Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» Xib Hwb Thoj Xyooj lub neej
by Maiv Tooj Today at 5:53 am

» COV ZAJ NYEEM NRUAB LIS PIAM XYOO I 2016-2017
by Mim Yesterday at 8:12 am

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» COV ZAJ NYEEM HNUB CHIV XYOO A 2016-2017
by NrhiavTswvNtuj 1st December 2016, 12:54 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 1st December 2016, 12:35 pm

» XH. Yaj Zoov Ntxheb lub Tsev THOOB TSIB
by Maiv Tooj 1st December 2016, 12:33 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    Kev hais lus muaj nqis nyob hauv lub neej

    Share

    Admin
    Admin

    Messages : 221
    Date d'inscription : 2009-08-05

    Kev hais lus muaj nqis nyob hauv lub neej

    Post  Admin on 12th June 2010, 10:54 am

    KEV HAIS LUS MUAJ NQIS NYOB HAUV LUB NEEJ

    Kwv tij sawv daws !
    Hnub no kuv yuav tham ib zaj lus txog kev hais lus tias tseem ceeb
    npaum cas nyob hauv lub neej rau nej sawv daws xav tswv yim. Tej zaud
    nej coob leej ntau tus yuav paub thiab txawj hais lawm, tiam sis kuj
    tseem tshuav coob leej ntau tus uas lawv tsis paub, ces cov lus no yog
    qhia rau cov tseem tsis tau txawj npaj lub neej, kom lawv txhob ntsib
    teeb meem ntau yam.

    Li ntawd, hnub no kuv yuav los tham txog kev hais lus. Kev hais lus,
    yog ib yam tseem ceeb heev kawg nkaus nyob rau hauv sawv daws lub neej.
    Yog tias yus tsis txawj hais lus, tsis txawj zam tej lus phem, uas yog
    hais lus chob chob tib neeg, hais lus nchav nchav, los yog ntsw ntsw
    neeg, thiab hais ua dog ua dig tsis tseem ceeb, mas muaj ntau zaus cov
    neeg zoo luag tsis xav nrog yus ua phooj ywg, kheev muaj teeb meem nrog
    tej phooj ywg, los sis hauv yus tsev neeg nquag ntsib teeb meem sib cav
    sib ceg tas mus li.

    Tsev neeg twg uas txawj xaiv lus hais, txawj zam tej lus tsis zoo
    txhob siv, muab cov lus phem phem tshem tawm, ua zoo hais lus rau luag
    tej, txawj nplij neeg lub siab, muab luag tej saib muaj nqis, ib tug
    xav zoo rau ib tug, xav tag mam li hais rau luag, tau hais lawm tsuas
    muaj ua rau luag zoo siab thiab kaj siab, mas yog ib yam pab tau kom
    luag tej xav nrog yus ua phooj ywg, los yog pab ua tau rau kom yus tsev
    neeg muaj kev kaj siab, sov siab thiab tej phooj ywg tsuas muaj pab yus.
    Kuv pom muaj ntau nkawm niam txiv, sib cav sib ceg heev kawg li.
    Chiv thawj yog ib yam teeb meem me me xwb, twb tsis tsim nyog yuav hais
    tej lus hnyav tag npaud, los ob niam txiv ntawd yeej tsis txawj hais
    lus kiag. Koj xa tej niag lo ua rau kuv mas khib ceev ceev, hos kuv los
    teb tej niag lo ua rau koj ntshav nce taub hau tag, mas hais tseeb tias
    tej yam li no peb txhob coj los siv nyob hauv peb lub neej, sawv daws
    thiaj muaj kev kaj siab thiab thiaj li yuav muaj lub siab kaj lug mus
    khwv noj khwv haus kom vam meej.

    Muaj coob leej ntau tus, tsis txawj hais lus, nws tsev neeg sib ceg
    tag mus li, ib hnub tsis sib ceg ib lwm mas tsis tsaus ntuj, ua rau lub
    neej poob qab caum tsis cuag luag. Nws lub neej, nws coj xoob xoob,
    tsis tshua quav ntsej poj niam tub se, tsis tshua quav ntsej tej txiv
    tej me nyuam, nquag cov zos ua nkauj fa, nquag mus ua si, nquag sib
    cav, nquag haus cawv, vaj tse tsis tu, tso khaub ncaws mas pawg lug
    ntawm tej kaum tsev, tej twj tais noj tag tsis ntxuav ua qias neeg
    ntsuav qaib thos zom zaws. Nws lub cev ntaj ntsug kiag twb tseem tsis
    xav tu thiab, txhia yam nyob hauv tsev tso ua dog ua dig, ua pawg ua
    lug, muaj ntau zaus tej cib laug thiab khaub rhuab vau pov nplawg ntia
    rau hauv plawv tsev kuj muaj.
    Lub neej coj tau xoob npaum li no, los ob leeg tseem tsis txawj hais lus thiab.

    Tus poj niam cov lus mas tsuas pom tias :
    “Niag tsov laig, niag tsov tom, niag dab lwj, niag dag ntaus, niag
    kas tsaub, niag ruam, cas koj tsis tuag tsuag tsuag naj, cas koj tseem
    los txog ko, cas koj tseem coj koj 12 yag txhas rov los txog tsev thiab
    ? Cas koj tsis tuag tsuag tsuag mus es kuv yuav yuav dua tus tshiab.
    Niag tsov tom lwj kas kod, koj yuav npam lauj, koj yuav ntsaub qab ke
    lauj, koj yuav tuag lauj, koj yuav lwj kas mus lauj. Ntaus ntaus ntaus,
    ntaus tsis taus koj yog dev laiv, ntaus tsis taus koj yog aub laid !”
    Ces muaj ntau zaud tus txiv txawm siv nyooj laws li tus tsov, wj hwv
    ! pig poog pig poob, tsov tom ko koj xav tuag hwv lod ? Koj xav lwj hwv
    lod ? Koj mas zaum no tuag tseeb tseeb, nrig ncaws taw tsuas pom nrov
    pib poog rau thiab tsawv nkaus plaub hau rig kiag tes cab, ntswj kiag
    hai ua tiab plam zom zaws, ua rau tej me nyuam mas quaj ntsuag qees,
    ntshai npaum nkaus li qaib ntshai dav los tsuab.

    Tus txiv los muaj ntau zaus coj tau tus cwj pwm uas ntxim ntxub kawg
    li thiab. Niaj hnub niaj hnub mus haus cawv, tsis hais ces zoo, hais
    ces ua nyaum nyaum rau poj niam, muab poj niam ntaus ua lwj ua liam.
    Yog tsis hais ces nyob tsev me ntsis, yog hais ntaus ces niaj hnub niaj
    hmo mus ua loj leeb lawm xwb, tsis quav ntsej tej poj niam tub se txoj
    kev noj kev haus, poj niam me nyuam yuav muaj mob muaj nkees npaum li
    cas los xij, tsis paub txob tsis paub txhawj, tsis pab tsis saib li,
    coj lub niag neej lwj liam tshaj plaws.

    Lub niag neej mas coj xoob ciaj xoob tuag cuag li tsis muaj hlwb,
    cuag li tsis muaj qhov muag, cuag li tiam neej no nws tsis muaj poj
    niam me nyuam, cuag li nws tsis paub tias muaj kwv tij neeg tsa, cuag
    li tsis muaj niam tais yawm txiv, xav ua si ces mus lawm, xav nyob qhov
    twg ces nyob, xav ua yam twg ces mam ua. Lub neej yuav nyiam tsis muaj
    noj tsis muaj haus, tsis muaj ib kis los xij peem. Qhov twg pom luag
    tej haus cawv, haus yeeb, haus tshuaj nees, ces mus ntsauv, mus zov zoo
    li tej tsiaj, tsis paub txaj muag.

    Cov niag txiv neej uas coj li no mas muaj coob, yus yog txiv neej,
    yus twb ntxub hom neeg li no. Tus poj niam twg tau tus txiv zoo li hais
    los no, los yeej nyuaj siab tshaj plaws, lam uv, lam nyob lawm xwb. Hos
    tus txiv neej twg uas tau ib tug poj niam tshob cuab, tsis txawj hais
    lus, tsis txawj xav, siv cov lus uas puag ta hais tag ua ntej lawd xwb
    mas yeej ntxhov siab kawg nkaus thiab.

    Kev ua lub neej, yog tsis txawj hais lus, tsis txawj npaj kom zoo,
    tsis txawj sib hlub, ces yuav ua rau lub neej tiam no poob qab thiab
    caum tsis cuag luag tej. Sib yuav tsis pes tsawg xyoo xwb ces yog coj
    li no, lub neej yeej yuav pib txom nyem thiab lwj liam mus. Zoo tsis
    zoo, tseem sib nrauj sib tso, ua rau tej me tub me nyuam ua ntsuag niam
    ntsuag txiv. Ua rau tej kwv tij neej tsa muaj kev sib ntxub, muaj chaw
    dub muag, tsis xav sib fim, tsis xav sib pab.

    Txhia yam uas tsis zoo, puav leej yog tshwm los ntawm txoj kev tsis
    txawj hais lus thiab tsis txawj npaj lub neej kom mus rau qhov zoo.
    Tsis paub xaiv ib co lus zoo los hais kom yus tus hlub zoo siab, tsis
    paub kub siab lub neej, tso lub neej ywj cua tshuab nag txauj, ces
    thiaj muaj teeb meem ntau tsav ntau yam tshwm sim los raug tus kheej thiab tsev neeg.

    Peb ua neeg nyob, yog tus twg xav kom lub neej zoo, xav kom lub neej
    vam meej, xav kom lub neej muaj qhov kaj siab thiab sov siab, mas yuav
    tau ua zoo xav, ua zoo hais lus, kub siab khwv thiab npaj kom muaj noj
    muaj haus, txhob mus pla ua si ib qho rau ib qho, txhob mus haus yeeb
    haus tshuaj, txhob mus quav cawv quav hluas nkauj, txhob mus pla ua si
    ib qho rau ib qho, yuav tsum txhim kho tsev neeg kom lub neej muaj kev
    kaj siab thiab tej me tub me nyuam tau txais kev kawm txuj zoo, ces lub
    neej yeej yuav tsis tshua muaj teeb meem.

    Yim neeg twg uas siv ib cov lus los sib hais zoo zoo, hais lus qab
    qab zib rau yus tsev neeg, yus tus txij nkawm, xws li : Nyob zoo os tus
    hlub, nyob zoo os kuv me nplooj siab, nyob zoo os tus neeg qab zib,
    nyob zoo os tus neeg ntxim tawb, nyob zoo os koj niam, nyob zoo os koj
    txiv, koj tab tom ua dab tsi nab ? Koj puas xav kom kuv pab koj ua dab
    tsi os lod ? Ntshe khwv khwv koj pob ? Koj cov zaub no ntxim qab kawg
    li laiv. Qab thiab tsis qab los nws ua lawm ces qhuas kiag rau xij
    peem, los yog ua zoo qhia tias : “Hej…! Raws li kuv xav mas tshuav yam
    no nad, yuav tsum rau yam no thiab yam no rau mas yeej qab tshaj no
    tiag. Koj sim meb, yog qab no lwm zaus ua li ntawd es ob leeg thiaj qab
    los noj mov laid, kom koj rog rog…hiv hiv hiv ! Yuav tsum luag luag rau
    nws thiab, mas yus qhia nws, nws thiaj tsis chim.
    Thaum koj los hais lus zoo rau nws, nws los hais lus zoo rau koj,
    ces ob leeg yeej muaj siab khwv noj khwv haus, tu vaj tu tsev, muaj
    siab qhia tej me tub me nyuam kom rau siab kawm ntaub kawm ntawv thiab
    muaj ntau zaus ob leeg tseem los sab laj tias :

    “Koj niad, los yog koj txiv, wb yuav ua li cas es wb lub neej thiaj
    zoo li luag tej ? Wb yuav ua li cas, es wb lub neej thiaj muaj noj muaj
    haus ? Wb yuav ua li cas, es wb thiaj muaj nyiaj ? Wb yuav ua li cas,
    es wb cov me tub me nyuam thiaj rau siab kawm ntawv ? Koj pab kuv qhuab
    qhia kom lawv tsim txiaj, kom lawv kub siab kawm ntaub kawm ntawv, kom
    lawv xyaum ua neeg zoo, es lwm hnub wb cov me tub me nyuam luag tej
    thiaj ntshaw thiab wb tej tub ki thiaj txawj ua lag ua luam, thiaj muaj
    cov mus nrog luag ua nom ua tswv, kom tiam no wb cov me nyuam lub neej
    muaj feem nrog luag tau lub neej zoo, es kom txhob txom txom nyem li wb
    niaj hnub no. Koj xav li cas nab lod ?

    Tus txiv thiab tus niam ob leeg yuav tsum txawj hais tej lus zoo li
    no nyob rau hauv tsev neeg thiab kub siab tshaj plaws npaj lub neej,
    mas nyuam qhuav nrog luag zoo me me xwb. Luag cov neeg uas muaj nyiaj
    muaj txiaj, muaj noj muaj haus, kwv tij neej tsa poog, tus twg los xav
    tau yus ua phooj ywg, mas luag coj li no, luag lub neej lwm tus thiaj
    saib muaj nqis thiab tej tub ki thiaj rau siab kawm ntaub ntawv mus
    txog qib siab.

    Muaj ntau zaus, uas luag kub siab npaum li no, los tseem txom nyem
    quj qees kuj muaj. Es yog li no, cov uas tsis txawj hais lus li puag ta
    kuv nyuam qhuav piav, tsis paub npaj lub neej, tsis txawj kub siab
    thiab tsis sib hlub, yuav pes tsawg tiam neeg nws caj ces mam li nrog
    luag zoo ?
    Ua cas nws tsis txawj pib tam sim no mus ? Ua cas nws tsis paub txob
    tsis paub txhawj ? Ua cas Ntuj twb hlub nws, twb pub kom nws muaj qhov
    muag, muaj qhov ntsej, muaj tes muaj taw, muaj hlwb, pub kom nws txawj
    xav li luag tej thiab, ua cas nws tsis rho los siv kom tsim nyog yus
    tshwm sim los ua ib zaug neeg nyob rau tiam no, kom tsim nyog tshwm sim
    los ua yus niam yus txiv ib leeg tub, los ib leeg ntxhais thiab tsim
    nyog ua cov me tub me nyuam niam thiab txiv.

    Kwv tij sawv daws, kuv nim pom coob leej tsis txawj ua lub neej,
    tsis txawj sib hlub, sib ceg tas mus li, ua rau kuv pab lawv qaug qaug
    zog rau lawv lub neej, nim ua rau kuv khuv xim lawv lub neej, nim ua
    rau kuv hlub tshua txog lawv tej me tub me nyuam, es yuav thaum twg
    lawv li mloog lub ntuj lus lub teb qhia, kom lawv txawj npaj lawv lub
    neej, kom lawv muaj noj muaj haus, es peb tsoom Hmoob sawv daws lub
    neej thiaj li tsis txom txom nyem li yav tag.

    Hnub no, kuv tsuas tham los xaus li no xwb. Yog tias leej twg hnov
    lawm, thov kom ua zoo khaws coj mus qhia rau cov tsis paub, pab qhia
    rau cov tsis txawj, kom lawv txawj npaj lub neej, kom lawv txawj sib
    hlub, kom lawv tseg txoj kev sib cav sib ceg uas hais lus phem phem, es
    peb haiv Hmoob lub neej thiaj li yuav muaj hnub nrog luag vam meej tau
    nyob rau lub xyoo tshiab.

    Peb txawm txom nyem, los thov kom txom nyem kev nyiaj txiag, kev
    nyob, kev noj, kev haus thiab kev hnav xwb, thov txhob txom nyem lub
    tswv yim. Yog tus twg txom nyem lub tswv yim, ces tiam neej no ntshe
    yuav pab nws tu siab twj ywm tias : “Koj, ntshe yuav tsis muaj hnub
    nrog luag tau zoo os mog !”

    Vim Ntuj twb pub kom koj zoo tes zoo taw, kom koj tau kev mus khwv,
    los koj twb tsis khwv. Ntuj pub kom koj muaj qhov muag, los koj twb
    tsis siv ob lub qhov muag mus saib ntiaj teb ua neej. Ntuj pub kom koj
    muaj tswv yim, kom koj txawj xav tom ntej tom qab, los koj twb tsis
    xav. Ntuj pub kom koj muaj qhov ntsej, kom koj hnov lus, kom txawj coj
    tej yam uas koj hnov los ua kev qhia koj, los pab koj txhim kho koj lub
    neej, los koj twb tsis quav ntsej rau tej yam uas koj hnov, ces ntshe
    lub neej tiam no Ntuj yuav pab tsis tau hom neeg li no kom lub neej
    sawv los nrog luag vam meej. Lub neej tiam no, ces ntshe tsuas yog yuav
    ua luag qhev thiab nkag luag pob tawb mus tag ib sim xwb.
    Thov kom Leej Ntuj Plig tshoj nej sawv daws lub siab, kom txawj coj
    yam uas Ntuj pub rau nej, coj mus siv kom muaj nuj nqis nyob rau hauv nej lub neej !

    ( sau los ntawm Haam Kub ua nyob Lomsak "ZOO TSWV ZOV YAJ")




    Nujsisloob1
    Tuaj Tshiab
    Tuaj Tshiab

    Messages : 60
    Date d'inscription : 2010-02-02
    Age : 41
    Localisation : California, USA.

    Re: Kev hais lus muaj nqis nyob hauv lub neej

    Post  Nujsisloob1 on 12th June 2010, 5:55 pm

    Nyob zoo Admin,
    Ua tsaug rau zaj lus koj coj tuaj tso rau peb sawv daws tau nyeem hnub no, nws yog ib zaj lus zoo thiab muaj nuj nqis heev rau peb txhua tus lub neej, tiam sis txoj kev yuav ua ib tug neeg zoo thiab yuav xyaum hais lus zoo mas kuj tsis yooj yim thiab vim nyob hauv Ntiaj teb no Tswv Ntuj cia tib neeg ua ywj neeg lub siab nyiam siab ntshaw.
    Txij thaum 2 niam txiv hauv paus ( Asdas thiab Esvas) nkawd ua txhaum tsis mloog Tswv Ntuj lus los ces Tswv Ntuj ntiab nkawd tawm hauv nws lub vaj mus nrog tus dab phem nyob ua ke ces txoj kev phem thiaj li muajtxoj kev phem thiab txoj kev zoo nyob ua ke ntiaj teb no.

    Ces zaum no peb tib neeg thiab li ua lub neej nyob nrog txoj kev iab kev khwv kev phem kev qias, kev lwj kev tsw, kev ploj kev tuag, sib ntaus sib tua, ua plees ua yig, quav dej quav caws, ua tub sab tub nyiag, txeeb luag noj haus luag tug los txog niaj hnub no. Nyob hauv ntiaj teb no mas tas txhua yam txhua qhov chaw yeej muaj yam phem thiab yam zoo nyob ua ke ib yam li ib nkawm niam txiv koom ua ib yim neej.

    Peb lub neej txoj kev phem thiab kev zoo mas yeej ua rog tas hnub tas hmo, txhua lub sij hawm tsis tseg li, yog leej twg swb txoj kev phem ces nws yuav tau mus ua kev phem qhev, yog leej twg yeej txoj kev phem ces nws lub neej thiaj li nyob tus li peb ib txhia muaj lub neej nej pom niaj hnub no. Muaj ib txhia neeg lawv lub neej yeej ib txwm zoo zoo tsis txawj ua phem li tiaam sis thaum txog lub sij hawm lawv swb txoj kev phem ces lawv cia li txawj ua neeg lwj neeg liam, tsis zoo li tus neeg qub yav tas los lawm thiab.
    Qhov tseem ceeb ces peb yuav tau txav deb thiab nco ntsoov tiv thaiv txoj kev phem kom nyob deb ntawm peb ces peb thiaj li yuav tsis tau ua tus dab phem qhev.


    Hmoob tej laus yeej ib txwm hais tias: peb ua neej nyob mas yeej muaj tus neeg siab phem thiab tus neeg siab zoo, yeej muaj cov muaj thiab cov pluag, muaj cov ntse thiab cov ruam, nws yeej ib txwm muaj 2 yam (positive thiab negative) nyob ua ke, yog li no mas peb ntiaj teb neeg thiaj li tsis muaj txoj kev kaj siab nyob nyab xeeb.

    Admin
    Admin

    Messages : 221
    Date d'inscription : 2009-08-05

    Re: Kev hais lus muaj nqis nyob hauv lub neej

    Post  Admin on 13th June 2010, 12:48 am

    Nyob zoo tijlaug Kajsiab ,

    Ua tsaug ntau ntu no koj tuaj nrog peb sib fim ntawm kev ntseeg rau hauv Hmong Catholique ntawm no, koj yog ib tug neeg thoob tsib Tswv Ntuj nrog koj nyob vim koj cov ntawv koj sau tau zoo heev, tom ntej no peb vam thiab cia siab yuav tos ntsoov nej cov hlob uas muaj Tswv Ntuj nyob hauv nej nruab siab ua ke nraim tuaj qhia rau cov tseem nrhiav Tswv Ntuj. Peb yuav cia siab ntxiv rau koj tuaj fim peb kom ntev nawb tijlaug Kajsiab.




    Maivxis
    Phooj Ywg
    Phooj Ywg

    Messages : 267
    Date d'inscription : 2009-11-05

    Re: Kev hais lus muaj nqis nyob hauv lub neej

    Post  Maivxis on 13th June 2010, 10:31 am

    Admin wrote:KEV HAIS LUS MUAJ NQIS NYOB HAUV LUB NEEJ

    Kwv tij sawv daws !
    Hnub no kuv yuav tham ib zaj lus txog kev hais lus tias tseem ceeb
    npaum cas nyob hauv lub neej rau nej sawv daws xav tswv yim. Tej zaud
    nej coob leej ntau tus yuav paub thiab txawj hais lawm, tiam sis kuj
    tseem tshuav coob leej ntau tus uas lawv tsis paub, ces cov lus no yog
    qhia rau cov tseem tsis tau txawj npaj lub neej, kom lawv txhob ntsib
    teeb meem ntau yam.

    Li ntawd, hnub no kuv yuav los tham txog kev hais lus. Kev hais lus,
    yog ib yam tseem ceeb heev kawg nkaus nyob rau hauv sawv daws lub neej.
    Yog tias yus tsis txawj hais lus, tsis txawj zam tej lus phem, uas yog
    hais lus chob chob tib neeg, hais lus nchav nchav, los yog ntsw ntsw
    neeg, thiab hais ua dog ua dig tsis tseem ceeb, mas muaj ntau zaus cov
    neeg zoo luag tsis xav nrog yus ua phooj ywg, kheev muaj teeb meem nrog
    tej phooj ywg, los sis hauv yus tsev neeg nquag ntsib teeb meem sib cav
    sib ceg tas mus li.

    Tsev neeg twg uas txawj xaiv lus hais, txawj zam tej lus tsis zoo
    txhob siv, muab cov lus phem phem tshem tawm, ua zoo hais lus rau luag
    tej, txawj nplij neeg lub siab, muab luag tej saib muaj nqis, ib tug
    xav zoo rau ib tug, xav tag mam li hais rau luag, tau hais lawm tsuas
    muaj ua rau luag zoo siab thiab kaj siab, mas yog ib yam pab tau kom
    luag tej xav nrog yus ua phooj ywg, los yog pab ua tau rau kom yus tsev
    neeg muaj kev kaj siab, sov siab thiab tej phooj ywg tsuas muaj pab yus.
    Kuv pom muaj ntau nkawm niam txiv, sib cav sib ceg heev kawg li.
    Chiv thawj yog ib yam teeb meem me me xwb, twb tsis tsim nyog yuav hais
    tej lus hnyav tag npaud, los ob niam txiv ntawd yeej tsis txawj hais
    lus kiag. Koj xa tej niag lo ua rau kuv mas khib ceev ceev, hos kuv los
    teb tej niag lo ua rau koj ntshav nce taub hau tag, mas hais tseeb tias
    tej yam li no peb txhob coj los siv nyob hauv peb lub neej, sawv daws
    thiaj muaj kev kaj siab thiab thiaj li yuav muaj lub siab kaj lug mus
    khwv noj khwv haus kom vam meej.

    Muaj coob leej ntau tus, tsis txawj hais lus, nws tsev neeg sib ceg
    tag mus li, ib hnub tsis sib ceg ib lwm mas tsis tsaus ntuj, ua rau lub
    neej poob qab caum tsis cuag luag. Nws lub neej, nws coj xoob xoob,
    tsis tshua quav ntsej poj niam tub se, tsis tshua quav ntsej tej txiv
    tej me nyuam, nquag cov zos ua nkauj fa, nquag mus ua si, nquag sib
    cav, nquag haus cawv, vaj tse tsis tu, tso khaub ncaws mas pawg lug
    ntawm tej kaum tsev, tej twj tais noj tag tsis ntxuav ua qias neeg
    ntsuav qaib thos zom zaws. Nws lub cev ntaj ntsug kiag twb tseem tsis
    xav tu thiab, txhia yam nyob hauv tsev tso ua dog ua dig, ua pawg ua
    lug, muaj ntau zaus tej cib laug thiab khaub rhuab vau pov nplawg ntia
    rau hauv plawv tsev kuj muaj.
    Lub neej coj tau xoob npaum li no, los ob leeg tseem tsis txawj hais lus thiab.

    Tus poj niam cov lus mas tsuas pom tias :
    “Niag tsov laig, niag tsov tom, niag dab lwj, niag dag ntaus, niag
    kas tsaub, niag ruam, cas koj tsis tuag tsuag tsuag naj, cas koj tseem
    los txog ko, cas koj tseem coj koj 12 yag txhas rov los txog tsev thiab
    ? Cas koj tsis tuag tsuag tsuag mus es kuv yuav yuav dua tus tshiab.
    Niag tsov tom lwj kas kod, koj yuav npam lauj, koj yuav ntsaub qab ke
    lauj, koj yuav tuag lauj, koj yuav lwj kas mus lauj. Ntaus ntaus ntaus,
    ntaus tsis taus koj yog dev laiv, ntaus tsis taus koj yog aub laid !”
    Ces muaj ntau zaud tus txiv txawm siv nyooj laws li tus tsov, wj hwv
    ! pig poog pig poob, tsov tom ko koj xav tuag hwv lod ? Koj xav lwj hwv
    lod ? Koj mas zaum no tuag tseeb tseeb, nrig ncaws taw tsuas pom nrov
    pib poog rau thiab tsawv nkaus plaub hau rig kiag tes cab, ntswj kiag
    hai ua tiab plam zom zaws, ua rau tej me nyuam mas quaj ntsuag qees,
    ntshai npaum nkaus li qaib ntshai dav los tsuab.

    Tus txiv los muaj ntau zaus coj tau tus cwj pwm uas ntxim ntxub kawg
    li thiab. Niaj hnub niaj hnub mus haus cawv, tsis hais ces zoo, hais
    ces ua nyaum nyaum rau poj niam, muab poj niam ntaus ua lwj ua liam.
    Yog tsis hais ces nyob tsev me ntsis, yog hais ntaus ces niaj hnub niaj
    hmo mus ua loj leeb lawm xwb, tsis quav ntsej tej poj niam tub se txoj
    kev noj kev haus, poj niam me nyuam yuav muaj mob muaj nkees npaum li
    cas los xij, tsis paub txob tsis paub txhawj, tsis pab tsis saib li,
    coj lub niag neej lwj liam tshaj plaws.

    Lub niag neej mas coj xoob ciaj xoob tuag cuag li tsis muaj hlwb,
    cuag li tsis muaj qhov muag, cuag li tiam neej no nws tsis muaj poj
    niam me nyuam, cuag li nws tsis paub tias muaj kwv tij neeg tsa, cuag
    li tsis muaj niam tais yawm txiv, xav ua si ces mus lawm, xav nyob qhov
    twg ces nyob, xav ua yam twg ces mam ua. Lub neej yuav nyiam tsis muaj
    noj tsis muaj haus, tsis muaj ib kis los xij peem. Qhov twg pom luag
    tej haus cawv, haus yeeb, haus tshuaj nees, ces mus ntsauv, mus zov zoo
    li tej tsiaj, tsis paub txaj muag.

    Cov niag txiv neej uas coj li no mas muaj coob, yus yog txiv neej,
    yus twb ntxub hom neeg li no. Tus poj niam twg tau tus txiv zoo li hais
    los no, los yeej nyuaj siab tshaj plaws, lam uv, lam nyob lawm xwb. Hos
    tus txiv neej twg uas tau ib tug poj niam tshob cuab, tsis txawj hais
    lus, tsis txawj xav, siv cov lus uas puag ta hais tag ua ntej lawd xwb
    mas yeej ntxhov siab kawg nkaus thiab.

    Kev ua lub neej, yog tsis txawj hais lus, tsis txawj npaj kom zoo,
    tsis txawj sib hlub, ces yuav ua rau lub neej tiam no poob qab thiab
    caum tsis cuag luag tej. Sib yuav tsis pes tsawg xyoo xwb ces yog coj
    li no, lub neej yeej yuav pib txom nyem thiab lwj liam mus. Zoo tsis
    zoo, tseem sib nrauj sib tso, ua rau tej me tub me nyuam ua ntsuag niam
    ntsuag txiv. Ua rau tej kwv tij neej tsa muaj kev sib ntxub, muaj chaw
    dub muag, tsis xav sib fim, tsis xav sib pab.

    Txhia yam uas tsis zoo, puav leej yog tshwm los ntawm txoj kev tsis
    txawj hais lus thiab tsis txawj npaj lub neej kom mus rau qhov zoo.
    Tsis paub xaiv ib co lus zoo los hais kom yus tus hlub zoo siab, tsis
    paub kub siab lub neej, tso lub neej ywj cua tshuab nag txauj, ces
    thiaj muaj teeb meem ntau tsav ntau yam tshwm sim los raug tus kheej thiab tsev neeg.

    Peb ua neeg nyob, yog tus twg xav kom lub neej zoo, xav kom lub neej
    vam meej, xav kom lub neej muaj qhov kaj siab thiab sov siab, mas yuav
    tau ua zoo xav, ua zoo hais lus, kub siab khwv thiab npaj kom muaj noj
    muaj haus, txhob mus pla ua si ib qho rau ib qho, txhob mus haus yeeb
    haus tshuaj, txhob mus quav cawv quav hluas nkauj, txhob mus pla ua si
    ib qho rau ib qho, yuav tsum txhim kho tsev neeg kom lub neej muaj kev
    kaj siab thiab tej me tub me nyuam tau txais kev kawm txuj zoo, ces lub
    neej yeej yuav tsis tshua muaj teeb meem.

    Yim neeg twg uas siv ib cov lus los sib hais zoo zoo, hais lus qab
    qab zib rau yus tsev neeg, yus tus txij nkawm, xws li : Nyob zoo os tus
    hlub, nyob zoo os kuv me nplooj siab, nyob zoo os tus neeg qab zib,
    nyob zoo os tus neeg ntxim tawb, nyob zoo os koj niam, nyob zoo os koj
    txiv, koj tab tom ua dab tsi nab ? Koj puas xav kom kuv pab koj ua dab
    tsi os lod ? Ntshe khwv khwv koj pob ? Koj cov zaub no ntxim qab kawg
    li laiv. Qab thiab tsis qab los nws ua lawm ces qhuas kiag rau xij
    peem, los yog ua zoo qhia tias : “Hej…! Raws li kuv xav mas tshuav yam
    no nad, yuav tsum rau yam no thiab yam no rau mas yeej qab tshaj no
    tiag. Koj sim meb, yog qab no lwm zaus ua li ntawd es ob leeg thiaj qab
    los noj mov laid, kom koj rog rog…hiv hiv hiv ! Yuav tsum luag luag rau
    nws thiab, mas yus qhia nws, nws thiaj tsis chim.
    Thaum koj los hais lus zoo rau nws, nws los hais lus zoo rau koj,
    ces ob leeg yeej muaj siab khwv noj khwv haus, tu vaj tu tsev, muaj
    siab qhia tej me tub me nyuam kom rau siab kawm ntaub kawm ntawv thiab
    muaj ntau zaus ob leeg tseem los sab laj tias :

    “Koj niad, los yog koj txiv, wb yuav ua li cas es wb lub neej thiaj
    zoo li luag tej ? Wb yuav ua li cas, es wb lub neej thiaj muaj noj muaj
    haus ? Wb yuav ua li cas, es wb thiaj muaj nyiaj ? Wb yuav ua li cas,
    es wb cov me tub me nyuam thiaj rau siab kawm ntawv ? Koj pab kuv qhuab
    qhia kom lawv tsim txiaj, kom lawv kub siab kawm ntaub kawm ntawv, kom
    lawv xyaum ua neeg zoo, es lwm hnub wb cov me tub me nyuam luag tej
    thiaj ntshaw thiab wb tej tub ki thiaj txawj ua lag ua luam, thiaj muaj
    cov mus nrog luag ua nom ua tswv, kom tiam no wb cov me nyuam lub neej
    muaj feem nrog luag tau lub neej zoo, es kom txhob txom txom nyem li wb
    niaj hnub no. Koj xav li cas nab lod ?

    Tus txiv thiab tus niam ob leeg yuav tsum txawj hais tej lus zoo li
    no nyob rau hauv tsev neeg thiab kub siab tshaj plaws npaj lub neej,
    mas nyuam qhuav nrog luag zoo me me xwb. Luag cov neeg uas muaj nyiaj
    muaj txiaj, muaj noj muaj haus, kwv tij neej tsa poog, tus twg los xav
    tau yus ua phooj ywg, mas luag coj li no, luag lub neej lwm tus thiaj
    saib muaj nqis thiab tej tub ki thiaj rau siab kawm ntaub ntawv mus
    txog qib siab.

    Muaj ntau zaus, uas luag kub siab npaum li no, los tseem txom nyem
    quj qees kuj muaj. Es yog li no, cov uas tsis txawj hais lus li puag ta
    kuv nyuam qhuav piav, tsis paub npaj lub neej, tsis txawj kub siab
    thiab tsis sib hlub, yuav pes tsawg tiam neeg nws caj ces mam li nrog
    luag zoo ?
    Ua cas nws tsis txawj pib tam sim no mus ? Ua cas nws tsis paub txob
    tsis paub txhawj ? Ua cas Ntuj twb hlub nws, twb pub kom nws muaj qhov
    muag, muaj qhov ntsej, muaj tes muaj taw, muaj hlwb, pub kom nws txawj
    xav li luag tej thiab, ua cas nws tsis rho los siv kom tsim nyog yus
    tshwm sim los ua ib zaug neeg nyob rau tiam no, kom tsim nyog tshwm sim
    los ua yus niam yus txiv ib leeg tub, los ib leeg ntxhais thiab tsim
    nyog ua cov me tub me nyuam niam thiab txiv.

    Kwv tij sawv daws, kuv nim pom coob leej tsis txawj ua lub neej,
    tsis txawj sib hlub, sib ceg tas mus li, ua rau kuv pab lawv qaug qaug
    zog rau lawv lub neej, nim ua rau kuv khuv xim lawv lub neej, nim ua
    rau kuv hlub tshua txog lawv tej me tub me nyuam, es yuav thaum twg
    lawv li mloog lub ntuj lus lub teb qhia, kom lawv txawj npaj lawv lub
    neej, kom lawv muaj noj muaj haus, es peb tsoom Hmoob sawv daws lub
    neej thiaj li tsis txom txom nyem li yav tag.

    Hnub no, kuv tsuas tham los xaus li no xwb. Yog tias leej twg hnov
    lawm, thov kom ua zoo khaws coj mus qhia rau cov tsis paub, pab qhia
    rau cov tsis txawj, kom lawv txawj npaj lub neej, kom lawv txawj sib
    hlub, kom lawv tseg txoj kev sib cav sib ceg uas hais lus phem phem, es
    peb haiv Hmoob lub neej thiaj li yuav muaj hnub nrog luag vam meej tau
    nyob rau lub xyoo tshiab.

    Peb txawm txom nyem, los thov kom txom nyem kev nyiaj txiag, kev
    nyob, kev noj, kev haus thiab kev hnav xwb, thov txhob txom nyem lub
    tswv yim. Yog tus twg txom nyem lub tswv yim, ces tiam neej no ntshe
    yuav pab nws tu siab twj ywm tias : “Koj, ntshe yuav tsis muaj hnub
    nrog luag tau zoo os mog !”

    Vim Ntuj twb pub kom koj zoo tes zoo taw, kom koj tau kev mus khwv,
    los koj twb tsis khwv. Ntuj pub kom koj muaj qhov muag, los koj twb
    tsis siv ob lub qhov muag mus saib ntiaj teb ua neej. Ntuj pub kom koj
    muaj tswv yim, kom koj txawj xav tom ntej tom qab, los koj twb tsis
    xav. Ntuj pub kom koj muaj qhov ntsej, kom koj hnov lus, kom txawj coj
    tej yam uas koj hnov los ua kev qhia koj, los pab koj txhim kho koj lub
    neej, los koj twb tsis quav ntsej rau tej yam uas koj hnov, ces ntshe
    lub neej tiam no Ntuj yuav pab tsis tau hom neeg li no kom lub neej
    sawv los nrog luag vam meej. Lub neej tiam no, ces ntshe tsuas yog yuav
    ua luag qhev thiab nkag luag pob tawb mus tag ib sim xwb.
    Thov kom Leej Ntuj Plig tshoj nej sawv daws lub siab, kom txawj coj
    yam uas Ntuj pub rau nej, coj mus siv kom muaj nuj nqis nyob rau hauv nej lub neej !

    ( sau los ntawm Haam Kub ua nyob Lomsak "ZOO TSWV ZOV YAJ")


    Ua tsaug os Admin,

    Cov lus qhuab qhia no zoo heev li , Wow !!Cas nws yuav txhawj hais zoo ua luaj li os yuad !!
    nyeem tag mas zoo li yus lub siab twb zoo lawm ntau tiag , xyov li laud !!! xav kom kawm tau txhua txhua lo xwb os , Vim nws zoo heev li na ,Cov lus no kuj muaj nqis kawg rau peb neeg lub neej li os . Ua tsaug os koj yuav tau tuaj tso tej yam zoo zoo li no rau peb nyeem thov kom tswv ntuj nrog nej nyob ua nej lub siab kaj lug nawb mog .

    Maivxis .

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: Kev hais lus muaj nqis nyob hauv lub neej

    Post  Npuagtub on 13th July 2010, 1:53 pm


    Yuav sib nyiam sib hlub.

    Nej sawv daws yuav sib haum xeeb, nyob hauv txoj kev khuv leej luag, nyiam luag xws li kwv tij, zam rau luag, nyiam ua tus me. Nej txhob pauj tus ua phem rau nej, txhob cem cov neeg cem nej.

    Nej yuav foom lus zoo rau luag, vim Ntuj hu nej kom tau txais nws cov lus foom hmoov zoo los ua nej lub cuab tam.

    Tus twg xav ua neej nyob ntev, thiab xav paub txoj kev nyob kaj lug, mas nws yuav cheem nws tus nplaig, kom txhob hais lus phem, cheem nws di ncauj, kom txhob hais lus nkhaus, nws yuav txav mus deb ntawm txoj kev phem, nws yuav ua qhov zoo, nws yuav nrhiav kev thaj yeeb taug.

    Huab Tais dauv muag ntsia cov neeg ncaj, nws tig los mloog lawv cov lus thov. Hos Huab Tais fee plhu rau cov ua phem.
    Pobzeb 1, 3:8-12.


    Photobucket



    Photobucket

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: Kev hais lus muaj nqis nyob hauv lub neej

    Post  Npuagtub on 13th July 2010, 6:49 pm

    TUS ZOO NIAM TSEV

    Thaum ub muaj ob niam txiv txom txom nyem nyob hauv ib lub zos me me, muaj ib hnub tshuav tus poj niam nyob hauv tsev xwb ces txawm muaj ib tug Nom tuaj nram nroog tuaj txog hauv lawv zos ces tus nom thiab nws cov xab phab tim xyoob txawm los so hauv ob niam txiv nkawd tsev. Tus niam tsev tsis pom qab yuav muab dab tsi los ua rau lawv noj, ces nws txawm muab nws tus txiv tus lau qaib dib tua rau tus Nom lawv noj.

    Thaum tus txiv los txog tsev, tus nom lawv mus tag lawm ces nws ntsia tsis pom nws tus lau qaib dib lawm. Ces nws poj niam hais tias twb yog hnub no Nom tuaj so hauv wb tsev ces kuv muab koj tus qaib tua rau lawv noj lawm. Ces tus txiv chim heev, nws muab tus poj niam ntau ua suab quaj qw ncha moo mus txog tus nom ntawd hnov, ces tus nom ntawd tso tub txib tuaj nug saib yog tim dab tsi tus txiv  thiaj ntaus nws poj niam ntau ua tus dab tsi ? Thaum lawv tuaj nug txog ces tus poj niam hais rau lawv tias:
    Tos nws tus txiv muab nws ntaus los twb yog vim nws muab nyuag qab dib me ua luaj los tua rau lawv noj xwb mas tsis tsim nyog ua li ntawd, yuav tsum nrhiav zaub mov kom zoo tshaj ntawd rau nej noj. Ces tsis ntev tom qab xwb, tus nom ntawd tuaj muab tus poj niam tus txiv tsa ua ib tug hau zos, vim nws pom tias nkawd muaj lub siab dav siab zoo paub hlub luag tej.

    Qhov tseeb tiag tus txiv khuv xim nws tus qaib dib heev thiab yeej tsis zoo siab rau nws tus poj niam muab nws tus qaib dib tua rau nom lawv noj lawm, mas nws thiaj li muab nws poj niam ntau, tiam sis tus poj niam ntse thiab tshaj li, muab cov lus tig rau sab zoo, vim nws txuag thiab hwm nws tus txiv lub meej mom. Nws tsis xav kom nws tus txiv poob ntsej muag, yog li no peb cov txiv neej yuav tau saib peb cov poj niam muaj nuj nqis thiab. Ib tug txiv neej yuav sawv tau ua luag tus hau, yuav tsum yog muaj tus zoo niam tsev nrog txhawb thiaj ua tau.



    Photobucket

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: Kev hais lus muaj nqis nyob hauv lub neej

    Post  Maiv Tooj on 13th July 2010, 9:20 pm



    Nyob zoo XH. Npuag Tub,

    Ua tsaug koj zaj kwv huam nov, yeej hais tau yog kawg nkaus. Thaum hluas ces muab kwv huam los ua piv txwv, thaum laus lawm ces muab lub neej tiag los tham. Ua neeg nyob, yuav ua tau ib tug Tswj, ib tug Coj, ib tug Nom ib tug Tswv, yog tus poj niam siab tsis loj thiab muaj peev xwm mas tus txiv yuav ntse npaum li cas los yeej ua tsis tau li. Yog tus poj niam siab loj siab dav, txawj coj txawj xav tsa tus txiv lub meej mom, txhiaj meej sawv ces kev nom tswv tawm. Tus niam txawj ntse, thoob tsib nrog tus txiv ntau tswv yim qhov twg yuav zoo thiab tsis zoo, kom txawj hais lus rau tsoom sid, txawj coj kom hauj rau sawv daws ces tus txiv txawm tsis tau ua tus loj los yeej tau ua tus yau. Yog tus txiv txawm yuav siab loj, txawj ntse los yog tus poj niam tsis txhawb, tsis pab ces tus txiv yuav ua tsis tau.




    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: Kev hais lus muaj nqis nyob hauv lub neej

    Post  Npuagtub on 14th July 2010, 8:15 am

    Mt,

    Koj hais yog kawg, xav koj peb txhua leej tsis hais cov poj niam los cov txiv neej paub txog zoo li koj cov lus.
    Thaum xyoo 1990 kuv muaj ib tug dab laug yog kuv niam tais cov neej tsa. Thaum txog lub caij cov hmoob nyob hauv lub zos lawv nyob ntawd yuav rov xaiv ib tug mus ua lawv tus thawj coj nyob hauv lub Koos haum hmoob tsev neeg nplog. Mas tas sawv daws nyiam kuv niam tais tus dab laug kawg thiab lawv xav kom nws cia li mus ua xwb tiam sis nws tsis kam vim nws paub tias nws tus poj niam siab tsis dav thiab tsis txawj hais lus ces nws tsis kam mus ua lawv tus coj. Nws cia l xum tsiv mus rau lwm lub xeev lawm. Tej koj hais peb yeej pom muaj coob leej tsis tau ua luag tus hau los yog vim leej niam tsev tsis muaj kev txhawb pab cuam rau.



    Photobucket

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: Kev hais lus muaj nqis nyob hauv lub neej

    Post  Npuagtub on 15th July 2010, 6:10 am


    NEEG TUS NPLAIG LUB PEEV XWM

    1. Nplaig Hais Lus Tseeb.  Eph. 4:15
    Peb ua neej sib nyiam sib hlub nyob hauv txoj kev tseeb, ces peb yuav loj hlob tas txhua yam nyob hauv Leej Pleev uas yog peb tus cawm seej.

    2. Nplaig Hais Lus Muaj Nqis.  Proverb, 31:26
    Nws tus nplaig ntse, nws lub ncauj hais lus thoob tsib, nws tej lus nyob nraim hauv txoj cai ncaj.

    3. Nplaig Thov Ntuj.  Nkauj, 35:28
    Kuv tus nplaig yuav cav lus zoo txoj koj txoj lub siab ncaj, thiab qhuas txog koj txhua hnub.

    4. Nplaig Raug Txiav Txim Raws Nplaig Lus.  Mt,12:34-36
    Caj ces nab muaj taug, nej yuav ua cas hais tau cov lus zoo? vim nej lub ncauj hais yam pwj yaws hauv nej siab tuaj. Tus neeg zoo thau tej yam zoo tawm hauv nws siab los, hos tus neeg phem thau tej yam phem hauv nws siab los. Hnub txiav txim neeg yuav tsum tau ris lawv tej lus dag lus phem.

    5. Nplaig Ua Xwm Txheej.  Pajlug, 18:21
    Tej neeg hais lus phem, npaj siab ua tej yam phem rau cov neeg siab ncaj, tej lawv ua phem ntawd yuav rov ua vij ua npog los raug lawv.



    6. Nplaig Ua Phem.  YK. 3:1-2+6
    Tsis muaj coob leej ua Xib fwb coj Tswv Ntuj lus, vim Tswv Ntuj saib lawv nruj thiab muaj ntau yam yuav txiav txim los ntawm lawv tus nplaig. Yog tus twg tsis hais lus yuam kev li, mas nws yog tus neeg zoo tas nrho lawm, nws kuj txawj cheem tau nws lub cev tib si. Neeg tus nplaig zoo li ib rab ntaj hluav taws ntse zuag plias nplaim taws ci liab ploog, tig sab twg los puav leej ntse thiab kub, tsis muaj leej twg kov tau. Tus nplaig yog ib yam twj txawj ua kom peb lub cev puas tsuaj tas huv si. Nws yog zoo li ib lub cub tawg tsim cev kub ntxhov, nws txawj hlawv yus lub neej thaum dab phem zes taws rau. Tus nplaig yog ib co kuab tshuaj muaj taug lom neeg tuag.  



    Photobucket

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: Kev hais lus muaj nqis nyob hauv lub neej

    Post  Maiv Tooj on 15th July 2010, 9:56 am



    Nyob zoo XH. Npuag Tub,

    Zoo kawg li, nws muab tus Nplaig qhov zoo qhov phem los nthuav kom meej mas yog ib qho zoo heev rau peb yuav tau ceev faj hauv peb lub neej. Yam twg zoo peb yuav khaws mus siv, yam twg tsis zoo siv peb yuav tau ceev faj zam kom dhau.



    Last edited by Maiv Tooj on 8th November 2016, 11:08 am; edited 1 time in total




    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: Kev hais lus muaj nqis nyob hauv lub neej

    Post  Npuagtub on 15th July 2010, 6:57 pm

    Mt,

    Hahaha.....! Lam kawm tom tej tog kev coj tuaj sau xwb, xyov puas yog thiab puas thwj.
    Hnov luag hais ces lam txais coj tuaj tso, xyov puas yuav yog.
    Ua tsaug rau nws cov lus txhawb zog os nawv.



    Photobucket

    Sponsored content

    Re: Kev hais lus muaj nqis nyob hauv lub neej

    Post  Sponsored content Today at 8:53 am


      Current date/time is 6th December 2016, 8:53 am