Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Suav neeg tuaj saib, txij hnub 17/09/2010 los mus.


  • Post new topic

XH NpuagTub tus mob puas tau zoo

Share
avatar
Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1631
Date d'inscription : 2009-08-17

XH NpuagTub tus mob puas tau zoo

Post  Maiv Paj Lug on 6th February 2010, 5:46 am

Nej leej twg puas hnov XH Npuagtub moo? nws tus mob puas tau zoo? ntev lawm tsis pom nws tuaj pab peb sau ntawv lawm vim nws hais tias nws muaj mob lawm no, peb sawv daws thov ntuj pab rau nws kom nws zoo sai sai rov qab tuaj pab peb sau ntawv dua...tseg ib tug tsis pom tuaj lawm zoo li peb ntsuag ntsuag nos li. Tag kis peb mus ua Misxas peb sawv daws thov ntuj pab rau XH Npuagtub kom nws zoo sai sai rov qab tuaj pab peb mog. Peb nco peb tus XH NpuagTub siab zoo uas nws niaj hnub tuaj sau Ntawv Ntshiab txhawb peb rau hauv no , ua rau peb nco nco nws tus tes ntawv.

avatar
Maiv Tooj
Tswv Cuab Hmong Catholique
Tswv Cuab Hmong Catholique

Messages : 5250
Date d'inscription : 2009-08-18

Re: XH NpuagTub tus mob puas tau zoo

Post  Maiv Tooj on 6th February 2010, 8:05 am


XH. Npuag Tub,

Cas tsis pom koj tuaj, koj tsis xav xov rau peb paub li thiab?
Koj muaj mob i cas, saib xyuas koj tus kheej kom zoo nawb. Thaum twg koj kab ntsab me ntsis no rov tuaj xa xov rau peb paub nawb. Koj tsis tuaj ces peb ntsuag ntsuag nos, tsis muaj neeg xa xov nej sab tuaj rau peb li lawm. Tshuav Mim los nws nyob sab teb chaws sab tom ub, twb tsis yog nej sab teb chaws. W+XH. Npuag Tub, koj tuaj pom tsab xov nov no ces koj nco txog 3 tug kwv tij koom ntoo ib txoj phuam nawb.

Thov Leej tswv Yim Ntshia nqes los rau saum koj,
Thov Leej Ntshiab Jean de Dieu tsom kwm koj kom koj dim ntawm koj tus mob tsuag tsuag.



avatar
Npuagtub
Tswv Cuab Hmong Catholique
Tswv Cuab Hmong Catholique

Messages : 1164
Date d'inscription : 2009-08-16
Age : 51
Localisation : Fresno, California, USA.

Re: XH NpuagTub tus mob puas tau zoo

Post  Npuagtub on 6th February 2010, 12:21 pm

Nyob zoo Mt, Mp,D. Suav Nus thiab cov phooj ywg,

Mt thiab Mp, kuv tuaj lawm os.....! Kuv mus so tau 2/3 nyuag hnub no xwb es neb yuav xav ntau yam txhawj ntau yam txog kuv ua luaj li....Kuv kuj tseem nyob li qub xwb os nawv.
Thov qhia rau nej txhua tus paub tias kuv qhov kev tsaug zog yeej tseem loj li qub kuj tsis paub hais tias yog tim li cas? Kws tshuaj hais tias tas txhua yam ntawm kuv kuj tsis muaj dab tsi li tej zaum yog kuv ua hauj lwm overtimes ntau dhau lawm xwb ntshai kuv yuav tau txhob ua hauj lwm ntau xuaj moos.

Cov Phooj ywg nyob hauv nej lub neej, nej puas tau tsaug zog sawv ntsug ua tsis pheeb rau qhov twg li.? Thiab nej mus teev ntuj nej puas tau cia li tsaug zog sawv ntsug hauv tsev nteev ntuj thaum lawv tab tom teev ntuj.?

Tam sis no kuv tau ntsib txoj kev zoo li no lawm kuj yog nyuaj siab hauj sim thiab tej zaum yuav tau hloov hauj lwm los tsis paub thiab..? Tham li no xwb thov txim kuv tseem tuaj sau tsis tau kev ntseeg rau hauv no li nawv. Nej tso siab rau kuv nawv mog cov phooj ywg.



Photobucket
avatar
Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1631
Date d'inscription : 2009-08-17

Re: XH NpuagTub tus mob puas tau zoo

Post  Maiv Paj Lug on 6th February 2010, 2:43 pm

Npuag Tub wrote:Nyob zoo Mt, Mp,D. Suav Nus thiab cov phooj ywg,

Mt thiab Mp, kuv tuaj lawm os.....! Kuv mus so tau 2/3 nyuag hnub no xwb es neb yuav xav ntau yam txhawj ntau yam txog kuv ua luaj li....Kuv kuj tseem nyob li qub xwb os nawv.
Thov qhia rau nej txhua tus paub tias kuv qhov kev tsaug zog yeej tseem loj li qub kuj tsis paub hais tias yog tim li cas? Kws tshuaj hais tias tas txhua yam ntawm kuv kuj tsis muaj dab tsi li tej zaum yog kuv ua hauj lwm overtimes ntau dhau lawm xwb ntshai kuv yuav tau txhob ua hauj lwm ntau xuaj moos.

Cov Phooj ywg nyob hauv nej lub neej, nej puas tau tsaug zog sawv ntsug ua tsis pheeb rau qhov twg li.? Thiab nej mus teev ntuj nej puas tau cia li tsaug zog sawv ntsug hauv tsev nteev ntuj thaum lawv tab tom teev ntuj.?

Tam sis no kuv tau ntsib txoj kev zoo li no lawm kuj yog nyuaj siab hauj sim thiab tej zaum yuav tau hloov hauj lwm los tsis paub thiab..? Tham li no xwb thov txim kuv tseem tuaj sau tsis tau kev ntseeg rau hauv no li nawv. Nej tso siab rau kuv nawv mog cov phooj ywg.

XH Npuagtug, nyob zoo rau koj nawb mog! koj tuaj tshwm plaws mas cuag li tshav ntuj kiag sab tim ko tuaj txog ntua peb lub tsev Hmong Catholique ntawm no li lawm tiag.

XH Npuatub, koj txawm mob mob lawm los koj nco ntsoov tias peb yog tib pab phoojywg tau koom siab tuaj tsim lub Forum ntawm no thiaj li ciaj sia , ua li ntawv koj nco ntsoov cia nawb XH Npuagtub, tsis muaj koj tuaj saib peb ces peb ntsuag nos heev nov mog.

XH Npuagtub, txoj kev tsaug zog pw tsis txaus lam cia li ib ntawm tej qi muag twj ywm mas nws kuj yog ib tug mob txaus txhawj kawg li thiab, kuv tau ua ib zaug li ntawv, kuv mus work sab sab los txog kuv mus zaum kiag ntawm rooj yuav noj mov me me no ces kuv cia li qi muag yam tsis nov qab xyov ntev los luv , sij hawm zoo hnub ntawv kuv niam tuaj nrog kuv nyob, kuv niam nyob tom sofa ua paj ntaub, kuv niam tsis faj tias kuv tsaug zog zaum ntawm rooj. Kuv tsim nto kuv khiav ceev ceev mus qhia kuv niam tias ua li cas kuv lam ua li ntawv es kuv niam puas paub kuv tsaug zog luv los ntev tom rooj zaum noj mov, kuv niam teb tiass nws tsis paub tias kuv tsaug zog tab sis kuv kuj mus zaum ntev li 5 nas this. Kuv cia li ua npaws tam sim ntawv pw kiag ntawm sofa, kuv niam pom tias kuv sab heev nws cia li muab kuv zaws ib ce, nws muab kuv zaws zaws ib chim ces kuv lub cev cia li xoob kiag, kuv tus mob zoo hlo tam sim ntawv yam tsis txaus ntseeg li thiab, kuv kuj tau mus kuaj Doctor, Doctor hais tias yog kuv pw tsis txaus thiaj ua rau kuv ib ce caus yaum thiaj tsaug zog sawv ntsug. Docteur hais tias yuav tsum kom kuv so ntau tshaj qub thiab txhob nyob lig lig, yuav tsum pw kom ntxov thiaj yuav pab tau kuv, yog kuv tsis pw kom txaus ces muaj tej zaum kuv tseem yuav tsaug zog hauv luv tseem qees ces yuav ua accident thiab no ces kuv thiaj li pw ntxov dua qub , 9 moo rau 10 PM xwb kuv yeej npaj mus pw, yav tas los mas twb 11 moo rau 12 PM kuv mam pw. Zaum no kuv pw txaus lawm tsis tshuam ua li ntawv lawm . Lub caij week_end no ces kuv thiaj nyob lig lig ua si me ntsis xwb. Dua li ces week kiag xwb kuv yeej pw ntxov.
avatar
Maivxis
Phooj Ywg
Phooj Ywg

Messages : 265
Date d'inscription : 2009-11-05

Re: XH NpuagTub tus mob puas tau zoo

Post  Maivxis on 7th February 2010, 8:47 am

Npuag Tub wrote:Nyob zoo Mt, Mp,D. Suav Nus thiab cov phooj ywg,

Mt thiab Mp, kuv tuaj lawm os.....! Kuv mus so tau 2/3 nyuag hnub no xwb es neb yuav xav ntau yam txhawj ntau yam txog kuv ua luaj li....Kuv kuj tseem nyob li qub xwb os nawv.
Thov qhia rau nej txhua tus paub tias kuv qhov kev tsaug zog yeej tseem loj li qub kuj tsis paub hais tias yog tim li cas? Kws tshuaj hais tias tas txhua yam ntawm kuv kuj tsis muaj dab tsi li tej zaum yog kuv ua hauj lwm overtimes ntau dhau lawm xwb ntshai kuv yuav tau txhob ua hauj lwm ntau xuaj moos.

Cov Phooj ywg nyob hauv nej lub neej, nej puas tau tsaug zog sawv ntsug ua tsis pheeb rau qhov twg li.? Thiab nej mus teev ntuj nej puas tau cia li tsaug zog sawv ntsug hauv tsev nteev ntuj thaum lawv tab tom teev ntuj.?

Tam sis no kuv tau ntsib txoj kev zoo li no lawm kuj yog nyuaj siab hauj sim thiab tej zaum yuav tau hloov hauj lwm los tsis paub thiab..? Tham li no xwb thov txim kuv tseem tuaj sau tsis tau kev ntseeg rau hauv no li nawv. Nej tso siab rau kuv nawv mog cov phooj ywg.

Nyob zoo os XH NpuagTub , Zoo siab ua koj zoo thiab koj ho rov tuaj fim peb lawm os , Thov ua huab tais ntuj tsaug
nawb mog , Thov kom koj tsuas muaj kaj mus xwb nawb mog , Kuv Peb sawv daws tos tos koj li os , XH , txawm koj tuaj lawm los tsis txhob rawm ua dab tsi li os lod , Kav tsij so kom txaus es kom koj tus mob zoo tiag tiag tso koj li mam ua hauj lwm os mog , Yog Koj pheej khwv khwv li ces Peb hos tsis pom koj tuaj ces peb ho txhawj txhawj koj thiab os , Vim peb muaj zoo ib tug XH , zoo li koj ma Peb tsis xav kom koj muaj kev Nyuaj siab li ko li thiab os nawb , Thov kom huab tais nrog koj nyob thiab ua koj tus mob kaj kom tsuas muaj zoo thiab kaj lawm xwb os mog

Maiv xis .
avatar
Maiv Tooj
Tswv Cuab Hmong Catholique
Tswv Cuab Hmong Catholique

Messages : 5250
Date d'inscription : 2009-08-18

Re: XH NpuagTub tus mob puas tau zoo

Post  Maiv Tooj on 7th February 2010, 9:48 am


XH. NPuag Tub,

Zoo siab pom nws tuaj ib pliag nov. Cas nws tham nws tus mob yuav txaus khuv leej ua luaj li. Yav thaum kuv tseem me nyuam yaus kuv kuj tau tsaug zog ib zaug li koj hais nov thiab. Pw ib hnub los pw li. Luag tsa yus los tsim los teb luag tas ces rov tsaug zog li lawm xwb. Thaum ntawd yog kuv mob npaws ces kuv thiaj tsaug zog tsis tsim li tau ob peb hlis.

Nws sab sab li kav tsij so kom txaus, nws mam tuaj xyuas peb dua mog.



avatar
Maiv Tooj
Tswv Cuab Hmong Catholique
Tswv Cuab Hmong Catholique

Messages : 5250
Date d'inscription : 2009-08-18

Re: XH NpuagTub tus mob puas tau zoo

Post  Maiv Tooj on 7th February 2010, 6:11 pm



Nag hmo yog hnub Thov Ntuj rau cov neeg mob nyob ntawm peb lub tsev Teev Ntuj.
Kuv tau muab XH. Npuag Tub lub npe cev rau HTN, kom nws zoo sai sai, yuav tuaj ua Tswv Ntuj txoj hauj lwm. Vim hauj lwm ntau, tab sis tub zog tsawg heev.





avatar
Yaj Suav Nus
Phooj Ywg
Phooj Ywg

Messages : 288
Date d'inscription : 2009-10-23

XH Npuag Tub tus mob yuav zoo

Post  Yaj Suav Nus on 8th February 2010, 5:20 am

Nyob zoo XH Npuag Tub thiab tag nrho txhua tus phooj ywg uas tuaj ntawm no, vam ntsoov tias nej txhua tus yeej nob qab nyob zoo.
Ua tsaug ntau XH Npuag Tub uas tau hnov koj lub moo, tso siab tias koj tus mob yuav zoo xwb thiab tsis yog koj ib leeg thiaj tau phoom tus mob no, yeej muaj neeg coob leej tau tus mob no mas lawv txhua tus twb zoo tag lawm. Txhua yam mob mas yog ib qho qhuab qhia yus ua neej thiab yog thaum uas yus zoo lawm mas yog zoo li Tswv Ntuj txhob txwm muab ib qho kev thoob tsib rau yus yam uas yus xav muab los piav qhia tsis tau rau luag tej.
Maib Tooj,
Yog lwm zaus nej muaj teev ntuj rau cov neeg mob no kuv xav hais ib lo tias kom nco ntsoov cov neeg uas lawv mus koom tsis tau teev ntuj nrog sawv daws es lawv zaum los yog pw ntsia ntsoov lub télévision.
Y.Suav Nus
avatar
Mim
Tswv Cuab Hmong Catholique
Tswv Cuab Hmong Catholique

Messages : 1810
Date d'inscription : 2009-10-16

Re: XH NpuagTub tus mob puas tau zoo

Post  Mim on 8th February 2010, 1:03 pm

XH Npuag Tub,

Kuv twb pom koj tuaj tso cov zaj nyeem rau hnub Chiv tas lawm. Kuv zoo siab hais tias yog koj zoo zog lawm no. Koj kav tsij so kom txaus txaus es horov tuaj nrog peb sau zaj dua nawb.
avatar
Npuagtub
Tswv Cuab Hmong Catholique
Tswv Cuab Hmong Catholique

Messages : 1164
Date d'inscription : 2009-08-16
Age : 51
Localisation : Fresno, California, USA.

Nej Txhob Txhawj Txog Kuv Cov Phooj Ywg.

Post  Npuagtub on 8th February 2010, 1:35 pm

Nyob Zoo Mt, Mp, M, Mx, D. Suavnus thiab cov phooj ywg,

Zoo siab uas hnub no kuv tseem muaj sij hawm rov tuaj pom nej txhua leej tham thiab txhawj txog kuv...Kuv zoo siab thiab ua nej sawv daws tsaug ntau rau tas txhua yam nej hlub tshua los yog thov Ntuj rau kuv.
Kuv tsis muaj dab tsi yuav hais rau nej kuv tsuas hais tias thov kom Tswv Ntuj mloog nej lub suab hu txog nws thiab nrog nej nyob ua nej luag txhua lub sij hawm kom nej txhua leej tsuas ntsib kev kaj siab, noj qab pw sov li nej lub siab nyiam.

Vam tias hnub puav no kuv yuav rov tuaj sau ntawv nrog nej tau ntxiv mus li qub thiab. Txawm kuv tuaj tsis tau los kuv lub siab yeej tuaj xyuas nej txhua hnub hauv Forum no.



Photobucket
avatar
HmongFresno
Tuaj Tshiab
Tuaj Tshiab

Messages : 58
Date d'inscription : 2010-01-28

Re: XH NpuagTub tus mob puas tau zoo

Post  HmongFresno on 8th February 2010, 2:05 pm

Nyob zoo ib tsoom phooj ywg sawv daws. Kuv tsi tau hai nej li kuv cia li lo xyua nej rau chav no lawm, Zam txim pub thiab. Kuv muab daim duab no tso tau cov snow rau yog nej nyiam lo siv tau. Muaj caij li tuaj xyua nej dua os.






Txoj Kwv Txhiaj ntev heev kuv daws tsi tag vim nws siv caij nyoog mloog ces kuv kaws mentsi kom nej hnov xwb os.
avatar
Maivxis
Phooj Ywg
Phooj Ywg

Messages : 265
Date d'inscription : 2009-11-05

Re: XH NpuagTub tus mob puas tau zoo

Post  Maivxis on 8th February 2010, 9:19 pm

HmongFresno wrote:
Nyob zoo ib tsoom phooj ywg sawv daws. Kuv tsi tau hai nej li kuv cia li lo xyua nej rau chav no lawm, Zam txim pub thiab. Kuv muab daim duab no tso tau cov snow rau yog nej nyiam lo siv tau. Muaj caij li tuaj xyua nej dua os.






Txoj Kwv Txhiaj ntev heev kuv daws tsi tag vim nws siv caij nyoog mloog ces kuv kaws mentsi kom nej hnov xwb os.

Ua li es koj hais dab tsi ne kuv tsis to taub li as , Puas yog koj hais tias koj tso kwv txhiaj no los , Ua li cas kuv tsis pom na , Los puas yog koj hais dab tsi os ,

Maivxis .
avatar
Npuagtub
Tswv Cuab Hmong Catholique
Tswv Cuab Hmong Catholique

Messages : 1164
Date d'inscription : 2009-08-16
Age : 51
Localisation : Fresno, California, USA.

Tsaug zog heev dhau puas muaj teeb meem ?

Post  Npuagtub on 10th February 2010, 2:56 am

Photobucket

Nyob zoo cov Phooj ywg,

Ua tsaug rau nej txoj kev txhawj txog kuv nawv, hnub no kuv tuaj hais rau nej tias nej tso siab nawv kuv qhov kev tsaug zog khees me ntsis lawm.

Tiam sis kuv yuav nug nej txhua tus tias txoj kev tsaug zog heev dhau es pheej tsis zoo dab ntub li puas yuav muaj teeb meem nyob hauv yus lub cev?
Tau 2 lub weeks los no mas kuv yeej tsaug zog heev tiag tiag li, txawm kuv yuav pw 24 teev los yeej tsis zoo dab ntub li. Kuv tau hais rau kuv cov phooj ywg nej ib txhia thaij li txhawj txhawj txog kuv kawg.

Tam sis no kuv paub lawm tias txoj kev tsaug zog mas yeej yog muaj ib yam nyob hauv koj lub cev ua hauj lwm tsis tshua zoo lawm mas koj thiaj li tsaug zog tsis raws li kev neeg tsaug zog. Kuv muaj ib tug dab laug nws hais rau kuv tias thaum xyoo 1983 nws tseem hluas tsis tau muaj poj niam es nws ua hauj lwm ib hmos 12 teev ib yam li kuv, ces muaj ib zaug nws tus phooj ywg tsis tuaj ces lawv kom nws ua 24 teev hauj lwm. Thaum nws ua hauj lwm hnub ntawd tas nws los txog tsev ces nws mus pw ua rau nws tsaug zog tsis tsim tau li ib hnub ib hmos.
Ces tsis pom nws mus ua hauj lwm nws tus phooj ywg thiaj li los tim kuv tus dab laug tsev na has kuv tus dab laug ntawd tseem pw ua qaj nrov nrov saum txaj.

Tas li ntawd kuv tus dab laug thiaj li tsiv los rau Fresno ces nws tus phooj ywg tseem ua txoj hauj lwm li qub tau 2 xyoos tom qab ces muaj ib hnub kuv dab laug tus phooj ywg ua hauj lwm los txog tsev ces nws da dej tas ces nws los zaum ntawm nws lub rooj sau ntawv ces nws cia li tsaug zog nrog dab ntub mus ua phooj ywg lawm. tau li 3 hnub tsis pom nws mus ua hauj lwm lawm ces lawv thiaj li nug nws cov phooj ywg nyob ze ntawm nws ces lawv pom nws lub tseb yeej tsis tsav mus qhov twg li ces lawv thiaj hu tub ceev xwm tuaj qhib qhov rooj ces nws twb mus puag dab ntub pw lawm. Qhov muaj teeb meem mas yog vim cov neeg ua hauj lwm hmo ntuj mas feem coob lawv yuav tsum hauv cawv tsis tsaug zog mas lawv thiaj li nyob taus kaj ntug, ces cov cawv ntawd ua tau rau koj lub plawv nres tau thiab.

Ntawm kuv mas kuv yeej paub me ntsis lawm tias ib qho vim kuv pheej haus cov cawv ua kom yus txhob tsaug zog thiab ces tej zaum cov cawv ntawd ua tej yam tsis zoo rau kuv thiab vim lawv hais tias cov cawv peb haus kom txhob tsaug zog ntawd mas ua tau yus lub plawv tawg taus thiab vim thaum koj haus tas mas yog ua kom koj lub plawv dhia keev, koj tej ntshav los khiav ceev ces koj thiaj li tsis tsaug zog. Lawv kuj hais tias tsis zoo haus ntau thiab ib hnub tsuas haus tau ib poom xwb.

Cov Phooj ywg nej muaj tswv yim hais txog kev tsaug zog li kuv no ho sau tuaj qhia ntxiv thiab. Kuv xav tias yog kuv pheej tsaug zog zoo li 2 weeks tas los no mas ntshai tej zaum muaj ib hmos kuv yuav tsis ua phooj ywg nrog nej lawm, kuv yuav mus ua phooj ywg nrog dab ntub sib puag ntub os cov phooj ywg. Tham ntev heev lawm ces tso tseg li no.


Last edited by Npuag Tub on 10th February 2010, 3:23 am; edited 1 time in total



Photobucket
avatar
Maiv Tooj
Tswv Cuab Hmong Catholique
Tswv Cuab Hmong Catholique

Messages : 5250
Date d'inscription : 2009-08-18

Re: XH NpuagTub tus mob puas tau zoo

Post  Maiv Tooj on 10th February 2010, 3:20 am



XH. Npuag Tub,

Kuv to taub nws cov lus zoo, kev yoo dab ntub es tsaug zog kuv twb muaj ib tug dab laug, mus nrog lawv sov tuag, nws nyob 3 hnub 3 hmo tsis pw li, nws los txog tsev nws tsaug zog 2 hnub ib hmos mam sawv...Qhov nov mas yog zaum puav xwb, tab sis zoo li nws es yog txoj hauj lwm lawm mas yuav tau ceev faj. Nws ua hauj lwm 12h ib hnub twb yog ntau dhau lawm, tseem yoo dab ntub tas mus li twb tsis zoo lawm, nws tseem tsis muaj so Week end li thiab. Mas kuv xav tias nws lub cev sab tshaj qhov lub cev yuav thev taus lawm. Tsim nyog nws yuav tau saib xyuas nws txoj hauj lwm kom tau so me ntsi, kom tau tawm rooj thiab so. Dua li yog ib yam txaus ntshai heev uas nws hais nws haus ib cov cawv kom yoo taus dab ntub. Tej yam nov mas tsis zoo siv kiag li, tab txawm ib hnub haus ib zaug xwb los ntev mus yeej yuav tsis zoo rau yus lub cev.
Ntawm kuv tus kheej xav hais rau nws kom nws hloov hauj lwm los yog thov kom lawv cia nws ua xuab moos tsawg, muaj hnub so hauv nruab lis piam...



avatar
Npuagtub
Tswv Cuab Hmong Catholique
Tswv Cuab Hmong Catholique

Messages : 1164
Date d'inscription : 2009-08-16
Age : 51
Localisation : Fresno, California, USA.

Re: XH NpuagTub tus mob puas tau zoo

Post  Npuagtub on 10th February 2010, 3:34 am

Sister Mt,

Nws txhob txhawj os, tam sis no lawv twb kam kuv so hnub Chiv lawm, tsuas yog tej thaum muaj tej yam kuv yuav tsum mus mas kuv thiaj li mus xwb. Hos tsis li ntawd ces kuv tsis mus los yeej tau. Tiam sis kuv xav tias yog txoj kev ncaim ntiaj teb mus zoo li tsaug zog xwb no kuj yog ib qho zoo thiab vim yus yuav tsis txom nyem thiab tsis hnov mob dab tsis li, nej hais puas yog thiab os lawv.....? Thov zam txim uas kuv sau tsis yog lus hais lawm, vim kuv lub tswv yim tseem nyob ib nrab rau fab kev qaug zog nyob ntiaj teb no.



Photobucket
avatar
Maiv Tooj
Tswv Cuab Hmong Catholique
Tswv Cuab Hmong Catholique

Messages : 5250
Date d'inscription : 2009-08-18

Re: XH NpuagTub tus mob puas tau zoo

Post  Maiv Tooj on 10th February 2010, 4:19 am

Npuag Tub wrote:Sister Mt,

Nws txhob txhawj os, tam sis no lawv twb kam kuv so hnub Chiv lawm, tsuas yogb tej thaum muaj tej yam kuv yuav tsum mus mas kuv thiaj li mus xwb. Hos tsis li ntawd ces kuv tsis mus los yeej tau. Tiam sis yog txoj kev tuag mus zoo li tsaug zog xwb no kuj yog ib qho zoo thiab vim yus yuav tsis txom nyem thiab tsis hnov mob dab tsis li, nej hais puas yog thiab os lawv.....?

XH. Npuag Tub,

Zoo heev uas nws yuav tau so me ntsi.
Nws hais tias txoj kev tuag zoo li tsaug zog xwb nws yeej txaus siab lawm no lov?
Kuv hais rau nws tias txoj kev tuag mas tseem zoo tshaj npau suav ntau npaug, zoo tshaj saum yaj no thiab.

Thaum kuv muaj li 8 xyoo tej, kuv tau mus ib zaug, hahaha...! mus me me xwb tsis tau mus ntev...Kuv thiaj pom txoj kev tuag mas zoo heev, yog yuav hais rau sab yeeb ceeb. Tab sis kuv nyuam qhuav tsis nco qab xwb ces lawv cawm tau kuv ciaj los lawm, tsuas yog kuv tseem tsis tau xeev xwb.

Yog thaum yus tuag, yus txhob muaj txim txhaum tau mus them txim thiab mus Dab teb mas zoo heev, yog lub teb chaws tshav ntuj nrig li tej kab ke tau hais ntag...

Kuv yuav tham qhov kuv pom thaum lub caij ntawd.

Ib hnub kuv mob ces kuv tsis nco qab lawm, kuv nco tau thaum kuv niam los pom kuv hauv txaj, nws qw, nws tsaws kuv puag tawm los ntawm rooj paim. Thaum nws yuav hla rooj paim, muaj ib tug kuv tsis pom ntsej muag. Yog ib tug neeg nrog kuv niam sib txeeb kuv kiag ntawm rooj txag. Tab sis thaum kuv niam hla kiag rooj txag lawm ces tsis pom tus ntawd lawm. Pom kuv niam kom kuv tus nws hlob puag kuv rau nws zaws, kuv txhais ko taw chwv lub ntim tshuaj yuav luag nchuav, kuv niam cem nws kom tib zoo...Thaum nov mas kuv tseem hnov li kuv txhob txwm muab taw tuam ntim tshuaj...Dua li ces tshav ntuj nrig lawm xwb...Kuv niam kom kuv tus nus mus thov ib qho tshuaj tom peb niam tais Tswb los rau kuv, yog ib nyuag ncua kev li 30 nas this, kem ib nyuag qhov hav fab, muaj ob peb tsob xyoob maij laib ntawm ntug kev. Kuv tseem nrog nws mus nqa tshuaj ua ke, nco thaum taug kev xwb tsis nco thaum mus txog tom tais Tswb lawv. Taug kev mas tshav ntuj nrig, kho siab khuav, kaj siab lug tsis muaj ib qho kev nyuaj siab ntxhov plawv li...Thaum ntawd ces kuv pom kuv lub cev yog lwm tus lawm, kuv tus kheej tsis yog tus ntawd...

Thaum kuv twb xeev los lawm, kuv hais ntshai heev ces kuv niam hais rau kuv tias: Me Tooj, TP. Plig tuaj, ib ntsis nws yuav los xyuas peb. Nws xav hais li nov kom dab ntshai dab khiav tawm ntawm kuv mus. Tab sis kuv teb rau kuv niam tias: " Txiv Plig tuaj ces zoo kawg, Xa Plig tas ces kuv mus xwb." Ces kuv niam haj yam ntshai heev thiab.

Thaum kuv zoo los, kuv thiaj nug kuv niam hais tias:
- Ua cas koj thiaj los pom kuv tsis nco qab lawm?
Koj pheej mus ua hauj lwm, twb tsis los saib kuv li nev?

Nws thiaj hais tias yog kuv qw ib suab, nws thiaj khiav los naj cas kuv tsis nco qab lawm.

Ua ntej kuv yuav tsis nco qab ntawd, kuv pom ib tug poj niam los ntawm kaum txaj sab pem hauv nco los, pom dub lus xwb pom tsis tseeb. Nws nqa ib daim sev nrog hlab tais zoo zoo coj los ntuas ntuas tso nram kuv ko taw, nws nqa ib qho dab tsi, kuv tsis paub coj los tso rau pem kuv taub hau, hauv ncoo tag ces nws rov qab ploj rau pem kaum txaj lawm (tsis yog kaum txaj sab mus raum zoov, yog sab puas rau ntawm hauv plag. Vim peb lub txaj nyob hauv nruab rab tsev, tsis nyob pem kaum tsev).

Li nov xwb, txoj kev tuag raws li kuv pom...





avatar
Yaj Suav Nus
Phooj Ywg
Phooj Ywg

Messages : 288
Date d'inscription : 2009-10-23

Re: XH NpuagTub tus mob puas tau zoo

Post  Yaj Suav Nus on 10th February 2010, 5:48 am

Nyob XH Npuag Tub, Maiv Tooj thiab tag nrho nej cov uas tuaj hauv no.
XH Npuag Tub,
Yog vim koj lub cev noj tsis qab nyob tsis zoo lawm koj thiaj xav ntau yam; zoo li koj lub tswv yim mag dab phem rooj ntxiab ua rau nws qaug zog ua neeg nyob ntiaj teb ces nws tsis nco tias nws tseem ua nws txoj hauj lwm tsis tau tiav. Txhob ntaus siab me koj yeej tsis ncaim mus rau qhov twg li.
Peb cov nyob deb nrog koj thov ntuj pab kom koj lub tswv yim dim ntawm dab phem rooj ntxiab, thiab kom koj tau ua txoj hauj lwm uas Tswv Ntuj tos. Ua li.
Y.Suav Nus
avatar
Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1631
Date d'inscription : 2009-08-17

Re: XH NpuagTub tus mob puas tau zoo

Post  Maiv Paj Lug on 10th February 2010, 6:35 am

Maiv Tooj wrote:
XH. Npuag Tub,

Zoo heev uas nws yuav tau so me ntsi.
Nws hais tias txoj kev tuag zoo li tsaug zog xwb nws yeej txaus siab lawm no lov?
Kuv hais rau nws tias txoj kev tuag mas tseem zoo tshaj npau suav ntau npaug, zoo tshaj saum yaj no thiab.

Thaum kuv muaj li 8 xyoo tej, kuv tau mus ib zaug, hahaha...! mus me me xwb tsis tau mus ntev...Kuv thiaj pom txoj kev tuag mas zoo heev, yog yuav hais rau sab yeeb ceeb. Tab sis kuv nyuam qhuav tsis nco qab xwb ces lawv cawm tau kuv ciaj los lawm, tsuas yog kuv tseem tsis tau xeev xwb.

Yog thaum yus tuag, yus txhob muaj txim txhaum tau mus them txim thiab mus Dab teb mas zoo heev, yog lub teb chaws tshav ntuj nrig li tej kab ke tau hais ntag...

Kuv yuav tham qhov kuv pom thaum lub caij ntawd.

Ib hnub kuv mob ces kuv tsis nco qab lawm, kuv nco tau thaum kuv niam los pom kuv hauv txaj, nws qw, nws tsaws kuv puag tawm los ntawm rooj paim. Thaum nws yuav hla rooj paim, muaj ib tug kuv tsis pom ntsej muag. Yog ib tug neeg nrog kuv niam sib txeeb kuv kiag ntawm rooj txag. Tab sis thaum kuv niam hla kiag rooj txag lawm ces tsis pom tus ntawd lawm. Pom kuv niam kom kuv tus nws hlob puag kuv rau nws zaws, kuv txhais ko taw chwv lub ntim tshuaj yuav luag nchuav, kuv niam cem nws kom tib zoo...Thaum nov mas kuv tseem hnov li kuv txhob txwm muab taw tuam ntim tshuaj...Dua li ces tshav ntuj nrig lawm xwb...Kuv niam kom kuv tus nus mus thov ib qho tshuaj tom peb niam tais Tswb los rau kuv, yog ib nyuag ncua kev li 30 nas this, kem ib nyuag qhov hav fab, muaj ob peb tsob xyoob maij laib ntawm ntug kev. Kuv tseem nrog nws mus nqa tshuaj ua ke, nco thaum taug kev xwb tsis nco thaum mus txog tom tais Tswb lawv. Taug kev mas tshav ntuj nrig, kho siab khuav, kaj siab lug tsis muaj ib qho kev nyuaj siab ntxhov plawv li...Thaum ntawd ces kuv pom kuv lub cev yog lwm tus lawm, kuv tus kheej tsis yog tus ntawd...

Thaum kuv twb xeev los lawm, kuv hais ntshai heev ces kuv niam hais rau kuv tias: Me Tooj, TP. Plig tuaj, ib ntsis nws yuav los xyuas peb. Nws xav hais li nov kom dab ntshai dab khiav tawm ntawm kuv mus. Tab sis kuv teb rau kuv niam tias: " Txiv Plig tuaj ces zoo kawg, Xa Plig tas ces kuv mus xwb." Ces kuv niam haj yam ntshai heev thiab.

Thaum kuv zoo los, kuv thiaj nug kuv niam hais tias:
- Ua cas koj thiaj los pom kuv tsis nco qab lawm?
Koj pheej mus ua hauj lwm, twb tsis los saib kuv li nev?

Nws thiaj hais tias yog kuv qw ib suab, nws thiaj khiav los naj cas kuv tsis nco qab lawm.

Ua ntej kuv yuav tsis nco qab ntawd, kuv pom ib tug poj niam los ntawm kaum txaj sab pem hauv nco los, pom dub lus xwb pom tsis tseeb. Nws nqa ib daim sev nrog hlab tais zoo zoo coj los ntuas ntuas tso nram kuv ko taw, nws nqa ib qho dab tsi, kuv tsis paub coj los tso rau pem kuv taub hau, hauv ncoo tag ces nws rov qab ploj rau pem kaum txaj lawm (tsis yog kaum txaj sab mus raum zoov, yog sab puas rau ntawm hauv plag. Vim peb lub txaj nyob hauv nruab rab tsev, tsis nyob pem kaum tsev).

Li nov xwb, txoj kev tuag raws li kuv pom...



Maiv Tooj aw!!!!........cas nws yuav piav tau ib qho Expérience zoo zoo los kuj txaus txaus ntshai li thiab na.....kuv ntshai qhov koj hais pom ib tug pojniam dub zim zuag nqa sev los ntuas ntuas tso rau nram koj ko taw, ho nqa ib qho los tso pem taub hau ces ploj lawm, tej no cas yuav txaus ntshai ua luaj.

Qhov zoo mas yog koj pom tej xyoob ntoo tshav ntuj nrig. Maiv Tooj....cas nws yuav tau pom thiab paub tej yam txawv txawv no ntev ua luaj nws tsis tham qhia peb li thiab na los? Zoo kawg ua XH Npuagtub tuaj tham kev tuag koj thiaj li tham tej no qhia peb xwb lau...kuv ntseeg tias txoj kev tuag yeej tsis phem. Tab sis kuv tsis xav tuag tej lub caij kuv tsis tau ceev faj nkaus xwb, thaum yuav tuag kuv xav kom kuv nco ntsoov li Huab Tais Yesxus uas hais tias, kuv npaj tau txhij lawm txhua yam ua tiav tas, zaum no kuv tuag los tau li thaum Yesxus hais nyob saum tus ntoo cuag uas nws hais tias: " Txiv txhua yam tiav tas, kug muab kuv tus ntsuj plig tso rau ntawm koj txhais tes" Kuv xav kom kuv txawj tuag li Huab Tais Yesxus, uas thaum kuv npaj tau txhij tag mam tuag, tsis hais thaum muaj mob, thaum yav laus los lwm txoj hauv kev raws yus txoj hmoo, kuv xav npaj txhij li Huab Tais Yesxus.

Kuv tsis xav tuag tsaug zog, tsis xav tuag accident, tsis xav tuag txo yus txoj sia, tsis xav tuag rau kev sib ntaus tua......Yog kuv muaj mob xwb uas yuav tuag los tsuav kuv npaj tau txhij kuv yeej zoo siab tuag, txawm kuv laus laus txoj sia txoj pa tsis muaj zog lawm los kuv yeej zoo siab tuag yog tias kuv npaj tau txhij.

Txoj kev tuag zoo heev tab sis kuv tsis nyiam thov txoj kev tuag. Kuv xav kom Tswv Ntuj xaiv txoj kev tuag rau kuv xwb, yog Tswv Ntuj pom zoo kuv tuag los kuv yeej zoo siab tuag, yog Tswv Ntuj tsis tau pom zoo kuv tuag los kuv yuav nyob txawm tiv mob tiv ntsaj los kuv zoo siab tiv tos Tswv Ntuj.

kuv li Expérience :

Muaj ib hmos kuv pw, kuv cia nrog dab ntuj ua phoojywg lawm. Yog tias kuv daim ntawv tas ntshe kuv twb tsis xeev rov qab los lawm. Kuv nrog dab ntub pw ces kuv mloog kuv lub cev txawv txawv, ua cas tib pliag xwb kuv tseem pw mab! tab sis kuv mloog kuv cia li nyob deb zuj zus ntawm kuv lub cev, kuv yeej pom ntsoov thiab hnov ntsoov kuv mus, tiam sis kuv tsis yog mus li mus ko taw, ho kuv mus li kuv swb swb ya ya mus xwb. Kuv mus pom ib lub qhov cas pom kev sab sauv tuaj xwb hos qhov uas muaj cov neeg nyob ntawv mas tsaus ntuj nti. Kuv kuj pom neeg coob li coob nyob ntawv ntsia ntsoov saum qhov pom kev, kuv los txog ntawv kuv kuj ntsia ntsoov saum qhov pom kev thiab, tab sis mas cas yuav siab siab ua luaj , yus pom xwb yus mus tsis tau li. Kuv tig saib zoj cov neeg ib ncig ntawv kuv, lawv tsis sib paub, nyias nyob nyias tab sis mas nyias txom nyeem nyias zom zaws, ib tug tsis hais lus rau ib tug. Kuv saib zoj qhov chaw kuv los nrog lawv nyob tsis muaj dab tsi li do dus pom av nkaus xwb, cov av ntawv mas qhuav qhawv, kuv txawm tshaib plab heev heev, kuv thiaj tig rov saib puag saum qhov pom pom kev na ua cas muaj ib co neeg nyob sauv w w hmoob nplej los rau peb noj. kuv xuas tes cug seb puas tau ib qho lawv w w ntawv rau kuv noj nas has zeeg tag rau hauv av lawm, kuv tshaib plab dhau lawm ces kuv txawm cia li pw kiag yaim yaim cov av , mas twb tsis hnov ib qho poob plab li. Kuv saib cov neeg nrog kuv nyob ntawm qhov tsaus tsaus ntuj ntawv mas lawv twb los nyob ntev ntev tshaj kuv thiab lawv haj yam tshaib plab, hnov nyias ntsaj nyias zom zaws. Kuv tshaib plab heev dhau lawm ces kuv rov qab pom kuv cia li swb swb mus lwm qhov lawm.

Mus txog lwm qhov kuj pom li qhov qub thiab tab sis mas cov neeg tsis yog cov qub, tiam sis lawv kuj tsis sib paub li thiab, kuv los nrog lawv sawv ua ke ntsia puag saum qhov pom pom kev kuv nqhis nqhis dej ces kuv pom lawv tuav ib leeg 2 3 lub khob uas cug ntsoov puag saum qhov pom pom kev seb thaum twg dej mam li poob los. Kuv txawm muab tau 2 lub khob los tuav ntawm 2 sab tes cug cug dej rau saum qhov pom pom kev tuaj thiab, tab sis mas tsis muaj ib teev dej poob los li, ua rau kuv nqhis dej mas nqhis nqhis tshaj plaws piav tsis tau li, nqhis qhuav siab qhawv, xav tias nqhis dej npaum no kheev lam kuv tuag kiag tam sim ntawv ntshe kuv tsis tau nqhis dej ntxiv lawm no los zoo li kuv tuag tsis tau li lawm, vim tias kuv yeej paub ntsoov tias kuv yuav los nyob tsis txawj tuag mus ib txhis, kuv tig saib cov neeg mas nyias nqhis nyias dej , quaj zom zaws hos nyias tshee nyias. Kuv mas tshee tshee tshee ua rau kuv tuav tsis tau kuv 2 lub khob li lawm. kuv mloog kuv sab dhau vim nqhis dej xwb ces kuv cia li hloov dua chaw.

Kuv swb zoj mus txog ib qho chaw mas zoo li ib hoob tsev uas neeg raug txim nyob, tsis pom kev qhov twg , tsuas zoo li qaim qaim hli hoob ntawv xwb, kuv pom cov neeg hauv hoob ntawv mas dub zig zuag vim qaim hli dhau lawm ces pom tsis tseeb, tsis muaj qhov pom pom kev puag saum toj tuaj li 2 hoob dhau los, kuv los nyob nrog lawv mas kuv txom nyeem tag nrho, vim tias qias qias qias qias neeg tshaj plaws 2 hoob dhau los, nkos li nkos, zoo li muaj quav kuj tsis yog quav, tsuas paub tias nqias nqias neeg dhau lawm no xwb, ua rau yus tiv tsis taus, yus tsuj qhov twg los qias neeg, qhov nqias neeg ntawv mas tsis zoo li niaj hnub no yus pom qias neeg , qhov nqias neeg hauv mas qias tshaj plaws, ua rau yus mus tsis tau qhov twg, yus cia li sawv ntsug twj ywm , txav tsis tau li vim tias qias neeg tshaj qhov qias , tsw phem los tsw phem heev heev ua rau yus tuag los tuag tsis taus , cov neeg hauv hoob ntawv mas nto nto nto qaub caug cuag li cas, hos quaj los quaj, ntsaj los nstaj, kuv ces los txog ntawv nqias neeg dhau lawm kuv twb qw tsis tau ntsaj tsis tau ces kuv cia li txog txog siav. Tam sim ntawv kuv uv tsis taus li lawm ces kuv cia li hnov kuv lub cev swb swb mus rau lwm qhov.

Zaum no qhov thib plaub kuv swb mus tawm plaws rau ntawv mas, ntuj os lawv aw! sim neej no cas kuv yuav tsis tau pom ib zaug tshav ntuj nrig nplooj ntoo ci laim txias, tej me nrog tsuag ntsuab tshaj tej kuv niaj hnub pom, tej paj tawg ntawm tej kev mas zoo nkauj los zoo tsw qab los tsw, ua rau kuv lub siab kaj lug, kuv zoo zoo siab tsis txawj tag kuv tig saib sab twg los zoo nkauj ci ntsa iab tshav ntuj nrig , tej me cua los laj siab khiv, tshav ntuj los tsis kub yus, tsuas pom tias tshav tshav ntuj tshiab tshiab ci ci laim txias qhov txhia chaw, kuv txav kiag yuav mus taug txoj kev uas kuv pom ntawm kuv hauv ntej nas cas muaj 2 tug tub hluas Hmoob zoo nraug tshaj plaws txhua tus kuv pom niaj hnub no, nkawv hnav khauv ncaws hmoob tshiab tshaj plaws, nkawv hnav 2 lub tsho khuam Hmoob txij duav, hnav tso dawb tuaj sab hauv nrog cev nqaij , nkawv los tav kiag kuv kev ntawm kuv hauv ntej nkawv tuav ib leeg ib rab hneev, nkawv 2 lub ntsej muag luag ntxhi zoo nraug tshaj qhov zoo uas yus piav tsis tau, nkawv muab nkawv 2 rab hneev tua kiag saum ntuj , kuv saib ntsoov 2 tug xib xub los sib chob ua ke kiag tam sim ntawv nrov ib teg muaj muaj ceem ua rau kuv tsim nto plaws cas kuv rov qab nyob hauv kuv lub txaj hos kuv tseem pw twj ywm kuv qhov qub ntawm kuv lub txaj, kuv yoob tag thiab kuv txog txog siav, kuv mloog zoo li kuv tsis tau ua dua pa los lawm ntev tsawv uas tam sim ntawv kuv tsim los nto ntawv kuv nyuam qhuav rov qab pib ua ua pa, maj mam ua pa puag hauv siab tuaj, ua pa yau yau tas ces mam li ua tau pa hlob zuj zus, ib nyuag ntsis zoo li 2 feeb kuv mam ua tau pa zoo li qhov qub....kuv xav lawm 2 3 hnub, xav txog tej kuv tau mus txhij mus txhua txom txom nyeem thiab qhov chaw tshav ntuj nrig ci ntsa iab laj siab ntxiag , uas rau kuv zoo li tus neeg ruam tau ib nyuag ntu tsis xav hais lus rau leej twg thiab tsis xav teb leej twg.

Niaj hnub nim no kuv tsis tau tham qhia rau leej twg, vim kuv tham rau luag tej ces luag tsis ntseeg kuv thiab luag cem kuv tias noj tsau npau suav ntau. Tiam sis yeej tsis yog npau suav, kuv tham thaum twg kuv tseem pom zem zuag ntawm kuv qhov muag, cim tau txhua thaj chaw thiab txhua hoob cov neeg nyob, cim tau txhua tus lub ntsej muag kuv pom.
avatar
Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1631
Date d'inscription : 2009-08-17

Re: XH NpuagTub tus mob puas tau zoo

Post  Maiv Paj Lug on 10th February 2010, 6:40 am

Yaj Suav Nus wrote:
Nyob XH Npuag Tub, Maiv Tooj thiab tag nrho nej cov uas tuaj hauv no.
XH Npuag Tub,
Yog vim koj lub cev noj tsis qab nyob tsis zoo lawm koj thiaj xav ntau yam; zoo li koj lub tswv yim mag dab phem rooj ntxiab ua rau nws qaug zog ua neeg nyob ntiaj teb ces nws tsis nco tias nws tseem ua nws txoj hauj lwm tsis tau tiav. Txhob ntaus siab me koj yeej tsis ncaim mus rau qhov twg li.
Peb cov nyob deb nrog koj thov ntuj pab kom koj lub tswv yim dim ntawm dab phem rooj ntxiab, thiab kom koj tau ua txoj hauj lwm uas Tswv Ntuj tos. Ua li.
Y.Suav Nus

Kuv xav li koj thiab os Suav Nus, kuv xav tias peb ua neeg nyob txawm muaj mob los peb tsis tau xav tiag yuav tuag. Peb yog neeg ntseeg ntuj yog peb lub siab nyob ntawm Tswv Ntuj peb yuav tuag mas Tswv Ntuj yeej ua rau peb siab kaj lug mam tuag.
avatar
Maiv Tooj
Tswv Cuab Hmong Catholique
Tswv Cuab Hmong Catholique

Messages : 5250
Date d'inscription : 2009-08-18

Re: XH NpuagTub tus mob puas tau zoo

Post  Maiv Tooj on 10th February 2010, 8:26 am



Maypajlug,

Kuv tsis tham kuv qhov Expérience li, vim kuv xav tsis tag tias puas yog txoj kev tuag tiag no xwb. Nws ntshai rtus pog dub lus uas kuv pom zem zuag lov? Tus ntawd kuv tsis nco ntshai, kuv ntshai mas yog tus uas nrog kuv niam txeeb kuv thaum kuv niam yuav luag hla lub rooj txag. Tus ntawd mas kuv nco ntsoov tias kuv niam puag kuv tav, ib txhais tes hauv qab nyob ntawm kuv taub hau, txhais tes sab saud los tuav kuv lub pob tw li yus puag me nyuam thaum me nyuam tsaug zog. Ces tus uas txeeb kuv ntawd nws ib txhais tes chaws kiag ntawm kuv duav, nruab nrab kuv niam ob txhais tes ntag. Nws rub kiag kuv, kuv tsuas pom nws txhais tes thiab mloog tau hais tias yog ib tug neeg loj ib yam kuv niam no xwb tsis pom nws ntsej muag li. Tab sis thaum kuv niam hla kiag rooj txag ces nws ploj kiag lawm...

Kuv li mas kuv xav thov HT. Ntuj cia kuv nyob kom laus thiab noj qab nyob zoo. Vim kuv tshuav hauj lwm ntau heev tseem yuav ua cia rau ntiaj teb no.

Wow...! Maypajlug, Cas nws zaj npau suav zoo li twb tsis yog npau suav, zoo li yog Tswv Ntuj coj nws mus xyuas ntuj txias teb tsaus, teb chaws Them txim thiab Ntuj Ceeb Tsheej los. Ua cas thaum nws mus pom ob tug tub Hmoob zoo nraug, nws tsis nug nkawd seb yuav ua cas thiaj tau tuaj nyob lawv lub teb chaws zoo nkauj thaj yeeb ntawd?
Nws tsis nug seb ua cas ho muaj neeg txom nyem hauv qhov tsaug ntuj coob ua luaj li?
Txaus ntshai heev, yog teb chaws Them Txim thiab Ntuj Txias Teb Tsaus zoo li nws mus pom los ntawd.
Neeg ua neej nyob, tsuas niaj hnub ua kom nws siab nqeg xwb, txawm ua txhaum thiab ua rau lwm leej lwm tus txom nyem los tsuav nws siab nqeg xwb. Thaum dua tas lub neej lawm, thiaj tau kev txom nyem yam tsis muaj neeg yuav pab tau...



avatar
Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1631
Date d'inscription : 2009-08-17

Re: XH NpuagTub tus mob puas tau zoo

Post  Maiv Paj Lug on 10th February 2010, 11:01 am

Maiv Tooj wrote:

Maypajlug,

Kuv tsis tham kuv qhov Expérience li, vim kuv xav tsis tag tias puas yog txoj kev tuag tiag no xwb. Nws ntshai rtus pog dub lus uas kuv pom zem zuag lov? Tus ntawd kuv tsis nco ntshai, kuv ntshai mas yog tus uas nrog kuv niam txeeb kuv thaum kuv niam yuav luag hla lub rooj txag. Tus ntawd mas kuv nco ntsoov tias kuv niam puag kuv tav, ib txhais tes hauv qab nyob ntawm kuv taub hau, txhais tes sab saud los tuav kuv lub pob tw li yus puag me nyuam thaum me nyuam tsaug zog. Ces tus uas txeeb kuv ntawd nws ib txhais tes chaws kiag ntawm kuv duav, nruab nrab kuv niam ob txhais tes ntag. Nws rub kiag kuv, kuv tsuas pom nws txhais tes thiab mloog tau hais tias yog ib tug neeg loj ib yam kuv niam no xwb tsis pom nws ntsej muag li. Tab sis thaum kuv niam hla kiag rooj txag ces nws ploj kiag lawm...

Kuv li mas kuv xav thov HT. Ntuj cia kuv nyob kom laus thiab noj qab nyob zoo. Vim kuv tshuav hauj lwm ntau heev tseem yuav ua cia rau ntiaj teb no.

Wow...! Maypajlug, Cas nws zaj npau suav zoo li twb tsis yog npau suav, zoo li yog Tswv Ntuj coj nws mus xyuas ntuj txias teb tsaus, teb chaws Them txim thiab Ntuj Ceeb Tsheej los. Ua cas thaum nws mus pom ob tug tub Hmoob zoo nraug, nws tsis nug nkawd seb yuav ua cas thiaj tau tuaj nyob lawv lub teb chaws zoo nkauj thaj yeeb ntawd?
Nws tsis nug seb ua cas ho muaj neeg txom nyem hauv qhov tsaug ntuj coob ua luaj li?
Txaus ntshai heev, yog teb chaws Them Txim thiab Ntuj Txias Teb Tsaus zoo li nws mus pom los ntawd.
Neeg ua neej nyob, tsuas niaj hnub ua kom nws siab nqeg xwb, txawm ua txhaum thiab ua rau lwm leej lwm tus txom nyem los tsuav nws siab nqeg xwb. Thaum dua tas lub neej lawm, thiaj tau kev txom nyem yam tsis muaj neeg yuav pab tau...

Maiv Tooj, koj qhov Expérience mas ho txaus ntshai zog rau qhov tus nrog koj niam sib txeeb koj tiag mas, kuv xav tias tus nrog koj niam sib txeeb koj yog tus koj pom nqa khoom los rau koj no. Koj piav rhiav pob tw heev lawm as, oiiib txaus ntshai ua luaj, tsis xav kom muaj tus ua phem rau yus li os.

Ntawm kuv li Expérience, kuv xav mas tej zaum kuj yog Tswv Ntuj pub txiaj ntsim rau kuv mus pom tej ntawv, tab sis mas cas yuav mus meej ua luaj, hmoov av los yus nco txhij nco txhua, pom txhij pom txhua , yus tseem yoog tau pab txom txom nyeem sab sab ua yus uv tsis taus, yus tseem sab tshaj lawv li lawm thiab vim yus tsis tau tuag li lawv ces yus uv tsis tau tej ntawv npaum lawv...Niamlaus, cas tej kuv pom ho tsis muaj neeg sau ntawv txog rau qhov twg li? puas yog muaj ntau ntau txoj kev txom nyeem thaum yus tuag lawm? cas yuav mus hlub cov neeg hauv ua luaj, nim tos ntsoov ntsia ntsoov saum qhov pom pom kev seb lawv puas yuav tuaj cawm yus.

Dua li qhov tshav tshav ntuj ces kuv pom ib muag xwb twb tsis muaj caij yuav hais lus rau nkawv ces nkawv twb tua hneev tav kuv kev lawm. Tiam sis yog saum ntuj ceeb tsheej tshiab npaum qbhov kuv pom ces kuv yeej tsis ntshaw ntiaj teb daim av nyob mus li, qhov kuv ntshaw yog Tswv Ntuj daim av ci ntsa iab raws li kuv pom lawm xwb. Tab sis muab ntiaj teb piv rau txoj kev txom nyeem nyob tsaus ntuj nti li pab neeg coob coob kuv pom ntawv ces kuv xum nyob ntiaj teb.
avatar
Npuagtub
Tswv Cuab Hmong Catholique
Tswv Cuab Hmong Catholique

Messages : 1164
Date d'inscription : 2009-08-16
Age : 51
Localisation : Fresno, California, USA.

Re: XH NpuagTub tus mob puas tau zoo

Post  Npuagtub on 10th February 2010, 1:02 pm

Ua tsaug Mt, D. Suavnus, thiab Mp,

Ua tsaug ntau rau nej cov lus sau tuaj qhia kuv thiab txhawb kuv lub zog, tas txhua yam nej hais mas yeej yog kawg li thiab yeej muaj nuj nqis heev rau peb sawv daws tau paub thiab kawm.

Tiam sis yam kev tsaug zog heev li kuv tau ntsib no mas nws ua rau koj tsis nco txog dab tsi li, npau suav los yeej tsis nco li, tsuas yog zaum twg ces tsaug zog qhov ntawd lawm xwb koj xav tsaug zog tshaj tas txhia yam li, kawg ua rau koj yeej tsis hnov tshaib plab li lawm koj yeem tsaug zog tsis yeem noj mov.

Lawv e.....! Ua li nej puas tau npaj txhij rau thaum txog nej hnub kawg hauv ntiaj teb no.?
Kuv li mas.., nyob hauv kev npaj rau sab ntsuj plig mas kuv yeej tseem npaj tsis tau txhij, yuav npaj npaj mus kom txog kiag kuv hnub kawg saib yuav npaj tau li cas..?
Hos nyob rau sab cev nqaij mas kuv yeej npaj me ntsis lawm thiab, ib yam li hais txog kuv hnub kawg mas kuv nyiam li cas mas kuv yeej hais rau kuv tsev neeg paub tas lawm. tsis tas li ntawd los kuv kuj hais rau pawg ntseeg paub ntau zaus uas kuv qhia kev ntseeg tham txog txoj kev tuag thiab mus ntuj ceeb tsheej.





Photobucket
avatar
Mim
Tswv Cuab Hmong Catholique
Tswv Cuab Hmong Catholique

Messages : 1810
Date d'inscription : 2009-10-16

Re: XH NpuagTub tus mob puas tau zoo

Post  Mim on 10th February 2010, 1:24 pm

Tais Tooj thiab Maiv Paj Lug,

Ua cas neb nim yuav txawj piav ua luaj li mas... Kuv li kuv yog hom neeg uas Hmoob hu tias "neej los tsis nyiam, dab los tsis ntshaw" xwb as, kuv ho tsis muaj experience tej yam txawv txawv li nej hais ko li as...

Maiv Paj Lug ai, peb twb tso tso cov zaj uas hais txog teb chaws them txim nev.... Nyob hauv lawv yeej hais tias kev txom nyem nyob ntiaj teb no mas piv tsis tau kev txom nyem hauv teb chaws them txim li no mas.... txom nyem tiag tiag, txom nyem tshaj plaws li.... yog leej twg lam paub txog txoj kev txom nyem hauv teb chaws them txim mas, nws tuaj yeem txom nyem nyob ntiaj teb no pes tsawg npaug los xij, tsuasv kom dim kev txom nyem hauv teb chaws them txim xwb no hos...
avatar
HmongFresno
Tuaj Tshiab
Tuaj Tshiab

Messages : 58
Date d'inscription : 2010-01-28

Re: XH NpuagTub tus mob puas tau zoo

Post  HmongFresno on 10th February 2010, 3:47 pm

Maivxis wrote:
Nyob zoo ib tsoom phooj ywg sawv daws. Kuv tsi tau hai nej li kuv cia li lo xyua nej rau chav no lawm, Zam txim pub thiab. Kuv muab daim duab no tso tau cov snow rau yog nej nyiam lo siv tau. Muaj caij li tuaj xyua nej dua os.









Txoj Kwv Txhiaj ntev heev kuv daws tsi tag vim nws siv caij nyoog mloog ces kuv kaws mentsi kom nej hnov xwb os.
Ua li es koj hais dab tsi ne kuv tsis to taub li as , Puas yog koj hais tias koj tso kwv txhiaj no los , Ua li cas kuv tsis pom na , Los puas yog koj hais dab tsi os ,

Maivxis .

Sister Maiv Xis Kuv hai li koj li koj ntag ma. Kuv muab ib zaj kwv txhiaj hai yog hai lus Vaj Tswv ntawm ib tus niam pog los xwb, Txoj kwv txhiaj ntev heev kuv muab txiav kom luv zog tab si hai tsi tau xau nej lam mloog os. Koj hi tias tsi pom qhov twg? koj saib hauv ki nrub nrab koj yuav pom ib qhov pink los yog color violet yog sim paj yeeb los li ca kuv los tsi paub cov color no thiab. Koj nia play xwb nws hai kwv txhiaj rau koj mloog lawm ma.
avatar
HmongFresno
Tuaj Tshiab
Tuaj Tshiab

Messages : 58
Date d'inscription : 2010-01-28

Re: XH NpuagTub tus mob puas tau zoo

Post  HmongFresno on 10th February 2010, 4:12 pm

Npuag Tub wrote:Nyob zoo Mt, Mp,D. Suav Nus thiab cov phooj ywg,

Mt thiab Mp, kuv tuaj lawm os.....! Kuv mus so tau 2/3 nyuag hnub no xwb es neb yuav xav ntau yam txhawj ntau yam txog kuv ua luaj li....Kuv kuj tseem nyob li qub xwb os nawv.
Thov qhia rau nej txhua tus paub tias kuv qhov kev tsaug zog yeej tseem loj li qub kuj tsis paub hais tias yog tim li cas? Kws tshuaj hais tias tas txhua yam ntawm kuv kuj tsis muaj dab tsi li tej zaum yog kuv ua hauj lwm overtimes ntau dhau lawm xwb ntshai kuv yuav tau txhob ua hauj lwm ntau xuaj moos.

Cov Phooj ywg nyob hauv nej lub neej, nej puas tau tsaug zog sawv ntsug ua tsis pheeb rau qhov twg li.? Thiab nej mus teev ntuj nej puas tau cia li tsaug zog sawv ntsug hauv tsev nteev ntuj thaum lawv tab tom teev ntuj.?

Tam sis no kuv tau ntsib txoj kev zoo li no lawm kuj yog nyuaj siab hauj sim thiab tej zaum yuav tau hloov hauj lwm los tsis paub thiab..? Tham li no xwb thov txim kuv tseem tuaj sau tsis tau kev ntseeg rau hauv no li nawv. Nej tso siab rau kuv nawv mog cov phooj ywg.
Kwv Tub

Kuv los nrog koj tham mentsi, koj hai txog qhov tsaug zog sawv ntsug? yav tag, kuv kov computer heev thiab nyob tseej hmos yuav kaj ntug kuv pws li 3 xuab moos xwb kuv mus work lawm thiab ua hauj lawm ntau heev ces kuv yeej muaj ntsi tsaug zog li koj hai ma. Tej thaum los txog ntawm teeb liab, nre to teeb ntshuab ces luag mus yus tsi nco mus, cov tom qab nyem kes rau kuv ces kuv mam li mus. Kuv los tsi muaj mob txhua yam zoo yog li kuv tsi nyob tsheej mog lawm kuv twb tsi muaj qhov tsaug zog lawm thiab.

Tej zaum koj ua hauj lwm khwv heev thiab pws tsi txau xwb thiaj li ua li ntawd. Koj yuav tau los so, pws kom txau tej zaum koj yuav tsi muaj qhov ntawd lawm. Tsi tag li tsi txhob noj lawv tej tshuaj, Tshuaj dab tsi los txhob noj vim muaj tej cov tshuaj yog yeeb nyob rau hauv ces nws ua tau rau koj ua li thiab.

Sponsored content

Re: XH NpuagTub tus mob puas tau zoo

Post  Sponsored content

  • Post new topic

Current date/time is 24th May 2017, 10:40 am