Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

ZOS ROOB NYUJ QUS 1956 NTAWV HMOOB THOOB TEB LUB HAUV PAUS.

Gallery


Latest topics

Suav neeg tuaj saib, txij hnub 17/09/2010 los mus.


    Puas muaj dab tiag?

    Share
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5553
    Date d'inscription : 2009-08-18

    Re: Puas muaj dab tiag?

    Post  Maiv Tooj on 22nd June 2010, 8:03 pm



    ( zoo li kuv zaj Experience pom cov neeg txom nyeem no, kuv twb piav rau hauv Maiv Tooj ib lub Topic lawm)...

    Maypajlug,

    Yog mas, zoo li nws twb tso nws qhov Experience mus xyuas Teb Chaws Them Txim thiab Ntuj Txias teb Tsaus lawm, tab sis xyov sau ntau yam ces ntshe ceeb laj mus nrhiav tau ces yog nws muaj khaws tseg no nws coj tuaj tso ua ke rau hauv nov ntxiv kom yooj yim thiab muaj txhij ua ke.

    Ua tsaug.


    Last edited by Maiv Tooj on 9th November 2016, 8:41 am; edited 1 time in total



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5553
    Date d'inscription : 2009-08-18

    Re: Puas muaj dab tiag?

    Post  Maiv Tooj on 22nd June 2010, 8:48 pm



    Nyob zoo Mim,

    Yog kawg, yog yuav tham txog Dab Phem lub tswv yim ntxias neeg lub zwj ceeb no mas txaus ntshai heev, vim neeg muaj noj muaj haus, tsis txom nyem cev nqaij daim tawv lawm ces lawv tsis xav tsis qheb qhov muag, tsis ceev faj, tsis paub ntshai li lawm.
    Nyias xav rau nyias tus kheej lawm xwb, tsis muaj kev hlub, kev khv leej, kev sib pab sib txhawb li lawm. Nyias tau nyias tau ntau, nyias taus nyias zoo siab es nyuaj siab rau lwm tus los yeej tsis quav ntsej txog li. Tej niam txiv los tsis paub tias yuav hwm txoj kev cai niam txiv li lawm. Ib cov tseem nyob ua ib tse los nyias yeej mus ua nyias plees nyias yi tsis paub siab qes leej twg li. Cov uas sib nrauj los muab txoj kev plees kev yi los saib hlob, sib nrauj quj qees thoob ntiaj teb. 7-80 xyoo los tseem sib nrauj vam yuav mus ua lub neej tshiab li tsis txawj tuag es yuav cia li plhis. Laus laus ntshe nyho xwb los tseem mus ua nkauj ua nraug, ua his ua hos...Tej no Dab Phem twb muas tau lawv lawm, kuv pom tej no kuv xav tias:

    " Yuav tshuav pes tsawg leej xwb thiaj yuav tau mus pom Tswv Ntuj lub ntsej muag?"

    Tu siab kawg nkaus, muaj tej tug mas tseem hais lo lus tias: " Tsis xav thev kev tswj yus tus kheej lub zwj ceeb no, xum mus ua DAB QHEV" cas txaus ntshai ua luaj li. Ntiaj teb no peb thev txhob pub peb yuam kev rau tej kev ntxias kev tsis huv ntawd, yog kom peb muaj lub neej huv zoo rau peb lub meej mom thaum ua neej nyob ntiaj teb, kom peb tuag mus los peb tus ntsuj plig tau mus nyob tshav ntuj nrig pem Ntuj Ceeb Tsheej, lub neej tshiab uas tseem zoo tshaj peb lub neej hauv ntiaj teb no uas tsam puav tseem muaj Dab Phem tshoj tej neeg ib ncig tawm tsam yus. Nyob Ntuj Ceeb Tsheej, peb yuav tsis pom tej kev ntsim siab kev ntxhov plawv uas luag tej niaj hnub cob cim rau yus lawm. Yog peb tsis mob siab tswj peb tus kheej, txhob qaug rau Dab Phem kev ntxias, hnub twg peb dua nra, peb mus raus Dab Phem teb, ntshe yuav txom txom nyem xav txog ces lig lawm. Ntshe yuav khuv khuv xim ib txhiab ib txhis tsis muaj caij kawg, tseem tsis txawj tuag kom tag mus thiab...Txaus ntshai dhau lawm os cov kwv tij phooj ywg! Thov nej tig los mloog Tswv Ntuj txoj kev HLUB NEJ thiab mas! Thov thiab lauj!

    Kuv mloog cov suab nov uas cov Kws Txuj Tshawb Fawb Soviet mus klaw tau hauv qab tiv los mas txaus ntshai dhau lawm.
    Tsis yog cov Kws Txuj Soviet nov xwb thiaj kaw tau, Fab Kis ib tug Tub Tshawb Qab Thu dej, Commandant Cousteau twb mus hnov hauv qab thu ob peb zaug thiab nws thiaj tsis kam nqes mus ntxiv thaum lub caij nws yuav tuag...





    Lub qhov thaum Dr Azzacove pib khawb nyob , tob 14.4 kilomètres