Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj Yesterday at 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj Yesterday at 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj Yesterday at 12:18 pm

» COV ZAJ NYEEM NRUAB LIS PIAM XYOO I 2016-2017
by Mim Yesterday at 5:41 am

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    COV NTSIAB LUS QHIA KEV NTSEEG RAU COV NEEG LAUS

    Share

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    COV NTSIAB LUS QHIA KEV NTSEEG RAU COV NEEG LAUS

    Post  Npuagtub on 31st August 2009, 7:04 am

    Nyob hauv Catholic txoj kev ntseeg, txhua tus neeg ntseeg yuav tsum tau kawm cov ntsiab lus (Topics) raws li hauv qab no ua ntej nws yuav txais (Lub cim Ntxhuav, cim Yug, cim Txhab Zog). Yuav siv sij hawm qhia 1 lub Ntsiab lus (Topic) ntev li 2-3 teev. 1 lis piam qhia ib zaug. Yuav siv li 2 xyoos kawm thiaj tau txais tas 3 lub cim li hais los no. Kuj muaj kev qhia thiab caij nyoog sib txawv me ntsis thiab, nyob ntawd tej lub teb chaws lawv kev coj.


    COV NTSIAB LUS QHIA KEV NTSEEG RAU COV NEEG LAUS

    COV NTSIAB LUS:

    1. Vim li cas Catholic thiaj coj lawv ua cov cim (signs, symbols).
    2. Kawm kev thov ntuj thiab kawm li HT. Yes xus qhia.
    3. Mus xyuas txhua yam muaj nyob hauv lub Tsev Teev Ntuj.
    4. Qhia Ntawv Ntshiab (Bible).
    5. Qhia kev sib pab sib cog kev phooj ywg.
    6. Qhia kev sib yuav thiab kev sib nrauj.
    7. Qhia Tswv Ntuj yog leej twg, Tswv Ntuj hu peb, Tswv Ntuj yog 3 leeg.
    8. Qhia txog Lub Txoos Teev Ntuj.
    9. Qhia txog lub caij tos Huab Tais thiab lub caij ua hmoov HT. Yes xus yug los.
    10. Qhia kev ntseeg lub ntsiab & keeb kwm kev ntseeg.
    11. Qhia txog Leej Ntshiab Mabliab, Teev saw Mabliab, thiab cov leej Ntshiab.
    12. Qhia txog Ntuj tsim teb raug ( Genessis).
    13. Qhia lub Cim daws Txhaum.
    14. Qhia txog Yesxus, Tswv ntuj, thiab tib neeg.
    15. Qhia lub Cim Ntxuav.
    16. Qhia txog lub caij 40. (Lent).
    17. Qhia txog keeb kwm lub cim yug, cov zaj ntawv ntshiab, thiab lub txoos teev ntuj nyob hauv peb lub neej. thiab qhov muaj tseeb tam sis no.
    18. Lub Cim Pleev. Rau cov neeg mob.
    19. Lub Cim cog lus ua txij ua nkawm thiab lub cim thiag tes ua Leej Choj.
    20. Lub Cim Txhab Zog.
    21. Lub caij HT. Yes xus sawv rov los.
    22. Qhia kev coj thiab cwj pwm ntawm neeg txoj kev nyiam thiab paub.
    23. Keeb Kwm kev cai ntseeg.
    24. Qhia thiab hloov yus tus cwj pwm kev coj.
    25. Leej Tswv Yim Ntshia,thiab cov paj tshab ntawm Leej tswv yim Ntshiab.
    26. Yog peb muaj txoj kev ntseeg loj, peb yuav mus pab luag tej li cas?
    27. Tswv Ntuj 10 lo lus qhia.
    28. Kev thov Ntuj nyob ntsia to.


    Kev cai kawm kev ntseeg qhov tsawg yuav tsum tau kawm cov nqi saum toj no kom tas. yog kawm ntau dua no yim huab zoo.


    Last edited by XH. Npuagtub on 29th August 2011, 2:05 pm; edited 1 time in total



    Photobucket

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    LUB CAIJ TOS HUAB TAIS YX. ( ADVENT).

    Post  Npuagtub on 26th November 2009, 5:34 am

    Nyob zoo cov phooj ywg,

    Lub caij ua hmoov tsuj xeeb Huab Tais Yes Xus yug los ( Christmas ) twb los yuav txog.
    Xyoo no luv caij tos Huab Tais (Advent) pib rau hnub Chiv 29 /11/ 2009. Cov phooj ywg kuv yuav tso ib qho cim qhia txog lub caij tos Huab Tais rau nej:

    Photobucket

    Pib txij li hnub Chiv 29 /11/ hlis no nyob hauv txhua lub tsev teev ntuj Catholic nej yuav pom muaj ib lub rooj nyob ze ntawm lub thaj txi ntuj, muaj 4 tug tswm ciab zoo li daim duab saum toj no. 4 tug tswm ciab muaj 3 tug yog xim xiav liab, hos muaj ib tug yog xim paj yeeb liab dawb. 4 tug tswm ciab yog lub cim sawv chaw ntawm 4 hnub Chiv ua ntej yuav txog hnub Christmas. 3 tug tswm ciab xim xiav liab yog lub cim qhia ua ntej kom peb npaj siab tos lub caij Huab Tais Yes Xus yuav yug los. Kom peb yuav tau daws txhaum, yoo noj yoo haus, tu siab tu ntsws kom peb tsim nyog tos txais Huab Tais Yes xus tus ntsuj plig yus los nyob hauv peb siab. Tus tswm ciab xim liab paj yeeb dawb, yog lub cim qhia tias lub caij los txog ze lawm, tshuav 1/2 hnub xwb ces txog hnub Christmas lawm.

    4 tug tswm ciab, yuav taws ib tug rau ib hnub chiv zuj zus mus thaum txog hnub chiv 4 uas yuav txog hnub Chistmas, 12/25. Tsoom phooj ywg sawv daws, nej puas tau npaj tiav nej tus kheej, nej puas tau npaj nej txoj kev ncaj kev du rau Huab Tais yuav tuaj? Saib txoj kev kaj puas yuav tuaj nyab nej tej siab ntsws?

    THOV KOM HUAB TAIS YES XUS TUS NTSUJ PLIG YUG LOS NYOB HAUV NEJ SAWV DAWS NRUAB SIAB.


    Last edited by XH. Npuagtub on 29th August 2011, 2:04 pm; edited 1 time in total



    Photobucket

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: COV NTSIAB LUS QHIA KEV NTSEEG RAU COV NEEG LAUS

    Post  Maiv Paj Lug on 3rd January 2010, 7:59 am

    Npuag Tub wrote:Nyob hauv Catholic txoj kev ntseeg, txhua tus neeg ntseeg yuav tsum tau kawm cov ntsiab lus (Topics) raws li hauv qab no ua ntej nws yuav txais (Lub cim Ntxhuav, cim Yug, cim Txhab Zog). Yuav siv sij hawm qhia 1 lub Ntsiab lus (Topic) ntev li 2-3 teev. 1 lis piam qhia ib zaug. Yuav siv li 2 xyoos kawm thiaj tau txais tas 3 lub cim li hais los no. Kuj muaj kev qhia thiab caij nyoog sib txawv me ntsis thiab, nyob ntawd tej lub teb chaws lawv kev coj.

    COV NTSIAB LUS:

    1. Vim li cas Catholic thiaj coj lawv ua cov cim (signs, symbols).
    2. Kawm kev thov ntuj thiab kawm li HT. Yes xus qhia.
    3. Mus xyuas txhua yam muaj nyob hauv lub Tsev Teev Ntuj.
    4. Qhia Ntawv Ntshiab (Bible).
    5. Qhia kev sib pab sib cog kev phooj ywg.
    6. Qhia kev sib yuav thiab kev sib nrauj.
    7. Qhia Tswv Ntuj yog leej twg, Tswv Ntuj hu peb, Tswv Ntuj yog 3 leeg.
    8. Qhia txog Lub Txoos Teev Ntuj.
    9. Qhia txog lub caij tos Huab Tais thiab lub caij ua hmoov HT. Yes xus yug los.
    10. Qhia kev ntseeg lub ntsiab & keeb kwm kev ntseeg.
    11. Qhia txog Leej Ntshiab Mabliab, Teev saw Mabliab, thiab cov leej Ntshiab.
    12. Qhia txog Ntuj tsim teb raug ( Genessis).
    13. Qhia lub Cim daws Txhaum.
    14. Qhia txog Yesxus, Tswv ntuj, thiab tib neeg.
    15. Qhia lub Cim Ntxuav.
    16. Qhia txog lub caij 40. (Lent).
    17. Qhia txog keeb kwm lub cim yug, cov zaj ntawv ntshiab, thiab lub txoos teev ntuj nyob hauv peb lub neej. thiab qhov muaj tseeb tam sis no.
    18. Lub Cim Pleev. Rau cov neeg mob.
    19. Lub Cim cog lus ua txij ua nkawm thiab lub cim thiag tes ua Leej Choj.
    20. Lub Cim Txhab Zog.
    21. Lub caij HT. Yes xus sawv rov los.
    22. Qhia kev coj thiab cwj pwm ntawm neeg txoj kev nyiam thiab paub.
    23. Keeb Kwm kev cai ntseeg.
    24. Qhia thiab hloov yus tus cwj pwm kev coj.
    25. Leej Tswv Yim Ntshia,thiab cov paj tshab ntawm Leej tswv yim Ntshiab.
    26. Yog peb muaj txoj kev ntseeg loj, peb yuav mus pab luag tej li cas?
    27. Tswv Ntuj 10 lo lus qhia.
    28. Kev thov Ntuj nyob ntsia to.

    Kev cai kawm kev ntseeg qhov tsawg yuav tsum tau kawm cov nqi saum toj no kom tas. yog kawm ntau dua no yim huab zoo.

    XH Npuagtub koj puas tau khoom tuaj qhia thiab sau cov kev cai txog cov qib lus koj teem muaj 28 qhob saum no rau peb kawm os....muaj tej cov kuv tseem tsis tau paub tag ces kuv tseem xav paub thiab , ua koj tsaug ntau nawb, yog koj khoom thaum twg no tuaj sau peb kawm mog.

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: COV NTSIAB LUS QHIA KEV NTSEEG RAU COV NEEG LAUS

    Post  Npuagtub on 3rd January 2010, 1:51 pm

    Sister Mp,

    Cov ntsiab lus kuv tau tso hauv no yeej yog cov peb qhia nyov hauv peb lub tsev kawm kev ntseeg ib lub xyoo nkaus. Cia kuv mam li xyuas saib puas muaj sij hawm txaus zoo qhia nyob hauv Forum no, Ua tsaug rau nws cov lus tuaj nug hnub no.



    Photobucket

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: COV NTSIAB LUS QHIA KEV NTSEEG RAU COV NEEG LAUS

    Post  Npuagtub on 5th January 2010, 2:52 pm


    LUB CIM COG LUS UA TXIJ NKAWM

    Ua ntej peb yuav los mus sib coj kawm txog lub cim cog lus sib yuav ua txij nkawm, mas peb yuav tau los mus nyeem ib zaj ntawv los pab peb txoj kev sib nyaim sib hlub nyob hauv txoj kev ua txij nkawm tso:

    COV LUS NYOB HAUV NTAWV ESFESXOS 5: 2+21-33

    Nej yuav taug txoj kev nyiam,
    raws li Leej Pleev tus lwj lwm,
    uas nws nyiam peb, nws siv nws txoj sia los pab peb
    nws rov muab nws cev xws li ib tug tsiaj
    hlawv txi Ntuj tsw qab mus rau Tswv Ntuj.

    Nej yuav rov sib mloog hais, vim nej hwm Leej Pleev.
    Cov poj niam yuav mloog lawv tus txiv lus,
    ib yam li mloog Huab Tais.
    Tus txiv yog poj niam tus tswv,
    ib yam li Leej Pleev yog lub Koom Txoos tus Tswv

    thiab yog tus cawm lub cev.

    Lub Koom Txoos mloog Leej Pleev lus.
    Ua li mas cov poj niam kuj yuav
    mloog lawv tus txiv lus.
    Nej cov ua txiv, nej yuav hlub nej cov poj niam
    xws li Leej Pleev hlub lub Koom Txoos.


    Leej Pleev muab nws txoj sia los cawm lub Koom Txoos.
    Leej Pleev ua kom lub Koom Txoos ntshiab
    tuaj thiab huv tuaj, nyob hauv cov dej uas
    ntxuav lawv, nrog lo lus ib txhij hais.
    Vim Yes Xus xav cev ib lub Koom Txoos ci ntsa iab rov rau nws
    ib lub Koom Txoos uas tsis tsuas ib tee qias
    lub ntsej muag tsis muaj ib kab txoom
    tsis muaj ib yam xyeej.
    Ces nws thiaj yuav tau ib lub Koom Txoos ntshiab.

    Ua li mas, cov ua txiv yuav hlub lawv cov poj niam,
    ib yam li lawv lub cev kiag.
    Nyiam yus tus poj niam, yog rov nyiam yus kiag.
    Tsis muaj leej twg yuav ntxub nws lub cev
    yus yug yus lub cev, thiab yus tu kom zoo.

    Leej Pleev ua zoo li ntawd rau lub Koom Txoos
    peb tsis yog cov tes taw hauv Leej Pleev lub Cev lod ?
    Vim li ntawd, tus txiv neej yuav tso nws niam nws txiv tseg,
    mus nrog nws poj niam ua ib nkawg.
    Nkawd ob leeg yuav ua ib lub cev xwb.


    Lo lus tob no muaj ib lub ntsiab loj
    kuv xav qhia tias, lo lus tob no
    hais txog Leej Pleev thiab lub Koom Txoos.
    Hos, hais txog nej, mas nyias yuav nyiam
    nyias tus poj niam, ib yam li nws nyiam nws lub cev.
    Tus poj niam kuj yuav hwm tus txiv ib yam li nws lub tob hau.


    1. LEEJ TWG UA KOM TIB NEEG TXAWJ UA TXIJ NKAWM ?

    Nws yog Tswv Ntuj tus tsim tas 100 tsav yam yog tus tsim kom muaj tus txiv neej thiab tus poj niam, nws muab nkawd sib sau ua ib nkawg vim nws txoj kev hlub neeg. Saib nyob hauv ntawv cheev keeb: Zaj 2:21-25.

    2. LUB CIM COG LUS UA TXIJ NKAWM YOG UA DAB TSI ?

    Nws yog ib lub txiaj ntsim muaj nuj nqis loj thiab zoo heev kawg tuaj ntawm Tswv Ntuj tuaj pab coj, txhawb thiab ntxiv zog rau ob tug sib sau los ua txij nkawm lub neej. Kom nkawd muaj txoj kev sib nyiam sib hlub loj hlob nyob ruaj khov thiab huam vam mus thoob ntiaj teb thiab txawj coj zoo raws li Tswv Ntuj lub siab nyiam nyob hauv lub Koom Txoos txoj kev ntseeg.

    3. LEEJ TWG THIAJ UA TAU LUB CIM COG LUS UA TXIJ NKAWM ?

    Raws li nyob hauv Koom Txoos Roman Catholic mas tus leej Tsob Hwb ( Deacon ), Txiv Plig thiab Txiv Tswv Qhia, thiaj li ua tau lub cim Cog Lus ua txij nkawm rau cov yuav sib sau ua txij nkawm.

    4. LUB TXOOS UA LUB CIM COG LUS SIB YUAV UA NYOB QHOV TWG ?

    Nyob hauv Koom Txoos Roman Catholic txoj kev ntseeg mas lawv tsuas ua nyob hauv lub tsev teev ntuj xwb. lawv tsis mus ua nyob rau sab nraud uas tsis yog tsev teev ntuj.

    5. COV NEEG ZOO LI CAS THIAJ TXAIS TAU LUB CIM COG LUS UA TXIJ NKAWM ?

    Txhua tus neeg ntseeg Catholic puav leej txais tau lub cim cog lus ua txij nkawm. tiam sis yog ob tug yuav sib yuav ua txij nkawm ntawd ib tug tsis tau txais lub cim Ntxuav (Baptism) mas Txiv plig tsuas ua lub cim cog lus qhuav xwb tsis ua lub txoos teev ntuj muaj lub cim yug (Eucharist) rau nkawd txais. Hos yog nkawd ob leeg yog neeg ntseeg Catholic thiab txais lub cim Ntxuav (Baptism) lawm mas Txiv plig thiaj li ua ib lub txoos muaj lub cim yug rau nkawd txais thiab rau cov neeg tuaj nyob hauv txais.

    6. COV NEEG TXAIS LUB CIM COG LUS UA TXIJ NKAWM, PUAS SIB NRAUJ TAU ?

    Raws li nyob hauv Tswv Ntuj txoj caij thiab lub Koom Txoos txoj cai mas yuav tsis pub sib nrauj li. tiam sis yog tias khub txij nkawm uas muaj teeb meem loj heev es yog tsis muab sib txhem nyias nyob nyias mas nkawd yuav muaj kev puas ntsoog loj rau nkawd no mas lawv kuj cia nkawd sib cais nyias nyob nyias thiab, tiam sis lub Koom Txoos tsis muab cai rau nkawd sib nrauj.

    7. IB TUG NEEG SIB NRAUJ PUAS NYOB TAU HAUV LUB KOOM TXOOS CATHOLIC ?

    Tus neeg sib yuav hauv Catholic kev ntseeg, ho sib nrauj mas nws yeej tseem nyob tau hauv lub Koom Txoos thiab tiam sis nws yuav txais tsis tau lub cim yug (Eucharist)thiab nws kuj ua tsis tau cov hauj lwm nyob hauv lub Koom Txoos.

    - Yog tus neeg tau sib rauj ntawd nws tsis yog tus ua kom nkawd sib nrauj los puas nws tsis yog tus txhaum mas nws kuj yuav txais tau lub cim Yug thiab, tiam sis ua ntej nws yuav txais lub cim Yug tom qab nkawd sib nrauj mas nws yuav tau mus ntsib Txiv Plig thiab ua lub cim daws txhaum tas tso nws thiaj li tuaj txais tau lub cim Yug raws li txhua leej.

    8. IB NKAWM NIAM TXIV TXAIS LUB CIM COG LUS TAU PES TSAWG ZAUS ?

    Nkawd tsuas txais tau ib zaug thaum nkawd sib sau los ua txij nkawm xwb.
    Tiam sis yog nkawd ob leeg muaj ib tug tau tas sim neej los yog lwm yam sib tso tseg es ib tug ho mus yuav dua lwm tus los ua txij nkawm no mas lub Koom Txoos kuj yuav tau ntsuam xyuas saib puas yuav tsim nyog ua tau lub Cim Cog lus rau, yog tias tsim nyog mas lawv thiaj li ua rau, nyob rau ntawd yam teeb meem kev sib tso ntawd saib yog li cas..

    9. LUB KOOM TXOOS CATHOLIC PUAS UA LUB CIM COG LUS RAU TXIV THIAB TXIV NEEJ SIB YUAV LOS YOG POJ NIAM THIAB POJ NIAM SIB YUAV ?

    Thaum lub hauv paus chiv keeb, Tswv Ntuj xub tsim tus txiv neej, ces nws ua dab ntub los laum tus txiv neej tsaug zog, nws thiaj li rho tus txiv neej ib tug tav los puab ua tus poj niam thiab coj mus rau tus txiv neej yuav ua nws tus txij nkawm.
    Tswv Ntuj foom kom nkawm muaj tub ki huam vam mus puv ntiaj teb. Tswv Ntuj tsis tau tsim txiv neej thiab txiv neej los sib yuav los poj niam thiab poj niam los sib sau ua txij nkawm.
    Lub Koom Txoos kuj tsis ua lub cim cog lus rau cov nkawm neeg zoo li no.

    10. YOG TIAS NKAWM NIAM TXIV NTAWD IB TUG TSIS TAU NTXUAV PLIG, UA PUAS TAU LUB CIM NTXUAV NROG LUB CIM COG LUS ?
    Lub Koom Txoos kuj ua tau thiab tiam sis yuav tsum yog tus tsis tau ntxuav plig, yuav tau mus ntsib Txiv Plig thiab yuav tsum kawm txoj kev ntseeg kom paub tso mas thaum txog hnub ntawd Txiv Plig thiaj li xub ua lub Cim Ntxuav ua ntej tas mas mam li ua lub cim cog lus tom qab, lub sij hawm ntawd nkawd ob leeg thiaj li tau txais lub Cim yug ua ke li txoj cai muaj.




    Last edited by XH. Npuagtub on 29th August 2011, 12:52 pm; edited 2 times in total



    Photobucket

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: COV NTSIAB LUS QHIA KEV NTSEEG RAU COV NEEG LAUS

    Post  Npuagtub on 7th January 2010, 7:26 pm


    Photobucket
    HUAB TAIS NTUJ 10 LO LUS QHIA
    Kev tsiv (Exodus): 20, 1-21


    1
    1
    Koj yuav teev
    Huabtaisntuj ib leeg xwb

    Photobucket
    2
    Koj yuav hwm
    Huabtaisntuj Lub Npe

    Photobucket
    3
    Koj yuav caiv
    Huabtaisntuj hnub

    Photobucket
    4
    Koj yuav hwm
    koj niam koj txiv

    Photobucket
    5
    Koj tsis txhob
    tua neeg
    Photobucket
    6
    Koj tsis txhob
    zes luag txij luag nkawm

    Photobucket
    7
    Koj tsis txhob
    nyiag luag teej luag tug
    Photobucket
    8
    Koj tsis txhob
    dag rau luag tej
    Photobucket
    9
    Koj tsis txhob
    tso koj lub siab
    ntshaw zes luag txij luag nkawm

    Photobucket
    10
    Koj tsis txhob
    tso koj lub siab
    ntshaw nyiag luag teej luag tug


    Tswv Ntuj kaum lo lus qhia.
    Kev Tsiv, 20 : 1 - 21.

    1 Tswv Ntuj hais cov lus no : 2 "Kuv yog HUAB TAIS, koj tus Tswv Ntuj, yog tus ua kom koj dim ntawm Hais Nkws Tos teb los, dim ntawm txoj kev ua luag qhev. 3 Koj yuav tsis txhob muaj dua lwm tus tswv ntuj. 4 Koj yuav tsis txhob puab ib tug mlom los ib tug duab zoo li tej yam nyob saum ntuj, los tej yam nyob hauv ntiaj teb no, los tej yam nyob hauv qab thu dej. 5 Koj yuav tsis txhob pe cov mlom ntawd, txhob tsob hwb lawv, vim kuv yog HUAB TAIS thiab yog koj tus Tswv Ntuj, kuv yog ib tug Tswv Ntuj muaj khib, cov uas ntxub kuv, mas kuv rau txim rau phaj tub thiab phaj xeeb ntxwv thiab phaj xeeb ntxwv cov xeeb ntxwv tom qab, vim phaj txiv tau ua txhaum rau kuv. 6 Hos cov nyiam kuv thiab ua raws kuv cov lus qhia, mas kuv hlub lawv thiab pub txiaj ntsha txiaj ntsim ntau rau txhiab leej vam leej mus tiam dhau tiam.

    7 Koj yuav tsis txhob hu txog koj tus HUAB TAIS Tswv Ntuj lub npe mus ua tej yam tsis zoo, vim HUAB TAIS yuav tsis zam txim rau tus neeg uas tuav txog nws lub npe dog dig. 8 Koj yuav nco ntsoov caiv hnub xas npas tos, koj yuav muab saib ua ib hnub ntshiab. 9 Koj ua hauj lwm rau hnub, 10 tab sis hnub xya yog hnub caiv xas npas tos rau koj tus HUAB TAIS Tswv Ntuj. Koj yuav tsis txhob ua ib yam hauj lwm dab tsi li. Koj thiab koj tus tub, koj tus ntxhais, koj tus tub txib, koj tus ntxhais txib, koj cov tsiaj txhu, tus qhua uas tuaj nyob hauv koj tsev, nej sawv daws yuav tsis txhob ua hauj lwm li. 11 Vim tias HUAB TAIS tau ua hauj lwm rau hnub los tsim lub ntuj, lub ntiaj teb, lub hiav txwv, thiab tas puas tsav yam nyob hauv, tiam sis hnub xya nws so, vim li ntawd HUAB TAIS tau foom hmoov zoo rau hnub xya, nws muab hnub xya qee ua ib hnub ntshiab. 12 Koj yuav hwm koj niam thiab kojtxiv, koj thiaj yuav tau nyob ntev niaj ntau xyoo hauv lub ntiaj teb uas koj tus HUAB TAIS Tswv Ntuj muab pub rau koj. [color=red]13 Koj yuav tsis txhob tua neeg. 14 Koj yuavtsis txhob zes luag txij luag nkawm. 15 Koj yuav tsis txhob ua tub sab tub nyiag. 16 Koj yuav tsis txhob liam rau luag tej. 17 Koj yuav tsis txhob ntshaw txeeb luag vaj luag tsev. Koj yuav tsis txhob ntshaw txeeb luag tus poj niam, luag tus tub txib, luag tus ntxhais txib, luag tus nyuj los tus luj, los ib yam dab tsi uas yog luag tug."

    18 Tas tsoom pej xeem pom tias xob quaj xob nroo nrov doog diaj thiab xob laim liab vog, suab hom nrov doog diaj, hos lub roob ncho pa lug, ces lawv ntshai, lawv nyob nrug deb. 19 Lawv thiaj hais rau Mais Xes tias : "Cia koj hais lus rau peb xwb, peb yuav mloog koj hais, kom Tswv Ntuj txhob hais lus rau peb, yog nws hais mas peb yuav tuag." 20 Mais Xes thiaj hais rau tsoom pej xeem tias : "Nej tsis txhob ntshai, yog Tswv Ntuj xav sim nej siab nws thiaj tuaj, nws xav kom txoj kev ntshai nws nyob rawv hauv nej nruab siab, ces nej thiaj yuav tsis ua txhaum." 21 Tsoom pej xeem sawv nrug deb, hos Mais Xes txav mus ze ntawm twv huab dub nciab uas Tswv Ntuj nyob.


    Photobucket





    Last edited by XH. Npuagtub on 30th August 2011, 2:03 pm; edited 4 times in total



    Photobucket

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: COV NTSIAB LUS QHIA KEV NTSEEG RAU COV NEEG LAUS

    Post  Maiv Paj Lug on 8th January 2010, 12:01 pm

    WOWOW...............sau tau zoo thiab tso tau duab zoo nkauj tiag li os koj na XH Npuagtub.....ayaj koj los yeej tseem tseem Ph.D Li lawm thiab tiag li lauj.....cas yuav sau tau zoo ua luaj no thiab, kuv mas ua Tswv Ntuj tsuag tseem pub ib tug XH siab zoo li koj tuaj qhia kev cai kawm pub rau peb hauv Hmong Catholique no thiab nawb mog XH Npuagtug. Zoo siab dhau lawm lau hmo no kuv yuav mus pw luag ntxhi vim kuv zoo siab heev li, zoo li nyeem tej lus no mas tuaj ntawm Leej Tswv yim Ntshiab tuaj lawm tiag tiag. Ua koj tsaug tseem tuaj qhia pub rau peb tau kawm thiab nawb mog.

    Tag kis kuv yuav tuaj nyeem 2 3 lwm ntxiv thiab tso ....hehe.

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: COV NTSIAB LUS QHIA KEV NTSEEG RAU COV NEEG LAUS

    Post  Npuagtub on 9th January 2010, 7:25 am

    UA CAS CATHOLIC THIAJ UA COV CIM HAUV LAWV TXOJ KEV NTSEEG ?

    Photobucket


    UA LUB CIM NTOO CUAM :

    Cov neeg ntseeg Catholic niaj hnub ua lub Cim ntoo cuam, muaj coob leej kuj tsis paub lub ntsiab thiab cov txiaj ntsim ntawm lub cim ntawd thiab. Tiam sis nws yog ib lub cimmuaj lub ntsiab tob heev thiab muaj zog loj nyob hauv cov ntseeg lub neej, hauv txoj kev thov ntuj ib txwm yeej muaj thaum ub ntev los.

    LUB CIM NTOO CUAM TSWM SIM THAUM TWG ?

    Lub cim ntoo cuam, nws yog ib yam tau muaj tswm ntev heev thaum ub nyob hauv cov neeg ntseeg ntuj lawv txoj kev thov ntuj los tau ntau tiam. Tiam sis peb kuj tsis pom muaj sau hais txog nyob hauv cov zaj ntawv (Holy Bible). Nyob hauv tiam 4 mas tus leej Ntshiab Basil tau hais kom ua lub cim ntoo cuam nyob hauv lub cim Ntxuav los ntawd Huab Tais Yes Xus cov Hauv paus xa lus. Xws li leej Ntshiab Paj Lug (St. Paul) tau hais tias; cia nws muab Leej Pleev lub cim los tso saum nws lub cev. NKLT,zaj 6:17, zoo ib yam li nws ua lub cim ntoo cuam.

    LUB CIM NTOO CUAM MUAJ LUB NTSIAB LI CAS ?

    Kev ua lub cim ntoo cuam mas kuj muaj ntau lub ntsiab tiam sis kuv tsuas sau 6 lub ntsiab tseem ceeb raws li ua muaj cov lus nrog thiab ua tsis muaj lus nrog.
    Lub cim ntoo cuam yog: ib qho kev lees txoj kev ntseeg; rov yug dua tshiab nyob hauv lub cim Ntxuav; ua Tswv Ntuj cov hauj lwm raws lub Moo Zoo; Txaus siab txais txhua yam kev txom nyem ib yam li Huab Tais Yes Xus; Tiv thais thiab tawm tsam dab phem kev tsis zoo; kev muaj yeej ntawm tas txhua yam nyob hauv Leej Pleev lub npe.

    1. Thaum koj ua lub cim ntoo cua lees txoj kev ntseeg, mas yog koj lees koj tus kheej tias koj yeej ntseeg tiag raws li cov Hauv paus xa lus tej lus qhia, koj lees los ntseeg txog Leej Txiv, Leej tub thiab Leej Ntuj Plig Ntshiab lub npe.

    Thaum koj hais lus tias: Hu txog Leej Txiv, Leej Tub thiab Leej ntuj Plig lub npe, Ua li; uas yog koj hais thov ntuj rau tej tus neeg los yog rau koj tus kheej mas tam sis ntawd Tswv Ntuj yuav tuaj nyob nruab nrab ua ke ntawd, yog li no lub Koo Txoos thiaj li khaws coj tseg cia muaj nyob hauv cov zaj ntawv ntshiab los txog niaj hnub no.

    2. Rov yug dua tshiab nyob hauv lub cim Ntxuav: thaum koj ua lub cim ntoo cuam li no mas koj yuav xav txog thiab hais hauv koj nruab siab tias; koj yeej nrog Leej Pleev tuag, nrog nws sawv rov los muaj txoj sia tshiab nyob mus li. Kev ua lub cim ntoo cuam nyob hauv lub cim Ntxuas nws zoo li ib txoj kev cog lus coj koj lub cev los nrog Huab Tais Yes Xus Pleev nyob ua ke, Thaum koj ua Ntoo cuam lub cim zoo li ntawd mas yog koj rov nco txog tias koj koom nyob hauv Leej Pleev lub cev thiab nws yog koj tus Tswv.

    THAUM LUB SIJ HAWM ZOO LI CAS COV CATHOLIC UA NTOO CUAM LUB CIM ?

    Thaum lawv mus hauv tsev teev ntuj, thaum lawv teev ntuj thaum pib thiab thaum tas, thaum lawv muaj kev txhawj, ntshai tsis tau luag, Thaum lawv thov ntuj thiab thov ntuj tas, Thaum lawv yuav noj mov, thaum lawv yuav mus pw, thiab thaum lawv pw sawv.
    Kuj ua ntoo cuam lub cim rau thaum ua lub cim Ntxuav, cim qaws txhaum los thaum foom hmoov zoov rau neeg los yog rau tej yam khoom xws li phau ntawv Ntshiab (Holy Bible) thiab lwm yam uas nyob hauv txoj kev ntseeg catholic.

    THAUM NYEEM TSAB NTAWV MOO ZOO (GOSPEL) CAS HO UA LUB CIM NTOO CUAM ?

    Thaum nyeem tsab ntawv Moo Zoo, mas ua lub cim ntoo cuam txawv zog thaum thov ntuj los yog yuav pib teev ntuj. kev ua ntoo cuam lub cim thaum nyeem ntawv Moo Zoo mas muab tus ntiv tes xoo ua xwb: 1. ua ntawm hauv pliaj 2. ua ntawm di ncauj 3. ua ntawm hauv siab.

    UA NTAWM HAUV PLIAJ: qhia tias ntseeg txog cov lus nyeem nyob hauv tsab ntawv Moo Zoo (Gospel).
    UA NTAWM DI NCAUJ: yog qhia tias, peb hwm tsab ntawv Moo Zoo thiab peb yuav coj lub Moo Zoo mus tshaj rau neeg ntiaj teb paub.
    UA NTAWM HAUV SIAB: yog qhia tias, peb ntseeg cov lus hauv ntawv Ntshiab, thiab peb yuav khaws cia rau peb nruab siab.

    UA NTOO CUAM LUB CIM:

    koj muab koj tus ntiv tes xoo nyem nrog tus ntiv tes nta thiab tus ntiv nrab ua ib txaum, ces 1. koj pib ua ntawm hauv pliaj ua ntej, ( Hu txog Leej Txiv) 2. ua los rau ntawm hauv siab ( Leej Tub ) 3. ua los rau sab xub pwg laug tas mam li los xaus rau xab xub pwg xis (thiab Leej Ntuj Plig lub npe) Ua li.



    Last edited by XH. Npuagtub on 29th August 2011, 3:19 pm; edited 1 time in total



    Photobucket

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: COV NTSIAB LUS QHIA KEV NTSEEG RAU COV NEEG LAUS

    Post  Npuagtub on 24th January 2010, 8:40 pm


    Ua Ib Tug Neeg Ntseeg Yog Zoo Li Cas ?

    Yog txhuag leej txhua tus xav tau kev nyob kaj siab !
    Tiam sis yog txoj kev zoo siab tiag ntxawv ntawm txoj kev to taub nyob hauv yus txoj kev ua neej.
    Vim Li Cas Kuv Thiaj Ntseeg Ntuj ?Vim Tswv Ntuj Yog Tus Tsim Kuv Thiab Nws Hlub Kuv.
    Tswv Ntuj tau Tsim Peb los kom muaj kev zoo siab rau peb tus kheej nyob nrog Tswv Ntuj thiab
    Saib xyuas ua txhua yam Tswv Ntuj tau tsim los.

    Vim Li Cas Kuv Thiaj Nyob Qhov No ?

    Thaum peb paub txog Tswv Ntuj txoj kev hlub peb thiab yog peb coj ua raws li nws cov lus qhia
    ces peb lub neej yuav taw paj txi txiv ncw.

    Lub Neej thiab kev thaj yeeb.
    6. Yam uas lub cev ntshaw txog, yog txoj kev tuag. Yam uas lub tswv yim ntshaw
    txog, yog txoj sia thiab txoj kev kaj siab lug.
    Los Mas 8:6

    Leej Ntuj Plig Lub Zog.
    26. Leej Ntuj Plig tuaj nres peb cov neeg tsis muaj zog. Peb tsis paub thov dab tsi kom peb txoj kev teev Ntuj ntxim Tswv
    Ntuj siab. Tab sis Leej Ntuj Plig sawv 28 peb chaw thov Ntuj rau peb : nws hais cov lus uas neeg piav tsis tau.
    Peb paub tias Tswv Ntuj nres cov neeg nyiam nws, nws nrog cov uas mloog nws lub suab hu ua hauj lwm, kom lawv
    tau qhov zoo, raws li tus nru lus uas nws npaj.
    Los Mas. 8:26-28

    Kev tso siab.
    31 Peb yuav hais dab tsi ntxiv ? Yog Tswv Ntuj tuaj peb tog, mas leej twg yuav tiv peb ?
    Los Mas. 8:31

    Kev ywj pheej.
    39 tas txhua yam nyob saum ntuj thiab nyob nruab yeeb, txhua yam uas Ntuj tsim los : yeej tsis muaj ib yam
    yuav cais tau peb ntawm tus Tswv Ntuj uas nyiam peb nyob hauv peb tus Huab Tais Yes Xus Pleev.
    Zam 8:39

    Nyob Nyab Xeeb.
    32 Nej yuav paub qhov tseeb, ces txoj kev tseeb yuav ua kom nej twj lij."
    36 Yog Leej Tub ua kom nej twj lij, mas nej thiaj ua tsheej neeg twj lij.
    Los Mas 8:32,39

    Txiam Ntsim.
    19 Kuv tus Tswv Ntuj pom tias, nej yuav tsum muaj dab tsi, ces nws thiaj pub tej ntawd rau nej,
    nws yuav pauj qhov nej tau pub rau kuv, vim nws nplua nuj, thiab nws siab dav nyob hauv Yes Xus Pleev.
    Fis Lis Pos 4:19

    Yog Teeb Meem Dab Tsi ?

    Thaum chiv keeb, neeg yeej ib txwm muaj kev xav ua tus Tswv kav tas txhua yam zoo li Tswv Ntuj
    ces neeg thiaj li tsis mloog raws li Tswv ntuj cov lus qhia coj neeg lub neej.

    Dab Tsi Thiaj Cawm Tau ?

    Yes Xus hais tias....
    "KUV YOG TXOJ KEV, YOG QHOV TSEEB,
    thiab yog TXOJ SIA. Tsis muaj leej twg mus cuag tau
    Leej Txiv, yog TSIS MUS NTAWM KUV MUS!"
    Zam 14:6

    HUAB TAIS YES XUS TWB TAU RHUAV TSHEM
    LUB KEEB TXHAUM TXOJ KEV TUAG LAWM
    YOG TUS NTSEEG TXOG NWS YEEJ YUAV TAU TXAIS KEV CAWM!

    Tswv Ntuj Xav Kom Kuv Ua Zoo Li Cas ?

    KEV TSO SIAB
    Muab koj lub neej txoj siab tso rau Tswv Ntuj ua tus coj thiab tswj. Thov nws zam koj kev ua txhaum
    "Yog tias koj lees koj tej txhaum ces Tswv Ntuj kuj yuav zam rau koj raws li koj lub siab ntseeg
    nws yuav ntxuas tas txhua yam phem.
    Zam 1:9

    KEV NTSEEG
    Yog koj lees ntseeg tias, Yes Xus yog koj tus cawm seej yog peb tus Vaj Pleev, nws tau los tuag kom tau txhiv ntiaj teb
    neeg lub keeb txhaum, hauv txoj kev tuag thiab nws tau sawv los muaj txoj sia nyob mus li los txog niaj hnub no.
    yog koj lees ntseeg tia Tswv Ntuj tau tsa nws sawv hauv txoj kev tuag, ces koj kuj yuav tau txais kev cawm.
    Loa Mas 10:9

    TXAUS SIAB TXAIS YUAV
    Tswv Ntuj txoj kev cawm seej txhob lam xav sim Tswv Ntuj vim nws cov txiaj ntsim yog kev cawm seej
    nyob hauv koj txoj kev ntseeg. Nws tsis yog ib yam nyob hauv neeg txoj hauj lwm tsis muaj leej twg muaj Tswv Ntuj lub txiaj Ntsim tau.
    Es Fes Xos 2:8,9

    KEV QHIB SIAB
    Cia Yes Xus Pleev tuaj nyob hauv koj lub neej thiab cia nws ua koj tus tswv coj koj lub neej
    nws yuav coj koj mus ua tau Tswv Ntuj me nyuam yam koj yuav tsum ua yog kev tso siab rau nws ua tus pab koj
    tus ua ntseeg txog nws, yuav rov yug dua tshiab! Tsis yog lub cev nqaij rov yug dua,
    tiam sis yog Tswv Ntuj lub hwj chim nyob hauv sab Ntsuj Plig.
    Zam 1:12


    Last edited by XH. Npuagtub on 29th August 2011, 3:52 pm; edited 2 times in total



    Photobucket

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: COV NTSIAB LUS QHIA KEV NTSEEG RAU COV NEEG LAUS

    Post  Npuagtub on 17th February 2010, 12:23 pm


    Lub Caij 40 (Lent) 2010


    Lub Caij 40 (Lent) Yog Dab Tsi ?
    Lub caij 40, nws yog 40 hnub npaj ua ntej yuav txog lub caij H T. Yes Xus tuag rau hnub 6 (Good Friday) thiab nws txoj kev sawv rov qab los rau hnub 7 (Easter Sunday).
    Nws yog ib lub sij hawm ntev li 40 hnub uas Huab Tais Yes Xus raug txom nyem mus yoo tshaib nyob teb chaws hav moj sab qhuav tau 40 hnub 40 hmo.

    Lub Caij 40 (Lent) pib hnub twg ?
    Xyoo 2010 no mas hnub txais Tshauv poob rau hnub tim 17 lub 2 hli ntuj.
    Lub caij 40 (Lent), pib txij hnub txais tshauv (Ash Wednesday) mus txog hnub (Holy Thursday) tsaus ntuj, Tim 01 lub 04 hlis 2010.

    Cov Catholic ua dab tsi nyob hauv lub caij 40 ?
    1. lawv yuav tau teev ntuj heev.
    2. yuav tsum mus daws txhaum.
    3. yuav txhob haus dej caw ua kev zom zem.
    4. Yuav tu siab rau yus tej kev ua txhaum yav tas los.
    5. yuav tau yoo noj haus txhob noj ntau, thiab yuav tsum yoo txhob noj nqaij ua yog tej yam muaj ntshav txhua hnub (Friday). Yog tias yoo tau mas noj ib plaug mov ib hnub xwb, hos hnub 6 (friday) mas txhob noj dab tsis li mas yog ib qhov zoo. Cov ua me nyuam yaus tsis tau txais lub Cim Yug thiab cov neeg muaj mob uas nws lub cev caiv tsis tau ces noj raws li nws lub cev xav tau kuj tsis ua cas.



    Lub Ntsiab kev txais tshauv yog dab tsi ?

    Kev peb mus ua lub cim txais tshauv mas yog ib lub ntsiab tseem ceeb qhia rau peb txhua tus kom peb paub thiab txawj tu siab rau peb tus kheej txog peb txoj kev ua txhaum, thiab peb yuav nco ntsoov tias peb lub cev yuav rov mus ua av thaum peb txoj sia tu lawm.
    Thaum nej mus txais tshauv mas TP. los yog XH. muab tshauv los ua ntoo cuam lub cim rau saum koj hauv pliaj mas nws yuav hais tias: KOJ NCO NTSOOV TIAS KOJ YOG AV, KOJ YUAV ROV MUS UA AV).

    Lub Caij 40 (Lent), Kuj yog ib lub caij sam hwm rau peb tus kheej ntxiv kom peb paub tias tsuas yog Tswv Ntuj ib leeg xwb thiaj li ua tau tas txhua tsav yam pub rau peb. peb yuav lees thiab tu siab rau peb cov txhaum yav tas los, kom peb tau hloov peb lub siab tshiab coj tus yam ntxwv zoo raws Yes Xus qab.

    Ib qho ntxiv, peb kuj yuav tau ua los yog muab tej yam paj tshab uas peb muaj coj mus pub rau cov neeg txom nyem, tshaib nqis, nyob hauv lub caij 40 (Lent).




    Lawv muab dab tsi ua cov Av Tshauv (Ash) ?

    Cov av Tshauv mas lawv muab cov nplooj kujyem (palm) los ua. Txhua zaus los yog txhua xyoo thaum txog lub caij ua hmoob Hlas mas Txiv Plig muab ib co nplooj cujyem los foom hmoov zo rau tas muab faib rau cov neeg ntseeg nra mus tsev, ces lawv muab cov nplooj seem uas faib tsis tas ntawd khaw cia ua cov Av Tshauv thiab ib co thaum yuav txog lub caij Hla mas lawv kuj nra lawv cov nplooj uas thaum xyoo tas los Txiv Plig muab rau lawv rov tuaj rau Txiv Plig plig muab hlawv los ua cov Av Tshauv cia siv rau hnub ua Hmoov txais Tshauv (Ash Wednesday).




    Photobucket

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: COV NTSIAB LUS QHIA KEV NTSEEG RAU COV NEEG LAUS

    Post  Npuagtub on 30th August 2011, 4:33 pm


    Signs and Symbols Of Catholic faith



    Cov Cim uas muaj nyob hauv lub koom txoos kastosliv
    tsis yog ib yam ua kom sawd daws pom thiab rov nco txog xwb,
    tiam sis nws yog ib co cim ua los pab txhua leeg sab ntsuj plig
    thiab rau lawv tus kheej lub neej nyob ntiaj teb no.

    Xws lis kev siv ncauj hais lus, kev siv tes ua, duab, npe, ris tsho, thiab lwm yam.
    Tej no kuj yog siv los ua kom neeg nco txog tias Tswv Ntuj nrog lawv nyob
    pab kom lawv ntseeg ruaj thiab paub txog txhua yam hauv lub koom txoos Kastosliv.
    Coj sawv daws los paub Tswv Ntuj, Yes Xus Pleev tus cawm lub ntiaj teb neeg.

    Cim siv Dej Ntshiab (Holy water)
    Cim siv Pa txab txiv yoov
    Cim siv Tswm Ciab
    Cim siv Roj Ntshiab
    Cim Ntoo Cuam
    Photobucket

    The Symbolism Of Candles

    Lub Cim ntawm tus tswm Ciab, yog lub teeb qhov pom kev ci rau qhov tsaus ntuj, nws yog ib lub cim qhia rau tas txhua yam pom kev thoob ntiaj teb. Nws kuj yog ib lub Cim piv tau tias txoj kev pom kem yog txoj kev cawm dim ntawm txhua yam phem, ib yam li Yesxus Pleev peb tus cawm seej nws yog txoj kev pom kev rau lub ntiaj teb neeg, txhais tau tias nws yog tus cawm tas lub qab ntuj neeg ntawm txoj kev tuag mus rau txoj sia nyob mus li.
    Zoo li tus tswm ciab Hla ( Paschal Candle ) nws siv taws rau lub caij ua hmoov Yesxus sawv rov qab los, yog ua ib lun Cim qhia rau peb tias Yesxus yeej txoj kev tuag los tau txoj sia. Txoj kev tsaus ntuj yog ib lub Cim qhia tias yog txoj kev tuag, los yog lub chaw tsis muaj Tswv Ntuj nyob, txoj kev pom kev qhia tau tias yog txoj sia tuaj ntawm Tswv Ntuj tuaj, thiab yog ib qhov chaw muaj Tswv Ntuj nyob.
    Yog li thaum ib tug neeg tas sim neej peb siv tus tswm ciab taws rau tus tas sim neej ua qhov pom kev, kom nws tau txais txoj sia nyob hauv Tswv Ntuj lub Ceeb Tsheej. Thaum peb ua ib qho kev thov ntuj peb kuj siv tus tswm cia los ua lub teeb, qhia tau tias yog ib lub Cim Tswv Ntuj nrog peb nyob vim txoj kev pom kev yog tuaj ntawm Tswv Ntuj.

    Tus Tswm Ciab Hla ( Paschal ) no mas yog ib tug Tswm Ciab loj thiab siab thiab zoo txawv dua txhua tus Tswm Ciab nyob hauv lub tsev teev ntuj. Tus Tswm Ciab no nws muaj nyob hauv txhua lub tsev teev ntuj Kas Tos Liv thiab nws nyob kav txwm ib xyoo mam li hloov tau dua tus tshiab.
    Txhua xyoo thaum txog lub caij ua hmoov nco txog Huab Tais Yes Xus tuag thiab sawv rov los muaj txoj sia, mas txhua lub tsev teev ntuj Kas Tos Liv hloov tus tswm cia no thaum hnub 7, hmo ua hmoo taws tswm ciab ( Black Saturday ) hnub tom qab lub Lis Piam Ntshiab tas ( Holy week ).

    * Tus Tswm Cia no yuav taws cia nyob hauv tsev teev ntuj 40 hnub lub caij ua hmoov Huab Tais Yes Xus sawv rov los muaj txoj sia nyob mus li. Muaj ib txhia tsev teev ntuj lawv tsuas taws tus tswm cia no lub caij muaj ua lub txoos teev ntuj xwb. Tom qab ua 40 hnub ua hmoov Huab Tais Yes Xus sawv rov los tas mas lawv kuj tsis taws tus tswm ciab no lawm. tiam sis kuj muaj 2 lub caij yuav siv tus tswm cia no los taws xws li:
    1. Taws thaum lub Txoos ua lub Cim Ntxuav ( Baptism ).
    2. yog siv taws rau thaum ua lub Txoos rau ib tug neeg tau tas sim neej.
    Dua li ntawd kuj tsis siv tus tswm ciab loj no taws nrog cov tswm cia me ua cov txoos teev ntuj raws li caij nyoob hauv nruab xyoo.


    Tus Tswm Ciab ( Paschal ) no mas muaj 5 tug ntsia liab ntsia ntawm tus tswm ciab , yog ib lub Cim piv txog Huab Tais Yes Xus cov qhov ntsia hlau, ntawm nws 2 sab tes 2 sab taw, thiab nws sab hauv siab. Muaj 2 tug npe ntawv ( A & O ) yog lub cim hais tias Alpha thiab Omega txhais tias; lub hauv paus thiab lub ntsis.

    Tus Paschal Candle ntawd, lus Hmoob peb muab hu ua tus Tswm Ciab Hla no, thiab lub caij ua hmoov HT Yes Xus tuag thiab sawv rov los, peb hu ua lub Caij Hla. Yog los ntawm qhov tias thaum ub cov neeg His Xas Lais lawv tau hla tus dej Liab, lawv thiaj dim ntawm kev ua qhev nyob Egypt. HT Yes Xus los kuj tau hla kev txom nyem kev tuag nws thiaj cawm tau peb thiab thiaj sawv tau rov los muaj txoj sia.


    Niaj xyoo, Hmo Hla (Easter Vigil) ntawd yog hnub Holy Saturday tsaus ntuj, peb mus teev ntuj nco txog HT Yes Xus yeej txoj kev tuag, nws sawv rov los muaj sia. Peb xub maub tsaus ntuj nyob ze ntawm lub qhov rooj nkag lawm hauv tsev teev ntuj. Txiv plig zes ib lub cub tawg tshiab, nws foom hmoov zoo rau lub cub tawg. Ces nws muab tus Tswm Ciab Hla tshiab los, nws muab 5 tug ntsia hlau los ntsia rau ntawm tus tswm ciab, nws muab cov numbers hais txog lub xyoo los tso rau, thiab nws muab tes kos cov txwm ntawv A & O, nws hais cov lus no: "Christ, yesterday and today, the beginning and the ending. To Christ belongs all time and all the ages; to Christ belongs glory and dominion now and forever. Amen... Leej Pleev, nag hmo thiab hnub no, thaum pib thiab thaum kawg. Leej Peev yog tus tswv txhua lub sij hawm txhua tiam; Leej Pleev muaj lub koob meej thiab muaj lub hwj huam kav neeg nim no mus tas ib txhiab ib txhis. Ua li."
    Ua li no tag nws mam muab tus Tswm Ciab Hla mus ze ntawm lub cub tawg coj los zes rau sawv daws cov tswm ciab me uas twb xub muab faib ib leeg ib tug ua ntej lawm. Lub ntsiab yog qhia hais tias, HT Ye Xus yog lub teeb pom kev (los yog txoj sia) ci rau ntiaj teb qhov tsaus ntuj (los yog txoj kev tuag). Ces txiv plig nqa tus tswm cia ua ntej, sawv daws caum lawv qab, nkag mus lawm hauv tsev teev ntuj. Thaum taug kev li ntawd, txv plig muab tus Tswm cib Hla tsa siab siab peb aug, nws hu suab nrov nrov tias: "The light of Christ... Leej Pleev qhov pom kev," tsoom ntseeg sawv daws hu suab teb tias: "Thanks be to God... Peb ua ntuj tsaug."

    Sawv daws taug kev mus nrhiav chaw zaum, hos txiv plig muab tus tswm ciab mus tso rau ntawm ib sab lub thaj txi ntuj. Ces txiv plig mam los pib lub thaj txi ntuj mus ntxiv... Hmo ntawd kuj yog hmo uas cov neeg ntseeg tshiab txais lub Cim Ntxuav thiab...



    Photobucket

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: COV NTSIAB LUS QHIA KEV NTSEEG RAU COV NEEG LAUS

    Post  Npuagtub on 2nd September 2011, 7:42 am


    LUB CIM DEB NTSHIAB

    DEJ NTSHIAB YOG DAB TSI ?
    Dej Ntshiab yog ib co dej uas cov neeg ntseeg Kastosliv saib tseem ceeb thiab muaj nqis heev rau lawv txoj kev ntseeg. Dej Ntshiab yog ib yam lawv ntseeg tias nws txhua tau ntxhua yam kom huv tuaj tshwj xeeb yog ntxuav tej yam neeg qhov muag pom tsis tau, ib yam li ntxuav kev txhaum, ua lub Cim Ntxuav, siv foom hmoov zoo rau tej vaj tsev chaw nyob chaw pw, siv foom hmoov zoo rau neeg, rau khoom noj, khoom siv, thiab siv los tiv thaiv dab phem. Dej yog ib yam txiaj ntsim loj thiab muaj nuj nqis heev, yog tsis muaj dej lawm txhua yam nyob ntiaj teb tsis muaj txoj sia. Huab Tais Yes Xus thiaj hais; tus tsis yug dua tshiab nyob dej thiab nyob hauv leej Ntuj Plig Ntshiab mas nws yuav mus tsis tau hauv Tswv Ntuj lub Ceeb Ntsheej.

    COV DEJ NTSHIAB MUAJ NYOB QHOV TWG ?
    Cov Dej Ntshiab (Holy Water) muaj nyob hauv txhua lub tsev teev ntuj Kastosliv, thiab kuj muab nyob rau ntau thaj chaw xws li tim qhov chaw Niam Mab Liab tswm (Lourdes, France).

    LEEJ TWG THIAJ UA TAU COV DEJ NTSHIAB ?
    Cov Dej Ntshiab mas raw li nyob hauv lub koom txoos Kastosliv Losmas, tsuas yog tus tau txais lub Cim Tiag Tes (Ordained minister) thiaj li muaj cai ua tau cov Dej Ntshiab xwb. Cov Dej Ntshiab no yog tsis muaj chaw tim tsum ceev mas txhua xyoo hmo (Holy Saturday) mas Txiv Plig mam ua cov dej Ntshiab thiab nrog tus Tswm Cia Hla (Easter Candle).

    SIV DAB TSI UA DEJ NTSHIAB ?
    Nyob hauv cov dej Ntshiab mas kuj muaj me ntsis ntsev nyob hauv thiab, vim ntsev yog ib yam las tau txhua yam kom huv. Thaum txiv plig ua lub txoos thov ntuj foom hmoov ua cov dej Ntshiab mas nws kuj ua kab ke thov ntuj rau cov ntsev uas yuav muab los tov rau cov dej thiab. Huab Tais Yes Xus hais tias; Kuv yog cov dej muaj txoj sia nyob mus li, nej yog cov ntsev las lub ntiaj teb. Yog li thaum tus Txiv Plig ua lub txoos thov ntuj ua cov dej ntshiab mas nws muab cov dej thiab cov ntsev cev rau Tswv Ntuj kom Tswv Ntuj lub hwj chim tuaj nyob hauv cov dej ntxia ua ib co dej ntshiab muaj hwj huam los pab ntiab txhua yam phem thiab ntxuav txhua yam kev phem kuv tsis zoo nyob hauv cov dej ntshiab.

    Cov Dej Ntshiab mas Txiv Plig kuj ua 2 yam, ib yam mas yog cov dej nyob hauv lub tsev teev ntuj npaj ua lub Cim Ntxuav, ib yam mas ua ntim hauv ib lub thoob rau cov neeg ntseeg tuaj teev ntuj lawv siv (blessing) rau lawv tus kheej los yog lawv nqa mus cia siv nyob hauv lawv tej tsev los tau ib yam. nyob hauv tsev teev ntuj feem ntau mas yeej muaj ib lub thoob loj hauj sim rau cov dej Ntshiab nyob ib sab ntawm lub qhob rooj loj sab hauv tsev teev ntuj, yog leej twg xav tau dej Ntshiab mas qa cov ntawd mus rau nws siv.

    SIV DAB TSI RAU COV DEj NTSHIAB LOS CIA HAUV TSEV ?

    Siv tej lub fwj huv ua tsis muaj txhuaj los yog ntim dua lwm yam nyob hauv dua li, los yog mus nrhiav yuav cov fwb lawv ua los siv rau dej Ntshiab yim huab zoo. qhov zoo mas ib yim neeg yuav tsum muaj ib fwj dej Ntshiab me me li lub fwj no nyob hauv tsev.

    Nyob hauv txhua lub tsev teev ntuj mas feem ntau yeej muaj lub thoob rau dej ntshiab zoo li daim duab nyob ntawm ib sab no, nws yog lub muaj cov dej Ntshiab ua rau cov neeg ntseeg xav tau tuaj cug mus rau lawv siv rau lawv tus kheej. Yog koj muaj ib fwj Dej Ntshiab nyob hauv koj tsev, mas txhua yam kev toob xib kev phem yuav txav deb ntawm koj lub chaw nyob vim koj muaj Tswv Ntuj nrog koj nyob.




    Photobucket

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: COV NTSIAB LUS QHIA KEV NTSEEG RAU COV NEEG LAUS

    Post  Npuagtub on 2nd September 2011, 1:38 pm

    Photobucket
    COV ROJ NTSHIAB (HOLY OILS)

    HOLY OILS
    Sacramentals blessed by a bishop. There are three kinds: oil of catechumens, holy chrism, and oil of the sick. The first and third are pure olive oil. chrism has in the oil a mixture of balm or balsam. The holy oils are symbols of spiritual nourishment and the light of grace. They are used in the public administration of baptism, confirmation, and anointing of the sick. The blessing of the holy oils normally takes place on Holy Thursday by a bishop at a cathedral church. After distribution locally they are kept in locked boxes in the ambry. Unused oils, a year later, are burned in the sanctuary lamp.

    The holy chrism is used for baptisms, confirmation, anointing rites for the dedication of churches and altars and to anoint the hands of priests and the heads of bishops during their ordination.

    The oil of catechumens and the oil of the sick are distributed to parishes to provide comfort to the sick and to prepare catechumens for baptism.

    There should be only one celebration of the Chrism Mass given its significance in the life of the diocese, and it should take place in the cathedral or, for pastoral reasons, in another church which has a special significance.
    The holy oils can be brought to the individual parishes before the celebration of the evening Mass of the Lord’s Supper or at some other suitable time. This can be a means of catechizing the faithful about the use and effects of the holy oils and chrism in Christian life.


    COV ROJ NTSHIAB.
    Lub Cim ua cov roj Ntshiab mas yog Txiv Tswv Qhia thiaj ua tau. Nws muaj peb yam: 1. Cov roj pleev thaiv dab (Catechumen) , 2. Cov roj pleev ua Vaj (Holy Chrism) , 3. Cov roj pleev neeg mob (Oil of the Sick). Cov roj pleev kom muaj zog thiab thaiv dab thiab cov roj pleev rau neeg mob, ua los ntawm cov txiv ntoo roj (Olives). Cov roj pleev ua Vaj mas muaj xyaw ib yam txiv ntoo tshwj xeeb rau (bals). Cov roj Ntshiab no muaj lub Cim muaj txiaj ntsim los yug Ntsuj Plig thiaj txoj kev pom kev.

    Txhua xyoo thaum txog lub caij ua hmoov Hla, hmo (Holy Thursday) mas Txiv Tswv qhia ua ib lub Txoos teev Ntuj nrog cov Txiv Plig, foom hmoov ua cov roj Ntshiab (Chrism Mass) nyob hauv ib lub tsev teev Ntuj tshwj xeeb, hauv lub roog tus Tswv qhia nyob. Thaum ua lub txoov foom hmoov Rooj Ntshiab tas lawm mas cov Txiv Plig nyias yuav nqa cov roj ntawd mus rau nyias lub tsev teev Ntuj hmo ua hmoov Hla, Yes Xus tsim lub Cim Yug, nrog nws cov Thwj tim koj pluas mov Hla (The Lord's Supper). Cov roj Ntshiab no nws yog ib cov tshwj xeeb heev nyob hauv cov ntseeg lub neej.

    Cov roj Ntshiab pleev ua vaj (Holy Chrism) no mas siv pleev ua lub Cim Ntxhuav (baptism), Cim Txhab Zog (Confirmation), Thiab siv los tsa thaj teev ntuj (Alter), tsa leej choj, thiab tsa Tswv Qhia.

    Cov roj pleev thaiv dab (Catechumen) thiab cov roj pleev rau neeg mob ( Oil anointing of the Sick) mas npaj los cia siv ua lub Cim Pleev thiab pleev ua ntej yuav ua lub Cim Ntxuav.

    Cov Roj Ntshiab no ib xyoo lawv ua ib zaug cov tshiab, yog tshuav cov qub siv tsis tas mas txiv Pliglawv muab tso rau hauv lub teeb tsav hlawv kom tas, lawv tsis lam muab hliv pob tseg rau tej qhov tsis huv los sis coj mus siv ua lwm yam. Lub Komm Txoos txuag thiab saib yog ib yam muaj nuj nqis heev nyob hauv txoj kev ntseeg lub neej.
    .




    Photobucket

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: COV NTSIAB LUS QHIA KEV NTSEEG RAU COV NEEG LAUS

    Post  Npuagtub on 3rd September 2011, 8:58 am

    Photobucket
    LUB CIM PA XYAB TXAB TXIV YOOV
    (Symbol Of Incense)

    Incense has been used to accompany and symbolize prayer in Judaism and Christianity for thousands of years.

    In the Old Testament, God mandates the use of incense in Jewish worship:

    "For burning incense you shall make an altar of acacia wood, ... "On it Aaron shall burn fragrant incense. Morning after morning, when he prepares the lamps, and again in the evening twilight, when he lights the lamps, he shall burn incense. Throughout your generations this shall be the established incense offering before the LORD. (Exodus 30:1-9)

    Aaron makes an offering of incense:

    "Thus shall Aaron offer up the bullock, his sin offering, to atone for himself and for his family. When he has slaughtered it, he shall take a censer full of glowing embers from the altar before the LORD, as well as a double handful of finely ground fragrant incense, and bringing them inside the veil, 3 there before the LORD he shall put incense on the fire, so that a cloud of incense may cover the propitiatory over the commandments; else he will die. (Leviticus 16:12-13)

    And in the New Testament, the Magi bring frankincense, a type of incense, as an offering to Christ himself:

    Then they opened their treasures and offered him gifts of gold, frankincense, and myrrh. (Matthew 2:11)


    John the Baptist's father, Zechariah makes an offering of incense in the Temple sanctuary:

    Once when he was serving as priest in his division's turn before God, according to the practice of the priestly service, he was chosen by lot to enter the sanctuary of the Lord to burn incense. Then, when the whole assembly of the people was praying outside at the hour of the incense offering, the angel of the Lord appeared to him, standing at the right of the altar of incense. (Luke 1:8-12)

    John describes an angel with a golden censer offering large amounts of incense before the throne of God:

    Another angel came and stood at the altar, holding a gold censer. He was given a great quantity of incense to offer, along with the prayers of all the holy ones, on the gold altar that was before the throne. The smoke of the incense along with the prayers of the holy ones went up before God from the hand of the angel. (Revelation 8:3-4)

    In modern use, incensing is a symbol of purification and sanctification.

    Incense may be used during the Mass during:
    • The entrance procession
    • The beginning of Mass, to incense the altar
    • The procession and proclamation of the Gospel
    • The offertory, to incense the offerings, altar, priest and people
    • The elevation of the Sacred Host and chalice of Precious Blood after the consecration

    During funeral Masses, the priest may incense the coffin as a sign
    • Of honor to the body of the deceased which became the temple of the Holy Spirit at Baptism
    • Of the faithful’s prayers for the deceased rising to God

    "Let my prayer come like incense before you." (Psalm 141)

    LUB CIM HLAWV PA XYAB TXAB TXIV YOOV.
    Cov neeg Yusdas thiab cov neeg ntseeg Yes Xus lawv twb coj kev siv hlawv cov pa xyab txab txiv yoov no ua lawv txoj kev thov ntuj los tau txhiab xyoo lawm.

    NYOB HAUV NTAWV COG QUB LUS, TSWV NTUJ HAIS KOM COV NEEG YUSDAS SIV COV PA XYAB LOS THOV NTUJ.
    Tswv Ntuj hais rau Maisxes, kom muab ntoo kuadis nplej los ua ib lub thaj cia hlawv hmoov xyab txab txiv yoov. Txhua tag kis thaum ASLOOS tuaj tu lub thaj thiab tej teeb, nws yuav tsum hlawv tej hmoov xyab tsw qab rau saum lub thaj, txhua hmo thaum ASLOOS tuaj taws tej teeb saum lub thaj nws yuav tsum hlawv cov hmoov xyab tsw qab ib yam nkaws li ntawd. Yuav tsum hlawv cov hmoov xya tsw qab li no cev rau Tswv Ntuj mus ib tiam tsis txhob tso tseg mus tas ib txhis. Kevtsiv 30: 1-9

    ASLOOS UA KEV HLAWV XYAB.
    Asloos muab ib tug txiv nyuj tua los ua kev cai ntxuav nws thiab nws tsev neeg kev txhog kev ntxhaum. Nws yuav tsum mus yawm ib co hluav ncaig cig tso rau saum lub thaj, thiab tsuab 2 teg hmoov xyab mos mos mus tso rau hauv chav tsev tseem ceeb, thaum nws nyob hauv nws yuav tsum muab cov hmoov xyab tso rau hauv phiab ncaig ua kom ncho pa lug kom nws tsis txhob pom lub phij xab uas ntim kuv tej lus cog tseg , nws thiaj li tsis tuag. Lesvis 16: 12-13

    NYOB HAUV NTAWV COG LUS NTSHIAB.
    Thaum Yesxus yug los nyob Npesleshes, cov kws hnub qub tuaj hawm Yesxus, lawv nqa nyiaj qa kub thiab tshuaj tsw qab txab txiv yoov tuaj rau Yesxus. Mt. 2: 11

    ZECHARIAH HLAWV TXAB TXIV YOOS.
    Muaj ib hnub Ntxaskaslias tab tom leg leej choj txoj kab xwm nyob ntawm Tswv Ntuj xub ntiag, lawv ntaus txheeb raws li cov leej choj txoj cai ces Ntxasnkaslias raug ua tus chaws mus hlawv xyab txab txiv yoov hauv Huab Tais kem tsev Ntshiab. Lub caij hlawv xyab tas tsoom pej xeem teev ntuj nyob sab nraud. Huab Tais tus Ntshiab tawm tuaj sawv ntsug nyob ntawm lub thaj hlawv xyab sab xis rau nws pom. Lk. 1: 8-12

    ZAM HAIS TXOG NWS POM IB TUG NTSHIAB MUAB COV TSHUAJ TSW QAB CEV NYOB NTAWM TSWV NTUJ LUB THEEJ KIAB.
    Kuv pom muaj ib tug Ntshiab nqa ib lub tais kub hlawv tshuaj tsw qab , nws mus ze lub thaj txi ntuj. Lawv muab tshuaj tsw qab ntau ntau rau nws kom nws muab cev rau nrog cov ntshiab cov zaj teev ntuj saum lub thaj kub uas nyob ntawm lub theej kiabhauv ntej. Ces cov pa tshuaj tsw qab nrog cov ntshiab cov zaj teev ntuj nce mus rau ntawm tswv ntuj xub ntiag. Zam 8:3-4

    KEV SIV CO PA XYAB NYOB RAU TIAM NEEJ TSHIAB, YOG IB LUB CIM UA KOM NTSHIAB HUV.

    SIV PA XYAB RAU LUB TXOOS TEEV NTUJ.
    1/ Thaum npaj ua lub txoos.
    2/ Thaum pib teev ntuj, muab cov pa xyab mus ncho rau lub thaj txi ntuj ( altar ).
    3/ Thaum yuav nyeem zaj ntawv Moozoo.
    4/ Ua rau rau cov Txiv Plig, cov neeg tuaj teev ntuj.
    5/ Ua rau tej yam tseem ceeb nyob hauv Tsev teev ntuj, lub Cim Yug thiab cov cawv.


    UA TXOOV TEEV NTUJ NEEG TUAG.
    1/ Hawm txog tus neeg tuag uas nws lub cev tau los ua Leej Ntuj Plig lub tsev nyob hauv lub Cim Ntxuav.
    2/ Thov kom Tswv Ntuj txais nws sawv mus nrog Tswv Ntuj nyob. zoo li cov pa xyab tsw mus txog Tswv Ntuj lub Ceeb Tsheej.
    Thiaj siv cov tshuaj tsw qab txab txiv yoov no los hlawv co pa rau tus neeg tuag lub cev muab nws cev rau tswv Ntuj nrog rau cov pa xyab ua ke.

    Lub cim kev hlawv tshuaj tsw qab txab txiv yoov no tsis yog neeg lam khwv tswv yim ua, Yog thaum ub tswv Ntuj tau qhia kom cov txheej neeg ntau txhiab xyoo ua los yog li no. Lub koom txoos pom tau tias nw yog ib txoj kab xwm thov ntuj zoo thiab muaj txiaj ntsim heev nyob hauv lub neej txoj kev ntseeg.





    Photobucket

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: COV NTSIAB LUS QHIA KEV NTSEEG RAU COV NEEG LAUS

    Post  Npuagtub on 3rd September 2011, 4:21 pm




    THE PRAYER JESUS TAUGHT US = ZAJ TEEV NTUJ YESXUS QHIA PEB


    "Teach us how to pray," the disciples said to Jesus. (Luke 11, 1) He answered by teaching them the prayer we call the Our Father or The Lord's Prayer.

    The Lord's Prayer is a basic Christian prayer. As a model of prayer, every Christian learns it by heart. It appears everywhere in the church's life: in its liturgy and sacraments, in public and private prayer. It 's a prayer Christians treasure.

    Though we memorize it as a set formula, the Lord's Prayer shouldn't be repeated mechanically or without thought. Its purpose is to awaken and stimulate our faith. Through this prayer Jesus invites us to approach God as Father. Indeed, the Lord's Prayer has been called a summary of the gospel.

    Our Father, who art in heaven,
    hallowed be thy name.


    When Moses approached God on Mount Sinai, he heard a voice saying, "Do not come near; put off your shoes from your feet, for the place on which you are standing is holy ground." An infinite chasm separates us from the transcendent God.

    In the Lord's Prayer, Jesus invites us to draw near to God who is beyond human understanding, who dwells in mystery, who is all holy. We can call God "our Father".

    Calling God "Father" does not mean that God is masculine. God is beyond the categories of gender, of masculine or feminine. None of our descriptions of God is adequate. God, who is "in heaven", whose name is holy, cannot be fully known by us.

    By calling God "Father" we are more rightly describing ourselves and our relationship with God. Jesus teaches that we have a filial relationship with God; God sees us as if we were a daughter or a son. And we, on our part, can approach God in the familiar confident way a child approaches a loving parent. What is more, we approach God through God's only Son, Jesus Christ, who unites us to himself .

    Thy Kingdom come,
    thy will be done,
    on earth as it is in heaven.


    God's kingdom. Jesus often said that God's power would appear and renew all creation. God like a mighty king would rule over the earth according to a plan that unfolds from the beginning of the world. God's kingdom would be marked by peace and justice. Good would be rewarded and evil punished. The kingdom, according to Jesus, is not far off, but already present in our midst, though not yet revealed.

    In the Lord's prayer we pray that God's kingdom come, that God's will, which is for our good, be done on earth as it is in heaven.

    Give us this day our daily bread.

    We are God's children. What can be more childlike than this petition in which we pray for our daily bread, a word that describes all those physical, human and spiritual gifts we need to live. With the confidence of children we say: "Give us this day what we need."

    Forgive us our trespasses,
    as we forgive those who trespass against us.


    This petition of the Lord's Prayer is a demanding one. Not only do we ask God's forgiveness for our daily offenses, but we link God's forgiveness of us with our forgiveness of others. Forgiving others is not always easy to do. We need God's help to do it. But it must be done or we ourselves cannot receive God's mercy.

    And lead us not into temptation,
    but deliver us from evil. Amen.


    Life is not easy. It is a daily battle. Trials like sickness and failure can crush our spirits. False values and easy promises can entice us and even destroy our souls. And so we ask God to keep us from failing when we are tested, to help us to know the right thing to do, to deliver us from the evil which awaits us in life.

    The Lord's Prayer sums up the teaching of Jesus. It is also a prayer that offers the grace of Jesus: his reverence for God, his childlike confidence in his Father, and his power to go bravely through life no matter what comes. When we pray his prayer, his spirit becomes our own.

    ZAJ TEEV NTUJ YES XUS QHIA RAU PEB.

    Muaj ib zaug, Yesxus tus thwj tim hais kom Yesxus qhia lawv thov Ntuj, Ces Yesxus thiaj qhia lawv thov Ntuj xws li zaj peb hu tias; PEB TXIV NYOB SAUM NTUJ. Luskas, 11: 1.

    Zaj Peb Txiv Nyob Saum Ntuj, nws yog ib zaj thov ntuj ua cov neeg ntseeg txhua tus kawm kom tau thiab paub hais tau nyob hauv lawv nruab siab txhua lub sij hawm. Nyob rau txhua lub tsev teev ntuj los yog txhua zaus ua cov kab ke teev ntuj mas lawv yeej hais zaj PEB TXIV NYOB SAUM NTUJ. nws yog ib zaj muaj nuj nqis thiab tseem ceeb heev nyob hauv cov neeg ntseeg lub neej txoj kev thov ntuj.

    Zaj Peb Txiv Nyob Saum Ntuj no mas yog ib zaj Yesxus xav qhia kom peb paub tias yog ib zaj thov ntuj muaj nuj nqis, thiab nws xav caw peb mus nyob ze Tswv Ntuj, ib yam li nws cov lus qhia peb nyob hauv ntawv Moozoo.

    PEB TXIV NYOB SAUM NTUJ,
    KOJ MUAJ KOOB MEEJ NTO MOO LUG MUS LI,
    .

    Nqi lus no qhia tias Tswv Ntuj muaj hwj huam tshaj, ib yam li thaum Mosxes mus saum lub roob xis nais, tswv ntuj hais kom Mosxes hle khau thiab txhob txav ze ntawm thaj chaw ua Tswv Ntuj hais lus rau nws, vim Tswv Ntuj yog tus ntshiab huv. yog li nyb hauv zaj thov ntuj Yesxus qhia peb no thiaj yog ib zaj coj peb los nyob ze Tswv Ntuj thiab paub tias Tswv Ntuj yog tus Ntshiab huv.

    KOJ HWJ HUAM LOS TXOG,
    PEB XAV MLOOG KOJ LUS NYOB NTIAJ TEB ZOO LI NYOB SAUM NTUJ.


    Tswv Ntuj lub hwj huam, mas Yesxus hais ntau zaus txog tias, Tsv Ntuj lub hwj huam yuav tawm tuaj muab txhua yam nws tsim nyob ntiaj teb no hloov dua tshiab. Tswv Ntuj zoo li ib tus Vaj muaj hwj xyeej loj tas nrho, kav tas txhua yam nyob saum ntuj thiab nyob ntiaj teb. Tswv Ntuj lub hwj huam zoo li kev thaj yeeb thiab ncaj ncees, qhov zoo muaj txiaj ntsi, qhov phem yuav raug txim, Lubhwj huam zwm rau Yesxus, nws nyob ze ntawm peb, niaj hnub nrog peb nyob ua ke, tiam sis tsis tswm tuaj rau peb pom xwb.

    HNUB NO KOJ MUAB MOV TXAUS PEB NOJ,

    Los no yog peb thov Tswv Ntuj zoo li peb yog nws ib co me nyuam, peb thov kom nws pub txhua yam los yug peb lub cev thiab tus ntsuj plig ua neej nyob ib yam li peb xav tau. vim peb lub cev yuav noj yuav hnav.

    KOJ ZAM RAU PEB ZOO LI PEB ZAM RAU LUAG.

    Zaj thov ntuj peb txiv no mas, tsis yog thov kom tswv Ntuj zam rau peb xwb tiam sis kuj yog thov kom Tswv Ntuj pab kom peb txawj zam rau luag tej thiab, vim txoj kev zam rau lwm tus mas yog ib yam nyuaj heev rau peb neeg ntiaj teb, yog li peb thiaj yuav thov kom Tswv Ntuj pab peb thiab mas peb thiaj li yuav zam tau rau lwm tus.

    THAUM DAB PHEM TUAJ NTXIAS PEB SIAB, KOJ TXHOB TSO PEB TSEG,
    UA KOM PEB DIM NTAWM TUS PHEM, UA LI.


    Peb txoj kev ua neej nyobntiaj teb no mas tsis yooj yim lis, peb muaj kev sib cav sib ceg, sib ntau sib tua, rau dag raug ntxias kom peb rau ploj raug tuag, ua kom peb lub neej puas tsuaj thiab tsis nco txog tus Tswv tsim peb los. Yog li peb yuav vam txog Tswv Ntuj pab peb kom peb txhob poob rau kuv puas tsuaj, kev dag kev ntxias. Zaj pev txiv no yog ib zaj muaj hwj xyeej heev, yog peb hais zaj no li Yesxus qhia peb mas nws tus ntsuj plig yuav los nrog peb nyob ces peb yuav tau txais yam peb xav tau li peb lub siab thov.



    Last edited by XH. Npuagtub on 4th September 2011, 4:51 pm; edited 2 times in total



    Photobucket

    NrhiavTswvNtuj
    Hmong Catholique
    Hmong Catholique

    Messages : 600
    Date d'inscription : 2009-08-18

    Re: COV NTSIAB LUS QHIA KEV NTSEEG RAU COV NEEG LAUS

    Post  NrhiavTswvNtuj on 3rd September 2011, 7:48 pm



    Nyob zoo XH.Npuag Tub,

    Ua tsaug ntau rau koj lub siab zoo, koj tuaj tso zaj "qhia Ntuj Kev Cai rau cov laus" no zoo kawg nkaus. Nws muaj ntau yam uas peb niaj hnub siv thiab ua tab sis peb twb tsis paub lub ntsiab. Yog ib qho zoo kawg nkaus rau cov paub Ntuj Kev Cai tsawg thiab paub ntau lawm los tseem rov ua rau peb nco txog txhua yam uas peb hnov qab lawm.

    XH. Thov txim, kuv muab tso tsos rau koj cov ntawv uas muaj ob hom lus lawm kom saib yooj yim.





    Tus plig yim mus siab lub cev yim nyiaj mob
    Tus plig yim ntshiab huv lub cev yim uv luag
    Tus plig yim nyob ze Tswv Ntuj lub cev yim txom nyem
    Tswv Ntuj tsom kwm koj vim koj yog tus neeg siab ntshiab
    Tswv Ntuj txhais tes tsa rawv saum koj tau hau,
    Vim koj ntshiab saum taub hau ti nkaus ko taw.

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: COV NTSIAB LUS QHIA KEV NTSEEG RAU COV NEEG LAUS

    Post  Npuagtub on 3rd September 2011, 7:53 pm

    MT,
    Tsis ua cas os, tiam sis muaj cov nyob cob tsib teb xav paub no kuv thiaj tuaj sau ntxiv, koj tsis cia nws nyob nws vim lawv xav tuaj saib kuv lub Topic no heev no nas. kuv tseem yuav sau kom tas cov ntsiab los os nawv.



    Photobucket

    NrhiavTswvNtuj
    Hmong Catholique
    Hmong Catholique

    Messages : 600
    Date d'inscription : 2009-08-18

    Re: COV NTSIAB LUS QHIA KEV NTSEEG RAU COV NEEG LAUS

    Post  NrhiavTswvNtuj on 3rd September 2011, 8:00 pm


    XH.Npuag Tub,

    Kuv twb zoo siab heev rau koj tso zaj Qhia Ntuj Kev Cai nov ne! Kuv hais qhia koj tias kuv tso tsos=color los cais cov lus English thiab lus Hmoob kom saib yooj yim xwb. Yog tso tib color (xim) xwb ces pheej yuav maj mam saib mam li nrhiav tau cov lus Hmoob los yog lus English. Kuv yeej zoo siab heev uas nws tuaj sau mas, kuv los yeej tseem kawm nrog lawv tib yam.

    Thov txim, los cuam tshuam nws lawm.





    Tus plig yim mus siab lub cev yim nyiaj mob
    Tus plig yim ntshiab huv lub cev yim uv luag
    Tus plig yim nyob ze Tswv Ntuj lub cev yim txom nyem
    Tswv Ntuj tsom kwm koj vim koj yog tus neeg siab ntshiab
    Tswv Ntuj txhais tes tsa rawv saum koj tau hau,
    Vim koj ntshiab saum taub hau ti nkaus ko taw.

    Bao X Mary
    Phooj Ywg
    Phooj Ywg

    Messages : 180
    Date d'inscription : 2011-07-09

    Re: COV NTSIAB LUS QHIA KEV NTSEEG RAU COV NEEG LAUS

    Post  Bao X Mary on 4th September 2011, 5:52 am

    Xwb Hwb Npuag Tub,

    ua koj tsaug uas koj tau muab txhua yam tseem ceeb hauv peb lus Koos Txoos Catholic los qhia rau peb os. Qhov loj tshaj ces yog qhov peb xav tau ib tug paub es los qhia tej ntawd ntag lauj. Yog tsis muaj tus qhia ces zoo li ib cov nrog uas muab cog rau ntawd tab sis tsis muaj tus tuaj ywj dej thiab tu ces nws yuav daj zuj zus tsis nrhau cag tau.

    Kuv tsis paub lwm haiv neeg tab sis peb cov hmoob mas tsis muaj leej twg nyiam mus kawm ua xwb hwb, txiv plig los deacon coob li. Tej zaum kuj yos txoj hauv lwm mob tau hauv hwv los ua cas. Xyov yuav ua cas peb hmoob txoj kev ntseeg thiaj loj hlob tau...


    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: COV NTSIAB LUS QHIA KEV NTSEEG RAU COV NEEG LAUS

    Post  Npuagtub on 4th September 2011, 7:57 am

    Bao X.mary,

    Kuv ces lam kawm lam qhia li Tswv Ntuj pub rau yus xwb os nawv, kuv tsis paub tsis txawj li tej XH. nej pom los thiab nej xav os nawv. Ua tsaug koj cov lus txhawb zog os, txoj kev mus kawm ua XH. mas yuav yog yus txiav siab tiag kawm tas thiaj xav ua os nawv, vim thaum mus kawm yuav siv nyiaj, kawm tas los yuav mag nrhab, zoo li lub LAUG CAM RAUG LUAG TSUAV NQAIJ, hehe.....yeej mob hlwb kawg li os.

    Tiam sis kuv tseem xav kom Tswv Ntuj muab kuv lub siab lub cev no hlawv kom kub hnyiab tas, zoo li Zam Paj Lub II, saib kuv puas yuav ua tau Tswv Ntuj cov hauj lwm kom tsim nyog kuv los ua ib zaug neeg nyob ntiaj teb no. Yog leej twg raug Tswv Ntuj hlawv nws tej siab ntsws kom kub hnyiab tas mas nws txoj hmoov zoo vim Tswv Ntuj yuav siv nws ua Tswv Ntuj cov hauj lwm thiab nws yuav muaj hnub pom Tswv Ntuj tim ntsej tim muag.


    Photobucket
    Photobucket

    VIM LI CAS KOJ HO QUAJ ?
    Txhob quaj lawm mog, koj cia li zoo siab vim Tswv Ntuj twb hu koj rov mus tsev. Txawm koj lub cev tuag, koj tus plig ncaim ntawm koj lub cev lawm, los nws yuav tau nyob mus li nyob saum Ntuj Ceeb Tsheej, nrog ib tsoom leej Ntshiab, ib tsoom kwv tij nkauj muam , thiab nrog Huab Tais Yes Xus Pleev nyob ua ke mus li.

    VIM LI CAS KOJ THIAJ TU SIAB ?
    Txhob tu siab lawm mog, cia li zoo siab hlo hom hkaj luag ntxhi, vim koj yuav pom tus plij koj thiab hlub koj, nws yuav so koj lub kua muag, koj yuav tau nyob kaj nrig.

    VIM LI CAS KOJ NPAU TAWS ?
    Txhob npau taws lawm mog, vim Tswv Ntuj lub caij nyoo zoo tas nrho, koj yuav mus txog qhov chaw nyob muaj kev thaj yeeb nyab xeeb, tsis muaj kev mob nkeeg, kev ploj tuag, kev quaj ntsuag, kev txom nyem, kev sib ntau sib tua, kev ntsim siab ntxhov plawv, kev iab kev khwv, kev ntshai, kev phem li hauv ntiaj teb no. Koj cia li zoo siab hais tias, peb yuab tau sib ntsib nyob saum Tswv Ntuj lub Ceeb Ntseej nyob ua kev mus ib txhis, ua li.



    Photobucket

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: COV NTSIAB LUS QHIA KEV NTSEEG RAU COV NEEG LAUS

    Post  Npuagtub on 6th September 2011, 4:14 am


    Photobucket

    Photobucket

    Phau Ntawv Ntshiab yog ib phau ntawv khaws txheej neeg thaum ub tej lus sau tseg, tshwj xeeb yog cov lus Tswv Ntuj hais rau cov Yaj Saub kom lawv muab sau cia tseg thiab Huab Tais Yes Xus tej lus uas nws los qhia neeg ntiaj teb. Phau ntawv Ntshiab yog ib phau uas neeg nyeem heev tshaj dua ntais lwm phau, thiab tau muab txhais ua ntau pua xeem lus lawm. Cov neeg ntseeg Yes Xus muab phau Ntawv Ntshiab saib muaj nqe dua cov, vim lawv ntseeg hais tias cov lus hauv Ntawv Ntshiab yog Tswv Ntuj lo lus. Nws tuaj qhib nws lub siab rau tib neeg paub tias nws hlub tib neeg npaum li cas thiab xav cawm tib neeg ntawm txoj kev poob rau hauv kev txaug kev txhaum lawm. Phau Ntawv Ntshiab qhia txog Tswv Ntuj txoj cai uas nws xav kom neeg taug thiajcoj lawv mus txog saum Ntuj Ceeb Tsheej.

    Phau Ntawv Ntshiab yog ib phau ntawv uas muaj ntau phau ntawv me nyob rau hauv. Cov Phau ntawv me ntawd nyias muaj nyias tus kws sau. Cov kws sau ntawv ntawd lawv kuj nyias nyob nyias caij nyoog, nyias tiam neeg. Tiam sis yog Tswv Ntuj tshoj sawv daws lub siab lub tswv yim kom sau tau tej zaj qhia txog Tswv Ntuj rau tib neeg paub tias Tswv Ntuj hlub neeg thiab xav cawm neeg.

    Phau Ntawv Ntshiab muaj 73 phau ntawv me nyob rau hauv. Cov phau ntawv me ntawd kuj tseem muab faib ua ob pawg loj. Pawg ib yog cov phau ntawv Cog Qub Lus los tseem hu ua cov Ntawv Hes Nplaws; Pawg ob yog cov phau ntawv Cog Lus Tshiab.

    PHAU NTAWV COG QUB LUS (Old Testament)

    Cov phau Ntawv Cog Qub Lus yog piav txog cov neeg His Xas Lais thaum ub los txog rau lub caij Yes Xus yuav yug los. Nyob hauv cov phau Ntawv Cog Qub Lus, tseem muab faib ua plaub pawg me thiab, xws li Thawj Tsib Phau, cov Ntawv Kwv Huam, cov Ntawv Thoob Tsib, thiab cov Ntawv Yaj Saub. Nyob hauv cov Ntawv Cog Qub Lus no, cov kws sau ntawv tau qiv ntau yam txuj ntawm lwm haiv neeg los xyaw rau lawv cov txuj. Vim li ntawd lawv cov zaj dab neeg los zaj piav qee zaum kuj muaj ntsis xws li lwm haiv neeg cov zaj thaum lub caij ntawd thiab.

    THAWJ TSIB PHAU NTAWV MAISXES SAU (Pentateuch) HU LI NO:

    1- phau Hauv Paus (Genesis)
    2- phau Kev Tsiv (Exodus)
    3- phau Les Vis (Leviticus)
    4- phau Xam Phaj (Numbers)
    5- Phau Txoj Cai Ob (Deuteronomy)


    Nyob hauv Thawj Tsib Phau no, muaj zaj piav txog ntuj tsim teb raug, txog As Das thias Es Vas, txog Nom Hes lub nkoj, txog Has Nplas Has thiab nws cov tub, txog cov His Xas Lais mus ua qhev nyob Hais Nkws Tos, txog Mais Xes mus cawm lawv dim kev ua qhev rov los.

    Nyob hauv Tsib Phau no, kuj muaj Tswv Ntuj Kaum Los Lus Qhia, thiab cov kev cai uas cov His Xas Lais yuav tsum coj, vim li ntawd thiaj tseem hu ua cov ntawv Txoj Cai, los yog phau Torah. Thawj Tsib Phau no yog Mais Xes sau kwv yees ze ntawm xyoo 1440 B.C. (ua ntej Yes Xus yug)

    Cov phau Ntawv Kwv Huam (Historical Books) yog piav txog Tswv Ntuj haiv His Xas Lais kwv huam, thiab txog Tswv Ntuj coj nws haiv neeg. Cov phau ntawv ntawd muaj npe hu li no:

    1- Yos Xuas (Joshua)
    2- Txwj Laus Tiv Thaiv (Judges)
    3- Luv (Ruth)
    4- Xas Muas Phau 1 (1 Samuel)
    5- Xas Muas Phau 2 (2 Samuel)
    6- Vaj Phau 1 (1 Kings)
    7- Vaj Phau 2 (2 Kings)
    8- Xwm Phau 1 (1 Chronicles)
    9- Xwm Phau 2 (2 Chronicles)
    10- Es Nras (Ezra)
    11- Nes Hes Mis (Nehemiah)
    12- Tos Npis (Tobit)
    13- Yus Dis (Judith)
    14- Es Thes (Esther)
    15- Mas Kas Npes 1 (1 Maccabees)
    16- Mas Kas Npes 2 (2 Maccabees)


    Nyob hauv cov phau Ntawv Kwv Huam muaj piav txog cov neeg tseem ceeb lub neej, xws li Vaj Das Vis, Vaj Xas Los Moos, thiab cov poj niam nto moo xws li Yus Dis thiab tus poj vaj Es Thes (Esther). Muaj piav txog Tswv Ntuj pab nws haiv neeg zoo li cas: Yog thaum Tswv Ntuj haiv neeg mloog Tswv Ntuj lus thiab taug nws txoj cai, mas lawv vam meej thiab tsis raug yeeb ncuag tuaj rhuav lawv, tiam sis yog lawv mus teev pej kum cov dab qhuas thiab coj ib lub neej tsis tsim txiaj mas lawv raug kev puas tsuaj ntau yam. Lawv pib sau cov phau Ntawv Kwv Huam no kwv yees txij xyoo 1100 B.C. mus rau xyoo 600 B.C.

    Cov phau Ntawv Thoob Tsib (Wisdom Books) muaj xya phau nyob hauv. Lawv nyias sau muaj nyias ntsiab lus nyias hom phiaj. Ib co sau ua lus paj huam lus kwv txhiaj sib hlub, ib co sau ua lus qhuab qhia lus ntuas kev ua neej. Cov npe phau ntawv muaj li no:

    1- Yob (Job)
    2- Nkauj Paj Nruag (Psalms)
    3- Cov Paj Lug (Proverbs)
    4- Kos Es Les (Ecclesiastes)
    5- Kwv Txhiaj (Song of Songs)
    6- Thoob Tsib (Wisdom)
    7- Npes Xis Las (Sirach)


    Cov phau Ntawv Yaj Saub (Prophetic Books) khaws cov yaj saub tej lus cia. Cov yaj saub txoj hauj lwm yog qhuab qhia cov His Xas Lais kom lawv tsis txhob tso Tswv Ntuj tseg, kom lawv nyob ruaj nreb hauv lawv txoj kev cog lus nrog Tswv Ntuj. Yog thaum twg lawv mus yuam kev, cov yaj saub qhuab qhia lawv tas zog kom tig rov los mloog Tswv Ntuj. Yog thaum twg lawv mloog Tswv Ntuj lus mas lawv tau hmoov zoo, thaum twg lawv tsis mloog raws Tswv Ntuj hais mas Tswv Ntuj rau txim rau lawv.

    Cov yaj saub kuj yog cov uas ua saub hais txog tias, yuav muaj ib tug Cawm Seej (Messiah) tuaj cawm cov His Xas Lais. Lawv piav txog tias nws yuav yug ntawm ib tug hluas nkauj nyob Npes Les Hes, nws yuav pab cuam cov txom nyem, nws yuav kho cov neeg mob, nws yuav tsa cov neeg me lub meej mom. Lawv kuj hais txog tias nws yuav tuag txom nyem npaum li cas tib si.

    COV PHAU NTAWV YAJ SAUB MUAJ NPE LI NO:

    1- His Xais (Isaiah)
    2- Yes Les Mias (Jeremiah)
    3- Seev (Lamentations)
    4- Npas Lws (Baruch)
    5- Es Xes Kias (Ezekiel)
    6- Das Nias (Daniel)
    7- Os Xes (Hosea)
    8- Yos Es (Joel)
    9- As Mos (Amos)
    10- Os Npas Dias (Obadiah)
    11- Yos Nas (Jonah)
    12- Mis Kes (Micah)
    13- Nas Hws (Nahum)
    14- Has Npas Kws (Habakkuk)
    15- Xos Fos Nias (Zephaniah)
    16- As Nkais (Haggai)
    17- Ntxas Kas Lias (Zechariah)
    18 - Mas Las Kis (Malachi)


    Cov phau Ntawv Yaj Saub no yog sau kwv yees txij xyoo 750 B.C. mus txog xyoo 400 B.C., 400 xyoo ua ntej Yes Xus yug los xwb. Muaj tsib phau Ntawv Yaj Saub hu ua cov phau ntawv yaj saub loj (major prophets), vim yog tej phau ntawv tuab. Yog: phau His Xais, Yes Les Mias, Seev, Npas Lws, thiab Das Nias. Cov tom qab, uas luag tis npe hu ua cov ntawv yaj saub me (minor prophets), yog tej phau luv luv xwb.

    PHAU NTAWV COG LUS TSHIAB(New Testament)

    Cov Ntawv Cog Lus Tshiab yog piav txog Yes Xus lub neej los mus rau cov Hauv Paus Xa Lus, thaum lawv pib tsa lub Koom Txoos los mus zoo li cas. Muaj nees nkaum xya phau ntawv (27) nyob rau hauv, uas xub xub sau ua lus Hes Las (Greek). Lawv tau sau cov phau ntawv ntawd txij xyoo 50 A.D. mus rau xyoo 140 A .D. (lawv qab Yes Xus tuag lawm). Cov phau ntawv no lub ntsiab yog hais txog Yes Xus nkaus xwb, nws lub neej kev qhuab qhia, kev raug txom nyem, tuag thiab sawv rov los; nws yog Tswv Ntuj leej Tub, tus Cawm Seej (Messiah) uas sawv daws tos tos. Nws yog sawv daws tus Huab Tais thiab tus tij.

    MUAJ PLAUB HOM NTAWV YOG LI NO:

    1- Cov Ntawv Moo Zoo (Gospels)
    2- Phau Ntawv Hauj Lwm (Acts of the Apostles)
    3- Cov Tsab Ntawv (Epistles or Letters)
    4- Phau Qhib Yav Tom Ntej (Revelation)


    Vim li cas thiaj sau ua lus Hes Las (Greek)?

    Vim yog hom lus uas neeg paub coob lub caij ntawd ((ib yam li tam sis no neeg paub lus Aas Kiv (English) coob)).
    Cov Ntawv Moo Zoo: Muaj plaub phau Ntawv Moo Zoo uas piav txog Yes Xus lub neeg yug los li cas, nws tej lus qhuab qhia, tej zaj paj lug, nws tej kev kho neeg mob, nws txoj kev txom nyem, kev tuag, thiab sawv rov los, thiab nce mus saum ntuj.

    PLAUB PHAU NTAWV MOOZOO HU LI NO:

    1- Mas Tais (Matthew)
    2- Mas Kos (Mark)
    3- Lus Kas (Luke)
    4- Zam (John)


    Nyob hauv plaub phau no, muaj peb phau uas hais muaj ntsis mus sib raws, txawv los txawv tsis ntau, yog phau Mas Tais, Mas Kos, thiab Lus Kas. Luag hu peb phau no hu ua cov“synoptic gospels.” Phau Zam txawv me ntsis cov, nws tus txheej txheem sau ntawv txawv thiab muaj tej zaj piav thiab tej cov lus uas tsis muaj nyob hauv peb phau ua ntej.

    Phau Hauj Lwm: Tus tswv sau yog Lus Kas, uas sau phau Ntawv Moo Zoo Lus Kas thiab. Nws sau kwv yees yog xyoo 70 A.D. mus rau 75 A.D. Nws piav txog txoj kev ntseeg Yes Xus pib loj hlob li cas. Muaj zaj piav txog Yes Xus nce mus saum ntuj, leej Ntuj Plig nqe los, Pob Zeb tes hauj lwm tshaj Ntuj Lus, leej Ntshiab Stephen raug lawv tua, Paj Lug los txais kev ntseeg, thiab nws tes hauj lwm tshaj Ntuj Lus.

    Cov Tsab Ntawv: yog phau ntau tshaj nyob hauv cov Ntawv Cog Lus Tshiab. Muaj Paj Lug cov tsab ntawv, thiab muaj lwm tus Hauv Paus Xa Lus cov tsab ntawv.

    Paj Lug cov tsab ntawv yog sau pib txij xyoo 54 A. D. mus rau xyoo 80 A.D. Paj Lug cov tsab ntawv muaj npe raws li pab neeg los tus neeg uas nws sau mus rau lawv:

    1- Los Mas (Romans)
    2- Kos Lis Nthos Tsab 1 (1 Corinthians)
    3- Kos Lis Nthos Tsab 2 (2 Corinthians)
    4- Nkas Las Tias (Galatians)
    5- Es Fes Xos (Ephesians)
    6- Fis Lis Pos (Philipians)
    7- Fis Les Moos (Philemon)
    8 - Kos Los Xais (Colossians)
    9- Tes Xas Los Nis Tsab 1 ( 1 Thessalonians)
    10- Tes Xas Los Nis Tsab 2 (2 Thessalonians)
    11- Tis Mos Tes Tsab 1 (1 Timothy)
    12- Tis Mos Tes Tsab 2 (2 Timothy)
    13- Tis Tos (Titus)


    Tsab Ntawv rau cov Hes Nplaws (Hebrews). Tsab ntawv no tsis muaj npe tias yog leej twg sau, ces lawv muab tso rau tom qab Paj Lug cov Tsab Ntawv. Nws tsis yog sau mus rau ib lub zos neeg li Paj Lug cov tsab ntawv, tiam sis yog sau rau ib pab neeg, yog cov Hes Nplaws (cov His Xas Lais). Nws xav txhawb lawv kom lawv tsis txhob ntaus siab me tiam sis kom lawv ntseeg txog Yes Xus ruaj nreb xwb.

    Cov Hauv Paus Xa Lus cov tsab ntawv: Muaj ob peb tug sau cov tsab ntawv no. Lawv kuj tsis yog sau mus rau ib lub zos neeg los ib tug neeg xwb, lawv sau qhuab qhia rau sawv daws. Cov tsab ntawv no yog sau xyoo 65 A.D. mus rau 95 A.D.

    Muaj cov tsab ntawv zoo li no:

    1- Yas Kos tsab ntawv (James)
    2- Pob Zeb Tsab 1 (1 Peter)
    3- Pob Zeb Tsab 2 (2 Peter)
    4- Zam Tsab 1 (1 John)
    5- Zam Tsab 2 (2 John)
    6- Zam Tsab 3 (3 John)
    7 - Yus Das tsab ntawv (Jude)


    Phau Qhib Yav Tom Ntej (Revelation): Zam yog tus sau phau ntawv no, kwv yees xyoo 90 A.D. los tom qab me ntsis. Yog ib zag lus ceeb toom rau cov ntseeg txog yav tom ntej, yog ib zag paj lug piav txog lub Koom Txoos nrog ntxwj nyoog sib tawm tsam. Tiam sis thaum kawg Yes Xus yog tus yeej.

    Photobucket

    COV NTSEEG YESXUS THAWJ PHAU NTAWV NTSHIAB

    Thaum lub Koom Txoos nyuam qhuav pib, cov neeg ntseeg yes Xus siv phau Ntawv Ntshiab Hes Nplaws (Hebrew Scripture) uas yog txhais ua lus Hes Las (Greek) thiab muaj lub npe hu ua Septuagint. Lawv siv phau ntawv ntawd los ua lawv phau Ntawv cog Qub Lus. Thaum ntawd cov Ntawv Cog Lus Tshiab tseem tsis tau sau.

    Tiam sis kwv yees ze ntawm xyoo 100 A.D., cov xib hwb Hes Nplaws (Jewish rabbis) rov kho lawv phau Ntawv Ntshiab dua. Thaum lawv kho, lawv muab 7 phau ntawv tshem tawm. 7 phau ntawd yog tej phau ntawv nyuam qhuav sau tshiab txij xyoo 170 B.C. los txog lub caij Yes Xus ua neej nyob xwb, thiab qhov ntau yog sau ua lus Hes Las. Vim li ntawd cov rabbis thiaj tsis kam yuav, lawv tsuas yuav cov phau qub uas sau ua lus Hes Nplaws xwb. Tiam sis cov ntseeg Yes Xus tsis caum lawv, cov ntseeg Yes Xus siv phau Septuagint uas cov Hauv Paus Xa Lus yeej siv los mus lawm.

    Cov Bibles Protestant, Peb paub hais tias yog xyoo 1520-21, Martin Luther ncaim tawm hauv Koom Txoos Kas Tos Liv mus thiab nws mus pib nws ib lub koom txoos tshiab. Nws kuj pib qhia tej txoj kev ntseeg txawv lub Koom Txoos Kas Tos Liv qhia. Thaum ntawd Koom Txoos Kas Tos Liv siv lus Latin xwb, yog li ntawd tas puas tsav yam ntaub ntawv yog ua lus Latin tas huv si. Ces Martin Luther kuj tau muab phau Ntawv Ntshiab los txhais ua lwm yam lus rau cov pej xeem thas mas das tau nyeem. Tiam sis thaum nws thiab nws cov thawj coj tes hauj lwm tau los saib txog cov ntawv Cog Qub lus mas lawv nyiam yuav cov phau ntawv raws li cov xib hwb rabbis tau txiav puag thaum xyoo 100 A.D. dua cov phau ntawv uas Koom Txoos Kas Tos Liv yeej ib txwm siv los lawm. Lawv muab xya phau ntawv uas muaj tshaj nyob hauv phau Septuagint coj los cais rau ib qho, lawv tis npe rau hu ua phau "Apocripha." Thaum ntej lawv kuj tseem tso cov ntawd raqu hauv lawv phau Bible thiab. Tiam sis tom qab no, vim lawv saib cov ntawv ntawd tsis muaj nqes dab tsi ces lawv ci li muab txiav tawm tas nrho lawm. Vim li ntawd cov Bibles Protestant thiaj muaj 66 phau ntawv xwb.

    KASTOSLIV PHAU NTAWV NTSHIAB

    - Ntawv Cog Qug Lus Muaj 46 phau
    - Ntawv Cog Lus Tshiab Muaj 27 phau
    - Tas huv si yog muaj 73 phau


    PROTESTANT PHAU NTAWV NTSHIAB

    - Ntawv Cog Qub Lus Muaj 39 phau
    - Ntawv Cog Lus Tshiab Muaj 27 phau
    - Tas huv si yog muaj 66 phau



    7 PHAU NTAWV PROTESTANT TSIS MUAJ:

    1. Tos Npis (Tobit)
    2. Yus Dis (Judith)
    3. Mas Kas Npes 1 (1 Maccabees)
    4. Mas Kas Npes 2 (2 Maccabees)
    5. Thoob Tsib (Wisdom)
    6. Npes Xis Las (Sirach)
    7. Npas Lws (Baruch)


    LUB NTSIAB LUS COV PROTESTANT TSI NTSEEG:

    1. Kev thov ntuj rau cov tau tas sim neej (Tos Npis 12: 12; Mas Kas Npes 2 12:39-45)
    2. Teb chaws them txim (Thoob Tsib 3: 1-7)
    3. Cov leej ntshiab kev thov ntuj (intercession of the Saints) rau peb (Mas Kas Npes 2 15:14)
    4. Cov Tshiab kev thov ntuj (intercession of Angels) rau peb (Tos Npis 12: 12-15)


    Tsis tas li ntawd xwb, cov Protestant tseem tshem tej zaj nyob hauv lwm phau ntawv thiab. Xws li lawv tsis yuav Es Thes (Esther) 10: 14 mus txog 16: 14, thiab lawv kuj tsis yuav cov zaj nyob hauv Das Nias (Daniel) 3: 24- 90; thiab 13; 14.
    Yog peb mus saib hauv peb phau ntawv Es Thes, mas peb tsuas pom muaj txog zaj 10 (chapter 10) 3, 3a, 3b, 3c mus txog 3l xwb, vim lawv muab cov nqe lus uas nyob hauv Es Thes 10: 14-16: 14 ntawd los mus dhos rau tej qhov uas yuav phim dua lawm.

    Photobucket

    1. QEE IB LUB SIJ HAWM LOS NYEEM NTAWV NTSHIAB TXHUA HNUB:
    - Yuav mob siab thiab nyiam nyeem thiab saib Ntawv Ntshiab txhua hnub nyob hauv koj lub neej.
    - Txhob siv lub sij hawm nyeem ntawv Ntshiab nrog rau lwm yam hauj lwm ua ke.
    - Yuav nyeem nyob qhov chaw ntsiag to tsis muaj suab lwm yam los cuam tshuam.

    2. SIM NYEEM IB PHAU IB ZAUG TUAJ MUS:
    - Muaj ntau phau ntawv koj yuav siv li 20 feeb nyeem thiaj li thoob.
    - Hos muaj tej phau siv tshaj 1 teev los nyeem thiaj thoob.
    - Tseem muaj ib co yuav siv sij hawm ntau los nyeem thiaj thoob .

    3. SIM KOM TO TAUB TXOG LUB NTSIAB NTAWM TUS NEEG SAU:
    - Paub tias leej twg yog tus sau phau ntawv ?
    - Nws nyob rau zos, lub roog, lub teb chaws twg ?
    - Vim li cas nws thiaj li sau phau ntawv ntawd ?

    4. COV LUS SAU MUS RAU LEEJ TWG:
    - Paub cov neeg uas tim li cas ho sau cov zaj lus ntawd rau?
    - Cov zaj lus ntawd txhais li cas rau lawv ?
    - Cov zaj lus ntawd ho txhais li cas rau koj ?

    5. KHAWS IB PHAU NTAWV ME LOS SAU:
    - Sau tej lo lus yus tsis nkag siab txog.
    - Sau tej lo lus yus tsis paub lub ntsiab yog dab tsi.
    - Sau cia tej yam yus xav nug kom tau lub ntsiab tseeb.

    6. KEV TSHAWB NRHIAV TEJ LO YUS TSIS NKAG SIAB:
    - Siv cov ntawv txhais ntawv Ntshiab.
    - Siv lwm yam ntawv piav txog keeb kwm ntawv ntshiab lub ntsiab los pab yus.
    - YUAV TAU THOV NTUJ PAB KOM YUS NKAG SIAB TXOG ZAJ LUS LUB NTSIAB.












    Photobucket

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: COV NTSIAB LUS QHIA KEV NTSEEG RAU COV NEEG LAUS

    Post  Npuagtub on 13th September 2011, 4:13 am

    Photobucket
    Photobucket

    Ua lub neej nyob ntiaj teb no mas peb txhua tus xav kom peb muaj txoj kev sib haum xeeb sib hlub sib pab sib raug zoo muaj kev phooj ywg zoo rau peb txhua leej. Yuav ua li cas peb ntiaj teb neeg thiaj li yuav muaj kev sib haum xeeb sib raug zoo ib tug rau lwm tus? Peb yuav rov los mus kawm thiab coj raws li 10 lo lus thaum ub Tswv Ntuj tau hais kom haiv neeg His xais lais coj mas saib peb puas yuav muaj txoj kev sib raug zoo rau lwm tus. Xav tias yog peb txhua tus coj thiab ua raws li Tswv Ntuj 10 lo lus qhia mas peb yuav tsum muaj kev sib raug zoo, sib nyiam sib hlub, sib haum xeeb.

    1/. Thawj lo lus coj: " kuv yog nej tus Tswv Ntuj, nej yuav tsis txhob muaj dua lwm tus Tswv Ntuj, nej yuav teev kuv ib leeg thiab nyiam kuv tshaj tas puas tsav yam".
    Thawj nqi lus no yog qhia kom peb ntseeg Tswv Ntuj, tso siab rau nws, thiab nyiam nws tshaj tas txhua yam, vim Tswv Ntuj tau tsim peb kom zoo li nws tus duab, thiab peb yog nws cov me nyuam, nws thiab xav kom peb paub txog tias nws yog tus tsim peb thiab muab txoj sia nrog tus ntsuj plig rau peb, yuav tsis muaj dua lwm tus Tswv Ntuj loj dua nws kom peb paub li ntawd.

    2/. Lo lus coj Ob: " Koj yuav hwm Huab Tais Ntuj lub Npe, txhob muab nws lub Npe mus siv ua tej yam tsis zoo".
    Yam li Tswv Ntuj yog tus Ntshiab, peb yuav hwm Yes Xus lub Npe, Niam Mabliab lub Npe, tsoom leej Ntshiab cov Npe, thiab tej yam Tswv Ntuj tau tsim ua yog Ntshiab Huv. Yog peb ua li no mas thiaj li yog peb hwm Huab Tais Ntuj, yog peb hwm Huab Tais Ntuj lawm ces peb kuj yuav paub ntshai nws thiab hwm leej lwm tus. Yog peb hais tias peb hwm Huab Tais Ntuj, tiam sis peb ho tsis hwm lwm leej lwm tus mas peb yog ib tug neeg dag.

    3/. Lo lus coj peb: "Nco ntsoov caiv hnub xya yog hnub Ntshiab".
    Tswv Ntuj tau siv rau hnub los tsim lub ntiaj teb thiab ib puas tsav yam nyob ntiaj teb no, thaum nws tsim tau ib puas tsav yam txhij txhua lawm ces hnub xya nws foom hmoov rau txhua yam ua nws tsim los, yog li nws thiaj xav kom peb ua hauj lwm rau hnub ib yam li nws txog hnub xya peb yuav so, cia peb lub tswv yim los ntsib Tswv Ntuj, los nrog peb tsev neeg nyob ua ke, nrog tej phooj ywg, tej txheeb ze sib ntsib sim fim kom peb lub cev thiab lub tswv yim tau so thiab muaj kev zoo siab peb thiaj li nyob ze ntawm Tswv Ntuj thiab ntawm peb tej neeg. Yog peb cai tau li Tswv Ntuj kom peb ua, mas peb kuj yuav caiv tau tej yam kev phem uas Tswv Ntuj tsis xav kom peb ua. Thaum peb txhua tus coj tau ib yam li Tswv Ntuj xav kom peb ua ces peb muaj txoj kev sib hwm sib haum xeeb, ces peb thiaj li muaj txoj kev thaj yeeb nyab xeeb.

    4/. Lo lus coj plaub: " Yuav hwm koj niam koj txiv".
    Dua li ntawm Tswv Ntuj lawm mas peb yuav tsum hwm peb niam peb txiv. Niam thiab txiv yog peb tus tswv, vim muaj niam thiab txiv mas thiaj muaj tub ki, yog peb hwm niam hwm txiv mas peb yuav muaj txoj sia nyob ntev vim niam txiv yog lub kaus roos nws cov me nyuam ib yam li Tswv Ntuj roos txhuam yam nws tau tsim. Dua li ntawm niam thiab txiv lawm mas peb kuj tseem yuav hwm tej nom tej tswv kav teb kav chaw, tej thawj coj tswj kom muaj kev thaj yeeb coj kom muaj txoj kev zoo rau neeg ntiaj teb ua neej, peb yuav tau hwm txhua leej ua lawv coj zoo ua zoo rau lub ntiaj teb neeg. Yog peb hais tias peb hwm Tswv Ntuj, tiam sis peb ho tsis hwm peb niam peb txiv, tsis hwm peb tej thawj coj tej neeg tsim kev thaj yeeb rau peb ces peb yog ib tug neeg dag, peb tsis hwm Tswv ntuj.

    5/. Lo lus tsib: " Koj txhob tua neeg".
    Neeg txoj sia yog ib yam tseem ceeb tshaj, yog leej twg txo lwm tus txoj sia mas yog nws tsis hwm Tswv Ntuj vim neeg txoj sia yog Tswv Ntuj tug. Yog koj hais tias koj ntseeg ntuj koj hwm ntuj zoo tiam sis koj ho tua lwm tus txoj sia mas yog koj tsis hwm tus tswv tsim lub ntuj lub teb vim koj rhuav tshem yam nws tsim. Hnub kawg koj yuav raug nyob ntawm nws lub rooj txiav txim. Yog peb hwm Tswv Ntuj tiag mas peb kuj yuav txawj sib hwm ces peb yuav tsis muaj sib ntau sib tua txov neeg txoj sia, vim peb ntshai thiab hwm tus tsim peb thiab tsim tas ib puas tsav yam uas yog Tswv Ntuj.

    6/. Lo lus rau: " Koj yuav txhob zes luag txij luag nkawm".
    Lo lus no yog ib nqi tseem ceeb heev rau peb lub neej, Tswv Ntuj tau tsim kom muaj poj niam thiab txiv neej los ua txij nkawm, yug tub yug kiv kom huam vam puv lub ntiaj teb, tiam sis Tswv Ntuj tsis nyiam kom neeg txoj kev ua txij nkawm zoo li tej tsiaj, xav nrog leej twg ces cia li mus pw. Yog leej twg ua plees ua yig los yog mus deev lwm leej tus txwj nkawm mas yog nws tsis hwm tus neeg ntawd lawm nws thiaj ua li rau, vim nws xav yuav luag tus los ua nws tus, tej yam zoo li no yog ib yam ua Tswv Ntuj tsis nyiam. Vim txoj kev deev luag txwj nkawm yog ib qhov phem tshaj uas tua txoj kev phooj ywg sib raug zoo tuag. Yog peb hais tias peb hwm Ntuj tiam sis peb niaj hnub ua plees ua yi, deev luag txwj luag nkawm, ces qhia tau tias peb yog ib tug neeg ntseeg dag thiab hwm Ntuj dag.

    7/. Lo lus xya: " Koj yuav txhob nyiag luag tug".
    Yog peb xav kom peb muaj txoj kev sib raug zoo mas peb yuav tsum muaj lub siab ncaj ib tug rau lwm tus, koj txhob nyiag kuv li kuv los txhob muab koj tug, mas peb thiaj li muaj txoj kev sib hlub sib haum xeeb.

    8/. Lo lus yim: " Koj yuav txhob dag rau luag tej".
    Txoj kev dag yog ib yam phem heev rau peb lub neej, txoj kev dag coj tau peb mus rau lub qhov tuag, txoj kev dag tua peb txoj kev sib raug zoo ib tug rau lwm tus. Yog peb tsis muaj lub siab dag mas peb txoj kev phooj ywg sib raug zoo yeej yuav loj dav, yog peb muaj lub siab dag mas peb yeej tsis muaj kev phooj ywg dav li.

    9/. Lo lus cuaj: " Koj yuav txhob tso koj lub siab ntshaw zes luag txij luag nkawm".
    Lo lus no yog ib lo ua Tswv Ntuj xav kom peb txhob cia peb txoj kev xav nyob hauv peb siab mus xib rau tej yam tsis zoo, vim thaum peb lub siab xav tau lawm ces tsis ntev peb lub siab yuav coj peb lub cev mus ua. Thaum peb lub cev mus ua lawm ces txoj kev puas tsuaj kawg tawm tuaj. Huab Tais Yes Xus thiaj hais tias: " Thaum koj pom luag ib tug txwj nkawm zoo koj lub siab nyiam thiab koj xav zes nws, mas koj twb zes nws tas lawm".

    10/. Lo lus kaum: Koj yuav txhob tso koj lub siab nyiag luag teej luag tug".
    Lo lus no kuj zoo ib yam txhob cia yus lub siab xav txog tej yam phem, vim thaum yus lub siab xav tau ces lub cev kuj yuav xav mus ua thiab. Yog li peb yuav tau ceeev faj tswj peb lub siab tiag tiag. Yog peb tswj tau peb lub siab txhob xav txog tej kev yuav mus ua phem mas peb yuav tsis muaj txoj kev phem tawm tuaj ib zaug li.

    - Tus neeg nws coj tau li Tswv Ntuj 10 lo lus no mas ntseeg tias nws yuav tsum muaj kev sib raug zoo thiab muaj kev phooj ywg ntau rau lwm tus. Tus neeg uas nws coj tau Tswv Ntuj cov lus qhia, nws txawj ua siab ntev, zam rau luag tej, hlub lwm tus, tsis cib nyeej, tsis muab hlob, tsis khav theeb, tsis npau taws sai, tsis ua tub qaug lwm tus, tsis nyiam pom tej yam kev phem kev qias, txawj tswj nws lub siab kom txhob yuam kev, ua siab ntev rau luag tej, tsis noj luag tug, tsis khib xeeb, nws nyiam tsim kev thaj yeeb, nws ntxub txoj kev phem.












    Photobucket

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: COV NTSIAB LUS QHIA KEV NTSEEG RAU COV NEEG LAUS

    Post  Npuagtub on 24th September 2011, 5:51 am



    Photobucket
    ( MASS )
    Ua ntej yuav ua ib lub Txoos Teev Ntuj (mass) mas yuav xub npaj txhua yam twj thiab cov txim kom txhij uas yuav siv rau lub Thaj Txi Ntuj raws li hauv qab no:

    1/. Npaj ib lub rooj loj kom zoo ua lub Thaj Txi Ntuj kwv yees li: siab 4 feet, dav 3 feet, ntev 5 feet, (Altar). Ib lub rooj me siab dua lub rooj ua Thaj Txi Ntuj, cia nyeem cov zaj nyeem. Ib lub rooj me qis dua lub Thaj Txi Ntuj cia rau cov twj thiab cov txim yuav siv rau lub Txoos teev Ntuj.
    2/. Npaj ib tug Ntoo Cuam loj hauj sim txawb rau saum lub rooj ua thaj txi ntuj los yog muav txhov rau ib sab ntawm lub Thaj Txi Ntuj.
    3/. Npaj 2 tug tswm ciab muab lub tais txawb, taws tso rau saum lub Thaj Txi Ntuj.
    4/. 2 daim ntaub dawb pua lub rooj ua Thaj Txi ntuj.
    5./ ib lub rooj me rau cov txim xws li; 2 lub fwj me me, ib lub rau cawv txiv hmab, ib lub rau dej, ib lub tais rau cov mov mog ( gifts ), ib lub ntim, ib lub phaj nrog ib lub cim yug loj nrog ib daim ntaub dawb me ua ke.
    6./ Ib phau ntawv Ntshiab, nrog cov zaj nyeem thiab ib phau ntawv ua cov kab ke lub Txoos.
    7/. lub tais hlawv tshuaj tsw qab txab txiv yoov (yog tias siv).
    8/. Lub tais rau dej Ntshiab (yog tias siv).
    9/. 1 los 2 tais paj ( yog tias muaj ).

    COV NEEG PAB TXIV PLIG UA LUB TXOOS TEEV NTUJ:

    1/. 2-3 tug me nyuam (Altar Service) muaj hnub nyoog txij li 7 xyoo. ( yuav tsum tau txais lub Cim Ntxuav thiab Cim Yug lawm ).
    2/. 2-3 tug pab TP. Faib lub Cim Yug, ( Eucharist ministry ) cov no yuav tsum paub txog kev faib Yes Xus lub Cev ( yuav tsum tau txais lub Cim Ntxuav Txhab Cim Txhab Zog ).
    3/. 1-2 tug nyeem ntawv, ( Reader ) Zaj 1 thiab 2. ( yuav tsum tau txais lub Cim Ntxuav thiab Cim Txhab Zog ).
    4/. 2-3 tug neeg laus saib kev ruaj ntseg nyob hauv lub Txoos Teev Ntuj, los yog sau nyiaj (Usher).
    5/. 1-2 tug coj hu nkauj rau lub Txoos teev Ntuj.
    6/. 1 tug coj thiab saib xyuas tas txhua yam nyob hauv lub Txoos Teev Ntuj thaum pib rau thaum xaus ( Lead ).





    Last edited by XH. Npuagtub on 10th October 2011, 6:34 am; edited 1 time in total



    Photobucket

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: COV NTSIAB LUS QHIA KEV NTSEEG RAU COV NEEG LAUS

    Post  Npuagtub on 10th October 2011, 6:03 am



    KASTHOSLIV TXOJ KEV COJ THIAB NTSEEG

    Kuv ntseeg txog Huab Tais Ntuj yog Txiv muaj hwj huam tas nrho
    yog tus tsim ntuj tsim teb. Kuv ntseeg txog Yes Xus
    yog Huab Tais Ntuj tus tub twm zeej yog peb tus vaj Pleev,
    yog ntuj Plig ua nkauj tsim txiaj Mab Liab xeeb Yes Xus.

    Thaum Pis Las Tos ua nom luag muab Yes Xus khi ntaus ntsia saum ntoo cuam
    Tuag tas los lawm, Yes Xus tus plig mus txog teb chaws tsaus Ntuj
    Hnub peb Yes Xus sawv rov los, thiab nws nce mus pem ntuj mus zaum ze
    Huab Tais Ntuj yog tus Txiv muaj hwj huam tas nrho nws phab xis.

    Yes Xus tseem yuav nqis rov los txiav txim
    rau ib zej tsoom neeg ciaj neeg tuag
    Kuv ntseeg txog leej ntuj Plig Ntshiab,
    ntseeg txog lub koom txoos Ntshiab
    ntseeg txog ib tsoom leej Ntshiab,
    ntseeg txog kev daws txhaum tau
    ntseeg neeg lub ces yuav sawv rov los
    muaj txoj siab nyob mus li.

    Ua li...



    Last edited by XH. Npuagtub on 10th October 2011, 8:41 am; edited 1 time in total



    Photobucket

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: COV NTSIAB LUS QHIA KEV NTSEEG RAU COV NEEG LAUS

    Post  Maiv Paj Lug on 10th October 2011, 8:40 am

    Ua tsaug XH NpuagTub,

    Koj tuaj sau tej zaj qhia txog lub thaj Txi Ntuj zoo heev, koj yog ib tug XH tau muab koj tej txuj kawm los nthuav rau sawv daws nrog koj kawm thiab paub, Tswv Ntuj txhais tes yuav roos koj mus lawm yav tom ntej, koj yuav qhia coob leej ntau tus neeg kom txawj coj thiab paub tab dua qub.

    Koj cov zaj sau nyob hauv no nws muaj nqis rau peb txhua tus, nws pab txhawb cov neeg tsis tau mus kawm dua los li kuv es tab tom pib coj ib haiv Hmoob Teev Ntuj, kuv tuaj kawm tau ntau yam hauv Vas Sab Hmong Catholique nrog Maiv Tooj, Mim, Suav Nus thiab nej ob peb tug , peb kuj ua tau tej yam hauv no muaj txiaj ntsim zoo tiag tiag. J:




    <3 <3 Pab kuv rov los cuag koj Huab Tais Yesxus <3 <3

    Sponsored content

    Re: COV NTSIAB LUS QHIA KEV NTSEEG RAU COV NEEG LAUS

    Post  Sponsored content Today at 6:19 am


      Current date/time is 9th December 2016, 6:19 am