Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj Yesterday at 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj Yesterday at 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj Yesterday at 12:18 pm

» COV ZAJ NYEEM NRUAB LIS PIAM XYOO I 2016-2017
by Mim Yesterday at 5:41 am

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    Judgment Day-Are You Ready? SO4J-TV

    Share

    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Judgment Day-Are You Ready? SO4J-TV

    Post  Mim on 14th November 2009, 9:55 am

    Nyob zoo Admin,
    Kuv tsis tau paub koj. Tiam sis kuv nyuam qhua pom koj zaj movie uas koj tau muab tso rau hauv peb lub forum Kas Tos Liv no. Muaj tej yam zoo kawg nyob rau hauv. Tiam sis kuj muaj tej yam uas lawv hais thuam txoj kev ntseeg Kas Tos Liv. Kuv saib kiag xwb ces kuv yeej paub tseeb lawm hais tias yog cov Evangelical Protestants ua zaj no. Kuv xav hais tias peb yuav tsum tau ceev faj tej yam peb tso rau hauv no. Peb yuav tsis txhob tso tej yam uas txhawb lawv txoj kev ntseeg tiam sis ho rhuav yus txoj. Yog peb tso lawv zaj no rau hauv no mas lawv haj yam zoo siab xwb vim peb twb pab lawv khaus xas nam lawv txoj kev ntseeg lawm.

    Yog vim li cas kuv thiaj hais li ntawd? Vim nyob hauv zaj no, nej saib zoo zoo thaum tus txiv neej dub los txog, nws yog ib tug neeg ntseeg Kas Tos Liv, nws ntxuav plig thaum mob liab los lawm, nws niaj lub lis piam mus daws txhaum, nws thov Niam MabLiab. Tiam sis lawv muab thuam hais tias tej no yog kev cai tib neeg xev xwb tsis raws Tswv Ntuj txoj cai. Vim tus dub ntawd nws yog ib tug Kas TosLiv ces nws yuav tsis tau mus saum ntuj, nws yuav raug txiav txim mus nrog ntxwj nyoog nyob.

    Peb yuav tsum ceev faj zoo, lwm cov kev cai ntseeg christians mas lawv tsis ntseeg txog kev daws txhaum ntawm ib tug txiv plig, lawv tsis hwm Niam Mab Liab li nawb thiab lawv tsis muab tej me nyuam mos ntxuav plig li. Vim li ntawd nyob hauv zaj movie, txawm cov neeg lees lawv cov txhaum thiab tu siab rau lawv cov txhaum los lawv tus Tswv Ntuj yeej tsis zam txhaum li. Nyob hauv Kas Tos Liv, peb muaj txoj kev daws txhaum. Tsuas yog txiv plig xwb thiaj daws tau txhaum, vim txiv plig tau txais kev tsa ua leej choj nyob hauv lub Cim Tiag Tes, uas yog los ntawm cov Hauv Paus Xa Lus los. Cov Hauv Paus Xa Lus tau txais lub hwj huam daws txhaum tau, kiag ntawm Yes Xus los. Peb pom qhov ntawd nyob hauv Zam 20: 22-23:


    Yes Xus tshuab pa rau saum lawv nws hais rau lawv tias:
    Nej txais leej Ntuj Plig Ntshiab. Nej daws txhaum rau leej
    twg mas nws cov txhaum yuav daws tas. Nej tsis daws leej
    twg cov txhaum mas nws cov txhaum yuav nyob.


    Peb yog ib co ntseeg Kas Tos Liv, peb yuav tsum paub peb txoj kev ntseeg zoo, peb thiaj pom tej yam luag ua los thuam peb. Peb yuav tsum paub hais tias tas puas tsav yam peb ua thiab peb ntseeg nyob hauv Koom Txoos Kas Tos Liv, tsis yog lam xev li lawv hais, tiam sis muaj tej yam yeej muaj nyob hauv Ntawv Ntshiab (in the Bible), muaj tej yam yog txais ntawm txoj kev sib qhia ib txwm txheej dhau txheej tiam dhau tiam (Sacred Tradition) txij puag thaum cov Hauv Paus Xa Lus los txog niaj hnub no.


    Yog peb coj li tub txiv neej dub hais, niaj lis piam mus daws txhaum thiab niaj hnub hais txoj Saw Mab Liab thov kom nws thov Ntuj hlub peb mas peb txoj hmoo yeej tau mus saum ntuj xwb, ntshai ho yog peb lam ua cuav mas kuj hais tsis tau.

    Peb kuj yuav tsum tau kawm me ntsis kom paub txog lwm pab lwm pawg txoj kev ntseeg, yus thiaj yuav paub tiv thaiv yus tus kheej, txhob raug luag hem txhob qaug luag quav, thiab yus thiaj li ntseeg tau ncaj cees raws li lub Koom Txoos qhia. Lub Koom Txoos yog peb niam peb txiv. Lub Koom Txoos sawv Yes Xus chaw qhia txog Tswv Ntuj txoj kev hlub rau peb.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Judgment Day-Are You Ready? SO4J-TV

    Post  Maiv Tooj on 14th November 2009, 7:33 pm



    Nyob zoo Mim,

    Koj hais yog kawg li lawm, luag tias noj ntau ib dia mov paub tshaj lawm ib los. Koj tus uas tij cov lus yeej tsis poob ib los li. Yus yuav tau paub yus txoj kev ntseeg zoo thiab paub lawv cov uas cais ntawm yus lawm es pheej nrhiav kev cov nyom yus ntawd kom zoo yus thiaj paub lub hauv paus hauv ntsis tseeb; muaj xwm txheej yuav thiaj tiv thaiv tau yus zoo. Dua li yus ntseeg yam twg, thiaj yog ntseeg hauv nruab siab tuaj. Ua koj tsaug nawb.



    Kev teev Saw Mab Liab mas yog ib yam twj zoo heev los pab yus lub neej, kev txob kev txhawj, kev sib haum xeeb niaj hnub hauv lub ntiaj teb. Thiab tseem yog tus yuav sij yuav qheb yus lub qhov rooj rau lub neej nyob mus li.






    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Judgment Day-Are You Ready? SO4J-TV

    Post  Maiv Paj Lug on 16th November 2009, 10:22 am

    Hahahaha.......nyob zoo niamlaus Mim thiab Niamlaus Maiv Tooj, tej zaum niag Admin tsis tshuam paub lus meskas ntau es lawv hais dab tsi los nkag siab tsis tas thiaj tau muab tso hauv no lawm xwb, cia kuv mam pab muab tshem mus nyaj nws yuav tsis chim rau peb laub

    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: Judgment Day-Are You Ready? SO4J-TV

    Post  Mim on 17th November 2009, 12:09 pm

    Maiv Paj lug,
    Kuv kuj tsis tau xav txog hais tias kom yuav tsum muab zaj movie ntawd rho tawm mus no... tiam sis yog koj pom zoo tias muab rho zoo dua ces haj yam zoo xwb mas nawb... saib Admin ho puas xav li cas thiab ov?... Qhov uas kuv tau hais txog mas yog vim kuv xav hais tias tsam peb cov nsteeg xyuas ces lawv to taub yuam kev. Tsam lawv xav hais tias nquag mus daws txhaum niaj lis piam thiab niaj hnub hais txoj Saw Mab Liab los tsis muaj nqes li, ces tsis tas yuav ua tej ntawd, thiab tsam peb cov ntseeg rov qab tig los ntseeg hais tias tej yam lub Koom Txoos Kas Tos Liv ua yog neeg xev xwb no nav... ces kuv thiaj li tau muab coj los tham xwb os...

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: Judgment Day-Are You Ready? SO4J-TV

    Post  Npuagtub on 18th November 2009, 2:48 am

    Nyob zoo 3 tug sisters,

    Wow.....! Ua cas kuv qhov muag yuav tsis pom kev li es hnub no kuv mam li pom nej hais txog daim movie judgement-day Admin tso, es Admin twb ho muab deleted lawm, nws ho zoo li cas nab? Admin e..., nws txhob chim nawv mog txawm nws muab daim movie deleted lawm los tsis ua li cas nawv, ua siab loj loj rau peb txhua leej es peb thiaj li sib coj sib qhia mus txog peb lub hom phiaj. peb ib leeg yuav tuav ib leeg sib hwj sib txheem peb thiaj li yuav tsis ntog. Peb tseem tshuav ntau yam yuav sib pab ua mus ntxiv.

    Sister Maiv Tooj thiab Mim, Neb yog ob tug hlob es yog neb ho pom peb cov yau sau los yog tso tau tej yam tsis raug ntsej raug muag los yog tsis zoo nkauj rau peb lub Forum no los neb yeej meem hais thiab qhia Admin wb ob tug yau nawv, wb yuav zoo siab rau neb tej lus qhia thiab txhawb wb lub zog kom peb sawv saws thiaj li nyob tau ruaj thiab khov, ua tsaug.



    Photobucket

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Judgment Day-Are You Ready? SO4J-TV

    Post  Maiv Tooj on 18th November 2009, 5:15 am

    Npuag Tub wrote: Nyob zoo 3 tug sisters,

    Wow.....! Ua cas kuv qhov muag yuav tsis pom kev li es hnub no kuv mam li pom nej hais txog daim movie judgement-day Admin tso, es Admin twb ho muab deleted lawm, nws ho zoo li cas nab? Admin e..., nws txhob chim nawv mog txawm nws muab daim movie deleted lawm los tsis ua li cas nawv, ua siab loj loj rau peb txhua leej es peb thiaj li sib coj sib qhia mus txog peb lub hom phiaj. peb ib leeg yuav tuav ib leeg sib hwj sib txheem peb thiaj li yuav tsis ntog. Peb tseem tshuav ntau yam yuav sib pab ua mus ntxiv.

    Sister Maiv Tooj thiab Mim, Neb yog ob tug hlob es yog neb ho pom peb cov yau sau los yog tso tau tej yam tsis raug ntsej raug muag los yog tsis zoo nkauj rau peb lub Forum no los neb yeej meem hais thiab qhia Admin wb ob tug yau nawv, wb yuav zoo siab rau neb tej lus qhia thiab txhawb wb lub zog kom peb sawv saws thiaj li nyob tau ruaj thiab khov, ua tsaug.


    Hahahah...! XH. Npuag Tub,

    Twb yog nws khwv khwv es nws thiaj tsis pom daim video ntawd xwb...

    Txawm Mim wb yog tij los peb ib leeg pom lawm ib yam, yam twg wb ho xav tsis txog los nej cov ua kwv yuav tau hais kom wb ras xeev thiab nawb...Peb yuav tau sib txhawb, sib pab saib xyuas txhua yam mus rau txoj kev zoo.




    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: Judgment Day-Are You Ready? SO4J-TV

    Post  Mim on 18th November 2009, 5:31 am

    Npuag Tub wrote: Nyob zoo 3 tug sisters,

    Wow.....! Ua cas kuv qhov muag yuav tsis pom kev li es hnub no kuv mam li pom nej hais txog daim movie judgement-day Admin tso, es Admin twb ho muab deleted lawm, nws ho zoo li cas nab? Admin e..., nws txhob chim nawv mog txawm nws muab daim movie deleted lawm los tsis ua li cas nawv, ua siab loj loj rau peb txhua leej es peb thiaj li sib coj sib qhia mus txog peb lub hom phiaj. peb ib leeg yuav tuav ib leeg sib hwj sib txheem peb thiaj li yuav tsis ntog. Peb tseem tshuav ntau yam yuav sib pab ua mus ntxiv.

    Sister Maiv Tooj thiab Mim, Neb yog ob tug hlob es yog neb ho pom peb cov yau sau los yog tso tau tej yam tsis raug ntsej raug muag los yog tsis zoo nkauj rau peb lub Forum no los neb yeej meem hais thiab qhia Admin wb ob tug yau nawv, wb yuav zoo siab rau neb tej lus qhia thiab txhawb wb lub zog kom peb sawv saws thiaj li nyob tau ruaj thiab khov, ua tsaug.

    XH Npuag Tub e... twb yog tim kuv los mas. Thiab tsis yog Admin muab nws zaj movie rho tawm, yog Maiv Paj Lug pom tais Tooj wb hais txog ces nws tau muab rho tawm lawm xwb. Kuv yog tus xub pib os... Kuv tuaj nrog nej tham hauv no tau ob peb lub hlis no los kuv yeej tsis tau nyeem thiab pom tas puas tsav yam nej tso li, ces kuv tuaj saib kuv txawm pom qhov titre ntawd kuv thiaj mus xyuas saib yog nws hais dab tsi.

    Nws yog ib zag movie piav txog tias thaum ntiaj teb kawg los yog thaum yus tas sim neej, Tswv Ntuj yuav txiav txim rau yus li cas. Yog hais lus Mes Kas xwb. Lawv tso ib co neeg los txog ntawm Tswv Ntuj lub rooj txiav txim, nyias los nyias sij hawm. Lwm cov mas yog lawv ua tej yam xws li tua neeg, txeeb luag tug, los yog ua kev plees kev yi, tiam sis muaj ib tug txiv neej dub, lawv tsis tis npe rau tias yog Kas Tos Liv, tiam sis nws hais tias nws ntxuav plig thaum mos liab lawm, nws niaj lis piam mus daws txhaum thiab nws niaj hnub thov Niam Mab Liab, tiam sis Tswv Ntuj txiav txim hais tias nws tsis tau mus saum ntuj, vim tej nws ua ntawd yog neeg xev xwb, tsis muaj nyob hauv ntawv Ntshiab. Qhov hais tias nws yog ib tug Kas Tos Liv, yog kuv hais xwb ov, lawv tsis hais rau hauv. Yog tim li ntawd ces kuv thiaj sau cov lus saum toj saud rau Admin, ces tais Tooj thiaj teb kuv li saud, ces Maiv Paj Lug thiaj teb tias cia nws muab tshem no xwb os.

    Thov txim os Admin, kuv tsis xav kom yuav ua kev dub muag los tu siab tsuas yog xav kom peb ras txog thiab paub peb txoj kev ntseeg kom meej thiab khov xwb. Thov koj tsis txhob tu siab thiab xav tias yuav tsis tso dab tsi ntxiv lawm, koj kav tsij nrhiav tej yam tuaj tso nawb mog... Twb yog tim koj tso peb thiaj tau kev tham txog tias lwm pab lwm pawg thuam thiab cem cov ntseeg Kas Tos Liv li cas... tseem yuav ua koj tsaug rau qhov ntawd mog... kav tsij tso ntxiv... peb sawv daws xyuas thiab nyeem, tej yam txaus peb muab tham los peb yuav tau tham thiaj paub hais tias qhov tseeb yog li cas, thiab thiaj ua chaw rau peb tau kev tham kom dav tshaj qhov qub xwb... Koj tso tej yam zoo li ntawd, yog peb tsis muaj neeg paub txog ces peb xav tias zoo heev lawm, tiam sis yog peb muaj tus puav paub txog ces nws yog ib qhov zoo occasion rau peb tham txog qhov tseeb thiab qhov tsis tseeb xwb os nawb...
    Qhov uas kuv xav kom peb ceev faj mas yog peb tso rau ntawd es tsis tham txog li ces cuag li peb yeej yuav li luag hais lawm xwb. Txawm muaj qhov phem tsis raug ntsej raug muag los peb yuav tau muab coj los hais tawm kom sawv pom, txawm muaj qhov zoo los peb kuj muab hais kom sawv daws nrog qhuas. Vim peb lub neej yeej niaj hnub muaj yam zoo yam phem, yog peb muab tham ces peb thiaj paub txiav txim meej tias qhov phem yog li cas qhov zoo yog li cas xwb.

    Nej puas xav li thiab mas lod?...

    Thiab ua li tais Tooj hais, nej cov yau ho pom wb hais tau yuam kev los ua tau tej yam tsis zoo los nej yuav tsum tau hais thiab wb thiaj ras txog xeev txog nawb....

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: Judgment Day-Are You Ready? SO4J-TV

    Post  Npuagtub on 18th November 2009, 6:04 am

    Sister Mim,

    Nws txhob hnyav siab txog daim movie ntawd, tej zaum kuv tus Admin yuav tsis xav li cas, ua li Admin twb hais lawm tias ntshai yog nws tsis paub lus English zoo ces nws thiaj li coj tuaj tso lawm xwb. Admin yog ib tug neeg siab ntev heev thiab kuj txawj txawj xav li, koj txhob poob siab dab tsis twb yog muaj koj tuaj nrog peb sib fim es koj thiaj li pab peb xyuas tau tej yam tsis tsim nyog tso zoo li no ua rau peb nras txog. Txawm kuv tsis tau saib daim movie los tsuav nej twv saib lawm ces kuv yeej ntseeg tias yuav muaj li nej hais. Koj pom muaj tej yam ntxim yuav tsis zoo nkauj thiab tsis phim rau peb lub tsev ntawv no los kav tsij hais qhia Admin peb paub nawv.



    Photobucket

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Judgment Day-Are You Ready? SO4J-TV

    Post  Maiv Tooj on 18th November 2009, 6:52 am



    Nyob zoo Mim thiab XH. Npuag Tub,

    Mim,

    Nws txhob nyhav siab rau qhov uas Maypaj Lug muab daim Video tshem lawm. Peb tuaj hauv nov yog peb tuaj sau thiab nrhiav tej yam zoo. Yog tej thaum ib tug tsis nco pom thiab xav ho ua tau tej yam tsis tshua zoo los peb yuav sib pab kho mus. Ua li Maypaj hais, tej zaud nws maj maj ces nws ho saib daim Video tsis tag, tej zaud kuj yog nws paub lus English raws sens propre xwb, nws mem tsis tau sens figuré es thiaj tau tso daim video tawm. Tab sis yog nws tsis tshem los haj yam yog ib qho Sujet yuav ua Debat thiab. Yog ho muab tshem lawm los peb cia li tham mus kom s d yuav tsum tau ceev faj txhua yam CUAV los cuam tshuam peb txoj kev Ntseeg.

    Yog thawj zaug nws pom Maypaj tshem ib qho Post ces nws txhawj tsam nws ho ua tsis yog lawm. Nws txhob txhawj mog. XH. Npuag Tub thiab Maypaj Lug peb ua ke ntsev los lawm, muaj tej qhov ib tug twb xav tias ua yog lawm no tab sis lwm tus ho pom lwm yam ces peb kuj muab tshem tawm lawm thiab. Tshem tag los muaj ntau tsav ntau yam yuav sau ces peb ho mus sau yam tshiab lawm xwb...Hahhaah...Muaj ib hnub XH. Npuag Tub sau tau ib qho ntau tsawv...Nws muab lub caij ntev los sau...Tab sis thaum kuv tuaj pom ces kuv cia li txiav txim siab muab tshem kiag lawm...Mam ceeb toom nws tom qab...Ntawm MaypajLug wb los tib yam, qhov twg zoo ces peb ua mus, qhov twg tsis tshua ntxim nyiam ces tshem xwb yeej tsis chim li...





    Admin
    Admin

    Messages : 221
    Date d'inscription : 2009-08-05

    Re: Judgment Day-Are You Ready? SO4J-TV

    Post  Admin on 18th November 2009, 7:02 am

    Mim wrote:Maiv Paj lug,
    Kuv kuj tsis tau xav txog hais tias kom yuav tsum muab zaj movie ntawd rho tawm mus no... tiam sis yog koj pom zoo tias muab rho zoo dua ces haj yam zoo xwb mas nawb... saib Admin ho puas xav li cas thiab ov?... Qhov uas kuv tau hais txog mas yog vim kuv xav hais tias tsam peb cov nsteeg xyuas ces lawv to taub yuam kev. Tsam lawv xav hais tias nquag mus daws txhaum niaj lis piam thiab niaj hnub hais txoj Saw Mab Liab los tsis muaj nqes li, ces tsis tas yuav ua tej ntawd, thiab tsam peb cov ntseeg rov qab tig los ntseeg hais tias tej yam lub Koom Txoos Kas Tos Liv ua yog neeg xev xwb no nav... ces kuv thiaj li tau muab coj los tham xwb os...

    Mim, qhov May Paj Lug tau tshem daim video ntawv yeej zoo kawg nkaus , twb yog muaj nej sawv daws cov paub lus meskas zoo tuaj qhia rau peb cov nyob Fab Kis Teb thiaj paub thiaj tshem tau tej yam tsis zoo tawm hauv peb lub Website no mus mas zoo siab kawg. Peb cov Catholic yuav tsum hawm peb tus Huab Tais Ntuj YESXUS LEEJ NIAM MAB LIAB peb thiaj tau koob hmoov. Txoj saw Mab Liab peb yuav tau hais ua hnub ua hmo. Peb tsuas muaj lus ua koj tsaug xwb nawb Mim.




    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: Judgment Day-Are You Ready? SO4J-TV

    Post  Npuagtub on 18th November 2009, 1:23 pm

    Sisters Mim, Maiv Tooj, Maivpajlug thiab Admin,

    Admin e....., nws muaj tswv yim dab tsis los yeej meem coj tuaj tso rau peb saib nawv mog.
    Nws txhob chim nawv, luag piv lus hais tias; Ntau tus txiv muam ces puas dab, ntau lub tswv yim ces puas tsim. tiam sis kuv hais tias muaj ntau tus txiv muam lub zog thiaj li tuaj, muaj ntau lub tswv yim thiaj pab tau kom tsheej chim. Thov nws txhob qaug zog nawv mog, peb txhua tus yeej txawj yuam kev, txoj kev ua yuam kev yog txoj kev ua kom yus ntse tuaj thiab pom kev deb. Cav cuag yus tus nplaig tej thaum yus twb ua hniav tom raug lawm thiab yog li no nws txhob xav ntau nawv.

    Sister Mim, nws los kuj ib yam txhob hnyav siab tias yog tim nws no nawv. Twb yog muaj nws ua rau peb tsim ras pom txog tej qho peb tso tau tsis tshua zoo nkauj, kuv zoo siab thiab ua nws tsaug.

    Hahahah.....! yog kawg thaum i muaj ib zaug kuv siv sij hawm ntev loo los sau tau ib zaj lus ntau hauj sim tuaj tso rau hauv no, kuv twb xav tias kuv sau tau ib co ntsiab lus zoo heev lawm tiam sis tseem muaj chaw dawm ces tos kuv nco Maiv Tooj twb muab deleted tas lawm. Ua rau kuv chim me ntsis thiab hos tiam sis chim ib hmos xwb. Vim yog Maiv Tooj hwm kuv luv meej mom ces nws thiaj li ntshai tsam muaj neeg pom tej yam kuv sau yuam kev. Nws thiaj li tau muab tshem ua ntej tas mam hais rau kuv tom qab. Tej qho no yog cov neeg muaj txoj kev hlub thiab pab kuv tiam sis kuv kuj tseem tsis tau ua tus neeg ntawd tsaug thiab, zoo li tseem chim me me thiab los tsis sub. Hahahahaaaaaa.....xav luag thiab ho xav quaj thiab hais txog yus txoj kev ua yuam kev.

    Sister Maiv Tooj, thaum peb muaj ntau lub tswv yim los nyob ua ke, ces peb txoj kev sib pab sib txhim thiaj li yuav ruaj kho mus tau deb, luag tej ob cag los thiaj li saib taus peb.
    Yog peb nyob zoo li tej neeg tsis muaj tswv yim thiab ntsuag ntsuag no ces luag tsuas muaj yuav tuaj hnyos peb xwb. Ua tsaug rau Mim neb ob tug tshaj lij thiab pom kev deb coj neb txoj kev txawj ntse tuaj cheem tej yam peb tsis nco pom txog ho tso tau yuam kev.


    Photobucket



    Photobucket

    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: Judgment Day-Are You Ready? SO4J-TV

    Post  Mim on 18th November 2009, 2:54 pm

    Ua tsaug rau nej txhua leej txhua tus os nawb... kuv tsis tuav nej ib tug npe zuj zus los txhob xav li cas. Kuv ua tsaug rau nej cov lus zoo uas nej tau hais txhawb kuv... Kuv yeej tsis yuav hnyav siab npaum li cas li, tsuas yog xav tau me me tias tsam Admin ho tu siab xwb... Nws twb hais tias nws tsis tu siab no ces zoo kawg li lawm... es peb tseem yuav muaj ntau zaus sib kho thiab sib txhawb li no mus ntxiv lawm yav tom ntej os nawb.

    Sponsored content

    Re: Judgment Day-Are You Ready? SO4J-TV

    Post  Sponsored content Today at 6:25 am


      Current date/time is 9th December 2016, 6:25 am