Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» COV ZAJ NYEEM NRUAB LIS PIAM XYOO I 2016-2017
by Mim 8th December 2016, 5:41 am

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    Xyaum ua lub neej dawb huv

    Share

    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Xyaum ua lub neej dawb huv

    Post  Mim on 26th March 2010, 3:24 pm

    No Excuses - No Falsehoods - No Omissions

    Daim duab no yog qhia kom peb xyaum ua neeg ncaj ncees. Xws li thaum peb mus daws txhaum, peb yuav tau ua neeg me, tsis txhob hais tej yam cuav, thiab yuav tsum hais kom tas yus cov txhaum raws li yus tau ua.
    1. Peb yuav ua neeg me (humble). Yog yus tau ua txhaum los tau ua ib qho yuam kev, mas yus lees zoo zoo hais tias, "Kuv ua tsis yog lawm, kuv txhaum lawm," no xwb, tsis tas yuav piav ub piav no tias vim ub vim no yus thiaj yuam kev (no excuses).
    2. Peb yuav xyaum tsis txhob dag (no falshoods). Yus tsuas hais qhov muaj xwb (tell the truth), tsis txhob dag ntxiv rau.
    3. Peb yuav hais kom tas tsis txhob zais tej yam cia (no omissions).

    This  -OR-  This]
    Daim duab no, kuv xav tias sd yeej to taub zoo heev lawm. Ntawm kuv xav mas zoo li peb cov coob yeej yog cov xaiv nyob lig lig saib tej yam los ua tej yam lom lom zem rau yus xwb, qhov yuav npaj mus teev ntuj sawv ntxov ntxov ntshai yuav yog cov tsawg.

    "This Is Wrong"
    Muaj ib txhia neeg lawv tsis yog teev Tswv Ntuj, tiam sis lawv teev tej yam xws li peb pom saum no. Ib txhia teev mlom, ib txhia teev nyiaj txiag, ib txhia teev kev txawj kev ntse, ib txhia teev txoj kev xav kom luag cav txog yus xwb.




    Kev txhaum yog zoo li cov cag uas hlav tob tob rau hauv neeg nruab siab. Vim li ntawd thiaj ceeb ceeb laj rho tau kev txhaum pov tseg kawg li. Cov kev txhaum tseem ceeb yog (capital vices or cardinal sins):
    1. Kev muab hlob (pride)
    2. Kev ntshaw luag tug, kev xav tau ntau(Covetousness or greed)
    3. Kev ua plees ua yi (lust)
    4. Kev npau taws (anger)
    5. Kev hu dab (gluttony
    6. Kev khib (envy)
    7. Kev tub nkeeg (sloth)

    Ntawm xya yam tseem ceeb no txhawv tas puas tsav yam kev txhaum kev phem uas neeg nruab siab xav tau thiab neeg pheej ua.


    Cov duab saum no yog ib co duab qub qub muab hauv The New Saint Joseph Baltimore Catechism (1969) los.


    Last edited by Mim on 30th June 2011, 3:34 pm; edited 7 times in total

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Xyaum ua lub neej dawb huv

    Post  Maiv Paj Lug on 26th March 2010, 11:56 pm

    WOW......niamlaus Mim cas koj yuav txawj qhia tau tej yam zoo kawg nkaus rau peb kawm li, txhua yam koj tuaj tso hauv no muaj tseeb thiab zoo heev, neeg yuav tsum paub txog thiab kawm tiag tiag thiaj yuav ua tau ib tug neeg ncaj thiab dawb huv

    Ua tsaug ntau nawb, zoo kawg li, tseem ua rau kuv rov qab paub ntau zog tuaj ntxiv lawm thiab.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Xyaum ua lub neej dawb huv

    Post  Maiv Tooj on 27th March 2010, 1:26 am

    Nyob zoo Mim thiab Maypajlug,

    Mim,

    Zoo heev qhov koj tso tawm nov.
    Yog ib qho tseem ceeb hauv lub neej peb niaj hnub ua thiab nyob.

    Ua tsaug nawb mog.




    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: Xyaum ua lub neej dawb huv

    Post  Mim on 27th March 2010, 9:45 am

    Maiv Paj Lug thiab tais Tooj,

    Kuv xav hais tias yuav piav mas tsis yooj yim pes tsawg, cia piav nrog duab thiab mas zoo li yus to taub meej dua no. Kuv zoo siab tsuav yog tej yam kuv tso ho pab tau tus puav neeg kom to taub thiab paub txog peb lub neej txoj kev xyaum ua zoo os. Tiam sis qhov paub mas nws yog nws ib qho, hos qhov yuav xyaum ua kiag mas yog qhov nyuaj tshaj li, ntau zaus yus twb paub lawm los yus yeej coj twb tsis tau kiag li thiab hos..

    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: Xyaum ua lub neej dawb huv

    Post  Mim on 29th March 2010, 4:43 pm


    Yus puas muaj lub siab nyiam Tswv ntuj tiag? Yog yus xav nyiam Tswv ntuj tas siab tas ntsws tas zog tas tswv yim mas yuav tsum muaj ob yam tseem ceeb uas yus niaj hnub ua. Ib, yog yuav tsum niaj hnub mob siab teev ntuj tsis tseg, teev ntuj hauv vaj hauv tsev, hais Saw Mab Liab, los yog mus xyuas HT Yes Xus hauv lub Cim Yug tom tsev teev ntuj, los yog mus koom thaj txi ntuj niaj hnub thiab Hnub Chiv. Ob, yog yuav tsum xyaum ua tej yam nyuaj los pub rau Ntuj them txim txhaum. Tej zaum yuav tau yoo tej yam yus nyiam nyiam noj, los tseg tej yam yus nyiam nyiam ua. Tej zaum yuav tau ua tej yam yus tsis xav ua kiag li. Muab tej ntawd los cev rau Ntuj.

    Worship of God/False Worship
    Peb yog ib tug neeg ntseeg, peb yuav tau ntseeg thiab nyiam thiab tso siab rau Tswv ntuj ib leeg. Txawm yuav nyiam muaj li cas los peb ntsia ntsoov Tswv ntuj thiab peb pe hawm nws ib leeg xwb. Muaj ib txhia neeg lawv lam hais tias lawv ntseeg ntuj, tiam sis lawv tsis tso siab rau Tswv ntuj. Lawv tseem niaj hnub mus nrhiav neeb nrhiav yaig, mus saib saub, saib tes, saib hauj sam, los ua lwm yam (False worship). Yog yus ua li ntawd yus ua txhaum rau txoj kev ntseeg Ntuj lawm.

    Bad Companions
    Yog peb xav xyaum ua neeg tsim txiaj neeg zoo, yog peb xav zam kom dhau kev ua txhaum, ntau zaus peb yuav tau xaiv phooj xaiv ywg, xaiv txoj kev qhov chaw peb mus, los yam khoom peb siv. Yog yus mus poo tau tus neeg tub sab ces yus xyaum tub sab, mus poo tau tus haus dej haus cawv ces yus xyaum haus dej haus cawv, mus poo tau tus plhom moj ua hluas ces yus xyaum zaj ntawd. Yog yus mus nkag hauv qhov chaw niam ntiav liab qab, ces kawg yuav ua phem ua qias, yog yus nkag hauv qhov chaw haus dej haus cawv, ces kawg yuav ua neeg quav dej quav cawv. Yog yus xav tseg yeeb tseg tshuaj tseg luam yeeb, txhob muas los tso rau ntawd.


    Let's Go To The Movies This Afternoon.
    Yog yus xav xyaum ua ib tug neeg dawb huv, ntau zaus yuav tau xaiv qhov zoo ua, txawm yuav nyuaj me ntsis los yeem ua qhov ntawd. Xws li tus me tub saum no, nws tus phooj ywg xav kom nkawd mus saib movie. Tiam sis tib lub sij ntawd yog lub caij mus daws txhaum thiab. Nws txiav txim hais tias, yuav mus daws txhaum tso.


    SIN
    Thaum peb ua txhaum yog zoo cuag li peb xuas ntsia hlau los ntsia Yes Xus rau saum ntoo cuam ntag. Ua li peb puas hlub Yes Xus, puas xav ua kom nws txhob txom nyem dhau?

    Cov duab saum no yog muab hauv The New Saint Joseph Baltimore Catechism (1969)
    los.


    Last edited by Mim on 30th June 2011, 3:48 pm; edited 2 times in total

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Xyaum ua lub neej dawb huv

    Post  Maiv Paj Lug on 9th May 2010, 8:51 am

    Mim wrote:Maiv Paj Lug thiab tais Tooj,

    Kuv xav hais tias yuav piav mas tsis yooj yim pes tsawg, cia piav nrog duab thiab mas zoo li yus to taub meej dua no. Kuv zoo siab tsuav yog tej yam kuv tso ho pab tau tus puav neeg kom to taub thiab paub txog peb lub neej txoj kev xyaum ua zoo os. Tiam sis qhov paub mas nws yog nws ib qho, hos qhov yuav xyaum ua kiag mas yog qhov nyuaj tshaj li, ntau zaus yus twb paub lawm los yus yeej coj twb tsis tau kiag li thiab hos..

    7 qhov txhaum yuav coj tau peb mus lawm hauv dab teb zoo li daim duab hauv qab no:

    1. Kev muab hlob (pride)
    2. Kev ntshaw luag tug, kev xav tau ntau(Covetousness or greed)
    3. Kev ua plees ua yi (lust)
    4. Kev npau taws (anger)
    5. Kev hu dab (gluttony
    6. Kev khib (envy)
    7. Kev tub nkeeg (sloth):



    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Xyaum ua lub neej dawb huv

    Post  Maiv Tooj on 6th February 2014, 11:42 am


    Tej yam tsis zoo rau kev xa thiab cov txhaum loj.

    Yam tsis zoo rau kev xav yog dab tsi?

    Yam tsis zoo rau kev xav yog ib qho phem rau tus ntsuj plig, ua kom tus ntsuj plig khiav deb txoj kev zoo thiab ua phem, uas yog tim ntawm tej kev niaj hnub ua phem los.

    Yam tsis zoo rau kev xav thiab kev ua txhuam sib txawv li cas?

    Kev ua txhaum yog ib qho uas yus tau ua los, hos yam tsis zoo rau lub tswv yim yog ib qhov tsis zoo uas yus niaj hnub xav, ib txwm nyob rawv ntawm yus uas ua kom yus poob rau kev txhaum.

    Yam tsis zoo rau lub tswv yim twg uas luag hais tias yog qhov loj tshaj?

    Muaj 7 qhov tsis zoo rau lub tswv yim uas loj tshaj:

    1- khav theeb
    2- Qia dub
    3- Ntshaw nyiaj, ntshaw tau zoo, ntshaw kom zoo tshaj luag
    4- Npau taws sai
    5- vum loj
    6- Ntshaw luag tug
    7- Tub nkeeg.


    Yuav ua li cas thiaj li yuav yeej tej tswv yim tsis zoo?

    Xyaum ua kom txawv cov tswv yim tsis zoo ces yuav yeej xwb:


    - Kev khav theeb txia ua kev hwm luag
    - Qhia dub hloov ua siab dawb
    - Ntshaw tau zoo xyaum ua neeg tsim txiaj (tsis ua plees ua yi)
    - Npau taws sai xyaum ua siab ntev
    - Vum loj xyaum ua neeg noj tsawg
    - Ntshaw luag hloov ua kev nyiam kev hlub li tej kwv tij
    - Kev tub nkeeg hloov ua neeg nquag rau Tswv Ntuj tub txib



    Txhais los ntawm:

    Txiv Vaj Qhia ntshiab Pi X cov lus qhia Ntuj Kev Cai tshooj 6

    http://catechisme.free.fr/cat2part5chap06.htm

    Tim 07-02-2014.
    Maiv Tooj.


    Last edited by Maiv Tooj on 7th February 2014, 8:10 pm; edited 2 times in total




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Xyaum ua lub neej dawb huv

    Post  Maiv Tooj on 6th February 2014, 9:28 pm


    MUAJ PES TSAWG YAM TXHAUM RAU LEEJ TSWV YIM NTSHIAB?

    Muaj 6 yam txhaum rau Leej Tswv Yim Ntshiab:

    1- Tag kev cia siab rau txoj kev cawm nws tus nrtsuj plig;

    2- Xav tias yuav tau cawm yam twb tsis tau ua txiaj ntsim;

    3- Cav (tsis lees) qhov tseeb uas muaj tiag;

    4- Ntshaw luag tej txiaj ntsim (yam yus twb tsis ua)

    5- Paub tias yus txhaum los tseem tawv qhawv khav;

    6- Hnub kawg tuag nrog yug tej kev txhaum ( tsis daws txhaum los yog ua lub Cim Pleev)

    Yog tim li cas lawv thiaj hu tias cov txhaum tshwj xeeb rau Leej Tswv Yim Ntshiab?

    Luag hu ua cov txhaum rau Leej Tswv Yim Ntshiab vim yog nws txhob txwm ua ntawm txoj kev lim hiam los, uas tsis yog los ntawm Leej Tswv Yim Ntshiab qhov zoo los.

    Cov txhaum twg yog cov uas lawv hais tias nws qw pauj kev ciaj caub ntawm Tswv Ntuj xub ntiag?

    Muaj plaub qhov kev txhaum uas nws qw kev rob caub ntawm Tswv Ntuj xub ntiag yog:

    1- Yus rov txo yus txoj sia tuag,

    2- Txoj kev tsis dawb huv rau tej yam ntuj tsim ;

    3- Saib tsis taus cov pluag;

    4- Ntia luag ua zog tsis them nyiaj rau luag.

    Vim li cas, luag thiaj hais tias cov txhaum ntawd qw rob caub ntawm Tswv Ntuj xub ntiag?

    Lawv tias cov txhaum ntawd qw rob caub ntawm Tswv Ntuj xub ntiag, vim yog Leej Tswv Yim Ntshiab hais, kom paub tias yog ib lub txhaum loj heev thiab vim lawv txoj kev loj heev thiab thab kom lawv ua kom Tswv Ntuj nplua sab tshaj plaws.


    Txhais los ntawm:

    Txiv Vaj Qhia ntshiab Pi X cov lus qhia Ntuj Kev Cai tshooj 6

    http://catechisme.free.fr/cat2part5chap06.htm

    Tim 07-02-2014.
    Maiv Tooj.





    Sponsored content

    Re: Xyaum ua lub neej dawb huv

    Post  Sponsored content Today at 3:42 am


      Current date/time is 10th December 2016, 3:42 am