HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


XH. Yaj Zoov Ntxheb lub Tsev THOOB TSIB - Page 5 Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Yesterday at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


4 posters

    XH. Yaj Zoov Ntxheb lub Tsev THOOB TSIB

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 5 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 19th September 2013, 8:18 am



    KEV NTSEEG YOG KEV SIB NCAIM.


    XH. Yaj Zoov Ntxheb lub Tsev THOOB TSIB - Page 5 432_0010

    Nyob hauv lub sim ceeb no, muaj ntau txoj kev ntseeg ua rau neeg ntiaj teb kev sib ncaim:
    a- Ntseeg Tswv Ntuj raws li Yes Xus lub Moo Zoo.
    b-Ntseeg txog ib tug neeg tsim ib txoj kev ntseeg.
    c-Ntseeg txog dab.
    d-Ntseeg txog ib tug tsiaj loj.
    e-Ntseeg txog ib lub zog loj uas nws tsis paub.
    f-Ntseeg txog ib zaj dab neeg tshwm sim los ntawm tej tus neeg muaj hwj huaj.

    1 –Tus ntseeg txog Tswv Ntuj yog tus tsim lub ntuj lub teb, tsim neeg nrog rau txhua yam xyoob ntoo,nroj tsuag me kab noog.
    Nws muaj kev tso siab rau Ntuj kev nyiam kev hlub, kev zam txim. Nyob ntiaj teb thiab nyob saum ntuj uas yog Ntuj pab thiab nres tas txhua yam kom nyias txawj ua nyias lub neej mus zoo haum raws li txoj kab txoj kev uas Ntuj tau tsim xeeb los nyob.

    2-Tus uas nws ntseeg txog ib tug neeg:
    Xws li cov ntseeg Phus Thas, los ntseeg txog Siv Yis, uas coj ib hom kev ntseeg tuaj rau lub ntiaj teb no. Thiab ntseeg txog ib tug Saub:
    -Cov no hais los lawv kuj yog Ntuj ib co tub txib xa xov rau ntiaj teb neeg kom ua neeg ncaj ncees,sib hwm, thiab hwm txhua yam ua Ntuj tsim lis tso rau saum lub sim ceeb rau neeg ntiaj teb tau siv mus ntau tiam neeg kom ntev ntev mus txhiab txhiab vam vam xyoo mus tsis txawj tas li.
    -Cov no lawv tsis yog ib co Huab Tais.Lawv yog Tswv Ntuj ib tug tub txib xa moo tsis txawv cov Yaj Saub thiab.
    Yog neeg ntiaj teb cov los ua nws thwj tim tau hais lub npe Huab Tais no tawm los. Ces cia li muaj lub npe hu ua Huab tais no los nyob lawm.
    Puav leej yog Ntuj tsim lawv xws li ib zeej tsoom neeg nyob ntiaj teb no.

    3-Tus nws ntseeg txog ib tug dab.
    Nws txawm ntseeg txog tus dab Ntxwg Nyoog los muaj lwm lub npe hu ua dab los ntseeg:
    Xws li dab hnub dab hli, dab hauv toj hauv pes, dab roob dab hav, dab ntoo xeeb, zeb xeeb, uas yog cov muaj hwj chim rau sab ruaj thiab khov. Txhua yam no nyob hauv qab Tswv Ntuj tas tib si lawm. Tab yog tus neeg ntawd tuav txog lawv cov npe mas Tswv Ntuj yog tus nyob siab Ntuj kuj pov hwm lawv, vim tias lawv tsuas paub txog tej yam qis no xwb. Vim tias Tswv Ntuj paub tas huv si zaj neeg xav lawm.

    4-Tus nws ho ntseeg txog ib tug tsiaj:
    Xws li ntseeg txog Zaj los ntseeg txog Xob los cov tsiaj muaj hwj chim, hwj xyeej, los muaj lub zog loj yuav tuaj pab neeg yeej saum lub peev xwm nrog lub zog nchav ntawd.
    Tab txawm neeg ntseeg tias cov tsiaj no yuav pab tau neeg nyob kaj lug, los Tus Tswv Ntuj kuj yeej tseem pab cov neeg no thiab,\. Ntuj tsuas suav tias tus neeg no puas yog neeg dawb huv thiab ncaj ncees xwb, Ntuj tsis xam tias lawv tsis hwm Ntuj zoo. Lawv tsuas paub txog li theem no xwb Ntuj zam thiab pab tas nrho sawv daws.
    Cov tsiaj no txawm muaj hwv xyeej loj li cas los puav leej dhau los ntawm Tswv Ntuj xib teg los.

    5-Tus ho hais tias ntseeg txog ib lub zog loj. Zoo li ntseeg txog tej khauv zeeg cua hluav taws yog dab muaj hwj xyeej hwj huaj los lub zog neeg pom tsis tau los puav leej dhau los ntawm Tswv Ntuj zaj txuj ci uas Ntuj tau tsim xeeb los kom muaj li no, yog Qaum ntuj ib txoj kev xa noob xyoob noob ntoo, noob nroj tsuag mus tseb puv lub ntiaj teb no. Tab txawm lawv ntseeg tias muaj ib tug Huab Tais tseeb los Tswv Ntuj kuj pov hwm lawv vim tias lawv tsuas paub txog li ntawd xwb, lawv paub tsis txog txheej siab saud.

    6-Tus ho ntseeg txog ib zaj dab neeg uas ntuj yav pem suab muaj tej tus neeg muaj hwj xyeej los hwj huaj los tau ua tej yam muaj kuab,los muaj qib muaj quas los txaus qhuas. Cov lus ntawd cia li hla dhau mus ua ib tug Tim Tswv Huab tais lawm los Tswv Ntuj kuj tsis muab ntaus nqi loj. Vim tas txhua yam yog yuav muaj qhov tseeb twb tseem yog Tswv Ntuj tso hwj chim los tso hwv xyeej rau kom ua tau li ntawd.
    Tswv Ntuj tsis tau ntxub pab neeg no thiab.
    -Qhov kawg tsuas yog cov pab neeg ntseeg no lawv muaj lawv txoj kev xav thiab kev ntseeg sib txawv, ces lawv nyias mus taug nyias txoj kev, nyias tau xav tias yus txoj yog txoj tseeb tshaj lawv tej sawv daws lawm xwb.
    -Cov kev ntseeg uas neeg ntiaj teb ntseeg mas twb suav tsis txheeb lawm.
    Cov ntseeg txog Tswv Ntuj uas lawv coj Yes Xus Pleev lub Moo Zoo. Mas tshai twb yuav muaj tshaj li 300, los 400 tus Yes Xus tsis coj thiab ua sib xws:
    Tej pab lawv ntseeg nyob tim roob tauj uas Yes Xus ua kom mov ntau tuaj. Tej pab lawv ntseeg nyob hauv hiav txwv uas Yes Xus mus taw saum nplaim dej. Tej pab lawv ntseeg tias Yes Xus mus saum cov huab thiab nws yuav nqis saum cov huab los.
    -Muab los sib piv kuj xws li Hmoob cov dab qhuas:
    Nws kuj yog, nyuj dab, npua tai, dab roog xwm kab. Uas koom tau tib tug txiv neeb, tib tug txiv muam, tib tug txiv qeej los tib tug txiv nruas. Tab sis ho muaj cov dab qia dub nrog Hmoob ces Hmoob hais tias, peb dab qhuas tsis sib thooj.


    Yaj Xib Hwb Zoov Ntxheb.

    XH. Yaj Zoov Ntxheb lub Tsev THOOB TSIB - Page 5 Center10
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 5 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 24th September 2013, 8:48 am


    Zaj 95 LEEJ TWG POM TXOJ SIA.


    XH. Yaj Zoov Ntxheb lub Tsev THOOB TSIB - Page 5 417804101-Hais txog txoj sia leej twg yog tus pom?
    Cov neeg ua kws kho neeg lub cev, lawv nhiav txoj sia thoob plaws hauv neeg lub cev tsis muaj ib tug twg yuav nrhiav tau neeg txoj sia li.
    Cov  Docteurs lawv phais neeg lub cev, lawv txuas lub plawv tshiab rau, lawv tsom xyuas neeg thooj ntsws,phua  neeg lub taub hau saib cov hlwb txhua yam thoob plaws, lawv tsis pom neeg txoj sia nyob qhov twg li.

    2-Cov kws txuj tau muab neeg, los muab tsiaj los sim. Yam li muab cov neeg los tsiaj tuag tsau cua txias ib los ob lub hli. Rov muab hluav taws xob los ncu kom ntshav yaj, tso cua mus rau lub plawv thiab thooj ntsws kom ntshav khiav mus thoob lub cev qhov txhia chaw thoob plaws.
    Los nws sawv tsis taus, tsis txauj mus kev, tsis hnov lusw  tsis paub tias muaj zog qhov twg tuaj li.
    Lub tswv yim kuj tsis paub los txawj xav txog tej yam xub tau ua dhau los lawd li. los txawj ua tej yam tshiab tuaj. Nws yeej zoo li tsis muaj txoj sia.

    3- Tas nrho txhua yam txoj sia tuaj ntawm Tswv Ntuj tuaj, Tswv Ntuj yog tus muab txoj sia,Ntuj tuav txoj sia cia, Txhua yam muaj txoj sia thiaj nyob nrog lub cev tau
    Lub cev yog tus ntsuj duab uas paub thiab pom tau tias yog neeg. Nws zoo sib xws los zoo sib txawv,loj los me, siab los qis.
    Tus ntsuj dub thiab tus ntsuj plig sib txawv:
    Tus ntsuj duab nyob nrog lub cev. Hos tus ntsuj plig nyob nrog txoj sia.
    Peb cov Hmoob kheev hais lo lus tias, poob plig. Qhov tseeb poob plig yog hnub tuag thiaj poob plig. Thaum peb hmoob hais tias poob plig yog peb kev ceeb los kev ntshai.  Ces peb lub tswv yim, los peb ib txoj leeg  nres tsis ua hauj lwm peb lub zog ntaug los peb qaug zog cov ntshav nyob hauv peb lub cev khiav tsis xwm yeem ces muaj qhov kub sov ua rau peb tawm hws txias,
    Qhov tseeb tiag mas yog peb tau ceeb los ntshai lawm thiaj ua li ntawd.
    Yuav daws zaj no yuav siv tej lo lus zoo li cov kws txuj siv cov lus Xaiv kaus laus zim los hais tej yam lus nplij neeg lub siab los kho thiab qhuas kom nws rov muaj kev hloov tswv yim tshiab los txhawb nws lub cev uas muaj tus ntsuj duab.
    Kom lub tswv yim nyob tiaj tus ces ua rau tus ntsuj plig tsis qaug zog,nws txoj sia rov loj tuaj. Pab nws yeej sab foob khaub thuas kom nws ua neej nyob ntev, zoo li txuag tau txoj sia.

    4-Txoj sia muaj nuj nqis thiab muaj hwj chim kawg.
    a-Txoj sia yog kev thoob tsib, keb txawj kev ntse,kev muaj hwj chim,muaj koob meej thiab kev nplua nuj tib si.
    b-Tus neeg thoob tsib, muaj kev txawj ntse nws nyob kaj lug tas txhua yam nws tsis ceeb laj ua.
    c-Nws nyob rau kev muaj txiag nplua nuj,nws noj qab hnav zoo nws nyob tiaj tus,
    d-Tus ua neeg muaj tswv yim zoo, paub tab paub cai, luag cav txog nws nroo ntws, nws siav loj, yeej sab mob khaub thuas nws siav ntev.
    e-Tus txawj ua tej yam zoo nkauj zoo saib, tawj hais lus mos lus muag. Ua rau luaj nyiam luag ntshaw, nws nyob thaj yeeb, tsis muaj yeeb ncuab xav txo nws txoj sia nws siav ntev.
    f- Thiaj hais tau tias txoj sia yog tas nrho tej yam hais saum no.

    5-Cov khuv xim txoj sia vim siav luv.
    a-Tus raug dab los raug neej tsawm nws,ces nws tu siab,nws qaug zog, nw sswb sab foob khaub thuas. Nws siav luv.
    b-Tus nws tsis thoob tsib, tsis txawj tsis ntse, nws khwv tsis txaus noj txaus hnav nws pov hwm tsis tau nws txoj sia, nws yuav tsis muaj txoj sia nyob ntev.
    c-Tus tsis muaj tswv yim txaus, ua yam twg los tsis nce tes, luag saib tsis taus, nws tu siab cia li tuag mus. Vim nws xav tias nws tsis muaj nqis lawm.
    d-Tus ua rau nws lub cev poob tsim lawm, nws txaj muag nws tsis xav txuag nws txoj sia  nyob ntxiv, nws txo nws txoj sia, nws dai caj dab, dhia zeb dhia tsua dhia dej tuag.
    e- Muaj ob txoj kev pov hwm, thiab khuv xim txoj sia li hais tas los no.

    6-Tswv Ntuj yog tus muaj hwj chim, nplua nuj loj, thoob tsib txawj ntse. Tswv Ntuj thiaj yog txoj sia lub hauv paus lub ntsis nws yog qhov tseem ceeb.
    Nyob hauv Yes Xus zaj lus Yes Xus tau hais tseeb thiab meej kawg tias:
    Kuv yog qhov tseem ceeb, kuv yog txoj sia, leej twg ntseeg txog kuv nws yuav muaj txoj sia nyob mus li.
    Muaj tseeb li Yes Xus Pleev hais, Tswv Ntuj muab av los puab ua tib neeg tau. Ntuj tshuab pa rau neeg ces neeg ciaj muaj sia nyob. Neeg txoj sia tuaj ntawm Tswv Ntuj tuaj, Tswv Ntuj yog tus muab,Ntuj yog tus tuav neeg txoj sia kom ciaj ua neeg nyob taus.
    Thaum ib tug neeg tuag lawm Tswv Ntuj khaws tus neeg ntawd txoj sia cia tseg txog hnub lub sim ceeb no kawg, Tswv Ntuj rov muab neeg txoj sia rau  txhua tus neeg uas txij thaum ntuj tsim teb raug los txog hnub kawg nkaus ntawd. Kom nyias txoj sia thiab nyias tus ntsuj plig rov sib sau los txoos ua ke, kom tau ua neeg nyob los mus raug txim mus li.
    Tus ntseeg txog Tswv Ntuj leej tub uas yob Ntuj lub suab thiab Ntuj lo lus nws tau txais txoj sia nyob mus li los ua nws tug.
    Hos tus ntseeg thiab tso siab rau tej yam nws xav tias yog ib tug tswv muaj zog nyob ntiaj teb no. ces nws ntseeg thiab teev tau tus nws tsis paub. Mas nws yuav khuv xim nws txoj sia muaj nuj nqis uas Tswv Ntuj tau muab rau nws.
    Zaj lusno yog leej twg  xav paub kom tseeb thiab meej dua no, mas tsuas yogkoj tus kheej tib leeg nrog Tswv Ntuj Leej Tswv Yim Ntshiab tham mas nws thiaj qhia tau qhov tseeb thiab meej pem rau koj.


    Yaj Xib Hwb Zoov Ntxheb.

    XH. Yaj Zoov Ntxheb lub Tsev THOOB TSIB - Page 5 Medium10
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 5 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 2nd October 2013, 8:49 am


    Zaj 96- YES XUS TXOJ KEV TXOM NYEM NYOB SAUM NTOO CUAM.


    XH. Yaj Zoov Ntxheb lub Tsev THOOB TSIB - Page 5 Passio10
    -Ntoo cuan txoj kev txom nyem 14 theem uas raug rau Leej Pleev.
    Tsim nyog peb neeg ntiaj teb yuav hwm, thiab paub tias yog dab tsi.
    -Tus ntoo cuam no, koj saib mas nws yog ib tug ntoo xwb tiag. Tab siv nws khuam neeg ntiaj teb cov txhaum tas nrho rau saud, nyob puv nkaus.
    -Saib, saib Yes Xus twb yog Tswv Ntuj Leej Tub tseeb tiag. Nws kwv tus ntoo cuam no, nws tseem ntog ntau zaus. Vim ntiaj teb neeg cov txhaum yeej hnyav tiag.
    -Yog Tswv Ntuj thiab nws Leej Tub Yes Xus Pleev, tsis muaj lub siab hlub neeg ntiaj teb no loj tas npaud, mas Leej Pleev yeej tsis kam kwv tus ntoo cuam khaub lig ntawd li.
    Yes Xus niaj hnub nres lub ntuj lub teb, nws nqa nyob hauv nws ob txhais tes nruab hnub hmo ntuj mus lis tsis kav twb tsis hnyav nws li
    -Thaum Yes xus los kwv tus ntoo cuam no hnyav heev ua rau Yes Xus tau ntog kiag rau saum lub ntiaj teb.
    Thaum twg yog peb pom kiag tus ntoo cuam no, Txawm nws loj thiab me los xij, peb tig kiag los saib Tswv Ntuj 10 lo lus qhia,  peb nyias yuav thau nyias txoj kev ua txhaum, thiab peb cov txaum pov tseg kom tas. Kom Leej Pleev txhob tau rov ntog dua ib zaug ntxiv lawm.
    -Peb cov neeg ntseeg yog peb tsis saib Tswv Ntuj 10 lo lus qhia muaj nuj nqes, peb pheej ua txhaum mus li,mas Leej Pleev yuav ris tsis taus peb cov txhaum, nws yuav tsis tig los saib peb, ces peb cov txhaum yuav vov peb zoo li  ib co hmoov av los vov ib lub pov haum rau hauv av uas yuav tsis muaj neeg pom nws ntxiv lawm.
    -Nyob hauv Tswv Ntuj 10 los lus qhia, muaj 8 lo lus yog kev ua txhaum lub nra, Ob lo lus yog kev npaj xeeb los ua txhaum. Yog peb niaj hnub ua txhaum li  no mus taspeb lub neej:
    -Ib hnub peb muaj pes tsawg nra lawm ib hli muaj li cas! Ib xyoos muaj ntau npaum li cas. Ib sim neej yog 70- 80 xyoo, Mas ntshais yuav loj li peb lub roob suav tsis tau lawm.
    Yog tas neeg ntiaj teb sawv daws pheej ua txhaum li no, Yes Xus yuav ua li cas thiaj ris taus, Kawg ntog xwb sawv tsis taus li.
    -Peb rov tig los saib peb saib:
    Muaj ib tug neeg hais ib lo lus siab peb lawm  xwb, twb ua tau kom nthav nce taub hau, ua rau peb tsaus muag ntog mus lawm, tej zaum kuj cia li tuag mus tsis xeev rov los lawm los muaj.
    Tos Yes Xus ris neeg ntiaj teb cov txhaum nws ntog los yeej yog hnyav dhau lawm tiag.

    Yaj Xib Hwb Zoov Ntxheb.

    XH. Yaj Zoov Ntxheb lub Tsev THOOB TSIB - Page 5 8811_710

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 5 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 8th October 2013, 9:21 am



    Zaj 93-NTSUJ PLIG QAUG XIB DAB.


    XH. Yaj Zoov Ntxheb lub Tsev THOOB TSIB - Page 5 Fleur-10Tus ntsuj plig qaug xib nrog dab,mas yog teeb meem loj tshaj li ib tug tib neeg raug dab, uas dab nkag mus tau hauv nws lub cev. (Hu ua Ntsuj Plig phem.) Hos tus neeg mas yog neeg zoo.
    Thaum  dab cob tau ib tug neeg tus ntsuj plig qaug mus rau sab phem mas kho tsis yooj yim.
    Tus neeg qaug mus seem ntawd,nws kuj muaj zoo tswv yim, nws nyob tau xws li ib tug neeg ntse thoob tsib to nrog li cov neeg tau kawm txuj siab.
    Hom neeg no,nws coj tus yam ntxwv raws li no:
    Lwm cov neeg sab nraud,cov phooj ywg tej txheeb ze, cov nws xav raug zoo mas nws nyiam lawv thiab qhuas txog lawv tshaj. Sab nws nyiam mas  nws txawj ntuas txawj qhia xws li  ib tug neeg ntshiab huv.  Nws muaj peev xwm kawg. Nws kuj cav lus zoo txog cov sab nraud tias lawv mas zoo npaum ub npaum no.
    Hos tig kiag rau nws tsev neeg mas nws coj txawv hlo lawm.  Nws saib nws tus txij nkawm los nws tej tub ki zoo li lawv tsis yog neeg, ntsia zoo li lawv tus twg los yog dab xwb. Nws nyiam li cas mas yuav ua tas txhua yam li nws nyiam mas tus ntawd yog neeg zoo.  Tus tsis mloog nws lus pom tias nws zaj tsis yog lawm mas nws ntxub kiag, ntxub tawm plaws ntawm ncauj ntawm muag los li. Ua niaj ua xyoo ntxhub,  Cov tsis paub yoog tsis tau sab nws nyiam mas cuag li nws tsev neeg ntawd yog ib co dab tsis huv xwb.
    Nyob hauv nws nruab siab mas nws hlub thiab nyiam lawv kawg. Tiam sis nws tsis kam hais lo lus tias kuv nyiam nej kuv hlub nej. Lub siab tsis xav hais tab sis lub ncauj cia li hais tawm tias kuv tsis hlub nej, vim neej tsis nyiam kuv. Nej ua tub qaug kuv lawm.Kuv yuav ntxub nej mus tas ib sim neej
    Yog  ib tug neeg ua rau nws ntxub lawm mas nws yuav  ntxub mus txog thaum tuag mus uas ntxa tuaj nroj tas.
    Cov neeg uas tus ntsuj plig yuj qaug rau sab phem mus xib dab no, mas yuav daws cov teeb meem no mas yog ib yam nyuaj kawg. Neeg ua neeg xwb mas tsis tau. Yuav Vam txog Tswv Ntuj lub zog, Yes Xus kev txom nyem los ntxuav thiab thov kon Ntuj cov Tshiab cov Leej Ntshiab muaj Ntuj txiaj ntsim ntau leej tuaj pab nrog nws thov thiab mas mam li tso siab tau.
    Tus xav thov Ntuj ua txoj hauj lwm no, mas nws yuav tau cog lus ua ntau yam hauj lwm los them txim ua ntej kom Ntuj pom nws nplooj siab xav thov Ntuj tiag los pab tus neeg ntawd. Kom tus ntsuj plig thim xav thiab tig rov los ua neeg zoo.
    Yuav tau coj cov kab ke yoo, yoo yam twg los tau tej zaum yuav tau quaj thov tiag tiag mas Ntuj thiaj zoo siab pab kom tau.
    Yaj Xib Hwb Zoov Ntxheb.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 5 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 22nd October 2013, 9:50 am


    Zaj 98- ROOJ MOV TOS TUS TSWV.



    XH. Yaj Zoov Ntxheb lub Tsev THOOB TSIB - Page 5 P1030810Muaj ib tug niam tsev, nws ntseeg ntuj zoo kawg. Nws xav tias:
    Yes Xus twb tau yug los ua neeg ib zaug rau ntiaj teb no lawm. Nws tau noj  ntiaj teb qav haus dua ntiaj teb no dej lawm. Yog tus niam tsev no  nws ua ib rooj mov txais tosYes  Xus tuaj noj, mas nws ntseeg tias Yes Xus yuav tuaj tseeb dua, li ib tsum mov uas tus txiv tsev laig dab, hu txog tej niam tej txiv los tej pog yawg tuaj noj tuaj haus pab tuav pov hwm yus tsev neeg, Vim tias Yes Xus tuag, tab sis nws twb sawv rov los lawm.  Yog Yes Xus hlub nws mas  Yes Xus  yeej yuav tuaj kom tau xwb.

    A- Ces tus niam tsev no nws ua nws rooj mov tiav log lawm.  Nws tau ua ntau yam zaub mov, nws yeej ntseeg thiab tso siab lug tias Yes Xus yeej yuav tsum tuaj xwb.
    Ces nws nyob tos lub caij Yes Xus yuav tuaj nrog nws noj mov. Nws  teem caij nyob nruab siab tias thaum 12 teev thov kom Yes Xus tuaj.  Thaum 11 teev muaj ib tug  yawg laus thov khawv nyob tom kev tshuam, txawm los khob qhov rooj thov mov noj ntawm tus niam tsev ntawd.  Nws teb hais tias kuv ua tau mov lawd, tab sis kuv tseem tos Yes Xus yuav tuaj nrog kuv noj mov. Tsis tau txog 12 teev koj rov mus, txog caij Yes Xus tuaj koj mam los wb noj tas seem koj mam noj mog. Ces tus yawg thov khawv rov mus lawm.

    B- Tus niam tsev nws tos Yes Xus ntxiv li qub. Twb yuav txog 1.30.  Muaj ib tug pog laus tuaj khob qhov rooj, nws hais tias, Peb tsis muaj mov lawm nag hmo kuv yeej tsis tau noj mov li mas kuv yuav tuag tshaib, koj muaj mov no thov ib qho rau kuv noj.  Tus niam tsev teb tias, kuv muaj, tab sis kuv ua tos Yes Xus yuav tuaj nrog kuv noj, kuv tseem tos nws yuav tuaj sai sai no ntag, koj tos taus no ces koj mam rov tuaj kuv tsuas npaj rau Yes Xus xwb.  Ces tus pog laus ntawd tos tsis taus nws rov  mus lawm.

    C- Thaum txog 3 teev muaj ib tug me nyuam yaus rov tuaj khob qhov rooj dua nws tawm tuaj saib yog ib tug me nyuam. Tus me nyuam hais tias: Tsis pom peb niam lawv tas lawm, kuv tsis paub lawv mus qhov twg lawm, kuv tshaib tshaib plab kuv tsis tau mov noj. Koj puas muaj mov kuv xav noj mov. Tus niam tsev ntawd teb tias, me tub kuv muaj tab sis kuv tseem Tos Yes Xus yuav tuaj noj mov. Koj rov mus ib tsam koj niam lawv tsis los no tsaus ntuj Yes Xus tuaj noj mov tas koj mam rov tuaj mog. Ces tus me nyuam kuj rov mus lawm.

    -Ces tus niam tsev ntawd tos mus txog tsaus ntuj kiag kuj tsis pom Yes Xus tuaj li.
    Thaum nws yuav mus pw, nws mus teev ntuj ces Leej Tswv Yim ntshiab teb hauv nws nruab siab tuaj tias:
    Hnub no, koj ua mov tos koj tus Yes Xus tuaj nrog koj noj no, Yes Xus twb tuaj peb zaug lawm koj tsis rau mov rau Yes Xus noj li,  Koj hais tias koj npaj mov rau Yes Xus noj, Hnub no Yes Xus yoo mov tas ib hnub tsis tau mov noj li.
    -Peb txhob xav tias Yes Xus yog Tswv Ntuj Leej tub, Nws ua Vaj nws yuav tuaj zoo li ib tug vaj, los zoo li ib tug Leej choj hnav lub tsho thaum txi ntuj tuaj xyuas koj.
    Yes Xus niaj hnub tuaj xyuas peb, tab yog peb tsis caw nws tuaj, los nws yeej tuaj mus li. Yes Xus Tuaj xyuas peb mas ntau zaus nws qiv cov neeg txom nyem los cov neeg pluag lawv lub meej mom thiab lawv ces khaub ncaws hnav tuaj xyuas peb. Yog tias peb tsis yog ib tug tseem neeg ntseeg tiag mas peb zeem tsis tau Yes Xus li tab nws niaj hnub tuaj los peb tsis paub.
    Tab yog cov Xib Hwb cov txiv Leej choj los cov ua vaj txheeb cov nom tswv mas lawv kuj zeem tsis tau Yes Xus.
    Cov uas lawv zeem tau mas muaj tsawg kawg. Tshai ob peb tiam neeg mam li muaj ib ob tug zeem tau tias Yes Xus qiv cov txom nyem lawv lub meej mom thiab lawv cev khaub ncaws hnav tuaj cuag tej tus neeg ntseeg, los cov Xib Hwb thiab cov Leej Choj.

    Yaj Xib Hwb Zoov Ntxheb.
    Sau tim 1 lub 9 hli 2013


    XH. Yaj Zoov Ntxheb lub Tsev THOOB TSIB - Page 5 14033410
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 5 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 28th October 2013, 7:09 pm

    Zaj 99- TSIS MUAJ TEB CHAWS NYOB.



    XH. Yaj Zoov Ntxheb lub Tsev THOOB TSIB - Page 5 Vietna10Muaj ntau haiv neeg tsis muaj teb chaws nyob ua lawv tug.
    Cov Haiv neeg tsis muaj teb chaws ua lawv tug tsis kav Lawv  sawv daws raug Ntuj Niam Ntuj Txi hlub lawv tib yam nkaus li thiab.

    -Haiv Hmoob yog ib haiv neeg loj nyob hauv cov haiv neeg tsis muaj teb chaws nyob.
    Qhov tsis muaj teb chaws no puas yog tsis tau phim uas Hmoob yuav muaj ib lub teb chaws los yog vim Haiv Hmoob tsis tau txawj kav teb chaws, los Vim Haiv Hmoob tsis sib txo hwj chim leej twg muaj tswv yim muaj zog pib ua yuav tau nce ua sawv daws tus thawj neeg ces sawv daws koom muab tus thawj neeg ntawd txo kom nws sawv tsis taus ua Hmoob tus thawj neeg.  Raws li keeb kwm Suav hais mas muaj li ntawd. Thiab mloog Hmoob lub suab sib tham zoo li muaj li ntawd thiab.

    Tab txawm yog thiab tsis yog los tsis ua li cas. Txawm ua li cas los Haiv Hmoob yeej raug Ntuj saib zoo lawm. Tsis muaj teb chaws, tsis muaj vaj ntxwv, tsis muaj nom muaj tswv,Ntuj twb txuag kom neeg ntiaj teb qab ntuj khwb hwm Hmoob zoo nrog rau luag haiv neeg ces yog txoj hmoo zoo lawm. Ntiaj teb yuav hu Hmoob ua Hmoob qab ntuj no lawm yav tom ntej mus. xws li:
    Sawv daws yuav hu Hmoob ua Hmoob Suav. Hmoob Los Tsuas,  Hmoob Fab Kis, Los Hmoob As Mes Lis Kas. Yauv txhais tau tias yog Hmoob Qab Ntuj lawm. Thaum muaj lub npe hais tias Hmob qab tuj no lawm mas Haiv Hmoob tseem yuav ua kom ntiaj teb paub  tias  Hmoob muaj kev ncaj ncees li lwm haiv neeg tib yam lawm.

    Txhob nrhiav ib thaj av ua Hmoob tug tsam tsis muaj neeg nyob Muaj ib tug sawv ua vaj los kav peb hnub, mus rau peb xyoos ces yuav muaj dej liab txhawv Cov npua muaj tsib cheej hla tsis dhau. Thaum tus npau muaj tsib cheej hla dhau lawm thaj av ntawd tsis muaj hmoob nyob lawm Mab Sua yuav rov nyob dua.

    Tus Vaj Hmoob yuav los tom ntej yog tus nws los nws xub kav Mab Sua ua ntej nws mam li kav Hmoob tus no thiaj yog Hmoob tus thawj neeg. Hmoob nrog lub Kuj Cuab twg nyob Hmoob cia li sawv ua Mab Sua tej thawj neeg kav Mab Sua lub npe Hmoob cia nyob ua suab npe pov hwm pej xeem hmoob kom qab los noj mov kom muaj txoj sia nyob ntev dhawv xwb mas zoo kawg lawm.

    Txoj kev ua Vaj muaj teb muaj chaw tsis zoo ua vim yus tsis paub kev ua Vaj tseeb. Yus yuav hais tias Kuv yog Ntuj tus vaj, los ntuj tus nom los ntuj tus thawj neeg koj thiaj ua tau nom.  Yog koj hais tias koj muaj rab peev xwm koj thiaj txeeb tau ua nom los ua tus thawj neeg no. Koj xav li no ces koj twb tsa koj loj li Tswv Ntuj lawm los koj tseem loj tshaj Tswv Ntuj lawm Koj yuav ua tej yam koj xav tias Ntuj tsis paub txog  tej ko ua no. Yam koj xav ua yog koj xav xa neeg mus ua dab nyob rau deb teb lawm ntag
    Txoj kev tswj kav lub ntiaj teb raws li txheej tshiab no  mas yog ib txoj zoo kev lawm.Luag xaiv txoj kev muaj tus txoov Tswv Tim no Nws muaj cai kav 4 xyoos rau 8 xyoo xwb mas ib tug neeg muaj teb muaj chaw thoob tsib ua los tau. Hos ib tug neeg tsis muaj teb muaj chaw tsuav yog nws muaj txuj thoob tsib xwb nws nce mus ua los tau.  Nws muaj cai nyob raws li lub teb chaw txiav nrog tus tseev tsim ntawm lub teb chaws  plaub rau yim xyoo. Los ntev tshaj rau mus txog kaum ob xyoos.

    Hos kev ua vaj ua huab Tais li ntuj yav pem suab muaj cov Vaj coob coob ua los mas muaj tus tuam Vaj, Muaj cov vaj, ces ho muaj cov vaj txheeb
    Lo lus hu ua Huab Tais mas lam hu hauv yus lub teb chawd xwb, Saum lub sim ceeb hu tsis nyog. Zoo li ua ntej Yes Xus yug los thiab tom qabYes Xus tuag ntawd muaj ib tug tuam Vaj ntaus yeej tas nrho cov Vaj nyob Aws Los Pas teb. Lwm cov Vaj tau poob mus nyob ua vaj txheeb lawm, vim tias lawv raug nce se rau tus tuam vaj. Tus tuam vaj kuj tsa nws ib tug neeg ua vaj txheeb sawv nws chaw nyob cheeb tsam ntawd ua tus tswj kav  vim nws nyob deb lawm.

    Nyob His Xas Lais Teb thiaj muaj Tus Vaj txheeb Hes Los yog neeg His Xas Lais nws yog tus nce se tuaj rau tus tuam Vaj Xes Ntxas nyob Los Mas teb. Hos Pis Las Tos yog tus Vaj Txheeb Tswj His Xis Lais teb hloov tus Tuam vaj Xes Ntxas chaw vim nws nyob deb.

    Tam sim no xyoo 2013 no cov teb chaws tseem muaj vaj tshuav tsawg lub lawm xwb. Raws li sawv daws paub tshuav Aas Kiv, Thaib. Cov Vaj no lawv tsuas mus txog qhov ua Vaj xwb. Lawv yuav nce tsis tau mus ua txheej Huab Tais. Vim tias nws pej xeem nws tswj ntawm nws ntiag tug tsis tau nce txog li 51% pej xeem hauv lub ntiaj teb. Nws tsuas muaj cai ua Vaj rau nws lub teb xhaws nkaus xwb.

    Zoo li Suav teb yog muaj hmoo Suav tus Vaj tseem nyob mas Suav tus Vaj muaj cai nce mus ua Huab Tais, Vim nws li ntiag tug pej xeem nce txog li ntawm 51% pej xeem nyob hauv lub sim ceeb no lawm.

    Zaj lus no tsuas yog sau kom tau qhia paub xwb siv tsis tau lawm. Ntiaj teb no vam meej lawm, txoj kev tsa muaj tus Txoov Tswv Tim no yog txoj zoo ua rau cov neeg tsis muaj teb chaw muaj cai kav teb chaws tswj hwm rau lub teb chaws yus nyob txawm hauv tau. Sawv daws muaj cai sawv ua Txoov Tswv Tim (President.) tau, los muaj cai nrog luag ua Governer.Th...

    Thaum neeg pej xeem sawv daws nce mus txog theem no mas nyias yuav paub nyias tias Kuv yog leej twg lawm. Kuv tsis yog kuv tus kheej muaj peev xwm li lawm. Kuv yog Qaum Ntuj tus Tub txib, yog Ntuj txib kuv ua Ntuj li hauj lawm. Ntuj xav kom kuv nyiam kuv hlub luag zeej tsoom, li lawv yog kuv tsev neeg. Kuv txoj hauj lwm kuv yuav ua raws li Ntuj qhia thiab xav kom kuv ua.

    Yaj ZoovNtxheb Xib Hwb.

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 5 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 7th November 2013, 7:45 am


    Zaj 100 NTUJ NTAWV NYIAJ KEEB PUAJ TXWM RAUG LOS.


    XH. Yaj Zoov Ntxheb lub Tsev THOOB TSIB - Page 5 Senatu10
    Ntiaj teb txhua tsav ntawv nyiaj keeb puaj txwm raug pem ntuj nqes los tsis muaj ib daim ntawv phem li.
    -Ntawv nyiaj keeb puaj txwm, yog ntawv zoo nkauj thiab ntawv muaj tsim ntawv nplua nuj tseeb tiag.
    Thiaj muaj tau lus los hais tias:
    -Ntuj niam Ntuj txi, Ntuj niam teb txi.
    -Nkauj hnub Nraug Hli. Nkauj Huab nraug Cua.
    -Liaj Lwg thiab Rhwv Yis Mws.
    -Nkauj Ntshuab nraug Nab, Noob Neej Noob Tsav.
    -Noob Tsiaj Noob txhuv.Nkauj qaib nraug Noog.
    -Niam nkauj Kab, Txiv nraug Nqos.
    -Paj Xyoob, Paj Ntoo.

    Phau ntawv nyiaj keeb puaj txwm nqa pem ntuj los muaj txhij txhua nyob hauv cov lus hais no tas nrho.
    -Ntuj niam Ntuj txi yog tus tuav thiab muab sawv daws tej ntawv txij ntawv nkawm pub rau sawv daws coj los mus ua neej nyob rau saum lub Sim Ceeb no.
    -Nkauj Hnub, Nraug Hli yog Ntuj niam Ntuj Txi qhov pom kev tsom kav tsom kwm hauj lwm rau cov txais Ntuj niam Ntuj txi daim ntawv nyiaj keeb puaj txwm los mus ua neej, pab lawv xam hnub nyug ua dej ua num.
    -Nkauj Huab Nraug Cua. Yog Ntuj niamNtuj txi lub zog yuav hloo caij hloov nyug faib ntuj tshav ntuj nag rau noob neej noob tsav noob tsiaj noob txhuv, nkauj qaib nraug noog, thiab paj xyoob paj ntoo, lawv siv los ua neej puag lub niaj lub xyoo.
    Nkauj Av nraug Dej.Yog Ntuj niamNtuj Txi los lus xaus ntawv nyiaj keeb puaj txwm. Txiv Nraug Dej poob los niam nkauj av yuav nqus kom tas. Nws nqus tsis tas ua pas teev tseg maj mam nqus kom tas.
    Ntau dhau lawn thoov kwj rau ntws mus yug noob neej noob tsav,  noob tsisj noob txhuv mus rau noob xyoob noob ntoo.

    Ntuj Niam Ntuj Txi tau muab daim  ntawv txij ntawv nkawm zoo tshaj rau Noob Neej. Muaj ntawv ua niam Ntawv ua txiv huv si yog daim ntawv zoo tshaj lawm.

    Cov noob tsiaj noob txhuv, noob xyoob noob ntoo, nkauj kab nraug nqos Ntuj tsuas muaj ntawv nkauj ntawv nraug  pub rau xwb Vim lawv nyob qis dua cov noob neej noob tsav.

    Zaum no thiaj xav hais kom meej tias Noob Neej Muaj txhij muaj txhua, tsim nyog noob neej yuav hwm yam Ntuj Niam Ntuj txi muab rau noob neej.
    Saib, Ntuj Niam Ntuj Txi nws nyuam qhuav muaj li lub paj ntoo xwb ntawv niam ntawv txiv tseem yog tib daim. Yuav tsum tau plhis hloov dua cev mam ua tau txiv. Yuav xub ua paj, paj mam hloov ua txiv, Txiv mam li ua noob, noob mam ua kaus, kaus mam hlob ua ntoo. Ntoo mam rov tawg paj. Saib nws ua ib puag ncig deb li no mam li rov los txog chaw. Tsis kav lawv muaj lub meej mom zoo li qub. Tsis hloov tsos, tsis hloov nplooj tsis hloo txab, tsis hloov txiv.

    Zaj no yog ib co lus pab qhia koj lub neej rau koj xwb tias koj yog neeg muaj nuj nqis loj dua txhua yam tuaj nyob saum lub sim ceeb no.


    Yaj Zoov Ntxheb Xib Hwb.

    XH. Yaj Zoov Ntxheb lub Tsev THOOB TSIB - Page 5 Fleurs10
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 5 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 15th November 2013, 10:07 am



    Zaj 102 LUB TSEV MUAJ XYOB TXHIAJ.

    XH. Yaj Zoov Ntxheb lub Tsev THOOB TSIB - Page 5 Uatebz10Lub tsev neeg muaj xyob txhiaj,tsis hais tus txiv los tus niam li, yuav tawm ntawm ib tug los.

    a-Tus txiv tsev ua neeg xyob txhiaj mas nws coj tus cuj pwm li no:
    Nws lub tswv yim tsis yog cov tswv yim mus deb. Nws lam hais lus kom puv ncauj xwb. Nws ua neeg tsis xyuam xim,nws yog hom neeg ruam mus tsab ntse. Nws hais lus tsis saib ceg ntoo qhuav,tsis muaj los cuab kom muaj txaus luag qhuas. Thaum nws tham lus mas cuag li nws twb mus pom los lawd. Nws tham li tas lub zos los pab neeg ntawd nws yog tus ntse tshaj sawv daws. Muaj zaum puav nws rov tsis paub tias nws yog leej twg. Ib tug txiv neej muaj tus cuj pwm li no, nws yog neeg xyob txhiaj. Nws tsim kom muaj kev poob nyiaj, nws khwv tau nyiaj tsis txaus siv nws twb yog neeg pluag kuj tsab ua neeg muaj luag ntxias nws poob nyiaj sai kawg.

    b-Hos yog poj niam ua neeg xyob txhiaj mas nws tus cuj pwm zoo li no:
    Tus poj niam coj li nyob hauv lub tsev no nws yog tus thawj, nws yeej saib tias nws ntse hla tus txiv ib npaug saud lawm. Nws yeej xav tias tus txiv muab tsis mus nws lawm nws thiaj ua hla tus txiv li no. Muaj qhua tuaj, txawm yog txiv neej los poj niam mas nws txeeb lus tham mus li. Tab tus txiv nyob ntawd los nws tsuas teb tej lo lus sib yoog mus xwb. Thaum tus niam nrog qhua tham li no mas tus txiv nws tsis xav nyob hauv tsev, nws xa nyob puag saum ru tsev kom txhob tau hnov los hloov tsis tau chaws nws lam nyob ntawd xwb.
    Cov poj niam zoo li no mas cov neeg thoob tsib hais tias yog poj niam pheej yig. Yog tsum cov Txiv neej tsis yuav cai mas dag nws tau sai kawg. Kev dag hom poj niam no muaj ntau txoj kev siv los dag. Maub nyiaj txiag thiab lus qab zib los ntxias sai li nyuj ncawg ntsev. Cov coj lo no luag hu lawv ua cov poj niam xyob txhiaj.

    c-Ob leeg tsis ua neeg xyob txhiaj mas nkawd yuav paub ntawv ntshiab saib qhia li cas.
    Ob leeg yuav muaj kev sib hwm,ib leeg saib ib leeg muaj tsim, Kev cai Ntuj tsim los cov ob leeg ntse ib yam mas muaj tsawg leej kawg. Feem coob tej zaum tus txiv ntse dua, tej zaum tus niam kuj ntse dua los muaj thiab,
    Tab txawm zoo li cas los Yuav cia nyias muaj nyias
    lub hwj chim thiaj yog.
    Raws li Ntuj tsim noob neej los mas Ntuj tsim tus txiv neej ua ntej tus txiv neej Ntuj yeej tsim los thiab hu ua tus tswv no. Tus niam mas Ntuj muab tus txiv neej ib tug txha tav los tsim, Ntuj tsim los ua tus pab tus Txiv neej xwb.
    Ntuj cov lus hais rau nkawd ob leeg hais li no:
    Kuv yuav tsim ib tug poj niam kom tau pab tus txiv neej. Kom tau ua nws luag, nws thiaj tsis kho siab. Txhais los hais tias Niam ua ntej lawm los txiv yuav tau lawv niam qab ib zaug thiab. Txiv ho ua niam ntej lawm los niam yuav tau lawv txiv qab ua txiv luag mus ib ntus thiab.
    Los lu no tsis yog txoj kev sib caum nce toj nqes hav ntawd xwb. Lo lus tseeb yog li no:
    Tus txiv xav tau nws pib lawm tus niam yuav tau yoog ob leeg ua mus ua ke. Los tus niam hais tau lawm ob leeg yuav sib koom ua mus tsis yog mam li hloov dua.
    Tsis yog tias yuav sib ua luag nce toj nqes hav tsam dab muab ntaus los tsov ho muab tom lawm.
    Yuav Coj thiab yoog raws li keeb kwm Ntuj tsim teb raug, Uas Ntuj tsim tus txiv neej ua Tswv, Hos tsim tus poj niam los ua tus pab pab.
    Kuj txhob xav mus deb dhau lawm thiab, tsis yog tsim los kom tau yuav thiab tau ua yus tus qhev. Kuj tsis yog tsim los kom tau ua yus tus tswv kav yus mus li thiab.
    Yuav ua yam twg los xij Txiv Neej lub meej mom hwj chim yeej siab dua poj niam lub me ntsis, Poj niam coj tau txhua yam zoo tab sis poj niam lub zog tab dua yus ua tau los yuav hwm txiv neej lub hwj chim. Nyob thoob plaws lub sim ceeb no, mas tsis muaj ib tug txiv neej yuav ntshai poj niam li. vim nws lub zog yog zog txooj hnyav heev.
    Ib tse neeg tsuav yog txawj hwm Leej txiv lub hwj chim xwb mas kev xyob txhiaj kuj tsis los paug tsev Tsev neeg ntawd cia li zoo li muaj hmoo nplua nuj tuaj, Txhiaj meej pem xeeb cia li pov hwm tau qoob loo tsiaj txhu txhua yam haum vam ntws li lawm.
    Lwm zaus kuv nco txog kuv mam txuas lub ntsis rau ntxiv.

    Yaj Zoov Ntxheb Xib Hwb.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 5 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 22nd November 2013, 10:17 am

    XAS LOS MOOS NTAWV PAJ LUG.

    XH. Yaj Zoov Ntxheb lub Tsev THOOB TSIB - Page 5 Poussi10
    -Nyob hauv Xas Los Moos ntawv Paj Lug muaj xya lo lus uas Tswv Ntuj Yas Ves tsis nyiam tshaj cov!
    Nws yog  7 los lus no:
    1- Tus neeg coj lub ntsej muag los tus yam ntxwv ua
        Neeg muab hlob.
    2- Tus neeg uas nws muaj lub siab thiab tus ntsuj plig
       dag.
    3 - Tus neeg uas nws lob siab thiab nws txhais tes
        pheej xav muab luag ro ntsha hliv.
    4- Tus uas nws lub siab npaj rawv qhov yuav mus ua
        Kev txhaum.          
    5- Tus neeg uas nws txhais taw maj nroos mus kom
        Tau ua kev txhaum.                                
    6- Tus nyiam ua tim khawv cuav npaj cov zaj lus
        dag.
    7- Tus neeg nyiam mus cob kom tej kwv tij txheeb ze
        sawv kom lawv nyiam ua plaub ua ntug.

    VIM MUAJ TEJ NO KUV THIAJ SAU ZAJ LEEJ TXIV NTUAS NWS LEEJ TUB.

    -Leej tub koj khaws koj txiv lo lus qhia tesg!  Koj txhob tso koj niam lo lus ntuas pov tseg!
    Lo lus qhia yog zoo li lub teeb, hos lo lus ntuas kuj yog zoo li qhov pom kev.
    -Tej lus qhuab qhia, lus cem yog txoj kev coj koj mus ua koj lub neej.
    Tas tej lus uas koj txiv hais no txuag koj, kom koj txhob mus zwm rau luag poj luag sev.  Kom koj txhob mag rau cov poj niam tej lo lus qab zib.  Thiab kom koj lub siab txhob ntseeg, cov poj niam tsis tsim txiaj lub zeem muag rub koj los nraim hauv  lawv xub ntiag,
    -Xws li yog nws muab ib co hluav taws los zais rau hauv koj xub ntiag. Kom koj lub meej mom kub hnyiab tas xws li lub tsho, tos pom xwb twb yaj ua hluav tas lawm.
    -Koj nco ntsoov yog koj mus tsuj hluav ncais nws tsis kub koj taw puas yuav tau!
    -Ib tug neeg, nws mus kov luag poj luag sev, mas nws yuav tsum xub raug sab tso, mas nws mam dim tau!  Koj yuav tig mus ntsia tus neeg tshaib plab tso, nws ua tub sab kom tau noj mov,  Luag puas ntxub nws! Thaum luag ntes tau, luag kom nws them tshaj ob npaug rov rau tus tswv.
    -Tus neeg mus zes luag poj luag sev, los zes luag tub luag roog, nws yog neeg ruam tshaj cov neeg ruam lawm tiag!  Nws txhob txwm mus nrhiav toj kev tuag.  Nws txoj kev txaj muag yuav yaj mus tsis tau.  Nws yuav tau nyob ntsia ntsoov tsis ploj li.
    -Vim tus poj niam tau zes luag txiv, nws leej tub leej roog lub siab yuav npau heev. Txawm them nyiaj npaum li cas los nws lub siab yeej tsis nqig.
    Ib tug neeg raug luag poj luag sev ntxias, ces nws mooj lawm. Nws noj mov tas nws so qhov ncauj, nws hais tias kuv tsis tau ua dab tsi phem.  Nws  zoo siab raws poj niam qab li tus heev nyuj uas luag twb cab yuav coj mus tua.  Nws kuj zoo li tus tsiaj luag cuab hlua mag lawm
    Nws tos txog lub caij luag yuav xuas hmuv los nkaug nws lub plawv kom tuag lawm xwb. Los xws li tus nas los tus noog khiav ya mus mag ntxiab, nws tsis paub tias nws txoj sia yuav ploj rau qhov ntawd.

    Yaj Zoov Ntxheb Xib Hwb.


    XH. Yaj Zoov Ntxheb lub Tsev THOOB TSIB - Page 5 Tpd4id10
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 5 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 29th November 2013, 11:38 am


    Zaj 105-TSWV NTUJ LUB SIAB ZOO LI CAS.

    XH. Yaj Zoov Ntxheb lub Tsev THOOB TSIB - Page 5 Garden10

    Tus neeg xav paub Tswv Ntuj lub siab zoo li cas. Mas nws yauv nrog Tswv Ntuj tham, vim Tswv Ntuj nyiam kev ncaj ncees xwb.
    Yog tias koj paub Tswv Ntuj lub siab zoo lawm, mas koj yuav thov kom Tswv Ntuj tshem ob yam no mus deb ntawm koj:
    1- Koj yuav thov kom txoj kev dag hais lus cuav txav mus deb ntawm koj.
    2- Koj yuav thov kom koj txhob muaj dhau, los koj txhoob pluag dhau.

    Teb lo lus ib:
    1- Yog txoj kev dag hais lus cuav nyob ze koj!  Mas koj yuav yog Tswv Ntuj tus yeeb ncuab!
    -Yam  zoo muaj koob meej muaj hwj Chim uas yog Tswv Ntuj tug, thiab cov lus zoo tseem ceeb qhia rau neeg yaj ceeb, ces koj yog tus yuav rhuav tas nrho. Tsis muaj ib hnub uas koj yuav los haum xeeb tau nrog Tswv Ntuj li.
    Teb lo lus ob:
    2-Yog koj ua neeg muaj dhau lawm, koj yuav saib Tswv Ntuj tsis muaj qab hau!   Sab neeg pom tau zoo li koj muaj dua Tswv Ntuj lawm, Ua rau neeg yaj ceeb tsis pom thiab tsis paub tias Tswv Ntuj yog tus tseem ceeb nplua nuj tuav neeg txoj sia, koj thiab neeg ntiaj teb cia li saib tias,koj yog Huab Tais lawm.  Yog qhov uas coj neeg ntiaj teb yuam kev lawd.
    -Hos koj pluag dhau lawm ces koj yuav ua tub sab kom tau mov noj, los muaj nyiaj siv, ces koj yuav tsis muaj kev hwm Ntuj.  Koj tuaj ua neeg ib zaug rau saum lub sim ceeb no.  Koj tsis tau ntsib Tswv Ntuj ib zaug li nws lub koob meej hwj Chim koj tsis tau pom tsis tau paub tsis tsim nyog qhov uas koj tuaj ua neeg ib zaug rau ntiaj teb no.
    -Yam uas koj tau txais, ces yog cov neeg koj tau ua tub sab mus nyiag lawv lawd txoj kev ntxub nkaqus xwb.
    3-Qhov zoo tiag yog qhov no:
    -Koj thov kom Tswv Ntuj pub mov txaus koj noj kom txwm hnub xwb.
    Koj muaj lub tswv yim thoob tsib, muaj lub zog mus khwv xws li neeg ntiaj teb txhua tus.  Koj muaj me ntsis nyiaj txiag cuab tam.  Koj muab los muas phooj ywg, muas nom muas tswv kom koj nplua nuj nyob hauv koj cov phooj ywg ces yog qhov zoo rau koj lub neej uas koj tuaj ua neeg nyob ntiaj teb no ib zaug.
    -Lwm tiam yog koj tau mus Ntuj Ceeb tsheej los thiaj muaj neeg xav raws koj mus. Los yog koj ho mus rau dab teb los kuj muaj neeg ntshaw raws koj qab mus thiab.
    -Phooj ywg yog kev nplua nuj, kev kaj siab, ua lub neej nyob muaj tus ua koj luag...

    Yaj Zoov Ntxheb Xib Hwb.

    XH. Yaj Zoov Ntxheb lub Tsev THOOB TSIB - Page 5 18514210
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 5 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 3rd December 2013, 10:45 am


    MUAJ PEB TUG PHOOJ YWG.

    XH. Yaj Zoov Ntxheb lub Tsev THOOB TSIB - Page 5 E9824e10

    Muaj peb tug  phooj ywg npe sib txawv siab sib thooj  tuaj mus tawm rooj, txog ntawm ob niam txiv hu ua Txawj Sis Cav nkawd lub lub zos.
    -Hnub ntawd tus txiv tsev no nws muaj chaw tawm rooj mus lawm thiab.  Twb yuav tav su leej niam tawm mus nqa taws rauv.  Nws qhib plho qhov rooj yuav tawm mus nraum zoov, nws pom peb tug txiv neej tuaj zaum ntawm lawv lub qhov rooj yuav nkag los hauv tsev.  Tus niam tsev no ceeb nkaus tias, cas muaj neeg tuaj txog lawv tsev cas lawv tsis hnov li.
    -Nws hu peb tug txiv neej ntawd tias:
    Cov txiv hlob nej tuaj lod!  Kuv tsis paub nej, tiam sis thov nej los tsev mas!  Ntshai nej tshaib plab lawm los tsev kuv rau mov rau nej noj tso, nej yuav mus qhov twg mam mus ntxiv os.
    -Peb tug  txiv neej no nug tias, koj tus txiv puas nyob hauv tsev? Nws teb tias, tsis nyob, nws muaj chaw tawm rooj lawm ib pliag nws twb yuav los thiab.
    -Ces peb tug txiv neej txawm hais tias:
    Peb yuav tsis mus hauv koj tsev, vim koj tus txiv tsis nyob lawm.
    -Ib me ntsis tus txiv los txog tsev, tus niam tham qhia  tias, muaj peb tug txiv neej tuaj nyob nraum zoov, lawv tsis kam los tsev vim koj tsis nyob hauv tsev lawm. Ces tus txiv rov hais rau tus niam tias:
    Yog li mas koj rov mus caw lawv kom los tsev!  Ces tus niam tsev mus hais tias:
    -Cov txiv hlob peb txiv los tsev lawm nws hais kom kuv caw nej mus hauv peb tsev no!
    Ces peb tug txiv neej ntawd teb tias, peb tsis ua ke mus hauv koj tsev!  Saib koj caw leej twg ces tus ntawd mus xwb, niam ntxawd!  Ces tus niam tsev thiaj nug tias:
    Nej tuaj ua kev cas nej ho tsis mus ua thiab mas!
    -Thawj tug hais tias, kuv lub npe hu ua Nplua Nuj Muaj Txiag.  Tus ob hais tias, kuv lub npe hu ua Txawj Ntse no.  Tus peb hais tias, kuv lub npe hu ua Sib Nyiam Sib Hlub no. Saib koj xav caw tus twg mus hauv koj tsev xwb!
    -Tus niam tsev thiaj rov nkag hauv tsev mus nug leej Txiv tias, lawv tsis kam los tsev, lawv nyias muaj nyias npe.  Ib tug hu ua Nplua Nuj Muaj Txiag, Lwm tus hu ua Txawj Ntse, Hos tus kawg hu ua Sib Nyiam Sib Hlub no!  Saib koj xav caw leej twg los hauv peb tsev ces tus ntawd los xwb no!
    -Leej Txiv hais tias, koj niad, koj mus caw tus hu ua Nplua Nuj Muaj Txiag los, kom xwv txij no mus peb cia li hloov ua ib yim neeg nplua nuj muaj txiag tuaj. Ces tus niam hais tias, koj txiv xam cia wb mus caw yawg txawj ntse los tsev, kom hnub no lawm yav tom ntej ces peb lub tsev no yog lub lub tsev neeg txawj ntse xwv kom luag saib taus peb thiab yod!
    -Muaj ib tug nyab nyob ze ntawd nws hnov ob niam txiv laus sib cav tsis txawj sib haum li.  Ces tus nyab teb tias, Niam thiab Txiv cia ua li no!
    -Cia Niam mus caw yawg Sib Nyiam Sib Hlub los hauv peb tsev, kom peb lub tsev no mas tsawg tiam los kom peb muaj kev sib nyiam sib hlub nyob hauv peb lub vaj lub tsev no mus li tsis pub tawm li hod!  
    -Yog peb txawj Sib Nyiam Sib hlub lawm ces ua dab tsis los peb thiaj yuav ua tau, tsis muaj kev ntxhov siab dab tsis los sib cuam tshuam rau peb txhua txoj hauj lawm hod!
    -Ces ob tug niam txiv laus tau txiav tias yog li mas koj mus caw Yawg Sib Nyiam Sib Hlub los tsev saib yom.
    Leej niam rov tawm mus nraum zoo, nws nug tias:
    Nej peb leeg no tus hu ua Sib Nyiam sib Hlub yog tus twg?  Ces tus niam txawm hais tias:
    Peb txiv hais tias, kom kuv tuaj caw tus txiv Hlob hu ua Sib Nyiam Sib hlub mus hauv peb tsev no. Ces tas nrho peb leeg, Nplua Nuj Muaj Txiag, thiab Txawj Ntse lawv sawv daws mus tas nrho. Lawv hais tias, peb tsis xav tias koj yuav caw Sib nyiam Sib hlub mus hauv koj tsev. Koj caw nws lawm mas wb nyob tsis tau nws nyob qhob twg mas wb kuj nyuav nyob qhov ntawd thiab. Vim tias Sib Nyiam Sib Hlub yog wb tus Tswv  nws yeej ib txhis ua tus coj wb nrog nws nyob mus li lawm ntev niaj ntau xyoo los lawm.
    Zaj lus no yog koj txawj xaiv ces koj tau tas txhua yam zoo nrog koj. Hos koj tsis txawj xaiv ces tau ib yam los tshuav lwm yam tsis tau nrog koj.
    -Koj xaiv tau txoj kev Sib Nyiam sib hlub nrog koj ces tas tsoom kwv tij neej tsa txheeb ze phooj ywg sawv daws muaj kev thaj yeeb ces cov nrog koj lawv nyob tiaj tus  tsis muaj neeg tsim kev kub ntxhov rau nej ces nej nyob kaj siab lug.
    Kev Nplua Nuj muaj txiag , kev txawj ntse nrog rau kev sib nyiam sib hlub ces nej muaj txhua yam puav leej yog yam zoo tas nrho xwb.

    Yaj Zoov Ntxheb Xib Hwb

    (Zaj lus no yog ib tug niam tsev ntseeg ntuj nyob Sacramento muab lub tswv yim no rau kuv sau hunb tim 3-11- 2013.)


    XH. Yaj Zoov Ntxheb lub Tsev THOOB TSIB - Page 5 Undern10
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 5 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 7th December 2013, 10:35 am


    KEV TSIS SIB HAUM XEEB YOG KEV SIB NCAIM.


    XH. Yaj Zoov Ntxheb lub Tsev THOOB TSIB - Page 5 Uake_m10

    Nyob hauv ntawv hauv puas Thaum Tswv Ntuj nrog Nom Hes thiab nws cov tub cog lus thiab foom lus zoo rau lawv. Thiab tus pej Thuam Npas Npes. Zaj 9:1-17. Thiab zaj 11: 1-9.
    -Tswv Ntuj hais:
    Nej kav tsij huam vam mus puv lub ntiaj teb. Tas puas tsav yam tsiaj  nqhuab tsiaj deg,cov ya saum ntuj los cov nkag hauv av.  Lawv yuav nyob hauv nej xib teg tas huv si. Tas txhua yam txawj ua zog los tsis txawj ua zog, yog txhiam xws rau nej noj.
    -Thawj qib lus hauv ntawv hauv paus no yog hais rau peb tsoom ntseeg txhua tus.  Uas yog Nom Hes cov xeeb ntxwv. Huam vam muaj kev txawj kev ntse nrog kev thoob tsib to nrog.
    -Thaum peb sawv daws tau paub Tswv Ntuj zoo mas zoo li peb hais tib xeem lus, yog cov lus sis nyiam sis hlub.  Los ntawm Tswv Ntuj los.
    -Peb yuav mus saib tias, thaum Nom Hes cov xeeb ntxwv lawv sib hu tias:
    Los peb yuav txhim ib lub nroog, thiab puab ib tug ncej pej Thuam kom sisb siab, lub ntsis mus txog ntua saum ntuj.
    Ces peb lub npe yuav nrov, peb yuav tsis sib ncaim ib zaug li, thiab peb yuav tsis sib tawg mus nyob puv lub ntiaj teb.
    Ces Huab Tais Ntuj nqes los xyuas,  Ntuj pom tias cov neeg no, lawv muaj Xas Tas lub Tswv yim.  Lawv muaj peev xwm kawg.
    Kuv yuav mus xyuas lawv kom lawv hais lus sib txawv, tsis sib to taub.  Ces lawv yuav sib ncaim sib tawg mus nyob thoob ntiaj teb li lawv cov lus lawv tau hais.  Vim tus Pej Thuam uas lawv txhim no yuav rau hu ua  Pej Thuam Npas Npes.  Yog lawv kev sib ncaim.
    Ces tus ncej Pej Thuam Npas Npes no yuav vau, lawv nyias yuav hais nyias xeem lus. Tsis yog xeem lus sib haum xeeb sis nyiam sis hlub nqes saum ntuj los.
    Tswv Ntuj yuav cia nyias mus taug nyias txoj kev. Ntuj yeej paub tseeb tias, sab twg los  nyias nrhiav nyias kev vwm kev yuam kev. Ntuj yuav cia sawv daws taug mus ib ntus li ntawd.
    -Tswv Ntuj mam rov hu Has Nplas los ua thawj leej txiv ntseeg. Leej twg ntseeg thiab coj Tswv Ntuj Yas Ves 10 lo lus qhia  pub txoj sia nyob mus li. Tus ntawd, txawm yog neeg dig muag, ceg tawv, lag ntseg, nplaig txhav, mob ruas  mob tsis huv, los tsuav yog nws ntseeg ces nws tau txais kev cawm.
    -Thaum Yes Xus tau ntsib nws ces Yes Xus yuav hais tias Hnub no koj tau ntsib kuv vim koj yog Has Nplas ib tug tub ki nyob hauv txoj kev ntseeg.

    Nco ntsoov tias peb cov neeg ntseeg tsis yog cov muaj hwj chim thiab muaj tsim cia rau tej neeg hwm peb nyob tom tej kev sib tshuam.
    -Yes Xus hais tias:
    Nej yuav raug luag thuam, luag ntxub, luag tsawm nej.  Luag yuav coj nej mus rau cov nom txiav txim nyob hauv tsev loj faj.
    Yog nej ua siab ntev mas nej ib txoj plaub hau yuav tsis poob mus rau hauv pem teb.

    Sau npe,  Nej yog cov uas kuv tau xaiv lawd,  Ntuj lub cuab tam hauv kev nplua nuj Ntuj yuav muab los pub rau nej ua nej tug mus li.

    Ua tsaug.


    Zaj no sau rau ob pab neeg tsis sib haum xeeb.  Kom tau muab los daws sawv daws tej kev sib tiv nyias ua nyias pab nyias pawg koom nyob ua ke hauv ib lub tsev teev hawm Ntswv Ntuj.

    XH. Yaj Zoov Ntxheb lub Tsev THOOB TSIB - Page 5 0drkdt10
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 5 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 29th December 2013, 1:12 pm



    Zaj 108-KEV SIB NCAIM.


    XH. Yaj Zoov Ntxheb lub Tsev THOOB TSIB - Page 5 795f2f10


    Kev sib ncaim muaj pes tsawg txoj kev.
    Leej tib neeg ua neej nyob ntiaj teb no, muaj ntau txoj kev sib ncaim:

    a- Kev Ntseeg.
    b- Kev tsis sib haum xeeb.
    c- Kev tsis hwm neeg thiab saib tsis taus neeg.
    d- Kev ua neeg hu dab noj kheej.
    e- Tsis muaj kev hlub kev zam rau luag. Th...

    1- Kev ntseeg muaj kev ntseeg Ntuj, ntseeg dab, ntseeg txog ib tug neeg, ntseeg Yaj Saub, ntseeg ib zaj dab neeg tsis muaj qab hau, ntseeg npau suav ntau.
    Kev ntseeg yog yam sib ncaim mus deb tshaj cov: Ncain cev ncaim siab, ncaim ntsuj plig,ncaim niam ncaim txiv ncaim kwv tij phooj ywg tas nrho txhua pab.
    Tib txoj kev ntseeg txog tus Tswv Ntuj tsim ntuj tsim teb xwb thiaj yog kev nqes saum ntuj los, thiab yog kev thoob tsib muaj kev nyiam kev hlub kev pab kev qhuas yam puv siab npo tawm hauv neeg nruab siab los. Nws thiaj coj tau neeg ntiaj teb tuav kev tsis sib ncaim kom nyob ua ke tau. Vim cov neeg tseem tseem, ntseeg Tswv Ntuj tiag mas Ntuj yog tus muaj kev nyiam kev hlub kev pab kom nyob taus ua kev, ces lawv thiaj yuav tsis sib nrug.
    Tab txawm yog ib tsev neeg nyob ua ke, niam txiv me nyuam, los kwv tij yog sawv daws nyias muaj nyias li kev ntseeg. Ntseeg txhua txoj li piav saum no, mas lawv yeej sib ncaim tas lawm. Vim nyias ntseeg nyias zaj, ces nyias yeej yuav mus taug nyias txoj kev ces yeej ncaim li lawm.

    2- Kev tsis sib haum xeeb.
    -Yus ua ib tug neeg tsis haum xeeb nrog luag, yus pheej xav tias, luag tsis zoo, luag phem li ub li no, ces yus tsis muaj phooj ywg. Tej poj niam me nyuam kwv tij lawv dhuav yus, ntxub yus ces lawv ncaim ntawm yus mus tsis xam muaj yus, ces yog kev sib ncaim.

    3- Tsis hwm neeg los saib tsis taus neeg:
    - Kev tsis sib hwm los kev saib tsis taus lwm tus, kuj yog ib txoj kev sib ncaim tau. Yog yus siab tsis taus luag los tsis hwm luag lwm tus, yuav ua rau luag ntxub yus heev. Muaj qhov zoo, yam phem los luag tsis qhia yus. Ntev mus yus ntxub luag, luag kuj ntxub yus muaj kev sib dub muag ib leeg tsis xav pom ib leeg ces kuj sib ncaim tau.

    4- Kev ua neeg hu dab noj kheej.
    -Yus noj cais tej kwv tij neej tsa, ces luag tsis nyiam yus, luag saib yus yog neeg qia dub, luag txav deb deb, luag tsis nrog yus ua phooj ywg. Tsis tuaj fim yus, Ntev mus me ntsis luag tsis nco qab tias muaj yus li lawm kuj yog kev sib ncaim.

    5- Tsis muaj kev hlub kev zam.
    -Ua ib tug neeg nyob nrog txij nkawm, los nrog tej kwv tij phooj ywg. Yog yus tsis muaj kev hlub kev zam, ntev mus ua rau luag tu siab, ces luag fav xeeb, luag tso yus tseg. Luag tsis nyiam yus, luag cia li dhuav yus, ces tos yus paub yus twb plam txij nkawm los plam kwv tij phooj ywg tas. Ces kuj yog kev sib ncaim.

    6- Xaus zaj lus.
    -Tus neeg muaj kev Ntseeg nrog kev thoob tsib, nqes pem ntuj los mas nws thiaj yuav tuav tau txhua yam kom tsis muaj kev sib ncaim:
    Nws yuav tsum muaj txoj kev ntseeg thiab tso siab rau tus Tswv Ntuj tsim lub ntuj lub teb.
    Ces nws mam muaj txoj kev ntseeg nrog kev nyiam kev hlub uas yeej cog nyob rau nruab siab tias yuav hlub yuav zam rau luag. Yuav zoo siab qhuas luag thaum luag ua yog thiab coj tau zoo lawd. Ces nws daws tau txhua yam teeb meem tsis pub neeg sib ncaim. Tus ua tau li no mas nws ua tau ib lub neej nyob kaj siab lug.

    Yaj Zoov Ntxheb X.H.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 5 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 3rd January 2014, 11:15 am



    KEV SIB THUAM.

    XH. Yaj Zoov Ntxheb lub Tsev THOOB TSIB - Page 5 Se-moq10
    Peb ua neeg nyob rau lub ntiaj teb no, Yog yus tau thuam ib tug neeg lawm mas yus yuav suav tias yus yog ib tug neeg RUAM tshaj luag tej lawm. Ua cas yus ho yuav muaj kev khav theeb me ntsis lawm thiab lauj.
    Tus coj kev sib thuam, mas tab yog yus kawm txuj qib siab los, los yus tau mus kawm txuj nyob hauv ib lub tsev kawm txuj nto moo zoo tawm los lawm, los yus yeej tseem yog neeg RUAM.

    Yog tias, kuv pheej ua ib tug neeg thuam luag los hais lus saib tsis taus lwm tus, los kuv sau tej zaj hais luag dab plig nrog kev thuam kuv twb txhais tsis tau luag lo lus, kuv cia li muab ntaus nqi ua lwm yam mas kuv xav tias kuv tsis tsim nyog sau kuv lub npe no rau luag paub, vim kuv yog neeg RUAM.

    Yog kuv sau ib zaj pub tswv yim sib pab nrhiav kev thoob tsib muaj txuj ci los sib nres kev nyiam kev hlub los ua neeg paub tab paub cai pub rau neeg ntiaj teb tau siv mas yuav sau kuv lub npe tawm hauv mas yog tseeb lawm.

    Kuv sau zaj me nyuam tswv yim no, mas kuv nco txog sawv daws peb puav leej yog neeg RUAM tas nrho, tseem tsis tau muaj ib tug neeg uas txog tav no luag cav tias nws yog neeg ntse, paub txuj ci. Paub tab paub cai kawg.
    Peb Hmoob cov txuj ci yog ib co txuj ci siab los tob heev.
    Cov tub muaj txuj tau kawm Mab Sua txuj ci thoob, tseem twb tsis tau paub txog, muaj coob leej ntau tus.
    Yam li tej lus paj lug los tej lus piv sab sij huam hais, los qhuab qhia. Yog tus tsis txawj txhais ces nws muab txhais ntaus lwm tus nqi lawm ces neeg to taub yaum kev loj.

    Yam uas Peb Hmoob sawv daws tsis txawj txhais kom tas mas yog cov txuj ci teev hawm Ntuj los teev hawm dab. Hmoob tej kab lis kev cai hais tshoob hais kos, kab ke pam neeg tuag cov zaj cov haiv uas Hmoob hu ua txiv xaiv foom kom cov txhais tau muaj tsawg leej kawg. Ua rau peb Haiv Hmoob cov coj poj yawm txwv koob kev ntseeg, thiab cov mus teev hawm Tswv Ntuj hais lus tsis sib to taub li. Tab cov neeg ntseeg Ntuj los lawv tsis to tau lawv muab ntaus nqi tias yog dab tug tas nrho cuag li yog dab tawm tuaj qhia ib hom lus rau hmoob xws li Phu Thas thiab Yes Xus lawv, tsis muaj qaum Ntuj ib los lus nyob hauv li.

    Muaj ob peb tug piv txwv los hais:

    1-Hais txog Hmoob tus Siv Yis ntuj yav pem suab dhau lo lawd. Siv Yis yog ib leej tib neeg xws li tas neeg ntiaj teb sawv daws. Nws tsis yogTswv Ntuj leej Tub. Nws tsis yog ib tug Huab Tais. Nws yog ib tug neeg Ntuj tau txib nws tuaj ua ib txoj hauj lwm Kho mob kho nkeeg, Hmoob kuj hu Siv Yis ua tus cawm seej vim Siv Yis ua neeb kho mob nkeeg kom zoo, Hmoob ntseeg tias Siv Yis nws kho sab ntsuj plig kom tus plig nrog lub cev nyob txhob tuag mus sai, kom muaj txoj sia nyob ntev li ntev tau mus puv ib puas nees nkaum xyoo.

    Siv Yis Cov hwj huam muaj peb yam li no.
    a-Cov ua neeb hais tias, Siv Yis hnov lus ntxhi.
    b-Tsheej Xeeb hais lus tseeb.
    Leej Nkaub hais lus paub.

    Peb yam no yog ib co txiaj ntsim tuaj saum ntuj tuaj.
    Yog Koob hmoov ua Ntuj Niam Ntuj Txi muab rau Siv Yis coj tuaj kho neeg mob. Yog ib zaj thov Ntuj kom Ntuj pab cais neej rau neej teb cais dab rau dab chaw, kom dab mus txis dab txij, neej mus txis neej nkawm. Dab txhob tuaj tshav neej nyias nyob nyias. Thaum Siv Yis ua neeb Hmoob ntseeg tias Siv Yis mus nrog Ntuj los mus nrog Dab sib Txuas lus. Neej nroj Ntuj thiab dab txuas lus tau, Ntuj thiab dab nrog neej txuas lus tsis tau. Vim tias yam uas neej niaj hnub thov kom Ntuj pab tsis haum raws li neej kev tso siab thiab kev ntseeg. rau qhov neej hloov siab sai dhau thiab tso siab rau ntau tus tswv, xws li ntau tus txiv muam. Ces neej tsis hnov Ntuj thiab dab li lus. Yus xav hauv nruab siab ob peb yam, Yam twg los yus twv tsis raug li. Ua neeb nqes los ces mam khov KUAM saib kuam seem sab twg yus ua tus txiav txim qhov kawg raws li KUAM qhia. (< Qhov no ntag yog lo lus hais tias Neeg nrog Ntuj txuas lus mas Ntuj hnov. Hos Ntuj txawm nrog neeg txuas lus los neeg tsis hnov thiaj li yuav tau nug rau KUAM kom kuam qhia.)

    Lo lus hais tias Leej Nkaub hais lus paub Yog kev sib txuas lus ntawm Ntuj Leej Tswv Yim kom Ntuj Leej Tswv Yim tuaj qhia yus. Cov tseem coj kev cai raws li tej pog tej yawg qhia, Leej Nkaub zoo li Leej Tswv Yim.
    Ntuj Leej Tswv Yim yeej zoo Siab tuaj qhia tiag. Tej zaum yuav muaj tej yam xwm loj txaus Ntuj qhia mas Ntuj mam qhia, Tsis yog yuav niaj hnub qhia txhua tus txiv neeb txawj ua neeb txhua zaus. Xyov pes tsawg tiam Ntuj mas li qhia rau ib leeg paub. Muaj tsawg zaus kawg tej tus neeg siab dawb, lo kev ua txhaum tsawg mas nws nrog Ntuj sib txuas lus tau yuav yog Ntuj pom zoo lawm mas Ntuj pub kom txuas lus tau. Tab sis tsis yog cov neeg muaj tsim thiab yog neeg ua nom ua tswv los ib tug nws yog thawj neeg loj.

    Neeg yaj ceeb sawv daws hais tias KomThov Ntuj pab. Thob niam txiv poj yawm pab, cov tsis paub txog Tswv Ntuj lawv hais tias Thov Dab pab. Lo lus no txawm yog thov leej twg los xij. Yeej yog thov Ntuj pab. Thov Ntuj, thov Dab los yog Tib Tug Tswv. Hmoob Tus dab loj yog tus dab xeeb teb xeeb chaw, tus no yeej yog Huab Tais Ntuj li lawm. Tsuas muaj Tswv Ntuj tib leeg thiaj yog tus xeeb kom muaj lub ntuj lub teb. Ntuj thiaj ua tau. Dab yeej ua tsis tau. Tsis tau hnov dua leej twg hais tias dab ua tau. Luag hais tias, mus dab teb,dab teb los tsis yog dab los tsim tau. Nyob hauv Hmoob lub tswv yim mas yam twg pom tsis tau mas hmoob hu ua dab no tas nrho.

    a-Nyob hauv Hmoob cov lus hais txog dab mas 90 % tus dab mas yog cov dab zoo, nyob nrog Ntuj.
    b-Muaj 8% tus dab yog cov hmoob tsis paub hmoob xav tias ntshai yog dab.
    c- Muaj 1% yog tus lam hu yuam kev xwb tsis paub.
    d- Tshuav 1% mas nws thiaj yog tus dab phem tseeb tiag. Tus no hu ua Ntxwj Nyoog. Lub npe no Txhua tus Hmoob yeej tsis nyiam. Ib tiam qhia los dhau tiam tias nws yog tus phem tso ntaub ploj ntawv tuag los rau neeg ces neeg thiaj tau mob tau tuag mus.
    Tus dab phem muaj 1% no nws yeej txaus siab tias Hmoob muab txhua tus neeg zoo nrog rau Tswv Ntuj tib si hu ua dab no mas nws kuj xav huas huv si los ua nws feem kom neeg yaj ceeb muab ntaus nqi yuam kev, tias dab dab muaj nyob puv lub qab ntuj no, thiab dab yog cov muajzog tshaj yam twg los yog dab li tas nrho.

    -Tus neeg uas nws niaj hnub xav tias luag lwm tus yog neeg tsis zoo, yus xav ua neeg nto moo tias yus paub neeg phem coob leej Kom muaj neeg pab qhuas yua tias yus muaj peev xwm loj txog sab twv tau cov neeg plem coob leej kawg.
    Tus ua zoo li no yog yus rov xav zoo zoo mas yus yog tus RUAM tshaj luag tej ua cas Yus tseem yuav sau yus lub npe rau luag paub lawm thiab. Tab yus muaj txuj kawm tiav qib siab los, los yus yeej tseem RUAM qees li.

    Yog yus sau ib zaj pub tswv yim los sib nres nrhiav kev thoob tsib los coj kev sib haum xeeb nrog kev nyiam kev hlub mas tsim nyog sau yus lub npe rau.Tab nws yog ib tug neeg tsis muaj txuj los sau yeej tsim nyog lawm, vim ib tug neeg tsis muaj txuj tsis kav nws muaj lub zoo tswv yim pub rau luag zeej tsoom tau siv

    Ib tug neeg yus pheej nyiam thuam neeg los thuam luag pab luag pawg li no,ces yog yus rov muab yus ntaus tus nqe pheej yig. Dab phem tsis tau siv tswv yim los mus ntiav cov neeg muaj txiag tuaj kheev nqi yuav muas yus li. Dab phem ntsia yus lub qhov muag xwb nws yeej paub tias tus zoo li yus no, dab ntxhi xwb twb tau dawb lawm.


    -Cov neeg nyiam nyob hauv txoj kev sib thuam no mas yog Ntuj txib yus ua ib txoj hauj lwm kom tshem kev sib thuam sib ntxub no kom txav mus deb ntawm yus mas yus ho hais ib tug nqi kim heev, uas Ntuj cov neeg ntiav tsis taus li. hos yog dab phem mas muab ob lub teeb liab thiab ntsuab nram kev tshuam los yoj xwb mas yus yeej xaiv kiag lub liab vim li ntsuab yeej cig tom qab lub liab xwb.

    2- Hais txog Phus Thas los Npus Das.

    Phus Thas nws tsis yog ib tug Tswv Ntuj zoo li Yes Xus. Nws kuj tsis yog Tswv Ntuj tus tub thiab.
    Phus Thas yog ib leej tib neeg sib xws li ne nyuam neeg ntiaj teb.
    Tab sis yog Tswv Ntuj tau txib Phus Thas xa ib co lus tuaj rau Yaj Ceeb neeg coj:
    Yog kev hwm Ntuj, hwm.neeg, hwm tsiaj txhu xyoob ntoo, txhua yam Ntuj tau tsim los.
    Phus Thas tsis nyiam kev nplua nuj nws kuj tsis nyiam kev pluag dhau nws nyob rau qhov muaj mov txaus noj txwm hnub.

    Phus Thas muaj lub npe yog Huab Tais mas los ntawm nws cov thwj tim tau hu ua Huab Tais:
    Yog thaum Phus Thas tuag ces nws cov thwj tim hais tias peb tus Huab Tais tuag lawm.

    Thaum Phus Thas tuag tas lawd ces nws cov thwj Tim tuav txoj kev ntseeg no tseg, thiab coj los mus txog niaj hnub no.

    Tej yam puav pheej tawm ntawm Phus Thas cov hwj huam los mas txawv Yes Xus cov hwj huam lawm ntau:
    Phus Thas cov Hwj huam Kuv tsis paub zoo. Hais raws li neeg ntseeg xwb.
    Nws yog cov Pov Haum:
    Xws li pov haum Zaj, Pov Haum Nab. Pov haum Roob Ris. Pov Haum Laum Kiav Tshooj. Tus Phab Lev Lais. Pov Khoos Phom tua tsis to, cov pov haum no yog pov zeb uas yus pom nyob ze tus tsiaj ntawd los ntawm ib thaj chaw tus tsiaj ntawd nyob.

    Hos Yes Xus cov Hwj Huam thiab puav pheej, mas yog thaiv dab phem kom neeg tso siab rau Tswv Ntuj, ces dab tsis los zes neeg. Tsuas muaj ua kom dab txhob ntxias neeg ua dab hauj lwm, thiab tsis pub kom dab yuam tau neej xwb.

    Phus Thas nws tsis tau hais tias nws yog Huab Tais. Phus Thas nws yog ntiaj teb neeg ib tug me nyuam xws li zeej tsoom sawv daws. Tiam sis Phus Thas yog ib tug neeg muaj lub siab dawb tsis muab hlob. Nws tus ntsuj plig kuj nyob ze Tswv Ntuj. Nws tau txais txoj kev tuag vim nws siab ncaj, luag tau ntshai tsam nws tau ua ib tug tuam vaj loj kav tas cov vaj muaj koob meej ces luag siv tshuaj kuab lom los txo nws txoj sia kom nws tau tas sim neej mus.

    Thaum peb hnov txog Siv Yis thiab Phus Thas nkawd, mas peb kuj yuav nco tias kuv ne! kuv pus yuav ncaj li nkawd thib ces yus thiaj rov tswj tau yus thiab xwb.

    Hos cov zoo li Hmoob hais tias, Nkauj Iab Nraug Oo. Nkauj Ntsuab Nraug Nab, Yaj Yuam, Tswb Tshoj, Hauv Haiv Hmoob Liv Xwm uas muaj Yaj Txiv Yawg, Vwj Paj Yig Tuam Nqaj Kab,Huab Tais Vam Khib, Yawg Paj Cai, Lauj Kiab Toom. Phas Nyas Tub Npis Lis Foom Lwj Txheeb Vaj Pov, cov no yog thawj neeg coj Hmoob tseem tsis tau nce mus ua ib tug Huab Tais zoo Teev hawm. Lawv yog peb cov poj koob yawm txwv muaj koob nto moo hauv Haiv Hmoob.

    Kawm Txog Siv Yis thiab Phus Thas nkawd tej kev cai mas xws li kuj yog neeg ncaj ncees.
    Yog tias yog yus no ntshai yus tseem yuav nrog Tswv Ntuj sib tw sib txeeb saib yus puas tau ua tus loj dua Tswv Ntuj thiab.
    Kev nrog Tswv Ntuj sib tw mas Tswv Ntuj yuav cia yus ua tus yeej txhua zaus xwb. Vim tias yus tsuas kawg muaj qhov kev muab hlob xwb dhau ntawd yus tsus muaj dab tsi tas nrho li lawm. Ces yus kev muab hlob coj yus mus poob qhov ntuj tas ces tsis muaj neeg pom thiab paub yus lub npe ntxiv li lawm.

    3- Yes Xus mas nws txawv deb dua cov npe hais los lawd saum no ntau. Nws Txawv tshaj Txhua yam Muaj tuaj nyob saum ntuj thiab nyob ntiaj teb no huv si lawm.
    Vim tias Yes Xus ib txhij yog Tswv Ntuj uas nrog Leej Txiv tsim lub ntuj lub teb. Txhua yam txawj ua zog los tsis txawj puav leej yog nws tsim los.

    Yes Xus tshwm sim tuaj yuav lub cev neeg vim tias, Yes Xus yog Leej Txiv lo lus thiab Leej Txiv Tswv Ntuj tus duab nws thiaj Tuaj yuav lub cev neeg. Kom tau cev Leej Txiv lo lus thiab nws tus duab rau ntiaj teb neeg paub, kom neeg ntseeg tau paub thiab tau hnov. Yes Xus nws tau hais tias Kuv yog Vaj, Kuv tuaj nyob Yaj ceeb no kom tau zeem tseeb txog txoj kev tseem ceeb. Thiab nws tuag mus tub tuag teb, nws sawv rov los. Nws tsis rov tuag dua lawm.

    Nws txawv dua li Siv Yis thiab Phus Thas nkawd, uas tuag mus ces tsis sawv rov los. Leej Txiv lub hwj chim nrog Leej Tub uas yog Leej Txiv lo lus nyob ua kev kom xeeb muaj Leej Tswv Yim Ntshiab tau tuaj ua hauj lwm nyob txawm hauv Txhua tus Leej neeg nruab siab.
    Ces lub Koom Txoos Ka Tau Liv thiaj hais tias: Leej Txiv, Leej Tub, thiab Leej Tswv Yim Ntshiab, yog tib tug Huab Tais, Lawv ua peb leeg.

    Leej Txiv yog lub Hwj Chim Hwj Huam tsim lub Ntuj lub Teb. Leej Tub yog Leej Txiv lo lus tuaj yuav lub cev neeg. Leeb Tswv Yim Ntshiab yog lub Hwj Chim Tuaj nplij neeg yaj ceeb. Kom neeg ntiaj teb hloov siab tig los yuav lub siab tshiab kom yeej Dab kev haub kev ntxias.

    Lus Xaus.
    -Kuv sau zaj no vim nyob Yaj ceeb no neeg ntiaj teb muaj kev sib thaum ntau dhau lawm.

    a-Tus thuam ib tug neeg los thuam tej pab neeg, nws zoo li yog ib tug neeg dag hla Ntuj lus ntau heev. Nws yeej hla tas nrho Tswv Ntuj 10 lo lus qhia tib si lawm. Vim tus neeg los pab neeg yus thuam ntawd lawv yog Ntuj me nyuam, cov lus lawv hais tsam yog Leej Tswv Yim Ntshiab kheev lawv hais tawm los.
    Yog nws xav khav theeb dag los cia nws dag nws, Tsis yog dag koj, yog dag rau Ntuj xwb.
    Tsis txaus uas yus yuav khib tas npaum ntawd.
    Yus rau siab ntso THUAM ces cuag li yus txhob txwm dag rau Ntuj lawm.


    b-Thaum Yus THUAM ib tug neeg txaus nkaus lawd
    Cuag li yus sawv nws caw los DAG rau lub ntiaj teb neeg tau hnov.
    c-Thaum yus thuam neeg ces yus tau thuam Ntuj tib yam lawm. Zoo li yus rov dag rau yus tias yus yog ib tug neeg tsis muaj nqi lawm vim tsis tseeb los yus tsis txawj txhais yus tau hais tias tseeb lawm rau Ntuj hnov. Thiab thiab nyob hauv yus muaj ib qho kev ntxhub tus yus thuam ntawd. Ces ua rau luag lwm cov neeg ntseeg yuam kev.
    Tus neeg nyiam thuam lwm tus mas nws y 4td
    og ib tug neeg pheej yig heev rau Dab phem ntxias. Dab zij ncaug xwb dab twb ntxias tau nws kiag lawm.

    Yaj Zoov Ntxheb Xib Hwb.

    XH. Yaj Zoov Ntxheb lub Tsev THOOB TSIB - Page 5 11943010
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 5 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 15th January 2014, 10:12 am



    Zaj 110- LUS NTUAS QHUAB QHIA PAB NTSEEG NYOB SACRAMENTO.

    -Zaj lus qhia hnub no yog hais txog ua ib tug neeg ntseeg txog Yes Xus lub Moo Zoo:
    -Ib tug neeg los ntseeg txog Yes Xus lub Moo Zoo lawm, mas yog nws los koom ua Tswv Ntuj Haiv neeg ntshiab.

    -Nws yuav tau txais lub Cim ntxuav, Cim Yug, thiab lub Cim Txhab Zog.
    Peb lub Cim no yog peb lub cim zeem tseeb tias nrog Tswv Ntuj koom ua ib cub ib yig tseeb lawm.
    Tus muaj cov Cim no suav tau tias nws yoj yim neeg loj nyob hauv Tswv Ntuj lub xeem lawm.

    Cov neeg ntseeg mas sawv daws yuav zaj xav, lub tswv yim, lub cev ntaj ntsug, tes taw cov hauj lwm yuav suav tias yog Yes Xus Pleev cov kab xwm tas nrho. Los ntawm lo lus uas peb txais lub Cim ntxuav Tswv Ntuj lub Koom Txoos, pub cai, tso lus rau peb nrog Yes Xus ua Vaj, ua Leej Choj, ua Yaj Saub.

    a-Lo lus Nrog Yes Xus ua Vaj:
    Ntuj hwm peb los ua Ntuj me nyuam, vim Yes Xus Pleev yog Tswv Ntuj Leej Tub tuaj yuav lub cev neeg. Yes Xus zoo siab Faib peb lub Cim no rau peb kom peb ua tauTswv Ntuj cov tub ki tseeb.
    b-Lo lus peb nrog Yes Xus ua Leej Choj, Peb lub tswv Yim, zaj lus hais, lub cev, tes taw ua hauj lwm peb yuav xyaum ua qhov zoo, kom muaj nuj nqis zoo ua paj tshab los txi ntuj.

    c-Ua Yaj Saub,Ntuj pub cai tso lus rau peb kom muaj cai thiab hais hom lus pub txoj sia rau neeg ntiaj teb kom txoj sia tseem ceeb rov zwm rau Tswv Ntuj kom nyob mus ib txhis. Peb yuav hais Tswv Ntuj cov lus cov lus pub txoj sia li Leej Pleev tuaj hais rau Cov His Xas Lais.
    Lub Cim ntxuav, Cim Yug, Cim Txhab zog coj tas nrho cov phiaj neeg txij tus ntseeg, xib hwb, Leej Choj Tswv qhia, sawv daws koom nrog Yes Xus ua kev tib si.

    Lub Cim cog lus Yog Tswv Ntuj kev sib haum xeeb nyob nrog cov txij nkawm.
    Thaum ob leeg zoo li tus txiv neej thiab tus poj niam sib sau los nyob ua ke, nkawd yuav sib haum xeeb li Tswv Ntuj tau cog lus tias Ntuj tsim tus txi, los tus niam yeej zoo txaus lawm Nkawd yuav sib hwm sib zam li Ntuj tau hwm thiab Ntuj tau zam rau tug, thiab tug. Txiv neej ua phem kawg rau poj niam los Ntuj zam rau. Poj niam ua phem kawg rau Txiv neej los Ntuj kuj zam rau, tsis muab txim rau leej twg, thaum tab tom sib ua phem ntawd.

    Lub Cim cog lus no, kuj yog kev sib haum xeeb nyob hauv Tswv Ntuj los pab ob tug txij nkawm nyob ua ke kom sib haum xeeb koom ua ib lub cev ib lub siab nrog Tswv Ntuj txhim lub ntiaj teb kom loj hlob tuaj.
    Nyob hauv kev sib hlub.

    Kev sib hlub muaj ntau txoj neeg xaiv tsis sib xws. Cia muab tsib txoj kev sib hlub los ua piv txwv hais:
    1-Kev pw ua ke sib koom vov pam.
    2-Kev hwm kom tsim nyog lub meej mom.
    3- Kev pab, kev qhuas.
    4-kev hais lus haum tus yam ntxwv.
    5- Kev nyob ua kev,

    Lub Cim tiag tes, yog lub Cim Tsa tes hom thiab pub cai tso lus sawv Yes Xus chaw hais lus ua hauj lwm pab tsoom sid.
    -Cov ua Xib Hwb tsus yog tso cai pub hais Tswv Ntuj cov lus rau tej pab neeg.
    -Cov Leej Tsob Hwb txais lub Cim pub cai tso lus rau nws hais Ntuj li lus thgiab ua tej lub Cim rau cov neeg txom nyem. Xws lus cov neeg mob, cov sib sau nyob ua ke ua txij ua nkawm,cov txhais yim neeg cov tub ntxhais ntsuag Th...

    Lub Cim tiag tes rau cov ua Txiv Leej Choj. Yog ua lub Cim tsa tes pub cai tso lus sawv Yes Xus chaw taij thov kom rub tau Yes Xus los nyob hauv lub ncuav mov thiab cov cawv txia ua Yes Xus lub cev thiab cov ntshav.
    Thiab hloov Yes Xus cev daws txhaum zam txim rau cov neeg hla Tswv Ntuj kaum lo lus qhia.

    Cub Cim tiag tes rau cov Tswv qhia, yog cog lus pub cai tswj kav ib cheeb tsam muaj neeg coob zej zog dav los ncua kev li ntau pua km deb lawd. Nws sawv Yes Xus chaw tuav dej num ntsuam xyuas neeg kev ncaj ncees hauv tej pab pawg neeg ntseeg kom txhob hla Tswv Ntuj lus.

    Tas nrho cov npoj neeg txais lub Cim tiag tes muaj cai hloov Yes Xus Pleev tuav dej num no, mas lawv puav leej muaj Leej Tswv Yim Ntshiab lub zog tuaj nres lawv kom muaj zog ua tau.

    Tab sis Leej Tswv Yim Ntshiab lub zog tsis tuaj nyob haub tus tau ua kev txhaum hla Tswv Ntuj lo lus qhia, 5-6-7-thiab 8.
    Tab nws yog ib tug neeg ntseeg xwb los cov Xib
    Hwb, cov Leej Tsob Hwb. Cov Leej Choj, Cov Tswv
    Qhia. Leej twg tau raus tes rau plaub yam txhaum
    no, xws li tua neeg ua ples ua yi, ua tub sab dag rau
    neeg mas tsis yog Leej Tswv Yim Ntshiab lub yog
    txhawb tej kev ua txhaum ntawd. Nws xaiv nws tus
    kheej xwb.

    Peb leej tib neeg tsis muaj cai txiv txim rau cov neeg
    ntuj xaiv lawv. Yog Leej Tswv Yim tus qhia qhov
    Tseeb thiaj tsim nyog xyuas, yam cuav ua tsis tau
    tseeb, tseeb kuj ua tsis tau cuav.

    Hnub no peb noj tsiab peb caug peb muab zaj lus no
    los xav thiab coj kom peb yog Tswv Ntuj tsev neeg
    thiab Tswv Ntuj lub xeem muaj koob meej dawb
    huv nyob mus li.

    Yaj Zoov Ntxheb Xib Hwb
    Tim 3-12-2013.

    XH. Yaj Zoov Ntxheb lub Tsev THOOB TSIB - Page 5 749_5010
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 5 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 22nd January 2014, 8:43 am



    Zaj 111- NPAU SUAV TAU TXOJ HMOO ZOO.

    XH. Yaj Zoov Ntxheb lub Tsev THOOB TSIB - Page 5 Caoban10

    Yuav qhuas txog txoj Hmoo zoo,yuav qhuas txoj Tswv Ntuj tau muab txoj hmoov zoo loj npaum no rau Tsoom Hmoob.

    Txij thaum Hmoob thiab Suav sib ua tsov rog nyob puag pem niam dej dag los. Uas Tsoom Hmoob khiav txav los rau sab Yuj Naj. Ces hla los rau Cob Tsib teb, Los Tsuas teb.

    Hmoob nyob ntau tiam ua neeg txawm rau toj siab, nruab zoov nruab tsuag. Nyob ua tej lub me nyuam zos muaj li nees nkaum peb caug yim. Ib lub roo ntau pua yim los Hmoob nyob ua kaum tawm lub zos, kom muaj li kaum tawm tus neeg txwj neeg laus.

    Hmoob kuj tshai mus nyob chaw qis xyaw Mab Sua, tsam ho muaj txiab nkeeg.
    Lub zim txwv Zim Pee thiab Fab Kis tuaj rau Suav qab teb hu ua Indoutine:
    Xws li Khas Npau Dias Nyab Laj thiab Los Tsuas teb ntawd. Hmoob cov zej zog nyob txawm muaj coob tsis tshaj 200 yim neeg li ntawd.

    Xyoo 1910 Tej lub xeev muaj Hmoob nyob txog li peb txhiab leej li mas yuav tsum muaj kaum tawm lub zos nyob sib nrug ncua kev li ib teev rau plaub teev kev ntaus nqis li ib tag kis los ib tav su kev li ntawd. Ib lub zos muaj kaum yim hmoob mus rau tsib caug yim mas yog coo kawg.
    Nyias yuav muaj nyias ib tug los ob tug txwj laus kav zos. Yog cov txwj laus uas Hmoob hais tias:
    Tis tswb rau nkauj ces nkauj hlob, tsis tswb rau lau ces lau nrov.

    Lub zim txwv ntawd mas tsoom Hmoob lawv mloog lus kawg. Cov thawj neeg ntawd lawv hais li cas mas zej zog sawv daws mloog tas tib si. Kuj tsis paub tias yog lawv ntshai tsov los ntshais dab mas lawv mloog lus zoo kawg li.

    Yav ntuj pem suab mas tsis paub. Txij li uas tsoom Hmob los poob rau Los Kuj teb chaws. Mas Hmoob muaj plaub txoj cai tswj kav Hmoob kom nyob qhov twg los hmoob ua tau Hmoob nyob mus li:
    1-Yog cov uas Hmoob hu lawv ua neeg txwj neeg laus.
    2- Yog Hmoob txoj kab tshoob kev Kos uas hmoob qua ntxhais los muab nyab no. Hmoob lub ntees tshoob.
    3-Yog Hmoob txoj kab ke saib tej laus nce hauv toj. Hmoob lub ntsees pam tuag ntawd.
    4- Yog Hmoob cov txiv muam coj dab tiam qhua, us hmoob ua neeb ua yaig.

    Nyiam no Hmoob txawm ri mus thoob qab ntuj los plaub txoj cai no tseem coj kav Hmoob kom Hmoob nyob ua Hmoob mus li.

    Hmoob xeem lus yog ib xeem lus loj thiab tob heev: Nws muaj lub ntshiab lus ua lus paj lug los lus txhiaj txhais. Thaum ib tug Hmoob hais lus mas yuav tsum yog tus mloog ntawd txhais tau lo lus ntawd meej thiab to taub. Yog tus mloog txhais tsis tau ces zoo li nws nyem tus hais lo lus tawm tsis tas. Ces nws muab ntau nqi ua lwm yam lawm, ces nws coj mus hais tom ntej ua rau cov mloog tom ntej ntawd to taub tias Thawj tug hais lus ntawd tsis txawj hais, ces muaj lus xaiv ntau vim nws txhais tsis tau lo lus kom meej thiab tseeb.

    Cov lo lus ntawd tau ua ib puag ncig rov los txog tus hais ntawd ces nws siab tsis kaj thaum rov txog nws pob ntseg cov lus tau hloov mus hais txog lwm yam lawm. Tej no mas peb tsoom hmoob yeej tseem nyeem tsis tau tau lo lus teeb. Thiaj ua rau Hmoob tsis sib haum xeeb. Ces ib leeg thiaj xav tis nws saib tsis taus kuv los li cas kuv tsis tau hais tej lus ntawd.

    Hmoob cov tsib lus tob nyob hauv Hmoob cov lus uas thaum Hmoob muab los ua cov zaj lus haiv: Xws li cov kwv txhiaj, zaj tshoob txiv xaiv foom kom cov no muaj lus zoo nyob hauv.
    Cov neeg nyiam ua luag tus thawj neeg mas lawv kuj nyiam hais cov lus paj lus kom lus tau txhais los ua qhov tseeb.
    Cov lus txhiaj txhais hmoob nyiam hais rau saum cov rooj tshoob rooj kos los rooj mob rooj tuag nrog rau kev haus dej haus cawv.

    Hmoob cov kwv txhiaj yog cov lus tsis pub muaj plaub ntug. Vim muaj li no mas tej ua tub ua kiv yog lawv xav hais tej yam uas cov ua niam ua txiv ua tsis yog los tsis txawj coj ua tsis zoo rau tej tub ki lawd.
    mas yuav tau muab cov lus ntawd los ua kwv txhiaj hais pub rau hnov tau.

    Luag thiaj hais kwv txhiaj tias leej niam leej txi tsis hlub ua cas tsis muab tua li nthi tuaj thaum nyob nruab thiab, ua cas ho yuav yug los ua neeg nyob mus lwj siab. Yog leej niam leej txi tsis zoo siab ces nws yuav rov hais ib zag kwv txhiaj teb tuaj tias, yog vim li cas no xwb. Ua plaub rau tej tub ki no tsis tau. Yog nws hos tsis txawj muab ua kwv txhiaj hais los qhia ces nws quaj ib plug kom kua muag poob ces ua rau nws rov muaj kev kaj siab tuaj ces tas li.

    Hos yog ua lus tham rau ib tug hnov mas plaub ntug loj hais tsis tas li.
    Haiv Hmoob yog ib haiv neeg thoob tsib thiab ntse mus txog tej no puag thaum ntxov ntxov los lawm.
    Muaj tej yam uas Tsoom Hmoob ua tsis zoo nkauj coj tus cwj pwm li ib co neeg tseem ruam ruam, mas yog Hmoob tsis kam txo hwj chim.
    Tsoom Hmoob yog sawv daws kam txo hwj chim mas Hmoob yuav mus nrawm heev tej Mab Sua yuav raws tsis cuag Hmoob li.

    Ntshai tsam yog hmoob txoj hmoo los ua li cas!
    Vim tas ntiaj teb Mab Sua sawv daws puav leej yog Qaum Ntuj li me nyuam. Yog Tsoom Hmoob sib koom tes txo hwj chim, mas tsam ho saib tsis tau lub ntuj lub teb lawm los li cas, lwm yam tuaj mas tsam Hmoob ho saib tsis taus Mab Sua lawm, muab Mab Sua saib zoo li lawv yog tsiaj lawm. Li no mas thiaj hais tias ntshais yog txoj hmoo lawm no.

    Qhov Hmoob tsis kam txo hwj chim no, mas ntshai Hmoob yog ib haiv neeg yeej yug los kom tau ua vaj los tau ua luag tus thawj neeg tas txhua tus los li cas.
    Lo lus hais tias ua luag tus thawj neeg mas nyob hauv kuv tus npau suav kuv pom tias txhua tus me nyuam tub Hmoob yeej ntshaw, thiab xav kom yog li lawm.

    Ntshai hmoob yeej yog ib lub noob Vaj tiag lod,cov tub Hmoob hlob tuaj tus ruam tus ntse los yeej nyiam lub npe ntawd. Txawm tsis tau Vaj los tsuav tau ua thawj neeg mas zoo siav lawm.
    Hmoob saib Hmoob mas yog cov neeg paub tab paub cai loj kawg. Yog hais lus tsis saib ceg ntoo qhuav xwb mas twb txhaum plaub tau lawm thiab.
    Hos yog Mab Sua no mas Hmoob kuj hais tias yog Mab Sua kev cai, txawm ua tub qaug hla hmoob lawm los Hmoob kuj tsis yuav cai, tsis hais Mab Sua li thiab. Hos yog saum ib tug hmoob mas Hmoob hais tias kawg npua xwb roob taus ntaus tsis hle li.

    Hmoob yog ib haiv neeg muaj ib lub noob vaj nyob rau hauv txhua lub xeem . qhov tej tus ua npau suav kom muaj teb chaws hmoob rau Hmoob nyob ua hmoob tug mas kuj yooj yim heev, thiab tsis yooj yim kiag li: 18 lim lub xeem xav kom muaj 18 tus vaj Hmoob mas tsis yooj yim muaj tau.

    Yam yooj yim tshaj uas peb caug xyoo ces muaj vaj hmoob mas kuj yuav tau thiab:
    Yog sawv saws sib txo hwj chim kuv txo kuv li koj txo koj lub mas yooj yim. Hmoob nyiam ua Vaj heev mas kawg Qaum Ntuj yeej yuav muab rau Hmoob xwb. Lub Xeem twg tau ua Vaj los yog tas nrho 18 lub xeem tus Vaj no mas nws kuj yog Mab Sua tus Vaj thiab ces tau yooj yim tiag.

    Sawv daws kam txo hwj chim ces koj tau ua Vaj los yog kuv tau tib yam. Kuv tau ua Vaj los yog koj ua tib tug li ntawd Nws ua Vaj lawm Tas nrho vaj tsab xeem lis 18 lub xeem sawv daws yog vaj tib si lawm. Sawv daws sib twv ua qhov zoo hlub tus txom nyem npaum li tus nplua nuj. Koj tau ua nom koj hwm kuv npaum li kuv hwm koj ua nom, mas Mab Sua yuav pov ntawv kom Hmoob ua nom xwb vim Hmoob ntse thiab txawj ua nom ces Hmoob lub teb cahw dav li ib nrab ntawm lub ntiaj teb no cov ciam dej ciam av li lawm.

    Zaj npau suav tau txoj hmoov zoo yog zaj no tseeb lawm. Hos yog tias hmoob mus txeeb luag ib thaj av los ua Hmoob teb chaws rau Hmoob kav yuav tau thiab los hmoob roj ntshav yuav tau pleev daim av no kom liab npaum li ntshav mas muaj kev txom nyem muaj kev khib, ces yuav muaj kev sib rob caub tsis txawj tag li thiab,

    Nyiam no cia li suav hais tias Hmoob muaj hmoo lawm hmoob tau ua hmoob thoob qab ntuj lawm ces tus nyob qhov twg los cia li hu ua hmoob teb chawd ntawd ces Hmoob tau zoo tsis muaj plaub ntug.
    Suav hais tias, kuv nyob mab dawb teb ces kuv yog Hmoob Mab dawb. Koj nyob Mab dub teb cia li xam tias koj yog Hmoob Mab dub no ces cov Mab dub los Mab Dawb pov ntawv rau koj ua nom ces koj yog Vaj lawm.

    Lub Ntiaj teb no tsis yog leej twg ib tug li. Yog tas nrho tsoom Haiv neeg li sawv daws ntiag tug Tus twg siab ncaj xav ua Vaj thiab nws paub kev ua Vaj lawm vim li cas Ntuj hos tsis pab, thiab neeg ho tsis nyiam li.
    Qaum ntuj los pab tus siab loj, hos ntiaj teb neeg los nyiam tus siab zoo xwb.Yog tus muaj rab peev xwm xav ua vaj mas leej twg los yeej nyiam kom nws tau ua xwb lauj.

    Tus nyiam ua Vaj tab sis nws tsis paub kev ua Vaj mas yog nws tau lub hwj chim ua Vaj lawm mas nws yuav tsa nws ua tus loj kom nws tseem loj tshaj Faj Tim Tswv tsim lub ntuj lub teb. Neeg thiab Ntuj tsis tau txiav txim los nws cia li txiav txim li nws loj dua Ntuj NiamNtuj Txiv lawm thiab.

    Peb Txhob xav tias peb muaj ib vam leej Hmoob ces peb yuav ua ib vam tus Huab Tais los Vaj Hmoob. Yog peb muaj kaum vam tus hmoob mas peb thov kom muaj ib tug yog thawj neeg kom peb tau kev sab laj xwb mas twb zoo lawm.

    Tus Hmoob tsim nyog los ua Vaj mas xav kom yog ib nrab neeg ntawm lub ntiaj teb no yog nws li pej xeem mas Ntuj yuav pub kom muaj tau ib zaug xwb thiaj tas.


    Zaj lus kuv sau no tsuas yog ib lub tswv yim rau kuv tus Hmoob xav txog ua Vaj kav neeg ntiaj teb.
    Kuv tsis yog ib tug Yaj Saub, los ib tug neeg tau kawm kev mus ua vaj Ntxwv txheej siab los es kuv yuav txwj hais tej zaj zoo li no kom tau ua kev tub qaug rau ib leej twg uas nws xav los mus ua vaj.

    Kuv sau li kuv ua npau suav xwb kuv hais tseeb tias kuv ua npau suav tas ces kuv twb qab los noj mov mus dhau li peb hnub lawm.
    Yog ib leej twg tau ua kiag li kuv hais no mas kuv foom lus zoo rau nws kom zoo siab mus peb tiam neeg.

    Lo lus kawg kuj tsis yog kuv xav thuam ib tug neeg zoo li cas! Cov tub kawm txuj ua politiques los kuv tsis paub leej twg li. Kuv tsis noj ib tug nkaub tuav ib tug npe tias kuv ho saib tsis taus nws .
    Kuv tsuas hais Hmoob kuv kuj yog Hmoob Yam yuav raug cia raug kuv tias Kuv yog Neeg ruam no xwb.

    Yaj Zoov Ntxheb Xib Hwb.

    XH. Yaj Zoov Ntxheb lub Tsev THOOB TSIB - Page 5 Pajkub10

    XH. Yaj Zoov Ntxheb lub Tsev THOOB TSIB - Page 5 Abd06a10
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 5 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 31st January 2014, 12:18 pm




    Zaj 112-TUS NEEG XYOB TXHIAJ.


    XH. Yaj Zoov Ntxheb lub Tsev THOOB TSIB - Page 5 Thumb_10

    Ib tug txiv neej ua neeg xyob txhiaj yog tus zoo li cas?
    -Cov txiv neej ua neeg xyob txhiaj yog cov uas lawv hla Tswv Ntuj kaum lo lus qhia kom uas coj lawv kom ua neeg ncaj ncees.

    -Cia muab peb yam piv txwv no los piav:
    a- Yam li kev tsis hwm Ntuj.
    b- Kev dag hais lus cuav.
    c- Nyiam kev ua plees ua yi.

    1- Tus neeg tsis hwm Ntuj thiab nyiam kev dag hais lus cuav,nws yeej yog neeg xyob txhiaj lawm. Nws tsis muaj kev ncaj ncees ces yog tsis hwm Ntuj, ces kev xyob txhiaj yuav caum nws qab txhua lub caij. Tej no tsis yog hais rau ib tug txiv neej uas nws paub Ntuj es nws fav xeeb xwb. Yog hais txog txhua tus hu ua txiv neej tib si uas lawv tsis muaj kev ncaj ncees rau lub Ntuj lub teb.

    -Vim tias Tswv Ntuj tau tsim lub meej mom ua txiv neej nws pub kom sawv daws muaj lub hwj chim tsim yog los ua thawj neeg saib nyias poj niam tub se. Thaum twg nws tsis ua raws li lub tswv yim Ntuj nyiam ces, yus tau txiav txim siab tias nws tsis kam ua raws li Ntuj pom zoo thiab tsa nws ua neeg tus thawj lawm. Yus txiav tias yus yuav ua raws li yus lub siab ntshaw, ces nws yuav mus xaiv txoj kev haus dej haus cawv, thaum ntawd kev zoo siab yuav txhawv los nyob puv hauv yus tus kheej, ces yus yuav zoo siab luag tsis muaj chaw tas. Yus yuav luag kom qhov ncauj zij tas qhov muag qi tas rau luag saib, yus kuj yuav hais tej los lus tsis tseem ceeb los zeem kev ua phooj ywg. Yus lub siab ntshaw ntiaj teb lub cuab tam yus tau muab hais tawm los rau luag hnov.
    Yus pib hais lus ua neeg khav theeb, yus muab yus tsa ua tus loj cuag li yus loj ib yam li Tswv Ntuj los tseem loj dua thiab Vim yus muaj ntiaj teb lub cuab tam npaum li Tswv Ntuj, tej nyiaj kub, pov haum pob zeb phiav deg tej yam muaj nqi ntawd yus muaj lawm.
    -Ntiaj teb lub cuab tam mas nws tsis yog ib tug li, nws yog tas nrho leej teb neeg tuaj ua neej rau ntiaj teb no sawv daws ntiag tug. Yus txeeb tau los ua yus tug los cav nqa tsis tau mus ua lub neej tom ntej nyob rau qaum ntuj. Yus tsuas tau lub hwj chim cuav kav nees nkaum peb caug xyoo li xwb. Dhau qhov ntawd yuav rov poob mus luag lwm leej lwm tus li ntiag tug dua.

    2-Tus nws nyiam mus taug kev plees kev yi mas nws yuav xyob txhiaj mus kawg nkaus chaw kob huam. Nws lub hwj chim koob meej yuav raug poj niam muab txo qis tshaj plaws:
    -Nws yuav mus lob ntau tus poj niam, Thaum cov poj niam no pom tias ib tug txiv neej nws kov ntau tus poj niam lawm, mas lawv to taub tias nws yog neeg nplua nuj, muaj cuab tam ntau. Ces cov pj niam no sib txeeb fiv tus txiv neej no mus pe poj niam cov dab caj ces tej mlom pob zeb, los tej dab xyoob ntoo txhua hom mus li. Tus poj niam twg txawj cob mas nws mus pe tus poj niam ntawd cov dab.

    Ces tus txiv neej no nws qaug rau dab poj niam ntsias, ces nws saib Tswv Ntuj qis qis li tej pob ntoos qhuav xwb. Tas txhua yam uas Lub hauv paus Ntuj npaj pub rau nws yog nws saib tsis muaj nqi ces ntuj yuav muab tshem teg vim nws tsis kam txais los kav nws lub hwj chim.
    -Cov txiv neej tsis xyuam xim nws nyiam ua raws li nws lub siab ntshaw mas thaum nws pib mas zoo li nws muaj zog kawg, lub sij hawm kawg ces nws yog tus neeg xyob txhiaj coj nws mus ua neeg kob huam.

    3- Yuav qhia nej mus nyeem Tus Vaj Xas Los Moos li keeb kwm. Thaum Nws pib ua Vaj Nws hloov nws txiv Das Vis coj Haiv neeg His Xas Lais, Tswv Ntuj nug Nws nyob hauv Nws tus dab ntub pau suav tias:
    Xas Los Mos koj xav thav dab tsi?
    -Xas Los Moos teb tias, Kuv tseem yog ib tug neeg hluas heev, kuv tsis paub coj Koj haiv neeg His Xas Lais, Kuv thov ib lub Tswv Yim thoob tsib, ntse los coj koj Haiv neeg His Xais Lais.
    -Tswv Ntuj tau teb rau Xas Los Moos tias:
    Koj tsis thov kom muaj txiag npua nuj, koj kuj tsis thov kom koj tau nyob laus nkoos thiab.mas kuv yuav pub rau koj raws li koj tau thov.
    Koj yuav tau ua ib tug Vaj ntse tshaj cov Vaj tam sim no thiab cov Vaj yav tom tej tib si. Tsis muaj ib tug Vaj yuav ntse txhaj ko nyiam no los yav tom ntej.

    Thaum Tus Vaj Xas Los Moo laus lawm nws mloog nws lub siav ntshaw, ces Nws tsis mloog Tswv Ntuj lo lus raws li Tswv Ntuj tau cog lus rau Nws.
    Ces nws mus haus cawv kom zoo siab nws luag rau sawv daws pom, nws luag txaus lawm nws mus yuav ntau pua tus poj niam, cov yog ntxhais vaj ntxwv los muaj, cov ho yog ntxhais nom ntxhais tswv los muaj.

    Ces nws cov poj niam coj nws mus teev lwm cov dab teb dab chaw, tsis muaj qab hau uas los ntawm neeg lub tswv yim siab ntsws xav tias muab tsa ua dab muaj hwj chim loj los rau neeg teev hawm.
    Ces Tus Vaj Xas Los Moos tso Tswv Ntuj pov tseg Nws saib Tswv Ntuj qis qis li tej pob ntoos qhuav lawm xwb.

    Tswv Ntuj thiaj vam txog Tej tus Vaj nyob pej kum teb rov los cawm Nws Hais neeg His Xas Lais. Xws lus Vaj nyob Npas Npis Los teb ze lub caij ua ntej Yes Xus yuav yug los ntawd.

    Lub tswv yim no tsis yog hais rau ib tug txiv neej uas nws paub txog Tswv Ntuj lub npe lawm xwb.
    Yeej raug rau tas txhua tus txiv neej muaj lub luag hauj lwm ua ib tug txiv tsev tuav ib lub cuab yim rau nws tsev neeg tas nrho. Kev hwm Ntuj yog kev ncaj ncees rau txhua leej txhua tus nyob ib ncig ntawm yus tib si.
    Hos ib tug txiv neej paub Tswv Ntuj lawm mas haj yam yuav tsim nyog muab ntaus nqi tseem ceeb loj rau yus lub neej. Vim Tus Leej Tswv Yim Ntshiab uas qhia qhov tseeb twb yog tus coj cov Txiv neej thiab roos lawv lub meej mom muaj nuj nqis no txhua lub sij haum tag lawv sim neej.

    Nyob hauv Haiv Hmoob li kev cai nws muaj tej yam tsis tshua zoo, uas Hmoob pom tsis tas rau qhov tseeb:
    Thaum ua tshoob ua kos tej laus pheej ntuas cov ntxhais tias, mus ua neej kom txhob tig rov los mus saib tom qab.
    Yam lus no tsis yog tig saib qab ces dab ho muab tus ntsuj plig lawm ces muaj mob los ua neej tsis zoo. los sis muaj mob tuag mus.

    Lo lus hais tias txhob tig los mus saib tom qab yog ib los tseem ceeb kom txhob rov los mus saib tej qub nkauj qub nraug uas yus tau ua dhau los lawd. Txij no mus ces yus yuav txiv lawm too hau ntsoov nrog yus tus txiv ua neej mus es tsis txhob tig saib rov tom qab tej qub kev ua hluas no lawm xwb.

    Mus saib ntawv hauv uas zaj 19:21-29. Hais txog lub nroog Xos Dos mas thiab Nkos Mos Las.
    -Los poj niam pom ob lub nroog cig nplaim taws loj zoo saib heev ces nws nco txog tej qub kev ua plees ua yi thaum nyob hauv, nws tig mus saib tom qab ces nws thiaj ciaj ua mlom ntsev li ntawv hais tseg Hmoob yeej muab zaj no hais ib tiam dhau ib tiam los mus ua dab neeg txog lub zim txwv no.

    Thsuav ib qho uas tsis tau qhuab cov txiv neej:
    Cov ntshais, los cov poj niam, mus tham hluas. Tej niam txiv los cov thawj neeg tsis ntuas ob tog zoo tib yam, Saum cov poj niam mas sawv daws feem ntau hais tias, tus ntxhais no tham hluas lawm nws yog neeg xyob thxiaj lawm muab nrauj mus.

    Hos yog ib tug txiv neej ua neeg xyoj txhiaj mus tham hluas nkauj twb dhau kev cai lawm los tseem ntuas tej poj niam tias, Ua siab ntev. Yog yuav hais raws txoj kev ncaj mas cov txiv neej ua neeg xyob txiaj ntau dua cov poj niam.

    Tshuav ib yam zoo rau cov poj niam,mas vim tias Txiv neej muaj lub hwj chim loj dua txawm tus Txiv neej no tau swb ncauj swb lus lawm los nws tseem tuav tau nws lub siab lub hwj chim no tseg.
    Hos ib tug poj niam tau swb lus swb cev lawm mas lwm cov poj niam nrog cov txiv neej muab ntaus nqi ua neeg xyob txhiaj mus li lawm, tsis musj ib leej twg yuav pab txhawb nws lub zog lawm, ces nws tau poob mus ua neeg xyob txhiaj, cia rau tej neeg dua kev tau so taw lawm xwb.

    Lo lus xaus zaj no:
    Tsoom hmoob nyob Fuaj Kuj los Mis Kuj no muaj coob leej ua neeg xyob txhiaj lub siab xib mus tham hluas nkauj, yuav niam yau rov rau qub teb chaw Loa Tsuas teb, tej no yog kev xyob txhiaj tib si lawm.
    Xyob txhiaj rau lub neej,lub cev thiab tus ntsuj plig tib si. Ua rau lub neej tom ntej kev thawj thiab los xyob txhiaj mus nrog tiam no tas nrho li thiab. Tsis paub khuv xim tias tiam tom ntej yuav raug kev txom nyem loj los me tsis ras txog li.
    Kuv xav tias tiam no yog tau ua neeg muaj hmoo, mas lwm tiam haj yam yuav muaj hmoo dua no.

    Yaj Zoov Ntxheb Xib Hwb.


    XH. Yaj Zoov Ntxheb lub Tsev THOOB TSIB - Page 5 Depens10
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 5 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 19th February 2014, 8:01 pm


    NTIAJ TEB NOOB NEEJ LI KEV NTSEEG.


    XH. Yaj Zoov Ntxheb lub Tsev THOOB TSIB - Page 5 Religi10


    -Muab neeg ntiaj teb kev ntseeg los sib piv. Yog dhau li txoj kev ntseeg txog Yes Xus lub Moo Zoo lawd.
    Tas lub ntiaj teb neeg no cov kev ntseeg, mas yog Haiv Hmoob nyob ze Ntuj dua lwm cov.
    -Lwm cov Haiv neeg mas lawv hu txog tej tus dab tuaj pab lawv.  Kom lawv tau yeej kev mob kev nkeeg thiab muaj zog muaj sia tiv kev txom nyem.
    -Hos Haiv Hmoob lawv hu txog dab Ntuj dab teb tuaj pab Hmoob kom tau yeej kev mob kev nkeeg thiab pov hwm Haiv neeg Hmoob:
    -Haiv Hmoob hu txog tus Dab Xeeb Teb Xeeb Chaw, tus no yog Huab Tais Ntuj.
    _Thiab hu txo dab pog dab yawg, dab niam dab txiv...Cov no puav leej yog cov dab zoo. Hmoob hu plig mas tsuas yog nplij thiab hais kom nyob ruaj nrog lub cev, tsis txho muaj kev tu siab, tu saus.
    -Ua neeb hu plig tsuas yog thaiv kom dab qus txhob los tsev thiab txhob coj Hmoob cov tsuj plig mus ua loj leeb tsam poob zoo ces ho mus thawj thiab ua Mab Sua los mus ua tsiaj txhu lawm xwb. Yog ib txoj kev caum dab kom khiav mus deb ntawm hmoob tus ntsuj plig los lub cev ua neeg no xwb, kom Hmoob tau nyob dawb huv.
    -Yog tias tsis muaj txoj kev ntseeg txog Yes Xus lub Moo Zoo, mas cov Hmoob yog yuav xub mus rau qaum ntuj.   Tus phem uas pheej xov laj kab thaiv Hmoob txoj hauv kev mas, nws pheej los hais thiab cob qhia kom Hmoob muaj tej kev paub paub ua neeg xam khib, los paub paub kev neeg ua tub qaug rau Hmoob, ces tsis txawj zam rau luag. Hmoob txawj ua phem npaum li cas mas ua kom hla plaws uas luag ras tsis txog li, muab siav ciaj pauv siav tuag kiag li xwb.
    -Nyob hauv Hmoob cov dab 80% yog dab zoo:
    -a Tus Dab xeeb teb xeeb chaw nws twb yog Huab Tais Ntuj lawm.  Dhau no mus ces yog dab niam dab txiv los dab pog dab yawg dab kwv tij cov tuag mus lawd...
    -b 29 % yog cov dab nkauj hnub nraug hli, dab xob, dab zaj, dab tsov, dab huab dab cua los rau cov dab pob zeb dab ntoo txwj ntoo laus, dab qhov dej, qhov ntuj tej no yog cov dab uas Hmoob tsis paub. Tsuas mem tias yog dab no xwb.
    -c 1% yog tus dab phem qhia kom hmoob paub kev xam khib , los paub kev luag ua tub qaug rau yus, coj kom kom Hmoob paub nyiam kev ua plees ua yi paub kev ua tub sab tub nyiag... Tus dab no tas ntiaj teb sawv daws nrog Hmoob los yeej tsis nyiam. Yog Ntxuj Nyoog tus tso mob tso tuag los rau ntiaj teb neeg, kom txawj mob txawj tuag mus.  Thiab coj neej ntiaj teb kom ncaim ntawm Tswv Ntuj mus ua neeg txhaum hla Tswv Ntuj cov lo lus.  Muaj kev sib ntxub, kom txhob muaj Ntuj kev nyiam kev hlub nyob hauv neeg nruab siab.  Tus dab no pej kun haiv neeg lawv hu ua Xas Tas.
    -Thaum Hmoob hais kwv txhiaj los hais txiv xaiv foom kom Hmoob kuj hais txog tias, Ntxwj Nyoog siab tsis zoo tso ntaub ploj ntawv tuag los rau ntiaj teb neeg ces ntiaj teb neeg thiaj tau ploj tau tuag mus.
    -Raws li kuv paub, mas ib sim neej txij li kuv yug los ua Hmoob.  Kuv tseem tsis tau pom dua ib tug Hmoob yuav coj ib tug duab tsiaj los duab ntoo los duab pob zeb uas tuaj kub tuaj kaus los teev, tias yog Hmoob tus dab no li thiab.
    -Hmoob tsuas yog muab tej daim ntawv los ua lub cim tias yog hom dab no mas lo ntawv zoo li no tau xwb.  Tsuas yog pom Hmoob lo daim ntawv  Xwm Kab thiab lo ntawv rau lub thaj neeb cia rau thaum ua neeb tau  txheev cov dab neeb tuaj nyob rau ntawd.  Cov dab neeb no lawv kuj tsis nyob saum lub thaj neeb ntawd mus li thiab.
    -Thaum twg Hmoob yuav ua neeb mas mam li txheev kom  tuaj (txheev= yog hu.los caw tuaj.)  Hmoob thiaj hu ua txheev qhua neeb. Lo lus Hmoob hu ua dab no mas yog pom tsis tau thiaj hu ua dab li ntawd.
    Hmoob cov dab yam li:
    -Tus dab xeeb teb xeeb chaw, uas yog Tswv Ntuj.  Cov dab niam tej txiv, tej pog tej yawg, los rau tej kwv tij. Tub ki los tej xeeb ntxwv tau ncaim lub ntiaj teb no mus lawd yog cov dab zoo.
    -Nyob hauv Hmoob lub ntsees pam tuag mas Hmoob hu ua kwv tij los nkauj muam  nraug nus tsoom txheeb ze pluas mov kawg.
    -Cov txheej lus uas tus cuab tsav, muam phauj, txiv dab laug, rau tus xeev txwj laug hais, tsuas hais tias:
    Koj yog nws kwv nws tij, nws nkauj nws muam. Los yog nws neej nws nus thiab yog nws tus txwj tus laus. Nej tuaj kho nws laus nrhoob, kho nws laus khau rau nws laus  rau, thiab qaij nws laus kaus rau nws laus coj mus roos  hnub roos hli mus rau  yeeb tim teb los mus rau qaum ntuj.
    -Zaj txiv xaiv foom kom, tsuas hais los mus rau peb lo lus no xwb:
    a- Nej sawv daws yog nws kwv tij, nkauj muam, nraug nus hau teb hau chaw. Peb thiaj hu nej tuaj rau saum nws laus lub rooj sam tsum no.
    b- Nej tuaj saib nws ua zaum kawg, muab nws laus rooj mov xaus, Choj lov ces kev tu lawm yuav tsis muaj lub chaw khiav.
    c- Nej tuaj nrog qhuab qhia tsoom tub tsoom kiv los kwv tij, yawm yij yawm dab, nkauj muam mos nyab, kom sawv daws ua neej nyob koom taus ua ib pab.
    -d-Qhuab qhia mus raws nraim li Huab Tais Ntuj 10 lo lus qhia:
    Tsis txhob mus twv txiaj yuam pov. Tsis tim mus ua plees ua yi, mus tho luag qhov vaj qhov tsev. Leej hlob yuav hlub leej yau, hlub kom ti txha txhob cia mus ua kev zej kev zos tus puab rooj los mus puab ntsa. Kwv yuav mloog tij qhuab, tij yuav mloog kwv hais.
    Ntuj thiaj hlub neeg thiaj nyiam.  Ntuj thiaj pab neeg thiaj hwm,  Nej thiaj li yuav tau los ua ntiaj teb neeg tus thawj  nom thawj tsw. Khwv kom tau taus noj, hais kom txaus luag  ntseeg. Ntiaj teb thiaj li qhuas nej.
    -Lo lus xaus.  Ua li mas  nyob hauv Hmoob  cov lus los tej txuj ci mas yog ib co lus tuaj saum ntuaj tuaj xwb.
    -Cov lus uas yog dab qhia mas hais tsis tawm los tab sis pom zem zuag nyob hauv sab ntsuj plig los zaj tswv yim xav:
    Xws li,kev paub ua neeg xam khib, kev paub tias luag ua tub qaug rau yus, los kev ntxub luag yam tsis muaj qab hau, los lam nyob lam npau taws rau luag yam tsis paub qhov tseeb, thiab ua neeg khav theeb muab hlob. Tej no yog dab phem qhia zais ntshis rau neeg nruab siab.
    Yaj Zoov Ntxheb Xib Hwb.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 5 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 7th March 2014, 10:08 am

    DAB NEEG NTUJ TSIM TEB RAUG.

    XH. Yaj Zoov Ntxheb lub Tsev THOOB TSIB - Page 5 Hmoob10


    Txoj dab neeg ntuj tsim teb raug no, hais raws li noob neej ntiaj teb nyias hais nyias li nws haiv neeg xav tau los nws keeb kwm thaum ub hais los.  Nws kuj ze ntawv faj lem raws li Yes Xus lub Moo Zoo 10% li ntawd thiab. Hais txog daim tawv no xwb.
    -Muaj ib hnub  ces muaj peb tug me nyuam tub los sib tham txog ntuj tsim teb raug ua ke.
    Peb tug me nyuam no, thawj tug yog me nyuam Hmoob, tus ob yog me nyuam Fab Kis, tus peb yog ib tug me nyuam  Cob Tsib.
    -Nyias los hais nyias zaj li no:
    A- Tus me nyuam Hmoob xub hais nws hais tias:
    Thaum ntuj tsism teb raug mas ob tug niam hauv paus uas Ntuj tso los tsim noob neej hu ua Nkauj Muam thiab Nraug  Nus no.
    Nkawd txawm los nyob ua txij ua nkawm, ces nkawd muaj ib plab me nyuam.  Nyob puv caij nyoog ces nkawd yug plab me nyuam ntawd, txawm yug tau los tsis muaj qhov ntsej qhov muag thiab tsis muaj tes muaj taw li. Nws yug tau ib lub kheej qas lwb qas lam xws li lub taub xwb.
    Nyob nyob lub taub ntawd kuj txawj loj tuaj, ces ob niam txiv Nkauj Muam Naught Nus txawm hnov hais lus hauv tuaj, Ces nkawd muab ib tug hmuv hlawv liab liab coj los laum ib lub qhov, ces thawj tug tub tawm los, nws xub tawm ces nws lo cov kauv hnyoov hluav taws kub hnyiab ntawd, nws thiaj li dub dub lawm.
    -Hos tus ob tawm lawv qab,ces nws tseem lo cov kauv hnyoov me ntsis ua daj lis li ntawd. Tus peb nws tawm tom qab ces ob tug ua ntej twb so tas tej kauv hnyoov lawm, ces nws thiaj tawm los tug dawb paug li ntawd.
    -Raws li cov laus nyob Suav teb lawv hais mas lawv tsuas paub txog Mab, Hmoob tas ces yog Suav xwb.
    Txheej no lawv hu ua cov As Fliv Kas, Cov As Xis, thiab cov Aws Los Pas no.
    B- Tus me nyuam Fab Kis nws ho hais nws zaj zoo li no:
    -Thaum ob tug niam txiv hauv paus xub nyob ntawd, nkawd yug tau peb leeg tub. Muaj ib hnub tsis paub li ces muaj neeg hlawv toj kub hnyiab. Ces peb tug kwv tij txawm mus ua si rau nram roob quav hlawv. Lawv ua si txaus lawm lawv rov los tsev txog ntawm lub ncov roob  muaj ib lub pas dej. Ob tug tij kom tus kwv yau mus da dej. Thaum tus yau da tas ces cia tus nrab mus da, thaum no lub pas deb twb pib nro cov dej twb muaj tsos daj lawm tus kwv nrab tawm los lub pas dej nro heev lawm tus ua tij nws cia li mus tsuj kiag xwb thiab nws muab nws ob txhais tes mus tub kiag nws so te thiab qab xib taws xwb ces nws lub cev tseem dub li qub thaum lawv peb kwv tij los txog tsev ces lawv cov tawv nqaij cia li kum ua tsos dub, tsos daj thiab tsos dawb li ntawd lawm ntxuav tsis los li. Nyiam no thiaj muaj cov neeg tawv dub, xib teg xib taw ho dawb.
    B-Tus peb yog tus me nyuam  Cob Tsib nws ho piav nws zaj xws li no:
    -Thaum Huab Tais Ntuj tsim neeg, ces nws muab av luaj dawb los puab ua neeg. Thaum nws puab ib tug neeg lawm mas nws nqa mus ci rau hauv lub qhov cub. Nws txawm tawm mus yos ua si lawm thaum Nws nco txog twb dhau lub caij zog lawm. Nws khiav ceev nrooj los txog mus qhib plho thau kiag lis no ua cas kub hnyiab lawm dub nciab lawm xwb. Ntuj nyiam tsis tas Nws rov puab dua tus ob nws ntshai  tsam kub hmyiab dua yuav luag txog sij hawm xwb nws qhib kiag thau los  ua cas tseem siav tsis tau zoo thiab, nws tseem dawb paug.
    Ces Huab Tais Ntuj hais tias kuv yuav puab dua tus peb saib, thaum nws puab tau lawm nws coj mus ci hauv lub qhov txos nws saib ntsoov txog ntua sij hawm ces Nws qhib kiag na has tab tom siav zoo zoo daj nruv xwb,nws zoo siav dhau nws khiav cee ceev nqa los  ces nws ua poob nthav rau hauv pem teb ces tsoo raug tus caj ntswm lov kiag lawm ces cov tawv daj thiaj li pliab ntswg  caj tsis siab li cov tawv dawb lawm.
    Zaj dab neeg no tsuas yog hnov ntawm pob ntseg sau los nyeem kom hnub luv xwb tsis muaj lus ua piv txwv tseem ceeb txog dab tsi li,

    Yaj Zoov Ntxheb Xib Hwb.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 5 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 20th March 2014, 8:40 am


    Zaj 115-TUS NEEG NTSEEG TUAJ YEEM UA TIM KHAWV.


    XH. Yaj Zoov Ntxheb lub Tsev THOOB TSIB - Page 5 Japane10



    *-Tus uas nws lees paub tias nws yog Ntuj me nyuam, mas  nws yuav tiv cov lus cuav uas tsis yog tuaj ntawm Tswv Ntuj lub Tswv Yim tuaj:
    -Yam li, koj yuav ua pov thawj zeem tseeb nyob ntawm Tswv Ntuj Xub ntiag tias, txhob muab tej lus cuav los ua neeg chaw sib cav sib ceg.
    -Koj yuav nyob  ruaj ntawm Tswv Ntuj xub ntiag, xws li tug neeg tsis muaj chaw txaj muag.
    Hais txog cov lus thuam Ntuj uas tsis muaj qab hau, mas koj txav mus deb, txhob mus raus tus ntxhiab ntawd kom  muaj kuab cuag li cov neeg pleev tshuaj tsw qab.
    -Cov lus cuav nrog kev thuam Ntuj yog cov kab noj kev txhab kom lub qhov nqaij voos loj tuaj.  Cov neeg nyiam cov lus cuav no yog cov neeg uas yeej ncaim deb ntawm txoj kev tseeb.
    -Cov neeg tuav txog Huab Tais lub npe los ua kev pov hwm, mas lawv yuav maim txoj kev ua txhaum, thiab yuav lees paub tias nyob hauv lub vaj tse, mas tsis yog cov tais nyiaj tais kub xwb thiaj  tseem ceeb. Cov tais ntoo los tais av kuj muaj nqes thiab, lawv yog cov tais rau cov txhiam xws yug neeg txoj sia.
    -Lub caij hluas neeg nyiam kev plhom  moj ntau, nyiam no  koj yuav nrhiav txoj kev ncaj, kev sib ntseeg, kev nyiam, kev thaj yeeb, nrog kev ua neeg dawb huv.
    -Koj yuav ua ib lub neej nyob nrug deb txoj kev txhawb tej yam ruam ruam  uas coj koj ua ib tug neeg vwm ntawd. Tej no yog kev sib cav sib ceg tus cag hlav txoj kev sib ntxub.
    *-Yuav ceev faj feev rau lub zim txwv kawg, tsam muaj  ntau yam tshwj sim tuaj:
    -Thaum lub zim txwv ntawd los txog mas neeg feem coob nyias yuav nco txog nyias ntau. Neeg yuav ntshaw ib puas tsav yam.xws li
    -Ntshaw ua neeg khav theeb,xyav luag moo, ua neeg ntxeev siab rau niam thiab txiv, yuav mom luag txiaj ntsim, ua tub qaug rau tej yam ntshiab.
    -Yuav coj li neeg tsis muaj siab muaj ntsws, tsis paub khuv leej, leej twg li, yuav hais lus phem txog luag, tsis txawj yoog noj yoog haus, nrhia ua neeg twm xeeb, ntxub kev zoo, ua neeg muaj plhus, lam iab liam luag lwm tus yam tsis raws kev ncaj ncees.  Ua neeg muab hlob, ua txuj yog neeg dig muag, los lag ntseg, tsis saib tias Tswv Ntuj muaj nuj nqes.  Ua txoj nrhiav kev zoo, tab sis tsis muaj peev xwm paub qhov tseeb, raws li kev thoob tsib nqes saum ntuj los.
    -Nws kawm tau tib hom kev thoob tsib, xws li kawm ntawm tej tsiaj txhu los:
    Tsiaj pwm xia tsiaj pwm kub ntse, Heev pwj kuj xia heev pwj kub zuag, ces xyuam kev sib tuag sib tshe mus li xwb.
    -Hom neeg no nws tsuas muaj rhuav kev zoo pov tseg, rub kev phem los  rau ntiaj teb neeg ua kev sib npau taws. Yog lub sij hawm kawg kiag mas nws mam pom tias nws yog neeg vwm.
    -Cov neeg siab dawb lawv twb tau ris kev iab kev khwv cuag li yog pab neeg muaj txim loj. Lub hnub yuav kaj sab hnub tuaj  los pub kev thaj yeeb rau cov siab dawb, mas neeg ntiaj teb yuav ntshw lawv loj tas nrho.

    Yaj Zoov Ntxheb Xibv Hwb.

    XH. Yaj Zoov Ntxheb lub Tsev THOOB TSIB - Page 5 25816710

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 5 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 24th April 2014, 8:21 am



    Zaj 116- TUS ZOO NIAM TSEV * LOS TUS ZOO TXIV TSEV YOG LUB ZOO POV HAUM.



    =Zaj lus no zoo rau ib tug txiv neej los ib tug poj niam. Sib sau los nyob ua ke ua txij ua nkawm. Nws muaj ob sab zoo muaj nuj nqis loj sib luag rau ib nkawm niam txiv:
    -Lub sim ceeb nyiam no, Ib tug txiv neej qhov nws nyiam thiab tshaw yog tus ZOO NIAM TSEV. Nws tsis yog tus zoo poj niam xwb.
    -Kuj muaj sib xws, ib tug poj niam qhov nws xaiv kuj yog ib tug ZOO TXIV TSEV. Tsis yog tus zoo txiv neej.
    -Hais txog tus zoo poj niam los zoo txiv neej mas leej twg los yeej zoo sib xws. Tsuav yog poj niam los txiv neej mas nyob ntawm nyiam, txawm yuag txawm rog los tsuav nws xis ces yeej yog zoo txiv neej los zoo poj niam lawm.
    -Txiv neej yeej yog cia rau poj niam nyiam, hos poj niam los yeej cia rau txiv neej nyiam xwb. Qhov tias mus xaiv ib tug zoo poj iam los zoo txiv neej mas tsis nyuaj.
    Hos yuav mus xaiv ib tug zoo niam tsev los zoo txiv tsev mas xaiv nyuaj kawg. Tus nws xaiv tau ib tug zoo niam tsev los zoo txiv tsev mas nws txoj hmoo zoo heev, nws thiaj xaiv tau. Yog lub zoo pov haum uas zeej tsoo sawv daws ntshaw. Thiab nyiam lawm ntag.
    Lub ntuj tam sim no uas Yaj ceeb neeg nyob no, yog ib lub ntuj nyuaj heev. Tsis vim dab tsi! Vim neeg txheej no nws rov hais tias nws yog txheej neeg paub txuj ci siab, thiab vam meej lawm.
    -Tus poj niam los tus txiv neej tau muaj vaj huam sib luag, thiab muaj cai sib xws.
    -Hom txuj ci vam meej tam sim no kuj tsis tau yog cov txuj ci vam meej nqes saum qaum ntuj los.
    Nws yog ib hom txuj ci vam meej nrog nas huab cua khauv zeeg tuaj ces zoo li cia li vam meej sai sai xwb. Sawv daws tsis pom kev vam meej sib xws:
    _Yus tsis pom kev vam meej nyob hauv luag, yus pom kev vam meej nyob hauv yus tus kheej xwb. Ces sawv daws pom tias nyias muaj muaj peev xwm thiab muaj zog muaj kev txawj kev ntse siab los tob heev yog neeg paub tab paub cai lawm cia luag hwm yus tus kheej. Yus tsis nco qab hwm luag lwm tus.
    -Txoj kev vam meej nqes saum qaum ntuj los mas sib txawv deb dua no:
    -Tus leej tib neeg paub Qaum ntuj kev vam meej mas nws kuj paub txog tias, nyiam no muaj ntau txhiab vam plhom leej neeg lawm yuav coj li cas kom neeg nyob taus haum ua ke, kom zam tau kev sib ntxhub. Txhob sib tawm tsam.
    Txoj kev vam meej kev txawj kev ntse uas nqes saum Ntuj los mas tseem tshuav ntau yam thiab muaj zog nres neeg kev sib nyiam sib hlub kom muaj neej ua nyob ntiaj teb no tau ib npaug li niaj hnub no neeg muaj nyob ntxiv:
    Yog kev vam meej kaj siab, Kev vam meej sib txhawb zog, sib tw cia luag ua tus zoo ua ntej. Nyiaj txiag tseem tshuav ntau, qoob loo tseem tshuab ntau, av nyob los tshuav ntau, lub sim ceeb no tseem yuav ntim taus ib npaug neeg nyob li niaj hnub no ntxiv.
    -Li no mas thiaj muab ib lub neej nyob hauv ib yim neeg, los ua ib tug piv txwv los tus qauv, pib qhov me thiaj loj hlob mus kawg rau qho loj.
    -Thiaj hais txog tus zoo niam tsev los tus zoo txiv tsev, yog lub zoo pov haum.
    -Zaj lus no nws roos tau ntau zaj lus xav hauv Hmoob tej tswv yim xav txog ntau fab:
    Lub zim txwv no muaj ntau zaj xav los dhos rau tshooj lus no:
    -Cov tub ntxhais hluas nyob laus laus mam yuav txiv yuav poj niam, los peb caug xyoo tseem tsis tau muaj cuab yim. Lawv tseem yog nkauj tab seeb los nraug tab seeb, ua nkauj xwb nraug xwb nyob.
    - Yog lawv nrhia ib tug zoo niam tsev los zoo txiv tsev ua lawv lub pov haum xwb. Cov uas yog zoo poj niam los zoo txiv neej lawv niaj hnub sib ntsib.
    -Zaum no peb los mus saib ib tug zoo niam tsev nws yog tus zoo li cas?
    -Tus zoo niam tsev, tsis hais nws lub meej mom muaj hwj chim los zoo saib zoo nkauj txij li ca. Tus zoo niam tsev, nws tus txiv txawm tsis zoo nraug los nws hwm, nws qhuas thiab saib yog neeg muaj tsim, muaj nuj nqes. Zej zog yuav nrog nws qhuas thiab hwm saib taus tias yog neeg tsim txiaj muaj nuj nqes. Ces nws tus txiv nto koob meej lug. Nws tawm rooj plaws neeg tso siab lug rau, ces nws kev txawj kev ntse poob saum ntuj los cuag li ntuj los nag
    Kuav plua av nrog me tog khaub tog tsuag mus lawm du lug. Thaum nws rov lawm qab vag tsib taug du lug tsis muaj dab tsi dawm taw. Zeej tsoom zoo siab tas txhua tus. Nws saib nws tus txiv luaj li ib lub hauv roob nws tsev neeg muaj txiag nplua nuj tsis ntsib kev tshaib plab ib zaug li. Nws coj ib lub zoo ntsej muag ntxim hlub, nws tus txiv tawm rooj plaws cuag li yog neeg muaj hmoo , ntsib txhua yam puav leej yog zoo.
    Cov txiv neej lawv tsuas ntshaw tus zoo niam tsev coj lub pov haum no xwb.
    -Zaum no tsis yog cov txiv neej thiaj muaj kev ntshaw. Thiab txawj xaiv tus zoo niam tsev.
    -Cov niam tsev lawv muaj tib zaj tswv yim nyiam thiab ntshaw sib xws:
    Poj niam kuj nyiam ntshaw ib tug zoo txiv tsev, txhob ua neeg xyob txiaj!
    -Tawm rooj plaws tham seev yees txoj kev ua hluas hais txog tej poj ntsuam nkauj fa siab yuj plaws rau kev yuav niam yau, xav noj qab, hnav zoo, niaj hnub muab yus tus kheej tso rau theem ua neeg tsis muaj nqes. Yus coj li no ces yus yog neeg xyob txhiaj ua rau poj niam dhuav yus.
    Yus tseem tsis tau txav los nyob theem tus zoo txiv tsev. Yus tab tom nkag mus nyob hauv npoj uas zoo txiv neej ntag rau poj niam nyiam. Tej lub caij no yus lub ncauj tsis hais los yus lub siab yeej ntshi tuj taws tias leej yuav no ces kuv muab pub dawb rau koj ntag.
    Nco ntsoov tias sawv daws muaj siab muaj ntsws sib xws yam yus tsis nyiamluag kuj tsis nyiam. Yog yus nyiam yam zoo mas yog yus yuav xub ua ua ntej luag thiaj xyaum tau los ntawm yus los.
    Yog ib tug zoo niam tsev los zoo txiv tsev, nws yuam kev ib zaug lawm xwb mas txhob pheej rov hais rau thiab muab twm rau cab. Yuav tso pov tseg rov qab hlub thiab qhuas mas nws thiaj hloov, tig tau rov los ua ib tug neeg muaj peev xwm ua tau ib tug zoo niam tsev los zoo txiv tsev tau, uas muaj lub zoo pov haum nrog.
    Ob leeg yuav sib hwm, sib qhuas ces neb thiaj tau txoj hmoov ua lub neej vam meej raws li Qaum ntuj kev vam meej nqes saum ntuj los, mas ntiaj teb neeg tsuas muaj kev ntshaw neb xwb.

    Yaj Zoov Ntxheb Xib hwb.



    XH. Yaj Zoov Ntxheb lub Tsev THOOB TSIB - Page 5 Hqdefa10
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 5 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 30th April 2014, 8:26 am



    Zaj 117- NEEG YAJ CEEB SIV YES XUS LUB NPE.


    XH. Yaj Zoov Ntxheb lub Tsev THOOB TSIB - Page 5 Jesus-11

    Nyob hauv Mas Kos Ntawv Moo Zoo. 9: 38-41.
    -Zam hais rau Yes Xus tias:
    -Xib Hwb, muaj ib tug neeg hu txog koj lub npe los ntiab dab... Nws tsis nrog peb.
    -Yes Xus hais tias:
    Nej txhob txwv lawv, vim tsis muaj ib tug neeg hu txog kuv lub npe los ua hwj huam yees ntxwv tas. Ces tam sim ntawd nws hais lus phem txog kuv. Leej twg tsis tiv peb mas nws tuaj peb tog.

    Leej twg muab ib khob dej rau nej haus vim nej yog Leej Pleev tug mas tus ntawd yuav tau txais paj tshab.
    -Mas Kos ntawv Moo Zoo ntawm zaj lus no. Mas lub zim txwv no raug rau cov niam toj, txiv toj. uas tab tom sawv txij li xyoo 2000 los rau xyoo 2014 no uas peb pom nyob hauv tsoom Hmoob, ib lub zos los ib lub nroog muaj neeg sawv ua neeb saub nyob qab zej los hauv zos puv ntia, plaub tsib leeg, los sis ib lub tsev sawv txog ob rau peb leeg li. Nyob hauv lawv kuj mua li 50% siv Yes Xus Pleev lub npe los hais lawv cov lus. Lawv tsis tiv Leej Pleev thiab lub Koom Txoos Ka Tau Liv. Peb neeg Yaj ceeb tsis tau muaj leej twg paub tias yog tuaj zoo li cas!

    -Tsuav yog lawv tsis tiv Leej Pleev mas peb cov neeg ntseeg txog Leej Pleev lub Moo Zoo peb kuj txhob thuam leej twg. Tsis yog hais tias lawv yog qhov tseeb. Lub caij no neeg phem neeg zoo muaj sib npaug zos. Peb yuav cia Leej Tswv Yim Ntshiab tib leeg ua tus paub xwb. Peb Yuav saib tias tsam lawv yog cov yuav muab ib khob dej rau peb haus, yog muaj tseeb li ntawd mas lawv kuj yuav tau txais paj tshab ntawm tus zoo tswv los.

    -Nyiam no lub sim ceeb neeg tej zaj xav los tej lus hais, muaj sab phem sab zoo sib npaug zos neeg xaiv tsis tau. Tsuas yog Leej Tswv Yim Ntshiab thiaj txawj cais. Ntawm neeg sab mas peb tsuas saib tias peb txhob sib tiv vim muaj tej tus neeg hais lus yog Ntuj lus, lub siab tsis yog Ntuj siab. Kuj muaj tej neeg hais lus tsis xws li Ntuj lus, tab sis lub siab yog Ntuj li siab.
    -Peb leej tib neeg yog peb txawj yoog mas peb yuav cia Leej Tswv Yim coj peb hais lus kom haum li Ntuj siab thiab haum li neeg siab.

    Peb txhob xav txog kev sib tawm tsam, tsam tej zaum peb ho yuam kev, kev mus mloog lub tswv yim phem coj peb ua neeg ncaim ntawm Qaum ntuj txoj kev uas Leej Nws xav coj peb mus tshwm rau kev thaj yeeb.

    -Peb kuj yuav ceev faj,tsam lub tswv yim phem yuav coj peb mus txog rau qhov tej laus hais tias:
    Ntuj kawg xub zeb, teb kawg rau xub ntoo. Lub ntuj lub teb mas yuav tsisb kawg, tab sis tej zaum neeg yuav kawg kuj muaj thiab;
    Xws li muaj ob tug neeg tsis sib haum ces nkawd ob leeg puav leej mloog lub tswv yim phem coj, ces nkawd sib tawm tam, koj teg rau kuv, kuj teg rau koj ces nkawd ob leeg ua ib txhij kawg. Tsis muaj koj nyob ua neeg, kuj tsis muaj kuv nyob tib yam li thiab.

    Yaj Zoov Ntxheb Xib Hwb.


    XH. Yaj Zoov Ntxheb lub Tsev THOOB TSIB - Page 5 F61cac10
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 5 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 9th May 2014, 9:10 am


    Zaj 118-IB TIAM NEEG NYOB TAU PUAS XYOO.

    XH. Yaj Zoov Ntxheb lub Tsev THOOB TSIB - Page 5 Kgrhqj10

    Hmoob muaj ib co lus hais tias, ntuj yav pem suab leej tib neeg txhav yog txhav hlau, nqaij yog nqaij toog. Tsis txawj mob tsis txawj tuag.
    =Saib hauv ntawv hauv puas cov His Xas Lais txheej thaud kuj piav xws li Hmoob thiab. Mus saib ntawv hauv paus zaj 9: 18-28.
    Suav txij li thaum dej nyab ntiaj teb tas los, Tus yawg Nom Hes tseem ua neej nyob 350 xyoo ntxiv. Mas nws tau ua neej nyob xam tas nrho 950 xyoo, nws mam li tuag.
    Hauv paus zaj 11: 10 txog 20. Txij li Nom Hes cov xeeb ntxwv uas lawv tau tsim tus pej thuam Npas Npes los mas phaj neeg ntawd nyob ntev txog li 600 xyoo,435 xyoo, mus rau 403 txog 302.
    Saib txog Tus yawg Has Nplas tus uas Ntuj xaiv los peb sawv daws tus yawg koob uas yog leej txiv ntseeg, nws muaj 90- 100 xyoo nws mas yug nws leej tub His Xas Has. Saib los mas muaj ob sab:
    A- Thawj sab yog Tswv Ntuj lub hwj huam los lub peev xwm ua kom Has Nplas muaj tub ki.
    B- Lwm sab yog zoo li Has Nplas nyuam qhuav hlob tiav txiv neej yawg li Hmoob hais tias nws tiav neeg xwb.
    Thaum ub Hmoob cov dab neeg ntawd yog zoo li muaj 20, rau 30 xyoo tseem yog me nyuam tub hluas, nyuam qhuav txawj ua nyuj sib nraus, tseem tsis tau paub kev txaj muag. Tseem ua me nyuam yaus liab qab. Yog 60 xyoo mam li hlob tiav hluas, nws hlob lawm mas ua neej nyob muaj poj tub se mus txog li 120 xyoo, mas ncaim ntawm lub ntiaj teb no mus. Mas hmoob thiaj muaj los lus tias, nyob puv ib puas nees nkaum xyoo.
    Txij li tej laus hais tias hmoob mus txog pem toj kab ntsuab dawm kab ntsig, los mus rau ntuj txiag teb tsaus uas muaj ntau lub hnub ntau lub hli, ces Hmoob txawm txua hneev nti mus tua hnub tua hli poob tag, tshuav nkauj hnub ib lub nraug hli ib sab lawm xwb, ces los rau ntuj tsha teb nqhuab neeg mam li hloov los ua nqaij ciab zib txav plhaub mag lawm, tshav ntuj ces nqaij ciab zib yaj li tshaws li ciab ntab. Los nag ces txhav plhaub mag po dam li dhaws li txhav plhaub mag lawm xwb.
    Lub ntuj nyem no muaj neeg coob nyob tuab ntws puv qhov txhia chaws nkaus tej nroj tsuag qoob loo rau chiv xwb thiaj tau txaus noj txaus haus, puas yog vim neeg noj tau toj taug ntau dhau lawm neeg nyob siav tsis ntev los yog li cas, lub zim txwv no yog tsis txawj noj ces txoj sia nyob tsis ntev hlo li thiab 20 tawm xyoo xwb los twb muaj mob muaj tuag mus lawm thiab. Cov hais tias raug xwv txheej twb tsi xam li. Cia li mob tuag mus cuag li 20 xyoo xwb twb laus raws tau tus 100 xyoo li lawm thiab. Cov hais tias tsis muaj mob li los kuj ua neej nyob kav taus 60 mus txog 80 xyoo ntau lawm thiab xwb. Cov nyob txog 90 xyoo 100 rov saud yog feem tsawg kawg nkaus li.
    Kuj tsis paub puas yog neeg noj tau toj taug ntau dhau lawm los li cas tiag! Yav ntuj xyoo 1800 tawm mas yog neeg noj tsis txaus tuag tshaib coob. Hos lub zim txwv no ho yog neeg noj ntsau thiab ntau dhau lawm siav ho luv dua tuaj lawm, 30 caug xyoo xwb twb ho txog caij tuag mus lawm thiab. Muaj cov pw tsaug zog ces tsis sawv los li lawm los muaj. Cov ho zaum kiag xwb cia li tuag kiag mus lawm los muaj thiab. Yog ntuj rov teb rais los sis yog neeg tsis txawj ua neeg ces neeg yuav kawg mus li ntawd!

    Yaj Zoov Ntxheb Xib Hwb.

    XH. Yaj Zoov Ntxheb lub Tsev THOOB TSIB - Page 5 Img_0910
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 5 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 27th May 2014, 7:02 am


    Zaj 119- NEEG YAJ CEEB SIV YES XUS LUB NPE.

    XH. Yaj Zoov Ntxheb lub Tsev THOOB TSIB - Page 5 Brebis10
    Nyob hauv Mas Kos Ntawv Moo Zoo. 9: 38-41.
    -Zam hais rau  Yes Xus tias:
    -Xib Hwb, muaj ib tug neeg hu txog koj lub npe los ntiab dab... Nws tsis nrog peb.
    -Yes Xus hais tias:
    Nej txhob txwv lawv, vim tsis muaj ib tug neeg hu txog kuv lub npe los ua hwj huam yees ntxwv tas. Ces tam sim ntawd nws hais lus phem txog kuv. Leej twg tsis tiv peb mas nws tuaj peb tog.
    Leej twg muab ib khob dej rau nej haus vim nej yog Leej Pleev tug mas tus ntawd yuav tau txais paj tshab.
    -Mas Kos ntawv Moo Zoo ntawm zaj lus no. Mas lub zim txwv no raug rau cov niam toj, txiv toj. uas tab tom sawv txij li xyoo 2000 los rau xyoo 2014 no uas peb pom nyob hauv tsoom Hmoob, ib lub zos los ib lub nroog  muaj neeg sawv ua neeb saub nyob qab zej los hauv zos puv ntia, plaub  tsib leeg, los sis ib lub tsev sawv txog ob rau peb leeg li. Nyob hauv lawv kuj mua li 50%  siv Yes Xus Pleev lub npe los hais  lawv cov lus. Lawv tsis tiv Leej Pleev thiab lub Koom Txoos Ka Tau Liv. Peb neeg Yaj ceeb tsis tau muaj leej twg paub tias yog tuaj zoo li cas!
    -Tsuav yog lawv tsis tiv Leej Pleev mas peb cov neeg ntseeg txog Leej Pleev lub Moo Zoo peb kuj txhob thuam leej twg. Tsis yog hais tias lawv yog qhov tseeb. Lub caij no neeg phem neeg zoo muaj sib npaug zos. Peb yuav cia Leej Tswv Yim  Ntshiab tib leeg ua tus paub xwb. Peb Yuav saib tias tsam lawv yog cov yuav muab ib khob dej rau peb haus, yog muaj tseeb li ntawd mas lawv kuj yuav  tau txais paj tshab ntawm tus zoo tswv los.
    -Nyiam no lub sim ceeb neeg tej zaj xav los tej lus hais, muaj sab phem sab zoo sib npaug zos neeg xaiv tsis tau. Tsuas yog Leej Tswv Yim Ntshiab  thiaj txawj cais.  Ntawm neeg sab mas peb tsuas saib tias peb txhob sib tiv vim  muaj tej tus neeg hais lus yog Ntuj lus, lub siab tsis yog Ntuj siab. Kuj muaj tej neeg hais lus tsis xws li Ntuj lus, tab sis lub siab yog Ntuj li siab.
    -Peb leej tib neeg  yog peb txawj yoog mas peb yuav cia Leej Tswv Yim coj peb hais lus kom haum li Ntuj siab thiab haum li neeg siab.  
    Peb txhob xav txog kev sib tawm tsam, tsam tej zaum peb ho yuam kev, kev mus mloog lub tswv yim phem coj peb ua neeg ncaim ntawm Qaum ntuj txoj kev uas Leej Nws  xav coj peb mus tshwm rau kev  thaj yeeb.
    -Peb kuj yuav ceev faj,tsam lub tswv yim phem yuav coj peb mus txog rau qhov tej laus hais tias:
    Ntuj kawg xub zeb, teb kawg rau xub ntoo.  Lub ntuj lub teb mas yuav tsisb kawg, tab sis tej zaum neeg yuav kawg kuj muaj thiab;
    Xws li muaj ob tug neeg tsis sib haum ces nkawd ob leeg puav leej mloog lub tswv yim phem coj, ces nkawd sib tawm tam, koj teg rau kuv, kuj teg rau koj ces nkawd ob leeg ua ib txhij kawg. Tsis muaj koj nyob ua neeg, kuj tsis muaj kuv nyob tib yam li thiab.

    Yaj Zoov Ntxheb Xib Hwb.

    XH. Yaj Zoov Ntxheb lub Tsev THOOB TSIB - Page 5 Barre_10
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 5 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 6th June 2014, 10:22 am



    Zaj 120-IB ZAJ DAB NEEG NTSEEG TSO SIAB.


    Zaj dab neeg luv luv no zoo pab cov neeg uas lawv ntseeg tias, luag hais qhov zoo mas yus ntseeg ces cawm tau yus txoj sia:
    Muaj ib pab qav nyob ntawm ib lub pas dej. Ntawm lub pas dej ntawd muaj ib lub qhov tob heev, Muaj ib hnub ces ob tug qav cia li poob rau hauv lub qhov ntawd.
    Ob tug qav ntawd mas dhia heev kawg saib puas yuav tawm tau rov los. Tas nrho cov qav qw rau ob tug qav poob hauv lub qhov tias:
    Neh ua ib siab tuag mus mog, lub qhov neb poob no mas tob kawg li.
    Ob tug qav ntawd ib tug yog qav lag ntseg, nws pom cov qav qw qw rau nkawd, nws xav tias, lawv hu tuaj tias dhia tiag, dhia tiag kom dim mog! Ces tus qav lag ntseg dhia heeev heev, ces nws tawm tau rov los.
    Hos tus qav hnov lus, nws hnov cov qw, qw tias neb ua ib siab tuag mus mog, ces nws tu siab nrho, nws tsis muaj mog dhia. Nws cia li tuag mus lawm. Peb leej tib neeg, kuj ib yam li ntawd.
    Yog peb ua neej nyob, peb ntseeg thiab tso sib tias yus yuav muaj kev yeej mas yus muaj zog mus kom txog chaw kiag hos yog yus ntaus siab me ces ua dab tsi los yus yog tus swb xwb.
    Yog tias yus tsis muaj siab ua yus lam caum luag tej xwb mas caum qaug zog tas li:
    Ib yam li koj caum tus ib mus tog nrab ke, koj tsis tso siab koj tso tseg, koj mus caum tus ob. Mus yuav txog koj xav tias tsam tsis zoo, ces koj tso nws tseg dua, mus caum tus peb. Cov neeg tsis tso siab rau luag thiab nws tus kheej mas lawv qaug zog mus li. Caum luag tej los caum tsis txog chaw, mas tas ib sim neej ua tsis tau dab tsi zoo tawm los li
    Kuv lam mus ib tug piv txwv li no rau peb xav yeej muaj ib co neeg lawv ua lub neej zoo li kuv hais no thiab.

    Yaj Zoov Ntxheb Xib Hwb.

    Sponsored content


    XH. Yaj Zoov Ntxheb lub Tsev THOOB TSIB - Page 5 Empty Re: XH. Yaj Zoov Ntxheb lub Tsev THOOB TSIB

    Post  Sponsored content


      Current date/time is 28th March 2024, 10:33 am