Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM NRUAB LIS PIAM XYOO I 2016-2017
by Mim Today at 6:17 am

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    HMOOB NPAM NAJ XEES

    Share

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: HMOOB NPAM NAJ XEES

    Post  Maiv Tooj on 18th June 2013, 8:36 pm

    Nov yog peb cov txiv tub hmoob Xyooj mus picnic ua si thaum lub 6 hli tim 16 2013 nyob hauv Fresno.

    Ib xyoos peb cov txiv tub mus ua si ib zaug. 

    Xyoo no peb kuj muaj hmoo uas muaj ob tug tij laug tuaj ntsib peb. 

    Ib tug yog tuaj tim nej Fab Kis teb tuaj hos ib tug tuaj Wisconsin tuaj. 



    Lam saib yog txiv lawv cov laus.


    Tsav Ntaj Xyooj, Fresno. USA.







    Cov hluas:






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: HMOOB NPAM NAJ XEES

    Post  Maiv Tooj on 18th June 2013, 8:40 pm


    Tsheem Koo & Ntxhoo Xyooj. tim 08-06-2013



    Maiv Zuag




    samxiong
    Tuaj Tshiab
    Tuaj Tshiab

    Messages : 40
    Date d'inscription : 2011-11-14

    Nais Phoos Vaj Pov mus xyuas Hmoob Luam Nab Thas

    Post  samxiong on 29th July 2013, 3:09 pm

    Nais Phoos Vaj Pov mus xyuas Hmoob Luam Nab thas
    Yog thawj zaug, thiab yog zaum kawg.

    Lub sij hawm ntawd mas peb lub tebchaws Nplog sab xeev Luam Nabthas
    yeej nyob tus muaj kev thaj yeeb tsis muaj kev sib ntaus sib tua hlo li.

    Kuv nco tsis tau meej hais tias yog lub xyoo twg tiag, tab sis yuav yog
    kwv yees li yog xyoo 1967 ua ntej yuav muaj tsov rog loj nyob sab xeev
    khuam teb.

    Ua ntej 1 lub lis tiam ntawd mas tus CIA nyob naj ywg uas yog Tony tau
    hais qhia rau sawv daws hai tia general Vang Pao yuav tuaj saib Nam Yu
    ua yog CIA lub chaws ua hauj lwm nyob lub xeev Luam Nabthas. Peb
    sawv daws kuj zoo siab hais tias yuav muaj lub zoo caij pom Vaj Pov uas
    yog Hmoob ib tug nom.

    Txog thaum sij hawm los txog thaum sawv ntxov kwv yeej li 8AM Tony
    tau hais rau peb hais tias, vim muaj huab pos hav ces Vaj Pov yuav tuaj
    lig zog tsis raws lub sij hawm teem tseg 9:00AM. tau muaj ib tsoom pej
    xeem Hmoob tuaj ua cab sab tos yawg Hlob Vaj Pov pib ntawm tus choj
    ntug tshav dav hlau Nam Yu mus ti nkaus tim Xyooj Nruag, thiab Muas
    Xwm tsev, sawv daws sawv ua ib kab cab sab raws sab xis, muaj cov
    kwv tij Hmoob nyob Xais Nyab Npus Lis tuaj ib pab thiab. Tab sis yeej
    tsis muaj ib tug Nplog, ib tug Mab Daum, ib tug Co, los sis lwm haib neeg
    tuaj koom tos txais yawg loj Vaj Pov hlo li, yog Hmoob nkaus xwb.

    Kuv uas yog ib tug tub rog tau txais kev kawm los, kuv txaus siab hlo tu
    cev kom khov kho, nrog riam phom mus ua ib tug tub tiv thaiv yawg hlob
    Vaj Pov tuaj saib Hmoob zaum no, txawm yuav txog qhov muab txoj siav
    los pauv thiab tiv thaiv yus tus nom los zoo siab hlo pub ntag.

    Tony hais tias 10AM yuav tuaj txog, tab sis peb tos txog 10AM los tuaj tsis
    txog li thiab. Tony thiaj tau hu xov tooj mus Looj Ceeb, lawv teb hais tias
    tuaj tsis tau raws li teem tseg tab sis yuav tuaj txog thaum 11AM.
    Thaum txog 11AM li hais lawm thiaj pom lub dav hlau DC-47 ya tuaj txog
    thiab yuj ib lwm Nam Yu mam tig loo los tsaws.

    Thaum lub dav hlau tsaws thiab los nres kiag ntawm ntug choj lawm.
    Pom yawg loj Vaj Pov tawm ua ntej, pom phas nyas Tub Npis Lis Foom,
    Xuv Nplooj Lis Foom, thiab ob tug nrog lawm tawm los. Yog thawj zaug
    uas kuv pom Vaj Pov, Tub Npis Lis Foom rau lub caij ntawd.

    Kuv tau mus kawm ntawv thaum yau mas tau hnov tej mab sua tham txog
    Tub Npis Lis Foom, Tub Liab Lis Foom, thiab Tub Ntxawg Lis Foom hais tias
    lawv tau ua nomtswv qeb siab nrog nplog xwb yeej tsis tau pom. Lawv tuaj
    saib Hmoob zaum no mas pom hais tias lawv tsis muab hlob, lawv los nrog
    pej xeem Hmoob tham lus nug txog sawv daws seb nyob li cas.

    Muas Xwm, thiab Hmoob cov coj tau muab ib tug twm los ua ib pluag noj
    tos txais Gen. Vaj Pov, thiab Tub Npis Lis Foom zaum no, thiab lawv tau
    tuaj so tau li 2 teev nyob Nam Yu, lawv mam sawv kev rov mus Looj Ceeb
    lawm.

    Vaj Pov hnav nws ces khawb ncaws nom uas yog xim kas kis, Npas Nyas Tub
    Npis hnav cev khaub ncaws nom uas yog xim dub, nrig ib tub pas. Lub sijhawm
    dhau los lawm tau ntau caum xyoo tej no tseem nyob rawv hauv kuv lub siab
    tsis ploj hlo li, vim lub caij ntawd kuv yeej ua hauj lwm nrog cov CIA, Thaib,
    thiab cov nom tswv Nplog thaum pib txog thaum Naj Ywj poob, thiab txog thaum
    lub tebchaws Nplog poob rau Commmunist. Kuv thiaj li nco tau ntau yam txoj
    tej keeb kwm, tej nomtswv qeb siab mus rau qeb qes nyob sab xeev Luam Nab
    thas zoo.

    Peb yuav tau nco thiab ua tsaug rau tej nom tswv tej txiaj ntxim. Vim muaj
    lawv, thiab lawv yog lub hauv paus es peb thiab muaj ntseg muag, thiab thiaj
    tau tuaj ua neej nyob ntau lub teb chaws vam meej.

    Tom qab Vaj Pov tuaj saib Hmoob tag lawm. Yeej pom hais tias tej mab sua
    saub zom zaws, thiab saib taus peb Hmoob dua qub lawm tiag.

    Nrog nej ib tsoom phooj ywg sawv daws tham li xwb, mam sib ntsib dua

    Sam Xiong

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: HMOOB NPAM NAJ XEES

    Post  Maiv Tooj on 30th July 2013, 8:37 am



    Nyob zoo dab laug SamX,

    Ua tsaug rau nws tuaj tham txog Nais Hpoos Vaj Pov tuaj mus xyuas Hmoob Naj Ywj. Kuv tseem nco tau me ntsis, nco tau tias Nais Phoo Vaj Pov tuaj xyuas peb, tab sis tsis nco qab thaum nws tuaj tim tshav nkoj lawm, nco tau thaum nws twb los txog ntawm Muas Xwm lawv tsev; lawv tseem nyob lub tsev lawj nruab xwb tsis tau ua tsev ntoo. Nws faib nyiaj rau sawv daws, neeg nce coob saum Muas Xwm lub tsev lawj, ua rau lub tsev nrov, ib txhia thiaj dhia rau hauv qab lawj. Nco tau li nov xwb. Tab sis nco tau tias peb yog cov nqa paj ia kab sab tos nom tim taw choj los dhau plaws rau ntawm Thaib tsev. Kuv nco tau tias Phas Nyas Tub Npis rho cov paj ntawm peb tes xwb. Nco zem zuag ntu dhau ntu xwb. Nco tau tias tshav kub kub ua rau peb cov paj ntawxm tes twb tuag tshav lawm no...Peb cov ntxhais ces nqa paj ua ntaj teg, cov tub yoj chij; nco tau li no xwb.




    Bao X Mary
    Phooj Ywg
    Phooj Ywg

    Messages : 180
    Date d'inscription : 2011-07-09

    Re: HMOOB NPAM NAJ XEES

    Post  Bao X Mary on 2nd August 2013, 3:00 am

    Puav leej yog kuv cov neeg xwb os.Zoo siab kawg li.

    samxiong
    Tuaj Tshiab
    Tuaj Tshiab

    Messages : 40
    Date d'inscription : 2011-11-14

    Zov yawg loj Vaj pov lub cev

    Post  samxiong on 7th August 2013, 4:06 pm

    Kuv muaj ib lub siab xav txhawb nqa tej nomtswv ntawm dag zog.
    Yam uas tsis yog nyiaj txiaj, thiab tswv yim

    li ku tau tham txog yawg loj Vaj Pov tuaj saib peb cov Hmoob Luam Nabthas
    lub caij nyob ntuj qub qab. kuv txaws siab los ua ib tug tiv thaiv nws lub caij
    nws tuaj saib peb cov Hmoob, vim kuv xav hais tias yog ib qho tsim nyog yuav
    tau ua, txawm lwm tus tsis xav li yus xav los xij cia yus ua.

    Thaum yawg loj Vaj Pov tag sim neej lawm, kuv xav hais tias kuv yuav tsum
    mus zov nws lub ce kom tsim nyog li yus yug los ua ib tug Hmoob, thiab ib tug
    qub tub rog. Kuv thiaj txaus siab mus koom nrog pab qub tub rog cov uas tseem
    khov kho yuav saw taus nyob ib sab ntawm lub hleb ua yog yawg loj lub cev.
    kuv thiaj li tau mus nrog lawv kawm tus yeeb yam kev yuav mus sawv zov
    ib tug nom tseem ceeb lub cev. Peb thiaj li tau mus kawm tau ntau hnub.
    Thaum txog lub caij qheb lawm kuv kuj raug xaiv ua ib tug uas coj tau zoo
    dua mus zov yawg loj lub cev tau ntau hnub thaum pib mus txog thaum
    xaus kiag.

    Kuv txawm tsis tau ib lo lub qhuas, thiab txhawb zog los ntawm leej twg
    los kuv txaus siab uatej yam me me li no rau ib tug neeg tseem ceeb ntawm
    peb haiv Hmoob rau tiam no, uas tsis tau muaj ib tug Hmoob yuav muaj lub koob
    npe, thiab lwm hais neeg hwm li Vaj Pov.

    Tuaj piav pem ua luag li no xwb mam ntsib nej sawv daws dua

    Sam

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: HMOOB NPAM NAJ XEES

    Post  Maiv Tooj on 12th October 2013, 7:54 pm



    Ntsuab Ntxawg Xyooj USA duab.


    Thov ua tsaug ntau rau dab laug Ntsuab Ntxawg, nws muaj lub siab dawb muab cov duab puav pheej nov rau peb sawv daws tau khaws cia; ntau zaus tus tswv kiag twb tsis muaj lawm, nws tus kheej twb tsis paub tias thaum hluas nws zoo li cas. Yog vim muaj sawv daws lub siab zoo, thiaj li rov nrhiav tau nws li puav pheej rov los khaws cia rau tej xeeb leej xeeb ntxwv.

    Thov ua tsaug ntau.

    Koj uas yog hmoob Npam Naj Xees, los yog Hmoob xeev Tuam Naj Thuab, yog koj muaj duab qub no thob koj coj tuaj tso rau hauv nov rau peb tau khaws ua puav pheej tseg thiab kom coob leej uas lawv tsis tau ho rov tuaj nrhiav tau lawv tej duab thaum ub.

    Ua tsaug.







    Los Lwm Yaj.



    Lug thiab Phooj.



    Mim thiab Sua Xyooj.



    Mim Yaj.



    Nom Tsab Thoj tsev neeg.



    Rhiav thiab Mab Lis.



    Paj Yaj.



    Ntxhoo Yaj thiab cov viv ncaus.



    Teev Xyooj thiab ...?



    Tswb Lis.



    Tswb Xyooj.



    Txoov Neeb Thoj.





    samxiong
    Tuaj Tshiab
    Tuaj Tshiab

    Messages : 40
    Date d'inscription : 2011-11-14

    Re: HMOOB NPAM NAJ XEES

    Post  samxiong on 12th November 2013, 1:15 pm

    Nyob Zoo Maiv Tooj, thiab phooj ywg sawvdaws,

    Phau ntawv Hmoob Luam Nabthas second edition kuv tau muab mus luam lawm. Tag nhro yog 92 pages.
    Kuv ntxiv tej keeb kwm, thiab duab rau xwb, txhua yam cia nyob li koj kho tseg lawm ntawd.

    Zoo siab uas koj tus vauv muab dhos ua ib phau lawm es yooj yim rau lawv kho, thiab print lawm.
    Tsis li ntawd mas tseem tau ntiav lawv dhos thiab. Zaum no kuv muab luam ua "bound book coated,
    full color.

    Ib lis tiam tom ntej no yog lawm luam tiav no kuv mam xa tuaj rau koj raws li koj hais tuaj.

    Ua tsaug Sam

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: HMOOB NPAM NAJ XEES

    Post  Maiv Tooj on 2nd December 2013, 9:55 am

    Nyob zoo dab laug SamX,

    Zoo siab uas koj ua tau phau ntawv lawm; yog ib lub txiaj ntsim zoo heev uas yuav tau khaw Peb Hmoob Tuam Naj Thuab li keeb kwm cia.

    Kuv zoo siab tos koj xa tuaj rau kuv.

    Ua tsaug ntau.



    Zos kwv txhoob.




    samxiong
    Tuaj Tshiab
    Tuaj Tshiab

    Messages : 40
    Date d'inscription : 2011-11-14

    Re: HMOOB NPAM NAJ XEES

    Post  samxiong on 12th December 2013, 8:26 am

    Maiv Tooj,

    Phau ntawv Hmoob Luam Nabthas luam tiav lawm. Kuv mam xa ob peb phau tuaj
    rau koj raws li koj tau hais tseg:

    ]

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: HMOOB NPAM NAJ XEES

    Post  Maiv Tooj on 13th December 2013, 7:19 am

    Zoo siab kawg, dab laug SamX, koj ua tau phau ntawv tsheej lawm. Yog ib qho zoo heev uas yuav nyob tsis muaj caij kawg. Yuav teev Hmoob Tuam Naj Thuab lub keeb kwm mus ib txhis.

    Ua li, koj xa tuaj rau kuv, kuv mam muab rau cov neeg uas koj xav muab rau. Peb nyob ib cheeb tsam tssi deb tsis ze, nquag sib ntsib thiab. Seb raug nqi li cas los txhob xav li cas, hais tuaj es peb mam sib pab ntxiv rau koj mog. Thaum tuaj txog lawd, kuv yuav muab tham rau Hmoob Nab Yub, seb leej twg yuav no mam hais rau koj paub.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: HMOOB NPAM NAJ XEES

    Post  Maiv Tooj on 16th December 2013, 8:30 am





    Mab Yaj, ...?



    Mab Yaj.





    Mab Yaj.



    Ham Ntxawg thiab Thej Vaj cov txwj nkawm.



    Thej Vaj thiab leej nkawm.




    Duab Mab niam Ham Ntxawg thiab Thej Vaj. 16-12-2013.




    samxiong
    Tuaj Tshiab
    Tuaj Tshiab

    Messages : 40
    Date d'inscription : 2011-11-14

    Xa Ntawv

    Post  samxiong on 19th December 2013, 10:45 am

    Maiv Tooj,

    Hais qhia koj paub kuv xa 5 phau ntawv Hmoob Luam Nabthas tuaj rau koj lawm.
    Yuav tuaj txog koj li ntawm 7 hnub. Koj khaws ib phau tseg cia, dua li ces koj pom
    zoo muab rau tus twg los tau nyob ntawm koj xwb. Kuv muab rau nej tau khaws tseg
    xwb tsis yuav nqe li, muab rau nej los ntawm lub siab dawb paug xwb, es nej txhob
    xa dab tsi li nawb.

    Dua li ntawd lawm ces yog muaj tus ho xav tau ib phau mus khaws tseg no los ho qhia
    kuv paub es mam xa tuaj rau lawv. Es ho pab tus nqe xa, thiab nqe luam.
    Yog $20.00 + shipping/handling.

    Tej no ces tsuas yog tsawg tus kawg uas xav khaws yus keeb kwm tseg thiaj xav tau xwb.
    Feem coob, thiab tiam hluas tam sim no lawv tsis xav txog tej no li lawm.

    Ua tsaug

    Sam Xiong

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: HMOOB NPAM NAJ XEES

    Post  Maiv Tooj on 20th December 2013, 1:04 pm



    Nyob zoo dab laug SamX,

    Ua tsaug ntau, yog tuaj txog no ces kuv yuav khaws ib phau rau kuv, dua li plaub phau ces kuv yuav muab ib phau rau Sua niam Vam Txoov uas nws tau muab ib daim duab rau hauv phau ntawv, ib phau rau Mab niam Ham Lwm, ib phau rau Vaj Thej thiab leej nkawm, thiab ib phau rau Xib Hwb Tsav Yaj Thoj.

    Yog cov ntawv tuaj txog kuv ua ntej peb ob lub Peb Caug timm 11 thiab 18 lub 1 hlis 2014 nov, ib lub yog Peb Caug Hmoob Catholique, peb kuj ua loj tsawv thiab vim peb pawg nov coob hauj sim, ib lub yog koom haum Kev phooj ywg Hmoob, no kuv yuav muab tshaj tim Peb caug seb puas muaj neeg xav tau.

    Ua tsaug rau koj tus ua dab laug ib zaug ntxiv.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: HMOOB NPAM NAJ XEES

    Post  Maiv Tooj on 2nd January 2014, 2:55 pm



    Nyob zoo dab laug SamX,

    Hais rau koj paub tias cov ntawv tuaj txog kuv lawm, ua tsaug ntau.
    Koj ua tau zoo heev li, cia peb Noj Peb Caug, kuv mam tshaj rau cov kwv tij hmoob seb lawv puas xav tau; mam hais rau koj paub.

    Khuv xim me ntsis uas koj tsis sau yuas rau ntawm cov ntawv uas koj muab tuaj pub peb ntawd, kom peb tau koj tus tes ntawd khaws cia nrog phau ntawv.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: HMOOB NPAM NAJ XEES

    Post  Maiv Tooj on 2nd March 2014, 3:23 am





    Niam Zoov Tsheej Xyooj

    1920-2014




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: HMOOB NPAM NAJ XEES

    Post  Maiv Tooj on 2nd March 2014, 3:31 am




    Caiv Kaub Thoj.



    Daim duab nov yog nias rau Bao X Mary saib.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: HMOOB NPAM NAJ XEES

    Post  Maiv Tooj on 2nd March 2014, 3:32 am



    Paj huam Nuj sua plig Peb Caug Lyon 18 01 2014



    Poj hmoob Npam Naj Xees hais paj huam.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: HMOOB NPAM NAJ XEES

    Post  Maiv Tooj on 3rd March 2014, 7:49 am





    Nkauj Yeeb niam Ntxoov Lis Yaj.

    11-01-2014




    samxiong
    Tuaj Tshiab
    Tuaj Tshiab

    Messages : 40
    Date d'inscription : 2011-11-14

    Tso kuv li duab

    Post  samxiong on 19th May 2014, 6:34 pm

    Tau ntev loo tsis tau tuaj saib cov phooj ywg
    hauv nov lawm...Hnub no kuv rov tuaj ntsib sawv daws.

    Daim duab ib yog kuv thiab cov phooj ywg kawm tiav Hmoob li Kab Tshoob Kev Kos
    Daim duab no twb thaij tau ntev xyoo los lawm

    Daim duab ob yog kuv tus ntxhais kawm ntawv tiav ib qeb nyob Fresno State University
    xyoo no thaum May 16, 2014. Tus no yog tus ntxhai kawg uas tsis tau yuav txiv, thiab
    yog tus uas kuv muab nws daim duab tso rau phau ntawv Hmoob Luam Nabthas.






    Last edited by samxiong on 27th May 2014, 8:19 am; edited 1 time in total

    paris.xa moo

    Messages : 28
    Date d'inscription : 2010-05-06

    thov nug Dab Laug SAMXIONG

    Post  paris.xa moo on 27th May 2014, 6:57 am

    Nyob zoo Uncle Sam

    1-Nyuag yaus thov nug dab laug tias yog xav tau Uncle cov 2 phau ntawv hais txog peb hmoob xeev Luang Namtha no yuav ua li cas thiaj yauv tau ? Muaj muag nyob qhov twg ?

    2-Nyuag yaus thov nug tias Luang Namtha tawg xyoo twg ? Xyoo uas cov hmoob thiab Txiv Plig lawv khiav TAOPOUN los mus puas yog xyoo Luang Namtha tawg ?? Yog xyoo twg ?

    Nyuag yaus thov Uncle teb ua ntej tim 02 lub 6 hli ntuj puas tau ?

    Thov ua tsaug thiab vam tias Uncle yuav siv caij nyoog teb nyuag yaus.

    Paris. xa moo





    samxiong
    Tuaj Tshiab
    Tuaj Tshiab

    Messages : 40
    Date d'inscription : 2011-11-14

    Hmoob Luam Nabthas

    Post  samxiong on 27th May 2014, 8:13 am

    Paris Xa Moo,

    Tau pom koj cov lus tawm hauv email. Zoo siab tau ntsib koj nawb.
    Hais txog phaum ntawv ces muaj muag nyob Fresno, thiab St. Paul
    tebchaws US xwb.  Vim tsis muaj neeg yuav ntau ces tsis tsim nyog
    muab xa mus ntau qhov chaw. Yog leej twg xav tau los ho muab
    chaw nyob es mam xa tuaj los tau.

    Hais txog Hmoob Catholic khiav tawm Taopune thiab xeev Luam
    Nabthas poob rau cov Nplog Liab mas kuv muab sau nyob rau
    phaum ntawv huv si lawm.

    Luam Nabthas poob rau Nplog Liab zaum 1 yog xyoo 1962 lub 4 hlis,
    Tim 5. Hnub tim 6 ib hnub tom qab xwb ces cov Hmoob ntseeg
    Catholic nyob lub zos Taopune tau khiav tawm lawv lub zos mus
    sab Thaib lub nroog Chiang Khong, xeev Chiang Rai.

    Xeev Luam Nabtha poob rau Nplog Liab zaum 2 yog xyoo 1974,
    11 hlis tim 30. Lub caij no Hmoob, thiab Nplog tseem tsis tau khiav
    tawm tebchaws. Tau muaj cov tub kawm ntawv qeb siab nyob Vees
    Cas tuaj ntxias kom Captain Chan Suke sawv tuav tseem hwv Nplog
    pawg tub rog nyob Bo Keo tawg tas ces Nplog Liab cia li tuaj tswj.

    Zoo siab uas nej cov xeeb ntxwv tseem muaj tus xav paub txog
    peb tej keeb kwm... Muaj tsawg tus kawg uas tseem xav paub li koj.
    Yog tsis khaws tseg lwm hnub yuav tau mus tshawb ntawm tej mab
    dawb lawm xwb. Vim peb Hmoob keeb kwm yeej tsis nyiam muab yus
    li teej tug zwm rau tej ntaub ntawv tseg.

    Vam tias yuav teb tau koj cov lus nug...Yog tsis meej los nug dua tau.

    SamXiong

    paris.xa moo

    Messages : 28
    Date d'inscription : 2010-05-06

    Re: HMOOB NPAM NAJ XEES

    Post  paris.xa moo on 27th May 2014, 10:21 am

    samxiong wrote:Paris Xa Moo,

    Tau pom koj cov lus tawm hauv email. Zoo siab tau ntsib koj nawb.
    Hais txog phaum ntawv ces muaj muag nyob Fresno, thiab St. Paul
    tebchaws US xwb.  Vim tsis muaj neeg yuav ntau ces tsis tsim nyog
    muab xa mus ntau qhov chaw. Yog leej twg xav tau los ho muab
    chaw nyob es mam xa tuaj los tau.

    Hais txog Hmoob Catholic khiav tawm Taopune thiab xeev Luam
    Nabthas poob rau cov Nplog Liab mas kuv muab sau nyob rau
    phaum ntawv huv si lawm.

    Luam Nabthas poob rau Nplog Liab zaum 1 yog xyoo 1962 lub 4 hlis,
    Tim 5. Hnub tim 6 ib hnub tom qab xwb ces cov Hmoob ntseeg
    Catholic nyob lub zos Taopune tau khiav tawm lawv lub zos mus
    sab Thaib lub nroog Chiang Khong, xeev Chiang Rai.

    Xeev Luam Nabtha poob rau Nplog Liab zaum 2 yog xyoo 1974,
    11 hlis tim 30. Lub caij no Hmoob, thiab Nplog tseem tsis tau khiav
    tawm tebchaws. Tau muaj cov tub kawm ntawv qeb siab nyob Vees
    Cas tuaj ntxias kom Captain Chan Suke sawv tuav tseem hwv Nplog
    pawg tub rog nyob Bo Keo tawg tas ces Nplog Liab cia li tuaj tswj.

    Zoo siab uas nej cov xeeb ntxwv tseem muaj tus xav paub txog
    peb tej keeb kwm... Muaj tsawg tus kawg uas tseem xav paub li koj.
    Yog tsis khaws tseg lwm hnub yuav tau mus tshawb ntawm tej mab
    dawb lawm xwb. Vim peb Hmoob keeb kwm yeej tsis nyiam muab yus
    li teej tug zwm rau tej ntaub ntawv tseg.

    Vam tias yuav teb tau koj cov lus nug...Yog tsis meej los nug dua tau.

    SamXiong
    ------------------------
    ua tsaug Uncle Samxiong.
    Ib caj ces neeg twg tsis muaj dab neeg, kwv huam, tsis muaj txuj muaj ci, tsis muaj kwv txhiaj paj ntsha lus taum, tsis muaj paj ntaub, tsoos tsho, tsis muaj kawb muaj lw....caj ces neeg ntawd tsis yog ib caj ces neeg lawm. Li no, thaum peb muaj tej tus neeg paub txog peb tej keeb kwm, dab neeg , sawv lso sau tau tej phau ntawv cia li no, yuav tau maub saib muaj nuj nqi, khaws cia tseg ua puav pheej. ncauj piav xwb ces ya nrog huab nrog cua tag lawm. yam muab teev rawv tuaj nraub ntaw ces thiaj nyob ib ntxhis.
    Ib puas tsav yam haiv neeg vam meej, txawj ntse , luag tej dab neeg, kev txawj kev ntse tsis yog yuav piav ncauj dhau ncauj, tiam sis luag muab teev tuaj nruab ntawd nyob txog puas txhiab xyoo. Li no, yog peb yog neeg vam meej ces peb yuav tau txawj ceev peb tej ntawv keeb kwm, dab neeg cia. Ntshai yog tsis muaj xwb, yog muaj ces yuav tau yuav khaws cia tseg....

    Cia saib kuv ho yuav nrhiav tau kuv cov neeg nyob CA los MN leej twg pab mus nrhiav 2 phau rau kuv. Muag nyob hauv ib lub library special lso nyob qhov twg ??

    qhov kuv xav paub lub caij Luang Namtha tawg zaum 1 mas vim kuv yuas mus ib qhov intervew ces kuv yuav tsum paub....

    thov ua tsaug Uncle.

    samxiong
    Tuaj Tshiab
    Tuaj Tshiab

    Messages : 40
    Date d'inscription : 2011-11-14

    Re: HMOOB NPAM NAJ XEES

    Post  samxiong on 27th May 2014, 2:09 pm

    paris.xa moo wrote:
    samxiong wrote:Paris Xa Moo,

    Tau pom koj cov lus tawm hauv email. Zoo siab tau ntsib koj nawb.
    Hais txog phaum ntawv ces muaj muag nyob Fresno, thiab St. Paul
    tebchaws US xwb.  Vim tsis muaj neeg yuav ntau ces tsis tsim nyog
    muab xa mus ntau qhov chaw. Yog leej twg xav tau los ho muab
    chaw nyob es mam xa tuaj los tau.

    Hais txog Hmoob Catholic khiav tawm Taopune thiab xeev Luam
    Nabthas poob rau cov Nplog Liab mas kuv muab sau nyob rau
    phaum ntawv huv si lawm.

    Luam Nabthas poob rau Nplog Liab zaum 1 yog xyoo 1962 lub 4 hlis,
    Tim 5. Hnub tim 6 ib hnub tom qab xwb ces cov Hmoob ntseeg
    Catholic nyob lub zos Taopune tau khiav tawm lawv lub zos mus
    sab Thaib lub nroog Chiang Khong, xeev Chiang Rai.

    Xeev Luam Nabtha poob rau Nplog Liab zaum 2 yog xyoo 1974,
    11 hlis tim 30. Lub caij no Hmoob, thiab Nplog tseem tsis tau khiav
    tawm tebchaws. Tau muaj cov tub kawm ntawv qeb siab nyob Vees
    Cas tuaj ntxias kom Captain Chan Suke sawv tuav tseem hwv Nplog
    pawg tub rog nyob Bo Keo tawg tas ces Nplog Liab cia li tuaj tswj.

    Zoo siab uas nej cov xeeb ntxwv tseem muaj tus xav paub txog
    peb tej keeb kwm... Muaj tsawg tus kawg uas tseem xav paub li koj.
    Yog tsis khaws tseg lwm hnub yuav tau mus tshawb ntawm tej mab
    dawb lawm xwb. Vim peb Hmoob keeb kwm yeej tsis nyiam muab yus
    li teej tug zwm rau tej ntaub ntawv tseg.

    Vam tias yuav teb tau koj cov lus nug...Yog tsis meej los nug dua tau.

    SamXiong
    ------------------------
    ua tsaug Uncle Samxiong.
    Ib caj ces neeg twg tsis muaj dab neeg, kwv huam, tsis muaj txuj muaj ci, tsis muaj kwv txhiaj paj ntsha lus taum, tsis muaj paj ntaub, tsoos tsho, tsis muaj kawb muaj lw....caj ces neeg ntawd tsis yog ib caj ces neeg lawm. Li no, thaum peb muaj tej tus neeg paub txog peb tej keeb kwm, dab neeg , sawv lso sau tau tej phau ntawv cia li no, yuav tau maub saib muaj nuj nqi, khaws cia tseg ua puav pheej. ncauj piav xwb ces ya nrog huab nrog cua tag lawm. yam muab teev rawv tuaj nraub ntaw ces thiaj nyob ib ntxhis.
    Ib puas tsav yam haiv neeg vam meej, txawj ntse , luag tej dab neeg, kev txawj kev ntse tsis yog yuav piav ncauj dhau ncauj, tiam sis luag muab teev tuaj nruab ntawd nyob txog puas txhiab xyoo. Li no, yog peb yog neeg vam meej ces peb yuav tau txawj ceev peb tej ntawv keeb kwm, dab neeg cia. Ntshai yog tsis muaj xwb, yog muaj ces yuav tau yuav khaws cia tseg....

    Cia saib kuv ho yuav nrhiav tau kuv cov neeg nyob CA los MN leej twg pab mus nrhiav 2 phau rau kuv. Muag nyob hauv ib lub library special lso nyob qhov twg ??

    qhov kuv xav paub lub caij Luang Namtha tawg zaum 1 mas vim kuv yuas mus ib qhov intervew ces kuv yuav tsum paub....

    thov ua tsaug Uncle.

    Nyob California mus yuav tau ntawm Hmoob lub chaw ua lag luam Vinai Mini Mall
    4905 E. Kings Canyon Road Suite 106-I Fresno California

    Nyob St. Paul mus yuav tau ntawm Hmong ABC Book Store: 1001 Johnson Parkway, Suite 46-48, Saint Paul Minnesota

    Yuepheng Xiong: yuepheng@hotmail.com

    Ntsib koj li no

    Samxiong

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: HMOOB NPAM NAJ XEES

    Post  Maiv Tooj on 16th December 2014, 8:21 am


    Zaj 148- PEB TSEV NEEG KEV SIB HLUB.




    Zaj lus no kuv sau los nco txog peb tsev neeg kev sib hlub. Yog Leej twg tau nyeem zaj lus no tas lawm mas thov nej txhob muab los ntaus nqi  mus ua lwm yam hauv kev xav.

    Xyoo 1959, kuv mus ua Xib Hwb qhia ntawv, thiab ua Xib Hwb qog Yes Xus lub Moo  Zoo rau cov kwv tij Hmoob nyob sab pem Luang Nam Tha.
    Kuv tau ntsib kuv poj niam nrog kuv yawm txiv lawv tsev neeg, nyob lub zos Na Vaas, ze rau lub zos Mab Nam Sing. Kuv yawm Txiv hu ua Lis Nkaj Huas. Kuv poj niam yog Nws tus ntxhais hlob. Nws lub npe hu ua Tshaus. Nkaj Huas yog thawj pab neeg xub ntseeg hauv pab 15 yim hmoob ntseeg ua ntej.

    Thaum kuv tau ntsib yawm txiv lawv tsev neeg no, peb sib raug zoo. Nws kuj tso nws tus ntxhais tuaj kawm ntawv ntawm kuv.
    Hnub wb tau sib yuav lawm peb nyob noj ua ke, kuv nrog lawv nyob ntau. Muaj tsawg hnub kawg uas kuv khoom ces kuv mus pab yawm txiv ua teb. Kuv mus yog tej thaum ua hauj lwm hnyav ntau, xws li mus pab ntov ntoo.  Lub caij luaj teb.

    Kuv kuj nyiam mus yos tua nas tua noog kawg thiab.  Lub caij pob kws thiab txiv ntseej siav mas kuv nyiam mus tua nas, Muaj ib hnub kuv txua tau ib  rab me nyuam hneev rau dab laug (Tsav) Yeej kuv coj nws mus tua nas. Kuv thaiv lub chaw rau nws nyob ze lub hauv paus ntoo. Yog nas tuaj ces nas yuav nce tus ntoo ntawd mus noj txiv saum ntsis. Kuv nyob pem toj muaj ib txog kab nas tuaj pem ib co ntoo siab tuaj, kuv nyob qhov ntawd. Ib me ntsis nas xub tuaj nram dab laug Tsav yeej tuaj. Tus nas tuaj tau ze ze nws ces tua ib hnee rau xib xub mus chob kiag nas sab tes tshab plaws xwb, nws mus nthos tau xib xub nas tsis tau dim, nws swb kiag kom mus txog nrab xub, ces nas nti heev nws hu kuv, kuv mam mus pab muab ntaus tuag.
    Ib pliag muaj ib tug tuaj dua dhau lawm mus rau saum ntsis ntoo lawm kuv mam tua ces poob los. Tau ob tug nas xwb ces wb txawm los tsev lawm.

    Kuv Nrog yawm txiv tsev neeg nyob tau peb xyoos, lub teb chaws muaj tsov rog. Ces kuv rov qab los tsev kuv mam li mus nyob rau Vees Cas. Ces lub zos tawg   cov neeg raug ua neeg thoj nam mus nyob rau Pham Dees, Thaib teb tzu ob xyoos ces ho rov los nyob rau Naj Gnos thiab Naj Vuaj Nplog teb.

    Xyoo 1964 kuv rov mus  saib yawm txiv lawv, kuv mus tos niam Tais Mim tuaj nrog poj niam wb nyob Vees Cas kom nws tau kawm ntawv. Cov dab laug lawv kawm ntawv nyob Houeisay txog lub caij Cov Txiv Plig Italie tsim tau lub tsev kawm ntawv nyob Luang Prabang lawv mam li tau mus kawm nyob Luang Prabang.

    Cov me nyuam Hmoob toj siab thiab cov me nyuam Khab Mub (Mab Daum) tau kawm ntawv hauv cov tsev kawm txuj no zoo mas vim cov Txiv Plig sau ntawv mus thoob plaws rau cov yim neeg ntseeg siab dawb saib puag muaj neeg kam pab ib tug me nyuam hauv cov haiv neeg tsawg uas lawv yog neeg txom yem cov neeg nyob Italie, Fab Kis, USA teb ib hnub lawv qee $1.00. ib Dola xwb twb txaus pab ib tug me nyuam hmoob txom nyem kev noj kev kawm nyob Los Tsuas teb li ib hnub lawm. Ib lub hli lawv qee $30. 00 dola.

    Muaj tej yim neeg siab dawb li no pab mas cov me nyuam Hmoob thiab Mab Daum thiaj tau kev kawm ntawv.
    Ob lub tsev txais cov tub ntxhais Hmoob tuaj kawm ntawv nyob Vientiane thiab Luang Prabang muaj neeg siab dawb pab li no  feem coob yog pab me nyuam hmoob thiab me nyuam Mab Daum.
    Nyob Mis Kuj, Fuaj Kuj, thiab Italie, muaj tej yim neeg tau qee lawv tej nyiaj txiag li no 7-8 xyoo los 10 xyoo kom tau peb tej tus me nyuam Hmoob tau kawm txuj mus txog Bac. Thiaj mam li tau Tseen hwv kev pab cuam me ntsis ntxiv kom tau tawm mus rau Fab Kis los Italie thiab USA teb. Kuv Paub zaj lus no zoo vim Kuv tau nrog cov Txiv Plig lawv ntaus tswv yim ua txoj hauj lwm no.
    Yog tsis muaj tej yim neeg siab dawb pab li no mas cov tau kawm ntawv yog cov tub Nom tub Tswv xwb. Me nyuam Hmoob nyuam qhuav tau kawm ntawv lub zim txwv Vaj Pov tau los ua Nom, suav txij li xyoo 1961 los txog 1975  no twb muaj me nyuam Hmoob mus txog Bac ze 10 leej li lawm.

    Yawm txiv cov tub: Lis Neej Co kawm tau Bac nyob Vees Cas, Nyiaj Ceeb kawm ua kw tshuaj pab cov Hmoob nyob toj siab, Lis Yeej kawm tas Troisième; nws nyob rau lub caij tseem xav tswv yim tsis tau meej ib txoj kev yuav taug. Mim thiab Tooj kawm ua kwv qhia ntawv.  Tsis tau tiav ces peb poob ua neeg thoj nam tas.

    *- Lub Zim txwv peb tsev neeg tau txais kev txom nyem.
    Lis Co tuaj kawm txuj nyob Vees Cas, nws tau tus mob kab npaws (malaria), kab yoov tshaj cum tom ces nws tus txiav loj tuaj  vim tus txiav sau cov ntshav tuag mus tso rau hauv tus txiav ntawd. Ces yuav raug muab phais tawm mus. thiaj pab tau kom txoj sia nyob ntxiv. Kuv pab nws ua siab loj kho kom dim ntawm tus mob nkeeg no.Thaum phais rho tus txiav no tawm lawd nws tsis muaj ntshav txaus ces kuv tau tso kuv li ntshav 500cc mus pab nws kom txhob sab nws dhau.

    Txhua yam mus zoo tsis muaj teeb meem. Tim 15/05/1972, tsis ntev yawm Txiv lawv tsiv pem Naj Ywj (Xeev Huam Khoom) los nrog kuv nyob rau Vees Cas. Yawm Txiv thiab niam Tais Tooj mob txiav ib yam li Lis Co. Kuv niaj hnub coj yawm Txiv nkawd mus rau Kws tshuaj xyuas. Cov kws tshuaj kuj hais tias yuav raug phais tus txiav tawm mus thiab. Ces tau txiav txim siab cia cov kws tshuaj kho. Tsis muaj hmoo, thaum phais yawm txiv, cov kws tshuaj tsis nco qab khi ib txoj hlab ntsha; phais tas los los ntshav hlob heev kuv qhia cov kwv tshuaj paub. Lawv hais tias zoo li no mas yog khi cov hlab ntshav tsis tas lawm. Kws tshuaj thiaj rov txhaj tshuaj tsaug zog rau rov muab rhuav dua ib zaug khi cov hlab ntsha tas. Kuv kuj tso ib hnab ntshav 500cc pab ntxiv, tsis muaj hmoo yawm Txiv cia li tsis tsim rov los li lawm xwb 12h10 ib tag hmo nws tsis muaj txoj sia lawm yog hnub tim 15/06/1972 thaum ib tag hmo dua me ntsis.

    Hais txog niam Tais,Lub caij coj yawm txiv mus phais nws tus txiav. Niam tais pib txhawj ces nws cia li ua mob yam tsis muaj neeg paub nws cia li zaum sawv mus kev tsis tau lawm, coj nws tuaj txog tsev kho mob twb sab heev lawm ces cawm tsis tau nws tas sim neej ua ntej yawm txiv kiag thaum 15h teev tav su dua (yog hnub tim 15/06/1972).
    Kuv yog tus hlob hauv tsev neeg, kuv nyob tsaus ntuj nti vim niam thiab txiv tuag ob leeg ua ke nyob tib kem tsev.
    Los tsuas teb tseem tsis tau muaj chav tsev txias tso tib neeg tuag lub cev cia. Kuv yuav tsum tau ua ib txhij pam ob leeg ua ke nkawd ua tib hnub tuag los mus. Tu zam tas muab xyab ob leeg ua ke mas tsis paub yuav quaj leej twg ua ntej los ua qab li.
    Neeg paub tab tsis muaj leej twg yuav nrog sab laj ntaus tswv yim txoj kev twg li.Tas txhua yam yus quaj tas yus mam mus ua. Los yus ua tas yus mam los quaj.
    Tsis muaj ib tug zoo neej zoo tsav, los zoo kwv zoo tij nyob twg los tsa yus sawv los coj yus mus zaum.
    Hmoob los Mab sua hnov luag tuaj xyuas los yus mam sawv mus txais qhua, tas yus mam li los quaj. Niam txiv yug muaj sawv daws thiab lawv yog cov yau tas rho lawm tseem yog yus ua tus hlub plhws ib tug dhau ib tug. Cas yus pluag kev hlub ua luaj yus hlub tau luag los tsis muaj tus pab hlub yus li, poj niam wb ib tug kuj tsis paub plhws ib tug taub hau li thiab txoj kev hlub tseem tshav ntuj nrig txog niaj hnub no tsis ploj li, tos yus ho ruam ua luaj li no lawd. Kuv mloog kuv mas zoo li kuv ruam kiag tau ib xyoos kuv mam li nyob ruaj.
    Yawm Txiv lawv kuj yog neeg txawj khwv noj khawv haus. Nws yog ib tug neeg txawj ua lag luam me ntsis thiab. Thaum tas sim neej li no  niam thiab txiv muaj nyiaj ntawv 1.500.000 kip (thaum ntawd ib tug xib hwb ntawm Dong Dok los tau ib hlis 15.000 kis, ib tug tub rog tau 5.000 kis ib hlis), nyaij choj muaj txog 70 daim nyiaj tseem tshuav cov nyiaj kis laus thiab nyiaj nplib nyiaj hob tsis suav thiab.
    Yog nyob nroog mas qhib tau tsev ua lag luag loj lawm.
    Lub caij ntawd kuv ua Xib Hwb nyob Vees Cas, tsis muaj kwv tij neej tsa hmoob li tsuas muaj cov hmoob ua nom lawv muaj lub puav tsev nyob Vees Cas xwb.  Niam thiab txiv nkawd lub ntees ces tsis muaj tej tub qav, tub ncig ua hauj lwm li. Muab hais tau tias tshwj kab kav xwm ces yog cov niam Xib Hwb ua zaub ua mov tas nrho li xwb.
    Thaum txog lub tsuam txwv hais tias muaj lub rooj hais xim ces  kuv cia li rub muaj ib lub rooj li rooj sab laj hauj lwm.
    Nrog cov neeg hais tias yog txwj laus no los zaum. Tus yuav cev lus los tseem yog yus tib si.
    Tsis hais los lub luag hauj lwm muaj nyob ntawd lawm.  Yam li ib pab me nyuam ntsuag 9 leeg yuav cia li muab lawv pov tseg tsis tau, tsis muaj ib tug uas yuav muaj lub cuab yim, ho yuav muaj diav mov los noj yug siav.  Muab niam thiab txiv lub ntees leg tiav tas ces zoo muab lawv sib coj mus lawv tsev.  Yus lub tsev nyob qhov twg ces lawv lub tsev yuav yog lub ntawd xwb. Thiaj tau xaiv kom muaj ib co txwj laus li no los pab sib cog sab laj yuav pab cov me nyuam ntsuag no mus rau seem twg, kom kuv lub siab ho kaj.
    Cov txwj laus no cov tseem ceeb tiag yog 4 tug Txiv Plig vim peb nyob hauv lawv tsev, kuj yog kuv tsev thiab vim Txiv Plig peb yog ib pab ua hauj lwm ua ke. 4 leeg  kev txwj neeg laus Hmoob cov nyob sab nraud:
    1. Lis Txhiaj Tswb.
    2. Thoj Suav Lwm.
    3.Yaj Tsav Lis thiab Lis Zam Ntxawg. (Ob tug Hmoob mus txiav yeeb los ncaj peb thov los ua txwj laus kom nrog hnov).
    4. Ntxiv mus  4 tug Xib Hwb nrog kuv ua hauj lwm ua ke:
    -1.Yaj Txoov Yeeb.
    -2 . Lauj Fav Tswb.
    -3. Lauj Vam Thaiv.
    -4.Tsab Nyiaj Hwj.

    Sawv daws muaj lus pom zoo cia cov me nyuam ntsuag nyob hauv txiv plig lub tsev zoo li yog Zoov Ntxheb me nyuam. Kom sawv daws muaj cai nyob, noj pw xws li yog lawv tsev. Kuv muaj cai txij li cas los lawv muaj cai txij li ntawd,zoo li kuv cov me nyuam nrog kuv.  Ces peb yog ib tse neeg txij hnub ntawd los mus txog hnub peb poob ua neeg thoj nam lawd ces cov me nyuam no zwm rau kuv nkaus lawm xwb vim cov txiv plig lub tsev poob nyob Los Tsuas teb lawm lwm thaj chaw tsis paub peb lawm tsuas yog peb thiaj rov sib paub peb lawm  xwb
    Muab niam thiab txiv lub ntees nta mus dua toj tas lawm. Tshuav niam tais Tooj tseem ris rawv ib tug mob zoo li yawm txiv thiab Dab laug Co nkawd. Ces kuv kuj ua siab me tuaj thiab. Ces kuv coj niam Tais Tooj mus ntsib ib tug kws tshuaj Suav ntiav kom Suav pab kho. Tus Suav no yog cov Suav uas lawv xuas koob nkaug ib ce thoob plaws. Nws tau kho niam Tais Tooj zoo li hais no plaub los tsib zaug xwb ces niam Tais Tooj tus txiav kuj yau lawm. Muaj tshuaj noj ces cia li zoo los mus laus li no. tsis muaj kev txob txhawj li lawm.
    Dhau no kuj tsis tas thiab, Niam Tais Mim ho mob tsib ces kuj yuav tau raug phais tawm thiab coj mus rau cov kws tshuaj lawv hais tias tsis phais ces tsis paub hnub twg li txoj sia yuav tsis muaj xwb. Ces ua ib siab tso cai rau cov Kws tshuaj muab phais tawm. Phais tas kuj tsis muaj dab tsis txawv tsuas yog ntshav tsis txaus xwb. Yuav tau muab ib hnab ntshav ntxiv rau kom txhob muaj teeb meem thiaj zoo sai. Kuv tau kom Kws Tshuaj txhuav kuv ib hnab ntshav 500cc rau. Plaub hnub ces nws zoo, maj mam coj nws los so hauv tsev txog hnub nws rov mus kawm ntawv taus.

    Peb sawv daws muaj txoj hmoo peb sawv daws tseem ua neej nyob muaj txoj sia txog hnub no, Peb txoj kev sib hlub, tau sib faib siav ua neej los txog niaj hnub no, Kuv nyiam nej cov ua kwv txhua tus kuv yeej tseem hlub nej  xws li hnub peb sib faib siav kom tau nyob ua neej. Peb twb nyob tau npaum no xyoo los peb sawv daws tseem noj qab nyob zoo. Tus hlob yuav tau hlub tus yau raws li yus muaj feem yuav hlub mus mog.

    *-Hos cov neeg ces yog thaum twg lawv loj hlob tiav niam tiav txiv tas lawd, muaj cuab yim, lawv pab tau lawv lawm ces zoo lawm. Hos tus tias nws tseem pab tsis tau taus nws tus kheej yog nws vam tsis txog los tsis ua li cas, nws tseem vam txog los yuav tsis txhob muab nws tso tseg thiab.

    *-Kuv nco ntsoov  Hmoob lo lus tias: Tij Viv tam niam txiv. Thaum peb tseem ua neeg thoj nam. Niam dab laug Co nkawd ua nkauj ua nraug xwb nkawd tsis tau sib yuav. Dab laug Lis Co tuaj mus rau Fab Kis teb lawm nws ib leeg nyob kho siab khuav, nws tau ua xov los txog kuv kom mus pab hais Txiaj Vaj Hawj tus ntxhais rau nws yuav. Kuv paub tej kev kho siab no tag txhua yam. Kuv tsis tau hais ib lo tias tsis muaj nyiaj li.Tej tus neeg txheeb ib yam li kuv luag yeej hais tias luag tsis pab ib kis nyiaj hlo li.
    Kuv cia li nrhiav mej koob mej zeeg mus hais tsuav tau xwb. Thaum kuv coj tau neeg mus hais, Yawm Txiv Txiaj Vaj hais li no rau kuv:
    -Kuv tus ntxhais no, mas kuv yuav tsis sau li. Kuv yuav noj:
    Ib tug twm caj dab ntug ob ntoos, ib tug npua luam xim muaj 5 taus. 4 tug npua ci. 15 tug qaib ci. 40 laas pepsi. 8 hwj cawv dawb thiab ib tug nyuj.
    Kuv thov thov vim nyiaj tsis txaus ces Txiaj Vaj hais tias tus nyuj ces cia zam, thiaj dim tsis tau tua tus nyuj no.
    Kuv poj niam wb ua ib sim neej kuv nyuam qhuav khwv tau 9 choj nyiaj xwb muab tas nrho coj mus ua tus niam dab laug Lis Co no rooj tshoob tas du lug.
    Sawv daws ua neej nyob rau Fab Kis teb ho tsiv los rau As Mes lis kas teb no. Thaum 1977 los txog rau xyoo2000 Nkawd khwv tsis tau nyiaj los them,  los kuv tsis hais li cas li. Xyoo 2000 kuv mus txog hauv Dab Laug Co lub tsev, kuv hais rau nkawd ob leej li no:
    Kuv ua tij ua viv kuv hais rau neb, kom neb txhob muaj mob muaj nkeeg. Txij no mus kom neb noj qab nyob zoo. Nej tsis muaj nyiaj them kuv los , kom neb txhob txhawj tias tshuav nuj tshuav nqi ntau. Txij hnub no mus neb tsis tshuav kuv ib lub xab leem liab ua  nuj ua nqi li lawm.  Nuj nqi ces kuv tuaj txog lawm kom tas mus mog. Los lus no kuv hais tawm hauv kuv nruab siab tuaj rau ntawm kuv lub ncauj kuv hais lus tseeb raws li kuv kev hlub thiab kev sib faib siav ua neej nyob kom ob tog noj qab nyob zoo mus tsis txawj kawg li.
    Kuv yog nej tus yawm yij, thiab nej tus txiv laus, peb kev sib hlub, noj nyob ua ke, kuv noj nej ib ntus nej noj kuv ib ntus tej no yog peb kev sib raug los nyob ua ke xwb.  Peb tej kev sib hlub sib faib siav ua neej nyob los yog peb kev sib hlub koj cawm kuv ib zaug  kuv ho cawm koj ib zaug xwb  mog.
    Muaj ib yam uas peb sawv daws tsis sib to taub  ces peb mem thiab xav tau hauv peb nruab siab ces peb cia li hais rau cua ces cua tau tshuab mus paug pob ntseg peb muaj kev tu siab rau koj los rau kuv.  Thiab kuj muaj tej tus neeg tsis paub peb txoj kev sib faib siav ua neej nyob ces lawv tsis hwm peb kev sib hlub.  Los kuj vim peb tsis paub xaiv txoj kev peb taug mus peb tsis tau xaiv txoj kev mus nruab yeeb mus. peb tau xaiv txoj kev mus saum yaj mus ces koj tau phoom kuv kuj tau phoom koj lawm thiab. Yog peb sib phoom lawm ces luag hais tias, ncauj pauv ncauj peb thiaj muaj lus tsis sib to taub thiaj muaj tej lus xaiv lawm.

    Peb yuav xaiv txoj kev mus nruab yeeb mus ces yog tias peb sib zam peb thiaj tsis muaj kev tus siab mog.
    Nej cov uas nej yog kuv cov kwv. Niam thiab txiv tsis tau cob kom kuv ntxub nej ib leeg twg li txawm muaj dab tsis lawm los kuv zam rau  nej txhua tus.  Kuv kuj tsis thov kom nej zam rau kuv. Rau qhov kuv paub kuv meej tias kuv yog leej twg, kuv ua neeg nyob rau theem twg, Kuv tsis muaj cai foom kom nej ib tug twg raug kev phem mus.

    Yog nej ib tug rau kev ua phem ces zoo li kuv lov ib sab tes los ib sab taw, los dig ib sab qhov muag lawm. Lo lus kuv hais no hais tawm los puag hauv kuv lub siab tawm los, tsis yog lam muab tshuaj zas kuv di ncauj komncauj liab xwb li od.
    Kuv ntsia niam Tais Mim ces yog kuv ib sab npab lov lawm, Hos Dab laug Nom Neeb los {Nom Txhaij} kuj cuag li kuv sab taw tu nrho lawm thiab. Tab sis rov txuas tau lawm kuv zoo siab kawg.

    Yaj Zoov Ntxheb Xib Hwb.





    Tais Mim, thaum tuaj kawm ntawv Vees Cam.

    PS.Thaum kuv (Maiv Tooj), mob txiav mas kuv pw ib hnub los tsaug zog ib hnub li, kuv niam thiab kuv txiv tuag tag mas kuv haj yam ua laj laug luas li lawm; pw mas xav tias yuav sawv no los yeej rov tsaug zog li lawm. Yog tsis muaj tus tsa kiag kom sawv noj mov kiag es nyob rawv ntawd txhob yus mas yus tsim los yuav sawv mas rov qe muag ces rov tsaug zog li lawm xwb.




    Sponsored content

    Re: HMOOB NPAM NAJ XEES

    Post  Sponsored content Today at 3:11 pm


      Current date/time is 10th December 2016, 3:11 pm