Qhib kuv mas kwv tij! kuv yog leej tib neeg li koj.

**Npuagtub** 26th March 2010, 2:41 am

Npuagtub: Tswv Cuab Hmong Catholique; Messages : 1000
Date d'inscription : 2009-08-16
Age : 58
Localisation : Fresno, California, USA.

Post n°26

Re: Qhib kuv mas kwv tij! kuv yog leej tib neeg li koj.

Post Npuagtub 26th March 2010, 2:41 am

Sister Mt thiab Mp,

Yog kawg li neb hais los mas
Tswv Ntuj paub tas 100 tsav yam
nyob yaj ceeb thiab yeeb ceeb
nyob qaum ntuj los qab ntuj
nws pom txhij mus paub txhua.

Tiam sis kuv tsis pom txhij tsis paub txhua
vim kuv yog neeg dig muag.
kuv puas yuav tsim nyog tus Tswv
hlawv kuv lub siab thiab lub plawv?
kuv puas yuav nyiaj taus nws cov plaim taws?

Ntshai kuv yeem haus kua cawv iab
tsis yeem rau tus Tswv lim kuv nplooj siab
ntshai kuv yeem haus kua cawv daw
tsis yeem rau tus Tswv hlawv kuv nplooj plawv.

Kuv lub siab ntshai tshee na
kuv mloog kuv tej pob txha ntsoog tas
Vim kuv ris ib nras toob xib nyhav nyhav
Huab Tais, thov koj muab kuv lub cev hlawv
kom yaj tas saib kuv lub siab puas kaj?

Hmoov zoo tshaj thiaj tau zov neb lub vaj
hmoov zoo kawg thiaj tau zov neb lub chaw.

**Maiv Tooj** 26th March 2010, 6:44 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°27

Re: Qhib kuv mas kwv tij! kuv yog leej tib neeg li koj.

Post Maiv Tooj 26th March 2010, 6:44 am

Hahaha..XH.Npuag Tub,

Nag hmo kuv sau paj huam tsis tau tiav, kuv mus hauj lwm lawm. Tsis tau kho li, ntshe nej nyeem nej xav luag kuv heev...

Cas nws yuav txawj hais lus rau Tswv Ntuj ua luaj li...Zoo kawg nkaus. Nws tej lus thoob tsib zoo coj mus kawm thiab xav ib los zuj zus li cov yaj saub cov.
Ua tsaug ntau.

XH. Npuag Tub,

Nws yeej muaj txoj hmoov zoo
Thiaj tau ua Tswv Ntuj me tub xa moo
Nws muaj hmoo heev
Thiaj tau ua Tswv Ntuj tus tuam xeeb

Txhob ntshai Tswv ntuj hlawv
Siab ntsws plawb plaw
Txhob ntshai Tswv Ntuj lim
Laj xeeb tswv yim
Txhob ntshai Tswv Ntuj tshau
Kev iab nrog kev txhaum

Yog Tswv Ntuj ua
Nws yuav tsis pub yus tuag
Yog Tswv Ntuj pom
Nws yeej yuav tsis pub yus mob
Txhob lam ntshai qus
Tswv Ntuj yeej txawj txuag yus
Txhob lam txhawj dag
Tswv Ntuj yeej txawj hlub yus tshaj

Qhib kuv mas kwv tij! kuv yog leej tib neeg li koj. - Page 2 Photo-485588-M

Qhib kuv mas kwv tij! kuv yog leej tib neeg li koj. - Page 2 Photo-485588-M

**Npuagtub** 26th March 2010, 1:27 pm

Npuagtub

Npuagtub: Tswv Cuab Hmong Catholique; Messages : 1000
Date d'inscription : 2009-08-16
Age : 58
Localisation : Fresno, California, USA.

Post n°28

Re: Qhib kuv mas kwv tij! kuv yog leej tib neeg li koj.

Post Npuagtub 26th March 2010, 1:27 pm

Ua Tsaug Sister Mt,

Kheev lam tau txoj hmoo li koj hais
saib kuv puas yuav tsim nyog
ua Tswv Ntuj ib tug tub txais
Kheem lam muaj txoj hmoo li koj xav
saib kuv puas yuav ntsim nyog
ua Tswv Ntuj ib tug tub tshaj
saib kuv puas yuav muaj lub laj lim tswv yim
tsim nyog txais Tswv Ntuj tej txiaj ntsim.

Txawm kuv lub cev yuav raug hlawv
kub nyiab ua tshauv tas los
tsuav kuv tsim nyog nyob hauv tus Tswv lub Vaj
kuv zoo siab luag nyav nyob ntsia Tswv Ntuj mus ib vam.
Txawm Tswv Ntuj yuav lim kuv tej hlab siab hlab ntsws
laj lim tswv yim mob nyhav npaum li cas los yeej kam
kuv yeej tsis chim vim kuv yog nws li thiab yog nws tsim.

Xav kom Tswv Ntuj tshau kuv lub siab kom to
siab kuv tej toob xib kev ntxhov puas yuav ploj
xav kom Tswv Ntuj tshau kuv lub plawv kom tshab
saib kuv tej kev nyuaj siab puas yuav yaj.
Tswv Ntuj txoj kev hlub neeg ntiaj teb loj tshaj
vim nws yog tus tswv kav thiab tsim tas 100 tsav yam.

Ua tsaug rau Tswv Ntuj lub hwj chim txoj kev kaj
pub rau peb txhua leej tau nyob luag li nyav
Ua tsaug rau Tswv ntuj lub hwj chim txoj kev ci
pub rau peb txhua leej tau pom kev nyob
zoo siab luag li ntxhi.

**Maiv Tooj** 26th March 2010, 6:49 pm

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°29

Re: Qhib kuv mas kwv tij! kuv yog leej tib neeg li koj.

Post Maiv Tooj 26th March 2010, 6:49 pm

XH. Npuag Tub,

Nws xav kom Tswv Ntuj hlawv nws lub cev ua hluav
Tswv Ntuj tsuas plhov plhaws txhaum khuab
Nws xav kom Tswv Ntuj hlawv nws lub siab ua hluav ncaig
Tswv Ntuj tsuas plhov plhaws txhaum dai

Tswv Ntuj plhov kom nws do
Nws yuav ua siab loj nyiaj mob
Tswv Ntuj lim kom nws huv
Nws yuav ua siab loj uv

Tswv Ntuj haj yam ci
Nws haj yam tau txais txiaj ntsim
Tswv Ntuj haj yam txhiab
Nws haj yam yog tus Tswv Ntuj nyiam

Nws lub siab txom nyem dai ncuv
Saum Ntuj nws xa toob xib mus ua vaj ua tsev kub
Nws lub siab txom nyem tiv kev ntxias
Saum Ntuj nws xa cuab yeej ua vaj tsev nyiaj

Tswv Ntuj haj yam lim
Nws haj yam pom nws muaj txim
Tswv Ntuj haj yam tshau
Nws haj yam pom nws cov txhaum ntau

Vim tus neeg siab zoo tseem xev ua kom zoo tshaj qhov Tswv Ntuj xav kom nws ua lawm.

Qhib kuv mas kwv tij! kuv yog leej tib neeg li koj. - Page 2 Couv-products-15800