Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


XH. Yaj Zoov Ntxheb lub Tsev THOOB TSIB - Page 16 Empty

Latest topics

» 3 Tug Tij Hmoob Nyab Laj teb.
by Maiv Tooj Today at 2:01 am

» COV ZAJ NYEEM NRUAB LIS PIAM XYOO A 2019-2020
by Mim Yesterday at 5:27 pm

» Nkauj teev Ntuj nyob hauv Youtube
by Tub Kawm 18th February 2020, 6:37 pm

» NIAM MAB LIAB TSHWM SIM NYOB MEDJUGORJE
by Mim 17th February 2020, 5:28 pm

» Txiv Plig Pob Zeb tham txog Hmoob thiab kev ntseeg Catholic
by Maiv Tooj 17th February 2020, 12:51 am

» Cov zaj nyeem Hnub Chiv Xyoo A. 2019-2020
by NrhiavTswvNtuj 14th February 2020, 10:41 am

» XH. Yaj Zoov Ntxheb lub Tsev THOOB TSIB
by Maiv Tooj 14th February 2020, 10:28 am

» NKAUJ CAV TXOG TSWV NTUJ
by NrhiavTswvNtuj 6th February 2020, 6:27 am

» NKAUJ PAJ NRUAG
by NrhiavTswvNtuj 6th February 2020, 6:16 am

» Xov Tooj Cua Zoo Tswv Zov Yaj
by Maiv Tooj 6th February 2020, 2:04 am

» Qhia Ntuj Kev Cai.
by Maiv Tooj 23rd January 2020, 10:12 am

» Dab phem tus hneev taw.
by Maiv Tooj 25th December 2019, 8:22 pm

Suav neeg tuaj saib, txij hnub 17/09/2010 los mus.


    XH. Yaj Zoov Ntxheb lub Tsev THOOB TSIB

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5779
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 16 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj on 17th July 2019, 9:42 am


    Zaj 384- HMOOB TXUJ CI 2.


    Hmoob tej txuj ci no, mas tawm los ntawm tej tub Ntsuag los, tawm ntawm cov neeg txom nyem los ntau xwb. Saib nyob hauv Hmoob keeb kwm los, mas Hmoob muaj kev ua ntsuag los lawm ntau tiam.
    Suav txij li thaum muaj lub npe hu ua Hmoob no los, nyob rau lub ntiaj teb no. Pab Hmoob twg los rau tiam neeg twg, saib los mas Hmoob txhua txhua tiam, yeej muaj kev ua ntsuag los kev txom nyem mus li tsis paub kawg li.
    Yuav piav txog Hmoob cov txuj ci muaj ntau yam, xws li:
    A.Suab kwv txhiaj paj ntsha lus taum thiab kwv chab.
    B. Suab nplooj, tshuab ua suab kwv txhiaj los hais lus ua suab seev thaum muaj kev kho siab.
    C. Raj ncas. Yog ib hom txuj ci los qhia rau tej tub ntxhais, kom muaj kev kho siab hlub txog tej neeg txom nyem uas lawv muaj kev tu siab kho siab txom nyem ua neej tsis xws luag!
    D. Suab zaj tshoob, siv los rau thaum qua ntxhais muab nyab los sib txis ua txij ua nkawm.
    E. Suab txiv xaiv foom kom hais los ua txhiaj txhais nug kab nug kev tawm rooj mus ua qoob ua loo, los yog ib co lus qhuab qhia rau tub ki ua neeg kom tsheej kiab. Thiab foom rau tub ki kom muaj koob hmoov kom txawj ua neeg zoo, rau neeg qhuas thiab ntxim rau Ntuj hlub.
    F. Suab qeej yog ib lub suab zoo thiab muaj txuj ci dua txhua yam txuj uas tau hais los lawd. Yam txuj nrog suab qeej no, tshuab hais thiab cav txog Huab Tais thiab tej nom tej tsw.
    Los tshuab ua qeej tshoob qeej kos xa Huab Tais los nom tswv ntxhais mus ua nyab.
    Yuav piav txog Hmoob cov txuj ci no, ib yam zuj zus los saib muaj yam twg zoo!
    1.Hais saum lub suab kwv txhiaj, paj ntsha lus taum thiab kwv chab.
    Cov txuj ci hais kwv txhiaj paj ntsha lus taum thiab kwv chab no. Yog ib cov txuj ua tsim tau los hais kom tsis pub muaj xaiv lus thiab muaj ua plaub ntug tau!
    Cov tub ntsuag thiab cov neeg txom nyem siab ntsws lawv thiaj hais tau kwv txhiaj los cem tej niam tej txiv los cem cov ua tij ua viv uas tsis nyiam los tsis hlub tej tub ntsuag. Thiab muab luag tsim txom, yuam ua luag qhev.
    Lawv thiaj hais cov txuj ci los cem tej niam tej txi, los cem leej kwv leej tig, txawm hais siab hais qis rau lawv hnov lawm los ua tsis tau plaub ntug rau.
    Yog hnov lawm tsis zoo siab, los kawg yuav tau hais suab kwv txhiaj los teb xwb. Yog teb tsis tau rau saum suab kwv txhiaj, ces koj ua siab swb nws mus lawm xwb.
    Peb thiaj hnov tej tub ntsuag ,hais kwv txhiaj los cem tej niam txiv thiab tej kwv tej tig rau neeg ntiaj teb hnov. Tus txawj hais, ces sawv daws tsuas muaj lus qhuas xwb.
    Thaum ib tug tub ntsuag los ib tug neeg txom nyem hais tau tej txuj ci no zoo txaus lawm. Ces tej laus los qhuas, tej hluas los lawv nyiam thiab ho rov saib taus.
    Ces tej tub ntsuag no, ho muaj neeg nyiam thiab hlub tuaj. Ces nws rov tau poj tau sev zoo, Nws ho muaj txuj ci zoo thiab tsim nyog rau lawv sawv los ua tsoom neeg tus thawj neeg txwj neeg laus.
    2. Lub Suab Nplooj no, kuj tshuab ua suab seev, suab kwv txhiaj los sib dib tuaj rau saum kev hlub nrhiav tej tus neeg hlub thiab nyiam. Xws li hais kwv txhiaj. Suab nplooj, kuj yog ib yam txuj ci. Hais los kom neeg nyiam thiab hlub.
    3. Suab zaj tshoob, yog ib co txuj ci muaj me ntsis txhiaj txhais thiab nug txog ntawv nyiaj keeb puaj txwm. Thiab ntawv txij nkawm puas muaj ntawv sib raug tau los ua ke.
    Cov Zaj Tshoob thiaj hais thiab nug txog ntawv txij ntawv nkaum ntawv nkauj nraug. Nug txog ntawv chiv keeb muaj tawm twg los, puas muaj choj tshoob choj kos. Thiab yog tuaj cog paj los cog pos. muaj kev laij nyug, lawv nyuj mus kaw.
    Kom muaj kev neej kev tsav los sib cog ua neej ua neej ua tsav, sib hlub raws li koj qaib pw kuv cooj. Kuv os ho pw rau koj nkuaj. Kom tau nyob mus tsheej neeg tsheej tsa sib hlub.
    4. Suab qeej cov txuj ci nyob hauv lub suab qeej no, yog cov txuj siab tshaj co. Uas tau hais los saum no lawd. Cov txuj hais nrog qeej, mas yog lus Nom lus tswv xwb!
    Hmoob tsim muaj lub keeb yog tshuab hais cav txog Huab Tais, thiab cov thawj neeg, zoo li Tsoom xeev txwj Xeev Laus uas muaj meej mom siab.
    Mam li muaj cov zaj xa nyab mus ua neej. Vim nyob hauv Hmoob cov txuj ci, mas lub keeb yuav nce ua Thawj neeg los hloov Huab Tais Qaum Ntuj los Huab Tais ntiaj teb.
    Mas txuas los ntawm sab yog ntxhais los! Ib tug tub ntsuag, los ib tug neeg txom nyem yuav sawv los ua tau tus thawj neeg.
    Yog cov tub ntsuag los cov neeg txom nyem uas lawv muaj txuj ci. Mas lawv kheev mus yuav tau Ntxhais Huab Tais, Qaum Ntuj, losHuab Tais ntiaj teb. Ces lawv muaj meej mom txuj ci zoo los zaum Huab Tais chaw.
    Muaj li ntawd, mas nyob hauv txhua zaj dab neeg thiaj muaj hais txog tub ntsuag. Muaj cov txuj ci zoo. Tub ntsuag cov txuj ci no yog Hmoob tej Nkauj, kwv txhiaj thiab kev ua neeg thoob tsib tawm ntawm tub ntsuaj lub laj lip lab plaws los.
    Kuj cov zaj nkauj qeeg, nkauj nraus. Uas coj muss iv rau Nom Tswv thiaj rau Huab Tais cov ntxhais siab qaug lias los hwm tub ntsuag:
    Zoo li ntxhais Ntxawm hlob, Ntxawm nrab, los Ntxawm yau lawv thiaj tau caum tub ntsuag. Kom tau mus ua Tub Ntsuag poj niam.
    Dhau los ntawm cov qeej tshoob lawm, mas mam li muaj cov qeej xa Ntsuj plig mus cuag poj cuag yawm.
    Thawj zaj qeej rau cov neeg tawm rooj dua nras mus. Yog ob zaj qeej tu siav thiab qeem tsa nees. Yuav tsum muaj ob zaj no, cov neeg dua nras thiaj txaus siab rov mus cuag poj cuag yawm, los mus thawj thiab dua tshiab. Nyob hauv kev thawj thiab, mas yog txoj kev tus siab tshaj cov!
    Zoo li thaum tiam ua neej nyob ntiaj teb, muaj lub cev ntaj ntsug nyob nrog. Yog nws tau ua lub neej zoo, ces yuav thawj thiab mus ua tus Ntsuj Plig zoo.
    Yog thawj tiam ua neej nyob muaj lub cev, nws tau ua neeg phem. Ces tiam tom qab tus ntsuj Plig kuj mus thawj ua cov ntsuj plig phem.
    Xws li Hmoob hais kam los tias:
    Yuav mus thawj ua nyuj ua neeg, rau luag caij los rau luag laij. Lo lus no Hmoob hais tau xwb Hmoob tsis ntseeg li tau hais.
    Yam hmoob ntseeg, mas yog mus thawj thiab ua dab tuag los hem neeg. Thiab mus ua poj ntxoog los ua tsov, mas hmoob ntseeg kawg tias mus peem tsheej tau tiag.
    Los mus thawj thiab ua tej me kab noog los quaj xiv qhia tej tub ki tias, mus txom nyem los tau zoo lawm.
    5. Cov txuj ci uas muaj nyob nrog lub tswv yim los tes taw ntawd. Hu ua txuj ci kev txawj ntse, kawm muaj ntaub ntawv thiab xib Hwb cob qhia. Kom muaj txuj sau ua lus, muaj cov tsiaj xam phaj cim tau nrog lub tswv yim thiab ua nyob nrog lub cev tes taw kom tau ua los siv ua kev tiv thaiv thiab paub cim tseg txhob yuam kev tau!
    Cov txuj muab los ua tsheej ntaub ntawv no, mas nws muaj peev xwm qhia thiab tshaj tawm nyob deb nyob ze los tau tib si.
    Ntaub ntawv yog yam txuj xa moo mus deb tshaj rau neeg txheej tshiab tiam no. Ntaub ntawv mas thiaj yuav xa thiab txuas tau txhua yam txuj kom txhob ploj mus.
    Tej me nyuam tub me nyuam ntxhais thiaj xub kawm tus txuj yog ua ntawv ua ntej txhua yam mam li mus kawm lwm yam txuj thiaj muaj chaws cim los siv tawm mus tau.
    Yav ntuj taum ub Hmoob nyiam kawm cov txuj nrog kev hlub kev qhuas, kom muaj siab rov kho yus ua neeg zoo. Nyiam no, ntiaj teb yuav xub kawm cov txuj muaj nyob ua nrog ntaub ntawv ua ntej. Mam kawm lwm yam txuj muab los ua ntawv qhia.
    Zaj lus no yog ib zaj lus nthuav Hmoob txuj ci, uas tsim los ntawm Hmoob tej kev ua ntsuag zoo li Hmoob tej neeg txom nyem tau ua kom muaj los nyob yav ntuj ntau tiam thaum ub los.
    Muaj peb tug yawm tau piv qhia kuv mas nws hais li kuv tau sau no. yog Yawg Txiaj Vas, Yawg Vaj leem thiab Yawg Txooj Tsawb. Lawv tau qhia los.


    -< Yaj zoov Ntxheb X.H.>-





    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5779
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 16 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj on 22nd July 2019, 7:21 pm


    Zaj 385- HMOOB TUS CUJ PWM THIAB TUS YAM NTXWV.

    Hais txog Hmoob tus cuj pwm thiab tus yam ntxwv, uas Hmoob coj nyob hauv qee leej Hmoob lub siab. Nyob nrog Hmoob zaj xav thiab Hmoob tej kab lis kev cai coj! Hmoob ua hauj lwm nrog sab kev hlub.
    Yog yuav piav ib zaj twg, kom sib dhos zoo, mas yuav tau muaj ib zaj dab neeg, los sis keeb kwm los ntawm tej sab sij huam. Los hais nrog ua qauv hais, los ua kom muaj ib tug duab los piv rau, kom hais tau meej dua.
    Mas tus piav zaj lus ntawd thiaj ua rau Hmoob to taub sai txog zaj lus xav piav ntawd:
    1.Ib feem Hmoob tsis hwm kev ntseeg.
    Nyob hauv peb Hmoob cov kev ntseeg,{ thaum kuv hais tias peb no, mas kuv suav kuv nyob hauv thiab kuv los ua zoo kiag li Hmoob thiab od.}
    Mas Hmoob tsuas ntshai tsam ua txhaum rau dab xwb! Hmoob tsis ntshai tsam yuav txhaum rau Ntuj, los txhaum rau neeg:
    Qaum Ntuj yeej yog tus siab zoo, thaum Hmoob noj qab nyob zoo, mas Hmoob tsis nco txog tias, yog Ntuj pab. Hmoob hais tias, Yog Nws muaj hmoo, nws yeej zoo txaus nws lawm.
    Thaum Hmoob txom nyem los lawd, mas Hmoob mam hu Ntuj pab tias, Ntuj au! Thov pab au! tsuas muaj li no ntau xwb. Nyob hauv nruab siab yeej xav tias, Hu los xyov Ntuj puas hnov los Ntuj puas pab. Ntshai yog yus muaj hmoo xwb no.
    Yeej muaj ib tsos me ntsis tias, ntshai Mtuj tsis pom los Ntuj tsis paub. Yog neeg tsis pom ces Ntuj kuj tsis paub.
    2. Hmoob cov kev ntseeg uas Hmoob coj.
    A.Nyob hauv Hmoob cov kev ntseeg, Hmoob kev hlub neeg tsis sib luag, ob kwv tij los ntawm ib tug niam thiab txiv. Ib lub xeem koom ib txoj kev ntseeg Poj ua tseg Yawm ua cia, tus xav hloov ua li cas los tau!
    Ib tug muaj dab coob lwm tus ho muaj dab tsawg, thaum muaj kev txom nyem, los ti tes ti taw. Mas pab tsis tau, vim dab tsis sib thooj.
    Pab tsam tub qaug rau dab, ces dab ho tom, ces muaj txiab muaj nkeeg. Nyob hauv nruab siab puas yog nws xav tias, txom nyem cia koj txom mus, tuag los cia koj tuag koj mus. Dab tsis pub pab li.
    Yog kuv pab koj mas dab tsis pom zoo, dab yuav tom kuv, koj txhob tu siab!
    B. Hais txog Dab.
    Hmoob muaj dab coob dab ntau, Tus twg yog tus dab tseem ceeb los tsis paub li. Thaum ib tug pluag kwv pluag tij lawm, xav kom muaj hwj chim meej mom kom luag saib taus tuaj.
    Ho hais tias peb yog ib lub xeem, koom poj koom yawm thaum ub los thiab. Thaum yus ho ua neej zoo me ntsis tuaj lawd. Kuj txawj hais tias, peb tsis yog ib pab ib pawg, tsuas yog ib lub xeem xwb.
    C. Qaum Ntuj los yog tus Tswv Ntuj, uas tau tsim neeg txhua Haiv txhua xeem los. Txhua lub xeem yog Ntuj me nyuam tas tib si,Hmoob ho tsis ntshai tub qaug rau NTuj.
    Dab tsis tau ua ib yam dab tsi zoo los pab neeg, ho hwm dab cuag li tas txhua yam nyob ntiaj teb no yog dab tug tas nrho.
    D. Hmoob cov kab lis kev cai.
    Cov kab lis kev cai no, tawm qhov twg los? Cov kab lis kev cai uas Hmoob coj los ua Hmoob kev ntseeg thiab kab lis kev cai tswj kav Hmoob no. Yog Poj ua tus tsim tseg, Yawm ua tus tsim cia los.
    Lawv tau tsim thiab ua los kav ib lub tsev neeg xwb, thaum muaj ob lub tsev neeg lawm. Mas yuav tau tsim dua ib pab dab tshiab nrog Kab lis kev cai coj tshiab. Kav pab ntawd mus rau yav tom ntej.
    Qhov Hmoob tawg ua ntau pab, tsis sib thooj, yog tib txoj kev uas tsis ntshai tub qaug rau Ntuj thiab neeg. Tsuas ntshai tsam tub qaug dab nkaus xwb.
    Yog txhais lub ntsiab los ua qhov tseeb, ces yog kev ua tub qaug rau neej xwb. Hmoob tej lus hais tias, raug dab tom thiaj mam mob li no. Yog yuav hais qhov tseeb tiag, ces yog raug neej mob xwb, ib tug neeg raug luag ntxub los luag cem thiab thuam ntau.
    Ces nws tu siab tuaj, nws mam li qaug zog, nws mam mob los ua neeg vwm mus. Nws tsis muaj kev taug lawm mam noj mov tsis poob plab haus dej tsis poob cev, lam muab liam rau dab.
    Tias, yog raug dab mob, yog dab ua plaub tuaj mas tsis lam mus yeej tau dab li!
    Yam uas yog Dab qhia thiab dab tsim los rau neeg siv:
    Yog kev ntxub, ntxub li nws ntshai, tsam luag tau zoo dua yus, ntxub tias,luag muaj thiab zoo tshaj yus lawm. Dab ntxias kom neeg tej kwv tij los tej pab pawg tsis sib haum kom txhob sib raug zoo, nyias nyob nyias kom nyias muaj nyias dab. Kom neeg muaj dab coob dab ntau, nrog neeg nyob mus li, kom neeg muaj kev txom nyem tshaj dab.
    Lub tswv yim thiab tej kab lis kev cai ua hais tias yog neeg txua tawm los no. Kuj yog Dab ua tus tsim thiab qhia los ntag.
    E. Tswv Ntuj pub kom neeg ntiaj teb, ua Ntuj me nyuam, sawv daws, muaj ib lub laj lim plab plaw txawj xav thiab txawj sib hlub los sib hwm ua Ntuj me nyuam nyob ua ke.
    Yam uas Hmoob hu ua yuab tau Caiv no! Yog caiv kom txhob muaj kev sib ntxub, caiv tsis hwm luag, mast sis zoo. Caiv tias ysis sib hwm mas yuav tsawg kwv tsawg tij. los tsawg phooj ywg. Dab thiaj tsis yeej neeg. Yam yog, mas yuav caiv mas yog tej no:
    Caiv tias tsis hwn thiab hwm Ntuj thiab hwm neeg, mas tsis tau li. Thiab thov kom Ntuj Niam Ntuj Txi nyob nrog Ntuj tej me nyuam hauv lub tsev no. Kom Dab ntshai, Dab txhob los txeem qhov vaj qhov tsev los ntxias neeg, mas thiaj yog zaj zoo uas tsim nyog yuav caiv!
    Ces sawv daws yuav caiv txhob sib ntxub, caiv txhob sib ceg, caiv txhob zais siab rau niam txiv kwv tij los tub ki. Caiv txhob lam saib tsis tau leej twg, yuav hwm sawv daws zoo li yus hwm yus tus kheej….
    F. Txoj kev Haum xeeb.
    Yog Hmoob tsis muaj kev haum xeeb, mas lub npe hmoob tsis muaj zog. Vim peb tsis paub saib txoj kev peb caiv ntawd yog txoj kev tseem ceeb.
    Ces peb Hmoob thiaj sib faib ua ntau pab ntau pawg, koj li txawv kuv li. Hos lawv li kuj txawv peb li, ces Lo lus hu ua Hmoob mas loj thiab dav kawg.
    Tab sis mus saib los mus xyuas, mas ib pab los ib pawg xwb. Nug tias cov tod ne? Lawv muaj lawv ib pab lawm od! Lawv tsis yog peb pab as!
    Ua li Hmoob muaj npaum li cas tiag? Neeg Mab Sua nyob hauv lub qab ntuj khwb no tsis to taub thiab tsis paub tias:
    Hmoob muaj npaum li cas, sawv daws zoo ib yam, hnav sib xws, hais lus tsis txawv li. Uas cas lawv ho tsi sib hawm, lawv nyias muaj nyias pab, pab tod tsis yog lawv cov thiab no!
    {Los lus hais saum no, Hmoob peb yuav rov los saib thiab kawm dua tias tsis yog lawm. Peb yeej yog ib tsob Hmoob koom tib tug dab uas peb ntshai tsam peb ua tub qaug rau nws ntawd fab los xwb.
    Mas peb yuav los nrhiav tus tuav peb los ua txooj Hmoob no yog leej twg tiag, Hmoob txhua tus puav leej yog Ntuj me nyuam tas nrho. Thiab peb koom Poj koom yawm los ntawm Ntuj Niam Ntuj Txi los, peb yog ib pab xwb.
    2. Nthuav Hmoob kab lis kev cai.
    A. Hmoob tej kab lis kev cai no, mas Hmoob coj txawv tshaj li tej Mab Sua. Qhov txawv ntawd yog zoo li cas:
    Hmoob hais tias, Hmoob tsis nyiam Mab Sua. Mab Sua yog nplooj tsawb, nws tsis yog npuag! Ua cas Mab Sua hais mas Hmoob mloog kawg, Hmoob tsis tawv tsis nyom li, tuaj yeem mloog thiab ua tas txhua yam ua kom haum tau li Mab Sua siab,thiab mloog luag hais!
    Hos Hmoob hais mas, Hmoob tsis mloog li thiab hmoob saib tsis tsim nuj dab tsi li. Cia muab sab sij huam los piav: nyob ntawm txoj kab dawb uas luag zas rau cov tub ncaws pob.
    Yog tus tub Ceev Xwm Hmoob hais mas sawv daws txav li ib dos los ib tshim xwb. Ib pliag xwb txawm siv txav los ti nkaus los tseem nam mus dhau kab kiag lawm thiab.
    Hos yog ib tus tub Xeev Xwm yog Mab Sua los nthe Hmoob, mas Hmoob ho txav mus deb li ib dag lawm. Hmoob tsis kam mloog Hmoob hais.
    B. Nyob hauv tsev, mas Hmoob hais tias Hmoob nyiam Hmoob. Tawm sab nraud lawm, zoo li Hmoob tsis nyiam Hmoob, Hmoob ho nyiam Mab Sua dua lawm!
    Nyob hauv tsev mas Hmoob tsa Hmoob ua nom kom yog Hmoob tus loj, Thaum Hmoob pom Mab Sua tuaj, Hmoob hais kom Mab Sua muab Hmoob tus loj no txo, los coj mus tua pov tseg. Hmoob ntxub Hmoob tus loj cuag li yog ib tug dab tsiv tsaim kawg.
    Peb Hmoob tus kab lis kev cai no, vim dab tsi peb thiaj tsis hwm peb tus Hmoob loj no! Peb kev ua Hmoob tej kev thoob tsib yog ib co dej los ib co cua!
    Saib mas muaj zog kawg, hos zoo li tsis muaj zog li, leej twg puas twv tau yog li cas tiag?
    C. Hmoob hais tias, ntov ntoo yuav saib ceg qhuav, Hmoob tus cai, uas hais lus siab neeg lawm xwb, twb nplua kom tau nyiaj los yuav.
    Thiab Hmoob lo lus hais tias, noj nqaij daig dab haus cawv daig nru lawm. Mas roob taus theev tsis hle li. Ib tug tsis nco qab txog lwm tus yog txheeb ze.
    Muaj noj muaj haus, tsis nco qab lawm xwb, mas ua plaub, plua kom tau nyiaj yuav. Ua ib cuam plaub tsis yeej lawm cuab ntxiab tos txog thaum luag tau kev ti.
    Mam muab ntxiab txhais los kom mag rau thaum muaj tshoob muaj kos, los tos txog lub caij muaj cawv xeeb cawv lav. Nce hauv toj mus cuag poj cuag yawm mam siv kom roob taus theev tsis hle, tso hem thawj rau tub ki yuav coj mus khi rau nram tswg thiaj tas.
    Tej kab lis kev cai no, poob twg los? Leej twg qhia thiab tsim los rau Hmoob siv thiab coj li no? Puas yog tus Hmoob ntshai tam tub qaug ntawd! Uas yog tus ntsuj plig phem ntawd, tsim los rau Hmoob coj!

    E. Kev sib hwm.
    Ua cas saib los mas Hmoob yuav tsis ntxim hwm thiab hlub li. Cov tub Hmoob mus yuav Mab Sua, mas tej laus cem tias, yuab pluag peb tiam. Muaj ob yam hais txog qhov ntawd:
    a.-> Qhov luag hais tias, pluag no, tsis yog pluag nyiaj txiag! Qhov kev pluag ntawd, yog pluag ncauj pluag lus me ntsis muaj tiag! Vim tej niam txiv los tej nyab tsis sib paub lus zoo. Niam txiv txom nyem siab ntsws, seev txog kev tu siab los tej nyab tsis paub niam pog txiv yawg lus, tsis paub siab yog hais dab tsi.
    Ib leeg tsis nco qab txog thiab tsis paub lus, ces zoo li tsis hnov vim sib txuas lus tsis tau. Ces yog kev pluag lawm…
    b.-> Cov ntxhais, mas Hmoob cov kab lis kev cai no txawv hlo mus deb heev lawm, tsis xws mab Sua cov. Yog ntxhais mus yuav ib tug vauv Mab, mas niam txiv cia li ywj vauv Mab cai.
    Tsis ua tshoob los hais tsis sau muaj nqi mis nqi hno li. Tsis muaj qaib los ntshav ntsej, npua los ntshav ntswg li. Los Niam Txiv cia li khaws hu ua Vauv no los tau.
    Luag coj mus luag hlub lawd kuj zoo, tus luag tsis hlub rov los niam txiv cia li cia nrog nyob. Dab kuj tsis hnov quaj qhov twg tuaj.
    Hos tus mus yuav Hmoob, mas yuav tsum ua tshoob ua kos meej tseeb pom qaib los ntshav ntsej npua los ntshav ntswg tas mas thiaj kam hu ua vauv los hu ua nyab.
    Mus ua neej tsis tsheej tsis kiab rov los, mas neej los yuav tau dab los tsis txhaum. Hos yog yuav tus Hmoob lawm, muaj sab foom khaub thuas, muaj ploj tuag, los yuav tau nqa mus tso rau nraum zoo. Vim tias tsam tub qaug dab.
    Tej no kuj tsis paub tias, txoj kab lis kev cai no, yog leej twg tsim los rau Hmoob siv. Hais ib yam ntxiv thiab! Thaum yog ib tug mab Sua tuaj txog Hmoob tsev lawm tsis muaj hmoo.
    Nws raug ploj tuag los mus nyob hauv Hmoob tsev lawm, Hmoob ntshai Mab Sua nom tswv plaub ntug. Hmoob cia li pam hauv Hmoob tsev, hais tias, yog Hmoob dab Hmoob qhua no kuj tau thiab, kuj tsis hnov dab quaj twg los tias, tub qaug dab no lawm thiab.
    3. Hmoob lub siab lub tswv yim.
    Tsawg tiam los yeej nrhiav tsis tau thiab tsis paub tias, muaj ib tug Hmoob siab ncaj tiag, yog Leej twg! Ib pab kwv tij, los ob tug phooj ywg thiab ib pab Hmoob neej Hmoob tsav.
    Sawv daws ua neej nyob sib raug zoo kawg, noj sib hlub haus sib ce. Ib lub qe txaus ob leeg noj, ob leeg koom noj siav noj nyoos ua ke. Tsis muaj koj kuv tsis paub nyob, tsis muaj kuv koj tsis paub ua.
    Thaum ib tug phooj ywg muaj hmoo, nws ua neej muaj tshaj zog, los tau koob meej zoo dua cov. Tus yeeb ncuab tseem yog yus tus kwv tij los yus tus phooj ywg zoo ntawd kiag.
    Tus yuav xa tus zoo phooj ywg muaj hmoo no mus ua neej nyob rau tub tuag teb los dab teb. Tseem yog tus txheeb ze nws ntawd ntag.
    Cov ua tsiv coj nruj ntawd saib tus muaj hmoo cuag li Nws yog dab los yog ib tug tsov txawj tom neeg. Yuav tua xub muab nws xa mus ua ntej rau dab teb tso.
    4. Hmoob kev coj hmoob ua neej.
    A. Leej twg tau ua Hmoob tus thawj neeg lawm, saib mas nws yog Hmoob tus yeeb ncuab loj tshaj plaws. Yog tua tsis tau nws, mas mus qhia los hais rau tej Mab Sua tuaj muab tua kom tau thiaj zoo Hmoob lub siab.
    Hmoob muaj ib lub tswv yim ruam ruam li no, cov nrhiav teeb meem rau tus thawj Hmoob ntawd, Nws vam txog Mab Sua muab txo kom tau. Ces Nws yuav nce los hloov tus Thawj neeg Hmoob qhov chaw nyob.
    B. Tiam twg los yog Mas Sua txo kom tau Hmoob tus thawj neeg kom puas tsuaj mus. Mas cov tom qab mab Sua yeej tsis pub kom muaj ib tug sawv tau li thiab. Los Hmoob yeej ua tsis tu ncua los li.
    Lub zeem muag no, yeej muaj ua ntu zus puag thaum twg los lawm. Xyov yog vim dab tsi li,Tus xyw no yeej nrug tsis tau mus kom deb Hmoob li.
    Ua li cas los yeej yog tus Ntsuj Plig phem uas Hmoob yeej ib txwm ntshai tias tsam tub qaug rau nws ntawd, tus hais tias tsam tub qaug thiab txhaum rau dab, yog tus ntawd,qhia Hmoob ua los xwb.
    5. Hmoob tej kev hlub.
    A. Hmoob txoj kev hlub tsis yog nrhau cag nyob hauv Hmoob nruab siab tuaj! Nws nrau cag ntawm tav los,zoo li tus cag ntoo Vaj khaum, nws nrhau ntawm ib sab ntoo los. Mam hlav mus khaub zig tsob ntoo, mam hu tau ua ntoo vaj khaum.
    Thaum sawv daws nyob ua zej zog me neeg tsawg, mas Hmoob sib hlub kawg. Pom tej yam khoom luag twb muab pov tseg lawm, los tseem mus khaws los qhia ceeb toom tias:
    Kuv khaws tau yam khoom no los, saib yog leej twg li? Thaum muaj neeg nyob coob tuaj lawd, nws mus qiv luag khoom los siv tas. Nws cia li khaws yuav lawm. Luag pom luag nug txog, nws tseem hais tias, peb yeej muaj yam ntawd.
    Tus nyob deb tuaj, mas zeem ua phooj ywg sai kawg rau tam sim ntawd. Cov nyob ze uas nws paub zoo, saib mas luag hloov tas mus ua dab los ua ntxoog tas lawm. Ntxub luag cuag li dab yuav raws tom mus.
    B. Hmoob ntuas tub ntxhais mus ua neej.
    Muaj raws li Hmoob hais zaj tshoob ntuas ntxhais mus ua nyab ntag, Koj mus ces koj qhov muag xeb, koj yuav hu lawv ua peb. Koj mus nyob qhov muag yuav txawv, ces koj yuav hu koj niam koj txiv hu ua lawv no.
    Thaum Hmoob nyob coob ua ke lawm, mas Hmoob tuaj yeem mus zeem Mab sua ua poj nyaj poj cuas. Kom tau teb los tseb maj ua ntuag.
    C.Yam uas muaj txawv nyob hauv Hmoob nruab siab.
    Hmoob hais rau Hmoob tias Hmoob ntxub Mab Sua, txog qhov kawg Hmoob hlub mab sua. Thiab Hmoob hais tias Hmoob hlub Hmoob no. Thaum sij hawm los txog,mas Hmoob ntxub Hmoob heev. Yog dab tsis lawm tiag! Puas yog Hmoob yeej coj Hmoob daim nawv los zoo li ntawd lod!
    Twv tsis tau li, zoo li Hlub kom tau caws ntxiab rau los li cas! Lub npe hu ua Hmoob no, qhov zoo tsuas yog qhov hais tias:
    Tsis pub luag tshaib plab, Tsis hais Mab Sua los Hmoob nyob kev deb tuaj txog Hmoob vaj Hmoob tsev. Pub mov rau luag noj thiab ntim su rau luag rov mus tsev.
    Yam no, mas tsuas kawg yog Hmoob, thiaj ua tau li no xwb. Mas Sua mas yuav tau them nyiaj muas thiaj tau noj.
    Hmoob li neeg tuaj txog nws tseem tab tom noj mov los hu luag los nrog noj. Hos Mab Sua, mas koj mus txog luag hais tias:
    Koj tuaj lawm no, zaum tos kuv noj mov tas tso, mam nrog koj tham, Mab Sua luag tsis paub txoj kev tshaib plab li Hmoob.
    D. Kev cob qhia tiv thaiv tsam muaj xwv txheej.
    Cia muab ib zaj piv txoj lus los piav, Nyob hauv lub tshav ncaws pob. Yog ib tug tub ceev xwm los hais Hmoob kom txav deb me ntsis tsam muaj xwv txheej raug!
    Hmoob tsuas txav mus deb li ib dos los ib tshim ntawm txoj kab xwb, ib pliag twb rov los ti nkaus ciam. Los tseem nam mus nyob dhau txoj kab kiag lawm.
    Hos tus tub ceev xwm Mab Sua los nthe, mas Hmoob txav mus deb li ib dag nkaus. Tej Mab Sua ua Nom los ua Huab Tais luag tau kav mus ib tiam.
    Hos yog Hmoob ua nom los ua Huab Tais thiab, mas tau ua ib ncua los ib vuag xwb, ua tsis tau mus kav laus los muaj. Puas yog tias, yug los ua Hmoob no, sawv daws ntshaw daim ntawv ua nom los ua Huab Tais no, dhau lawm thiaj sib txeeb saib Leej twg tau ua lod!
    Mab Sua li leej twg ua nom los yog sawv daws tus nom. Luag txhua leej txhua tus luag coj ntawv los hwm nom thiab hwm Huab Tais. Hos Hmoob li mas zoo li txhua tus coj ntawv ua Huab Tais los tib si.
    Yog yus tsis tau ua yus tus kheej, mas sis txaus siab li. Cuag li lwm tus tsis paub kev ua nom. Yus thiaj yog tus paub ua Nom, puas yog txhua tus hu ua Hmoob no nyias yeej nqa nyias ib diam ntawv nom ntawv tswv pem ntuj los, thiaj sib txeeb ua luaj no!
    Ntawv ua nom, mas Ntuj xa ib tug tuaj xwb. Los yeej poob rau nws ua peb tus nom lawm, Peb yuav tau hwm thiab txhawb kom muaj hmoo nyob ntev niaj ntau xyoo thiaj yog qhov zoo.
    Tas koj lawd, mam yog kuv, dhau kuv mus lawd, mam yog nws, ces sawv daws ua nom sib npaug sib nrawg nroos los mus nyob tiam dhau tiam, thiaj Haiv neeg sib hlub.
    E. Coj lub Tswv yim nrog kev sib hwm tsis tom thawj li no.
    Yog ib lub tswv yim tsis muaj cag thiab yog lub tswv yim dag rau Ntuj thiab rau neeg nkaus xwb. Yog lub tswv yim ncau los ntawm tus Ntsuj Plig phem los.
    Peb yuav tsum paub tias, neeg lub siab kub, tab sis neeg lub cev tsis muaj zog. Peb yuav koom siab koom zog koom tswv yim peb Haiv neeg thiaj muaj zog.
    Tus hu ua Ntuj Niam Ntuj Txi, Nws tsis tau tsim peb los nyob ua nom tas txhua tus li peb Hmoob xav no. Thiab Nws tsis tau tsim pen los nyob ua neeg twm xeeb, twm zeej.
    Ntuj tsim peb los nyob muaj niam muaj txiv, nyob muaj kwv muaj tig, nyob muaj nrog kev neej nrog tsav, koom nrog txheeb phooj txheeb ywg kom muaj kev sib ua luag kev sib pab sib nres.
    F. Kev sib hwm
    Peb txhob hwm luag nyob ntawm lub ncauj, ho ntxub tuaj nruab siab. Txhob nrhiav kev xa neeg tej ntsuj plig mus thawj thiab ua neej nyob rau dab teb. Coj thiab ua li no, mas plaub neej hais tsis tau tas, plaub dab twb tuaj txog lawm thiab.
    Yog kev khaum kev txhaum li Tej Laus hais ib txheej dhau txheej los tias. Peb yim ua kev txhaum kev khaum ntau. Mas nws yim yuav muaj ntau.
    Tej niam tej txi ua ntau dhau lawm, lawv ris mus tsis tas. Ces cov seem yuav poob los rau tej tub ki ris mus.
    Cov nyiam ua li hais no, puav leej yog ua hauj lwm pub rau tib tug ntsuj plig pem, uas Hmoob hais tias, ntshai tsam ua txhaum rau dab. Yog tus ntsuj plig phem ntawd ntag.
    Kwv tij phooj ywg zaj lus no, tsis yog tawm tsam rau leej twg li, kuv kuj yog ib tug zoo li nej sawv daws tsis txawv. Yog ib zaj lus sau los rau peb nyias kho nyias tus kheej. Koj ua zoo ces peb sawv daws yog tus zoo.
    Kuv ua phem los raug tas tuam tsood sawv daws kuj yog neeg phem tas tib si. Hos koj tau ua zoo los raug tas nrhov peb tuam tsoom yog neeg zoo, txhua tus.
    Xav mas kuj tu siab kawg lauj, tsoom npoj yaig kwv luag txhua tus.

    Sau hnub tim 12/4/2018.
    Nyob Sacramento.
    Yaj Zoos Ntxheb X.H.




    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5779
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 16 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj on 2nd August 2019, 9:31 am



    Zaj 386- HMOOB NYIAM KEV DAG.

    Nthuav lub ntsiab lus hais txog Hmoob nyiam txoj kev dag. Hmoob thiaj raug txhua tus, los lwm Haiv neeg dag rau Hmoob nyob thoob ntiaj teb.
    Saib los, mas zoo li yus twb yog neeg ruam, tsis kav yus tsab ua neeg ntse thiab muab hlob. Thiab xyaum ua neeg khav theeb.
    Tsis kam swb cov neeg ntse, muaj ib tug neeg hais yam yog los tseeb. Mas yus tsis tshuav xav mloog, Yog ib tug neeg dag, nws lam ntxhi rau yus pob ntseg.
    Mas yus ntseeg kawg, yus tseem pab mus tshaj rau luag tej hnov los qhuas tias, muaj tseeb li ntawd tiag no thiab. Yog ntseeg txog cov neeg dag, mas saib zoo li muaj qab hau kawg.
    Cuag li yog ib tug Yaj Saub nqes saum ntuj los qhia sawv daws. Tos ho hais tias, Hmoob nyiam kev dag, mas yog ib tug neeg hais dag xwb los, nws hais muaj feem ntxiag.
    Ces cov ntseeg nws coob tshaj li cov tsis ntseeg, Lo lus dag ntawd huam vam mus deb tshaj li thiab. Txoj kev dag no, nws tawg paj txi txiv ncw dua, txog qhov kawg mas cov txiv ntawd tsis muaj ib lub noob qoos li.
    Yog yuav muab ib qho tseeb los hais:
    Zoo li nyob hauv Hmoob tej kab lis kev cai, nws tsis yog Saub los Ntuj qhia los. Yus tsis paub, ces yua xav tias yuav ua li no xwb thiaj zoo.
    Ces cia li hais tias yog thiab tseeb lawm, nyob hauv ib Cuab Hmoob xwb los twb muaj ob peb hom kab lis kev cai. Los Hmoob yeej hais tias, yog thiab tseeb kawg li lawm.
    Qhia rau tej tub ki xeeb ntxwv, kom tsis pub hloov tsam dab tsis pov hwm. Ib tiam qhia los mus dhau tiam, kom sawv daws yeej meem coj li ntawd mus.
    Muaj tej cov, mas raug rau tej tus neeg siab nqaim, ua los lawm ces sawv daws cia li yoog ua los mus. Hos tej cov, mas raug kev txom nyem, vim tsawg kwv tsawg tij, los lawv raug qee leej qee tus quab yuam tsis muaj tsis muaj kev hub txaus.
    Ces nyias ua raws li nyias lub siab twm xeeb los, Ces thiaj muaj lo lus uas Hmoob tej laus hais los tias: Yog poj ua tseg yawm ua cia lawm, yuav tsum ua rawm kom dab pov hwm, ib tse 120 leej kom tau noj qab nyob zoo.
    Kev dag yog txua thiab hais tawm hauv neeg nruab siab los, kev dag feem coob tsis paub. Vim kev dag kuj coj tau qee leej sawv los ua thawj neeg, zoo li kev ua nom ua tswv coj ntug rau sawv daws.
    Ib yam kuj yog dag kom muaj coob leejqhuas txog nws. Ua neeg thoob tsib thiab ntse, los muaj peev xwm loj. Yog ib Haiv neeg ntseeg thiab nyiam dag li no, mas sawv daws yuav sib dag mus ntau tiam neeg, mas tseem yuav hloov tsis tau los ua thiab hais qhov tseeb.
    Coj lub tswv yim dag, mas ua rau Pej Kum Cuab, kawm tau yus npoj neeg ntawd lub tswv yim sai kawg. Pej Kum Cuab neeg, mas luag twb ntse mus deb heev lawm.
    Cia muab ib zaj dab neeg nrog sab sij huam los tham:
    *> Zoo li yav ntuj thaum ub,cov Hmoob Caub Fab tau hais dab neeg los. Cov Hmoob Caub Fab mus nyob saum ib lub roob siab siab muaj ib lub roob tsuas. Lawv tuam ib tug ntaiv rau lub qab tsuas ntawd.
    Lawv muab hlua los khi tus ntaiv, thaum neeg nce mus saud lawm. Lawv rub tus ntaiv nce mus tso rau saum hauv tsua, kom tsis muaj neeg paub thiab mus tau rau saud.
    Pab kwv tij nyob saud, lawv yuav ua nyuj dab. lawv tsis muaj tus txiv muam paub ua nyuj dab, lawv tuaj tos ib tug yawg uas paub ua txiv muam mus pab lawv ua nyuj dab.
    Thaum lawv xa nws rov los tsev nws hais tias, saib cov Hmoob mus ua Caub Fab. lawv tsis paub ua dab, lawv tuaj tos kuv mus pab lawv ua nyuj dab saum hauv tsua tiag.
    Ces cov Los Tsuas hnov, lawv yuam tus yawg txiv dab ntawd coj tub rog mus tua cov Caub Fab. Nws ua tsis tau tes, ces nws tau coj tub rog mus tua Hmoob. Yuam cov hmoob 50 leej, hos cov Los Tsuas 50 leej lawv muaj 100 leej.
    Cov Los Tsuas hais kom cov Hmoob ua ntej. thaum lwv sib hais kawg, lawv hais haum rau qhov ib tug Hmoob quas ib tug Los Tsuas. Ib leeg ua ntej li nees nkaum feeb.
    Cov Caub Fab pom cov tub rog tuaj, ces lawv tua ib npes tuaj rau cov tub rog. Raug ib tug Hmoob tuag kiag hos raug ib tug Los Tsuas tu taw lawm thiab raug ib tug Hmoob ob peb lub txhais.
    Pab tub rog Hmoob hais kom sawv daws kwv, tus Hmoob tuag rov los. Cov Los Tsuas lawv hais tias, lawv puav leej coj tus Phab Lev Lai.
    Mas lawv kwv tsis tau neeg tuag. Ces cov Hmoob hais kom cov Los Tsuas kwv tsis tau neeg tuag no, kom lawv hwj thiab tuav tus Los Tsuas thiab tus Hmoob raug mob los. Cia cov Hmoob mam kwv tus Hmoob tuag los
    Lawv los tau 3 hnub lawv thiaj los txog Looj Ceeb. Zaj no yog xav qhia lub ntshiab lus tias, kev dag mas luag siv tau yus npoj neeg yooj yim kawg.
    Cov neeg thiaj coj txoj kev dag no, nyob nraim rau lawv tej nplooj siab, nrauj tsis tau pov tseg mus. Mas lwm pej kum Cuab paub yus lub txswv yim zoo kawg.
    Txij no mus cov tub kawm Lwm pej Kum Cuab neeg txoj keb thoob tsib xav kom hloov txhob siv txoj kev dag no mus ntxiv lawm.
    Kuv sau zaj lus no, vim kuv nyiam thiab hlub Hmoob, kuv xav kom sawv daws tsuav yog Hmoob xwb, mas yuav nyiam thiab hlub txog Hmoob, txhob siv kev dag los rau yus npoj neeg.
    Hmoob nws yog tib hom roj ntsha zoo tib yam li yus thiab. Hu ua Hmoob no, yeej koom tib tug pog tug yawg puag thaum Ntuj tsim teb raug ntxo ntxov los lawm.
    Yog koj tsis hlub Hmoob, leej twg thiaj yuav hlub Hmoob. Yus ntsuas yus ua ntej, Yus yeej ntshaw thiab xav kom hmoob hlub yus sad yom.


    -< Yaj Zoov Ntxheb X.H.>-



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5779
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 16 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj on 5th August 2019, 12:15 am


    Zaj 387- HAIV HMOOB NYIAM LUB HWJ CHIM KOOB MEEJ.

    Haiv Hmoob muaj qhov nyiam thiab ntshaw, lub hwj chim koob meej, kom muaj hwj chim nyob nrog txhua tus. Muaj yam ntshaw nyob rawv hauv Hmoob nruab siab li no:
    Hmoob nyiam ntshaw, kom Hmoob yog neeg txawj ntse mus siab. Neeg ruam los tsab ntse li yog neeg, muaj txuj ci ua neeg tshaj lij. Kom zoo npaum li luag lwm Haiv neeg, los kom muaj tshaj plaws txhua haiv neeg tib si.
    Nyob hauv Hmoob lub tswv yim, mas Hmoob nco thiab seev txog nyob txhua tiam neeg los. Ces ua rau tsoom Hmoob nco ntsoov tias, muaj ib hnub, mas Hmoob yuav tau ua npau Suav zoo xwb xwb li.
    1.HMOOB ZAJ NPAU SUAV UAS HMOOB NTSHAW.
    Yog cov txuj ci, uas yog zoo li, Hmoob ntaub ntawv thiab Hmoob teb chaws. Los Hmoob tus Vaj, nrog Hmoob tej nom tej tswv.
    Hmoob zaj npau suav no, yeej muaj ua ntu zus nyob puag pem Suav teb los txog niaj hnub no:
    Ua ntej Hmoob cov Huab Tais, twb sawv ua ntu zus nyob Suav teb los lawm. Cov Huab Tais Hmoob no, tsawg tus sawv los ua Huab Tais, mas ua neej nyob los tsis kav nws tiam li.
    Hnov hais tias, sawv muaj Huab Tais Hmoob lawm, ces puav leej yog Hmoob. Ua tus muab Hmoob tus Huab Tais ntawd, muag rau Suav yuav nyiaj. Los kom Suav tsa tus ntawd, ua Huab Tais Hmoob tshiab. Sawv los ua Hmoob tus Huab Tais dua.
    Thaum Huab Tais laus tas sim neej mus lawm, ces Huab Tais Hmoob tshiab sawv los. Ces nws tau ua Suav tus dev raws nqaij kom Suav yeej tsov rog ib vuag los xwb.
    Los kuj tsis kav nws nyob laus li thiab, tej teeb meem zoo li hais los no. Mas nyob hauv Tsoom Hmoob Yeej tsis muaj ib tug thawj Hmoob yuav paub tab tsim dheev los qhia tsoom Hmoob txuas mus tias.
    Tsis yog raws li Hmoob txoj kev ua npau suav lawm, yuav hloov dua Hmoob lub siab los sib hwm sib pab. Mus rau yav tom ntej. Kom Hmoob tau ua Hmoob lub neej mus raws li Hmoob tus npau suav.
    2. HAIS TXOG HMOOB NTAWV.
    Hmoob ntawv, los Hmoob txuj ci. Nyob Suav teb, twb muaj 6 hom ntawv hu ua ntawv Hmoob lawm. Tsoom Hmoob nyob Suav teb, lawv hu ua ntawv Phij nyeej no.
    Cov ntawv phij nyeej no, muaj 6 hom, tab sis nyias paub nyias hom ntawv. Ib lub zos sau rau lwm lub zos, los lawv nyeem tsis tawm thiab ib pab tsis paub lwm pab li cov ntawv zoo.
    Lawv sau sib nug moo, los sau ntawv sib ua lag luam ua ke mus tsis taus. Cov ntawv Hmoob phij nyeej, kuj puav leej yog lwm Haiv neeg tuaj tsim rau Hmoob tas nrho. Vim tias Hmoob ib txwm yeej nyiam thiab ntshaw kom muaj ntawv Hmoob los ua Hmoob li tug.
    3. NTAWV HMOOB LAS TEES.
    Tus xav kom muaj cov ntawv Hmoob Las Tees no, lub tswv yim yog Txiv Plig nyiaj Pov xav tsim kom muaj. Txiv plig paub Dr Mos Les, nws yog ib tug kws, uas paub tsim tsim ntawv, los ua lwm Haiv neeg lus rau luag siv.
    Ces Txiv Plig Nyiaj Pov mus ntsib ib tug Paster nkawd sib tham ua ke. Ces lawv peb leeg thiaj tau tsim ua ke kom muaj, ntawv Hmoob. Thaum tsim tau lawm Txiv Plig thiab tus Paster nkawd tau cog lus ua kev tias:
    Wb ob leeg tsis txhob hloov, wb yuav li tau tsim los no, cia pub rau Haiv Hmoob sawv daws tau siv. Thaum lawv tsim tau lawm, muaj ib qho sau nruam tawm los.
    Yog plaub tug tsiaj ntawv no:
    Hnub- yog sau li no= Nhub!
    Hmo… Mho!
    Hlub….. Lhub!
    Hnyav…. Nyhav
    Tab si muaj kev tau cog lus tas lawm, ces sau nruam mus lawm, los koj los tsis hloov kuv los tsis zoo hloov. Thiaj cia nyob li ntawd lawm.
    Qhia kom sawv daws nco ntsoov xwb txhob hais dab tsi ntxiv lawm. Yog txhob ua nruam mus li hais no, mas siv tau raug lub suab Hmoob sib los hmoob dawb tib si lawm.
    { Lo lus no, yog Txiv Plig nyiaj pov qhia peb li ntawd.} Ob tug Hmoob mus hais lus, kom muab tau lub suab Hmoob ua tau lub cim nrov zoo. Yog Thoj Tshu Hwj thiab Yaj Txoov Yeeb nkawd, kuj hais li ntawd thiab.
    4. NTAWV HMOOB RAUG TEEB MEEM.
    Thaum tsim tau cov ntawv Hmoob Las Tees no los lawm, Txiv Plig nyiaj pov, zoo siab heev, nws kom Yaj Zam Nob hais 2 zaj kwv txhiaj thiab ob zaj dab neeg.
    Txiv Plig ua tau ib phau me nyuam ntawv, nws xa ob phau muas rau Xais Nyab Npus Lis, ob phau mus rau Luang Nam Tha, ob phau mus rau Xeev khuaag.
    Cov Kws qhia ntawv, yog co Los Tsuas, hu ua Thaj Khu. Lawv pom ces lawv tsis zoo siab. Lawv ua ib lub plaub ntug loj kawg, rau Txiv Plig Nyiaj Pov. Txiv Plig Nyiaj Pov, yuav raug xa rov qab mus rau Fab Kis teb.
    Ces Txiv Plig hais qhia Yaj Zam Nob, uas yog tus pab txhawb Txiv Plig zog kom tsim ntawv muaj los. Txiv Plig hais rau Zam Nob tias, kuv tu siab. Cov Nom Tswv Los Tsuas yuav xa kuv rov mus Fab Kis teb.
    Hos koj mas kuv txhawj koj kawg li thiab, ua rau Zam Nob ceeb tshai tas li. Zam Nob hais tias, ntawv yog koj ntawv, lus yog kuv lus. Cia saib luag yuav ua zoo li cas tuaj xwb lauj.
    Txij hnub ntawd los, ces Zam Nob ua ib tug neeg ruam, tsis paub ntawv los mus tas nws sim neej kiag. Zam Nob hais tejj lus no rau kuv, thaum peb twb mus txog Nkws Yas lawd.
    5. NTAWV LAS TEES LUB PLAUB NTUG XAUS MUS.
    Lub caij ntawd cov Txiv Plig lawv nyob ze Tub Nis Lis Foom thiab Lis Tub Ntxawg lawv. Lis Tub Ntxawg paub cov teeb meem no, Lis Tub Ntxawg yog tus kws lij choj loj thiab siab tshaj plaws nyob Los Tsuas teb.
    Nws tau hais tias, yog nws ua los ua si saib puas zoo, rau Hmoob sib xa xov sib nug moo xwb. Hmoob tsis muaj tsev kawm ntawv, yuav sib xa xov nug txog kwv tij yog ib yam tsis yooj yim li.
    Yog li ntawd xwb ces tso pov tseg, ces plaub ntug cia li tas mus lawm. Lis Tub Ntxawg yog ib tug muaj txiaj ntsim loj cawm cov ntawv Hmoob Las tees no kom neeg tsis raug txim.
    6. NTAWV HMOOB LAS TEES ROV YUG LOS DUA TSHIAB.
    Xyoo 1962. Txiv Plig Nyiaj Pov, Tub Npis Lis Foom Lis tub Ntxawg lawv nyob ua ke rau Vees Cas. Txiv Plig Nyiaj Pov hais kom Tub Npis Lis Foom, coj cov ntawv Hmoob Las Tees no, mus zwm rau Los Tsuas lub Kab Xuaag Mas Ham Thai.
    Kom cov nom tswv pub cai siv cov ntawv Las Tees no los rau Hmoob siv. Txiv plig yuav sau ntawv tshaj kev ntseeg thiab xa xov rau tsoom hmoob ntseeg ntuj nyob pen toj siab.
    Vim lub teb chaws kub muaj tsov rog cov txiv Plig mus tsis tau pem toj siab lawm. Ces cov nom Tswv tsos lus tso cai rau Tub Nplis Lis Foo thiab Txiv Plig nyiaj Pov lawv ua ntawv sau lus hmoob.
    Cov nrog Txiv plig ua muaj ntau leej, Kuv paub Lis Choj thiab ib pab tub hlus Hmoob. Lawv niaj hnub mus sau ntawv nyob hauv Tub Npis Lis Foom lub tsev, tsis tu ncua tau li ob xyoo nkaus, rau hauv Tub Npis Lis Foom tsev.
    Txiv Plig Nyiaj Pov thiaj kom kuv mus kawm thiab sau Hmoob tej txuj ci, zoo li:
    Kwv txhiaj, dab neeg, zaj tshoob, txiv xaiv foom kom. Nyob hauv Hmoob tej kab lis kev cai txhua yam uas Hmoob coj thiab siv…
    7. COV TSIS KAM TIV PLAUB NTUG.
    Cov christiane, hnov lub plaub ntug no tas, ces lawv tig los mus muab cov ntawv Los Tsuas sau thiab hais ua lus Hmoob qhia txog kev ntseeg Yes Xus lub moo zoo. Sau raws li cov tsiaj ntawv Los Tsuas, uas muaj tej tus hais tias yog ntawv Lauj Foom. Nws ua tus tsim kom muaj los no.
    8. NTAWV HMOOB LAS TEES HUAM VAM TUAJ.
    A. Lub caij thaum Lwj Txheeb Vaj Pov, muaj hwj chim ua tub rog tiv thaiv Los Tsuas teb ntswd. Cov ntawv Hmoob Las Tees loj hlob nyob Vees Cas thiab Looj Ceeb. Mas ri mus txog ntau lub zos, muaj Hmoob nyob. Uas muaj ib co Xib hwb mus ua kwv ntawv qhia me tub me nyuam hmoob.
    B. Lub caij tsoom Hmoob ua neeg thoj nam nyob rau cov yeej thoj nam, nyob Thaib teb. Hmoob sib ncaim tseg kwv tij neej tsa ib leeg nyob rau ib sab ntuj. Kuj yog cov paub ntawv thiaj xa moo tau.
    Ces Hmoob kawm ntawv Hmoob Las tees coob kawg kom tau sib nug moo. Nyob rau txhua lub yeej thoj nam nyob rau Thaib teb, los ntuj qub qab. Ces cov ntawv Hmoob Las tees no, cia li hlob huam vam nyob nrog Haiv Hmoob lub caij ntawd los.
    C. NTAWV HMOOB LAS TEES MUS TXOG SUAV TEB.
    Xyoo 1980 Txiv Plig Nyiaj Pov, mus ncig teb chaws Suav. Nws mus k aws txuj Hmoob, saib Haiv Hmoob sib ncaim tau ntau caum xyoo lawm lawv tej txuj ci paus muaj sib hloov mus li ca lawm!
    Cov Hmoob nyob rau cov teb chaws Koos Sam kav, mas tsis yooj yim rau Hmoob. Hmoob tej txuj ci poob lawm ntau heev. Cov siv kab lis kev cai Hmoob los tshua me ntsis lub ntsiab ntau lawm xwb.
    Kab kev tsis muaj ntau, sawv daws ua yooj yim, tsis muaj caij nyoog txaus li xav ua. Ces kuj poob lawm ntau, thiab ho txua qee yam tshiab. Muab Mab Sua txuj los dhos qee yam ntxiv ces sib txawv me ntsis tuaj.
    D. NTAWV HMOOB LAS TEES RI MUS TXOG SUAV TEB.
    Xyoo 1983-84, Txiv Plig Nyiaj Pov, wb mus pem Suav Teb.
    Wb coj phau ntawv A E T, mus luam nyob Khib meej rau cov tsoom Hmoob nyob Paj tawg Lag. Leej twg kawm tau txawj nyeem sau tau, ces nug tau kev tij thiab sib ua lag luam tau.
    Nrog cov kwb tij Hmoob, nyob pej kum teb, yog lub caij ntawd Txiv Plig thiaj muab cov ntawv Hmoob Las Tees no hu ua ntawv Hmoob thoob teb. {Ua R P A no.}
    E. TAU HMOOB PUAV PHEEJ LOS.
    Txij li xyoo 1980 los txog 88, ces thiaj ua tau phau ntawv hais txog Haiv Hmoob Liv Xwm, sau tau los ua phau ntawv, uas peb sawv daws tau pom ntawd.
    Thiab tau zeem paub txog ntau leej Hmoob muaj koob meej nyob rau Suav teb. Cov Hmoob nyob rau Cob Tsib teb lawv hnov thiab muaj neeg mus tsham lawv ces lawv kuj tau sib qhia.
    Cov ntawv Hmoob thoob teb R P A thiaj tau huam vam mus txhua nrho rau tsoom Hmoob nyob thoob qab ntuj no.
    F. COV NTAWV PHAJ HAWJ.
    Xyoo 1968 kuv mus txog pem Looj Ceeb, kuv tau mus ntsib peb tus Kwv Tij Yaj Soob Lwj. Kuv tau mus saib nws ib zaug. Kuv pom muaj ntau leej Hmoob tuaj thov ib daim ntawv, ntawm Yaj Soob Lwj, sau mus rau Hmoob dai rau ntawm qhov rooj.
    Coj mus zov tsev kom, txhob muaj dab tsoj tsuag los paug tsev. Hmoob sawv daws ntseeg li Yaj Soob Lwj yog ib tug Saub txawj ua hwj huam los tiv thaiv dab.
    Thiab thaiv tej xwv txheej pab kom neeg tau nyob zoo. Txhob ntshai dab los ntshai xwv txheej tej ntawd.
    Tsis paub vim li cas, nws ho tshais chaws mus nyob rau sab tim Pham Qhaum. Nws mus ua tsev kheej thiab qhia txuj ci li cas! Ces nws tau raug teeb meem ces nws txoj sia tas nyob rau tid lawm.
    G. NTAWV PHAJ HAUJ HLOB TUAJ.
    Yog xyoo 1977 -78 ntawd Paj Kaub Hawj tuaj txog Vib Nais. Nws tau pab kom cov ntawv Phaj Hauj no, loj hlob nyob rau Vib Nais thiab nyob rau sab pem Roob Tsua Ntuj.
    Lawv kuj nrhiav tau keeb kwm Hmoob, los hais zoo tas zog li thiab. Lawv kuj muab tau chiv keeb,Hmoob kev ntseeg txheej thaud los tshaj tawm. Kuj muaj tej yam tseem ceeb kawg thiab.
    H. Hmoob kuj tseem muaj dua ib co ntawv, hu ua ntawv paj ntaub no thiab. Nyob ze xyoo 1982-83 ntawd Xyooj Zeb tau coj mus qhia nyob Sauv teb ib zaug.
    Hais tias, cov ntawv Hmoob Paj Ntaub no, poob pem ntuj los. Txij thaum ntawd los, kuv tsis hnov ntxiv lawm, cov ntawv Paj Ntaub no, loj hlob mus txog qhov twg thiab huam vam txog neeg coob npaum li cas lawm.
    I.Lo lus kawg kuv hais tias, peb Hmoob yuav muaj tsawg hom ntawv los tsis ua li cas li. Ntawv yog txuj ci xwb, ntawv tsis ua yeeb ncuab coj neeg los mus sib tiv ua chaws sib dub muag, los sib cav sib ceg.
    Leej twg xav kawm hom ntawv twg nyias kawm raws li nyias nyiam. Ntawv yog tus niam qhia kom neeg muaj kev txawj kev ntse los pab neeg. Tus nyiam li cas, cia nyias kawm nyias, ntawv yeej yuav qhia kom neeg thoob tsib to nrog tuaj xwb.
    Txhob mob siab rau kev sib thuam tsis yog tus cai Hmoob yuav sib tawg tsis ua kwv ua tij, los ua neej ua tsav. Txhob mob siab txog tej no.
    J. Txheej thaud laug tsis muaj ntaub ntawv, luag xav sau. Ces luag sau duab neeg, duab tsiaj, los duab xyoob ntoo. Luag twb nyeem tawm tau los ua lus qhia.
    Ntev los puag tom qab no, mam muaj neeg tsim tau cov ntawv los, muaj 4 Cuab ntawv:
    A.CUAB NTAWV GRES,YOG THAWJ CUAB NTAWV.
    Muaj Cuab ntawv Gres tas, mam hloov los ua ntawv Las Tees. Lis cov neeg nyob sab hnub poob lawv siv Xws li cov neeg Aws Los Pas. Thiab sab As Mes Lis Kas thoob plaws qaum teb mus ti nkaws rau qab teb.
    Sawv daws sau ib yam tsuas yog nyias hais nyias lub suab lus sib txawv los tsuav yog ua tau txuj ci zoo. Leej twg xav paub thiab txawj, nws yuav tau kawm kom paub tej lus los suab sib ntawv thiab suab hais mus li cas thiaj yog raug rau luag hom lus.
    B. CUAB NTAWV PAS LIS.
    Yog cov ntawv uas lawv sau tej tus, txwm ntawv nkhaus xws li cua nab, los nqe lauj, los zoo li tej tus kub ntsiaj. Muaj ntau Haiv neeg siv cov tsiaj ntawv Pas Lis no coob kawg li:
    Txij His Xas Lais los thoob plaws rau cov ib suam teb chaws sab ped sab nrad los rau As Xis teb, ib nrab. Cov khej dawb khej dub los rau thaib Khas Npaus Dias, Los Tsuas tej tsiaj ntawv ntawd twb puav leej yog cov Tsiaj ntawv Pas Lis tas nrho.
    C. CUAB NTAWV SUAV.
    Thoob plaws Suav teb, Cob Tsib, Kaus Lim, Zis Pee, Hmoob Yav ntuj thaum ub. Ib nrab, sawv daws twb siv Cuab ntawv Suav tib si.
    Cov Haiv neeg tsawg pheej khiav ua noj raws zoo nuj txeeg, ces plam kwv tij cov paub ntawv mus deb lawm ces thiaj tsis paub tsis txawj ntawv lawm. Ces thiaj muaj tej haiv neeg tsis muaj ntawv ua nws li puav pheej lawm xwb.
    D. KEV TSIS SIB RAUG ZOO.
    Ua li mas tsis yog ntawv ua yeeb ncuab coj neeg ntiaj teb kom tsis sib raug zoo. Ntawv yog txuj ci, ntawv yog kev txawj kev ntse, kev ua neeg thoob tsib.
    Txhob siv cov ntawv no los sib tawm tsam ua kev sib ntxub kom muaj xaiv muaj lus coj neeg sib ncaim mus nyob li dab tsis sib thooj, ces tsis muaj kev sib hlub.
    Ntawv tsis yog txoj kev, yuav sib ncaim sib tawg, tsis sib zeem ua kwv ua tij. Ntawv yog lub tswv yim rub neeg txhua pab txhua xeem lus los ua kwv ua tij sib txheeb.
    Kom ua tau lub neej nyob kaj siab lug, xav txawj xav paub ces yuav tau kawm kom paub thiab ua tau phooj ywg, mus thoob plaws txhua Haiv neeg.
    Haiv Hmoob muaj txog 7-8 hom ntawv los tsi ua li cas li, tsuav yog nws muaj ib hom txuj kav nws lub siab lub tswv yim ces hais tias nws yog neeg muaj txuj no lawm xwb.
    Lo lus kawg nyob hauv zaj lus kuv sau no, yog qhia tseeb tias ntawv tsis ua ib tug yeeb ncuab rau koj los rau nws li. Ntawv coj peb txhua tus los ua Phooj ywg txheeb ze.
    Mab Suas twb ua tau zoo tas nrho, txhob mus muab Hmoob li ntawv los ua teeb meem. Peb los saib Hmoob cov dab qhua thiab cov xeem Hmoob saib, ua ib nyuag txawv lawm twb hais tias tsis txheeb ze lawm no. Tej lus xav no, yog tawm ntawm neeg nruab siab los thiaj ua tau li ntawd lawm.
    Txhob yoog mus raws li tej dab qhuas, uas Hmoob teev tiam los, thiaj yog txoj kev txoj cai hais tias Hmoob yog ib tsob. Zoo li yog caj hlav ces ncau ua ke los xwb.
    Txawm kev noj haus tsis vam meej, los lub siab ntsws ua kwv ua tij sib raug zoo, sib hwm lawm ces vam meej nyob nruab siab yog qhov tseeb thiab zoo lawm.

    Sau nyob Sacramento,tim 18/6/2018.
    Yaj Zoov Ntxheb X.H.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5779
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 16 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj on 16th August 2019, 6:33 am


    Zaj 388- HMOOB LUB TSWV YIM THIAB HMOOB KEV NTSEEG.

    Hais txog Hmoob lub tswv yim thiab Hmoob kev ntseeg, mas Hmoob ntseeg txawv tshaj tas nrho lwm Haiv neeg, uas lawv muaj kev ntseeg!
    Hu ua kev ntseeg, mas Hmoob ntseeg tas nrho, txhua yam hu ua kev ntseeg. Hmoob ntseeg tas nrho, li kev ntseeg dab mus nto plaws saum kev ntseeg Ntuj. Hmoob tsis xaiv yam twg li, nyob hauv kev ntseeg:
    1.Hmoob ntseeg cov dab qhuas uas poj ua tseg, yawm ua cia tib si los, rau tas nrho ntseeg cov dab nyeg thiab dab qus. Hom yuav pov hwm tau Hmoob, los cov dab dab yuav ua tau xwv txheej rau Hmoob tib si.
    Cov yuav pov hwm tau Hmoob, mas Hmoob thov thiab vam khom lawv pov hwm, kom Hmoob tau noj qab nyob zoo. Rau sab uas txhob raug plaub raug ntug, los raug xwv txheej kom hmab txhob dawm tes hlua dawm taw.
    Hmoob ntseeg tias, txhob ua tub qaug rau dab, los tub qaug rau Ntuj.
    2. Yam twg tsim nyog saib tias, muaj hwj chim, Hmoob ntseeg thiab hwm lawv ua ib co dab muaj zog, los ntseeg ua koob hmoov pov hwm pab Hmoob daws kev txom nyem los kev tsaus ntuj.
    Zoo li tej tsob ntoo loj Hmoob hu ua ntoo xeeb, Los ntseeg txog tej Zeb, los Tsua loj thiab khov. Hmoob ntseeg tias, tej ntawd yuav pab pov hwm Hmoob kev ntshai raug kev txom nyem, kom tau yeej tej dab ntxoog dab tsov tsis huv nyob rau nruab zoov nruab tsuag.
    3. Hmoob ntseeg txog tej neeg laus hais lus zoo, muaj koob hmoov. Thiab lawv hais lus tseeb li yog Yaj Saub, muaj Ntuj kev thoob tsib paub Ntuj lus. Los paub txog kev phem kev zoo, nyob hauv neeg lub neej.
    Lawv txawj tsom mus txog neeg tej nruab siab, paub neeg nruab tswv yim. Txhua yam yuav tshaj tawm los ua lus tseeb thiab yog lus cuav.
    4. Hmoob ntseeg cov thawj neeg siab ncaj hais lus tseeb, zoo li cov Hmoob hu lawv ua cov txiv muam. uas yog cov txawj teev dab teev qhua.
    Los cov txiv neeb, txawj saib yaig los ua neeb kho neeg tej kev mob nkeeg. Txawj hu plig, los ua khawv koob daws dab. Lawv txawj cais tau neej rau neej teb, cais dab nyob rau dab chaw.
    5. Hmoob ntseeg cov txawj saib kab tes, rau cov neeg txawj saib hnub xam nyoog. Mus rau saib cov paub saib sij hawm, kav hnub kav hmo.
    Thiab txawj saib cov tsiaj kav hnub, kav hli, los kav xyoo. tus muaj muaj txoj hmoov zoo, los hmoov phem. Nws yuav muaj hmoo, ua neeg zoo los ua neeg txom nyem.
    6. Hmoob ntseeg cov Hauj Sam coj Phus Thas kev cai, Txawm Hmoob tsis coj Hauj Sam kev cai. Los Hmoob mus txog, Hmoob yeej pe hawm thiab thov koob hmoov.
    Los mus saib hmoov puas zoo, yuav raug teeb meem xwv txheej los yuav muaj kev mus dawb huv, mus raws lub neej kom kav laus!
    7. Hmoob kuj ntseeg tias, Ntuj yog tus tsim ntuj tsim teb, tsim Noob Neej los nyob ntiaj teb no. Tsim Neeg los rau tej tsiaj txhu los tej me kab ntsaum puav leej yog Qaum Ntuj me nyuam:
    Thaum kuv muaj li 6 xyoo peb mus khawb kab npis, thaum khawb mus txog tau ua hlau raug tus kab npis ntawd tu duav lawm.
    Peb tau muab pov rau saum ntuj, hla yus taub hau mus rau tom qab. Kuv tau hais tias: Qaum Ntuj au! Yog koj me nyuam koj txais mus aud! Vim tej laus qhia yus hais li ntawd.
    8. Hmoob ntseeg tias, zaj yog tus loj muaj hwj chim nyob ntiaj teb no, hos Xob yog Ntuj tus tub txib nyob saum ntuj. Txhob ua kev txaum, rau leej twg,tsam muaj kev khaum ces Xob tua, los Zaj nqos no.
    Hmoob tsis ntshai dab tsi li, Los Hmoob ntshai kev ua txhaum tsam raug kev khaum. Ces Hmoob raug txom nyem, los ntawm kev khaum los: Ces yus dig muag, los lov hlaub lov ceg thiab lov duav mus.
    9. Hmoob paub txhua yam kev ntseeg zoo kawg, Hmoob tau muab Hmoob tej kev ntseeg no, los khav ua neeg muaj txu ci siab tias: Yus paub txhua yam txuj, Ces yus cia li ua ib tug neeg. Tsis ceev faj thiab xyuam xim.
    Yus muab ntxeev los ua kev khav theeb mus, ces yus muab khav, los ua txuj ua ci. Muaj hwj chim nrog dej caw. ua phooj ywg. Ces dej caw coj yus mus, ua ib tug neeg tsis meej pem.
    Cov dej caw sawv los lom yus kev ua neeg thoob tsib, kom yus mus ua neeg ruam. Tsim kom muaj kev khib kev cib nyeej rau luag lwm tus. Ces sawv daws thiaj muaj tus dab xam khib thiab Cib Nyeej no, ua sawv daws tu kev ua phooj ywg mus thoob plaws rau qab zej hauv zos txhua.
    Yog tsis muaj noj muaj haus, kwv tij phooj ywg zoo kawg. Tos txog hnub muaj noj muaj haus ces tus phooj ywg kev khib kev cib nyeej no sawv los rov los rob caub. Tsis muaj kev tu ncua mus.
    10.Hmoob kev tsis sib raug zoo, nws los ntawm kev puas tsuaj. Nyiam siv dej caw ua phooj ywg los! Ces tus yeej, nws muaj kev zoo siab, tus swb nws muaj kev cib nyeej khaws tseg.
    Ces Hmoob tsis nco qab los kho Hmoob tej kab lis kev cai kom zoo npaum li hmoob ntseeg thiab Hmoob tso siab rau ntawd los.
    11. Muaj pes tsawg tiam los lawm, los, Hmoob tseem nyiam pw rawv hauv tus phooj ywg cawv xyob txhiaj no. Tej laus nco ntsoo piav dab neeg rau tej hluas tias, kom nco ntsoov txog tus dab vwm cawv no. Muaj kev cib nyeej rau rau neeg khaws cia.
    Ib tiam ua los dhau tiam, sawv daws tsuas qhuas txog. Tus dab cawv vwm no, coj kev ua yeeb ncuab los. Kom muaj kev cib nyeej tsis nco qab txhim kho yus kom ua neeg zoo tuaj.
    12. Ces Hmoob poob rau txoj kev saib poj niam txiv neej muaj vaj haum sib luag, tsis nco qab txog tias, thaum muaj ib rooj noj rooj haus.
    Tsoom Txiv neej cov thawj neeg los cov thawj qhev lawv nce mus zaum ib lub rooj noj muaj hwj chim, noj nqaig haus cawv nrog tus dab cawv vwm.
    Hos tsoom poj niam tsis hais, tus poj nom los poj qhev lawv muaj hwj chim sib luag. Zoo li ib pab poj qhe tas tib si, lawv mam noj, mam kheeb tsoom txiv neej cov kua hwj txwv uas lawv tau noj yaug ncauj yaug lo ntawd xwb.
    13. Vim Hmoom tsis muaj kev ras txog kom sawv daws nyob sib txig sib luag. Cov poj niam txawm lawv ntse thiab ua neeg thoob tsib, los lawv tsis muaj cai hais dab tsi li, nyob twj ywm li yog tus poj ruam tsis muaj txuj.
    14. Hmoob tus dab cawv vwm no, coj Hmoob tsaug zog nyob hauv kev ua neeg thoj chim, rau luag tej ntxhais ,los tau ntau puas xyoo lawm. Los Hmoob tseem tsis tau xeev ras tawm los ntsia txog tias:
    Hmoob kev vam meej txawj ntse uas coj pem ntuj los. poob mus khuam rau sab qab ntuj twg lwm!
    15. Hmoob tej kev txawj kev ntse ua neeg thoob tsis tsis nyob hauv kev nrhiav lub neej kom txawj qhuab qhia tej hlob los tej yau ua noj ua haus kom sib raug zoo nyob vam meej mus xws li tej Mab Sua.
    Cuag li Hmoob kev txawj ntse ua neeg thoob tsib, mas tsuas muaj nyob hauv lub rooj noj rooj haus xwb. Leej twg paub tus txheej txheem cawv vwm no, nws yog tus ntse thiab thoob tsib tshaj sawv daws.
    16. Vim Hmoob sawv daws cov tau ua thawj neeg, txhua tus pw rawv hauv tus dab vwm cawv no. Mas cov tub txawj tub ntse txheej tshiab no.
    Lawv thiaj tsis xav paub Hmoob cov kev cai coj noj coj ua, nyob hauv Hmoob lub ntees tshoob, ntees kos. Los saum lub ntees ploj ntees tuag!
    17. Thaum muaj ib rooj noj rooj haus, cov tab qhua yog Hmoob cov poj niam. Thaum noj cov thawj neeg los cov qhev hu ua txiv neej lawv noj ib rooj.
    Hos cov poj niam tsis muaj leej twg paub tias, yog poj nom los poj qhev, lawv sawv daws kee cov txiv neej kua hwj txwv uas luag twb raus kua hwj txwv yaug yaug lo dhau los lawd, lawv mam noj.
    Tsi muaj leej twg yuav nco txog tias, sawv daws muaj vaj huam loj sib luag li. Yuav kom peb Haiv Hmoob nyob muaj meej, mas yuav tau kho tej hais no. Kom haum raws li kev vam meej thiab saib neeg muaj tsim ib yam.
    18. Nco ntsoov tias, cov uas tau tuav Hmoob lub hwj chim kom Haiv neeg Hmoob tseem muaj npe nyob, yog cov poj niam Hmoob.
    Lawv tseem tuav tej qauv paj ntaub tsoos tsho kom luag paub tias, muaj Haiv neeg Hmoob mas yog lawv! Yog cov poj niam Hmoob tsis ceev Hmoob tej txuj cia li hais no tseg. Mas Hmoob twj ploj tas los lawm ntxov ntau pua xyoo lawm.
    Kom nco ntsoov tias, peb tseem yog Hmoob muaj lub hwj chim no tseg. Hu ua Hmoob, los txog niaj hnub no. Yog cov poj niam Hmoob uas poj qhev no ntag! Mab Sua thiaj teem paub tias, muaj ib Haiv neeg hu ua Hmoob no!
    19.Hais txog Hmoob txuj ci los ntawm Hmoob kev coj thiab ntseeg los. Mas muaj yam zoo tas nrho ua Mab Sua yeej tsis muaj li.
    Yam tsis zoo yog Hmoob tsis kho kom zoo tuaj raws li txoj kev vam meej. Ces Hmoob cov txuj ci mus zwm rau kev khib thiab Cib Nyeej, ces cia li tsaug zog nyob hauv tsis txawj tsim los li xwb.
    20. Kev khav teeb ua neeg muab hlob thiab nyiaj txiag muas tsis tau phooj ywg. Tsuas yog txoj kev muas tau kev cib Nyeej kev ntxub ntxawg los, kom yus niaj hnub xav saib yuav hais li cas ua li cas kom yus yeej luag.
    Txoj kev yeej ces yos leej twg xub ncaim ntiaj teb no mus, ces nws yog tus xub tau yeej. Vim nws yog tus xub tso tej kev Cib Nyeej kev ntxub ntxawg tseg mus ua ntej dua luag, ces nws yeej lawm, vim nws tsis muaj kev tsim ntxiv thiab nws tsis hnov ntxiv lawm.
    21. Xav kom tag kis xwb peb ras thiab los hloov tas nrho mus. Kom Hmoob yog Haiv neeg vam meej muaj txuj ci. Rau Mab Sua yoog thiab kawm mus txuas ntxiv rau yav tom ntej.
    Vim Hmoob yeej yog ntiaj teb ib Haiv neeg xub muaj tuaj nyob ntiaj teb no, ntxov ntxov li keeb kwm hais muaj los. Hmoob yuav hais cov lus kom yog lus Hmoob.
    Txawm txuam me ntsis lus Mab Sua los yog cov lus zoo nkauj. Txhob hais tej lus dog dig li cov me nyuam Hmoob hias thaum lawv pom tej pog tej yawg tuaj txog. Lawv hais ib co lus dog dig tias:
    Aib pog thiab Aib yawg tuaj lawm, pom tej nyuj twm los cia li hais tias: Niag aib nyuj aib twm los aib qaib nyob ntawd naj!.
    22. Luag cov Mab Sua luag kawm lus Hmoob los, luag tseem nrhiav tau cov lus Hmoob zoo thiab muaj lub ntsiab zoo los tham thiab qhuas txog tej laus los Hmoob cov lus zoo nkauj.
    Yog ua li hais no, mas peb cov tub txawj tub ntse mus kawm Mab Suav txoj cai tiav los txog. Lawv tsis xav mloog thiab hais peb Hmoob cov lus. Vim yog ib co lus tsis muaj ko thiab tsis muaj txoj kev cai zoo, li tej laus tej laus coj los
    Kwv tij zaj lus no sau los sib qhia peb sawv daws kom peb hwm peb Hmoob lub tswv yim thoob tsib thiab Hmoob li txuj ci yog ib co txuj ci zoo, nyob ntxov ntxov los lawm.

    Sacramento Tim19/7/2019. Yaj Zoov Ntxheb X.H.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5779
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 16 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj on 23rd August 2019, 5:45 am

    Zaj 389- TSHUAV TUS DAB NROG TUS XYW.


    Muaj raws li, Hmoob ntseeg los tias:  Muaj tus dab zov tsev, muaj tus xyw  raws neeg lub cev.  Lo lus hais tias, muaj tus dab zov tsev, muaj tus xyw raws neeg lub cev.
    Lo lus no, txhais los, mas muaj ntau yam, raug lo lus nyob hauv Hmoob tej kev xav thiab Hmoob ntseeg!
    1. Saib los rau saum ib nkawm niam txiv, uas nkawd ua neej nyob tsis kav laus. Ib tug tau dua nras mus lawm, tseg ib tug nyob ua ntsuag.
    A. Yog tus leej Txiv ua tus ncaim mus lawd, tsis muaj tus dab pov hwm tsev lawm. Ces tej txiv neej nruab zej zog saib tsis tau, luag tuaj xauj qhov vaj qhov tsev, kom nrhiav kom tau chaws los so taw rau leej niam.
    Luag xav tias ntshai yuav nyiam thiab ntshaw ua nkauj ua nraug cuag li luag ntshaw.  Tuaj ua dog dim yam saib tsis taus, muab kev phem kev zoo los hais kom swb cev mus .
    Ua rau zej zog kev txheeb kev ze, ua lub chaw ntxub kom tsis paub nyob.  Ua rau lug tau txaj muag, npua kev ntxub loj tshaj li tej neeg txom nyem npua khaub hlab.
    B. Yog seem rau sab poj niam, ho xub duas nras ua ntej lawd, tseg Leej Txiv nyob rov tom qab.   Los tsis muaj tus poj niam, nyob roos ua pov haum pov hwm.
    Ces Leej txiv  nws ntshaw luag txij luag nkawm, kom muaj kev sib ua luag thiab.  Thiab ua neeg muaj hmoo  koom ib txoj kev taug, xws li luag  mus ua qoob ua loo  kom muaj noj muaj haus xws luag.
    Ces nws nyob tsis tsheej ua ib tug txiv tsev zoo, ces nws lub siab yuj plaws ntshaw  muaj tus niam tab cuab.  Ces nws yuav tau tawm rooj mus kov tej nkauj  lig nkauj ruag, tsis txawj tab cuab.
    C. Tus muaj hmoo, ces tsis tau plaub tau ntug, los coj tau kev xyob txhiaj, kev txhawj xeeb. Rov muaj leej tab zag los ua niam tab cuab.
    Tus tsis muaj hmoo, Ces coj nws musn saws vij txij vij nkawm los tshob cuab. Haj yam muaj xaiv lus plaub ntug ntau nrog kev xyob txhiaj.
    Ua lub neej lwj siab nrog kua muag, kev neej los thuam, kev tsav los ntxub. Cua li hmoov phem los raws tau li.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5779
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 16 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj on 28th August 2019, 5:39 am



    Zaj 390- KEV NCO TXIAJ NTSIM.


    Peb Hmoob sawv daws, yuav tsum nco tias, peb ua neej nyob. Peb tau muaj txiaj ntsim los ntawm luag lwm tus los dua lawm.
    Tsis hais tiam neeg twg li, yeej muaj tiam dhau tiam los lawm. Raws li tej laus thaud uas lawv coj ua coj noj tau hais los.
    Hmoob yeej kheev hais lo lus tias, yog poj ua tseg yawm ua cia no. Txhua yam twb tawm muaj nyob hauv Hmoob tej lus hais los tas tib si lawm!
    Nyob hauv Hmoob li txuj ci,tej kab lis kev cai thiab kwv txhiaj, nkauj los paj ntsha lus taum, twb muaj. Keeb kwm kwv huam , dab neeg tiam dhau tiam los yeej hais txog.
    Lo lus hais kom nco txiaj nco ntsim no, yog hais tias, kom hwm txhua yam zoo uas koj muaj yog koj tug ntau tiam thaud, txog nyem no los yuav tau hwm ntxiv mus.
    Txhob muab txua mus ua lwm yam kom yog qhov tsis tseeb:
    Txhua yam nyob hauv Hmoob nruab siab,mas zoo li yog tseeb tas txhua yam! Tab sis lo lus thiab kev coj tsis muaj tseeb li lub siab xav tau tawm los!
    Lub zim txwv no, yam tseeb muab hais ua qhov tsis tseeb. Yam twb yog cuav, los muab hais ua qhov tseeb. Yam tsim nyog caiv, los Hmoob tsis caiv lawm. Yam twb tsis tsim nyog caiv, los Hmoob hais tias, yuav tau caiv thiaj zoo.
    Hmoob yeej ib txwm hais tias, Hmoob muaj ntawv nyob Suav teb. Yog Suav muab Hmoob ntawv nrhuav tas lawm. Hmoob cov poj niam thiaj muab zais tau rau hauv cov poj niam lawv tej txwm paj ntaub:
    Zoo li cov paj ntaub qwj, paj ntaub nrhia, paj ntaub laug los paj ntaub hais ntawd lawm xwb. Hmoob nyiam thiab ntshaw ntawv Hmoob npom li no.
    Nyob rau Suav teb muaj ib co pej kum neeg, tuaj mus ntsib Hmoob. Lawv nrog Hmoob ntaus phooj ywg. Lawv paub tias, Hmoob tsis muaj ntawv.
    Lawv twb tsim tau 6 hom ntawv Hmoob rau cov Hmoob Suav siv lawm. Muaj me ntsis teeb meem xwb li: ib pab nyob ib lub zos, sau tuaj los lwm pab, nyob lwm lub zos. Lawv nyeem tsis tau, cov ntawv Hmoob ntawd, pw tsaug zog nyob tau ntau xyoo mus tsis txog rau qhov twg li. Dhau xyoo 1975 mus lawm. Mam muaj neeg coj cov ntawv Hmoob thoob teb mus txog Suav teb.
    Thawj pab neeg kawm tas, lawv sau ntawv mus nrhiav tau kwv tij, sib noog moo tau. Thiab lawv sib ua lag luag tau mus thoob plaws rau Mes Kuj, Fuaj Kuj, Thaim Kuj thiab cob tsib teb.
    Ces cov ntawv Hmoob thoob teb no thiaj tau hlob vam meej li sawv daws paub no.
    Peb hom ntawv Hmoob sawv nyob Los Tsuas teb. muaj keeb kwm los li no:
    A. Cov ntawv Hmoob thoob teb uas muab ntawd Las Tees los txua ntawd. lawv tis lub npe hu ua ntawv Hmoob thoob teb. Lub npe Fab Kis los As Me Lis Kas hais tias ntawv R,P A no.
    Cov pab tsim ntawv Hmoob R.P.A muaj peb leeg:
    Tus xav tsim kom muaj ntawv Hmoob,nws lub tswv yim nyiam pab Hmoob. Yog Txiv Plig Nyiaj Pov, Xeem neeg Fab Kis. Nws lub npe Fab Kis yog Yve Bertrais.
    Tus nrog pom zoo thiab xav kom muaj ntawv Hmoob yog ib tug Paster ChristianenXeem neeg Mes Kuj. Tus txawj tsim ntawv yog ib tug neeg Xeem His Xas Lais. Nws yog ib tug Dr Lunguish. Nws lub npe hu ua Dr Smolet. Tej zaum kuv yuav sau lub npe tsis raug li lawv sau.
    Hos ob tug tsim ntawv Hmoob los sib law sib liag nyob rau Los tsuas teb.
    B. Tus txua cov ntawv Hmoob Phab Hauj, luag hais tias, yog Yaj Soob Lwj. Lub caij tsoom Hmoob nyob Los Tsuas teb, ua ntej yuav poob mus ua neeg thoj nam.
    ces nws raug Hmoob tua tuag nyob Los Tsuas teb lawm. Nws cov ntawv tau khiav nrog cov neeg tawg rog los rau Thaib teb thiab tuaj mus huam vam nyob rau Mes Kuj teb li peb paub no.
    C. Hos tus muab ntawv Los Tsuas los txua ua ntawv Hmoob, luag kuj hais tias, yog Lauj Foom. Cov ntawv Los tsuas no txij li Hmoob tawg rog ces cia li nrog Hmoob kev tawg rog ploj qab ntais lawm tsis paub puas muaj neeg tseem txawj siv.
    Zaj keeb kwm Hmoob muaj ntawv no, tsis yog sau los sib thuam ua kev sib ntxub rau ib pab los ib pawg twg. Sau los hais tias:
    Txawm yog li cas los xij, Tsuav yog ib yam twb tau muaj nuj nqes rau Hmoob los lawm. Mas Hmoob yuav tsum hwm thiab nco lawv tej txij ntsim kom muaj nyob mus li.
    Zoo li Hmoob tej kab lis kev cai, Hmoob twb nco ntsoov ua txhua yam los txog li lub zwj ceeb niaj hnub no. uas Hmoob twb tsis tau muab pov tseg. Dab tsi, thiab yam twg los twb coj Hmoob los tsim txiaj li no lawm.
    Ua rau Hmoob txhua tus twb ntse mus ib theem siab. caum tau tej Mab Sua sib nrawg lawm. Tsis txhob mom luag lub txheej thiab niaj hnub sib cav siv ceg tias, koj npab los nws vwm no mus ntxiv lawm.
    Tej lub xeem los tej pab pawg neeg, cov Koom Haum los tej qub nom qub tswv, los nom tshiab. ib leeg txhob mus tib ib leeg tias, yog tsis ncaj ncees los tsis zoo.
    Lawv ua nom ua tswv nrog Mab Sua tswj Mab Sua teb chaws. los lawv tej txiaj ntsim koob hmoob twb tau pov hwm sawv daws sawv ciaj neeg tsim txiaj los mus lawm ib theem siab li no.
    Txhob mom luag tej txiaj ntsim ntawd, tom qab txog tej tub ki los tej xeeb leej xeeb ntxwv, lawv sawv los, mas lawv thiaj muaj hwj chim tias:
    Hmoob ib txwm nyob qhov twg, lub teb chaws twg, los Hmoob yeej yog neeg zoo, muaj laj lim plab plaw thoob tsib nrog Mab Sua tswj teb kav chaw.
    Dab qhua txawm tsis zoo, los twb, pov hwm Hmoob huam vam mus thoob qab ntuj khwb lawm. Leej twg, coj hom twg, hais li cas, los tsuav yog coj kom Hmoob zoo xwb txhob sib cav sib ceg tias:
    Koj cov niam phem npaum ub npaum no. Kev ntseeg sawv daws ntseeg yog nrhiav kev ncaj ncees, qhov zoo nkaus xwb. Tos muaj qhov phem tawm los, tsis yog kev ntseeg coj ua tawm los.
    Yog tus tib neeg coj ntawd, nws tsis paub tshab los nws coj yuam kev lawm. thiaj tawm qhov tsis zoo los. Ib leeg txhob hais, koj yog neeg npab los nws yog neeg vwm.
    Yog peb sawv daws hais li ntawd, ces peb Hmoob sawv daws npab thiab vwm tas tus, tsis seem ib tug nyob twg uas nws yog neeg zoo, tsis npab tsis vwm li.
    Cno ntsoov Hmoob lo lus hais tias: Tub txawj los tshuav ib qib. Hos Nkauj txawg los tshuav ib rau sawv daws yeej paub tsis tas li od.
    Cov thawj neeg tsim Hmoob ntawv nyob Suav teb, cov thawj neeg tsim ntawv Hmoob nyob Los Tsua teb. Cov qub nom qub tswv nto moo nyob Suav teb Cob Tsib teb los Tsua teb los Thaib teb.
    Dhau li Yawg Hlob Vaj Pov lawd, cov niam cov txiv nws khiav nws tuaj txog. Mes Lis Kas teb, Fab Kis teb, Uastralias teb, lub twg los tsis hais li, nco ntsoov lawv tej txiaj ntsim.
    Yog tsis muaj lawv, peb sawv daws yeej tsis tau zoo npaum li no li mog. Tus txais koj nyob ib hnub hauv lawv tsev, los cawm koj ib pluas mov xwb, los nco ntsoov lawv lub txiaj ntsim.
    Ntuj thiaj pov hwm koj. neeg thiaj pab koj. ces koj txoj hmoov zoo ntawd, cuag koj cia li khaws tau dawb tom kev tshuam los xwb od.
    Zaj lus no txawm sau tau ntev me ntsis los lub ntshiab yog hais tias, nco ntsoov luag lub txiaj ntsim no xwb.
    Hais txog kev tsis txaus siab, txhob ua kom muaj xaiv muaj lus mus txog kev sib txiav sib tua. Muab ua kev sib kho saib ua qhov loj kom tas mus.
    Thaum muaj teeb meem loj lawd, yuav tsum muaj txog li 5 leeg mus rau 7 leej neeg thoob tsib nrog pom zoo ua ke, los pom zoo ua ntej, thiab yog tus neeg txawj qhia, txawj hais paub qhov tseeb tiag!
    Tus sau ntawv, los hais lus ntawd, yuav tsum yog tus neeg ncaj thiab txawj hais lus kom zoo tiag. Sau los hais, nws tib lub npe nyob hauv tus txheej txheem lus.
    Hos lawm cov nrog pom zoo, mas lawv cov npe yuav nyob tom qab ntawm kev txhawb thiaj tsis yuam kev rau ntawm qhov yuav ua tau qhov tseeb mus.

    Sau hnub tim13/10/2017.
    *Yaj zoov Ntxheb X.H.*



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5779
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 16 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj on 3rd September 2019, 9:21 pm


    Zaj 391 - NYIAJ YOG IB TUG TSWV LOJ.

    Nyiaj txiag, nws tseem muaj hwv xyeej loj dua, cov Tim Tswv nyob ntiaj teb no. Dab phem nyiam siv nyiaj lub hwv xyeej, los ntxias txhua tus neeg nyob ntiaj teb no.
    Kom Leej Tib Neeg muaj txoj kev tsis sib raug zoo, muaj kev sib ntxub thiab tsis sib hlub mus. Nyiaj lub koob meej hwv xyeej raws txhua tus neeg qab, kom neeg muaj ib lub siab phem thiab lim hiam mus rau txhua fab.
    Nyiaj coj txhua tus neeg, tig mus qaug rau nyiaj sab, kom neeg muaj hwj chim ua neeg khav theeb. Saib tsis tau cov neeg txom nyem los cov pluag.
    Nyiaj nws muaj peev xwm coj neeg kom muaj sib ntxub thiab sib tua, rau neeg lub cev thiab tus Ntuj Plig, kom tuag mus tsis tau ua neej nyob.
    Nyiaj ua rau neeg poob mus nyob hauv txoj kev ua txhaum, ncaim mus deb ntawm Tswv Ntuj. Kom txog hnub kawg neeg tej Ntsuj Plig rov mus thawj thiab tsis tau ua Tswv Ntuj me nyuam:
    1. Nyiaj nyiam coj kom neeg ntiaj teb, tsis muaj kev sib hlub. Zoo li cov muaj tsis hlub cov neeg txom nyem los cov pluag. Cov ntse tsis hlub cov ruam.
    Nyiaj yog ib tug Ntsuj nyiag, muab kev sib ntxub thiab kev sib tua cob rau neeg, kom ua tau xwv txheej rau lwm tus. Tsis hais tus muaj los tus pluag li.
    Tsuav yog pom nyiaj tus duab lawm xwb ces nws txawj mus tua neeg kom tuag. Lub caij tsis txaus tua, los cia li ua neeg tub sab nyiag los lwg mus li lawm.
    2. Nyiaj yog thawj tug, uas ua rau neeg tej kev sib hlub sib nyiam puas mus. Zoo li tej tus neeg tsis txawj hais qhov tseeb, los nws yuam kev me ntsis lawm.
    Los neeg cia siv tej yam tsis tseeb no, los ua xaiv ua lus. Kom tau muab lwm tus coj los nplua yuav nyiaj dawb. Yog muaj ib tog tsis yeej, nws raug ua tus swb mus lawm, mas nws khaws tej lus ntawd tseg ntev pes tsawg xyoo los khaws cia li.
    Kom txog hnub uas tog ntawd tau kev ti, zoo li nyob saum tshoob kos. Los sis txog kev ploj kev tuag, ces muab rov los hais kom nplua tau nyiaj los yuav.
    3. Tab yog cov tau ua tej Nom Tswv cov kab xwm, los cov tub tses tub taw, ua cov Tuam Los Pav lawv tej kab xwm saib nyiaj txiag!
    Mas lawv kuj txawj ua kom kev lag luam poob peev mus, nrhiav tsis tau nyiaj los txwm tus peev kuj muaj. Cov tub ceev xwm ua nom Tswv cov kab xwm, los luag kuj txawj ntaus tswv yim kom muaj hauj lwm ua mus rau sab tsis ncaj ncee!
    Tsim tej zaj tswv yim phem los cob qhia neeg, zoo li cob tej tub ntxhais. Kom txawj mus tho luag qhov vaj qhov tsev, cia ib pab ua cov cob qhia kom ua. Hos ib pab ua cov mus ntes coj los nyob tsev raug txim.
    Lawv hais rau cov Tim Tswv kav teb chaws tias, muaj hauj lwm ntau yuav muab ib pob nyiaj tuaj ua tej hauj lwm ntawd. Kom muaj hauj lwm ua tsis paub tas li.
    Lub tswv yim no, yog nyiaj cob qhia kom ua tau li ntawd ntag, Nyiaj mas nws ntse txog yam uas Tib Neeg xav tsis txog li, nws txawj coj kom cov neeg ntshaw nyiaj txawj ntaus tswv yim tshiab mus li, kom nyiaj poob los cuag li cia li txawj poob saum ntuj los.
    4. Nyiaj txawj cob qhia cov neeg tuav nyiaj nyob ntawm Nom Tswv, los cov Tuam Los Pav lawv tej txhab nyiaj. Kom txhem tau nyiaj coj mus siv, xws li ua nyiaj poob peev, kev lag luam ploj los raug tub sab lwg mus lawm.
    Cov tub sab ntawd tsis yog cov tub sab nyob sab nraud li, yog cov tub sab uas Hmoob hais tias, yog cov dab vaj dab tsev hauv yus tsev uas tsi pov hwm yus ntag.
    Cov tuav Koom Haum uas nyiaj cia li ploj lawm ntig to, tsis paub nyiaj txawj khiav, mus rau tej lub teb chaws nyob deb deb.
    taug tsis tau nyiaj qab, Los cov neeg txawj qhib tej lub Bank pub rau pej xeem noj paj txog 8 los 12 los 18 %. Tsuav nws muaj nyiaj tso xwb, ces tsis khwv li los muaj nyiaj ntau tau ua neeg nplua nuj, noj tsis tas sim neej li.
    Nyiaj yog ib tug Tswv muaj hwv xyeej coj tej pab neeg zoo li no, Tas nrho tej tub sab tub nyiag, cov txawj mus tho luag tej qhov vaj qhov tsev thiab cov tua neeg yuav nyiaj.
    Los cia li txhav yuav luag cuab tam los ua nws tug, mas puav leej yog nyiaj lub meej mom los kav thiab coj lawv tas tib si.
    Kwv tij zaj no, tsis yog kev thuam leej tib neeg mog, yog kev cob qhia kom Leej tib neeg tsim dheev los ua neej sib hlub sib nyiam xwb

    -< Yaj Zoov Ntxheb X.H.>-



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5779
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 16 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj on 10th September 2019, 5:26 am



    Zaj 404 - UA LUB NEEJ NROG HMOOB COV KAB LIS KEV CAI.


    Cov neeg coj mus raws li Hmoob, tus kab lis kev cai no. Tsis yog Hmoob xwb, thaud muaj ntau Haiv neeg coj ib yam xws li Haiv Hmoob thiab.
    Xws li Haiv neeg Khej Is Dias, lawv kuj muaj tej kab lis kev cai zoo li Hmoob. Txheej laus thaud, lawv yeej coj tej kab lis kev cai saib cov txiv neej loj dua cov poj niam. Los txog lub zim txwv no uas Hmoob tseem coj.

    1.HMOOB TXOJ CAI.
    Leej Txiv thiab cov tub ki, uas Hmoob yug tau los, yog tus tub, mas Hmoob hu ua tub cag. Hos yog tus ntxhais ces Hmoob hu ua, ntxhais qhua.
    Hmoob ntaus nqis tias, cov ntxhais ces yog luag lwm xeem neeg lawm. Ces thaum loj hlob los tiav nkauj tiav nraug lawd, Hmoob ua tshoob ua kos, qua mus ua luag nyab.
    Hmoob thiaj muaj qhov sau nqis tshoob nqis kos, ua Hmoob hais tias:
    Sau nqis mis nqi hno, txog li 5 choj mus rau 9 choj nyiaj li ntawd. Tej tus neeg liam liam. Mas tseem kheev txog 15 choj li thiab.

    2. NQI TSHOOB NQI KOS.
    Hais txog Hmoob sau nqi tshoob nqi kos, mas kuj tsis yog ib yam phem, rau cov ntxhais lub neej. Qhov phem heev, nyob hauv Hmoob lub tswv yim.
    Yog qhov hais tias, Hmoob suav txij li hnub Hmoob tus ntshais mus yuav txiv lawm. Nws sawv kev mus ua nws lub neej, suav tai zoo li tuag lawm.
    Nws txawm muaj txoj sia nyob, los yog luag neeg. Hos tuag mus lawd, los yog luag dab lawm. Tsis yog yus neeg thiab yus dab lawm.
    Ces thaum ua tshoob ua kos tas, Hmoob thiaj sau nqi tshoob tas. Ces muab nyiaj txiag, tsoos tsho thiab tsiaj txhu los phij cuam.
    Tej tsoos thiab tej tsiaj ntawd,muab rau nws coj mus hnav ua qhua. Txhais hais tias lub caij tuag, Hmoob muab npaj los ua tsoos laus rau nws tau hnav thaum lub caij nyoog sau laus nce hauv toj mus.
    Thaum nyob puv caij puv nyoog lawm tusTxiv Dab Laug los muam phauj, thiaj tuaj txheeb ob niam txiv nkawd tsoos qab pha tsiaj qab nkaug. Thiab niam txiv kev khwv puab khwv peem, muaj li cas?

    3. COV POJ NIAM KEV TU SIAB.
    Hmoob ua lub neej nrog Hmoob tej kab lis kev cai no, mas thaum muaj ib tug ntxhais, mus ua neej tsis nto ntsis, los ua neej nyob tsis kav laus.
    Nws tseem xav mus ua neej kom rov muaj cuab, muaj yim tshiab dua. Yog muaj txoj hmoo ua neej mus nrog laus, ces nws yog luag neeg thiab luag dab.
    Kuj tsis muaj lus xaiv hais txog tej vij tej swv raws tau tej ntxhais lub neej, ua rau neeg raws li sawv daws paub los, li tej vij peb sawv daws tau hnov los ntawd lawm.

    4. KEV TSHAIS IB ROG LAWM.
    Hais txog poj niam sab, tsis tsis hais tus ntxhais mus ua nyab, tus nkauj fa, thiab tus poj ntsuam li. Hmoob saib lawv cuag li tsis yog neeg me nyuam yug ntawm neeg los.
    Tus plam cuab, los tus hmoov tsis sib haum thiab tus raug kev poob tsag, tau ua poj ntsuam. Hmoob saib zoo li nws yog neeg ib nrab thiab yog tsiaj ib nrab lawm.
    Thaum nws tseem muaj lub meej mom zoo ua poj niam, sawv daws mus tham zoo li yog me nyuam neeg. Hos yog thaum poob mus tsis tau mus ua leej twg tus poj tus sev.
    Yog muaj txiab nkeeg, los raug kev txom nyem los, xws li tau kev ploj kev tuag. Mas tab yog nws tub nws yug kiag los suav zoo li tsis yog yus niam li lawm.
    Yam no yog ib yam loj uas Hmoob tsis tau kawm txog los yog li cas! Ho muab cais tau tias, tsis yog yus li dab thiab yus li neeg lawm.
    Xav kom tas nrho Tsoom Hmoob tig los saib qhov hais no! Vim li cas hos hais tau thiab ua tau li ntawd? Yog ib yam uas Hmoob yeej tsis paub los yog ib yam ntxhub los khib rau cov poj niam tau lub neej zoo li ntawd!
    5. Cov txiv neej ne! Kuj muaj tej tus txiv neej liam liam kawg nkaus li thiab. Ua cas neej los yuav dab los kuj yuav huv si, Tej yam zoo li no, yog neej qhia ua los yog dab qhia ua, thiaj li zoo li ntawd tuaj tau?
    Yog tsis muaj cov poj niam lawm no, cov txiv neej yuav xeeb tub tau los zoo li cas tiag!
    kom tej tub kawm txuj pab ntsuam txog txiv neej sab thiab poj niam sab ua ke kom muaj tsim thiab muaj koob meej nyob sib txig!
    Cov me nyuam, yuav hwm Leej Niam muaj meej mom ib yam li Leej txiv. Nkawd ob leeg ua ke thiaj tsim tau Noob Neej los zoo li peb pom lub ntiaj teb, vam meej coob tuaj li tau pom muaj no.
    Xav los, mas tej niam lawv tseem ua neej nyob twb yug tau 9 leeg tub thiab yim leej ntshais lawm. Sab nrog leej txiv, uas muaj tub ki. Yog sab Leej Niam ua neej los nyob ntawd ntau dua.
    Txawm tuag mus ua dab los sab ntawm muaj tub ki dab yeej yuav tsum yuav xwb. Vim cov tub ki yog Leej Niam tus ntsuj roj ntsuj ntshav nyob hauv tas tib si lawm.
    Sab tom qab mus nrog Leej Txiv tshiab ntawd nyob. Yog zoo li mus ua neej kom muaj kev kaj siab xwb, lawv cov dab tsis yuav los neej tsis yuav los tsis ua li cas yom.
    Vim tias Leej Niam tsis tau muaj ntsuj roj ntsuj ntsha poob los nyob hauv lub xeem tod. Thiab tsis yog Niam tsis tsheej txhob txwm khiav mus ua neeg lwj neeg liam.

    5. POJ NIAM TSWJ NTUG.
    Yog cov poj niam ua cov coj ntug, mas kuv xav tias Hmoob cov dab qhuas yuav tsis coob npaum no thiab. Xav mas ntshai poj niam lub hlwb yuav ntse dua cov txiv neej.
    Ces yuav nco tau meej dua, ib yam los poj niam sib dawb dua tsoom txiv neej. Tsuas yog lawv lub zog tab dua lawm xwb. Thiab poj niam tsis zoo, los ua tus muaj peev xwm khav cuam ua thawj hlo kom txiv neej raws qab.

    6. NTAWM LAJ FAB TSWV YIM.
    Hais lub laj fab tswv yim ntse mas txiv neej yuav swb poj niam me ntsis. Tsom hauv lub tswv yim los saib, mas yog Txiv neej hem poj niam. Mas poj niam xav tias, ntshai phab tsua vau los yuav tsuam, mas nws yuav paim quav pluav mus tas.
    Tab sis thaum ua tiag tuaj, kuj tsis luaj twg li thiab. Hos yog poj niam hem txiv neej, mas txiv neej ntshai kawg. Ua rau txiv neej khiav mus dawm pob ntoos los dlia mus poob dej tuag, los txiv neej yeej dhia mus li.
    Los lus kawg hauv zaj lus no, kuv sau los rau peb Hmoob sawv daws tau kawm ntsuam xyuas peb sawv daws tej tswv yim kev coj, kom meej pem rau peb Haiv Hmoob. Thiab kom muaj kev zoo nkauj hais txog tej kab lis kev cai thiab dab qhuas kom yog ib co kev cai tshaj li.

    Sacramento 2/10/2018.
    Yaj Zoov Ntxheb X.H.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5779
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 16 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj on 18th September 2019, 6:31 am


    Zaj 407- TUS DAB XYW CAUM PEB HAIV HMOOB.

    Tus dab xyw uas nws tseem pheej caum, peb haiv Hmoob tsis tu ncua no tau ntau tiam los lawd, uas tsis txawj ploj nyob hauv peb tsoom Hmoob lub neej li.
    Yog tus dab xyw, noj yeeb noj tshuaj thiab dai tuag, los mus rau dhia zeb dhia tsua los dhia dej thiab nws rov tua nws tus kheej tuag.

    1.Tus dab Xyw no, nws muaj nyob nrog, tej niam tej txi lub siab ntxub neej ntxub tsav. txwv tsis pub tej tub ntxhais sib yuav.
    Los ntawm tej yim neeg neeg muaj thiab pluag tsis sib luag, thiab los ntawm neeg lub siab, ntsaw noj ntshaw haus uas luag tsis nco qab hu ntawd los.
    Uas Hmoob hais tias, noj nqaij daig dab, haus cawv daig nru thiab ntov ntoo tsis saib ceg qhuav: { Yam li hais lus saib tsis taus luag ntawd.}

    2. Thiab los ntawm Hmoob tej kev cai ntseeg qub qub uas sib cuab nqi tshoob nqi nqis kos ntawd los. Ces txwv tsis pub tej tub ntshais sib yuav.
    Ces tus dab xyw no, thiaj yob kom tej tub ntxhais tau txo lawv txoj sia. Mus dai tuag, los mus noj yeeb noj tshuaj thiab mus dhia zeb dhia tsua tuag.
    Tej kev cai qub qub no, mas tsis muaj nqes lawm, yog tej kev cais tshwm sim los rau Hmoob cov teeb meem uas Hmoob hais tias:
    Hmoob tau noj nqaij daig dab, haus cawv daig nru thiab ntov ntoo tsis saib ceg ntoo qhuav no los. Ces cia li lam txwv tsis pub tej tub ntxhais sib yuav ua txij nkawm.
    Tej kev ntseeg thiab kab lis kev cai uas Hmoob coj no, tsim nyog muab tso pov tseg lawm. Txhob hais tias yuav ua li poj ua cia yawm ua tseg, mus ntxiv lawm. Nws tsis zoo rau txheej hluas no lub neej.

    3.Niam txiv yuav qhib kev, rau tej tub tej ntxhais mus ua neej. Kom lawv tuam tau ib tug choj tshiab kho kho, rau kev neej kev tsav ob tog tau taug mus nyob hauv txoj kev sib hlub.
    Hais txog tej kev cai ntseeg qub qub li no, mas yeej qub heev dhau lawm. txheej tshiab no tsis zoo siv mus rau lawv lub neej yav tom ntej.
    Muab piv li neeg tuag lawm ces nuj nqis plaub ntug tas, tsis txhob muab los ua nuj ua nqis rau tej tub ki tshiab yuav tau ris ntxiv mus rau lawv tiam tom ntej lawm.

    4. kev ploj tuag, ces nuj nqis kuj tuag mus lawm. Ob tog poob peev sib luag thiaj hyog. Tus tuag twb tau tuag mus lawm, tus nyob pheej tsub nuj nqis tsis pub poob peev li. Ces suav tau tias, tus tuag twb tuag lawm, tus nyob tsis muaj poob peev li.
    Ces yog nws yuam ib tug neeg tshiab los nyob ris nuj nqes, mas tsis ncaj ncees lawm. Tus neeg tshiab nws yuav muaj nws nuj nqes, mas nws ris tsis taus ob tug nqi.
    Xav thov kom tej niam tej txi txhob muab lawv tej qub nuj qub nqis los nog rau tej tub ntxhais ris. Ua li mas lawv lub neej yuav sawv mus tsis taus.
    Yog lawv muaj zoo txuj ci cia lawv pab mus rau lub neej tom ntej. kom tas zeej tsoom ua ib txhij sawv mus, kom loj sib luag zoo sib xws mus rau lub neej tshiab.

    -5. Xav hais ib lo lus rau cov tub ntxhais tias: Yog tej niam tej txi tsis pub sib yuav, tso tseg, tub ntxhais muaj puv ntuj. Koj yuav tau los yog niam tais yawm txiv tsis hlub tsis nyiam.
    Los niam pog txib yawv tsis hlub, mas ua neej nyob tsis kaj siab. Thaum koj raug txom nyem, los raug mob thiab thaum koj tau ntshai. Koj yuav hu koj niam tias: Niam aw pab au! Tseem yog tus luag ntxub thiab, mas txhob sib yuav.
    Hos yog neb tseg tsis tau li, los kuj txhob mus noj yeeb noj tshuaj, los mus dai tuag. Neb sib yuav ces neb tawm mus nyob neb, neb mam mus ua neb lub neej, ua ib lub teeb taws kaj nyob rau ib sab ntuj.
    Ci rau Neeg ntiaj teb pom kev lam lug, rau luag Vaj Tsab Xeem Lis pom kev tseeb tias, neb tsis yog neeg phem li tej niam tej txi uas lawv tsis to taub txog neb.

    6. Txhob txiav txim siab mus dai tuag, mam mus sib yuav ua neej nyob rau dab teb. Txij thaum ntuj tsim teb rau los txog tav no, tsis tau muaj dua ib nkawm nkauj nraug rov los hais qhia rau peb hnov tias:
    Mus sib yuav nyob rau dab teb, mas zoo tshaj plaws npaum ub npaum no li. Tsuas kawg pom cov sib yuav nyob saum yaj no, uas peb thiaj pom lawv sib hlub thiab ua tau lub neej tshav ntuj nrig nyob mus kav laus xwb.
    Tus neeg dua nras lawd, luag yeej hais tias koj nyob ces ciaj neeg, yog koj tuag lawm ces mus ciaj dab no xwb. yeej tsis muaj qhov zoo los hais qhia leej twg paub li.
    Hos hais txog thaum muaj ib tug neeg dua nras lawd, cov ua neej nyob. Zoo li nkauj muam nraug nus, txhob siv tej qub kev cai uas poj ua tseg yawm ua cia los hais tias:
    Yuav tuaj txheeb tsoos qab pha tsiaj qab nkuag, Nws ua neej kwv puab khwv peem muaj li cas tsuas xav kom siv li ntawg xwb. Thaum yug los yeej tsis muaj ib tug twg yuav nqa ib niag uas pem ntuj nqes los ua neej li.
    Sawv daws yeej yug los ua neeg liab qab xwb, tsiaj txhu nyiaj txiag, nyias mam los tu nyias. Tus muaj hmoo nws thiaj yug tsiaj thiab khwv tau nyiaj.
    Txoj kev cai qub no, tsis zoo muab los rau txheej lhuas no siv. Los sib cuab ua ua nuj ua nqi rau tej tub ki, tsis raws li Hmoob hais los tias: Noj nceb yuav taug cav. Ua neej nyob yuav taug kev neej kev tsav.

    7. Muaj ib los tseem ceeb kawg, nyob hauv peb Haiv Hmoob yog lo lus hais tias:
    Lub npe txiv neej yawg no tsim txiaj npaum li cas! Koj yog ib tug txiv neej yawg lawm, koj yuav ua ib tug choj zoo khov kho rau luag tau taug!
    Mus rau sab kev ua neej ua tsav, rau ob tog thoob plaws qab zej hauv zos. Kom luag tau kev taug mus los, ua kev phooj kev ywg. Kev sib hlub kom txhua leej txhua tus tau kom tau nyob kaj nyob huv.
    Ua lub neej nyob kom muaj lub ntsej liab muag tshiab rau tej tub ntxhais khiav mus sib law sib liag. Ua rau nees los zoo caij, nyuaj los zoo thauj.
    Tus ua pej xeem los kom tsim nyog hlub, tus ua nom los kom txaus qhuas nyob nto moo lug.

    Sacramento tim 22/4/2019.
    Yaj Zoov Ntxheb Xib Hwb.




    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5779
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 16 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj on 25th September 2019, 6:09 am



    Zaj 408 - NTHUAV NEEG LUB NEEJ TSIS SIB RAUG ZOO.

    Nyob hauv Leej Tib Neeg lub neej, ua kom neeg tsis sib raug zoo, mas muaj plaub lub ntsej muag Liab zoo li no:
    A.Thawj lub ntsej muag uas peb pom, nws muab nws ob txhais tes los npog nws lub qhov ncauj! Peb yuav mus kawm saib, kom peb tus nplaig txhob hlev ntev dhau thiab lub ncauj txhob tuaj pos.
    Thaum peb tus nplaig hlev ntev dhau lawm thiab lub ncauj tuaj pos, nws yuav hais tau tej lus mus chob luag lwm tus, ua tub qaug rau luag. Ces peb yuav nrog luag muaj xaiv lus ntau, tawm los yam uas yus tsis ceev faj txog ntawd.
    Ces yuav ua rau peb sawv daws muaj kev sib cav sib ceg ntau. Ces yuav ua rau peb tsis sib raug zoo thiab muaj kev sib ntxub, peb yuav sib cais, mus ua ob peb tog thiab sib cais ua pab ua pawg.
    B. Txog tus ob, peb pom nws muab nws ob txhais tes, los npog nws ob lub pob ntseg. Yog txhais hais tias, kom peb txhob nyiam mloog lus xaiv ntau. Yog peb moog ntau, ces yuav muaj tej yam los paug rau peb pob ntseg.
    Ces peb yuav mob siab thiab ntxub luag tej cov neeg uas peb tsis paub lawv zoo. Peb xav tias, lawv yog neeg phem, ces peb tsis muaj kev sib raug zoo nrog lawv.
    C. Lub ntsej muag Liab tim peb no, peb pom nws muab nws ob txhais tes los npog nws ob lub qhov muag. Txhais hais tias, peb txhob nyiam ua neeg mus ntsia txog tej yam phem tsis tsim nyog!
    Nws yog tej yam kev ua phem ua qias, uas muaj ntau leej neeg nyiam thiab ntshaw ua. Yog peb saib tej yam phem ntawd thiab peb ntshaw ua. Ces peb yuav plam tes plam taw, mus yuam luag lwm tus nrog peb ua.
    Qhov no yog kev ua txhaum, rau neeg lub cev thiab neeg tus ntsuj plig lawm. Ces peb yuav ua neeg ncaim npoj tsis xws luag. Peb yuav ua tej yam uas dab nyiam los ntxias peb, ces yog ua rau Ntuj ntxub neeg.
    Thaum peb poob mus mag, rau dab phem rooj ntxiab no lawm. Yog peb ua tub qaug rau cov txheeb ze nyob uas nyob ze peb tshaj plaws ntawd ntag:
    Yog ua tub qaug rau yus tus txij nkawm los yus cuab kwv tij, neej tsa ob tog tib si lawm. Ces ua rau peb muaj ntau leej tsis sib raug zoo.
    C. Lub ntsej muag Liab tim paub, uas peb pom, nws muab nws ob txhais tes los npog nws ob ceg. Txhais tau tias, yus txhob nyiam ua kev plees kev yi. Yog yus yuam kom luag muaj ib tug neeg nrog yua ua kev phem kev qias mus lawm.
    Yus tau ua tub qaug rau yus tus txij nkawm los yus cuab kev tij neej tsa ob tog tib si lawm ntag. Yus yog tus cog kom muaj xaiv muaj lus ntau rau yus cov txheeb ze no. Yog ua txhaum rau lawv kom tsis sib ruag zoo.
    Tej hais no, ces yog yus tau vam txog cov dab phem tuaj cuab zog rau yus. kom yuam tau tej tus neeg tsis muaj zog lub siab yuj mus poob rau dab kev ntxias.
    Tus yuav tau txais txij ntsim zoo, yog tus dab phem uas tau pab tswv yim rau koj no ntag. Nws ntxias tau leej tib neeg poob mus ua nws qhev nyob rau ntuj tawg. Kom tus neeg ntawd thiaj koj, tas nws ib sim neej tsis tau kev hloov mus thawj thiab li.

    Sacramento tim 9/12/2018.
    Yaj Zoov Ntxheb Xib Hwb.




    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5779
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 16 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj on 2nd October 2019, 4:37 am



    Zaj 409 - NIAM TXIV TXIJ NKAWM KEV SIB NCAIM.

    Zaj lus uas hais txog niam txiv txij nkawm kev sib ncaim no, muaj ntau lub ntsiab coj, los qhia kom sib ncaim:
    a. Kev sib ncaim los ntawm xav tswv yim tsis ib yam.
    b. Kev sib ncaim los ntawm nyias muaj nyias kev ntseeg.
    c. Kev sib ncaim los ntawm nyias muaj nyias kev ntshaw kev nyiam sib txawv los:
    - Ib tug nws nyiam kev ua plees ua yi, lwm tus ntxub kev ua plees ua yi.
    d. kev sib ncaim los ntawm, ib tug coj zoo, lwm tus coj phem:
    - Ib tug xav coj zoo ua ncaj ncees, lwm tus nyiam coj phem, ntshaw ua tus yeej, tsis hwm Ntuj los hwm neeg.

    => Tsis hais txog kev sib nrauj, los kev ploj kev tuag mam li sib ncaim. Thaum ua neej nyob los nkawd yeej sib ncaim mus lawm.
    Cov uas tseem ua neej nyob lawv zoo li no,lawv tsis tau xaiv tus lawv nyiam yuav los ua neej. Lawv lam yuav tsam tsis tau txiv los tau poj niam, yuav tas tsis txaus siab.
    Ces lawv coj li no, ib yam yog lawv raug tej niam txiv yuam yuav los lawv tau ua yuam kev, nws tau swb ncauj swb lus lawm ces lawv thiaj sib yuav los muaj.
    Lawv nyias muaj nyias siab, los nyias xav nyias zaj. Cov zoo li no, ua neej nyob los noj tsis qab, pw los tsis sov. Niam tig niam sab txiv tig rau txiv tog. Ib tug pw saum txaj, ib tug pw qab txag.
    Lawv poob rau hauv lub qhov tsis muaj peev xwm los tsis muaj chaw cuab zog lawm. Lawv lam nyob ua ke lub siab ib leeg tsis tau muab cog rau leeg.
    Nkawd txoj kev sib hlub lam ua rau lub teb chaws pom xwb, Nkawd ob nplooj siab tseem nyob zais ntshis, tsis tau sib qhia.
    Yog lub tswv yim ntawm kev xav los kev ntshaw ntawd coj nkawd sib ncaim li hais no. Ces nkawd tsis muaj kev sib hwm, los sib tso siab.
    Nyob hauv nkawd tej qav num, mas nkawd sib txiv heev koj xav kom nws ua xis koj sib, nws los xav kom koj ua raug nws siab heev.
    Sib txib li no kom muaj lus sib cav, saib muaj ib hnub twg hmab puas tus tau, los hlua puas pluam tau mus. Ua li hais no sib ncaim tsis tau ces cia coj tus yam ntxwv no mus li hloov tsis tau lawm. Hauj lwm mas ob leeg yuav ua cuag li rau ntos tav tog tog mus li.
    Nkawd nyias tseem muaj nyias ib nplooj siab xav hlub nyob rau ib cag, mus ib sim neej li.Qee leej mas nplooj sib tsis nyob ze, qee leej nws nplooj siab luag hloov tas lawm luag tsis xav li nws xav lawm, ces lub neej thiaj tsis tau plam mus.
    Cov txij nkawm coj li no, mas muaj qee leej lub siab yeej tseem dai dhuam mus li.Cov muaj li no, mas hais li cas los lawv yeej sib ncaim tas lawm.
    Lub cev lam nyob ua ke kom tej me nyuam muaj niam muaj txiv hu xwb. Ntiaj teb neeg tseem hu ua niam txiv. Hos nkawd ces sab ntsuj plig yeej tsis yog niam txiv li.
    Cov neeg sib ncaim li no lawm, mas lwm tiam nkawd sib pom nyob ntuj ceeb tsheej los sib pom nyob dab teb. nkawd txawm sib nco los nkawd yuav tsis sib ntsib lawm.
    Vim nyias muaj nyias siab ces nyias nyob ua nyias pab lawm thiab. Yuav sib pom tau tab sis yuav tsis sib ntsib li lawm. Tab txawm koj xav qhia siab rau nws los tsis tau kev qhia lawm.
    Vim nyias nyob nrog nyias npoj, Koj yuav nyob nrog cov xav li koj xav, nws kuj yuav nyob nrog npoj xav li nws xav. Li no thiaj hais tias kev sib ncaim los ntawm kev xav thiab kev coj los kev ntseeg los.
    Yog koj xav hloov mas muaj txoj kev rau koj hloov, hloov tam sim no, uas tseem muaj koj thiab muaj nws. Koj tos fab lwm tiam, mas yog plaub ntug lawm hloov tsis tau.
    Vim nws twb tau ris lub nra ntawd mus nto ntuj lawm, hnyav tsis hnyav li,ris ua txog siav tag lawm.
    Zaj lus no yog tawm hauv dab ntub npau suav xwb, tsis zoo ntseeg los txhob ntseeg. Tus ntseeg mas daws tau nws kev sib ncaim rov los ua neej tshiab mas kuj kaj siab mus thiab.

    Yaj Zoov Ntxheb Xib Hwb.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5779
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 16 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj on 10th October 2019, 1:10 am



    Zaj 410 - LUB NTSIAB LUS UA KOM COV TXIJ NKAWM SIB TSO.

    Nyob hauv lub ntsiab lus, uas cov txij nkawm sib tso mus yog tawm qhov twg los?
    Muaj ntau yam, yog yuav paiv, mas muaj ntau ntau yam kawg. Kuv yuav hais ib yam loj, uas muaj nyob rau hauv cov ua txij nkawm kom tau paub txog!
    =>.Thawj yam, mas los ntawm ob leeg, tsis tshua kam hais lus los sab laj ua ke los! Hmoob hais tias, yog ruam los ua neeg twm xeeb. Tsis kam lees tias, yus ua tsis yog lawm, tsis kam los sib pab kho thaum muaj lus ua xyem xyav ntawd.
    Muaj kev zais siab me ntsis, tsis xav qhia, los tsis paub txog, kom sib to taub thiab nkag siab ua ke. Yus cia li muab ntaus nqi tias, Nws twb ua li ntawd lawm.
    Sab twg los ua neej nyob tsis kaj siab, vim tsis xav qhia qhov tseeb los. Tej no yog khaws cia ntev nyob hauv nruab siab, ces nyias yuav muaj kev chim nyob zais ntshis yam tsis paub qhov tseeb.
    Ces nws yuav ua ib lub mob tsis txawj yaj, xam mus kom tas. Ces nyias mam muaj nyias, kev tu siab los chim siab nrog. Tus txiv los tus niam, mam tsa ntsej tsa muag, mus saib txog kev tham nkauj los tham nraug.
    Ces tej kev sib chim no, haj yam ua lub rwj, los lub aws, los tsuas rau nkawd nplooj siab. Dab phem thiaj muas tau nkawd ob lub siab, coj los sib tiv. Ces cia li xeeb ua ib tug kab mob loj rau nkawd.
    Kev tham nkauj los tham nraug, mas yeej yog dab los tshoj siab kom ua lub neej tsis nto ntsis. Tej hais no, mas tsis qhuas tus txiv neej los tus poj niam li, tsis yib vim los yeej yib vaim lawm.
    Ob leeg tsis ntse ib yam, los yog ob leeg ua neeg ruam ib yam nkaus, thiaj tau piam cuab mus. Tej tub ntxhais hluas, uas lawv tsuas paub nyiam kev zoo nkauj zoo nraug xwb, yog lawv tsis paub txog tej yam hais no.
    Mas lawv lub neej, tseem yuav piam cuab sai dua mus. Vim nyias khav nyias lub meej mom qhov zoo nkauj zoo nraug tias, ib leeg tsis phim ib leeg no los.
    Vim peb Haiv Hmoob tsis tau kawm qhov hais tias, txiv neej thiab poj niam muaj nqi npaum li cas los! Yog ib tug neeg nws kawm tas lawm, mas tsis muaj neeg hais txog qhov zoo nkauj los zoo nraug ntawd li.
    Yuav xub saib nws nplooj siab puas xis yus ua ntej, tsis yog saib lub ntsej muag tus yam ntxwv zoo nkauj zoo nraug ua ntej. Muaj qee tus txiv neej zoo tshaj li tej laus hais tias, zoo cuag nraug Suav.
    Los nws kuj tsis tsim txiaj npaum li cas thiab, kuj muaj qee leej poj niam zoo nkauj cuag nkauj Zag. Los nws sawv tseeg nchos txhuv, txhuv kuj tsis poob saum ntuj nqes los li thiab.
    Tus txiv neej zoo thiab tus poj niam zoo, yog tus txawj sib hwm. Ib leeg ua yam twg, mas ob leeg sib txhawb nroos. Ntiaj teb neeg tseem qhuas thiab hwm zoo tshaj poj huab tais, los niam Los Pav.
    Ob tug niam txiv ntawd, mas puav leej yog niam pov haum thiab txiv pov nyiaj pov kub. Nyob ntiaj teb no cov zoo ces yog cov paub li hais no.
    Cov niam txiv txij nkawm sib tso, sib nrauj, mas lawv tsis paub txog yam hais los no kiag li. Thaum lawv tau mus ntsib kev ua nkauj los ntsib kev ua nraug tshiab lawm, hnov luag txawj hais lo lus qab qab zib xwb. Ces yus cia li ua siab qaug lias mus rau lawm.
    Qhov kawg, yus tseem mus khaws tau, pov haum pob zeb los pov haum roob ris. Coj los xwv pov twb tsis tsim txiaj qhov twg tuaj thiab.
    Qee leej mas nws tseem mus khaws tau, luag tej pas ntaus dev ntaus npua los yuav. los mus ntsib tej tsiaj uas Hmoob twb muab coj mus xa dab lawd los yuav.
    Hais txog cov niam txiv, uas lawv ua neej nyob laus nkoos, mas yog lawv txawj ua siab ntev kawg. Lawv txawj sib yoog, sib zam mus, kom tej me nyuam txhob muaj vij los aiv, tsam tau lub koob tsis zoo rau tej tub ki.
    Saib los, mas peb Hmoob tsis tau kawm, kev ua txij nkawm. Ua tej lub neej nyob laus nkoos, los yus tsis tau qhia yus tus txuj muaj nyob hauv yus lub siab rau yus tus txij nkawm tias:
    Kuv zoo siab kawg, kuv qhuas txog koj, yog kuv lub pov haum zoo tshaj, uas tsis tau muaj neeg muaj zoo li koj. Kuv hwm, kuv hlub thiab cav lus zoo rau koj mog…
    =>. Kuv yuav hais ib qho ntxiv:
    Hais txog txiv neej los poj niam, mas luag cov kws txuj tshawb pom tias: Cov txiv neej lawv siav luv dua cov poj niam.
    Vim tias, cov txiv neej, lawv muaj zog, ces lawv tsis nco qab txuag lawv txoj sia. Lawv muaj lub siab loj siab tawv, ces lawv tsis txhawj thiab tsis ntshai. Lawv ua siab loj dhau lawm.
    Lawv thiaj pov hwm tsis tau, lawv txoj sia kom nyob ntev. Lawv tsis muaj kev ntshai, ces lawv twb muaj mob loj lawm. Los lawv tseem qhuas tias mob me ntsis xwb tsis ua li cas.
    Lawv tseem hluas, hluas los lawv raug mob loj dhau lawm, luag tej kws tshuaj pab tsis tau. Cov txiv neej siab loj, muaj xwv txheej los lawv tseem nam qees mus.
    Ces xwv txheej xub raug lawv dua thiab, Thxhua yam los txo, cov txiv neej kom lawv siav luv, yog lub siab loj siab tawv, coj xwv txheej los rawg lawv ntau dua.
    Nyob hauv 100 leej txiv neej los 100 leej poj niam, mas cov txiv neej tuag mus lawm 30 leej rau ib xyoo. Hos cov poj niam nyuam qhuav tuag mus li 15 leeg xwb.
    =>.Nyob hauv 30 leej txiv neej no, mas 19 leeg yog raug xwv txheej tuag. ntawm 11 leeg yog mob nkeeg yuam tuag.
    Xwv txheej yuam tuag, yog siab loj sib tawv tshaj li qhov ua neeg xyuam xim mus lawd. Ces mob nkeeg mam los yuam ua qab thiaj tuag mus.
    Cov ua hais tias, mob nkeeg yuam no, los xub muaj xwv txheej me ntsis, tsis tau txaus txawj. Nws ua siab loj dhau lawm tsis nrhiav kev cawm pab, ces mas tuag mus…
    Nyob hauv cov poj niam, mas 5 leeg raug xwv txheej yuam kom tuag mus. Hos 15 tug, mas lawv tsis muaj zog. Noj tsis txaus, thiab lawv yug tub ki ntau leej, roj ntsha sem ntau, ces mob nkeeg mam yuam tau lawv mus.
    Hais txog xwv txheej, mas piav tsis paub tas li muaj ntau li ntau. Tab yog cov hais tias, mob nkeeg yuam mus. Thaum ua ntej yeej muaj ib yam xwv txheej, me los raug ua ntej lawm. Ntev mus mob nkeeg mam raws cuag.
    =>.Hais txog kev daws teeb meem ntawm kev nyob ua txij nkawm. mas tsis tas yuav mus vam txog kev txwj neeg laus kho los daws. Yog tias tsis xyuam xim, tau ua teeb meem muaj nqaij ntuag nthav nrog lawm.
    Mas mam mus khaub zig txog neej tsa los kev txwj neeg laus pab kho. Kom kev neej kev tsav tau nyob nyab xeeb. Hos yog txij nkawm kev tsis sib haum xeeb, mas tsis cuag li nkawd ob leeg, ua neeg paub tab, nkawd rov sib kho nkawd mas tseeb thiab dawb huv tshaj.
    Phooj ywg zaj lus no, yog lus tseeb thiab zoo, rau cov muaj txij nkawm ua neeg tsis paub tab. Ces yog lawv hauj lwm, lawv nyias yuav sib kho nyias ua kom neeg tsis paub txog nkawd, li teeb meem mas yog yam muaj nqes uas zoo tshaj plaws.

    Sacramento tim14/3/2019.
    Yaj Zoov Ntxheb Xib Hwb.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5779
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 16 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj on 16th October 2019, 11:27 pm



    Zaj 411 - LO LUS MOO CUA UAS LUAG HAIS TIAS MUAJ NYAV.

    1.Tus Nyav no muaj tiag, nws tsuas muaj nyob hauv Hmoob tej nruab siab xwb! Tas txhua tus hmoob thaum lawv ua neej nyob hauv qab kev tswj hwm, nti tsis dhau ntawm tej hlob los nws tus txij nkawm.
    Mas Nyav nws nyob deb txhua tus leej tib neeg, ces yus tsuas hnov lub moo tias muaj Nyav no xwb, yus tsis pom thiab tsis paub txog tus Nyav ntawd zoo li cas!
    Hmoob yeej ib txwm hais tau los lus tias: Nyob pej kum teb, zoo li Fuaj Kuj los Mes Kuj mas muaj Nyav noj neeg! Tus Nyav no yeej muaj tseeb, nws tsuas nyob hauv Hmoob nruab siab xwb, nws peem tsheej ua ib tug Nyav tawm los tsis tau!
    Vim peb sawv daws ua neej nyob hauv tus qab kev tswj hwm. Yuav tau mloog tej niam tej txiv thiab mloog tej nom tej tsw los cov thawj neeg. Txawm muaj Nyav los Nyav tawm tsis tau los ua teeb meem rau Hmoob.
    2. Txij li thaum Hmoob tawm mus nyob lwm teb chaws uas yog cov teb chaws vam meej, zoo li Fuaj Kuj los Mes Kuj. Sawv daws muaj kev vam meej, muaj kev vaj huam sib luag sib npaug lawd.
    Ces yus tsis nyob hauv ib tug neeg qab kev tswj hwm lawm, mas Nyav thiaj muaj peev xwm tawm los ua neeg, nws cia li txia tau los ntawm ib tug neeg los mus ua Nyav. Los ua neej nyob nrog yus tus txij nkawm, los tej tub ki mus.
    Ces tsis muaj kev sib mloog sib hwm lawm, nyias ua ywj nyias siab. Tej txij nkawm nyias xia nyias muaj peev xwm, los nyias xia nyias kev tsab zag ua zoo nkauj zoo nraug tuaj mus.
    Yus tsis mloog lus thiab tsis sib hwm leej twg li lawm, nyiaj xia nyias txawj ua nkauj ua nraug. Los mus muab yus lub cev pub rau tus yus nyiam ua kev lom zem mus.
    Ces sawv daws, muaj kev puas siab puas ntsws mus, thiaj muaj kev mus hu tej tub ceev xwm tuaj ua ntawv tiv thaiv tej txij nkawm, kom ib leeg los tsis ti rau ib leeg. Muaj kev sib nrauj sib tso mus.
    Muab tej tub ki sib faib los tso tej tub ki ua ntsoj ua ntsuag. Tej no ntag lauj, yog tus Nyav xeeb txawm los nyob rau hauv txiv neej los poj niam tej nruab siab.
    Hmoob cov Nyav ces yog tej hais no ntag, yeej tsis muaj ib tug Nyav uas ntsej luaj ntxuam, muag luaj khob yuav nyob qhov twg tawm tuaj noj Leej Tib Neeg li
    Nyav noj, mas tsis yog noj neeg lub cev nqaij zoo li tus tsov noj nqaij. Nyav tsuas noj tau neeg lub siab thiab neeg tej ntsuj plig, kom liam sim puas tsuaj mus xwb. Kom yus ua tshis tsheej neeg, Yus cia li coj tej lub siab zoo li dab.
    Ces cov neeg raug li no, mas lawv puav leej yog Nyav tas tib si. Nyav ces yog cov neeg tsis muaj lub neej zoo li hais no. Thaum lawv zoo li no, ces lawv tus ntauj Plig kuj peem tsheej ua ib tug dab Nyav muaj kev ntxub neeg thiab xav noj neeg xws li nws yog Nyav lawm.
    Kwv tij kuv txhais lo lus Nyav no, pub rau peb saws daws, tau kawm los ua kev paub saib puas kho tau qee leej lub siab lub neej, kom txhob peem tsheej mus ua ib tug Nyav los sib noj lawm.
    Leej twg lub siab xeeb tau mus ua Nyav lawm, mas nws ua lub neej txom nyem thiab kho sib tshaj plaws. Yog tsis muaj hmoo, mas hloov tsis tau los ua neeg zoo li lawm yeej txaus tu siab kawg.

    Sacramento. Tim 1/2/2019.
    Yaj Zoov Ntxheb X. H.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5779
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 16 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj on 21st October 2019, 10:27 pm


    Zaj 412- LEEJ TIB NEEG LUB KOOB MEEJ.

    Txhua tus neeg, muaj hwj chim koob meej, los ntawm kev sib hwm los. Koj yuav tsum saib taus koj tus kheej ua ntej, luag thiaj mam saib koj tsim txiaj.
    Peb tshwm sim los ua ib tug neeg nyob ntiaj teb no, Peb yuav nco ntsoov saib peb yog neeg zoo.
    1.Yog leej twg tsis paub thiab muaj kev ceev faj, mas nws yuav tau txais lub hwj chim muaj lub zeem muag, zoo li nws yog ib tug koom tshaj, los ua nws lub mom ntoo.
    2. Yog nws paub thiab muaj kev ceev faj zoo, mas nws yuav tau txais lub meej mom xws li nws yog ib tug neeg Ywj Pheej los ua nws lub mom ntoo.
    A.Hais txog lub meej mom koom tshaj, yos cov neeg uas nws tsis paub hwm nws tus kheej. Nws nyiam coj li nws ua nom, los ua tus loj muaj hwj chim.
    Nws yog neeg kav pej xeem, tas tsoom sid nyob hauv qab nws, mas yuav tsum mloog nws lus, ua raws li nws hais. Nws hais ib cov lus tsis muaj ko, nws cov lus ntxeev, qab tes ua qaum tes.
    Nws tau tshaj kom luag ua ib yam sib xws, Hos nws tsis ua li nws hais. Yam ua yog pej xeem ua tau, mas nws muab tsa ua nws tug.
    Zoo li yog pej xeem yug tseem hwv, pej xeem ua tseem hwv cov qhev. ua txhua yam pub rau tseem hwv yuav, kom tseem hwv muaj suab npe thiab koob meej nrov.
    B. Sab Ywj Pheej, mas yog pej xeem kav tseem hwv. Yog pej xeem muaj, mas tseem hwv li npua nuj.
    Pej xeem kob huam, ces Nom Tswv pluag. Nom Tswv yuav ua raws li pej xeem nyiam, cov yuav ua nom ua tswv yog pej xeem tsa.
    Lawv thiaj ua tsheej nom tsheej tswv, sawv daws sib mloog lus. Nom tswv pej xeem hais sib haum los ua se, nom tswv thiaj muaj nyiaj siv los tsim teb kho chaw, kom muaj kev vam meej. Nyob thoob qhov txhia chaw.
    Pej xeem vam meej, nom tswv thiaj muaj hauj lwm ua, kuj tseem tshuav tej yam yuav tau kho kom zoo dua mus, nyob sab Ywj Pheej!
    ->.YAM YUAV KHO:
    Yog nyob hauv cov ua nom ua tswv muaj nyiaj thiab cov luag hu ua tub txawj tub ntse no.
    A.Kev cai, mas ib tug Nom Tswv, los ib tug tub txawj tub ntse. Mas lawv muaj nyiaj ntau dua ib tug pej xeem txom nyem.
    Thaum muaj kev tawm rooj, los muaj ib rooj noj haus. Mas yog tus pej xeem them nyiaj ua rooj mov noj ntawd. Hos tus nom thiab tus tub txawj ntse tsis raug them.
    Tsis tau hnov dua ib tug nom los ib tug tub txawj ntse hais tias: Kuv coj koj mus noj mov no ib zaug li. Tab txawm muaj lawm, los ntshai yog feem tsawg xwb.
    B. YAM UAS PEB YUAV TAU PAUB KOM ZOO:
    ->.Yog tias muaj koj, los kuv ib leeg xwb, mas tsis muaj qab hau dab tsi li. Yog tsis muaj laug tej, mas yus ua nom los ua ib tug tub txawj ntse, li cov kwv qhia ntawv, los cov kws tshuaj, tsis muaj nuj nqes.
    ->.Muaj cov pej xeem thiab cov ruam, mas cov nom tswv thiab cov tub txawj tub ntse thiaj muaj hauj lwm ua. Lawv cov nyiaj yog cov pej xeem thiab cov txom nyem them los rau lawv.
    ->. Tsis muaj pej xeem ua cov neeg ruam nyob, mas Los Pav tsis nplua nuj tsi tau. Thiab cov ua nom ua tswv nrog rau cov tub txawj tub ntse, mas lawv tsis muaj suab npe nrov.
    Zaj lus no tsis yog yuav thuam ib leej twg li, hais li qhov muaj tseeb xwb. Thiab xav kom sawv daws txawj txo hwj chim chim kom ua tau phooj ywg nyob ua ke.
    Thiaj muaj kev cia siab tias, muaj neeg txhawb yus zog rau txhua fab kom sawv daws zoo tas txhua tus. Kuv zoo, los vim muaj koj nyob hauv.
    Koj ho zoo tuaj los vim muaj lawv nyob nrog ua npoj. Koj saib lawv tsim nuj, ces lawv saib koj tsim nqi. Kom peb txhua leej txhua tus ua neej nyob sib txig.

    Sacramento tim 6/3/2019.
    Yaj Zoov Ntxheb Xib Hwb.





    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5779
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 16 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj on 31st October 2019, 2:39 am


    Zaj 413- KEV NTSEEG NTUJ THIAB HMOOB DAB QHUAS.

    Kev ntseeg Ntuj thiab Hmoob dab qhuas sib txawv deb kawg. Kev ntseeg Ntuj cais tsis tau cov ntxhais mus ua ntxhais qhua. Kev ua neej, yuav tsum yug muaj tub muaj ntxhais ua ke.
    Thiaj nyob muaj Noob Neej Noob tsav,Nkauj muam nraus nus, muaj nuj nqes ib yam. Xeeb muaj Noob Neej xwb xeeb tsis muaj Noob Tsav, mas tsis muaj kev rau Noob neej Noob Tsav huaj vam mus.
    Qaum Ntuj tsim neeg los nyob ntiaj teb no, Qaum Ntuj yeej ib txwm xeeb muaj Noob Neej tas, ces xeeb kom muaj Noob Tsav los, rau Noob Neej Noob Tsav tau sib txis ua txij ua nkawm.
    Mas nyob hauv txoj kev ntseeg tsis muaj ib qib lus twg hais tias, yuav cais cov ntxhais mus ua ntxhais qhua. Yog ua neej tsis xyom hauj xyom seem lawm.
    Ces kom tej niam tej txiv muab tso rau kab theeb tim puam. Ua neej tsis nto ntsis, los muaj kev txhaum tau me nyuam nruab zoov nruab tsuag. Tsis pub yug hauv vaj hauv tsev.
    Thiab muaj ploj tuag, tso mus ua dab tus caj tu ces, Koom tsis tau niam Txiv dab qhuas, los tej neej nus dab qhuas. Tej no yog neej ua raws neej kev chim siab hais tias, ntxhais tsis txheej haj.
    Kev txhaum muaj sib npaug zos, tsis yib vim los yeej yib vaim lawm. Tsis yog ntxhais tsis tsim txiaj, feem ntau yog tub tsis tsim txiaj.
    Hmoob hais tias, ntxias los dag so taw xwb, kev tsis tsim txiaj, mas feem ntau yeej yog tog tub. Tog tub yog neeg muaj zog, muab yuam ua lev tsab lev pua. Cov ntxhais los poj niam zog tab, swb lub zog ua ntej mam swb lub cev rau.
    Sab tub muaj cai siv nyiaj los daws kev txhaum, tog ntxhais swb cev mus lawm ces nws tsuas tau txais kev tsis theej tsis kiab los npua li daim tsoos tsho, luag so tes so taw tas luag mus luag lawm.
    Txoj cai muab cais ua ntxhais qhua koom tsis tau niam txiv neej nus dab qhuas no, hnyav dhau rau tog ntxhais lawm. Tsis muaj tus tso noob, yeej tuaj kaus tsi tau li.
    Hmoob muaj dab neeg, hais txog Ntshiab thiab Ntsaus nkawd. Ntshiab taug dej ntshiab, Ntshiab mus yuav poj liab, Ntshaus taug dej nro, Ntshaus muas yuav poj tso.
    Los yeej ua tsis tsheej neeg li. Ntshaus thiaj tau ua neeb roob taus kho poj tsov, Ntshiab muas yuav poj liab, los Ntshaus kom Ntshiab coj poj liab mus cuab taub lawm. Thaum kawg, nkawd rov los yeej poj dab. Nkawd thiaj mam muaj nyab ua neej los mus muaj tub muaj ntxhais.
    Tus Ntxhais muab cais mus ua ntxhais qhua ntawd, uas muaj me nyuam nruab zoov nruab tsuag. Feem coob lawv tau txwv feej tub nom tub tswv ntau. Uas yog cov thawj neeg nyiam mus so taw rau.
    Yog Hmoob muab tus tub ntawd, nws leej niam cais mus ua ntxhais qhua tsis tsim txiaj, tsis muaj leej txiv, Nws yog noob txwv feej hnub qab nws tau ua nom ua tswv los tau ciaj faj tim Huab Tais. Mas yog kiag li Hmoob hais tias:
    Yog neeg nqes saum ntuj los tiag, vim nws tsis muaj txiv nyob ntiaj teb no, hmoob ho rov txaus siab hu nws ua Huab Tais nqes saum ntuj los tseeb lawm tiag lauj!
    Yog muaj tseeb li Hmoov hais, cov ntxhais yog ntxhais qhua. Mas Ntuj yuav qhia ntau haiv neeg sib xws. Vim li cas cov Los Tsuas ho tso cov tub mus ua luag vauv, cov ntxhais ho los nyob ua ntxhais cag coj vauv los hawm niam pog txiv yawg. Xws li tub mus hloov ua nyob li hmoob sab ntxhais, luag kuj vam vam meej muaj caj ces zoo thiab.
    Pab neeg ntseeg Ntuj mas tsis muaj tej hais no lawm, Tas tsoom hmoob los yuav tau kho tej no, kom tub ntxhais mus rau ib seem xwb. Txhob muab sib cais ua ntxhais qhua los ua dab tu caj tu ces.
    Ntuj Niam Ntuj Txi yog tus tsim neeg los , ua kom haum li Ntuj Txiv lub siab kom neeg tej Ntsuj Plig txhob muaj kev tus siab tus saus.
    Kuv pom nyob hauv kuv nruab tswv yim mas tsis haum li txoj kev Ntuj tau tsim Noob Neej xeeb los ua neeg es ho muab sib cais tawm mus ua li hais no.
    Tub ntxhais los puav leej yog yus roj yus ntshav loj ib yam, muaj nuj nqes sib xws. Muaj Noob neej nyob tsis muaj Noob Tsav kuj xeeb tsis tau los ua neeg.

    Sacramento tim 6/2/2019.
    Yaj Zoov Ntxheb Xib Hwb.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5779
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 16 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj on 6th November 2019, 9:44 pm


    Zaj 414- KEV NRHIAV TXwJ NKAWM.

    Hais rau nkauj nyab thiab Nraug Vauv, yog yus yuav mus ua luag Nyab thiab ua luag Vauv. Yog yus kawm tsis tau tiav, yam li yus tseem muaj kev khib, mas txhob maj mus ua luag Nyab thiab ua luag Vauv.
    Yog yus tsis muaj kev hlub, txiav siab kom meej. txhob maj mus yuav poj niam, los maj mus yuav txiv. Tsam neb muaj kev sib khib, ces neb ua neej mus tsis kav laus.
    Ib tug yuav yws rau tug tias, koj mas xub paub hmoob ua ntej dua paub kuv lawm. Ces pheej xav tau zaj niag xu das tias, ib leeg tseem tshuav ib nplooj siab nyob nrog lwm tus.
    Cov tseem muaj kev khib, mas kev khib coj kev sib cav sib ceg los los nias lub neej. Ces muab kev sib hlub cais tawm mus, coj kev sib khib, los ua chaw sib cav. sib ceg thiab sib tso mus.
    Yuav ua lub neej lwj siab nyob tsis kav laus, hnub no mus. Mas nej yuav coj li hais tias: Neb kawm tiav lawm,muab txoj kev sib khib no nrauj tseg mus.
    Txhob mus tsa muag saib luag tub luag roog thiab saib lug tab luag zag tias. Ua cas yuav zoo nkauj los zoo nraug tas npaud li.
    Suav txij hnub no mus, mas neb yuav xav tias, Txiv twb xaiv nyab qab ntuj mus dhau hauv ntuj lawm. Tus nkauj nyab hnub no kuv xaiv tau, yog kuv tus niam Nkauj Ntsuab tiag.
    Tus hnub no kuv xaiv sab hnub tuaj mus kawg rau sab hnub poob lawm, tus kuv xaiv hnub no, yog kuv tus txiv Nraug Nab lawm.
    Kev zoo nkauj los zoo nraug, tsis yog zoo li tus mlom uas luag ncuav hauv lub yeej Vub los. Tus zoo nkauj thiab zoo nraug, yog tus txawj hais lus luag ntxhi. Thiab tsis muaj kev khib, nrog kev ntxub.
    Ob leeg txawj pom mus ib seem, niam hais txiv yuav. Txiv hais los niam mloog. Ob leeg txawj pom Ntuj cov txiaj ntsim, nyob hauv koj los nyob hauv nws.
    Nco ntsoov kev sib hlub hauv lub neej yog kev tseem ceeb thiab loj tshaj plaws lwm yam. Kev sib hlub muaj nuj nqes loj tiag.
    Thaum neb muaj kev sib hlub lawm, mas cuag li tshuav ntiaj teb neeg nuj nqes ntau. Luag yuav tuaj thov kev hlub tawm ntawm neb mus nyab rau zej zog.
    Vim luag ntshaw thiab nyiam kev sib hlub, luag tsis paub tais yuav nrhiav li cas! Txhiaj Meej Pem Xeeb thiaj yuab zoo. Kom tau ua lub neej nyob mus kav laus.
    Hmoob yeej muaj lus hais tias:
    Xav yuav nyiaj mas yuav muaj neeg pab, kev ua zoo mas luag thiaj paub, kev ua ncaj, luag thiaj qhuas. Nco ntsoov tias, ob leeg zoo dua ib leeg mog, thaum koj ntog lawd, thiaj muaj tus tsa koj sawv.
    tas Hais zaj lus foom txuas ntxiv no mus.




    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5779
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 16 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj on 13th November 2019, 6:34 am



    Zaj 415- HMOOB TXWJ HMOOB LAUS LI PUAV PHEEJ.

    1.Nyob rau thaum cov xyoo 1950 ntawd,tom qab lub sij hawm uas Txiv Plig Nyiaj Pov ntsib tau tus Dr Smolay tus pab Txiv Plig tsim cov ntawv Hmoob Las Tees no tau lawd.
    Txiv Plig zoo siab heev, Nws tau hais kom Yaj Zam Nob, hais ob zaj kwv txhiaj thiab ob zaj dab neeg. Ces Txiv Plig muab ntaus tau ua ib phau me nyuam ntawv me me.
    Nws tau xa mus rau cov Xeev uas muaj Hmoob nyob, zoo li lub Nroog Xeev khuam, lub Nroog Sayaboury thiab lub Nroog Luang Nam Tha.
    Cov kws txuj uas yog cov Xib Hwb Los Tsuas qhia ntawv tsis zoo siab. Lawv ua ib lub plaub ntug loj kawg. Tub Liab Lis Foom thiaj tau hu tsoom Hmoob tuaj sab laj txog lub plaub ntaug ntawd.
    Txiv Plig Nyiaj Pov, yuav raug xa nws rov qab, mus rau Fab Kis teb. Txiv Plig kuj muaj kev txhawj xeeb loj. txog Yaj Zam Nob tias, Kuv tau kom koj hais ob zag kwv txhiaj thiab dab neeg.
    Kuv sau tau, ces kuv xa mus txog pem Xeev cov Nom Los Tsuas tsis zoo siab. Lawv yuav xa kuv rov mus rau Fab Kis teb.
    Mas kuv kuj muaj kev txhawj xeeb txog koj kawg thiab. Yaj Zam No nws kuj txhawj heev, ces nws hais tias: Lus yog kuv lus, tus ntawv yog koj ntawv… Ces Yaj Zam Nob cia li nyob ua ib tug neeg tsis paub ntawv tas nws sim neej li.
    Yawg Lis Tub Ntxawg yog thawj tug Nom txiav txim, nyob siab tshaj plaws dua li lwm tus nyob Los Tsuas teb. Nws hnov cov teeb meem no!
    Nws tau lees tias, yog nws sau ua si xwb. Ces lub plaub ntug no tuag kiag mus tsis muaj leej twg yuav muaj cuab kav hais thiab ua ntxiv mus lawm.
    Cov protestants lawv tig kiag mus siv cov tsiaj ntawv Los Tsuas, los hais lus Hmoob, raws li cov ntawv Los Tsuas uas lauj foom ua.
    2.Los txog xyoo 1962, lub teb chaws Los Tsuas nyuaj, muaj kev ua tsov rog kub ntxhov. Yawg Tub Npis Lis Foom tuaj nyob Vientiane, lub caij ntawd, Yawg Vaj Pov tswj pab tub rog pawg ob nyob sab Xeev Khuam.
    Txiv Plig Nyiaj Pov los nyob rau nram Vientiane thiab, Muaj Yawg Lis Choj thiab Muas Tub Soob Ntxawg, ua phooj ywg zoo rau Txiv Plig Nyiaj Pov.
    Txiv Plig nrog nws cov Xib Hwb Hmoob thiab Yawg Lis Choj thiab Muas Tub Soob Ntxawg tau hais kom Txiv Phas Nyas Tub Npis Lis Foom. Coj cov ntawv Hmoob Las Tees no, mus kos zwm npe nyob rau Los Tsuas lub tsev ua Kab Xwm hu ua kab Xuaa Mab Ham Thai.
    Kom Txiv Plig muaj cai muab Yes Xus lub Moo Zoo nthuav tawm, los sau ua lus Hmoob tas tib si. Peb thiaj txhais cov ntawv yog xeem lus Fab Kis los sau ua lus Hmoo:
    Zoo li cov phau ntawv hais txog Yes Xus lub Moo Zoo {Bible}, thiab tej lus uas Tswv Ntuj taus tshoj thiab txib cov Yaj Saub His Xas Lais hais, thiab tau muab sau tawm los ua lus Hmoob.
    Txij thaum Hmoob muaj cai sau tus ntawv Las Tees no los ua lus Hmoob lawm. Txiv Plig txhawb kom Lis Choj thiab Muas Tub Soob Ntxawg peb niaj hli sau ib tsab ntawv hu ua ntawv xov xwm tawm.
    Lub npe tsab ntawv xov xwm no, peb siv los txog xyoo 1975. Thaum peb mus txog Nkws Yas, peb muab hloov los hu ua Liaj Luv chaw Tsaws lawm.
    Ze ntawm xyoo 1990 Txiv Plig mus tshaj xov tooj cua nyob rau Fi Li Pi teb Nws muab hloov hu ua Liaj Luv Xa Moo no lawm thiab.
    Nyob hauv cov xyoo 1980, Txiv Plig tau muas Suav teb. Nws xa cov ntawv Hmoob Las Tees no mus cog rau Sauv teb. Nws tau yuav ib lub magneto zom lus thiab ib daim Ka Xev mus pub rau ib lub zos Hmoob zuj zus.
    Txiv Plig tau coj phau ntawv Hmoob A E T coj lus luam nyob Khwm Meej faib rau tsoom Hmoob Suav.
    Txiv Plig thiaj ntsib Vwj Zoov Tsheej, nws thiaj muab phau ntawv hu ua Hmoov Liv Xwm rau ob tug Hmoob Tsawb nyob Paj tawg Lag pab, Yaj Yias txhais los ua lus Hmoob dawb. Peb thiaj muaj phau ntawv hu ua liv Xwm Hmoob ntawd.
    Nyiam no cov Hmoob Suav, Hmoob Nyab Laj, Hmoob Los Tsuas, Hmoob Thaib thiab Hmoob Fab Kis los Hmoob Mekas sawv daws twb paub ntawv Hmoob la Tees sib npaug zos lawm.
    Cov Hmoob Suav lawv pheej muab cov ntawv Hmoob, Las Tees no hu ua ntawv Hmoob dawb Ntiaj Pov no. Ces Txiv Plig Nyiaj Pov thiaj tau muaj tis npe hu ua Ntawv Hmoob Thoob teb no lawm{ R P A.}
    3. Hais lub txiaj ntsim ntawm Yawg Hlob Vaj Pov:
    Xyoo 1968 Xib Hwb Yaj Zoov Ntxheb mus tshaj Ntuj lus raws li Yes Xus lub Moo Zoo nyob lub Nroog Looj Ceeb.
    Thaum nws ua tau nws lub tev teev Ntuj, rau tsoom Hmoob nyob pem tshav nyuj hoom tshiab. Kom Hmoob muaj kev teev hawm pe Tswv Ntuj, Thaum nws ua tau lawd.
    Nws tau hais rau CLN Vaj Tsu thiab C LN Lis Lauj, pab mus Hais Yawg Hlob Vaj Pov thuaj qhiab nws lub tsev teev Ntuj.
    Ces Yawg Vaj Pov nws ib huam coj nws pab tub rog, CLN thiab cov CMD tuaj nrog qhib. Thawj lo lus uas Yawg Hlob Vaj Pov tau hais:
    Kuv tuaj qhib lub tsev teev pe hawm Tswv Ntuj hnub no, Kuv nyob txog twg. Mas kom kev ntseeg Ntuj Ka Tau Liv nyob huaj vam thiab Vam meej mus txog ntawd.
    Kom peb Hmoob muaj kev, muaj chaws rau Huab Tais Ntuj pov hwm peb mus rau yav tom ntej,
    Ces peb sawv daws sib paub thiab ua phooj ywg los txog lub caij peb tau ua neeg thoj nam.
    Uas nyias mus nyias rau ib sab ntuj los ib roog teb, peb thiaj tau sib ncaim tsis tau nyob ua ke lawm.
    Ua li mas ntawm no yog Yaj Zoov Ntxheb li lus, Huab Tais Ntuj uas yog tus Hmoob ib txwm hu Nws ua Qaum Ntuj no hlub, nyiaj thiab yeej pov Hwm tsoom Hmoob txhua lub caij nyoog tsis tso leej twg pov tseg ib zaug li.
    Ntshai tsuas tshwj tus uas Hmoob ib txwm hais los tias, nws tau rov taw mus tuam Ntuj lawm. Mas thiaj tsis paub lawm xwb.

    Sacramento tim 20/12/2018.
    Yaj Zoov Ntxheb Xib Hwb.





    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5779
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 16 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj on 23rd January 2020, 9:46 am



    Zaj 416- HAIS TXOG TXIV NEEJ TXOJ SIA.

    1.Cov txiv neej txoj sia luv dua cov poj niam! Cov txiv neej siab tawv thiab lawv siab loj dua, thaum lawv muaj mob los lawv mus cuag cov kws tshej qeeb dua.
    Lawv lub cev muaj zog, lawv tsis muaj kev ceev faj. Thaum lawv raug ib yam ua rau lawv sab heev lawm, ces lawv muaj qhov ua kom lawv lub plawv nres tau.
    2. Cov txiv neej, lawv kov ntau yam, los nrog lub koob meej raws li lawv nyiam:
    Lawv tsis muab siab rau kev noj haus kom tsim nyog, kom zoo rau lub cev. Lawv nyiam haus luam yeeb, los haus cawv ntau. Ces ua rau lawv lub plawv muaj zog tsis txaus.
    Lawv raug xwv txheej, los ntawm kev mob ntsws, los mob plawv. Tej no ua kom cov txiv neej tuag coob dua cov poj niam mus lawm 2/1, {tuag tshaj cov poj niam li 2 npaug.}
    3. Cov txiv neej, thaum lawv laus txog li 40-50 xyoo, mas lawv muaj qhov hais tias, tsis muaj lub zog ua txiv neej. Ces muaj ob yam rau cov txiv neej xav ntau thiab tu sib:
    a.Cov poj niam tsis tshua nyiam lawv tus txiv, vim hais tias, cov poj niam, qhov yuav zoo li cov txiv neej, mas cov poj niam tis raug tus kab mob zoo li txiv neej!
    Cov poj niam los feem coob yog feem nyiam txiv neej, ces lawv tswj tsis tau lawv tus kheej. Ces lawv lub qhov muag tsom mus pom cov txiv neej nyiam kev ua nkauj nraug.
    Ces cov poj niam qaug lias, lub siab ua ywj fab ywj hwj, ces lawv coj tus yam ntxwv txawv. Ua rau cov txiv neej muaj kev tu siab. lub siab nyob tsis tus.
    Ces cov txiv neej uas muaj ntau tus kab mob ua ib txhij sawv los tawm tsam nrog lawv kev tu siab. Ces ua rau lawv siab ntsws ua ntxeev ua npau, ces lawv plawv cia lis nres tuag mus los tau thiab.
    b. Cov txiv neej uas lawv rau tus kab mob, muaj ntshav qab zib thiab ntshav siab. Mas lawv tus mob huam vam thiab nce sai kawg.
    Lawv yuav ncaim lub ntiaj teb no mus lub caij twg los tsis paub li. Tej tus yus twb ntseeg tau tias lawv yuav muaj hmoo nyob mus li 10 xyoo ntxiv!
    Tsis muaj pes tsawg hnub xwb, lawv twb ncaim mus lawm los muaj. Hais txog ob yam no, mas cov txiv neej tuag mus tshaj li cov poj niam 4 npaug diam. Cov poj niam nyuam qhuav tuag mus li 1 npaug xwb.
    4. Yog suav cov sij hawm ntawm ib sij mus, mas tas lub ntiaj teb no. {1 rau 5 secand} xwb. Ntshai twb muaj li 1 tug txiv neej tuag mus lawm.
    Cov phooj ywg, zaj lus no kuv muab hauv, cov kwv txuj uas lawv yog cov kws kho mob nyob thoob lub qab ntuj no los nyeem. Kuv mam sau raws li lawv tau tshaj tawm los.
    Kuv tsis yog ua yaj saub paub thiab xav tau sau tawm los, kuv yeej ntseeg tau li ntawd, kuv mam sau los rau peb tau paub.
    Sau nyob Sacramento tim 4/1/2019.
    Yaj Zoov Ntxheb X.H



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5779
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 16 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj on 31st January 2020, 7:59 am



    Zaj 418- COV THAWJ NEEG LUB NEEJ.

    Hais txog ntawm ib tug thawj neeg lub neej, Cov thawj neeg, ua nom ua tswv thiab ua Xib Hwb qhia kev ntseg. Los zoo li Hmoob tej txiv muam, coj dab coj qhua, los cov ua luag txwj luag laus ntawd.
    Mas lawv yog pab neeg uas muaj ib lub neej danger
    {dangereux} kawg nkaus. Lawv yuav raug xwv txheej loj thiab ntau tshaj li, tej pej xeem sawv daws txhua tus.
    ->.Cov pej xeem, mas tsuas muaj li 1 los 2 tug dab phem caum lawv. Ntxias kom lawv nrog tej niam txiv txij nkawm nyiam kev ua plees ua yi. Kom ob tug niam txiv no, muaj lus sib cav sib ceg ntau. Kom tsis sib haum, nyob tsis taus ua ke.
    Muaj kev sib tshom, kom muaj teeb meem, ces sib nrauj mus, tso tej me nyuam. Ua ntsuag ciaj mus ua lug puab rooj puab ntsa, rau luag ntxub thiab thuam.
    Tab txawm yuav dua tus tshiab, los tus dab qub yeej tseem tsis tau tso nkawd tseg. Dab yuav tshoj nkawd, lub siab tias, kom nkawd ua neej tsis sib ntseeg siab. Tus txiv neej, los paub ntau yam xav tus poj niam lub neej ua ntej tas lawd.
    Nkawd ua neej yeej tsis sov siab li, kev xav tseem muaj ntau yam xav tsis paub tas. Ib feem mas lub neej tseem yuav ntxhov dua qub tuaj. Los tsis pom qab tham qhia leej twg.
    Nyias yuav muaj nyias zaj xav nyob hauv nruab siab tias, Yus ntxub nws yam zoo li ub zoo li no, mus raus sab tsis ntseeg siab tas.
    Tseem muaj tej yam uas nkawd xav tias, nkawd ib leeg tsis phim leeg. Nyob rau ntawm lub hnub nyug. Uas ib tug laus dua, los hluas dua. Ces kev hlub tsis sib luag.
    Cov thawj neeg nyob saum kev ua luag tus thawj, cov nom tswv los cov Xib Hwb thiab cov txiv muam coj dab qhuas. Mas cov ntsuj plig phem hu ua dab no, nyiam caum cov thawj neeg no heev.
    Yam tsawg, mas twb muaj txog li 5 tug dab, los 9 tug dab caum thiab raws lawv qab. Cov thawj neeg no muaj ob hom neeg!
    ->.Thawj pab mas yog cov uas Tswv Ntuj xaiv thiab hu lawv los ua ib txoj hauj lwm coj neeg mus ua qhov kom xis Tswv Ntuj siab.
    ->. Ib hom mas lawv ntshaw hwj chim, los ntshaw kev ua tus loj kom luag hwm thiab nyiam lawv. Pab no mas nws yuav nyob tsis ntev ces nws ua kev txhaum ntau nws txaj muag, ces nws yuav ploj nws mus. Los nws mus nrhiav dua lwm txoj kev muaj koob meej kom luag hwm mus rau lwm sab.
    Cov uas muaj xwv txheej loj raug lawv, mas yog cov uas Ntuj tau xaiv los ua tub txib rau Tswv Ntuj txib. Cov ntsuj plig phem yuav caum thiab ntxias lawv heev dua, vim yog cov uas Tswv Ntuj xaiv thiab hu koj ua Ntuj txoj hauj lwm. Cov ntsuj plig phem yuav qhia lawv tias: Yog koj ntxiv yam ub yam no rau, mas neeg yuav nyiam thiab mloog koj dua.
    Cov ntsuj plig phem qhia kom cov neeg ua Ntuj hauj lwm, lawv nrhiav txoj kev ua neeg nplua nuj,kom muaj nyiaj ntau. Kom luag pom thiab hwm lawv tias, luag mloog tej lus nws qhia. Mas yog ib txoj kev uas Ntuj pub txoj hmoov zoo, ces nws tau ua neeg nplua nuj.
    Qhov tseeb nws raug cov ntsuj plig phem dag nws lawm, kom luag pub nyiaj ntau rau nws, kom nws muaj nyiaj ntau. Tsis kav nws tseem muab los coj los khav cuam tias, yog Tswv Ntuj pub rau nws. Vim nws ua Ntuj li hauj lwm, yam uas luag tsis paub hlo li, yog nws ua tub sab thiab dag nyiaj yuav.
    -> Cov ntsuj plig phem no, mas lawv muaj ib lub tswv yim ntxias kom cov thawj neeg coj yuam kev, kom pus tau neeg coob coob mus zwm rau cov ntsuj plig phem. Uas neeg muab lawv hu ua dab phem no.
    ->.Mas Dab ntxias tau ib tug neeg pej xeem dog dig, los ua kev txhaum, kom tau ua tub qaug rau Tswv Ntuj. Mas Dab phem yuav ua ib lub koob tsheej zoo siab cav txog nws mus ntev li ib teev los ib hnub ib hmos qhuas txog nws.
    Hos yog Dab ntxias tau ib tug thawj neeg, zoo li ib tug Xib Hwb los ib tug Txiv Muam nto moo txawj ntiab dab. Mas dab phem yuav ua tej lub koob tsheej loj txog li peb hnub peb hmos cav txog lawv.
    Cov neeg uas Ntuj xaiv tau, yog neeg thoob tsib thiab ntse npaum li cas. Mas dab yuav ua koob tsheej rau nws loj npaum li ntawd. Los qhuas txog nws tau pab tsoom dab, kom tau coj neeg ncaim mus deb ntawm Tswv Ntuj.
    Ib tig thawj neeg zoo li cov Xib hwb, yam tsawg twb muaj 9 tug dab caum thiab ntxias tus Xib Hwb no. Cov dab ntawd ib tug tuaj ntxias ib yam:
    Zoo li tus dab ua neeg muab hlob khav theeb, thiab tus dab, nyiam kom muaj hwj chim ntshaw koob meej. Tus dab txawj txawj xam khib, los tus dab muaj kev cib nyeej, kom npau taws sai.
    Tus dab ntshaw ua neeg nplua nuj, kom muaj nyiaj thiab muaj cuab tam ntau los ntxiv, tus dab nyiam kev ua plees yis kuj los caum ntxiv. Nrog ob tug dab tub nkeeg thiab dag kom hais lus cuav los nyob ntxiv hauv nws.
    Thiab ntxiv rau ob tug dab nyiam ua tub sab thiab nyiam ntxub neeg, ces nws muaj ib npoj dab nyob nrog nws. Ces nws tsis muaj zog txaus kom yeej tas cov dab no, vim thaum nws raug tas cov dab no, ntxias nws lawm. Ces nws yuav txav mus deb ntawm Leej Tswv Yim Ntshiab lawm. Ces nws yuav qaug lias rau dab cov zaj lus ntxias tib si mus.
    ->. Cov neeg mloog dab lus txawv li cov mloog tej nom tswv lus! Cov mloog nom tswv lus mas lawv ua nom loj nom me, los lawv zaum ib phiaj rooj nyob ze lawv tus nom tswv.
    ->. Cob neeg mloog Tswv Ntuj lus, lawv kuj yuav tau zaum ze Tswv Ntuj ib yam li cov nom tswv nyob ntiaj teb no thiab. Tab sis tsuas yog cov siab ncaj thiab siab dawb. Tsis yog cov thawj neeg sawv daws yuav tau zaum ze lawv tus Tswv Ntuj tib si.
    ->. Hos ntawm cov thawj neeg thiab tsoom pej xeem, mas txawv hlo li, tsis hais, tus pej xeem los thawj neeg, leej twg nyiam Tswv Ntuj dua,mas tus ntawd yuav zaum ze tswv Ntuj dua. Raws li tus coj ncaj thiab ua neeg dawb huv. Muaj ib feem thawj neeg, lawv leg Tswv Ntuj li hauj lwm. Tsis kav lawv tsis tau nyob ze Tswv Ntuj los muaj. Tej tus me nyuam neeg xwb los lawv yog neeg siab dawb, mas lawv tseem tau zaum ze Tswv Ntuj dua li ib co thawj neeg.
    Kuj muaj tej tus thawj neeg, raug Tswv Ntuj txib, los lawv tsis tau mus zaum ze Tswv Ntuj los muaj. Hos muaj qee leej mas lawv tsis tsim nyog mus rau Tswv Ntuj thaj chaws los kuj muaj thiab.
    Cov ntawd, yog cov uas lawv ntoo Tswv Ntuj lub meej mom, los hais tswv Ntuj cov lus ntag . Lawv zoo li yog cov neeg mus qiv Ntuj lus los hais, xws li tus neeg luag ntiav. los hais ib zaug lus xwb, nws tsis ua raws li txoj cai, thiab nws twb tsis muaj kev ntseeg nyob hauv nws li.
    Nws lam ua kom tau hwj chim koob meej yuav, kom tau ib lub hwj chim koob meej. Kom muaj ntsej muag rau luag qhuas los kom luag lwm. Thiab kom tau ua txoj hauj lwm pub rau dab uas yog cov ntsuj plig phem ntawd.
    Nyob hauv txhua pab neeg, ntseeg txog Yes Xus lub npe. Mas cov ntsuj plig phem no, caum lawv txhua pab tib si, kom sawv daws ua tej yam tub qaug rau Tswv Ntuj. Ces lawv tau ncaim mus deb ntawm Tswv Ntuj, mas cov ntsuj plig phem tuaj ntxias neeg no, mas zoo siab kawg.
    -> Yog dab ntxias tau ib tug pej xeem ua txhaum tub qaug rau Tswv Ntuj lawm, mas dab yuav ua ib lub koob tshej qhuas thiab cav txog nws li ib teev, los ib hmos rau nws.
    -> Yog dab ntxias tau ib tug thawj neeg muaj koob meej, ua txhaum rau Tswv Ntuj mas dab yuav ua ib lub Koob tshej ntev li peb hnub peb hmos rau nws.
    Tseem muaj tej tus thawj neeg uas tsim nyog dab ua tej lub koob tsheej ntev txog li xya hnub xya hmo rau los muaj thiab. Cov uas dab phem ua koob tsheej ntev ntev li ntawd, yog cov uas Tswv Ntuj xaiv lawv los ua Tswv Ntuj cov tub txib, thaum lawv raug ua Tswv Ntuj tus tub txib lawm. Ces dab tuaj haub ntxia kom nws ua neeg yuam kev loj.
    Ces nws txaj nws muag thiab nws tuag mus, vim nws tso Tswv Ntuj pov tseg. Thiab nws tau tuag mus rau lub caij nws mloog dab, uas nws txav mus deb ntawm lub cim daws txhaum.
    Nws tus ntsuj plig tau tawm ntawm nws lub cev mus lawm, Nws lub cev thiab tus ntsuj plig tsis nyob ua ke. Lub cev ua tsis tau cov kab kev tu siab los thov kom Tswv Ntuj zam txhaum rau nws.
    Ces txawm yuav ua zaj twg los pab tsis tau, xws li cov ntsuj plig phem. Uas Tswv Ntuj tau tsim lawv los lawv yeej yog ntsuj plig lawm. Mas yog lawv ua kev txhaum ces pab tsis tau lawv lawm, lawv yuav nyob ua cov ntsuj plig phem ntawd, mus ib sim neej
    Qhov uas yus tau lub npe phem, tsis muaj caj muaj ces, uas tus ntsuj plig phem no. raug luag ntxub, mas thaum yus paub tseeb. Mas yog ib yam phem thiab lig heev lawm hloov tsis tau.
    Thaum ntawd, koj tsuas yog ntsuj plig lawm xwb. Yog tsis muaj lub cev nyob nrog, ces ua yam twg los hloov thiab pab tsis tau lawm. Lub caij hloov tau yog lub caij uas lub cev thiab tus ntsuj plig tseem nyob ua ke.
    Nws tsis muaj lub cev ua cov kab ke tu siab thiab thov kom Tswv Ntuj zam txim rau lub cev nrog tus ntsuj plig. Ces ua tsis tau kom muaj kev pab thov zam txim rau tus Ntsuj plig. Kom rov ua tau tus ntsuj plig dawb huv, thiab rov tau lub cev neeg nrog tus ntsuj plig, mas ntshiab huv tuaj tuaj tsis tau.
    Vim li no, mas Leej Txwv Yim Ntshiab thiaj qhia, kom muaj lub cim daws txhaum nyob hauv Yes Xus lub Koom Txoos, kom tau ua cov kab ke tu siab los daws txhaum.
    Kom rov tau ua neeg ntshiab huv dua los nyob hauv Yes Xus lub npe, kom raug Tswv Ntuj rov hlub thiab zam txhaum rau yus.
    Tab txawm yog yus raug ua ib tug pej xeem, los ib tug thawj neeg nyob ntiaj eb no. Txhua tus muaj cai sib pov hwm, cov txheeb ze nrog yus nyob. Yes Xus yeej ib txwm hais tseg tias, txhua tus neeg nrog Yes Xus ua Vaj, los ua Yaj Saub, thiab ua Leej Choj.
    Kom sawv daws sib pab los sib pov hwm ib leeg mus dhau leeg! Tus thawj neeg zoo li tus Tswv zov Yaj, nws yuav txuag thiab saib tiv thaiv nws pab yaj kom zoo. Kom lawv txhob raug tsov hma tom, los tawg tas mus ua Yaj poob zoo.
    Cov pej xeem kuj yuav pov hwm thiab mloog lawv tus tswv, txhob thuam los ntxub. Mas yog lawv txoj kev sib pov hwm ob sab, kom lawv tus zoo Tswv zov yaj thiaj pov hwm tau lawv ob sab neeg mus.
    Yog tus thawj neeg ua neeg dog dig, nws cev tej yam tsis zoo rau cov ntseeg. Mas nws tsis yog tus zoo tswv zov Yaj. Nws cev tej yam yuam kev, nyob hauv nws cov lus los coj neeg ua kev txhaum.
    Ces nws xwb tim tso nws cov yaj pov tseg rau rau tsov hma tom lawv ntag. Nws tsis hwm thiab tiv thaiv nws pab yaj, ces nws tsis yog tus zoo tswv zov yaj los ntawm lub qhov rooj los. Nws dhia ntawm qhov rai los ua ua tub sab tub nyiag thiab nkaug rau nws pab Yaj kom tawg tas thiab ploj mus ua Yaj poob zoo.
    Cov pej xeem yuav mloog lawv tus tswv, yog Tswv Ntuj tus tub txib. Tswv Ntuj tso nws tuaj saib Tswv Ntuj pab Yaj.
    Yog peb muab nws thuam tshaj 50% los muab nws qhuas tshaj 50% puav leej yog qhov tsis zoo:
    Koj qhuas tus zov yaj zooj li koj tus Xib hwb, yog koj muab nws qhuas tshaj 5o% lawm . Mas nws cia li xav tias nws loj thiab zoo cuag li Tswv Ntuj lawm.
    Ces nws yuav tsis txawj txaj muag, nws yuav tab meeg kov kev ua txhaum rau koj saib: Tej zaum mas nws kov kiag koj tub koj ntxhais los sis kov kiag koj tus poj tus sev. Ces koj hais tuaj, nws raug kev txaj muag los poob tsim mus lawm.
    Nws cia li tso Tswv Ntuj pov tseg, mus teev dua ib tug Tim Tswv tshiab muaj qab hau npaum li tej pob zeb pob ntoos uas zoo rau neeg so ko taw los zoo tiag taw rau neeg nuam yaj lawm xwb.
    Yog koj ho muab nws thuam qis tshaj li 50% lawm, ces nws yuav tu sib heev tias: Nws yog Tswv Ntuj tus Xib Hwb los tus Zov Yaj ntag. Ua cas Ntuj yuav tsis pab nws li, ntshai tsis muaj Tswv Ntuj pob! Nws qaug zog nws kuj cia li ncaim mus teev nws lub plab lawm xwb. Tsau plab nws kuj yog neeg zoo.
    Thaum nws tshaib plab tuaj, nws kuj txawj mus ua tub sab tub nyiag tho luag qhov vaj qhov tsev. Tsis muaj neeg pom nws kuj dim ib zaug.
    Hnub twg nws tsis muaj hmoo, luag pom ces luag ntsis ntaj ntsis phom taw ncaj nws. Ces nws yuav tau tuag nyob hauv kev ua txhaum. Ces nws yuav plam txoj kev ua Ntuj me nyuam tsis muaj ntxiv lawm.
    Peb cov neeg ntseeg peb yuav nco ntsoov tias, yog ib lo lus qhuab qhia peb zoo mog, los lus hais los no. Kom peb muaj hmoo cia tus ntsuj plig nrog lub cev nyob, xub mus ua cov kab kev daws txhaum tso. Tus ntsuj plig mam ncaim ntawm lub cev mus.
    Peb sawv daws ib leeg yuav tau pov hwm leeg, viam peb puav leej yog Tswv Ntuj tej me nyuam. Yes Xus tau hais teeb tias, peb sawv daws yog Yes Xus cov kwv thiab cov muam, nyob ua ke rau hauv Tswv Ntuj lub hwj chim.
    Muaj ib yam uas peb yuav nco ntsoov tias, peb muaj nqes dua li ib tug tsiaj. Peb yuav tsim koob hmoov kom luag tau ua chaw tshua thiab cav txog peb lub npe mus li!
    Nej sim ntsia saib ib ug tsiaj tuag lawm, neeg tseem ntshaw nws nqaij los noj, ntshaw nws tus kub los tus kaus yuav los ua pov haum, tau saib dab muag.
    Peb neeg ntiaj teb yog peb tsis tsim koob hmoov tseg, mas thaum tas peb sim neej lawd. Neeg tsis xav pom peb lub cev. Tus neeg tuag lawm tsis zoo saib, neeg saib zoo li yog li ib tug dab tuag, tsis muaj ib yam khoom zoo rau peb siv li.
    Yog tus tau tsim koob hmoov, ces peb tau nws tej koob hmoov thiab tej tej txiaj ntsim rau peb khaws los ua puav pheej nco tseg nyob hauv peb lub neej xwb.
    Tus neeg phem. Mas nyob los luag ntxub, tuag mus, los neeg ntshai li yogi b tug dab tuag xwb. Mas neeg tseem ntxuab nthiab nto xwb. Neeg tsis nco npaum li tus tsiaj tuag uas neeg yuav tau noj nqaij thiab tau kua haus ntawd. Neeg yuav nco tus tsiaj tuag dua li nco tus neeg tuag.
    Kwv tij phooj ywg, kuv sau zaj lus no, los rau peb sawv daws tau ua kev kawm txog, peb li neeg txoj kev sib hlub nyob hauv peb lub neej. Kom peb paub tias. Neeg muaj nqe rau neeg tej koob hmoov ntau kawg.
    Ib leeg yuav hwm leeg, kom ua lub neej nyob thaj yeeb thiab kaj siab lug. Pub rau peb tej xeeb ntxwv tseem ua lub neej nyob rau ntiaj teb no.
    Thaum peb nce hauv toj mus lawm, los kom peb tseem muaj tus ntsuj plig dawb huv rau Tswv Ntuj nyiam thiab hlub. Peb thiaj zoo siab rau, lub neej nyob ntiaj teb no. Koj muaj tej koob hmoov,uas koj tau ua ntau npum li cas. Yog koj tug koj thiaj yuav coj tau mus nyob pem ntuj.
    Tej Koob hmoov hais no, yog cov Leej tib neeg uas lawv ua koj li txheeb ze thiab phooj ywg. Cov no thiaj yuav coj tau nrog koj mus nyob pem ntuj Ceeb Tsheej. Sawv daws yuav rov sib pom sib ntsib nyob hauv Tswv Ntuj lub hwj chim dua.

    Sacramento. 30/10/2018.
    Yaj Zoov Ntxheb Xib Hwb.




    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5779
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 16 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj on 6th February 2020, 2:08 am


    Zaj 439- HAIS TXOG HMOOB KEV UA NEEB.

    Txoj kev ua neeb txhawv los ntawm lub npe hu ua Yaj Saub Siv Yis los. Tsis hais lub Xeem Hmoob twg li, cov txawj ua Neeb. Sawv daws puav leej muaj keeb kwm los ntawm, tej Txwv Zeej Txwv Koob los.
    Kev ua neeb yeej pib muaj thaum nyuam qhuav muaj, 12 lub xeem Hmooj loj thaum lub hauv paus los, uas Siv Yis tau tshwm los tas lawd.
    Hmoob hais txog caj ces Neeb no, nws los ntawm tej pog yawg lawv tej roj ntsha los. Cov txiv neej sawv Neeb, los nrog caj ces los. Nyob li ntawm cov poj niam sawv neeb, mas yog caj ces neeg ntawd, tsis muaj ib leeg tub yuav tsim nyog txais tus sawv roj ntsha ua neeb.
    Ces mam li los thawj rau cov ntxhais, ua li mas cov poj niam txawj Neeb yog cov keeb kwm roj ntsha los ntawm ces neej tsa los.
    Ib tug neeg thaum Neeb yuav tshoj los txog, nws muaj mob heev. Cov kws tshuaj nrhiav tsis tau nws tus mob tias, yog vim tus mob dab tsi!
    Kawg yuav tsum yog ib tug neeg uas nws twb xub txawj Neeb lawd, Nws mem tau tias ntshai yog muaj caj ces neeb los thawj nws. Ces lawv muab nruas ntaus thiab tsuag dej rau ces tus neeg ntawd, ces nws tshee. Ces mam paub tias yog neeb thawj lawm lawm yuav tau ua neeb no xwb.
    Tsis muaj ib tug neeg yuav paub tau ntau tshaj, li tej hais no. Kuj tsis muaj neeg paub tias, qhov tseeb yog dab tsis li thiab. Tsuas yog mem tau tias, yog muaj qhua neeb los thawj raug nws lawm.
    Lub txiaj ntsim hwj chim Neeb no, tsis paub tias, yog Qaum Ntuj qhia, los yog ib tug dab txawv li cas los qhia Hmoob ua Neeb.
    Cov txiv neeb mas thaum lawv ua neeb mus lawv muaj ib co lus zoo li tej neeg tawv dawb lawv hais tias:
    Muaj ib co lus saicologie, hais tau kom neeg tso siab thiab ua siab loj. Ces daws tau neeg tej tswv yim thiab lub cev muaj mob nkeeg ntawd tawm mus.
    -Txhua tus neeg txawj neeb lawv hwm lawv cov Xib Hwb zoo kawg. Yam li thaum nws pib ua neeb, mas nws xub txheev txog nws tus xib hwb ua ntej tias: {lo lus txheev= caw tuaj.}
    Lawv xub txheev tias:
    Yaj Xib Hwb, los Lis Xib Hwb tas, mam li txheev txog yus li txwv zeej txwv koob ntawm yus caj ces. Mam mus nce tsua siv Yis neeb, tsua Leej Nkaub, mus rau tsua nkauj kab yeeb, tsua Tooj Nchai, tsua maj tsua mos, ib txheej zuj zus los mus.
    Mas hais txog yus ua tus txoov siv lug, thiab tej me peeb zeej peeb muas. Tuaj txhij, ces sam nees eeb rau nees xauv. Ces mam nce mus pem vaj Txoov Siv Yis mus tsab yeeb tsab tshuaj sam cawv, rau Neeb Nom Neeb Tswv.
    Mam nqes mus nrog dab taug cai plaub ntug, saib yog txhaum cai rau neej los txhaum cai rau dab. Txaus kho los txhiv nyiaj txiag xyab ntawv npaum li cas mam txhiv mus.
    -Cov tsiaj uas yuav kho, mas tsuas yog muaj kho txij li qaib thiab npua los xwb. Cov tshaj saum lawm, mas tsuas yog siv tus tshis los kho ntxiv. Ib txwm tej Neeb txwv Zeej txwv koob, yeej tsis muab nyuj los kho li.
    Thaum ua neeb tas, mas qhov yuav paub tseeb li yus mem tau. Mas tsuas yog twv tau, los ntawm txwm kuam los. Kuam muaj peb seem, khwb los ntxeev thiab khwb ib sab ntxeev ib sab.
    Yog tim teev lawm tiag no, kom khwb, los ntxeev los sis khwb ib sab ntxeev ib sab. Yog tseeb tiag kom khwb los ntxeev li peb zaug, ces thiaj yog tim tseev tiag.
    -Kev ua Neeb thuam tsis tau tias tseeb los cuav, vim tej Txwv Zeej Txwv Koob yeej ua puag thaum twg los lawm. Thiab yog ib txoj kev ntseeg los puag thaum ntxov ntxov los ntev heev lawm.
    Kev ntseeg, txawm yog neeg ib tug neeg. Los ntseeg tej poj koob yawm txwv thaud los, yeej teem yog ib yam zoo rau neeg ntseeg. Kev ntseeg yam phem yog yam uas tus neeg ntawd, yeej tsis muaj ib yam dab tsi zoo ntseeg li.
    Mas hu tau ua yog tus phem lawm tiag, rau qhov nws ntseeg nws lub pab ua ntej tshaj txhua yam tib si. Zoo li thaum nws noj mov tsau plab lawm, nws kuj yog neeg zoo.
    Thaum nws lub plab tshaib tuaj lawd, nws txawj mus tho luag qhov vaj qhov tsev. Tsis muaj neeg pom. Kuj tsis ua li cas, yog muaj neeg pom lawm, nws kuj txawj ua xwv txheej tua tau neeg ploj tuag mus.
    -Nyob hauv kev ua neeb muaj qee yam tsis zoo, yam ntawd, yog rau tej tus tsis hais leej twg li. Thaum ib tug neeg raug ib co ntsuj plig phem muaj tau lub tswv yim phem los ntxiv rau tus thawj neeg ntawd lawm. Cov ntsuj plig phem no cob qhia kom txua thiab ntxiv tej yam yuam rau tej tib neeg kom ua neeb npluaj nuj tuaj.
    Mas yog tej yam uas tawm tshiab hauv cov ntsuj plig phem tuaj, Leej tib neeg thiaj ua tau tej yam tsis haum neeg siab, ua tau tej yam ntxim ntxub kawg.
    Cov ntsuj plig phem hais no, yog lo lus uas Hmoob hais tias yog dab qhia kom ua. Kev ua neeg yav ntuj thaud, yog ua neeb dawb neeb huv, li lwm yam kev ntseeg thiab.
    Txawm tsis muaj nyiaj los muaj tsiaj, mas yeej pom tej Txwv Zeej thaud lawv ua neeb. Lawv muab pob zeb, los tej lub dab npuas, los hloov cov tsiaj ua neeb kho ntawd, xws li tsis siv qaib npua los kho twb muaj los lawm.
    Lo lus hais no, tsis hais txhua yam kev ntseeg li. Txhua txoj kev ntseeg, yeej yog txoj kev dawb huv, yuav muaj kev hlub thiab zam rau cov pluag.
    Kev sau nyiaj yuav tsum sib pab kom muaj kev mus taus, tus muaj them ntau tus pluag nws them tsawg los tau. Tus ho tsis muaj kiag los yuav nws nplooj siab dawb muaj kev ntseeg xwb los yeej tau.
    Nyob hauv cov thawj neeg coj txhua yam kev ntseeg, cov dab uas hu ua cov ntsuj plig phem no. yeej caum thiab ntxias kom tej ua thawj neeg no ua txhua yam yuam kev, kom nws txoj kev ntseeg pab tsis tau nws tus kheej.
    Yeej muaj tseeb li hais no, Sawv daws thiaj hnov tej lub moo paug pob ntseg tias, ua neeg tsis ncaj ncees.
    Hais txog kev ua neeb kuv tau kawm los kuv tsuas paub npaum li no xwb. Kuv sau tawm yog xav kom Hmoob ua neej nyob hauv lub qab ntuj khwb no sawv daws sib hwm zoo mus.
    Sawv daws thiaj nrhiav tau txoj kev ntseeg, kom yog kev ntseeg dawb huv. Muaj txoj sia zwm rau tus Neeg ntiaj teb hu ua Tswv Ntuj muaj txoj sia nyob mus li. Rau leej neeg cov ntsuj plig muaj txoj sia nrog Ntuj Niam Ntuj Txi nyob mus txhiab niag tim puas xyoo.

    Sacramento tim 8/8/2018.
    Yaj Zoov Ntxheb Xib Hwb.




    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5779
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 16 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj on 14th February 2020, 10:28 am



    Zaj 445- ZAJ LUS PIAV TXOG PEB HMOOB LUB SIAB.

    Zaj lus no, mas kuv yuav muab kuv tus kheej los hais. Thiaj tsis muaj kev tub qaug rau leej twg.  Kuv yuav hais raws nraim li kuv lub siab nyiam coj thiab ua los mus hais.
    ->. Thiaj yog ib zaj muaj tseeb, li kuv ua thiab kuv coj kiag los hais.  Vim tias kuv twb tsom kuv lub siab txhua yam uas muaj tseeb lawd los hais.
    Kuv kuj tsis paub tias, nej lwm tus neeg, nej puas coj thiab ua li kuv tau ua los lawd.  Kuv saib mas kuv lub siab yeej phem heev, yog nej pom tias muaj muaj tseeb raws li kuv piav no!
    Mas puas yog tias:  Los ntawm tej pog koob Yawg koob lawv yeej muaj ib co noob ntshav zoo li ntawd los, los yog dab tsi tiag.  Los puas yog yus xwb tim xeeb tau los es yus yeej phem li no li.
    Vim li cas, yog yus thiaj xeeb tau los ua neeg phem, los  yog thaum yus yug los tshwm sim ua neeg. Yus yeej muab tau daim ntawv phem, los yog Qaum Ntuj muab ntawv phem, los yog Dab hloov kom yus tau daim ntawv phem los ua neej nyob rau ntiaj teb no.
    Ua li cas, thaum yus ua neeg paub tab zuj zus los lawd, Yus tsuas muaj lub siab xav phem rau luag mus li xwb.  Yus twb tsis paub tseeb tias;
    Tej niam tej txi los tej hlob thiab tsoom phooj ywg, lawv puas hlub yus.  Los lawv yeej ntxub yus li yus xav, tias luag tsis nyiam yus, ntshai luag ntxub yus heev no.
    Es yus twb tsis muaj kev tso siab thiab ntseeg tias, luag yeej hlub, vim tsis yog yus ib leeg xwb.   Kwv tij peb muaj ob peb leeg. yus pheej xav yus zaj niag xu das tias:
    Ntshais luag hlub lwm tus es txhob txwm tsis hlub yus, los yog yus yeej xeeb los ua neeg phem dua thiaj tsis xis luag sib los ua li cas li.
    ->. Cia li muaj ib lub siab tsis nyiam tej niam tej txi, los cov ua hlob.  Yus cia li khaws kev tu siab tias, luag txhob txwm tsis xav hlub yus xwb.
    Ces yus khaws kev tu siab thiab khaws kev cib nyeej los ua ib lub pob zeb los pob ca, thaiv yus kev kom yus ua neeg dig muaj thiab lag ntseg tsis hnov tsis paub thiab nco luag kev hlub.
    Khaws kev cib nyeej thiab kev npau taws los tsuam yus, yus twb nti tsis tau los tsis txawj thov kev pab los ntawm tej neeg uas lawv yuav hlub tau yus li.
    Yus cia li khaws kev tus siab tuaj ntau li ntau, ces yus loj xov ntxub tas nrho yus tsoom txheeb ze, los txog yus tej poj niam me nyuam txhua tus mus tib si lawm.
    ->.Yog yus xyaum mus yuav ib lub tswv yim tsiaj txhu, los lub tswv yim neeg li lauj!  Kev tu siab thiab kev pob chim, mas muaj ntau li ntau ua rau yus tawm los nti twb tsis taus li.  Los yus tseem khaws quj qees los tsuam ntxiv.
    Ua rau yus lub siab qhwv quav  tsis pom sab ntuj twg yog sab ntuj kaj thiab sab twg yog ntuj tsaus li.  Yus twb kawg kev, tsis muaj kev mus li lawm los, yus tseem cav khaws tseg tias:
    Lwm hnub kuv loj hlob tiav txiv tsod, kuv ua tsis tau dab tsi rau nws los kuv mam ua rau nws tej me nyuam kom lawv raug kev khaum mus kom ti txha nkaus no thiab.
    ->. Puas yog vim yus phem dhau lawm yus thiaj muaj lub tswv yim qhwv quav loj tas npaud. Yus thiaj pheej hais thiab yws nyob hauv nruab siab tias:
    Muaj ib hnub mas lawv yuav raug khaum mus kom txom nyem mus ti txha tsis muaj hnub zoo li.  Thaum kuv xav li no, es puas yog kuv twb raug khaum hnub ntawd los lawm lod.
    Es kuv thiaj yuav ev kuv tej niag kev yws thiab kev cib nyeej no yws kom mus txog hnuv lawv raug khaum mus li kuv xav.
    Zaj kuv xav no, yog kuv pheej ua hnub ua hmo xav kom mus txog hnub ua kuv laus nkoos. saib kuv puas yuav pom lawv raug khaum li kuv xav ned yom.
    ->. Ua cas  zaj kuv xav no nws puas yuav tawg paj txi txiv rau kuv pom, thiab kuv tau saib ntawm kuv qhov muag ned.  Qee zaus kuv pom lawv nto ib teeg xwb, kuv twb zoo siab heev tias:  
    Zaum no, khaum tsis khaud, ua nws ntog tej niag teeg  ntxeev tiaj khwb rwg hlo li no. Ua nws raug khaum kiag lawm lauj zaum no os.
    ->. Kuv lub siab phem los tseem tsis tau nqig li thiab, Kuv ntxub tej laus uas yog niam yog txiv, Los kuv tseem nyiam lawv tej tub tej ntxhais. Hlob zuj zus tuaj los los yuas cav nyiam mus tham thiab kom tau nrog lawv ua nkauj ua nraug.
    Saib luag puas qhua tias yus yog neeg zoo nkauj thiab zoo nraug rau lawv nyiam thiab no laid!  Ab yog  kuv ruam los kuv ntse ned!  Ib sab ho ntxub lawv tej yog niam yog txiv, ho sib sab yus ho nyiam luag tub luag ntxhais thiab yom!
    Ab, cas tsis paub li lauj, kuv lub tswm yim no, yog kuv nyiam kuv li no los yog dab qhia kom kuv ua li no ned!  Los yog los ntawm kuv caj ces tej pog tej yawg thiab tej niam tej txiv los, los ua li cas li lauj.
    ->. Raws li kuv xav, mas kuv tsis yog ib tug neeg ruam heev npaum no thiab nad!  Kuv twb paub lus thiab xyaum ua txhua yam kom luag nyiam kuv nod.
    Ab ntshai yog luag yeej phem ho, thiaj ua rau yus ntxub lawv tas npaum no thiab lauj!  Zoo li kuv ntsia nyob hauv kuv nruab siab mas kuv tsis tau ua phem rau leej twg nad.
    Tsuas yog luag xwb tim tsis nyiam kuv ua thiaj xav li no ho! Kav liam lauj.   Nyias taug nyias kev nyias mus nyias yog luag ntxub yus ces nco ntsoov tias niag ntawd yog tus ntxub yus no xwb,
    Txhob quav ntsej txog nws, cia nws mam li dawm nws taw ntog mas zoo siab xwb mad! Cia nws ua rau ntiaj teb  saib, vim nws twb saib tsis taus yus thiaj tsim nyog rau nws thiab mas!
    ->. Kuv tseem pom tej no ntxiv thiab lauj!  Ua cas nyiam no Hmoob txawj ntse tuaj lawm. Sawv sawv paub tib yam li kuv paub thiab.
    Cov xub paub, mas yog cov uas lawv mus tsos duab thiab tso lus nyob hauv youtube tias lawv yuav tau nyiaj no.  Mas sawv daws ho mus sib ceg zom zaws nyob saum youtube tias: Kom mas niam phem li ub li no tuaj lawm thiab lauj.
    Kuv xav tias sawv daws xyaum ua li kuv ua lawm thiab ntag.   Ntshai peb Hmoob lub siab yuav xyaum phem ib yam los ua li cas li lawm thiab od.
    Tsis yog kuv thuaj ua neeg phem liam txwv xwb, sawv daws ua sib npaug zos li lawm. Puas yog peb sawv daws thaud koom ib tug pog ib tug yawg los xwb, los ua li cas li lawm. Kuv kuj rov twv tsis raug li lawm thiab.
    ->. Kuv saib mas zoo li peb cov Hmoob coj sib xws tas sawv daws li lawm thiab. Ntshai yog lub hauv paus, peb koom los ntawm ib hom roj ntsha los, los ua li cas li tiag!
    Zoo li Hmoob mas nyiam kev ua plees ua yi mus sib ua nkauj ua nraug heev tshaj plaws li lawm ntag.  kuv rov nco txog lo lus uas thaud tej laus hais rau tej me nyuam ntxhais tias:
    Txhob mus pw ntawm kev, tsam tej txiv neej los ncaj ces lawv hla yus taw, ces yus muaj me nyuam no. Cov txiv neej zoo li kuv, mas tsis tos kom ob leeg sib yeem li.
    Tsuav yog pom poj niam tsis hais laus los ntxhais hluas nkauj li.  Pom luag nyob ncaj ke ces cia li hla hlo lawm, tsis paub tias luag puas yeem li.
    Ces Hmoob sawv daws, mas muaj kev sib ntxub thiab nyiam ua plaub ua ntug tas mus li lauj. hais yeej ces kawg yuav, hos hais tsis yeej lawm ces mam muab nyiaj los kho thiab hais tias ntxuav kom rov dawb huv tuaj li no xwb.
    Thaum muaj ib yam ua yus tsis zoo siab tuaj lawd, mas sib ceg,  cem qhov dev qhov npua.  Cuag li yus tej khoom ntawd, twb tsis tsim txiaj li, los yog saib tias tsim txiaj dhau lawm.
    Yuav tau cem qhov ntawd, thiaj mob lawv siab los ua li cas li tiag. Tej no yog Qaum Ntuj muab rau yus coj los ua neej.  Es pheej yuav muab cem li no, yuav tub qaug rau Qaum Ntuj los yuav tub qaug rau tus neeg yus cem ntawd li lauj!
    ->.Yog yus niaj hnub cem qhov ntawd los ua hnub ua hmo thiab ua tshais ua hmo, mas ntshai yuav tub qaug rau Qaum Ntuj xwb lauj!
    Raws li kuv xav, mas ntshai yog yus saib tsis taus yam zoo tshaj plaws nyob hauv yus lub neej. Mas ntshai Ntuj yuav tsis foom hmoov zoo rau yus li.
    Thaum txog yus hnub nce hauv toj mus rau Nyuj Vag Teem. mas cov xav mus rau Ntuj Ceeb Tsheej los Ntuj yuav tsis qhib rooj ntug rau mus.
    Hos  yuav mus rau dab teb los thaum ua neej nyob, yus twb tsis nyiam dab li thiab. Yus kuj ntshai mus raug txim nyob rau dab teb. Vim tias thaum ua neej nyob tsuas hais niaj hnub dag rau dab thaum yus tau ua txhaum rau dab lawd.
    Niaj hnub hais tias yuav tuaj yeem them nyiaj rau dab daws ntawm yus kev ua txhaum. Yus niag qas muab ntawd dawb los dag rau dab mus li tias:
    Kuv mas them nyiaj txiag xyab ntawv txhiab txhiab vam vam puas rau dab no. Dag xwb los dab kuj tsis nplua yus li cas thiab.
    Hos yog luag twb tsis tau dag yus los tsuav yog nyiaj muaj tsis txawm sem mus li ib kis los ib daus las xwb.  Mas yus txawm siv muab npua tshaj kiag li ib npaug ntxiv thiab.
    Thaum kawg Ntuj los tsis yuav, dab los tsis nyiam yus yuav mus sab twg los tsis tau. Ntshai kawg yuav nyob ua niag dab tuag, los hem neeg kom neeg tau poob plig mus.
    ->. Saib neej puas tua qaib tus npua los hu lawv plig, yus raug kev tshaib kev nqhis saib yus puas yuav tau me ntsis pa nqaij pa mov los yoog kom ua ntsuas raug dab tuag tshaib dhau mus xwb lauj.
    Xav mas ua cas thaum yus tau xeeb los ua neeg, ua cas yus tsis xyaum thiab nrhiav ua qhov zoo, kom Ntuj tsis hlub los dab ua ntsuas ntxub yus dhau thiab. Kom yus txhob tau mus ua dab tu caj tu ces mus cuag poj cuag yawm tsis tau li no.
    ->. Kwv tij zaj no kuv sau kiag li kub muaj tas txhua yam nyob hauv kuv nruab siab. Kuv yeej laus laus li lawm.  Kuv hloov tsis tau, yog nej phaj hluas no tseem hloov siab los ua txoj kev zoo raws li Ntuj tej lus hais tias yuav tau sis nyiam sib hlub sis pab.
    Mas kav tsij hloov yom cheem nej tseem muaj lub caij yuav hloov tau lub siab los ua neej nyob.  Kom raug rau Qaum Ntuj nyiam thiab kom Dab ua ntsuas ntxub dhau.
    Yus poj yus yawm nyob rau rooj teb twg, los kom yus tau kev mus cuag poj cuag yawm.  Thiaj tsis tau ua dab tu caj tu ces nyob hem leej tib neeg kom luag tau ceeb los tau ntshai.
    Lawv kuj yog yus me tub me nyuam, thiab yog yus tej txheeb ze los yog yus xeeb leej xeeb ntxwv xwb. kom lawv tau noj tau haus thiab muaj kev sib hlub, thaum lawv tseem ua neej nyob rau ntiaj teb no mog.

    Sacramento tim 23/5/2019.
    Yaj Zoov Ntxheb Xib Hwb.




    Sponsored content

    XH. Yaj Zoov Ntxheb lub Tsev THOOB TSIB - Page 16 Empty Re: XH. Yaj Zoov Ntxheb lub Tsev THOOB TSIB

    Post  Sponsored content


      Current date/time is 20th February 2020, 2:45 am