Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Suav neeg tuaj saib, txij hnub 17/09/2010 los mus.


    Niam Mab Liab Tshwm Sim nyob Fatima

    Share
    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 1944
    Date d'inscription : 2009-10-16

    Re: Niam Mab Liab Tshwm Sim nyob Fatima

    Post  Mim on 20th March 2010, 10:46 am

    Niam Mab Liab tshwm sim zaum 6... (ntxiv)


    Cov ntawv xov xwm los kuj tau sau tej zaj tawm hais txog cov xwm ntawd. Tsab ntawv xov xwm "0 Dia" sau hais txog zoo li no:

    "Lub ntuj cia li tsaus dawb lias zoo li muaj ib daig dab tsi los roos lub hnub ces peb ntsia taus tsis ci qhov muag li. Peb pom lub hnub zoo li ib lub nyiaj kheej kheej uas txawj loj zus loj zus nqes los nrog cov huab sib tw mus mus los los. Tas cov neeg tuaj ntawd ua tib lub suab qw thov Ntuj thiab txhos caug ntua hauv cov av nkos. Ces txawm pom ci ib co tsos xiav zoo li yog ci tshab ntawm cov iav hauv ib hub tuam tsev teev Ntuj loj loj tuaj...Cov tsos xiav ntawd txawj ploj zuj zus hloov ci ua tsos daj. Zaum no pom txaij tej teev daj los rau cov neeg tej phuam dawb thiab rau lawv tej tiab. Kuj muaj tej teev txaij los rau saum tej ntoo, tej pob zeb, thiab tej roob. Tej teev txaij ntawd txawj ploj tas ho rov qab tshwm dua tsis tseg. Tas cov neeg sawv daws hle kaus mom; lawv quaj thiab thov Ntuj vim yog ib yam hwj huam loj tas npaud. Tej tshwm sim ntawd tsuas ntev li ob peb feeb xwb tiam sis mloog mas ntev li ob peb teev..."


    Tsab xov xwm "0 Seculo" piav li no tias:
    "Peb nyob ntawm txoj kev. Nyob ntawd, neeg nres lawv tej tseb puv nkaus thiab kuj muaj neeg coob coob nyob ntawd vim lawv tsis xav mus tsuj av nkos. Peb nyob ntawd ntsia pom neeg coob coob kawg nkaus, Nyias tig nyias ntsia lub hnub. Lub hnub ci dawb lias zoo li ib lub nyiaj kheej kheej. Tsis muaj huab thaiv li tiam sis ntsia kuj tsis hnov ci qhov muag li. Thaum ntawd lub ntuj tsaus ntxoov nyos li yog dab noj hnub. Txawm hnov qw nrov nroo ntws qhov txhia chaw tias:
    'Hwj huam os! Hwj huam os!'
    Sawv daws ntshai kawg: nyias hle nyias kaus mom zom zaws thiab tig ntsia ntuj u. Lawv cia li pom
    lub hnub txawj
    dhia (dance); tsis tau muaj dua ib zaug zoo li ntawd.

    Muaj ib tug txiv neej laus tsawv, nws tig mus ntsia lub hnub thiab hais zaj 'Kuv ntseeg...' nrov nrov.... Ib me ntsis pom nws mus hais rau tej tus neeg uas tsis hle kaus mom tias kom cia li hle kaus mom vim tej yam ntawd twb qhia tseeb kawg tias yeej muaj Tswv Ntuj tiag. Nyob lwm qhov chaw, muaj lb tug poj niam kuj yws yws tias: "Cas tseem muaj tej tus txiv neej tsis kam hle kaus mom 11, tsis pom tej yam hwj huam loj tas npaud los cas!"


    Thaum qhov ntawd dua lawm, cov neeg sib nug zom zaws tias lawv puas pom dab tsi thiab pom zoo li cas. Coob leej hais tias tau pom hub hnub dhia dhia thiab tshee tshee; ib txhia hais tias tau pom Niam Mab Liab lub ntsej muag luag nyav; ib txhia hais tias lub hnub kiv ntog zoo li ib lub kauj vab hluav taws uas twb poob los yuav luag ti av, yuav luag hlawv ntiaj teb; ib txhia pom hub hnub hloov ntau yam tsos sib law."


    Muaj ib tug neeg txawj ntse uas kawm tiav doctor, nws kuj tuaj xyuas; nws piav li no tias:
    "Kuv tos tos ntsia ntsoov qhov chaw uas Niam Mab Liab tuaj sawv ntawd; kuv twb nkees tas vim pheej tsis txawj pom ib yam dab tsi zoo saib li. Ces kuv txawm hnov cov neeg qw ntshoo nrooj, thiab kuv pom cov neeg, uas nyob puv ntia qhov txhia chaw, tig zom taws mus rau saum ntuj. Thaum ntawd zoo li yog tab tom tav su hnub ntseg ntsos. Kuv kuj tig mus ntsia lub hnub thiab. Lub hnub twb nqes tawm saum txheej huab saud los rau hauv lawm. Kuv pom zoo li ib lub kheej kheej ci dawb paug. Tiam sis ntsia tsis mob qhov muag 11.. Kuj tsis yog zoo li lub hli uas yus pom tej hmo ntuj huv si...Sawv daws yeej pom tias yog lub hnub muaj hluav taws kub lug ntag....Saum ntuj, lub ntuj ntsuab xiab. Pom tej twv huab dawb nyob qhov ub qhov no. Qee tsam pom lub hnub dawb lias saum qab
    ntuj ntsuab, huab khiav zom zaws sab hnub poob los mus rau sab hnub tuaj. Tiam sis, huab hla hauv qab hnub los mus: cov huab ntawd cia li hloov ua tsos liab paj yeeb los tsos xiav.


    Yog ib qhov txaus qhuas tias cas peb tau zoo ntsia lub hnub...tsis nco qab mob qhov muag los ci qhov muag li. Peb ntsia lub hnub li ntawd ntev kwv yees 10 feeb. Muaj ob pliag xwb uas lub hnub ci heev tshaj ua kom yus yuav tsum tig mus ntsia lwm qhov. Lub hnub kiv ceev ceev (li lub tuj lub). Txawm hnov cov neeg ua tib lub suab qw vim lub hnub cia li zoo li plam plaws saum ntuj poob ceev nrooj los rau hauv ntiaj teb no. Ntsia zoo li yog ib daig zeb hluav taws hnyav hnyav uas yuav poob los khwb peb, ua peb ntshai tshee na. Thaum lub hnub ua li ntawd, kuv pom zoo li lub ntuj tsaus nyos. Kuv ntsia ncig lees thiab ntsia tim qab ntuj, tas puas tsav yam zoo li xiav dub lus, muaj tsos tsam xem nrog. Kuv ntshai tsam yog kuv qhov muag tsis zoo; kuv txawm tig rov tom qab thiab muab tes pos qhov muag ib pliag. Kuv rov qhib qhov muag ntsia lub ntuj thiab tas puas tsav yam kuj tseem xiav tsam xem li qub thiab....Kuv tseem ntsia ntsia lub hnub, cas zoo li ntuj kaj zog tuaj ne. Hnov leej twg txawm hais tias: 'Cas tus poj niam ntawd daj ntseg ua luaj!' Kuv mam li ntsia no ciav tas puas
    tsav yam deb thiab ze twb hloov ua tsos daj tag. Coy neeg zoo nkaus li yog neeg mob daj tas txhua tus. Kuv ntsia kuv kuj xav luag tias cas sawv daws yuav phem ua luaj. Kuv ntsia kuv txhais tes
    los kuj daj tas thiab..."

    Ib tug me nyuam tub, thaum ntawd nws muaj cuaj xyoos, nws nyob deb li 10 miles ntawm Fatima. Zaum no nws yog ib tug Txiv Plig. Hnub ntawd nws nyob hauv tsev kawm ntawv; nws kuj piav txog zoo li no:
    " Zoo li yog tav su. Peb hnov cov neeg mus mus los los dhau ntawm tsev kawm ntawv pheej qw zom zaws. Tus xib hwb txawm tawm mus xyuas, peb cov me nyuam yaus lawv qab nplawg ntia. Peb pom cov neeg nyob ntawm kev tus quaj los muaj, tus qw los muaj; saw daws taw tes rau lub hnub...Kuv tsis paub yuav piav li cas txog qhov kuv tau pom thaum ntawd. Kuv ntsia lub hnub cas lub hnub tsaus tsaus tsis ci qhov muag li. Zoo li ib lub khaub hnab dawb dawb uas pheej kiv tsis tseg. Nws txawm
    cia li poob ceev ceev los..., zoo li yuav los khwb ntiaj teb. Kuv ntshai ces kuv khiav mus nkaum hauv cov neeg. Tas sawv daws ntshai tias ntiaj teb yuav kawg xwb lauj! Nyob ze ntawd muaj ib tug txiv neej uas nws tsis ntseeg Ntuj li. Thaum yav sawv ntxov, nws cav luag luag thiab thuam thuam cov neeg. Kuv ntsia nws; nws zoo li yoob tag: qhov muag ntsia ntsoov lub hnub tsis ntsais li. Nws ib ce tshee na puag saum taub hau txog nram ko taw. Nws txawm tsa tes saum ntuj thiab txhos caug hauv
    cov av nkos; nws tsa suab qw qw tias: 'Niam Mab Liab! Niam Mab Liab!' Tas sawv daws nyias quaj nyias zom zaws thov kom Ntuj zam lawv cov txhaum rau lawv...


    Thaum lub hnub tab tom ua li ntawd, tas puas tsav yam thiab cov neeg nyob ib ncig hloov ua ntau yam tsos. Peb sib ntsia peb mas ib tug xiav, ib tug daj, ib tug liab. Ces ua kom cov neeg haj yam ntshai. Lub hnub ua li ntawd ntev li 10 feeb ces nws rov qab txawb nws li qub nyob saum ntuj. Thaum cov neeg pom tias dhau lawm, sawv daws zoo siab thiab qw zom zaws cav txog Niam Mab Liab."



    Thaum cov neeg sawv zom zaws hauv av los, kuj muaj ib yam ua rau sawv daws qhuas thiab zoo siab kawg. Nyuam qhuav puas ta, lawv tej ris tsho ntub npliag nplaws. Zaum no lawv pom lawv cov ris tsho qhuav qhawv tas lawm. Cuag li yog Niam Mab Liab txhob txwm ua qhov ntawd pub rau lawv vim law muaj siab tiv nag ntsuav tuaj xyuas nws.

    Tsis ntev tom qab, tus Tswv Qhia loj saib xyuas thaj tsam ntawd kuj tau sau ib tsab ntawv tshaj tawm li no tias:

    "Cov me nyuam yaus yeej tau xub teem lub hnub nyoog thiab lub caij ntev ua ntej los lawm.... Thaum txog hnub ntawd, txawm tias cua no ntxiag thiab los nag ntub ntsuav, los ntau txhiab leej neeg
    tuaj xyuas.... Lawv tau pom lub hnub ua ntau yam txuj los hawm txog tus Poj Vaj kav saum ntuj thiab kav ntiaj teb uas nws tseem ci ntsa tshaj lub hnub. Yam ntawd tsis muaj ib lub tsev tsom hnub qub (astronomical observatory) yuav tsom tau vim nws tsis yog ntiaj teb ua. Muaj ntau hom neeg tau pom: cov muaj thiab cov pluag, cov ua nom thiab cov tsis ua, cov ntseeg thiab cov tsis ntseeg, cov sau ntawv xov xwm los kuj pom, cov neeg nyob hauv cov zos ib cheeb tsam ncig ntawd los kuj pom."


    Vim hais tias tsis yog ib leeg xwb; tiam sis, ntau txhiab leej neeg tau pom lub hnub ua ntau yam nyob saum ntuj, ces peb ntseeg tau tias tsis yog cov me nyuam yaus lam dag xwb. Tiam sis yog tseeb tiag.

    13 xyoos tom qab, yog xyoo 1930, lub Koom Txoos tau tshaj tawm hais tias cov xwm, uas tshwm sim nyob Fatima xyoo 1917, yog ib cov xwm tsim nyog peb ntseeg txog.


    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5329
    Date d'inscription : 2009-08-18

    Re: Niam Mab Liab Tshwm Sim nyob Fatima

    Post  Maiv Tooj on 20th March 2010, 11:10 am


    Nyob zoo Mim,

    Ua tsaug rau nws lub sij hawm muaj nqes.
    Nws ua tau zoo kawg nkaus...Cas kuv twb nyeem ua lus Fab Kis ntau zaus heev, kuj zoo kawg. Tab sis thaum los nyeem ua lus Hmoob mas kuj deev siab tshaj li lawm thiab. Vim yog yus hom lus ces zoo li nim zoo tshaj lawm ntau.
    Ua tsaug nawb mog.



    avatar
    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    Re: Niam Mab Liab Tshwm Sim nyob Fatima

    Post  Maiv Paj Lug on 20th March 2010, 12:25 pm

    Amen, ua Tswv Ntuj tsaug pub txiaj ntsim zoo rau Niamlaus Mim txhais Keeb Kwm Notre Dame de Fatima zoo heev. Nyeem ua lus Hmoob peb siab kaj lug .
    avatar
    Maivxis
    Phooj Ywg
    Phooj Ywg

    Messages : 265
    Date d'inscription : 2009-11-05

    Re: Niam Mab Liab Tshwm Sim nyob Fatima

    Post  Maivxis on 21st March 2010, 9:28 pm

    Mim wrote:Niam Mab Liab tshwm sim zaum 6... (ntxiv)


    Nyob zoo os mim ,

    Ua tsaug koj cov lus txhais ua lus hmoob os mog nws zoo kawg li thiab zoo siab ua tau nyeem ua rau kuv lub siab kaj kawg li os mog , Ua tsaug ntau os tus me ntxhais tshaj lij , Huab tais Yesxus los nyob rau hauv lub siab lub tswv yim ua rau koj ua nws txoj hauj lwm kom tau raws li nws lub siab xav koj thiaj li txawj ntau yam txoj kev tshaj lij , Ua huab tais ntuj tsaug ua tau xaiv ib tug ntxhais hmoob muaj lub siab ntseeg zoo li koj os mog thov kom koj tsuas muaj kev kaj siab thiab kom koj tau txais huab tais ntuj lub txiaj ntsim es kom koj xav tau yam twg los raws li koj lub siab xav os mog Mim
    Thov kom noj qab nyob zoo os mog .

    Phauj Maivxis .
    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 1944
    Date d'inscription : 2009-10-16

    Re: Niam Mab Liab Tshwm Sim nyob Fatima

    Post  Mim on 26th March 2010, 3:53 pm

    Tais Tooj, MPL, thiab phauj Maiv Xis,

    Ua nej sd tsaug os uas nej yeej nquag txhawb kuv zog kawg li.
    Kuv tseem tsis tau tiav thiab os nawb. Tej zaum nej twb ceeb laj nyeem kawg lawm, tiam sis kuv tseem yuav tuaj tham ntxiv thiab. Xav tias ob zaj nram qab no yuav yog ob zaj kawg lawm os.
    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 1944
    Date d'inscription : 2009-10-16

    Francisco thiab Jacinta

    Post  Mim on 26th March 2010, 5:05 pm

    Thaum niam Mab Liab tuaj xyuas cov me nyuam yaus zaum ob xwb, nws twb hais qhia rau lawv tias tshuav tsis ntev nws yuav los tos Jacinta thiab Francisco nkawd mus saum ntuj; tiam sis, Lucia tseem yuav nyob ntev. Ib xyoos tom qab, yog xyoo 1918, thaum lub 10 hli yuav tas, Jacinta nkawd tsev neeg txawm raug mob tas txhua tus; tshuav nkawd txiv thiaj tsis mob xwb. Thaum Francisco mob heev tsawv, sawv tsis taus lawd, niam Mab Liab rov qab tuaj xyuas Francisco thiab Jacinta nkawd. Peb mloog Jacinta piav rau Lucia li no:


    - "Lucia, koj saib niam Mab Liab tuaj xyuas wb;nws hais tias nws twb yuav los coj Francisco sai sai no. Hos nws nug kuv tias kuv puas xav pab cov neeg txhaum ntau dua ntxiv. Kuv hais tias kuv xav. Ces nws hais tias nws xav kom kuv mus pw ob lub tsev kho mob; tiam sis, tsis yog pw kho kom kuv zoo. Yog pw kom kuv tau nyiaj mob ntau los nyiam Tswv Ntuj thiab pab cov neeg txhaum thiab them rau cov txhaum uas neeg pheej ua rau niam Mab Liab lub Plawv Ntshiab xwb. Nws hais tias koj yuav tsis tau nrog kuv mus. Kuv niam yuav coj kuv mus tso rau hauv tsev kho mob ces kuv yuav nyob kuv ib leeg xwb."

    Francisco thiab Jacinta paub tias tshuav tsis ntev rau nkawd nyob lawm xwb. Nkawd niaj hnub mob siab rau teev Ntuj tsis tseg thiab hais txoj saw Mab Liab thiab nyiaj tas puas tsav yam kom tau nyiam Ntuj. Francisco nco ntsoov niam Mab Liab lo lus hais tias kom nws hais ntau txoj saw Mab Liab tso nws mam li tau mus saum ntuj. Jacinta kub siab lug nyiaj tas puas tsav yam los pab cov neeg txhaum thiab los nplij niam Mab Liab lub Plawv Ntshiab.


    Thaum Francisco paub hais tias yuav txog nws lub sij hawm, nws hais rau nws txiv tias:
    - "Txiv, kuv xav txais Yes Xus lub Cev tso kuv mam tuag."
    Nws hais li ntawd vim nws tseem tsis tau txais Yes Xus lub Cev dua li. Ces nws txiv ua kua muag teev yees nws thiaj mus nrog Txiv Plig tham. Hnub ntawd, thaum yav hnub qaij, Txiv Plig thiaj tuaj daws txhaum rau Francisco thiab hais rau nws tias tag kis kom nws niam tsis txhob muab dab tsi nws noj txij ib tag hmo mus vim nws yuav tsum yoo tos txais Yes Xus lub Cev. Thaum sawv
    ntxov, Txiv Plig nqa Yes Xus lub Cev tuaj. Francisco txais Yes Xus lub Cev yog thawj zaug thiab yog zaum kawg. Lucia kuj tuaj xyuas nws.

    Lucia yeej tuaj xyuas nkawd ob leeg tsis tseg, tuaj nrog nkawd tham, nrog nkawd teev Ntuj ua ke. Vim nkawd ob leeg mob, Jacinta thiab Francisco nyias pw nyias chav, lawv tsis pub nkawd sib xyuas li. Hnub ntawd nkawd -niam nkawd txiv pub Jacinta los xyuas Francisco yog zaum kawg uas lawv peb leeg tau nyob ua ke. Thaum yav tsaus ntuj, Francisco nkees heev zuj zus. Lucia tuaj nrog lawv zov nws ib hmos mus txog kaj ntug. Tag kis, thaum 10 teev sawv ntxov, nws txoj sia tu twj ywm, ntsia yam li yog tsaug zog xwb. Hnub ntawd yog lub 4 hlis tim 4, 1919.

    Zaum no tshuav Lucia thiab Jacinta nkawd ob leeg lawm xwb. Nkawd kuj nyob mluas kawg vim nkawd nco Francisco. Lawv peb leeg zoo li koom ib lub siab xwb. Yog ib tug tsis nyob lawm ces, kuj dua rhe nkawd ib nploog siab lawm. Lucia niaj hnub mus xyuas Francisco lub ntxa thiab mus xyuas Jacinta uas nws mob mob pw xwb. Zaum no nws tus mob huam los rau ntawm hauv siab
    lawm ua rau nws haj yam nkees thiab mob heev. Tiam sis Jacinta tsis nco txog nws kev mob; nws tsuas nco txog tias yuav tsum nyiaj mob pab cov neeg txhaum xwb. Txawm ib qho mob me me los nws saib muaj nqes tshaj tej nyiaj tej kub hauv ntiaj teb no.


    Muaj ib tug kws tshuaj tuaj hais rau Jacinta niam thiab txiv tias yuav tsum coj nws mus pw hauv tsev kho mob hauv nroog thiaj li muaj cov kws tshuaj txawj kho nws zoo dua. Jacinta yeej paub tias txawm kho npaum twg los nws yeej yuav tsis zoo li. Tiam sis nws xav ua raws li niam Mab Liab hais ces txawm nws nyuaj siab tias yuav ua cas mus nyob ib leeg tsis pom nws tsev neeg thiab
    tsis pom Lucia, los nws ua ib siab mus. Nws txiv thiaj tsaws nws caij luj. Ob txiv tub taug kev mus txog lub tsev kho mob hauv lub nroog Ourem. Nws pw tau ob hlis. Lucia thiab nws niam nkawd tuaj xyuas nws ib zaug. Txawm cov kws tshuaj xyiv fab kho npaum twg los tsis pab dab tsi 1i.
    Nws lub kev txhab ntawm hauv siab to loj tsawv thiab pheej paim tas mus li. Cov kws tshuaj tsis paub ua li cas ntxiv ces lawv tso nws mus tsev.

    Thaum ntawd Jacinta yuag yuag tshuav pob txha lawm xwb. Muaj ib hnub, nws hais qhia Lucia tias:
    - "Tej thaum kuv nyob ib leeg xwb, kuv sawv los hais tus Tshiab zaj teev Ntuj. Tiam sis kuv khoov tsis taus kom ti av lawm. Yog kuv khoov cev, kuv pheej ntog. Kuv txhos caug hais lawm xwb." Lucia hnov li ntawd, nws hais qhia rau ib tug txiv Plig. Tus Txiv Plig thiaj hais rau Lucia kom hais Jacinta pw teev
    Ntuj xwb. Jacinta hais tias tsam Yes Xus tsis nyiam. Lucia hais tias Yes Xus xav kom peb mloog Txiv Plig hais. Yog Txiv Plig kom ua li ntawd ces Yes Xus nyiam. Jacinta thiaj li tsis sawv los teev Ntuj lawm. Txawm nws twb tsis muaj zog li ntawd los Jacinta taij nws niam nws txiv tias nws yuav mus koom thaj txi Ntuj. Lucia twb niaj tag kis mus; nws yuav mus thiab. Lucia thiaj tuaj hais nws kom nyob twj ywm.
    - "Koj tsis txhob mus; koj twb tsis muaj zog 1i. Thiab tag kis twb tsis yog hnub chiv."
    Jacinta hais tias:
    - "Tsis yog los xij.
    Kuv xav mus pauj cov neeg txhaum uas tab hnub chiv lawv twb tsis mus teev Ntuj li.... Lucia, koj puas paub? HT Yes Xus tu siab kawg li. Niam Mab Liab twb hais rau peb hais tias kom tsis txhob ua txhaum rau nws ntxiv. Tiam sis tsis muaj leej twg yuav quav ntsej txog li. Lawv ua lawv li qub xwb."

    Lucia tseem piav tias muaj ib hnub Jacinta niam nqa tau ib khob mis nyuj los kom Jacinta haus; nws tsis kam haus. Thaum nws niam tawm mus lawm, Lucia hais rau Jacinta tias:
    - "Ua cas koj thiaj tsis mloog koj niam lus? Koj tsis xav nyiaj qhov ntawd pub rau Yes Xus lod?"
    Jacinta hnov li ntawd nws ua kua muag teev yees. Nws hu nws niam los thiab thov txhaum ntawm nws niam. Nws thiaj hais tias txij no mus nws mam li noj tas puas tsav yam nws niam muab los. Nws niam thiaj rov qab nqa khob mis nyuj los rau nws haus. Txawm nws tsis xav haus kiag li los
    nws ua tiag nqos, tsis hnya li.

    Muaj ib hnub nws niam nqa ib khob mis nyuj thiab ib co txiv cawv (grapes) los. Nws yeej ib txwm nyiam noj txiv cawv; nws twb nqhis cov txiv ntawd kawg. Tiam sis, nws xav ua ib qho them txim ces nws hais rau nws niam kom nqa cov txiv mus thiab muab khob mis rau nws haus xwb vim khob mis yog qhov nws tsis nqhis.

    Jacinta yog ib tug nyiam lub cim Yug. Niaj tag kis, thaum Lucia mus koom thaj txi Ntuj thiab txais Yes Xus lub cev tas, nws los mus xyuas Jacinta. Jacinta nug tias:


    - “Koj puas tau txais Yes Xus lub Cev?
    - “Kuv txais lawm thiab.
    - “Koj los ze ze kuv saib; koj muaj Yes Xus hauv koj..."

    Lucia muab tau ib daig duab pom lub Cim Yug rau Jacinta. Jacinta muab coj los nwj. Nws hais tias:
    - "Yog Yes Xus nkaum nyob hauv no. Kuv nyiam nws kawg nkaus."
    Lucia muab ib daig duab pom Yes Xus lub plawv rau Jacinta. Jacinta niaj hnub muab coj los xyuas nraim. Nws xav tau ib daig duab pom niam Mab Liab lub plawv thiab; tiam sis, Lucia nrhiav tsis tau ib daig coj tuaj. Jacinta hais tias:
    - "Tsis ntev kuv twb yuav mus saum ntuj. Koj tseem yuav nyob ntxiv kom tau tshaj tawm hais tias HT Yes Xus xav kom nyob thoob ntiaj teb muaj kev hwm txog niam Mab Liab lub Plawv. Thaum txog caij tshaj tawm qhov ntawd, koj tsis txhob ua siab me mog. Koj hais qhia rau txhua leej txhua tus tias HT Yes Xus pub nws cov txiaj ntsim hla ntawm Niam Mab Liab lub Plawv tuaj rau peb kom sawv daws yuav tsum thov ntawm niam Mab Liab, thiab koj qhia hais tias yuav tsum tib txhij hwm Yes Xus lub Plawv thiab niam Mab Liab lub Plawv ua ke. Thiab koj qhia hais tias kom lawv thov kev thaj yeeb ntawm niam Mab Liab lub Plawv vim Tswv Ntuj tso qhov ntawd rau nws saib xyuas. Ab! Kheev kuv lam txawj ua tau kom txhua leej txhua tus muaj lub siab kub lug li kuv lub siab kub lug nyiam Yes Xus lub Plawv thiab niam Nab Liab lub Plawv mas."


    Niam Nab Liab kuj rov qab tuaj xyuas Jacinta. Jacinta qhia rau Lucia li no:
    - "Lucia, Niam Mab Liab hais tias kuv yuav mus pw dua ib lub tsev kho mob nyob Lisbon no. Kuv yuav tsis pom koj los pom kuv niam kuv txiv ntxiv ib zaug lawm, thiab kuv yuav nyiaj mob ntau ntau ces thaum kawg kuv yuav tuag kuv ib leeg xwb no. Nws hais tias kom kuv tsis txhob ntshai vim nws yuav los coj kuv nrog nws mus nyob saum ntuj no. (Jacinta txawm cev ob txhais
    tes tuaj puag Lucia thiab quaj rau nws tias): Kuv yuav tsis pom koj ib zaug ntxiv. Koj thov
    Ntuj pab kuv vim kuv yuav tuag kuv ib leeg
    xwb."

    Jacinta xav txog tias nws yuav tuag ib leeg mas ua rau nws nyuaj siab kawg 1i. Muaj ib zaug Lucia tuaj ntsib nws tab tom muab Niam Mab Liab daim duab los khawm thiab nws hais lus nrov nrov tias:
    - "Kuv mi niam e, kuv txawm yuav tuag kuv ib leeg
    xwb lod?"
    Lucia txais ntua tias:
    - "Ua cas koj thiaj txhawj tuag ib leeg? Tsis txhawj 1i. Niam Mab Liab twb
    yuav los coj koj ne?

    - "Yog li thiab. Tiam sis, xyov muaj tsam puav kuv pheej tsis nco qab hais tias nws yuav los tos kuv li."
    - "Ua siab loj Jacinta, Koj tub tshuav tsis ntev xwb koj twb yuav tau mus saum ntuj. Kuv ces....(Lucia kua mog poob)."
    - "Txhob quaj, Lucia. Kuv mus saum ntuj kuv mom li thov Ntuj pab koj ntau ntau mog. Koj yuav tsum nyob vim yog Niam Mab Liab xav kom koj nyob."
    - "Jacinta, koj mus saum ntuj koj npaj mus ua dab tsi?"
    - "Kuv yuav nyiam Yes Xus tag kuv lub siab thiab nyiam niam Mab Liab lub Plawv, thiab kuv yuav thov Ntuj pab koj, pab Vaj Qhia, pab kuv niam kuv txiv, kuv cov nus cov viv ncaus, pab txhua leej uas thov txog kuv thiab pab cov neeg txhaum. Kuv nyiam nyiaj tas puas tsav yam pub rau HT Yes Xus thiab pub rau Niam Mab Liab. Nkawd hlub cov neeg uas nyiaj tas puas tsav yam pab cov neeg txhaum."

    Lisbon yog lub tsheej loj (Capital) nyob hauv Portugal teb, nyob deb Fatima li 70 miles. Nyob nyob Jacinta txawm cia li hais txog tias nws yuav tau mus pw tsev kho mob nyob Lisbon. Nws tsev neeg tsis ntseeg, lawv xav tias nws lam ua 'npau suav txog xwb. Nws nyuam qhuav hais li ntawd tas, tau ob peb hnub tom gab txawm muaj ib tug kws tshuaj thiab nws poj niam nkawd tuaj xyuas lawv. Ob tug niam txiv kws tshuaj ntawd tau hnov txog cov xwm tshwm sim tuaj nyob Fatima, nkawd tuaj xyuas ghov chaw ntawd thiab teev Ntuj nyob ntawd tas nkawd mam los nres xyuas Jacinta. Nkawd pom Jacinta yuag yuag daj ntseg lis mus tsis tshua taus kev lawm. Tiam sis nws niam nws txiv tsis nco txhawj thiab tsis nrhiav kho li vim lawv xav tias twb coj mus kho ib zaug lawm tsis zoo, thiab Jacinta yeej ntseeg tias Niam Mab Liab yuav los tos nws mus xwb ces ntshai kho los yuav tsis pab dab tsi. Tus kws tshuaj thiaj yws yws nws niam nws txiv tias tsis yog li ntawd. Yuav tsum kho tus me ntxhais no kom kawg kev tso. Yog tsis zoo, los thiaj paub tseeb tias niam Mab Liab yuav los coj nws mus tiag. Tus kws tshuaj, hais li ntawd ces ua rau nkawd siab tsis tus. Nkawd thiaj mus cuag Txiv Plig. Txiv Plig kuj hais tias yog li tus kws tshuaj hais thiab. Ces thaum lub ob hlis tim 2, 1920, Jacinta thiaj sawv kev tuaj mus txog Lisbon.


    Nws niam coj nws tuaj. Nkawd caij tsheb nqaj tuaj. Thaum nkawd tuaj txog, nrhiav tsis tau chaw nyob li vim tsis muaj leej twg xav txais ib tug mob los nyob hauv lawv tsev. Ob niam tub thiaj mus thov chaw nyob hauv ib lub tsev txais cov me nyuam ntsuag. Tus Phauj uas saib xyuas lub tsev ntawd txais nkawd zoo thiab nws hlub Jacinta cuag li nws yog Jacinta niam thiab. Nws niam nyob ob peb hnub ces nws niam rov mus tsev lawm. Jacinta tsis laj nyob; nws nyiam nyob hauv lub tsev ntawd; nws nrog cov me nyuam ntsuag sib raug zoo. Nws nyiam heev tshaj mas vim muaj ib chav tsev teev Ntuj ces nws tau kev mus teev Ntuj thaum twg los tau. Nws niaj tag kis mus txais Yes Xus lub Cev thiab niaj hnub mus teev Ntuj, qee tsam txhos caug, qee tsam zaum, ghov muag ntsia
    ntsoov lub tsev tsam phooj tid uas muaj Yes Xus nyob hauv. Qee zaus kuj muaj neeg tuaj xyuas lawv thiab ncig txog hauv tsev teev Ntuj. Muaj ib zaug ib co neeg tuaj lawv tsis coj tus yeeb
    yam phim nyob hauv tsev teev Ntuj, Jacinta yws yws rau tus Phauj tias:
    - "Phauj, koj tsis txhob pub lawv ua li ntawd. Lawv yuav tsum coj tus yeeb yam kom phim hwm
    lub cim Yug.
    Sawv daws yuav tsum nyob ntsiag to hauv tsev teev Ntuj, tsis txhob pheej hais hais lus... Niam Malb Liab tsis nyiam kom peb hais lus hauv tsev teev Ntuj li."


    Jacinta nrog ib tug ntxhais ntsuag ua phooj ywg zoo. Nws ghuab qhia tus ntxhais
    ntawd cuag li nws twb yog ib tug laus:
    - "Koj yuav tsum tsis txhob dag ib zaug, tsis txhob tub nkeeg, thiab yuav tsum mloog mloog lus li. Koj ua siab ntev ua tas puas tsav yam kom zoo pub rau HT Yes Xus thiab nyiam nws ces koj thiaj tau mus saum Ntuj."

    Thaum lub caij Jacinta nyob hauv lub tsev me nyuam ntsuag ntawd, Niam Mab Liab tuaj xyuas nws ob peb zaug. Qee zaus nws tuaj zoo li ib lub kheej kheej pom pom kev xwb; tiam sis, Jacinta paub tias yog niam Mab Liab. Jacinta tab tom yuav muaj 10. xyoo xwb tiam sis nws hais nws cov lus mas twb yog zoo li ib tug laus txawj xav heev lawm. Tus Phauj muab nws tej lus khaws cia rau hauv ntawv huv tib si. Jacinta tau hais cov lus no tseg:
    - "Niam Mab Liab hais tias nyob ntiaj teb no muaj ntau yam kev sib tua thiab kev tsis sib haum. Tej kev sib tua ntawd yog Ntuj rau txim rau neeg vim neeg ua txhaum. Niam Mab Liab cheem tsis tau nws tus Tub txhais tes lawm. Yuav tsum them txhaum. Yog neeg hloov siab mas HT Yes Xus tseem yuav los pab ntiaj teb dua. Tiam sis yog neeg tsis hloov siab, lawv yuav tau raug txim... Tswv Ntuj yuav xa kev txom nyem loj tuaj raug ntiaj teb." (Jacinta piav txog ib co kev sib tua yuav tshwm nyob Portugal, thiab hais txog cov xwm ntiaj teb nyob ze ntawm xyoo 1940).

    Nws kuj tseem hais ntxiv txog li no:
    - "Cov neeg poob hauv dab phem teb heev tshaj yog cov uas lawv ua txhaum ntawm lawv lub cev nqaij ntau. Neeg yuav hnav ib co ris tsho (fashions) uas tsis ntxim HT Yes Xus siab kiag 1i. Lub Koom Txoos tsis muaj ib tug kev cai hloov ris tsho; peb tus HT Yes Xus yeej zoo ib yam tas mus li tsis txawj hloov. Lub ntiaj teb neeg ua txhaum loj dhau. Kheev neeg lam paub tias txoj sia ntev dhawv mus ib txhis yog zoo li cas mas lawv yuav ua tas puas tsav yam kom hloov tau lawv lub neej. Neeg plam lawv txoj sia vim lawv tsis xav txog HT Yes Xus txoj kev tuag ces lawv tsis themtxim txhaum.

    - "Coob leej sib yuav tsis raws li txoj kev zoo: lawv ua tsis haum HT Yes Xus lub siab thiab tsis raws li Tswv Ntuj txoj kev cai. Yuav tsum thov Ntuj tiag pab cov tseem hwv kav teb thaws. Cov nom tswv, uas hiam txoj key ntseeg Yes Xus, yuav tau hmoov phem. Yog lawv tsis txwv lub Koom Txoos thiab cia kev twj lij rau cov ntseeg, Tswv Ntuj yuav foom hmoov zoo rau lawv."



    Txheej thaum ub tej poj niam tsis lam hnav ris tsho pom tas ib ya ncej puab los pom tas ib ya hauv siab li
    , niaj hnub no sd tsuas hnav cov zoo li no ntau xwb. Txheej thaum ub, tej txiv neej los poj niam tsis lam saib phau ntawv los txoj movie liab qab. Niaj hnub no pom neeg liab qab qhov txhia chaw.

    - "Phauj, nej cov tsis txhob ntshaw nrog luag hnav tej niag ris tsho uas pom pom yus lub cev. Nej khiav deb ntawm txoj kev muaj, nyiam txoj kev pluag thiab txoj kev nyob ntsiag to. Nej ua zoo rau
    cov uas ua phem rau nej. Ua siab ntev ntev vim leej twg ua siab ntev thiaj tau mus saum Ntuj. Leej twg nyiaj kev nyuaj thiab them txim txhaum, mas thiaj li ua rau Yes Xus zoo siab."


    - "Lub Cim Daws Txhaum yog ib lub cim txog Yes Xus kev hlub neeg. Vim li ntawd cov neeg yuav tsum tso siab lug thiab zoo siab mus daws txhaum. Yog tsis muaj kev daws txhaum, yuav tsis muaj kev dim txim.

    -“HT Yes Xus Niam xav kom coob leej dua no mus cog lus tsis sib yuav. Yog kuv tsis tuag, kuv yuav zoo siab mus cog lus ua Phauj kawg li; tiam sis, kuv tseem zoo siab dua vim kuv twb yuav tau mus saum ntuj. Yog leej twg xav mus cog lus, mas nws yuav tsum yog ib tug neeg dawb huv hauv lub siab thiab hauv lub cev.

    - "Koj puas paub tias ua neeg dawb huv no yog cas? (Tus Phauj nug).
    - "Kuv paub kawg. Dawb huv hauv lub cev ces yog tsis txhob pub lub cev puas rau kev sib dee; dawb huv hauv lub siab ces yog tsis txhob ua txhaum, tsis txhob ntsia tej yam yuav ua rau yus xav ua txhaum, tsis txhob ua tub sab, tsis txhob dag ib zaug 1i. Hais qhov tiag xwb tab txawm nyuaj los yuav tsum hais. Leej twg tau cog lus rau niam Mab Liab thiab tsis ua raws li tau cog lus, nws yuav tsis tau ib lub neej zoo."

    Thaum Jacinta niam tseem tsis tau rov qab mus tsev, tus Phauj nug nws niam tias saib nws niam puas kam kom nws ob tug niam laus mus ua Phauj. Nws niam tsis pom zoo li; nws niam tu siab tias Francisco los tsis nyob lawm, Jacinta los ntshai yuav ncaim mus thiab. Thaum nkawd sib tham
    ntawd, Jacinta tsis hnov. Tiam sis, thaum tus Phauj los xyuas Jacinta hauv nws chav pw, Jacinta txawm hais tias:

    - "Niam Mab Liab xav kom kuv ob tug niam laus ua phauj kawg; tiam sis, kuv niam tsis kam. Kav liam. Niam Mab Liab twb yuav los coj nkawd mus saum ntuj tsis ntev no."
    Tsis ntev tom qab nkawd ob leeg txawm tuag lawm tiag.

    Jacinta nyob tau ob peb hnub hauv lub tsev me nyuam ntsuag ces nws mam mus pw hauv tsev kho mob rau cov kws tshuaj kho. Lawv xyuas nws lawv hais tias yog nws thooj ntsws mob ua dej thiab nws ob tug tav voos ua kiav txhab lawm. Muaj coob tus kws tshuaj tuaj xyuas nws; tiam sis, lawv tsuas nrhiav kev kho mob raws neeg txuj ci thiab neeg tshuaj xwb; lawv tsis xav hais tias ntshai tsam yog Ntuj ua neeg thiaj mob. Jacinta tsis txaj muag thiab tsis ntshai hais rau cov kws tshuaj tias lawv kho tsis tau kom neeg mob zoo los yog vim lawv tsis muaj ib nyuag ghov kev nyiam Ntuj.


    Muaj ib hnub ib tug kws tshuaj thov Jacinta kom thov Ntuj pab nws. Jacinta hais tias:
    - "Kuv yuav thov Ntuj pab koj; tiam sis, koj nco ntsoov tias tshuav tsis ntev ces koj yuav tau ncaim ntiaj teb mus."
    Jacinta kuj hais tib yam li ntawd rau ib tug kws tshuaj txog nws thiab txog nws tus ntxhais.

    Jacinta pw hauv tsev kho mob, cov neeg kuj ua zoo rau nws. Tiam sis yog nws tu siab tias tsis muaj ib qho chaw teev Ntuj li xwb. Tus Phauj kuj nquag tuaj xyuas nws thiab muaj neeg tuaj
    xyuas nws coob. Muaj tej hnub Jacinta tu siab heev vim nws pom cov poj niam hnav tiab tsis paub txaj muag; lawv hnav tej daim tiab uas twb pom tas ib ya hauv siab. Nws hais rau tus Phauj tias:
    - "Lawv hnav tej ntawd es lawv tau dab tsi? Kheev lawv lam paub tias txoj sia ntev mus ib txhis (eternity) yog zoo li cas mas."

    Muaj ib hnub, ib co neeg tuaj xyuas nws; lawv tham txog ib tug Txiv Plig nws ua tsis tau thaj txi Ntuj ntxiv lawm vim nws tau ua txhaum li ub li no. Jacinta txawm cia li quaj, nws hais tias kom sawv daws yuav tsum tsis txhob tham txog tej Txiv Plig zoo li ntawd; tiam sis, kom sawv daws thov Ntuj pab cov Txiv Plig mas thiaj li yog. Jacinta yeej nquag thov Ntuj pab cov Txiv Plig thiab nws xav kom sawv daws ua ib yam li ntawd.

    Jacinta muaj ib lub qhov txhab to luaj lub nrig ntawm nws hauv siab thiab pheej paim paug tas mus 1i. Thaum nws mus pw thawj zaug tsev kho mob, cov kws tshuaj twb kho tsis tau kom khees li. Zaum no los lawv niaj hnub yuav tsum los muab ntxuav thiab ghwv dua. Mob kawg nkaus, tiam sis, Jacinta tsuas ntsaj ib suab xwb. Nws ua siab ntev ntev nyiaj; nws hais tias:
    - "Peb yuav tsum nyiaj mob thiaj tau mus saum ntuj."

    Jacinta txiv tuaj xyuas Jacinta ib zaug. Nws nyob ob peb teev xwb vim nws tseem tshuav cov mob nyob tom tsev thiab. Tiam sis nws tso siab tias Liab yuav pab saib xyuas nws tus ntxhais.

    Cov kws tshuaj hais rau Jacinta hais tias lawv yuav muab nws phais. Jacinta hais tias:


    - "Phais los tsis muaj qab hau. Niam Mab Liab twb hais qhia kuv tias kuv yuav tuag sai sai no." Jacinta twb thov neeg sau ntawv qhia Lucia tib si tias nws yuav tuag hnub twg thiab tav lub caij twg lawm. Cov kws tshuaj tsis mloog nws li; lawv txawm coj nws mus phais. Jacinta tsis muaj zog txaus ces lawv tsis kam muab nws ua kom tsaug zog; lawv txhaj tshuaj loog rau ntawm qhov nqaij yuav hlais xwb. Tiam sis thaum ntawd tshuaj tsis zoo npaum li zaum no ces pab tsis tau kom loog li. Lawv txiav nws ob tug tav uas mob tawm los.

    Jacinta tau nyiaj mob loj tshaj plaws: nws tseem tau nyiaj kev txaj muag ib cag thiab vim nws tsis nyiam muab nws lub cev thws li ntawd. Tiam sis nws tsis yws thiab tsis nroo li vim nws xav pab kom coob leej neeg tsis txhob poob hauv dab phem cov hluav taws.

    Plaub hnub ua ntej nws tuag, Jacinta hais tias,
    - "Niam Mab Liab rov qab tuaj xyuas kuv dua. Nws hais tias nws yuav los coj kuv sai
    sai. Nws twb daws kuv cov mob tib si lawm. Kuv tsis mob lawm."

    Tus kws tshuaj hu ua Lisboa, uas yog tus tau mus xyuas Jacinta thiab tau hais kom nws niam nws txiv nkawd coj nws mus kho kom kawg siab, nws kuj hais tias Jacinta tsis mob li lawm tiag; nws twb sawv los nyob xyuas duab tej thiab zoo li nws khees lawm. Cov kws tshuaj twb tso siab zog.

    Tus Phauj niaj hnub tuaj xyuas Jacinta thiab coj neeg nrog nws tuaj. Lawv nug nws tias nws puas xav pom nws niam ua ntej nws mam tuag. Jacinta teb tias:
    - "Kuv tsev neeg yuav tsis nyob ntev. Peb yuav tau sib ntsib sai nyob saum ntuj. Niam Mab Liab tseem yuav tshwm sim dua ntxiv; tiam sis, tsis yog tshwm rau kuv pom lawm vim kuv twb yuav tuag li Niam Mab Liab hais."

    Txog lub 2 hlis tim 20, Jacinta nws kuj nyob nws li qub, tsis hloov. Thaum rau teev tsaus ntuj, nws
    hais tias nws nyob tsis zoo kom hu Txiv Plig tuaj. Txiv Plig thiaj tuaj xyuas nws, daws txhaum rau nws tas thiab hais rau nws tias Txiv Plig mam nqa lub Cim Yug tuaj rau nws thaum sawv ntxov. Jacinta hais tias kom nqa tuaj hmo ntawd. Txiv Plig tsis pom hais tias yuav muaj kev txhawj dab tsi thiab yuav maj nqa tuaj. Jacinta hais tias nws yuav tuag hmo ntawd; tiam sis Txiv Plig xav tias cia tag kis tso. Ib ntsis, thaum kaum teev ib nrab tsaus ntuj, Jacinta txoj sia tu twj ywm; nws tsis tau txais Yes Xus lub Cev raws li nws siab xav.

    Ib tug poj nurse, uas nrog Jacinta sib raug zoo, thiaj li nyob ntawd pom Jacinta tuag xwb. Nws zov lub cev nyob ntawd ib hmos txog kaj ntug ces nws thiaj kho ib daig tiab dawb ntxuag ib txog hlab xiav rau Jacinta hnav raws li Jacinta tau xub thov kom nws ua li ntawd lawm vim niam Mab Liab hnav zoo li ntawd.

    Tus kws tshuaj Lisboa xav tias tej zaum yav tom ntej lub Koom Txoos yuav zeem paub tias Niam Mab Liab tau tshwm sim nyob Fatima tiag, ces nws tsis xav kom muab Jacinta lub cev faus raws li kev cai. Nws mus thov tus Txiv Plig hauv lub tsev teev Ntuj uas nyob ze thaj tsam ntawd. Nws nrog Txiv Plig sib hais nyuaj tsawv. Thaum kawg, Txiv Plig mam li kam coj lub hleb los tso rau hauv ib chav hauv tsev teev Ntuj thiab tos saib yuav npaj faus li cas.

    Jacinta lub moo tuag nrov sai, neeg tuaj sib laub sib lug tuaj xyuas. Lawv xav nqa saw Mab Liab los mlom Mab Liab tej tuaj kom tau chwv nws lub cev. Tiam sis Txiv Plig tsis pub; Txiv Plig hais tias lawv ua li ntawd mas lawv tsuas ua tau rau cov neeg uas lub Koom Txoos twb tsa ua Leej Ntshiab lawm xwb. Ces Txiv Plig muab lub hleb hloov mus rau ib chav uas muaj chaw xauv tib si. Tiam sis neeg tseem pheej tuaj quj gees; lawv ntseeg tias tus me ntxhais ntawd yeej tau mus nrog Niam Mab Liab nyob lawm xwb. Tus saib tuag thiaj nyob zov nraim thiab nws coj cov neeg mus xyuas ua tej pwb pab tsis coob.
    Tus saib tuag piav tias nws tsis tau pom dua ib tug tuag zoo li Jacinta. Nws piav tias:
    - "Kuv tseem pom nws zoo li ib tug me nyuam tshiab saum ntuj. Nws pw hauv hleb zoo li tseem muaj sia: me ntsej muag zoo zoo nkauj tshiab khiv, me di ncauj liab ploog. Ua txoj hauj 1wm no kuv tau pom coob leej tuag, laus thiab hluas. Tsis tau muaj zoo li no ib zaug 1i. Muaj ib tug ntxhiab tsw tsw qab ncho ntawm lub cev ntawd los. Tab tus neeg tsis ntseeg kiag los nws yeej los hnov tau tias tsis yog raws li kev cai. Txawm tus me ntxhais twb tuag tau peb hnub lawm los tseem hnov tsw qab ntxiag cuag muaj ib taig paj txawb ntawd."

    Yog peb xav txog tias Jacinta twb mob mob nws lub cev muaj kiav txhab, muaj paug li ntawd lawm, mas phim lub cev yuav lwj sai. Tiam sis tsis yog li ntawd.

    Hnub tim 24, lawv thiaj muab Jacinta lub cev tso rau hauv ib lub hleb hlau thiab thauj los mus rau nws niam nws txiv faus. Thaum Jacinta tseem nyob hauv lub tsev me nyuam ntsuag, tus Phauj hais rau Jacinta tias muaj ib yam uas nws xav tau pom ua ntej nws tuag mas yog mus xyuas thaj chaw la Cova da Iria. Jacinta hais rau tus Phauj tias: "Txhob txhawj, Phauj. Koj yuav tau mus thaum kuv tuag tas lawm." Ces tus Phauj thiaj li tau xa lub hleb thiab tuaj pom Fatima raws li Jacinta tau hais rau nws lawm.

    Kaum tsib xyoos tom qab, yog xyoo 1935, lub 9 hlis, hnub tim 12, tus Tswv Qhia nyob Leiria, uas yog lub nroog loj nyob ze Fatima, hais kom khawb Jacinta thiab Francisco nkawd cov pob txha coj los tso ua ke rau hauv ib lub ntxa uas yog txhob txwm ua rau nkawd. Thaum lawv qhib Jacinta lub hleb, nws lub cev tseem nyob zoo zoo tsis tau lwj. Francisco lub cev thiaj tshuav pob txha lawm xwb.


    Francisco cov pob txha thiab Jacinta lub cev muab tso rau hauv lub tuam tsev teev ntuj Basilica of Fatima. Pib xyoo 1946, lub Koom Txoos tau pib nrhiav tshawb xyuas nkawd lub neej. Xyoo 2000, lub 5 hlis tim 13, Vaj Qhia Zam Paj Lug II tau tsa nkawd ua Blessed. Tshuav ib kauj ruam ntxiv ces nkawd tau nce ua leej Ntshiab. Niaj hnub no peb cov ntseeg muaj cai thov thiab vam txog nkawd pab peb.

    Blessed Francisco, pray for us.
    Blessed Jacinta, pray for us.
    Leej muaj hmoo Francisco, koj thov Ntuj rau peb.
    Leej muaj hmoo Jacinta, koj thov Ntuj rau peb.


    Last edited by Mim on 27th March 2010, 3:09 am; edited 4 times in total
    avatar
    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    Re: Niam Mab Liab Tshwm Sim nyob Fatima

    Post  Maiv Paj Lug on 27th March 2010, 1:00 am

    Mim, tuaj sau ntxiv os, kuv nyeem tsis dhuav li, kuv paub tias muaj Niam Mab Liab Tshwm sim nyob Fatima xwb kuv twb tsis paub txog lawv lub neej, nov yog thawj zaug kuv tau nyeem thiab paub txog lawv lub neej xwb, zoo heev koj npaj siab muab ua ib phau ntawv nawb mog.

    Leej twg nyeem koj phau ntawv yuav tau txiaj ntsim ntau . Niaj hnub no Jacintha thiab Francisco lub cev tseem nyob los? ntshe muaj ib hnub peb yuav tau mus kom txog pob?

    Kuv thov qhua Leej Ntshiab Jacintha thaum lawv muab nws phais mob cov tshuaj tsis loog txaus nws tau nyiaj tej yam mob loj kagw nkaus, peb ua neej nyob puas yuav muaj leej twg kam nyiaj tej kev mob loj npaum Jacintha? ntshe yuav tsawg tus thiaj kam xwb lau
    , ntawm kuv los ntshai kuv yuav ntshai nsthai nyiaj tej kev mob ntawv poob plig tag yog tias Niam Mab liab thiab Yesxus tsis pab kom kuv lub siab kaj .
    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 1944
    Date d'inscription : 2009-10-16

    Re: Niam Mab Liab Tshwm Sim nyob Fatima

    Post  Mim on 27th March 2010, 9:39 am

    Maiv Paj Lug,

    Tsuav koj nyiam nyeem ces kuv zoo siab xwb. Kuv yeej xav tias Jacinta nkawd lub neej zoo qhia peb xyaum nyiam Tswv Ntuj kawg li, kuv thiaj xav muab tso rau hauv no.

    Jacinta lub cev thiaj tseem nyob zoo zoo xwb os, Maiv Paj Lug. Francisco lub cev tshuav pob txha lawm xwb. Txawm li cas los nkawd yog ob tug me nyuam leej ntshiab ntyxim nyiam kawg li.
    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 1944
    Date d'inscription : 2009-10-16

    Lucia

    Post  Mim on 27th March 2010, 3:30 pm



    Jacinta thiab Francisco kuj tau tuag tas raws lawv tau hais tias niam Mab Liab tau hais li lawm tiag. Tshuav Lucia ib leeg lawm xwb. Nws nyob kho siab khuav thiab nco nws ob tug phooj ywg kawg. Neeg niaj hnub tuaj coob coob tuaj xyuas nws, nug ub nug no tsis txawj tas. Xyoo 1921, tus Tswv Qhia nyob Leiria txawm hu Lucia thiab nws niam mus tham. Tswv Qhia hais rau nkawd tias Tswv Qhia xav kom Lucia mus kawm ntawv hauv cov Phauj tsev. Tiam sis nws txwv tsis pub Lucia hais ib los qhia leej twg tias nws yuav mus qhov twg, thiab thaum nws mus txog qhov chaw tshiab lawm, los kom txhob qhia leej twg tias nws yog Lucia li... Nws tsuas muaj tsib hnub npaj xwb kom nws tau sawv kev.

    Ua ntej Lucia sawv kev, nws mus xyuas ib lwm lawv tej chaw uas lawv tau zov yaj ua ke, thaj chaw uas tus Tshiab tuaj xyuas lawv, qhov chaw uas niam Mab Liab tau tuaj sawv. Nws kuj mus xyuas lub tsev teev Ntuj uas nws niaj tag kis mus txais Yes Xus lub Cev. Nws mus xyuas Francisco lub ntxa. Hmo ntawd Lucia pw tsis tsaug zog. Thaum kaj ntug nws sawv ntxov ntxov los. Nws niam xa nws; nkawd mus ko taw mus txog lub nroog Leiria ces Lucia mam caij tsheb nqaj mus txog qhov chaw tshiab. Tus Tswv Qhia yeej nrog tus Phauj, uas saib xyuas lub tsev kawm ntawv Lucia mus nyob ntawd, tham huv tib si lawm. Lucia tuaj txog tus Phauj muab ib lub npe tshiab rau Lucia hu ua Maria das Dores kom txhob muaj neeg paub tias yog Lucia. Tus Phauj kuj rov qab hais rau Lucia tias kom txhob tham ib los txog Fatima. Nyob ntawd, cov ntxhais kawm ntawv sawv daws nyiam Lucia. Lucia tsis tham txog Fatima li; tiam sis, nws hais rau nws cov phooj ywg tias Niam Mab Liab siab zoo npaum li cas thiab qhia lawv tias yuav tsum ua li cas thiaj ntxim Niam Mab Liab siab. Thaum Lucia kawm tiav lawm, nws thov cov Phauj hais tias nws xav nkag hauv lawv lub tsev ua phauj. Lawv zoo siab txais Lucia los ua Phauj nrog lawv. Lucia thiaj mus ua ib tug phauj nyob hauv cov Phauj leej Ntshiab Dorothy (sisters of St Dorothy).

    Thaum Lucia mus nyob hauv tsev ua Phauj lawm, niam Mab Liab kuj tseem rov tuaj xyuas Lucia dua. Xyoo 1925, lub 12 hlis tim 10, Lucia nyob hauv nws chav, Niam Mab Liab coj tus me nyuam Yes Xus nrog nws tuaj. Tus me nyuam Yes Xus nyob ntawm Niam Mab Liab ib sab nyob saum ib tauv huab ci ci. Niam Mab Liab muab ib txhais tes tuav Lucia xub pwg thiab tuav ib lub plawv muaj pos ntau ntau chob nyob hauv ib txhais. Tus me nyuam Yes Xus xub hais lus rau Lucia tias:
    - "Hlub nej niam uas yog tus Dawb Huv tshaj plaws. Nws lub Plawv raug pos chob tas mus li vim neeg tsis nco nws tej txiaj ntsim li thiab tsis muaj leej twg yuav los ua ib qho them txhaum rho cov pos ntawd tawm li."

    Ces Niam Mab Liab mam hais lus rau Lucia Tias:
    - "Me ntxhais, koj ntsia kuv lub Plawv saib. Muaj pos chob ncig tas mus li, vim neeg tsis nco kuv txiaj ntsim li thiab neeg hais lus thuam Ntuj. Ntawm koj mas koj nplij kuv me ntsis, koj hais tawm hais tias yog leej twg mus daws txhaum thiab txais Yes Xus lub Cev thiab hais txoj saw Mab Liab, nrog kuv nyob li 15 fiab xav txog kuv lub neej, yog nws ua li ntawd txog tsib zaug sib law ntawm thawj hnub xya hauv 5 hlis sib law (the first saturdays of five consecutive months), mas thaum txog lub caij nws yuav tuag, kuv yuav pab kom nws tau txais cov koob hmoov uas pub kev cawm neeg rau nws."

    Lucia nco ntsoov Niam Mab Liab lub Plawv uas nrog ntshav tas mus li rau hauv nws nruab siab. Nws hais qhia rau tus Txiv Plig uas saib xyuas nws thiab hais rau nws tus thawj. Tiam sis lawv kuj ua tsis tau dab tsi los pab nws.

    Ib xyoos tom qab, rov txog lub 12 hlis tim 15, 1926, tus me nyuam Yes Xus rov qab tuaj xyuas Lucia dua. Nws nws hais ntau yam rau Luccia tthiab nws nug Lucia tias Lucia puas tau tshaj tawm txog txoj kev teev Ntuj los kho niam Mab Liab lub Plawv tsis lo txhaum(the devotion of reparation to the Immaculate Heart). Lucia hais tias Txiv Plig hais tias yuav tsum paub hais tias cov kev tshwm sim no yog tseeb tso . Hos, nws tus thawj mas nws ib leeg xwb nws ua tsis tau dab tsi. Yes Xus thiaj teb tias: "Koj tus thawj nws ua nws ib leeg xwb ua tsis tau, tiam sis yog muaj kuv lub txiaj ntsim pab, mas nws ua tau tas puas tsav yam."

    Lucia kuj sau ntawv rau nws niam kom nws niam xyaum txoj kev teev Ntuj los kho niam Mab Liab lub Plawv raws li niam Mab Liab tau thov. Lucia hais tias txoj key teev Ntuj ntawd thiaj yuav ntxim Tswv Ntuj siab thiab thiaj yuav nplij tau Niam Mab Liab me me.


    Tau ntev xyoo Lucia tsis qhia hais tias lawv tau pom dab phem teb thaum niam Mab Liab tuaj xyuas lawv zaum peb uas yog lub 7 hli tim 13, 1917. Xyoo 1927, niam Mab Liab thiaj rov tuaj hais rau Lucia tias kom Lucia hais tawm tias lawv tau pom dab phem teb uas muaj neeg txhaum poob hauv coob, thiab kom Lucia qhia hais tias Yes Xus xav kom muaj kev hwm niam Mab Liab lub Plawv tsis lo txhaum thiab niam Mab Liab yuav rov tuaj thov kom muab Lav Xias teb fij rau nws. Thaum ntawd Lucia hloov chaw nyob mus rau lub tsev Phauj nyob Tuy, Spain teb chaws lawm.

    Ob xyoos tom qab, xyoo 1929, 6 hli tim 13, Niam Mab Liab rov qab tuaj dua. Lucia piav li no:
    - "Kuv tau thov tso cai ntawm kuv cov thawj thiab ntawm tus txiv plig uas saib kuv kom pub kuv mus teev Ntuj ib teev niaj hnub Tsib mus rau Hnub Rau thaum 11 teev mus txog 12 teev ib tag hmo . Muaj ib hmos, kuv ib leeg xwb, kuv txhos caug ntawm cov ntxaij hlau hauv nruab nrab tsev teev ntuj. Kuv khoov hauv av thiab hais tus tshiab cov zaj teev ntuj uas nws qhia rau peb. Thaum kuv hnov tsaug leeg blawm, kuv txawm sawv ntsug ua daj tes hais cov zaj teev ntuj ntawd . Tsuas muaj tib lub teeb ntawm lub Cim Yug ci xwb. Ib sij huam cas cia li pom kev ci hob thoob plaws lub tsev teev ntuj. Ces kuv txawm pom ib tug Ntoo Cuam ci ci sawv saum lub thaj txi Ntuj, nws siab mus chwv lub qab ruv saud. Nyob saum toom saum toj tus ntoo cuam, pom ib tug txiv neej lub ntsej muag, ci dua tus ntoo cuam, thiab pom txij duav rov yav saud. Ntawm tus txiv neej lub hauv siab, pom ib tug nquab pom pom kev thiab. Tseem pom ib tug txiv neej ntxiv, uas nws lub cev nyob ntsia dai vias saum tus ntoo cuam. Nyob hauv qab me ntsis ntawm nws lub duav, pom ib lub ntim nrog ib lub ncuav mov uas nyob txawb rau saum ib nta. Muaj tej tee ntshav nrog nrog ntawm Yes Xus saum ntoo cuam lub ntsej muag thiab ntawm lub qhov txhab ntawm nws hauv siab los rau hauv. Cov ntshav ntawd nrog los ntub lub ncuav mov ces mam poob rau hauv lub ntim. Hauv qab sab npab xis ntawm tus ntoo cuam, pom Niam Mab Liab sawv ntawd, nws tuav rawv nws lub plawc ntawm tes. (Yog Leej Niam nyob Fatima tuav nws lub Plawv Ntshiab nyob ntawm nws sab tes laug, tsis pom muaj rab ntaj los cov paj ntshua nplaim li, tiam sis pom muaj ib lub kauj pos thiab ib co nplaim taws). Hauv qab sab npab laug ntawm tus ntoo cuam, pom ib co txwm ntawv loj, zoo li yog dej ntshiab ntshiab, ntog ntws los rau saum lub thaj txi ntuj thiab sau cov lus zoo li no: 'Txiaj ntsim thiab kev khuv leej (los kev hlub) (Grace and Mercy)'.

    Kuv to taub hais tias yog Tswv Ntuj qhia txog Tswv Ntuj Peb Leeg rau kuv paub, nws pub ibqho pom kev ua kom kuv paub hais tias yog zoo li cas. Tiam sis kuv tsis tau cai yuav piav rau sawv daws.

    Niam Mab Liab hais rau kuv tias: - 'Zaum no txog lub sij hawm lawm uas Tswv Ntuj xav kom Vaj Qhia koom nrog tas tsoom Tswv Qhia nyob thoob ntiaj teb muab Lav Xias teb fij rau kuv lub Plawv tsis lo txhaum lawm. Yog lawv ua li ntawd nws cog lus yuav cawm Lav Xias teb. Muaj ntau tus ntsuj plig uas Tswv Ntuj txoj kev ncaj tau txiav txim mus poob rau kev tuag, vim lawv tau ua txhaum rau kuv. Kuv thiaj tuaj thov kom nej ua kev kho kuv. Muab koj tus kheej cev rau ntuj kom qhov no muaj tuaj tau thiab koj yuav thov ntuj tiag.'"

    Lucia hais rau tus Txiv Plig uas saib xyuas nws tias niam Mab Liab tuaj thov li ntawd lawm. Txiv plig thiaj hais rau Lucia kom muab sau rau hauv ntawv. Ces tus Txiv Plig ntawd thiaj muab daim ntawv rau tus Tswv Qhia saib thiab xa mus rau Vaj Qhia tib si. Lucia tos peb xyoos tsis pom ua dab tsi li, Lucia rov qab sau ntawv rau tus Tswv Qhia dua thiab hais rau nws tias Yes Xus hais li no:

    "Lawv tsis xav mloog raws li kuv hais zaum no. Ib yam li thaum ub tus vaj Fab Kis tsis mloog kuv lo lus, lawv yuav rov los lees thiab ua raws kuv hais tom qab, tiam sis yuav lig lawm. Thaum ntawd ces Lav Xias twb muab nws tej kev yuam kev coj mus qhia thoob ntiaj teb tas, ua rau neeg sib tua ua tsov ua rog thiab tsim txom lub Koom Txoos tas lawm. Vaj Qhia yuav ntsib kev nyuaj siab ntau heev."
    (Thaum ub (1689) Yes Xus tau hais rau leej ntshiab Margerite Marie tias kom nws hais rau tus vaj Fab Kis(Louis XIV) kom muab Fab Kis teb fij rau Yes Xus lub Plawv Ntshiab, tiam sis tus vaj tsis mloog, ces 100 xyoo tom qab, Fab Kis teb thiaj raug kev ntxeev siab revolution.)

    Xyoo 1938, lub 1 hlis tim 25, thaum hmo ntuj, muaj ib qho pom kev ci txawv txawv nyob saum ntuj uas ci pom nyob ntau lub teb chaws. Cov kws txuj hais tias yog cov Aurora Borealis, los Northern Lights. Tiam sis Lucia hais tias yog lub cim uas Ntuj qhia tias Ntuj yuav rau txim rau ntiaj teb neeg vim neeg tej kev txhaum.

    Lub 3 hlis, 1938, Yes Las Mas tuaj txeem Austria. Vim qhov ntawd thiaj muaj ua rog ntiaj teb zaum ob. Tiam sis kev sib tua tiag pib xyoo 1939 thaum lub 9 hlis. Thaum kev sib tua pib ntawd, Vaj Qhia, Pius XI, nyuam qhuav tuag tau 6 hli.

    Xyoo 1940, Lucia sau ntawv mus rau tus Tswv Qhia nyob Leiria tias nws tu siab vim tsis tau ua raws li Niam Mab Liab hais. Coyv Txiv Plig uas saib Lucia thiaj sau Niam Mab Liab cov lus mus rau Vaj Qhia. Thaum ntawd yog Vaj Qhia Pius XII. Vaj qhia muab cov lus ntawd los xav thiab thov Ntuj ntev loo. Ces xyoo 1942, uas yog xyoo nco txog Niam Mab Liab tuaj nyob Fatima tau 25 xyoos lawm, thaum lub 10 hli, Vaj Qhia thiab cov Tswv Qhia thiaj ua ib thaj txi Ntuj nyob hauv lub tsev teev Ntuj 1oj los cev lub ntiaj teb rau niam Mab Liab lub Plawv tsis lo txhaum. Thaum lub 12 hlis tim 8, uas yog hnub nco txog niam Mab Liab xeeb los tsis lo neeg lub keeb txhaum, Vaj Qhia rov qab ua ib thaj txi Ntuj nyob Los Mas dua.

    Xyoo 1943, thaum ntuj tshiab (spring), HT Yes Xus rov qab tuaj xyuas Lucia. Lucia piav rau tus Tswv Qhia nyob Curza li no:
    "Txiv Tswv Qhia, HT Yes Xus twb qhia kuv tias nws zoo siab kawg, vim Txiv Vaj Qhia thiab cov Tswv Qhia tau ua thaj txi Ntuj muab lub ntiaj teb tso rau niam Mab Liab lub Plawv lawm. Tiam sis tseem tsis tau zoo raws li nws lub siab xav. Yog li, HT Yes Xus cog lus tias tsis ntev tom ntej no kev ua tsov ua rog yuav tus, tiam sis Lav Xias yuav tsis tau hloov siab. Yog cov Tswv Qhia nyob Spain mloog thiab ua raws li HT Yes Xus lub siab xav...yog lawv ua li ntawd ces zoo. Yog lawv tsis mloog, ces Lav Xias tseem yuav rov qab sawv los ua tus yeeb ncuab uas Ntuj yuav siv los rau txim rau lawv.

    HT Yes Xus kho nws lub siab tus me me; tiam sis, nws tu siab kawg nkaus rau qhov tias muaj neeg tsawg tsawg kawg uas muaj nws lub txiaj ntsim nyob hauv lawv; tiam sis, lawv haj tseem twb tsis xav ua raws li nws txoj kev cai.

    Zaum no HT Yes Xus muab ib txog kev them txim (penance) zoo li no: txhua leej, uas nws xav
    them txim, yuav tsum txiav txim siab coj ib lub neej ncaj ncees ua raws li Yes Xus txoj kev cai. Nws xav kom neeg paub txog qhov no. Vim coob leej xav hais tias kev them txim yog yuav tsum caiv, yoo ntau yam ces lawv ua siab yau yau tias ntshai yuav ua tsis tau. Lawv txawm lam coj ib lub neej tsis qab tsis tsuag thiab tsis nrhiav tawm ntawm kev txhaum 1i.

    Hnub Tsib (Thursday) dhau los no, kuv tau thov lus kheev ntawm kuv cov thawj, ces kuv
    tab tom teev Ntuj hauv tsev teev Ntuj thaum ib tag hmo, HT Yes Xus hais rau kuv tias: 'Txoj kev them txim, uas kuv muab rau txhua leej txhua tus ua, yog kom nws yuav tsum ua nws tej hauj lwm hauv nws lub neej kom tiav kom zoo thiab yog kom nws ua raws li kuv txoj kev cai qhia ua. Qhov no yog txoj kev them txim uas kuv muab thiab xav kom ua.'"


    HT Yes Xus cov lo lus kawg no yog hais rau peb tias nws tsis yog kom peb ua tej yam loj loj los txawv txawv li cas peb thiaj yuav them txim txhaum tau thiab ua tau neeg ntshiab. Nws tsuas xav kom peb ua peb tej hauj lwm raws li peb lub neej kom peb ua xwb; tiam sis, kom peb ua kom zoo thiab kom tiav thiab kom raws li nws txoj kev cai ncaj ncees. Yes Xus tsuas xav kom peb ua li ntawd xwb.


    Xyoo 1948, Lucia thov tau lus tso cai, nws tawm hauv cov phauj St Dorothy nyob Spain los, thiab nws los mus ua ib tug phauj carmelite nyob Coimbra, Portugal. Lucia yog ib tug Phauj uas mloog mloog tej hlob lus. Tau ntev xyoo los lawm, lawv tau txwv tsis pub nws hais lus tshaj tawm dab tsi li. Vim nws tsis tau lus kheev, nws thiaj tshaj tawm tsis tau cov lus uas niam Mab Liab tau qhia rau nws paub xyoo 1917, thiab tej zaum niam Mab Liab xav kom yog Vaj Qhia, tshaj tawm cov lus tseem ceeb ntawd (the third secret of Fatima).

    Lucia kuj tau rov qab los xyuas Fatima ob peb zaug. Ib zaug yog xyoo 1967, 5 hlis tim 13, yog thaum Vaj Qhia Paj Lug VI tuaj mus Fatima. Nws tseem tuaj ntxiv xyoo 1982, 1991 thiab 2000. Xyoo 2000 yog tim 13 lub 5 hlis, uas yog hnub Vaj Qhia Zam Paj Lug II tau tsa Francisco thiab Jacinta ua Blessed.

    Xyoo 2000, lub 6 hli tim 26, tim Vatican tau tso cai muab Lucia cov lus uas nws tau sau hais txog 3rd secret tshaj tawm rau ntiaj teb sd paub.
    Ntawm no yog qhov 3rd secret ua lus Aas Kiv, thiab lus fab Kis. Thov txim kuv tsis tau muab txhais ua lus Hmoob:

    Text of The Third Secret of Fatima

    COMPLETE
    TRANSLATION OF ORIGINAL TEXT:


    VATICAN
    CITY, JUN 26, 2000 (VIS) - Given below is the complete translation of the original Portuguese text of the third part of the secret of Fatima, revealed to the three shepherd children at Cova da Iria-Fatima on July 13, 1917, and committed to paper by Sr. Lucia on January 3, 1944:


    "I
    write in obedience to you, my God, who command me to do so through his Excellency the Bishop of Leiria and through your Most Holy Mother and mine.


    "After the two parts which I have already explained, at the left of Our Lady and a little above, we saw an Angel with a flaming sword in his left hand; flashing, it gave out flames that looked as though they would set the world on fire; but they died out in contact with the splendor that Our Lady radiated towards
    him from her right hand: pointing to the earth with his right hand, the Angel cried out in a loud voice: 'Penance, Penance, Penance!'. And we saw in an immense light that is God: 'something similar to how people appear in a mirror when they pass in front of it' a Bishop dressed in White 'we had the impression that it was the Holy Father'. Other Bishops, Priests, men and women Religious going up a steep mountain, at the top of which there was a big Cross of rough-hewn trunks as of a cork-tree with the bark; before reaching there the Holy Father passed through a big city half in ruins and half trembling with halting step, afflicted with pain and sorrow, he prayed for the souls of the corpses he met on his way; having reached the top of the mountain, on his knees at the
    foot of the big Cross he was killed by a group of soldiers who fired bullets and arrows at him, and in the same way there died one after another the other Bishops, Priests, men and women Religious, and various lay people of different ranks and positions. Beneath the two arms of the Cross there were two Angels
    each with a crystal aspersorium in his hand, in which they gathered up the blood of the Martyrs and with it sprinkled the souls that were making their way to God."



    .../THIRD SECRET/... VIS 000626 (380)


    Texte du troisième secret de Fatima

    COMPLÈTE DE TRADUCTION DE TEXTE ORIGINAL:

    CITE DU VATICAN, 26 juin 2000 (VIS) - Étant donné ci-dessous est la traduction complète du texte original portugais de la troisième partie du secret de Fatima, a révélé aux trois petits bergers dans la Cova da Iria-Fatima, le 13 Juillet, 1917, et sur le papier par Sœur Lucie le 3 Janvier 1944:

    "J'écris en obéissance à Vous, mon Dieu, qui me le commandez par l'intermédiaire de son Excellence l'Évêque de Leiria et de Votre Très Sainte Mère et le mien.
    «Après les deux parties que j'ai déjà expliqué, à la gauche de Notre-Dame, un peu au-dessus, nous avons vu un Ange avec une épée de feu dans sa main gauche, elle scintillait et émettait des flammes qui regardait comme si elles allaient mettre le monde sur le feu, mais elles s'éteignaient au contact de la splendeur que Notre-Dame rayonnée vers lui de sa main droite, indiquant la terre avec sa main droite, l'ange cria d'une voix forte: «Pénitence, pénitence, pénitence!". Et nous vîmes dans une lumière immense qui est Dieu: «quelque chose de similaire à la façon dont se voient les personnes dans un miroir quand elles passent devant" un Évêque vêtu de Blanc, "nous avions
    l'impression que c'était le Saint-Père". Divers autres Évêques, Prêtres, religieux et religieuses monter sur une montagne escarpée, au sommet de laquelle il y avait une grande Croix en troncs bruts, comme d'un chêne-liège avec leur écorce; avant d'y arriver, le Saint-Père traversa une grande ville à moitié en ruines et la moitié tremblant, affligé de souffrance et de douleur, il priait
    pour les âmes des cadavres qu'il trouvait sur son chemin: après avoir atteint le sommet de la montagne, prosterné à genoux au pied de la grande Croix, il a été tué par un groupe de soldats qui ont tiré des balles et des flèches sur lui, et de la même manière moururent les uns après les autres les Évêques, Prêtres, religieux et religieuses et divers laïcs de différents grades et des postes. Sous les deux bras de la Croix il y avait deux Anges, chacun avec un arrosoir de cristal à la main, dans
    lequel ils recueillaient le sang des Martyrs et avec irriguaient les âmes qui faisaient leur chemin vers Dieu. "

    ... / TROISIÈME SECRET / ... VIS 000626 (380)

    Lucia nyob txog nws muaj 97 xyoo nws mam tuag. Nws nyuam qhuav tuag lub 2 hlis tim 13, xyoo 2005 xwb.

    Lucia tau sau tej phau ntawv me me, xws li phau
    Fatima In Lucia's Own Words

    Thiab nws kuj tseem tseg tau phau puav uas tsis tau muab luam tawm thiab, xws li ib phau hu ua "The Message of Fatima." Vam tias tsis ntev lawv yuav muab luam tawm rau sd tau nyeem.

    Xyoo 2008, Vaj Qhia Benedict XVI kuj tau tso cai kom pib tshawb nrhiav txog Lucia lub neej lawm. Ib ntus tom ntej, yog lub Koom Txoos tsa Lucia ua Blessed, ces peb yuav hu tau tias Blessed Lucia lawm.

    avatar
    Kajntug

    Messages : 23
    Date d'inscription : 2009-08-16

    Re: Niam Mab Liab Tshwm Sim nyob Fatima

    Post  Kajntug on 24th June 2010, 3:23 am

    Sister Lucia re-buried in the Basilica in Fatima




    avatar
    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 52
    Localisation : Fresno, California, USA.

    Re: Niam Mab Liab Tshwm Sim nyob Fatima

    Post  Npuagtub on 29th June 2010, 1:44 am



    3 tug me nyuam, Lucia, Elizabeth thiab Francisco lawv puas tau mus saum Ntuj ?

    Raws li Niam Maiv Liag hais mas lawv puav leej tau mus saum ntuj tas huv si,
    tiam sis nws xav kom lawv yuav tsum niaj hnub teev ntuj hais saw mabliab
    mus txog thaum lub caij ntiaj teb kawg,
    thiab yuav tsum zoo siab nyiaj txhua yam kev nyuaj,
    tso lawv tus kheej tas huv si rau Tswv Ntuj.


    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5329
    Date d'inscription : 2009-08-18

    Re: Niam Mab Liab Tshwm Sim nyob Fatima

    Post  Maiv Tooj on 13th May 2012, 2:48 am



    TIM 13 lub 05 hlis yog tsuj xeeb hmoov Niam Mab Liab Tshwm sim nyob Fas Tis Mas.

    Hnub no ntau lub tsev teev Ntuj hu nkauj nruam mlom Niam Mab Liab.
    Yog ib hnub tshwj xeeb uas Niam Mab Liab tau xa xov rau peb tug me nyuam los qhia ntiaj teb neeg kom rau siab teev Ntuj kom cawm tau neeg ntiaj teb kev txom nyem, kom txhob this ntxwg nyoog kev ntxias, kev mooj neeg. Yog peb muab ib hnub 15 fiab los teev Saw Mab Liab, yuav cawm tau lub ntiaj teb kev tsim txom quaj ntsuag, yog 15 fiab peb tsis kam sem, ntiaj teb thiaj poob rau kev lwj liam, txom nyem quaj ntsuag, tsov rog tsim txom. Thaum kawg puas tau dab tsi zoo, tsuas piam sij lawm ntau heev xwb, tsis hais tej neeg zoo luag muab tua tag, liaj ia puas ntsoog, teb chaws puas tsuaj, neeg rov txom nyem li tsiaj ntxhu, ho mam hu ntuj.

    Yog koj teev 15 fiab, kuv teev 15 fiab, lawv teev 15 fiab, ces yuav muaj lub suab teev Ntuj ncig ntiaj teb txhua lub sij hawm, yuav ua rau peb sib tuav tes thaiv lub ntiaj teb tsis puv ntxwg nyoog los mooj, peb yuav tau lub neej zoo npaum li nyob saum Ntuj.




    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 1944
    Date d'inscription : 2009-10-16

    Re: Niam Mab Liab Tshwm Sim nyob Fatima

    Post  Mim on 13th May 2012, 2:53 am

    Nyob zoo sawv daws,

    Hnuyb no nyob Mes Lis Kas teb, yog "Leej Niam Hnub." Sawv daws nco txog thiab cav txog lawv leej niam.

    Hnub no kuj yog peb ua hmoov nco txog Niam mab Liab tuaj tshwm sim nyob Fatima thawj thawj zaug, tim 13 lub 5 hlis 1917. Nej rov mus nyeem txog zaj tshwm sim no tom hauv paus, kom nej rov nco txog os.

    Thov kom Tswv Ntuj pub txiaj ntsim koob hmoov ntau rau txhua tus ua niam nawb.

    Sponsored content

    Re: Niam Mab Liab Tshwm Sim nyob Fatima

    Post  Sponsored content


      Current date/time is 24th September 2017, 7:18 pm