Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» Thov Leej Ntshiab YOS XES
by Maiv Tooj Today at 10:36 am

» COV ZAJ NYEEM NRUAB LIS PIAM XYOO I 2016-2017
by Mim Yesterday at 2:09 pm

» COV ZAJ NYEEM NRUAB LIS PIAM XYOO II, 2015-2016
by Mim Yesterday at 1:29 pm

» COV ZAJ NYEEM HNUB CHIV XYOO A 2016-2017
by NrhiavTswvNtuj 1st December 2016, 12:54 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 1st December 2016, 12:35 pm

» XH. Yaj Zoov Ntxheb lub Tsev THOOB TSIB
by Maiv Tooj 1st December 2016, 12:33 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

» COV ZAJ NYEEM HNUB CHIV XYOO C 2015-2016
by NrhiavTswvNtuj 19th November 2016, 4:57 am

Suav neeg tuaj saib, txij hnub 17/09/2010 los mus.


    Tswv Ntuj yog leej twg ?

    Share

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Tswv Ntuj yog leej twg ?

    Post  Maiv Paj Lug on 9th April 2010, 10:09 am

    Tswv Ntuj yog Leej Tswv Yim Ntshiab, Tswv Ntuj yog txhua yam , Tswv Ntuj yog lub hwj huam, Tswv Ntuj yog qhov yuav yog .


    Yog koj tseem nrhiav tsis tau Tswv Ntuj ces qhib koj lub qhov muag kom zoo zoo, qhib koj lub siab kom dav dav, qhib koj lub tswv yim kom deb deb, saib txhua yam ib ncig ntawm koj kom tseeb tseeb , mloog ib ncig ntawm koj kom hnov nrov nrov ces koj pom Tswv Ntuj.

    Tswv Ntuj yog qhov yuav yog, vim hais tsis tau tias Tswv Ntuj nyob pev, Tswv Ntuj nyob nrav los sis Tswv Ntuj nyob tiv.
    Peb pom tsis tau tias Tswv Ntuj loj loj siab siab , Tswv Ntuj me me yuag yuag, los sis Tswv ntuj laus laus los hluas hluas vim Tswv Ntuj yog tus kav kiag huav peb lub siab thiab nws yog lub hwj huam Ntuj Plig, nws twb yog txhua yam ntawm peb qhov muag pom tseeb. Tswv Ntuj twb yog kiag ib nrab ntawm peb, tiam sis Tswv Ntuj tseem cia peb xaiv seb peb puas yuav Tswv Ntuj los hauv peb tsev( peb lub siab).

    Vim li no Tswv Ntuj yog txhua yam tiam sis peb tsis pom thiab tsis paub vim peb yug los muaj txhaum puag thaum poj koob yawm txwv tsis mloog lus .
    Li no Tswv Ntuj pom tau tias tsis muaj tus los kav peb, tsis muaj tus los ris peb, tsis muaj tus los hlub peb, tsis muaj tus los khuv xim peb, tsis muaj tus los tuag kom peb ciaj.
    Tswv ntuj thiaj li hais tias cia Tswv Ntuj mam nqis los ua nws Leej Tub kom muaj daim nqaij daim tawv li peb, nws mam los ua peb tus qauv, nws mam los muas peb cov txhaum, nws mam los tso nws rau ntxwj nyoog ntxias, nws mam los ua qhov ci ntsa iab rau peb qhov muag pom, nws mam los hloov peb lub siab ntsws.
    Tswv Ntuj thiaj li los ua neeg li peb tiam sis Tswv Ntuj tsis los ua neeg li peb los, Tswv ntuj tsis txeeb leej twg thib los li peb, Tswv ntuj cia li los nrog Ntuj Plig vim nws yeej yog Tswv Ntuj.
    Tswv Ntuj niam yog Mab Liab tus dawb huv, Mab liab yug los dawb huv, mab liab tsis lo txhaum, Mab Liab xeeb Yesxus nto moo lug dawb huv, Mab Liab lub cev tseem yog nkauj xwb . Mab Liab thiaj tseem tseem yog poj niam dawb huv tsis paub txiv neej thiab xeeb Tswv Ntuj Leej tub Yesxus.
    Yesxus yog Tswv Ntuj, Tswv Ntuj yog Yesxus thiab Yesxus kav nyob hauv Ntuj Plig, Ntuj Plig kav Yesxus ,Yesxus mloog Ntuj Plig vim Yesxus yog Huab Tais Tswv Ntuj yug los ua neeg kom muaj daim nqaij daim tawv li peb. Yesxus thiaj li yog Tswv Ntuj Leej Tub , Tswv Ntuj thiaj li yog Yesxus Txiv ,thiab yog peb sawv daws Txiv, vim tias Tswv Ntuj tsis muaj dua lwm tus tub yuav yug tau los ua Tswv Ntuj lawm.

    Ntawm peb noob neej peb kuj tsis muaj lwm tus yuav yug los ua tau zoo peb lawm thiab, li no Tswv ntuj thiaj muaj ib tug yug los ua nws xwb thiab tus tseem yug los ua Tswv Ntuj Leej Tub tsuas yog Huab Tais Yesxus ib leeg xwb.

    Huab Tais Yesxus yeej txhua yam, Huab Tais Yesxus paub txhua yam, Huab Tais Yesxus kuj raug tsim txom txhua yam, Huab Tais Yesxus kuj mloog tau tib yam li neeg mloog , Huab Tais Yesxus kuj raug ntxwj nyoog ntxias tib yam li noob neej.
    Tiam sis Huab Tais Yesxus tib leeg thiaj li yuav thiab ua raws nraim li Leej Txiv, vim Leej Txiv tsuas muab nws lub teej kiab rau nws tus tub twm zeej nkaus xwb. Yesxus txawm txom nyeem npaum twg los Yesxus paub tias Yesxus txoj hauj lwm yog los muas kom tau peb rov qab mus nrog Leej Txiv nyob xwb tsis yog Yesxus yuav los pab peb kom ciaj huab tais ntiaj teb.
    Leej twg nyiam Yesxus ces yog nws nyiam Leej Txiv, leej twg mloog Yesxus ces nws yuav txais Ntuj Plig los nplij nws . Peb thiaj li hais tau tias Yesxus yog peb tus Vaj Pleev, Yesxus yog peb tus Huab Tais, Yesxus yog Tswv Ntuj Leej Tub vim Leej Tub thiaj yog Leej Txiv koom Ntuj Plig.

    Qhib nej lub siab mog zaum no nej pom Tswv Ntuj zoo li cas thiab nej paub Tswv ntuj zoo li cas, txhua yam nej pom ntawm nej qhov muag, txhua yam nej pom tuaj ntawm nej lub siab, txhua yam nej hnov hauv nej lub tswv yim yog Tswv Ntuj tab tom kav thiab hu kom nej qhib qhov rooj.

    Ntiaj teb zoo nkauj, huab cua khiav yees , paj hmab paj ntoos tawg tsw qab zom zaws, me noog ya ua npoj ntws, yog nej nyiam thiab nej hnov nej lub siab ntshaw ntshaw kub kub rau tej yam zoo zoo nkauj li no mus li ces yog nej pom Tswv Ntuj lawm. Yog nej lub siab tsuas nsthaw ntshaw nyiaj, ntshaw ntshaw kom nto moo, ntshaw ntshaw kom luag qhuas, nsthaw ntshaw luag lub neej, ntshaw ntshaw kev lom zem, nsthaw nsthaw kev sib daj sib deeb, ntshaw nsthaw siab quaj dhis kom hluas mus li tsis xav laus xwb ces nej tseem nyob deb heev ntawm Tswv Ntuj, los sis nej paub Tswv Ntuj tab sis nej tsis muaj siab yuav mus nrog Tswv Ntuj nyob vim nej nyiam lub neej ntiaj teb xwb nej tsis nyiam lub neej Tswv Ntuj yuav muab rau kaj siab lug nyob pem Ntuj . Nej tsis tso tseg txoj kev ntshaw ntiaj teb ces muaj ib hnub nej mam xeev thiab paub thaum nej nyob ntawm Tswv Ntuj xwb ntiag ces yuav lig lig rau nej tig tsis tau rov qab los nsthaw Tswv Ntuj lawm lau! , vim thaum ntawv cev ntiaj teb kev ntshaw twb muas tau nej thiab ntxwj nyoog muas tau nej lawm ces nej yuav ntshaw ntshaw los ua neeg dua kom me thiaj tau nrog Tswv Ntuj nyob los lig lig heev li lawm .


    by Maypajlug ( sau hais tawm hauv kuv lub siab tuaj xwb tsis tau txhais qhov twg los)


    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Tswv Ntuj yog leej twg ?

    Post  Maiv Tooj on 13th April 2010, 6:05 am



    Nyob zoo Maypajlug,

    Zoo kawg koj zaj hais txog Tswv Ntuj zoo li cas nov.
    Yog koj nyob ze ze Tswv ntuj, koj thiaj paub nws lub cev ntaj ntsug
    Yog koj muaj txoj kev ntseeg ruaj khov, koj thiaj paub tau Tswv Ntuj lub meej mom

    Kuv ces kuv tseem nyob deb, vim kuv nrhiav tsis tau Tswv Ntuj txoj kev
    Kuv ces kuv tseem mloog tsis tau, vim Tswv Ntuj tsis tshoj kom kuv paub

    Yog kuv muaj txoj hmoo paub txog,
    ntshe kuv lub siab yuav kaj tshaj nov
    Ntshe kuv tsis tau Tswv Ntuj tej koob hmoov,
    kuv thiaj tsis hnov Yes Xus koob kuv qhov rooj
    Puas yog kuv dawb tsis txaus
    Kuv thiaj mloog tsis tau?
    Puas yog kuv zoo tsis tag,
    kuv thiaj tsis pom Tswv ntuj lub txiaj ntsim ci ntsa?

    Tej thaum kuv chim chom siab,
    Vim kuv xa ua neeg zoo tiag tiag
    Tej thaum kuv siab rov kub,
    Kuv rov muaj zog teev Ntuj
    Tej thaum kuv qaug zog heev
    Kuv tso kuv cev hlo rau tswv Ntuj rab teev
    Kuv ntshai tsam kuv qhov zoo tsis nyhav txaus
    Cia kuv poob rau txoj kev txhaum...

    Yog Tswv Ntuj txoj kev hlub loj
    Xav thov nws los ua kuv lub zog loj
    Yog Tswv Ntuj txoj kev zam ntau
    Xav thov nws txhob ntsia kuv cov txhaum
    Yog Tswv Ntuj muaj hwj huam tag nrho
    Xav thov nws tso Michel Acange los pab tiv thaiv peb mog!





      Current date/time is 3rd December 2016, 12:54 pm