HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Niam Mab Liab Tshwm Sim nyob Fatima Empty

Latest topics

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

» Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975
by Maiv Tooj 14th November 2022, 10:03 am

Suav neeg tuaj saib, txij hnub 17/09/2010 los mus.


+4
Maivxis
Mim
Maiv Tooj
Admin
8 posters

    Niam Mab Liab Tshwm Sim nyob Fatima

    Admin
    Admin
    Admin


    Messages : 188
    Date d'inscription : 2009-08-05

    Niam Mab Liab Tshwm Sim nyob Fatima Empty Niam Mab Liab Tshwm Sim nyob Fatima

    Post  Admin 31st October 2009, 6:09 am

    Mim,

    kuv muab cov vidéos tshem tawm tsam nws bloquer lub Topic nov ces saib tsis tau lawm.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Niam Mab Liab Tshwm Sim nyob Fatima Empty Re: Niam Mab Liab Tshwm Sim nyob Fatima

    Post  Maiv Tooj 9th February 2010, 8:00 am


    Cov duab hauv nov tsis yog ua yeeb yaj kiab, yog cov duab tiag tiag thaum uas Niam Mab Liab tshwm rau neeg pom xyeem.


    Niam Mab Liab tshwm sim nyob Fatima Tim 13 lub 7 hli 1917




    Last edited by Mim on 8th March 2010, 4:25 pm; edited 2 times in total
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Niam Mab Liab Tshwm Sim nyob Fatima Empty Re: Niam Mab Liab Tshwm Sim nyob Fatima

    Post  Mim 8th March 2010, 1:54 pm

    Fatima xyoo 1917

    Mim on Thu 3 Dec - 5:53

    Thawj xyoo (1916), tus Tshiab tau tuaj npaj cov me nyuam ua ntej, nws qhia lawv kom lawv txawj teev Huab Tais Peb Leeg, leej Txiv, leej Tub thiab Leej Ntuj Plig, thiab kom lawv paub pe hawm HT Yes Xus nyob hauv lub Cim Yug. Xyoo tom qab uas yog xyoo 1917, Niam Mab Liab thiaj li tshwm sim rau lawv pom txog 6 zaus.

    Thawj zaug yog lub 5 hlis tim 13, 1917. Lawv coj lawv pab yaj mus nog zaub li lawv niaj hnub ua, lawv tab tom noj sus tag, hais txoj Saw Mab Liab tas, thiab khaws pob zeb yuav coj los ua si, txawm muaj ib kab xob laim ci tuaj ua rau lawv ntshai tias tsam los nag, ces lawv tso kev ua si tseg, lawv lawv cov yaj los mus tsev. Lawv los txog nram hav, xob txawm rov qab tib laig dua, ua
    rau lawv haj yam maj los mus tsev, tiam sis muaj ib qho ua rau Lucia thiab Jacinta tig mus ntsia pom ib tug poj niam zoo zoo nkauj sawv saum ib tsob me nyuam ntoo qhib.

    Niam Mab Liab Tshwm Sim nyob Fatima Our-lady-of-fatima-2

    Nkawd kuj tau ntshai, tiam sis tus poj niam hais rau nkawd tias:
    - Nej txhob ntshai, kuv yuav tsis ua phem rau nej.
    Lucia thiaj nrog tus poj niam tham:
    - Koj nyob qhov twg tuaj?
    - Kuv nyob saum ntuj tuaj.
    - Koj xav kom kuv ua dab tsi?
    - Kuv tuaj thov kom nej tuaj ntawm no, rau lub hlis sib law, tuaj hnub tim 13, tib lub sij hawm ib yam li zaum no. Lwm hnub kuv mam li qhia tias kuv yog leej twg thiab kuv xav kom nej ua dab tsi. Kuv yuav tuaj ntawm thaj chaw no ib zaug ntxiv uas yog zaum xya.
    - Kuv puas yuav tau mus saum ntuj?
    - Koj yuav tau mus.
    - Jacinta ne?
    - Nws yuav tau mus thiab.
    - Francisco ne?
    - Nws yuav tau mus thiab, tiam sis nws yuav tsum xub hais txoj Saw Mab Liab ntau ntau tso.


    Thaum ntawd tus me tub tseem tsis tau pom Niam Mab Liab li. Lucia thiaj nug tias:
    - ...Cas Francisco tsis pom koj?
    - Kom nws hais txoj Saw Mab Liab ces nws thiaj li yuav pom kuv.

    Lucia hais qhia rau Francisco, nws thiaj cev tes mus muab Saw Mab Liab los hais. Nws hais thawj yag twb tsis tau tas, ces nws txawm pom tus poj niam uas ci ntsa iab saum tsob ntoo. Lucia tseem nug txog ob tug ntxhais ua tau tuag lawm. Niam Mab Liab qhia tias ib tug nyob saum ntuj lawm, tiam sis ib tug tseem nyob teb chaws them txim (Purgatory).

    Niam Mab Liab thiaj nug lawv tias:
    - Nej puas kam nyiaj tas puas tsav yam kev txom nyem uas Tswv Ntuj yuav xa rau nej kom tau them txim txhaum pab rau cov neeg txhaum kom lawv tig rov los ntseeg?
    - Peb kam
    -Yog li mas nej yuav tau raug ntau yam kev nyuaj, tiam sis Tswv Ntuj lub txiaj ntsim yuav txhawb nej zog.


    Niam Mab Liab Tshwm Sim nyob Fatima Fatima

    Thaum Niam Mab Liab hais cov lus ntawd rau lawv, nws kuj nthuav nws ob txhais tes thiab ua ib tug sab pom kev ci los rau saum lawv. Tus sab pom kev ntawd ua rau lawv rov pom lawv tseeb tseeb nyob hauv Tswv Ntuj uas twb yog qhov pom kev ntawd.

    Niam Mab Liab thiaj rov hais rau lawv tias:
    -Nej niaj hnub hais txoj saw Mab Liab mog, kom tau kev thaj yeeb los rau lub ntiaj teb thiab kom kev ua tsov ua rog tus. (Vim lub caij ntawd tab tom ua rog ntiaj teb zaum ib)

    Hais li ntawd tas Niam Mab Liab nce zuj zus mus saum ntuj, mus rov sab hnub tuaj, ces nws ploj zuj zus lawm.

    Niam Mab Liab Tshwm Sim nyob Fatima Fatima_children
    Peb tug me nyuam nyob Fatima: Jacinta, Francisco, Lucia

    Lawv sib tham tiass kom txhob qhia leej twg li, tiam sis los txog tsev xwb ces tus me ntxhais Jacinta twb piav qhia nws niam tas. Tsis ntev xwb neeg zej zog paub txhua. Tej tus kuj ntseeg, coob leej tsis ntseeg thiab hais lus thuam lawv , ua rau lawv tau txais kev nyuaj siab ntau thiab tau cev tej kev nyuaj ntawd rau Ntuj raws li Niam Mab Liab tau hais rau lawfv. Tsis tas li ntawd xwb, thaum lawv mus zov yaj noj zaub, lawv tseem nrhiav tej yam kev ua los them txim txhaum pab cov neeg txhaum, xws li xyaum yoo tsis noj sus, yoo tsis haus dej, xyaum txhob ua si li yav tas, tiam sis muab lub sij hawm los teev ntuj ntau.

    Mam txuas ntxiv lwm zaus.....
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Niam Mab Liab Tshwm Sim nyob Fatima Empty Re: Niam Mab Liab Tshwm Sim nyob Fatima

    Post  Mim 8th March 2010, 2:30 pm

    Mim on Sat 5 Dec - 19:55

    Zaum ob, yog lub 6 hli tim 13. Lucia lawv peb leeg rov qab tuaj ntwm tus me ntoo qhib hauv thaj chaw la Cova da Iria. Lucia caw nws cov viv ncaus phooj ywg uas tau nrog nws ua ke tib txhij txais lub Cim Yug ua ke kom nrog nws tuaj xyuas Niam Mab Liab. Kuuj muaj ib co neeg hauv zos tuaj
    thiab. Hnub ntawd lawvf muaj li 50 leej neeg tuaj ntawd. Tuaj txog lawv xub hais txoj Saw Mab Liab. Thaum hais tas nrho, lawv twb pom kab xob laim as ceeb toom rau lawv tias Niam Mab Liab yuav tuaj tam sis ntawd lawm. Lawv peb leeg khiav zoj mus txhos caug ntawm tsob me nyuam ntoo
    qhib, ccov neeg kuj lawv lawv qab zom zaws mus rau ntawd. Lawv pom Lucia tsa muag ntsia saum ntuj thiab hnov nws nug tias:

    Niam Mab Liab Tshwm Sim nyob Fatima Moz-screenshotNiam Mab Liab Tshwm Sim nyob Fatima Moz-screenshot-1
    Niam Mab Liab Tshwm Sim nyob Fatima Our-lady-of-fatima

    - Koj kom hnub no kuv tuaj ntawm no, koj xav kom kuv u dab tsi?
    (Niaj zaus cov neeg tsuas hnov Lucia hais lus xwb, lawv tsis hnov Niam Mab Liab )
    -
    Kuv xav kom nej tuaj ntawm no lwm lub hlis tim 13 dua. Nej niaj hnub
    hais txoj Saw Mab Liab mog. Thaum nej hais tas ib yag mas nej hais zaj
    teev ntuj no kem:

    Kuv tus HT Yes Xus e, thov koj zam txhaum rau peb,
    thov koj cawm peb dim ntawm dab phem cov hluav taws,
    koj coj kom tas txhua leej (los txhua tus ntsuj plig) mus saum Ntuj Ceeb Tsheej,
    tshwj xeeb yog cov uas yuav tsum tau
    koj kev khuv leej (los kev zam kev hlub) lawv ntau tshaj cov.


    The Fatima Prayer



    O my Jesus, forgive us our sins, save us from the fires of hell, and
    lead all souls to Heaven, especially those in most need of Thy mercy.


    Prières de Fatima, 1917


    Prière à réciter après chaque dizaine
    du Chapelet :


    "O mon Jésus, pardonnez-nous nos péchés, préservez-nous
    du feu de l’enfer et conduisez au ciel toutes les âmes, surtout
    celles qui ont le plus besoin de votre miséricorde."
    Kuv xav kom koj mus kawm nyeem ntawv thiab sau ntawv. Lwm hnub kuv mam qhia tias kuv xav kom koj ua dab tsi ntxiv.

    Lucia thov kom Niam Mab Liab kho ib tug neeg mob. Niam Mab Liab hais tias:
    -Yog nws rub nws lub siab los ntseeg thiab ua qhov zoo ms lub xyoo no tsis tau tas nws zoo lawm.

    Lucia hais ntxiv tias:
    - Kuv xav kom koj coj peb mus saum ntuj thiab!
    -
    Tsis ntev no kuv yuav los coj Francisco thiab Jacinta nkawd. Tiam sis
    koj yuav tsum nyob ntawm no ntev me ntsis. Yes Xus xav siv koj los qhia
    kom neeg paub txog kuv thiab nyiam kuv. Nws xav tsa kom muaj kev hawm
    vam txog kuv lub Siab(Plawv) Dawb Huv nyob thoob ntiaj teb (devotion to
    my Immaculate Heart/devotion a mon Coeur Immacule). Leej twg thov kuv
    nyob hauv txoj kev hawm vam ntawd mas kuv cog lus tias lawv yuav tau
    txais kev cawm thiab Tswv Ntuj yuav nyiam lawv tus ntsuj plig uas zoo
    li tej lub paj ntoos kuv coj los ua kom nws lub rooj zaum zoo nkauj.
    - Yog li kuv txawm yuav nyob kuv ib leeg xwb lod?
    -
    Tsis yog li. Koj nyuaj siab heev lod? Txhob txhawj mog, kuv yuav tsis
    tso koj tseg ib zaug li. Kuv lub Siab(Plawv) Dawb Huv yuav yog koj qhov
    chaw nkaum thiab txoj kev coj koj mus txog Tswv Ntuj.

    Niam Mab Liab Tshwm Sim nyob Fatima OurLadyofFatima1

    Thaum Niam mab Liab hais cov lus ntawd, nws nthuav nws ob txhais tes ua kom muaj ob tug sab pom kev ci los vov cov me nyuam ib yam li thawj zaug. Peb mloog Lucia piav:
    - Jacinta thiab Francisco nkawd nyob ncaj tus sab uas ci mus saum ntuj, hos kuv nyob ncaj tus sab uas ci nqes los vov ntiaj teb. Muaj ib lub plawv nyob hauv Niam Mab Liab lub xib teg xis.
    Muaj ib co pos nyob ncig lub plawv, zoo li cov pos txawj mus chob lub plawv. Ces peb to taub tias yog Niam Mab Liab lub Plawv Dawb Huv, uas neeg tej txhaum chob, peb thiaj yuav tsum ua tej yam los kho thiab nplig nws lub plawv.

    Tas li ntawd lawm, Lucia qw rau cov neeg tias:
    - Nej ntsia nws mus lawm, nws mus lawm!

    Cov neeg tuaj ntawd piav tias lawv hnov zoo li ib qhov nrov khuav, hos lawv pom zem zuag zoo li ib tauv huab dawb nyob saum tus ntoo qhib. Tauv huab ntawd nce zuj zus mus sab hnub tuaj lawm. Lawv tig rov los ntsia tsob ntoo, ua cas cov ceg siab saud vau zom zaws li muaj neeg muab tsuj
    tsuj. Cov neeg thiaj dhia los dam cov ceg qis nqa mus tsev, tsis dam cov ceg siab uas Niam Mab Liab tau chwv. Ces lawv sib ncaim ua tej pab hais txoj Saw Mab Liab los mus tsev. Muaj ib txhia kuj nyob ntawd tos nug cov me nyuam saib tus poj niam hais dab tsi rau lawv.

    Jacinta txawm qhia tias: " Tus poj niam kom peb niaj hnub hais txoj Saw Mab Liab...Nws kuj hais tias nws tseem yuav rov qab tuaj dua, thiab nws hais ib qho ntxiv rau peb, tiam sis peb qhia tsis tau rau leej twg (secret)." Qhov qhia tsis tau thaum ntawd yog qhov tias Jacinta thiab Francisco yuav nyob tsis ntev, Lucia thiaj yuav nyob ntev. Cov neeg hnov li ntawd lawv haj yam xav paub, lawv ua zaj ua ntxeev ntxias kom cov me nyuam qhia rau lawv.

    Hnub tom qab, lawv niam lawv txiv coj lawv mus ntsib tus Txiv Plig hauv zos. Txiv Plig nug lawv tiam sis lawv tsis kam qhia dab tsi ntau. Lucia tsuas piav me me xwb, ces Txiv Plig txawm hais tias: "...Raws kev cai yog tias muaj tiag, mas Tswv Ntuj yeej yuav qhia kom cov me nyuam ntawd hais tej lo lus tseem ceeb rqau Txiv Plig paub. Tiam sis tus ntxhais no zais ntau yam, nws tsis kam qhia li. Tej zaud, ntshai yog dab Ntxwj Nyoog ua xwb los tsis paub. Yuav yog cia ntev mus mas peb thiaj li yuav paub tseeb xwb."

    Lucia rov los tsev, nws muab Txiv Plig lo lus tias "tsam yog Ntxwj Nyoog ua" coj los xav tas mus li. Nws niam los hais tsis tseg lo lus ntawd rau nws mloog, mas lub hlis ntawd nws nyob nyuaj siab tsaus ntuj nti.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Niam Mab Liab Tshwm Sim nyob Fatima Empty Re: Niam Mab Liab Tshwm Sim nyob Fatima

    Post  Mim 8th March 2010, 3:48 pm

    Niam Mab Liab tshwm sim zaum 3.

    Thaum lub 7 hli tuaj, tag kis rov txog tim 13 dua, Lucia nyuaj siab heev, nws txiav txim tias ntshai nws yuav tsis mus tom La Cova lawm. Nws hais rau Jacinta thiab Francisco nkawd kom nkawd mus nkawd xwb, thiab kom Jacinta hais rau tus poj niam tias nws tsis mus vim nws ntshai tsam yog dab ntxwj nyoog xwb.

    Tiam sis tag kis thaum txog lub sij hawm mus, Lucia txawm cia li tsis nyuaj siab li lawm; nws siab kaj lug tuaj. Nws thiaj li mus cuag nws ob tug phooj ywg thiab lawv ua ke mus tom La Cova. Hnub ntawd muaj neeg coob coob taug kev puv nrees tuaj mus xyuas.

    Thaum tuaj txog ntawm qhov chaw lawm, Lucia txhos caug pem hauv ntej me ntsis, nws pib hais txoj saw Mab Liab, cov neeg teb. Hais tas nrho xwb, Lucia sawv tsees lem ntsia mus rov sab hnub tuaj; nws qw rau sawv daws tias:
    - "Nej qhaws nej cov kaus! Niam Mab Liab tuaj lawm."

    Hnub ntawd Jacinta txiv kuj tuaj nyob ntawd; nws piav li no:
    - "Kuv nyob ze ze ntawd mas kuv pom zem zuag zoo li ib tauv huab los txawb nyob saum tsob ntoo qhib me me. Lub hnub cia li ntaug zog; cua tuaj ntxiag; tsis sov sov lawm. Coy neeg nyob ntsiag twb
    to. Ces kuv hnov nrov luj loos zoo li yoov ya hauv ib lub plhuaj taub tuaj. Tiam sis tsis hnov ib lo lus tseeb li."


    Niam Mab Liab Tshwm Sim nyob Fatima Fatima3
    Twb ntev xyoo tom qab, Lucia mam li qhia cov lus hais thaum ntawd li no:
    Lucia nug tiag:
    - "Koj xav kom kuv ua dab tsi?
    - "Kuv xav kom nej rov tuaj ntawm no lub hlis tom ntej tim 13 dua, thiab xav kom nej niaj hnub hais txoj Saw Mab Liab tsis tseg thov kom niam Mab Liab pab kev thaj yeeb rau ntiaj teb thiab pab kom tsov rog tus; Niam Mab Liab ib leeg xwb thiaj yuav pab tau." (Thaum ntawd tab tom ua ntsug Rog Ntiaj Teb Zaum I)

    Lucia xav txog nws niam pheej tsis ntseeg thiab tus Txiv Plig lo lus tias yog ntxwj nyoog ua, ces nws txawm nug tias:
    - "Koj puas kam qhia tias koj yog leej twg, thiab ua ib yam hwj huam kom txhua leej txhua tus ntseeg tias peb pom koj tiag?"

    Niam Mab Liab teb tias:
    - "Nej rov tuaj ntawm no niaj lub hlis. Lub 10 hli, kuv mam li qhia tias kuv yog leej twg, thiab kuv mam li ua ib qho hwj huam rau sawv daws pom kom sawv daws ntseeg."

    Lucia hais txog coy neeg tej lus thov rau tus poj niam. Nws teb tias:
    - "Kuv yuav pub kev zoo mob rau ib txhia; tiam sis, ib txhia kuv yuav tsis pub. Ntawm tus me tub uas puas tes taw, mas kuv yuav tsis pub nws zoo, thiab yuav tsis rho nws tawm hauv nws txoj kev txom nyem. Kom nws niaj hnub hais txoj Saw Mab Liab nrog nws tsev neeg."

    Lucia hais txog ib tug neeg mob mob uas nws xav kom nws tuag sai sai. Tus poj niam hais tias:
    - "Kom nws tsis txhob maj maj. Kuv yeej paub thaum twg kuv mam los coj nws mus."

    Lucia thov kom pab tej tus neeg tsis ntseeg tig rov los ntseeg. Tus poj niam hais tias kom niaj hnub hais txoj Saw Mab Liab xwb. Ces tus poj niam hais lus txhib lawv peb leeg hais tias:
    - "Nej nyiaj tas puas tsav yam kev nyuaj kom tau pab cov neeg txhaum mog. Thaum twg nej cev nej tej kev nyuaj rau Ntuj, mas nej hais li no: ‘Kuv tus HT Yes Xus, kuv nyiaj tej no vim kuv nyiam koj, thiab kuv xav pab cov neeg txhaum tig los ntseeg, thiab kuv xav ua nplij niam Mab Liab lub Plawv
    Ntshiab uas neeg pheej ua txhaum rau.’"


    Niam Mab Liab Tshwm Sim nyob Fatima Hell
    Ntev xyoo tom qab no, Lucia piav txog thaum ntawd li no:
    -"Thaum niam Mab Liab hais cov lus ntawd, nws nthuav nws ob txhais tes zoo li thawj ob zaug
    thiab. Cov sab pom kev uas ci ntawm nws ob txhais tes, txawm zoo li nkag tshab plaws hauv plawv ntiaj teb. Ces peb pom zoo li ib lub hiav txwv hluav taws ncho pa lug. Nyob hauv cov hluav taws ntawd, muaj ib co dab thiab ib co zoo li neeg. Lawv ntab hauv hluav taws, ci lam lam dub nciab zoo li tej lub hluav ncaig uas pa taws thiab nplaim taws txhawb liab vog tawm los. Lawv zoo li neeg qaug cawv, sawv tsis ntseg, hos qaug pes coog tas mus li thiab zoo li cov txim taws tawg es poob zom zaws rov qab. Tseem muaj suab nyooj laws quaj qw nrov nrov ua rau peb ntshai tshee na. Peb paub tias cov dab yog cov twg vim lawv zoo li tej tus tsiaj phem phem txaus ntshai uas peb tsis tau pom dua li. Lawv zoo li cov ncaig dub nciab lam lam nyob hauv hluav taws.

    Peb ntshai dhau, ces kuv thiaj hu niam Mab Liab: ‘Aub!...Niam Mab Liab aw!...’

    Niam Mab Liab thiaj piav:
    - ‘Nej nyuam qhuav pom dab phem teb ntag. Cov neeg txhaum poob hauv qhov ntawd. Tswv Ntuj xav tsa kom muaj kev vam txog kuv lub Plawv Ntshiab nyob ntiaj teb ces thiaj yuav pab cawm tau lawv.
    Yog nej ua raws li kuv hais rau nej, mas coob leej yuav dim thiab yuav muaj kev thaj yeeb; tsov rog yuav tus. Tiam sis yog neeg pheej tseem ua txhaum rau Ntuj tas zog, mas lub caij Pius XI ua Vaj Qhia, tseem yuav muaj dua ib nthwv rog loj phem dua zaum no.(Yog hais txog ntsug Rog Ntiaj Teb Zaum II). Thaum twg nej pom ib qho pom kev ci txawv txawv thaum hmo ntuj, ces yog lub cim uas Tswv Ntuj ua qhia rau nej tias nws yuav rau txim rau ntiaj teb vim neeg cov txhaum. Yuav muaj kev tsov kev rog, muaj kev tshaib kev nqhis, muaj kev hiam lub Koom Txoos thiab tus Vaj Qhia.

    Kuv xav cheem tej ntawd mas kuv thiaj tuaj thov kom muab Russia fij rau kuv lub Plawv Ntshiab, thiab kom muaj kev txais lub Cim Yug thawj tsib Hnub Xya (the Communion of Reparation on the First Five Saturdays) los them txim txhaum. (Yog mus daws txhaum thiab txais Yes Xus lub Cev thawj hnub Xya hauv tsib lub hlis sib law).

    Yog lawv ua raws li kuv thov, Russia yuav tig los ntseeg, ces yuav muaj kev thaj yeeb. Yog lawv tsis ua, ces
    Russia yuav coj nws tej kev yuam kev (yog hais txog kev communism nyob Russia; thaum ntawd Russia twb tseem tsis tau ua communist) mus qhia thoob ntiaj teb kom neeg sib tua ua rog thiab hiam lub Koom Txoos; cov neeg zoo yuav raug tua pov tseg; Vaj Qhia yuav raug kev nyuaj siab ntau; ntau haiv neeg yuav raug puas tsuaj. (Vim thaum Niam Mab Liab hais ntawd, Vaj Qhia thiab cov Tswv Qhia tsis koom siab ces lawv tsis tau muab Russia fij rau Niam Mab Liab lub Plawv Ntshiab li nws thov, ces Russia thiaj li ntxeev siab ua communist lawm, thiab thiaj coj ntau lub teb chaws mus yuam kev). Qhov kawg, kuv lub Plawv Ntshiab yuav yeej. Vaj Qhia yuav muab Russia fij rau kuv, ces Russia yuav tig los ntseeg, thiab yuav muaj kev thaj yeeb ib ntus nyob ntiaj teb no.
    (Ib txhia hais tias Vaj Qhia Zam Paj Lug II twb muab Russia fij rau Niam Mab Liab lawm, tiam sis ib txhia kuj hais tias Vaj Qhia tau muab lub ntiaj teb fij rau Niam Mab Liab, tiam sis tsis tau muab Russia fij raws li Niam Mab Liab hais. Yog li qhov no zoo li tsis tau meej pes tsawg).
    Nyob Portugal teb chaws, mas txoj kev ntseeg yeej yuav ciaj sia mus li.’

    Lucia hais ntxiv tias:
    - “Koj puas muaj dab tsi hais ntxiv thiab?”
    Tus poj niam teb tias:
    - “Hnub no kuv tsuas muaj li no xwb.”

    Thaum ntawd txawm nrov zoo li xob nroo, hos cov teeb co zom zaws li av qeeg. Lucia sawv tsees taw tes saum ntuj tias:
    - "Nws mus lawm; nws mus lawm.” Ib me ntsis ntxiv, “Nws ploj lawm lauj!"

    Cov neeg nrov voog los nug zom zaws tias:
    - "Lucia, tus poj niam hais dab tsi es zoo li nej mluas kawg li?"
    Lucia teb tias: "Yog ib qho qhia tsis tau."

    (Thaum lub sij hawm 1917 ntawd, muaj ob peb yam (secrets) Niam Mab Liab tsis pub hais tawm thaum ntawd xwb, nws qhia tias thaum twg mam hais tawm. Thawj yam qhia tsis tau xyoo 1917 ntawd, mas yog qhov uas lawv tau pom dab phem teb thiab qhov
    tias Tswv Ntuj xav tsa kom muaj kev hwm niarn Mab Liab lub Plawv Ntshiab
    (Devotion to the Immaculate Heart). Yam ob qhia tsis tau, mas yog qhov tias xav
    kom muab Lav Xias teb los fij rau niam Mab Liab lub Plawv Ntshiab thiab kom
    mus txais Yes Xus lub Cev thawj hnub Xya hauv 5 lub hlis sib law los kho nws
    lub Plawv Ntshiab. Yog sawv daws tsis
    mloog, mas yuav muaj kev txom nyem los raug sawv daws. Yam peb, Lucia tau sau
    xa mus qhia rau Vaj Qhia lawm. Niam Mab Liab xav kom muab cov lus ntawd qhib
    tawm xyoo 1960. Tiam sis Vaj Qhia kuj tau txiav txim tsis muab hais tawm thaum ntawd.
    Twb yog lub 6 hli tim 26 xyoo 2000 lawm, lub Koom Txoos mam li muab cov lus ntawd tso tawm rau sawv daws paub. Raws li lub Koom Txoos hais mas lawv muab cov lus (secret) ntawd tso tawm tas lawm. Tiam sis muaj tej tus neeg tseem niaj hnub hais tias lub Koom Txoos tsis muab cov lus tso tawm kom tas lawv zais ib co lus lawm. Qhov ntawd peb tsis paub, peb yog me nyuam neeg ces peb yuav li lub Koom Txoos hais xwb).

    Thaum lawv pom niam Mab Liab zaum peb tas, mas lawv ua neeg nyob twj ywm ntau, tsis mus dhia ua si nrog tej me nyuam yaus li yav tas los lawm. Francisco yog ib tug nyiam tshuab raj; nws kuj tso lub raj tseg tsis kam tshuab. Lawv xav txog niam Mab Liab thiab siv lawv lub sij hawm los teev Ntuj thiab ua tej yam pub rau Niam Mab Liab kom nws zoo siab. Tej kev lom zem kev ua si tsis tseem ceeb dab tsi rau lawv ntxiv. Lawv kuj nco txog cov neeg txhaum, thov Ntuj pab lawv thiab ua tej yam them txim txhaum pab lawv.

    Niam Mab Liab Tshwm Sim nyob Fatima Fatima_children_see_hell
    Daim duab no yog thaij thaum lawv nyuam qhuav pom Dab Phem teb tas.

    Hnub tom qab uas lawv pom Niam Mab Liab ntawd, Jacinta pheej nyob mluas mlob, Lucia txawm nug tias:
    - "Jacinta, koj xav dab tsi?"
    - "Kuv xav txog dab phem teb thiab cov neeg uas poob hauv naj. Kuv mas nrog lawv tu siab kawg. Lawv zoo nkaus li tej niag yav taws kub kub hnyiab nyob hauv xwb. Lucia, ua cas Niam Mab Liab tsis ua kom cov neeg txhaum pom dab phem teb ne? Yog lawv pom mas lawv yeej tsis kam ua txhaum ntxiv tiag. Ces thiaj tsis muaj neeg poob hauv ntxiv lawm. Ua cas koj tsis kom Niam Mab Liab ua kom cov neeg sawv daws pom dab phem teb thiab?"
    - "Kuv tsis nco qab txog li ntawd nev!"

    Ces Jacinta txhos caug hauv av; nws tsa ob txhais tes saum ntuj thiab hais zaj teev Ntuj Niam Mab Liab qhia:
    - " Kuv tus HT Yes Xus e, thov koj zam txhaum rau peb: koj npo peb dim ntawm dab phem cov hluav taws; koj coj kom tas txhia tus ntsuj plig mus saum Ntuj, tshwj xeeb yog cov uas yuav tsum tau koj kev khuv leej lawv ntau tshaj cov."

    Thaum txog caij tav su, tshav ntuj kub lug ua rau lawv nqhis dej heev. Lawv tsis nroo tsis yws. Jacinta tsuas hais tias:
    - "Ua cas kuv yuav zoo siab ua luaj! Kuv nqhis dej kawg, tiam sis kuv muab qhov ntawd los cev rau Ntuj kom tau pab cov neeg txhaum."

    Ib me ntsis Jacinta nqhis dej dhau, kab npis thiab qav quaj, ua rau nws mob taub hau. Nws muab tes khawm taub hau thiab hais rau Lucia tias:
    - “Lucia, mob mob kuv taub hau li. Koj hais kom cov kab npis thiab cov qav ntawd ntsiag saib!”
    - “Koj tsis xav nyiaj qhov ntawd pab cov neeg txhaum lod?
    - “Kuv xav hos, cia lawv quaj lawv os!”

    Thaum ntawd, neeg hnov txog tej xwm tshwm sim nyob Fatima, ces neeg niaj hnub tuaj
    xyuas cov me nyuam yaus uas tau pom Niam Mab Liab. Cov tuaj zoo los muaj; cov tuaj phem los muaj. Ntau zaus lawv khiav tsiv nraim kom luag nrhiav tsis tau. Cov Txiv Plig los pheej tuaj nug lawv tas zog; hais rov hais rais tej qub tas zog; ua rau lawv tau nyiaj kev nyuaj siab ntau los pab cov neeg txhaum.


    Jacinta thiab Francisco nkawd tsev neeg ua zoo rau nkawd. Tiam sis, Lucia tsev neeg mas cem los cem, ntaus los ntaus Lucia, qhov ntau yog nws niam xwb. Neeg niaj hnub tuaj coob coob tuaj tsuj lawv tej vaj zaub ua lwj ntsuav. Lucia niam niaj hnub cem Lucia tias:
    - "Koj ces phim noj tej niag nroj tsuag uas tuaj tom la Cova da Iria xwb los mas!"
    Lawv cem cem mas Lucia twb tsis tshua muaj cuab kav cev tes muab mov noj. Muaj ib hnub, ib tug pog laus tseem tuaj hais rau Lucia niam tias:
    -"Tos nej cov me nyuam txawj txawj hais tias lawv tau pom Niam Mab Liab no los kuv twb pom ib tug poj niam muab nyiaj ntiav Lucia los pov!"
    Lucia niam thiaj hu Lucia los nug. Lucia tsis lees ces nws niam thiaj li cem tias:
    - "Niag neeg dag ces yeej yuav dag tas mus li!"
    Thiab nthos ntaus ko khaub ruab ntaus Lucia. Ib me ntsis Jacinta tuaj txog, Jacinta thiaj qhia tias tsis yog muab nyiaj rau Lucia yog muab rau nws. Thaum ntawd ces twb ho lig lawm; Lucia twb mag ko khaub ruab tas lawm. Jacinta thiaj hais rau Lucia tias:
    - "Xav kom kuv niam kuv txiv lawv ntaus kuv li koj niam lawv thiab es kuv thiaj tau nyiaj kev txom nyem ntau dua los pub rau Yes Xus."


    Last edited by Mim on 12th March 2010, 11:17 am; edited 2 times in total
    Maivxis
    Maivxis
    Phooj Ywg
    Phooj Ywg


    Messages : 191
    Date d'inscription : 2009-11-05

    Niam Mab Liab Tshwm Sim nyob Fatima Empty Re: Niam Mab Liab Tshwm Sim nyob Fatima

    Post  Maivxis 10th March 2010, 7:22 am



    Mim , Tej zaj koj sau no nws zoo heev li os , Tej yam no kuv xav nyeem kawg li , kuv yuav maj maj nyeem kom tag kom kuv totaub zoo zoo seb ntshe yuav kaj siab heev li os , Ua tsaug os mim , Muaj caij no ces kav tsij tuaj piav kom ntau ntau rau peb nyeem os mog .

    Maivxis .
    Yaj Suav Nus
    Yaj Suav Nus
    Phooj Ywg
    Phooj Ywg


    Messages : 268
    Date d'inscription : 2009-10-23

    Niam Mab Liab Tshwm Sim nyob Fatima Empty Re: Niam Mab Liab Tshwm Sim nyob Fatima

    Post  Yaj Suav Nus 12th March 2010, 5:48 am

    Nyob zoo os Mim,
    Yog tias koj muaj caij no koj muab zaj Mab Liab Tshwm nyob Fatima txhais kom tas rau peb sawv daws nyeem.
    Kuv yeej paub zaj no puag thaum kuv tseem yau los tab sis kuv tseem tsis tau pom muaj neeg muab txhais ua lus Hmoob. Thaum kuv muaj kwv yees li 8-9 xyoo mas kuv twb pom TP tso cinéma tab sis tsis yog hais lus Hmoob, peb tsuas saib thiab tus TP mam txhais lo puav kom peb paub me ntsis xwb. Kuv nco ntsoov los txog niaj hnub no: thaum Lus Tshias (Lucia) niam muab Lus Tshias ntaus mas uas rau nws ib ce mob tag, nws tej ncej puab, duav, nraub qaum thiab nws tej caj npab doog siav tej niag kab. Kuv tsis paub tias cov ntxhais lawv saib lawv ho xav li cas hos ntawm kuv mas kuv twb yog ib tug me nyuam tub kuv tsis quaj tab sis mas cas tauv tsis taus lub kua muag ces cia li rub ntiag tsho los so twj ywm Niam Mab Liab Tshwm Sim nyob Fatima Icon_sad
    Kuv vam tias koj yuav maj mam muab zaj no txhais kom tag es muab sau tso hauv no rau peb sawv daws nyeem.
    Ua tsaug os Mim.

    Y.Suav Nus
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Niam Mab Liab Tshwm Sim nyob Fatima Empty Re: Niam Mab Liab Tshwm Sim nyob Fatima

    Post  Mim 12th March 2010, 11:12 am

    Phauj Maiv Xis, thiab txiv Suav Nus,

    Ua neb tsaug os. Kuv yeej tseem yuav tuaj piav kom tas. Tiam sis kuv ho ib nyuag siab me zog tias ntshai ntev dhau no xwb. Tiam sis kuv kuj xav kom peb paub txog cov me nyuam yaus ntawd lub neej, thiab lawv tej kev xyaum ua kom Tswv Ntuj zoo siab thiab. Es nej ho ua siab ntev nrog kuv nyeem thiab os nawb. Yog nej xav kom ua luv luv no nej ho hais es kuv txhob muab piav tas tas.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Niam Mab Liab Tshwm Sim nyob Fatima Empty Re: Niam Mab Liab Tshwm Sim nyob Fatima

    Post  Maiv Tooj 13th March 2010, 3:47 am

    Mim wrote:Phauj Maiv Xis, thiab txiv Suav Nus,

    Ua neb tsaug os. Kuv yeej tseem yuav tuaj piav kom tas. Tiam sis kuv ho ib nyuag siab me zog tias ntshai ntev dhau no xwb. Tiam sis kuv kuj xav kom peb paub txog cov me nyuam yaus ntawd lub neej, thiab lawv tej kev xyaum ua kom Tswv Ntuj zoo siab thiab. Es nej ho ua siab ntev nrog kuv nyeem thiab os nawb. Yog nej xav kom ua luv luv no nej ho hais es kuv txhob muab piav tas tas.

    Mim,

    Zoo kawg os, txhob ntshai tsam ntev dhau lawm. Koj txhais kom tag nrho, kom ntxaws, yog leej twg tsis muaj caij nyeem los nws nyeem li nws khoom xwb. Yog leej twg xav nrhiav ib qho, nws thiaj yuav nrhiav tau.

    Kav tsij txhais kom ntxaws, peb thiaj to taub zoo. Peb thiaj yuav paub xyaum li cas thiaj yuav ua tau neeg ntxim Tswv Ntuj lub siab.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Niam Mab Liab Tshwm Sim nyob Fatima Empty Re: Niam Mab Liab Tshwm Sim nyob Fatima

    Post  Mim 13th March 2010, 7:21 am

    Niam Mab Liab Tshwm sim zaum plaub

    Niam Mab Liab Tshwm Sim nyob Fatima Our+Lady+of+Fatima
    Thaum lub caij ntawd nyob Fatima, tus nom Magistrate yog ib tug tsis nyiam hub Koom Txoos; nws tsis xav kom neeg ntseeg tej xwm ntawd tsam lub Koom Txoos ho muaj zog tuaj.
    Thaurn txog hnub tim 13, lub 8 hli, uas yog hnub Niam Mab Liab yuav tshwm sim tuaj zaum plaub, tus nom ya ntxiag tuaj ntawm cov me nyuam yaus tsev thaum sawv ntxov. Nws ua txoj dag tias nws xav tuaj xyuas Niam Mab Liab thiab kom lawv nrog nws caij tsheb mus thiaj li txog sai. Lawv ua tsis tau li cas, lawv nkag hauv nws lub tsheb. Thaum lawv nkag tas lawm, nws mam li hais rau lawv tias nws tuaj coj lawv mus tom zos xwb.

    Thaum mus, nws xub coj lawv mus ntsib tus Txiv Plig hauv zos. Nws ua li ntawd kom cov neeg zej zog to taub yuam kev hais tias yog Txiv Plig nrog nws koom siab ntes cov me nyuam yaus thiab. Thaum nyob ntawm Txiv Plig, Txiv Plig nug Lucia ntau yam. Nws nug Lucia tias:
    - "Lawv hais tias tus poj niam tau hais ib co lus rau koj kom koj txhob qhia leej twg no ne?"
    - "Nws yeej tau hais tiag. Tiam sis, kuv qhia tsis tau. Yog Txiv Plig xav paub mas cia kuv mam nug tus poj niam. Yog nws kam, mas kuv mam li qhia rau Txiv Plig."

    Tus nom hnov nkawd tham li no, ces nws ntshai tsam Txiv Plig tso lus rau lawv rov qab mus tom qhov chaw. Nws tsis xav pub lawv mus ntxiv nws thiaj los tshuam lus tias twb lig lig lawm kom sawv daws mus tsev. Cov me nyuam xav tias lawv yuav mus tsev, tiam sis, tus nom yeej npaj tib si tos thaum cov me nyuam nqes saum Txiv Plig tsev los ces nws rub lawv tes tsuag tsuag rau hauv nws lub tsheb. Ces nws coj lawv los tom nws tsev thiab muab lawv kaw rau hauv ib kern. Nws hem lawv tias yog lawv tsis qhia lawv cov lus uas qhia tsis tau, mas lawv yeej yuav tsis tau tawm li. Txawm li ntawd los, lawv npaj siab yeem tuag dua ghia lawv cov lus. Hnub ntawd lawv raug kaw li ntawd ces lawv tsis tau mus ntsib niam Mab Liab li.

    Thaum ntawd, luag kuj txhob txwm hais ib co lus moo cua hem neeg hais tias hnub ntawd mas dab phem yuav tawm tuaj ntawm qhov chaw ntawd, thiab yuav ua kom av tawg pleb, mas kab pleb ntawd yuav nqos cov neeg uas mus xyuas ntawd ntag. Txawm muaj lus hem li ntawd los neeg kuj tuaj teev Ntuj coob li qub. Cov neeg uas tuaj ntawd piav hais tias: thaum txog lub sij hawm niam Mab Liab tuaj, lawv hnov xob nroo ib zag ua rau sawv daws ceeb nkaus, ces xob tib laig ntxiv. Tam sis ntawd lawv pom ib twv huab dawb paug los nyob
    saum tsob ntoo. Nyob li ob peb fiab xwb, twv huab txawm nce zuj zus mus ploj dua saum ntuj lawm. Thaum lub sij hawm twv huab nyob ntawd, cov neeg ntsia ib ncig lawv mas lawv pom tias lawv cov ntsej muag ci ntau yam tsos. Cov ntoo mas zoo li tsis muaj nplooj; tsuas muaj paj ntoos nra paug xwb. Hauv av pom txaij ua tej kem ua ntau tsos. Ob lub teeb uas dai ntawm qhov chaw teev Ntuj daj rhuv zoo li yog kub.
    Niam Mab Liab Tshwm Sim nyob Fatima FatimaChildrenJucintaLuciaFrancisco

    Thaum tej yam txawv txawv ntawd ploj tas lawm, cov neeg mam li to taub tias yog niam Mab Liab tuaj. Tiam sis, nws tsis pom cov me nyuam nyob ntawd ces nws rov qab lawm. Cov neeg tsis zoo siab rau tus nom thiab rau Txiv Plig vim nkawd yog ob tug tau coj cov me nyuam mus zais lawm. Cov neeg xav ntawd, tiam sis, tus Txiv Plig kuj tsis tau nrog tus nom ntes cov me nyuam mus kaw cia. Lawv qw zom zaws tias yuav mus nrog nkawd hais xwb. Jacinta txiv kuj tuaj ntawd thiab; nws thiaj hais rau sawv daws tias:
    -"Thov kom sawv daws ua siab tus tus, tsis txhob ua phem rau leej twg. Cia Ntuj mam rau txim rau tus ua phem xwb. Tej no yeej yog tus uas nyob siab saud pub kom muaj li no."

    Hnub tim 13 ntawd, cov me nyuam raug kaw ib hnub. Tag kis luag hu ib tug zuj zus mus nug. Luag muab nyiaj thiab muab lwm yam los ntxias tas zog kom lawv qhia lawv cov lus. Thaum ntxias tsis tau lawm, luag hem tias
    yuav muab pov rau hauv yias roj kub kub. Lawv yog me nyuam yaus ces lawv kuj ntshai tias yuav tuag tiag tiag. Jacinta quaj quaj tias yuav tsis pom nws niam ib zaug ntxiv. Lawv peb leeg thiaj hais zaj teev Ntuj tias:
    - "HT Yes Xus, peb nyiaj tej no vim peb nyiam koj thiab peb xav pab cov neeg txhaum. Thiab peb xav pab Txiv Vaj Qhia thiab xav kho tej kev tu siab uas neeg ua rau niam Mab Liab lub Plawv Ntshiab."

    Luag coj lawv mus nrog cov neeg nyob txim hauv nkuaj. Luag los hu ib tug zuj zus mus. Luag ua zaj ua ntxeev ntxias thiab hem lawv. Tiam sis, lawv kuj tawv qhawv tsis qhia lawv cov lus uas qhia tsis tau ntawd li. Thaum kawg, tus nom ntxias tsis tau lawv. Nws cia li ua siab muab lawv xa rov los tsev.

    Hnub tim 19, lub 8 hli ntawd, yog ib hnub Chiv. Thaum sawv ntxov lawv mus koom thaj Txi Ntuj tas ces lawv los mus hais txoj saw Mab Liab tom La Cova da Iria. Lawv los noj sus tag ces Lucia thiab Francisco thiab
    Francisco tus tij laug, John, lawv coj yaj mus rau ib qho chaw hu ua Valinhos. Thaum tav li plaub teev hnub qaij, Lucia txawm pom xob laim, ces Lucia hais rau John tias:
    - "Tsuag tsuag mus hu Jacinta, niam Mab Liab yuav tuaj!"

    Thaum John mus hu tau Jacinta nkawd tab tom khiav khiav tuaj txog ntua, xob rov qab tib laig dua zaum ob. Ib plig ntshis xwb, lawv peb leeg twb pom tus poj niam ci ntsa iab sawv saum ib tsob me nyuam ntoo thiab. Lucia
    nug 1i niaj zaus tias:
    - "Koj xav kom kuv ua dab tsi?"
    - "Kuv xav kom nej rov tuaj tom La Cova da Iria hnub tim 13 dua, thiab kom nej niaj hnub hais txoj saw Mab Liab."
    Ces Lucia xav txog nws kev nyuaj siab vim coob leej pheej tsis ntseeg li. Nws thov tias kom niam Mab Liab ua ib yam dab tsi kom neeg pom ces neeg thiaj li ntseeg. Niam Mab Liab thiaj hais tias:
    - "Thaum lub kaum hli, kuv yuav ua ib yam kom sawv daws pom thiab ntseeg. Yog lawv tsis txhob ntes nej mus, mas kuv yuav ua ib yam loj dua qhov kuv yuav ua. Tiam sis, vim lawv ntes nej mus lawm, mas kuv tsuas ua qhov ntawd xwb. Thaum ntawd Yos Xes yuav coj tus me nyuam Yes Xus tuaj foom kev thaj yeeb rau ntiaj teb. Huab Tais Yes Xus kuj yuav tuaj foom koob hmoov rau sawv daws thiab."

    Lucia nug ntxiv tias:
    - "Koj xav kom peb muab cov nyiaj thiab cov paj tshab uas neeg pub ntawd ua dab tsi?"
    - "Nej ua ob lub txaj kwv. Koj thiab Jacinta nrog ob tug ntxhais nej hnav dawb kwv ib lub. Francisco nrog peb tug tub hnav dawb thiab, lawv kwv ib lub. Hnub uas nco txog Leej Niam muaj Txoj Saw (Feast of Our Lady of the Rosary), mas nej muab cov nyiaj tso rau saum ob lub txaj kwv."

    Lucia piav txog tej tus neeg mob, niam Mab Liab hais tias:
    - "Ib txhia mas kuv yuav kho lawv zoo nyob hauv lub xyoo no. (Tiam sis, nws xav kom peb teev Ntuj kho tus ntsuj plig tshaj kho lub cev).
    Nws hais ntxiv tias:
    - “Nej yuav tsum teev 'Ntuj tiag. Teev Ntuj tsis tseg thiab ua tej yam los pab cawm cov neeg txhaum. Coob leej poob hauv dab phem teb vim tsis muaj leej twg thov Ntuj pab lawv thiab ua tej yam them txim txhaum pab lawv.”
    Nws hais li tas ces nws nce zuj zus mus saum ntuj mus rov sab hnub tuaj lawm.

    John xav kom pom kawg, tiam sis, nws kuj tsis pom dab tsi.
    Thaum Lucia hais tias:
    - "Niam Mab Liab mus lawm."
    John tsuas hnov ib qhov nrov khuav mus lawm xwb. Lawv mus dam tus ceg ntoo uas niam Mab Liab daim tiab tau chwv.

    Niam Mab Liab Tshwm Sim nyob Fatima Fatima-message-nm

    Lucia thiab John nkawd nyob ntawd saib cov yaj; hos, Jacinta thiab Francisco nkawd nqa tus ceg ntoo los tsev los hais qhia lawv niam lawv txiv. Thaum nkawd los txog ntawm Lucia tsev, Lucia niam thiab nws tus niam laus sawv ntawm qhov rooj. Jacinta thiaj 1i qw qw rau Lucia niam tias:
    - "Niam dab laug peb rov qab tau pom niam Mab Liab dua tiag! Nyob tom Valinhos!"
    Lucia niam teb tias:
    - "Cas nej yuav txawj dag ua luaj li lauj yod! Cuag 1i nej mus txog twg ces niam Mab Liab txawm yuav caum nej txog twg li na has!"
    Jacinta thiaj hais tias:
    - "Peb yeej tau pom tiag tiag hos, niam dab laug! Saib! Niam Mab Liab ib txhais taw txawb kiag ntawm tus ceg me me no, hos ib txhais txawb ntawm no tiag!"
    Lucia niam hais tias:
    - "Muab rau kuv xyuas saib!"
    Lucia niam txais nkaus tus ceg ntoo los hnia kiag. Nws txawm hais tias:
    - "Tsw dab tsi ne?... Kuj tsis yog tshuaj tsw qab, kuj tsis yog xas npus, kuj tsis yog paj ntshua nplaim (rose) li, tiam sis tsw tau xis neeg kawg."

    Ces tas tsev neeg khiav los ntsauv, tus twg los xav tuav tus ceg ntoo thiab xav hnia. Txij thaum ntawd los, Lucia niam thiab nws tsev neeg thiaj pib hloov los ntseeg Lucia zuj zus thiab tsis ua phern rau nws lawm.

    Jacinta kuj nqa tus ceg ntoo los qhia rau nws niam thiab nws txiv nkawd thiab. Nws txiv tseem zaum hauv tsev mov, nws nqa tus ceg ntoo los hais luag nyav rau nws txiv tias:
    - "Txiv, peb twb rov qab pom niam Mat Liab dua nyob tom Valinhos tiag!"
    Thaum Jacinta nkag los tsev, nws txiv kuj hnov tsw qab ntxiag. Nws txiv hais tias:
    - "Koj nqa dab tsi los?"
    Jacinta teb tias:
    - "Yog tus ceg ntoo uas niam Mab Liab sawv saud na."
    Nws txiv muab zoj los hnia, tiam sis tsis hnov tsw lawm.

    Lucia tus niam laus thiab txiv laus nkawd kuj piav tias hnub ntawd, thaurn tav lub sij hawm uas cov me nyuam yaus hais tias niam Mab Liab tawm tuaj, nkawd kuj hnov tej yarn txawv txav, yarn li: lub hnub ntaug zog hos
    cua laj ntxiag tuaj, thiab nkawd pom ntau yam tsos txaij liab ntsuab zoo ib yam li hnub uas lawv ntes cov me nyuam mus kaw lawm es cov neeg tuaj xyuas ntawd pom.

    Cov me nyuam nco ntsoov niam Mab Liab cov lo lus uas nws hais tias kom thov Ntuj tiag pab cov neeg txhaum thiab ua tej yarn them txim txhaum pab lawv. Thaum lawv nyob tom tshav zaub yug yaj, lawv txhos caug khoov hauv av li tus Tshlab qhia lawv ua thiab hais tus Tshiab cov zaj teev Ntuj. Lawv khoov teev Ntuj li ntawd ob peb teev 1i. Thaum lawv hnov caus yaum lawm, lawv ho hloov cev thiab hais txoj saw Mab Liab. Lawv xyaum teev Ntuj tsis tseg li niam Mab Liab hais thiab ua tej yam los pab cov neeg txhaum. Tiam sis, lawv
    ntshai tsam neeg tsis to taub ces lawv ua zais ntshis xwv tsis ghia leej twg paub.

    Muaj ib hnub, lawv ua si ntawm lub qhov dej, Jacinta niam nqa tau ib co txiv cawv (grapes) tuaj rau lawv noj. Thaum nws niam nkag hauv tsev lawm, Jacinta hais tias:
    - "Peb txhob noj yom! Peb nyiaj nqhis thiab cev rau Yes Xus."
    Ces nws nqa khiav khiav mus pub rau ib co me nyuam yaus taug kev noj.
    Muaj ib zaug, leej twg nqa tau ib tawb txiv ncuav pias tuaj rau lawv noj, Jacinta nco dheev txog cov neeg txhaum, nws muab nws lub txiv tso plhuav rov rau hauv tawb thiab nws khiav mus kom txhob pom thiab txhob xav noj cov txiv ntawd.
    Tab txawm pos chob mob xwb los Jacinta yeej cev tib si rau HT Yes Xus los pab cov neeg txhaum.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Niam Mab Liab Tshwm Sim nyob Fatima Empty Re: Niam Mab Liab Tshwm Sim nyob Fatima

    Post  Mim 14th March 2010, 10:47 am

    Niam Mab Liab tshwm sim zaun tsib

    Niam Mab Liab Tshwm Sim nyob Fatima Mutter-gottes-von-fatima


    Thaum lub 9 hlis, tim13 los txog, neeg tuaj coob coob tsaus nti tuaj xyuas peb tug me nyuam yaus. Txhua leej txhua tus xav nrog lawv tham thiab xav hais lawv kom mus thov niam Mab Liab pab. Cov uas tsis tau kev txav los ze, nce saum tej phab ntsa, los saum tej ntoo cia li qw nrov nrov. Tus yuav hais li cas los muaj: tej tus thov kom tus mob zoo; tej tus thov kom cov tub los cov txiv mus ua rog lawm rov los txog tsev. Neeg coob coob ua kev ntom nti tsis tau kev mus. Ces muaj tus puav txiv neej thiaj li los nthe kom cov neeg qhib key rau lawv mus. Thaum lawv tuaj txog ntawm tsob ntoo lawm, Lucia kuj pib hais txoj saw Mab Liab thiab coy neeg teb.

    Hais txoj saw Mab Liab tas nrho xwb, cov me nyuam yaus sawv zom zaws vim lawv twb pom xob laim lawm. Ib me ntsis ces cov neeg txawm pom ib lub kheej kheej, ci ci, los nyob saum tsob ntoo. Lawv hnov Lucia nug tias (Cov neeg tsuas hnov Lucias cov lu me ntsis xwb, lawv tsis hnov Niam Mab Liab cov):
    - “Koj xav kom kuv ua dab tsi?
    - “Xav kom cov neeg niaj hnub hais txoj saw Mab Liab los pab kom tsov rog tus. Lub 10 hli uas yog lub hli kuv tuaj zaum kawg, kuv yuav ua ib yam hwj huam kom sawv daws ntseeg tias kuv tau tuaj ntawm no tiag. Yog hais tias lawv tsis txhob coj nej mus kaw tom zos, mas kuv yuav ua ib qho hwj huam loj dua qhov kuv yuav ua rau sawv daws pom. Tiam sis lawv tau coj nej mus lawm mas kuv tsuas ua qhov ntawd xwb. Thaum

    ntawd Yos Xes yuav coj tus me nyuam Yes Xus tuaj foom kev thaj yeeb rau lub
    ntiaj teb. Huab Tais Yes Xus
    kuj yuav tuaj foom koob hmoov rau cov neeg sawv daws. Niam Mab Liab muaj txoj Saw (Our Lady of the Rosary) thiab niam Mab Liab Muaj kev tu siab (Our Lady of Sorrows) kuj yuav tuaj thiab. Tswv Ntuj zoo siab kawg rau nej tej kev them txim txhaum, tiam sis nws tsis xav kom nej sia txoj hlua mus pw; nej sia thaum nruab hnub xwb." (Muaj ib zaug Lucia nrhiav tau ib txog hlua, nws muab sim sia no chob chob, ces lawv txawm muaj txoj hlua txiav ua 3 ya rau lawv peb leeg sia. Lawv sia mus pw tib si, ua rau lawv tsaug tsis taus zog, ces Niam Mab Liab thiaj hais tias li nhtawd).

    Lucia hais ntxiv tias:
    - "Cov neeg kom kuv thov ntau yam ntawm koj. Muaj ib tug me ntxhais nws ruam thiab lag ntseg, koj tsis xav kho nws kom zoo lod? Koj puas kam pab lwrn cov neeg ntxiv thiab?"
    - "Kuv yuav pub kom ib co zoo, tiam sis ib co tsis zoo; Huab Tais Yes Xus tsis tso siab rau lawv."
    - "Cov neeg sawv daws xav kom tsa ib lub tsev teev Ntuj nyob ntawm no kawg."
    - "Nej siv coy nyiaj paj tshab ntawd ib nrab los ua ob lub txaj kwv. Nej muab tus mlom Niam Mab Liab muaj txoj saw tso rau saum ib lub txaj kwv. Ib nrab cov nyiaj mas nej muab khaws cia tau ua lub tsev teev Ntuj."
    - "Coob leej hais tias kuv yog ib tug niag neeg dag uas yuav tsum muab dai los muab hlawv no. Thov koj ua ib yam hwj huam kom sawv daws ntseeg."
    - "Lub 10 hli tso kuv yeej yuav ua ib yarn hwj huam kom sawv daws ntseeg."
    - "Ib co neeg muab tau ob tsab ntawv no thiab ib lam hwj tshuaj tsw qab rau kuv muab rau koj no."
    - "Tej ntawd tsis tas siv nyob saum ntuj li."

    Tus poj niam hais li ntawd tas, nws txawrn nce mus saum ntuj. Lucia taw tes rov sab hnub tuaj thiab qw rau sawv daws tias:
    - "Yog nej xav porn no ntsia mus sab no!"
    Sawv daws tig ntsia. Muaj coob leej pom ib lub ci ci, kheej kheej, nce zuj zus mus saum ntuj lawm.

    Niam Mab Liab Tshwm Sim nyob Fatima 1109_14StEdwardFatima

    Nyob hauv cov neeg uas tuaj xyuas hnub ntawd, muaj tus Tswv Qhia loj nyob Leiria thiab ib tug txiv plig nrog nws. Tus Tswv Qhia tuaj xyuas vim nws xav tuaj porn kiag saib yog muaj tseeb los cuav tiag ua cas pheej muaj neeg tuaj xyuas coob zuj zus li. Tus Tswv Qhia ntawd kuj tau piav ib co lus pov thawj zoo li no:

    - "Kuv tau sawv kev thaum sawv ntxov tim 13, lub 9 hlis 1917. Kuv caij ib lub tsheb nees. Tus nees cab laus laus lawrn ces peb maj mam mus; peb xav mus xyuas qhov chaw uas muaj cov xwm tshwm sim ntawd. Mus txog, Txiv Plig Gois xaiv ib qhov chaw rau wb nyob uas tau kev ntsia pom tas ib ncig lub hav Cova da Iria. Nyob ntawd, wb kuj pom qhov chaw uas peb tug me nyuam yug yaj teev Ntuj tos tus poj niam saum ntuj tuaj. Thaum txog tav su kiag, cov neeg nyob ntsiag twb to, tsuas hnov ib lub suab teev Ntuj yau tsawv xwb. Tos nco neeg txawm siv qw ntsuag qees, hnov tej lub suab cav txog Niam Mab Liab. Pom tej txhais tes taw rau saum ntuj; hos hnov tej lub suab hais tias:
    - 'Koj puas pom?
    - Kuv pom thiab hos!'
    Ces kuv txawm tsa muag ntsia saum ntuj thiab saib kuv puas porn dab tsi. Tsis muaj ib twv huab li cas nyob saum lub ntuj ntsuab li, tiam sis ua cas pom ib lub kheej kheej, ci ci, nqes ya sab hnub tuaj los rau sab hnub poob. Kuv tus phooj ywg txiv plig nyob ntawd kuj ntsia saum ntuj thiab pom ib yam li kuv pom ntawd thiab. Ib me ntsis xwb lub kheej kheej ntawd txawm yaj ntshis ntawm wb qhov muag lawm. Muaj ib tug me ntxhais nyob ze ntawm wb, hnav zoo nkaus li Lucia thiab kuj loj ib yam li Lucia, nws mas zoo zoo siab thiab pheej hais tsis tseg tias: 'Kuv tseem pom nws thiab....Nws nqes los hauv lawm.' Ob peb fiab tom qab ho rov qab hais tias: 'Nws nce mus saud lawm.'
    Kuv nug kuv tus phooj ywg txiv plig tias: 'Koj xav tias lub kheej kheej ntawd yog dab tsi?' Nws teb ntua tias: 'Yog niam Mab Liab.' Kuv los kuj xav tau ib yam li ntawd thiab. Peb tug me nyuam ntawd yeej tau pom Huab Tais Ntuj Niam tiag tiag li. Peb txais txoj koob hmoov uas tau pom lub tsheb nqa nws saum ntuj los rau ntawm thaj chaw pluag pluag no. Gov neeg nyob ib ncig ntawm wb kuj tau pom ib yam li wb vim sawv daws yeej zoo siab qw zom zaws. Tiam sis muaj tus puav kuj tsis tau pom li. Muaj ib tug nyob ze ntawd quaj quaj vim nws tsis pom dab tsi. Kuv tus phooj ywg kuj mus ncig tham nrog ib pab dhau ib pab. Sawv daws yeej hais tias tau pom ib yam nkaus li wb tau pom thiab. Wb zoo siab kawg. Wb rov los tsev; wb npaj siab tias yeej yuav rov mus dua lub 10 hli, tim 13, kom tau ua raws li Lucia lo lus caw sawv daws tuaj, thiab kom saib wb puas ntseeg loj dua ghov qub ntxiv."

    Hnub ntawd kuj tseem muaj tej yarn xwm txawv txawv uas neeg tau hais txog, yarn li, cua cia li laj ntxiag tuaj, thiab lub hnub cia li tsaus zog ua rau coob leej tau pom cov hnub qub saum ntuj txawrn tias thaum ntawd yog thaum tav su nrig. Ib txhia kuj hais txog tias poob ib co zoo li paj ntoos saum ntuj los, tiam sis thaum txog hauv av yaj lawm.


    Raws li peb tau nyeem los lawm, niam Mab Liab tau hais ob peb zaug rau Lucia tias lub 10 hli mas nws yuav ua ib yam hwj huam rau sawv daws pom kom sawv daws ntseeg. Mas Lucia kuj tau tshaj qhov ntawd rau sawv daws paub ob peb hlis ua ntej los. Cov neeg uas ntseeg cov me nyuam yaus, lawv kuj tau kev txhawj xeeb heev tias tsam tsis muaj ib yam hwj huarn tshwm tuaj rau sawv daws porn ne. Ces kuj yog tias cov me nyuam dag xwb tiag. Hos cov uas tsis ntseeg mas lawv tas zog thuam thiab luag hais tias yog lub Koorn Txoos lam hais tej ntawd ntxias thiab dag sawv daws xwb. Lawv yeej vam ntsoov tias lub 10 hli, tim 13, mas lub Koom Txoos txoj me kev dag neeg yeej yuav tawm plaws rau sawv daws paub tseeb xwb ntag.

    Cov me nyuam yaus mas lawv tu siab kawg hais tias ua cas coob leej tsis kam ntseeg. Ntawm lawv mas lawv tsis txhawj dab tsi li; lawv tso siab lug rau Niam Mab Liab, nws tau hais lawm nws yeej tsis dag. Tiam sis lawv tsev neeg kuj raug tej neeg zej zog cem sab heev thiab raug hem tias yog lwm hnub tsis muaj dab tsi tshwm sim li hais mas yeej yuav pom xwb ntag.

    Lucia tus niam laus piav txog lawv tej kev nyuaj siab li no:
    "Thaum ntawd peb tsev neeg nyuaj siab kawg nkaus. Hnub hais ntawd los txog ze zus mas peb yim hais heev kom Lucia tsis txhob tso tso siab rau nws zaj npau suav. Vim nws txawj txawj xev, mas peb yeej yuav tau kev txom nyem xwb. Kuv txiv cem cem Lucia kawg, tiam sis kuv txiv kuj tsis ntaus ib zaug li. Hos kuv niam mas kuv niam ua nyuaj heev. Thaum ntawd, tseem muaj ib co lus moo cua hais tias lawv yuav caws hoob pob (bombs) rau tom la Cova da Iria thiab no mas haj yam ua rau peb ntshai. Muaj lb txhia tseem qhia kom kuv niam muab lawv peb leeg kaw rau hauv ib kem tsis pub tawm mus txog thaum lawv lees tias lawv hais dag xwb. Peb tsis tham tej no rau Lucia hnov tiam sis peb mas yeej ntshai kawg nkaus; tsis paub tias peb yuav raug puas tsuaj li cas. Ib txhia tseem hais tias kom peb coj Lucia mus zais rau ib qho chaw kom txhob muaj neeg nrhiav tau li. Peb mas tsis paub yuav ua li cas 1i. Kuv niam kuj xav ua kom zoo xwb tiam sis nws tsis to taub li; nws pheej yws tias: 'Yog niam Mab Liab tiag, mas phim nws twb ua ib yam dab tsi tshwm sim lawm. Phim nws twb ua dej txhawv tuaj los ua lwm yam lawd. Aub! Xyov yuav xaus li cas li lauj!'

    Cov me nyuam yaus mas lawv tsis txhawj dab tsi kiag li.

    Niam Mab Liab Tshwm Sim nyob Fatima Fatima-procession





    Lucia niam mas yeej yog ntshai kawg nkaus tias yuav muaj xwv
    txheej dab tsi xwb ntag. Hnub 12, lub 10 hli, nws sawv tsees los xwb nws twb
    khiav loo mus hais rau Lucia tias korn mus daws txhaum: - "Lawv hais tias
    peb yuav tuag xwb no. Yog tsis muaj hwj huarn dab tsi tawm, mas lawv yuav muab
    peb tua no."



    Lucia thiaj li teb nws niam tias:
    - "Niad, yog koj xav
    mus daws txhaum los kuv mam nrog koj mus. Tiam sis, kuv li kuv tsis ntshai as.
    Kuv yeej paub meej tias tag kis tus poj niam yuav ua raws li nws tau cog lus
    lawm."



    Ces nws niam txawm tsis hais ntxiv txog mus daws txhaum
    lawm.



    Nyob hauv Jacinta tsev mas txawv. Jacinta txiv yog ib tug uas ntseeg khov kho. Nws piav tias ob peb hnub ua ntej hnub tim 13, lub 10 hli, muaj ib tug Txiv Plig nrog ib tug txiv neej. tuaj xyuas lawv. Tus Txiv Plig xav tuaj tsim cov me nyuam kom lawv rov qab rhuav lawv cov lus. Nws xub nug Francisco, tiam sis nws nug tsis tau ib los tseem ceeb. Nws yuav nrog Lucia thiab Jacinta tham, tiam sis nkawd mus nkawd lwm qhov lawm. Txiv Plig tsis kam tos kom nkawd los txog tso nws cia li kom lawv coj nws mus ntsib nkawd. Nws npaj tias yeej yuav ua tsiv tsiv kom cov me nyuam yaus thim lawv cov lus xwb xwb li. Txiv Plig txawm hais tsiv tsawv rau Lucia tias:
    - "Me ntxhais, koj cia li hais rau kuv tias tej ntawd yog nej lam xev nej xwb no laiv. Txawm koj tsis kam lees los kuv yeej hais tias yog li xwb no ntag. Thiab kuv yuav tshaj tawm qhov txhia chaw tias yog dag xwb ces koj yeej tsis dim li ntag."
    Lucia nyob ntsiag to xwb. Jacinta txiv thiaj teb ntua tias:
    -"Yuav kom luag paub sai, mas yuav tsum ntaus telepraph sai sai mus rau txhua qhov chaw mas thiaj li."
    - "Yeej yuav tsum ua li ntawd ntag hos! Ces yuav tsis muaj ib tug neeg tuaj xyuas hnub tim 13 ntxiv lawm ntag."
    Tus txiv neej nrog Txiv Plig tuaj txawm hais tias:
    - "Tej no mas yog ua dab khawv koob (witchcraft) kiag xwb nev."
    Jacinta txiv npau taws; ces nws hais rau Txiv Plig hais tias:
    - "Yog koj yuav ua li ntawd los koj kuj txhob tuaj txob peb cov me nyuad. Tsis muaj leej twg yuav txwv koj tsis pub ua li koj nyiam."

    Nws hais li nws coj cov me nyuam los tsev. Txiv Plig nkawd kuj caum lawv los thiab. Lawv los txog, Jacinta nws twb nyob nws ntawm qhov rooj tab tom ntsis ntsis ib tug me nyuam plaub hau. Txiv Plig hais tias:
    - "Jacinta, koj tsis kam hais dab tsi rau peb li, tiam sis Lucia twb qhia peb tas hais tias nej dag xwb no sad."
    Jacinta teb tawv qhawv tias:
    - "Lucia yeej tsis tau hais dab tsi li."
    Txiv Plig hais ob peb zaug tias Lucia hais lawm. Jacinta teb tawv qhawv tas zog tias Lucia tsis hais li.. Ces Txiv Plig cia li ua siab swb. Tus txiv neej txawm cev tes muab tau ib lub nyiaj hauv hnab ris los cev rau Jacinta. Tiam sis nws txiv cev tes loo thaiv tias:
    - "Tsum. Tsis txhob ua ntawd ib zaug!"
    - "Yog li kuj cia kuv muab rau koj tus tub John?"
    - "Tsis tas yuav ua 1i. Tiam sis yog koj ho xav tiag los koj muab koj."

    Thaum Txiv Plig nkawd sawv kev yuav mus, Txiv Plig hais rau Jacinta txiv tias:
    - "Koj tau coj zoo kawg."
    - "Zoo thiab tsis zoo los kuv tsis paub. Tiam sis nyob hauv kuv tsev mas kuv yeej coj li ntawd. Neb tuaj hais tsis tau kom cov me nyuam thim lawv cov lus. Tiam sis, txawm yog tias neb hais tau los, kuv yeej tseem ntseeg tias lawv tsis dag; lawv hais tseeb raws li lawv tau pom."


    Last edited by Mim on 16th March 2010, 5:25 pm; edited 1 time in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Niam Mab Liab Tshwm Sim nyob Fatima Empty Re: Niam Mab Liab Tshwm Sim nyob Fatima

    Post  Maiv Tooj 15th March 2010, 6:44 am



    Nyob zoo Mim,

    Zoo kawg li, kuv nyeem ob peb hnub kuv thiaj nyeem tag koj zaj nov. Ua tsaug ntau.

    Kuv xav ib yam li cov me nyuam nov hais thiab, ua cas Niam Mab Liab tsis ua kom s d pom Dab Phem teb, kom neeg paub txog thiaj tsis ua txhaum. Los yog HTN yuav cia nyias ntseeg nyias es thiaj muaj txiaj ntsim?
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Niam Mab Liab Tshwm Sim nyob Fatima Empty Re: Niam Mab Liab Tshwm Sim nyob Fatima

    Post  Maiv Paj Lug 15th March 2010, 10:00 am

    Ua tsaug os niamlaus Mim, cas koj yuav txhais nrawm thiab zoo li yooj yooj yim rau koj txhais xwb, kuv thov qhuas thiab ua koj tsuag ntau ntau nawb, kuv nyeem ntev loo thiaj li tag...hehehe, sau tau zoo kawg nkaus li, kuv xav tias Tswv Ntuj pub txiaj ntsim rau koj zoo kawg li lawm, kuv ua Tswv Ntuj tsaug ntau ntau tsis txawj tag, thov kom Tswv Ntuj siab zoo faib txiaj ntsim ntxiv rau koj txhua zaus mus li.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Niam Mab Liab Tshwm Sim nyob Fatima Empty Re: Niam Mab Liab Tshwm Sim nyob Fatima

    Post  Mim 15th March 2010, 10:47 am

    TaisTooj thiab Maiv Paj Lug,

    Yeej yog ib zag ntev. Xav muab ua kom luv luv xwb los yeej tau, tiam sis yog ua luv luv ces ho yuav tsis paub txog lawv lub neej tej kev nyuaj kev ntxhov siab pes tsawg, es kuj thiaj tso ntev ntev. Yog sawv daws nyiam kom tso luv luv xwb los yeej tso tau kawg thiab. Nej sawv daws qhia rau kuv kuv thiaj paub os nawb.

    Maiv Paj Lug, kuv yeej txhais nyuaj kawg, tsis yog yooj yim kiag li. Tiam sis qhov uas kuv tso tau sai tsem tsawv mas yog vim thaum i kuv twb muab txhais tas ua ntej ib zaug lawm. Nyem no kuv rov qab kho rau thiab tso kom zoo me ntsis xwb los twb yeej sib sij hawm ntev kawg.

    Ua neb tsaug uas neb ho tuaj txhawb kuv zog rau thiab os nkawd...
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Niam Mab Liab Tshwm Sim nyob Fatima Empty Re: Niam Mab Liab Tshwm Sim nyob Fatima

    Post  Maiv Tooj 15th March 2010, 6:05 pm



    Nyob zoo Mim thiab Maypajlug,

    Maypaj,

    Mim twb txhais tau lawm, yog ntev mus koj xyeej no koj muab zaj Film los doublé rau peb, ntshe yuav zoo heev. Mas Thoj tub kawv Leej Choj nyob Australia xav tau ua lus Hmoob.

    Mim, cia tej zaj ntev thiaj muaj txhua, thiaj paub lub ntsiab zoo.

    Ua tsaug.

    PS. Ob hnub no kuv tsis khoom, kuv pheej xyuas nkauj rau peb cov Cheeb Tsam nram nov kawm. Nej leej twg khoom no ho tuaj zov tsev tos kuv nawb...
    Yaj Suav Nus
    Yaj Suav Nus
    Phooj Ywg
    Phooj Ywg


    Messages : 268
    Date d'inscription : 2009-10-23

    Niam Mab Liab Tshwm Sim nyob Fatima Empty Re: Niam Mab Liab Tshwm Sim nyob Fatima

    Post  Yaj Suav Nus 16th March 2010, 4:13 am

    Nyob zoo Mim thiab tag nrho sawv daws,
    Mim, ua tsaug koj tau txhais zaj no zoo heev kuv xav tias muaj tsawg leej thiaj siv tau cov lus meej li koj.
    Ib qho thov hais rau cov phooj ywg yog nej leej twg xav muab los sau ib phau ntawv me me no ces nco ntsoov pab muaj tej tus npe ntawv uas Mim ntaus yuam kev kho kom raug, thiab nco ntsoov hais rau Mim ua ntej, kuv vam tias Mim yeej tso cai xwb. Ua tsaug.

    Y.Suav Nus
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Niam Mab Liab Tshwm Sim nyob Fatima Empty Re: Niam Mab Liab Tshwm Sim nyob Fatima

    Post  Maiv Paj Lug 16th March 2010, 9:56 am

    Maiv Tooj,

    kuv twb tsis tau pom daim Movie Notre Dame de Fatima li es, koj puas paub yog daim zoo li cas nab? kuv tsuas pom tej nyuag twb toom nyob Youtube xwb tsis tau pom txoj Movie kom tas kiag li na.....yog koj nrhiav tau txoj Film no koj sim muab tso hauv no kuv saib kom tas kiag seb yom.

    Suav Nus,

    kuv xav kom niamlaus Mim muab cov ntawv no coj mus luam ua ib phau ntawv rau peb tsoom Hmoob tau nyeem kawg li tiag. Cia seb Niamlaus Mim puas coj mus luam ua ib phau ntawv yog Niamlaus Mim tsis coj mus no ces peb mam thov nws seb nws puas tso cai rau peb luam peb yuav rau nws npe thiab hais tias nws yog tus txhais Niam Mab Liab Tshwm Sim nyob Fatima Icon_biggrin
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Niam Mab Liab Tshwm Sim nyob Fatima Empty Re: Niam Mab Liab Tshwm Sim nyob Fatima

    Post  Mim 16th March 2010, 4:52 pm

    Maypajlug wrote:
    Yaj Suav Nus wrote:Nyob zoo Mim thiab tag nrho sawv daws,
    Mim, ua tsaug koj tau txhais zaj no zoo heev kuv xav tias muaj tsawg leej thiaj siv tau cov lus meej li koj.
    Ib qho thov hais rau cov phooj ywg yog nej leej twg xav muab los sau ib phau ntawv me me no ces nco ntsoov pab muaj tej tus npe ntawv uas Mim ntaus yuam kev kho kom raug, thiab nco ntsoov hais rau Mim ua ntej, kuv vam tias Mim yeej tso cai xwb. Ua tsaug.

    Y.Suav Nus

    Suav Nus, kuv xav kom niamlaus Mim muab cov ntawv no coj mus luam ua ib phau ntawv rau peb tsoom Hmoob tau nyeem kawg li tiag. Cia seb Niamlaus Mim puas coj mus luam ua ib phau ntawv yog Niamlaus Mim tsis coj mus no ces peb mam thov nws seb nws puas tso cai rau peb luam peb yuav rau nws npe thiab hais tias nws yog tus txhais Niam Mab Liab Tshwm Sim nyob Fatima Icon_biggrin

    Txiv Suav Nus thiab Maiv Paj Lug,

    Yog nej sawv daws pom hais tias peb cov Hmoob yuav nyiam nyeem thiab no, cia kuv mam muab kho kom ua tau ib phau me nyuam ntawv los tau kawg. Yog tias peb cov Hmoob sawv daws lam txaus siab xav nyeem mas kuv yuav zoo siab heev. Cia kuv mam npaj ua saib puas tau zoo li cas os nawb.
    Yaj Suav Nus
    Yaj Suav Nus
    Phooj Ywg
    Phooj Ywg


    Messages : 268
    Date d'inscription : 2009-10-23

    Niam Mab Liab Tshwm Sim nyob Fatima Empty Re: Niam Mab Liab Tshwm Sim nyob Fatima

    Post  Yaj Suav Nus 17th March 2010, 4:49 am

    yob zoo Mim, Maiv Paj Lug thiab tas nrho cov phooj ywg txhua tus,
    Mim lo lus kuv hais mas kuv tsuas xav kom peb sawv daws txawj ua neeg sib hwm, hais txog yuav muab luam ua ib phau mas yeej yog ib qho zoo tab sis mas yuav tau siv nyiaj me ntsis. Raws li kuv xav mas cov Hmoob uas nyob rau teb chaws vam meej mas muaj tsawg leej thiab xav nyeem; hos cov Hmoob nyob teb chaws Thaib, Los Tsuas, Nyab Laj thiab Suav mas lawv yeej xav nyeem kawg thiab lawv tseem yuav muab qhia rau lawv tej me nyuam.
    Tam li kuv xav mas yog koj muaj sij hawm muab ua ib phau ntawv mas haj yam zoo, yog koj tsis tshua muaj sij hawm no los cia tos me ntsis saib puas muaj neeg xav tau.
    Sis tsib dua lwm zaus.

    Y.Suav Nus
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Niam Mab Liab Tshwm Sim nyob Fatima Empty Re: Niam Mab Liab Tshwm Sim nyob Fatima

    Post  Maiv Tooj 19th March 2010, 11:19 am


    Ntuj tus Tshiab qhia 3 tug me nyuam nram Fatima teev Ntuj.

    Tswv Ntuj, kuv ntseeg, kuv teev, kuv vam thiab kuv nyiam koj.
    Thiab kuv thov koj zam rau cov uas lawv tsis ntseeg,
    lawv tsis teev, lawv tsis vam thiab lawv tsis nyiam koj.


    Huab Tais Ntshiab 3 leeg, Leej Txiv, Leej Tub thiab Leej Ntuj Plig,
    kuv hwm nej tag nrho kuv lub siab. Thiab kuv Kuv muab Yes Xus Pleev lub cev,
    cov ntshav thiab tus ntsuj plig ntshiab uas nyob ntawm cov Thaj Txiv Ntuj
    ( Table bernacle thoob ntiaj teb los txiv rau koj.
    Kom tau daws cov neeg ntxeev lus, cov neeg tsis hwm luag, cov neeg tsis qab tsis tsuag.

    Vim muaj nws lub siab ntshiab thiab Niam Mab llub siab Dawb Huv,
    Kuv thov koj pab coj kom lawv los ua neeg ntseeg los hloob siab ua neeg zoo.


    Prière supplémentaire enseignée par l'ange


    Mon Dieu, je crois, j'adore, j'espère et je vous aime
    et je vous demande pardon
    pour ceux qui ne croient pas, qui n'adorent pas
    qui n'espèrent pas, qui ne vous aiment pas.
    Très sainte Trinité, Père, Fils et Saint Esprit
    je Vous adore profondément et je Vous offre
    les très précieux Corps, Sang, Âme et Divinité de Jésus-Christ
    Présent dans tous les tabernacles de la terre
    en réparation des outrages, sacrilèges et indifférences
    par lesquels Il est Lui-même offensé.
    Par les mérites infinis de son Très Saint Cœur et du Cœur Immaculé de Marie
    je Vous demande la conversion des pauvres pécheurs.



    Please further taught by the angel

    My God, I think, love, hope and love you
    I beg your pardon
    for those who disbelieve, do not adore
    who hope not, who does not love you.
    Most Holy Trinity, Father, Son and Holy Spirit
    I adore You profoundly and I offer You
    the most precious Body, Blood, Soul and Divinity of Jesus Christ
    Present in all the tabernacles of the earth
    in reparation for the outrages, sacrilege and indifference
    by which He Himself is offended.
    By the infinite merits of the Sacred Heart and Immaculate Heart of Mary
    I beg the conversion of sinners.


    Niam Mab Liab Tshwm Sim nyob Fatima Ndf01
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Niam Mab Liab Tshwm Sim nyob Fatima Empty Re: Niam Mab Liab Tshwm Sim nyob Fatima

    Post  Mim 20th March 2010, 8:28 am

    Niam Mab Liab tshwm sim zaum 6
    (zaum rau no yog zaum kawg uas lawv peb leeg tau pom Niam Mab Liab ua ke)

    Niam Mab Liab Tshwm Sim nyob Fatima Moz-screenshot-5Niam Mab Liab Tshwm Sim nyob Fatima Moz-screenshot-6
    Niam Mab Liab Tshwm Sim nyob Fatima Fatima+sun


    Thaum txog hnub tim 13, lub 10 hli lawm, thaum yav sawv ntxov mas tas lub zos Fatima yeej ntshai rwg tos. Nag los los nchuav nthwv tsaus nti tsis ntxim tias yuav yog ib hnub zoo li. Txawm li ntawd los neeg tseem tuaj quj qees. Ntau txhiab leej neeg tuaj qhov txhia chaw tuaj kom tau pom yam hwj huam uas niam Mab Liab Liab tau hais tias nws yuav ua hnub ntawd.

    Tab cov tsev luam ntawv xov xwm (newspapers) los xa neeg tuaj xyuas tib si. Ntau daim ntawv xov xwrn tau ua tej zaj hais cov xwm tshwm sin hnub ntawd. Lawv tau piav li no tias: "Neeg mas tuaj coob li coob ua kev tsaus nti xwb." Hnub tim 12, neeg twb pib tuaj lawn. Cov xub tuaj ntawd lawv pw ib hmos nraum tshav puam tos. Tag kis, tim 13 sawv ntxov, neeg tseem tuaj coob ntxiv tas zog. Coy tuaj ko taw los muaj, cov caij nees zab (bicycle) los muaj, cov caij tsheb nees los muaj, coy caij tsheb roj los muaj; lub tsheb zoo li cas los muaj tas.

    Niam Mab Liab Tshwm Sim nyob Fatima 0
    Thaum 10:00 teev sawv ntxov, lub ntuj tsaus tsaus, los nag xauv npo ua cov neeg npliag nplaws thiab ntub si laws xwb. Cua txias nplawm ntws ua rau sawv daws hnov no ti txha nkaus. Txawm li ntawd los neeg yeej nam quj qees tuaj mus ntsauv tsob ntoo uas cov me nyuam hais tias yog niam Mab Liab lub chaw sawv. Neeg tuaj vij ncig tsob ntoo ntawd nyob puv nrees ib cheeb tsam dav. Lawv tau hais tias ntshai yuav muaj txog 70,000 leej neeg tuaj hnub ntawd.

    Niam Mab Liab Tshwm Sim nyob Fatima Sister-lucy-fatima-crowd-miracle-sun

    Thaum ntawd, ces tus ntoo uas niam Mab Liab sawv twb tsis muaj ceg tas, tshuav lub hauv paus lawm xwb. Muaj neeg nqa paj ntoos thiab hlab ntaub tuaj tso rau kom zoo saib me ntsis.

    Nyob hauv Lucia tsev, txhua leej txhua tus txhawj kawg 1i. Nws niam yeej xav hais tias ntshai yog hnub kawg uas pom Lucia muaj sia nyob; lub kua muag si laws. Lucia thiaj hais rau nws niam tias: -"Niad, tsis txhob ntshai. Yeej tsis muaj dab tsi yuav raug peb li os. Niam Mab Liab yeej
    yuav ua raws li. nws tau hais xwb."

    Thaum Lucia npaj tiav lawn, nws niam thiab nws txiv nrog nws mus; lawv xub mus tom Jacinta nkawd tsev. Txog tod mas neeg tuaj coob coob ua lawv tsev ntsawm nkaus tsis tau kev li lawm. Nraum zoov los av nyam zaws. Jacinta niam los kuj txhawj kawg nkaus. Tiam sis lawv peb leeg mas lawv tsis txhawj dab tsi li; lawv tso siab lug rau Niam Mab Liab.

    Thaum tab tom los nag xauv npo, lawv sawv kev tuaj mus lawm tom qhov chaw Niam Mab Liab tuaj. Ntawm kev, txawm tias niag av nkos ntsuav, los cov poj niam txhos caug nplawg ntia ntawm cov me nyuam yaus xub ntiag cuag lawv twb yog ib co leej ntshiab lawm. Jacinta txiv thiaj nthe nthe rau lawv tias:
    -"Nej tsis txhob ua li os!"

    Neeg coob li coob ntom nti xwb. Yuav txeem ib txog kev mus mas nyuaj kawg. Muaj ib tug txiv neej thiaj li tsaws hlo Jacinta rau saum nws xub pwg tho kev rau lawv mus; nws tab qw tas zog tias:
    - "Qhib kev rau cov me nyuam uas tau pom Niam Mab Liab tuaj mus auj! Qhib kev…"

    Thaum lawv tuaj txog ntawm lub hauv paus ntoo lawm, tus txiv neej txo Jacinta rau hauv av. Tiam sis neeg coob sib txiv qev rau ntawd ces Jacinta cia li quaj. Lucia thiab Francisco thiaj tuaj ob sab muab nws thaiv rau nruab nrab. Lucia niam tuaj nyob ze ze ntawd ntsia ntsoov cov me nyuam. Jacinta
    niam thiab txiv kuj txeem tau tuaj nyob ib thaj tsam ze tsawv

    Niam Mab Liab Tshwm Sim nyob Fatima Fatima-crowd-september

    Cov neeg ua ntshoo nrooj mus mus los los. Thaum tav su kiag, uas txog lub caij Niam Mab Liab yuav tuaj, cov neeg nyob ntsiag twb to. Ib tug poj niam piav li no tias:

    "Muaj ib tug Txiv Plig nyob ze ntawd. Nws twb xub tuaj zov ib hmos ntawm tus ntoo ntawd lawm. Nws tab tom teev Ntuj. Thaum cov me nyuam yaus tuaj txog, nws nug lawv tias Niam Mab Liab tuaj thaum twg? Lucia teb tias thaum tav su. Tus Txiv Plig txawm thau loo nws lub moo los xyuas; hais tias: 'Twb tav su lawm tiag. Niam Mab Liab yeej tsis dag li. Peb sim tos saib.' Ob peb fiab tom qab, nws rov qab ntsia moo dua. Nws hais tias: 'Twb
    dhau sij hawm lawm as. Sawv daws kav tsij cia li tawm ntawm no mus xwb! Nej lam ua yog toog pom xwb!' Lucia tsis kam mus. Tus Txiv Plig txawm muab lawv thawb kom mus. Lucia twb yuav luag quaj; nws hais tias: 'Yog leej twg xav mus los mus. Kuv li, kuv tsis mus. Ntawm no, kuv nyob kuv av xwb. Niam Mab Liab hais tias nws yuav tuaj. Yav tas lawd nws twb tuaj; zaum no los nws yeej yuav tuaj xwb.' Tib txhij thaum ntawd, Lucia tig ntsia sab hnub tuaj, nws hais rau Jacinta tias: 'Jacinta, txhos caug, Niam Mab Liab yuav tuaj. Kuv twb pom xoh laim lawm.' Ces tsis pom tus Txiv Plig ntxiv li lawm."

    Niam Mab Liab Tshwm Sim nyob Fatima Miracle001

    Lucia hais nrov nrov tias:
    - "Ua twj ywm, Niam Mab Liab yuav tuaj tam sim no!"
    Thaum ntawd nag pib tu thiab lub hnub pib tawm tuaj me ntsis lawm. Niam Mab Liab tuaj sawv saum cov paj ntoos uas lawv muab tso rau saum lub hauv paus ntoo. Peb tug me nyuam yaus ntsia ntsoov rau Niam Mab Liab tsis nco qab tias muaj neeg coob nyob ntawd 1i.

    Niam Mab Liab Tshwm Sim nyob Fatima Fatima-children

    Lucia pib nug tias:
    - "Koj xav kom kuv ua dab tsi?".
    - "Kuv xav hais rau nej tias kom lawv tsa ib lub tsev teev Ntuj hwm kuv nyob ntawm no, thiab kuv xav hais qhia nej tias kuv yog niam MabLiab muaj txoj Saw (Our Lady of The Rosary), thiab kuv xav kom nej niaj hnub hais txoj Saw Mab Liab. Tshuav tsis ntev kev ua tsov ua rog yuav tus; cov tub rog yuav rov los nyias vaj nyias tsev.
    -"Kuv xav thov koj pab ntau leej. Ua li koj puas kam pab raws li kuv thov los tsis kam?"
    -"Ib txhia kuv yuav pab; ib txhia mas kuv yuav tsis pab, Lawv yuav tsum hloov lawv lub siab thiab mus lees txhaum. Nej tsis txhob ua txhaum rau HT Yes Xus ntxiv lawm mog vim nws twb tu siab kawg nkaus li lawm."

    Thaum Niam Mab Liab hais cov lus no, mas nws lub ntsej muag ntshaus kawg.
    Lucia rov qab nug tias:
    -"Tshuav dab tsi thiab uas koj xav kom kuv ua?"
    -"Tsis tshuav dab tsi lawm."

    Hais li ntawd tas, niam Mab Liab nthuav nws ob txhais tes ua ib co sab ci pom kev dauv los vov lawv ces nws nce zuj zus mus saum ntuj. Thaum nws tab tom nce ntawd, nws tsa tes rau lub hnub, cov sab pom kev kuj ci rau lub hnub. Thaum ntawd cov neeg hnov Lucia hais nrov nrov tias:

    - "Nej ntsia lub hnub!"

    [center]Niam Mab Liab Tshwm Sim nyob Fatima 0

    Tiam sis Lucia tsis nco qab tias nws tau hais cov lus ntawd.

    Lub hnub cia li dawb lias li lub hli lawm xwb. Cov me nyuam yaus txawm pom Yos Xes nyob ntawm
    lub hnub sab laug; nws puag tus me nyuam Yes Xus ntawm nws sab npab laug. Tsuas pom txij lub duav rov saud xwb. Ces nws tsa nws sab tes xis nrog tus me nyuam Yes Xus ua ntoo cuam lub cim rau saum ntiaj teb peb zaug. Thaum ntawd niam Mab Liab sawv ci iab nyob ntawm lub hnub sab xis; hnav ib ce xiav ntxuag dawb. Pom li ntawd tas, Lucia kuj pom HT Yes Xus hnav ib ce liab ploog uas yog tus Tswv Ntuj Cawm Seej (the Divine Redeemer). Nws kuj ua ntoo cuam lub cim rau saum
    ntiaj teb li Yos Xes thiab; kuj tsuas pom txij duav rov yav saud thiab xwb. Nyob ntawm nws ib sab, pom Niam Mab Liab hnav ib ce tsam xem (purple) uas yog Niam Tu Siab (Our Lady of Sorrows). Ces ho pom Niam Mab Liab hnav dua ib ce xeb dub (brown) uas yog Our Lady of Mount Carmel (Niam saum lub Roob Carmel).

    Thaum cov me nyuam yaus pom tej yam raws li piav no, cov neeg uas tuaj xyuas ntawd ho pom tej yam txawv txawv nyob saum ntuj. Tej tus piav tias:
    "Peb cia li ntsia taus lub hnuh tsis ci qhov muag li. Lub hnub ci ntau yam tsos ua kom tas puas tsav yam cia li txawv tas: tej neeg, tej ntoo, hauv av..."

    Niam Mab Liab Tshwm Sim nyob Fatima Immaculate-heart-fatima-miracle

    Lwm tus ho piav tias:
    "Sawv daws cia li nyob ntsiag twb to, nyias ntsia nyias zom taws rau lub hnub. Lub hnub ci ntau yarn tsos tas ces nws txawm cia li pib dhia (dancing). Nws nres me ntsis ces rov qab dhia dua. Ces txawm zoo li lub hnub cia li plam plaws saum ntuj poob. nthav los yuav luag npog sawv daws tiag. Thaum ntawd mas ntshai tsis ntshai."

    Ib tug piav ntxiv tias:
    "Lub hnub cig ntau yam tsos: cig daj, cig xiav, cig dawb. Nws pheej tshee tas mus li. Ces txawm zoo li yog ib lub niag hluav taws kheej kheej kiv lees ntog lam los yuav tsuam sawv
    daws tiag!"


    Thaum lub hnub poob los- li ntawd, cov neeg sawv daws ntshai kawg li. Tus yuav quaj yuav qw li cas los muaj: "Yes Xus, peb yuav tuag ntawm no lauj! Niam Mab Liab, thov koj cawm peb!"
    Ib txhia hais zaj tu siab rau lawv cov txhaum. Muaj ib tug poj niam cia li tab neeg lees nws cov txhaum nrov nrov.

    Ces lub hnub txawm zoo li ntab plaws rov mus txawb ntua nws qhov qub chaw nyob saum ntuj.
    Cov neeg sawv daws thiaj li ua pa nto. Thaum ntawd sawv daws mam 1i to taub hais tias qhov hwj huam uas cov me nyuam yaus hais ntawd nyuam qhuav dhau lawm. Qhov hwj huam ntawd yeej tshwm sim thaum lub sij hawm thiab hnub uas Niam Mab Liab tau teem tseg tiag. Cov neeg tuaj ntawd, thiab cov neeg nyob hauv cov zos ib ncig ntawd, sawv daws tau pom. Sawv daws hais
    tias yeej yog ib yam txaus qhuas uas tsis tau pom dua los.



    Last edited by Mim on 20th March 2010, 11:08 am; edited 1 time in total
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Niam Mab Liab Tshwm Sim nyob Fatima Empty Re: Niam Mab Liab Tshwm Sim nyob Fatima

    Post  Mim 20th March 2010, 10:46 am

    Niam Mab Liab tshwm sim zaum 6... (ntxiv)


    Cov ntawv xov xwm los kuj tau sau tej zaj tawm hais txog cov xwm ntawd. Tsab ntawv xov xwm "0 Dia" sau hais txog zoo li no:

    "Lub ntuj cia li tsaus dawb lias zoo li muaj ib daig dab tsi los roos lub hnub ces peb ntsia taus tsis ci qhov muag li. Peb pom lub hnub zoo li ib lub nyiaj kheej kheej uas txawj loj zus loj zus nqes los nrog cov huab sib tw mus mus los los. Tas cov neeg tuaj ntawd ua tib lub suab qw thov Ntuj thiab txhos caug ntua hauv cov av nkos. Ces txawm pom ci ib co tsos xiav zoo li yog ci tshab ntawm cov iav hauv ib hub tuam tsev teev Ntuj loj loj tuaj...Cov tsos xiav ntawd txawj ploj zuj zus hloov ci ua tsos daj. Zaum no pom txaij tej teev daj los rau cov neeg tej phuam dawb thiab rau lawv tej tiab. Kuj muaj tej teev txaij los rau saum tej ntoo, tej pob zeb, thiab tej roob. Tej teev txaij ntawd txawj ploj tas ho rov qab tshwm dua tsis tseg. Tas cov neeg sawv daws hle kaus mom; lawv quaj thiab thov Ntuj vim yog ib yam hwj huam loj tas npaud. Tej tshwm sim ntawd tsuas ntev li ob peb feeb xwb tiam sis mloog mas ntev li ob peb teev..."

    Niam Mab Liab Tshwm Sim nyob Fatima Newspaper_fatima

    Tsab xov xwm "0 Seculo" piav li no tias:
    "Peb nyob ntawm txoj kev. Nyob ntawd, neeg nres lawv tej tseb puv nkaus thiab kuj muaj neeg coob coob nyob ntawd vim lawv tsis xav mus tsuj av nkos. Peb nyob ntawd ntsia pom neeg coob coob kawg nkaus, Nyias tig nyias ntsia lub hnub. Lub hnub ci dawb lias zoo li ib lub nyiaj kheej kheej. Tsis muaj huab thaiv li tiam sis ntsia kuj tsis hnov ci qhov muag li. Thaum ntawd lub ntuj tsaus ntxoov nyos li yog dab noj hnub. Txawm hnov qw nrov nroo ntws qhov txhia chaw tias:
    'Hwj huam os! Hwj huam os!'
    Sawv daws ntshai kawg: nyias hle nyias kaus mom zom zaws thiab tig ntsia ntuj u. Lawv cia li pom
    lub hnub txawj
    dhia (dance); tsis tau muaj dua ib zaug zoo li ntawd.

    Muaj ib tug txiv neej laus tsawv, nws tig mus ntsia lub hnub thiab hais zaj 'Kuv ntseeg...' nrov nrov.... Ib me ntsis pom nws mus hais rau tej tus neeg uas tsis hle kaus mom tias kom cia li hle kaus mom vim tej yam ntawd twb qhia tseeb kawg tias yeej muaj Tswv Ntuj tiag. Nyob lwm qhov chaw, muaj lb tug poj niam kuj yws yws tias: "Cas tseem muaj tej tus txiv neej tsis kam hle kaus mom 11, tsis pom tej yam hwj huam loj tas npaud los cas!"


    Thaum qhov ntawd dua lawm, cov neeg sib nug zom zaws tias lawv puas pom dab tsi thiab pom zoo li cas. Coob leej hais tias tau pom hub hnub dhia dhia thiab tshee tshee; ib txhia hais tias tau pom Niam Mab Liab lub ntsej muag luag nyav; ib txhia hais tias lub hnub kiv ntog zoo li ib lub kauj vab hluav taws uas twb poob los yuav luag ti av, yuav luag hlawv ntiaj teb; ib txhia pom hub hnub hloov ntau yam tsos sib law."
    Niam Mab Liab Tshwm Sim nyob Fatima 669_LibImg


    Muaj ib tug neeg txawj ntse uas kawm tiav doctor, nws kuj tuaj xyuas; nws piav li no tias:
    "Kuv tos tos ntsia ntsoov qhov chaw uas Niam Mab Liab tuaj sawv ntawd; kuv twb nkees tas vim pheej tsis txawj pom ib yam dab tsi zoo saib li. Ces kuv txawm hnov cov neeg qw ntshoo nrooj, thiab kuv pom cov neeg, uas nyob puv ntia qhov txhia chaw, tig zom taws mus rau saum ntuj. Thaum ntawd zoo li yog tab tom tav su hnub ntseg ntsos. Kuv kuj tig mus ntsia lub hnub thiab. Lub hnub twb nqes tawm saum txheej huab saud los rau hauv lawm. Kuv pom zoo li ib lub kheej kheej ci dawb paug. Tiam sis ntsia tsis mob qhov muag 11.. Kuj tsis yog zoo li lub hli uas yus pom tej hmo ntuj huv si...Sawv daws yeej pom tias yog lub hnub muaj hluav taws kub lug ntag....Saum ntuj, lub ntuj ntsuab xiab. Pom tej twv huab dawb nyob qhov ub qhov no. Qee tsam pom lub hnub dawb lias saum qab
    ntuj ntsuab, huab khiav zom zaws sab hnub poob los mus rau sab hnub tuaj. Tiam sis, huab hla hauv qab hnub los mus: cov huab ntawd cia li hloov ua tsos liab paj yeeb los tsos xiav.


    Yog ib qhov txaus qhuas tias cas peb tau zoo ntsia lub hnub...tsis nco qab mob qhov muag los ci qhov muag li. Peb ntsia lub hnub li ntawd ntev kwv yees 10 feeb. Muaj ob pliag xwb uas lub hnub ci heev tshaj ua kom yus yuav tsum tig mus ntsia lwm qhov. Lub hnub kiv ceev ceev (li lub tuj lub). Txawm hnov cov neeg ua tib lub suab qw vim lub hnub cia li zoo li plam plaws saum ntuj poob ceev nrooj los rau hauv ntiaj teb no. Ntsia zoo li yog ib daig zeb hluav taws hnyav hnyav uas yuav poob los khwb peb, ua peb ntshai tshee na. Thaum lub hnub ua li ntawd, kuv pom zoo li lub ntuj tsaus nyos. Kuv ntsia ncig lees thiab ntsia tim qab ntuj, tas puas tsav yam zoo li xiav dub lus, muaj tsos tsam xem nrog. Kuv ntshai tsam yog kuv qhov muag tsis zoo; kuv txawm tig rov tom qab thiab muab tes pos qhov muag ib pliag. Kuv rov qhib qhov muag ntsia lub ntuj thiab tas puas tsav yam kuj tseem xiav tsam xem li qub thiab....Kuv tseem ntsia ntsia lub hnub, cas zoo li ntuj kaj zog tuaj ne. Hnov leej twg txawm hais tias: 'Cas tus poj niam ntawd daj ntseg ua luaj!' Kuv mam li ntsia no ciav tas puas
    tsav yam deb thiab ze twb hloov ua tsos daj tag. Coy neeg zoo nkaus li yog neeg mob daj tas txhua tus. Kuv ntsia kuv kuj xav luag tias cas sawv daws yuav phem ua luaj. Kuv ntsia kuv txhais tes
    los kuj daj tas thiab..."

    Ib tug me nyuam tub, thaum ntawd nws muaj cuaj xyoos, nws nyob deb li 10 miles ntawm Fatima. Zaum no nws yog ib tug Txiv Plig. Hnub ntawd nws nyob hauv tsev kawm ntawv; nws kuj piav txog zoo li no:
    " Zoo li yog tav su. Peb hnov cov neeg mus mus los los dhau ntawm tsev kawm ntawv pheej qw zom zaws. Tus xib hwb txawm tawm mus xyuas, peb cov me nyuam yaus lawv qab nplawg ntia. Peb pom cov neeg nyob ntawm kev tus quaj los muaj, tus qw los muaj; saw daws taw tes rau lub hnub...Kuv tsis paub yuav piav li cas txog qhov kuv tau pom thaum ntawd. Kuv ntsia lub hnub cas lub hnub tsaus tsaus tsis ci qhov muag li. Zoo li ib lub khaub hnab dawb dawb uas pheej kiv tsis tseg. Nws txawm
    cia li poob ceev ceev los..., zoo li yuav los khwb ntiaj teb. Kuv ntshai ces kuv khiav mus nkaum hauv cov neeg. Tas sawv daws ntshai tias ntiaj teb yuav kawg xwb lauj! Nyob ze ntawd muaj ib tug txiv neej uas nws tsis ntseeg Ntuj li. Thaum yav sawv ntxov, nws cav luag luag thiab thuam thuam cov neeg. Kuv ntsia nws; nws zoo li yoob tag: qhov muag ntsia ntsoov lub hnub tsis ntsais li. Nws ib ce tshee na puag saum taub hau txog nram ko taw. Nws txawm tsa tes saum ntuj thiab txhos caug hauv
    cov av nkos; nws tsa suab qw qw tias: 'Niam Mab Liab! Niam Mab Liab!' Tas sawv daws nyias quaj nyias zom zaws thov kom Ntuj zam lawv cov txhaum rau lawv...


    Thaum lub hnub tab tom ua li ntawd, tas puas tsav yam thiab cov neeg nyob ib ncig hloov ua ntau yam tsos. Peb sib ntsia peb mas ib tug xiav, ib tug daj, ib tug liab. Ces ua kom cov neeg haj yam ntshai. Lub hnub ua li ntawd ntev li 10 feeb ces nws rov qab txawb nws li qub nyob saum ntuj. Thaum cov neeg pom tias dhau lawm, sawv daws zoo siab thiab qw zom zaws cav txog Niam Mab Liab."


    Niam Mab Liab Tshwm Sim nyob Fatima Many_witnesses_miracle_of_sun-19171013

    Thaum cov neeg sawv zom zaws hauv av los, kuj muaj ib yam ua rau sawv daws qhuas thiab zoo siab kawg. Nyuam qhuav puas ta, lawv tej ris tsho ntub npliag nplaws. Zaum no lawv pom lawv cov ris tsho qhuav qhawv tas lawm. Cuag li yog Niam Mab Liab txhob txwm ua qhov ntawd pub rau lawv vim law muaj siab tiv nag ntsuav tuaj xyuas nws.

    Tsis ntev tom qab, tus Tswv Qhia loj saib xyuas thaj tsam ntawd kuj tau sau ib tsab ntawv tshaj tawm li no tias:

    "Cov me nyuam yaus yeej tau xub teem lub hnub nyoog thiab lub caij ntev ua ntej los lawm.... Thaum txog hnub ntawd, txawm tias cua no ntxiag thiab los nag ntub ntsuav, los ntau txhiab leej neeg
    tuaj xyuas.... Lawv tau pom lub hnub ua ntau yam txuj los hawm txog tus Poj Vaj kav saum ntuj thiab kav ntiaj teb uas nws tseem ci ntsa tshaj lub hnub. Yam ntawd tsis muaj ib lub tsev tsom hnub qub (astronomical observatory) yuav tsom tau vim nws tsis yog ntiaj teb ua. Muaj ntau hom neeg tau pom: cov muaj thiab cov pluag, cov ua nom thiab cov tsis ua, cov ntseeg thiab cov tsis ntseeg, cov sau ntawv xov xwm los kuj pom, cov neeg nyob hauv cov zos ib cheeb tsam ncig ntawd los kuj pom."


    Vim hais tias tsis yog ib leeg xwb; tiam sis, ntau txhiab leej neeg tau pom lub hnub ua ntau yam nyob saum ntuj, ces peb ntseeg tau tias tsis yog cov me nyuam yaus lam dag xwb. Tiam sis yog tseeb tiag.

    13 xyoos tom qab, yog xyoo 1930, lub Koom Txoos tau tshaj tawm hais tias cov xwm, uas tshwm sim nyob Fatima xyoo 1917, yog ib cov xwm tsim nyog peb ntseeg txog.



    Sponsored content


    Niam Mab Liab Tshwm Sim nyob Fatima Empty Re: Niam Mab Liab Tshwm Sim nyob Fatima

    Post  Sponsored content


      Current date/time is 18th March 2024, 5:36 pm