Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM NRUAB LIS PIAM XYOO I 2016-2017
by Mim Today at 6:17 am

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    HMOOB NPAM NAJ XEES

    Share

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: HMOOB NPAM NAJ XEES

    Post  Npuagtub on 20th July 2011, 11:14 am



    Maiv Tooj

    Thov qhuas nws lub peev xwm
    txawm yuav zoo li cas los txhob tu siab
    nws twb muaj txhua yam li nws xav thiab
    txawm yuav zoo li cas los nws txhob tu plawv
    nws twb muaj txhua yam li nws lub siab ntshaw
    nco kwv nco npawg ces yeej nco tsis paub kawg.

    nco viv nco ncaus ces yeej nco tsis paub xaus
    nco niam nco txiv ces yeej nco mus tag ib sim
    xav txog thaum tseem muaj niam muaj txiv
    ces lub ncauj tsis hais los lub kua muag si
    lub ncauj tsis nco los lub kua muag nrog..

    saib tej me duab ntsej muag luag lis nyav
    los twb tsis txawj nrog yus sib tham
    saib tej me duab ntsej muag luag li ntxhi
    los twb tsis txawj nrog yus sib hais lus li
    saib tus hlob rau tus yau nim zoo mus sib xws
    yuav ua cas nco mus txog thaum twg..???





    Photobucket

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: HMOOB NPAM NAJ XEES

    Post  Maiv Tooj on 21st July 2011, 8:37 am



    XH.Npuag Tub,

    Ua tsaug rau nws cov nkauj, zoo heev.
    Coj yus mus ti Tswv Ntuj Ceeb Tsheej
    Txaum yim rau nws cov zaj teev Ntuj
    Mloog ua rau kuv lub siab kaj lug.

    Yog nws muaj ntau zaj ntxiv,
    Thov muab pub rau peb tau teev Peb Txiv
    Yog nej muaj cov nkauj nrog thaj cheej
    Thov pub rau peb cov twj cuab tau hawm Leej Pleev

    XH.Npuag Tub,

    Kuv yog me nyuam neeg xwb
    Kuv yeej zoo siab rau kuv lub peev xwm
    Kuv yog neeg txom nyem
    Kuv yeej zoo siab rau kuv txoj hmoov me

    Tab sis kuv tu siab rau kuv kev ntsuag
    Muaj niam muaj txi yug tsis tau nrog luag hu
    Muaj niam muaj txi xeeb
    Tsis tau qhia yus ua neej
    Ais tu tu siab xwb
    Xav tog thaum twg lub kua muag ntws ntws...

    Kuv mam mloog nws qhuab
    Kuv mam muab phau ntawv ntsoj ruam
    Kuv mam mloog nws qhia
    Kuv mam muab phau ntawv ntsuag npog cia






    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: HMOOB NPAM NAJ XEES

    Post  Npuagtub on 21st July 2011, 11:24 am



    Leej Niam Siab Zoo



    Leej Niam Lo Lus Kawg

    Peb Niam siab zoo koj yuav ncaim mus
    yuav ncaim ib txhiab ib txhis....

    Peb yuav tsis muaj Niam nrog luag hu
    yuav nco koj txog hnub twg....

    Kuv cov me nyuam nej nyob sib hlub
    pab hlub kuv me tub ntxawg....

    Niam mus yuav tsis rov qab los lawm
    yuav mus tas ib sim neej....

    Zaum no nej tsis muaj Niam hu ntxiv
    yuav tsis muaj tus hais nej....

    Nej nyob nej mloog nej tij laug hais
    lub neej thiaj li yuav zoo....



    Maiv Tooj, yog koj xav mloog zaj ncauj ( Niam Lo Lus Kawg ) mus mloog tau hauv OLV Hmongcatholic no mog...



    Photobucket

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: HMOOB NPAM NAJ XEES

    Post  Maiv Tooj on 21st July 2011, 5:55 pm



    Nyob zoo XH.Npuag Tub,

    Ua tsaug rau nws zaj nkauj, kuv twb hnov lawm, nag hmo thaum kuv sau ntawv, kuv tso mloog puag ncig peb lwm...Ua tsaug uas nws muab cov ntawv tuaj tso thiab.

    Kuv piav ib zaj kwv huam me nyuam yaus rau nws mloog:

    Thaum xyoo 1973, zoo li ze ib xyoos tom qab kuv niam thiab kuv txiv tuag, kuv tus niam hluas wb mus nrog tus txiv laus thiab niam laus zeeg ob nyob Nas Xus. Peb nyob ze Khw Tsaus Ntuj, ib hnub kuv tus niam hluas mus tom khw, nws pom ib tug niam tais poj Hmoob Xeev muag zaub, zoo nkaus li peb niam. Tab sis nws loj zog, dub tawv zog thiab hnav tsos tsho Hmoob nplo zog. Kuv tus niam hluas Ntsuab khiav khiav los hais kuv tias:
    "Kuv pom kuv niam tom khw tiag, mus kuv coj koj mus saib".
    Ces wb txawm mus, wb ob leeg mus sawv sawv ntawm nws lub rooj khoom, nws txawm nug wb tias:
    "Ob tug me ntxhais, neb yuav dab tsi os?"
    Kuv teb tias:" Wb tsis yuav, wb tuaj saib koj xwb. Koj zoo li wb niam."
    Ces nws rov hais tias: " Lov! Es neb niam mus qhov twg lawm, neb ho tuaj saib kuv?"
    Kuv rov hais tias: "Wb niam tuag lawm, wb pom koj zoo li wb niam sais wb nco nco, wb tuaj saib koj ib pliag xwb." Ces wb kuag muag poob, nws hais lus zoo zoo thiab. Nws nug wb tias wb yog xeem dab tsi, wb teb tias wb yog Hmoob Lis ces nws hais tias nws yog Hmoob Lis thiab no. Nws muab tau ib pob zaub iab pub wb ces wb rov los tsev, wb tssi mus xyuas nws ib zaug ntxiv lawm. Thaum twg mus khw ces wb tsis xav mus ti nws lawm, vim nco nco kuv niam li...Nov yog ib zaj dab neeg me nyuam yaus lub siab...



    Daim duab nov yees ib hli ua ntej kuv niam thiab kuv txiv yuav tso peb tseg.
    Nkawd ua ke mus tib hnub, nkaws muaj 42 xyoo xwb.




    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: HMOOB NPAM NAJ XEES

    Post  Npuagtub on 21st July 2011, 7:04 pm

    Maiv Tooj,

    Koj zaj lus hais tau tu siab heev li os, tu siab tias koj niam nkawd tas sim neej hluas heev. Tiam sis nkawd hmoov zoo kawg nkawd thiaj tau ua ke mus os. Kuv hmoov tsis zoo, Kuv niam tau tso kuv tseg xyoo 1990 nyob Fab Kis teb, lub sij hawm ntawv kuv twb nyob Meskas lawm kuv tsis pom kuv niam txoj sia tu, mas tsis zoo kuv lub siab los txog niaj hnub no.

    Tiam sis hmo kuv niam yuav mus, kuv niam tuaj xyuas kuv nyob tim no, vim ua ntej 4 xuaj moos kuv tus kwv yuav hu xov tooj tuaj rau kuv mas kuv leej nkawm pom ib tug duab neeg los ib vuag hauv peb tsev ces ib tsam yuav kaj ntug kuv tus kwv hu tuaj tias kuv niam tau tas sim neej. Thaum muaj niam muaj txiv nyob mas saib tsis zoo luaj twg, tiam sis thaum niam thiab txiv mus tas lawm mas ntshaw luag cov mua niam muaj txiv kawg.

    Niaj hnub no kuv pom tej tus poj niam laus muaj ntsis zoo li kuv niam mas ua rau kuv nco nws heev li thiab os...Kuv tsis xav saib kuv niam thiab txiv nkawd duab li vim saib ces ua rau yus nco lawv heev, xum txhob saib es thiaj tsis ntxhov siab ...
    .



    Photobucket

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: HMOOB NPAM NAJ XEES

    Post  Maiv Tooj on 22nd July 2011, 1:37 am



    XH.Npuag Tub,

    Ib txoj siab tsis xav tias yuav tu taus
    Ib tug neeg tssi xav tias yuav ploj taus

    Ib txwm muab niam muaj txiv thaiv yus xwb, tsis xav tias lawv yuav tso yus tseg ib zaug...Txawm ib tug nyob ib qho los yog yus roj yus ntshav ces ntshe nws niam thiaj li yuav ntxeem koj los xyuas nws ib pliag ua ntej yuav rov los tsis tau lawm. Cas zoo li yus twb laus lawm los yus lub siab tseem tsis tau hlob; ais tseem ntshaw ntshaw niam ntshaw txiv los roos yus.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: HMOOB NPAM NAJ XEES

    Post  Maiv Tooj on 3rd August 2011, 11:22 am




    HMOOB NPAM NAJ XEES TUAJ MUS KAWM NTAWV VEES CAM 1966




    Tus sab xis: Mim Lis



    Tsab Me (Nom Tsab Thoj)



    Last edited by Maiv Tooj on 1st January 2012, 10:19 am; edited 1 time in total




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: HMOOB NPAM NAJ XEES

    Post  Maiv Tooj on 9th August 2011, 8:28 am





    Yawg Xaiv Yob Yaj nyob Pas Xees Lees, Npam Naj Xees:

    Txhuiaj Vws thiab Nkaj Suav txiv.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: HMOOB NPAM NAJ XEES

    Post  Maiv Tooj on 24th August 2011, 11:03 am





    Ntxhi Thoj, 1959.




    Bao X Mary
    Phooj Ywg
    Phooj Ywg

    Messages : 180
    Date d'inscription : 2011-07-09

    Maiv Tooj

    Post  Bao X Mary on 24th August 2011, 2:36 pm

    Maiv Tooj,

    ua cas koj yuav khaws tau cov duab kho siab ua luaj, yog kuv niam kuv txiv tej qub zog, ua rau kuv txaus siab heev li.Ua koj tsaug os.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: HMOOB NPAM NAJ XEES

    Post  Maiv Tooj on 24th August 2011, 8:57 pm



    Nyob zoo Bao XMary,

    Wow...! Koj yog keeb kwm Hmoob Npam Naj Xees thiab lov?
    Yog li no koj niam koj txiv hu li cas? Tej zaud kuv kuj paub lawv thiab...Kuv ncaim teb chaws Nab Yub thaum kuv tseem me tsawv lawm, tab sis kuv yog ib tug neeg nyiam khaws keeb kwm thiab cim xeeb zoo...Kuv kuj paub neeg coob thiab nco tau ntau yam thiab...Kuv kuj paub cov Hmoob Npajm Naj Xees tsis tag los yeej paub coob leej...Tsis txhua los tsuas tshuav tus puav...Nyob hauv nov, kuj muaj coob leej uas lawv tsis tau pom dua lawv niam los lawv txiv, lawv tuaj pom kuv tso lawv niam lawv txiv cov duab...Lawv kuj zoo siab kawg...Yog kuv muaj caij, kuv yuav Thov Kev tso cai ntawm Mission Etrangère de Paris, kuv yuav mus tshawb Peb Hmoob Npam Naj Xees duab...Kuv paub tias lawv muaj peb duab ntau...Vim Peb yog thawm lub zos Hmoob hauv keeb kwm ua Ntuj Kev Cai uas muaj neeg Txia Dab Coob tshaj plaws...Ib hlis xwb peb muaj txog 60 Yim neeg Txiav Dab...Uas tssi thim thiab tso dab tseg yam tsis tig rov qab, tsis rov mus saib yaig li lawm...Peb kuj tau ntau yam txiaj ntsim yam ua rau luag lwm pab thiab pej kum neeg qhuas peb. Dua li kuj muaj cov Hmoob Xas Niam kuj los txiav dab coob kawg nkaus tib txhij ntawd...Vim lawv Sawv Vaj ces lawv tsis ua noj, lawv raug tshaib plab...Yog koj niam koj txiv lawv paub txog keeb kwm Npam Naj Xees ntxiv, kuv xav vam txog lawv pab tham rau peb khaws cia...Kuv zoo siab uas paub koj zoo zuj zus ntxiv...Koj hais rau koj niam thiab koj txiv hais tias:" Kuv yog Nkaj Huas Lis ib tug ntxhais no lawv yuav tsum paub txog kuv niam kuv txiv xwb; tab yog tsis tau paub los yeej yuav hnov npe, vim peb Hmoob neej Hmoob tsav yeej ib txwm sib roj sib raws ua ke".




    Bao X Mary
    Phooj Ywg
    Phooj Ywg

    Messages : 180
    Date d'inscription : 2011-07-09

    Re: HMOOB NPAM NAJ XEES

    Post  Bao X Mary on 25th August 2011, 6:25 am

    Maiv Tooj,

    Hais txog koj thiab koj tus niam hluas Ntsuab, koj niam koj txiv kuv niam ob yeej paub zoo thiab lawv yeej nyob ua ke os. Kuv los paub koj thiab tab sis kuv yog phaum yau lawm koj tsis paub kuv xwb. Kuv txiv yog Ntxoov Vaj Xyooj, Xwb Hwb Ntsum Hauj Xyooj nyob npam laj Xees tus tij laug hlob kiag mas. Npam laj xeem ces yog kuv niam kuv txiv tej qub zog.

    Bao X Mary
    Phooj Ywg
    Phooj Ywg

    Messages : 180
    Date d'inscription : 2011-07-09

    Re: HMOOB NPAM NAJ XEES

    Post  Bao X Mary on 25th August 2011, 6:27 am

    Kuv zoo siab uas koj yog ib tug tseem ceeb ntawm peb cov hmoob npam laj xees ua tau khaws peb tej keev kwm zoo thiab nyiam Tswv Ntuj. Koj txoj hmoov zoo.

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: HMOOB NPAM NAJ XEES

    Post  Npuagtub on 25th August 2011, 6:40 am

    Wow......Bao, ua cas koj yog cov neeg nyob nram peb fresno no xwb yom, koj cov dab laug thiab koj txiv lawv peb sib paub zoo heev li nyob nram no, zoo siab os nawv, xav tias koj yog cov hmoob Catholic nyob sab xeev no os.



    Photobucket

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: HMOOB NPAM NAJ XEES

    Post  Maiv Tooj on 25th August 2011, 6:45 am


    Nyob zoo Bao XMary,

    Wow...! Tiag ntag, koj yog dab laug Ntxoov Vaj ntxhais los!
    Tos kuv saib koj muaj ib tso zoo li koj tus niam laus Xia!
    Kuv paub Xia thiab Xauv nkawd zoo dua, dua li nej cov yau ces kuv nco tsis zoo lawm.
    Nyob tim no, Xauv peb nyob tsis deb tsis ze, peb kuj tau sib ntsib zaum puav thiab. Xia ces nws nyob deb dua, peb sib ntsib tsawg heev...Kuv yeej tseem nco ntsoov koj niam thiab koj txiv, los mus rau koj txiv ntxawm Vam Txoov lawv, tab sis nco tsis tshua tau lawv ntsej muag lawm...Kuv tseem nco tau thaum peb nyuam qhuav khiav los rau Naj Vuaj, peb tsis muaj zaub mov noj, koj niam koj txiv mus rau koj txiv ntxawm Vam Txoov lawv keev coj kuv niam mus ntais nej tej pob kws, ev nej tej dib taub thiab de nej tej zaub los rau peb noj. Nej tseem muab nplej muab mov rau peb noj thawm plaws xyoo. Yam peb twb tsis nco txhob nco txhawj tias peb los tshiab li...Ua li koj yug nyob Naj Vuaj los yog nyob Naj Ngos?

    Kuv zoo siab uas Tswj Ntuj lub hwj huam coj tau Maiv Paj Lug wb los sib ntsib, ces ho qaws tau XH.Npuag Tub thiab...Hnub no peb muaj coob leej taug Tswv Ntuj txoj kev los txog rau lub Tsev no...Yog ib lub txiaj ntsim zoo kawg nkaus...Kuv ua Tswv Ntuj tsaug...

    Bao, kuv nrhiav tau koj niam ntxawm Ntsum Hauj hlob ib daim duab mas ua rau Ntaj zoo siab kawg. Vim Ntaj tsis tau pom dua nws niam...Kuj muaj ib tug Hmoob Thoj tuaj nrhiav tau nws txiv thiab...




    Bao X Mary
    Phooj Ywg
    Phooj Ywg

    Messages : 180
    Date d'inscription : 2011-07-09

    Re: HMOOB NPAM NAJ XEES

    Post  Bao X Mary on 25th August 2011, 10:44 am

    Yog kawg os, Xwb Hwb Npuag Tub,
    kuv cov neeg nyob nram koj tag lawm. Yog hais txoj kev ntseeg xwb mas kuv yeej xav khiav los nrog nej nyob nram koj ntag. Tab sis kuj tsis zoo li xab thiab tej zaum Tswv Ntuj kuj cia nyob li nov saib yus txoj kev ntseeg puas yuav ruaj khov.

    Thaum ub xyoo 1982 mus txog 90 ntawd kuv kuj nyob nram koj thiab tab sis nyob Madera ce peb yeej tuaj church Fresno hmong tas li. Tab sis peb khiav rov los rau Green Bay xyoo 1990 lawm.Vim yog raws kwv tij.

    Nyob nram koj hos pab txhawb kuv cov neeg kom lawv txoj kev ntseeg ho loj hlob thiab nej ho thov Ntuj rau peb thiab os

    Bao X Mary
    Phooj Ywg
    Phooj Ywg

    Messages : 180
    Date d'inscription : 2011-07-09

    Re: HMOOB NPAM NAJ XEES

    Post  Bao X Mary on 25th August 2011, 10:50 am

    Maiv Tooj e,

    Kuv ces yug nyob Phas Dees no os. kuv yug xyoo 1964 lub 11 hli ntawd os.

    Thaum peb nyob naj vuaj peb tuaj nram naj ywj es kuv twb nrog kuv tus niam laus xia, thiab koj cov viv ncaus Nrhiav thiab Mab lawv tuaj hauv nej tsev tab sis tsis pom koj, kuv pom ntsuab xwb, kuv pom koj niam thiab.

    Zoo siab uas Tswv Ntuj coj kuv tuaj ntsib nej sawv daws, cov neeg nyb hauv no thiab sau ntawd hauv no kuv kuv paub lawv coob thiab. Zoo siab uas nej sawv daws tau tsim lub forum no peb thiaj tau tuaj sib ntsib thiab sib txhawv kev ntseeg.

    Yog ntsib kuv dab Xauv no ho hais tias koj ntsib kuv nyb hauv nov thiab no os.


    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: HMOOB NPAM NAJ XEES

    Post  Npuagtub on 25th August 2011, 11:34 am

    Nyob zoo Bao X. Mary,

    Zoo siab tau paub koj os nawv, koj muaj ib tsev neeg tseem ceeb heev thiab zoo kawg, kuv tau los nrog lawv nyob tau 20 xyoo no kuv pom tias koj cov dab laug yog ib co muaj peev xwm heev tsis hais fab kev ntseeg los yog fab kawm ntau kawm ntawv los yog nrhiav noj haus lawv yeej muaj peev xwm kawg nkaus li lawm os nawv kuv thov qhuas nej txhua tus.Yog muab koj cov neeg peb pawg ntseeg thiaj li muaj zog os nawv, hais qhia koj paub li no. Xyoo no peb ua rooj sau siab kuj yog koj tus dab laug Tsav Ntaj thiab koj tis nyab nrog rau Zoov phooj yaj thiab nws poj niam, thiab Donny Yaj thiab nws poj niam lawv cov no yog cov tuav peb lub rooj sau siab xyoo no thaum lub 7 hlis tas no.






    Photobucket

    Bao X Mary
    Phooj Ywg
    Phooj Ywg

    Messages : 180
    Date d'inscription : 2011-07-09

    Re: HMOOB NPAM NAJ XEES

    Post  Bao X Mary on 26th August 2011, 3:17 am

    Xwb Hwb Npuag Tub,

    ua koj tsaug uas koj tseem pom tau tias kuv tsev neeg yob ib tsev neeg zoo. Kuv zoo siab uas koj tau txhawm nqa kuv tsev neeg.Ua rau kuv muaj zog.


    samxiong
    Tuaj Tshiab
    Tuaj Tshiab

    Messages : 40
    Date d'inscription : 2011-11-14

    Hmoob Npam Naj Xees

    Post  samxiong on 14th November 2011, 10:30 am

    Nyob zoo Maiv Tooj,

    Kuv yog koj tus dab laug Cheeb Xyooj, kuv lub npe laus
    muab hloov hu ua Kwm Xeeb Xyooj lawm. Hnub no kuv tau tuaj txog koj lub vaj tsev, tu tau du lug, muaj chaw txawb chaw
    rau, muab qab muaj hau. Nrog koj zoo siab, thiab qhuas koj
    txoj kev txawj ntse, paub tab, thiab muaj peev xwm.

    Kuv xav muab kuv zaj dab neeg Keeb Kwm Hmoob Npam Naj Vas tso rau hauv no. Tab sis kub tsis paub tso, es kuv tso tsis tau.
    Koj qhia me ntsis kev tso text rau hauv koj lub tsev no?
    Vim kuv tsis keej siv tej no ntau.

    samxiong
    Tuaj Tshiab
    Tuaj Tshiab

    Messages : 40
    Date d'inscription : 2011-11-14

    Hmoob Npam Naj Xees

    Post  samxiong on 14th November 2011, 10:40 am


    HMOOB LUAM NABTHAS ມົງຫຼວງນໍ້າທາ

    Hmoob Luam Nabthas cev tsoos tsho tshiab tam sim no
    Zaj Tsav Xwm Contents:

    1. Keeb Kwm zos Npam Naj Vas
    2. Npe cov thawj coj nyob thaj tsam Npam Naj Vas
    3. Keeb Kwm Hmoob tsiv los nyob Npam Naj Vas
    4. Xeev Luam Nabthas poob rau Nplog tog sab laug
    5. Hmoob Luam Nabthas sawv ua rog CIA
    6. Lub nroog Naj Ywj [Nam Yu Lima site 118A]
    7. Tseem Hwv Nplog pawg tub rog nqe 1 nyob Luam Nabthas
    8. Tseem Hwv Nplog cov thawj coj tub rog tswj Naj Ywj
    9. Naj Ywj poob rau Nplog tog sab laug xyoo 1972
    10. Xeev Luam Nabthas poob rau Nplog sab laug zaum ob
    11. Lub yeej Thoj nam Npab Toos[ Ban Thong Refugee Camp]
    12. Keeb kwm Hmoob [Hmong History Time Line]
    13. Nom tswv Thaib kaw Yeej Thoj Nam
    14. Hmoob kev tuaj ua neej nyob tebchaws Amelikas

    Tus sau yog: Kwm Xeeb Xyooj [Seng Xiong]
    Copyright 2011. All rights reverved


    Keeb Kwm Hmoob Luam Nabthas ຫຼວງນໍ້າທາ.
    Keeb Kwm lub Zos Npam Naj Vas yog tshwm sim los li no.
    Lub zos Npam Naj Xees yog zos Mab Daum [Ban Namsing] zos dej tsov ntxhuav.
    Lub zos Npam Naj Xees no cov Mab Daum nyob los tau ntau pua xyoo lawm.
    Lub zos Npam Naj Vas [Ban Namvang] yog Hmoob lub zos. Ob lub zos no nyob
    Nrug sib deb li 15 miles. lub zos Npam Naj Vas nyob rau sab hnub tuaj qab teb.

    Ua ntej no kuv yuav los hais txog cov zos Hmoob uas muaj nyob lub xeev Luam
    Nabthas txij xyoo 1975 rov hauv li nram qab no:

    1. Lub zos Tiaj Xyoob Ntxhws, Lub zos no yog thawj lub zos Hmoob los pib
    nyob, Kws yees xyoo 1880AD. Hmoob los nyob tau tsis ntev xwb. Vim
    Mab Daum tau muab Hmoob caum tawm mus lawm.
    2. Lub zos Moj Sab, Hmoob mus nyob tom qab Fab Kis tau tso cai rau Hmoob
    Mus nyob, Kwv yees xyoo 1880AD.
    3. Lub zos Npam Naj Vas (Ban Nam Vang). Hmoob khiav tom lub zos Mob Sab
    los nyob, kwv Yees li xyoo 1895.
    4. Lub zos Roob Paj Iab, yog cov Hmoob Xyooj tsiv tawm ntawm lub zos
    Npam Naj Vas mus nyob, nrug deb lub zos Npam Najvas li 1 mile rau sab
    qab teb.
    5. Lub zos Tshiab, cov Hmoob Thoj tsiv tim lub zos Npam Naj Vas los nyob,
    Nrug deb lub zos Npam Naj Vas 5 miles rov rau sab qab teb.
    6. Lub zos Pas Zaj, [Looj Thaj] yog cov Hmoob Yaj tsiv tawm ntawm lu zos
    Npam Naj Vas mus nyob, nrug deb li 4 miles rov rau sab qab teb.
    7. Lub zos Pas Xees Lees, Yog cov Hmoob Xyooj tsiv tawm ntawm lub zos
    Npam Najvas mus nyob, nyob rov sab qab teb kwv yees 15 miles.
    8. Lub Zos Pas Kha[Ban Pang Kha] Yog yawg Xaiv Yob Yaj tsiv tawm ntawm
    Lub zos Pas Xees Lees mus nyob, nyob nrug deb ntawm lub zos Pas Xees
    Lees li 1 mile rau sab qab teb.
    9. Lub zos Npam Naj Cib, yog Vam Tub Thoj tsiv tawm ntawm lub zos
    Npam Najvas los nyob.
    10. Lub Zos Roob Txhia, Yog Yawg Lis Xeeb Xais tsiv sab Toj Kub kees Nees los
    Nyob.
    11. Lub Zos Pus Xab[Ban Phu Xang] yog cov Hmoob Yaj tsiv ntawm lub zos Looj
    Thaj mus nyob.
    12. Lub Zos Tob Poos[Ban Tao Pune] yog cov Hmoob Catholic tawm ntawm lub
    zos Npam Naj Vas tsiv mus nyob yog xyoo 1961. Yog Txiv Plig Vaj Pov coj cov
    Hmoob Catholic mus nyob txog xyoo 1962.
    13. Lub Zos Tuam Hem Sab [Ban Dongving] Yog yawg koob Ntsuab cai Yaj,
    Thiab Nyiaj Yob Yaj tsiv tawm lub zos Moj Sab mus nyob.
    14. Lub Zos Toj kub Kees Nees [Npam Kees Nees]
    15. Lub Zos Pheej Hauj[Ban Phin Ho] Hmoob Hawb, thiab Hmoob Thoj los nyob
    kwv yees xyoo 1870
    16. Lub zos Nab Npus
    17. Lub zos Naj Las[Ban Nam La]
    18. Lub zos Pab Twb Lwb
    19. lub zos Naj Vuaj[Ban Na Wuo]
    20. Lub zos Npam Pus Thav[Ban Phu Tha]
    21. Lub zos Naj Ngos[Ban Nam Ngao]
    22. Lub zos Naj Phes [Ban Nam Phet]
    23. Lub zos Roob Phas Dees[Ban Phu Pha Dang]
    24. Lub zos Xub Yoob
    25. Lub zos Phas Oos[Ban Pha Ong]
    26. Lub zos Naj Yoob[Ban Namyon]
    27. Zos Hav Tsov
    28. Lub zos Tsua Luv
    29. Lub zos Naj Mais
    30. Lub zos Quav Npua
    31. Lub zos Nyiaj Ntxhim
    32. Lub zos Tshav Nyuj
    33. Lub zos Ciaj Coob
    34. Lub zos Xas Xoob

    Luam Nabthas muaj txog ntau haiv neeg nyob koom ua ib ke

    Lub Xeev Luam Nabthas muaj txog 34 haiv neeg los nyob ua ke sib koom tebchaws
    Nyob ua kev sib raug zoo koom ua ib lub xeev. Cov haiv neeg muaj li nram no:
    Lao, Hmong, Akha, Mien, Samtao, Thai Dang, Thai Dam, Thai Lu, Thai Nuea,
    Thai khao, Thai Kalom, Khamu, Lamet, Lahu, Mouser, Thai Yuan, Red Thai,
    Lanten, Rok, Oo, Lao Bit, Kue.


    Lub zos Npam Naj Xees yog lub zos niaj hnub no Hmoob nyob


    Photo by Seng Xiong 2011

    Raws li Npuag Vas Vwj, thiab Nyiaj Kawm Vwj tau hais mas ntau xyoo dhau los
    nomtswv Nplog tau hais kom lawv nqes mus nyob nram teb tiag, ntawm ntug
    kev tsheb ze Tob Poos. Tab sis thaum lawv mus nyob nram ua rau lawv muaj
    mob heev, thiab ua rau lawv cov neeg tau tuag. Yog li ntawd lawv thiaj cia li
    tsis nce rov los nyob ntawm Mab Daum lub qub zos no. Muaj 2 lub zos nyob ua
    ke, ib lub yog Hmoob, muaj ib lub yog cov Kwv Txhoob. Koom ib tug nai ban.
    Lawv ua liaj ua teb noj, thiab nyob li qub tsis hloov ntau li. Nom tswv Nplog
    Tuaj ua tau o blub tsev kawm ntawv rau lawv lub zos no

    Cov Mab Daum nyob lub zos no tau raug tshais mus nyob nram teb tiag tas
    Lawm, lawv mus tsim zoo vaj tsev, thiab ua liab, cog ntoo yas phas las, lawv
    Muaj kev vam meej ntau dua peb cov Hmoob uas nyob pem roob.
    This is the present map

    Lub zos Npam Naj Vas yog ib lub zos Hmoob nyob toj roob siab nyob sab qab
    teb li 80 Miles deb lub nroog Luam Nabthas, thiab 100 miles sab qaum teb ntawm
    Lub nroog Houei Xay [Bo Keo.]

    Npe cov txwj laug [Nai Ban] Saib thaj tsam no 1880 - 1975

    1. Nyiaj Yob Yaj kws yees xyoo 1881
    2. Nyiaj Txoov Yaj
    3. Nom Phaj Xyooj
    4. Ntsuab Lwv Yaj
    5. Zoov Laum Yaj
    6. Ntsum Ntxawg Yaj
    7. Vam Lwv Xyooj
    8. Ntsum Xeev Thoj
    9. Xaiv Tub Thoj
    10. Tsuj Xwm Xyooj
    11. Nchaiv Yis Xyooj 1950 - 1954
    12. Suav Lwm Thoj 1954 – 1962
    13. Major Vam Meej Xyoo [Xyooj Nraug] yog tus coj tag nrho Hmoob nyob
    Sab tebchaws Luam Nabthas txij xyoo 1963 txog 1975.
    14. Luetenant Sang Khammy [Nom Pov Yaj] yog Hmoob Luam Nabtha thawj
    Tug tub rog Fab Kis Nws nyob lub zos Tuam Hem Sab. Sang Khamy yog
    Yawg Koob Nyiaj Yob Yaj tus tub Xeeb Ntxwv

    Txheej laus thaum ub mas lawv ntse heev, lawv txawj hais paj lug, thiab Lawv hais
    plaub ntug mas lawv hais cai paj lug. Txheej no peb tsis paub, Thiab khaws tsis tau
    li lawm. Cov laus thaum ub lawv puav leej paub lus Suav zoo.

    Keeb Kwm Hmoob Khiav los nyob lub zos Npam Naj Vas

    Raws hais mas twb tau muaj ib pab los txeem rau lub tebchaws Npam Naj Xees
    Lawm. Tab sis vim Plhuab Nyuab tsis pub nyob, ces thiaj khiav mus rau lwm qhov
    Lawm. Pab nram no yog pab thib 2 uas tau los pib nyob rau lub thaj tsam no:

    Kwv yees li xyoo 1880AD tau muaj ib pab yawg koob: Ntsuab Cai Yaj, Nyiaj Yob Yaj,
    Ntxoov Yias Yaj, Ntsum Tuam Yaj, Nplaib Ntxhais Yaj, thiab Ntsuab Maim Muas.
    Lawv cov yawg koob no tau coj ib pab Hmoob khiav los nyob ntawm lub dawm yuav
    mus lawm nram tiaj xyoob ntxhws ze ze ntawm lub zos Npam Naj Xees. Lawv cab nyuj
    cab nees thiab los so ntawm lub dawm ntawd, Cov Mab Daum paub, thiab cov Mab
    Daum tsis pub lawv nyob, Mab daum thiaj li tau ntau nruas dub nruas kub twg caum ,
    tua phom nrov nroo ntws ib tog tuaj caum kom Hmoob tawm, thiab muab cov laus uas
    khiav tsis taus muab pav thiab muab kwv, thiab muab ev coj mus rau nram lub zos Qhov
    Hmoov Sib [Tao Pun]. Hmoob thiaj li tau khiav taug kev mus so ze ntawm lub nroog Pus
    Khuas [Viang Phu Kha], thiab Hmoob tau mus ua tsev pheeb suab, thiab mus thov mov
    ntawm cov Puab Yib tom nroog los noj.


    Muaj ib hnub Fab Kis tus Commissioner tus poj niam tau caij nees tuaj ncig ua si,
    thiaj nug Hmoob hais tias, yog ua li cas nej thiaj los nyob li no? Hmoob thiaj teb hais
    tias, peb tau tsis los nyob rau thaj tsam ze lub zos Npam Naj Xees, tab sis Plhuab
    Nyuab tsis pub peb nyob, thiab muab peb raws tawm. Yog li peb thiaj tau khiav los
    nyob ntawm no. Tus pojniam Fab Kis thiaj hias tias yog li ntawd ces nej yuav tau
    mus ntsib thaj Commonsay [Commissioner]. Lawv thiaj tau mus ntsib tus nom
    Fab Kis, nws thiaj li hais tias yog nej muab nej 3 tug txiv nees zoo zoo nkauj rau kuv
    mas kuv mam coj nej mus hais Mab Daum kom cia nej nyob. Hmoob thiaj li pom zoo
    muab Hmoob 3 tug txiv nees uas rog zoo nkauj pub rau Fab Kis tus nom.

    Fab kis tus Commissioner thiaj li tau caij nees nrog Hmoob mus ntsib cov Mab Daum
    pem lub zos Npam Naj Xees [Ban Namsing]. Thaum mus txog lawm nws tau hu tag
    nrho cov Mab Daum tuaj nrog nws sab laj. Nws tau nug seb leej twg yog tus tso cai
    kom lawv raws Hmoob khiav, tsis pub Hmoob nyob? Nws taw tes rau txhua tus, tab
    sis tus twg los tsis kam lees, thiaj muaj ib tug tau taw tes rau Ai Nye tus thawj hau zos,
    Nws thiaj tau lees hais tias nws tau ua tiag, vim lawv yuav txuag lawv tej hav xyoob
    Hav ntoos tsis xav pub neeg los txeeb. Thaj commissioner thiaj hais tias tej tebchaw
    No yog Huab Tais Npog li av, es yuav tau muab rau Hmoob nyob, thiab cia Hmoob pab
    Them se rau Fab Kis. Yog li ntawd thaj commonsay thiaj li taw tes kom Hmoob mus nyob
    tim lub Roob Moj Sab. Lub caij ntawd mas lub roob Moj Sab yog hav zoov nuj txeeg tsaus
    nti, thiab yog hav kav theej nkag mus tsis txeem li. Thaj commissioner thiaj yuam kom
    Mab daum coj Hmoob kev nce mus txeem lub Roob Moj Sab, Mab Daum coj mus txog
    Tim ib nta toj xwb ces mab daum rov qab los lawm. Hmoob mam txeem mus nkag
    rau lub Roob Moj sab, Hmoob mus nyob rau ntawm lub pas dej Co, vim qhov ntawd thiaj
    muaj dej txhaw me ntsis xwb. Lawv thiaj los ua noj ua haus nyob rau lub roob Moj Sab.
    Lub Roob Mob Sab thaum lawv pib los nyob yog hav zoo nuj txeeg, muaj twj kum nyob.
    Tab sis Hmoob los nyob tau kwv yees li ib tiam neej xwb, lub roob Moj Sab dhau mus ua
    Suab puam hav nqeeb, thiab tsis muaj ntoo li lawm, los txog niaj hnub no los
    Tseem zoo li qub yeej ciaj tsis tau hav zoov ntxiv lawm

    Lawv los nyob lub Roob Mob Sab tau ntau lub xyoo. Tsis ntev ces lawv cov thawj coj
    Tau sib txeeb ua hau ces lawv hais tsis sib haum thiab tau sib ntaus. Thiaj ua rau lawv
    Sib tawg nyias tsiv mus nyob nyias ib lub zos. Yawg Ntsuab Maim Muas khiav rov mus
    nyob Roob Nqeeb, Ntsum Tuam Yaj khia mus nyob Roob Tuam Hem Sab, yawg Nom
    Phaj Xyooj khiav mus nyob lub zos Npam Naj Vas. Lub caij no yawg Ntsum Xeev Thoj
    Tau khiav teb chaws Naj Mais los nrog Nom phaj Xyooj lawv pab Hmoob Xyooj nyob
    Ua ke rau lub zos Npam Naj Vas. Ntsum Xeev Thoj lawv yog cov Hmoob Dub, Nom
    Phaj Xyooj yog cov Hmoob Ntsuab.

    Thaum lub caij ntawm mas luag tsuas cav hais tias lub roob Mob Sab zoo yaj yeeb,
    Yeeb Mas zoo tshaj plaws li nplooj yeeb zoo qhwv mov. Yog li no yawg Zoov Xeeb
    Xyooj, thiab Leej Xyooj yog cov Hmoob dawb nyob lub zos Toj Kub Kees Nees thiaj
    tau tuaj saib, thiab pom hais tias muaj tiag, yog ntov hav zoov nuj txeeg ua yaj yeej
    mas zoo kawg, nplooj yeeb dav zoo qhwv mov tiag. Ces ob tug txawm tau khiav Los
    nrog lawv nyob lub zos Npam NajVas, tom qab ib xyoos ntxiv ces lawv thiaj rov los
    tos peb Yawg uas yog Yawg Ntxoov Huas Xyooj nyob lub zos Toj Kub Kees Nees los
    nrog Lawv nyob.

    Lub Roob Moj Sab muaj lub moo ncha mus txog Suav teb Yunan, Yog li no txhua lub
    xyoo thaum Hmoob lub paj tsiab 30 mas Suav tuaj nqus yaj yeeb coob kawg, Suav
    thauj nyiaj choj, thiab ntaub xov tuaj pauv yaj yeej. Ib tug Suav los pav mas muaj txog
    10 tawm tus nees tuaj ncig Hmoob tej zos thaj tsam lub Zos Npam NajVas. Tab sis lub
    Zos Npam NajVas yog lub Suav tuaj ua ntej tshaj lwm lub. Tam sim no Nomtswv Nplog
    Txwv tsis pub Hmoob mus ua yaj yeeb li lawm. Yog li no Lub roob Moj Sab thiaj tsis muaj
    Neeg mus ncig ntau li lawm.

    Lub caij no yog yawg Ntsum Xeev Thoj ua tus hau zos. Tab sis thaum yawg Ntsum
    Xeev muaj mob lawm ces thiaj muab yawg Xaiv Tub Thoj los ua tus hau zos, Xaiv Tub
    Thoj ua hau zos tau ntau lub xyoo, thiaj muab hloov rau Nchaiv Yis Xyooj ua. Kwv yees
    xyoo 1955 Nchaiv Yis tau tsiv mus rau Phwv Cis Theeb, thiab tau muab tso rau Suav
    Lwm Thoj ua tus tuav los txog hnub lub tebchaws poob rau tog nom sab laug xyoo 1962.

    Tom qab no lawv huaj vam coob tuaj, ces yawg Zoov Laum Yaj thiaj coj ib pab cov
    Hmoob Yaj khiam mus ua zos nyob Looj Thaj, thiaj tseg cov Hmoob Xyooj Hmoob
    Dawb nrog cov Hmoob Thoj nyob lub zos Npam Naj Vas lawm xwb. Thaum ntawm
    muaj yawg Xaiv Yob Yaj Khiav los nrog yawg Zoov Laum lawv nyob lawm thiab. Nyob
    tsis ntev ces yawg Zoov Laum tsiv mus ua zos rau lub zos Pas Xees Lees nrog yawg
    Ntsum Tuam Xyooj nyob, nws nyob tsis ntev ces nws tau tsiv mus ua zos nyob lub zos
    Pas Khas. Tom qab no lub zos Pas khas yog cov Hmoob Xyooj nyob. Yawg Vam Tub Thoj
    yog tus mus tsim lub zos Npam Naj Cib. Tom qab no yog cov kwv Tij Hmoob Muas khiav
    los nyob lub zos no tau li ib tiam neej thiab.
    Kuv tau sau hais txog lub Zos Npam Naj Vas ntau xwb, tsis hais txog lwm lub zos.
    Vim lub zos no yog lub muaj ntau tus tau mus kawm ntawv, thiab tau sawv nrog
    Luag ua laj kam tej kam chaw.

    Cov kwv tij uas tau qhia zaj dab neeg Hmoob tsiv los nyob Npam Naj Vas es kuv thiaj
    muab los sau ua dab neeg rau sawv daws tau khaws tseg, yog cov muaj npe li nram no:
    1. Nyiaj Kawm Yaj nyob Npam Naj Xees, Luam Nabthas
    2. Ntsum Hauj Xyooj nyob Fresno, California
    3. Vam Meej Xyooj nyob Atwater, California
    4. Npuag Vas Vwj nyob Npam Naj Xees, Luam Nabthas
    5. Nom Phaj Xyooj nyob Dan Kang, Luam Nabthas
    Yog nej tsis pab qhia ces kuv yuav sau tsis tau zaj dab neeg los qhia rau cov xeeb
    leej xeeb ntxwv tau paub txog peb keeb kwm yav tag los li.
    Kuv thov ua nej sawv daws tsaug.

    Kuv yog Kwm Xeeb Xyooj, lub npe hluas niam txiv tis hu ua Cheeb Xyooj.
    Lub npe ua laj kam official name yog [Seng Xiong]
    Ban NamVang

    Daim Duab no yog lub zos Npam Naj Vas, Tam sim Photo by Seng Xiong
    no tsis muaj neeg nyob lawm, yog hav zoo lawm.


    Lub zos Tob Poos Ban Tao Pune

    Photo by Seng Xiong 2011

    samxiong
    Tuaj Tshiab
    Tuaj Tshiab

    Messages : 40
    Date d'inscription : 2011-11-14

    Tshab lus

    Post  samxiong on 14th November 2011, 10:55 am

    Nyob zoo Maiv Tooj,

    Dab laug muab paste tau rau lawm. Tab sis tsis align.
    koj mam muab kho rau. Cov duab kuv paste tsis nyob
    ploj tas lawm.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: HMOOB NPAM NAJ XEES

    Post  Maiv Tooj on 14th November 2011, 11:09 am



    Nyob zoo dab laug Kwm Xeeb,

    Wow...! Hnub no cas kuv me dab laug yuav nqa tau ib cov zaub ntsuab pem Npam Naj Xees tuaj haus zaub tsuag rau peb noj yuad! Ntuj e! cas yuav rov hnov tej me qub lus, rau tej me qub teb chaw, cas yuav ua rau kuv lub siab yuj plaws rau lub neej puag thaum ub uas nco ntsoov tsis ploj.

    Dab laug, hauv nov yeej siv tib yam li lwm qhov thiab xwb. Tsuas yog qhov tso duab ces tsis yog nyob hauv qab, yog nyob rau saum hauv xwb. Koj ntsias ntawm qhov 2 lub carré ntsuab ntsuab sib tshooj, koj nias qhov ntawd ces koj mam mus nrhiav koj cov duab los tso xwb.

    Nws tuaj tso es qhov twg ho ua tsis tau raws siab nyiam los nws hais kuv mam li tuaj kho rau nws. Kuv zoo siab heev uas hnub no nws tuaj txog peb lub tsev. Peb xav tsim ntau yam zoo tab sis laj lim tswv yim los tsawg, lub caij nyoog los tssi txaus es peb lam ua li peb ua tau xwb. Yog nws muaj caij, kuv xav thov nws tuaj tham tag puas tsav yam uas nws nco thiab paub txog peb lub neej ntuj qub qab. Kuv tseem tos ntsi nws tij laug, dab laug, Xib Hwb Ntsum cob lus keeb kwm Hmoob Npam Naj Xees. Yog nws tau mus ntsib dab laug Ntsum Hauj no ces pab hais kom nws sau rau kuv tau khaws tseg no nawb. Kuv yuav muaj lus ua tsaug ntau.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: HMOOB NPAM NAJ XEES

    Post  Maiv Tooj on 15th November 2011, 11:29 am



    Nyob zoo dab laug Kwm Xeeb Xyooj,

    Ua tsaug ntau rau koj lub caij nyoog muaj nqes uas mus nrhiav cov keeb kwm Zos Npam Naj Vas no tuaj rau peb khaws tseg. Yog ib qho zoo kawg nkaus, yog tsis muaj koj sau tseg ces ntshe peb yuav tsis muaj neeg paub txog peb keeb kwm kiag li lawm. Hais qhov tseeb ces Peb Hmoob nyuam qhuav los nyob Nplog teb tssi ntev kiag li xwb yuad.
    Es koj hais lub zos Npam Naj Vas yog lub uas peb hu ua Qub Zog no los yog lub ntawm uas Nyiaj Lwm Thoj lawv nyob? Los yog lub sab ntawm nej thiab peb nyob? Ua li lub zos uas nej thiab peb nyob ho hu li cas tiag? Lub sab nraum Nyiaj Lwm Thoj lawv ne ho hu li cas thiab? Cas thaum ub es pheej hais tias nraum lawv no xwb.

    Dab laug, zoo li nws copy duab hauv microsoft word tuaj tso tsis tau, nws muaj duab no ho rov tuaj tso rau peb tau khaws tseg thiab.




    Admin
    Admin

    Messages : 221
    Date d'inscription : 2009-08-05

    Re: HMOOB NPAM NAJ XEES

    Post  Admin on 21st November 2011, 8:59 am



    Nyob zoo Samx,

    Ua tsaug uas koj tuaj sau tej zaj keeb kwm txog lub zos Npam Naj Vas zoo heev.

    Kuv his rau koj paub tias kuv muab kopj ib daim duab los dhos rau koj lub npe lawm. Yog tsis nyiam no ho hais tuaj rau kuv mam tshem.

    Ua tsaug.






    Sponsored content

    Re: HMOOB NPAM NAJ XEES

    Post  Sponsored content Today at 9:00 pm


      Current date/time is 10th December 2016, 9:00 pm