HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Sau Siab mus ncig xyuas Leej  Ntshiab Bernadette - Page 2 Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Yesterday at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


4 posters

    Sau Siab mus ncig xyuas Leej Ntshiab Bernadette

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Sau Siab mus ncig xyuas Leej  Ntshiab Bernadette - Page 2 Empty Re: Sau Siab mus ncig xyuas Leej Ntshiab Bernadette

    Post  Mim 2nd November 2009, 3:30 pm

    Maiv Tooj wrote:
    Mim wrote:
    Maiv Tooj wrote:
    Mim wrote:Ua cas kuv twb siv sij hawm ntev loo ntaus ntaus tau ib zag txog tag kis tim 1 lub 11 yog hnub peb ua kev hwm tas ib tsoom leej ntshiab thiab hais txig tim 2 yog hnub peb ua thaj txi ntuj thov ntuj rau cov uas tau tas sim neej lawm. Tiam sis zoo li nkag tsi tau rau hauv no li, es yog li cas lawm mas?...Tej zaum zoo li no ces yog nkim yus lub zog thiab lub sij hawm xwb lod?

    Mim,

    Faj seeb, yog thaum koj sau tau, koj yuav Envoyer ( Send or Add Reply) koj yuav tsum copy koj cov lus tseg, koj mam Send. Vim tej zaud yus nyem yuam kev los yog Yog Forum muaj teeb meem thiaj tsis tau rov sau dua. Thiab yus sau tag, tsis nco qab tag ces laj rov sau dua.

    Kuv li mas txog tav nov, nyob hauv Hmoob Catholique no kuv tseem tsis tau raug teeb meem li. Tab sis nyob hauv Hmongza.com mas thaum ub ua rau kuv ploj ntau yam thaum kuv Send.

    Hauv nov nag hmo Nkauj nag kuj hais rau kuv tias nws twb sau ob peb zaug pheej tsis tshwm li no. Tej zaud yog neb tsis saib zoo, neb nyem yuam kev ib qho lawm kuj tsis paub.

    Tais Tooj,
    Kuv xav hais tias kuv yeej tsis yuam kev, tiam sis zoo li nej muaj ob peb chav sib tham nyob hauv nov sub puas yog? Tej zaum yog kuv tsis muaj connection ces thiaj li ploj tas tsis tshwm. Nws yog ib qho rau kuv kawm kom to taub qhov nov.

    Kuv ho xav nug ib qho li no: kuv pom nej muab tau tsheej ob peb phab ntawv lus Mes Lis Kas los ntawv Fab Kis tso rau hauv no, yog nej mam xeem ntaus los yog nej muab copy tso rau xwb? Thaum nej tso duab ned, nej ho tso li cas? Thiab cov suab nkauj uas nej muab lwm qhov los ne? yog kuv maj mam xyaum kuv no nyaj qhov kawg kuv yuav ua tau thiab, tiam sis yog nej piav qhia kuv ntshai kuv yuav paub sai dua. Txawm li cas los ntshai ua li koj hais yauv tsum tau muab copy cia ntshai yauv meej tshaj. Es ua tsaug koj cov lus qhia kuv os.

    Nyob zoo Mim,

    Hais txog cov ntawv Fab Kis los English uas tso rau hauv nov, yog May Paj Lug thiab XH. Npuag Tub nkaws tso xwb, kuv tseem tso lus Hmoob xwb mus tsis tau txog pej kum lus. Kuv kuj tsis tau nug tseeb tab sis kuv xav tias May Paj Lug nws copy- coller xwb. Yog nws pom luag cov Website hais tej yam zoo thiab tseem ceeb ces nws copy-coller tso. Tab sis Maypaj Lug mas nws ntau ntawv nrawm heev ces nws ntau kiag tshiab los nws yuav tsis txom nyem li kuv. Ntawm kuv tus kheej, tej yam yog kuv txua kuv pheev los ces kuv ntau kuv. Yog kuv muab luag li los ces kuv copy coller thiab xwb. Ib yam li Ntawv Ntshiab, cov lus Thoob Tsib hauv Ntawv Faj Lem, kuv muab ntawm Txhiaj Vwj Yaj lub Website " Hmongrpa los. Tab sis ib ntus no nws lub Website pheej tsis muaj connection lawm.

    Thaum koj sau tau ib zaj, koj yuav Send, koj tsis thas yuav copy cia rau Microsof los tau, koj cia li Selectioné thiab copy cia rau ntawm koj tus Mouse xwb los tau. Tsis li ntawd yav thaum ub kuv tsis tshua tau keej, kuv qheb lub Forum ob qho, kuv npaj tau rau ib qho, kuv ho mus qheb dua ib qho tshiab los Poster. Thaum kuv posté tag, saib nws tshwm lawm tiag tiag li, kuv mam tua lub uas kuv npaj ntawd. Kom yog ib qho tsis tshwm los tshua ib qho los faj seeb. Vim lus lub tswv yim ya lawv lis, yus sau ib yam tag rov sau dua tsis zoo li qub lawm. Tej thaum kuv sau lus cuam txwv ( Poeme) ces kuv tsis nco qab hais tias kuv hais li cas lawm...Hahahah...!

    Hais txog tso duab,

    Nws muaj 2 yam tso:
    1/ koj cov duab ntawm koj lub PC los yog CD.
    2/ Duab hauv cab sab.

    1/ Tso duab ntawm koj cov Dossiers los yog CD

    Thaum koj Reply ib qho Post los txog,
    nyob ntawm qhov chaw uas koj sau ntawv saum toj, koj pom ib cov signes carrés.
    Koj click rau qhov signe N° 1 [color=red]===>=green]] 2 lub carrés sib tshooj ntawm kab 2.
    Koj pom tshwj ib qho tableau los,
    Koj click rau Parcourir
    Ces koj mus xaiv daim duab hauv koj qhov Dossier los yog CD.
    Koj click " Ouvrir" ntawm daim tableau hauv qab ( nov ces zoo ib yam li koj xa duab hauv E_mail).
    Tshwm rov los.
    Koj click rau "envoyer".

    Tshwm los ib cov programe los ces koj sélectioner ntawm " Copier" ces koj copy tau, koj rov Click ntawm 2 lub carrés sib tshooj kom qhov programe ploj mus.
    Ces qhov koj copy tau koj coj los tso rau hauv koj daim page uas koj tab tom npaj.
    Ces koj tso tau duab lawm. Tab sis hauv Forum Hmong Catholique no daim page me me ntsis lawm, pheej muab koj daim duab txiav ib tog lawm. Kuv siv ib cov Frame los ua kom daim duab me. Tab sis kuv yuav tsis qhia koj hnub no vim yuav cov rau koj. Ces yog koj tso duab tag, kuv mam tuaj kho rau koj ib yam li kho rau XH. Npuag Tub xwb...

    Li nov xwb es koj mam sim seb puas tau. Yog tsis tau no mam rov qhia dua.

    Kuv yuav mus hauj lwm lawm ces ib tsam mam los tham ntxiv.

    Bisous


    2/ Tso duab cab sab

    Koj pom ib daim duab uas koj nyiam,
    ces koj Cilck droite rau saum daim duab, ib daim tableau tshwm los, koj click rau " Propriétaire"
    Tshwm ib daim Tableau los.
    Ces koj sélectioner thiab copy qhov Adress ntawm Emplacement

    ===>
    Thaum koj coj los txog ntawm koj qhov Post uas koj tab tom sau, koj click rau lub Carré N° 2 Tshwm ib qhov tableau, koj muab qhov koj copy los coj los tso rau hauv lub tableau uas tshwm tuaj. nyem OK ces koj tso tau daim duab hauv koj lub Post lawm.

    Ab yab!... cas zoo li kuv tsis paub lus Fab Kis lawm na... kuv siv ua lus English xwb... Kuv nyeem koj cov lus Fab Kis ces zoo li txuam lus Suav xyaw xwb as... hahaha...Yog XH Npuag Tub kam no thov nws pab muab txhais ua lus Aas Kiv rau kuv saib kuv puas to tau meej dua lau!...
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Sau Siab mus ncig xyuas Leej  Ntshiab Bernadette - Page 2 Empty Re: Sau Siab mus ncig xyuas Leej Ntshiab Bernadette

    Post  Maiv Tooj 3rd November 2009, 5:20 am



    Mim,

    Hahahah...! Kuv hais nws tsis nkag siab lov...! Mas kuv lub PC pom li cas ces kuv hais li ntawd xwb.
    Ua li mas, kuv mam hais kom XH. Npuag Tub tuaj qhia nws. XH. Npuag Tub mas nws tsis tso duab Direct, nws muab Register rau hauv nws lub Album Photobucket tag nws mam coj tuaj tso rau hauv Forum nov xwb. Ua li nws ua mas zoo dua, vim thaum luag tshem nyob tom luag li los yus li tsis ploj li. Hos yog copy Adress URL li kuv ua mas thaum luag tshem tom luag lub Website ces kuv qhov ploj lawm thiab.


    Last edited by Maiv Tooj on 6th March 2013, 1:31 am; edited 1 time in total
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    Sau Siab mus ncig xyuas Leej  Ntshiab Bernadette - Page 2 Empty Re: Sau Siab mus ncig xyuas Leej Ntshiab Bernadette

    Post  Npuagtub 3rd November 2009, 2:26 pm




    Nyob zoo hnub Ntshiab rau nej os, Sister Maiv Tooj, Mim, Maypajlug thiab cov phooj ywg,

    Maiv Tooj thiab maypajlug e...neb yog ob tug qhia kuv siv PC. Forum es cas neb tseem qhia tsis tau kom sister Mim nkag siab siv Forum tso duab li neb thiab lau...! Tseem yuav muab pov los rau luag tus tsis muaj PC. experience no thiab es kuv puas yuav qhia tau os?

    Hahahaha.......! Lam tso dag me ntsis xwb, cia ruam mam li qhia ruam zaj rau sister Mim sain nws puas nyiam siv li ruam siv kam xwb. Yog kawg sister Mim, kuv tsis tso li Maiv Tooj li, kuv tso li Maiv Tooj hais. Kuv pom tej daim duab zoo nkauj kuv nyiam ces kuv copy los tso rau hauv kuv lub tsev Album photobucket tas ces kuv mam li coj mus tso rau hauv Forum los yog qhov kuv sau zaj kuv yuav post. kuv lam qhia saib koj puas nkag siab li kuv siv.

    1. koj yuav tsum register rau hauv Website Photobucket, mas koj thiaj li tso tau koj cov duab rau hauv Photobucket. Tos kuv ho tso duab rau hauv Photobucket los yog vim nws yooj yim thiab save koj cov duab txawm koj lub PC puas lawm los koj cov duab yeej tseem nyob hauv lawv lub website, thiab nws kuj kho tau kom daim duab loj me tau haum koj siab nyiam thiab.

    2. Piv li koj mus nrhiav duab nyob hauv Google no ces koj nkag mus rau hauv Website Google, thaum koj mus tau hauv lawm koj mus Click lub box images nyob saum toj tom sab laug tas ces koj mam los ntaus lub npe ua diam duab koj nrhiav hauv lub box ces koj yuav pom muaj cov duab ntau ntau tswm tuaj ces koj mam li xaiv daim koj nyiam, thaum koj xaiv tau lawm ces koj Click daim duab ntawd ces yuav tawm daim duab thiab lawv qhov website, thaum tsm li ntawd tas ces koj pom daim duab koj xaiv ntawd tswm nyob saum toj sab laug ces koj mus click nws ib teg ces nws yuav hloov loj tuaj li no loj ces koj mam click ib teg ntxiv koj lub pob mouse sab xis ces koj yuav pom lub box copy image-URL ces koj click lub box ntawd ces koj coj tus mouse los  qhib koj lub tsev Photobucket ces thaum koj qhib tau lawm ces koj mus click ntawd lub box Web-URL tas ces nws yuav tswm ib lub box me ntawm ib xab ces koj mus click ntawd lub box past web URL here ib teg tas ces kab ntawv no ploj lawm ces koj rov click ib teg ntxiv hauv lub box ntawd ces yuav pom lub npe daim duab koj copy nyob hauv lawm ces koj rov click ib tiag ntxiv kom txoj kab daj nyob ncig lub box ploj ces koj los click lo lus hauv qab lub box ib xab, Upload ces koj click upload tas ces koj tos kom PC upload daim duab tas ces koj yuav pom daim duab tswm nyob tom koj sab laug ces koj mus click Return to album tas ces daim duab los mus nyob hauv koj lu Album Photobucet lawm.

    Ces koj mam li mam muab tus mouse los taw rau daim duab ces koj ytuav pom ib co box me me tswm tuaj ces koj los click ob teg ua ke ray ntawm HTLM Code  < a href='ht tas ces nws yuav tawm xim xiav tuaj ces koj mam li click tus mouse lub pob sab xis ces koj pom tswm ib co kab ntawv tuaj ces koj click qhov copy tas ces koj coj los rau ntawm qhov koj tab tom sau ces koj
    click lub tus mouse lub po sab laug ces koj pom cov kab ntawv tswm tuaj ces koj click past tas ces daim duab koj copy yuav tswm cov npe ntawv thiab code tas ces yog koj mam li mus click lub box send hauv qab li koj sau ntawv xa tuaj.

    kuv lam piav li no rau koj xwb saib koj puas nkag siab yhog tshuav qhov twg tsis njkag siab no ho hais ntxiv nawv.

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Sau Siab mus ncig xyuas Leej  Ntshiab Bernadette - Page 2 Empty Re: Sau Siab mus ncig xyuas Leej Ntshiab Bernadette

    Post  Mim 3rd November 2009, 5:45 pm



    Ua tsaug os tais Tooj thiab XH Npuag Tub. XH, kuv mam muab koj cov lus mus nyeem zoo zoo thiab mam ua raws li koj qhia saib kuv puas txawj nrog nej tso duab los tso lwm yam rau hauv no nawb. Yog ua tsis tau ces yeej yauv rov hais rau nej xwb los mas...
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Sau Siab mus ncig xyuas Leej  Ntshiab Bernadette - Page 2 Empty Re: Sau Siab mus ncig xyuas Leej Ntshiab Bernadette

    Post  Maiv Paj Lug 4th November 2009, 4:54 am

    Mim wrote:
    Ua tsaug os tais Tooj thiab XH Npuag Tub. XH, kuv mam muab koj cov lus mus nyeem zoo zoo thiab mam ua raws li koj qhia saib kuv puas txawj nrog nej tso duab los tso lwm yam rau hauv no nawb. Yog ua tsis tau ces yeej yauv rov hais rau nej xwb los mas...

    Nyob zoo niamlaus Mim, ua tsaug ntau rau nws cov ntawv sau txog Hnub ua hmoov rau cov Leej Ntshiab nawb, cas yuav sau tau zoo ua luaj, thov nws rov tuaj sau txhua yam li nws paub rau peb nyeem nawb, peb yeej Ntseeg NTUJ tib yam tab sis nyias muaj nyias Expérience nyias muaj nyias kev thoob tsib ces nyias yeej sau tau zoo nyias li lawm, zoo kawg nkaus rau nws lub siab zoo tuaj sau pub peb nyeem .

    Thov kom Tswv Ntuj pub txiaj ntsim ntxiv rau nws.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Sau Siab mus ncig xyuas Leej  Ntshiab Bernadette - Page 2 Empty Re: Sau Siab mus ncig xyuas Leej Ntshiab Bernadette

    Post  Maiv Tooj 10th March 2010, 10:41 am



    Thawj tug neeg tau txais Txiaj Ntsim ntawm Niam Mab Liab nyob Lourdes yog hnub tim 1lub 3hlis 1858: Catherine Latapie, Bernadette ib tug phooj ywg, nws sab npab tuag lawm. Hnub ntawd nws nrog Bernadette mus tim qhov tsua ua ke, nws muab nws txhais npab rau cov dej ntawm lub pas dej, cas nws sab npab cia li muaj zog thiab zoo kiag lawm.


    Sau Siab mus ncig xyuas Leej  Ntshiab Bernadette - Page 2 684179678_L
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Sau Siab mus ncig xyuas Leej  Ntshiab Bernadette - Page 2 Empty Re: Sau Siab mus ncig xyuas Leej Ntshiab Bernadette

    Post  Maiv Tooj 27th July 2010, 9:35 am



    Leej Ntshiab Bernadette cov duab.




    Npes Nas Des yug los hnub tim 7 lub 1 hlis xyoo 1844, nyob rau hauv ib lub me nyuam zos hu ua LUS NTWS nyob Fab Kis qab teb..Nws txiv hu ua Faas Xuas Xus Npis Lus .
    Npes Nas Des yug los tau 2 hnub xwb, ces nws niam nws txiv coj nws mus txais lub Cim Ntxuav.
    Lub caij ntawd ,nws niam thiab nws txiv yog ob tug kws zom hmoov nplej. Thaum ntawd, Npes Nas Des kuj noj qab nyob zoo thiab. Tab sis muaj ib hnub Npes Nas Des niam raug me ntsis xwv txheej, ces nws thiaj coj Npes Nas Des mus rau ib tug pog tu me nyuam, uas nyob hauv lwm lub zos, hu ua Npas Rhees.- Npes Nas Des nyob ntawd kwv yees ntev li 16 lub hlis. Tab sis txoj hmoov tsis zoo : txoj kev txom nyem tuaj nphav raug Npes Nas Des ob tug nus..ib tug mob hnyav, ces xyoo 1845 nws thiaj tau tas sim neej- hos ib tug txoj sia tu xyoo 1851.
    Lub caij ntawd ,Npes Nas Des niam thiab txiv raug ntiab tawm ntawm lub tsev zom hmoov nplej. -- Npes Nas Des tsev neeg thiaj li tsiv mus rau hauv lub zos uas hu ua Las Npos.- Nyob ntawd nws niam yug tau ib tug tub, uas lub npe hu ua Ntsws Tees .
    Tsis tas li ntawd xwb , lub 9 hlis txog lub 10 hlis, xyoo 1855, mas Npes Nas Des raug hom mob aws.- Ua li txij li nws hnub nyoog 6 xyoo rov saud, mas Npes Nas Des yeej yog ib tug tsis tshua muaj zog. Nws raug mob aws mus tas ib sim neej. Nws kuj hawb pob thiab mob thooj ntsws. Hos txij ntawm xyoo 1854 mus Npes Nas Des tsev neeg pib pluag zuj zus, tsis muaj tsev nyob. Nws txiv nrhiav ib lub tsev kuj nyuaj kawg, ces qhov kawg, lawv thiaj li mus nyob hauv ib lub qub tsev loj faj, uas yav dhau los cov nom tswv muab cov neeg raug txim kaw.
    Hos xyoo 1857, lub 3 hlis, ib txoj kev txom nyem rov tuaj nphav Npes Nas Des tsev neeg dua, yam li muaj neeg mus nyiag ib hnab hmoov nplej nyob tom tus qub thawj tswj lub tsev zom hmoov nplej. Thaum ntawd, mas Npes Nas Des txiv tsis muaj hauj lwm ua- Nws pluag pluag. Luag saib tsis tau nws, ces lawv muab liam lub nra tub sab rau Npes Nas Des txiv ris. Ces lawv coj nws mus kaw tau 8 hnub.

    PAJ NRUAG

    Xyoo 1858 thiaj yog lub caij uas niam Mab Liab yuav tawm tuaj rau Npes Nas Des pom xyeem ntawm qhov muag-.Lub caij ntawd mas Npes Nas Des hnub nyoog muaj 13 xyoo ntau lawm .. Nws tsis txawj nyeem ntawv thiab tsis txawj sau ntawv li. vim tias nws yog ib tug neeg muaj mob- Nws mus kawm ntawv tsis tau. Tsis tas li ntawd nws yuav tsum zov nws tus nus, kom xwv nws niam thiaj tau kev mus ua zog, yam nws mus tu vaj tu tsev rau luag thiaj tau me ntsis nyiaj los pab txhawb nqa nws cuab nws yim.
    Yog vim qhov ntawd, Npes Nas Des tsis tau mus kawm ntawv thiab nws tseem tsis tau kawm kev ntseeg li.- Ua li, thaum Npes Nas Des muaj 13 xyoo lawm, nws tseem tsis tau txais lub Cim Yug li.
    Thaum lub 9 hlis xyoo 1857, Npes Nas Des yeem rov mus tom lub zos Npas Rhees, nyob tom tus niam uas yav dhau los nws tau tu nws. Nyob ntawd, mas lawv hais kom Npes Nas Des mus pab lawv zov yaj. Tab sis nws txoj hauj lwm zov yaj ua rau nws tsis muaj sij hawm mus kawm ntawv thiab tsis tau kev mus kawm kev ntseeg ntawm tus Txiv Plig, uas lub npe hu ua T.P. As Ntes.- Hos xyoo 1858 Npes Nas Des rov qab los nyob hauv lub zos LUS NTWS .Thaum ntawd, mas Npes Nas Des tau kev mus kawm ntawv, nyob hauv cov Leej Phauj tsev thiab nws tau kev npaj nws lub siab txais lub Cim Yug thawj zaug.
    Hos lub 2 hlis, tib lub xyoo 1858, Npes Nas Des rov los nrog nws niam nws txiv nyob LUS NTWS -, uas yuav muaj ib qhov xwm loj tas nrho nyob hauv nws lub neej – Qhov xov xwm ntawd thiaj yog qhov tias Niam Mab Liab yuav yees tawm tuaj rau Npes Nas Des pom ntau zaus. Hos thiaj yuav yog lub caij Npes Nas Des yuav ua tus xa Tswv Ntuj cov lus rau ntiaj teb neeg.
    Thaum ntawd mas Npes Nas Des hnub nyoog muaj 14 xyoo lawm. Nws yog tus ntxhais hlob ntawm lawv tsev neeg .Nws niam nws txiv tsev neeg kuj pluag pluag, tsis muaj tsev nyob- lawv nyob lub qub tsev loj faj, uas yav dhau los cov nom cov tswv muab cov neeg raug txim kaw.- Hos nyob hauv lub tsev ntawd, Npes Nas Des nrog nws tus niam hluas hu ua Tuas Nev thiab ib tug ntxhais phooj ywg uas hu ua Zam.
    Ho hnub tim 11 lub 2 hlis xyoo 1858, lawv 2-3 leeg mus txiav taws tom ib lub qhov tsua, uas Npes Nas Des tsis tau paub li.
    Lawv tuaj txog ze ntawm lub pob tsua, mas nyob ntawd thiaj muaj ib tug me nyuam kwj deg, uas yuav tsum hla thiaj li mus txog hauv qab pob tsua, uas yog qhov chaw muaj taws ntau.
    Npes Nas Des tus niam hluas thiab tus phooj ywg, nkawd mus ua ntej, Ces nkawd twb hla dhau tus me nyuam dej, mus sab tom lub qhov tsua. Npes Nas Des lawv nkawd qab tuaj txog .Nws pom tus me nyuam dej, nws thiaj hle khau thiab hle thom khwm. Thaum ntawd, Npes Nas Des tab tom hle thom khwm, mas 4-5 xyoo tom qab ntawd, Npes Nas Des nthuav piav qhov uas tau tshwm sim tuaj hnub ntawd. Nws hais li no :”Kuv nyuam qhuav hle thawj nkawm thom khwm, kuv hnov nrov ib zag, zoo li ib nplawg cua, ces kuv thiaj li tig taub hau mus rau ntawm plag hav nras .Kuv tsis pom cov ntoo co li, ces kuv thiaj rov hle khau dua. Tab sis kuv rov hnov dua zaj nrov ntawd.- Kuv thiaj tig mus ntsia tim lub qhov tsua. Ua cas kuv pom ib tug poj niam hnav dawb. Nws hnav ib daim tiab dawb. Nws ntoo ib txoj phuam dawb. Nws ib txog siv xiav.- Hos muaj ob lub paj ntshua nplaim daj nyob rau ntawm nws ob sab ko taw, uas yog tib xim, li nws txoj saw Mab Liab. Qhov ntawd thiaj ua kom kuv ceeb ib teg. Kuv xav tias kuv ntsia tsis tseeb, thooj li kuv mob qhov muag . Kuv rov ntsia dua : ua cas kuv tseem pom tus poj niam ntawd zoo li tus qub thiab .Ces kuv thiaj muab kuv txhais tes ntxig rau hauv hnab tshos- Ib ntsis kuv muab kuv txoj saw Mab Liab los hais. Kuv xav ua Ntoo Cuam lub cim, tab sis kuv nqa tsis tau kuv txhais tes kom los txog ntawm kuv hauv pliaj. Kuv txhais tes pheej poob tas zog rov qab xwb.
    Ib ntsis tus poj niam muab txoj saw Mab Liab, uas nws tuav ntawm nws txhais tes ,los ua Ntoo Cuam Lub Cim. Thaum ntawd, kuv thiaj li rov qab ua Ntoo Cuam Lub Cim zaum 2,. Zaum ob mas kuv thiaj ua tau .Ces kuv ua tag nrho Ntoo Cuam lub Cim, ces kuv tsis ceeb thiab kuv tsis ntshai li. Kuv thiaj txhos caug thiab hais txoj saw Mab Liab, nyob ntawm tus poj niam zoo nkauj ntawd xub ntiag.
    Kuv rov ntsia tus poj niam, yam nws txhais tes mus dhau mus ib lub hlaws zuj zus ntawm nws txoj saw Mab Liab. Tab sis kuv tsis pom nws di ncauj ua zog li. Ces thaum kuv hais kuv txoj saw Mab Liab tas, mas zoo li tus poj niam ntawd xav hais rau kuv kom kuv txav los ze ntawm nws. tab sis kuv tsis muaj peev xwm ua qhov ntawd. Ces ib sij huam, tus poj niam cia li ploj ntais lawm.”
    Ib ntsis, kuv thiaj hle dua lwm sab khau thiab hla tus me nyuam kwj deg mus rau tim lub qhov tsua, uas kuv tus niam hluas thiab nws tus phooj ywg nkawd tab tom khaws taws .
    Ces txog lub caij rov los tsev, kuv txawm nug nkawd tias : “Neb puas tau pom ib yam txawv txav ?” Nkawd teb kuv tias : “Tsis tau pom dab tsi li mab” .Kuv thiaj rov nug nkawd dua –nkawd kuj rov teb tias nkawd tsis tau pom dab tsi. Ib ntsis, nkawd thiaj nug kuv tias : “Hos koj ne, koj tau pom ib yam dab tsi los ?”.. Kuv thiaj teb rau nkawd tias : “Yog neb tsis tau pom dab tsi li no mas kuv kuj tsis tau pom dab tsi thiab !”
    Thaum ntawd, kuv rov xav tias : “Ntshai kuv qhov muag nplas lawm xwb”.Tab sis thaum peb rov taug kev los tsev, nkawd kuj pheej nug kuv tas mus li txog qhov ntawd. Thaum ntawd kuv tsis tau xav hais qhia nkawd. tab sis nkawd pheej thov kuv tas zog- ces kuv thiaj txiav siab qhia nkawd, tiam sis thov kom nkawd tsis txhob hais qhia leej twg li .-Nkawd thiaj cog lus -.Tab sis thaum peb nyuam qhuav los txog ntua tsev xwb, nkawd twb muab piav qhia tag qhov uas kuv tau pom.
    Cov kwv tij Hmoob, zaj kuv nyuam qhuav tshaj tawm rau nej mloog thiaj tau hais txog thawj thawj zaug, uas Npes Nas Des tau pom niam Mab Liab yees tawm tuaj – Rov hais dua tias tau muaj qhov ntawd hnub tim 11 lub 2 hlis xyoo 1858
    Es txuas ntxiv ntawm no, nej yuav tau mloog zaj ob tias Niam Mab Liab yees tawm tuaj rau Npes Nas Des pom, uas yog hnub tim 14 lub 2 hlis xyoo 1858.

    PAJ NRUAG
    Nkauj KOJ NYOB KAJ LUG

    Thaum hnub tim 14 lub 2 hlis, thiaj yog zaum 2 uas niam Mab Liab yees tawm tuaj rau Npes Nas Des pom xyeem.
    Npes Nas Des kuj tau hais li no tias :’
    ‘’ Zaum 2 no, yog Hnub Chiv mas kuv rov qab mus tom qhov chaw kuv tau pom niam Mab Liab, vim tias nyob rau hauv kuv nruab siab, kuv hnov zoo li ib lub suab rub kom kuv rov mus dua .- Kuv niam thiab txiv tsis pub kuv mus. Tab sis thaum kuv nrog ib pab ntseeg koom ua Thaj Txi Ntuj tag lawm, ob tug me nyuam ntxhais thiab kuv xav mus tod ntxiv. Kuv thiaj rov nug kuv niam dua – Nws tsis kam : nws ntshai tsam kuv ntog hauv dej – Tsam kuv tsis rov los ncaj lub sij hawm teev Ntuj, thaum yav tsaus ntuj – Thaum ntawd, kuv thiaj li cog lus rau nws tias, kuv mam li los kom txog xwb -, Ces kuv niam thiaj tso cai rau peb mus. Tos kuv ho coj ob tug me nyuam ntxhais nrog kuv mus kuj yog vim kuv xav xyuas saib puas yog kuv ntsia tsis tseeb.

    Tab sis, ua ntej peb yuav mus, mas kuv xub mus nqa ib qho dej foom hmoov zoo tom peb lub tsev teev ntuj tso, vim kuv xav cuam mus ywg tus poj niam, yog tias nws rov tawm tuaj dua.
    Thaum peb mus txog tom lub qhov tsua, peb txawm txhos caug thiab pib hais peb txoj saw Mab Liab. Kuv nyuam qhuav hais tas 10 zaj KOJ NYOB KAJ LUG xwb ,kuv txawm rov pom tus poj niam li qub. Kuv thiaj muab hwj dej foom hmoov zoo, uas kuv nqa tuaj, cuam mus ywg nws thiab hais rau nws tias :” Yog nws tuaj ntawm Huab Tais Ntuj tuaj, mas kom nws nyob- Hos yog tsis yog no, mas kom nws khiav mus xwb ntag.” Ces thaum kuv cuam cov dej rau nws tag huv tib si lawm, mas peb tau hais txoj saw Mab Liab tag, mas tus poj niam ntawd cia li yaj ntshis lawm – Zaum no yog zaum 2.

    PAJ NRUAG ..


    Niam Mab Liab yees tawm tuaj zaum 3 yog hnub tim 18 lub 2 hlis 1858. Zaum no mas muaj ib cov laus neeg nrog Npes Nas Des mus tom lub qhov tsua, xws li niam Mis Les thiab niam Aas Tuas Nes Pes Les - 2 tug poj niam no kom Npes Nas Des nqa ib tug cwj mem thiab ib daig ntawv nrog nws mus thiab.
    Npes Nas Des tau sau lo puav lus zoo li no tias : “Thaum peb tuaj txog qhov chaw ntawd ,kuv pib hais txoj saw Mab Liab .Kuv nyuam qhuav hais 10 zaj KOJ NYOB KAJ LUG MAB LIAB, kuv mam li rov pom tus poj niam li yav dhau los. Kuv thiaj thov nws tias : “Yog nws muaj dab tsi yuav hais rau kuv no, mas thov kom nws muab sau.” Thaum ntawd, mas tus pooj niam ntawd luag ntxhi thiab hais rau kuv “Cov lus uas nws yuav hais, mas tsis tas yuav muab sau rau hauv ntawv” – Ces nws txawm hais ntxiv tias : “Saib kuv puas kam rov tuaj ntawm thaj chaw no, ntev li 15 hnub sis law” . Kuv thiaj teb rau nws tias kuv kam ua qhov ntawd kawg.
    Tas li ntawd, tus poj niam ntawd hais rau kuv tias: “Kuv tsis cog lus rau koj tias koj yuav tau zoo nyob ntiaj teb no, tab sis koj yuav nyob zoo, nyob pem Tswv Ntuj lub CeebTsheej.”
    Kwv tij Hmoob, zaum 3 no yog thawj thawj zaug uas niam Mab Liab hais lus rau Npes Nas Des – Ob zaug ua ntej, mas nws tsuas ntsia Npes Nas Des thiab luag ntxhi rau Npes Nas Des xwb.
    Cov kwv tij Hmoob ,hnub no kuv tau tshaj lus txog niam Mab Liab yees tawm tuaj rau Npes Nas Des pom. Ces tso tseg li no lawm xwb.- Lwm lub lis piam kuv mam li rov piav txuas ntxiv mus . Kuv yuav rov piav txog zaj ntawd ntev hauj sim .
    Li ntawd thov kom nej nco ntsoov tias lub lis piam yuav tuaj no, nej tseem yuav rov hnov dua zaj tias niam Mab Liab yees tawm tuaj rau Npes Nas Des pom nyob LUS NTWS ntxiv.
    Cov kwv tij, kuv txhob txwm nthuav piav hais txog Npes Nas Des lub neej no kuj yog vim yog ib zag zoo qhia peb ib tsoom Hmoob, uas tau raug kev txom nyem, xws li raug luag ua phem, raug luag saib tsis tau, raug luag thuam li Npes Nas Des tsev neeg, los yog muaj mob muaj keeg li Npes Nas Des, mas thov kom nej tig mus hais rau peb leej niam Mab Liab, thooj li ib tug me nyuam uas nws tso siab tas nrho rau nws niam, vim nws muaj dab tsi tshwm sim tuaj hauv nws lub neej – los kom nws hais tas nrho rau nws niam, vim nws tso siab lug tias nws niam yuav hlub nws- Nws niam yeej yuav ua tag ib puas tsav yam zoo rau nws, kom nws zoo siab xwb los mas - li ntawd, mas peb sawv daws yuav tig mus vam khom txog peb Leej Niam Mab Liab siab ntshiab, raws li tej me nyuam yaus tus piv txwv, uas tau hais saum no. Ces peb Leej Niam Mab Liab yuav nqa peb tej lus thov mus cev rau peb Leej Txiv Tswv Ntuj, pem Tswv Ntuj lub Ceeb Tsheej.
    Kwv tij, yog vim qhov ntawd, ces peb tsoom ntseeg, uas nyob hauv lub Koom Txoos Kav Tos Liv, kom peb thiaj li hwm niam Mab Liab, uas yog Huab Tais Yes Xus niam thiab nws kuj yog peb niam thiab .
    Ua li, ntawm no mus, kuv yuav tso ib zag nkauj los hwm peb Leej Niam Mab Liab - Yog tias nej paub zaj nkauj no, mas thov caw nej kom nej nrog peb koom ib lub suab hais thiab los mas

    PAJ NRUAG “POJ HUAB TAIS…”+ “KOJ NYOB KAJ LUG,MAB LIAB.”



    Cov kwv tij , nej tau mloog zaj lus tseem ceeb hais txog Npes Nas Des lawv yim neeg, uas yog ib yim neeg pluag tas nrho. tiam sis niam Mab Liab yees tawm tuaj rau Npes Nas Des pom xyeem ntawm qhov .muag xyoo 1858 - .Mas zaj tseem ceeb no kuj qhia peb tias Tswv Ntuj tsis saib neeg lub cuab tam uas muaj nqis- Hos Tswv Ntuj saib neeg lub siab muaj nqis –
    Li ntawd, mas cov kwv tij ,uas nej ua ib lub neej pluag pluag los txom txom nyem, tab sis nej yuav muaj ib lub siab zoo, ib lub siab ncaj, ib lub siab hlub neeg. Mas phim yuav nco ntsoov tias Huab Tais Tswv Ntuj nyiam nej thiab hlub nej tas nrho – Thov kom nej kav tsij tso siab lug rau Tswv Ntuj thiab nej yuav tig los cuag nws mog !
    Thov kom Tswv Ntuj tso nws tej txiaj ntsim nqes los rau hauv nej siab mog !
    Es nej sawv daws nyob zoo mog

    Cov kwv tij, tus tau sau zaj lus tseem ceeb no, yog Phauj Ntxhais Yaj.
    Peb xub tau tshaj tawm rau nej mloog hnub tim 16 lub 2 hlis 2000

    T.P. Txhiaj Foom mam li tau zoo siab rov tshaj tawm dua rau nej mloog


    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Sau Siab mus ncig xyuas Leej  Ntshiab Bernadette - Page 2 Empty Re: Sau Siab mus ncig xyuas Leej Ntshiab Bernadette

    Post  Maiv Tooj 12th June 2015, 6:30 am



    LUS NTWS Zaj 2

    Cov kwv tij, hnub no zoo hnub, uas peb tsoom ntseeg zoo siab ua Thaj Txi Ntuj cav txog Huab Tais Yes Xus, uas tau yeej txoj kev tuag.
    Kuv vam tias nej tseem nco tias, Hnub Chiv dhau los lawm, kuv tau piav zaj lus tseem ceeb : xyoo 1858, uas piav txog niam Mab Liab yees tawm tuaj rau Npes Nas Des pom xyeem ntawm qhov muag yog zaum 1, zaum 2 thiab zaum 3
    Hnub no kuv thiaj piav txuas ntxiv mus.

    Paj nruag

    Niam Mab Liab yees tawm tuaj zaum 4, 5, 6 thiab zaum 7 ; yog hnub tim 19, 20, 21 thiab 23 lub 2 hlis xyoo 1858.
    Cov zaum no, uas Niam Mab Liab yees tawm tuaj, tsuas yog teev Ntuj thiab ntsiag to xwb, tsis hais ib lo lus li. Tab sis, lub sij hawm ntawd, twb muaj 250 tus neeg tuaj xyuas nyob ntawd lawm.
    Plaub zaug no, Npes Nes Des hais li no : “Kuv rov qab tuaj li hais 15 hnub.” Qhov niam Mab Liab yees tawm tuaj ntawd, niaj hnub muaj tuaj, tsuas yog ob hnub uas yog hnub 2 thiab hnub 6 hauv lub lis piam xwb, nws thiaj li tsis tuaj.

    Paj nruag

    Niam Mab Liab yees tawm tuaj zaum 8, yog hnub tim 24 lub 2 hlis.
    Zaum Niam Mab Liab yees tawm tuaj hnub tim 24 no, nws hais ib co lus rau Npes Nes Des, uas Npes Nes Des yuav hais ob peb hnub sib law.
    Cov lus no, yog zoo li no : “Teev Ntuj thiab thov Ntuj pab cov neeg txhaum tig los yuav lub siab tshiab.” Niam Mab Liab tseem thov Npes Nas Des ntxiv tias : “Saib, nws puas kam xuas hauv caug mus kev, thiab hnia av, kom tau them txim txhaum pab cov neeg txhaum.”
    Zaum no, yog thawj thawj zaug, uas Niam Mab Liab hais li no : “Them Txim txhaum.”
    Kwv tij phooj ywg Hmoob sawv daws, zaj hnub no, niam Mab Liab yees tawm tuaj, nws xav hais dab tsi rau peb ? Nws hais rau peb tias, kom peb yuav tsum niaj hnub, tig los yuav lub siab tshiab, nrhiav kev them peb cov txim txhaum mus li. Thiab tsis tas li ntawd, peb yuav thov Ntuj pab cov neeg uas niaj hnub ua txhaum tas zog rau Tswv Ntuj, kom muaj ib hnub twg lawv txawj tig los cuag peb tus Huab Tais Tswv Ntuj.
    Ua li mas, kwv tij phooj ywg Hmoob sawv daws, peb mob siab rau teev Ntuj tsis tseg, pab peb thiab pab ib tsoom neeg nyob ntiaj teb no mog ! Kom peb sawv daws muaj ib lub siab, tsuas txawj xav ua zoo thiab hlub luag tej xwb. Es txog hnub kawg, peb sawv daws thiaj li yuav tau mus nyob ua ke pem peb tus Huab Tais Tswv Ntuj lub Ceeb Tsheej, nyob mus li tsis muaj hnub kawg.

    Paj nruag

    Niam Mab Liab yees tawm tuaj zaum 9, uas yog hnub tim 25 lub 2 hlis.
    Hnub no, Niam Mab Liab yees tawm tuaj, nws hais rau Npes Nas Des 3 zaug hais tias, kom Npes Nas Des mus noj cov nroj, uas tuaj nyob ze ntawm lub qhov tsua, thiab kom Npes Nas Des mus haus dej hauv lub qhov dej, thiab tsis tas li ntawd, kom nws muab cov dej ntawd ntxuav nws.
    Npes Nas Des hais li no : “Tus poj niam hais rau kuv tias, kom kuv yuav tsum mus haus dej tom lub qhov dej. Tiam sis, kuv ntsia tsis pom muaj ib lub qhov dej nyob qhov twg li. Kuv thiaj li mus nram tus me nyuam dej, tab sis tus poj niam hais rau kuv tias, tsis yog qhov ntawd. Nws thiaj li tau tes qhia kuv tias, lub qhov dej nyob qhov twg. Kuv thiaj li mus rau qhov chaw ntawd, raws li nws hais. Mus txog ntawd, kuv tsis pom muaj dab tsi li, tsuas yog muaj mi ntsis dej xws li kua av xwb. Kuv thiaj li cev tes mus yawm, tab sis yawm tsis tau. Kuv thiaj li xuas tes khawb, ces kuv thiaj li yawm tau dej. Tiam sis, yawm 3 zaug, mas tsis zoo haus li, vim yog ib co dej nro thiab muaj av, ces yog zaum 4 xwb thiaj mam li zoo haus. Tas li ntawd, nws tseem hais rau kuv ntxiv tias, kom kuv mus noj ib co nroj, uas nyob ntawm thaj chaw, uas kuv haus dej. Thaum tas li ntawd lawm, tus poj niam cia li rov ploj ntaws lawm.”

    Paj nruag

    Hnub tim 2 lub 3 hlis, yog zaum 13, uas Niam Mab Liab yees tawm tuaj rau Npes Nas Des pom.
    Hnub tim 2 no, Niam Mab Liab tuaj txib kom Npes Nas Des ua ib txog hauj lwm. Npes Nas Des hais li no : “Tus poj niam hais kom kuv mus hais rau cov Leej Choj, kom lawv ua ib lub me nyuam tsev teev Ntuj nyob rau ntawm lub qhov tsua no. kuv thiaj li mus cuag peb tus Txiv Plig thiab hais rau nws. Nws ntsia ntsoov kuv ib mi pliag, ces nws txawm teb kuv nrog rau ib lub suab tsis txaus ntshai tias : Tus poj niam ntawd yog leej twg ?
    Kuv thiaj li teb Txiv Plig tias, kuv tsis paub. Txiv Plig thiaj hais rau kuv kom kuv nug tus poj niam ntawd lub npe.”
    Ces tag kis tuaj uas yog zaum 14, Niam Mab Liab yees tawm tuaj rau Npes Nas Des pom. Npes Nas Des hais li no : “Kuv nug nws lub npe, tab sis nws tsis teb kuv, nws ua ntsej muag luag ntxhi rau kuv xwb. Ces thaum rov los tsev. Kuv thiaj li mus tom Txiv Plig tsev, thiab hais rau nws tias, kuv twb xa cov lus rau tus poj niam lawm, tab sis tus poj niam tsis teb dab tsi li. Txiv Plig thiaj hais rau kuv tias, tus poj niam thuam kuv thiab hais ntxiv tias, kom kuv tsis txhob mus tom lub qhov tsua tod ib zaug ntxiv lawm, tab sis nyob rau hauv kuv nruab siab, kuv yeej kawg yuav tsum rov qab mus xwb thiaj li tag.”
    Tag kis rov tuaj, uas yog zaum 15, hnub ntawd, yog hnub uas cov neeg nyob rau lub zos Lus Ntws tuaj muag zaub, muag toob xib ib puas yam tsav. Yog hnub uas cov neeg tuaj yuav zaub noj, yuav tej twj siv los rau lub vaj lub tsev. Li ntawd, mas hnub ntawd, muaj neeg coob coob ze ntawm 7000 leej nyob ze ntawm lub qhov tsua. Txij li thaum Npes Nas Des pom tus poj niam ntawd los txog tav no, nws yeej tseem tsis tau paub tias, tus poj niam ntawd lub npe hu li cas. Vim tias thaum twg Npes Nas Des nug nws, mas nws tsuas luag ntxhi rau Npes Nas Des xwb, tsis teb dab tsi li.

    Paj nruag

    Niam Mab Liab yees tawm tuaj rau Npes Nas Des pom zaum 16 uas yog hnub tim 25 lub 3 hlis.
    Twb yog 3 lub lis piam tom qab, uas Niam Mab Liab yees tawm tuaj 15 zaug sib law. Npes Nas Des thiaj mam li paub tias, tus poj niam ntawd lub npe hu li cas.
    Npes Nas Des hais li no : “Kuv rov nug nws 3 zaug sib law, nws yeej luag ntxhi mus li xwb. Kuv thiaj li lam nug ib zaug ntxiv, uas yog zaum 4. Tus poj niam thiaj li muab nws 2 txhais tes los ua ntaj teg ze ntawm nws hauv siab thiab hais tias : kuv yog tus xeeb los ntshiab huv.”
    Cov lus no, yog cov lus kawg uas tus poj niam hais rau kuv.

    Paj nruag

    Hnub tim 7 lub 4 hlis, yog zaum 17 uas Niam Mab Liab yees tawm tuaj rau Npes Nas Des pom xyeem.
    .
    Hnub tim 7, thaum uas Niam Mab Liab tab tom yees tawm tuaj rau Npes Nes Des pom ntawd, yuav luag 1 teev. Nyob ntawd, muaj neeg coob txog ntawm 2-3 puas leej.
    Npes Nes Des tus nplaim tswm ciab hlawv nws tes ntev li 2-3 fiab, tab sis tsis pom kub hnyiab dab tsi li.
    Zaum 18 no, yog zuam kawg, uas Niam Mab Liab yees tawm tuaj rau Npes Nes Des pom.
    Hnub tim 16 lub 7 hli, uas yog hnub lub Koom Txoos ua hmoov hwm txog Leej Niam Mab Liab, nyob rau ntawm lub nroob Kas Mes. Niam Mab Liab yees tawm tuaj rau Npes Nes Des pom nyob tim lub qhov tsua, uas nyob sab ntug dej ntawm tus me nyuam dej. Vim tias, thaum muaj tej xwm no, tshwm sim tuaj, cov nom kav lub zos Lus Ntws tsis xav kom cov neeg mus xyuas, lawv thiaj li tso tub rog mus muab qhov chaw ntawd xov laj kab ncig kom neeg mus tsis tau.
    Zaum no, yog zaum kawg uas niam Mab Liab yees tawm tuaj rau Npes Nes Des pom, zaum no, nws tuaj, nws zoo nkauj thiab ci ntsa iab tshaj txhua txhia zaus.
    Npes Nes Des hais li no : “Nws tawm tuaj nyob qhov chaw qub, uas nws tuaj kam, zaum no, nws tsis hais dab tsi rau kuv li…kuv tsis tau pom dua nws yuav zoo nkauj npaum li no ib zaug li.”

    Paj nruag

    Kwv tij phooj ywg Hmoob sawv daws, tej zaum nej yuav tsis paub. Lub caij uas Npes Nes Des pom Niam Mab Liab ntawd, mas nws tau raug luag tsim txom nws kawg li. Li ntawd, ntawm no mus, nej mloog Npes Nes Des piav txog nws tej kev raug luag ua lim hiam rau nws pub rau nej mloog :
    “15 hnub sib law, uas Niam Mab Liab yees tawm tuaj, muaj ib zaug thaum kuv tab tom tawm ntawm tsev teev Ntuj los, ib tug tub zov nroog nthos nkaus kuv lub kaus mom, ces nws kom kuv nrog nws mus. Kuv nrog nws mus, wb taug kev ua ke, nws hais rau kuv tias, nws yuav coj kuv mus xyuas lub tsev loj faj. Kuv mloog nws twj ywm, ces wb mus txog ntawm tus nom saib cov tub ceev xwm. Tus nom no, nws coj kuv mus nyob rau ib kem tsev, uas muaj nws ib leeg xwb. Nws muab ib lub tog rau kuv zaum. Ces nws hais rau kuv tias, kom kuv piav tag ib puas tsav yam, uas tau tshwm sim tuaj nyob tom lub qhov tsua. Kuv thiaj li ua raws li nws hais. Ces thaum nws pib sau ob peb kab ua ntej, mas nws sau raws li kuv tau hais, tab sis tom qab ntawd, nws sau ib co lus uas txawv txawv rau kuv. Thaum tas li ntawd lawm, nws hais tias, nws yuav rov nyeem rau kuv mloog saib puas muaj tej qho nws yuam kev. Tab sis nws nyuam qhuav pib nyeem ob peb kab xwb, twb muaj ntau ntau qhov yuam kev lawm. kuv thiaj li teb ceev ceev rau nws tias : “Yawg, kuv tsis tau hais zoo li ntawd los sav !”
    Ces tus nom ntawd txawm npau taws, nws hais tias, koj yeej hais li ntawd ; kuv thiaj li rov teb tas zog tias, kuv tsis tau hais li ntawd.
    Wb cov lus sib cav no ntev li ob peb fiab, ces thaum nws pom tias kuv pheej hais tas zog tias nws yuam kev ; kuv tsis tau hais li ntawd. Nws txawm nyeem hais ntxiv mus deb zog, kuv thiaj li hnov nws hais txog tej lo lus uas kuv tsis tau hais ib zaug li. Li ntawd, kuv nyob qhov chaw no ntev li 1 teev los 1 teev ntau tej. Nyob ntawd, nyob nyob, kuv hnov tej niag ncaws taw rau qhov rooj thiab tej lub suab txiv neej qw qw tias : “Yog nej tsis tso nws tawm mas peb yuav tsoo qhov rooj.”
    Thaum txog lub caij tso kuv tawm, tus nom tub ceev xwm coj kuv los, thiab qhib qhov rooj rau kuv. Nyob ntawd, kuv pom kuv txiv ua siab ntev tos kuv, thiab ib pab neeg coob coob uas caum kuv tom tsev teev Ntuj los.
    Zaum no, yog thawj thawj zaug, uas kuv yuav tsum tshwm nyob ntawm cov nom xub ntiag.
    Kwv tij hmoob sawv daws, zaj uas kuv nyuam qhuav piav txog Npes Nes Des raug luag hiam no, mas tsuas yog thawj thawj zaug xwb, vim Npes Nes Des tseem yuav raug luag ua lim hiam rau nws ntau ntau zaus ntxiv, tab sis kuv yuav tsis piav kom tag txhua txhua zaus. Tsuas yog piav ib zaug kom nej nkag siab zoo txog Npes Nes Des txoj kev raug luag tsim txom nws xwb.

    Paj nruag

    Kwv tij, thaum Niam Mab Liab yees tawm tuaj rau Npes Nes Des pom tag lawm, thiab lawv rov muab tus laj kab, uas ncig lub qhov tsua ua kom neeg mus tsis tau ze, rov tshem pov tseg lawm, Npes Nes Des yog thawj thawj tug, uas tuaj teev Ntuj nyob ntawm lub qhov tsua ntawd, kom tau pab cov neeg txhaum.
    Niaj hnub nyem no, muaj ntau txhiab leej neeg tuaj teev Ntuj tas zog, nyob ntawm lub qhov tsua ntawd. Cov neeg tuaj no, ib txhia, lawv tuaj teev Ntuj rau lawv, hos ib txhia, lawv tuaj teev Ntuj rau lawv tsev neeg, los lawv cov kwv tij, los lawv tej phooj ywg.
    Lub caij ntawd, Npes Nes Des yog ib tug neeg tsis tshua zoo neej, tiam sis, nws zoo siab txais thawj thawj cov neeg tawm rooj fiv yeem tuaj xyuas nws ntawm nws niam thiab nws txiv tsev. Cov neeg tuaj xyuas Npes Nes Des, lawv nqa ub nqa no thiab nqa paj tshab tuaj pub rau nws, tab sis nws tsis yeem yuav, nws hais li no :
    “Kuv yeem nyob ua neeg pluag li no xwb.”
    Lub 3 hlis xyoo 1860, Npes Nes Des ua hauj lwm rau ib tug thawj tub rog tus poj niam.
    Hnub tim 15 lub 7 hli tib lub xyoo 1860 ntawd, Npes Nes Des mus kawm ntawv nyob hauv ib lub tsev kawm ntawv, uas nyob Lus Ntws. Nyob ntawd, Npes Nes Des kawm nyeem ntawv, kawm sau ntawv, kawm xaws khaub ncaws thiab kawm ua paj ntaub. Npes Nes Des nyob hauv lub tsev kawm ntawv ntawd ntev li 6 lub xyoo.

    Paj nruag

    Kwv tij, nyob hauv zaj hnub no, nej tau hnov tias, thaum Niam Mab Liab yees tawm tuaj rau Npes Nes Des pom, muaj ib zaug, nws hais rau Npes Nes Des tias, kom Npes Nes Des teev Ntuj thiab thov Ntuj pab cov neeg txhaum tig los yuav lub siab tshiab, thiab tsis tas li ntawd, tseem muaj ib zaug ntxiv, Niam Mab Liab hais rau Npes Nes Des kom nws txhos caug mus kev, kom nws mus noj ib co nroj, kom nws haus ib cov dej nro nro, los pab cov neeg txhaum tig los yuav lub siab tshiab. Ces lawv thiaj li yuav dim ntawm lawv txoj kev txhaum thiab txog hnub kawg, lawv thiaj li yuav tau mus nrog Tswv Ntuj nyob mus li, nyob pem nws lub Ceeb Tsheej.
    Kwv tij, li ntawd, mas zaj hnub no, yog ib zag zoo qhia peb, kom peb thov Ntuj tsis tseg pab peb, thiab kom peb thov Ntuj pab ib zeej tsoom neeg nyob ntiaj teb no, kom peb sawv daws txawj tig los yuav lub siab tshiab, xws li : ib lub siab nquag teev Ntuj ; ib lub siab zoo, lub siab ncaj, hlub luag thiab pab luag tej.
    Kwv tij, yog hais tias, koj yog ib tug uas koj twb niaj hnub ua li kuv nyuam qhuav hais los no lawm, mas koj muaj txoj hmoov zoo ; koj kav tsij rau siab ntso ua mus ntxiv. Hos yog koj tus uas koj tseem tsis tau nkag siab zoo, los txog rau lub sij hawm no, mas koj cia li maj zeeg pib coj tus yam ntxwv thiab ua li hais los no, txij li hnub no mus lawm yav tom tod, nyob hauv koj lub neej mog !
    Kwv tij, es ua ntej peb yuav sib ncaim, peb tig los thov peb Leej Niam Mab Liab. Peb thov kom nws pab nres peb lub neej, coj peb mus taug txoj kev zoo, hlub luag thiab kom nws pov hwm peb mus li. Li ntawd, nej nrog peb lub Tshaj Xo Zoo Tswv Zov Yaj hu ib zaj nkauj ; Poj Huab Tais los hwm peb Niam Mab Liab tus xeeb los muaj lub siab ntshiab huv mog !
    Tso zaj nkauj : “Poj Huab Tais..”

    Paj nruag

    Tshaj tawm hnub tim 14 lub 6 hli 2015.
    Tus sau zaj no, Ph. Ntxhais.

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Sau Siab mus ncig xyuas Leej  Ntshiab Bernadette - Page 2 Empty Re: Sau Siab mus ncig xyuas Leej Ntshiab Bernadette

    Post  Maiv Tooj 17th June 2015, 8:25 am



    Lus Ntws (Lourdes) Zaj 3


    Sau Siab mus ncig xyuas Leej  Ntshiab Bernadette - Page 2 Lourde10

    Kwv tij phooj ywg Hmoob thiab tshua sawv daws,
    Hnub no, kuv zoo siab rov tuaj tham rau nej txog zaj Niam Mab Liab yees tawm tuaj rau Npes Nas Des pom xyoo 1858 nyob rau Lus Ntws txuas ntxiv.
    Lub lis piam tas los lawd, peb tau piav txog ntau ntau zaus, uas Niam Mab Liab yees tawm tuaj rau Npes Nes Des pom. Tag nrho huv si, Niam Mab liab yees tawm tuaj rau Npes Nes Des pom yog 18 zaus.
    Ua li mas hnub no, kuv yuav piav txog Npes Nas Des lub neej yav uas nws pom Niam Mab Liab tas, thiab nws yav laus, mus txog hnub nws tas sim neej. Li ntawd, ntawm no mus kuv caw nej mloog tau mog !

    Paj nruag
    Txij thaum Npes Nas Des pom Niam Mab Liab tas, nws xav tias nws yuav mus kawm ua Phauj. Lub caij ntawd, nws xav tias nws yuav mus kawm nyob hauv lub Koom Haum Kas Mes, uas nyob rau nram Fab Kis qab teb, los yog nyob hauv lub Koom Haum Tav Piv, tab sis Npes Nas Des yog ib tug neeg ib txwm tsis tshua zoo nyob pes tsawg, li ntawd, mas ntshai nws yuav mus nrog lawv nyob tsis tau. Thiab ib qho tuaj, nws tsis muaj ib lub cuab tam, nws yog neeg pluag, nws tsis txawj ua dab tsi li. Yog vim li ntawd, mas Npes Nas Des thiaj li xaiv dua ib lub Koom Haum uas txoj cai coj yooj yim zog.
    (Ob lub Koom Haum no, yog ob lub Koom Haum uas lawv hu ua, Koom Haum Niam Twj Cuab. Cov ntxhais uas mus ua Phauj nyob rau hauv cov tsev ua Phauj no, mas lawv nyob ntawm thaj tsam no, mus tag lawv ib sim neej, lawv tsis tawm mus sab nraud li. Lawv txoj hauj lwm yog teev Ntuj ntau ntau pab lub ntiaj teb neeg, tab sis lawv yog neeg, lawv yuav tsum yug lawv txoj sia thiab lub cev. Li ntawd, mas lawv ua hauj lwm nyob hauv lawv tsev, los yog hauv lawv lub vaj xws li ; ua teb cog txiv xyoob txiv ntoo, cog zaub coj los yug lawv ; tsis tas li ntawd, lawv ua paj ntaub, ua kab tsib, ua tej yam khoom noj, sau duab thiab tseem muaj ntau ntau yam ntxiv… lawv ua tej yam xws li hais no coj los muag kom tau me ntsis nyiaj los pab yuav ib puas yam tsav uas lawv siv nyob hauv lawv lub vaj lub tsev.)
    Hais txog ntawm Npes Nas Des txoj kev ua Phauj thiab tsis ua, Npes Nes Des hais li no : “Kuv yuav tsum mus kawm ua Phauj, tab sis Niam Mab Liab tsis tau hais rau kuv tias, kom kuv mus kawm ua Phauj, nyob lub Koom Haum Twg.”
    Lub 9 hlis xyoo 1863, muaj ib hnub tus Tswv Qhia hu ua Faus Kas, nyob lub nroog Nws Ves, tuaj ntawm Npes Nas Des lawv lub zos Lus Ntws tuaj. Tswv Qhia thov kom cov Phauj nyob pem Nws Ves txais Npes Nas Des, tab txawm tias, nws tsis muaj ib lub cuab tam nqa nrog nws mus.
    Npes Nas Des thiaj li xav tswv yim ntev loo, li 6 lub hlis. Thaum lub caij ntawd, nyob rau Lus Ntws, tus Tswv Qhia hu ua Laus Tshees ua thawj thawj Thaj Txi Ntuj loj, mus kab sab. Ces lub caij ntawd, nws yuav foom hmoov zoo rau tus mlom Niam Mab Liab, uas lawv puab rau ntawm lub qhov tsua. Hnub ntawd, Npes Nas Des muaj mob, nws mus koom tsis tau nrog lawv.
    Tib hnub ntawd, uas yog hnub tim 4 lub 4 hlis xyoo 1864, Npes Nas Des thov tus Phauj Loj, ntawm lub Koom Haum cov Phauj nyob pem Nws Ves txais nws. Tab sis nws yuav tsum tos kom nws tus mob zoo tso.
    Tau ob xyoos tom qab, hnub tim19 lub 5 hlis xyoo 1866, lawv thov kom Npes Nas Des nrog lawv koom Thaj Txi Ntuj, qhib lub tsev teev Ntuj qab a, thiab thawj thawj Thaj Txi Ntuj ntawm lub qhov tsua, uas yog hnub tim 21 lub 5 hlis, tib lub xyoo ntawd. Lub caij ntawd, Npes Nas Des tsis muaj mob dab tsi lawm, nws mus nrog lawv koom. Tab sis Npes Nas Des tsis xav ua ib tug neeg muab hlob, nws txhob txwm hnav ib lub tsho muaj kaus mom, ces thaum nws mus koom nrog lawv, nws muab nws lub kaus mom ntoo, kom luag tsis txhob paub nws.
    Hnub tim 3 lub 7 hli tib lub xyoo 1866 ntawd, yog hnub ua ntej, uas Npes Nas Des yuav ncaim ntawm nws lub zos mus kawm ua Phauj. Li ntawd, nws rov mus xyuas lub qhov tsua ib zaug ntxiv, uas yog zaum kawg. Tus Phauj Loj, uas nrog Npes Nas Des mus xyuas lub qhov tsuas hais rau Npes Nas Des tias, yuav tsum rov qab mus tsev. Npes Nas Des teb rau nws li no :
    “Thov cia kuv nyob ib me pliag ntxiv tso, vim tias, zaum no yog zaum kawg.”
    Npes Nas Des hnia lub pob zeb ntev loo, nws tseg tsis tau kom nws kua muag txhob ntws. Npes Nas Des hais li no ntxiv : “Lub qhov tsua no, yog kuv lub ntuj, kuv yuav tsis rov pom dua ib zaug ntxiv lawm.”
    Tag kis tuaj, Npes Nas Des caij lub tsheb nqaj mus rau lub nroog Nws Ves, uas nws mus txog hnub tim 7 lub 7 hli, ze ntawm 10 teev tsaus ntuj.
    Hnub Chiv yav noj su tag, tus Phauj loj saib lub Koom Haum cov Phauj Leej Ntshiab Ntsis Nkas, thov kom Npes Nas Des piav txog Niam Mab Liab yees tawm tuaj nyob Lus Ntws rau lub Koom Haum Mloog. Npes Nas Des thiaj piav raws li nws yog ib tug neeg me.
    Hnub tim 19 lub 7 hli, thaum lawv ua Thaj Txi Ntuj muab tsoos tsho ua Phauj rau Npes Nas Des hnav, lawv muab ib lub npe ua Phauj, uas yog lub thaum nws txais lub Cim Ntxuav : Lub npe ntawd, hu ua Phauj Mab Liab Npes Nas Des.

    Paj nruag
    Thaum lub caij Npes Nas Des mus kawm ua Phauj, nws hais li no : “Kuv tuaj ntawm no, yog tuaj nkaum.” Lo Lus no, yog thaum Npes Nas Des pib ua lub caij xyaum ua Phauj nws hais, yog ib lo lus txhais nws lub neej. Npes Nas Des to taub tias, nws txoj hauj lwm tshaj Ntuj Lus yog ua nws lub neej nyob rau ntawm Nws Ves. Nyob ntawd, nws txoj hauj lwm uas Niam Mab Liab xeeb los ntshiab huv tso rau nws uas yog : thov Ntuj, teev Ntuj, ua dej num them txim txhaum, yuam yus lub cev them txim txhaum, txais txoj kev txom nyem kom tau pab cov neeg txhaum… tas ib puas tsav yam nyuaj uas tuaj raug Npes Nas Des no, los Npes Nas Des yuav tsum zoo siab ua luag ntxhi.
    Lub caij Npes Nas Des kawm ua phauj tseem tsis tau tag, tab sis Npes Nas Des mob heev, xws li nws txoj sia yuav tu, ces nws thiaj li ua lub Cim cog lus ua ntej zog, uas yog hnub tim 25 lub 10 hli xyoo 1866. Tab sis Npes Nas Des ho rov zoo, ces txog lub caij uas nws kawm tiav lawm, nws thiaj li rov cog lus dua ib zaug ntxiv, uas yog hnub tim 30 lub 10 hli xyoo 1867, uas yog ib xyoos tom qab.

    Paj nruag.
    Npes Nas Des tib txhij ua kws kho mob thiab ua neeg mob.
    Npes Nas Des ua hauj lwm nyob hauv kem me nyuam tsev kho cov Phauj muaj mob, mus txog ntau xyoo 1873.
    Thaum twg yog Npes Nas Des zoo neej, tsis muaj mob dab tsi, mas Npes Nas Des yog ib tug kws kho mob zoo kawg. Ib ncig nws, mas nws tu kom huv zoo thiab kom sawv daws zoo siab. Nws tsis xub nco txog nws ua ntej dua luag.
    Muaj ib hnub, uas yog hnub tim 6 lub 4 hlis xyoo 1869, Npes Nas Des hais li no : “Kuv thov kom Tswv Ntuj thiab Niam Mab Liab nkawd, pab kuv tig los yuav lub siab tshiab, vim lawv hais tias, kuv mas kuv yuav raws li kuv lub tswv yim xwb. Tej no ua rau kuv txaj muag, tab sis kuv pheej kho tsis tau kuv li thiab.”
    Npes Nas Des rau siab ntso mus taug txoj kev ntshiab. Txoj kev ntshiab ntawd, yog txoj kev uas nyiam thiab hlub loj tag nrho. Npes Nas Des hais li no : “Tswv Ntuj txoj kev nyiam, uas loj tag nrho, yog zoo xws li ib rab riam coj los txiav tej tsob ntoo loj thiab tej cag ntoo, kom tsis muaj tag, lawv thiaj li tsis muaj kev khav theeb ntxiv.”
    Npes Nas Des nyiam nyiam rov hais raws li Leej Ntshiab Aus Nkus Tis Nus, kab lus no : “Thaum twg yog yus nyiam lawm, mas yus tsis tu siab, tab txawm nws twb ua rau yus tu siab lawm, los yus haj tseem nyiam nws.” Los yog tseem hais li no ntxiv thiab : “Mlooog lus, yog nyiam. Ntsiag to txhais tag ib puas tsav yam nyuaj tuaj raug yus pub rau Huab Tais Yes Xus, yog nyiam.”
    Xyoo 1874, lawv tso txoj hauj lwm tu kem tsev npaj ua Thaj Txi Ntuj. Tab sis, tsis ntev xwb, uas txij li xyoo 1875, Npes Nas Des muaj mob heev, nws ua tsis taus hauj lwm lawm. Ntawm no, Npes Nes Des hais li no : “Qhov no, yog kuv txoj dej num, pab cov neeg txhaum.”
    Hnub tim 22 lub 9 hlis xyoo 1878, Npes Nas Des ua lub Cim Cog Lus, mus tas ib sim neej.
    Hnub tim 11 lub 12 hlis tib lub xyoo 1878 ntawd, Npes Nas Des rov hawb pob ib huam, ntuav ntshav, thiab o ib lub pob nyob rau ntawm hauv caug sab xis.
    Hnub 4 hauv lub lis piam, ua lub ntees Hla Yes Xus sawv rov los, uas yog hnub tim 16 lub 4 hlis xyoo 1879, Npes Nas Des txoj sia yuav tu, nws cov lus kawg yog ib co zaj teev Ntuj zoo li no : “Kuv tus Huab Tais ! Kuv tus Huab Tais ! Leej Ntshiab Mab Liab, Tswv Ntuj Leej Niam, thov Ntuj rau kuv, koj thov Ntuj hlub kuv tus neeg txhaum !”
    Lub sij hawm ntawd, Npes Nas Des tsuas ntsia ntsoov Yes Xus tus Ntoo Cuam thiab Niam Mab Liab tus mlom duab ntawm Lus Ntws xwb. Thaum ntawd, hnov Npes Nas Des hais cov lus zoo li no : “O ! kuv tau pom lawm…! Nws zoo nkauj kawg…! Ua Cas kuv yuav maj ua luaj rov qab mus pom nws.”
    Npes Nas Des tseem hais ntxiv li no : “Kuv nqhis dej…”
    Tab sis ua ntej thaum txais khob dej, uas lawv muab rau nws, nws xub ua Ntoo Cuam lub Cim ua ntej, tiam sis nws ua tsis tau….
    Thaum lub caij ntawd, Npes Nas Des muaj 35 xyoos…
    Xyoo 1933, tus Vaj Qhia Npis Yus 11 tsa Npes Nas Des ua Leej Ntshiab.

    Paj nruag.
    Kwv tij Hmoob sawv daws, kuv piav Npes Nas Des lub neej los xaus li no lawm. ntawm no mus, kuv yuav rov los piav txog lub zos Lus Ntws, xws li :
    1. Nyob Lus Ntws, yog peb tawm rooj fiv yeem, peb yuav pom dab tsi thiab dab tsi ?
    2. Piav txog cov neeg tawm rooj fiv yeem tuaj rau Lus Ntws, txij li puag thaum lub caij Niam Mab Liab yees tawm tuaj rau Npes Nas Des pom, los txog rau niaj hnub nyem no.
    3. Piav txog Niam Mab Liab tsab xo nyob Lus Ntws.
    4. Piav txog Lus Ntws lub zim txwv peb nyob no

    Paj nruag
    1. Nyob Lus Ntws, yog peb tawm rooj fiv yeem, peb yuav pom dab tsi thiab dab tsi ?
    Kwv tij phooj ywg Hmoob ntseeg Ntuj sawv daws, yog hais tias, muaj ib hnub twg, nej muaj txoj hmoo tawm rooj fiv yeem, tuaj mus rau Lus Ntws, mas nej yuav pom tej yam zoo li no, yam li :
    Lub qhov tsua, uas Niam Mab Liab yees tawm tuaj rau Npes Nas Des pom :
    Ib tug mlom Niam Mab Liab, uas lawv puab sawv nyob ntawm lub qhov tsua ntawd ;
    Ib lub qhov dej thiab ib lub pas dej da ;
    Nyob ze ntawm lub qhov tsua ib co tswm ciab ntau tag nrho, uas yog lub cim tias : thov kom Niam Mab Liab pab thov Ntuj pab ;
    Thaum tsaus Ntuj, cov neeg ntseeg sib sau teev Ntuj ua ib kab sab tuav ib tug tswm ciab ;
    Nyob ze ntawm thaj tsam ntawd, muaj ob peb lub tsev teev Ntuj loj thiab muaj ib qhov chaw dav tsawv, uas yus tau kev mus zaum teev Ntuj thiab xav tswv yim twj ywm. Nyob ntawd, mas muaj neeg coob tag nrho, tawm rooj tuaj fiv yeem, cov neeg no, cov zoo neej los muaj, cov muaj mob los kuj muaj coob tag nrho li thiab.

    Paj nruag.
    2. Piav txog cov neeg tawm rooj fiv yeem tuaj rau Lus Ntws, txij li puag thaum lub caij Niam Mab Liab yees tawm tuaj rau Npes Nas Des pom, los txog rau niaj hnub nyem no.
    Kuv yuav hais rau nej tias, txij li thaum Niam Mab Liab yees tawm tuaj rau Npes Nas Des pom los, ces pib muaj neeg tawm rooj tuaj fiv yeem nyob rau Lus Ntws.
    Thaum chiv thawj, tsuas muaj cov neeg nyob Lus Ntws thiab nyob ib ncig ntawm Lus Ntws tuaj xwb, tab sis tsis ntev xwb, ces txawm muaj neeg tuaj tag qhov txhia qhov chaw tuaj. Vim lub caij ntawd, twb pib muaj ntau tus neeg mob, uas tuaj haus cov dej hauv lub qhov dej, uas Npes Nas Des khawb los yog muab ntxuav lawv, ces lawv tus mob cia li zoo hlo tuaj lawm. Yog vim li ntawd, mas tsis ntev xwb, ces tag Aws Los Pas teb paub, lawv thiaj tawm rooj fiv yeem tuaj rau Lus Ntws. Tom qab zog no, cov neeg nyob tag ntiaj teb kuj paub lub moo tias, Niam Mab Liab yees tawm tuaj nyob Lus Ntws, ces lawv kuj tuaj ntawm tej lub teb chaws deb tag nrho, tuaj thov kom Niam Mab Liab thov Tswv Ntuj pab kho lawv tus mob.
    Li ntawd, ntawm no mus, kuv yuav hais rau nej tias, tej lub caij uas lawv ua tej lub ntees loj, nyob rau Lus Ntws, muaj neeg tawm rooj tuaj fiv yeem coob li cas ?
    Hnub tim 4 lub 4 hlis xyoo 1864, thaum lawv ua lub ntees foom hmoov zoo rau tus mlom thiab muab nws tso rau saum lub qhov tsua, mas muaj : 20 txhiab tus neeg neeg nyob ntawd.
    Hnub tim 21 lub 5 hlis xyoo 1866, thaum lawv ua lub ntees qhib lub tsev teev Ntuj hauv qab npoo av, mas muaj txog ntawm 40 txhiab leej neeg, tawm rooj fiv yeem nyob ntawd.
    Hnub tim 6 lub 10 hli xyoo 1872, uas yog lub ntees fiv yeem, tawm rooj nqaum chij muaj 50 txhiab tus neeg tawm rooj fiv yeem.
    Hnub tim 3 lub 7 hli xyoo 1876, yog hnub uas lawv ua lub ntees muab lub kaus mom kub rau tus Poj Huab Tais ntawm Lus Ntws ntoo, thaum ntawd, muaj 100 txhiab leej neeg tawm rooj fiv yeem.
    Lub xyoo 1891, tag nrho ib xyoos ntawd, muaj 110 txhiab tus neeg tawm rooj fiv yeem, uas lawv caij luv tsheb nqaj tuaj.
    Hnub tim 25-28 lub 4 hlis xyoo 1935, uas yog lub ntees tsuj xeeb cav kev txhiv ntiaj teb neeg, muaj neeg tawm rooj tuaj txog 300 txhiab leej neeg.
    Xyoo 1908, uas yog xyoo tau 50 xyoo, Niam Mab Liab yees tawm tuaj rau Npes Nas Des pom, xyoo ntawd, muaj ze ntawm ib plhom tus neeg tawm rooj fiv yeem tuaj teev Ntuj nyob Lus Ntws. Hos xyoo uas tau 100 xyoo, uas yog xyoo 1958, mas muaj neeg tuaj coob txog ntawm 5 plhom leej neeg.
    Li ntawd, txij li xyoo 1964 los, mas neeg haj yam tuaj coob zuj zus lawm xwb ; Ua rau Lus Ntws cia li yog ib thaj chaw, uas neeg coob tshaj, nyob tag ntiaj teb, tawm rooj tuaj fiv yeem. Thaj tsam ntawm Lus Ntws, cia li yog ib lub plawv ntawm thaj chaw teev Ntuj, rau ib tsoom neeg tawm rooj tuaj fiv yeem rau Lus Ntws.

    Paj nruag.
    3. Piav txog Niam Mab Liab tsab xo nyob Lus Ntws.
    kwv tij Hmoob, txuas ntxiv ntawm no mus, kuv yuav rov hais txog Niam Mab Liab tus xeeb los Ntshiab huv cov lus, uas nws tau hais rau Npes Nas Des nyob Lus Ntws kom nej nco tau zoo, vim yog ib co lus zoo pab peb, kom peb txawj ua ib cov neeg siab zoo, coj tus cwj pwm zoo, txawj tso siab rau Tswv Ntuj, txawj hlub luag tej thiab pab luag tej.
    Niam Mab Liab cov lus uas nws hais yog zoo li no :
    “Npes Nas Des, koj puas yuav muaj lub siab ntev fo, tuaj ntawm no 15 hnub sib law ?
    “Kuv tsis cog lus tias, kuv yuav ua kom koj tau zoo nyob ntiaj teb no, tab sis nyob rau lwm lub.”
    “Them txim txhaum ! Them txim txhaum ! Them txim txhaum !”
    “Koj teev Ntuj thiab thov Ntuj pab cov neeg txhaum.”
    “Koj mus hnia av, kom tau them txim txhaum pub rau ib tsoom neeg txhaum, tig los yuav lub siab tshiab.”
    “Koj mus haus dej ntawm lub qhov dej thiab koj ntxuav koj.”
    “Koj mus hais rau cov Leej Choj, kom sawv daws tuaj teev Ntuj ua tej kab sab ntawm no, thiab kom cov Leej Choj ua ib lub tsev teev Ntuj me nyob ntawm no.”
    “Kuv yog tus xeeb los Ntshiab huv.”
    Kwv tij Hmoob sawv daws, cov lus kuv nyuam qhuav hais los no, yog cov lus uas Niam Mab Liab tau hais rau Npes Nes Des xyoo 1858, nyob Lus Ntws.

    Paj nruag
    4. Piav txog Lus Ntws lub zim txwv peb nyob no.
    Kwv tij phooj ywg Hmoob, lub zim txwv no, Lus Ntws, yog ib lub nroog loj hauj sim nyob rau Fab Kis lub teb chaws, nram qab teb.
    Lus Ntws yog ib qhov chaw uas nto moo loj nyob tag ntiaj teb. Cov neeg tawm rooj tuaj fiv yeem, lawv tuaj tag ntiaj teb tuaj vim lawv ntseeg tias, Leej Niam xeeb los Ntshiab huv, yuav thov tau kom Tswv Ntuj kho lawv tus mob kom zoo hlo, los kho lawv tus ntsuj plig, kom nyob nyab xeeb, nyob kaj siab lug… Niaj hnub nyem no, nyob rau Lus Ntws tseem niaj hnub muaj cov neeg tawm rooj fiv yeem uas Tswv Ntuj kho kom lawv tus mob zoo hlo tam sim ntawd.
    Kwv tij Hmoob, li ntawd, mas zaj no, yog ib zag zoo qhia peb tias, nyob hauv peb lub neej, peb muaj kev txom nyem, muaj kev mob nkeeg, mas peb tig mus vam khom tau txog peb Niam Mab Liab. Peb Niam Mab Liab uas nyob ze peb tus Huab Tais Tswv Ntuj, nws yuav thov peb tus Huab Tais Tswv Ntuj lub zog, tuaj nres peb, thiab tuaj kho peb tus mob kom zoo raws li nws lub siab xav.
    Kwv tij, li ntawd, ua ntej peb yuav sib ncaim, peb tig mus hawm peb Leej Niam Mab Liab xeeb los Ntshiab huv. peb hu zaj nkauj “Poj Huab Tais…” Mog !

    Paj nruag
    Kwv tij, zaj tham txog Niam Mab Liab xeeb los Ntshiab huv los xaus li no lawm xwb. Lwm lub lis piam, peb yuav tham dua lwm yam pub rau nej sawv daws tau mloog ntxiv mus.
    Es hnub no, peb lub tshaj xo tuaj ntsib nej li no xwb. Nej sawv daws nyob zoo mog ! Thiab nej nco ntsoov niaj hnub, thov peb Niam Mab Liab tuaj pab nres nej mog !
    _______________________________________________
    Tshaj tawm hnub tim 21 lub 6 hli 2015.
    Tus sau zaj no yog Ph. Ntxhais.

    Sau Siab mus ncig xyuas Leej  Ntshiab Bernadette - Page 2 Bernad10

    Sponsored content


    Sau Siab mus ncig xyuas Leej  Ntshiab Bernadette - Page 2 Empty Re: Sau Siab mus ncig xyuas Leej Ntshiab Bernadette

    Post  Sponsored content


      Current date/time is 28th March 2024, 2:45 pm