Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» Thov Leej Ntshiab YOS XES
by Maiv Tooj Today at 10:36 am

» COV ZAJ NYEEM NRUAB LIS PIAM XYOO I 2016-2017
by Mim Yesterday at 2:09 pm

» COV ZAJ NYEEM NRUAB LIS PIAM XYOO II, 2015-2016
by Mim Yesterday at 1:29 pm

» COV ZAJ NYEEM HNUB CHIV XYOO A 2016-2017
by NrhiavTswvNtuj 1st December 2016, 12:54 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 1st December 2016, 12:35 pm

» XH. Yaj Zoov Ntxheb lub Tsev THOOB TSIB
by Maiv Tooj 1st December 2016, 12:33 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

» COV ZAJ NYEEM HNUB CHIV XYOO C 2015-2016
by NrhiavTswvNtuj 19th November 2016, 4:57 am

Suav neeg tuaj saib, txij hnub 17/09/2010 los mus.


    Ntoo Cuam Txoj Kev

    Share

    Mim
    Tswv Cuab Hmong Catholique
    Tswv Cuab Hmong Catholique

    Messages : 1644
    Date d'inscription : 2009-10-16

    Ntoo Cuam Txoj Kev

    Post  Mim on 22nd February 2010, 1:00 pm



    Dynamic Glitter Text Generator at TextSpace.net

    Chemin de Croix/ The Way of the Cross


    Lub Caij 40, yog ib lub caij uas peb nco txog HT Yes Xus txoj kev txom nyem thiab peb xyaum nrog Yes Xus Kwv Ntoo Cuam. Niaj hnub Rau(Friday) peb muaj teev ntuj taug Ntoo Cuam Txoj Kev. Nej puas muaj taug Ntoo Cuam Txoj Kev nyob hauv nej church
    thiab? Yog yus mus koom tsis tau los yus tauig yus hauv tsev los tau kawg.

    Nws muaj 14 ntu kev (14 Stations) rau peb mus theem nco txog Yes Xus thaum nws kwv Ntoo Cuam taug kev.


    14 ntus kev ntawd muaj li no:


    Ntu 1. Pis Las Tos txiav txim cia Yes Xus tuag.
    Ntu 2. Yes Xus kwv Ntoo Cuam.
    Ntu 3. Yes xus ntog thawj zaug.
    Ntu 4. Yes Xus ntsib nws Niam.
    Ntu 5. Xis Moos pab Yes Xus kwv Ntoo Cuam.
    Ntu 6. Ves Los Nis Kas (Veronica) so Yes Xus ntsej muag.
    Ntu 7. Yes Xus ntog zaum ob.
    Ntu 8. Yes Xus ntsib cov poj niam ntawm kev.
    Ntu 9. Yes Xus ntog zaum peb.
    Ntu 10. Lawv hle Yes Xus cov ris tsho.
    Ntu 11. Lawv ntsia Yes Xus rau saum Ntoo Cuam.
    Ntu 12. Yes Xus txoj sia tu saum Ntoo Cuam.
    Ntu 13. Lawv txo Yes Xus lub Cev saum Ntoo Cuam los.
    Ntu 14. Lawv muab Yes Xus lub Cev mus zwm ntxa.


    The First Station

    Jesus is Condemned to Die.
    The Eighth Station:

    Jesus Meets the Women of Jerusalem.
    The Second Station:

    Jesus Carries His Cross.
    The Ninth Station:

    Jesus Falls the Third Time.
    The Third Station:

    Jesus Falls the First Time.
    The Tenth Station:

    Jesus is Stripped.
    The Fourth Station:

    Jesus Meets His Mother.
    The Eleventh Station:

    Jesus is Nailed to the Cross.

    The Fifth Station:

    Simon Helps Jesus Carry His Cross.
    The Twelfth Station:

    Jesus Dies on the Cross.
    The Sixth Station:

    Veronica Wipes Jesus' Face.
    The Thirteenth Station:

    Jesus is Taken Down from the Cross.
    The Seventh Station:

    Jesus Falls the Second Time.
    The Fourteenth Station:

    Jesus is Laid in the Tomb.

    Les 14 stations

    1. Jésus est condamné à être crucifié
    2. Jésus est chargé de sa croix
    3. Jésus tombe pour la première fois sous le poids de la croix
    4. Jésus rencontre sa mère
    5. Simon de Cyrène aide Jésus à porter sa croix
    6. Sainte Véronique essuie le visage de Jésus
    7. Jésus tombe pour la deuxième fois
    8. Jésus rencontre les femmes de Jérusalem qui pleurent
    9. Jésus tombe pour la troisième fois
    10. Jésus est dépouillé de ses vêtements
    11. Jésus est cloué sur la croix
    12. Jésus meurt sur la croix.
    13. Jésus est détaché de la croix et son corps est remis à sa mère
    14. Le corps de Jésus est mis au tombeau

    Nram no, kuv yuav sau ib zag yooj yooj yim ua piv txwv qhia tias thaum peb teev (los taug) txoj Kev Ntoo Cuam, peb ua li cas. Muaj ntau ntau yam kev piav los yog ntau yam kev hais txog Txoj Kev Ntoo Cuam thiab muaj ntau tus kws, nyias piav nyias, nyias thov nyias raws li nyias lub tswv yim.. Zaj nram no, ib leeg teev xwb los tau, ob peb leeg tuaj taug txoj Kev Ntoo Cuam ua ke los tau. Yog tias muaj ob peb leeg lawm ces kom ib tug ua tus Coj(TC) sawv daws(SD), raws li nram no:


    (Thov txim lau… Kuv hais ib tsam “Ntoo Cuam Txoj Kev,” ib tsam “Txoj Kev Ntoo Cuam” lawm, es kuv txiav siab tsis meej li, nej tuaj nrog kuv txiav saib peb yuav hqaisd lo twg zoo ddua os lawv…)


    Pib:
    Hu txog leej Txiv thiab leej Tub…

    Nyeem Ntawv: Yes Xus hais tias: “ Neeg Leej Tub yuav tsum raug txom nyem loj. Cov txwj laus, cov thawj leej choj, thiab cov kws Ntawv Nsthiab yuav muab nws xyeeb pov tseg. Nws yuav raug luag tua, tab sis hnub peb nws yuav sawv rov los.Leej twg xav los raws kuv, nws yuav tsis txhob nco txog nws, nws yuav niaj hnub kwv nws tus ntoo cuam thiab lawv kuv qab. Vim tias tus xav cawm nws txoj sia, mas nws yuav ua nws txoj sia ploj. Hos tus twg ua nws txoj sia ploj vim kuv, mas tus ntawd yuav cawm nws txoj sia.” Lus Kas 9: 22-24

    Zaj qhib:
    HT Yes Xus, Kuv thov koj los nrog kuv nraim thaum kuv taug koj txoj kev Ntoo Cuam no. Koj pab kuv kom kuv nrhiav tau ib lub zog nyob hauv koj txoj kev txom nyem thiab kev tuag, los pab kuv niaj hnub lawv koj qab kwv kuv tus ntoo cuam hauv kuv lub neej.



    TC:
    Ntu 1. Pis Las Tos txiav txim cia Yes Xus tuag.


    HT Yes Xus, peb pe koj, peb cav lus zoo txog koj,

    SD: Vim koj cawm ntiaj teb neeg nyob saum Ntoo Cuam.

    TC: Lawv coj Yes Xus los rau Pis Las Tos. Yes Xus los sawv zoo li ib tug neeg phem, nws
    ib ce ntsoog tas ntshav khub khawv qias neeg ntsuav, saum nws taub hau muaj ib lub kauj pos looj rau ua zoo li ib tug vaj cuav. Pis Las Tos yeej paub tias Yes Xus tsis tau ua txhaum dab tsi, tiam sis nws ntshai tsoom neeg lub suab qw, nws thiaj txiav txim muab Yes Xus dai saum Ntoo Cuam..

    SD: HT Yes Xus, ntau zaus kuv pom lwm leej lwm tus ua tej yam, kuv tsis xub nrhiav kom paub qhov tseeb tso, kuv cia li txiav txim rau lawv. Thov koj pab kuv kom kuv txawj ua ib tug neeg hlub luag, pom luag raws li yog koj pom lawv, tsis txhob lam taus lam txiav txim rau
    luag xws li Pis Las Tos, tsis raws txoj kev tseeb thiab kev ncaj ncees.

    (Hais ib zag…)
    Peb Txiv nyob saum ntuj… Koj nyob kaj lug Mab Liab… Huab Tais leej Txiv, HT leej Tub…


    TC:
    Ntu 2. Yes Xus kwv Ntoo Cuam.


    HT Yes Xus, peb pe koj, peb cav lus zoo txog koj,

    SD:
    Vim koj cawm ntiaj teb neeg nyob saum Ntoo Cuam.

    TC: Yes Xus twb raug lawv nplawm sab kawg nkaus lawm, lawv tseem muab ib tug ntoo hnyav hnyav rau nws kwv saum xub pwg. Yes Xus tsis xyeej, nws txais nkaus los kwv.
    Tus Ntoo Cuam yog lub cim qhia tias HT Yes Xus ris rawv ntiaj teb neeg tej kev txaug kev txhaum saum nws , kom tau pab peb dim.

    SD: HT Yes Xus, koj puag nkaus koj tus Ntoo Cuam los kwv kom tau cawm tau txhiv peb.
    Thov koj pab kuv kom kuv muaj lub siab ntev kwv kuv tej ntoo cuam me me hauv kuv lub neej uas yog tej kev txom nyem, tej kev nyuaj kev ntxhov, tej kev mob kev nkeeg uas tuaj raug kuv, tiam sis qhov tseem ceeb tshaj yog tej kev txaug kev txhaum uas kuv yuav tsum muab tshem hauv kuv lub neej mus.

    Peb Txiv nyob saum ntuj…Koj nyob kaj lug Mab Liab… Huab Tais leej Txiv, HT leej Tub…


    TC:
    Ntu 3. Yes xus ntog thawj zaug.


    HT Yes Xus, peb pe koj, peb cav lus zoo txog koj,

    SD: Vim koj cawm ntiaj teb neeg nyob saum Ntoo Cuam.

    TC: Vim Yes Xus twb raug lawv tsim txom sab kawg nkaus lawm, nws tseem tau ib lub nra
    hnyav hnyav kwv thiab, ces nws thiaj qaug. Nws tseem ua tiag rov sawv los kwv ntoo cuam ntxiv mus. Txawm mob nws, sab nws npaum li cas nws tsis tso tseg.

    SD: HT Yes Xus, Kuv xyaum kwv ntoo cuam lawv koj qab hauv kuv lub neej, yog xyaum muab kev txhaum tshem tawm hauv kuv mus. Tiam sis koj
    twb paub lawm hais tias kuv ntog tas mus li, kuv yeej tseem ua txhaum qees. Thov koj pab kuv kom kuv muaj lub siab ntev, txawm kuv ntog pes tsawg zaus,los kom kuv muaj lub siab xav txiav kom tau kev txhaum pov tseg tiag, thiab kom kuv tso siab lug rau koj txoj kev hlub yuav tsis tso kuv pov tseg.

    Peb Txiv nyob saum ntuj… Koj nyob kaj lug Mab Liab… Huab Tais leej Txiv, HT leej
    Tub…


    TC:
    Ntu 4. Yes Xus ntsib nws Niam.


    HT Yes Xus, peb pe koj, peb cav lus zoo txog koj,

    SD: Vim koj cawm ntiaj teb neeg nyob saum Ntoo Cuam.

    TC: Yes Xus kwv Ntoo Cuam los ntsib nws leej Niam ntawm kev. Mab Liab pom nws tus tub tsis zoo li qub lawm, ntsej muag zij tas. Nws mob siab tu siab kawg nkaus. Yog lub caij nws raug rab ntaj uas thaud Xis Mes Oos tau xub hais tseg tias yuav chob nws lub plawv. Yes Xus hlub nws niam kawg nkaus, tiam sis nkawd koom ib lub siab, vim nkawd ob leeg yuav tsum tau nyiaj kev txom nyem los cawm ntiaj teb neeg.

    SD: HT Yes Xus, koj leej Niam Mab Liab txawm mob siab npaum li cas, nws tsuas txhawb
    koj zog kom koj ua tiav koj txoj hauj lwm cawm ntiaj teb neeg xwb. Thov koj pab kuv kom kuv tsis txhob yog tus ua kom lwm tus qaug zog, tiam sis yuav txhawb tau lawv ua siab loj siab tawv ntseeg koj thiab caum koj qab xwb.

    Peb Txiv nyob saum ntuj… Koj nyob kaj lug Mab Liab… Huab Tais leej Txiv, HT leej
    Tub…


    TC:
    Ntu 5. Xis Moos pab Yes Xus kwv Ntoo Cuam.


    HT Yes Xus, peb pe koj, peb cav lus zoo txog koj,

    SD:
    Vim koj cawm ntiaj teb neeg nyob saum Ntoo Cuam.

    TC: Yes Xus sab heev zuj zus tuaj, cov neeg phem ntshai tsam nws mus tsis txog chaw,
    lawv thiaj yuam Xis Moos pab Yes Xus. Yog lawv yuam nws xwb, ces nws thiaj lam
    ua tiag pab Yes Xus ib nyuag ntu kev.

    SD: HT Yes Xus, ntau zaus nyob hauv kuv lub neej, kuv tsis nco qab pom tias lwm tus
    xav tau kev pab, vim kuv tsuas xav txog kuv tus kheej ntau. Thov koj pab kuv kom kuv txawj pom thiab to taub tseeb tias thaum kuv pab luag thiab hlub luag, yog zoo li kuv twb pab koj hlub koj lawm.

    Peb Txiv nyob saum ntuj… Koj nyob kaj lug Mab Liab… Huab Tais leej Txiv, HT leej
    Tub…


    TC:
    Ntu 6. Ves Los Nis Kas (Veronica) so Yes Xus ntsej muag.


    HT Yes Xus, peb pe koj, peb cav lus zoo txog koj,

    SD:
    Vim koj cawm ntiaj teb neeg nyob saum Ntoo Cuam.

    TC: Yes Xus ntsej muag tawm hws lug thiab lo ntshav qias neeg ntsuav. Ves Los Nis Kas
    hlub Yes Xus, nws hle hlo nws txoj phuam kauv taub hau los so Yes Xus ntsej muag. HT Yes Xus pub ib qho paj tshab zoo kawg rau Ves Los Nis Kas, nws ua kom nws ntsej muag yees tawm plaws ua ib daim duab rau saum Ves Los Nis Kas txoj phuam.

    SD: HT Yes Xus, thov koj pub kuv muaj ib lub siab ntseeg tob thiab ruaj khov kho. Xws
    li Ves Los Nis Kas, tsis ntshai tsis txaj muag los so koj ntsej muag, thov koj muab lub peev xwm rau kuv, kom kuv thiaj yuav pab tau luag, hais tau tej lo lus los txhawb luag, tiab tsis ntshaai lees tias kuv ntseeg koj.

    Peb Txiv nyob saum ntuj… Koj nyob kaj lug Mab Liab… Huab Tais leej Txiv, HT leej
    Tub…


    TC:
    Ntu 7. Yes Xus ntog zaum ob.


    HT Yes Xus, peb pe koj, peb cav lus zoo txog koj,

    SD: Vim koj cawm ntiaj teb neeg nyob saum Ntoo Cuam.

    TC: Yes Xus rov ntog dua zaum ob, vim tus ntoo lub nra hnyav dhau. Tiam sis cov neeg
    ntawd yeej tsis muaj ib nploog siab hlub nws li, lawv rub nws, cab nws tes kom sawv, lawv yuam nws kwv Ntoo Cuam mus ntxiv dua.

    SD: Huab Tais Yes Xus, thov koj pab kuv ua siab loj, yeej txoj kev tas kev cia siab, kev
    qaug zog, kev tu siab rau yus tus kheej. Txawm muaj tej yam kuv ua tsis tau xyaum tsis tau los kom kuv ua siab ntev xyaum tas mus li, ib yam li koj yuav tsum tau sawv mus ntxiv.

    Peb Txiv nyob saum ntuj… Koj nyob kaj lug Mab Liab… Huab Tais leej Txiv, HT leej
    Tub…


    TC: Ntu 8. Yes Xus ntsib cov poj niam ntawm kev.

    HT Yes Xus, peb pe koj, peb cav lus zoo txog koj,

    SD: Vim koj cawm ntiaj teb neeg nyob saum Ntoo Cuam.

    TC: Muaj ib co poj niam pom Yes Xus raug tsim txom hnyav, lawv tu siab thiab quaj rau Yes
    Xus, tiam sis nws hais rau lawv tias, “Nej txhob quaj rau kuv, tiam sis nej yuav tsum quaj rau nej cov me nyuam.”

    SD: HT Yes Xus, thov koj qhib kuv lub siab kom kuv txawj los kua muag thiab tu siab
    rau kuv tej kev txaug kev txhaum uas ua rau koj raug txom nyem loj npaum no, thiab kom kuv tso tau kev ua txhaum pov tseg.

    Peb Txiv nyob saum ntuj… Koj nyob kaj lug Mab Liab… Huab Tais leej Txiv, HT leej
    Tub…



    TC: Ntu 9. Yes Xus ntog zaum peb.


    HT Yes Xus, peb pe koj, peb cav lus zoo txog koj,

    SD: Vim koj cawm ntiaj teb neeg nyob saum Ntoo Cuam.



    TC: Yes Xus zog tas nrho lawm, nws thiaj rov ntog zaum peb. Txawm li ntawd los cov neeg
    siab phem yeej tsis cev tes pab, lawv tseem haj yam thawb thiab cem kom nws mus nrawm dua qub xwb.


    SD: HT Yes Xus, koj lub zog tag, koj ntog. Koj qhia rau kuv to taub hais tias, yog kuv
    vam txog kuv tus kheej ces kuv tsis muaj zog ua tau dab tsi zoo. Thov koj pub lub txiaj ntsim rau kuv kom kuv tau koj lub zog los pab kuv hauv kuv lub neej.

    Peb Txiv nyob saum ntuj… Koj nyob kaj lug Mab Liab… Huab Tais leej Txiv, HT leej
    Tub…





    TC: Ntu 10. Lawv hle Yes Xus cov ris tsho.


    HT Yes Xus, peb pe koj, peb cav lus zoo txog koj,

    SD: Vim koj cawm ntiaj teb neeg nyob saum Ntoo Cuam.

    TC: Yes Xus ntxeem ntxeem kwv Ntoo cuam tuaj txog chaw lawm. Lawv muab nws cov ris tsho hle tawm. Tej thaj uas ntshav qhuav thiab khub rau nws lub cev lawm, rov ntuag dua , rov mob thiab rov los ntshav dua tshiab khiv. Yes Xus tau kev txaj muag, vim nws nyob liab
    qab rau sawv daws ntsia, los nws ua siab ntev nyiaj.

    SD: HT Yes Xus, nyob hauv kuv lub neej thiab lub siab, muaj ntau yam ntxhov txiav kuv txoj hau kev, tsis pub kuv ntseeg koj nyiam koj tuag nthi. Thov koj pab kuv hle tej ntawd pov tseg thiab muab koj cov zam dawb huv rau kuv hnav.

    Peb Txiv nyob saum ntuj… Koj nyob kaj lug Mab Liab… Huab Tais leej Txiv, HT leej
    Tub…


    TC: Ntu 11. Lawv ntsia Yes Xus rau saum Ntoo Cuam.


    HT Yes Xus, peb pe koj, peb cav lus zoo txog koj,

    SD: Vim koj cawm ntiaj teb neeg nyob saum Ntoo Cuam.

    TC: Lawv muab Yes Xus xyab rau saum tus ntoo. Lawv nrhab thiab rub nws ob txhais tes ob txhais taw los, muab ntsia hlau ntsia rau saud. Thaum ntsia tas lawm, lawv tsa tus ntoo sawv, cia Yes Xus nyob dai vias.

    SD: HT Yes Xus, koj cia luag muab koj ntsia dai rau saum ntoo yog vim koj hlub peb kawg nkaus. Thov koj pab kuv kom kuv muaj lub siab ntseeg ruaj nreb txog koj txoj kev hlub.

    Peb Txiv nyob saum ntuj… Koj nyob kaj lug Mab Liab… Huab Tais leej Txiv, HT leej
    Tub…


    TC: Ntu 12. Yes Xus txoj sia tu saum Ntoo Cuam.


    HT Yes Xus, peb pe koj, peb cav lus zoo txog koj,

    SD: Vim koj cawm ntiaj teb neeg nyob saum Ntoo Cuam.

    TC: Yes Xus nyiaj kev txom nyem, kev mob, kev ua pa nyuaj tau peb teev,nws zam txhaum
    rau tus tub sab siab zoo, thiab rau cov neeg tsim txom nws, ces nws qw nrov nrov tso nws txoj sia rau leej Txiv tes, nws qaij hlo taub hau, nws txoj sia tu.

    SD: HT Yes Xus, koj tuaj yeem tuag saun Ntoo Cuam kom tau cawm peb thiab coj peb mus cuag leej Txiv Tswv Ntuj. Thov pab kuv kom kuv yeem tuag dua ua txhaum rau koj, kom kuv tseg taus tej kev phem kev qias, kev tsis tseem ceeb hauv ntiaj teb no, tsuas ntshaw nrog koj ciaj nyob mus li saum ntuj xwb.

    Peb Txiv nyob saum ntuj… Koj nyob kaj lug Mab Liab… Huab Tais leej Txiv, HT leej Tub…


    TC: Ntu 13. Lawv txo Yes Xus lub Cev saum Ntoo Cuam los.


    HT Yes Xus, peb pe koj, peb cav lus zoo txog koj,

    SD:
    Vim koj cawm ntiaj teb neeg nyob saum Ntoo Cuam.

    TC: Yes Xus ob tug phooj ywg,Yos Xes nyob As Lis Mas Tias thiab Nis Kos Des Mos, tuaj daws Yes Xus cev saum Ntoo Cuam los. Niam Mab Liab txais nws tus Tub lub cev
    tsis muaj sia los puag ua zaum kawg.

    SD: HT Yes Xus, thov koj pab kuv kwv ntoo cuam lawv koj qab mus kom txog kuv hnub kawg, thiab thov koj pub ib lub siab dawb siab huv rau kuv niaj hnub tuaj txais koj hauv lub Cim Yug, xws li koj leej Niam txais koj lub cev los puag hauv nws lub xub ntiag tsis lo txhaum.

    Peb Txiv nyob saum ntuj… Koj nyob kaj lug Mab Liab… Huab Tais leej Txiv, HT leej Tub…


    TC: Ntu 14. Lawv muab Yes Xus lub Cev mus zwm ntxa.

    HT Yes Xus, peb pe koj, peb cav lus zoo txog koj,

    SD: Vim koj cawm ntiaj teb neeg nyob saum Ntoo Cuam.

    TC:
    Yos Xes thiab Nis Kos des Mos muab Yes Xus lub cev qhwv ib daim ntaub dawb tshiab, nkawd coj mus tso rau hauv Yos Xes ib lub ntxa uas nyuam qhuav tho tau tshiab
    tshiab hauv phab tsua. Nkawd muab ib daig txiag zeb los npog lub rooj ntxas rau.

    SD: HT Yes Xus, vim koj yog tus tswv tsim txoj sia, koj ciaj tau rov los muaj sia nyob. Thov koj pab kuv kom kuv ntseeg thiab tso siab rau koj txoj kev sawv rov los, kom thaum txog hnub kawg, kuv tau nrog koj muaj txoj sia nyob mus li nyob saum ntuj

    Peb Txiv nyob saum ntuj… Koj nyob kaj lug Mab Liab… Huab Tais leej Txiv, HT leej Tub…

    TC: HT Leej Txiv siab zoo, peb thov koj hlub thiab tsom kwm saib xyuas peb Txiv Vaj
    Qhia, uas nws yog tus hloov Pob Zeb chaw nyob ntiaj teb no. Koj tau tsa koj lub Koom Txoos rau saum Pob Zeb. Thov koj pub kom Vaj Qhia yog lub hauv paus thiab yog lub chaw ruaj khov, uas yuav rub kom tas ib tsoom neeg ntseg txog koj los ua ib puab ib pawg, muaj ib txog kev ntseeg, koom ib lub siab ib lub tswv yim nyob hauv koj txoj kev nyiam kev hlub. Peb thov vam txog peb tus HT Yes Xus Pleev, uas nws nrog koj thiab nrog Leej Tswv Yim Ntshiab ua vaj muaj txoj sia thiab koom ua ib tug Tswv Ntuj nyob mus li tas ib txhiab ib txhis. Ua li.

    Hais ib zag “Peb Txiv nyob saum ntuj…” ib zag “Koj nyob kaj lug…” ib zag “HT Leej Txiv, HT Leej Tub…” los thov ntuj pab rau Vaj Qhia.

    Xaus: “Hu txog Leej Txiv, thiab leej Tub, thiab leej Ntuj Plig…”


    Last edited by Mim on 11th March 2011, 6:40 pm; edited 3 times in total

    Yaj Suav Nus
    Phooj Ywg
    Phooj Ywg

    Messages : 279
    Date d'inscription : 2009-10-23

    Ntoo cuam txok kev

    Post  Yaj Suav Nus on 22nd February 2010, 4:22 pm

    Nyob zoo os Mim thiab cov phooj ywg txhua tus,
    Lub caij 40
    Kuv nco ntsoov thaum kuv muaj kwv yees li 7 los 8 xyoo, mas txhua txhua hmo kuv cov muam hlob hais tias noj mov tsuag tsuag yuav mus teev ntuj taug ntoo cuam txoj kev. Nyob hauv peb pawg ntseeg mas sawv daws yeej hu ua ntoo cuam txoj kev, kuv tsis paub nyob rau lwm lub zos lawv ho hu li cas. Niaj hnub no nyob hauv zos Cacao hu ua ntoo cuam txoj kev raws li puag thaum ub nyob rau los tsuas teb. Ua li nej ne nej ho hu li cas ?

    Y.Suav Nus

    Mim
    Tswv Cuab Hmong Catholique
    Tswv Cuab Hmong Catholique

    Messages : 1644
    Date d'inscription : 2009-10-16

    Re: Ntoo Cuam Txoj Kev

    Post  Mim on 23rd February 2010, 12:09 pm

    Yaj Suav Nus wrote:Nyob zoo os Mim thiab cov phooj ywg txhua tus,
    Lub caij 40
    Kuv nco ntsoov thaum kuv muaj kwv yees li 7 los 8 xyoo, mas txhua txhua hmo kuv cov muam hlob hais tias noj mov tsuag tsuag yuav mus teev ntuj taug ntoo cuam txoj kev. Nyob hauv peb pawg ntseeg mas sawv daws yeej hu ua ntoo cuam txoj kev, kuv tsis paub nyob rau lwm lub zos lawv ho hu li cas. Niaj hnub no nyob hauv zos Cacao hu ua ntoo cuam txoj kev raws li puag thaum ub nyob rau los tsuas teb. Ua li nej ne nej ho hu li cas ?

    Y.Suav Nus


    Txiv Suav Nus,

    Ua koj tsaug os. Tej zaum yeej li koj hais, kuv thiaj tau xub siv lo lus "Ntoo Cuam Txoj Kev," tiam sis qee tsam zoo li lo lus "Txoj Kev Ntoo Cuam" pheej los rau hauv kuv lub hlwb thiab na... Yog thaum twg kuv ho siv yuam kev los nej to taub tias yog hais tib qho xwb no nawb... Thiab kuv mam li sim siv ib xwb los kom xwm yeem.

    Yaj Suav Nus
    Phooj Ywg
    Phooj Ywg

    Messages : 279
    Date d'inscription : 2009-10-23

    Teev ntuj lub caij 40

    Post  Yaj Suav Nus on 23rd February 2010, 2:22 pm

    Nyob zoo cov phooj ywg,
    Kuv thov siv chav no los tham me ntsis txog cov ntseeg nyob zos Cacao kev teev ntuj lub caij 40 no, yog tias tsis phim no thov nej cov coj ho pab muab tshem tawm. Ua tsaug.

    Lub caij 40 muaj kev teev ntuj nyob hauv tsev txhua txhua hnub Lundi - Monday, kev teev ntuj no xub muab rau cov tsev neeg uas muaj cov laus, yog yim twg xav kom muaj teev ntuj nyob hauv tsev mas xub hais rau tus Txiv plig los hais rau 2 tug tsob hwb, ces muab tshaj rau sawv daws thiab kev teev ntuj no yog teev rau yav noj hmo tas.

    Lub txoos txais tshauv


    22/2/2010 teev hauv Y.Xaiv Pov tsev

    raws li pom mas neeg tsis coob,
    ib txhia nyob sab nraum zoov[/center]


    Maiv Tooj kuv thov koj pab muab 3 daim duab no kho kom loj los raws li koj nyiam, kuv twb siv sij hawm ntev tsawv kho los tsis tau li (kho kom loj los tsis loj, kho kom me los tsis me li, ntshai yog kuv tsis tau txawj kov kuv lub pc tshiab xwb) Ua tsaug.

    Y.Suav Nus

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: Ntoo Cuam Txoj Kev

    Post  Npuagtub on 24th February 2010, 2:07 am

    Yaj Suav Nus wrote:Nyob zoo cov phooj ywg,
    Kuv thov siv chav no los tham me ntsis txog cov ntseeg nyob zos Cacao kev teev ntuj lub caij 40 no, yog tias tsis phim no thov nej cov coj ho pab muab tshem tawm. Ua tsaug.

    Lub caij 40 muaj kev teev ntuj nyob hauv tsev txhua txhua hnub Lundi - Monday, kev teev ntuj no xub muab rau cov tsev neeg uas muaj cov laus, yog yim twg xav kom muaj teev ntuj nyob hauv tsev mas xub hais rau tus Txiv plig los hais rau 2 tug tsob hwb, ces muab tshaj rau sawv daws thiab kev teev ntuj no yog teev rau yav noj hmo tas.

    Photobucket

    Lub txoos txais tshauv

    Photobucket

    22/2/2010 teev hauv Y.Xaiv Pov tsev

    Photobucket

    raws li pom mas neeg tsis coob,
    ib txhia nyob sab nraum zoov


    Maiv Tooj kuv thov koj pab muab 3 daim duab no kho kom loj los raws li koj nyiam, kuv twb siv sij hawm ntev tsawv kho los tsis tau li (kho kom loj los tsis loj, kho kom me los tsis me li, ntshai yog kuv tsis tau txawj kov kuv lub pc tshiab xwb) Ua tsaug.

    Y.Suav Nus

    D. Suav Nus,

    Kuv delete tsis tau koj cov duab ces kuv rov muab ua dua ib cov kom pom loj zog nyob hauv qab no lawm, cia saib Admin mam li tuaj kho cov koj tso xwb lau...!
    Koj tso rau qhov no los yeej zoo kawg li lawm thiab os nawv, tiam sis yog tso tau no mas yuav muab ib co mus tso rau hauv lub Topic Hmoob Guyane. Ib tsam yog kuv khoom no kuv mam li coj mus tso rau. Ua tsaug rau koj cov duab nawv D. Suav Nus.



    Photobucket

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Ntoo Cuam Txoj Kev

    Post  Maiv Paj Lug on 27th February 2010, 11:12 am

    Nyob zoo Suav Nus thiab XH Npuagtub, cov duab nov tso rau ntawm no zoo kawg li , rau qhov nws ua rau lub Hmoov 40 ces phim kawg li, cia nws nyob ntawm no peb thiaj tau saib thaum nkag los hauv no mas nawb. Ua neb tsaug ntau, ua tsuag ntau Suav Nus cov duab tuaj tso peb pom Hmoob Guyane kev tso siab rau Tswv Ntuj thiab ua Mesxas zoo kawg li.

    Mim
    Tswv Cuab Hmong Catholique
    Tswv Cuab Hmong Catholique

    Messages : 1644
    Date d'inscription : 2009-10-16

    Re: Ntoo Cuam Txoj Kev

    Post  Mim on 11th March 2011, 1:49 am

    Nyob zoo sawv daws,

    Hnub no yog thawj Hnub Rau(first Friday) hauv lub Caij 40, thaum peb ua txoos teev ntuj txais Yes Xus lub Cev (vim peb tsis muaj txiv plig khoom tuaj, yog Communion Service)tag, ces peb yuav pib hais zaj "Taug Ntoo Cuam Txoj Kev." Lub Caij 40 no yog ib lub caij uas peb yuav nquag hais zaj ntawd niaj hnub Rau(Friday). (Peb tustxiv plig saib 3lub churches ces nws tsuas khoom tuaj ua thaj txi ntuj hnub Ob(Monday) thiab Hnub Tsib(Thursday)xwb.)

    Nej rov mus saib saum hauv paus saud, tsaib no peb twb piav txog Ntoo Cuam Txoj Kev lawm.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Ntoo Cuam Txoj Kev

    Post  Maiv Tooj on 11th March 2011, 3:07 am



    Ua tsaug os Mim,

    Koj yog tus paub ntau, paub thoob, koj nco ntsoov tuaj qhia kom peb ras xeev nawb mog. Tej yam koj hais nov, peb yeej paub tias muaj teev Ntoo Cuam txoj Kev, tab sis peb tssi paub tias yuav teev lub caij twg, hnub twg thiab yog siv los ua dab tsi. Zoo kawg, nws yuav nco ntsoov tuaj tsa nws cov me nyiam ntseeg kom nco ras nawb mog.

    Ua tsaug rau nws kev lim xeeb.




    Mim
    Tswv Cuab Hmong Catholique
    Tswv Cuab Hmong Catholique

    Messages : 1644
    Date d'inscription : 2009-10-16

    Re: Ntoo Cuam Txoj Kev

    Post  Mim on 11th March 2011, 6:00 am

    Tais Tooj,

    Kuv xav tias nej yeej muaj ib co paub txog lawm thiab tiam sis kuv tuaj hais kom sawv daws nco txog tias lub caij no yog lub caij uas peb nco txog HT Yes Xus txoj kev raug txom nyem cawm peb txhua tus no xwb os.

    Tus kev cai: peb xav teev Ntoo Cuam Txoj Kev thawm niaj thawm xyoo los yeej tau, nyob ntawm yus nquag xwb. Tiam sis lub caij uas peb yuav tau teev ntau tshaj ces yog lub Caij 40 no.

    Kuv xav hais tias peb yuav teev Ntoo Cuam Txoj Kev tag kis no no, tiam sis peb cov pog laus hais tias lawv tsis khoom no ces peb twb tsis tau teev. Tiam sis txawm peb tsis ua ke teev los yus mam nrhiav yus sij hawm mus teev ib leeg yeej tau kawg.


    Sponsored content

    Re: Ntoo Cuam Txoj Kev

    Post  Sponsored content Today at 12:54 pm


      Current date/time is 3rd December 2016, 12:54 pm