lus lawm. Lawv hais raws li lawv lub siab xav kom tau coj mus qhia lwm tus ntxiv xwb.

    YOG MUAB LOS SIB PIV

    Tim Khawv Zes Haum Vas kev cai


    1/ Tswv Ntuj lub npe hu ua Zes Haum Vas
    (tab sis lub npe no cov txhai ntawm Ntawv Hes Nplaws,
    lawv txhais yuam kev lawm).
    Tswv Ntuj yog ib leeg Twm zeej xwb thiab nws muaj hwj huam tshaj,
    neeg tsuas muaj ntshai nws xwb.


    Kas Tos Liv txoj kev Ntseeg

    -Tswv Ntuj yog 3 tug Huab Tais koom ua ib tug Tswv Ntuj,
    muaj Leej Txiv, Leej Tub thiab Leej Ntuj Nplig.
    Nws nyiam thiab hlub peb heev,
    Nws muaj txoj kev hlub loj thiab txoj kev Zam ntau.
    Nws tsis ua rau peb ntshai, nws Cawm peb ntawm kev phem,
    Nws pub peb koom ib txoj sia nrog Nws.


    Tim Khawv Zes Haum Vas kev cai


    2/ Yes Xus tsis yog Tswv Ntuj,
    nws yog leej tib neeg ib yam sawv daws xwb.
    Nws tsis tau sawv hauv cov tub tuag rov los.
    Tab sis nws txia ua ib yam nyob hauv txoj kev ntseeg yog vim li ntawd,
    Niam Mab Liab thiaj ua ib tug neeg tsis paub dab tsi li.


    Kas Tos Liv txoj kev Ntseeg

    -Nyob hauv Ntawv Ntshiab,
    Ntawv Moo Zoo yeej tau sau tseg tias Yes Xus yog neeg thiab yog Tswv Ntuj tiag.
    Nws los ua neeg kom tau coj peb mus saum peb tus Huab Tais Tswv Ntuj.
    Yog Leej Ntuj Plig ua kom Leej Ntshiab Mab Liab xeeb Nws.
    Nws tau tuag saum Ntoo Cuam thiab ciaj rov los.



    Tim Khawv Zes Haum Vas kev cai


    3/ Neeg tus plig tsis nyob saum Ntuj,
    tsis nyob nruab yeeb; nws zoo ib yam li tej tsiaj li
    yog lub cev tuag ces nws nrog lub cev ploj lawm thiab.
    "Cov tuag yog ib cov tsiaj ruam tsis paub dab tsi, ".
    Muaj ob hom ciaj rov los: Saum Ntuj thiab ntiaj teb no.

    A. Lawv twb xaiv tsa tau 144.000 tus tuag ciaj rov los mus nyob saum Ntuj lawm.
    B. Ntiaj teb no yog rau cov neeg ncaj nyob mas lawv yuav tsis txawj tuag li...
    (Neeg tsis nyob ib txhiab ib txhis tab sis lawb kuj vam kawg li).



    Kas Tos Liv txoj kev Ntseeg

    Yes Xus tsa tau neeg cia rov los,
    vim nws tu kheej twb sawv hauv cov tub tuag rov los.
    Peb qhov uas peb tos, peb twb tau lawm.
    Qhov ntawd yog Yes Xus nrog peb nyob mus li.
    Thaum neeg tuag lawm, neeg txoj sia yuav tsis ploj,
    tab sis nws nyob rau ib qho uas qhov muag pom tsis tau,
    txawv hauv lub ntiaj teb no lawm xwb.
    Neeg tug ntsuj plig yuav tsis paub tuag.



    Tim Khawv Zes Haum Vas kev cai


    4/ Leej Ntuj Plig tsis yog ib tug muaj hwj huam,
    Tswv Ntuj lam tso ib vuag los kom neeg paub xwb.


    Kas Tos Liv txoj kev Ntseeg

    -Leej Ntuj Plig muaj hwj huam tag nrho,
    nws ntse ib tshaj tib neeg,
    nws nrog Tswv Ntuj ua koom ua ib tug Huab tais,
    nws muaj hwj chim heev, nws ua tau li Tswv Ntuj,
    nws qhia tswv Ntuj lub neej rau peb.


    Tim Khawv Zes Haum Vas kev cai


    5/ Leej twg tsis yog Zes Haum Vas Tim Khawv,
    tus ntawd yog dab phem: Cov coj lwm txoj kev cai,
    cov Tseem Hwv, cov Lij Choj, cov pab cov neeg txom nyem, thc....


    Kas Tos Liv txoj kev Ntseeg

    -Sawv dawxs puav leej yog Tswv Ntuj me nyuam.
    Tswv Ntuj tsim neeg los kho lub ntiaj teb mus rau qhov zoo
    thiab kom sawv daws muaj txoj kev thaj yeeb nyab xeeb.


    Tim Khawv Zes Haum Vas kev cai


    6/ Lawv ib sij tshaj ib zaug tias lub ntiaj teb yuav kawg.
    Zoo li lawv twb hais ntiaj teb yuav kawg rau xyoo 1914, 1925, 1975...
    Ib yam li lawv dag tias Has Nplas, Is Mas Es thiab Yas Kos
    yuav rov los xyoo 1925 tab sis ho tsis pom dab tshwm li...


    Kas Tos Liv txoj kev Ntseeg

    -Peb tsis paub hnub uas ntiaj teb yuav kawg
    thiab peb hais tsis tau tias Tswv Ntuj yuav kav
    lub ntiaj teb no mus txog thaum twg tiag.
    Tus Yaj saub twg hais tias yuav muaj yam ub yam no tshwm es ho
    tsis muaj mas tsis yog ib tug tseem yaj saub, yog cuav xwb.



    cache_12.jpg

      Current date/time is 28th March 2024, 10:23 pm