Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM NRUAB LIS PIAM XYOO I 2016-2017
by Mim Today at 6:17 am

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


  • Post new topic

Maiv Tooj lub tsev ua si

Share

Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Maiv Tooj lub tsev ua si

Post  Maiv Tooj on 16th April 2014, 8:29 am

Nyob zoo Maiv Paj,

Txhob tos lub ntuj kaj rau yus es yus mam ua qhov yus xav ua mog. Thaum ntuj kaj los ua mus, thaum ntuj tsaus los yuav nrhiav tsau taws mus, thaum tsis muaj tsau los yuav tau maub li. Yog yus tsis peem ces yus yuav tsis dhau kev tsaus ntuj mus rau qhov pom kev. Nws puas paub tias nws muab kuv tso nyob ib leeg, kuv quaj tsawg zaus tos nws no. Nws puas paub tias kuv tos lub npe tsam xem ua nploj tag, tos tos twb tsis tos lawm. Kuv tseem xav tias ntshe puas yuav muaj taus hwj huam yees ntxwv kom nws rov tuaj pab kuv ntxiv lawm. Sad 

Hnub lawv sab laj pem Orléans kuv yuav tsis tuaj, vim xyoo no peb muab hauj lwm tso rau ib tug tshiab lawm; tsis yog kuv leej nkawm wb tuav lawm. Tab sis hnub Hmoov Hla tom ntej no koj puas tuaj mus ntawm Montreil ? Yog koj mus no kuv yuav tuaj thiab.

Hnub Chiv Yes Xus lub siab khuv leej neeg, tim 26-27/04/2014, yog hnub lawv tsa Vaj Qhia Zam 23 thiab Vaj Qhia Zam Paj Lug 2 ua Leej Ntshiab, kuv leej nkawm wb mus tsis tau tim Los Mas ces wb yuav mus Sau Siab pem Paray-le-Monial 2 hnub. Nyob ped kuj muaj neeg mus coob kawh thiab. Thaum Txiv Vaj Qhia Zam Paj Lug 2 tuaj Fab Kis teb, nws kuj tau mus ped thiab.

Nyob Paray le Monial mas lawv teev Ntuj tau cov neeg muaj mob los muaj teeb meem txhua yam, kuj tau txiaj ntsim kawg li thiab. Vim Leej Tswv Yim Ntshiab nqes los rau ped. Thiab HT.Yes Xus tshwm thiab. Thaum lub 7 hli tom ntej no, yuav muaj ib hnub teev Ntuj rau cov neeg mob no seb koj puas xav tuaj. Tej zaud kuv yuav mus thiab.





Last edited by Maiv Tooj on 16th April 2014, 9:00 am; edited 1 time in total




Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1634
Date d'inscription : 2009-08-17

Re: Maiv Tooj lub tsev ua si

Post  Maiv Paj Lug on 16th April 2014, 8:51 am

Yog lawm...yog li koj hais lawm, kawg kuv yuav tsum tau maub kuv mus kev kom tshwm hauv lub teeb ci, Tswv Ntuj yeej tsis txav ntawm kuv li, tsuas yog kuv txav ntawm Tswv Ntuj kuv taug kev tsis ncaj es kuv poob ntog poob ntog, los kuv yuav tsis tsum yuav tau mus ntxiv, txawm nyuaj los yuav tau sawv mus dua, kawg txoj sia tsis txawj tu, thaum mus hauv nruab yeeb mas haj yam nyuaj yog tsis taug tam sim no, txoj sia yog txoj sia mus ib txhis tsis tuag.

Maivtooj es koj leej nkawm neb tsis ua tus coj lawm los, yog li ces peb tsis tau sib ntsib li lau. Kuv tsis mus montreil ces peb tsis tau sib pom li nawb, es koj mus no thaij duab nqa los tso hauv koj lub tsev no peb thiaj pom nawb.




<3 <3 Pab kuv rov los cuag koj Huab Tais Yesxus <3 <3

Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Maiv Tooj lub tsev ua si

Post  Maiv Tooj on 28th April 2014, 11:38 am


MUS SAU SIAB RAU PARAY LE MONIAL HNUB TSA OB TUG VAJ QHIA UA LEEJ NTSHIAB.


Lub zos Paray le Monial, yog los ntawm lo lus tias Moine= txiv twj cuab. Yog ib lub zos txheej thaum xyoo 1200 muaj ib cov txiv twj cuab mus tsim lub zos. Lawv ua txhim tau ntau lub tsev loj, muaj tsev teev Ntuj ntau lub sib tib daws. Zaum no muaj ntau lub Koom Haum Phauj xws li cov Phauj Clarisses, cov Phauj la Visitation, cov Phauj Dominicaines. Tseem tshuav cov Tij Emmanuel thiab ntau lub koom haum twiv twj cuab thiab. Yog ib qho chaw ntshiab uas muaj neeg tuaj teev Ntuj coob tas mus li.  Yog ib qho chaw teev Ntuj ces tsis zoo thaij duab, thiaj thaij tsis tau duab ntau; tab sis zoo lub siab heev vim yog ib qho chaw lawv teev Leej tswv Yim Ntshiab ces muaj hwj huam heev.

Thaum peb mus hawm lub Cim Yug, lawv muab ib cov ntawv dawb los faib rau cov neeg, seb leej twg muaj lus xav thov Ntuj no ces sau rau daim ntawv es thaum mus hawm lub Cim Yug nqa mus rau hauv ib lub phiab loj nyob pem qab thaj txiv Ntuj; ces ho mus khaws ib daim me nyuam ntawv ntawm ob lub tawb ob sab, yog tus Txiv Plig loj hauv yog tus muab.

Kuv daim ntawv kuv sau tias: "Huab Tais Yes Xus, thov koj lub Siab Ntshiab los kov kuv. Vim kuv lub siab kub lug; tab sis kuv lub tswv yim pos nrees, tsaus ntuj nti. Kuv lub siab ntxhov nyho thaum kuv teev Ntuj, kuv lub tswv yim ya lawv lis nyob tsis tswm ua rau kuv lub siab fab tsis tseg.

Huab Tais, thov koj xav tub zog tuaj pab kuv tshaj Koj lub Moo Zoo mus rau plaub ceg kaum ntuj; vim kuv ib leeg xwb, kuv qaug qaug zog li."


Daim ntawv kuv rho tau:    

"HUAB TAIS Tswv Ntuj tau
muab cov thwj tim tus nplaig rau
kuv. Nws qhia kuv kom kuv txawj hais
lus nplij tus neeg qaug zog. (His Xais 50, 4)"

















Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Maiv Tooj lub tsev ua si

Post  Maiv Tooj on 3rd June 2014, 9:23 am



MUS NCIG THAIB THIAB NPLOG TEB TEB IB VUAG LI NPAU SUAV.


Tim 18-24 lub 05 hlis kuv leej nkawm wb tau mus ncig Thaib thiab Nplog teb xyuas txheeb ze thiab qub phooj ywg. Rov mus txog, pom sawv daws lub neej vam meej lawm ntau, sawv daws tsis khwv khwv li yav neej thaum ub li 10 lub xyoo dhau los lawm. Kev noj haus los kuj nyob nyog, txhua yim muaj tsheb tshuab, muaj tsheb loj ob peb lub, lub loj lub me los puav leej muaj txaus siv. Sawv ntxov tsis pom neeg sib yaum daws mus teb lawm, lawv cog tej qoob loo uas loj tsis tau niaj hnub ua ces pom tias lawv kuj nyob ntau tab sis tau nyiaj xwm yeem thiab txaus siv. Lawv kuj muaj mus ncig ua si hauv tej vaj ntoos los yog nce roob xyuam yaj ua si thiab. Pom li no mas kuj zoo siab kawg tias Peb Hmoob nyob rau qhov twg los puav leej vam meej lawm.

Kuv mus xyuas kuv cov phooj ywg thiab cov xib hwb nyob tim Huab Xais, uas kuv ncaim lawv thaum yau yau lawm. Thaum kuv ncaim lawv, kuv tus phooj ywg klawm ntawv ua ke twb tsis tau hloov suab, zaum no mus pom ces ua pog ua yawg tas lawm. Tseem mus nrhiav tau kuv tus xib hwb thiab tus Directeur thiab tab sis tsis yog cov hluas hluas thaum ub uas nyuam qhuav tawm kiag hauv tsev ntawv tuaj qhia peb lawm. Kuv ncaim lawv tau txwm nkaus 42 xyoos rau lub 5 hlis 2014 no uas kuv rov qab mus pom lawv. Peb tsis sib hnov moo tau 40 xyoo nkaus.







Coj Naj Khoos, ntu pem Chieng Khong thiab Huab Xais, sab Thaib teb.



Kwv tij hmoob tuaj tos peb mus txog khws Huab Xais.





Phooj ywg kawm ntawv ua ke sib ncaim pem Naj Ywj, thaum me nyuam yaus tim 15 lub 5 hlis 1972 los txog tav nov tim 20-05-2014, mam li rov sib ntsib.











Tus phooj ywg uas thaum ncaim tseem tsis tau hloov suab.



Kuv tus xib hwb uas nyuam qhuav tawm kiag los qhia peb twb tsis tau muaj poj niam.



Tab tom yuav mus xyuas tus Thaj Khu (directeur).





Tus Thaj Khu, thaum ncaim nws nyuam qhuav yuav poj niam muaj ib tug me nyuam me me xwb.







Tus muaj hmoo kuj ua neej khov kho nyob tsim nuj.



Hmoob Nplog thiab Hmoob Thaib nrog rau Nplog thiab Thaib tuaj kab kiab ntawm ntug Naj Khoos, sab Thaib teb.









Mus xyuas qhov Tshab Toom, Pham Taab, ciam teb Nplog thiab Thaib.


























Tuaj saum ncov roob ntsia rau sab Thaib teb.



Ntsia rau sab Nplog teb.



















Nce roob Qhov Tshab Toom tag peb ho nqes los noj sus hauv lub vaj paj ntawm ntug dej Naj Khoos, ciam teb Thaib thiab Nplog uas Nplog av hlas Nab Khoom rau sab Thaib teb thiab.







Hmo yuav sib ncaim, noj laj ntse Naj Khoos qab heev.




Lub zos tshiab, tis npe ua Looj Ceeb 2 npe thaib hu ua Vieng Fa.
Yog ib tug tub hmoob hu ua Kuam Xyooj, thaum ub nws mus nrog Txiv Plig lawv nyob, nws txom nyem ces cov Txiv Plig txawm nrhiav niam qhuav txiv qhuav rau nws. Yog ib tug Général (nais phoos) Thaib. Thaum nws tag nws sim neej lawm, nws muab nws lub cuab tam los faib rau nws tus tub cag thiab tus tub ceg Kuam Xyooj li yog nws tub yug kiag. Thiab li faib tau 5.000 laij (2000 h) av rau Kuam. Kuam tseem yog ib tug hluas tsis tau muaj cuab yig, nws thiaj li muab nws ib qho av los tsim ua ib lub zos rau cov haiv neeg me. Neeg nyuam qhuav pib mus nyob xwb, teb mas lawv ua ntau lawm thiab tab sis vaj tse mas tseem nyob tsis tau ruaj pes tsawg.






Kuv zoo siab uas ua ntej yuav nkag mus rau hauv lub zos hmoob, thawj lub tsev yog ib lub tsev teev Ntuj Catholic.





Koom Haum Txiv Plig Oblat Marie Immaculée lub tsev nyob Bangkok.







Lub tshav dav hlau Bangkok tshiab no lawv ua tau zoo nkauj kawg li.





Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Maiv Tooj lub tsev ua si

Post  Maiv Tooj on 14th August 2014, 11:08 am



MUS NCIG XYUAS VAS TIS KAAS Tim 08-13/08/2014.



Hnub tim 08-13/08/2014, kuv tus ntxhais wb ob leeg tau mus ncig lub nroog Los Mas, xyuas lub hauv paus Koom Txoos Catholic. Mus pom lub tuam tsev teev Ntuj LN.Pob Zeb, nyob Vas Tis Kaas mas ua tau zoo nkauj, loj thiab zoo txaus qhuas kawg. Yog lub Pob Zeb uas HT.Yes Xus txuav plig rau nws thiab foom hmoov zoo rau nws tias HT.Yes Xus yuav tsa NWS lub Koom Txoos rau saum lub pob zeb ntawd. Zaum no yog tiag, Koom Txoos laub hauv paus yog tsa rau saum LN.Pob Zeb lub ntxa.

Thaum mus txog ntua ntawm Hauv Paus xav Lus Pob Zeb thiab Hauv paus xa Lus Paj Lug ob lub ntxa mas yus mloog li yus twb pom kiag nkawd lawm. Zoo li muab lub caij nyoog tig rov mus txog ntua nkawd lub sawm fem.

Muaj neeg mus xyuas coob kawg nkaus, ib hnub no muaj txog ntawm 20.000 leej neeg mus xyuas. Wb mus nyob tau 4 hnub, vij los yog pom txhua yam nyob lub nroog Los Mas.

Wb yuav ntawv nkag hauv cab sab, hauv cov site officiel (ceev faj tsam raug dag) ces wb tsis tau ua ko tw yuav pib nkag li, wb thiaj li tau xyuas ntau yam.







Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Maiv Tooj lub tsev ua si

Post  Maiv Tooj on 16th August 2014, 9:29 pm


TSEV TEEV NTUJ LN.POB ZEB, VAS TIS KAAS.






Cov ncej zeb ncig vaj loog Pob Zeb.



Ncej zeb ntawm tuam tsev teev Ntuj LN.Pob Zeb, lub tuam tsev teev Ntuj loj kawg nkaus li.
Yus mus sawv ntawd mas yus twb tsis txij cov hauv paus ncej xiab.






Tuaj pem qhov rooj ntsia mus rau nram tshav puam.





Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Maiv Tooj lub tsev ua si

Post  Maiv Tooj on 17th August 2014, 10:35 am


Cov neeg tos yuav nkag mus saib Tuam tsev teev Ntuj LN.Pob Zeb.













Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Maiv Tooj lub tsev ua si

Post  Maiv Tooj on 17th August 2014, 10:46 am


Sab hauv tsev teev Ntuj LN.Pob Zeb.



Ntawm taw rooj.



Tuaj nram qhov rooj ntsia mus rau pem thaj txi Ntuj.



Tuaj hauv ntsia mus rau saum lub yeem tsev.



Hauv paus xa Lus Pob Zeb lub ntxa nyob kiag hauv qab thaj txiv Ntuj.





Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Maiv Tooj lub tsev ua si

Post  Maiv Tooj on 17th August 2014, 11:05 am



Tuam tsev teev Ntuj Hauv Paus xa Lus Paj Lug.


Tuam tsev teev Ntuj Hauv paus xa Lus Paj Lug ua tau loj thiab zoo nkauj heev, muaj tag nrho cov vaj qhia li duab txij thaum LN.Pob Zeb ua ntu zus los txog niaj hnub no.



Sab pemqhov rooj nkag



Sab nram qab tsi taug.





Hauv plag tsev, ntawm cov yeej yeem kheej ntawd yog tsoom vaj qhia cov duab



Ntawm ob sab mom kaum






Hauv paus xa lus Paj Lug lub ntxa




Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Maiv Tooj lub tsev ua si

Post  Maiv Tooj on 13th March 2015, 10:02 am

MUS XYUAS LN.POB ZEB THIAB PAJ LUG NKAWD TEJ HNEEV TES HNEEV TAW.



Tsav puam LN.Pob Zeb.


Ib zaug hauv txoj npau suav uas tau mus tsuj Hauv Paus Xas Lus Pob Zeb thiab Paj Lug tej hneev taw. Thaum tsaus ntuj, huab cua txias zias tab sis cov pob zeb pua tseem sov sov, lub ntuj muaj hnub qub nrog rau lub hli nra, mus zaum ntawm tshav puam St.Pierre teev Saw Mab Liab ua rau lub kua muag poob txog Pob Zeb thiab Paj Lug txoj kev txom nyem.

Nkawd ob leeg raug tua tib lub caij. yog thaum lawv hiam tias Pob Zeb thiab Paj Lug nkawd nrog tsoom ntseeg nyob Rome hlawv Rome kub nyhiab; tab sis qhov tseeb tiag ces twb yog Vaj Txheeb Néron ua tus hlawv khoog Romr uas cov neeg pluag nyob kom nws tau chaw los txhim tej yam uas yuav coj los khav nws lub hwj chim xwb. Koog Rome uas cov neeg pluag nyob feem ntau yog cov neeg ntseeg; vim lub zwj ceeb ntawd cov neeg ntseeg Ntuj tsis tau muaj kev ywj pheej ces lawv yog ciaj cev qhev ntau xwb.

Thaum Pob Zeb paub tias lawv yuav ntes Pob Zeb, nws khiav tawm hauv Rome mus tab sis nws mus ntsib ib tug yawg, nws nug tias: "Huab Tais, koj mus dab tsi?" Ces tus yawg ntawd teb Pob Zeb tias: "kuv yuav rov mus tuag zaum ob ntxiv." Thaum ntawd Pob Zeb paub tias yog Huab Tais Yes Xus lawm ces nws thiaj li rov qab los rau cov Los Mas ntes nws. Lawv muab nws txiav txim tuav saum ntoo cuam; tab sis nws hais rau lawv tias HT.Yes Xus twb yog tuag saum ntoo cuam thiab, yog yuav muab nws tua li Yes Xus ces nws tsis tsim nyog tuag li Yes Xus cia kom lawv muab nws ntsia taub hauv tuaj hauv no ces lawv thiaj muab nws ntsi taub hauv tuaj hauv qab. Ntawm Hauv Paus Xa Lus Paj Lug mas yog lawv muab nws txiav ua tej yav tuag.



LN.Paj Lug lub ntxa thiab lub Tuam tsev teev Ntuj.




Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Maiv Tooj lub tsev ua si

Post  Maiv Tooj on 10th May 2015, 10:43 am


MUS KO TAW 16 KM.

Hnub tim 06-04-2015 yog lub caij Ntuj Tshiab nyuam qhuav tawm, tej nplooj ntoos pib hlav, hnub no tshav ntuj ces muaj neeg tawm ziab tshav thiab ua si coob hauj sim vim sawv daws nyob ib xyoos Ntuj tsaug ces xav xav tawm ziab tshav thiab haus cua ua si.

Kuv los kuj tawm mus taug kev ib lub vaj paj mus rau ib lub, hnub no kuv tau mus 16 km ko taw.











Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Maiv Tooj lub tsev ua si

Post  Maiv Tooj on 10th May 2015, 10:57 am


Mus ko taw 10 km.



Tim 22-04-2015, hnub no yog lub caij me nyuam so ntawv, kuv tus ntxhais nkauj ntxawm wb mus taug kev dua; wb mus ncig lub vaj paj thiab taug kev tag nrho yog 10 km.

Thaum rov qab wb nkees ces wb caij tsheb tshwb liag rov qab los tsev lawm.
















Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Maiv Tooj lub tsev ua si

Post  Maiv Tooj on 10th May 2015, 11:09 am



MUS KO TAW 26 KM

Hnub tim 09-05-2015, kuv leej nkawm wb mus taug kev hla ob peb lub vaj ntoo chaw ua si.
Pib ntawm Parc de Gerland, mus rau Parc de la Tête d'Or, Cité International, Parc de la Feyssine, Le Grand Large, mus hla tus dej Rhône, nkag rau Parc Miribel Jonag sab pem ub los rau nram qab.
Mus tag nrho 26 km ko taw. Siv 9 teev tag nrho lub caij noj sus thiab cov caij so tib si.


















Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Maiv Tooj lub tsev ua si

Post  Maiv Tooj on 10th May 2015, 7:19 pm


Mus koom kwv tij Los Tsuas Catholic Noj Peb Caug.

Hnub tim 19-04-2015, ib tug phooj ywg nrog kuv mus koom tsoom kwv tij los tsuas ntseeg nyob lub xeev Grenoble Noj Peb Caug. Lawv ua tau ntau yam zoo, ntxim yuav xyaum los rau Peb Tsev Hmoob ntseeg. Lawv muaj coob leej txawj hu nkauj zoo heev thiab paub coj hu nkauj tau zoo kawg, tseem muaj kev sib koom siab nqa cuaj phaj yim ntim tuaj koom noj ib pluag ua ke. Kuv xav sab lawv cov zaub mov, kuv daus ib yam ib dia saj tab sis noj ib sab rooj dhau nrab xwb ces noj tsis taus ntxiv lawm. Tau 30 xyoo nkaus uas kuv ncaim lawv, mus txog pom txheej me nyuam twb laus tshaj txheej niam txheej txiv thaum kuv ncaim lawv, tsis pom txheej niam txheej txiv tag lawm; kuj tu siab kawg thiab.








Cas hnub no duab tsis tshwm lawm, cia seb puas tshwm lauj!




Mim
Tswv Cuab Hmong Catholique
Tswv Cuab Hmong Catholique

Messages : 1650
Date d'inscription : 2009-10-16

Re: Maiv Tooj lub tsev ua si

Post  Mim on 12th May 2015, 6:42 am

Tshwm kawg mas, tiam sis ob daig nram qab no tshwm tav toj lawm es yuav tau qaij taub hau thiaj li pom me ntsis xwb os.

Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Maiv Tooj lub tsev ua si

Post  Maiv Tooj on 22nd May 2016, 11:32 am



Mus teev Ntuj nyob Notre Dame d'Aiguebelle.


Hnub tim 22-05-2016 no peb ib pab muaj 15 leeg peb tau mus teev Ntuj rau lub tsev twj cuab Notre Dame d'Aiguebelle uas yog cov moines cisterciennes lub tsev, lawv txhim xyoo 1137. Cov txiv twj cuab lub Koom Haum LN.npes Nes Div nov lawv teev Ntuj ntau heev thiab lawv cog tshuaj ntsuab los ua dej qab zb, ua tshuaj ntsuab, cawv, tshuaj tsw qab muag. Lawv nyob taw rau lawv lub tsev nov tsis tawm sab nraud li.












Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Maiv Tooj lub tsev ua si

Post  Maiv Tooj on 22nd May 2016, 11:12 pm

Yog muaj ib tug hluas uas nrog peb pab teev Ntuj ua ke mus ua txiv twj cuab rau hauv lub Abbaye nov lawm es peb mus xyuas nws thiab mus xyuas lawv lub tsev xwb. Peb tsuas teev Ntuj ua ke xwb, peb tsis sib nug, paub txog ib tug lub neej; tab sis peb mus xyuas nws mas kuj ua rau nws kua muag poob thiab. Vim thaum nws txiav txim siab mus hauv lawm ces nws xav tias ntshe nws yuav tsis pom peb sawv daws lub ntsej muag ib zaug ntxiv lawm no. Lawv yog lub Koom Haum Txiv Twj Cuab Saint Benoit (Benedic) uas txoj cai nruj heev. Li ntawd lub txiaj los yog tus ntoo cuam St. Benoit thiaj li yog ib qho muaj hwj huam heev los thaiv dab phem thiab tej dab qus tej. Saint Benoit yog ib tug Leej Nrtshiab puag thaum 490-543, tab sis nws cov txiaj mas tsoom ntseeg siv heev los txog niaj hnub no. Tshwj xeeb lub neej thaum ub uas tseem muaj hav zoov hav tsuag ntau uas neeg ua neej xyaw dab xyaw tsov mas lawv coj lub txiaj los tus ntoo cuam LN.Benoit ua luag nkaus xwb. Yog xav mus so hauv lawv tsev nov kuj tau, tsis kim heev. Ib tug neeg, pw ib hmos, noj ob pluag mov loi thiab ib pluag kas fes sawv ntxov yog 38€ xwb. Vaj tsev, noj yeej zoo tib yam li nyob hauv tsev ntiav. Tseem muaj chaws ncig ua si ntau heev hauv hav zoov, thiab chaw Sau Siab los yog nrog lawv teev Ntuj ntau zaus hauv ib hnub. Kuj tseem tshuav ntau lub tsev Phauj (couvents)  los yog Tsev Txiv Twj Cuab (Monastère) zoo nkauj heev nyob ib ncig tsis deb tsis ze thiab yog tias xav mus. Xws li:

http://lieux-de-retraite.croire.com/lieu/148-prieure-de-l-emmanuel.html




Mim
Tswv Cuab Hmong Catholique
Tswv Cuab Hmong Catholique

Messages : 1650
Date d'inscription : 2009-10-16

Re: Maiv Tooj lub tsev ua si

Post  Mim on 23rd May 2016, 8:28 am

Tais Tooj,

Koj hais li ntawd, puas yog tias peb muaj ib tug tub Hmoob mus nyob ua txiv twj cuab ntawd thiab? Yog muaj li ntawd kuj zoo kawg li. Mus ua txiv twj cuab, mus ua leej phauj twj cuab los yeej nyuaj ib yam, vim tsis tau kev mus ua ywj siab, tsis pom yus tej txheeb ze li. Qhov no yog ib qho "sacrifice" uas tus neeg ntawd yuav muab fij rau Tswv Ntuj pab nws tus kheej thiab pab rau nws cov neeg thiab pab rau lub ntiaj teb neeg tib si. Peb yuav tau thov ntuj pab tus tub ntawd kom nws txhob qaug zog, kom nws ua tau txiv twj cuab mus txog hnub kawg.

Huab Tais Yes Xus, koj hais tias tus lawv koj qab, nws yuav tsum kwv nws ntoo cuam. Yog li thov koj txhawb zog thiab txhawj dej siab dej ntsws rau tus txiv twj cuam ntawd kom nws nyob ruaj nreb hauv txoj kev nyiam koj thiab caum koj qab.


Last edited by Mim on 24th May 2016, 6:34 am; edited 1 time in total

Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Maiv Tooj lub tsev ua si

Post  Maiv Tooj on 23rd May 2016, 9:28 am



Nyob zoo Mim,

Tus hluas ntawd tsis yog hmoob os, yog neeg Camrounais.
Peb cov Hmoob mas tej zaud tseem yuav tshuav caij nyoog me ntsis ntxiv thiaj li yuav txog rau cov mus ua phauj thiab txiv twj cuab. Yeej nco ntsoov thov Ntuj kom Tswv Ntuj hu peb cov hluas Hmoob coob leej los leg NWS txoj hauj lwm.
Kuv mus, kuv ntsib 3 leej Phauj tuaj Suav Tuam Tshoj teb tuaj kawm Ntawv Ntshiab (théologie), lawv yog lub Koom Haum Bénédictines. Lawv yog cov ntseeg nyob qab tiv av (Chrétiens souterrain), mas kuj nrog lawv tu siab kawg thiab. Vim niaj hnub no los lawv yeej nyob tuav plig rawv xwb.




Mim
Tswv Cuab Hmong Catholique
Tswv Cuab Hmong Catholique

Messages : 1650
Date d'inscription : 2009-10-16

Re: Maiv Tooj lub tsev ua si

Post  Mim on 24th May 2016, 6:36 am

Tais Tooj,

Kuv to taub yuam kev me ntsis lawm los tsis ua cas. Txawm tias tsis yog peb ib tug Hmoob los peb yuav tau txhawb nws dag zog thiab thov ntuj rau nws ib yam thiab.

Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Maiv Tooj lub tsev ua si

Post  Maiv Tooj on 19th July 2016, 9:58 am


Mus tsham teb chaws Roumanie

Hnub tim 13-14 /07/ 2016, kuv leej nkawm wb tau mus tsham lub teb chaws Roumanie lu tuam ceeb Bucarest. Yog ib lub teb chaws qub heev, muaj teeg tug ntau yam zoo. Tab sis poob ua koom tsha tau 47 xyoo, xyoo 1990 lub ntsa laj kab Berlin poob, tsoom pej xeem tawm tsam thiaj rov tau lub teb chaws los rau kev tswj hwm ywj peej. Lub sij hawm ua koom tsha, ua rau lub teb chaws puag tsuaj ntau heev. Tab sis cov teb chaws Europe thiab ntiaj teb ywj pheej kuj tau pab tsa lub teb chaws, tsim kho txhua fab. 25 xyoos xwb, lawv lub teb chaws twb caum cuag cov teb chaws vam meej sab Europe Xib Fab ( hnub poob) lawm.
Lawv yog ib haiv neeg leem cai heev, lawv coj tus thiab nyiam huv kawg. Sawv daws leem cai, ua rau tsoom neeg nyob kaj siab lug, nyob thaj yeeb, tsis npau taws, tsis maj, tsis sib cav sib ceg. Ib tug hwm ib tug, hwm txoj cai. Yus mus xyuasn lawv ib pliag xwb ua rau yus lub siab kaj lug, vim pom tsoom neeg nyob thaj yeeb, coj yam ntxwv thaj yeeb. Kuv ntsia ntsia lawv, ua rau kuv xav txog zaj "Peb Txiv" lo lus hais tias: "kom muaj raws li KOJ nyiam nyob ntiaj teb no li nyob saum Ntuj." Qhov nov txhais tau tias lawv tsoom neeg coj tus yam ntxwv zoo kom lawv tau nyob zoo hauv lub ntiaj teb no li nyob saum Ntuj, li uas Tswv Ntuj nyiam.

1-

2-

Lub hotel uas wb pw yog lub tsev qes zog nram qab. Muaj pas dej da, muaj chaw zuaj ib ce, muaj dab dej npau, thiab ntau yam zoo.

3-

Bucarest cov tsev hauj lwm thaum ua koom tsha.

4-

Thaum tau lub nroog ces cov xov taws xob yeej cab cuag li qhov nov, yog tsoom teb chaws ywj pheej mus pab kho. Cov tsev zoo li nov tshuav lub puav xwb, tsis ntev saum no ces ntshe yuav t(shuav duab los ua dab neeg hais lawm xwb lauj.

5-

Cov qub nom muab tej koog tsev zoo nkauj tsoo, lawv ua tej cov tsev siab thiab zoo sib xws li no rau tsoom pej xeem nyob. Cov tsev siab li 11 mus rau 17 theem tsev. – à Bucarest.

6-

Yawg Txoov Tim Tswv Nicolae Ceaușescu muab ib koog tsev laij los ua nws lub tuam vaj loog. Lub vaj loog no yog ib lub tsev uas loj thib 2 nyob hauv ntiaj teb, tom qab As Mes Liv Kas lub Pentangole. Lub cheeb vaj loog saum npoo av yog 60.000 m2, tag nrho cov chav nyob yog 350.000m2, muaj 1.000 chav pw thiab 400 chav nyob nrog rau ob peb cha loj txaus ntim 1.000 leej neeg zaum. siab 87 m. Muaj tej chav mas qhov siab siab txog 19 m siab. Cov neeg uas tau nqes tes ua lub tuam vaj loog nov muaj thaj 1.000.000 leej neeg, cov tub zog ua ntawm chaw yog 20.000 leej, tej thaum yawg tuam tim tswv xav kom lawv ua kom tag sai kuj muaj txog 80.000 leej tuaj txhim lub tsev nov. Teb chaws koom tsha ces ua hauj lwm tsis muaj nqe zog, tsis muaj yug mov...Txoj kev ntawm qhov rooj, tau rhuav ib lub tsev kho mob thiab ib cov tsev los ua txoj kev nov kom thaum yawg tuam tim tswv tawm ntawm sam thiaj tuaj fim tsoom pej xeem, kom sawv daws tau tuaj sawv npluaj teg qhuas yawg.

7-

8-

9-

10-

11-

12-

13-

14-

Hauv plawv nroog, cov tsev qub zoo nkauj nov tshuav tsawg tsawg lub lawm xwb. Raug rhuav tag lawm.

15-

Hauv plawv nroog qub mas yog restaurant txhua txoj kev.

16-

Caij tsheb tshwb liag (métro). Yuav ib daim pib 1,30€ kav ib xyoos.

17-

cov Roms, Gitans, Tsiganes lub zos. Lawv yog ib haiv neeg me hauv Roumanie, lawv tsis nyiam ua hauj lwm, lawv tes muaj ntsis ua nqe lauj mas ua rau lub teb chaws tsis tshua nyiam lawv pes tsawg. Lawv tuaj mus thov khawv rau sab Europe Xib Fab tag lawm, tseg lub zos nyob quas cia.

18-

19-

Tsev teev Ntuj Ortodox. Lawv cov tsev teev Ntuj mas tsis ua tej lub loj loj li cov Catholique cov, lawv ua tej lub me me, tab sis hauv mas ua zoo nkauj heev.

20-

21-

22-

23-

Lub vaj loog Peles, zoo nkauj heev sab hauv. Tab sis wb tsis tau yuav them nqe yees duab ces wb tsis tau duab.

24-

25-

Draculas lub vaj loog " le château de Bran (château de Draculas)", sab puas roob.

26-

27-

Draculas lub château sab pob tsuas




Sponsored content

Re: Maiv Tooj lub tsev ua si

Post  Sponsored content Today at 9:02 pm

  • Post new topic

Current date/time is 10th December 2016, 9:02 pm