Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM NRUAB LIS PIAM XYOO I 2016-2017
by Mim Today at 6:17 am

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


  • Post new topic

Maiv Tooj lub tsev ua si

Share

Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Maiv Tooj lub tsev ua si

Post  Maiv Tooj on 12th April 2010, 4:05 am



Nyob zoo cov phooj ywg,

Kuv tau tso luv Hlwb Hlaus tseg tau ob peb hnub, tsis yog kuv qaug ntub, tab sis yog kuv mus ua mab dub.
Kuv tseg lub Hlwb Hlaus tau ib ntus, tsis yog kuv khiav mus, yog kuv mus ua mab qus...Lawm xwb.

Hnub no kuv yuav tham kuv kev tawm rooj zaum nov me me rau nej cov nyob deb pom thiab paub txog peb kev mus so, tej hnub uas yus tsis ua hauj lwm lawm. Peb nyob teb chaws muaj toob xib txhiam xwm ntau, peb kev khwv kuj ntau. Li ntawd hnub peb khwv ces peb khwv raws caij, raws hnub, nkees nquag los yuav tau mus, tau ua. Vim txoj hauj lwm tuav yus, txawm yus yog yus tus tswv kiag los yus yuav niaj hnub so tsis tau ib yam nkaus uas yus mus ua hauj lwm rau luag. Li ntawd hnub twg muaj so ib ob hnub ces feem ntau peb tawm rooj mus tsham teb ncig chaws...Lub Week end dhau los nov, yog 30 xyoo uas kuv leej nkawm wb tau los sau ua neej ua ke...Kuj yog ib lub fwv tsam zoo uas muaj ib tug ntxhais kwv, txawj xav tau pub ib lub Week end rau wb tawm rooj. Nws muas tau, nws cia wb mam xaiv qhov wb xav mus, yog mus thoob plaws Fab Kis teb qhov twg los tau...Ces wb xaiv qhov uas wb tsis tau pom thiab mus dua...Yog mus pw ib hmo hauv ib lub tsev ntaub (Yourte) Mongole nyob hauv plawv zoov...Kuv ua tus ntxhais kwv nov tsaug rau nws kev txawj xav...


1

Toj siab teb chaws Fab Kis,
Thaum ub lub cheeb tsam Ardèche nov qhuav thiab toj roob hauv tsua xwb,
ua tsis tau noj. Cov neeg nyob lub teb chaws nov noj nceb thiab txiv ntseeg yug siav xwb.
Cov neeg tuaj Paris tuaj saib lawv li saib ib cov tsiaj.
Tab sis tam sim nov, yog lub Xeev uas muaj neeg tuaj tsham, tuaj so coob tshaj plaws.
Vim lawv muaj toj roob hauv pes zoo nkauj thiab muaj hav zoo ntau.


2


3


4
Dej tsaws tsag ntawm roob Ntoo Cuam, tuaj db yees duab xwb, tsis tau mus ze, zoo li zoo nkauj heev no.


5

Aub! Lub roob tid ntseg heev, yog nce nto no ntshe yuav nyob ze ntuj heev...


6

Nce txog ib nta xwb, mus tsis tau lawm as...


7

Txog siav heev...So ib pliag tso...


8

Nyob siab tshaj lwm qhov li lawm...ze ze ntuj lawm tiag...


_________________________________________________________________________________________


9

Caij tsheb ib hnub, yog yuav tuaj pw hauv lub tsev nov...


10


11


12

Yuav mus noj hmo tom zos, nqa teeb mus ib ntsis thiaj pom kev los...


___________________________________________________

13

Tsev vov nqeeb


14

Tsev vov vuas pob zeb


____________________________________________________

15


16

Lub zos Bourée,
Thaum ub neeg nyob coob heev,
neeg nyob dhau ntawm qhov chaw sawv yees duab thoob plaws rau tim zos,
mus txog ntua qab taw tsua.
Zaum no tshua 30 tus pej xeem nyob lub zos lawm xwb.


17

Txhim thawm lub tsev teev Ntuj xyoo 1300 tawm, rov kho dua thaum 1800 tawm. Lub tsev teev Ntuj loj heev, muaj ib tug mlom Mab Liab dub, uas muaj txiaj ntsim heev. Niaj Xyoo tim 15 lub 8 hli, nquam paj nquam nruas kwv nrog ncig zos. Tag nrho Fab Kis teb tsuas muaj tib lub tsev teev Ntuj nov xwb uas thiaj muaj ob tug Tswv Qhia Liab tshwm sim los. Tab sis zaum no, yuav cia li muab tso tseg zuj zus mus. Xav txog cov neeg thaum ub xuas tes txaug pob zeb, xuas nraub qaum ev thiab kwv pob zeb los txhim. Lawv yuav muab ntau caum xyoo, los pua xyoo los txhim thiaj tau. Es yuav tag lawm pes tsawg tiam neeg lub zog los siv, los lwv. Cas zaum no, neeg saib nyiaj txiag, kev ua si hlob, yuav muab tej txiaj ntsim cov neeg zoo thaum ub tso puas tsus tseg...



_____________________________________________________________

18

2000 xyoo nram ntej, lub teb chaws nov yog haiv neeg Celte nyob,
Qhov nov yog lawv qhov chaw tua neeg txiv ntuj.


_______________________________________________________________


19

Saum ncov roob muaj ib lub Pob zeb khoob, haiv neeg Celte qhov chaw teev hawm, zaum nov lawv ua ib lub tsev teev Ntuj rau saud.


20


21


22


23




25




Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1634
Date d'inscription : 2009-08-17

Re: Maiv Tooj lub tsev ua si

Post  Maiv Paj Lug on 12th April 2010, 9:30 am


Hob!!! wowowow!.......oiiiib cas neb yuav mus ua si kaj siab lug li naj niamlaus Maiv Tooj awj! hob yoooo ua rau kuv tsis xav nyob hauv tsev kiag li lawm thiab os ....Maiv Tooj aw! cas lub tsev ntaub ntawv yuav ntxim twm zeej ua luaj es puas tau luag mus pw thaum tsaus ntuj lawm thiab naj?.........hahaha! ntxim li romantic kawg li tab sis yog tsis muaj neeg pw ib ncig no ntshe yuav xob plaub me ntsis poj los?.......mmmm yog muaj tus hlub nrog ua ke lawm no nyaj yuav sib zog khawm nws pw thiaj tau luag. Hauv lub tsev ntaub kuj zoo nkauj kawg li lawm thiab mas.

Ua tsaug rau koj cov duab nawb, chaw nuam yaj kawg nkaus li lawm thiab os, koj mas muaj hmoo tau mus ua si ntau qhov chaw, cia seb txog lub caij vacation kuv puas tau mus ua si li koj thiab xwb laub? kuv nyiam mus ncig tej chaw nuam yaj kho siab khuav li no thiab xwb tiag. Merçi rau koj cov duab nawb, zoo nkauj kawg li lawm os.

Maivxis
Phooj Ywg
Phooj Ywg

Messages : 267
Date d'inscription : 2009-11-05

Re: Maiv Tooj lub tsev ua si

Post  Maivxis on 13th April 2010, 1:09 am



Nyob zoo os MT .

Wow !! MT aw !! ua li cas koj yuav mus lom zem ua luaj li os , kuj zoo nkauj kawg li os yuad ! Es ua li puas muaj neeg tuaj nrog neb nyob ib cheeb tsam ntawm ko thiab na lod , ua li cas kuv saib ma zoo li neb ntsuag no ua luaj li na , Li cas los thov kom lom lom zem os mog
Zoo siab rau neb hnub 30 xyoo Kev sib hlub os mog Kuv tus me nus thiab tus me nyob siab zoo , Thov kom neb xav tau ab tsi los kom raws neb lub siab xav thiab siab ntshaw nawb mog ,
Oh !! cov phooj ywg thov kom peb sawv daws sib sib hlub es kom lwm zaus no ces hos yog peb cov nyob hauv no ib tug twg nawb mog yuav tsum muaj ib leeg ib thib os nawb , Vim peb tsuas ntshaw txoj kev hlub nkaus li xwb na puas yog ma !
MT , thov kom mus zoo es hos rov qab los tsev zoo os mog Peb tseem tos koj os .MT .

Maivxis .

Npuagtub
Tswv Cuab Hmong Catholique
Tswv Cuab Hmong Catholique

Messages : 1164
Date d'inscription : 2009-08-16
Age : 51
Localisation : Fresno, California, USA.

Re: Maiv Tooj lub tsev ua si

Post  Npuagtub on 13th April 2010, 1:47 am

Sister Mt,

Wow.....! Cas nws yuav mus txog tej thaj chaw nyob zoo li tsis muaj neeg li lawm los tsis sub.? Yog li MX. hais lawm tiag kuv ntsia mas zoo li nws muaj ntsis ntsuag no es puas yog ne.? Tej zaum ntshai yog no no xwb vim zoo li roob siab siab heev li thiab pom muaj daus dawb vog tim tej roob. Nws mus puas txog saum lub roob muaj 3 tug ntoo cuam os ?
Mt, nws muaj hmoo zoo kawg nws tus ntxhais kwv thiaj muaj lub siab dawb coj nws mus xyuas tej lub zos muaj koob zoo tseem chaw.
Nws yeej muaj txoj hmoo zoo heev, nws me ntxhais kwv thiaj muaj lub siab zoo sam xeeb coj nws mus xyuas tej zej zog muaj npe nto koob meej. Ua tsaug rau nws cov duab os nawv.



Photobucket

Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Maiv Tooj lub tsev ua si

Post  Maiv Tooj on 13th April 2010, 4:55 am



Nyob zoo Maypajlug, Maiv Xis thiab XH. Npuag Tub,

Peb mus coob thiab tab sis nyias pw nyias ib lub tsev rau ib thaj hav zoov...Hahaha...Thaum tsaus ntuj mas txaus ntshai thiab, vim tsaus ntuj dub nciab tsis pom kev li...Hahhahah...Thaum noj hmo tag, nyob ua si txog 11h ib tag hmo, rov los mas rhiab pob tw, mam nco txog lub neej thaum ub yug tsis tau luag...

XH. Npuag Tub,

yog wb tus ntxhais kwv yuav pib rau wb mus xwb, nws tsis nrog wb mus os.
Wb tsis tau mus nce lub roob muaj Ntoo Cuam, yog tau mus mas ntshe yuav muaj ib zaj dab neeg los hais thiab.

Maypajlug,
Yeej lom zem thiab kaj siab kawg li, wb mus pw chambre hôte xwb mas cov neeg kuj coj tau ntxim nyiam thiab lom zem kawg. Zaub mov kuj qab, kev txais tos kuj zoo heev. Kuv nyiam Chambre Hôte dua Hotel...Hahahah...

Maiv Xis,

Ua tsaug ntau nawb mog, yeem lom zem heev li, mus ob hnub ib hmo xwb, tab sis mus ntau qhov heev ces zoo cuag li yus twb mus ntev ntev lawm. Lwm niaj lwm zaus peb mam sib yaum mus ua ke ib zaug nawb...






Yaj Suav Nus
Phooj Ywg
Phooj Ywg

Messages : 279
Date d'inscription : 2009-10-23

Re: Maiv Tooj lub tsev ua si

Post  Yaj Suav Nus on 13th April 2010, 5:43 am

Nyob zoo os tais Tooj,
Pom cov duab xwb zoo li twb tau nrog nej mus lawm, zoo siab heev.

Thov hais ib lo lus tso dag nawb ! ! !...
Vuag ! !... Cas kuv saib cov duab mas zoo li poj mab yawm suav muab zoo laj teem ntov tag, muab toj roob hauv pes noj tsuag tag, kuv tsis pom ib qho twg muaj hav zoov li ! tsuas pom zoo li muaj tej koog ntoo nyob qhov ub qhov no xwb !
Tam li kuv xav mas leej twg tsis muaj txij nkawm no txhob mus xyuas tej chaw zoo li no es thiaj xav nrog luag ua neej ! !

Y.Suav Nus

Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Maiv Tooj lub tsev ua si

Post  Maiv Tooj on 13th April 2010, 6:28 am



Nyob zoo txiv Suav Nus,

Tsis yog poj mab yawm suav muab zoov laj teem noj mus ciaj quav poj, yog ntuj nkiag teb qhuav toj roob zeb tuaj tsis taus nroj.
Tsis yog poj mab yawm suab muab zoov laj teem noj tu noob, yog lawm ntuj nqha teb nkig toj roob hauv pes thiaj tuaj tsis tau ib tsob ntoo.

Chim laj xeeb xaus xis daim nploog npleg, teb chaw no li xyoob ntoo ces yuav piv tsis tau teb chaws Nkws yas me me.






Mim
Tswv Cuab Hmong Catholique
Tswv Cuab Hmong Catholique

Messages : 1650
Date d'inscription : 2009-10-16

Re: Maiv Tooj lub tsev ua si

Post  Mim on 13th April 2010, 2:30 pm

Ua cas.......kuv tsis tau tuaj nrog tais Tooj mus nce toj roob qhua li, es nej sawv daws twb tuaj mus saib tag, nej nim sib tham lom zem xauv npo li mas... Kuv tuaj puag tom qab ces kuv tuaj mloog nej tham xwb lau!....

Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1634
Date d'inscription : 2009-08-17

Re: Maiv Tooj lub tsev ua si

Post  Maiv Paj Lug on 15th April 2010, 8:00 am

Mim wrote:Ua cas.......kuv tsis tau tuaj nrog tais Tooj mus nce toj roob qhua li, es nej sawv daws twb tuaj mus saib tag, nej nim sib tham lom zem xauv npo li mas... Kuv tuaj puag tom qab ces kuv tuaj mloog nej tham xwb lau!....

Mim aw!...koj pheej mus dab tsi ntev ntev tsis tuaj xauj peb li lawm ua rau peb nco nco koj kawg li na .....Niamlaus mim twb yog nco nco koj lam ua nyuj rau koj xwb os .......zoo siab ntsib koj hnub no nawb. Koj mus ntev ntev koj tsis tuaj ces zoo li peb tsis muaj niam li lawm sub . Los xyov koj yeej tuaj tuaj koj tab sis kuv pheej nco nco koj ces mloog zoo li tsis tshuam pom koj txaus xwb os


Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Maiv Tooj lub tsev ua si

Post  Maiv Tooj on 15th April 2010, 8:28 am


Nyob zoo Mim thiab Maypajlug,

Mim,

Nws khwv khwv es nws thiaj tuaj lig los peb twb zoo siab tshaj rau nws tes dej num li mog. Nws yog ib tug me niam tsev tshaj lij thoob tsib to nrog, ua dab tsi ua tau zoo log, tsim nyog kawg nkaus li. Nws yog ib tug neeg muaj txiaj ntsim heev, nws lub siab nplua nug tshaj plaws, kuv qhuas nws tag nrho. Tawm nws yuav tuaj lig los nws yeej yog tus ua ntej tshaj lawm. Lwm hnub yog nws rov tuaj fab Kis teb, tuaj xyuas kuv nawb mog, kuv yuav coj nws thiab Maypajlug mus caij plhuaj taub, kom rhiab rhiab qhov muag...qw ib suab, ib suab....Hahhaahah...!






Mim
Tswv Cuab Hmong Catholique
Tswv Cuab Hmong Catholique

Messages : 1650
Date d'inscription : 2009-10-16

Re: Maiv Tooj lub tsev ua si

Post  Mim on 15th April 2010, 1:53 pm

Maiv Paj Lug thiab Tais Tooj,

Kuv yeej tuaj tuaj kawg li thiab tiam sis qee zaum ces xyuas tsi txhua sawv daws xwb os. Tseg kiag li hnub puav xwb ces cas neeg txawm siv tuaj ua kev lwj ntsuav thiab twb tham muaj zaj kawg nkaus lawm xwb. Ua neb tsaug thiab os nawb, neb niaj hnub tuaj qhuas kuv thiab txhawb kuv zog os. Kuv los kuv tsuas ua tau me me xwb, kuv xav tias neb haj yam muaj peev xwm heev thiab ua tau ntau yam zoo heev li rau peb sawv daws os.

Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Maiv Tooj lub tsev ua si

Post  Maiv Tooj on 16th May 2010, 4:18 am


Tawm rooj, ncig tsham teb chaws


Hnub5 Yes Xus mus saum Ntuj,
Tim 13 lub 5 hlis 2010 (Jeudi de l'Assention)



Lus Kas Ntawv Moo Zoo:24:50-53.

Yes Xus nce mus saum ntuj.

50 Yes Xus coj lawv mus txog Npes Tas
Nias, ces nws tsa tes foom hmoov zoo rau
lawv.
51 Thaum nws tseem tab tom foom
hmoov zoo, mas nws txav ntawm lawv
mus. Ces Ntuj nqa nws mus saum ntuj.
52 Hos lawv, mas lawv txhos caug pe
Yes Xus. Lawv rov qab mus Yes Lus
Xas Les, lawv zoo siab tas nrho.
53 Lawv nyob hauv lub Tuam Tsev Teev
Ntuj tas mus li cav txog Tswv Ntuj.





Hnub5, Yes Xus mus saum Ntuj, yog ib hnub tshwj xeeb. Peb npaj siab yuav tawm rooj ib hnub ua ke. Npaj ntim su, peb mus teev Ntuj hauv Thawj lub Tsev teev Ntuj Fab Kis teb, Primatiale Saint Jean-Bâptiste nyob Lyon. Peb mus lub Mis Xas Loj (ntev 1h30 thiab hu nkauj ua lus Latin ntau). Teev Ntuj tag ces nce tsheb tawm rooj mus ncig hav zoo lauj...! Yuav mus haus cua hu ib pliag, yuav mus mloog kab noog quaj, saib me kab me kooj dhia, yuav mus tsuj av hniav ntxhiab nroj tsuag, yuav tseg lub Hlwb Hlau tsis nco qab xav txog ib hnub...

1/

2/

3/

4/

4bis/

5/

6/

Yog hav zoov tag ces peb los xyuas ib lub me nyuam zos txheej 1100 (Chatillon d'Alzergues, village Médiéval), uas tseem nyob zoo li txheej thaum ub, tej vaj tsev tseem zoo log tsis hloov.

7/

8/

9/

10/

Nce ntaiv pob zeb mus saum lub Vaj Loog zeb thiab lub Tsev Teev Ntuj nyob saum nco roob.

11/

12/

Lawv txhim lub Tsev Teev Ntuj rau saum lub pob tsuas.
Ces lawv cia li kav xyeem cov ntsis pob tsuas coj los ua lub Nkuaj Nyug uas me nyuam Yes Xus Yug los (Chrèche de Noël)

13/

14/

15/

16/

Lub Tsev teev Ntuj rov kho tau zoo log los ntawm txoj kev Ntseeg thiab lub txiaj ntsim ntawm Tswv Ntuj.
Lub Tsev teev Ntuj "Niam Mab Liab txoj kev Pab" nov txhim thaum xyoo 1000-1100 los txog rau lub sij hawm 1800, lub tsev teev Ntuj tau pob zab pob zuav. Xyoo 1853, yawg Claudius Lavergne nyob tom Lyon tus poj niam mob heev. Nws thiaj tau tuaj thov Ntuj ntawm lub tsev Teev Ntuj nov tias yog Tswv Ntuj pab nws poj niam rov zoo los, nws yuav tuaj kho thiab pleev kob rau lub tsev teev Ntuj kom zoo log rov qab. Ces nws thov tag, nws mus tsev nws poj niam zoo lawm.

Nws thiaj tuaj kos daim duab uas nej pom ntawm nov: Sab lauj rau xis:
1-Tus zaum rooj yog nws tus poj niam tseem sab sab,
2-Tus sawv ntsug quaj yog nws tus niam hluas txhawj txhawj tseem quaj pos muag nti,
3- Nws txiv yog tus hnav lub tsho tshaj sab xiav, puag nws tus tub tab tom hlawv tswm ciab rau Niam Mab Liab.
4-Nws tus ntxhais
5-Cov neeg zos thiab Txiv Plig...

Nws kos duab thoob plaws lub tsev, xwm yeem thiab zoo nkauj kawg nkaus. Twb yuav tau 200 xyoo, tab sis tseem tshiab cuag li nyuam qhuav kos tau no xwb. Pom tau tias yawg Claudius Lavergne muaj txoj kev ntseeg loj tiag tiag li thiaj yuav muab tau lub caij thiaj nyiaj txiag tuaj ua ib txoj hauj lwm zoo npaum li nov los rau Tswv Ntuj.

17/

Lub phaj dej Foom Hmoov Zoo nov sau ua lus Grec uas nyeem tau ob tog tib si hais tias:

" Ntxuav koj cov txhaum es tsis yog ntxuav koj qhov muag xwb"

18/

19/

20/

21/

22/




Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Maiv Tooj lub tsev ua si

Post  Maiv Tooj on 23rd August 2010, 10:57 am

Nyob zoo cov phooj ywg,

Ib xyoo ntuj zeeg los txog, nim tos tos lub caij so, tib pliag xwb twb dhau lawm os...
Ib xyoos ntuj so, nim vam ntsoos yuav tau so, ces hnub no tau mus so ob peb hnub lawm tiag lauj...

Maiv Paj Lug,

Xyoo no kuv tsis tau mus xyuas chaw xyuam yaj, vim kuv mus rau tiaj nrag teb tus lawm naj...
Xyoo nov kuv tsis tau mus nce roob, vim kuv mus rau ntug dej huav txwv sab hnub poob...

Zoo siab pom nws lus xa moo, ua rau peb txhua leej siab yuj plaws rau nws me duab tawm rooj
Ua tsaug rau nws duab xa xov, ua rau peb txhua leej lub siab yuj plaws nrog nws mus so...




Tawm rooj so xyoo 2010



Hnub Ib

1-

2-

3-

4-

5-

6-

7-


Last edited by Maiv Tooj on 31st March 2014, 9:16 am; edited 1 time in total




Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Maiv Tooj lub tsev ua si

Post  Maiv Tooj on 23rd August 2010, 10:58 am



Hnub ob


Hnub no tsis tau mus ua si, yog mus xyuas ib tug neeg tseem ceeb, nrog nws tham txog keeb kwm ntau yam...Kuv tsis tau nias duab nrog nws, vim nws muaj tau yam tham rau kuv mloog ces kuv muab ob daim duab nov rai nej saib xwb...

1-

Khej Me,...1962 los 1965?

2-

Huab Xev, Sayaboury, Nplog teb 1964. Thaum mus teev Ntuj tag.

Tom hauv ntej lauj rau xis:

1- Tsom Thoj,
2-Nyiaj Teem Yaj,
3-Ntaj Yaj (Paj Lis),
4-Yaj txhiaj,
5-Suav Nus yaj,
6-Tswv Kaus Xyooj,
7-Txoov Neeb Thoj,
8-Ntsuab Riam Yaj,
9-Nkaj Nus Yaj,
10-Paj Nus Yaj,
11- Nkias Teeb yaj,
12-Ntxhoo Lug Thoj,
13-...?
14-...?

Nraum nraub qaum:

1-...?
2-...?
3-...?
4-...?
5-...?
6-Mos Yaj (Zam Muas),
7- Maim Thoj(Niam Faiv Ntxhos)
8-Kab Yeeb yaj(niam Tswv Lauj)
9-Xw Yaj(niam Vaj Thaiv Thoj)
10-Paj Yaj(niam Qhua Xab)
11-Zuag Vaj(niam Ntxoov Kim Yaj)
12-Qawm Yaj(Tsuj Xyooj)
13- ...?
14-Maib Thoj(niam Liaj Tsheem)
15-See Thoj(niam Tswv Nkaub)
16-Tshaus Thoj(niam Nkaj Teev)
17-Paj Xyooj.

Ob tug Xib Hwb: 1-Thoj Tshw Hwj, 2-Nom Yeeb tsab




Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Maiv Tooj lub tsev ua si

Post  Maiv Tooj on 23rd August 2010, 10:59 am



Hnub Peb

1-

2-

3-

4-


5-

Hnub no no no li, da tsis taus dej ces tos dej nqeg mus khaws piag deg thiab xuas raub ris xwb lauj...

6-

Xua rauj thiab txhaum txaug cov piag dej Huître los ntawm zeb,


7-

Txaug tau tawm los, yuav dawj, qheb kom tau ib sab piag deg...

8-


9-

10-

Plias ib nplia txiv qaub...

11-

Qheb tau lub piag deg...

12-

Nyem ib qho kua txiv qaub rau hauv lub piag deg...

13-

Xuas diav kaus kom plam...

14-

Ces...noj npuav lum...

15-

Xuas tau ob peb tug raub ris thiab...





Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1634
Date d'inscription : 2009-08-17

Re: Maiv Tooj lub tsev ua si

Post  Maiv Paj Lug on 23rd August 2010, 11:21 am

Nyob zoo Maiv Tooj, koj tseem xub los txog tsev dua kuv los?

Hehehe! wb nyias mus nyias ib qho lawm, koj ho nce tuaj rau yav qaum teb kuv ho nqis mus rau yav qab teb, koj los hla kuv zos, kuv ho tuaj hla koj lub zos lawm thiab tiag , koj cov duab zoo nkauj heev li, ua rau kuv tseem nco txog Bretagne chaw da dej hiav txwv.

Thaum kuv los txog ntawm koj lub zos mas kuv nco koj kawg xav los xyuas koj kawg tab sis koj ho tuaj rau yav pem kuv lawm :;(

Kuv mus xyuas Saint Curé d'Ars los txog ntawm koj ntug zos ces lam nyem thaj duab no qhia koj tias kuv tuaj txog ntawm koj ib pliag lawm thiab o)





<3 <3 Pab kuv rov los cuag koj Huab Tais Yesxus <3 <3

Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Maiv Tooj lub tsev ua si

Post  Maiv Tooj on 24th August 2010, 2:21 am



Nyob zoo Maiv Paj Lug,

Wow...! Cas nws yuav hla kiag ntawm kuv lub taw rooj los kuv twb tsis hu nws los tsev ib pliag thiab lauj...! Yuad! Xyoo no wb sib hloov kev lawm cia xab niaj lwm xyoo wb mam rov teem caij dua seb puas muaj caij mus ib qho ua ke nawb...Tseem tshuav ntau qhov chaw heev uas peb tsis tau mus saib.

Ua tsaug nws daim duab, niaj hnub pom zoo li tsis zoo dab tsi, tab sis nws nias tau duab tso mas cas kuv lub zos kuj zoo nkauj heev thiab...hahahah...!




Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Maiv Tooj lub tsev ua si

Post  Maiv Tooj on 24th August 2010, 9:57 am


Hnub Plaub

1-

2-

3-




Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Maiv Tooj lub tsev ua si

Post  Maiv Tooj on 24th August 2010, 10:00 am



Hnub Tsib

1-

2-

3-




Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Maiv Tooj lub tsev ua si

Post  Maiv Tooj on 24th August 2010, 10:05 am


Hnub Rau

1-

2-

3-

4-

5-






Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Maiv Tooj lub tsev ua si

Post  Maiv Tooj on 24th August 2010, 10:10 am



Hnub Xya

1-

2-

3-

4-




Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Maiv Tooj lub tsev ua si

Post  Maiv Tooj on 24th August 2010, 10:31 am

Hnub yim



Hnub no peb los ze Nevers ces peb mus xyuas Leej Ntshiab Bernadette uas nws tau pom xyeem Niam Mab Liab tshwm sim nyob Lourdes, Fab Kis teb, lub cev uas nws tuag tau tshaj 150 xyoo tab sis tsis lwj, nws tseem zoo nkauj tshaj thaum nws tuag lawm thiab. Yog ib lub txiaj ntsim zoo heev uas kuv tau rov mus xyuas zaum ob ntxiv. Lwm zaud yog muaj sij hawm rov mus txog, ntshe kus yuav muab lub caij mus nyob ntev zog, ntshe yuav zoo heev.
Kuv tau sau rau ob phau ntawv Thov Ntuj tib si, kuv thov Leej Ntshiab Bernadette pab thov Ntuj rau peb lub Vas sab Hmoob Catholique kom Ciaj Sia nyob tsis muaj caij kawg...Kuv thov NWS pab thov Ntuj rau txhua leej uas tuaj txog lub Vas Sab Hmoob Catholic, kom ntsiv txoj kev nyab xeeb.


1-

2-

3-

4-

5-

Bernadette lub hnab thiab lub kaus thaum nws tuaj mus ua Phauj nyob rau Nervers, nws yog ib tug neeg txom nyem, nws tsis muaj cuab tam phij cuam, nws thiaj tsis xav tias nws yuav mus ua tau Phauj. Vim raws txoj cai, yuav mus ua Phauj, yuav tsum muaj tsoo phij tsab, khoom phij cuam tib yam li mus ua nyab thiab...Tag nrho nws lub cuab tam, nws nqa ntawm tes hauv lub hnab no xwb. Qhov pom dawb lias ntawm lub hau kaus yog nws lub nas nyiaj.

6-

Bernadette cev khaub ncaws...




Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Maiv Tooj lub tsev ua si

Post  Maiv Tooj on 24th August 2010, 8:57 pm


Hnub yim tsaus ntuj






Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Maiv Tooj lub tsev ua si

Post  Maiv Tooj on 24th August 2010, 9:06 pm


Hnub cuaj
...Los txog tsev lawm lauj...Yuav rov tos txog lwm xyoo ntxiv mam yuav tau mus nuam yaj ncig teb chaws, mus pw ko leej niam leej txi lub xub ntiag tsis nco saib moo, tsis txob tsis txhawj, pluas noj muaj neeg leg, pluas haus muaj neeg ua; tsuas yeem tau nyob noj pw sawv mus ncig ua si xwb...Lub neej kaj siab npau suav nov tsuas muaj ib xyoos ib zaug xwb, tos nco twb dhau lawm...

1-

2-

3-

Hmoob Fab Kis noj tshais (Haus kas fes thiab noj mov ci xwb tsis noj mov li ntuj qub qab lawm...)

4-

5-

6-

7-




Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Maiv Tooj lub tsev ua si

Post  Maiv Tooj on 27th November 2010, 8:52 am

Nyob sib cuag mus ua chaw tshua
Ntxoos Npliam Fab Kis teb 2010
Sib ntsib ib vuag
Ncaim ua chaw tshua
Sib ntsib ib pliag
Ncaim ua chaw dai siab

Zaj ncas txhais hais tias:
Tuaj txog rab teb tuam rooj ntuj no,
es nim tsis muaj viv muaj ncaus,
es nim kho kho siab tshav ntuj nrig,
es ntshe kuv nim yuav tso koj tseg nyob rooj teb no
es kuv mus es koj nco kuv no ces koj hais hais
zoo zoo rau kuv es kuv mam hais rau koj es
koj txhob nrog tus niam kab niam noog quaj quaj
es kuv mus es kuv niam nco nco koj os...



Yog koj lub PC khiav qeeb, koj yuav siab ntev tos me ntsis, zaj ncas thiaj tshwm los.


Last edited by Maiv Tooj on 27th November 2010, 9:19 pm; edited 2 times in total




Sponsored content

Re: Maiv Tooj lub tsev ua si

Post  Sponsored content Today at 3:16 pm

  • Post new topic

Current date/time is 10th December 2016, 3:16 pm