Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» COV ZAJ NYEEM NRUAB LIS PIAM XYOO I 2016-2017
by Mim 8th December 2016, 5:41 am

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    XH. Yaj Zoov Ntxheb lub Tsev THOOB TSIB

    Share

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 18th March 2013, 6:34 am



    NTIAJ TEB NEEG KEV LWJ SIAB.


    Lub neej nyob ntiaj teb no, tsis hais ib tug txiv neej los poj niam. Tuaj ua lub neej rau saum lub sim ceeb no. Nyob tsis muaj pes tsawg niaj, ntev tsis muaj pes tsawg xyoo. Ua neej nyob 70- 80 xyoo li xwb los, twb yuav rov mus cuag poj cuag yawm, tseem ua lub neej nrog teeb meem thiab kev tu siab mus tas lub neej, ua neeg lwj siab ntsuav.
    Yuav tshuaj xyuas saib yog tim dab tsi tiag!

    Tus txiv neej puas tau ua rau nws poj niam muaj kev tu siab lwj siab?
    Poj niam ne! Puas tau ua tej yam uas txaus tu siab rau tus txiv neej?
    Ntawm cov me nyuam ne! Neb ob tug niam txiv puas tau ua rau lawv tau tu siab?

    Cia saib cov lus duab tu siab nram no tso, peb mam rov tham dua.
    Xws li:

    1-Muaj ib nkawm niam txiv. Tus txiv yog neeg nquag muaj zog, nws hais rau nws poj niam tias: “Koj niam, koj lub hnub nyug tsis nchav npaum kuv. Cia kuv ua hawj lwm los yug peb cov niam txiv tub, tso koj mus kawm ntawv ntxiv. Thaum kawm tas koj yuav tau hauj lwm zoo, peb lub neej yuav raws tau luag lawm ces peb tsis txom nyem dua luag tej. Peb thiaj pab tau tsoom kwv tij fab kawm txuj thiab kev noj nyob kom xws li tej Mab Sua. Kom peb lub cuab yim neeg xws teb chaws, tsis ntshaw luag noj luag haus.” Tus poj niam kuj zoo siab hlo mus kawm txuj, Hnub nws kawm tiav kws txuj, nws hias rau tus txiv tias: “Kuv tsis yuav koj lawm, nej nyob nej. Vim tias koj tsis yog peb txheej neeg kuv tau txuj siab lawm koj thiab kuv wb tsis sib phim , peb yog peb ib txheej neeg muaj txuj. Nej yog txheej neeg qis qis. Kuv lub hwj chim siab dua koj lub mus lawm ntau theem, Koj txhob tu siab.”
    Ua rau tus txiv neej no tu siab nrho. Noj yus zog, haus yus roj yus ntshav loj tiav txuj muab yus laim pov tseg li no, tsis xav ua neej nyob ntxiv rau lub sim ceeb no li lawm.

    2-Muaj ib tug ntxhais mus ua neej. Nws yuav tau nws tus txiv, Niam tais yawm txiv lawv yog neeg muaj, phij cuam tau 60 txhiab nyiaj coj los ua neej. Tus txiv nws ua hauj lwm nyob hauv ib lub koom haum muag toob xib. Muaj ib hnub tsis paub muaj dab tsi, lawv muab nws ncaws tawm hauj lwm lawm. Nws tsis qhia rau nws poj niam paub, nws niaj hnub ntim su mus xws li mus hauj lwm. Tiam sis yog nws mus rho nws poj niam cov nyiaj mus twv txiaj pem Tsev twv txiaj. Ua ua nyiaj poob tas. Nws poj niam mam paub nug tias. Koj muab nyiaj rho mus ua dab tsi tas lawm? Tus txiv teb tias: “Thov txim, koj zam rau kuv thiab,lawv twb muab kuv ncaws tawm hauj lwm tau ntau lub hlis lawm. Kuv rho mus twv txiaj saib puas tau nyiaj los pab peb nod. Koj ho zam txim thiab.” Ua rau poj niam tu siab, Ua cas tawm hauj lwm ho tsis hais qhia paub.

    3-Muaj dua ib tug txiv neej nws yuav tau nws poj niam tseem hluas, nkawd muaj thawj tug me nyuam tub xwb nws hais tias, nws tus hlob nyob tim Los Tsuas teb txom txom nyem heev cia nws nqa kaum txhiab nyiaj mus pab lawv ua tsev rau lawv nyob ces nws mam rov los.
    Nws mus tau ib lub hlis ces nws xa xov los tias: “Koj niam koj txhob xav li cas, kuv yuav tau poj niam lawm. Kuv yuav tsis tau los sai qhia koj paub li no!”
    Ua rau poj niam tu siab.

    4- Muaj ib tug txiv neej, nws ua hauj lwm hmo ntuj. Muaj ib hnub nws mus ua hauj lwm. Nws tau ntog tus tswv saib hauj lwm coj nws mus rau tus Kws Tshuaj saib puas raug sab li cas. Saib tas kuj tsis muaj dab tsi txawv. Tab sis tus Thawj hais tias cia xa nws los mus so ib hnub tso. Lawv xa nws los txog thaum ob teev sawv ntxov. Nws poj niam coj ib tug hluas nraug tuaj nrog nws pw saum txaj. Ua rau txiv neej no tu siab.

    5-Muaj ib tug txiv neej, nws yog tus tswv tsim tsheb, nws ua ib lub Tuam Txhab loj. Muaj ib hnub nws ua ib rooj mov loj los noj. Nws caw ntau lub Tuam Txhab tuaj noj mov ua ke qhuas txog cov tsheb nws tau tsim muaj ntawd. Nws hais rau nws poj niam tias: “Hmo no wb yuav noj hmo ua ke nyob tom peb lub chaw tsim tsheb muaj phooj ywg coob leej tuaj noj mov ua ke tod.”
    Poj niam teb rau nws tias: “Koj mus koj, kuv cav tsis paub koj cov phooj ywg tsam kuv laj laj nyob txog lub caij tas, koj txhob tos kuv li od.”
    Ua rau tus txiv tu siab lawm.

    Tas nrho cov neeg muaj cuab tsa yim peb sawv daws muaj tej teeb meem zoo lo hais saum no los lawd.

    Zaum no yog leej twg thiaj yog tus yuav pab tau peb daws tej kev muaj teeb meem tu siab lwj siab no?
    Peb yuav mus saib thiab kawm His Xas Lais liv Xwm. Txij li -586 los mus txog -94 xyoo ua ntej Yes Xus uas cov His Xas Lais mus nyob txim nyob Npas Npis Los teb, Lub caij Tswv Ntuj tus tub txib Nes Hes Mis rov los txhim lub tsheej Yes Lus Xas Les.
    Nes Hes Mis quaj rau tsoom His Xas Lais kev txom nyem tu sia luj siab.

    Kev los kua muag muaj ob peb yam los kua muag:
    a- Los kua muag zoo siab, yus sib twv yeej, los yus ua tau zoo txaus luag qhuas, los kua muag.
    b-Los kua muag vim muaj tej yam txhawb ua rau qhov muag iab. Pa taws txhawb, kua txob qij dos txhawb, ntsim los mua muag.
    c- Los kua muag muaj kev txom nyem, kev lwj siab tu siab.
    d- Los kua muag thaum tau kev tws, yus swb luag tsis muaj kev mus lawd.

    Thaum koj quaj, txog kev tu siab, lwj siab, swb luag, kev tws.
    Cov kua muag no ntxuav kev txhaum, kev ruam kev tsis paub tab tsis paub cai, tej yam tsis huv hauv koj nruab siab nruab cev tawm mus kom dawb huv. Nws coj txuj ci, kev muaj tswv yim ua neeg thoob tsib to nrog tuaj cog rau koj kom muaj zog pom txoj hauv kev ua koj lub neej txuas mus ntxiv.
    Zaj lus no Muaj ntau tus kws txuj yog neeg thoob tsib nyob Mis Kuj, Fuaj Kuj, Tsoob Kuj teb lawv twb hais los ntau ntau xyoo ua ntej lawm

    Lawv cov lus no yeej raug raws li Tswv Ntuj cov lus nyob hauv cov ntawv ntshiab cog lus qub uas Ntuj hais thiab coj Haiv neeg His Xas Lais 2000 xyoo ua ntej Yes Xus yug los. Cov Yaj Saub coj Haiv neeg His Xas Lais ntawd.
    Thaum koj quaj rau koj tsev neeg los quaj rau Ntuj, koj xav thov Ntuj daws koj tej teeb meem kev txom nyem, lwj siab, tu siab no. nrog kev yoo mov ua kev them txim txhaum. Kom koj muaj ib co txiaj ntsim tshiab tuaj hloov tej qub tswv yim tsis zoo kom koj rov muaj zog tuaj.

    Yog peb cov txij nkawm muaj lub cuab lub yig no mus tsis zoo, peb yuav muab tham qhia rau Tswv Ntuj tias muaj teeb meem lawm Ntuj Koj pab daws pab kho peb lub cuab lub yim no. Koj yog tus nrog peb tsa peb lub cuab lub yim thiab koj tau foom hmoov zoo rau peb ua neej kom sib caum sib raws.
    Thaum Tswv Ntuj tsim neeg. Nws tsim tau As Das Ntuj xub hais txog kev ua phooj ywg rau As Das.
    Tswv Ntuj hais tias: “Tsis zoo rau Txiv neej nws nyob nws ib leeg li ntawd. Kuv yuav tsim ib tug kom phim nws.”

    Muaj xya yam uas Tswv Ntuj tsim los nyob hauv ib yim neeg muaj lub cuab lub yig:
    1-Muaj kev ua phooj ywg kom txhob nyob ua neeg twm zeej. Muaj tus hlub koj, nrog koj hais lus, tau pab koj, kom koj zoo siab, nws nplij koj lub caij koj nkees txhawb koj lub zog...
    2-Muaj kev sib hlub txaus siab los nyob ua ke ua koj luag kom hnub hmo txhob ntev.
    3-Txiv neej poj niam koom cev koom siab sib nyiam, cev yog ib lub, siab yog ib nploog. Koj tsis yuav kuv ces luag yuav. Kuv tsis yuav koj los luag yuav mus ua luag nplooj siab.
    4- Lub hwj chim ua txij nkawm. Koj tsis muaj txig muaj nkawm koj hlob tsis tiav niam tiav txiv. Koj tsis yog txiv tsev los niam tsev. Koj txawm laus lawm los luag tsuas hu ua tub thiab ntxhais xwb. Vim koj tsis tau kav dua neeg los mus lawm ib zaug li.
    5-Kom muaj kev sib pab. Ob leej tau sib pab ib sab yog txiv lwm sab yog niam neb nyob ruaj nyob khov tau kev sib ua luag, sib nres koj tuav nws lub hwj chim nws nres koj lub tswv yim. Pub rau luag zeej tsoom tau lub caw vam khom.
    6-Muaj tub ki yog Tswv Ntuj foom hmoov zoo rau As Das Thiab EsVas tias, neb yuav huam vam mus kom puv lub ntiaj teb no. Ob leeg tau nrog Tswv Ntuj tsim neeg los nyob rau ntiaj teb no. kom tau nthuav txuj nthuav ci cob qhia kev sib haum xeeb.
    7- Muaj kev sib pab. Ib leeg tsis xav khwv kev noj kev haus muaj ob leeg tsis nco nkees ib tug ua ib tug qhuas ob leeg ua noj tsis tas.

    Muab xya yam no coj los xav dhos kiag li ntawv ntshiab cog lus qub hais uas Tswv Ntuj tau tsim neeg los rau ntiaj teb no, cov lus Ntuj tau foom los rau ob tug niam txiv hauv paus chiv keeb ntawm As Das thiab Es Vas nkawd

    Yog lub cuab yim muaj teeb meem yuav muab tham qhia Ntuj tias kuv muaj teeb meem lawm koj pab daws.
    Tsis yog tias thov Ntuj daws luag li kev teeb meem xwb. Koj yuav thov kom Ntuj pab koj daws koj li teeb meem ua ntej tso. Vim koj yog tus tsim kev mob siab rau koj tus poj niam los koj tus txiv thiab koj cov me nyuam lawm.
    Koj yuav hais tias:
    Kuv tau ua li no thiab li no rau kuv tus poj niam, los kuv tus txiv lawm. Thiab kuv cov me nyuam.
    Koj daws koj li tas ces koj cog lus rau koj tus poj niam los koj tus txiv thiab cov me nyuam tias:
    Kuv cog lus kuv yuav ua li no. rau nej. Txhob kom lawv cog lus li. Yog koj kom lawv cog lus mas tsis muaj chaw mus. Vim koj tos kom kuv hloov ua ntej. Lawv kuj tos kom koj hloov ua ntej. Tsis muaj leej twg xub hloov ua ntej li ces mus tsis taus. Luag yuav hloov tsis hloov los tsis tos li koj hloov, koj kho koj li xwb.

    Cov niam txiv tau muaj teeb meem lawm nyias kho nyias. Nyias xyuas nyias cov. Kuv ua li no tsis yog lawm thiab li no mas tub qaug rau koj lawm. Kuv txiav txim siab kuv yuav hloov ua li no.
    Tus tsis txhaum yuav zam txim rau vim nws twb hloov lawm.
    Txuas mus txhob hais qub lus ntxiv:
    Thaum yus thov kom ua ib yam los hais ib cov lus nws tsis hais cia lwm zaus tso.
    Txhob hais tias, Kuv kom koj ua los hais koj ho tsis ua tsis hais, ua cas Thaud koj ho hais rau niag pog ntawd. Ua li no nws rov muaj kev tu siab dua tuaj.
    Koj yuav tshawb koj saib tshuav qhov twg tsis zoo ces kho qhov ntawd kom zoo xwb.
    Kev lwj siab mob siab, tu siab. qee tus neeg tsis hais txiv neej los poj niam kuj lam coj li no thiab:
    Lwm tus neeg cem yus, yus teb tsis taus, yus los tsev lam chim rau nws tus txiv los tus poj niam kuj muaj.
    Tej tus mus tham pem hnov luag tham txog kev ua hluas. Tham hluas nkauj los tham hlua nraug cia li lam khib los txog tsev hais lus phem liam poj niam tham hluas nraug, los txiv tham hluas nkauj niaj hnub rhaub qub zaub noj thiaj mob plab, ua nrau kev tsis sib to taub muaj kev tu siab los muaj thiab.
    Txiv neej poj niam luag yeej hais tias, ib tsu muaj peb lub ntxhib. Ib cog txhuv muaj peb lub quav tsuag. Ib txiv neej los ib tug poj niam yeej muaj peb tug hluas. Cov zoo nkauj los zoo nraug tseem muaj txog pua tus. Los luag twb tsis yuav, los yuav koj tib tug xwb nws twb xaiv koj lawm koj kuj tib yam li nws thiab. Yuav sib zam txim thiaj yog kev ncaj ncees.

    Txiv neej muaj xya yam uas nws nyiam los nws tshaw:
    1-Nws nyiam thiab ntshaw kom luag hwm nws...
    2-Ntshaw kom saib thiab mloog nws ua tus thawj...
    3-Nws nyiam, ntshaw kom poj niam tuav kev zoo
    Nkauj rau nws....
    4-Nws nyiam kom hais lus nrog kev hlub kom tsim
    Nyog rau nws....
    5-Nws nyiam kom poj niam txaus siab rau nws tus
    Yam ntxwv, los nws tej hauj lwm....
    6-Nws nyiam thiab ntshaw kom qhuas txog nws tus
    Yam ntxwv nrog nws lub meej mom....
    7-Nws xav kom poj niam paub tias nws muaj nqes
    Dua poj niam....

    Xya yam uas poj niam nyiam thiab ntshaw.
    1-Poj niam nyiam thiab ntshaw, kom tus txiv muaj ib
    Txoj kev ntseeg ruaj nyob hauv kev tab lub cuab
    Lub yig khov hauv nws tus kheej....
    2-Poj niam xav paub tias nws puas ua tau li tus txiv
    Lub siab nyiam thiab nws ntshaw....
    3-Poj niam nyiam qhov tias, tus txiv puas saib tias
    poj niam nyob ntawd puas muaj nqes rau nws
    thiab....
    4-Poj niam xav kom tus txiv paub tias poj niam no
    Lub zog tab dua tus txiv neej.....
    5-Tus txiv neej puas txaus siab qee tej lub caij nrog
    Poj niam tham daws teeb meem....
    6-Tus txiv neej puas saib thiab nco tias poj niam
    Nyob ze tus txiv txhua lub caij....
    7-Poj niam nyiam thiab ntshaw kom tus txiv muab
    Nws lub siab cog rau poj niam tib leeg xwb....

    Nyob hauv xya yam txiv neej los poj niam nyiam no mas yeej mus raws nkaus li Tswv Ntuj 10 lo lus qhia lawm. Hauv Hmoob txuj ci, muaj hais tias:
    “Tus txiv yog tus chiv, hos tus nyab yog tus pab.”

    Ob tug niam txiv nyob ua txij nkawm. Tus txiv neej yuav hwm tej yam poj niam nyiam thiab ntshaw nyob hauv nws nruab siab.
    Tus poj niam los kuj yuav tau hwm tej yam uas tus txiv neej ntshaw thiab nyiam.
    Yuav saib tias txiv neej yog lub ntuj, hos poj niam yog lub teb. Ib lub zeb muaj ob txhib ua ke.

    Txoj kev tsa cuab tsa yim Tswv Ntuj xub tim kom muaj tuaj ua ntej tshaj txhua yam.
    Txiv neej yuav hwm poj niam me nyuam lub hwj chim muaj nuj nqes loj.
    Tus poj niam kuj yuav hwm tus txiv thiab tej me nyua lub hwj chim ua qhov tseem ceeb.
    Muaj tej zaum kev ua txhaum los ntawm tej yam me me los ces nce mus ua tej yam loj kom muaj kev tu siab lwj siab:
    Ib tug poj niam deev hluas vim nws tus txiv tsis tham lus. Nyob tsheej hnub tsis tham ib lo lus li los muaj.
    Ib tug txiv neej nws tham hluas nkauj vim nws poj niam tsis qhuas txog nws tus txiv lub meej mom thiab tsis hwm nws ua tus thawj. Tsis tsab zoo pub rau tus txiv neej.

    Tej me nyuam mus ua Laib vim niam txiv tsis hwm me nyuam tej kev tso siab rau niam txiv, Niam txiv siv nyiaj muas ntau yam los mus ua si tsis saib me nyuam tej kev ntshaw ub ntshaw no, lawv tsis muaj kev xaiv. Yam lawv ntshaw yog nyiaj txiag....

    Tas sawv daws koj tsis hwm yam lawv nyiam los luag ntshaw, thiaj tsis sib mloog nyias mus ua yam nyias ntshaw, thaum dhau txoj kab liab lawm sawv daws muaj kev tu siab lwj siab. tsis xav nyob ua ke.
    Yog muaj teeb meem lawm yuav muab cev rau Ntuj quaj thov kom Ntuj pab daws rau koj, ua kev them txim yoo tej yam kom koj ua tau zoo dua tuaj

    Koj cia li xav tias phem dhau lawm ces sib nrauj xwb.
    Kev sib nrauj tsis yog qhov zoo.
    Saib raws li cov teb chaws vam meej:
    Mis kuj, Fuaj kuj teb chaws muaj xws li, cov txij nkawm hluas sib nrauj muaj 41%, cov sib yuav zaum ob lawv muaj kev sib nrauj 62 %. Cov rov sib yuav zaum peb muaj kev sib nrauj 73 %.
    Tshuav pes tsawg leej neeg yog neeg zoo?
    Koj muab nrauj mus yuav lwm tus los tsis zoo. Kav tsis ntev. Ua teeb meem rau tej me nyuam tub ki tsis muaj caj ces keeb kwm zoo. Ua rau tej muam phauj dab laug niam tais yawm txiv, poj yawm muaj kev sib tu siab. Nyias xav pab nyias tus. Sawv daws tsis pom ib yam, nias kws nyias tus txoj cai. Yog ib yam tsis zoo li. Muaj npaum li no ua cas thiaj yuav tsis muaj kev tu siab lwj siab no yom.
    Kev kho: Nyias tshawb nyias tus kheej. Yam twg koj tau ua tsis zoo rau poj niam me nyuam, los ua rau tus txiv thiab cov me nyuam lawd. Koj daws koj li , lawv daws lawv li, koj rov cog lus rau koj tias koj yuav hloov qhov no thiab qhov no ua kom zoo rau poj niam me nyuam. Poj niam kuj tib yam.
    Txob sib cog lus tias koj puas hloov, nws puas hloov. Cog lus rau luag mas koj tos kom nws hloov koj mam hloov tsis muaj leej twg xub hloov mas mus tsis taus li.

    Peb rov mus saib ib daim duab zoo li no:
    Muaj ib hnub ib tug poj niam hmoob yuav tau ib lub tsheb TOYOTA. Nws caij mus saib neej tsa rau ib lub zos deb li 2 teev kev. Nws mus txog nrab ke nws lub tsheb tuag mus tsis tau ntxiv lawm. Nws tawm los nres ntawm ntug kev tos. Ib pliag kuj muaj ib tug txiv neej tuaj txog nws kuj caij ib lub tsheb TOYOTA thiab.Tus poj niam co tes rau tias thov koj pab kuv thawb kuv lub tsheb rau tim ntug kev, kuv mam hu cov neeg paub kho tsheb tuaj cab mus kho. Tus txiv neej pab thawb rau tim ntug kev tas. Nws hais rau tus poj niam Hmoob ntawd tias, qhib koj lub tsheb taub hau saib. Tus poj Hmoob qhib tau, nws xauj ib pliag nws xuas tes ntswj ib qho tas, nws hais tias tsav koj lub tsheb mus tau lawm. Tus poj Hmoob sim na has ciaj lawm tiag. Tus poj niam Hmoob hais rau tus yawg ntawd tias: “ kuv tsis paub koj, koj nyob qhov twg tuaj kuv tsis paub ua koj tsaug li.” Tus txiv neej no teb tias: “ kuv yog tus tswv ua cov tsheb Toyota no.”
    Ua li mas puas muaj ib yam ua tsis muaj neeg kho thiab daws tau.
    Tswv Ntuj yog tus tsim peb sawv daws yog peb muaj teeb meem mas tshuav Ntuj tseem yog tus yuav daws tau. Peb yuav muaj kev tso siab kev vam thov kom Ntuj pab peb kho.
    Lub neej peb ua no twb yog Ntuj muab pub dawb rau peb, thaum tsis zoo qhov twg coj mus rau Ntuj qhia rau peb, ces peb yuav pom kev thiab paub ua txuas ntxiv kom kawg.

    Yaj Xib Hwb Zoov Ntxheb.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 25th March 2013, 8:08 pm



    TEEB MEEM KEV TSA LUB CUAB YIM.


    Leej tib neeg li kev tsa cuab tsa yim. Nws yog thawj lub hwj chim loj dua cov. Tas huv si nyob hauv txhua yam kab xwm ib ncig ntawm ib tug neeg.

    *1-Txij thaum ntuj tsim teb raug los,Tswv Ntuj tsim noob neej los nyob rau hauv lub sim ceeb no.
    Tswv Ntuj tau tsim As Das los ua thawj tug txiv neej. Ntuj pom tias tsis zoo rau tus txiv neej no nws nyob nws ib leeg li ntawd.
    Vim nws tsis muaj phooj ywg tsis muaj tus los phim nws nrog nws sib ua luag nyob kom muaj kev kaj siab. Tswv Ntuj tau muab tus txiv neej ib tug txha tav los tsim ua tus poj niam.
    Tswv Ntuj muab rau tus txiv neej yuav kom nkawd sib yuav ua txij nkawm. Tswv Ntuj foom hmoov zoo rau nkawd tias neb yuav muaj tub ki huaj vam kom mus puv lub qab ntuj khwb no.
    Tswv Ntuj tau tsim xya lub ncauj ke no rau tib neeg tau siv:
    a- Muaj phooj ywg...
    b- muaj kev sib hlub...
    c-Muaj kev sib ua neej nrog txiv neej los poj niam...
    d-Nyob nrog kev sib haum phim lub ntuj lub teb...
    e- Muaj kev sib pab sib nres...
    f- Muaj tub muaj nyuag huam van mus...
    g-Ib tug neeg muaj zog tsis txaus...
    Cov teeb meem no Tswv Ntuj yeej xub pom ua ntej uas nws yuav foom hmoov rau ob tug niam txiv hauv paus thaum ntxo ntxov los lawm.

    *2-Lub neej tsa cuab tsa yim, yog thawj txoj kab xwm los hauj lwm loj. Yog Tswv Ntuj kom ua li ntawd.
    Hlob tiav neeg lawm Tswv Ntuj muab txoj kev nyiam, kev hlub ntawm poj niam los txiv neej los tso rau hauv neeg nruab siab, tawm los rau ntawm lub ntsiab muag. Kom sib xaiv tau tus ntxim siab. Yog txoj kev tseem ceeb, Ntuj cia nkawd sib xaiv, Ntuj tsis yuam leej twg. Thaum ob leeg sib nrauj, los sib tso tseg yog nyias nrhuav nyias kev cog lus. Txawm yog neeg hais neeg los koj twb tau hais ua pov thawj rau Ntuj hnov tias:
    Kuv nyiam koj, kuv hlub koj lawm, kuv yuav hlub mus txog hnub kawg ntawm koj thiab kuv.

    *3-Kev nyob tab seeb yog ib txoj kev tsis zoo:
    Tus nws nyob tab seeb, nws lub siab tsis tiaj tus. Nws raug teeb meem ntau, yam li nws tsis muaj hwj chim, nws ua tsis nyog ntiaj teb neeg tus thawj neeg. Nws tshuav ib lub siab uas neeg ntseeg tsis tau:
    Nws ntshaw mus nyob ze ntawm luag tej poj niam me nyuam. Nws tsis xav los zeej tsoom xav tau tias, nws ntshaw luag poj luag sev. Ua rau tej poj niam xav yuam kev tias, tus neeg tab seeb tsis muaj cuab yim li ntawd mas tham pheej yig tsis laj mus tham nws li. Tej txiv neej los poj niam yeej tsis zoo tas tus thiab. Cov tsis zoo nkauj twb muaj li peb tug hluas. Cov zoo nkauj zoo nraug lawv muaj caum mus txog pua leej. Tab sis sawv daws yuav sib ntseeg tias, nws muaj npaum nplooj los nws tsis yuav luag. Nws xaiv koj nws nrog koj sib cog lus lawm tias kuv nyiam kuv hlub koj tiag.

    *4-Kev tu siab muaj ntau. Nco ntsoov tias tsis yog ib tug pib los nyias yeej nyeem nyias. Ib leeg txhawj txog leeg tsam tsis tau sib sau ua txij ua nkawm, tsam ho plam poob mus rau lwm tus yeej yog 80% li ntawd. Qaib thiaj tau los ntshav ntsej, npua thiaj li los ntshav ntswg. Ntiaj teb neeg thiaj tau zeem txog paub tseeb tias nkawd tsheej cuab tsheej yig. Txawm phem zoo los yuav tau lees txais yuav. Nyias kho nyias tus kheej. Tsis yog koj ua tus tsim los, yog Ntuj tsim los rau koj yuav, yuav ua Ntuj tsaug. Tsuav ua tau lub neej zoo tau li 60% lawm ces yeej zoo lawm. Tab yog niag nom niag tswv los tej nkawm twb tsis muaj qhov zoo txog 50% thiab.

    *5-Tswv Ntuj yeej xav kom ob tug sib sau los nyob ua ke kom txaus siab rau tej yam zoo, thaum nkawd sib xaiv los lawd. Txhua yam uas kuv muaj,los kuv txawj hlub txawj nyiam yog Ntuj muab rau kuv, Ces kuv muab pub rau koj. Ntuj tso kuv los ua koj luag kom tau pab koj. Hos koj los kuj tib yam li ntawd thab. Neeg lub cev, lub meej mom, lub tswv yim yog Qaum Ntuj lis tas huv si. Koj tsi nyiam koj tsis xav yuav. Lwm hnub koj yuav mus nyiag luag li los ua koj tug. Koj yuav hais tias Lam muab ntawv ntuag los ntxiv ntawv ntuag lam yuav. Cas koj tsis khuv xim daim ntawv nyiaj keeb puaj txwm uas ib txhis raug ntawd.

    *6-Lub neej nyob ua ke yeej muaj kev tu siab.
    Kev tus siab tsis yog poob rau tus txiv los tus niam xwb. Nws muaj los rau tej me nyuam nrog ob tug ua niam ua txiv nyob sib npaug:
    A-Leej txiv, yuav xav saib nws puas tau ua rau poj niuam muaj kev tu siab. Los ua rau tej me nyuam tu siab qhov twg lawm. Yus yuav rov kho yus saib puas tau,
    B-Yus yog leej niam, yus puas tau ua tus txiv muaj kev tu siab, thiab ua rau tej me nyuam tau tu siab lawm. Sim rov kho saib puas yuav ua tau kom zoo dua.
    C-Cov me nyuam, yus puas tau ua rau niam txiv muaj kev tu siab, nrog rau tej tij tej viv los tej phooj ywg. Yuav xyaum kho yus tus kheej kom zoo, vim lub neej tseem tshuav ntev.
    D-Lub neej nyob ua ke yeej muaj kev tu siab mus txog hnub ncaim ntiaj teb. Yog ib lub caij ntev li 60 xyoo mus txog 90 xyoo li.

    Txawm zoo li cas los yuav zoo siab txais yuav. Neeg sawv daws yeej ntshaw kom muaj li ntawd. Tus teeb meem mas yog neeg ntiaj teb tsis paub txog lub neej nyob ua ke. Thaum yus nyob ib leeg mas yus tseem muaj kev tu sia loj tshaj. Yus niaj hnub seev tias, cas, yus tsis muaj cuab muaj yim, es yus yuav ntshaw ua ib lub neej muaj cuab yim xws li luag, thiab muaj kwv muaj tig coob, los muaj nkau muaj muam ntau.

    *7-Txoj kev nyob ua txij ua nkawm. Yog Tswv Ntuj muab los thiab nws foom rau neeg ntiaj teb. Raws li Tswv Ntuj foom rau As Das thiab Es Vas nkawd tias:
    Neb yuav hauj vam kom mus puv lub ntiaj teb.Neeg
    ntiaj teb yeej ntshaw sib yuav, ntshaw kom muaj tub
    muaj ki, huam vam ntws xws li xub ntab, nroo vam
    ntws li xub mes. Thaum muaj teeb meem lawm yuav
    muab los cev rau Tswv Ntuj thov kom Tswv Ntuj
    pab mas yeej zoo xwb. Tswv Ntuj nws paub daws
    paub kho txhua yam kom zoo tua,j kawg yuav tso
    siab thiab vam txog Ntuj pab siab thiaj li kaj.

    *8-Piav ob peb yam kev tu siab.
    Kev tus siab nyob rau lub cuab lub yig muaj tej no
    sib xyaw pes daws rau hauv:

    A-Muaj cov nkawm niam txiv, nyob nyob Mis Kuj
    teb. Tus txiv neej laus muaj hnub nyug hnyav dua
    tus poj iam li 9 lub xyoo tshaj. Nkawd sib yuav tau
    tus txiv nej hais tias koj hluas dua kuv cia kuv khwv
    nyiaj rau wb siv koj mus kawm ntawv yim lub xyoo
    koj kawm tas ces koj mam li mus ua hauj lwm kom
    wb ho muaj noj muaj haus xws li lub teb lub chaw
    thiab. Nkawd yeej zoo siab ua li ntawd. Hnub tus poj
    niam kawm tas nws hais rau tus txiv tias:
    Kuv tsis yuav koj lawm vim koj tsis yog peb phaum
    Neeg. Koj twb tsis paub dab tsi li. Kuv yuav mus yuav
    ib tug paub txuj li kuv wb thiaj sib phim rau lub
    ntiaj teb qhuas txog. Ces ua rau tus txiv muaj kev tu
    siab loj.

    *B-Muaj dua ib nkawm niam txiv, nkawd sib yuav
    Tus niam neej tsa phij cuam tau 60 txhiab nyiaj coj
    los ua neej. Tus txiv ua hauj lwm hauv ib lub tsev
    tsim toob xib.Nws raug luag muab ncaws tawm hauj
    lwm lawm. Nws niaj hnub ntim su mus li ua hauj lwm
    Nws muab cov nyiaj nqa tom neej tsa los coj mus twv
    txiaj tas. Poj niam mam pom tias, nws muab nyiaj
    rho tas mam nug tias nyiaj koj muab ua dab tsis
    tas lawm. Tus txiv thov txim tias, thov koj zam lub
    txim thiab. Lawv twb muab kuv ncaws tawm hauj lwm ntev lawm.
    Kuv tsis qhia koj. Kuv muab mus Kas Xiv Naum saib puas raug nyiaj ntau no.
    Kuj yog ua rau poj niam muaj kev tu siab.

    C-Muaj dua ib nkawm niam txiv. Tus txiv nws muaj ib tug kwv tij nyob Los Kuj teb lawv txom txom nyem. Nws hais rau poj niam tias kuv tus hlo lawv txom nyem heev. Koj tsis xav li cas no kuv mus xyuas lawv, kuv nqa me ntsis nyiaj mus pab lawv ua vaj ua tsev thiab ua tej yam pub rau tus hlob ntawd. Poj niam, kuj zoo siab hlo cia mus. Ob lub lis piam xwb xa xov los tias, kuv yuav tau poj nian lawm nej nyob nej koj ua twb zoo saib kuv cov me nyuam rau siab coj lawv mus kawm ntawv mog tsis tau paub lub caij yuav los li od. Kuj yog ua ib qho rau poj niam tu siab lawm.

    D- Muaj dua ib yam,ob niam txiv, tus niam tsis muaj hauj lwm. Tus txiv ua hauj lwm nyob hauv ib lub tsev tsim cov tsheb rau cov neeg caij txog li tsib rau leej li ntawd. Muaj ib hnub lub tsev tsim tsheb no ua ib lub koob tsheej qhuas txog lawv cov tsheb zoo nkauj no. Muaj noj mov ua ke. Tus txiv hais rau nws poj niam tias hmo no tsaus ntuj wb yuav mus noj hmo koom cov neeg peb ua hauj lwm ua ke tom lub tsev tsim tsheb, Poj niam teb tias:
    Koj mus koj, kuv tsis paub koj cov neeg tod tsam kuv laj laj nyob tas lub sij hawm ntawd. Thiab kuv xav mus saib tej kuv paub xwb, tsis haum li kuv lub siab nyiam. Kuj yog ua kev tu siab rau tus txiv lawm thiab.

    *9- Muaj ib tug poj niam, nws yuav tau ib lub tsheb Toyota. Nws caij. Muaj ib hnub nws taug kev mus rau ib lub zos, Nws mus txog nrab ke xwb tsis paub ua cas nws lub tsheb cia li tuag lawm. Nws nres hauv plawv kev tos, ib pliag muaj ib tug txiv neej caij ib lub tsheb tuaj txog. Nws hnav zam zoo. Tus poj niam ntawd co tes rau. Nws nres tau nws lub tsheb nws hais tias: Koj muaj teeb meem dab tsi? Tus poj niam hais tias, kuv lub tsheb tuag lawm koj pab kuv thawb rau tim ntug kev kuv mas hu ib tug neeg paub kho tsheb tuaj cab mus kho. Nws thawb rau tim ntug kev, nws hais rau tus poj niam ntawd tias, qhib lub taub hau tsheb saib! Tus poj niam qhib tau tus neeg ntawd mus xauj me ntsis nws muab tes mus ntswj ib lub pob xov tooj hauv xwb ces nws hais rau tus poj niam tias, koj tsav mus tau lawm. Tus poj niam ntawd muab yawm sij ntxig rau cia ciaj mus tau laum. Tus poj niam hais tias:
    Kuv tsis paub koj! Koj nyob qhov twg tuaj, koj puas nyob hauv peb lub nroog no thiab? Nws teb tias kuv yog tus tswv tsim cov tsheb Toyota no ntag.

    Xaus los lus. Ua li mas tsis muaj ib yam uas Tswv Ntuj yuav ua tsis tau li. Peb lub cev, peb txoj kev ua neej muab cev rau Tswv Ntuj, nws yog tus tsim nws yog tus muab pub dawb rau peb, tas txhua yam. Peb muaj teeb meem tsis hais yam twg li. Tswv Ntuj yeej pab thiab daws tau. Cia li tso siab muab cev qhia rau Tswv Ntuj, nws paub tias qhov teeb meem ntawd nyob qhov twg. Cia li taij thov rau Tswv Ntuj.
    Yuav thov tawm hauv yus nruab siab tuaj:
    Luag tej laus thiaj hais tias, kev tu siab, kev txom nyem, kev quaj ntsuag.
    Txoj kev quaj kua muag los muaj ntau yam. Kua muag los, qhov muag iab, los pa taws txhawb, nws tsis zoo li. Txoj kev quaj los kuag muag nrog kev tu siab. los kev tws tsis pom qab mus lawm. Mas koj quaj tas Tswv Ntuj muab kev kaj nrog lub tswv yim tshiab tuaj rau koj kom pom kev mus:
    Xws li koj yuav tau kho tej yam ntxiv rau, thiab txiav siab kom meej tseeb ces koj pom qab ua koj lub neej txuas mus. Kev vam, kev tso siab, kev thov Ntuj mas yeej muaj qab hau rau koj.
    Koj txhob cia lub na thi kawg muab ntawv txij nkawm ua khaub hlab tas. Mus dhau kev tu siab deb heev, mam li qhia rau Ntuj. Ces tsam lig rau koj lawm. Diam ntawv ntuag leej twg los tsis xav yuav li mog. Koj mus khaws luag daim ntawv ntuag los ntxiv rau koj daim ntawv khaub hlab los nyias muaj nyias hom tsos nws tsis txaij sib xws, coj los sib dhos tau los tsis npaum li daim tseem uas niam txiv nrog Ntuj muab txis rau yus li. Thawj daim ntawd thiaj hu ua ntawv nyiaj keeb puaj txwm raug pem ntuj nqes los no tau. Daim tom qab ces yog lam ntxiv ntawv ntuag, nrog rau ntawv khaub hlab xwb.

    Yaj Xib Hwb Zoov Ntxheb.









    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 31st March 2013, 8:59 pm



    KEV POV HWM TUB KI.


    Kuv twb sau zaj puav sib xws li no ua ntej lawm thiab.
    *Tas nrho cov niam txiv muaj tub ki, yuav tau xyaum kawm zaj txuj ci no los pov hwm sawv daws tej tub ki ua neej mus rau lub ntuj tom ntej no.

    Yuav ntsuam xyuas, cov qib lus nram no:
    a-Yus yog niam yog txiv.
    b-Niam txiv yog xib hwb, ua neeg txiav txim tu plaub.
    c-Niam txiv yog tus los pav muab nyiaj rau siv.
    d-Niam Txiv yuav tsum ua me nyuam tus phooj ywg.

    1*Cov ua niam ua txiv, kev lub mas lawv yeej muab txaus rau cov me nyuam lawm. Xws li lawv tiv thaiv kom cov me nyuam muaj txaus noj txaus hnav. Kom me nyuam hlob zoo xws luag zeej tsoom me nyuam li ntiaj teb kev tu tub ki. Tas txhua yam no yog niam txiv li hauj lwm lawv yeej paub tias yuav ua li cas xws neeg zej zog. Cov ua niam ua txiv yeej muaj lub peev xwm txaus kawg ua pub rau cov me nyuam.
    Tiam sis tshuav yam uas yuav ua me nyuam tus phooj ywg tsis tau ua:
    Xw li cov me nyuam ua zoo los tsis qhuas, ua phem los tsuas muaj cem mus li xwb.
    Kawm ntawv zoo los tsis muaj kev qhuas, kawm tsis zoo los hais tias, tsis rau siab, los ua neeg tsis tsim txiaj, neeg ruam. Thiaj kawm tsis tau, muab cem piv rau luag tej me nyuam. Cov me nyuam lawv muaj lawv phooj ywg lawv paub zoo dua yus cov ua niam ua txiv sawv daws yeej ntse ib yam, cov kawm tau los ntawm lawv niam lawv txiv txawj cob ces lawv muaj peev xwm zog xwb.

    2*Niam txiv yog thawj tug xib hwb qhia me nyuam. Tus Xib Hwb tom tsev kawm ntawv, nws ua Xib Hwb tiag, nws qhia raws li kev ncaj ncees, qhia thoob plaws rau tas nrho tsoom me nyuam. Nws yog tus pab cov ua niam ua txiv qhia lawv cov me nyuam xwb. Thaum tus Xib Hwm pom ib tug me nyuam ua tsis xws luag, nws tsis xav kawm, los nws tsis to taub los vim nws caum tsis tau cov ces nws ua tsis tau, tus xib hwb hais qhia niam txiv paub. Ces niam txiv tsis saib tias vim li cas, cia muab me nyuam cem ces nws haj yam kawm tsis tau. Tus me nyuam no cia li ntxub nws tus xib hwb vim xib hwb pheej nqhia niam thiab txiv paub tias nws kawm ntawv tsis zoo. Zoo li niam txiv thiab xib hwb lawv ua ib pab tsis nyiam tus me nyuam ntawd lawm. Nws muaj kev tu siab tsis muaj leej twg txhawb nws lub zog.
    Me nyuam qhov nws tsis muaj tswv yim los tsis thoob tsib ntawd los ntawm niam txiv tsis muaj kev qhuas, tsuas muab kev cem, los ua heev ua nruj rau ces me nyuam ruam tswv yim tsis tawm los. Ua yam twg los tsis muaj siab ces ua tsis tau zoo, tsis xav ua dab tsi li. Kev txhaum los ntawm cov ua niam ua txiv los.

    3*Niam txiv muaj cai txiav txim rau me nyuam.
    Tab sis tsis txhob txiav txim ncaj qha rau me nyuam, yuav txiav txim nyob hauv nruab siab tias yuav xaiv kom tau ib txoj kev coj tus me nyuam tawm kom tau los ua neeg paub tab xwb.
    Tej me nyuam ua yam twg los xij qhov phem qhov zoo yuav tau saib xyuas ob yam tib si. Txawj ua qhov phem koj yuav tau qhuas nce txog ib. Hos ua tau qhov zoo koj yuav qhuas nce mus txog plaub qib li ntawd.
    Txoj kev qhuas koj tus me nyuam nws kawm txuj los nws thoob tsib nce siab mus txog tsib theem. Kawn ntawv zoo kuj nce sai li tsib qib.
    Koj thuam los cem me nyuam nws yuav ruam nqes mus poob qab lawm tsib theem thiab kawm ntawv kuj poob qab mus li tsib qib.

    4*Niam txiv yuav ua me nyuam phooj ywg.
    Kev ua phooj ywg, yog ib txoj kev ruaj thiab khov nyob hauv ib yim neeg, me nyuam thiab niam txiv sib raug zoo.
    Cov ua niam ua txiv yuav nco ntsoov qhuas lawv cov me nyuam:
    Thaum ua tau ib yam twg zoo lawm, los kawm ntawv zoo yuav nco ntsoov qhuas. Qhuas me nyuam,nrog me nyuam ua phooj ywg me nyuam thiaj qhia siab rau niam txiv. Yog niam txiv tsis ua phooj ywg ces me nyuam nws yuav qhia rau nws cov phooj ywg. Lawv tsis xav li cov niam txiv xav. Lawv yuav sib cob ua tej yam tsis haum miam txiv siab. Ces niam txiv yuav tau cem, ces me nyuam tsis paub zaj uas niam txiv xav. Me nyuam xav tias niam txiv yog tus tsis nyem me nyuam, niaj hnub muab lawv cem, lawv tsis qab siab ua ib yam zoo li. Ces me nyuam npaj kev rob caub pib mus haus dej haus cawv, txom nyem los ces xyaum mus tho luag qhov vaj qhov tsev nyiag noj nyiag haus ua tub sab muab luag nyiaj txiag coj mus sis faib noj. Niam txiv yuav ua phooj ywg qhia txoj kev zoo kev phem me nyuam thiaj xav tau sab phem los sab zoo. Me nyuam thiaj paub tias leej txiv muaj tsim npaum li cas. Ho leej niam thiaj muaj lub siab zoo thiab hlub loj li cas. Yog tsi ua phooj ywg nrog me nyuam ces lawv nrhiav kev dag yog lawv dag tau ib zaug lawm ces lawv yuav nrhia kev dag rau niam txiv mus li txog hnub nws paub tab, ces twb mus deb lawm tsis zoo rov ua phooj ywg txaj muag los qhia tej yus tau ua tas los lawd.
    Hos ntawm tus me nyuam sab mas nws yeej tsis nyiam qhov hais tias mus ua Laib. Nws muaj phooj ywg. Luag tsaj ces nws lam nrog luag tsaj kom txhob muaj txoj kev txaj xwb. Yog cov ua niam ua txiv muab 50% rau nws thiaj mus ua neeg phem. Nws kawm tau 30% ntawm nws tej phooj ywg los. Qhov tsis zoo tsuas yog 20% xwb. Nws yug los nws yeej zoo lawm 80 % lawm.
    Thaum me nyuam tawm mus ua Laib mas nws yeej tsis xav mus, vim niam txiv cov lus cem, nws mus lawm nws yeej xav tau tias nws yuav mus kawm kom nws ntse tshaj nws niam nws txiv nws yuav rov los kom niam txiv paub tias nws tsis phem li niam txiv hais. Tab sis tsis muaj hmoo nws tsis mus ntsib tau nom tswv tej tub zoo. Nws ntsib tau cov phooj ywg zoo li nws uas tau ntsib tib txoj kev sib xws xwb, tsawg xyoo los nws kawm tsis tau yam zoo li. Nws mam muaj kev tu siab mus haus yeeb haus tshuaj muab dej muab cawv los ua phooj ywg. Ces nws yuav nrog yeeb tshuaj, dej cawv ua phooj ywg sib puag tuag. Lub txim no tis yog nws ib tug ua xwb, Cov ua niam ua txiv yuav tau ris 50% cov phooj ywg los lawv kuj yuav tau txais yuav 30 %. Nws tus kheej tsuas muaj qhov phem no 20 % xwb.
    Yaj Xib Hwb Zoov Ntxheb.









    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 9th April 2013, 5:52 pm



    KEV UA TXIJ UA NKAWM TSIS HAUM TXOJ CAI.



    Txoj kev ua txij nkawm, txiv neej rov yuav txiv neej. Poj niam rov yuav poj niam.
    Txoj cai no Qaum Ntuj tsis tau tsim los kom muaj. Ntuj tsuas tsim kom muaj ib tug txiv neej thiab muaj ib tug poj niam. Ntuj tsim tau Ntuj muab nkawd los sib yuav kom muaj noob neej huam vam mus puv lub qab ntuj khwb no.
    Txoj kev no yog Ntuj rhawv kom muaj li ntawd. Tej tsiaj txhua kuj tib yam tsuas muaj tus maum nrog tus txiv kom huam vam muaj noob.
    Ntuj tsim noob neej los ua neej, Poj niam yog txiv neej tug cia rau txiv neej siv, kom tau nyiam thiab hlub. Hos txiv neej yog poj ntiag tug, cia rau poj niam siv kom tau nyiam thiab hlub.
    Txij thaum ntuj xeeb teb raug los tsiaj txhu twb tsis hloov li.
    Nyiam no neeg yuav hloov tej kev cai no mas xyov yog neeg xav mus li cas lawm. Txiv neej rov siv txiv neej poj niam rov siv poj niam no, puas yog neeg noj ntau yam txua ntau yam ua kom neeg lub cev puas mus lawm, thiaj xeeb muaj txiv neej tshaw txiv neej hos poj niam rov ntshaw poj niam los ua yus tug, zoo li no mas zoo li neeg tseem liam dua tej tsiaj lawm.

    Cov neeg zoo yuav txiav txim rau cov neeg phem tsis tau lawm. Yim txiav txim yim txwv mas yim yuav muaj coob.
    Tsis yog neeg tau tsim neeg los. Yog Ntuj tsim neeg los. Neeg paub tsis txog tus teeb meem no. Tsam yog lawv tej niam txiv nram ntej ntxov tau noj tshuaj, noj qav tsis zoo mam xeeb kom muaj ib pab neeg xav thiab nyiam mus li ntawd.
    Lub zwj ceeb no neej dab nyob ua ke, dab neeg nyob sib nce, Neej dab nyob ua pawg, dab neeg nyob sis xyaws lawm. Yog Ntuj thiaj paub tias los qhov twg los. Peb liam tsis tau rau Ntuj thiab, tias peb thov Ntuj npaum no los Ntuj tsis pab, ntshai tsis muajNtuj lawm.
    Neeg xaiv neeg lawm mas txiav txim rau tsis pub los lawv twb yeej ua lawv lawm. Lawv tseem thov kom tej nom tswv thiab neeg txhua tus txhawb lawv.
    Txoj kev tsis kheev muaj los ua tsis tau.vim lawv twb tsis mloog lawm.
    Txoj kev txiav tias pub cai kheev lawv mus taug li ntawd los tsis paub qhov tseeb.
    Cia lawv txiav lawv txim, tus nyiam li ntawd yog lawv ua lawv raws li lawv xav thiab lawv ntshaw, Hnub kawg thiaj yog nyias xaiv nyias uas nws nyiam ua li nyias xav. Txhob raus tes rau. Kev ntuas twb cov neeg txheej siab ntuas muaj ntau los lawm.
    Dab hlob hlob li lub caij no ntuj yuav mus kawg xub zeb teb yuav mus kawg rau xub ntoo, Dab yuav ntxias puas tsav yam kom cov neeg zoo nrog cov neeg phem pom zoo ua kev txog kev txhaum kom Ntuj tau muab txim rau cov zoo tib yam li cov phem thiab, tias neeg thoob qab ntuj tau pom zoo rau lawv ua tej kev lwj ke3v qias no.
    Hos neeg los yuav ceev faj, Cov neeg muaj txuj,xws li cov kws lij choj lawv hais tias lawv paub zoo vim neeg muaj siab muaj ntsws luag ntshaw kuj zoo li yus ntshaw. Tej yam no yog tej yam yaum kev loj los yus paub tsis tau, yuav ua tub qaug rau ntuj los tub qaug rau dab tsis muaj neeg paub txog. Neeg lub tswv yim luaj li lub pib txwv haus cawv xwb yeej tsis paub tias hwj cawv ntawd yuav muaj pes tsawg pib thiaj tas.
    Qhov zoo yog yus txav kom deb lawv, kom yus txhob mag lawv rooj ntxhiab ces yog zoo lawm.
    Koj Txiav txim rau sab lawv nyiam, koj tau pom zoo rau lawv ua kev txhaum.
    Koj txiav txim rau sab lawv tsis nyiam, lub tij teb yuav xeeb muaj tsov rog loj, nyob hauv koj lub tsev mus, koj tsis ceev faj yuav kis los txog koj tsev neeg tej me tub me ntxhais yuav sib xyaum ua mus puv toj puv pes. Yeej yog teeb meem txaus txhawj lawm. Nyias yuav kho nyias tus yam ntxwv, lub siab lo lus kom koj yog tus yeej xwb.

    Yaj Xib hwb Zoov Ntxheb.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 16th April 2013, 7:00 am



    HNUB Tim 7 lub 4 hlis 2013.




    Hnub no kuv sau ib zaj hais txog Leej tib neeg tej kev mob nkeeg. Kuv tsis paub lwm haiv neeg lawv xav li cas! Hos peb haiv Hmoob feem coob lawv xav li no:
    Niaj hnub Thov kom lub Ntuj lub Teb, los thov poj koob yawm txwv, thov dab pab ua kom lawv tej mob nkeeg zoo mus. Kuv yuav hais ib lo lus kom peb paub txog lub ntsiab lus peb xav thov. Rau cov neeg muaj txiab xeeb mob nkeeg ntawd.

    Thaum twg peb thov Ntuj Niam Ntuj Txi pov hwm los tuaj kho peb tej mob nkeeg kom zoo. Mas peb yuav thov rau lub qia mob uas nws coj tus mob tuaj rau neeg lub cev, txhob thov kom Ntuj tuaj pab kho daim nplooj mob uas twb xeeb tau tus kab mob noj nploog kom khaub hlab uas raug tus kab noj nploog twb muab noj khab hlab tas lawd. Yam li: “Kev mob nkeeg mas muaj ntau yam ua rau neeg muaj mob nkeeg.”
    Lub zim txwv no neg muaj kev vam meej tsis sib luag. Thiab neeg tej siab ntsws tsis thoob tsib sib npaug, kev phem kev zoo sis npaug zos.
    Lub qia mob nws nyob nws ib qho. Tus kab mob nqus roj nqus ntshav noj nploog nws tawm nws ib qho tuaj. Neeg cov mob nkeeg lub qia chiv mus li no:
    a-Mob nkeeg los ntawm kev kho siab, yus tsis muaj
    kev hlub txaus.
    b- Mob nkeeg los ntawm kev txom nyem, nws ua lub
    neej tsis xws luag, nws muaj kev ntshaw txhua
    yam uas luag muaj nws tsis muaj.
    c- Mob nkeeg los ntawm raug luag quab yuam, hem
    los luag tsawm, luag cem, saib tsis taus, nws tau
    raug kev kev ua neeg poob tsim lawm ces ua neeg
    vwm ua tsis tau neeg zoo.
    Peb cov Hmoob feem ntau lawv cov mob nkeeg
    tuaj ntawm tej lus hais saum no los ntau.
    Ces ua rau tus neeg tus ntsuj plig qaug zog, mam
    ua rau neeg lub cev muaj kev tu siab, Hmoob hais
    “noj hno tsis poob plab, haus dej tsis poob cev”. Lub cev tsis yeej tej sab foob khaub thuas. Txom nyem, tu siab mus li. Mam ua mob ua nkeeg rau nruab cev nruab siab, chim ntau siab luv, tsis nco noj
    nco haus mas ua mob Kaas xawj, ntshav siab nce
    taub hau xeeb muaj ntau yam mob nkeeg.
    Tsis yog raug dab, los raug kev khaum.

    Thaum txog tom cov nplooj mob no ces xeeb muaj cov kab mob nqus roj nqus ntshav, lawm peb tau txhawj tsam tuag ncaim peb mus , ces peb thov lub Ntuj lub teb pab. Peb thov kom pab peb thaum kawg uas twb xeeb muaj tus kab noj daim nplooj mob lawm twb khaub hlab tas mam thov Ntuj thov teb pab. Qhov tseeb mas peb yuav thov lub Ntuj pab kom txhob chiv muaj lub qia mob ntawd.
    Lub qia mob no yog leej tib neeg muab los ua li tej laus hais tias neeg tso dab tuaj tom! Yam li: koj tsis hlub koj tus poj niam, nws ntshaw kev hlub heev nws tos tau ntau xyoo koj tsis hlub ces nws kho siab kho siab ntau xyoo lawm txawj ua mob kaas xawj (kaas Xej) los ntshav nce tau hau. Mob lub siab mob lub raum Vim kev hlub txiav txhua yam ua kom nws tsis muaj zog pab nws tus kheej. Nco ntsoov tias tus tsis txawj hlub nws tus txij nkawm no nws ua zoo li cov neeg txawj tso dab mus tom neeg kom neeg tau mob tuag mus lawm ntag. Koj cem neeg ces luag tu siab luag cia li vwm tsis xav ua neeg tsis xav noj tsis xav haus nws tsis muaj zog nws yuav swb cov kab mob sab foob khaub thuas nws yuav tuag sai. Koj tsis paub, tab sis tus tso kab mob rau luag ces yog koj lawm vim koj cem nws thiaj swb tus kab mob.

    Yog peb yuav thov Ntuj rau peb tej mob nkeeg kom zoo tu qab mas peb thov rau lub qia mob uas chiv muaj tus kab mob ntawd. Peb ib txhij thov rau tus mob thiab ib txhij thov los kho peb lub ncauj lub siab kom peb lub siab lub ncauj los ua ib thawj hauv tshuaj kho neeg tej mob nkeeg no zoo tus qab.
    Kev tso siab rau Ntuj yeej muaj qab hau thiab ua tau kom koj nyob kaj lug tiag.

    Xyoo 1959 – 1962. Kuv lub hnub nyoog yog 20- 23 xyoos. Kuv ua Xib Hwb tshaj Yes Xus lub Moo Zoo Nyob lub zos Npam Naj Xees, Xeev Luam NamTha.
    Lub caij no kuv muaj plaub zaj teev Ntuj ua lus Hmoob. Nyob hauv plaub lub xyoo no Hmoob nyob toj siab muaj ntuj no ntau dua ntuj sov. Hmoob muaj mob khaub thuas ntau. Kuv coj cov tub co ntxhais, cov niam tsev txiv tsev nrog kuv, thaum muaj ib tug mob txaus txhawj peb ua ke teev Ntuj thov ntuj rau cov neeg mob no. Peb hais ib teev, ob teev cov zaj qub no xwb muaj peev xwm ua rau Hmoob tej mob nkeeg zoo hlo tas tib si. Plaub lub xyoo tsis muaj ib tug neeg yuav tau kev ploj tuag mus. Kuv ua tim khawv zeem tseeb tias “Lub KoomTxoos Ka Tau Liv cov zaj teev ntuj muaj qab hau tshaj Hmoob tej khawv koob daws dab”.

    Nyob hauv cov xyoo ntawd tsuas yog muaj tib tug poj niam tau ploj tuag, los ntawm lawv kev hlub tsis sib luag, ua rau Yaj Vam Tuam tus niam yau muaj kev chim siab, nws tau noj tshuaj twb yuav tuag mam paub, cawm tsis tau. Yam no hais tau tias yog teeb meem accident tuag yam txaus siab tsis muaj neeg paub thiab cawm tau.
    Xyoo 1968-71 Kuv kuj ua Xib Hwb nyob Looj Ceeb. Cov kwv tij Hmoob Sam Neua muaj ntau pua leej thiab cov neeg ntseeg nyob Xeev Kham los nyob ua ke. Lub caij ntawd kuv tau kawm kev kho mob kom paub yam puav tshuaj txaus kho Hmoob tej mob nkeeg raws paub muaj los raug rau cov neeg nyob toj siab. Kuv tau siv tshuaj thiab kuv cov zaj teev Ntuj ua kuv muaj ntawd los cawm tsoom Hmoob. Cov uas txais kev ntseeg txog Yes Xus lub Moo Zoo co me nyuam thiab cov hlual, laus tsis tau muaj hnub nyoog dhau yim caum xyoo kuj tsis muaj tus yuav ploj tuag. Tsuas muaj tib tug pog laus muaj hnub nyoog 80 xyoo thiaj tas sim neej tej tus no ua li tej laus hais txog cai nyoog nws yuav mus nws lawm xwb.

    Lub caij nyoog ntawd kuv tau muab kuv kev tso siab faib rau peb haiv Hmoob ntau li kuv faib tau.
    Lub caij nyob Los Kuj teb kuv tau ua tej no tsis pom tias muaj qab hau dab tsi li thiab. Tab sis nws mam los tawg paj txi txiv nyob hauv cov yeej thoj nam. Lub caij peb ua neeg thoj nam mas muaj neeg ntseeg ntau pua leej cov Xib Hwb lawv ua hauj lwm tshaj Yes Xus lub Moo Zoo; peb tau siv ib co sij hawm los qhia co neeg ntseeg ntau ib yam li cov kwv qhia ntawv siv lub caij nyoog los qhia txuj rau tej tub ntxhais hluas.
    Kuj yog ib yam txaus qhuas, uas Txiv Leej Choj Nyiaj Pov cov Xib Hwb lawv rau siab ua txoj hauj lwm tshaj Yes Xus lub Moo Zoo nyob hauv cov Yeej thoj nam ntawd.




    Yaj Xib hwb Zoov Ntxheb.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 23rd April 2013, 9:24 am



    LUB MEEJ MOM ZOO NKAUJ ZOO NRAUG..




    Muaj ob yam xav txog thiab tsim nyog qhuas:
    A- Hais txog cov neeg muaj lub meej mom zoo nkauj zoo nraug.
    Lawv muaj txoj hmoov zoo, ua Ntuj tau pub ib lub meej mom zoo nkauj zoo nraug rau lawv. Tsim nyog yuav ua Ntuj tsaug, kom tau muab lub meej mom zoo nkauj zoo nraug no, los hwm cia cav qhuas nyob rau lub sam xeeb tias Ntuj siab zoo uas tau muab lub meej mom zoo nkauj rau neeg.

    B-Cov uas neeg ntiaj teb hais tias lawv tsis zoo nkauj zoo nraug.Lawv lub meej mom zoo nkauj zoo nraug ntawd nyob tob tob,paug hauv lawv nruab siab nruab cev, tsis muaj leej twg yuav mus tsom kom pom.
    Sawvdaws txhob tus siab tias ua cas luag yuav zoo nkauj zoo nraug ua luaj li.
    Thaum Ntuj tsim noob neej los xeeb ua neeg, sawv daws yeej zoo nkauj zoo nraug sib npaug zos.
    -Cov A lawv lub meej mom nyob tau ntiav ntiav. Ib nyuag tsa muag saib los twb pom lawm.
    -Cov B lawv lub meej mom zoo nkauj zoo nraug yeej loj ib yam tsuas yog nyob tob tob neeg tsom tsis pom xwb. Cov no mas lawv ncos cev xwb los nyiaj kuj poob los, ncos tes mov nqaij kuj poob los noj los tseem qab dua, vim yog mov dawb huv tawm hauv lawv nruab siab los.
    Hos cov neeg zoo nkauj zoo nraug cov mov nqaij, noj ntau tseem muaj chaw daig dab nqos tsis mus, ntuav los tsis tau.

    Sob neeg zoo nkauj zoo nraug, mas ntau zau lawv raug xwv txheej ntau dua. Vim yog lawv kev zoo nkauj zoo nraug ntawd, mas dab los nyiam neej los qhuas. Ces lawv txaus siab, lawv tsa hwj chim siab zog lawm. Lawv mag lub voj neeg qhuas lawv.
    Lawv muab lawv lub meej mom zoo nkauj zoo nraug no txo ua ib tug nqi pheej yig kom raug qhuas loj heev tuaj. Ces Dab phem khaws xyeem siv lawv los cuab phiaj ntxias neeg los mag dab phem rooj ntxiab.
    Dab phem muab cov neeg zoo nkauj zoo nraug no mus cuab phiaj rau w nyob tas txhua txoj kev tiaj tus, thiab dav uas neeg nyiam mus taug. Kom ntiaj teb neeg tau poob mus hauv kev ua txhaum, tub qaug rau Qaum Ntuj, los tub qaug rau leej tib neeg:

    1- Sob neeg zoo nkauj zoo nraug, lawv yog cov pheej yig. Sab tswv yim, ncauj lus siab xav puav leej pheej yig. Nrog nws tes taw kev ua hauj lwm. Txhua yam los pheej yig. Nws tso siab luag rau lub meej mom zoo nkauj zoo nraug no yuav coj nws muaj koob meej hwj chim loj. Ces lawv kawm muab hlob, thiab khav theeb. Lawv ris nraim kev khib, thiab kev paub tias muaj tub qaug rau tus kheej.

    2- Dab phem hom siv lawv mus cuab phiaj rau poj niam, txiv neej, txoj kev ntshaw mus ua plees ua yi, uas neeg ntiaj teb kev nyiam kev ntshaw nrog kev qhuas. Lawv muab lawv lub meej mom zoo nkauj zoo nraug no los txo ua tus nqi qis tshaj plaws. Kom ntxhais ruam, ntxhais mos, tub raum tub hluas mus los tau tham los kam huv si.
    Luag tau qhuas xwb luag twb tsis tau thov li los ua neeg siab dawb cia li pub kiag rau.
    Qhov tseeb nws yog tub sab tub nyiag, twb nyiag tau lawv nplooj siab los yuav lawm.
    Tsis hais poj niam xwb cov txiv neej los lawv taug tib txoj kev nkag tib lub qhov rooj. Coj tib daim phiaj los cuab ntxiab kom dab phem cov ntxiab txoj kab twg los du li cov kab nas khiav ib hmo muaj ntau caum tus nas tuaj mag ntxiab. Ua rau Qum Ntuj muaj kev tu siab rau me nyuam neeg nyob ntiaj teb.

    3- Sob Neeg zoo nkauj zoo nraug no dab phem siv lawv cuab phiaj sab no tas mas siv mus cuab phiaj rau lwm sab dua ua tsis muaj caij li, tsuav yog lawv yeem ua dab phem daim phiaj xwb.
    Neej los qhuas dab nyiam, ces lawv hom muab qaum ntuj lus thoob tsib txawj nte los lua lus cuav, hais qhov tseeb qhov cuav sib npaug zos. Lawv siv tus cai zoo li lawv nyob ze Ntuj thiab dab sib npaug zos. Lawv tsis tshai ntuj, lawv kuj tsis ntshai dab. Kev khaum kev khaum lawv tsis kam lees tias muaj tseeb, rau lub neej tom ntej. Lawv tso siab lug rau yam cuav ntau dau yam tseeb.

    4- Sob neeg zoo nkauj zoo nraug no, mas dab nyob ze lawv txhua lub caij. Vim tias dab siv sob neeg no los cuab phiaj mas raug neeg siab dua. Neeg nyiam saib nyiam raws lawv.
    Tej hais no peb yuav ceev faj kom txhob raug rau tus kheej.
    Leej twg poob rau tus uas neej qhuas, dab nyiam ntawd yog nws tsis ceev faj, mas kawg swb rau dab mus li. Vim dab xav sau sob neeg no mus theej dab txhoj, ua dab cov hauj lawm. Kom coob li coob tau Dab xav tawm dab teb tuaj nrog neej nyob rau yaj ceeb. Thaum dab pom tias neej sib txiv qev mus rau dab teb lawm dab tau kev tawm vim neej mus coob coob dab tsis muaj chaw nyob. Dab yuav tsa neej ua nom loj kav dab teb. Neej yuav rov muab neej tsim nyob dab teb xws li neej xav tau nyob hauv neej lub tswv yim uas neej sib tsim neej rau tej kev xam khib los kev ua tub qaub hais xaiv hais lus tis tawj tas. Li neej kev ua neej nyob rau yaj ceeb tiam ua neej nyob li sawv daws pom thiab paub no.
    Yog tsis muaj ib tug twg los cuam tshuam rau dab mas dab kuj tsis hais li cas. Muaj ib leej nws muaj suab npe loj dua dab nug, ces dab yuav teb tias neej yeem mus neej. Yog neej ua tus xaiv mus. Dab twb tsis muaj chaw nyob, dab mam tawm los xyaw neej.
    Ua li mas peb noob neej yuav tsis yeej dab li yog peb tsis zam dab kev deb. Dab yeej ntxias peb tiag, tab sis dab tsis tau yuam peb. Dab tuaj qhuas koj tias koj zoo nkauj cuag ntxhais qaum ntuj, los zoo nkauj cuag zaj laug ntxhais ntxawm. Los qhuas tias, koj zoo nraug npaum li luag cav txiv Nuj Sis Loob, los txiv Nraug Sis Nab no xwb koj twb xaiv koj thiab koj twb tuaj yeem koj mus lees ua dab daim phiaj cuab kom leej tib neeg tus phem tus zoo sawv daws mus mas dab phem rooj ntxiab. Tas nrho sawv daws tsuas nros nyias nyiam nyias, nyias mus xaiv nyias, Ua plaub ntug los tsis yuqv yeej dab.
    Peb lub meej mom muaj nqes thiab kim kawg. Peb muab txo ua tus nqi pheej yig dab coj mus muag pheej yig heev thiab yooj yim Sawv daws kuj yuav tau. Yam uas neeg nyiam los neeg ntshaw lawm yog pheej yig mas sau nyiaj qab nas tas nrho mus yuav los neeg yeej txaus siab, Muaj ntau thiaj txaus siv xwb.Muaj tej tus neeg zoo nkauj los zoo nraug tsis tau hais nqi li qhuas xwb twb muab pub ua ntej lawm, tom qab mas khuv xim txog.

    5- Sob neeg uas neej qhuas dab nyiam no, feem coob lawv tsis ceev faj li Dab thiaj muas tau lawv pheej yig li ntawd. Lawv raug swb rau dab phem loj kawg.
    Thiab lawv tau ua txhaum rau Qaum Ntuj ntau, Vim lawv yog Qaum Ntuj li me nyuam, lawv ho tsis mloog qaum ntuj lus. Lawv mus coj dab siab qog dab li lus mus li. Yam twb phim yuav txaj muag rau Ntuj los rau neeg, mas lawv khav tias lawv hais kam li ntawd.

    6- Sob neeg zoo nkauj zoo nraug txawj hais lus no, feem coob, lawv yog cov tub sab tub nyiag uas mus nyiag luag tub luag ntxhais, los nyiag luag poj luag sev, luag leej tub leej roog cov nplooj siab mus muag nce luam rau dab phem kev ua txhaum.
    Sob neeg zoo nkauj zoo nraug, lawv ua txhaum 70%.
    Npoj neeg tsis muaj lub meej mom zoo nkauj zoo nraug tawm los,uas lawv muaj cia nyov puag nruab siab no, mas lawv tsuas yog nyiag nyiam luag xwb mas lawv ua kev txhaum li 30% lawm.
    Hais txog kev ua txhaum mas sab twg los yeej tau ua txhaum rau lub ntuj lub teb. Ib co ua txhaum hynav, ib cov ua txhaum sib.

    7- Phooj ywg, tub ntxhais, niam txiv, kev neej kev tsav txheeb ze. Kuv sau zaj lus no. Tsis yog tau paub ib leej twg nws kev coj los kev xav. Kuj tsis noj leej twg nkaub tuav leej twg lub npe los sau.
    Kuv sau li ib sij huam ces kuv txawm xav tau zaj lu no, ces kuv tsuas sau rau kuv thiab nej peb kawm tuaj nruab siab xws li yus ua npau suav ib vuag dua xwb

    Tus sau yog; Yaj Xib Hwb Zoov Ntxheb.
    Lub hli 4/ 15/ 13.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 28th April 2013, 7:19 pm



    KAWM TXUJ CI RAU NRUAB CEV.


    Kawm txuj ci rau nruab cev, tsis zoo li kawm txuj ci nrog ntaub ntawv. Muaj qib muaj quas, kawm ua Dov Tawj, ua Ees ze Nyawj.

    *Ib tug neeg muaj hnub nyug 15 xyoos rov saud lawm. Nws yuav tau pib kawm txuj ci zuj zus, kom nws mem thiab nyeem tau leej niam leej txiv kev nyiam kev hlub uas muab los pub rau nws. Nyeem tau kwv tij phooj ywg, kev nyiam kev hlub pab rau yus tus kheej tias luag nyiam thiab qhuas yus npaum li ca.
    Yus niaj hnub yuav rov ntsuam xyuas yus tus kheej, saib yus kawm puas tau zoo, thiab coj yoog puas tau yam txuj ci coj lub neej nyob ua npoj. Yuav txawj pom thiab paub tias, yam twg tsim nyog hloov, mas yus ke kawm ke hloov kom sib yoog nyob ua ke tau nrog yus cuab yim neeg, los nrog tas nrho rau lub zej zog.

    *Txij li muaj hnub nyug 18 xyoo mus rau lub sij hawm yuav poj yuav sev, los pib mus ua ib txoj kab xwm pab lub teb chaws.
    Yus tseem yuav kawm tas zog kom kom hlob tiav ua neeg thoob tsib to nrog. Kom yus paub meej tias yus tsis yog neeg twm zeej lawm. Yus nyob muaj npoj muaj pab pawg. Yus nyob nrog txij nrog nkawm, nrog tsoom txheeb kwv txheeb tij, txheeb neej los mus txheeb tsav.muaj ntau txheej neeg;
    Phiaj hlob mus rau phiaj yau, yam li tus ua thawj neeg, los tus qhia kev thoob tsib qhia hauj lwm. Thiab muaj cov mloog lus thiab txais ua. Muaj kev nyiam kev hlub, kev hwm nrog tej hauj lwm rau lub teb chaws vam meej.
    -Ob tug nyob ua txij nkawm nkawd tsis yog neeg tab seeb nyob twm zeej lawm. Nkawd tau muab ob lub siab, ob lub cev los koom ua ib lub lawm. Txiv yuav kawm niam lub siab, hos niam yuav kawm txiv lub tswv yim. Kom ntsia lub meej mom xwb ces yus nyeem tau yam nws xav. Yuav sib yoog kom hlob tiav, thiaj txawj hais los lus mos lus muag txaus rau tej kwv tij txheeb zes sawv daws zej zog nyiam.
    -Ob tug txij nkawm thaum nyob ua ke mas muaj qhov zoo yog zoo tshaj. Hos kuj muaj qhov phem kuj yog phem tshaj li thiab:
    Yuav kawm kom paub sib xws, yog tsis kawm paub thiab txawj siv. Ob niam txiv sib hlub heev, los lub neej ua neej sib hlub nrog tsov thiab dab nyob xwb. Vim kev sib hlub thiaqb kev sib ntxub mas nws los ua ke sib law sib liag. Ua lub neej sib tawm tsam ua tsov rog tas lub neej, ces tsis muaj kev kaj siab. Nyob hauv nruab siab xav tias kev sib hlub loj txaus lawm. Tab sis lo lus nrov tuaj yog lus dab thiab lus tsov xwb. Ces kev tsim tsov rog mas daws tsis paub tas li. Cuag li tus txiv mas yog neeg yug tso, mus txoj kev twg los raug tsov tom tas mus li.
    Hos tus niam nws kuj cuag li txawj yug dab cia tom neeg. Pom dheev xwb ces raug dab hem ua poob plig tas li thiab. Lo lus , tsov tom thiab poj dab no yog tej niam txiv cov cuab yeej ua rog ntag. Yog Nkawd tej hniav ntaj hniav riam, los ntsis phom ua niaj hnub sib ntaus sib tua. Thiaj muaj tsov rog ua rau Cuab kwv tij thiab cov neej tsa. Thiaj tau rub rooj rau nruab nrab, rub tau tus kev txwj kev laus tuaj mus rau ob sab. Thiaj noj nqaij mus daig nru, haus cawv los mus dab, ua xaiv ua lus rau tus choj lov mus kev tu, taug tsis tau qab.
    Leej niam mas tam li ib tug tub ceev xwm ris rawv rab yaj phom ib hnub tua tsov peb zaug los twb tsis tau tsaus ntuj. Hos leej txiv nws kuj zoo li cov txiv muam uas txawj khawv koob ib hnub nws ua khawv koob daws dab peb zaug los tsis tsaus ntuj li thiab.
    -Cov tsis paub siv cov txuj ci tiv thaiv lub cev ntaj ntsug los ua neej, thaum txhua yam plam tag mam kawm tiav, ras los hais tias, paub li mas. Lo lus paub li ces yog txoj kev lig. Yog li tej laus hais tias, koj tsis xub ntse, koj ntse tom qab uas muaj teeb meem tuaj.
    -Cov txij nkawm mus taug txoj kev no yog koj paub tab, mas cov kob tsov rog no xeeb muaj vim ib leeg tsis zoo sib xws mas txoj kev ua tsov rog yuav xaiv txoj kev mus nruab yeeb ntau zaus kuj pab tau thiab. Xws li siv kev zam kev nyiam kev hlub los tiv nws ces cheem tau nws rov los ua neeg zoo.
    -Txhob tab meeg mus saum yaj mus. Kev mus saum yaj ces yog ncauj pauv ncauj nrig pauv nrig ces tsov rog tsis muaj tus li.
    Yog nkawm twg paub lawm thiab txawj taug txoj kev kawm txuj ci tiav nws yuav ua lub neej kaj siab lug nrog rau kwv tij neej tsa nyob vam meej.
    -Yog ob tug niam txiv kawm cov txuj coj siab kav lub cev no thoob tas, mas muaj chaw tawm rooj mus noj nqaig haus cawv, los mus saib neej saib tsav, mus koom kev zej zog tej chaw noj chaw haus ua koob hmoov, mas ib tug tsis txhob mus nrawm dhau, los lwm tus kuj tsis txhob nkaum tom qab xws li tsis xav nrog mus ua ke. Tsam mus txog hmoob tej tsev luag pom tus ua ntej luag hu, ces luag txais nws coj mus zaum qhov chaw zoo lawm, nyob nyob nws tuaj tsis muaj neeg paub ces luag tsis txais thiab hu ces yus tis pom qab nyob, yuav zaum nrog luag los tsis zoo, yuav sawv los tsis phim ces yus ho txaj muag thiab.
    Tsam luag muab ntaus nqi tias nkawd tsis sib hlub los ua li cas. Thaum cov lus tsis tseem ceeb ntawd tig rov los txog ces, nkawd ho tsim kev ua tsov rog, los mus yug dab rau hauv tsev, mus yug tsov rau tom kev dua, ces ib sim neej lub siab nyob tsis nrog kaj li. Coj li no ntev mus ces zoo li tej laus hais thaum txog txoj kab liab yuav mob li xuas chais hlais ces yuav tau muab sib tso sib cais, mam paub li tias. Los lus paub li ces yog lo lus lig, yuav khuv xim mus ib sim. Kom nco tsov tias thawj tug txiv los thawj tug poj niam qhov zoo yog 80%, yam tsis zoo nws tsuas yog 20% xwb.

    *Sab ua kwv ua tij los ua phooj ywg nws kuj sib xws. Sawv daws cov txuj kav lub siab lub cev no yog ib yam tseeb tiag. Tus siv cov txuj li hais no cuag li nws pab tau tsoom kwv tij neej tsa nyob tau ua lub neej vam meej ntws xws li xub ntab los xub mes, leej twg nrog nyob los vaj tse dav, noj nqaig haus cawv los qab tsheej nqaig tsheej cawv, noj hno poob plab haus paug cev. Ua neej nyob los txoj sia ntev. Ib tug nyob sov tug ntiag tug pw los sov tug qaum. Tej kwv tij neej tsa muaj lub chaw vam khom, qab zej hauv zos tos nraim yus sawv daws thiaj qab siab nyob ua neeg, ces thiaj tau yeej mob yeej nkeeg. Txaus siab hlo ua lub neej nyob laus nkoos. Thiaj hu tau ua laus neeg nyob tsim nuj. Yam txaus siab ib tug neeg laus muaj phooj ywg ces yog ib tug neeg nplua nuj. Nws nplua nuj tiag:
    Tus neeg muaj phooj ywg yog nws mus saum ntuj los yeej muaj neeg xav raws nws mus, los mus rau dab teb los kuj yuav muaj neeg xav lawv nws qab mus thiab.
    -Hom neeg hais li no nws tsuas muaj mus txoj kev nce toj xwb.Txoj kev nqes hav, mas tshai yog nws tsis ceev faj es ho raug xwv txheej yuam mus lawm xwb.

    *Tus ua nom ua tswv, ua luag thawj neeg los yuav nco ntsoov tias kuv yog qaum ntuj li tus thawj neeg, xaiv lus plaub ntug hauj lawm yam twg yuav ua raws kev ncaj ncees li tej laus hais koob mus nyog xov los tau. Cuaj pluag sib luag yim pluaj sib nte. Tej lus thiab hauj lwm yog qaum ntuj li hauj lwm xwb, qaum ntuj qiv yus los pab qaum ntuj ua nws lub luag hauj lwm pub rau neeg ntiaj teb, yus yuav txaus siab hlo ua. Kom sawv daws tau nyob kaj nyob huv. Thiaj tsim nyog sawv daws tuaj ua neeg sawv ntsug ib zaug rau saum lub sim ceeb no. Txhob tawm tsam los tiv tej hlob los tej thawj neeg, Qaum ntuj xub tsa luag ua thawj coj, thaum tas luag kee lawm QaumNtuj yuav hu yus ua luag thawj neeg ib zaug thiab. Yog koj tawm tsam tiv thaiv tej thawj neeg, kuj ib yam li koj tawm tsam rau Ntuj lawm. Yov nws sim neej xaus hnub twg ces koj hauj lwm tas rau hnub ntawd thiab, vim tias koj twb xub pib ua thaum Qaum Ntuj tsis tau xaiv los hu koj los ua txuas mus. Yuav tsum sib yoog mus kom zoo li txoj hlua txuas rau saum lub qia plawv yis ntuj koom ib lub hauv paus los, txhob ua pob los tu ncua uas yog hmab ib txoog hlua ib txoj,uas txawj hais lo lus mos lus muag txaus rau Ntuj Niam Ntuj Txiv qhuas.

    Yaj Xib Hwb Zoov Ntxheb.







    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 10th May 2013, 7:17 pm



    KEV SIB TXUAS LUS NROG NEEG.


    Kev sib txuas lus, yog ib yam yooj yim rau tus neeg siab tsis huv, hos nyuaj rau tus neeg siab dawb.

    1- Kev sib txuas lus ntawm txiv neej, thiab txiv neej.
    Thaum pib nws sib nug npe, los xeem, yog kwv tij los yog neej tsa. Txuas mus nug zej zog, teb chaws nyob, nug kev txuj ci paub dab tsis, los paub keeb kwm. Teem meem txog lwm tus.
    Dhau los mus, tham txog kev plhom moj, saib tsis taus lwm tus neeg, muab tsoom poj niam, los luag tej ntxhais los mus hais cav zoo nkauj los sis hais dab plig tsis zoo txog luag.
    Yog tsis ceev faj ncauj ntau, ces kis tau kev sib ntxub.
    Poj niam kuj sib xws los tseem mus deb zog me ntsis.

    2-Tus Txiv neej txuas lus rau poj niam mas yuav ceev faj kawg nkaus tsam muaj kev cov nyom rhuav tau luag lub neej puas tsuaj mus. Ua rau luag muaj kev txom nyem lwj siab cog kev ntxub neeg mus txog hnub ntxa tuaj nroj.
    -Ua ntej nkawd sib nug kev noj qab nyob zoo, los ua hauj lwm ua ke. Sib nug txog tej hauj lawm, ib tug qhia ib tug kom paub ua. Txuas mus nkawd tham txog kev neej kev tsav ib tug txheeb ib tug li cas.
    Yam yuav ceev faj mas tsis txhob tham txog kev txom nyem kev khwv txuam yuaj txog nws los koj tsev neeg lub cuab yig. Koj tham ntau ces luag yuav qhia tias vim luag tus txij nkawm tsis puab cuab, tsis txawj ua niam tsev los txiv tsev. Cia ib tug ua hauj lwm tuav tu lub vaj lub tsev xwb. Hos ib tug mas nyiam mus ua si, twv txiaj los tham hluas tsis tshua nyob hauv tsev, tsis pab tej me nyuam ua ub ua no, ces lawv lub neej thiaj poob qab tsis xws luag.
    -Thaum tham txog tej no ces yuav sib nug tias, ua li neb puas sib hlub. Neeg siab muag muag, ces nws yuav qhia txhua yam rau koj paub. Ua rau nws ncawg koj cia li saib koj yog neeg txawj tham ntshai koj yuav txawj hlub tob dua nws tus txij nkawm.
    - Thaum ntawd koj twb pib nyiag nws nplooj siab lawm. Nws yuav xav tias sib nrauj tso ua dua ib lub neej tshiab nrog koj. Vim koj nyiag tau nws nplooj siab los yuav lawm.
    Ua rau nws tus txij nkawm sab tod ua neeg lwj siab, ua lub neej tsis xws teb chaws kuj ua rau tus txij nkawm sab tod caj ces keeb kwm tsis zoo.kis rau kwv tij neej tsa me tub me nyuam ua lub neej lwj siab. Tsis to taub tias puas yog vim niam los vim txiv los yog caj ces muaj kev khaum thaum ub los lawm, lawv thiaj zoo li no.
    Luag twb yeej zoo zoo luag, vim koj muab tshuaj zoo nkauj los zoo nraug, tshuaj lus qab zib mus pleev luag qhov muag ces luag thiaj saib luag tus txij nkawm yog neeg phem. Thaum luag nyob ua kev tsis zoo heev heev, los yeej zoo txog 80% lawm. Tshuav yam puav tsis zoo tas, yam li yog tej uas nws kawm tsis tau txog los paub tsis tau tas ntawd xwb.
    Ntev mus koj yuav paub tias yog koj ua luag lub neej puas tsuaj mus, tsis muaj neeg qhia los koj yeej xav tau tias yog koj ua puas. Koj paub tab mas koj twb ceeb laj kawg lawm, qhov yuav thim rov.

    3-Qhov yuav tau ceev faj, yog thaum pib txuas lus. Nyias yuav hwm nyias tus kheej tias yus yog ib tug neeg muaj nuj nqes tsim txiaj. Ua me nyuam poj niam txiv nyias ntxov ntxov kho nyias ua ntej yuav pib sib txuas lus. Txhab tham txog lub cuab yim koj los nws kev ua neej, tham hauj lwm tas ces txhob cuab lwm yam kom los ze lub cuab yim no. Koj pab nqa dej haus los cafes, nqa yam dawb huv li ib pab neeg ua hauj lwm ua ke xwb, txhob txuas ib yam lus rau kom nws xav tias koj txaus siab rau nws ua ntau nws yuav ncawg koj ces neb yuav yog ob tug neeg raug dab ntxias sib xws ib tug tsis nyiag nplooj siab los lwm tus nyiag tau lawm ces ib hnub neb yuav poob mus mag tib rooj ntxiab ua kev txhaum xwb.

    4- Hias txog kev pluag, mas tsis zoo seev.
    Koj txhob seev rau tus ub tus no tias koj tsis muaj nyiaj. Koj seev los luag cav tsis pub nyiaj rau koj.
    Luag tsuas teb tias peb kuj tsis muaj nyiaj thiab xwb.
    Luag muaj tej yam khoom los sis luag ua lag luam, laug caw koj tias pab peb yuav mas. Koj txhob teb tias nyiam kawg mas tsis muaj nyiaj ne! Koj hais li los luag cav tsis muab tej khoom ntawd, yam koj nyiam, pub kiag rau koj. Koj tsuas teb tias nyiam tsis tas cia lwm hnub nyiam mam yuav. Yog koj seev txog yam dab tsis los luag pub kiag rau koj mas seev nyog thiab mad. Koj txhob cia luag paub tias koj tsis muaj nyiaj. Ib sim neej koj yeej muaj nyiaj, yog koj khwv tsis tau txog los nyiaj tseem nyob ntawm Mab Sua tes xwb tis tau los txog koj txhais tes.

    5- Yog luag nug koj tias koj puas muaj kub no los koj teb tias muaj, kub nyuj, kub tshis los yeej yog kub lawm. Txawm tsis yog cov tseem kub daj los koj yeej teb raug lawm. Yog luag thov saib mas koj mam hais tias koj xav saib hom zoo li cas tiag...
    -Txhua yam koj twb muaj los koj seev tias koj tsis muaj no ces plig nyiaj plig kub tu siab rau koj. Txawm yog koj muaj ntau los zoo li koj tsis muaj kiag li thiab:
    - Vim koj tau seev tias tsis muaj ces koj muaj puv txhab los koj tsis tau luag siv, tsam luag xav tias koj ua tub sab los yog koj mus luab nuj nqi qhov twg los. Muab ntaus nqi sab twg los tau li thiab.

    Yaj Xib Hwb Zoov Ntxheb.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 25th May 2013, 2:31 am



    KAWM TXUJ CI RAU NRUAB CEV.

    Kawm txuj ci rau nruab cev, tsis zoo li kawm txuj ci nrog ntaub ntawv. Muaj qib muaj quas, kawm ua Dov Tawj, ua Ees ze Nyawj.

    *Ib tug neeg muaj hnub nyug 15 xyoos rov saud lawm. Nws yuav tau pib kawm txuj ci zuj zus, kom nws mem thiab nyeem tau leej niam leej txiv kev nyiam kev hlub uas muab los pub rau nws. Nyeem tau kwv tij phooj ywg, kev nyiam kev hlub pab rau yus tus kheej tias luag nyiam thiab qhuas yus npaum li ca.
    Yus niaj hnub yuav rov ntsuam xyuas yus tus kheej, saib yus kawm puas tau zoo, thiab coj yoog puas tau yam txuj ci coj lub neej nyob ua npoj. Yuav txawj pom thiab paub tias, yam twg tsim nyog hloov, mas yus ke kawm ke hloov kom sib yoog nyob ua ke tau nrog yus cuab yim neeg, los nrog tas nrho rau lub zej zog.

    *Txij li muaj hnub nyug 18 xyoo mus rau lub sij hawm yuav poj yuav sev, los pib mus ua ib txoj kab xwm pab lub teb chaws.
    Yus tseem yuav kawm tas zog kom kom hlob tiav ua neeg thoob tsib to nrog. Kom yus paub meej tias yus tsis yog neeg twm zeej lawm. Yus nyob muaj npoj muaj pab pawg. Yus nyob nrog txij nrog nkawm, nrog tsoom txheeb kwv txheeb tij, txheeb neej los mus txheeb tsav.muaj ntau txheej neeg;
    Phiaj hlob mus rau phiaj yau, yam li tus ua thawj neeg, los tus qhia kev thoob tsib qhia hauj lwm. Thiab muaj cov mloog lus thiab txais ua. Muaj kev nyiam kev hlub, kev hwm nrog tej hauj lwm rau lub teb chaws vam meej.
    -Ob tug nyob ua txij nkawm nkawd tsis yog neeg tab seeb nyob twm zeej lawm. Nkawd tau muab ob lub siab, ob lub cev los koom ua ib lub lawm. Txiv yuav kawm niam lub siab, hos niam yuav kawm txiv lub tswv yim. Kom ntsia lub meej mom xwb ces yus nyeem tau yam nws xav. Yuav sib yoog kom hlob tiav, thiaj txawj hais los lus mos lus muag txaus rau tej kwv tij txheeb zes sawv daws zej zog nyiam.
    -Ob tug txij nkawm thaum nyob ua ke mas muaj qhov zoo yog zoo tshaj. Hos kuj muaj qhov phem kuj yog phem tshaj li thiab:
    Yuav kawm kom paub sib xws, yog tsis kawm paub thiab txawj siv. Ob niam txiv sib hlub heev, los lub neej ua neej sib hlub nrog tsov thiab dab nyob xwb. Vim kev sib hlub thiaqb kev sib ntxub mas nws los ua ke sib law sib liag. Ua lub neej sib tawm tsam ua tsov rog tas lub neej, ces tsis muaj kev kaj siab. Nyob hauv nruab siab xav tias kev sib hlub loj txaus lawm. Tab sis lo lus nrov tuaj yog lus dab thiab lus tsov xwb. Ces kev tsim tsov rog mas daws tsis paub tas li. Cuag li tus txiv mas yog neeg yug tso, mus txoj kev twg los raug tsov tom tas mus li.
    Hos tus niam nws kuj cuag li txawj yug dab cia tom neeg. Pom dheev xwb ces raug dab hem ua poob plig tas li thiab. Lo lus , tsov tom thiab poj dab no yog tej niam txiv cov cuab yeej ua rog ntag. Yog Nkawd tej hniav ntaj hniav riam, los ntsis phom ua niaj hnub sib ntaus sib tua. Thiaj muaj tsov rog ua rau Cuab kwv tij thiab cov neej tsa. Thiaj tau rub rooj rau nruab nrab, rub tau tus kev txwj kev laus tuaj mus rau ob sab. Thiaj noj nqaij mus daig nru, haus cawv los mus dab, ua xaiv ua lus rau tus choj lov mus kev tu, taug tsis tau qab.
    Leej niam mas tam li ib tug tub ceev xwm ris rawv rab yaj phom ib hnub tua tsov peb zaug los twb tsis tau tsaus ntuj. Hos leej txiv nws kuj zoo li cov txiv muam uas txawj khawv koob ib hnub nws ua khawv koob daws dab peb zaug los tsis tsaus ntuj li thiab.
    -Cov tsis paub siv cov txuj ci tiv thaiv lub cev ntaj ntsug los ua neej, thaum txhua yam plam tag mam kawm tiav, ras los hais tias, paub li mas. Lo lus paub li ces yog txoj kev lig. Yog li tej laus hais tias, koj tsis xub ntse, koj ntse tom qab uas muaj teeb meem tuaj.
    -Cov txij nkawm mus taug txoj kev no yog koj paub tab, mas cov kob tsov rog no xeeb muaj vim ib leeg tsis zoo sib xws mas txoj kev ua tsov rog yuav xaiv txoj kev mus nruab yeeb ntau zaus kuj pab tau thiab. Xws li siv kev zam kev nyiam kev hlub los tiv nws ces cheem tau nws rov los ua neeg zoo.
    -Txhob tab meeg mus saum yaj mus. Kev mus saum yaj ces yog ncauj pauv ncauj nrig pauv nrig ces tsov rog tsis muaj tus li.
    Yog nkawm twg paub lawm thiab txawj taug txoj kev kawm txuj ci tiav nws yuav ua lub neej kaj siab lug nrog rau kwv tij neej tsa nyob vam meej.
    -Yog ob tug niam txiv kawm cov txuj coj siab kav lub cev no thoob tas, mas muaj chaw tawm rooj mus noj nqaig haus cawv, los mus saib neej saib tsav, mus koom kev zej zog tej chaw noj chaw haus ua koob hmoov, mas ib tug tsis txhob mus nrawm dhau, los lwm tus kuj tsis txhob nkaum tom qab xws li tsis xav nrog mus ua ke. Tsam mus txog hmoob tej tsev luag pom tus ua ntej luag hu, ces luag txais nws coj mus zaum qhov chaw zoo lawm, nyob nyob nws tuaj tsis muaj neeg paub ces luag tsis txais thiab hu ces yus tis pom qab nyob, yuav zaum nrog luag los tsis zoo, yuav sawv los tsis phim ces yus ho txaj muag thiab.
    Tsam luag muab ntaus nqi tias nkawd tsis sib hlub los ua li cas. Thaum cov lus tsis tseem ceeb ntawd tig rov los txog ces, nkawd ho tsim kev ua tsov rog, los mus yug dab rau hauv tsev, mus yug tsov rau tom kev dua, ces ib sim neej lub siab nyob tsis nrog kaj li. Coj li no ntev mus ces zoo li tej laus hais thaum txog txoj kab liab yuav mob li xuas chais hlais ces yuav tau muab sib tso sib cais, mam paub li tias. Los lus paub li ces yog lo lus lig, yuav khuv xim mus ib sim. Kom nco tsov tias thawj tug txiv los thawj tug poj niam qhov zoo yog 80%, yam tsis zoo nws tsuas yog 20% xwb.

    *Sab ua kwv ua tij los ua phooj ywg nws kuj sib xws. Sawv daws cov txuj kav lub siab lub cev no yog ib yam tseeb tiag. Tus siv cov txuj li hais no cuag li nws pab tau tsoom kwv tij neej tsa nyob tau ua lub neej vam meej ntws xws li xub ntab los xub mes, leej twg nrog nyob los vaj tse dav, noj nqaig haus cawv los qab tsheej nqaig tsheej cawv, noj hno poob plab haus paug cev. Ua neej nyob los txoj sia ntev. Ib tug nyob sov tug ntiag tug pw los sov tug qaum. Tej kwv tij neej tsa muaj lub chaw vam khom, qab zej hauv zos tos nraim yus sawv daws thiaj qab siab nyob ua neeg, ces thiaj tau yeej mob yeej nkeeg. Txaus siab hlo ua lub neej nyob laus nkoos. Thiaj hu tau ua laus neeg nyob tsim nuj. Yam txaus siab ib tug neeg laus muaj phooj ywg ces yog ib tug neeg nplua nuj. Nws nplua nuj tiag:
    Tus neeg muaj phooj ywg yog nws mus saum ntuj los yeej muaj neeg xav raws nws mus, los mus rau dab teb los kuj yuav muaj neeg xav lawv nws qab mus thiab.
    -Hom neeg hais li no nws tsuas muaj mus txoj kev nce toj xwb.Txoj kev nqes hav, mas tshai yog nws tsis ceev faj es ho raug xwv txheej yuam mus lawm xwb.

    *Tus ua nom ua tswv, ua luag thawj neeg los yuav nco ntsoov tias kuv yog qaum ntuj li tus thawj neeg, xaiv lus plaub ntug hauj lawm yam twg yuav ua raws kev ncaj ncees li tej laus hais koob mus nyog xov los tau. Cuaj pluag sib luag yim pluaj sib nte. Tej lus thiab hauj lwm yog qaum ntuj li hauj lwm xwb, qaum ntuj qiv yus los pab qaum ntuj ua nws lub luag hauj lwm pub rau neeg ntiaj teb, yus yuav txaus siab hlo ua. Kom sawv daws tau nyob kaj nyob huv. Thiaj tsim nyog sawv daws tuaj ua neeg sawv ntsug ib zaug rau saum lub sim ceeb no. Txhob tawm tsam los tiv tej hlob los tej thawj neeg, Qaum ntuj xub tsa luag ua thawj coj, thaum tas luag kee lawm QaumNtuj yuav hu yus ua luag thawj neeg ib zaug thiab. Yog koj tawm tsam tiv thaiv tej thawj neeg, kuj ib yam li koj tawm tsam rau Ntuj lawm. Yov nws sim neej xaus hnub twg ces koj hauj lwm tas rau hnub ntawd thiab, vim tias koj twb xub pib ua thaum Qaum Ntuj tsis tau xaiv los hu koj los ua txuas mus. Yuav tsum sib yoog mus kom zoo li txoj hlua txuas rau saum lub qia plawv yis ntuj koom ib lub hauv paus los, txhob ua pob los tu ncua uas yog hmab ib txoog hlua ib txoj,uas txawj hais lo lus mos lus muag txaus rau Ntuj Niam Ntuj Txiv qhuas.

    Yaj Xib Hwb Zoov Ntxheb.







    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 30th May 2013, 6:46 am



    KEV IB SIAB OB QIG.



    Thaum muaj ib tug neeg qaij qaug los mus. Nws tsis yog Ntuj kev cai tseeb 100% feem pua. Kuj tsis yog dab kev cai ib qho li. Nws kuj tsis yog Mab sua li kev cai, yeej yog Hmoob poj koob yawm txwv koob tej niam tej txiv li txoj kev pam tuag, nyob hauv ib haiv neeg li kev cai.
    Nyob hauv txoj kab lis kev cai no, tsis yog ib txoj kev cai nqaim nqaim, uas yuav hais txog qhov muab cob rau dab xwb. Lo lus no Hmoob tsis paub thiaj hais tau tias cob rau dab. Nyob hauv Hmoob lub siab xav tsis yog li ntawd.
    Hais tseeb los mas txhua tus Hmoob yeej tsis nyiam dab, thiab hmoob yog haiv neeg tshai dab tshaj lwm haiv neeg. Ua neej nyob los Hmoob yeej ntxub dab, tuag los Hmoob yeej tsis xav mus ua dab.

    Nyob hauv Hmoov txoj kev cai pam tuag, muaj kev cuam tshuam rau peb yam loj li no:
    1-Muaj kev cuam tshuam los ntawm kev neej kev tsav paug thaum pib ua tshoob ua kos los lawm, niam txiv phij cuam nyiaj rau ntxhais vauv los ua neej, niam txiv tau hais lo lus no tseg tias:
    Muas hub tsis muas zes, nraug Vauv tsuas tau nkauj Nyab ob txhais taw tes. Qhov nyiaj no me me xwb, luaj tus me plaub qaib xwb los muab rau Ntxhais Vauv coj mus chiv peev ua neej saib puas peem tsheej luaj tus plaub npua. Yog luaj tus plaub npua los coj mus saib puas peem luaj li tus plaub nyuj. Yog luag hais txog hnub puv 120 xyoo, ces yog Nkauj muam nraug Nus pluas mov kawg. Ua niam tub txiv tub, los ua ib sim kwv tij zaum no yog sawv daws pluas mov kawg xwb. Qhov twg yog neeg li kev cai tej yam nkhaus yeej yuav kho tau kom txhob siv, Ib co txuj ci los ntawm tej tus neeg luab sab los xwb,Hos yam twg yog kev zoo nkauj hauv haiv neeg li kab ke pam tuag yuav tau yoog.

    2-Cuam tshuam los ntawm lub xeem caj ces, Lub Xeem thiab caj ces neeg zoo, txawm tuag mus los tsis xav kom ua neeg tsis muaj caj ces,ua dab los kuj tsis xav kom ua dab tu caj tus ces.
    Hais tej lus zoo, los nplij tub nplij ki kom rov nyob tiaj tus, lub cev los muaj zog sab ntsuj plig los muaj zog kom ua neej nyob ntev dhawv, muab tej lus zoo nkauj no los qhuab ntuas kom rov muaj zoo lub meej mom los ua neej txuas ntxiv mus.
    Ib lub ntees ploj tuag saum ib leej niam los ib leej txiv yog tsoom kwv tij los tsoom neej tsoom tsav pluas moav kawg xwb.

    3- Peb cov neeg ntseeg hais tsis tau tias yog ua dab, los yog dab kev cai.
    Dab tsis tau qhia dab tsis rau neej tias, nej yuav ua li no dab thiaj yuav. Qhov dab yuav yog neej hais neej tias dab yuav yuav. Qhov Ntuj tsis yuav kuj yog neeg hais neeg tias neeg muaj kev khaum kev npam Ntuj yuav tsis yuav. Koj yog tus tsis paub koj hais zoo li koj paub. Tus dab los tsis yuav Ntuj los tsis yuav yog leej twg tiag? Yog tus hais li ntawd, los yog tus raug li ntawd?
    Cov neeg tseeg yuav hais tsis tau tias yog dab kev cai. Feem ntau yog cov lus zoo,mas yog Ntuj kev cai, nws tuaj saum ntuj tuaj.
    Cov lus hlub neeg pab neeg qhuas txog neeg coj kom neeg zoo puav leej yog cov lus zoo poob saum ntuj los. Hmoob tsis paub tias yog Ntuj, Tab sis hmoob yeej xav mus deb kom txog tus nyob siab. Hmoob lo lus tias yog dab, mas yog tus pom tsis tau. Hmoob twb tau muab Ntuj hu ua tus dab xeeb teb xeeb chaw. Xeeb puas tsav yam. Dab xeeb puas tau!

    4- Yam twg neeg tsis nyiam, yam ntawd neeg muab liam rau dab ua dab tug. Muaj peb hom dab:
    a-Cov dab zoo, xws li Tus dab Xeeb teb xeeb chaw.cov dab ntuj uas yog Ntuj cov tshiab. Cov dab niam dab txiv yog cov dab zoo. Hmoob tsis muaj lub npe tis rau txhua pliaj no. Hmoob loj xov muab hu ua dab. Cov neeg ntseeg, cov paub txuj yog tias lawv ntseeg tias cov npe tau hais los no yeej yog dab tseeb lawm tiag, mas lawv kawm tsis tas lawv tis paub, lawv teem ruam dua tus hmoob tsis txawj tis npe uas cia li siv lub npe dab no rau txhua yam dab huv si, uas tsis txawj cais cov dab phem dab zoo.

    5- Tus tseem dab phem tiag, Hmoob tsuas paub tias yog tus dab Ntxwj Nyoog xwb, tus dab no ib txwm Hmoob yeej tsis nyiam, yog tus rhawv kev ua txhaum tub qaug rau Ntuj tso mob nkeeg rau neeg ntiaj teb Hmoob ntshai. Thaum ua li tej laus hais ntuj mus kawg xub zeb teb mus kawg xub ntoo. Nrhiav tsis tau tus zoo tshaj lam muab cob rau tus dab loj ntawd coj mus rau txim, yog neeg dawb huv mus dhau Ntxwj Nyoo lawm tau mus ua lub neej zoo. Tus tsis ncaj ncees nws mus txog Ntxwj Nyoog ces mus poob kev ua txhaum raug teem txim rau ntuj tawg.
    Lub siab xav tau lub ncauj hais tau, lub tswv yim paub tsis txog. Puas yog tseeb tiag!

    6- Ib txwm los Hmoob yeej tsis nyiam yam phem. Cov neeg raug xwv txheej xws li :
    Cov neeg poob deg, zeb ntaus, cav luam, tsov tom, me nyuam yug los tsis puv hli Hmoob muab ua dab tus caj tu ces Thaum muaj noj muaj haus Hmoob tseem hu cov ntawd tuaj nrog tswv Ntuj, tswv teb tswv chaw tus xeeb kom muaj puas tsav yam noj ua ke.
    Puav leej yog cov dab zoo, laig lawv tuaj noj pov hwm haus pov yawm pov yoom kom hmab txhob dawm tes hlua txhob dawm taw. Txhob ntsib xaiv ntsib lus txhob raug plaub raug ntug mus ua qoob ua loo ncig toj ncig pes txhob ntsib kev mob kev nkeeg mus dawb rov zoo los txog vaj txog tsev.
    Cov no twb yog lus teev Ntuj lawm. Cov neeg ntseeg thaum lawv thov Ntuj lawv puas thov ntxaws npaum no. Thiab yog ib co dab tsis huv Hmoob paus yuav tso siab hais tej lus tseem ceeb li no rau cov dab nawd.

    7- Tab yog tus dab phem nws ntsias koj tiag, nws tsis tau yuam koj thiab laid! Dab phem tsuas muab zoo li ob lub teeb liab ntawm kev thuam los yoj saib koj xaiv lub twg xwb. Koj xaiv lub liab tub ceev xwm nplua koj. Koj xaiv lub ntsuab koj dim nyob kaj siab lug. Yog koj mus ua plaub rau dab los koj yeej tsis yeej dab li,
    Yog koj xaiv koj, koj txiav koj txim mus ua, dab tsis yuam koj nawd!

    8-Cov neeg ntseeg peb yuav yoog Hmoob cov kab lis kev cai ua Qaum ntuj muab rau peb Hmoob lub keeb caj ces puag thaum ub ntxov los lawd.
    Cov kev cai no twb tau coj Hmoob kom Hmoob tau ua Haiv Hmoob thiab hu ua hmoob nyob txog tav no. Nej yuav paub tias Hmoob tsis muaj nom Tswv, tsis muaj tej chaws, Vim li cas Hmoob tseem hu ua Hmoob thiab nyob txog tav no hloov tsis tau, yog dab tsi! Yog plaub pab neeg thiab plaub txoj kab lis kev cai no tswj kav hmoob thaum ub los txog hnub no, thiab yav tom ntej mus li
    Hmoob yuav tsis ua mab sua sai. Cov Hmoob nyob suav teb txhua yam siv txuj ci xeem lus tas tib sis, lawv tseem hais tias lawv yog Hmoob. Cov kws txuj Hmoob los thuam tsis nyog Cov txuj lawv kawm tsuas siv rau nom tswv teb chaws tus tseev tsim xwb, Siv tsis tau rau tom Hmoob tsev. Cov siv Mab Sua li txuj ci rau tom Hmoob tsev, yog lawv cov tub cov ntxhais yog cov yuav xub ua puas los ua phem mus, kom tsis haum kev hwm ntuj hlub neeg.
    Cov Xib Hwb coj kev ntseeg, Cov txiv muam ua thawj coj Hmoob tej kab lis kev cai Lawv tsuas muaj cai kho kom zoo nkauj, zoo saib mus ntxiv raws neeg txheej tshiab phim kev vam meej xwb. Lawv tsis muaj cai muab txiav tawm ua li ub li no, kom tsis haum neeg Hmoob lub siab.

    9-Cov zaj lus uas tuaj ntawm lo lus, zaj nkauj zaj haiv, yog cov lus zoo hais kom meej tseeb haum lub ntsiab lus qhuab qhia cov ua neej nyob nyob, lawv hais cov lus nyob ze Ntuj cov lus ntshiab.
    Ntuj yav pem suab los txog lub zim txwv no, tej niam tej txiv lawv tseem hais tej qub lus tsis tau hloov, los Ntuj yeej tsis saib tias yuav yog kev ua txhaum.
    Lo lus hmoob hais tias dab qhua no, yog hais txog tsoom neeg nruab zej nruab zog luag tuaj saib tuaj xyuas. Tsis tau hais tsias lawv yog dab. Ib tug txiv muam Hmoob uas nws paub dab paub qhua, yog nws paub peb tiam neej tom qab thiab peb tiam neej tom ntej:
    Paub phaj yawg koob, phaj yawg, phaj txiv. Pab phaj tub, phaj xeeb ntxwv, los rau phaj xeeb ntxwv yau dua lawm xwb.
    Cov uas yus paub yog hu ua qhua, cov tsis paub npe hu ua dab. Muab los xam ua kev hu ces thiaj hais tias sawv daws yog cov dab qhuas.
    -Thaum Hmoob npws laig yog hu txog cov phiaj neeg peb tiam tom qab peb tiam tom ntej tuaj koom noj koom haus, thiab pov hwm, hmoob ib tse neeg muaj ib puas nees nkaum leej los kom noj qab nyob zoo. Taug kev los kom hmab txhob dawm taw hlua txhob dawm tes, txhob ntsib xaiv ntsib lus tsis zoo, Txhob raug voj hmab voj hlua khi, yog tias txhob mus raug cuab raug khi, mus ua qoob ncig toj ncig pes los kom ua tau txaus noj txaus haus, tsis pub tshaib tsis pub nqhis.Cov lus no yog ib co lus thov Ntuj xwb. Hmoob tsuas paub txog cov no xwb los tus yuav pov hwm neeg kom noj qab nyob zoo yeej kawg yog Tswv Ntuj tib tug xwb los Ntuj yeej pom thiab paub ces Ntuj pov hwm sawv daws tas nrho. Cov lawv tuav txog lub npe no puav leej nyob hauv qab Tswv Ntuj tib si. Lawv twb yog Tswv Ntuj cov me nyuam, Tswv Ntuj yog lawv leej txiv siab zoo, neeg hu txog phiaj neeg no xwb los Ntuj Yog tas nrho cov neeg caij thiab neeg tuag lawb leej txiv ces nws pab tas nrho kom zoo.

    10-Nyob hauv txoj kev ntseeg Tswv Ntuj lub Koom Txoos tau tis ib lub npe hu ua Leej Ntshiab. Lawv yog cov neeg siab dawb, kom ntiaj teb cov neeg tseem ua neej nyob tau vam txog lawv tej koob hmoov los pab tuav pov hwm. Kuj yog cov neeg tau mus nrog Tswv Ntuj nyob lawm, Zoo tib yam li Hmoob cov poj koob yawm txwv uas dua nras tas lawm thiab.Lawv sawv daws yog ib pab neeg sib xws. Tsuas yog tias tsis muaj neeg khaws lawv tej koob hmoov los sau tseg, thiab muab tsa ua Leej ntshiab.

    11- Muab hais los Hmoob kev cai nws nyob ze Ntuj kev cai kawg vim muaj 50% Hmoob hais ib co lus zoo li yog Ntuj li lus. Thaum Hmoob ntuas thiab foom lus zoo, mas muaj zoo li cov neeg ntseeg cov lus thov Ntuj.
    Cov neeg ntseeg xav pab kho Hmoob kev cai los phim txoj kev ntseeg mas yuav kho tau zoo dua lwm npoj neeg los kho.
    Pab neeg ntseeg Ntuj nyiam Yes Xus lub Moo Zoo. Lawv yeej muaj zog txaus los mus kho kom zoo, yuav tuav rawv kev sib nyiam sib hlub kho kom txhob muaj kev sib ntxhub, yam uas ib txwm yeej yog Ntuj li lus kho kom zoo mloog zoo saib tuaj. Yam uas yog neeg li lus txua rau tau coj los mus sib lwv ua kev yeej, kev swb rho tawm coj kom phim kev paub cai raws neeg vam meej kev thoob tsib txheej tshiab ces yeej yog qhov zoo.

    12-Cov tub xyom, Cov tub xyom cuab los xyom, lub caij luag hais cov lus qhuab kom los foom kom. Hmoob hais tias yog lus nyiaj lus kub, nws yog ib co lus ntshiab huv, muaj Tswv Ntuj 10 lo lus qhia nyob hauv:
    Luag hais txog tsis txhob mus taug kev ua plees ua yi, txhob mus twv txiaj yuam pov, txhob mus ua tub sab tub nyiag mus tho luag qhov vaj qhov tsev, txhob rov taw tuam ntuj. Tej lus no, yog nthuav Tswv Ntuj 10 lo lus qhia nyob txhij nyob txhua rau hauv, Rau siab ntso ua noj ua haus kom ua lub neej zoo tuaj rau saum lub tsag,
    Nej tub yog tub nyob mus saum koob nco ntsoov tuav rawv rab duav ko voom, zov li rawv Hmoob yawm laus txwv lub nras liaj rov nram roob. Nej ntxhais yog ntxhais nyob mus sawm txhiaj tuav li rawv rab duav ko voom zov li rawv Hmoob yawm laus lub nras liaj rov nram tiaj. Nej thiaj muaj liaj ncab iav ntev nyob ntawm nej tes.
    Cov lus no yog Qaum ntuj li lus nyob hauv ntawv faj lem los lawm ntev ntau tiam hauv Hmoob tsev.
    Cov neeg ntseeg Ntuj txhob lam saib tsis taus tej lus no. Cov ua Xib hwb lawv puas txwj cev ib co lus teev ntuj zoo li no rau Tswv Ntuj.

    13-Haiv Hmoob tsis muaj teb muaj chaw, tsis muaj Faj tim Huab Tais. Tsis muaj nom muaj tswv.
    -Yog cov txwj laus hmoob, cov txiv tuam meej koob, pab tub qav tub num nta lub ntees ploj ntees tuag cov tub hais xaiv sawv qab nteeg, thiab cov txiv muam Hmoob coj dab qhua no, Plaub pab neeg plaub txoj cai no tuav, tswj kav hmoob, kom Hmoob nyob taus ua Hmoob los txog lub zim txwv no, thiab tseem yuav nyob mus li yav tom ntej.
    Ib tug Hmoob mus coj kev ntseeg tshiab lawm los yuav saib taus Hmoob tej kab lis kev cai no. Lwm Haiv neeg lawv tsis muaj tej kab lis kev cai no xws li Hmoob.

    14-Hais los rau sab kev pe thiab xyom no puas muaj qab hau dab tsi ho yuav pe thiab xyom:
    -Hmoob hais tias, pe ib pe tsim txiaj thiab muaj nqi npaum li ib puas las nyiaj. Koj ua txhaum laum, los koj thov plaub ntug luag zam rau koj, thaum tsis muaj nyiaj txiag los them.
    -Tus kev xyom yog kev sib hwm rau saum tej niam tej txiv, los Tswv Ntuj uas lawv siab zoo pub koob hmoov rau cov neeg txom nyem.
    -Puav leej yog tej txuj zoo ua nqes saum ntuj los. Yam koj hais tias tsis zoo yog:
    a- koj kawm tsis tiav ces koj tsis paub, tias muaj nuj nqis siab heev li cas.
    b- koj xav koj tias, yog dab kev cai, nws tsis tseeb.
    c-Yog koj tso pov tseg, los txiav tawm, mas koj yog neeg ruam tsis muaj tswv yim.
    Nws yog tej yam muaj nuj nqi nyob hauv haiv neeg Hmoob. Hnub twg koj muaj tub muaj ntxhais hlob tiav nkauj tiav nraug mas lawv qi qhov muag mus xwb los lawv ncaj qha nkag mus hauv tej kev cai no. Koj twb tsis paub los koj tseem yuav tau mus thov ib tug Hmoob paub tuaj lis kom tiav.
    Tus tsis yuav Hmoob kev cai mas:
    a- nws kev tws lawm tsis muaj kev mus.
    b- Nws ruam dua luag lawm nws coj li tsis muaj kab lis kev cai. Nws ua li Mab sua saib tsis muaj nqi. Muag neeg li muag tsiaj. Txawm yog tub los ntxhais tsis hais sab twg li, ua li no lawm ces yuav pluag mus. Tsis yog pluag nyiaj pluag kub. Nws pluag kev nyiam kev hlub, pluag tswv yim, vim tsis yog tswv yim Hmoob lawm tas kev cia siab tsis muaj kev txheeb kev ze sib txuas mus ntxiv hauv koj haiv neeg Hmoob

    15-Dab cov txuj txawv Ntuj cov los neej cov. Dab cov txuj yog hom ua xuas dub tsis pub leej twg paub. Tej laus thiaj muab piv txoj lus tias, Txhob hais tsam suav hnov, ces Suav hlais nplaig, dab hnov ces dab dua qab kauj tsaim. Dab tsis tau qhia ib yam txuj zoo rau neeg siv los foom kom tej tub ki ua neeg tsim txiaj. Dab tsuas ntxias kom neeg yuam kev. Tab sis dab kuj tsis tau yuam kom neeg ua phem thiab. Thaum twg ua qhov phem yog koj xaiv koj, dab tsuas muab zoo li ob daim iav rau koj saib xwb, saib koj yuav xaiv daim liab los daim ntsuab koj xaiv daim liab ces tuv ceev xwm nplua koj. Koj xaiv daim ntsuab ces koj nyob kaj siab lug tsis muaj plaub ntug. Qhov tseeb yog li no. Koj muab liam rau dab, yog koj nrog dab ua plaub los koj yuav swb rau dab, vim dab ntxias tab sis tsis tau yuam koj ua kev txhaum.

    16- Hmoob tus dab Xeeb teb Xeeb chaw thiab Ntxwj Nyoog nkawd sib txawv deb li cas?
    Tus xeeb teb xeeb chaw yeej yog Tswv Ntuj lawm. Nws thiaj xeeb kom muaj puas tsav yam los nyob.
    Hos Ntuj nyoog mas ib txwm Hmoob yeej tsis nyiam, Hmoob hais tias nws yog tus tso mob tso nkeeg los rau Hmoob kom muaj mob muaj tuag. Tus no thiaj yog tus ntxias kom neeg ua kev txhaum, tub qaug rau Ntuj los tub qaug rau neeg.
    Yam uas yog dab qhia yog kev tsav hwj chim, ua tus loj, paub kev xam khib, muaj kev sib ntxub ua xaiv ua lus ua plaub ua ntug, sib cav sib ceg ntshai tsam luag ho zoo tshaj yus, nrhiav kev liam ub liam no, txo luag txoj sia kom tsis tau zoo ua neej nyob ntiaj teb no. Dab Phem cov txuj uas nws qhia yog tej no ntag.
    Txij li cov neeg tuag Hmoob hu ua dab niam dab txiv mus txog tus dab xeeb teb xeeb chaw yog cov dab zoo, xws li Tswv Ntuj thiab tsoom Leej ntshiab.
    Hmoob tsis paub Hmoob tiaj hu lawv ua dab, vim pom tsis tau ces tsis paub hu lawv ua lwm lub npe.
    Nyob hauv Hmoob lub siab hmoob yeej xav thiab saib tias tus dab xeeb teb xeeb chaw no yog tus Thawj dab loj lawm.

    17-Tswv Ntuj los tus xeeb teb xeeb chaws no mas nws lub npe loj thiab dav heev, tus yuav hu li cas los yeej yog Tswv Ntuj. Yam li:
    a-Ntuj aw! -Ntuj niam Ntuj txi aw! –Niam aw! Txiv aw! -Xob txwj xob laug aw! –Zaj txwg zaj laug aw!
    -Ntoo txwj ntoo laus aw! –Zeb twg Zeb laus aw!-Koj pab auj! Thaum uas ib tug neeg raug xwv txheej nws hu cov npe saum no, Yog hu Tus Tswv Ntuj Tswv teb ces yog hu Huab Tais Ntuj lub npe. Vim tas nrho cov npe no nyob hauv qab Tswv Ntuj, Tswv Ntuj yog tus tsim tas txhua yam muaj lub zog loj no, yog Tswv Ntuj tib leeg lub zog xwb.

    18-Yog leej twg xav tias nws yog Tswv Ntuj tus thawj neeg, mas nws yuav muab siab rau ua lub ntees tshoob thiab lub ntees ploj tuag no kom muaj kab muaj ke zoo tshaj plaws, mas nws thiaj yog tus hau npoj txawj coj hmoob los mloog Tswv Ntuj kev nyiam kev hlub tig los yuav lub siab tshiab raws li Yes Xus hais nyob hauv nws lub Moo Zoo..

    19-Coc Xib Hwb cov thawj neeg. Peb sawv daws yuav nyob ze Leej Tswv yim ntshiab thiab cov neeg uas nws faib nws kev thoob tsib rau lawv ua ke sib tuav xam kho tej txoj kev uas ib npoj neeg coob nyob tau kaj siab lug thiaj yog qhov tseeb uas Tswv Ntuj nyiam.
    Tej zaum yog peb paub tsis tseeb, mas peb kuj ua tau tej hauj lwm tsis huv pes tsawg los peb tsis to taub. Qhov meej,peb hais cuag li yog tseeb lawm. Tsam tseem tshuav tej tus nws ho pom meej dua. Li ntawd peb yuav sib kom ua hauj lwm ua ke, Leej Tswv yim Ntshiab zaj tswv yim coj peb sawv daws yog zoo li ntawd ntag.
    Yog ua dab tsi los xij yuav ua xws li cov Leej Ntshiab. Koj zaj Tswv yim thiaj yuav nyob nrog lub Koom Txoos mus li.

    20- Cov txiv Leej Choj, Cov Xib Hwb huv si, tsis paub Hmoob txuj npaum li Txiv Leej Choj Nyiaj Pov. Peb yog Hmoob tiag tab sis peb tsis paub Hmoob txuj kom nto ntsis, thiab Hmoob ntseeg Ntuj tau 80 xyoo xwb tseem yog ib yam tshiab heev yuav txiav Hmoob kab lis kev cai tseg tsis tau yog lub caij ua tej ntawd. Vim tias cov neeg ntseeg txog Yes Xus lub Moo Zoo tsis tau muaj 1% hauv haiv Hmoob nyob thoob qab ntuj khwb no. Ntshai ruj rwg tsam Cov ntaus thawj tsis txawj ua ces lawv Muab Yes Xus lub Moo Zoo faus kom cia tsis tau zoo txoj kev yuav tshaj tawm rau Hmoob tig los yuav lub siab tshiab.
    Nyob Mis Kuj teb, cov Xib Hwb lawv twb zoo li kav tsis tau ib puas leej neeg lawm cov neeg ntseeg dlia cuam mus rau lwm pab lwm pawg coob heev.
    Tshai rwg tsam dab phem muas tau cov thawj neeg yooj yim los tawm tsam rau Tswv Ntuj. Ces sawv daws tsis xav mloog lub Koom Txoos cev Tswv Ntuj lo lus rau neeg ntiaj teb.

    21-Yam loj tshaj, Peb yuav ua twb zoo, coj Tswv Ntuj cov me nyuaj ntseeg Ntuj los sib haum xeeb mloog Leej Tswv Yim Ntshiab coj cob qhia, Kom cov ceg tawv, lag ntseg, dig muag nplaig txhav hais lus tsis meej los tus neeg mob ruas tsis huv kom txhob yog yus.
    Yog dab phem ntxias tau Cov Xib Hwb yuam kev mas dab phem yuav ua tej lub koob tsheej loj ntev li xya hnub xya hmo, los noj nqaij haus cawv lom zem.

    Yaj Xib Hwb Zoov Ntxheb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 30th May 2013, 7:10 am



    OB PEB YAM KEV UA TSAUG.


    *Ua tsaug qe.
    Tus ua:
    -Ua tsau os, (N...) Koj tsis cia li, koj niam tsoo qaum qaib qaum qe rau kuv noj os. Tsam kuv rov dua lawm, ces poj qaib cuab qhaws qhoom tsis tau me nyuam coj os. N...
    Tus teb:
    Txhob ua tsaug mog. Koj rov lawm es poj qaib cuab qhaws qhoom tsis tau me nyuam coj los, tsis vim koj os. Vim kuv tus tsoo rau koj noj xwb es tsis txhob ua tsaug mog.
    Tas.

    *Ua tsaug mov.
    Tus ua:
    -Ua tsaug mov os, kuv taug kev tsis ncaj ke, tuaj txog koj vaj koj tsev xwb los twb zoo lawm. Koj niam khwv kub teg kub taws, ua zaub ua mov nco log rau kuv noj tsam kuv rov dua lawm ces kuv pauj tsis tau koj kev iab kev khwv os mog.

    Tus teb.
    -Txhob ua tsaug mog, koj tuaj txog los kuv twb tsab tsis tau ib kab paj luam yeeb pub koj haus os. Rub tsis tau lub rooj pub koj zaum. Me mov dej txiag xwb los lam noj os mug.


    *Ua tsaug rau kev tshoob kos.

    Thaum muaj tus pab nyiaj tuaj nta tshoob kos.
    -Tus ua:
    Ua tsaug mog koj xav txheeb xav ze, xav txog tej me nyuam sawv kev mus pib ua lub neej. Koj tseem pab nyiaj txiag tuaj nta tshoob nta kos thiab, Hnub qab ua tsheej neeg ces sawv daws yuav tau lub chaw vam os. Ua tsis tsheej neeg ces yuav qaug sawv daws lub zog xwb lauj.
    Tus teb:
    -Txhob ua tsaug mog, Hnub qab nram lub ntsis txawj ua neej nce qib ces peb sawv daws muaj lub chaw vam os, kuv los ua lub neej tuaj qab tsag me me xwb twb kiav tsis tau koj thiab tej hluas lub xom lees os.
    Tas’



    *Ua tsaug kab mob kev tuag.
    Tus ua:
    Ua tsaug mog, vim peb tsev mob tsev tuag. Koj xav neej xav tsav, xav ntsuab xav ze. Koj tuaj xyuas xwb los twb zoo lawm. Koj toom txheej toom lis,nyiaj txiag nto, tuaj pab peb tsev xyom cuab nta kev neej mus thawm hnub, nta kev tsav mus thawm hmo ntseg loo puav tam li ncej txawb.
    Yog peb ua neej xws luag ces, peb yuav nco koj tshav ntuj os. Peb ho ua lub neej vim zeej tsis xws luag los koj tus txiaj tus ntsim, peb yuav ris ua koj tsaug nyiaj no auj.

    -Tus teb:
    Txhob ua tsaug mog, Vim nej tsev mob tsev tuag. Nej tau lub neej txom nyem, luag hais tias ua lub neej tuaj saum lub tsag ces yuav pab tau nej tsev xyom cuab nta tus kev neej kev tsav los mus thawm hnub thawm hmo. Ua lub neej tuaj lub qab tsag ces yam puas tsheej yam os mog twb tauv tsis tau xyom cuab lub kua mus no lauj.

    Zaj ntev uas thaud tej laus hais:
    -Txhob ua tsaug mog, Luag hais tias, ob xyoos nram ntej ub tshav ntuj rau nws laus chaw, los nag rau luag teb tus toj pob peg nphau li nphwv tuaj ntawm luag tes.
    Xyoo no ces tshav ntuj rau luag teb los nag tuaj ntawm nws laus chaw tus poj pob peg nphau li zog ntawm nws laus taw. Ces nej tsev mob tsev tuag, tsev puas tsev ntsoog, Luag hais tias, ntog ib teeg, qaug lawm ib nceeg, tu ib sawv ncuav lawm ib nkog. Kuv ua lub neej vim zeej xws luag, ces yuav cab yag cab nco qaib noog noog nto, dej caw nto nyiaj tiag nto, tuaj pab nej tsev xyom cuab nta dab nta qhua tseg loo puav tam li ncej txawb. Kuv ua neej tuaj lub qab tsag ces muab yam pus tsheej yam os, twb tauv tsis tau xyom cuab lub kua muag, tsis txhob ua tsaug mog.

    Nco ntsoo ob yam no:
    -Ua tsaug tshoob mas hais los xaus qhov tias. Kiav tsis tau koj lub xom lees,
    -Hos kab mob kev tuag mas hais los xaus rau qhov tias,Tauv tsis tau Xyom cuab lub kua muag no.

    *Ua tsaug rau rooj mov tau nplua tus neeg deev luag poj niam mas hais li no.
    -Tus thawj Txwj Laus thiab cov tim xyoob ua taug tias.

    Tus ua:
    Ua tsaug os peb kev txwj kev laus niam noj nqaij ntxuag ncuav txhuv os koj ces ho yuav zaum tus noob qes dai ncuv luv lauj. Peb yuav noj nqaij ntxuag ncuav pias koj ces yua tau zaum noob qes dai vias no lauj.
    Tus teb:
    Txhob ua tsaug lauj luag hais tias, nyuj muaj nyuj kab khiav, nees muaj nees kev taug os. Txawm khwv tau ntau los tav no ces tsuas txaus qau sau xwb lauj. Txawm khwv tau ib pob tseg los tav no ces tsuas txaus qau sau ib teg xwb os txhob ua tsaug li os. Ua ywm noj os.


    *-Ua tsaug rau txhua yam khoom luag pub rau yus coj mus noj.
    Ntshai tsam yus rov pauj tsis tau rau luag, Ces hais mus li no.


    Tus ua:
    -Ua tsaug os, koj niam muab pub rau kuv coj mus noj mus haus. Ces kuv yuav nco ntsoov koj, tseg yuav noj tsis feb haus tsis rov, rau koj kev kev hlub tshua mus ib txhgiab ib txhis li od.
    Tus teb:
    -Txhob ua tsaug mog, kuv ua lub neej, noj quaj npws haus quaj npo ces kuv yuav pub ntau tshaj no mog. Kuv ua lub neej dai qab tsag xwb, twb pub los kiav tsis tau koj lub xom lees os.
    Tas.


    LUS PAJ LUG.
    Thaud Yawg Vaj Sua thiab yawg Tswv Lauv tej paj lug hais cov lus cog plaub ntug lawv hias li no:
    -Pus khib hob xeeb, nyaj hob pus xyom zeej. Xeeb zeej pus xyom tsam.
    -Luag hais tias,Sab yawm seej, tim yawm tsw, puaj, yawm keeb tim yawm kais.
    Tej no,ywj kum peeb sab, nyaj yawm yij kum xwm kob, yij kum tsaim, txais yawm yij kum los nyab.
    -Luag hais tias, sab kum kob yaj, piv saum li yij theeb sob, xab xwm kum los zeej. Piv sam li yim meej kob pom tom kab nyaj yuav ywj foob. Pom tom sab nyaj yuav ywj sab peeb thiab.
    *-Ib lub roob muaj ib tug ntoo siab. Ib lub zos muaj ib tus laus neeg.
    Ntev luv kuj yog ib tug cwj, Hlob yau kuj yog ib tug neeg laus. Ob peb tug txwj laus kuj piv tau li ib meej nom pauj!Ob peb tug nom kuj piv tau li ib lub hauv toj.Zaum no pom txog toj ywj toj pab , pom txog nom ywj nom tu no lauj.

    Thaum plaub ntug ntxhee lawm muaj lo lus cog cia li no:
    Tej no hais rau nej cov txoov tswv ob tug peb tug neeg laus uas yog kev txwj neeg laus. Peb tsuas yog ua luag tus txwj tus laus. Peb tsis yog yuav saib neeg los kwm txoj cai. Peb tsuas saib txoj cai los kwm txoj cai xwb.
    Peb hais, tsis yog hais thoob cuam lawm. Thij thij cuab lawm meem, hais faj kab lawm trsaim, chib fab nyom faj.
    -Pev ua ncauj txheeb khawv khais,khawv txheej looj cab. Tub luj xwm luj ho tub tab. Pus tiv tus laus vuaj tshij,los vuaj tshij tiv txeem sam.
    Tej no peb tsuas hais li txoj cai sawv daws yuav. Nws tsuas nros nws,hais tias,tsoob laj pus tej lwm. Laj lis vaib mus ceeb ntxws, Khaib pam ntxwv choj. Tej no nws yaj tshaj tom yaj peeb. Yaj muas haus sab yaj seeb ceb saj tom cib cuj cib los peeb. Li ko cib los khuj thawj.

    Tas.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 14th June 2013, 4:00 am

    TXOJ CAI TSWJ KAV HMOOB.



    Txoj cai tswj kav Haiv Hmoob los tau ntau tiam, yog plaub txoj cai no:
     
    1-Cov txwj laus Hmoob xaiv tsa.
    2-Cov txiv tuam mej koob tuav Hmoob kab tshoob kev kos.
    3-Cov Thawj Lwm tub ncig hais txiv xaiv foom kom tswj lub ntees mob ntees tuag. thaum muaj ib siab ob qig.
    4-Cov txiv muam tuav Hmoob tej dab qhuas.
     
    Plaub txoj cai tswj kav Hmoo los tau ntau tiam los ntau pua xyoo, Haiv hmoob tseem nyob ua Hmoob  los txog  lub zuj ceeb no.
    Hmoob hu ua Txuj ci hmoob. Txij li thaum Hmoob swb rog rau Suav lawm yog cov txuj ci no coj hmoob tiam dhau tiam los.
    Yog plaub txoj cai, los plaub fab txuj no coj Haiv Hmoob nyob haum pab haum paug los mus haum npoj. Kom sib raug zoo.
    Yog tsis muaj plaub txoj cai no los tswj kav haiv Hmoob, mas hmoob twb ploj  los ntev lawm.
     
    1-Cov txwj laus Hmoob xaiv tsa.
    Cov txwj laus no yog cov tswv zos. Lawv saib tsom laj mej pej xeem hauv ib lub zos dhau lub zos.
    Tej lub niam zos loj, muaj txog li pua mus rau ntau txhiab yim neeg. Hmoob tsa muaj Xeev Laus qab zog nrog Xeev Laus hauv zos kom tau sib pab nres cuam.
    Thaum muaj Xeev laus  qab zej rau hauv zos lawv muaj cov tim xyoob pab cov Xeev laus saib hauj lwm txhua fab. Yog muaj cov tswv zos xwb mas Hmoob muaj ib pab xov thawj nrog cov hau zos xyuas hauj lwm.
    Cov Xeev Laus, Cov tswv zos los hau zos nrog cov tim xyoob, thiab cov xov thawj no ua ke. Hmoob hu ua pab txwj laus. Cov neeg muaj koob meej ua neeg ncaj ncees, neeg saum txhiaj lawv tsis ua txwj laus, Hmoob kuj hu tau tias, neeg txuj neeg laus, los laus neeg. Muab lawv saib rau saum lub sab xeeb, tias yog neeg muaj nuj nqes, neeg tsim txiaj.
    Cov Txwj Laus no, yog cov neeg saib kev ruaj ntseg rau lub zos kom pej xeem huab hwm muaj kev sib haum xeeb.
    Lawv txoj kab xwm saib txhua yam nyob nrog Hmoob lub neej nyob ua ke ib puag ncig ntawm tus neeg tus yam ntxwv.
    Lawv ntsuam xyuas zaj tswv yim tawm hauv nruab siab los rau ntawm lub cev nrog tes taw tej hauj lwm txhua fab:
    -Tej lus uas ua ncauj dim lus dua,yog xaiv lus.
    -Txhob ntaus hlau txias kev tub sab tub nyiag.
    -Txhhob zij ncaug ntxi muag rau lus poj luag sev.
    -Txhob daj qab pem twv, hais lus tsis tseeb.
    -Txhob tshaw kaus mom poj ntxoog mus tho qhov vaj qhov tsev, muab luag nyiaj qab nas, nyiag luag qoob nruab txhab.
    -Txhob mus hom roob hom hav, hom zeb hom cav, nam luag ciam dej ciam av. Th...
     
    Yog Leej twg tawv nyom hla cov cai pab txwj laus no tuav thiab tswj hwm. Lawv muaj cai sib sau los muab nws tais kom tau chaw ti. Raug kev txom nyem ntxiv rov qab, los them tshaj tuaj rau tus tswv cuab 20, los 30 %. Ntawm tus nqi qoob.
    Ntxuav kho ntsej muag, nplua ib tsum mov qaib los  npua rau kev txwj neeg laus noj.
    Nws tsuas nros nws npuaj teg nws noog ya, nws ntaug taw ces nws nyiaj xaub.
    Ua hla tej yam loj mas tseem raug cuab raug khi ntau hnub thiab.
    Pab txwj laus no, lawv ua yam twg mas lawv ua kom koob mus nyog xov yoj taus, lawv tsis saib dej ua ntu ho saib neeg ua plhu. Ua rau qhov cuaj pluag sib luag, yim pluaj sib nte xwb.
    Hmoob tsis pub leej twg hla cov txuj los cov cai uas cov txwj laus no tuav. Hmoob muaj lo lus hais tias:
    Tis tswb rau nkauj ces nkauj hlob. Tis tswb rau lau ces lau hlob. Txawm txij qaib txij de xwb los yuav tsum mloog, vim lawv yog neeg txwj neeg laus.
    Cov thawj neeg, ntawm cov txwj laus no, feem ntau yog cov neeg thoob tsib to nrog, paub tab paub cai. Txawj hlub neeg nyiam kev neej kev tsav txheeb ze. Lawv muaj kev ncaj ncees.
     
    2-Kab Tshoob kev kos.
    Cov tub tshoob tub kos cov npe hu tias:
    Txiv tuam meej koob  lwm mej koob ( lwm mej zeeg.)
    Txiv thiaj com, tub phij laj, niam txais ntsuab.
     
    Ob tug mej koob yog ob tug mus ntaiv hnub ntaiv hli. Laj niam laj txi. Ob tug no mus thov niam thov txiv nrog lawv ob tog, niam txiv tom ub tom no hais thiab cheem kom txhob muaj xaiv muaj lus. Tsuas hais rau qhov zoo kom tau kev neej kev tsav tis tau ntsuab tau ze ua neej sib hlub mus yav tom ntej xwb.
     
    Tus txiv tuam mej koob. Thaum kawm thoob cov kab ke tshoob kos  mus muab nyab, qua ntxhais tiav nws ntse li Mis Kuj neeg lawv hu ua ib tug los Yawj. Hos Fuaj Kuj hu ua ib tug As Vaus Kas hais plaub.
    Thaum lawv mus hais tshoob hais kos mas niam txiv ob tog hais lus muaj npaum nplooj los txiv tuam mej koob tsuas pub hais ib lo lus xwb. Kom thov, los kho qhov tsis zoo xwb. Dua li cov mas yog lus nyiaj lus kub xwb qhuas tas zog rau ob tog niam txiv ces lawv cia li zoo siab sis pub tub pub ntxhais, cia li tsheej tshoob tsheej kos tau neej tau tsav zoo. Nws tsuas hais rau saum kev cog paj xwb tsis cog pos. Luag thiaj siv tus choj tshoob choj kos cog tuaj mus sis cob rau qab plaj xab, qab plaj txuas. Niaj txhiab me txis tsis pub ntab los tsis pub puas. Choj txawm los los kev tsis tu.
    Nyob hauv ib li xeem los ib yim neeg tsis nrog zej zog sib haum xeeb ua neeg nkaus los tsis hwm leej twg li mas lawv muab nws tais kom tau kev ti thaum nws muab nyab qua ntxhais ua tsis tau. Yuav tsum ua nrog zej zog raws li lub teb lub chaw. Nws kawg yuav tau yoog thiaj tsa cuab tsa yim tau. Tej me tub me ntxhais sib qaws ua txij ua nkawg tsis muaj pov thawj kev txwj neeg laus  paub mas tsis pub sib yuav. Yuav tsum muaj kev txwj neeg laus thov meej koob mej zeeg mus nta tshoob nta kos pom qaib los ntshav ntsej npua los ntshav ntswg thiaj tsheej.
     
    Nyob hauv Hmoob tus nqi tshoob nqi kos muaj ob yam:
    a-Los ntawm neeg kev ncauj tsis huv tsis txawj hais lus, Hmoob hais tias ntov ntoo tsis saib ceg ntoo qhuav. Nws khav theeb saib neeg tsis rau nqi. Los nrog luag noj dua nqaij daig dab haus dua cawv daig nru, tsis muaj kev sis hlub nyiaj txiag daws pob caus.
    b-Cov thawj neeg muaj koob nto npe xav yuam luag tub luag ntxhais yuav los ua nws poj nws sev. Muab nyiaj txiag ntau choj los tuam choj tshoob kiav niam txiv lub xom lees kom tau luag tub luag ntxhais..
     
    Ntev los mus cia li hloov los ua nqi taub hau, nqi tua da quv dqa ziss. Xws li ua tus nqi muag neeg. Qhov tseeb yog nyiaj kiav niam txiv lub xom lees.
    Ntuj yav pem suab dhau los lawd Zaj nkauj tshoob thiaj hais tias:
    Cuaj hnub kuv niam kuv txiv yuav phwb tshoob, tub sab tub nyiag nyob ntuj sua teb tom taug tuaj txog tua npua txaij los noj, nqa npua txaij rooj tag los npua txaij mus tsis yoj. Ces kuv niam kuv txiv tom no li raug lawm tsheej choj.
     
    3-Kab mob kev tuag.
    Kab mob kev tuag, Hmoob hais tias, muaj ib siab ob qig. Cov txuj ci, los tus cai no hmoob siv rau lo lus meej pem tias, yog nkauj muam nraug nus pluas mov kawg. Thaum  hmoob muab nyab qua ntxhais, mus yuav poj yuav sev. Niam tais yawm txiv kev neej kev tsav tsa tub ntxhais mus ua neej. Niam txiv poj yawm them ib teg nyiaj mus los niam tais yawm txiv yuav tau phij cuam  plig nyiaj plig tsiaj plig txhuav rau ntxhais vauv coj mus chiv peev ua neej. Luag tau cog lus cia tias:
    Niam txiv nraug vauv, yuav, yuav nyuj phij tab nees phij cuam ces mus yuav nkauj Mab nkauj Suav luag thiaj muaj. Tuaj yuav tus nkauj Hmoob qab xib taws daj ces luag hais tias, muas hub tsis muas ze, tsua tau nkauj nyab ob txhais taw tes xwb. Qhov nyiaj niam txiv phij cuam no me me luaj tus me plaub qab xwb, los coj mus saib puas peem tsheej li tus plaub npua. Luaj tus me plaub npua xwb los coj mus maj mam peem saib puas luaj tus plaub nyug.
    Yog kev cog lus tias tau ua neej ua tsav lawm yuav sis hlub txog hnub nce hauv toj yuav tuaj noj xaus pluas mov kawg rau hnub ntawd.
    Thaum txog lub zim txwv  niam txiv sis fab cuab no muam phauj txiv dab laug tuaj qaij nws laus lub kaus dub kaus ci  rau nws coj mus roos hnub roos hli rov rau Ntuj ceeb tsheej los mus rau yeeb tim teb.
    Tshoob kos Hmoob los xaus rau hnub ntawd.
     Vim yog nkauj muam nraug nus koom noj lub mis ncau tuaj ntawm yas npab thiaj yuav tau nkauj muam nraug nus tuaj tu nws laus qab. Ces yog tuaj muab lub rooj tshoob roj kos no xaus tseg. Tsim koob hmoov tuav pov hwm rau tej tub ki xeeb leej xeeb ntxwv ua neej txuas mus yav tom ntej.
     
    Cov kev txwj neeg laus tuaj kav lub rooj mob rooj tuag no, cov nom tswv yog cov, Hmoob hu ua Kav xwm nrog rau pab tub qav tub num, uas muaj tshwj kab niam txam fam, niam diaj zeb tuav cos, tub kwv dej tub txiav taws, los mus rau txiv txiag.
     
    Cov muaj txiaj ntsim tuaj rau nws laus lub sam xeeb: Cuab tsav, Muam phauj, txiv dab laus cuas nyab cuas ntxhais, Xeev txwj laug xaus rau tus txiv xaiv foom kom. Thiab cov tub paj nruag tuaj qhia nws kev, yog cov txiv qeej txiv nruas. Tuaj lam hnub lam hmo kom tsev xyom cuab tau luag, tsis tshais dab ntxoog dab tso.
    Yog ib tug Hmoob twg tsis yuav lus  ua neeg liam moj tsis mloog kwv tij tsis yuav kev txwj neeg laus hais. Tos hnub no luag mam muab nws tais cuam kom nti tsis taus nws kev tws tsis muaj leej twg tuaj thaiv dab thaiv tsov nws yeej ua tsis tau dab tsi li txhua yam kev neej kev tsav kev txheeb kev ze tu ncua kaw nws kev tas mus, ces nws yuav tau kev txom nyem, ces nws yeej swb mus li.
    Yuav rov los zwm rau kwv tij qhua zej qhua zos. Luag thiaj muaj cov lus los ua tsaug rau thxhua yam tshav ntuj  uas tus kev neej kev tsav kev txheeb kev ze tuaj pab nyiaj txiag nplej qib txhuv ntsuas qaib noog dej caw, yaj ncos. Nta lub ntees tsa nws nce hauv toj no. Los xaus rau kev zej kev zos txhaim toj ub txhaim toj no sawv daws tsaug.
    Tus cai no yog kev txwj neeg laus tsoom kwv tij nrog kev txheeb kev ze tuaj pab mas nws ua yuam kev ces tsis muaj kab muaj ke yuav mus ua dab tu caj tu ces mas yuav liam txwv mus tas ob peb tiam neeg. Ua
    rau tej tub ki xeeb leej xeeb ntxwv mas nws yeej kawg rov los zwm kev txwj neeg laus txoj cai xwb.
     
    4- Cov Txiv Muam.
    Cov txiv muam,yog cov coj dab coj qhua. Uas lawv txawj ua neeb saib yaig. Mus rau tej lus uas lawv paub Ntuj lus, paub dab lus.  Nrog neej dab sib txuas lus tau. Los rau txheej no, mas suav cov Xib Hwb, cov niam toj txiv toj nrog ua kev. Lawv taug tib txoj kev. Yog pab neeg coj Hmoob nyob hauv txoj kev teev tiam Ntuj, los dab,thiab poj yawm txwv koob.
    Cov niam toj txiv toj yog cov sawv ua Saub. Cov ua Saub mas ib haiv neeg tsua smuaj ib leeg mus rau ob leeg xwb. Thaum sawv coob, uas muaj nyob qab zej hauv zos tuab ntws lawm mas yog hu ua niam toj txiv toj no.
    Tas nrho cov txiv muam hais saum no, cov  coj tsoom pej xeem huab hwm mas muaj qhov zoo, thiab qhov tsis zoo, yog 50, 50%.
    Lawv txoj kev cai no 50% tuaj saum Ntuj tuaj yog Ntuj li lus. Kuj muaj 50% tuam ntawm lub ntiaj teb no tuaj. Lawv kawm ib co kev thoob tsib raws li tej tsiaj txhu,muaj lus hem thawj ua rau txaus neeg ntshai. Kom cov neeg phem txhob hla  dhau txoj kab liab. Yog lo lus hais tias :
    Dag neej ces tau txaj muag. Dag dab ces tau tuag.
    Cov txiv muam lawv muab los lus no los nplua  neeg kom tsis txhob ua kev khaum kev txhaum. Ua rau tsoom Hmoob kom paub kev hwm Ntuj hwm neeg.
    Yuav saib lo lus ua tus duab nram no:
    a-Ib tug txwj laus ua thawj neeg, ib xyoos nws tsuas tau nplua ib tug neeg, tau mus tho luag qhov  vaj qhov tsev, los sis tau zij ncaug ntxi muag rau luag poj luag sev ib tsum mov qaib los noj xwb.
    b-Hos ib tug txiv muam no xya hnub xwb nws twb nplua tau ib yim neeg ob puas nyiaj teeb neeb, ib tug qaib teeb neeb. Ib tug npua zoo kho tus txiv muam yuav tus tsiaj ntawd 1/2,los 2/3, lawm.
    Tus txiv muam no nws nplua nyob kauv txoj kev txhaum kev khaum, tias dag neej ces tau txaj muag, hos dab dab ces yuav tau tuag. Them rau dab kom plaub ntug ntawm kev ploj tuag ntxhee mus, ua rau yus ntsej tsis hnov muag tsis pom.
     
    Cov Xib Hwb tshaj kev ntseeg txheej no yuav kawm zaj txuj ci tshajNtuj lus uas yog cov lus thoob tsib nqes saum ntuj los thiaj tseeb thiab meej.
    Yog kawm me ntsis kom paub tshaj Ntuj lus xwb. Mas Lawv kuj yuav siv tib co txuj ci nyob  ntiaj teb no los txuam rau. Yog cov txuj ci yoog raws li cov tsiaj txhu.
    Ua rau lawv nyiam  muaj hwj chim, nrog lub koob meej ces lawv yuav txua ib co cai los tswj kav tsoom pej xeem ntseeg, uas tsis yog Ntuj li, kuj tsis yog dab li thiab. Muab hais los ces, yog tus Xib hwb lis txuj ci nws txua los ntawm nws tus kheej.nws nruab siav xav tau, yob hauv ntawv ntshiab tsis muaj tej cai ntawd.
     
    Tas nrho txhia yam txuj ci kev teev hawm puav leej zoo, yog txuj ci nqes saum Ntuj los qhia kev ncaj ncees rau neeg ntiaj teb.
    Cov tub qhia ntiaj teb neeg txhua pab, txhua npoj yuav ceev faj kawg nkaus rau peb lo lus uas yuav los  thaiv thiab txiav txoj kev qhia Ntuj lus los sis ua Yaj Saub hais. Ntuj lus.
     
    Yam li muaj:
    a-Qhov uas ntshaw ua ib tug neeg muaj hwj chim loj. Muaj koob nrov npe.
    b- Yam uas nyiam ntiaj teb lub cuab tam ua neeg nplua nuj.
    c-Qhov ntshaw kev ua plees ua yi nrog txiv neej los poj niam nplooj siab.
     
    Ib tug tub tshaj Ntuj lus los ib tug Yaj saub mag rau peb lub txiaj ntsim no lawm, mas lawv kev tshaj Ntuj lus thiab kev ua Yaj Saub uas Qaum ntuj txib lawv ua ploj mus. Vim neeg tsis ntseeg. thiab tsis hwm lawv rau txoj kev ncaj ncees lawm. Thaum muaj tej no nyob hauv tus tub tshaj Ntuj lus thiab tus sawv ua yaj Saub ces nws hais lus tsis tseeb tuaj lawm.
    Yog peb yam no los kaw lawv cov txuj ci, kev qhuab qhia rau ntiaj teb neeg tas nrho.
    Lawv yuav txaj muag fim lub ntiaj teb, ces Ntuj zaj txuj ci thoob tsib yuav rov qab, lawv  tsis muaj dab tsi zoo nyob hauv lawv nruab siab. Thaum no lawv hais yam twg los tsis tseeb tsis leej li lawm. Lawv lub neej yuav ploj mus:
    Rov ua ib tug neeg tsis muaj suab npe. Los tu siab mus zwm rau kev tuag, coj lub neej mus  xaus.
     
    Cov txiv muam cov Xib Hwb lawv kuj nplua neeg nyob hauv txoj kev lawv coj. Lawv yog pab nplua neeg coob thiab ntau dua cov rau saum ib haiv neeg.
     
    Nyob hauv  Haiv Hmoob, yog plaub txoj cai, tawm hauv plaub yam txuj ci no los tswj kav Hmoob los tau ntau tiam kom Hmoob tseem nyob ua Hmoob los txog lub zim txwv no.
    Txij no mus kuj tseem yog tej txuj ci no yuav pab tswj hwm kav Hmoob thiab, ho mus zwm rau Mab Sua tej cai tswj kav sib xyaw mus 50, 50% .
     
    Muaj plaub yam txuj ci los ua tus cais tswj kav Hmoob li no, Mas Cov Txwj laus Hmoob saib tias yog ib lub koom hawm loj, los sib txhawb haiv Hmoob. Nyias nyob nyias ib lub zos, txawm sib nrug deb ze los ntau pua lub zos. Lawv sab tias yog lub koom haum coj Hmoob, mas ib lub teb chaws muaj Hmoob nyob lawv sib yoog kom tau sib pab cuam rau
    Tsoom Hmoob kev noj qab haus huv. Hmoob muaj los lus hais tias:
    Ib teb chaw muaj ib tsa txuj, ib leeg hais txawv zog los sib yoog kom dhau mus tsis pub muaj xai muaj lus, ua sib tub qaug rau saum kev txwj neeg laus.
     
    Hmoob muab cov txuj ci no los sib faib raws nram no:
    a-Cov txwj laus, saib los rau fab kev noj qab nyob zoo nyob sib haum xeeb.
    b-Cov tub tshoob kos,cov thawj lwm tub ncig tub qav num saum lub ntees mob ntees tuag. Saib los rau kev neej kev tsav kev kwv tij sib hlub, hmov tshua txog sawv daws kev sib raug zoo, kev noj haus.
    c-Cov txiv muam saib xyua sab cev nqaij daim tawv los mus rau sab ntsuj plig kom muaj txoj sia nyob ntev dhawv, yeej mob yeej nkeeg. Txhob ua kev txhaum kev khaum.
     
    Tus teeb meem loj uas tsis haum li Qaum Ntuj zaj txuj ci yav tom ntej no. Yuav xeeb tuaj los ntawm cov thawj neeg cov Txiv Muam thiab cov Xib Hwb tshaj Ntuj lus tawm los. Yam li yog lawv txoj kev nplua tib neeg, thiab cov lus hem thawj:
    Yam Ntuj tsis tau qhia, los dab tsis tau hais. Lawv txua rau kom muaj. Lawv hais tias yog Ntuj hais, los yog dab qhia. Thiab lawv paub Ntuj lus, lawv nrog dab tham tau.
    Lawv nplua neeg, them nyiaj txiag, muab tsiaj los them rau dab. Muab nyiaj muas Ntuj ceeb tsheej
    Thiaj tau mus  nyob. Tsim tej txoj cai rau neeg coj uas tsis zwm rau Ntuj kev nyiam kev hlub. Rau neeg ris nrog lawv kev iab kev khw tuaj saum lub nra.
     
    Saib tus teeb meem yauv tuaj yog:
    a-Ib tug txiv Muam nplua neeg ntau tus coob leej muab nyiaj txiag, tsiaj txhu los them rau dab. Yog dab tsis tau hais, cov tsiaj no yuav mus nyob pem lub rooj ntug tos Txiv Muam. Thaum txiv Muam mus txog Qaum ntuj yuav hais tias, txiv Muam cov tsiaj no yog koj li, koj tsis cia rau neeg ntiaj teb siv noj haus yug lawv siav Koj muab xa los txog lub rooj ntug no muaj puv peb roob peb ha koj yuav. Qaum ntuj tsis siv tej tsiaj no, lawv yog ntiaj teb tug. Zaum no yog koj tug koj zov cov tsiaj thiab tej quav tooj quav hlau ua yog ntiaj teb teej tug ntawd, koj muab ua koj tug lawm koj yuav, Ces txiv Muam mag zov nyob ntawd. Quav tooj quav hlau yog av tug yuav tsis txauj yaj ua dej ua nag ya ploj mus mas Txiv Muam tsis muaj hnub dim.
                                                                         
    b-Cov Xib Hwb qhia Ntuj txoj cai kuj sib xws li thiab:
    Ib tug Xib Hwb txua ntau yam kev cai uas tis yog
    nqes saum ntuj los  nrog kev ncaj ncees kev thoob tsib pub txoj sia nyob mus li rau neeg ntiaj teb. Muaj kev sib cais, muaj quav tooj quav hlau nrog rau kev ua plees ua yi koom siab nrog txiv neej poj niam nyob hauv nws nruab siab. Lwm hnub tej nra nyiaj nra kub tej txoj cai, thiab kev ua nkauj ua nraug muaj puv li peb roob peb ha khuan rau pem rooj ntug lawm los tus Xib Hwb kuj yuav mag zov, vim tej kev ntawd puav leej yog ntiaj teb tug siv nyob rau ntiaj teb. Lub ntiaj teb tsuas muaj kev khaum kev txhaum xwb, yus yuav tau zov tej ua yus tsim teg los ua yus li kev ntshaw. Ua kev khaum, kev txhaum.
    Cov Txiv Muam cov Xib Hwb tsis ceev fam, yuav ua rau pab neeg raws yus tsi to taub:
    Lawv xav tias Lawv tus txiv Muam los tus Xib Hwb twb nyob qaum ntuj tos lawv lawm. Lawv mus txog lawv nrhiav tsis pom lawv tus thawj neeg li. Saib ntuj tawg, ua cas muaj ib pab neeg, yog lawv cov txiv Muam thiab lawv cov Xib Hwb nyob hauv tas nrho.
     
    Kuj tsis yog yuav hais tas nrho cov Xib hwb thiab cov Txiv Muam ntawd huv si. Tsis muaj neeg paub tau tej zaum kuj yog 50, 50% li, los tsawg dua, Tab sis yeej yuav muaj yam tsawg 20%.
     
    Yog ib tug txais tau kev thoob tsib nqes saum ntuj los coj, mas nws muaj kev tso siab lug tau tias: Tswv Ntuj tis pub kom dab yuam tau neeg mus zwm kev tuag.Ntuj tsuas pub cai rau dab ntxias neeg xwb. Tus neeg yuav ua kev txhaum kev khaum no yog nws xaiv nws tuas kheej. Txhob muab liam rau dab tsis tau. Yog tus ntawd xav ua plaub rau dab los nws yuav tsis yeej li. Dab tau ntxias, tab sis dab tsis tau yuam nws kom ua kiag li ntawd. Txoj kev no yog nws xaiv nws tus kheej thiab nws yog tus txiav siab ua li nws nyiam tawm hauv nws nruab siab los.
     
     
    Cov Cai los txuj ci tswj kav hmoob no, mas zoo tas huv si. Tshuav yam puav zoo tsis tas, ua rau Hmoob tsis nrog Mab Sua tsis muaj teb muaj chaw. Tsis muaj nom tswv, tsis muaj ib tug ua tuam los pav npua nuj loj li Mab Sua. Cia ua qauv, ua suab npe rau Hmoob los Mab sua nyob thoob qab ntuj tau hwm cav qhuas txog lawv tej suab npe dej num tseg rau ntiaj teb no, tias Tus yawg no, muaj keeb kwm zoo roos tas nrho Hmoob tej xeeb ntxwv cia hwm los teev tiam mus ntau tiam.
    Ntev, ntev los mam li yog ib txoj dab neeg lawm xwb. Thaum hloov los ua ib zaj dab neeg lawm peb nyiam hwm zoo li ib tug huab tais. Xws licov npe no:
    Huab Tais Txiv Yawg, Huab Tais Vwj Paj Yig, los Huab Tais Vam Khib.
    Dhau los mus ces yog Huab Tais Tswb Tshoj, Nuj Yob Kaub, Huab Tais Yaj Yuam, Maum Nyaj Lwj. Txiv Nuj Sis Loob.  Niam Nkauj Ntsuab Txiv Nraug Nab.
    Dhau los ces txuas rau Yawg Paj Cai, Lauj Kiab Toom, Tub Npis Lis Foom Vaj Pov, Faiv Ntaj, Lauj Foom,cov nom tsib, nom plaub nom peb, ob, ib los rau peb sawv daws.
     
    Peb Hmoob muaj ib lub tswv yim zoo, txawj sab laj ntaus tswv yim zoo tsis tshaj hmoob lawm. Sab laj tau zoo rov mus tsev lawm,tas rau qhov ntawd. Tsis koom siab rau kev sib cog lus tuav txoj kev sab laj uas tau tsim muaj los ntawd thiab hwm  kom nyob ruaj khov tseg,ua tsim kom sawv.
    Tsim taus sawv lawm tsis koom siab txhawb tsa thiab nrog tuav kom ruaj nyob mus li.
    Pheej hais tias yog lawv xav lawv nyiam xwb kuv ua tsis tau vim tsis yog kuv ua tus pib. Koj twb nrog lawv pom zoo tsa, koj tseem hais tias cia saib lawv ua puas sawv. Zoo li koj ntshai tsam lawv mus taus lawm ces lawv tso koj pov tseg. Koj nrog lawv tsa tau koj tsis xav nrog lawv nres. Yog zoo, ces koj hais tias kuv yog tus pab lawv muab tswv yim thiaj tau zaj tswv yim no. Puas tsuaj mus tsis taus, koj ho hais tias kuv yeej xav tau tias yuav tsis zoo, tab sis lawv coob lawm, ces kuv cia lawv ua li lawv nyiam. Zoo li yus lam pheeb rau luag, zoo ces yus tau lub chaw vam, Phem lawm yus tsis lees paub. Hmoob coj li cas mas Hmoob xav li Hmoob hais ntag, thiaj hais lo lus tias, Ntxias nws nce saum ntab tso mam lauj tus taw ntaiv kom nws poob.
     
    Kev ua txhua yam mus sib xws li:
    Leej twg nrhiav tau lub tswv yim zoo los, ces hom hais tias koj xav tau ces koj ua tus thawj peb sawv daws nrog koj sib pab ua kiag kom peb zoo Mab Sua saib taus peb thiab. Pib ua yam yuav zoo rau lub zej zos yuav nce mus rau txheej loj siab yuav muaj suab npe zoo, ces pib nrhiav kev lauj taw ntaiv kom poob mus.
    Cov txuj ci coj kav tswj Hmoob los tib yam: Luag paub thiab koj paub, mas sim saib luag paub tob npaum li cas. Sim mus koj swb lawm mas koj mam hais tias lawv txawj lawm thiab. Yog lawv swb koj ces koj hais tias, lawv tsis txawj lam luab sab xwb. Koj xav mus nyiag lawv txuj ci koj tsis ua zoo hais koj mus sim luag ces ua kev tu siab ntev mus hloov kev mus ua nyuj sib nrau cuam.
     
    Cov Hmoob lawv kuj tsis muaj hwj chim loj npaum li cas thiab. Lawv tsuas yog ib co me nyuam neeg thoob tsib to nrog, lawv yog neeg txom nyem.  Thaum lawv sib sau ua tej yam sib koom lawv tsuas xav ua yam los tiv thaiv thaiv poj niam me nyuam, kom muaj noj muaj haus ua neeg nyob thaj yeeb xwb.
    Tsis yog Hmoob ua neeg nyiam thab plaub xav tsim Teeb meem rau mab Sua. Yam li Mab Sua muaj tej kev nam ciam dej ciam av,lees mus yuav luag liaj luag teb qoob loo. Hmoob mam tiv thaiv xwb.
     
    Hmoob tsis muaj qhov sib pab nres tias yiag koj ces yog nyiag kuv lawm thiab, ua mob koj kuj yog ua mob rau kuv lawm thiab. Hmoob muaj lo lus tias luag hlawv luag toj kub hnyiab mob tsis txog yus nruab siab. Muab nees rau luag caij kom luag tau zoo. Tab sis ho npawm nees pob tw kom nees dhia luag poob nees.
    Hmoob paub kaug, tab sis yog Hmoob tsis hwm xwb.
    Hmoob paub mus txog qhov hais Tus Huab Tais thiab tus tub qhev mas tus tub qhev ntse  dua tus huab tais, Hais tab sis lub siab mas huab tais lub dav dua tus tub qhev.
    Hais ib lo lus kom to taub zoo zog:
    Muaj ib hnub huab tais coj nws tus tub qhev tawm rooj mus ntsib huab tais cov yeeb ncuab tsib caug leej. Huab tais kom tus tub qhev mus tua lawv. Tub qhev saib nkawd ob leeg xwb yuav tsis yeej. Tub qhev hais tias, Txiv huab tais wb qiv kauv thais xwb (khiav xwb.) nkawd qiv khauv txhais tas ces nkawd npaj ib pab peeb muaj li ib puas leej Nkawd thiaj yeej tau cov yeeb ncuab no.
     
    Sawv daws yeej muaj qhov zoo. Peb leeg nyob ua kev los yuav sib hwm nyias muaj nyias txuj ci los peb loj ib yam:
    -Tus Huab tais kav pej xee mws muaj hwj chim loj kawg, los yuav hwm tus tub cog qoob loo. Koj tsis hwm nws, nws muab yawm sij xauv nws lub txhab qoob tsis qhib nws txhab qoob, tso lus rau pej kum teb tuaj yuav tas Huab tais teb chaws tshaib plab tuag tas.
    Huab Tais thiab tus tub qoob tsis hwm tus kws hlau, nws tsis muab hlau rau huab tais thiab tub cog qoob nkawd siv tsis muaj hlau. Ua tsis ntaj phom tua rog, tshuab laij teb. Kawg sawv daws mus poob ua cev qhev rau lwm haiv neeg.
    Peb tug no puav leej yog Huab tais:
    -Huab Tais kav ciam dej ciam av nrog pej xem.
    -Huab Tais kav qoob loo saib huab cua dej nag.
    -Huab Tais tswj kav hlau ntsuamxyuas av zeb tsua.
    Nyias loj nyob ntawm nyias lub rooj kab xwm. Dhau li ntawd peb zoo sib xws loj sib luag.
     
    Thaum peb hais tau, peb yuav koom. Kom ua tau.
    Peb yuav coj tias Hmoob yog ib tug. Txhob hais lub xeem. Xeem nyog cia ua tshoob ua kos. Dhau tshoob kos lawm yog ib tse neeg xwb. Mob koj yog mob kuv. Koj quaj yog kuv quaj. Koj tu siab yog kuv tu siab.
    Koj zoo ces yog kuv zoo. Peb sawv daws zoo tas, peb thiaj xav sib pub tub los pub ntxhais. Kuv tus tub zoo yog koj tus vau. Koj tus ntshais zoo yog kuv tus nyab. Peb tsis sib hwm kuj zoo li peb tsis sib hlub tau vauv los vauv vij vauv npog,tau nyab los yog nyab dab ntxaug, dab ntxoog dab tso xwb lam hu ua kev neej kev tsav, no xwb ua neej tu siab txom nyem lwj siab mus li tas tej ntxhais vauv lub neej  70-80 xyoo.Tsis tau mus ua nyab ua vauv, los mus rau Mab Sua tsis paub koj tus kev lis kev cai. Koj li txuj ci. Tsis yog thuam Mab Sua, tshuab nplooj rau nyuj pob tseg, nyuj tseem paub tias ua tsov hem’
     
    ( 2-19-2013.)                   Yaj Xib Hwb Zoov Ntxheb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 17th June 2013, 10:16 am



    HWM KOJ LUB CEV.


     

    Koj lub cev ntaj ntsug muaj nuj nqi heev, tsim nyog hwm txhua yam muaj nqis, zoo nkauj uas Ntuj pub rau koj.

    Tas nrho txhua yam no roos tau tus ntsuj plig kom dawb huv thiab ua lub neej nyob kaj lug. Tsis muaj kev txob txhawj, nrog kev ntshai, kev lwj siab kho siab.  Lub cev ntaj ntsug no nws nyob kav thiab tswj txhua yam nkauj,zoo saib, muaj nqi ntawm koj lub cev tas huv si:

    1- Hwm koj lub tau hau, muaj zoo lub tswv yim. Ob lub pob ntseg, txawj hnov txhua yam lus zoo los lus phem kom koj txawj cais cov lus zoo rau sab zoo, cais cov phem rau sab phem.

    Hwm koj tus nplaig lub ncauj uas nws txawj hais lus meej lus nrog lus phem txhawb los txo koj lub meej mom. Tas txhua yam yuav zoo los yuav phem tawm ntawm lub taub hau no, los mam li ua rau neeg cav txog koj los neeg thuam koj.  Thiab ua rau neeg npau taws los kib thiab muaj kev cib nyeej rau koj.

    -Koj lub tswv yim txawj  paub, lub siab txawj xav, lub ncauj taxwj hais ces koj tus ntsuj plig  muaj zog  nrog koj lub cev nyob kaj lug.

    2-Hwm koj cov tes taw uas nws txawj coj koj mus kev los ua tau tej yam zoo nkauj zoo saib tawm los, rau zeej tsoom tau qhuas thiab cav txog koj yog tus txawj ua tau los rau neeg ntiaj teb saib.

    Tas txhua yam nyob ntawm koj lub cev, yog Ntuj muab rau koj thiaj xeeb muaj, yog niam txiv li ntiag tug thiab koob hmoov, mam tau los. Txhua yam no tsim txiaj dua nyiaj thiab kub lawm ntau npaug.

    3- Txhob muab los ua piv txwv los piv txoj lus los hais:

    Hmoob li mas thaum Hmoob ua kwv txhiaj hais mas lawv kheev hais tias: Txiv leej tub, yog kuv niam leej ntxhais no leej niam leej txi tsis txawj yug kuv  es,  tsis yug tuaj thaum lub hli xiab niam leej ntxhais thiaj ua neeg nyob tuaj mus lwj siab,

    Koj niam koj txiv yeej txawj yug kawg, lawv yug tau lawv tseem ua me kab me noog cawm koj kom koj tsis txhob tuag, koj thiaj loj hlob ncej qab puv ceg ris, lub cev loj los mus puv duav tiab.

    Koj tsis tsheej koj, koj ua neeg lwj neeg liam koj thiaj tau txoj kev mus ua nkauj feb nraug fav, hloov dua txij dua nkawm tshiab.Txhob muab liam rau leej niam leej txi. Yog tim koj tus kheej, vim koj ntim tsis txhij hnav tsis txhua, paub tsis thoob, pom tsis tas, koj  mam tau txoj kev kho siab mus lwj plawv.

    4-Yog tiag qhov tseeb, mas yuav hais tias:

    Kuv niam kuv txiv lawv txawj nyob mus txawj yug, yuav yug tau niam leej ntxhais los txiv leej tub tus zoo lub meej mom los phim cev nkauj xwb nraug xwb  lub cev ntaj ntsug  nyob mus sawm txhiaj. Vim kuv nplooj siab tsis nthuav ntxeev, kuv mus txob ua neeg lwj neeg liam hle ris tuaj mus hle tiab.  Ntuj hnub nyem no kuv thiaj tau lub neej nyob mus lwj siab ntshai tib ruj rwg tsam tau txoj kev nyob mus ntxooj dab ntxooj tsov tiag yuam Hmoob.

    5-Tim koj tsis txawj xav los tsis txawj hais, hais ib tuaj tas tsis tseg tseem hais ob tuaj thiab thiaj hais mus ti nkaus rau txoj kab liab, ces niam ua nkauj feb, txiv mus ua nraug fav ua neej nyob lam teb lam chaw rau luag hais tuaj mus rau lug ntxub, tej tub tej ntxhais thiaj tsawg ib leej txiv qhuas, los tsawg ib leej niam hlub.  Lawv thiaj tau ib lub neej tsis xws luag, tseem muaj niam muaj txi los tas ntua li yog tub ntsoj los ntxhais ntsuag. Ua neej qhib rooj los ntsia ntuj, qos rooj  los mus saib neeg los nplooj siab lub ntsws nyob tsis kaj. Ua lub neej mus tom ntej los tsis muaj tus zoo qauv taug.

    6- Lo lus kawg ntawm zaj lus no, Yog koj tsis hwm txhua yam ua yog Ntuj thiab tej niam txiv tau muab rau koj coj los tsav koj lub hwj chim coj koj lub cev thiab tus ntsuj plig mus rau kev thaj yeeb.

    Xws li koj tej chaw mos: lub paiv thiab tus noov, yog ntiaj teb kev zoo siab, koj tsis cia siv rau tus txij nkawm xwb. Koj muab siv pub rau txhua tus tsuav yog poj niam los txiv neej, kom sawv daws  nrog koj txaus siab. koj mus lij tau tus mob uav los mob cas, koj cuab yeej cia rau ntiaj teb kev zoo siab, mob lwj nqws mus lawm txiav me tub me nyuam kev nqes los ua neej rau ntiaj teb tsis muaj hauv kev.  Koj puas xav tias lawv los nrog koj nyob pab koj ua neej zoo siab rau ntiaj teb no lawv tau mob tau lwj khaub hlab tas tsis zoo siv lawm. Puas yuav muaj kev tub qaug rau paiv thiab noov nkawd?

    Yog tias tas nrho txhua yam koj muaj ntawd, yog lawv muaj lawv ib tug tswv coj thiab kav ntshai lawv yuav xav ua plaub rau koj pob yuam.

                               Yaj Xib Hwb Zoov Ntxheb.


    Last edited by Maiv Tooj on 27th July 2013, 9:34 am; edited 1 time in total




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 25th June 2013, 8:14 am

    KEV UA TSOV ROG.

     Kev tsim tsov rog rau neeg lub cev, thiab tus ntsuj plig. Nws tsis yog ib yam uas yuav zoo zoo ua!
    Nws yog ib txoj kev ua txhaum loj.
    Tus neeg npaj  ua rog rau leej neeg lub cev thiab tus ntsuj plig yog cov  tsov rog xws li no:
    1-Nws ntxub neeg, lam xav liam tej yam tsis tseem ceeb, los hais ua dab plig rau luag tej hnov.  Kom muaj neeg coob xyav nws lub npe lub koob tsis zoo.
    2- Nws nrog luag sib txeeb hwj chim xav ua tus loj. Lam nrhiav kev liam, thuam txog nws tus yam ntxwv los nws tej los lus, los nws tses hauj lwm.
    3- Twb tsis muaj los nws niaj hnub nrhiav kev ua tim khawv cuav liam los,hais ntau yam tsis tseeb los tsis plim kev ncaj ncees.
    4-Lam dag, kom neeg muaj kev sib ntxhub, tsis sib hwm, ua neeg khav theeb kom luag tau nrog nws pab tawm tsam rau tus tod ntxiv thiab.
    Tej no ntag, yog kev txhob  txwm tsim kev ua tsov rog  rau neeg lub cev los tus ntsuj plig. Hom tsov rog no, neeg ntiaj teb sawv daws nyiam kawg, nyias kawm nyias tas zog saib leej twg yuav yog tus ntse tshaj cov uas yuav txaw xyav luag moo. Tsis hais phiaj neeg twg li.
    Cov phiaj neeg loj muaj meej mom loj siab lawv kuj sib ua lawv. Hos cov phiaj neeg me qis los lawv sib ua lawv tas npaud thiab.
    Tus pib mas nws tseem sau tej pab neeg los nrog nws tiv thaiv, tawm tsam coob leej kom  nws tau ua tus yeej xwb.
    Neeg yog tias koj pheej mloog ib tug hais tej lus xaiv hais txog luag lwm tus dab plig li no mas ntev mus koj ntsia los koj saib nws txawm yuv zoo li hais no thiab ntag. Tab sis qhov tseeb tsis muaj npaum li ntawd.
    Sawv daws ua neeg nyob rau ntiaj teb no yeej tsis muaj ib tug yuav zoo 100% li  koj siab tias zoo txog 60, los 70 % lawm mas nws yeej yog ib tug neeg zoo kawg lawm. Yus ntsuam xyuas yus thiab tso. Yus puas zoo tau 50 %. Cov nws muaj qhov zoo txog
    50 % mas cov ntawd puav leej yog cov hu tau ua neeg zoo lawm.
    Peb yuav ceev faj kawg nkaus, kom tus kab mob coj kev xeeb muaj tsov rog no txhob kis tau rau peb,lub siab lub ncauj.  Kom Cov ua nom ua tswv lawv sib hwm zoo, hos tej phooj ywg los sib raug zoo, thiab yus tej kwv tij tau nyob sib haum xeeb ua kwv uaj tij nyob laus nkoos ua ke.
    Cov tsov rog tawm tsam rau neeg lub cev los tus ntsuj plig no, leej twg tau ua lawm mas nws ua Suav tus cwj ntas ob tog plam. Yam li thaum luag poob ces yus kuj poob thiab. Luaqg tuag yus nrog luag tuag thiab. Yuav muab ib tug duab li no rau nej saib:
    Neb sib ua rog, neb muaj kev sib ntxub loj zuj zus tuaj.Koj mus vam txog ib pab tuaj txhawb koj zog. Nws kuj hu lwm pab tuaj pab nws. Ua ntej neb siv ncauj  nplaig lus los sib tua. Ntev mus neb siv ntaj siv phom los sib tua lawm. Ib tug tuag kiag, nrog ntsis ntaj ntsis phom, los tuag ntshai ua mob nkeeg. Tus ntawd yog tus yeej, vim nws tau zoo lawm.
    Tus tsis tuag, kuj zoo li nws tuag lawm thiab nws txoj sia tsis tu nws tus ntsuj plig tuag lawm. Vim nws poob tas txhua yam:
    Nws tsis muaj ib tug los nrog nws sib nrau cuam lawm, Cov txhawb nws lub zog tom qab tso nws  pov tseg tas lawm, Luag vam txog nws los tiv tib tug ntawd xwb, thaum nws nrog tus ntawd tab tom nrau cuam rau sawv daws paub los saib mas nws zoo heev. Vim nws siv tas nrho nws lub peev xwm qhov phem tawm los rau luag pom thiab paub lawm,sawv daws paub nws siab tas nrho lawm, zaum no nws phooj ywg poob tas, cuag li nws tuag lawm, nws tseem txom nyem dua tus xub tuag mus lawd. Thaum no koj cwj ntas ob tog plam. Nyob los luag tsis qhuas tuag los luag tsis nco. Koj mus saum ntuj los tsis muaj neeg xav raws koj mus. Koj mus dab teb los tsis muaj neeg xav lawv qab thiab. Mus txoj kev twg los koj mus koj ib leeg mus txog tsis muaj leej twg txais koj. Luag hais tias koj tuaj lawm tos muaj neeg tuaj peb mam rub rooj rau koj nyob. Luag tuaj luag tuaj tsheej pab rub tau rooj txaus luag pab nyob lawm xwb. Lug tsis nco qab txog koj.
    Mus dab teb dab kuj hais tib yam li no thiab.
    Nco ntsoov ua neej nyob, ua nom ua tswv yuav sib pab sib roos, Ua kwv ua tij nyob yuav sib pab sib nres,hos ua phooj ua ywg yuav sib txhawb sib nqa thiaj muaj zog. Ua neej nyob siab thiaj li kaj.
     
                        Yaj Xib Hwb Zoov Ntxheb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 23rd July 2013, 10:23 am

    IB LUB HNUB QUB MUAJ NYOB TXAWM.
    -Haiv Hmoob yog ib lub hnub qub uas yeej muaj txawm nyob saum ntuj, yeej tseeb tiag.
    Haiv Hmoob yog ib lub hnub qub loj uas yeej xub txawm los, thiab ci tuaj rau lub ntiaj teb no kom tau pom kev lam lug.
    Lub hnub qub qhov pom kev lam lug ntawd, yog Hmoob cov txuj ci. Yog Haiv Hmoob tej kab ke txais kwv tij neej tsa, los tej kab ke teev Tswv Ntuj thiab hwm poj koob yawm txwv. Ntxiv rau Hmoob zaj txuj ci muab nyab los qua ntxhais. Los xaus rau sab kev cai saib ib tug neeg laus nce hauv toj, thaum hnub tus neeg laus ntawd nyob puav hnub nyoog ib puas nees nkaum lub xyoo.
    Haiv neeg Hmoob yog ib Haiv neeg muaj zoo txuj ci nyob hauv cov thawj Haiv neeg loj muaj koob meej tuaj ua neej txoos rau saum lub ntiaj teb no, ib haiv lawm ntag.
    Txij thaum Suav tuaj tawm tsam cov kob tsov rog rau Haiv Hmoob, ntuj yav pem suab los uas Hmoob poob rau kev txom nyem,tsis muaj teb chaws ua Hmoob teej tug los lawd. Haiv Hmoob tej txuj ci Hmoob yeej tsis tau tso pov tseg. Hmoob teem siv los txog lub zwj ceeb ntuj tam sim no li.
    Haiv Hmoob tau sib ncaim mus nyob ntau lub teb chaws, nyob ua tej lub me nyuam zos me me. Tsis muaj vaj, tsis muaj nom tswv kav, zwm rau tej Mab Sua xwb los Haiv Hmoob plaub txoj cai tswj kav tau Hmoob kom lawv ua tau ib Haiv neeg nyob ruaj thiab khov tau ntau txhiab vam xyoo los lawm:
    a-Txoj cai Hmoob tsa cov txwj laus. Uas Hmoob hais tias, tis tswb rau nkauj ces nkauj hlob, tsis tswb rau lau ces lau hlob, txij qaib txij de los sawv daws hwm.
    b-Txoj cai tsa kom muaj tub tshoob tub kos, los mus mab nyab qua ntxhais.
    c-Txoj cai tsa cov tub qav tub num los saib txog tej niam tej txiv nce hauv toj.
    d-Txoj cai tsa kom muaj cov txiv muam saib Haiv Hmoob li kev ua dab ua qhuas.
    Tab txawm yog nyob deb li ib ncua kev mus lawm ib ntxeev ntuj los Hmoob tseem nco qab ntsoov tuav rawv Hmoob li txuj ci.
    Plaub txoj cai no tau coj Haiv Hmoo kom tau ua Hmoob los txog nyem no thiab yav tom ntej txuas ntxiv mus.
    Li no mas thiaj hais tau tias Haiv Hmoob yob ib haiv neej loj xws li ib lub hnub qub uas Ntuj tau xub tsim ntxov ntxov los lawm thiab.
    Tej pab Hmoob me me mus nyob rau vaim kuj teb, lawv kawm muaj me ntsis txuj ci los ntawm vaim kuj teb los ua me ntsis kab xwm ua lag luam, nriav noj nriav haus,los cov coj kev ntseeg. Yog lawv tsis hwm Haiv Hmoob no li txuj ci, mas yog lawv xav tias lawv yuav ciaj ua vaj los kav Hmoob. Tsis muaj tseeb. Lawv tsis paub qab hau, thiab rhuav kom lub hnub qub nyob saum ntuj ntawd uas roos Haiv Hmoob kom ploj mus. Ces lub npe Haiv neeg hu ua Hmoob kuj yuav ploj mus li thiab. Ntau tiam tom qab mas yuav khuv xim.
    Pej kum Haiv neeg cov tub txawj tub ntse, mas lawv twb pab Hmoob khuv xim txog tej txuj ci no kawg.
    Lub zim txwv no, cov lawv hais tias lawv yog cov tub txawj tub ntse,nyob hauv Haiv Hmoob,uas lawv xav ua tus thawj ntawm haiv Hmoob mas tam sim no lawv tab tom yoog vaim kuj haiv neeg tej kab lis kev cai. Tso Hmoob txuj ci thiab kab li kev cai ntawm Hmoob ntiag tug pov tseg.
    Cov uas lawv coj ib txoj kev ntseeg tshiab, lawv lam liam tias yog DAB li kev cai, tsis lees paub tias yog ib txoj kev cai muaj nuaj nqis nqes saum ntuj los ua Hmoob teej tug. Cov hais li no mas kuv tus kheej hais tias tias nws lam tsab ua neeg ntse, nws tsis tau paub qab hau. Phim nyias yuav xav nyias tias tus ntawd puas yog kuv ne!
    Hais txog saum dab li lus qhov tseeb yog cov lus tsis ncaj ncees, xav tau nruab siab hais tawm ntawm lub ncauj los ua rau neeg tsis to taub. Coj neeg mus taug kev sib ntxub sib cav sib ceg. Ua kom neeg tawg ua tej pab tej pawg tsis sib haum, sawv daws muaj kev xam khib, cib nyeej tsis sib tso siab ua ke. Nws pheej xav tias luag tej ntshai yog neeg phem los tib neeg ruam xwb. Coj sawv daws sib thuam nyob puv qab zej hauv zos tib si.
    Cov txuj ci hais lus thiab ua rau neeg ntiaj teb muaj kev zoo siab, yog Qaum Ntuj li lus muaj nuj nqis siab cia nyob tsim nuj rau txhua tus leej tib neeg.
    Peb haiv Hmoob, tej pog yawg los tej niam tej txiv twb tau coj cob qhia hmoob los tau ntau tiam lawm.
    Tej kev cai txuj ci no kuj yog ib tsob tshuaj cawm Hmoob kom txoj sia ntev, thiab nyob kaj siab lug, muaj neeg muaj tsa, kwv tij txheeb ze nyob xauv npo los mus tiam dhau tiam.
    Yam tseeb tiag Hmoob txuj ci kev cai zoo ua tshuaj cawm sab ntsuj plig, kom tus ntsuj plig nyob puab cev, ntsuj duab los puab cuab, lub cev thiaj muaj zog, noj hno poob plab haus dej poob cev, ces yeej tej sab foob khuab thuas mam li ua neej muaj txoj sia nyob ntev dhawv.

    Yaj Xib Hwb Zoov Ntxheb.
    Tim 7-7-2013.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 27th July 2013, 9:43 am

    Zaj 29: ZAJ DAB NEEG QUB DUA COV.



    Ntuj yav pem suab, thaum ub muaj ib zaj dab neeg qub qub hais tias:
    Zaj dab neeg no ua rau cov txiv neej Hmoob raug xwv txheej ob ntus loj kawg.
    Lub zim txwv Hmoob swb rog rau Suav lawd.Huab Tais Suav tsa cov poj niam Hmoob ua nom. Kom cov txiv neej tau poob tsim mus.
    Lub zim txwv ntawd,Cov poj niam sawv ua nom tswj ntug. Lawv tswj cov txiv neej.
    Poj niam muaj kev cib nyeej, thiab khib siab tias, cov txiv neej muaj siab ntau, siab coob nyiam ntau tus poj niam hwv. Ces cov poj niam nom cob qhia tas ib tsoom poj niam. Kom muab lawv cov txiv zoo nraug tua pov tseg. Ib hmoos mam hu ib tug txiv neej tuaj ua yus luag pw xwb.
    Zaum no, cov txiv neej tuag yuav tas tiag. Tshuav tsawg tsawg lawm xwb. Ces cov poj niam ho sib txeeb cov txiv neej. Ces poj niam rov muab cov txiv neej tua ib zaug ntxiv thiab. Nws los khib lawv los khib, sawv daws muab tua, kom koj los tsis tau nws los tsis tau txiv neej. Cov poj niam ntawd lawv sawv daws sib khib loj heev. Pom tsis tau ib tug txiv neej li, pom xwb ces twb muab tua lawm.
    Txiv neej Hmoob muaj hmoo:
    Muaj ib tug ntxhais poj ruam zais tau ib tug txiv neej cia rau hauv ib lub qhov tsua. Niaj hnub nws nyiag ua mov xa mus rau noj. Nyob nyob ces tus poj ruam no txawm xeeb tub.Nws yug tau ib tug tub, nws coj tus tub ntawd los.
    Ces tas nrho cov poj niam ntawd muab tus tub ntawd hlais ib leeg ib daim luaj li lub taub teg coj mus ua thuaj muaj tub. Sawv daws coj mus ntshaws rau hauv  lub qhov xeeb tub, cia cia lwj tas xeeb tsis tau tub.
    Ces tas tsoom poj niam sawv daws tuaj ua tsiv ua nyaum rau poj ruam, kom nws qhia saib ua cas nws thiaj xeeb tub tau. Ces poj ruam mam qhia tias nws zais tau ib tug txiv neej rau hauv ib lub qhov tsua. Tas nrho tsom noj niam mus qhib lub qhov tsua, thiab coj tus txiv neej no los txog.
    Lawv tsim ib txoj cai, cia ua ib lub tsev siab siab, loj dua lub tsev yug nquab. Tuam ib tug ntaiv rau. Cov poj niam yog leej twg coj khaub ncaus tsim nyog xeeb tub tau mas mam pub nce tus ntaiv no mus cuag tus txiv neej ntawd ib zaug kom tau xeeb tub xwb.
    Tus poj niam twg coj khaub ncaws lawm mas yuav ntoo phuam tis paj liab rau kom sawv daws paub, nws thiaj muaj cai nce mus ntsib tus txiv neej ntawd.
    Txij thaum ntawd los cov poj niam hluas uas tseem yuav xeeb tub tau mas thiaj ntoo phuam tis paj liab. Thiab cov ntxhais hlob tiav nkauj ze lub caij coj khaub ncaws mam ntoo phuam liab tau. Cov me nyuam ntxhais thiab cov pog laus tsis muaj noob qe me nyuam lawm mas ntoo phuam dub xwb.

    Txiv neej poob tsim zaum ob yog:
    Lub zim txwv ntawd, poj niam tswj ntug. Poj niam saib txiv neej tsis rau nqi. Nws tseem nco ntsoov tias txiv neej siab coob. Poj niam tau qhib lo lus tias txiv neej yog txiv dev.
    Tom qab no Huab Tais rov pub hwj chim rau txiv neej ua tus tswj ntug.
    Ces Huab Tais hu cov poj niam thiab cov txiv neej mus ua nws cov kab xwm ua ke. Huab Tais yuav sim sawv daws siab. Nws hais rau cov txiv neej tias:
    Tag kis nej cov txiv neej tuaj mas nej nqa nej cov poj niam lub taub hau tuaj rau kuv. Kuv yuav tsa nej ua huab tais nrog kuv ua kab xwm txuas ntxiv mus. Cov txiv neej rov los, ib hmos lawv tua tsis tau lawv cov poj niam li.
    Tag kis los lawv mus tes dawb tes npliag tsis muaj ib tug yuav nqa tau nws poj niam lub taub hau mus rau Huab Tais.  Ces Huab Tais rov sim cov poj nbiam siab tias:
    Tag kis nej tuaj mas nej nqa nej cov txiv lub tau hau tuaj rau kuv. Ces kuv yuav cia Huab Tais rau nej ua.
    Mus ib hmos, kaj ntug los cov poj niam tuaj lawv ib leeg nqa ib lub taub hau tuaj yog lawv cov txiv li taub hau.
    Ces Huab Tais thiaj foom tseg tias:
    Txij no mus mas cov txiv neej siab dawb dua,Txij no lawm yav tod mas cia txiv neej los tswj ntug, Txiv neej muaj cai hu poj niam ua Maum Dev no mus. Txij li thaum Haiv Hmoob khiav Tuam Tshoj los rau Xov Tshoj teb no mas kuv yeej hnov cov txiv neej cem lawv tej poj niam tsis tsheej haj tias niag Maum Dev no.
    Vim muaj zaj lus hais ua ntej saum no mas thiaj li muaj ib toom dab neeg hais txog tus txiv dev zov Huab Tais qhov rooj.
    Nyob nyob txawm muaj ib tug txiv neej Hmoob nws muaj zoo txuj ci. Ces nws mus ua tus zov Huab Tais lub qhov rooj. Muaj ib hnub Huab Tais txawm seev tias, ab yog muaj leej twg mus muab Huab Tais tus yeeb ncuab no tua tau kom tuag mas Huab Tais yuav muab nws tus ntxhais ntxawm rau yuav ua poj niam. Thiab yuav tu ib ntsug teb rau nws kav.
    Ces tus txiv dev zov lub rooj loog ntawd hnov. Nws khiav mus muab Huab Tais tus yeeb ncuab tua tuag txiav lub taub hau nqa los rau Huab Tais. Ces Huab Tais tau muab nws tus ntxhais ntxawm thiab ib ntsug teb rau nws tus vauv txiv dev nyob. Huab Tais tu ib tsuj teb nyob pem hauv sab rau nkawd kom nkawd mus nyob deb deb Huab Tais,  vim tias Huab Tais ntxhais tau mus yuav ib tug txiv dev. Txij tiam ntawd los Hmoob thiaj nyiam nyob rau pem hauv sab ntau thiaj tsis muaj txiab xeeb hlob.
    Nyoj hauv phau ntawv Haiv Hmoob liv xwm kuj muaj ib qib hais txog tus txiv dev zov Huab Tais lub qhov rooj. Kuj muaj tej txoj dab neeg hais tias Hmoob thiab Cos koom ib caj hlav ib ces ncau los ua ke thiab. Yog lub zim txwv ntawd los.
    Lub zim txwv Hmoob txav pem niam dej dag los rau sab Kim Tsawb teb ze npuas rau ntug hiav txwv qab teb sab toob fab.
    Suav thiab Hmoob muaj caub chim loj heev ua rau Hmoob nyob tsis taus rau Suav Teb. Cov noob Nom Tswv thiaj pheej nrhiav kev tawm mus kom deb Suav li deb tau. Ua los mus Hmoob thiaj hu Suav teb ua TuamTshoj.Cov teb chaws nyob sib npus ciam uas tsis yog Suab teb Hmoob hu ua Xov Tshoj teb no.
    Tiam no muaj tej yam tsis zoo rau Hmoob kuj yog tawm ntawm Hmoob los:
    Xws li, Hmoob muaj txheej siab thiab txheej qis. Mua Siv Thawj. Lwm Thawj, hais tau tias muaj cov hlob los cov yau.  
    Hmoob yeej ib txwm muaj zoo txuj. Ntau zaus yog cov lwm thawj muab cov Siv thawj tej koob meej hwj chim muag rau Suav ces Hmoob ua rau Hmoob swb rog.
    Ces Suav thiaj muab Hmoob cuab khi. Lub zim txwv ntawd tsis muaj tsev loj cuj. Kuj tsis muaj zaub mov yug ces thiaj muab kauj hlau los xauv caj dab los xauv kav taw. Zoo li cov coj xauv no yog cov raug txim.
    Cov raug txim los yuav tau mus ua qhev los nyias ua nyias noj nyias.
    Qhov tseeb ces kom paub tias coj xauv ces yog pab raug txim.
    Cov Xauv no los ntau tiam tom qab no ces tab txawm yaig tu lawm los ntsia zoo li tsis zoo saib, pheej zoo li nqia nqia dab.  Kuj muaj qhov hais tias muab los hloov ua xauv  dab. Kom dab paub tias tus me nyuam no yog neej me nyuam lawm. Dab tsis muaj cai los kov. Ces Hmoob hu lub xauv caj dab ua lub xauv pov siav. Lub xauv kav taw hu ua xauv dab Cim tseg tias yog neej me nyuam, yog neej tug dab kov tsis tau.
    Tiam no yog xauv nyiaj xauv kub cia rau kev zoo nkauj zoo nraug lawm xwb tsis yog ib qhov txawv li cas lawm. Vim muaj zaj dab neeg no Hmoob thiaj yog haiv neeg zoo nkauj zoo nraug dua cov. Coj npauj kub npauj nyiag ci hob xwb.
    Txij li thaum Haiv Hmoob khiav Tuam Tshoj los rau Xov Thsoj teb los, mas  nyob Suav teb muaj ob pab Hmoob ib pab yog Hmoob Nyoos. Hos ib poab yog Hmoob Siav.
    Cov Hmoob Nyoos yog cov hais lus hmoob coj kab li kev cai li Hmoob. Hnav tsoos tsho hmoob.
    Cov Hmoob Siav, lawv yog cov hais lus Suav hnav tsoos tsho xws li Suav tas lawd, sis lawv keeb kwm yog Hmoob thiab kev xav txhua yam.

    Yaj Xib Hwb Zoov Ntxheb.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 31st July 2013, 9:42 am

    Zaj 67 TXOJ KEV LAUS.


    -Muaj ib hnub poj niam wb tuaj dab ros. Wb nyob hauv tsev zov cov me nyuam xeeb ntxwv.
    Tus me  nyuam xeeb ntxwv ntawd txhoj  txhoj puab, kuv txawm cem nws, kuv ib nyuag ua qhov muag hlaws hlo rau nws, ces nws quaj  nws khiav mus nrog nws niam tais nyob, kuv los ntxias nws los nws tsis ntsiag li. Nws tau quaj ntev loo  lawm.  Kuv txawm xav tau tias tsam nws lam ntshai kuv pob! Kuv sawv tsees mus muab tsom iav los tsom kuv, ces kuv ua zoo li thaum kuv ua rau tus me nyuam xeeb ntxwv ntawd. Kuv twb ntshai kuv tus duab nyob hauv daim iav lawm thiab.
    Kuv hais rau pog laus tias, koj sim saib kuv saib puas txaus nthai!  Pog laus ntsia kuv ib plia, nws hais tias:
    Niag  tsov tom, koj  ntsia kuv xwb kuv twb ntshai lawm koj ua li ko, koj tseem hais nchav thiab ua cas me nyuav yuav tsis ntshai koj naj! Koj tseem zoo nraug tshaj liab lawm thiab hod!
    Kuv ho hais rau nws tias no koj sim quaj rau kuv saib saib puas tseem zoo nkauj cuag li thaum koj tseem hluas thiab.  Nws nyuam qhuav ib nyuag  hnya li yuav quaj xwb kuv twb ntshai lawm. Kuv hais rau nws tias yog koj tseem quaj thiab mas kuv yuav poob plig li lauj.
    Ab yuad, ua cas thaum hluas es quaj los zoo saib, luag los zoo saib. Nyiam no as ua cas quaj los twb  txaus ntshai lawm. Yus luag los twb tsis zoo saib li lawm. Koj niad laus lawm zov me nyuam los me nyuam tsis ncawg li lawm, ces ntshai tej me nyuam twb ntshai ntshai yus lawm lauj yod. Xav tias laus laum lam zov tej me nyuam xeeb ntxwv, kom tej tub tej nyab los tej ntxhais tej vauv ho dim tes me ntsis no, zov me nyuam los tsam lawv ho tau muab qaib los hu me nyuam plig thiab.
    Laus lawm, tsis muaj phooj ywg tsis pom qab nyob.  Tej me nyuam los tsis ncawg yus, tej hluas los lawv muaj lawv phooj ywg, lawv tsuas tham txog lawv hauj lwm lawm xwb. Xav mus cuav zos nrog cov niag laus tham los koj mus tsis taus.  Lawv los tuaj tsis taus, tsis muaj caij sib tham tso daj tso luag.  Yus kev lom zem tsis zoo li cov hluas, yuav tham mus tua nqaij, nuv ntses los kev tawm rooj mus saib neej saib tsav.  Kho siab los tsis zoo quaj, zoo siab los tsis zoo luag li.  Tsam muaj neeg pom ces lawv ho tau muab qaib los hu plig, los ho tau mus ua neeb kho,  Ua zaj twg los twb tsis zoo lawm os yuad!

    Yaj Xib Hwb Zoov Ntxheb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 11th August 2013, 10:08 am

    Zaj 72 TUB NTSUAG LUB NEEJ.




    Hnub no tim 09/04/13. Kuv yuav sau tub ntsuag ib zaj kev txom nyem. Raws li nws tau piav rau kuv mloog. Coj los rau peb S.D. nyeem kom peb nco thiab hwm cov tub ntsoj ntxhais ntsuag. Txoj kev ua ntsoj ntsuag yeej tsis muaj leej twg xav tau.
    Tub ntsuag, nws piav tias,thaum nws tseem me me muaj hnub hnoog li tsib xyoos mas nws muaj kev txom nyem kev tua siab ntau tsav ntau yam, ua rau nws yuav luag tsis ciaj ua neeg.
    Thaum tub ntsuag muaj tsib xyoos, nws txiv tau tso lawv tseg. Yim lub hli los ib xyoos tom qab lawv niam kuj tau tso lawv tseg.
    Tub ntsuag lawv txiv tso lawv tseg, vim kev ua tsov rog. Nom tswv tuaj kom lawv txiv mus ua tub rog, lawv nqes mus rau tej teb chaws tiaj nrag, yog teb chaws muaj yoov tshaj cum tom muaj kab mob ua npaws, ces lawv txiv thiaj tau ncaim lawv mus. Yog cov tsov rog lub zim txwv Zi Pee tuaj. Hos tub ntsuag lawv niam poob hauv txoj kev txom nyem ua neeg muaj kev tus siab ntau, ces tus ntsuj plig qaug zog, nws lub cev noj tsis txaus, ces tsis yeej tej kab mob sab foob khaub thuas ua rau lawv niam tau tas sim neej.

    Tub ntsuag lawv muaj cuaj leeg kwv tij nus muag  ua ke. Tub ntsuag lawv tus tij hlob hlob muaj li 17 xyoo.
    Niam txiv nyuam qhuav coj mus yuav nyab los xyoo ntawd.  Ua tshoob tas xwb ces niam txiv tso lawv tseg ua tub ntsoj ntxhais ntsuag laus neej laus tsav li no.
    Tub ntsuag lawv pab kwv tij no, tus hlob muaj nyab li hais, cov kwv puav leej tseem yau,ob tug kwv nrab txawj cuab ntxiab nas thiab noog , hais los ces txawj ua tej hlob luag mus teb xwb. Tseem tsis tau paub qab hau li.
    Tub ntsuag lawv tsev neeg leej tij mam xyaum ua teb ua txhua yam kom lawv muaj noj muaj haus.  Nws tseem hluas heev.
    Lawv ua qoob twb tsis txaus noj txwm xyoo. Tub ntsuag piav tias, thaum qoob siav lawv thiaj muaj mov noj.  Txog caij nrom qoob rau nruab teb tas lawm ces lawv mov tas tsis muaj noj. Qoob rov siav mam li rov muaj mov noj. Lub caij nrom qoob tas, mas nws cov tij cov muam hlob, lawv mus ua Hmoob zog kom tau mov rau lawv noj. Mus ua zog ib hnub luag tsuas muab li peb siab nplej los pob kws xwb. Kuj zoo li ua ib hnub txaus noj  kav ib hnub xwb thiab.  Vim txoj kev ua zog no lawv thiaj ua tau qoob tsis ntau.
    Tub ntuag hais tias tsis tau txawj khwv ces Lawv ua tau teb nqaim ua teb ib nrab, ho mus ua zog ib nrab.  Ces mus pab Hmoob ua Hmoob li xwb ces  thiaj tsis muaj qoob txaus noj.
    Tej lub caij uas Hmoob qoob loo tsawg ces, kuj ua zog tsis tau thiab. Lub caij ntawd, ces tub ntsuag lawv tsev neeg mus khawb qos hav zoo los noj.  Los ntov txoob  phua plawv txoob noj Yam nroj zoo noj nyob nruab teb uas noj tsis tuag mas lawv tau noj txhua.  Tub ntsuag thiab nws ob tug kwv yau mas lawv tsis kheev hlo li twb muaj hnub nyoog  kawm ntau xyoo los zoo li tej me nyuam. Muaj peb plaub xyoos xwb. Ua rau tej me nyuam nruab zej nruab zos saib tsis taus lawv li. Tub ntsuag nws hais, nws tseem nco ntsoov nws ib tug txiv ntxawm hais:
    "Txiaj thaum koj muaj tsib xyoo los txog nyiam no koj twb muaj kaum plaub xyoos lawm, ua cas koj tsuas siab taus li ib xib xwb! (siab li ib xib, yog siab li tsib tug ntiv tes sib tshooj xwb.)  Koj tseem zoo li tej me nyuam yaus muaj rau xyoo xwb."
    Teb chaws xav tias ntshai yuav tsis txawj hlob li ua neeg kab peem, qig taub. Tom qab nws loj tiav neeg nws kuj siab li 1.59m, thiab.
    Tub ntsuag lawv tsev neeg no txom nyem tsis muaj noj hnav xws luag. Lawv lam hnav  ntaub maj ntaub pag, tseem twb tsis muaj tshuaj los zas ntaub kom dub li.
    Thaum lawv niam lawv txiv ua neej nyob kuj yog ib yim neeg muaj koob nto moo,  Lawv txiv kuj yog ib tug txwj laus Hmoob saib zej zog. Tub ntsuag lawv tsev neeg yeej xyaum khwv noj haus los puag thaum yau yau los lawm. Thaum lawv loj hlob tiav neeg tas mas lawv txhua tus twb muaj noj muaj haus. Lub caij lawv poob rau kev txom nyem no mas vim lawv puav leej tseem yau, tsis muaj zog ua tau li zej zog sawv daws xwb. Cov nrab nyuam qhuav txawj saib nyuj saib nees xwb. Tub ntsuag thiab nws ob tug kwv twb tsis tau xeev meej tias yus txom nyem los yog yus tau zoo li.
    Tub ntsuag lawv tsev neeg khwv khwv li los tsis txawj khw, thiab siv siv zog los tsis paub ua kom teb dav li. Niam tij thiab lawv sawv daws zoo li ib pab nus muag. Koj xav cem li cas los tau. Cem ua plab loj, hu dab, zais plab, plab tawg, tsov tom, niag dab los muaj.
    Lub caij neeg muaj peb plaub xyoos muaj tsib rau xyoo no mas neeg qog tau cov lus uas luag cem ntawd zoo, dhau kaum xyoo saud lawm mas mob siab tuaj teb taus tus siab koj txawj quaj lawm. Thaum koj quaj tas lawm ces koj tsis nco cov lus cem ntawd lawm, tham txog mas koj mam nco tau. Tham tsis txog thiab koj siab zoo lawm mas ib sim neej twb nco tsis txog los muaj thiab.

    Tub ntsuag hais ntxiv tias thaum nws yau yau nws hnov cov lus no mas nws cim tau nyob rau nws nruab siab tsis ploj li. Nws hnov nws tus niam tij cem nws li ntawd, mas nws twb muaj poj niam tas lawm. Yog thaum twg nws poj niam cem txog tej los lus zoo li nws niam tij cem mas nws hais tias, twb tsis yog ntxub nws poj niam xwb. Nws ntxub tas nrho tsoom poj niam. Nws yeej xav tias poj niam ntshe, sawv dawb phem ib yam sib xws li. Nws cia li qaug zog txog txiv neej thiab poj niam kev sib sau los nyob ua neej ua ke, los ris kev tu siab lwj siab, txom nyem li no ua dab tsi!

    Tub ntsuag hais ib yam ntxiv tias:
    Thaum tub ntsuag yau mas nws xav mus saib me nyuam Hmoob zej zog ua si mas nws tsis muaj caij li. Yuav tsaus ntuj nws yuav tau mus kwv dej txiav taws kom muaj txaus. Nrog tej hlob pub qaib pub npua, noj hmov tas mas mus ua si thaum lub caij ntawd me nyuam hmoob twb tsis muaj tus ua si lawm. Mus ntsib cov hluas lawv mus tham hluas nkauj ntau xwb, nws taug kev mus ces ho taug kev rov los. Nws hais tias nws kuj ntshai nthsai dab hem, thiab kuj ntshai tsam luag pom ces luag ho hais tias luag pom dab lawm vim nws tsis muaj hnav, nws hnav khaub hlab ces lug ho xav ntau yam li ntawd. Nws mus tsib hmoob tej ntxhais los xyov luag ntxub nws los ntshai nws, ces luag zam kev deb deb li.

    Nws paub ib tug phooj ywg yog xeem Tsab. Ob lub hnub nyoog mas ntsia los tub ntsuag thiab nws yog ib phaum neeg. Muaj ib hnub tub ntsuag niam tij txib nws mus txiav tsawb lawv cog tau ib thaj tsawb twb muaj tej tus tsawb twb puv lawm. Mus txiav los cia tsam tsawb vau ces mab los nas muab noj tas lawm. Tub ntsuag tab tom mob ib lub rwj rau ntawm nws qaum pob luj taws. Nws ris ib lub kawm nws ib ceg pauv ceg pauv mus teb. Tus phooj ywg hmoob Tsab ntawd nws caij ib tug txiv nees liab taug kev tuaj, nws rub hlua kom nws tus nees khiav ncaj qha los tsuj tub ntsuag. Nees kuj ncaj nraim tuaj tsuj kiag tau tub ntsuag lub qab plab hlaub lwg kiag mus tus rau neeg kuam kiag tub ntsuag lub rwj paim kiag ua ntshav ntws liab ploog, ua rau tub ntsuag vau hlo hauv kev, tub ntsuag xav tias lov ceg lawm lauj. Nws so ntawd li peb caug fiab, ntshav tu xyuas no ho tsis lov ceg nws maj mam mus teb, mus txiav tau tsawb nws los tsev ua cas nws tsis hnov mob qhov twg li lawm. Nws cia li zoo, thiab txij ntawd los rau yav laus no nws tsis mob rwj ib zaug li nyob hauv nws lub neej.
    Thaum lub teb chaws muaj kev kawm txuj ci tub ntsuag mus kawm ntawv. Nws yog thawj tug uas xub kawm tiav. Muaj yim leej ntxhais nyob tos tub ntsuag hais tias yuav yuav tub ntsuag; tab sis tsis muaj ib tug twg txoj hmoo yuav haum rau tub ntsuag. Lawv tos tau tsib rau xyoo. Tos lawv hnov, tub ntsuag twb muaj nyab tas. Tom qab tseem muaj tej tus ntsib tub ntsuag lawv tau ntaus tub ntsuag tias: "koj tsis paub tias kuv tos koj no lod!  Thaud koj me mas peb saib tsis taus koj. Txij li koj mus kawm ntawv lawd. Koj los mas peb saib koj yog me nyuam nom, thiab me nyuam tuam los pav nplua nuj xwb."
    Niaj hnub lub ntuj tshiab no lawv kuj ua neej nyob tsis deb tsis ze tub ntsuag. Muaj tej tus kuj ua lub neej xws luag hos tej tus ua lub neej nrog dab thiab tsov nyob ua ke ntau; yam li ib hnub nws tau mus ua dab peb zaus los tsis tsaus ntuj li, raug tsov tom peb zaug los hnub twb tsis tau poob qho.
    Tub ntsuag zaj kwv huam no muaj qhov zoo qhov phem sib npaug zos. Tsis zoo txiav txim tias yog hmoov phem los muaj hmoo li.

    Tus sau Tub ntsuag zaj kwv huam no yog, Yaj Xib Hwb Zoov Ntxheb pab nws sau. Tub ntsuag zoo siab tso tawm rau neeg nyeem nyob hauv ntawv. Coob leej paub thiab hnov kev ntsoj ntsuag tsuas yog ua kwv txhiaj hais los tshaj hais rau xov tooj cua tej ntawd ntau. Tub ntsug nws hais tias tseem muaj zaj ntev tsis muaj caij nyoog los piav kom tas.

    Yaj Xib Hwb Zoov Ntxheb.







    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 21st August 2013, 9:19 am


    Zaj 86 KWS TXUJ HMOOB.



    Nyob hauv Haiv Hmoob, muaj ib co kws txuj muaj nuj nqis heev.Tau ntau pua xyoo los lawm,yog Hmoob pab kws txuj no, tuav Hmoob caj ces lub xeem kom sawv daws,sib koom ua Haiv neeg Hmoob nyob ruaj nreb. Raws li txoj kab lis kev cai Ntuj xeeb muaj hmoob los nyob ntiaj teb no.
    Hmoob tsis muaj ntawv, tsis muaj tus thawj neeg coj Hmoob los tau ntau tiam neeg. Tsis kav Hmoob yeej nyob taus ua Haiv Hmoob los txog lub zwj ceeb no.

    Hmoob cov kws txuj muaj:
    Hmoob cov Txwj laus, cov txiv muam, cov txiv xaiv foom kom, cov txiv tuam mej koob, cov kav xwm tshoob kos los rau cov kav xwm ib siab ob qig, rau saum tej tub ncig, txiv qeej txiv nruas. Th…
    Cov no, lawv tsis paub ntawv, lawv kawm khaws cia rau nruab siab. Coj los hais siv qhia coj Hmoob los tau ntau tiam neeg.

    1*Cov txwj laus, yog tsoom sid xaiv tsa los saib zej zog kev thaj yeeb:
    Kom ua neeg paub tab hwm ntuj hwm neeg, txhob lam zij ncaug ntxi muag rau luag poj lag tub sev. Txhob xia txoj kev tsim neeg ua nqaij dawb xeeb kas rau leej twg. Thiab txhob nam ciam dej ciam av los ua yus tug. Txhob mus qee luag qoob tuaj nruab txhab, luag tsiaj nyob nruab nkuag. Hais poj niam me nyuam txhob mus qee luag tsig ntaub tsig xov yuav.

    2*Cov txiv muam,coj hmoob ua neej nyob huaj vam, hwm txog lub ntuj lub teb. Hwm tej poj koob yawm txwv.saib tej neeg laus muaj nuj nqis. Kom tej xeeb ntxwv xeeb tau zoo nkauj zoo nraug. Tsis muaj dig muag ceg hlaub ceg tawv. Kom muaj zoo meej mom nyob sawm txhiaj.

    3*Cov txiv xaiv foom kom no,lawv saib tej laus cov ntsuj plig los qhia cov tub ki ua neej, noj sib hlub haus sib ce, muaj kw muaj tig,muaj neeg muaj tsa nyob ua npoj ntws, huaj txhaij tsav vam. Xyaum ua neeg paub tab hno xaiv, muaj zoo hwj chim, rau luag hwm,muaj kev ncaj ncees  pub rau txhua lub xeem yuav.

    4*Cov txiv tuam mej koob.Yog cov saib kev ruaj ntseg rau txhua xeem Hmoob xyuas kev tshoob kos rau Hmoob tis neej tis tsa, ntsuab ze, sib sau los ua neej ua tsav ua kwv tij. Thoj huab Lis huab los yog ib cuab. Kom Hmoob yug muaj tub txawj ntxhais ntse yeej noob neej noob tsav nyob puv roob puv hav mus puv qab ntuj.
    Cov txiv tuam mej koob no yog cov thoob tsib tshaj nyob hauv Hmoob txuj ci:
    Cov niam txiv tub los niam txiv ntxhais, lawv txawm noj dua nqaij daig dab, haus dua cawv daig nru lawm los cov txiv tuam meej koob yeej daws tau kom los tis neej tsis tsav, dub twg ntxhua twg ntuag twg ntxiv twg kom zoo nkauj rau ob tog. Choj los los kev tsis pub tu, tuam dua choj tshoob choj kos ntug yees luaj cav cos rau ob tog. Muab ruj rau  nyog ruj muab neev rau nyog neev, taug nraim Liaj Lwg Rhwv Yis Mws tus cag peev.

    5*Tus txiv cuab tsav, txiv tuam pem xyov swm, Los txiv los mus thaj xyoob. Nws yog Xyom cuab tus thawj neeg tsaws plaub tsaws ntug, nrog tsoom kev neej kev tsav, huj plaub tswm ntug cia tsis pub sawv mus kis toj kis pes kom dab tas qhua ntxhee. Mam noj dua nqaij kaws txha, haus dua cawv khawm pib tshiab.

    6* Cov kav xwm lawv yog cov saib xyuas kev haum pheej, kom cuaj puag sib luag yim pluaj sib nte, saib xyuas xaiv lus kom ntxhee mus dej mov muaj noj. Kom suab xyw tsis muaj, sab ntsej tsis hnov muaj xaiv lus los paug caj ces xeem hmoob pob ntseg.

    7*Cov txiv neeb txiv yaig ntsuam xyuas sab ntsuj plig kom tau nyob kaj nyob huv, txhob muaj kev poob siab, ntshai tus plaub ntug, raug luag hniav ntaj hniav riam, voj hmab voj hluas mus rau kev ploj kev tuag.

    8*Cov niam tshuaj txiv tshuaj. Lawv yog kev kaj siab. Lawv pab neeg kom muaj lub meej mom ntsej liab muag tshiab, ntsej dawb muag huv, kom ua neej nyob muaj zog muaj sia, zoo siab rau yus lub neej nrog ntiaj teb kev kaj siab kom xaus yus sim neej.

    Saib nws muaj npaum li no yam txuj xwb. Kuj tuav tau kom Haiv Hmoob nyob taus ua Hmoob paug thaum Ntuj tsim teb raug los txog lub zwj ceeb no, los Hmoob tseem ua neej nyob nto moo lug tias Hmoob zoo siab tias peb yog Hmoob.
    *Hmoob cov kws txuj no txaus hwm, muab lawv los saib rau lub sam xeeb muaj nuj nqis siab.
    *-Cov txiv qeej txiv nruas. Yog Hmoob thawj nom lub meej mom.  Xws liTxiv Nuj Sis Loob, Nuj Yob Kaub los Nuj Nplaib Cov nkauj paj nruag cav lus zoo txog Huab tais  muaj hwm chim los huab tais ntxhis Ntawm mus ua neej  nyob muaj meej nrog kev sawm txhiaj  muaj txhab kub txhab nyiaj.
    *-Tus paj ntsa lus taum, kwv txhiaj. Yog kev txhiaj txhais rau yaj sab yeeb sab huv si muaj ob fab:Txhais neej sab mus ti nkaus dab sab, kev nyiam kev hlub kev zoo siab kev chim siab. Hais tau los tsis muaj tub qaug rau neej los rau dab tas nrho. Tej tub kiv xav cem niam txiv los tij viv tsis hlub muaj kev tsim txom lwj siab  ntxhov plawv mas yuav tau ua kwv txhiaj hais mas cem tau kom mus ti txha nkaus, plaub ntug tsis sawv:
    =Cas leej niam leej txi tsis hlub leej tub leej ki cia nyob mus lwj siab cas tsis muab tua li nthib tuaj thaum nyob nruab thiab.
    =Leej kwv leej tig tsis hlub leej tub ntsoj tub ntsuag, niaj hnub muab tub ntsoj ntsuag mus fiv ua dab ua tsov luag.
    *-Cem mob npaum no los ua tsis tau plaub rau, yog mob koj siab ces koj rov hais ib zaj rau nws mloog xwb. Koj tsis muaj zaj ces nyob twj ywm so kua muag xwb.
    *- Hais los mas Hmoob cov kws txuj no puav leej yog ib pab muaj hwj cim koob meej zoo tuav Haiv neeg Hmoob los ntau pua xyoo Hmoob txuj cit sis ploj. Lawv yeej yog ib co Docteur Hmoob zoo.

    Yaj Xib Hwb Zoov Ntxheb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 23rd August 2013, 7:28 pm



    Zaj 87 LEEJ TXIV LO LUS PUB RAU TUB KI.



    Kuv zaj lus no kuv hais rau nej sawv daws, kuv cov tub cov ntxhais  huv si.
    Qaum ntuj tso peb los ua txiv ua tub ib zaug. Qaum Ntuj cia nej los zeem ua kuv tub kuv ntxhais. Kuv tau zeem nej ua me tub me ntxhais. Kom nej muaj niam muaj txi, Kuv los muaj tub muaj ki. Peb tau ua neej huam vam nyob rau lub ntiaj teb no.
    Kuv yog nej txiv kuv yeej ntseeg tau tias yog tseeb lawm. Kuv lees paub tias yeej yog. Kuv tsis paub nej niam sab, puas tseeb los cuav. Kuv tsis liam thiab muab txim rau nws. Wb yeej nyob ua ke lawm mam xeeb nej sawv daws los ua neeg.
    Peb yog txiv tub ib zaug lawm, mas kuv yeej hlub nej thiab nyiam nej sawv daws sib npaug zos. Tsis tau hlub leej twg tshaj. Hlub cov tub tshaj cov ntxhais.
    Tus ho tau hlub tshaj lawm tej zaum nws nyob ze ces nws tau thov yam ub yam no ntau tshaj, ces kuj tau pub rau nws ntau tshaj xwb. Txawm li ntawd los nws yeej muaj kev ntshaw los kev siv raws li muaj tseeb.
    Peb yug los ua txiv ua tub, kuv yeej hwm nej thiab saib tias nej yog neeg muaj nuj nqes tsim txiaj.
    Nyob hauv kuv nruab siab, kuv saib nej txua yam zoo uas Ntuj tso nrog nej los ua ib tug tib neeg qhov zoo yeej yog 80% lawm. Tshuav tej yam tsis tau zoo txaus ntawd tsuas yog muaj20% li xwb. Tej yam no yog tej yam uas kawm tsis tau txog, paub tsis txog, los tsis tau hnov dua thiab tsis tau xyaum nqis tes ua.
    Tshaj no, lawm yog nej yuav xyaum, nrhiav paub. Nej sawv daws yuav nyob ruaj hauv txoj kev sis hlub. Sib yoog kom nyob taus ua ke. Nrhiav kom muaj kev phooj ywg dav li dav tau. Leej tib neeg ua neej nyob rau saum lub yaj ceeb no, yog thaum yus muaj hnub nyoog 60 xyoo rov saud lawm yus tsis muaj phooj ywg ces yus yog neeg pluag.
    Kev muaj phooj ywg muaj qab hau pab rau yus ntau yam:
    Phooj ywg koj paub ua phooj ywg yog ib tsob tshuaj kho koj kom ua neej nyob laus nkoos. Koj muaj phooj ywg, kom muaj kev sib tham ntau, kho tau koj lub suab lus  kom nrov zoo li qub. Kuj kho tau koj lub cev nqaij daim tawv kom txawj laus, nws maj mam laus, koj twb muaj hnub nyoog lawm los koj tsis laus heev. Tus muaj phooj ywg nws nyob tau kaj siab lug, nws nco noj mov haus dej nws muaj lub zog txaus, nws kuj tsis muaj mob nkeeg ntau. Thiaj hais tau tias Phooj ywg yog ib tsob tshuaj pab koj.
    Ib tug neeg tsis muaj phooj ywg nws yog neeg pluag, pluag tas puas tsav yam:
    Tsis muaj neeg xav nrog koj tham, koj xav mus saib xyuas leej twg los koj tsis paub luag.
    Koj tus siab koj chim siab, Chim siab tu siab ib hnub koj laus caum tau ob peb lub hlis lawm. Koj chim ib hlis koj laus mus raws tau ib xyoos. Koj chin siab mus tsheej  xyoo koj laus mus raws tau kaum xyoo. Thaun no tsis zoo dab tsi li lawm. Luag tej luag zoo siab, koj pom koj lam nrog luag ntxi hniav, koj twb tsis txawj luag kom phim kev zoo siab.

    Kuv xav hais tshaj ib lo lus ntxiv:
    Thaum koj yog tus hlob los tus thoob tsib dua luag lawm mas koj cem neeg tsis tau. Kev cem neeg ua kom luag tuag mus tau. Thaum koj cem ib tug neeg lub meej mom qis dua koj, nws tu siab tias nws raug ib tug neeg  muaj koob meej cem lawm ces nws tsis tsim txiaj lawm nws txaj muag, nws poob tsim, nws kuj ua neeg ruam mus lawm. Nws lub tswv yim tsis kam txais keb thoob tsib. Nws lub cev thiab tus ntsuj plig qaug zog tsis xav ua neej nyob ntxiv lawm. Tej sab foob khaub thuas hlob hlob li, ces nws lub cev yuav tsis yeej kev mob kev nkeeg. Ces nws kawg yuav tau tuag mus vim kev tu siab. Nws ua ib siab tso txhua yam tseg.
    Hos tus neeg sib tawv tiv koj kiag ces neb ua yeeb ncuab sib txiav kwv tij, tej nkauj muam tej txheeb ze txhua tus. Yus ua neeg twm zeej tsis nug leej twg lub moo li tus no kuj mus tsis deb saib los mas kuj txaus tu siab thiab.


    Yaj Xib Hwb Zoov Ntxheb.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 27th August 2013, 8:48 am


    Zaj 90 ZAJ LUS NTSHAI RAUG DAB.



    Peb Hmoob mas tsis hais txheej thaud los txheej nyem no li. Hmoob tsuas ntshai tsam tau raug dab xwb, ib tug neeg raug dab mas Hmoob txhawj heev  tiag.
    Lub tswv yim uas Hmoob ntshai tsam raug dab, ces yog muaj txiab xeeb loj, yuav kho tsis tau, kawg yuav tau nrog dab mus li (tuag mus ua dab.)
    Zaj xav li no yog ib zaj nyuaj thiab ntxhov Hmoob siab tas nrho.
    Vim li cas, ho ntshai thiab xav tias yog ib yam nyuaj tshaj nyob hauv Hmoob lub neej.
    Zaj no tseem yog ib zaj npog uas txij thaum ntuj tsim teb raug los nws tseem yog ib zaj npog uas Hmoob paub txog tsis tau. Thiab nws tseem yuav ntxiv mus ib ntus tom ntej no thiab.
    Yam li neeg xav tias:
    Thaum raug dab lawm, mas lub cev kuj tsis muaj zog, tus ntsuj plig los qaug zog, ces kawg yuav swb rau txoj kev tuag.
    Vim muaj lo lus xav tau tias:
    Raug dab lawm ces dab yuav coj mus ua dab neeg. Lo lus no yog lub ntsiab loj uas Hmoob ntshai tshaj.
    Lo lus kuv hais tias yog zaj npog no, mas los txog tav no, cov txiv muam, txiv neeb txiv yaig los tsis tau muaj ib tug yuav tau paub txog.
    Dab mas nws muaj zog dua neej thiab tswv yim tob dua neej lawm ntau.
    Tab sis Ntuj tsis pub kom Dab yuam tau neej ib zaug li. Dab ntxias neej tau, dab yuam tsis tau neej kom muab nraub qaum tig mus ua xub ntiag hos muab xub ntiag tig ua nraub qaum, kom neej tau mus poob qhov ntuj tuag.
    Yog neej tau ua txhaum rau dab lawm mas, muab xyab muab ntawv los muab tsiaj txhu, pob zeb pob ca los them pauj rau dab kuj tau.
    Hos yog dab ua txhaum rau neej mas kawg yog muab siav los pauv, mas Dab ntshai raug neej tshaj neej tau raug dab.
    Vim tias neej xub tuaj nyob yaj ceeb no dua Dab. Ces tas txhua yam Ntuj xub foom los ua neej tug ua ntej tas lawm. Dab tsis muaj tug,
    tab yog peb sawv daws ua neej nyob mas peb tsuas ntshai tam raug neej xwb. Yog raug neej lawm mas , nyiaj txiag los yuav siv kom muas tau lub tau hau, neej thiaj tseev. Yam txhaum loj lawd muab ib lub taub hau los pauj los tseem tsis tas, yauv pauj lub ob tuaj los tseem tshuav thiab.
    Tab twb yog neej los neej tseem ntshai raug neej tshaj li ntshai raug dab.
    Raug neej ces yuav muaj tub ceev xwm tuaj tab meeg coj mus hais plaub los coj mus kaw tsev loj cuj, peb hnub, peb lub hli, peb caug xyoo, los sis tas sim neej. Kev raug neej mas tsis yooj yim.neej kuj ntshai, Dab los ntshai.Vim li no mas raug neej lawm, ces nws ntxub tas ib sim neej nco ntsoov rau nruab siab mus li tsis ploj.
    Neej ntxub neej mas ntxub mus txog hnub sawv mus ciaj Dab tas. Hos neej ntxub Dab mas tsuas ntshai tsam los pauj tsis yeej ces xub tuag ua ntej lawm ces yuav tau mus ciaj ua dab.
    Raug neej mas nce mus txog qhov uas nws ua neeg vwm, luag hu tias pam neej pam dab ib nrab.
    Tus raug neej txhua tus neeg lawv nyob tsis kaj siab ua lub neej ntshai rwj rwg mus li.
    Vim tias neej los tsis nyiam dab kuj tsis nyiam, nws twb nyob hauv Dab lub vas puav tau lawm.
    Ib tug neeg tau raug neej lawm tab txawm yog nws yog neeg ntse thoob tsib yav thaud los lawm los nws ruam tshaj li ib tug neeg tsis tau kawm txuj dua li;
    nws tas kev cia siab nws lub tswv yim tsis kam txais cov txuj thoob tsib nqes saum ntuj los, los tuaj ntawm tej tus neeg tuaj li.
    Nws tus ntsuj plig qaug zog, nws lub cev tsis muaj zog, ces nws swb sab foob khaub thuas, nws cia li hloov ua ib tug neeg muaj mob daj ntseg, nws txom nyem lub neej lub siab. poob phooj ywg, poob kev sib hlub tsis xav ua neej nyob. Nws saib kev ua neeg nyob ntiaj teb no tsis muaj nqi rau nws li. nws lam ua lub neej dog dig kom txog hnub sawv kev nce hauv toj mus  ua Dab. ( Tuag.)



    Yaj Xib Hwb Zoov Ntxheb.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 2nd September 2013, 6:53 am


    Thov txim, XH.Zoov Ntxheb, kuv tsis nco qab saib zaj no, tso tsis raws caij.

    LEEJ TXIV TAM LUB NTUJ.





    Lub hnub nyug nco txog thiab hwm leej txiv. (tim 6-15-2013.)

    -Leej txiv lub hwj chim, koob meej,thiab lub meej mom muaj tsim txaus hwm tiag.


    Saib cov lus nram no, muaj sab zoo thiab sab phem ua ke:
    A-Leej txiv siab dawb, luag hu nws cov me nyuam ua me nyuam siab zoo.
    -Leej txiv ua nom, luag hu nws cov tub, cov ntxhais ua nom tub, nom ntxhais.
    -Leej txiv yog tuam los pav, luag hu nws cov me nyuam ua tub ntxhais nplua nuj sawm txhiaj.
    -Leej txiv siab loj, luag hu nws cov me nyuam ua  tub ntxhais  muaj peev xwm.
    -Leej txiv yog neeg thoob tsib, luag hu nws cov me nyuam ua , tub txawj ntxhais ntse,
    -Leej txiv ua neeg nquag, luag hu nws cov me nyuam, ua tub ntxhais tij lim.
    .
    B- Leej txiv ua neeg ntxooj yeeb vwm cawv, luag hu nws co me nyuam ua me nyuam quav yeeb quav cawv.
    -Leej txiv ua neeg hu dab, luag hu nws cov me nyuam ua tub ntxhais vum loj noj ntau.
    -Leej txiv ua neeg nyiam tham lhuas nkauj, luag hu nws cov me nyuam ua tub ntxhais plees yi.
    -Leej txiv tes ua nqe lauj, ntaus hlau txais, luag hu nws cov me nyuam ua tub ntxhais ua tub sab.

    Yog yuav nrhia los piav mas tseem tshuav ntau tshaj no.
    Ua ib leej txiv yeej tam lub ntuj tiag. Thawj lo lus zoo ces cov me nyuam zoo tas nrho.  Yog leej txiv thawj lo lus tsis zoo ces cov me nyuam, hwj chim koob meej qaug tas nrho nrog yam phem mus tas ib tiam.
    Txij hnub koj nce ua leej txiv lawm yuav tuav rawv lub meej mom kom tsim nyog.

    C- Ua ib leej txiv nws tes hauj lwm mas loj kawg. Leej txiv tam lub ntuj roos nws tsev neeg.

    -Ua ib leej txiv, nws muaj peev xwm tsa tau ib lub tsev rau nws poj niam me nyuam nkaum tshav nkaum nag.
    -Ib leej txiv muaj peev xwm ua teb pib lub luaj qoob kom txaus yug nws tsev neeg.
    -Ib leej txiv nws tiv thaiv nws tsev neeg, txhua tus kom noj qab nyob zoo.
    -Ib leej txiv, nws thaiv kom kev plaub ntug txhob raug nws tsev neeg.
    -Ib leej txiv zoo, nws cob nws tej tub tej ntxhais, mus kawm txuj kawm ci, kom  txawj ua nom tswv luag, lawv tau nom tswv qab tsoj tau lawv lw.
    -Ib leej txiv nws txawm ruam los nws txawj hlub, thaib nyiam nws cov me nyuam.
    -Raug ua lib leej txiv lawm zej zog luag tsis hwm los nws cov tub ki yeej hwm tam li lub ntuj.
    -Ib leej txiv txawm ruam npaum li cas los nws tej tub ki yeej nyiam thiab hu ua txiv.
    -Ib leej txiv, nws cem nws tej tub ki yog nws xav kom lawv tsim txiaj li tej tub nom tub tswv.
    -Ib leej txiv ntaus nws tej tub ntxhais, yog nws xav kom nws tej tub ntxhais ua neeg thoob tsib txawj ntse. Pab tab paub cai.
    -Ua ib leej txiv nws txawj mus tua nqaij nruab nrag nuv ntse nruab deg los yug nws poj tub se.
    -Ib leej txiv nquag txawj ua teb, ua lag luam, nws khwv kom tsev neeg muaj mov txaus noj txwm hnub.

    D-Leej txiv loj tam li lub ntuj tiag. Muaj leej txiv lub npe nyob.

    -Teb chaws zej zog saib taus nws tej me nyuam.
    - Ib leej txiv nyob nws tej tub txawm tsis txawj ntse los zej zog tau lub chaw vam khom kev txib kev hu mus pab caum.
    -Muaj ib leej txiv zej zog saib taus nws poj niam me nyuam tsis tuaj ua phem rau nce txaj nrog pw. Luag hwm lub cuab lub yim neeg ntawd.
    -Muaj leej txiv zej zog tso siab tau, tias muaj kev txib kev hu yuav tau vam txog.
    -Muaj ib leej txiv txawm ua lub neej txom nyem los lub vaj tse tsis ntuag, muaj taws nte sov, muaj cav taws teeb lauj kaub.
    -Qhov kawg muaj ib leej txiv lawm mas tsis ntshai dab hem los nthai tsov tom.
    -Leej txiv lub npe loj li lub ntuj tiag. Muaj mob nkeeg los raug xwv txheej hu tib lo lus tias txiv aw! No xwb los Ntuj pab kiag lawm, Lub suab ntawd ua rau yus lub siab loj tuaj thiab muaj kev kaj lawm ntau kawg

    Ntawm Leej niam lub npe tam li lub teb. Leej niam nplua nuj li lub teb muaj txhua yam zoo nkauj txaus qhuas thiab tsim nyog hwm.
    -Ib leej niam tsheej haj nws tej me nyuam,  tsheej kiab.
    -Ib leej niam hlub me nyuam nws cov me nyuam mloog lus, thiab paub cai.
    - Ib leej niam zoo txhais tes nquag,  tes txawj tooj xov ntos ntaub nws  tej me nyuam, zoo nkauj zoo nraug.

    Yam yuav ceev faj:
    -Leej niam ua nkauj feb nws cov ntxhais xyaum ua nkauj fa.
    -Ib leej niam tub nkeeg me nyuam txawj xam khib.
    -Ib leej niam khav teeb me ntuam txawj dag.
    -Leej niam ncauj ncab, me nyuam ncauj ntau.
    -ib leej niam zoo, me nyuam nyob ncig nws li tsob xyoob ntaw txhua sab ntawm nws.
    -Tshaj no ib leej niam zoo thiab phem los nws ntoo tib lub tib lub meej mom muaj nqis xws li tau piav saum leej txiv lub meej mom, hwj chim koob meej sib xws.
    Vim muaj tej no xeeb tsheej ib lub noob qoos ces luag hu ua noob zoo. Lub noob tsis qoos ces nws tawg paj txi txiv ua npluag xwb tsis tsim nuj nqes dab tsi li. Cua tshuab mus poob txog twg los luag hais tias cov ntawd yog npluag no xwb.

    Yaj Xib Hwb Zoov Ntxheb.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 4th September 2013, 8:32 am



    KEV NTSEEG NYOB NRUAB SIAB.

    Ib tug neeg ntseeg yuav muaj peb yam zoo nyob hauv nruab siab li no:
    a-Muaj txoj kev ntseeg tseem ceeb.
    b-Muaj kev tso siab hlo tuaj nruab siab.
    c-Muaj kev thaj yeeb nyob puv siab npo.

    1-Koj ntseeg tau ib txoj kev tseem ceeb,uas koj paub tseeb tias yog txoj kev ntseeg, muaj kev nplua nuj kav tau txoj sia thiab tus ntsuj plig, ua neej nyob tiam no thiab lwm tiam uas thaum koj hla lub ntiaj teb no tas lawd.
    Nws yeej tsis yog ib txoj kev cuav uas koj lam ntseeg ib pliag los xyoo puav uas tsis pom muaj ib yam tseem ceeb ces koj qaug zog.

    2-Txoj kev tso siab,yam koj ntseeg thiab tso siab nws  yog ib lub tswv yim zoo nqes saum ntuj los, lub tswv yim no  yog tus tsim lub ntuj lub teb uas tau tsim leej tib neeg lub cev thiab tso tus ntsuj plig txoj sia los sib xeeb ua ke. Kom tau Tswv Ntuj lub zog, lub hwj chim, lub koob meej nyob nrog.

    3-Muaj kev thaj yeeb nrog koj nyob txawm ntawm txhua txoj hauv kev uas koj taug mus. Koj thiaj muaj qhov tias koj rov zeem tau tseeb tias,koj yog qaum ntuj ib leeg me nyuam ces koj ua lub neej kaj siab lug.
    Koj txawj cais yam phem, yam zoo tsis tso sib xyaws.
    Sab kev nyiam kev hlub tsim kev phooj ywg loj dua sab kev npau taws ,xam khib, kev cib nyeej kev ntxub neeg.
    -Lub tswv yim nyob hauv nqe peb no, muaj yam raug dab los rau neej!
    Kev raug dab nyuaj tsis cuag li kev rau neej! Raug dab luag tsuas siv xyab ntawv los qaib qe los them pauj rau dab. Ces tas cai lawm
    Hos kev raug neej mas yam me yuav tau them nyiaj los mus thov pe. Yam loj lawm yuav them nyiaj ntau, tseem yuav tau mus nyob txim hauv tsev loj faj ntau hli, los ntau xyoo, qhov kawg mas teem yuav kom tau neeg lub taub hau los them mas thiaj li tas  lus xwb twb tsis tau tas cai thiab. Ua li mas raug neej nyuaj tshaj raug dab lawm ntau npaug.
    Raug neej lawm mas txom nyem dua raug dab,thiab ceeb laj kawg, muaj kev kho siab tus siab loj heev. Tej zaum ua rau koj ruam los vwm mus tau thiab. Koj tsis ruam los vwm los koj poob tsim mus li.
    -Tej tus Xib Hwb, los tej tus Leej Tsob Hwb, thiab tej tus Txiv Leej Choj, Tuaj yeem ua Yes Xus Pleev txoj hauj lwm tshaj Tswv Ntuj txoj lus. Yuav muaj ib co neeg nyiam thiab muaj ib co neeg ntxub lawv heev.Tej tus raug neeg ntxub loj ib yam li neeg ntxub ib tug dab noj nyoos haus txias.
    Cov neeg ntxub lawv yuav nrhiav txhua yam los liam kom raug txoj kev phem. Tab yog lawv tua tsis tau lub cev los lawv hiam tas zog saib tus ntsuj plig thiab txoj sia puas yuav muaj ib hnub nws ploj ntais mus.
    Tus raug luag ntxub thiab hiam li no mas koj lub zog nyob ntawm Tswv Ntuj tib leeg xwb. Yeej meem ntseeg khov, tso siab lug rau koj cov lus thov Ntuj, ces koj yuav rov tau nyob thaj yeeb ib hnub tom ntej no xwb.

    Vaj Qhia Zam Paj Lug II tau hais ib lo lus txog Yes Xus Pleev uas yog Leej Txiv tus tub, nws paub Leej Txiv lub siab thiab mloog nraim Leej Txiv, ces nws thiaj zoo siab ua txhua yam raws li Leej Txiv lub siab. Kom tau npo tas lub qab ntuj neeg los zeem txog Leej Txiv txoj kev nyiam kev hlub lub ntiaj teb neeg.
    Zam Paj Lug Ob muab Yes Xus zaj lus hais txog ob kwv tij uas tus tub ntxawg thov kom Leej Txiv muab nws lub cuab tam, yam uas yog nws tug los faib rau nws. Thaum nws tau lub cuab tam uas yog nws feem ces nws khiav mus rau ib lub teb chaws deb, nws muab nws lub cuab tam siv nrog cov poj niam muag paj lub caij hnub poob qho ua kev tsis tsim txiaj. Thaum nws siv nws lub cuab tam tas, lub teb chaws raug kev tshaib plab nws raug mus zov npua nyob nruab teb. Nws ntshaw noj qos li cov npua uas tus tswv pub rau noj. Nws mam nco txog nyob hauv nws txiv tsev pes tsawg tus tub zog lawv tau noj seem noj so. Nws thiaj tig rov los nrhiav cuag nws txiv.
    -Qhov no yog Tus tub ntawd nws cov zaj thov Ntuj.
    leej Tswv Yim Ntshiab thiaj tshoj kom nws tig rov los.
    -Thaum Leej txiv pom nws tus tub Leej txiv cia li khiav mus puag nws tus tub. Thiab kom cov tub txib muab lub tsho zoo tshaj rau nws hnav, muab ntiv nplaib zoo nkauj tshaj rau nws coj kom muaj tsim thiab koob meej zoo cuag li tsis tau poob kev ua txhaum ib zaug li.
    -Leej txiv yeej nrhiav nws Leej tub mus li tseev kom nrhiav tau xwb. Xws zaj lus Yes Xus hais tias Tus zoo tswv zov yaj muaj ib tug ploj lawm nws tso 99 tug rau tom hav quav ploj nws mus nrhiav tus ploj lawd. Li no mas Leej txiv tsis tos kom tus tub los thov txim ua ntej, nws cia li khiav mus puag kiag tus tub.
    -Peb neeg ntiaj teb txhua tus Tswv Ntuj yeej hlub li Leej Txiv hlub  tshua nws tus tub, yog peb thov Ntuj zam rau peb, peb tso siab rau peb cov lus thov Ntuj , mas Ntuj yuav hlub yuav nyiam peb npaum li no ntag. Ntuj yuav tsis nco tias peb tau ua txhaum dua los lawm.

    Yuav muab ob peb tus neeg siab dawb lawv cov duab rau peb xyuas:
    A- Tus Leej Ntshiab Phauj Therese ofLisieux thiab Leej Ntshiab Faustina Kowalskas. Ib yam hawj huam tawm los:
    Muaj ib tug neeg pheej xav tias, vim li cas tus phauj ntawd pheej ua tej hauj lwm pab cov neeg mob neeg txom nyem ntawd npaum li no, nws yuav mus nrog tus Phauj ntawd nyob saib muaj nuj nqe dab tsi zoo nyob hauv tiag.
    Ces tus uas nws xav tau zaj lus no txawm mus nrog tus phauj no nyob. Nyob los nws kuj tsis pom muaj dab tsi txawv li. Nws nug tus phauj tias yam li kuv twb tsis pom dab tsi txawv txav qhov twg  tuaj li?
    Muaj ib hnub tus phauj ntawd hais rau tus ntawd tias:
    Koj nrog kuv mus mas koj yuav pom xwb.
    -Muaj ib hnub, nkawd tawm mus ncig, nkawd pom ib tug neeg mob nyob ntawm kev, nws ib ce mob kiav txhab tas. Tus Phauj hais rau tus tub ntawd tias, wb nqa mus hauv tsev wb coj nws mus ntxuav, tso wb mam muab tshuaj pleev rau. Thaum nkawd coj los tso rau hauv lub dab da dej, Phauj Therese hais rau tus ntawd tias, koj muab ntxuav kuv tawm mus ib plig sab nraud tso kuv los.
    Thaum tus txiv neej ntawd ntxuav nws puag ntawm nws sab caj npab ib sab tes ntxuav. Nws tig ntsia ces tus neeg mob ntawd lub taub hau yog Yes Xus lub taub hau. Thaum tus Phauj rov los txog ho rov qab yog tus neeg mob lub taub hau lawm.
    -Ces tus Phauj ntawd hais rau tus tub txiv neej tuaj nyob saib ntawd tias, koj puas pom dab tsi? Tus tub ntawd teb tias kuv pom lawm, thiab kuv ntseeg koj tes hauj lawm lawm.
    Peb cov neeg ntseeg peb yuav paub tias, thaum Leej Pleev vam txog peb ua nws txoj hauj lwm mas mas  Nws qiv tej tus neeg txom nyem lub cev lub meej mom tuaj txib peb.
    Tej zaj lus zoo li no  tsis yog Leej Tswv Yim Ntshiab pab qhia mas neeg tsis tshua to taub zoo.

    B-Zaj lus duab ob Yog Vaij Qhia tus Tiam Lis nyob Cob Tsib teb hu ua,NyuyenVan Thuam(Cadinal).
    Thaum Nyab Laj teb yeej tsov rog Nyab laj tau muab nws ntes mus kaw nyob hauv tsev loj faj.
    -Lub caij nws nyob txim hauv tsev loj faj, nws tshaj ntuj lus xws li cov hauv paus xa lus thaum ub, uas xws li Pob Zeb thiab Paj lug lawv ua.
    Ib ntus ces lub tsev loj faj nws nyob ntawd cov tub ceev xwm thiab cov neeg raug txim lawv hloov tas. Lawv nyob hauv tsev loj faj lawv tsis tshai lawv sib hlub, sib raug zoo tas.
    -Cov nom tswv,los tseem hwv pom txawv li ntawd, ces lawv muab cov tub ceev xwm hloov mus rau lwm lub tsev loj faj.coj ib co tub ceev xwm tshia los zov lub tsev uas Vaj Qhia tiam lis ntawd nyob.
    Cov tshiab los nyob ib ntus, lawv kuj hloov siab tas.Cov tub ceev xwm tawm mus rau lwm lub tsev loj faj kuj mus pab rau cov neeg raug txim lawv hloov siab tas thiab. Thaum cov tseem hawv paub mas Vaj Qhia tiam lis twb tau tshaj Ntuj lus txaus lawm.

    -Cov tub tshaj ntuj lus nyob sab nraum tsis kav lawv lub neej kuj muaj yam zoo, yam phem sib npaug zos li thiab. Cov ntxhov siab loj yog cov muaj txoj kev ntseeg loj.Cov muaj txoj kev ntseeg tsis loj mas muaj kev nyuaj siab ntxhov los txog ces lawv tso tes plau mus taug lawm txoj kev lawm mas lawv tsis tau tiv kev iab kev khwv, kev txom nyem siab ntsws ntau. Thaum lawv ncaim lawm ces lawv tsis vam txog kev tshaj Ntuj lus los ua lawv thawj hauv lus pub txoj sia ces lawv tau zoo nyob lawm.
    -Ib lub neej, tub tshaj Ntuj lus zoo li ib tug  Xib Hwb, los ib leej tub Tsob Hwb, thiab ib tug Txiv Leej Choj.
    Mas muaj ib pab neeg nyiam, thiab ho muaj ib pab ntxhub thiab.
    -Cov nyiam mas lawv kuj qhuas thiab pov hwm lawv tus Xib Hwb kom nws muaj siab leg Tswv Ntuj tej teej qav teej num kom mus zoo.
    -Cov ntxhub mas lawv ntxub tus Xib Hwb ntawd npaum li yog ib tug dab uas txawj noj nyoos haus txias. Lawv nrhiav kev tiv,hiam, liam txim ub no rau, nrhiav lus rau kom nws muaj kev ntxhov siab.
    Lawv tua tsis tau nws lub cev tsis kav lawv ua txhua yam kom nws nyuaj siab mus lis, ua kom nws tus ntsuj plig qaug zog ces lub cev tsis muaj zog saib nws puas vwm nws, los nws cia li swb sab foob khaub thuas ua neeg kho siab kom nws tuag mus. Kom nws txhob tau uaTswv Ntuj tes dej num.
    -Yog thaum koj poob rau tej yam zoo li no, mas txoj kev yeej yog kev thov ntuj, vam txog Ntuj daws teeb meem, vam txog Leej Tswv Yim Ntshiab hloov koj txoj hauv kev taug
    -Ces koj yuav tau txais ib txoj kev uas yog Leej Tswv Yim Ntshiab lub tswv yim tshiab qhia dua ib hom txuj muaj zog rau koj ua koj lub neej mus ntxiv. Ces koj yuav rov nyob tiaj tus.
    -Koj ua ib tug neeg mas koj yuav muaj  peb yam no nyob hauv koj:
    a-Koj muaj txoj kev ntseeg thoob tsib tuaj saum ntuj tuaj ua hauj lwm nyob hauv koj.
    b-Koj yuav xyaum ua ib tug neeg ncaj ncees phim kev thoob tsib rau cov neeg nyiam koj thiab hwm koj.
    b- Koj yuav xyaum kom zoo siab txais txhua tus neeg los ua koj li phooj ywg.
    -Ces koj yuav yog tus npua nuj tshaj sawv daws, Hnub twg neeg ntiaj teb zeem tau koj ua lawv tus phooj ywg lawm mas koj yeej yog tus nplua nuj tseem ceeb lawm tiag.
    -Koj tau nplua nuj hauv txhua yam no:
    a- Nplua nuj  muaj kev txawj ntse tshaj cov nom tswv.
    b-Nplua nuj muaj cuab tam ntau txaus faib rau luag tej.
    c-Nplua nuj  rau sab muaj nyiaj txiag nrog, koj hais lus xwb los nyiaj poob saum cov tuam los pav thiab cov neeg muaj lub siab dawb.los pab koj txoj hauj lwm
    d-Nplua nuj sab kev muaj noj muaj haus.
    e-Nplua nuj rau sab ua neeg thoob tsib, muaj hwj chim koob meej nto lam lug.
    f-Nplua nuj sab ua neeg siab dawb muaj koob hmoov puv ntoob rau nruab siab nruab cev.
    -Koj tau lub zoo tswv yim nqes saum ntuj los, tsis yog ib lub tswv yim pluag, li ntiaj teb neeg kawm tej lub tswv yim tsis thoob tsib ua lawv xyaum los ntawm tej tsiaj txhu los:
    -Heev pwj xia nws kub kawb, tsiaj pwm kuj xia nws kub zuag, ces niaj hnub sib ceg sib tuag,(tuam).
    -Dhau tej no mus lawm ces koj ua neeg twm zeej twm kawv tsis muaj neeg nyiam neeg hlub koj.
    Koj tshwm sim los ua ib tug tib neeg txais hauj lwm mas yeej txom nyem tiag. Yog Ntuj hu lawm mas koj tsis txhob yig. Ntuj yuav rhawv ib txoj kev rau koj taug mus kom tshab tau.

    Yaj Xib Hwb Zoov Ntxheb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 15th September 2013, 9:24 am



    LUB NEEJ NPUA NUJ.


    Tus neeg uas muaj lub neej nplua nuj tseeb nyob rau saum lub sim ceeb no.  Mas nws yuav muaj peb yam no:
    a- Nws muaj txoj kev ntseeg.
    b- Muaj kev sib faib txuj ci.
    c- Muaj kev sib raug zoo nrog zeej tsoom.

    1-Muaj kev ntseeg.
    Kev ntseeg yog ib yam loj thiab khov heev nyob hauv tus neeg lub neej.
    Kev ntseeg muaj ntau yam:
    Kev ntseeg Ntuj kom muaj txoj sia nyob ua Ntuj li tub ki kuj yog.
    Kev ntseeg coj lub tswv yim kom paub ua lub neej pib lub paus mus xaus rau lub ntsis. Nws coj ntau yam tuaj rau tus neeg ntawd.
    Yam li nws muaj kev thoob tsib, kev txawj kev ntse, kev paub tab paub cai txawj hwm Ntuj hwm neeg, nrog kev muaj tsim, muaj koob meej xws li nws yog Vaj Ntxwv ib Leej Tub uas yuav tau sawv ua Vaj kav teb chaws yav tom ntej.
    Muab piv rau cov neeg kawm txuj ci. Nws nyob rau txheej uas tus neeg tau kawm ntau ntau yam txuj siab uas tsis muaj coob leej tau kawm tiav.
    Neeg ntiaj teb ntsia ntsoov nws xws li ib lub hnub qub loj nyob ze rau lub hnub thiab lub hli. Nws ci lam lug kav ib feem qhov pom kev ntawm lub hnub thiab lub hli.

    2- Kev sib faib txuj ci.
    Tus neeg kam faib nws tej txuj ci rau lwm tus, nws yog zoo li thaum nws yug los nws yeej yog ib co tseem nyiaj tseem kub uas muaj neeg tau sim dhau los lawm nyob hau lub tais yeej vub chuav nyiaj nhuav kub ntawd.
    Tus neeg zoo siab faib nws cov txuj ci rau lwm tus, nws zoo li tus neeg nplua nuj muaj nyiaj txiag cuab tam ntau. Nws twb muaj zoo txhab loj ntim tseg los tsis tas. Nws muab faib rau luag tej los zoo li nws tej txuj ci txawj ntws los li tus dej txhawv ntws tsis paub tas li.
    Neeg ntiaj teb saib mas yog dej xwb cov dej ntawd puav leej muaj nuj nqis tib si. Cov dej ntshiab thiab cov dej nro puav leej muaj nqi tsim nuj ib yam.
    Cov dej ntshiab yuav muab los siv nws kuj yuav paug sub tsuag rau ces yuav nro tuaj.  Cov dej nro muab lim tas kuj huv zoo siv ua dej tshuaj. Yam twg los yuav tau paub cais, ces yuav ua tau dej huv ib yam los yug txhua yam txij sia tau.
    Tus neeg txaus siab faib nws tej txuj ci rau luag, nws muaj nuj nqis loj, thiab muaj qab hau rau txhua yam.  Nws zoo puav tam li tus niam dej  txhawv ntws los tsis tsis txawj tu hla tas nrho lub ntiaj teb no.
    Neeg ntiaj teb yuav hu nws ua tus dej tshuaj cawm siav nyob muaj meej.
    Nws tau ua rau neeg zoo siab xws li lub niaj xyoos zoo uas pub qoob loo ntsu, neeg zoo siab vim sawv daws tau dim ntawm kev tshaib kev nqhis.

    3-Muaj kev sib raug zoo.
    Tus neeg nrog luag sib raug zoo, nws lub hnub nyug tseem hluas los luag twb hom nws los ua niam ua txiv tuav pov hwm tej hlob tej yau mus rau yav tom ntej lawm.
    Nws txoj kev hwm thiab nyiam zeej tsoom txhawb nqa tau txhua yam hwj chim  koob meej rau txhua tus neeg muab los ntoo xws li lub mom roos fwj chim rau neeg.
    Nws yog neeg zej zog qhov chaws tso siab, nws zoo li tus thawj neeg txheem kev thaj yeeb kom khov kho rau teb chaws nyob tiaj tus.
    Nws zoo li Hmoob tus txiv muam sau kev xam khib. Kev cib nyeej, kev paub luag ua tub qaug neeg coj mus pov tseg rau zaj zeg zaj qho, kom tsis muaj tus vij sib cav sib ceg, kom xeeb tau ua plaub ua ntug.
    Yog muaj ib leeg twg txawj muab yeeb yaj kiab los tsom,mas nws yuav pom tias tus neeg faib txuj ci ntawd, yog tus neeg tseem nyiaj tseem kub chuav tawm ntawm lub yeej vub los tiag. Cuag li nws twb yeej zoo los txij thaum lub ntuj pib tawg paj hos lub teb pib tuaj nrog los lawm.
    4- Xaus qab lus.
    Ib tug neeg muaj peb yam no nyob hauv nws nruab siab. Mas nws yog neeg nplua nuj tseeb tiag.
    Thaum nws nplua nuj nyob hauv peb yam no, nws txoj kev nplua nuj yog kev nplua nuj nqes saum ntuj los.
    Nws muaj feem xyuam tuav pov hwm zej zog, xws li ib tug vaj tswj kav ib xeev ntuj nws tuav pov hwm tsoom laj meej pej xem huab hwm sawv daws.
    Qaum ntuj yuav foom hmoov zoo rau nws ua ib tug Vaj Txheeb uas yog Ntuj tsa los faib txuj ci,rau qaum ntuj me nyuam.
    Kev sib raug zoo,coj ntau yam zoo tuaj rau nws:
    Coj kev sib hlub tuaj nyob nrog nws tsev neeg, nws cov txheeb ze, nrog rau cov nom tswv, cov thawj neeg tuav kab xwm hauj lwm.
    Nyob hauv sab ntsuj plig muaj kev thoob tsib, kev txawj ntse, kev sib hwm, sib hlub ua rau lub cev noj qab nyob zoo ua lub neej nyob nrog kev kaj siab lug.
    Zeej tsoom ntiaj tog qaum pes saib nws zoo li lub pov haum thaiv tau kev txom nyem kev lwj siab ntxhov plawv.  Nws zoo puav tam li muaj tus muab lub hwj chim koob meej poob saum ntuj los rau nws ntoo. Ua rau kom leej tib neeg ntshaw zoo xws li nws.
    Saib nws cia li zoo li cov dej muaj nuj nqis ywg tas nrho lub sim ceeb, tej Leej neeg, tsiaj txhu, me kab noog nroj tsuag, xyoob ntoo txhua yam huv si.

    Yaj Xib Hwb Zoov Ntxheb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 17th September 2013, 10:22 am



    KEV NTSEEG NYOB NRUAB SIAB.



    Ib tug neeg ntseeg yuav muaj peb yam zoo nyob hauv nruab siab li no:
    a-Muaj txoj kev ntseeg tseem ceeb.
    b-Muaj kev tso siab hlo tuaj nruab siab.
    c-Muaj kev thaj yeeb nyob puv siab npo.

    1-Koj ntseeg tau ib txoj kev tseem ceeb,uas koj paub tseeb tias yog txoj kev ntseeg, muaj kev nplua nuj kav tau txoj sia thiab tus ntsuj plig, ua neej nyob tiam no thiab lwm tiam uas thaum koj hla lub ntiaj teb no tas lawd.
    Nws yeej tsis yog ib txoj kev cuav uas koj lam ntseeg ib pliag los xyoo puav uas tsis pom muaj ib yam tseem ceeb ces koj qaug zog.

    2-Txoj kev tso siab,yam koj ntseeg thiab tso siab nws yog ib lub tswv yim zoo nqes saum ntuj los, lub tswv yim no yog tus tsim lub ntuj lub teb uas tau tsim leej tib neeg lub cev thiab tso tus ntsuj plig txoj sia los sib xeeb ua ke. Kom tau Tswv Ntuj lub zog, lub hwj chim, lub koob meej nyob nrog.

    3-Muaj kev thaj yeeb nrog koj nyob txawm ntawm txhua txoj hauv kev uas koj taug mus. Koj thiaj muaj qhov tias koj rov zeem tau tseeb tias,koj yog qaum ntuj ib leeg me nyuam ces koj ua lub neej kaj siab lug.
    Koj txawj cais yam phem, yam zoo tsis tso sib xyaws.
    Sab kev nyiam kev hlub tsim kev phooj ywg loj dua sab kev npau taws ,xam khib, kev cib nyeej kev ntxub neeg.
    -Lub tswv yim nyob hauv nqe peb no, muaj yam raug dab los rau neej!
    Kev raug dab nyuaj tsis cuag li kev rau neej! Raug dab luag tsuas siv xyab ntawv los qaib qe los them pauj rau dab. Ces tas cai lawm
    Hos kev raug neej mas yam me yuav tau them nyiaj los mus thov pe. Yam loj lawm yuav them nyiaj ntau, tseem yuav tau mus nyob txim hauv tsev loj faj ntau hli, los ntau xyoo, qhov kawg mas teem yuav kom tau neeg lub taub hau los them mas thiaj li tas lus xwb twb tsis tau tas cai thiab. Ua li mas raug neej nyuaj tshaj raug dab lawm ntau npaug.
    Raug neej lawm mas txom nyem dua raug dab,thiab ceeb laj kawg, muaj kev kho siab tus siab loj heev. Tej zaum ua rau koj ruam los vwm mus tau thiab. Koj tsis ruam los vwm los koj poob tsim mus li.
    -Tej tus Xib Hwb, los tej tus Leej Tsob Hwb, thiab tej tus Txiv Leej Choj, Tuaj yeem ua Yes Xus Pleev txoj hauj lwm tshaj Tswv Ntuj txoj lus. Yuav muaj ib co neeg nyiam thiab muaj ib co neeg ntxub lawv heev.Tej tus raug neeg ntxub loj ib yam li neeg ntxub ib tug dab noj nyoos haus txias.
    Cov neeg ntxub lawv yuav nrhiav txhua yam los liam kom raug txoj kev phem. Tab yog lawv tua tsis tau lub cev los lawv hiam tas zog saib tus ntsuj plig thiab txoj sia puas yuav muaj ib hnub nws ploj ntais mus.
    Tus raug luag ntxub thiab hiam li no mas koj lub zog nyob ntawm Tswv Ntuj tib leeg xwb. Yeej meem ntseeg khov, tso siab lug rau koj cov lus thov Ntuj, ces koj yuav rov tau nyob thaj yeeb ib hnub tom ntej no xwb.

    Vaj Qhia Zam Paj Lug II tau hais ib lo lus txog Yes Xus Pleev uas yog Leej Txiv tus tub, nws paub Leej Txiv lub siab thiab mloog nraim Leej Txiv, ces nws thiaj zoo siab ua txhua yam raws li Leej Txiv lub siab. Kom tau npo tas lub qab ntuj neeg los zeem txog Leej Txiv txoj kev nyiam kev hlub lub ntiaj teb neeg.
    Zam Paj Lug Ob muab Yes Xus zaj lus hais txog ob kwv tij uas tus tub ntxawg thov kom Leej Txiv muab nws lub cuab tam, yam uas yog nws tug los faib rau nws. Thaum nws tau lub cuab tam uas yog nws feem ces nws khiav mus rau ib lub teb chaws deb, nws muab nws lub cuab tam siv nrog cov poj niam muag paj lub caij hnub poob qho ua kev tsis tsim txiaj. Thaum nws siv nws lub cuab tam tas, lub teb chaws raug kev tshaib plab nws raug mus zov npua nyob nruab teb. Nws ntshaw noj qos li cov npua uas tus tswv pub rau noj. Nws mam nco txog nyob hauv nws txiv tsev pes tsawg tus tub zog lawv tau noj seem noj so. Nws thiaj tig rov los nrhiav cuag nws txiv.
    -Qhov no yog Tus tub ntawd nws cov zaj thov Ntuj.
    leej Tswv Yim Ntshiab thiaj tshoj kom nws tig rov los.
    -Thaum Leej txiv pom nws tus tub Leej txiv cia li khiav mus puag nws tus tub. Thiab kom cov tub txib muab lub tsho zoo tshaj rau nws hnav, muab ntiv nplaib zoo nkauj tshaj rau nws coj kom muaj tsim thiab koob meej zoo cuag li tsis tau poob kev ua txhaum ib zaug li.
    -Leej txiv yeej nrhiav nws Leej tub mus li tseev kom nrhiav tau xwb. Xws zaj lus Yes Xus hais tias Tus zoo tswv zov yaj muaj ib tug ploj lawm nws tso 99 tug rau tom hav quav ploj nws mus nrhiav tus ploj lawd. Li no mas Leej txiv tsis tos kom tus tub los thov txim ua ntej, nws cia li khiav mus puag kiag tus tub.
    -Peb neeg ntiaj teb txhua tus Tswv Ntuj yeej hlub li Leej Txiv hlub tshua nws tus tub, yog peb thov Ntuj zam rau peb, peb tso siab rau peb cov lus thov Ntuj , mas Ntuj yuav hlub yuav nyiam peb npaum li no ntag. Ntuj yuav tsis nco tias peb tau ua txhaum dua los lawm.

    Yuav muab ob peb tus neeg siab dawb lawv cov duab rau peb xyuas:
    A- Tus Leej Ntshiab Phauj Therese ofLisieux thiab Leej Ntshiab Faustina Kowalskas. Ib yam hawj huam tawm los:
    Muaj ib tug neeg pheej xav tias, vim li cas tus phauj ntawd pheej ua tej hauj lwm pab cov neeg mob neeg txom nyem ntawd npaum li no, nws yuav mus nrog tus Phauj ntawd nyob saib muaj nuj nqe dab tsi zoo nyob hauv tiag.
    Ces tus uas nws xav tau zaj lus no txawm mus nrog tus phauj no nyob. Nyob los nws kuj tsis pom muaj dab tsi txawv li. Nws nug tus phauj tias yam li kuv twb tsis pom dab tsi txawv txav qhov twg tuaj li?
    Muaj ib hnub tus phauj ntawd hais rau tus ntawd tias:
    Koj nrog kuv mus mas koj yuav pom xwb.
    -Muaj ib hnub, nkawd tawm mus ncig, nkawd pom ib tug neeg mob nyob ntawm kev, nws ib ce mob kiav txhab tas. Tus Phauj hais rau tus tub ntawd tias, wb nqa mus hauv tsev wb coj nws mus ntxuav, tso wb mam muab tshuaj pleev rau. Thaum nkawd coj los tso rau hauv lub dab da dej, Phauj Therese hais rau tus ntawd tias, koj muab ntxuav kuv tawm mus ib plig sab nraud tso kuv los.
    Thaum tus txiv neej ntawd ntxuav nws puag ntawm nws sab caj npab ib sab tes ntxuav. Nws tig ntsia ces tus neeg mob ntawd lub taub hau yog Yes Xus lub taub hau. Thaum tus Phauj rov los txog ho rov qab yog tus neeg mob lub taub hau lawm.
    -Ces tus Phauj ntawd hais rau tus tub txiv neej tuaj nyob saib ntawd tias, koj puas pom dab tsi? Tus tub ntawd teb tias kuv pom lawm, thiab kuv ntseeg koj tes hauj lawm lawm.
    Peb cov neeg ntseeg peb yuav paub tias, thaum Leej Pleev vam txog peb ua nws txoj hauj lwm mas mas Nws qiv tej tus neeg txom nyem lub cev lub meej mom tuaj txib peb.
    Tej zaj lus zoo li no tsis yog Leej Tswv Yim Ntshiab pab qhia mas neeg tsis tshua to taub zoo.

    B-Zaj lus duab ob Yog Vaij Qhia tus Tiam Lis nyob Cob Tsib teb hu ua,NyuyenVan Thuam(Cadinal).
    Thaum Nyab Laj teb yeej tsov rog Nyab laj tau muab nws ntes mus kaw nyob hauv tsev loj faj.
    -Lub caij nws nyob txim hauv tsev loj faj, nws tshaj ntuj lus xws li cov hauv paus xa lus thaum ub, uas xws li Pob Zeb thiab Paj lug lawv ua.
    Ib ntus ces lub tsev loj faj nws nyob ntawd cov tub ceev xwm thiab cov neeg raug txim lawv hloov tas. Lawv nyob hauv tsev loj faj lawv tsis tshai lawv sib hlub, sib raug zoo tas.
    -Cov nom tswv,los tseem hwv pom txawv li ntawd, ces lawv muab cov tub ceev xwm hloov mus rau lwm lub tsev loj faj.coj ib co tub ceev xwm tshia los zov lub tsev uas Vaj Qhia tiam lis ntawd nyob.
    Cov tshiab los nyob ib ntus, lawv kuj hloov siab tas.Cov tub ceev xwm tawm mus rau lwm lub tsev loj faj kuj mus pab rau cov neeg raug txim lawv hloov siab tas thiab. Thaum cov tseem hawv paub mas Vaj Qhia tiam lis twb tau tshaj Ntuj lus txaus lawm.

    -Cov tub tshaj ntuj lus nyob sab nraum tsis kav lawv lub neej kuj muaj yam zoo, yam phem sib npaug zos li thiab. Cov ntxhov siab loj yog cov muaj txoj kev ntseeg loj.Cov muaj txoj kev ntseeg tsis loj mas muaj kev nyuaj siab ntxhov los txog ces lawv tso tes plau mus taug lawm txoj kev lawm mas lawv tsis tau tiv kev iab kev khwv, kev txom nyem siab ntsws ntau. Thaum lawv ncaim lawm ces lawv tsis vam txog kev tshaj Ntuj lus los ua lawv thawj hauv lus pub txoj sia ces lawv tau zoo nyob lawm.
    -Ib lub neej, tub tshaj Ntuj lus zoo li ib tug Xib Hwb, los ib leej tub Tsob Hwb, thiab ib tug Txiv Leej Choj.
    Mas muaj ib pab neeg nyiam, thiab ho muaj ib pab ntxhub thiab.
    -Cov nyiam mas lawv kuj qhuas thiab pov hwm lawv tus Xib Hwb kom nws muaj siab leg Tswv Ntuj tej teej qav teej num kom mus zoo.
    -Cov ntxhub mas lawv ntxub tus Xib Hwb ntawd npaum li yog ib tug dab uas txawj noj nyoos haus txias. Lawv nrhiav kev tiv,hiam, liam txim ub no rau, nrhiav lus rau kom nws muaj kev ntxhov siab.
    Lawv tua tsis tau nws lub cev tsis kav lawv ua txhua yam kom nws nyuaj siab mus lis, ua kom nws tus ntsuj plig qaug zog ces lub cev tsis muaj zog saib nws puas vwm nws, los nws cia li swb sab foob khaub thuas ua neeg kho siab kom nws tuag mus. Kom nws txhob tau uaTswv Ntuj tes dej num.
    -Yog thaum koj poob rau tej yam zoo li no, mas txoj kev yeej yog kev thov ntuj, vam txog Ntuj daws teeb meem, vam txog Leej Tswv Yim Ntshiab hloov koj txoj hauv kev taug
    -Ces koj yuav tau txais ib txoj kev uas yog Leej Tswv Yim Ntshiab lub tswv yim tshiab qhia dua ib hom txuj muaj zog rau koj ua koj lub neej mus ntxiv. Ces koj yuav rov nyob tiaj tus.
    -Koj ua ib tug neeg mas koj yuav muaj peb yam no nyob hauv koj:
    a-Koj muaj txoj kev ntseeg thoob tsib tuaj saum ntuj tuaj ua hauj lwm nyob hauv koj.
    b-Koj yuav xyaum ua ib tug neeg ncaj ncees phim kev thoob tsib rau cov neeg nyiam koj thiab hwm koj.
    b- Koj yuav xyaum kom zoo siab txais txhua tus neeg los ua koj li phooj ywg.
    -Ces koj yuav yog tus npua nuj tshaj sawv daws, Hnub twg neeg ntiaj teb zeem tau koj ua lawv tus phooj ywg lawm mas koj yeej yog tus nplua nuj tseem ceeb lawm tiag.
    -Koj tau nplua nuj hauv txhua yam no:
    a- Nplua nuj muaj kev txawj ntse tshaj cov nom tswv.
    b-Nplua nuj muaj cuab tam ntau txaus faib rau luag tej.
    c-Nplua nuj rau sab muaj nyiaj txiag nrog, koj hais lus xwb los nyiaj poob saum cov tuam los pav thiab cov neeg muaj lub siab dawb.los pab koj txoj hauj lwm
    d-Nplua nuj sab kev muaj noj muaj haus.
    e-Nplua nuj rau sab ua neeg thoob tsib, muaj hwj chim koob meej nto lam lug.
    f-Nplua nuj sab ua neeg siab dawb muaj koob hmoov puv ntoob rau nruab siab nruab cev.
    -Koj tau lub zoo tswv yim nqes saum ntuj los, tsis yog ib lub tswv yim pluag, li ntiaj teb neeg kawm tej lub tswv yim tsis thoob tsib ua lawv xyaum los ntawm tej tsiaj txhu los:
    -Heev pwj xia nws kub kawb, tsiaj pwm kuj xia nws kub zuag, ces niaj hnub sib ceg sib tuag,(tuam).
    -Dhau tej no mus lawm ces koj ua neeg twm zeej twm kawv tsis muaj neeg nyiam neeg hlub koj.
    Koj tshwm sim los ua ib tug tib neeg txais hauj lwm mas yeej txom nyem tiag. Yog Ntuj hu lawm mas koj tsis txhob yig. Ntuj yuav rhawv ib txoj kev rau koj taug mus kom tshab tau.

    Yaj Xib Hwb Zoov Ntxheb.





    Sponsored content

    Re: XH. Yaj Zoov Ntxheb lub Tsev THOOB TSIB

    Post  Sponsored content Today at 3:39 am


      Current date/time is 10th December 2016, 3:39 am