HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Piv txoj lus ua neej Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Yesterday at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


    Piv txoj lus ua neej

    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Piv txoj lus ua neej Empty Piv txoj lus ua neej

    Post  Maiv Paj Lug 10th April 2010, 12:03 pm

    PIV TXOJ LUS UA NEEJ

    Thaum nrog luag nyob niam ua heev hlo, thaum ncaim npho tsis muaj tshais hmo
    Thaum nrog luag nyob niam muab muab hlob, thaum ncaim npho tsis muaj tshais hmo nrog luag xob

    Me nyuam sib ceg vim sib thab, niam txiv sib ceg vim nqaij ncej qab
    Kwv tij sib ceg vim dab rooj txuas, niam txiv sib ceg vim kev ua hluas

    Neeg zoo ntshai tsam tau ua ntsuag, neeg phem ntshai tsam ho tuag
    Hmoov phem tau kev ntsuag, hmoov pluag tau kev tuag

    Ntsia pob tw ntxim hlub,ntsia ntsej muag ua cas ntxim ntxub
    Ntsia pob tw ntxim hno,ntsia ntsej muag ua cas ntxim nto

    Pom nyiaj poob tsis zoo lam khaws, pom luag poj zoo txhob thab tsam maj phom npaws
    Pom luag poj zoo txhob lam tuav, pom luag poj zoo thxob thab tsam sav duav

    Zoo mas xav kom ob leeg noj, phem mas xav kom ib tug ploj
    Zoo mas ob leeg luag, phem mas xav kom ib tug tuag

    Thaum ntej sib cav, ua ntau ces tawm ntshav
    Thaum hlub mas hais zoo zoo, thaum phem mas ua cuag xob nroo

    Thaum zoo ciaj tuag los yuav yuav, thaum phem mas ua zaj ua ntxeev dhuav
    Thaum zoo ciaj tuag los yuav hlub, thaum phem mas ua zaj ua ntxeev ntxub

    Thaum zoo tias kuv hlub koj, thaum phem mas xav ua kom poob qab choj
    Thaum siav tu ces luag tias tuag, thaum nyiaj tu ces luag tias pluag

    Txawj noj ces tsau plab, tsis txawj noj ces raws plab (mob cab)
    Txawj noj ces noj hlob, tsis txawj noj ces noj ua mob ( cob pob )

    Tub nkeeg ntsib kev pluag, vuab tsuab ntsib kev mob tuag
    Tub nkeeg ntsib teb fab, vuab tsuab ntsib kev raws plab

    Nyuj laug nyuj kub kawb, nkauj laug nkauj ntxim tawb
    Nyuj laug nyuj kub ntse, nkauj laug nkauj ntxim de

    Tsis yog luag nom luag yeej tsis xav hawm, tsis yog luag kwv tij luaj yeej tsis xav cawm
    Tsis yog luag kwv tij luag yeej tsis hlub, tis yog luag tug luag yeej tsis rub

    Teem dej peb hnub ces dej muaj txo, tseb cej peb hnub cej tuaj nto
    Teem mov peb hnub ces pom tuaj pwm, cog nplej peb hnub ces pom tuaj tswm

    Dab tsev tsis zoo thiaj cia dab qus ntxias, nyab tsis zoo nyab thiaj tsoo yias
    Dab tsev tsis zoo thiaj cia dab qus haub, nyab tsis zoo nyab thiaj tsoo lauj kaub

    Qhiav laus qhiav ntsim, txus laus txus muaj tswv yim,
    Qhiav laus qhiav daw, txus laus txus ntshaw

    Ntsuag yim laus yim iab, niam txiv yim laus yim mob siab,
    Ntsuag yim laus yim daw, niam txiv yim laus yim mob plaw

      Current date/time is 28th March 2024, 6:13 am