Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» Thov Leej Ntshiab YOS XES
by Maiv Tooj Today at 10:36 am

» COV ZAJ NYEEM NRUAB LIS PIAM XYOO I 2016-2017
by Mim Yesterday at 2:09 pm

» COV ZAJ NYEEM NRUAB LIS PIAM XYOO II, 2015-2016
by Mim Yesterday at 1:29 pm

» COV ZAJ NYEEM HNUB CHIV XYOO A 2016-2017
by NrhiavTswvNtuj 1st December 2016, 12:54 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 1st December 2016, 12:35 pm

» XH. Yaj Zoov Ntxheb lub Tsev THOOB TSIB
by Maiv Tooj 1st December 2016, 12:33 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

» COV ZAJ NYEEM HNUB CHIV XYOO C 2015-2016
by NrhiavTswvNtuj 19th November 2016, 4:57 am

Suav neeg tuaj saib, txij hnub 17/09/2010 los mus.


  • Post new topic

Ntuj tsim los ua Hmoob

Share

Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1634
Date d'inscription : 2009-08-17

Ntuj tsim los ua Hmoob

Post  Maiv Paj Lug on 10th April 2010, 11:35 am



Paj Huam Ntuj Tsim Los ua Hmoob

Ntawm no mus yog lus ceeb toom
rau ib tsoom tib neeg yog hmoob
yog lub noob uas ntuj tau tsim
los nyob phim lub ntuj daim av
ua zoo xav tig los sab lag
pab sab laj lub neej tom ntej
hais rau nej poj niam txiv neej
lub caij xyeej tsis txhob ua si
kawm txuj ci kom paub txhua fab
los sib pab txhawb nqa nej hmoob
cov feem coob yog cov tsis paub
tsuas hais haub tub ntxhais nce roob
peb cov hmoob thaum twg thiaj zoo
ntau ntau xyoo kuj tseem tsis hloov
tshuav ua poov lawm xwb mog hmoob
yog xav thoob txog peb lub npe
sawv ua kev coj siab ncaj ncees
kev ua plees txhob muab saib hlob
tsim chaw nyob rau peb haiv neeg
tus tub nkeeg los kom xyaum nquag
nyob sib puag sib pab vam khom
tus tau nom kom hlub pej xeem
sib pab peem kom ciaj ib yig
txhua leej tig rov los sib npuab
txhua lub cuab kom sawv ciaj nom
txhob sib tshom coj siab twm xeeb
txhob sib txeeb kev nom kev tswv
mob siab khwv txhim txoj kev zoo
thaum nto moo kub koob tsim txiaj
luaj mam thiaj yus tsa ua nom
thaum luag pom tias yog neeg dawb
luag mam txhawb yus lub fwj chim
thiaj li phim lub koob tus coj
zaum pem toj thiaj li tsim nyog
yog paub txog tsis tim sib tshom
tus tau nom yog luag hmoov sawm
luag thiaj hawm khoov sawv lub vim
lus nws chim yog paub tsis thoob
peb cov hmoob txhob coj li no
muab nws tso pov rau tom qab
tig los fag lub neej txuas ntxiv
tuav peev chim rau peb me nyuam
rhais ib ruam lawm yam tom ntej
noj mov nplej txhob noj mov kws
txhob xyaum yws hais ub hais no
sib pab kho poj niam txiv neej
thiaj yuav tsheej ib tsob ib txoog
thiag tsis toog ntiaj teb pob ntseg
kev sib ceg tsis txhob muab xyaum
txij li thaum peb tau los hnov
kom feem rov cov raws li hais
me tub ntxhais thiaj li tsis khib
kom txhob ntsib lub neej liam sim lawm mog

Maiv Tooj
Tswv Cuab Hmong Catholique
Tswv Cuab Hmong Catholique

Messages : 5044
Date d'inscription : 2009-08-18

Re: Ntuj tsim los ua Hmoob

Post  Maiv Tooj on 11th April 2010, 5:24 pm



Nyob zoo Maypajlug,

Wow...! Nws zaj paj huam zoo heev
Yog kub txawj seev yuav hais ib zaj dho
Cas kuv tsis paub hlo thiaj zoo siab tij ywm
yuav khaws tswm rau lub siab
Yuav xyaum cia tsis pov tseg
Siv rau tom ntej kom lub neej kaj siab
Txoj kev sib nyiam koos tag nrho
txoj kev sib coj raws tau peb
txoj kev siab ntev thiab kev sib zam
yuav coj peb mus ntsib txoj kev huaj vam...






Npuagtub
Tswv Cuab Hmong Catholique
Tswv Cuab Hmong Catholique

Messages : 1164
Date d'inscription : 2009-08-16
Age : 51
Localisation : Fresno, California, USA.

Re: Ntuj tsim los ua Hmoob

Post  Npuagtub on 11th April 2010, 7:57 pm

Maypajlug

Peb haiv neeg Hmoob
yog ib haiv neeg mloog lus
peb Hmoob yog ib haiv neeg
muaj txoj kev hlub neeg loj
thaum leej twg mus txog Hmoob zos
nws yeej tsis nco txhawj tsam tsis
tau mov noj thiab lub chaw so chaw pw.

Kuv tseem tshua txog peb Hmoob
lub neej yav ntuj thaum ub
noj sib hlub haus sib cev
lub caij twg yus dua kev
cawv mus so hauv lawv tsev.

Nyob ntiaj teb Hmoob yog ib haiv me tshaj
tiam sis Hmoob lub siab hlub loj dav
Hmoob nyob txog lub teb chaw twg
Hmoob yeej muab Hmoob tej roj ntsha
pab lub teb chaws ntawd.

Hmoob tsis yog neeg qia dub
Hmoob muaj txoj kev hlub
Hmoob tsis yog neeg khav theeb
Hmoob muaj zoo cim xeeb.




Photobucket

Sponsored content

Re: Ntuj tsim los ua Hmoob

Post  Sponsored content Today at 12:47 pm

  • Post new topic

Current date/time is 3rd December 2016, 12:47 pm