HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Saib duab txawv txawv Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Yesterday at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


+3
Maiv Paj Lug
NrhiavTswvNtuj
Mim
7 posters

    Saib duab txawv txawv

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Saib duab txawv txawv Empty Saib duab txawv txawv

    Post  Mim 18th September 2010, 7:24 am

    Saib duab txawv txawv Vaticanlight
    Daim duab no yog tawm nyob hauv spiritdaily.com thaum lub 7 hli tim 31, 2010. Yog ib tug poj niam hu ua Mrs. Feargus OCroinin of Edmonton, Alberta, Canada, tau yees thaum lub xya hli nws tuaj mus vacation nyob Is Tas Lis teb, nws yees Vaj Qhia lub tsev. Thaum ntxuav tau ua cas lub teeb ntawm qhov rooj txawm zoo li no. Kuv pom mas zoo li yog Niam Mab Liab los sawv rau ntawd. Nej ho pom li cas thiab?

    Saib duab txawv txawv Pictur14
    Xyoo 1995, Vaj Qhia Zam Paj Lug II tuaj mus rau Mes Lis Kas, nws tsaws ntawm lub tshav dav hlau Baltimore-Washington airport, muaj ib tug neeg yees duab kom pom Vaj Qhia lub dav hlau. Thaum coj mus ntxuav tau ua cas pom ib yam txawv txawv zoo li no.

    Cov duab no ua rau kuv xav hais tias Tswv Ntuj yeej nyob hauv nws lub Koom Txoos, thiab nws yeej txuag nraim nws tus tub txib uas yog Txiv Vaj Qhia.
    NrhiavTswvNtuj
    NrhiavTswvNtuj
    Tswv Cuab Hmong Catholique
    Tswv Cuab Hmong Catholique


    Messages : 1033
    Date d'inscription : 2009-08-18

    Saib duab txawv txawv Empty Re: Saib duab txawv txawv

    Post  NrhiavTswvNtuj 18th September 2010, 7:40 am



    Nyob zoo Mim,

    Ua tsaug rau koj kev tshaj lij mog.
    Daim ib kuv los kuj pom zoo li Niam Mab Liab sawv ntawm qhov rooj, tab sis taw tsis ti hauv av.
    Daim ob kuv pom zoo li Huab tais Yes Xus tab tom Foom Hmoov Zoo...

    Kuv tus kheej, kuv yeej mloog tau hais tias Tswv Ntuj nrog nraim cov neeg uas ua nws txoj hauj lwm. Tab txawm zaum puav yus lub zog me me los yog yus ua siab loj loj mas Tswv Ntuj yuav muab txiaj ntsim ntau tshaj rau yus thaum tej lub caij nyuaj nyuaj es yus tseem peem kom dhau thiab. Tej zaud kuj yog Tswv Ntuj tso yus txom nyem seb yus puas muaj lub siab ruaj nreb ntseeg NWS tiag.

    Kuv xav tias yog peb ntseeg thiab nquag teev Ntuj mas peb yuav ua lub neej kaj siab lug, vim Tswv Ntuj tsom kwm peb. Ib yam li tus me nyuam twg nquag thov thiab vam txog leej niam leej txi mas tus ntawd nws tau txais ntau zog tus uas tsis tshua thov txog niam thiab txiv...
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Saib duab txawv txawv Empty Re: Saib duab txawv txawv

    Post  Maiv Paj Lug 18th September 2010, 10:30 am

    Wow....mim koj cov duab no zoo ua luaj, kuv yeej pom zem zuag ntawm cov duab koj tso saum toj no zoo li ib lub txiaj ntsim nthuav rau tus thaij kom pom tej yam tshav ntuj ci ntsa iab zoo nkauj nyob hauv txoj kev kaj siab. Tsis pom tseeb tias yog niam Mab Liab los Huab Tais Yesxus li tab sis qhov pom kev ci ntsa iab yeej tuaj ntawm Tswv Ntuj lub txiaj ntsim. Kuv ntseeg tau tias tej yam no yuav yog Surnaturel kom peb tso siab thiab zoo siab rau Tswv ntuj kom peb kev ntseeg ruaj nrees rau Txiv Vaj Qhia.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Saib duab txawv txawv Empty Re: Saib duab txawv txawv

    Post  Mim 3rd November 2010, 5:01 pm

    Kuv tuaj tso ib daig duab no, yog lawv nyuam qhuav yees tau nyob Medjugorje. Tus neeg yees duab ntawd piav tias nws yees lub hnub, vim nws pom lub hnub ua tau txawv txawv.

    Saib duab txawv txawv Sun+in+Medjugorje++2010
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Saib duab txawv txawv Empty Re: Saib duab txawv txawv

    Post  Mim 4th January 2011, 1:46 pm


    Qhov dawb dawb nej pom no yog daim ntaub dawb so lub khob,
    kev cai lawv yeej xaws ib tug ntoo cuam rau ntawd.

    Daim duab saum no yog ib tug txiv plig muab tshaj tawm hauv lub site www.blessedmotherschildren.com. Nws piav has tias hnub tim 2 lub 1 hlis 2011 tas no nws ua thaj txi ntuj raws li niaj zaus nws ua xwb. Tiam sis yog thaum nws los nthuav zaj ntawv Moo Zoo mas nws los hais txog lub company Pepsico uas lawv ua ib qho advertisement(khos xas nam) txog lawv cov khoom noj doritos thiab cov dej pepsi. Lawv qhov ad(khos xas nam) ntawd mas lawv ua zoo li yog ib tug txiv plig faib lub Cim Yug, lawv muab cov doritos chips los ua Yes Xuslub Cev hos muab cov dej Pepsi los ua Yes Xus cov ntshav muab nchuav rau tej ccov khob me me faib rau neeg haus. Ces txiv plig los hais rau cov ntseeg tias ua cas lub company ntawd yuav tsis hwm peb lub Cim Yug li thiab ua thuam HT Yes Xus lub Cev thiab cov Ntshav lawm. Thaum txiv plig ua thaj txi ntuj los txog qhov txais Yes Xus lub Cev, nws txais Yes Xus lub Cev tas, nws haus Yes xus cov Ntshav, ces nws muab daim ntaub dawb los so lub khob li nws ib txwm ua. Nws txawm nqa Ye Xus lub Cev mus rau 5 tug neeg uas pab nws faib Yes Xus lub Cev txais tas, nws kuj nqa cov khob mus cev rau lawv. Thaum nws rov los txog ntawm thaj txi ntuj,ua cas nws cia li pom muaj ib qho txawv txawv zoo li nej pom hauv daim duab no nyob ntawm daim ntaub uas nws so lub khob uas nws tau haus Yes Xus cov Ntshav. Ces nws tau mub daim ntaub rau nws cov ntseeg sawv daws saib. Thiab nws xav hais tias yog HT Yes Xus muab khoom plig rau nws thiab rau nws pawg ntseeg, vim lawv tau tsis zoo siab txog qhov tias lub company Pepsico tau ua thuam HT Yes Xus hauv lub Cim Yug lawm.

    Nej ntsia ne nej pom zoo li cas? Kuv pom zoo li yog ib lub plawv. Tej zaum yog HT Yes Xus xav qhia tias nws zoo siab rau tus txiv plig, vim nws tseem muaj lub siab kub ntseeg thiab tsis ntshai hais lus tawm tsam tej yam uas luag ua rhuav HT Yes Xus.


    Last edited by Mim on 6th January 2011, 10:05 am; edited 2 times in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Saib duab txawv txawv Empty Re: Saib duab txawv txawv

    Post  Maiv Tooj 5th January 2011, 11:14 pm



    Nyob zoo Mim,

    Ua tsaug rau nws cov lus tshaj moo nov. Yog ib qho piv txwv zoo rau sawv daws yuav tsum paub thiab khaws tseg. Hauv lub neej, thaum yus tsis muaj kev ywj pheej mas yus tu siab vim muaj kev caij tsuj, tsis muaj vaj huam sib luag. Tab sis thaum luag muab vaj huam sib luag thiab kev ywj pheej lawm mas neeg txawm tsis paub hwm qhov siab qhov qes, saib hlob saib yau, xav tsa tes tsa taw rau tej qhov chaw Ntshiab los tej yam khoom Ntshiab los tsis muaj neeg txwv ces lawv ua li lawv xav ua yam tias tsis pom ib tug Tswv Ntuj Tswv teb ntsej muaj ntxuam, muag luaj khob, ncaj ntswm luaj qws tuav txob los txwv lawv. Ces lawv ua li cas los lawv hais tias lawv muaj cai ua...Tab sis kev tsis hwm Ntuj, Hwm tej chaw Ntshiab, yuav tsis muaj leej twg los txwv txiav yus, yog yus xav nrhiav txiaj ntsim ces yus hwm xwb. Yog yus mus pe pe Ntuj, yus hla loo ntawm Thaj Txi Ntuj ho tsis ib nyuag txaus yim ua kev hwm ces xyov qhov yus niaj hnub muab yus lub caij teev Ntuj, thov Ntuj yus puas yuav tau txais thiab. Vim yuav qhia tau tias thaum yus thov, yus hu txog Tswv Ntuj yog xav kom Tswv Ntuj muab rau yus li yus lub siab ntshaw, lub siab xam txeem, lub siab hlob xwb. Yus tsis xav muab me me luaj li cov plhaws av ntawm yus mus rau tswv Ntuj....


    Last edited by Maiv Tooj on 6th January 2011, 12:03 pm; edited 1 time in total
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Saib duab txawv txawv Empty Re: Saib duab txawv txawv

    Post  Maiv Paj Lug 6th January 2011, 5:07 am

    wow.....niamlaus Mim, cas tej yam miracle no yuav zoo ua luaj li. Tus Txiv Plig ntawv mas muaj lub peev xwm tiag tiag, nws yeej hais tau yog kawg li lawm. Yesxus lub cev thiab cov ntshav, tsuas muaj cov T.P tseem tseem tau txais lub cim tiag tes ntawm Txiv Tswv Qhia lawm mas thiaj muaj cai ua thaj txi ntuj hloov Yesxus lub cev thiab cov ntshav xwb. Txawm cov protestant, cov Evangeliste, cov Jéhovah, thiab lwm yam neeg txia mus ntseeg lwm yam es lam ua Yesxus lub cim mas yeej txhaum, tus neeg twg txia ntawm tsev teev ntuj Catholique mus ua lwm pab lwm pawg, lam ua thaj txi ntuj Huab Tais Yesxus li cov T.P mas rau kuv yeej yog cov neeg thuam Tswv Ntuj, vim lawv tsis muaj cai lam tau lam hloov tej yam tsis tau tso cai tuaj ntawm Txiv Vaj Qhia lub sacerdoce. Txawm lawv ua lawv lub thaj txi ntuj uas tsis yog hauv Tsev Teev Ntuj Kas Tos Liv los yeej tsis muaj Yesxus nyob hauv, vim Ntuj Plig tsuas muaj ib lub tsev teev ntuj xwb, yog peb ntseeg ntuj tiag peb yuav tsum ntseeg tias tsis muaj lwm pab lwm pawg thiab lwm yam nyob lwm qhov yuav yog tau Huab Tais Yesxus lub cev thiab cov ntshav.

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Saib duab txawv txawv Empty Re: Saib duab txawv txawv

    Post  Mim 6th January 2011, 10:59 am

    Tais Tooj thiab Maiv Paj Lug,

    Peb ua neej nyob mas zoo li nyiaj txiag yog huab tais, nyiaj txiag yog Tswv Ntuj lawm,yog vim li ntawd neeg thiaj muab nyiajtxiag saib rau qhov siab hos muab Tswv Ntuj saib rau qhov qis. Tej zaum lub company uas siv lub Cim Yug los ua piv txwv khaus xas nam txog lawv cov khoom noj los dejhaus ntawd, lawv xav hais tias cov neeg ntseeg saib lub Cim Yug muaj nqes, ces lawv thiaj ua li ntawd kom rub tau cov neeg ntseeg los mus yuav lawv tej khoom.

    Hais txog lub Cim Yug mas cov Protestants lawv yeej tsis ntseeg tias lub mov los cov cawv yog HT Yes Xus lub Cev thiab cov Ntshav li, lawv tsuas ua kab ke nco txog tias thaud Yes Xus tau ua li ntawd xwb.

    Ntawm peb kev ntseeg Kas Tos Liv mas peb ntseeg hais tias thaum txiv plig hais Yes Xus cov lus uas thaud nws hais, ces thaum ntawd kiag, lub mov los cov cawv plhis plho ua HT YesXus lub Cev thiab cov Ntshav lawm, tiam sis peb lub qhov muag tseem pom yog mov yog cawv, peb lub qhov ncauj tseem hnov qab li mov qab li cawv xwb.
    Peb cov neeg ntseeg mas muaj ib txhia muaj kev ntseeg tob,lawv pom luag ua tej yam tub qaug HT Yes Xus mas kuj cuag li tub qaug lawv lawm thiab, lawv yuav tsis zoo siab; tiam sis muaj ib txhia uas txoj kev ntseeg ntiav ntiav mas twb tsis pom tias muaj dab tsi phem li, tej zaum tseem nrog luag ua rhuav nws txoj kev ntseeg txij tog txij peg thiab.

    Yog vim li no mas peb thiaj yuav tau thov HT Yes Xus tiag kom nws pab peb tus kheej thiab peb cov ntseeg muaj lub siab ntseeg ruaj khov thiab tseeb, ces peb thiaj txawj pom tej yam uas yog ua saib tsis taus HT Yes Xus, kom peb txawj maim dhau tsis txhob ua tej ntawd, thiab yog luag tej ua los peb muaj lub peev xwm hais tau tawm kom luag thiaj paub tias peb tsis nyiam tsis zoo siab.

    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Saib duab txawv txawv Empty Re: Saib duab txawv txawv

    Post  Maiv Paj Lug 6th January 2011, 11:31 am

    Niamlaus Mim,

    Xyoo 2009, Ntshiab Yaj tseem tsis tau tuag, peb mus teev ntuj, Ntshiab tau haus cawv ntau ua ntej mam tuaj teev ntuj hauv tsev teev ntuj loj , nws tsw cawv ntxiag, nws mus kev twb yuav luag tsis ncaj, qaij rau ub rau no...thaum peb teev ntuj Ntshiab zaum nram qab kuv niam peb, tsw cawv heev, peb twb pab ntshiab txaj muag rau cov fab kis nyob ib ncig zaum xyaw peb. Thaum txog caij mus txais Yesxus lub cev, kuv cia li tsis zoo siab rau Ntshiab kuv kom nws txhob mus txais Yesxus lub cev, Ntshiab chim rau kuv tab tsis Ntshiab kuj ua li kuv hais nws tsis mus txais Yesxus lub cev, thaum kuv mus txais Yesxus lub cev, kuv cia li txais ua Ntshiab tug pub rau Ntshiab, kuv thov txim ntawm Tswv Ntuj tias kuv tsis pub Ntshiab los txais Yesxus lub cev vim nws sacrée heev, li no kuv thiaj xum cia kuv ua tus raug Ntshiab cem. Xyov yam kuv ua ntawv puas zoo los tsis zoo, tab sis thaum yus qhov muag pom tau tias tej yam ua tsis ris Tswv Ntuj txiaj ntsim mas kuj ua rau yus siab tawv tiv kom dhau thiab tiag. Rau kuv mas Yesxus lub cev thiab cov Ntshav yeej nyob tseeb tseeb hauv lub cim yug. Qhov muag tsis pom tiam sis ntsuj plig pom. Nws yug yus tus ntsuj plig li zaub mov yug yus lub cev kom muaj txoj sia.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Saib duab txawv txawv Empty Re: Saib duab txawv txawv

    Post  Mim 18th February 2011, 8:50 am

    Saib duab txawv txawv Bleeding-marian-pictures-draw-hundreds

    Daim duab saum no yog muab hauv lub site no los (xyov ua cas tsis pom daim duab, nej nias qhov hauv qab no ces nej yuav pom):
    http://www.cathnewsindia.com/2011/02/15/bleeding-marian-pictures-draw-hundreds/

    Zaj no yog piav txog ib co xwm nyuam qhuav tshwm sim no, nyob New Delhi, India teb: Niam Mab Liab tus duab nyob hauv ib yim neeg ntseeg cia li tawm ntshav.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Saib duab txawv txawv Empty Re: Saib duab txawv txawv

    Post  Maiv Tooj 18th February 2011, 8:53 am


    Mim,

    Koj hais puas yog daim duab nov?



    Mim, koj rov tuaj lawm ces yuav muaj tus nrhiav tej yam tshiab rau peb paub ntxiv...Zoo siab kawg. Ua nws tsaug nawb mog.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Saib duab txawv txawv Empty Re: Saib duab txawv txawv

    Post  Mim 18th February 2011, 5:55 pm

    Tais Tooj,

    Yog daim duab no kawg los mas, cas kuv tso tsis tau nws li ne?.... Ua tsaug os, koj tuaj pab kuv muab tso rau hauv no.

    Ua cas Niam Mab Liab pheej los quaj tu siab ua luaj li no kom saib puas chwv peb cov neeg lub siab, kom sawv daws hloov lub siab phem los ua siab zoo thiab los hwm ntuj, los zoo li ccov coob yog cov tsis quav ntsej xwb as...
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Saib duab txawv txawv Empty Re: Saib duab txawv txawv

    Post  Maiv Paj Lug 18th February 2011, 10:26 pm

    Niamlaus Mim thiab Maiv Tooj,

    Niam Mab Liab quaj ntshe twb vim yog neeg ntiaj teb tsis mloog lus, nyias khav nyias tus kheej zoo, nyias ua ywj nyias siab es thaum kawg coob leej ntau tus poob mus rau dab phem teb, li no Niam Mab Liab yog peb txhua leej txhua tus niam, nws yeej hlub hlub pe npaum li peb hlub peb tej me tub me nyuam li es nws thiaj quaj kua muag ntshav ib txwm, vim yog Niam Mab Liab khuv leej peb thiab hlub peb heev li .

    Kuv los tu siab tib yam, vim kuv pom ib ncig ntawm kuv, cov neeg khav theeb, cov neeg tsis hwm luag thiab cov muaj muaj hlob coob heev. Muaj tej hnub kuv tu tu siab vim tsis yog kuv ntxub lawv tiam sis kuv tu siab tias tsam muaj hnub lawv paub qhov tseeb ces lawv yuav quaj quaj tawm tsis tau hauv hav dej kub dej npau ces hnub ntawv lig lig heev li, es kuv tu siab vim kuv pab tsis tau lawv Crying or Very sad
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Saib duab txawv txawv Empty Re: Saib duab txawv txawv

    Post  Maiv Tooj 19th February 2011, 1:10 am



    Nyob zoo Maiv Paj Lug thiab Mim,

    Mim, kuv los hais tib yam li Maiv Paj Lug hais thiab...Vim peb tib neeg tsis xav ua zoo, tsis kam ua zoo. Niaj hnub nrhiav qhov phem, ua qhov phem tshaj kom chob lwm tus siab ntau tshaj mas nws zoo siab...Es nws ua kom luag quaj, luag txom nyem es nws ho tau dab tsi tshaj qhov nws tssi ua. Nws yeej tsis tau dab tsi li, tab sis yog nws xav coj li Ntxwg Nyoog qhov kev iab siab es txawj ua qho kom luag tej txom nyem tshaj ces nws khav tias nws tshaj lij, nws keej heev thiaj ua tau rau luag quaj...Tab sis nws tej kev phem lim hiam nov yuav ua ib cov hluav tawd kub nws, hlawv nws, plhov nws thaum nws ncaim lub ntiaj teb yaj ceeb nov mus. Tej cob chim kev iab kev daw yuav txia ua ib cov hluav taws hlawv nws tsis muaj caij kawg...Yuav maj mam ci hlawv, plhov ntev ntev kom nws huv tuaj nws mam li tau mus pem Ntuj lub Ceeb Tsheej Ntshiab thiab pom kev kaj lug...Yog yus tsis ua neeg huv, yus yuav tsis zoo mus nyob lub teb chaws huv...

    Txoj kev uas Tswv Ntuj, Huab Tais Yes Xus niaj hnub qhia peb taug kom peb muaj txoj sia nyob mus li kuj tsis yog ib txoj kev nyuaj npaum li cas. Tsuas yog peb ua li Tswv Ntuj cov lus hais ces peb tib neeg yuav muaj kev sib haum xeeb zoo, yuav tsis muaj qhov siab ib tug tshaj ib tug, qes ib tug tseg ib tug li. Peb yuav muaj txoj kev nyab xeeb thaj yeeb rau lub neej ntiaj teb no, dua li thaum tag peb sim neej saum yaj ceeb no, peb tseem yuav tau txais txiaj ntsim muaj txoj sia nyob mus li rau Ntuj Ceeb Tsheej thiab...Tsis muaj ib yam yuav zoo tshaj qhov nov lawm...


    Tab sis neeg pom ntawm nws taub ntswg xwb, txawm siv khav ntse tshaj tus Tswv Tsim, TU POM TOM NTEJ TOM QAB THIAB NIAJ HNUB NO, nws lub tswv yim pom ib nti, nws khav tsuj tus pom kawg nkaus qhov muag ci...Tsim kev kub ntxhov, kev iab kev daws, HNUB KAWG tseem yuav poob rau DEJ KUB DEJ NPAU HLUAV TAWS TSIS MUAJ CAIJ KAWG thiab ces Niam Mab Liab thiaj li quaj kua muag ntshav...Los twb tsis muaj neeg thim xav...Tu siab kawg...

    Saib duab txawv txawv Vierge_prochoix

    Saib duab txawv txawv Icone-vierge-marie1
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Saib duab txawv txawv Empty Re: Saib duab txawv txawv

    Post  Mim 19th February 2011, 3:44 pm

    Tais Tooj thiab Maiv Paj Lug,

    Kuv los kuj xav tau ib yam li neb thiab os... Twb yog Niam Mab Liab hlub hlub nws cov me nyuam nyob ntiaj teb no, es nws thiaj ua zaj ua ntxeev ua tas puas tsav yam kom sawv daws tig los hwm HT Yes Xus thiab Tswv Ntuj. Nws tsis xav kom HT Yes Xus txoj kev khwv khwv raug txom nyem loj tas nrho kom muab tau kev cawm rau txhua leej, cia li tas dawb tsis muaj nuj nqes rau coob leej uas tsis kam txais nws kev cawm. Txawm npaum li ntawd los zoo li peb cov tib neeg lub siab pheej xib mus rau ntxwj nyoog txoj kev haub kev ntxias ntau xwb... xws li muaj qee zaum, peb tus kheej kiag los twb nyiam tej kev lom zem ntiaj teb no tshaj li kev teev ntuj thiab... Vim li no, ntshai Niam Mab Liab twb xub pom tas tias peb tib neeg lub neej yav tom ntej yuav txom nyem npaum li cas es nthai nws thiaj quaj kua muag ntshav rau peb pom...
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Saib duab txawv txawv Empty Re: Saib duab txawv txawv

    Post  Maiv Tooj 20th February 2011, 4:33 am

    Nyob zoo Mim thiab Maiv Paj Lug,

    Mim,

    Txoj kev ncaj txoj kev huv yog yuav ua twb tsis nyuaj npaum li cas, tseeb tiag mas tseem yooj yim tshaj txoj kev phem, tsis ncaj ncees thiab lim hiam. Tab sis tsis paub hais tias yog tim li cas, neeg twb ntshaw qhov zoo xwb ua cas ho muab tsis tau qhov zoo rau luag, ho coj tsis tau zoo kom txhob muaj kev chim siab tu siab thiab txog hnub kawg txhob tau poob rau ntuj txias teb tsaus, ntuj kub teb nkig. Puas yog TUS PHEM pheej ntxias tas zog es thiaj haub tau leej neeg uas lub zog tab mus qaug rau tej kev ntxias. Kuv kuj xav mus xav los, xav rov xav rais, kuv kuj tsis to taub txog thiab. Qhov tseeb tiag, txoj kev zoo mas tseem ua yooj yim tshaj txoj kev TXHAUM tab sis yog tim li cas neeg ho ua TXHAUM NTAU DUA UA ZOO?


    Kuv muab ib tug ntxhais ib tsab ntawv tuaj tso rau peb nyeem ua si, seb ho puas txaus coj los xav thiab...Nws pom peb sau ntau yam ces nws xuas tes sau xa tuaj rau kuv....



    Nyob zoo niam laus,

    Ua ntej kuv vam thiab cia siab tias koj yuav noj qab nyob zoo.
    Niam laus, kuv zoo siab tau ntsib koj thiab tau nrog koj hais lus.
    Kuv zoo siab uas Leej Ntuj Plig nrog koj thiab Maiv Paj Lug ua kom neb tshaj Tswv Ntuj cov lus ncaj ncees mus txog txhua leej txhua tus uas cov tseem tssi tau paub txog Tswv Ntuj. Cov uas twb paub los tseem hla Ntuj txoj cai.

    Ntawm kuv cov Message, kuv tso rau hauv Forum los lawv yuav tsis ntseeg; vim lawv tsis pom ntawm lawv cov qhov muag kiag.

    Txawm luag yuav hais li cas, yuav hais tias: "Nws raug dab phem nrog nws xwb los tsis ua cas."

    Qhov tseem ceeb tshaj yog cov Tim khawv uas tsim nyog txais Huab Tais Tswv Ntuj thiab Tswv Ntuj leej Niam tau cawm lawv ntawm txoj kev tsaus ntuj. Niaj hnub no cov Tim khawv tseem ceeb, tsim nyog ntawd tseem nco kuv tus Huab Tais Tswv Ntuj cov txiaj ntsim thiab peb Niam tus nyob txheej Ntuj saud ci ntsa iab.
    Kuv tsuas paub Tswv Ntuj ib leeg xwb.

    Kuv tau pom tus Mlom Mab Liab nyob hauv lub Tsev teev Ntuj "Notre Dame de Cluny" quaj ntau zaus. Thaum ntawd kuv mus teev Ntuj ib hnub ib zaug thaum 13h, 5 hnub sib law, yog xyoo 2007.

    Niam Mab Liab cov kua muag ntws hlob heev, nws cov kua muag zoo li ib cov kua av daj daj. Nws cov kua muag av ntawd ntws ntawm sab sab kaum muag ntawm sab plhu, tsis yog ntawm caj ntswm. Thaum kuv pom Niam Mab Liab quaj, kuv ua Ntoo Cuam Lub Cim, kuv hu txog Leej Txiv, Leej Tub thiab Leej Ntuj Plig los kuv yeej pom Niam Mab Liab quaj li.

    Kuv tsis paub tias yog vim li cas nws quaj ua luaj, ces kuv hais twj ywm nyob nruab siab tias:

    "Tswv Ntuj Niam siab zoo thiab txawj hlub neeg; kuv los hais nyob zoo rau koj xwb. Tswv Ntuj Niam, ua cas koj yuav zoo nkauj ua luaj; zoo li lub hnub qub ci ntsa iab nyob saum lub ntuj mus puv ntiaj teb."

    "Ua cas koj quaj, leej Niam Ntshiab; koj thov Huab Tais Ntuj zam txim rau peb cov neeg txhaum os mog." Ces kuv los tsev lawm.

    Hnub tim 1 lub 1hlis 2008, yog hnub kuv tau txais Peb Niam ntshiab cov lus hais rau kuv li no:




    "Kuv quaj thiab tu siab, nej puas paub hais tias nyob rau hauv lub ntiaj teb neeg no muaj tib neeg phem coob heev,
    cov phem li cas los muaj tas nrho. Kuv tu siab heev rau lawv,
    thaum lawv lub neej tas yuav mus thiab raug txim sab heev mus tas li nyob rau hauv
    lub qhov ntuj dub nciab tsis muaj hnub yuav pom kev rau lawv ob lub qhov muag.
    Yuav muaj suab qw tsis ploj mus li, vim lawv yog neeg siab phem nyob rau hauv lub ntiaj teb no.
    Neeg ua siab tsis ncaj, yuav tsis pom Tswv Ntuj lub Ceeb Tsheej ci ntsa iab rau nws ob lub qhov muag.
    Neeg siab ncaj, nws yuav tau koob hmoov ntawm Vaj Tswv Ntuj,
    nws txoj sia yuav ciaj mus li, yuav tsis paub tshaib plab;
    nws yuav nrog Tswv Ntuj cov Leej Ntshiab nyob mus li."


    Kuv rov qab hais zaum kawg rau nej. Tam sim no nyob rau hauv lub ntiaj teb,
    dab phem coob heev, rau siab teev Ntuj, vim dab phem coob heev, dab phem sib tw khaws plig"

    Kuv yog lub npe Niam leej ntshiab tus nyob siab.

    Saib duab txawv txawv Notre_10



    Niam laus, zaj lus nov yog ib thooj kub uas peb Niam nyob saum Ntuj muab rau kuv los pub rau sawv daws. Yog leej twg nyeem tau lawm, Tswv Ntuj Niam yuav pov hwm nws.


    Kuv yog ib tug neeg txom nyem, kuv yog ib tug neeg muaj txhaum, kuv tsis paub txog dab tsi li. Yog los ntawm Niam mab Liab los xwb. Thov nej txhob thuam.

    Nyob zoo koj nawb mog, niam laus. Thov kom Huab Tais Ntuj pov hwm koj thiab Maiv Paj Lug neb ob leeg. Kom neb lub Forum loj zuj zus mus mog. Kom Leej Ntshiab Mab Liab muab lub zog rau neb mus npo cov neeg raug ntxias es lawv yuav mus poob rau lub qghov ntuj.

    Thov koj hais nyob zoo rau Maiv Paj Lug thiab nawb.
    Hais rau Maiv paj Lug tias: Kuv zoo siab uas Leej Ntuj Plig nyob nrog neb nawb mog.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Saib duab txawv txawv Empty Re: Saib duab txawv txawv

    Post  Mim 26th May 2011, 4:32 am

    Mim wrote:Nyob zoo sawv daws,

    Hnub no kuv coj daim video no tuaj rau peb xyuas txog HT Yes Xus quaj kua muag roj txiv ntoo (olive oil/l'huile d'olive)... Aib! xyov ua cas Niam Mab Liab thiab HT Yes Xus thiaj tuaj quaj ua luaj rau ntiaj teb neeg pom?... Kuv xav hais tias, ib, mas ntshai yog vim ntiaj teb neeg tsis ntseeg ntuj, tsis hwm ntuj thiab tsis muaj kev sib hlub sib hwm li; ob, mas ntshai yog nkawd paub tias yuav muaj dab tsi tshwm sim rau ntiaj teb, vim ntiaj teb tsis quav ntsej txog Tswv Ntuj lawm, tiam sis neeg twb tsis paub txog qhov no li...

    Nej ne, nej ho xav li cas?

    Nyob hauv zaj no, thawj qhov yog hais txog Yes Xus daim duab los kua muag nyob hauv ib tsev neeg nyob Houston, Texas, USA. Qhov ob yog hais txog tus mlom tooj Yes Xus sawv rov los nyob Medjugorje, kuj los ib co 'kua muag' ntawm nws lub qab hauv caug...


    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Saib duab txawv txawv Empty Re: Saib duab txawv txawv

    Post  Maiv Paj Lug 26th May 2011, 9:27 am

    Mim wrote:
    Nyob hauv zaj no, thawj qhov yog hais txog Yes Xus daim duab los kua muag nyob hauv ib tsev neeg nyob Houston, Texas, USA. Qhov ob yog hais txog tus mlom tooj Yes Xus sawv rov los nyob Medjugorje, kuj los ib co 'kua muag' ntawm nws lub qab hauv caug...



    Mim, kheev lam txhua yam miracle tshwm sim nyob Medjugorje es Koos Txoos KasToslliv lees txais lawm ntshe yuav zoo siab heev, tiam sis txawm miracle ntau npaum twg nyob Medgjugorje los Koos Txoos KasTosliv tsis lees txais li ces zoo li kuv tsis muaj kev kub siab ntseeg tej miracle ntau ntau ntawd li tiag. Tsis yog kuv tsis nyiam miracle, kuv yeej nyiam kawg kiag li los xyov kuv lub siab tsis muaj qhov zoo zoo siab li.

    Nyob li lwm qhov, Lourdes,Fatima,Guadaloupe thiab Italy uas yog Zam pajlug2 thiab Padre Pio lawv tej chaw ntshiab no mas muaj miracle kuv ho zoo siab ua luaj.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Saib duab txawv txawv Empty Re: Saib duab txawv txawv

    Post  Maiv Tooj 26th May 2011, 11:40 am



    Nyob zoo Mim thiab Maiv Paj Lug,

    Mim,

    Huab tais Yes Xus los quaj kua muag dej kua muag ntshav, Niam Mab Liab los khuv leej peb leej neeg, nws quaj kua muag dej, kua muag ntshav...Tab sis leej neeg tseem lom zem khav ntxhias xwb twb tsis poob siab ib qho li...Peb tib neeg thiab Tswv Ntuj ces zoo li tej niam tej txiv thiab tej me nyuam: Tej laus ntshai rwg tsam tej me nyuam tsis txawj, tsis paub, nim ua txuj ua ci hais, ua txuj ua ci pab los tej me nyuam twb tssi xav mloog, tseem mus txob plaub kom raug kev txom nyem thiab. Hnub twg raug kev txom nyem ces mam li Thov Ntuj, Thov tab sis xav kom tswv Ntuj cia li ua hwj huam yees ntxwv kom zoo los yog tau kiag tam sim ntawd xwb...Dhau ntawm tau txiaj ntsim tag ces cia li tsis nco qab, tssi quav ntsej li lawm...Saum yaj ceeb, peb tsis quav ntsej tswv Ntuj los peb yeej nyob ua neej kaj siab tau, tab sis nruab yeeb, yog peb ho poob rau ntuj xtias teb tsaus, ntuj nkig teb qhuav, teb chaws them txim los yog Dab teb no peb puas yuav tu siab rau tej uas peb tsis mob siab rau nrhiav txiaj ntsim nyob ntiaj teb. Yam twb tsis yog ib qho nyuaj thiab yuav ua tsis tau...
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Saib duab txawv txawv Empty Re: Saib duab txawv txawv

    Post  Mim 26th May 2011, 6:33 pm

    Maiv Paj Lug wrote:
    Mim wrote:
    Nyob hauv zaj no, thawj qhov yog hais txog Yes Xus daim duab los kua muag nyob hauv ib tsev neeg nyob Houston, Texas, USA. Qhov ob yog hais txog tus mlom tooj Yes Xus sawv rov los nyob Medjugorje, kuj los ib co 'kua muag' ntawm nws lub qab hauv caug...



    Mim, kheev lam txhua yam miracle tshwm sim nyob Medjugorje es Koos Txoos KasToslliv lees txais lawm ntshe yuav zoo siab heev, tiam sis txawm miracle ntau npaum twg nyob Medgjugorje los Koos Txoos KasTosliv tsis lees txais li ces zoo li kuv tsis muaj kev kub siab ntseeg tej miracle ntau ntau ntawd li tiag. Tsis yog kuv tsis nyiam miracle, kuv yeej nyiam kawg kiag li los xyov kuv lub siab tsis muaj qhov zoo zoo siab li.

    Nyob li lwm qhov, Lourdes,Fatima,Guadaloupe thiab Italy uas yog Zam pajlug2 thiab Padre Pio lawv tej chaw ntshiab no mas muaj miracle kuv ho zoo siab ua luaj.

    Maiv Paj Lug,

    Tej yam duab uas kuv tuaj tso no, cov ntau lub Koom Txoos yeej tsis txiav txim rau tias yog tseeb los cuav, kuv tsuas tso kom peb sawv daws pom tias yog vim li cas thiaj muaj tej yam txawv txawv li no rau lub sij hwm peb ua neej no xwb. Thiab kuj tsis yog yuav tso kom sawv daws ntseeg txog Medjugorje xwb xwb li. Vim twb tsis yog tshwm sim nyob Medjugorje xwb, nws muaj nyob ntau qhov chaw thiab.

    Kuv xav ib qho hais tias, yog dab ntxwj nyoog tuaj muab Niam Mab Liab thiab HT Yes Xus tej duab ua kom txawj quaj no ntshai dab ntxwj nyoog kuj tsis phem, vim nws twb tuaj ua kom neeg mob siab ntseeg txog ntuj zoo tshaj qub xwb ne...

    Hais txog Medjugorje, mas kuv xav hais tias koj tsis txhob mus ntseeg ib tog zaj xwb, koj yuv tsum pom ob tog tib si, mas koj thiaj li yuav paub qhov nruab nrab. Kuv paub zoo txog tej zaj lus tuam Medjugorje uas koj coj tuaj tso hais txog tus tswv qhia nyob Medjugorje tsis kam lees paub. Raws kuv tshawb xyuas mas muaj teeb meem tsis sib haum ntawm tus tswv qhia nrog cov txiv plig uas saib lub tsev teev ntuj nyob Medjugrje. Ces zoo li tus tswv qhia cia li tig ntxub cov xwm tshwm sim ntawd lawm. Tiam sis vaj qhia Zam Paj Lug II yeej ntseeg txog, nws tsuas muaj hais lus zoo qhuas txog Medjugorje xwb. Niaj hnub no los vaj qhia Npes Nes Dis XVI yeej tsis tso cai rau tus tswv qhia los txiav txim rau Medjugorje li. Yog vim li cas vaj qhia thiaj ua li ntawd? Tus kev cai tiag, mas yog tus tswv qhia yuav tsum tshuaj ntsuam txog cov xwm tshwm sim nyob hauv nws lub cheeb koom txoos, thaum nws ua kev tshuaj ntsuam tas, nws yuav tsum xa mus rau Vaj Qhia saib, Vaj Qhia tso lus rau nws tshaj tawm, ces nws mam tshaj tawm tias yog tseeb los yog cuav.

    Hais txog Medjugorje, mas cov tuaj tus tswv qhia tog yeej txiav txim tuag nthi tias yog cuav, tiam sis vaj qhia twb ho tsis yuav tus tswv qhia hais, vim thaum tswv qhia ua kev tshuaj ntsuam thawj thawj zaug, zoo li nws kuj ua tsis ncaj pes tsawg, yog li ntawd vaj qhia thiaj tau tsis pub nws ua tus txiav txim lawm. Kuj muaj coob leej ntau tus tswv qhia nyob thoob ntiaj teb uas ntseeg tias yuav tsum muaj ib yam dab tsi tshwm sim xwb.

    Tsaib no vaj qhia Npes Nes Dis tau tsa ib pab tswv qhia nyob ntau lub teb chaws los ua cov tshuaj ntsuam txog cov xwm ntawd. Tiam sis nws twb tsis muab tus tswv qhia nyob Medjugorje los nrog lawv ua kev tshuaj ntsuam li, yog ua li cas?... Thaum lawv pab no tshuaj tas lawm mas lawv mam los txiav txim. Thaum ntawd mas lawv txiav li cas ces peb yuav tsum yuav li ntawd lawm.

    Tiam sis tam sis no mas peb hais tsis tau tias lub Koom Txoos tsis kam lees Medjugorje, vim lub Koom Txoos tseem niaj hnub tshuaj ntsuam xwb, lub Koom Txoos tsis tau hais tawm hais tias yog cuav thiab tsis tau txwv kom cov neeg ntseeg txhob mus xyuas (tsuas yog tus tswv qhia txwv xwb). Tiam sis thaum tus tswv qhia thuam thiab txwv li ntawd, nws ua hla vaj qhia lawm, vim vaj qhia tau hais rau nws tias kom thaum lub caij uas lawv tab tom tshuaj ntsuam li no mas nws yuav tsum txhob niaj hnub los hais thuam ntxiv lawm, tiam sis zoo li nws kuj tsis kam mloog vaj qhia thiab.

    Yog kuv mus taus mas kuv tseem xav mus xyuas ib zaug thiaj pom kiag ntawm yus qhov muag tias yog tseeb li cas tiag los yog cuav...



    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Saib duab txawv txawv Empty Re: Saib duab txawv txawv

    Post  Maiv Paj Lug 27th May 2011, 4:22 am

    Mim wrote:
    Maiv Paj Lug,

    Tej yam duab uas kuv tuaj tso no, cov ntau lub Koom Txoos yeej tsis txiav txim rau tias yog tseeb los cuav, kuv tsuas tso kom peb sawv daws pom tias yog vim li cas thiaj muaj tej yam txawv txawv li no rau lub sij hwm peb ua neej no xwb. Thiab kuj tsis yog yuav tso kom sawv daws ntseeg txog Medjugorje xwb xwb li. Vim twb tsis yog tshwm sim nyob Medjugorje xwb, nws muaj nyob ntau qhov chaw thiab.

    Hais txog Medjugorje, mas kuv xav hais tias koj tsis txhob mus ntseeg ib tog zaj xwb, koj yuv tsum pom ob tog tib si, mas koj thiaj li yuav paub qhov nruab nrab. Kuv paub zoo txog tej zaj lus tuam Medjugorje uas koj coj tuaj tso hais txog tus tswv qhia nyob Medjugorje tsis kam lees paub. Raws kuv tshawb xyuas mas muaj teeb meem tsis sib haum ntawm tus tswv qhia nrog cov txiv plig uas saib lub tsev teev ntuj nyob Medjugrje. Ces zoo li tus tswv qhia cia li tig ntxub cov xwm tshwm sim ntawd lawm. Tiam sis vaj qhia Zam Paj Lug II yeej ntseeg txog, nws tsuas muaj hais lus zoo qhuas txog Medjugorje xwb. Niaj hnub no los vaj qhia Npes Nes Dis XVI yeej tsis tso cai rau tus tswv qhia los txiav txim rau Medjugorje li. Yog vim li cas vaj qhia thiaj ua li ntawd? Tus kev cai tiag, mas yog tus tswv qhia yuav tsum tshuaj ntsuam txog cov xwm tshwm sim nyob hauv nws lub cheeb koom txoos, thaum nws ua kev tshuaj ntsuam tas, nws yuav tsum xa mus rau Vaj Qhia saib, Vaj Qhia tso lus rau nws tshaj tawm, ces nws mam tshaj tawm tias yog tseeb los yog cuav.

    Hais txog Medjugorje, mas cov tuaj tus tswv qhia tog yeej txiav txim tuag nthi tias yog cuav, tiam sis vaj qhia twb ho tsis yuav tus tswv qhia hais, vim thaum tswv qhia ua kev tshuaj ntsuam thawj thawj zaug, zoo li nws kuj ua tsis ncaj pes tsawg, yog li ntawd vaj qhia thiaj tau tsis pub nws ua tus txiav txim lawm. Kuj muaj coob leej ntau tus tswv qhia nyob thoob ntiaj teb uas ntseeg tias yuav tsum muaj ib yam dab tsi tshwm sim xwb.

    Tsaib no vaj qhia Npes Nes Dis tau tsa ib pab tswv qhia nyob ntau lub teb chaws los ua cov tshuaj ntsuam txog cov xwm ntawd. Tiam sis nws twb tsis muab tus tswv qhia nyob Medjugorje los nrog lawv ua kev tshuaj ntsuam li, yog ua li cas?... Thaum lawv pab no tshuaj tas lawm mas lawv mam los txiav txim. Thaum ntawd mas lawv txiav li cas ces peb yuav tsum yuav li ntawd lawm.

    Tiam sis tam sis no mas peb hais tsis tau tias lub Koom Txoos tsis kam lees Medjugorje, vim lub Koom Txoos tseem niaj hnub tshuaj ntsuam xwb, lub Koom Txoos tsis tau hais tawm hais tias yog cuav thiab tsis tau txwv kom cov neeg ntseeg txhob mus xyuas (tsuas yog tus tswv qhia txwv xwb). Tiam sis thaum tus tswv qhia thuam thiab txwv li ntawd, nws ua hla vaj qhia lawm, vim vaj qhia tau hais rau nws tias kom thaum lub caij uas lawv tab tom tshuaj ntsuam li no mas nws yuav tsum txhob niaj hnub los hais thuam ntxiv lawm, tiam sis zoo li nws kuj tsis kam mloog vaj qhia thiab.

    Yog kuv mus taus mas kuv tseem xav mus xyuas ib zaug thiaj pom kiag ntawm yus qhov muag tias yog tseeb li cas tiag los yog cuav...


    Mim yeej yog li koj hais mas ,duab thiab video miracle ces kuj muaj ntau nyob lwm qhov kawg kiag li thiab mas, koj pom dab tsi zoo kav tsij tuaj tso , yam twg zoo los ho ntseeg, yam tsis zoo los saib tas nws nyob nws, tsev teev ntuj catholique yeej tsis yuam leej twg ntseeg li os, thiab txawm yog nyob kiag Lourdes thiab Fatima los koos txoos tsis yuam kom yus ntseeg, tsuas yog tej yam zoo tshwm sim li ntawv uas Koos Txoos kas tos liv lees txais lawm ces yus mus saib nws yuav txhawb yus lub zog loj dua qub . Hos yog tej yam Koos txoos kas tos liv tsis tau lees txais ces zoo li tseem tshuav tej yam uas yus tso siab tsis tas no xwb os.

    kuv teb koj cov lus hauv nod :

    ( Kuv xav ib qho hais tias, yog dab ntxwj nyoog tuaj muab Niam Mab Liab thiab HT Yes Xus tej duab ua kom txawj quaj no ntshai dab ntxwj nyoog kuj tsis phem, vim nws twb tuaj ua kom neeg mob siab ntseeg txog ntuj zoo tshaj qub xwb ne...)

    Hais txog qhov peb xav tias dab txwj nyoog yeej tsis lam tuaj muab Niam Mab Liab thiab Huab Tais Yesxus tej duab ua quaj....qhov no mas muaj tseeb, peb yuav tsum ceev faj tias tsis hais dab ntxwj nyoog thiaj tuaj ua li ntawv dab tsi? ntshe dab ntxwj nyoog twb tsis kk li los cov niag tib neeg xav tau koob nrov npe tseem yuav yog cov nrhiav tswv yim ua li ub li no kom tus ub tus no ntseeg es tuaj koom lawv kom coob ua tsheej pab tshaaj pawg, kom lawv nto moo thiab kom lawv qhov chaw thiaj yog qhov nto moo, kom ib txhia uas ntseeg miracle yooj yooj yim ces cia li muaj muaj siab rau tej miracle ntawv lawm ces hauv nws lub neej tsis nco qab lwm yam li lawm.

    Muab pid xam rau kuv ib tug phoojywg niam, nws niam ntseeg miracle thiab ntseeg cov neeg hnov hnov Tswv Ntuj tej lus, nws niam los yog ib tug qhuas Medjugorje heev, niaj hnub no mas nws tseem cem lub koos txoos kastosliv dua cov protestant lawm thiab, nws niam mas hais tas li tias koos txoos kastosliv mas nim phem li ub li no thiaj tsis tso cai rau Medjugorje thiab tus pojniam " La fille du Oui" uas hnov hnov Yesxus lub suab, hnub chiv mas nws niam mus teev ntuj hauv Koos Txoos Kastosliv, tiam sis thaum twg los tsev lawm mas yeej qhuas lwm qhov chaw xwb,ces muaj ib hnub kuv tus phoojywg tau poob kev txom nyeem, nws nug kom nws niam thiab nws txiv pab nws me ntsis nyiaj daws nws kev nyuaj siab, tiam sis nws niam thiab nws txiv tsis kam, nkawv tias nkawv tsis muaj nyiaj lawm, muaj ib hnub tus pojniam sawv saub " La fille du Oui" nyob Canada yuav tuaj rau teb chaws fab kis ces kuv tus phoojywg niam thiab txiv, cia li mus koom nrog ib pawg ntseeg sib pab nyiaj mus ntiav tsev Hotel thiab chaw rau tus pojniam ntawv tuaj ua conférence qhia Tswv Ntuj tej lus uas hnod...raws li tus êvèque nyob Vendée nod mas yeej tsis pom zoo rau tus pojniam sawv saub ntawd tuaj ua conférence rau hauv Tsev teev ntuj, ces li nod ib pab ntseeg miracle Catholique thiaj tau sib koom nyiaj mus ntiav chaw rau tus poj niam ntawv tuaj ua conférence . Kuv tus phoojywg nws niam thiab txiv tau nrho nyiaj mus koom lawv, nkawv siv tas nrho mus tos thiab ntiav tus pojniam " La fille du Oui" ntawv tuaj tag 6000E , ntiav Hotel thiab restaurant rau tus pojniam ntawv nyob li 7 hnub. Kuv tus phoojywg mas tu tu tu siab tsis txawj tag, nws tias ua li cas Tswv Ntuj yuav tso miracle rau tej tus pojniam ntawv kom sawv daws ntseeg ntuj no los cas tseem yuav ua kom ib txhia txom nyeem li nws es niam txiv cia li muab tag nrho tej nyiaj qab nas mus txhawb lwm tus tseg nws tus hauv tsev. Nws tau quaj kua muag poob dawb vog rau kuv pom.

    Kuv muab xav los mas tej yam kev ntseeg miracle kuj yuav pab tau yus, tiam sis tej yam kev ntseeg miracle kuj yuav ua rau yus yuam kev los muaj li lawm thiab. Li no , ntamw kuv tus kheej ces tso siab rau yam Tsev Teev Ntuj Kastosliv lees txais xwb, tej yam lawv tseem tsis tau lees txais los sis tseem soj ntsuam ces kuv tsis tshuam nrhiav thiab fawb tog. Thaum twg Tsev Teev ntuj soj ntsuam tau zoo zoo es lawv lees lawm tiag tiag los kuv mam mus nrhiav los saib thiab los nyeem tom qab yuav tsis lig.

    Hais txog Medjugorje mas Txiv Vaj Qhia NpawsNuas16 yeej tsis txwv lawv teev ntuj nyob Megdjugorje li, tiam sis nws yeej hais tseeb tias cov txiv plig uas tau raug nrho nyob Medjugorje mas tsis pub ua Mixas ,los lawv tseem nyiag kev ua Mixas rau cov neeg thoob ntuj tuaj coob li coob. Txiv Vaj Qhia Benoit16 kuj tsis tau hais tias yuav tsis ntseeg Medjugorje tiam sis nws hais tias cia lwm tus ho mus soj ntsuam kom zoo zoo seb puas yuav paub qhov tseeb ntxiv, tsam cia tus ^évèque nyob Medgjugorje txiav txim xwb ces ib txhia neeg ho tsis ntseeg. Thaum Txiv Vaj Qhia Benoit16 mus txog sab teb chaws uas Medjugorje tshwm Miracle, nws tsis kam mus xyuas lawv thaj chaw niam mab liab tawm tshwm sim ua hnub ua hmo nyob tid...nws tias ntxov lig los thaum nws mus xyuas lub zoo caij zoo nyoog yeej tsis lig.

    Raws li tsev teev ntuj hais cov neeg tsis hais pojniam los txiv neej, yog tau pom Niam Mab Liab mas txiav txim siab nyob tab seeb thiab muab nws lub neej tag nrho txi rau Tswv Ntuj, tiam sis pab me nyuam nod pom niam mab liab nyob Medjugorje mas sawv daws nplua nuj heev, cov Hotel uas muaj lawv cov npe pom niammabliab mas ntau li ntau thiab lawv cov nyiaj ua neeg tuaj tso rau lawv thaum lawv ua conferance mas nto Million . Lawv yuav pom niam mab liab mas lawv teem caij teem sij hawm tias npaum no nyob qhov twg niam mab liab yuav tshwm sim thaum xuaj moos twg tib si cia, neeg mas npaj camera thiab lwm yas yees lawv duab ntau li ntau, tsis tas li ntawd xwb cov message lawv txais los nto 30 tawm xyoo nod los hais tsis muaj paus muaj ntsis, tsuas hais qhov qub tas li, hais tias kom teev ntuj tiag tsis teev ntuj ces dab phem nyob ze ze thiab ntiaj teb yuav puam sij, tiam sis hais tsis tau ib qho tseeb uas yuav yog yam twg puam sij tiag tiag li, tsuas hais ua hnub ua hmo los tau 30 tawm lub xyoo nod xwb, yog li no Benoit16 thiaj tsis kam mus.

    Ntawm kuv tus kheej mas kuv tsis tau npaj siab mus Medjugorje vim kuv tseem tos nrog Koos Txoos Kas Tos Liv...txawm kuv tsis tau mus Medjugorje los lwm qhov chaw Ntshiab tseem yuav mus ces Medgjugorje mam cia rau tom qab yog thaum twg Koos Txoos Kas Tos liv lees txais.

    Niamlaus Mim, peb tuaj sib tauv pem xwb, qhov twg kuv xav yuam kev los zam lub txheej, peb ntseeg koos txoos kastosliv lawm ces yuav tsis muaj qhov poob siab, kuv txawm tham ntau zog los yog kuv qhov kev ntseeg thiab taug xwb, nyias yeej taug nyias sib txawv, ib tug tsis thooj ib tug, los peb yeej qhuas ib tug Huab Tais Yesxus Pleev xwb ces cia peb sib pab tuav tes tauv pem kom txhij, hais kom txhua ,seb ib leeg mus txog feeb twg es mam sib qhia J:
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Saib duab txawv txawv Empty Re: Saib duab txawv txawv

    Post  Maiv Tooj 29th May 2011, 8:50 am



    Nyob zoo Mim thiab Maiv Paj Lug,

    Kuv nyeem neb ob leeg cov lus, kuv xav tias neb ob leeg puav leej hais yog tib si.

    Txhua yam yuav tsum ntseeg thiab tsis ntseeg thiab. Vim yeej muaj qhov phem qhov zoo ua ke. Li ntawd yuav tsum tso siab thiab ceev faj thiab. Tab sis yog tias Medjugorje yog tuaj ntawm tswv Ntuj tuja tiag mas txawm li cas los yeej yuav nyob mus li, yog tias cuav xwb mas ib hnub twg yuav ploj mus xwb.

    Kuv ua neb ob leeg tsaug rau neb kev nthuav tswv yim zaum no.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Saib duab txawv txawv Empty Re: Saib duab txawv txawv

    Post  Mim 30th May 2011, 11:53 am

    Maiv Paj Lug thiab tais Tooj,

    Lub week-end no peb muaj nco txog cov tub rog uas tau siv lawv txoj sia los thaiv teb thaiv chaw, peb hu ua Memorial Day no. Ces kuv tseg tau ob peb hnub tsis tau tuaj teb neb cov lus lawm. Neb txhob xav li cas os...

    Peb tuaj sib tham hauv no mas tham ntau tsav ntau yam. Thaum peb hais txog kev ntseeg mas peb yeej yuav tsum hais qhov tseeb xwb. Tiam sis nyob li chav hauv no mas kuv tsuas yog tuaj tso tej yam xwm txawv txawv xwb uas tshwm sim rau lub sij hawm no, nws tsis yog yuav hais kom muaj tseeb los tsis tseeb, thiab tsis yog hais kom peb yuav tsum ntseeg xwb. Hauv no tsuas yog tuaj hais ua information general rau ntawd rau peb paub thiab rau peb xav tswv yim txog xwb.

    Tej zaum Maiv paj Lug wb tau tuaj tso ib co lus uas nej ib txhia yuav xav tias wb tuaj sib cav sib hais dub muag lawm. Tiam sis ntawm kuv tsis tau xav li ntawd, wb tsuas yog tuaj hais txog tias, muajob tog, ib tog xav li no, ib tog xav li tod xwb. Kuv tsis muaj kev tu siab dab tsi li os, Maiv Paj... kuv tsuas saib tias yog kev tuaj sib tham sib qhia tswv yim xwb no...

    Maiv Paj, koj siv lo lus tias, "lub Koom Txoos tsis kam lees li." Tej zaum koj to taub li ntawd, tiam sis lub Koom Txoos twb tsis tau txiav txim mus rau sab twg li ne, mas tsis yog tsis kam lees, nws yeej tsis tau lees dab tsi li xwb. Yog vim li ntawd peb yeej muaj cai tham txog, tsis txhaum li. Thiab yog koj txiav txim siab tau tias koj tsis kam quav ntsej txog tej yam uas lub Koom Txoos tsis tau pom zoo no los yog ib qho zoo kawg li nawb, koj muaj cai ua raws li koj xav tias zoo rau koj, thiab peb yeej yuav tsum tau ceev faj zoo kawg nkaus. Kuv pom tias koj yeej ua yog kawg li.

    Tiam sis ntawm kuv mas kuv xav paub me ntsis tias muaj yam dab tsi tshwm sim hauv ntiaj teb no, tsis paub ntau los xav paub me me txog. Ib yam li thaud leej ntshiab Fausina, lub Koom Txoos twb tau txwv kiag tsis pub neeg nyeem nws cov ntawv tau ib ntus, muab tso rau index tib si lawm. Thaum vaj qhia Zam Paj Lug II tseem ua tswv qhia nyob Poland, nws mam rov mus tshawb Sr. Faustina cov ntawv los saib kom meej, ces lub Koom Txoos rov qhib cai rau sawv daws nyeem nws cov ntawv. Thaum Zam Paj Lug II ua vaj qhia lawm, nws thiaj mam tsa Sr Faustina ua leej ntshiab, thiab mam tsa kom muaj lub hmoov thov Tswv Ntuj txoj Kev Khuv Leej Neeg/Divine Mercy Sunday.

    Kuv piav qhov no tsuas yog xav qhia tias, yog lub Koom Txoos txwv kiag li no lawm, mas peb yuav tsis nyeem tsis hais txog lawm. Tiam sis nyob li Medjugorje mas lub Koom Txoos tsis txwv, qhov txwv mas tsuas yog txwv tsis pub mus "Official pilgrimage" xwb, yus xav mus "personal pilgrimage" tau. Yog li ntawd peb txawm hais txog tham txog los tsis txhaum dab tsi. Yog thaum lawv txiav meej kiag tias tsis yog tseeb, no ces peb yuav tsis tham ntxiv li lawm.

    Maiv Paj, yog wb yuav xav muab wb cov lus txog Medjugorje no tham kom thoob mas yuav muaj ntau heev li, vim nws muaj nws ib co lus uas hais thuam thiab rhuav raws li cov koj paub, tiam sis nws kuj muaj nws ib co lus los hais teb tau thiab, ces yeej tsis muaj ib tog yuav yeej li. Kuv pom li ntawd mas kuv tsuas nyeem kom kuv paub nruab nrab xwb. Tiam sis hais txog kev mob siab rau teev ntuj teev Saw Mab Liab, nquag mus daws txhaum, mus koom thaj txi ntuj niaj hnub, thiab xyaum yoo mov, mas kuv qhia tseeb hais tias yog vim kuv tau nyeem Niam Mab Liab cov lus nyob Medjugorje mas kuv thiaj mob siab xyaum ua saib puas tau li ntawd me me, vim lub Koom Txoos los yeej qhia ib yam thiab, tiam sis sawv daws tsis muab saib muaj nqes li. Thum Niam Mab Liab tuaj hais lawm, mas ib txhia mam ras txog mob siab txog xwb.. Yog li kuj muaj nqes rau peb txoj kev mob ssiab txog Tswv Ntuj thiab...

    Yog vim muaj cov lus tsis sib haum li hais ntawd mas kuv thiaj xav mus pom kiag ntawm qhov muag saib, cov neeg pom Niam Mab Liab ntawd lawv tej tsev ho puas zoo tshaj lwm leej lwm tus li cas. Yog hnov luag hais xwb mas tsis paub tias tog twg thiaj hais qhov tseeb li...


    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Saib duab txawv txawv Empty Re: Saib duab txawv txawv

    Post  Maiv Tooj 31st May 2011, 3:51 am



    Nyob zoo Mim thiab maiv Paj lug,

    Kuv yeej zoo siab pom neb tham qhov zoo qhov phem, qhov yog qhov tssi yog rau Medjugorje, tssi yog ib qho phem, yog ib qho zoo xwb. Yam dab tsi, ua ntej yuav txiav txim tau tias tseeb thiab cuav, yuav tsum tshawb nrhiav rau txhua fab thiaj li tsis yuam kev. Yog yus ho ua siab muag dhau, neeg hais dab tsi yus ntseeg tib si kuj tsis zoo, yog yus siab tawv dhau, luag hais dab tsi yus tsis ntseeg li kuj tsis zoo. Thiab txoj kev ywj pheej mas yuav tsum muaj kev cov nyom thiaj yog muaj kev ywj pheej, yog luag hais li cas yus yuav li ntawd mas tsis yog kev ywj pheej.

    Kuv zoo siab heev uas neb tuaj tham ntxaws li nov mas ua rau peb paub Medjugorje zoo dua ntxiv.
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Saib duab txawv txawv Empty Re: Saib duab txawv txawv

    Post  Maiv Paj Lug 31st May 2011, 6:31 am

    Mim, zoo siab kawg uas koj tsis xav li cas rau kuv tej lus... o)


    Yog li neb hais lawm, ntawm kuv kev ntseeg los tsis tau kawm mus deb npaum neb , tej yam kev ntseeg uas koos txoos kastosliv tsis tau lees ces kuv cia neb yog ob tug hlob tshawb fawb tuaj qhia peb, hais ntau los hais qhov qub xwb ces kuv tsuas hais tias Koom txoos yuav li cas ces kuv yuav li ntawv ua ntej.

    Pid xam zoo li yus niam yus txiv twb pom tej yam yuav tsis tshuam zoo pes tsawg rau yus , tiam sis lawv kuj tsis tau hais tias phem phem kom yus txhob mus , lawv tsuas kom yus ceev faj xwb, yog hnub twg zoo ces zoo, yog tsis zoo los thiaj tsis raug yus, cia yus tso siab rau yus niam yus txiv, vim lawv yog tus thawj ntawm yus ,lawv twb tau ntuj txiaj ntsim ua ntej yus thiab tseem ntau tshaj yus lawm pes tsawg npaug es lawv paub ntau dua yus los lawv twb tsis txhoj, hos yus ces zoo li tej me nyuam yaus uas luag hais tias hnov xwb qhov muag tsis tau pom tsis ntseeg, cia kom pom kiag siab thiaj nqig, tej no mas kuv tau taug lawm kuv thiaj ntseeg li tej laus hais es zaum no kuv thiaj tsis kam hla hauv lub Koos Txoos mus lwm qhov tsam yuam kev.

    Kuv yog ib tug ua tshawb fawb miracle thiab nyiam ntseeg saub hnov ntuj lus thiab Niam Mab Liab tej lus kawg nkaus yav tas los, tiam sis zaum no kuv zeem lawm. Yog yuav muab hais kev ntseeg tej yam miracle Koos txoos KasTosliv tsis tau lees txais mas kuv nyiam NAJU tus pog Coréen txais Yesxuslub txiaj ntsim , noj mov nplej los ntshav thiab tseem raug tes taw khis tas li thaum ub tub rog xuas hlua nplawm Yesxus . Tiam sis Koos Txoos kas tos liv tsis tau lees txais ces kav liam kuv ua siab tsis nrhiav ntaub ntawv thiab duab txog Naju miracle li lawm.

    Sponsored content


    Saib duab txawv txawv Empty Re: Saib duab txawv txawv

    Post  Sponsored content


      Current date/time is 28th March 2024, 3:04 am