Ua tsaug thiab zoo siab uas koj tseem tuaj tso ib co lus tseem ceeb rau hauv Forum no rau peb tsoom Hmoob sawv daws yuav tau tuaj pom thiab . Yeej yog li koj hais kawg, lub nra ntawm peb cov Txiv Plig nyob sab ntuj qub qab mas yeej yuav hnyav tshaj li qhov hnyav lawm. Especially yog peb cov Txiv Plig Hmoob, tsis hais nyob Fab kis teb los yog USA los ku zoo ib yam thiab.
Txoj kev yuav sib pab sib txhawb ntawm txoj kev kawm txuj tsis hais kev ntseeg los yog kev kawm ua tus coj, ua XH. ua Phauj los yog ua TP. mas tsis hais nyob sab ntuj tim ub, nyob sab teb chaws koj kuv peb nyob no uas peb hu tau tias teb chaws vam meej, los yeej tseem nyuaj kawg nkaus thiab. Yam twg qhov twg los yuav yog nyiaj pua kev ua ntej mas thiaj li mus tau, tiam sis yog peb muaj kev sib koom siab sib pab ces peb yeej ua tau txhua yam peb xav tau. 1 leeg pab 10 leej mas tsis tau tem sis 10 leej pab 1 leeg mas tau xwb.
Paris xammo, kuv xav mas tam sis no peb yuav tsum xub txhawb lub koos haum nyob zeb peb ua ntej tso mas peb thiab li mus txhawb tau lub nyob deb, xws li nyob USA muaj HANCA yog lub koos haum hmoob nyob tim sab no, yog li peb muaj cov koos haum nyob rau txhua lub teb chaws tswj peb cov hmoob ntseeg Catholic mas peb cov koos haum yuav tsum muaj kev sib raug zoo ua ntej, yog peb cov koos haum twb tsis sib paub li mas peb kev sib pab yuav muaj tsis tau zog zoo li lwm haiv neeg.Vim peb los kuj tsis pab lub koos haum peb pheej tos kom lub koos haum pab peb xwb ces koos haum thov tsis tau nyiaj lwm qhov los ces koos haum kawg tuag xwb, Koos haum yuav sawv tau thiaj muaj nyiaj coj mus pab rau cov neeg txom nyiam nyob rau sab ntuj qub qab mas yuav tsum yog cov ntseeg koj kuv peb xub pab lub koos haum ntawm peb zej peb zos ua ntej mas peb thiaj li yuav pab tau cov nyob deb.
Tej yam peb sib pab zoo li yav tas los mas yeej zoo kawg, tiam sis peb tsuas pab tau ib ntus xwb yuav pab tsis tau tas mus li, vim peb tsis ua muaj lub hauv paus tsev txawb cia, peb tsuas ib sau sib hu raws li tej pwb pawg ntawm tej cheeb tsam yus nyob sib sau nyiaj mus xwb ces yuav ua tsis au mus deb zoo li luag lwm haiv neeg txoj kev sib pab. Ua tsaug rau koj cov lus zoo coj tuaj tso rau peb pom os nawv. Lwm hnub muaj tej yam zoo los ho coj tuaj tso ntxiv rau peb tau paub thiab tau kawv thiab.
Npuag Tub