HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


KEV THOOB TSIB & ZAJ NKAUJ SEEV - Page 6 Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Yesterday at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


+4
Nujsisloob1
Maivxis
Yaj Suav Nus
Npuagtub
8 posters

    KEV THOOB TSIB & ZAJ NKAUJ SEEV

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 6 Empty Re: KEV THOOB TSIB & ZAJ NKAUJ SEEV

    Post  Maiv Tooj 22nd October 2013, 9:12 am

    Maiv Tooj wrote:

    PEB YOG COV NOOB NPLEJ.

    Nyob zoo txog tsoom ntseeg sawv daws,

    Nej xav li cas, cas kuv nyeem zaj paj lug txog tus tseb nplej no mas zoo li pom tau tias peb cov ntseeg yeej zoo nkaus li cov noob nplej tseb no. Lub yuav poob rau qhov av zoo los muaj, lub yuav poob rau chaw do rau nas noog noj los muaj, lub yuav poob rau hav khaub, raug nroj tsuag laum mam maj mam ntxeem hlob los muaj. Qhov ntau mas yus yeej hnov TP. hais, ntuas thaum nyeem cov zaj nyeem tag, tab sis yus tsis hnov tias yog hais dab tsi li...cuag li uas muaj dab tsi ntshaws yus lub pob ntseg li lawm. Ntshe yuav tau nyeem thiab rov nyeem zaj paj lug nov ntau zaus kom zwm rau yus lub siab seb yus puas txhob ua neeg lag ntseg lawm.

    KEV THOOB TSIB & ZAJ NKAUJ SEEV - Page 6 Jesus-10


    Yes Xus zaum hauv nkoj qhia sawv daws. MT 13 : 1 - 3.

    1 Muaj ib hnub, Yes Xus tawm
    hauv tsev mus zaum ntawm ntug
    dej ntuj. 2 Tej pab neeg coob tuaj ntsauv
    nws, ces nws nce mus zaum hauv ib lub
    nkoj, hos tas tsoom neeg nyob ntawm ntug
    dej. 3 Yes Xus ua paj lug qhia lawv txog
    ntau yam.

    KEV THOOB TSIB & ZAJ NKAUJ SEEV - Page 6 Repres10


    Zaj paj lug txog tus tseb nplej.
    MT 13 : 4 - 9.
    Yes Xus hais li no :
    "Tus tseb nplej tawm mus tseb.
    4 Thaum nws tseb, muaj ib co noob poob
    ntawm ntug kev, noog ya tuaj noj tas huv
    si lawm. 5 Ib co noob poob rau hauv cov
    av pob zeb, nyob ntawd tsis muaj av ntau,
    ces noob tuaj kaus sai, vim av tsis tob.
    6 Thaum hnub tuaj, tshav ziab, cov yub
    nkig, vim tsis muaj cag ces cov yub qhuav
    tas. 7 Tseem muaj ib co noob poob hauv
    cov pos. Pos hlob tuaj laum cov yub. 8
    Hos muaj ib co noob poob rau hauv thaj
    av zoo, cov noob ntawd txhawv hnab, tej
    lub noob txi ib puas lub, tej lub txi rau
    caum lub, tej lub txi peb caug lub.
    9 Leej twg muaj pob ntseg, cia nws mloog."

    KEV THOOB TSIB & ZAJ NKAUJ SEEV - Page 6 Discip10

    Vim li cas Yes Xus ua paj lug hais.MT 13 : 10 - 17.
    10 Cov thwj tim txav los ze Yes Xus,
    lawv hais rau nws tias :
    "Vim li cas koj ua paj lug hais rau lawv ?"

    11 Yes Xus teb rau lawv tias :
    "Vim Ntuj pub kom nej paub tej yam tob
    hauv Ntuj lub Ceeb Tsheej, tab sis Ntuj
    tsis tau pub rau cov ntawd. 12 Tus uas
    twb muaj lawm, mas Ntuj yuav pub rau
    nws kom nws muaj ntau tshaj. Hos
    ntawm tus tsis muaj, ces Ntuj tseem yuav
    thau qhov nws muaj tawm mus. 13 Vim
    li ntawd, kuv thiaj ua paj lug hais rau
    lawv : vim tias lawv ntsia, los lawv tsis
    pom, lawv mloog, los lawv tsis hnov,
    thiab tsis to taub. 14 Li ntawd, thiaj
    muaj raws li cov lus uas Yaj Saub His
    Xais xub hais tseg tias :
    Nej pob ntseg hnov, los nej yuav tsis to
    taub ; nej ntsia, tab sis nej yuav tsis pom.
    15 Yog vim haiv neeg no lub siab qhwv
    lawm : lawv pos pob ntseg, lawv qi qhov muag,
    lawv ntshai tsam lawv qhov muag pom,
    tsam lawv pob ntseg hnov,
    ces lawv lub siab to taub.
    tsam lawv yuav tsum hloov siab,
    thiab kuv yuav kho tau lawv zoo.

    16 Hos nej, mas nej qhov muag tau txoj
    hmoov zoo, vim nej qhov muag pom kev.
    Nej pob ntseg tau txoj hmoov zoo, vim nej
    pob ntseg hnov lus. 17 Kuv hais tseeb
    rau nej, cov yaj saub thiab cov neeg siab
    ncaj thaud coob leej ntshaw pom yam uas
    nej pom, tab sis lawv tsis tau pom, ntshaw
    hnov yam uas nej hnov, tab sis lawv tsis tau hnov !

    KEV THOOB TSIB & ZAJ NKAUJ SEEV - Page 6 Frambo10

    Txhais zaj paj lug tseb nplej.
    MT 13 : 18 - 23.

    18 Nej mloog zaj paj lug hais txog tus tseb nplej lub ntsiab.
    19 Tus neeg uas tau hnov Lo Lus qhia
    txog Ntuj lub Ceeb Tsheej, nws tsis to
    taub, tus Phem tuaj txog, nws txeeb yam
    uas Ntuj tseb hauv tus ntawd lub siab : tus
    ntawd yog tus txais cov noob poob ntawm ntug kev.
    20 Cov noob poob rau hauv cov av pob
    zeb, yog tus neeg uas thaum nws hnov
    Ntuj Lo Lus, nws zoo siab txais. 21 Tab
    sis nws tsis muaj cag nyob hauv nws, vim
    nws yog neeg tsis ruaj : thaum muaj kev
    txom nyem, los muaj kev raug luag hiam
    vim Lo Lus, ces nws ntog tam sis ntawd.
    22 Cov noob uas poob rau hauv cov pos,
    yog tus uas hnov Lo Lus, tab sis ntiaj teb
    kev txob xeeb, nyiaj txiag tej kev ntxias
    laum Lo Lus, ces Lo Lus txi tsis taus txiv.
    23 Cov noob uas poob rau hauv cov av
    zoo, yog tus uas hnov Lo Lus, nws to
    taub Lo Lus ntawd, ces nws txi txiv. Ib
    tug txi ib puas lub, ib tug txi rau caum
    lub, hos lwm tus txi peb caug lub.

    KEV THOOB TSIB & ZAJ NKAUJ SEEV - Page 6 Nplej310
    Kuv tau tso Mas Tais tsab ntawv hais txog tus tseb plej lawm; kuv ho yuav tso Mas Kos zaj txhais txog tus yawg tseb plej thiab. Yeej hais sib raws tab sis ib tug ho hais tau ib nyuag txawv me ntsis; yam li Mas Kos hais tau yooj yim dua ces kuv lam muab tso, yog leej twg tuaj nyeem txog los thiaj khaws tau mus xyaum ua neej.



    KEV THOOB TSIB & ZAJ NKAUJ SEEV - Page 6 Myflow10


    Txhais zaj paj lug tseb nplej.
    MK 4 : 13 - 20.

    13 Yes Xus hais rau lawv tias :
    "Nej tsis to taub zaj paj lug no lod ? Yog
    li, nej yuav ua cas to taub cov paj lug tas
    huv si ? 14 Tus tseb noob, nws tseb Lo
    Lus. 15 Cov uas nyob ntawm ntug kev
    txais Lo Lus, yog cov neeg uas tau hnov
    Lo Lus. Tab sis, Xas Tas tuaj rho Lo Lus
    uas nyuam qhuav tseb rau hauv lawv tam
    sim ntawd lawm. 16 Cov uas txais cov
    noob tseb rau hauv thaj av pob zeb, yog
    cov neeg uas thaum lawv hnov Lo Lus,
    lawv zoo siab txais. 17 Tab sis lawv tsis
    muaj cag nyob nruab siab, thiab lawv yog
    neeg tsis ruaj : thaum muaj kev txom
    nyem los kev raug luag hiam vim Lo Lus,
    mas lawv ntog tam sim ntawd.
    18 Tseem muaj ib co txais cov noob tseb
    rau hauv cov pos : yog cov neeg uas tau
    hnov Lo Lus. 19 Tab sis ntiaj teb kev
    txob xeeb, nyiaj txiag kev ntxias, thiab lub
    siab ntshaw ntau yam txeem mus laum Lo
    Lus, ces Lo Lus txi tsis taus txiv.
    20 Hos cov uas txais cov noob tseb rau
    hauv thaj av zoo yog cov neeg uas hnov
    Lo Lus, lawv txais, thiab lawv txi txiv. Ib
    tug txi peb caug lub, ib tug txi rau caum
    lub, lwm tus txi ib puas lub."


    KEV THOOB TSIB & ZAJ NKAUJ SEEV - Page 6 Dsc02810
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 6 Empty Re: KEV THOOB TSIB & ZAJ NKAUJ SEEV

    Post  Maiv Tooj 15th December 2013, 11:36 am

    IB ZAJ KWV HUAM.

    KEV THOOB TSIB & ZAJ NKAUJ SEEV - Page 6 Semeur10

    Ib hnub, ib tug tub hluas mus khob ib tug Tshiab qhov rooj.
    Tus Tshiab txawm nug tias koj xav tau dab tsi?

    Nws xav xav, nws txawm xav tau tswv yim, nws hais tias:
    "Kuv xav kom muaj txoj kev thaj yeeb nyab xeeb rau neeg ntiaj teb,
    kom neeg ntiaj teb txawj sib hlub thiab khwv tai noj tau haus,
    cov tsis muaj hauj lwm los kom nrhiav tau hauj lwm ua".

    Tus tshiab teb nws tias: "Ntawm no peb tsis muag txiv, peb muag noob xwb."

    Yes Xus hais tias MT 13, 2-23: Tswv Ntuj yog tus tseb noob,
    NWS muab nws cov lus (noob) rau neeg siv.
    Yog xav kom yus tau zoo ces yuav tsum muab nws cov noob coj mus cog kom tuaj loj hlob txi txiv.
    Tswv Ntuj tsis muab txiv rau yus noj, NWS tseb noob rau yus mam tu.
    Yuav tsum yog sov mas noob thiaj tuaj taus.
    Li ntawd, yog peb lub siab sov sov, kub lug mas NWS cov lus thiaj li yuav hlob taus hauv peb.
    Yog peb siab ntsws txias to xwb ces NWS cov lus yuav nrhau tsis taus kaus.


    KEV THOOB TSIB & ZAJ NKAUJ SEEV - Page 6 Jardin10


    Last edited by Maiv Tooj on 13th June 2018, 7:09 am; edited 1 time in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 6 Empty Re: KEV THOOB TSIB & ZAJ NKAUJ SEEV

    Post  Maiv Tooj 15th December 2013, 1:21 pm





    KEV SIB HLUB TSIS MUAJ NTOO CUAM NYOB QHUAV NQUAS

    NTOO CUAM TSIS MUAJ KEV HLUB NYHAV CI TUB.



    KEV THOOB TSIB & ZAJ NKAUJ SEEV - Page 6 _jesus10


    Last edited by Maiv Tooj on 13th June 2018, 7:10 am; edited 1 time in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 6 Empty Re: KEV THOOB TSIB & ZAJ NKAUJ SEEV

    Post  Maiv Tooj 16th December 2013, 10:16 am



    lub tsev nyob mus li



    Maria Simma cov lus ceeb toom kom ras xeev.


    Lub caij ntev tsis yog nyob mus li,
    Tab sis yog nyob mus li ntev.

    Hnub no paj tawg nra yuav tau lov,
    Vim taig kis tsis yog hnub no.

    Txhob pub ib chim sem,
    Vim lub caij khiav tsis tseg.

    Peb txhim tej lub tsev ruaj khov,
    Tab sis peb tsuas yog los ua qhua nyob.

    Lub tsev yuav nyob mus li,
    Peb ho tsis tsis muab lub caij los txhim .



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 6 Empty Re: KEV THOOB TSIB & ZAJ NKAUJ SEEV

    Post  Maiv Tooj 22nd January 2014, 11:05 am


    ALEXANDRINA MARIA DA COSTA

    laïque et mystique
    (1904-1955)

    KEV THOOB TSIB & ZAJ NKAUJ SEEV - Page 6 Alexan10

    ALEXANDRINA MARIA DA COSTA tau txais lub txiaj ntsim tuaj yeem txom nyem taj neeg ntiaj teb tej txhaum.
    Yes Xus qhia txog lub txiaj ntsim uas tuaj yeem txais kev txom nyem taj luag vim kev hlub. Cov lus no mas zoo li tawv heev rau peb txheej tiam 21 no. Tiam sis yog hais thaum tiam 20; zoo nkaus li uas yog cob cim kiag rau peb ntag. Yes Xus hais tias:

    "Kuv me ntxhais, txoj kev txom nyem yog tus yuam sij qheb rooj ntug. Kuv txom nyem npaum li cas los qheb rooj ntugrau leej neeg; tab sis rau coob leej mas tsis mauj qab hau dab tsi. Lawv hais tias: "Kuv zoo siab heev uas tau yug los lom zem hauv ntiaj teb no." Lwm tus hais ntxiv tias: 'Tsis muaj dab phem teb.' Tab sis twb yog Kuv tuaj theej lawv txhoj los lawv tseem hais tias tsis muaj neeg yuam Kuv, los yog lawv puab ib cov lus tsis nkag hauv koom txoos txoj cai los so rau Kuv thiab ntau ncauj los thuam ntuj. Kom tau cawm lawv, Kuv xaiv tej tug ntsuj plig, Kuv muab tus ntoo cuam rau nws thiab hais kom nws pab lawv. Twb yog zoo uas tus ntsuj plig to taub txog lub txiaj ntsim ntawm kev txom nyem! Kuv tus ntoo cuam muag mos nyoos yog muab lub siab hlub los kwv.



    KEV THOOB TSIB & ZAJ NKAUJ SEEV - Page 6 Tough-10
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 6 Empty Re: KEV THOOB TSIB & ZAJ NKAUJ SEEV

    Post  Maiv Tooj 23rd February 2014, 6:47 am


    TUS RUAM YOG TUS NTSE RAU TSWV NTUJ,
    TUS NTSE YOG TUS RUAM RAU TSWV NTUJ


    Coc zaj nyeem hnub no, qhia tau tias yus yog NEEG NTSEEG, YUS YUAV XYAUM COJ ZOO TSHAJ LUAG TEJ. Yuav txhob muab piv rau luag, yog yus tseem piv rau cov tsis ua Ntuj Kev Cai thiab ces yus yog ib tug NEEG NTSEEG TIAG.
    Dua li, kuj qhia tau tias tus neeg ntse thiab thoob tsib nyob ntiaj teb, tsis yog tus ntse ntawm Tswv Ntuj; li ntawd feem ntau Tswv Ntuj thiaj li tshoj cov neeg ruam ruam tsis muaj txuj, tsis ntse ntse los tshaj Tswv Ntuj tes dej num. Li ntawd yog peb yog neeg ruam tsis ntse li luag los peb txhob tu siab, vim thaum dua tas ntiaj teb no lawd, tu ruam thiab tus ntse zoo tib yam lawm xwb.

    KEV THOOB TSIB & ZAJ NKAUJ SEEV - Page 6 7fcaf110

    NrhiavTswvNtuj wrote:



    COV ZAJ NYEEM HNUB TIM 23/02/14
    Chiv 7 Nruab xyoo


    Zaj nyeel 1: Les Vis 19,1-2.17-18

    Txoj kev ua neeg zoo.

    1 HUAB TAIS hais rau Mais Xes tias :
    2 "Koj yuav hais rau tsoom tub ki His Xas Lais tias :
    Nej yuav ua neeg ntshiab, vim kuv yog
    nej tus HUAB TAIS, nej tus Tswv Ntuj,
    kuv yog Tus Ntshiab.
    17 Koj yuav tsis txhob ntxub koj tus kwv
    tij nyob hauv koj nruab siab. Koj yuav
    qhuab qhia tus uas nrog koj ua ib haiv
    neeg, koj thiaj yuav tsis tau ris nws qhov
    txhaum. 18 Koj yuav tsis txhob rob caub
    thiab yuav tsis txhob chim ntev rau tus
    uas nws yog koj haiv neeg.
    Koj yuav nyiam tus nyob ze koj ib yam li
    koj nyiam koj. Vim kuv yog HUAB TAIS


    Zaj nyeem 2: 1 Kos Lis Nthos 3,16-23

    16 Nej puas paub tias nej yog Tswv Ntuj
    ib lub Tuam Tsev ? Nej puas paub tias
    Tswv Ntuj Leej Ntuj Plig nyob txawm
    hauv nej ? 17 Yog muaj ib tug rhuav
    Tswv Ntuj lub Tuam Tsev, mas Tswv
    Ntuj yuav rhuav tus ntawd. Vim tias
    Tswv Ntuj lub Tuam Tsev yog ib yam
    ntshiab. Lub Tuam Tsev ntawd yog nej.

    18 Nej txhob yuam kev. Nyob hauv nej,
    yog nej leej twg xav tias nws thoob tsib
    raws li ntiaj teb kev thoob tsib, mas nws
    yuav tsum ua neeg vwm, kom nws thoob
    tsib tuaj. 19 Vim nyob ntawm Tswv Ntuj
    xub ntiag, ntiaj teb txoj kev thoob tsib
    yog ib txog kev vwm. Muaj ib lo lus sau tseg tias : ‘
    Nws ua kom cov thoob tsib rov mag
    lawv kev ntse.’ Tseem muaj dua ib
    los sau tias : 20
    “Huab Tais paub cov
    neeg thoob tsib xav dab tsi : nws paub
    tias lawv zaj tswv yim yog ib zaj cuav.”
    21 Li ntawd, nej txhob muaj ib tug
    nrhiav koob meej nyob hauv neeg.
    22 Vim tas txhia yam yog nej tug. Tsis
    hais Paj Lug, los As Pos Los, los Kes Fas,
    los lub ntiaj teb, los txoj sia, los txoj kev
    tuag, los lub zim txwv no, los yav tom
    ntej : tas txhua yam ntawd yog nej tug.
    23 Tab sis nej yog Leej Pleev tug, Leej
    Pleev yog Tswv Ntuj tug.

    Mas Tais 5,38-48

    38 Nej hnov tej lus qhia tias :
    Qhov muag pauj qhov muag, kaus hniav pauj
    kaus hniav. 39 Hos kuv hais rau nej : nej tsis
    txhob nrog tus neeg phem sib cav. Yuav
    ua li no : leej twg ib ncuav pias rau koj
    sab plhu xis, tig sab plhu laug rau nws
    thiab. 40 Leej twg xav ua plaub rau koj
    kom tau koj lub tsho, mas koj muab koj
    lub tsho tshaj sab ntxiv rau nws thiab. 41
    Leej twg thov koj xa nws mus ib ncuas
    kev, mas koj nrog nws mus ob ncuas. 42
    Leej twg thov koj, mas koj pub rau nws.
    Leej twg xav txais nyiaj ntawm koj, mas
    koj txhob tig nraub qaum rau nws.
    43 "Nej hnov tej lus qhia tias :
    Koj yuav nyiam tus nyob ze koj,
    koj yuav ntxub koj tus yeeb ncuab. 44 Tab sis,
    kuv hais rau nej tias : nej yuav nyiam nej
    cov yeeb ncuab, nej yuav thov Ntuj rau
    cov tsim txom nej ; 45 nej thiaj yog nej
    Txiv nyob saum ntuj cov tub ; vim nej
    Txiv ua kom lub hnub tuaj ziab cov neeg
    phem thiab cov neeg zoo, nws ua kom nag
    los rau cov siab ncaj thiab cov siab nkhaus.
    46 Yog nej nyiam cov neeg nyiam nej,
    mas nej yuav tau koob haum dab tsi ? Tab
    yog cov sau se, lawv kuj txawj nyiam li
    ntawd. 47 Yog nej tshwj zias nej cov lus
    foom zoo rau nej cov kwv tij xwb, mas nej
    tau ua dab tsi zoo tshaj luag ? Tab yog
    cov neeg teev pej kum dab, los lawv kuj
    txawj ua li ntawd. 48 Hos nej, mas nej
    yuav ua neeg zoo tshaj, vim nej Txiv nyob
    saum ntuj yog tus zoo tshaj.

    KEV THOOB TSIB & ZAJ NKAUJ SEEV - Page 6 20140110
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 6 Empty Re: KEV THOOB TSIB & ZAJ NKAUJ SEEV

    Post  Maiv Tooj 7th April 2014, 7:54 am




    COV ZAJ NYEEM HNUB TIM 06/04/14
    Chiv 5 Caij 40

    KEV THOOB TSIB & ZAJ NKAUJ SEEV - Page 6 15343910

    Zam 11,1-45
    Yes Xus tsa Las Ntxas Los sawv
    rov los nyob Npes Tas Nias.


    1 Muaj ib tug neeg mob hu ua
    Las Ntxas Los, nws nyob Npes
    Tas Nias. Yog Mab Liab thiab nws tus
    niam laus Mas Tas lub zos. 2 Mab Liab
    yog tus uas yav dhau los nws muab tshuaj
    tsw qab pleev Huab Tais thiab muab nws
    cov plaub hau so Huab Tais ko taw. Tus
    neeg mob, yog Mab Liab tus nus Las
    Ntxas Los. 3 Nkawd ob viv ncaus xa
    xov mus hais rau Yes Xus tias :
    "Huab Tais, tus uas koj nyiam, mas nws mob lawm."
    4 Yes Xus hnov li ntawd, Yes Xus hais tias :
    "Tus mob no tsis coj mus rau qhov tuag,
    nws yuav ua kom Tswv Ntuj nto koob
    meej, kom xwv Tswv Ntuj Leej Tub txais
    koob meej vim tus mob ntawd."
    5 Yes Xus nyiam Mas Tas, thiab nws tus
    niam hluas, thiab Las Ntxas Los lawv.
    6 Tab yog nws hnov hais tias Las Ntxas
    Los mob lawm, tsis kav nws tseem nyob
    qhov qub ob hnub ntxiv thiab. 7 Ces Yes
    Xus mam li hais rau cov thwj tim tias :
    "Peb rov mus Yus Das teb."
    8 Cov thwj tim hais rau Yes Xus tias :
    "Las Npis, ob peb hnub ntawd, cov Yus
    Das xav xuas pob zeb txawb rau koj. Koj
    tseem yuav rov mus Yus Das teb thiab lod ?"
    9 Yes Xus teb tias :
    "Nruab hnub tsis muaj kaum ob teev lod ?
    Tus twg mus kev nruab hnub, nws tsis
    dawm taw, vim nws tau lub ntiaj teb qhov
    pom kev. 10 Hos tus twg mus kev hmo
    ntuj, mas nws dawm taw, vim qhov pom
    kev tsis nyob hauv nws."
    11 Yes Xus hais li ntawd tas, nws thiaj
    hais rau cov thwj tim tias :
    "Peb tus phooj ywg Las Ntxas Los tsaug
    zog lawm ; tab sis kuv yuav mus tsa nws sawv."
    12 Cov thwj tim hais rau Yes Xus tias :
    "Huab Tais, yog nws tsaug zog lawm,
    mas nws tus mob yuav zoo."
    13 Yes Xus hais txog Las Ntxas Los txoj
    kev tuag, tab sis cov thwj tim xav tias yog
    Yes Xus hais txog kev pw tsaug zog.
    14 Yes Xus thiaj li ncaj qha qhia tias :
    "Las Ntxas Los tuag lawm. 15 Kuv tsis
    nyob ntawd, tsis kav kuv zoo siab, vim
    qhov ntawd yuav pab nej ntseeg. Peb mus xyuas nws."
    16 Tos Mas, tus uas hu ua Dis Dws Mos,
    hais rau cov npawg thwj tim tias :
    "Peb kav tsij mus mas, kom peb nrog nws tuag thiab."
    17 Thaum Yes Xus tuaj txog, nws pom
    Las Ntxas Los twb zwm ntxa tau plaub
    hnub lawm. 18 Npes Tas Nias nyob ze
    ntawm Yes Lus Xas Les, kwv yees li
    kaum tsib ncuas kev. 19 Cov Yus Das
    coob leej tuaj xyuas Mas Tas thiab Mab
    Liab nkawd, lawv tuaj nplij nkawd vim
    nkawd tus nus tuag lawm. 20 Thaum
    Mas Tas hnov tias Yes Xus tuaj, ces Mas
    Tas mus tos Yes Xus, hos Mab Liab zaum
    nyob hauv tsev. 21 Mas Tas hais rau Yes Xus tias :
    "Huab Tais, yog koj ntxov tuaj txog
    ntawm no, mas kuv tus nus yuav tsis tuag.
    22 Tsis kav, kuv paub tias nyem no, koj
    thov yam twg ntawm Tswv Ntuj, mas
    Tswv Ntuj yuav muab rau koj."
    23 Yes Xus hais rau Mas Tas tias :
    "Koj tus nus yuav sawv rov los."
    24 Mas Tas hais rau Yes Xus tias :
    "Kuv paub tias thaum txog Hnub Kawg,
    lub caij leej tib neeg lub cev ciaj rov los,
    mas nws yuav sawv rov los."
    25 Yes Xus hais rau Mas Tas tias :
    "Kuv yog Txoj Kev Sawv Rov Los thiab
    yog Txoj Sia : tus ntseeg txog kuv, tab
    yog nws tuag lawm, nws yuav muaj txoj
    sia nyob. 26 Leej twg ua neej nyob
    ntseeg txog kuv, nws yuav tsis tuag ib
    zaug. Koj puas ntseeg qhov ntawd ?"
    27 Mas Tas hais rau Yes Xus tias :
    "Huab Tais, kuv ntseeg. Kuv ib txwm
    ntseeg hais tias koj yog Leej Pleev, yog
    Tswv Ntuj Leej Tub tuaj nyob hauv lub qab ntuj no."
    28 Mas Tas hais li ntawd tas, nws rov
    mus hu nws tus niam hluas Mab Liab.
    Nws ntxhi twj ywm rau Mab Liab tias :
    "Xib Hwb tuaj txog tod lawm, nws hu koj."
    29 Thaum Mab Liab hnov dheev li
    ntawd, nws sawv tsees mus cuag Yes
    Xus. 30 Yes Xus tsis tau mus txog hauv
    zos. Nws tseem nyob ntawm qhov chaw
    uas Mas Tas tuaj cuag nws. 31 Cov Yus
    Das uas tuaj nplij Mab Liab thiab nrog
    Mab Liab nyob hauv tsev, pom Mab Liab
    sawv tsees tawm lawm, lawv raws nws
    qab, vim lawv xav tias Mab Liab yuav mus quaj tom ntxa.
    32 Thaum Mab Liab tuaj txog ntawm
    Yes Xus, nws pom Yes Xus, nws txhos
    caug ntawm Yes Xus ko taw, nws hais rau Yes Xus tias :
    "Huab Tais, yog koj ntxov tuaj txog
    ntawm no, mas kuv tus nus yuav tsis tuag."
    33 Thaum Yes Xus pom Mab Liab quaj,
    thiab pom cov Yus Das uas nrog Mab
    Liab tuaj sawv daws quaj, mas Yes Xus
    tu siab kawg nyob hauv nruab siab, nws
    ib ce qaub thoob tas. 34 Yes Xus hais tias :
    "Nej muab nws tso qhov twg ?" Lawv teb tias :
    "Huab Tais, koj los tom no, koj yuav pom."
    35 Yes Xus kua muag poob nthav.
    36 Cov Yus Das thiaj hais tias :
    "Saib, nws nyiam Las Ntxas Los kawg."
    37 Tab sis muaj ib co Yus Das hais tias :
    "Nws yog tus uas qhib tau neeg dig muag
    qhov muag, nws ho ua tsis tau kom tus
    neeg no txhob tuag ?"
    38 Ces Yes Xus rov tu siab heev kawg
    nyob nruab siab, nws mus tom lub ntxa.
    Yog ib lub qhov tsua, muaj ib daim txiag
    zeb kaw lub rooj ntxas. 39 Yes Xus hais tias :
    "Nej tshem daim txiag zeb."
    Mas Tas uas yog tus tuag tus muam, hais
    rau Yes Xus tias :
    "Huab Tais, nws tuag tau plaub hnub
    lawm : nws twb tsw lawm."
    40 Yes Xus hais rau Mas Tas tias : "Kuv
    tsis tau hais rau koj tias yog koj ntseeg,
    koj yuav pom Tswv Ntuj lub hwj chim lod ?"
    41 Ces lawv tshem daim txiag zeb, Yes
    Xus tsa muag ntsia saum ntuj, nws hais tias :
    "Txiv, kuv ua koj tsaug vim koj mloog
    kuv. 42 Kuv paub tias koj yeej ib txwm
    mloog kuv, tab sis kuv hais cov lus no,
    kom tsoom neeg uas sawv ncig kuv
    ntseeg tias yog koj xa kuv tuaj."
    43 Yes Xus hais li ntawd tas, nws hu ib
    suab nrov nrov tias :
    "Las Ntxas Los, koj tawm los nraum no !"
    44 Tus tuag tawm los, cov saw tseem
    pav nws tej tes taw, daim ntaub npog
    ncauj tseem vov nws lub ntsej muag. Yes
    Xus hais rau lawv tias :
    "Nej daws cov saw, nej cia nws mus nws."
    45 Coob tus Yus Das uas tuaj xyuas Mab
    Liab tau pom qhov uas Yes Xus ua ces
    lawv ntseeg txog Yes Xus.


    KEV THOOB TSIB & ZAJ NKAUJ SEEV - Page 6 Ouvre_10

    Hnub no txiv Vaj Qhia Faas Tshes Kus nthuav txog zaj nyeem "Yes Xus tsa Las Ntxas sawv hauv qhov ntxav rov los".
    Txiv Vaj Qhia hais tias: "Peb sawv daws nyob hauv qghov tuag ib yam li Las Ntxas tuag nyob hauv qhov ntxa.

    -Yes Xus nthe ib suab nrov kom nws tawm hauv qhov ntxa los. Kuj yog kom peb tawm ntawm peb qhov tuag uas peb niaj hnub nyob hauv peb cov txhaumù, peb tsis tawm los rau txoj sia nyob mus li.
    -NWS hais kom Las Ntxas tawm los, yog hais kom peb tawm ntawm txoj kev "khav theeb" uas yog ib qho txhaum loj heev yuav ua kom peb poob rau txoj kev tuag.
    -Thaum Las Ntxas tawm txog sab nraud, daim ntaub npog ncauj tseem npog rawv (hmoob hu ua ntaub npog ncauj no tab sis tsis yog npog ncauj xwb yog npog tag nrho lub ntsej muag), NWS kom lawv muab Las Ntxas daim ntaub npog ncauj tshem, yam li kom peb tshem daim ntaub uas npog peb kom peb dig muag, kom peb tsis pom kev, kom txhob pom txoj kev hlub, txoj kev nyiam.
    -Yes Xus kom lawv muab cov sawv daws, yam li muaj cov hlua khi peb, peb thiaj tsis ua tej yam zoo kom peb txhob muaj kev nyuaj siab nyob ntiaj teb, thiab kom txhob muaj dab tsi khuam peb yog peb xav ua zoo.
    -Yog peb tso peb tej kev ciaj caub, xam txeem, cib nyeej thiab khav theeb tseg, peb yuav muaj txoj sia nyob mus li. Txoj sia nyob mus li yog peb muaj kev sib hlub sib haum xeeb.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 6 Empty Re: KEV THOOB TSIB & ZAJ NKAUJ SEEV

    Post  Maiv Tooj 20th April 2014, 11:48 pm

    KEV THOOB TSIB & ZAJ NKAUJ SEEV - Page 6 Pape-f11

    Txiv Vaj Qhia Faas Tshes Kus hais tias: "Nyiaj yog dab phem cov quav".  Txhob muab nyiaj los ua huab tais, txhob teev nyiaj, txhob ua nyiaj qhev, nyiaj yuav coj peb mus rau kev tuag tsuas ntuj nti.

    Peb yuav muab txoj kev hlub, txoj kev teev hawm Huab Tais Tswv Ntuj ua qhov loj thiab tso rau qhov chaw siab, peb thiaj yuav muaj kev thaj yeeb nyab xeeb.

    KEV THOOB TSIB & ZAJ NKAUJ SEEV - Page 6 Repres12
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 6 Empty Re: KEV THOOB TSIB & ZAJ NKAUJ SEEV

    Post  Maiv Tooj 5th May 2014, 10:15 am



    Tej yam tsis zoo rau kev ntseeg.


    Qi Gong, Yoga tsis yog qoj kom ib ce muag xwb.
    Yog ua ntau mas ua rau yus tsis xav teev Ntuj lawm.

    Cov tshuaj kho mob, Homéopathie, yog ib cov tshuaj
    ua tej lub qe me me li cov hlaws me;
    yog xuas tshuaj ntsuab ua.
    Tab sis tsis yog xuas tshuaj ntsuab ua xwb,
    yog muab ib lub zog rau hauv lub tshuaj.
    Lub zog ntawd tsis yog tuaj ntawm Ntuj tuaj;
    ces yuav tsum yog tuaj ntawm tuaj kub tuaj xwb.
    Yog leej twg noj cov tshuaj homéopatie ntau,
    yuav ua rau nej lub tswv yim ya deb ntawm nej,
    yuav tsis xav txog qhov nej tab tom teev ntawd.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 6 Empty Re: KEV THOOB TSIB & ZAJ NKAUJ SEEV

    Post  Maiv Tooj 7th May 2014, 9:02 am



    Padre Pio hais tias:

    Thaum yus teev Ntuj, yuav tsum teev Ntuj luag ntxhi
    Txhob teev Ntuj tug chim dub nciab nros ntshis

    Vim Tswv Ntuj yog kev hlub tsis yog kev chim
    Yuav luag nyav xyiv fab thiaj tau txiaj ntsim

    KEV THOOB TSIB & ZAJ NKAUJ SEEV - Page 6 Jesus-13
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 6 Empty Re: KEV THOOB TSIB & ZAJ NKAUJ SEEV

    Post  Maiv Tooj 7th May 2014, 11:21 am



    Padré Pio hais ntxiv tias:

    Txhob muab dab phem los tiv dab phem
    Yam li luag ua phem mas yuav txhob nrhiav luag qhov phem los hais, txhob nrhiav kev khib los hais.
    Yog muab dab phem rov tiv dab phem ces lawv twb yog tib phab ces lawv kawg ua kom yus swb xwb.
    Yuav hais qhov zoo rau tus ua phem rau yus; yog txhais tias yus muab Tswv Ntuj los tiv dab phem mas yus thiaj yuav yeej dab phem, yeej kev phem kev txom nyem.


    KEV THOOB TSIB & ZAJ NKAUJ SEEV - Page 6 20120610
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 6 Empty Re: KEV THOOB TSIB & ZAJ NKAUJ SEEV

    Post  Maiv Tooj 8th May 2014, 9:34 am


    Padré Pio hais tias ib zaj kwv huam tias:

    Ib tug niam zaum ua paj ntaub, tus me zaum lub rooj qes qes saib tus niad ua paj ntaub. Nws ntsia sab hauv qab mus, pom qab xo khis noj khis daws thiab xov chaws ua khab ua khuav. Nws txawm hais nws niam tias: "Niad! Cas es koj pheej yuav rau siab ua tej yam niag phem dab tuag li ko, tsis tsim nyog koj lub caij khawv li os?" Ces leej jiam thiaj li khoov kiag los, muab sab paj ntaub zoo rau tus me nyuam saib, thiab hais tias: "me tub, nws saib maj, zoo nkauj txaij zees xwm yeem kawg nev! Koj pom sab tsis zoo xwb naj!"

    Peb zoo li tus me nyuam, zaum lub me nyuam tog ntsia hauv qab daim paj ntaub. Tswv Ntuj tsim tej yam zoo zoo, kev thaj yeeb nyab xeeb; tab sis dab phem muab ua kom peb pom sab phem xwb, yog peb tsis nug, tsis nrhiav ces peb yuav tsis paub tsis pom qhov zoo, sab zoo.


    KEV THOOB TSIB & ZAJ NKAUJ SEEV - Page 6 Genero10
    Ntxhuav Mom Xyooj
    Ntxhuav Mom Xyooj
    Tuaj Tshiab
    Tuaj Tshiab


    Messages : 83
    Date d'inscription : 2012-02-23

    KEV THOOB TSIB & ZAJ NKAUJ SEEV - Page 6 Empty Re: KEV THOOB TSIB & ZAJ NKAUJ SEEV

    Post  Ntxhuav Mom Xyooj 12th May 2014, 7:54 am

    Nyob zoo phauj Maiv Tooj

    Cov tshuaj Homeopathie yog kho mob ab tsi thiab koj hais tias tuaj ntawm dab ntxwg
    nyoog tuaj no. Cas ntxwg nyoog yuav tso kev haub kev ntxias tuaj txhua phab txhua
    pheev,txhua txoj hau kev li os yom? Ua koj tsaug ntau os Phauj Maiv Tooj koj pab
    qhia tuaj rau peb paub kom peb ceev faj thiab. Thiab tsis tas li ntawd, koj hais tias
    cov dance Qi Gong,Yoga ntawd yog ua ntau yuav tsis xav mus teev ntuj no yog vim
    li cas thiab? Cas yuav muaj tej yam tshwm sim txawv ua luaj li.


    Ntxhuav Mom Xyooj
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 6 Empty Re: KEV THOOB TSIB & ZAJ NKAUJ SEEV

    Post  Maiv Tooj 12th May 2014, 9:57 am



    Nyob zoo tub Ntxhuav Mom,

    Cov tshuaj Homeopathy, yog ib cov xuas tshuaj ntsuab ua; sawv daws tsuas paub tias yog tshuaj ntsuab xwb tsis paub txog lub zog nyob hauv. Yog ib cov tshuaj uas ib txhia kws tshuaj yeej sau rau neeg mob; muab nyob tej lub pharmacy xwb tsis yog txua lub. Yog ib cov qe tshuaj dawb dawb me me, thaum siv mas cia li muab nchuav rau lub hau hwj pov hauv qab nplaig moov kom yaj tag xwb. Noj ua ntej noj mov li 15 fiab, tom qab noj mov li 1 teev. Sawv daws yeej paub tias yog tshuaj ntsuab ua, ntawm kuv tus kheej mas kuv yeej paub tab sis kuv ho tsis to taub tias ua cas tsawg ua luaj ho kho tau mob zoo thiab no xwb; kuv tsis paub txog tias muaj ib lub zog nrog cov tshuaj thiaj li kho tau mob zoo.

    KEV THOOB TSIB & ZAJ NKAUJ SEEV - Page 6 10654410

    Hais txog Yoga mas kuv kiag los kuv yeej ua thiab; tab sis kuv kuj tsis paub txog qhov uas kuv tau hais los no thiab. Thaum ntej kuv pom ib tug hais tias Yoga tsis zoo rau txog kev ntseeg Catholic, kuv tsis ntseeg tab sis muaj coob leej hais, kuv mam xav tias ntshe yog tiag. Yus tsis paub mas sawv daws hais tias yog ib qho gynastic mos muag xwb, tsis tshawv; tab sis thaum mus ua mas pom tias txhua yam uas lawv ua yog hawm tsiaj, hawm hnub, mloog yus lub cev, muab tej kev nyuaj siab tshem tawm, muab yus lub cev cog cag rau hauv av thiab ntau yam ntxiv.

    Dua li Qi Gong mas kuv tsis paub tias lawv ua li cas; zoo li yeej yog ua gymnastic taj thiab yog thaum txawj heev lawm mas kho tau mob. Cia li xuas tes yom saum qhov mob xwb zoo lawm.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 6 Empty Re: KEV THOOB TSIB & ZAJ NKAUJ SEEV

    Post  Maiv Tooj 14th May 2014, 9:53 am


    Hnub no, tim 14-05-2014, Txiv Vaj Qhia Faas Tshes Kus hais tias yog thaum yus nkees nkees (tub nkeeg) thiab yus qaug zog, tag kev cia siab kom thov Leej Tswv Yim Ntshiab muab lub zog (Le don de Force) rau yus. Tim yus tej ev ntxhov siab niaj hnub hauv yus lub neej thiab kuj yog tuauj kub ntxias yus kom yus txhob ua tus neeg nquag plias, kom yus txhob muaj siab ua neej, kom yus tag kev cia siab.

    KEV THOOB TSIB & ZAJ NKAUJ SEEV - Page 6 Media-13

    Kev thov Leej Tswv Yim Ntshiab pub lub zog rau yus tsis yog ntawm kev ntseeg nkaus xwb, yug thov tau rau txhua yam hauv yus lub neej. Vim Tswv Ntuj nyiam thiab xav kom nws cov neeg xyiv fab luag ntxhi xwb.

    KEV THOOB TSIB & ZAJ NKAUJ SEEV - Page 6 73d1bb10
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 6 Empty Re: KEV THOOB TSIB & ZAJ NKAUJ SEEV

    Post  Maiv Tooj 28th May 2014, 9:00 am


    Raws li TP.Père James Manjackal thiab coob leej uas paub Ntuj Kev Cai thiab tej tshuaj zoo, lawv hais tias cov koob nkaug kuj tsis zoo siv raws li peb txog kev ntseeg. Vim lawv tso ib lub zog rau cov koob thiaj li muaj hwj huaj kho tau mobh zoo yam tsis muaj tshuaj. Lub zog ntawd yog los ntawm ib yam los; yam ntawd yog tsis yog tuaj ntawm Ntuj tuaj ces yog tuaj ntawm Ntuj tus yeeb ncuab tuaj xwb.



    KEV THOOB TSIB & ZAJ NKAUJ SEEV - Page 6 Acupun10
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 6 Empty Re: KEV THOOB TSIB & ZAJ NKAUJ SEEV

    Post  Maiv Tooj 4th July 2014, 9:45 am

    Yas Kos Tsab Ntawv, Zaj 5, 13-20

    KEV THOOB TSIB & ZAJ NKAUJ SEEV - Page 6 Saint_10

    13 Nyob hauv nej, tus twg raug txom
    nyem, mas nws yuav thov Ntuj, tus twg
    nyob kaj siab lug, mas nws yuav hu nkauj.
    14 Tus twg mob, mas nws yuav hu lub
    Koom Txoos cov txwj laus, kom lawv
    thov Ntuj rau nws, kom lawv tuav txog
    Huab Tais lub npe, thiab muab roj los pleev tus neeg mob.
    15 Cov neeg ntseeg tej lus thov Ntuj
    yuav cawm tus neeg mob, Huab Tais
    yuav tsa nws rov sawv. Yog nws muaj
    txhaum, mas nws cov txhaum yuav daws tas.
    16 Nej yuav rov sib lees txhaum. Nej ib
    leeg yuav thov Ntuj rau ib leeg, Ntuj thiaj
    yuav kho nej tus mob kom zoo hlo.
    Thaum tus neeg siab ncaj thov Ntuj, mas
    nws lo lus thov muaj zog.
    17 Es Lias yog ib tug neeg zoo li peb :
    nws thov Ntuj tas zog kom txhob los nag,
    ces nag tsis poob los yug lub ntiaj teb tau
    peb xyoos thiab rau hli. 18 Es Lias mam
    rov qab thov Ntuj : Ntuj thiaj tso dej nag
    nqes los, lub ntiaj teb thiaj rov txi txiv tau.
    19 Kuv cov kwv tij, thaum nej ib tug
    yuam kev mus deb ntawm qhov tseeb
    lawm, yog muaj ib tug coj nws rov los,
    20 mas nej yuav tsum paub tias, tus uas
    coj ib tug neeg txhaum ntawm nws txoj
    kev poob zoo rov los, nws cawm tus
    ntawd tus plig ntawm txoj kev tuag, thiab
    nws so ntau yam txhaum pov tseg.


    KEV THOOB TSIB & ZAJ NKAUJ SEEV - Page 6 Zvvtkd10
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 6 Empty Re: KEV THOOB TSIB & ZAJ NKAUJ SEEV

    Post  Maiv Tooj 11th July 2014, 7:54 am


    1 Pob Zeb  4 : 1 - 6.

    Tus ntseeg tsis rov mus lis tej kev cai teev dab teev qhua.


    KEV THOOB TSIB & ZAJ NKAUJ SEEV - Page 6 Bcc3e810


    1 Leej Pleev lub cev tau raug luag
    tsim txom : li ntawd, nej kuj yuav
    nco ntsoov tias, tus uas lub cev raug luag
    tsim txom, nws txiav txoj kev ua txhaum
    pov tseg. 2 Ua li mas lub caij nws ua
    neej nyob, nws tsis xav ua raws lub cev
    nqaij txoj kev ntshaw, nws xav ua raws li
    Ntuj lub siab.
    3 Yav nram ntej, tej kev ua raws li cov
    neeg teev dab ua kam, mas nej twb ua
    muaj ua txaus lawm, yam li nej tau ua
    plees ua yi, ywj lub siab ntshaw qhov
    phem, qaug cawv, hu dab, quav cawv,
    teev dab teev mlom.
    4 Nyem no, luag tej poob siab, vim nej
    tsis nrog luag mus taug txoj kev tuag
    ntawd ntxiv, ces luag tsawm nej. 5 Tab
    sis, lawv yuav teb rau tus npaj yuav txiav
    txim rau cov neeg ciaj thiab cov neeg
    tuag. 6 Yog vim li ntawd, tsoom tub tuag
    yuav tsum hnov lub Moo Zoo thiab :
    txawm tias lawv lub cev nqaij raug neeg
    txiav txim, tsis kav lawv lub tswv yim
    yuav muaj txoj sia nyob hauv Tswv Ntuj.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 6 Empty Re: KEV THOOB TSIB & ZAJ NKAUJ SEEV

    Post  Maiv Tooj 15th July 2014, 9:36 am


    Yuav mloog cov lus qhia, yuav sib nyiam sib hlub.


    KEV THOOB TSIB & ZAJ NKAUJ SEEV - Page 6 Pizap_10

    3 Qhov ua kom peb pom tias peb paub
    Leej Txiv, yog qhov no : yog peb coj
    nws cov lus qhia. 4 Tus hais tias :
    “Kuv paub Leej Txiv,” tab sis nws tsis
    coj Leej Txiv cov lus qhia, mas nws yog
    ib tug neeg dag, qhov tseeb tsis nyob hauv nws.
    5 Hos tus coj Leej Txiv lo lus, mas txoj
    kev nyiam Tswv Ntuj hlob tiav nyob hauv
    nws. Yog peb ua li ntawd, mas peb paub
    tias peb nyob hauv Leej Txiv. 6 Tus uas
    nws hais tias nws nyob hauv Leej Txiv,
    mas nws yuav tsum coj ib tug yam ntxwv
    xws li Yes Xus tau coj.

    7 Cov zoo nyiam, qhov kuv sau tuaj rau
    nej, tsis yog ib lo lus qhia tshiab. Yog ib
    lo lus qhia qub qub, uas nej tau txais puag
    thaum lub hauv paus los lawm. Lo lus
    qhia qub ntawd, yog lo lus qhia uas nej twb tau hnov lawm.
    8 Tsis kav, qhov kuv sau tuaj rau nej no,
    kuj yog ib lo lus qhia tshiab thiab. Yog
    qhov tseeb uas nyob hauv Yes Xus thiab
    nyob hauv nej. Vim qhov tsaus ntuj dua
    lawm, ces qhov pom kev uas yog qhov
    tseeb twb ci tuaj lawm.
    9 Tus hais tias nws nyob hauv qhov pom
    kev, tab sis nws ntxub nws tus kwv, mas
    nws tseem nyob hauv qhov tsaus ntuj.
    10 Tus nyiam nws tus kwv, nws nyob
    hauv txoj kev pom kev. Ces nyob hauv
    nws tsis muaj dab tsi yuav ua tau kom nws ntog.
    11 Hos tus ntxub nws tus kwv, nws nyob
    hauv qhov tsaus ntuj, thiab nws maub
    hauv qhov tsaus ntuj, nws tsis paub tias
    nws mus qhov twg, vim qhov tsaus ntuj
    ua kom nws qhov muag tsis pom kev.


    KEV THOOB TSIB & ZAJ NKAUJ SEEV - Page 6 79640610

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 6 Empty Re: KEV THOOB TSIB & ZAJ NKAUJ SEEV

    Post  Maiv Tooj 25th August 2014, 6:06 pm

    Tus ntxhuav thiab lub qhov koob.




    Mt. 19.24
    24 Kuv tseem rov hais dua
    rau nej : ib tug ntxhuav yuav nkag hauv ib
    lub qhov koob, mas tseem yooj yim dua ib
    tug neeg nplua nuj mus hauv Ntuj lub Ceeb Tsheej.”


    Lub qhov koob yog lub rooj ntug
    Tus ntxhuav yog peb

    Yog peb xav kom tau mus ntuj ceeb tsheej
    Lub rooj ntug yuav tsis txawj loj
    tsuas muaj peb yuav ua "neeg me" xwb peb thiaj li chaws tau lub qhov koob.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 6 Empty Re: KEV THOOB TSIB & ZAJ NKAUJ SEEV

    Post  Maiv Tooj 1st September 2014, 8:33 am



    Hnub no, tim 01-09-2014, txiv vaj qhia Faas Tshes Kus hais tias ntev ntev los lawm, txoj kev ntseeg tsuag zuj zus li tej ntsev; kom sawv daws mob siab mus ce cov ntsev hauv ntawv Moo Zoo xws li kom nqa rawv phau Ntawv Moo Zoo rau hauv hnab tshos, ib hnub nyeem ib qho kom nqa rov tau cov ntsev hauv los las peb txoj kev ntseeg.


    KEV THOOB TSIB & ZAJ NKAUJ SEEV - Page 6 2002-010

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 6 Empty Re: KEV THOOB TSIB & ZAJ NKAUJ SEEV

    Post  Maiv Tooj 29th September 2014, 8:45 am



    Txhob foom luag.


    Peb hloov siab los ua neeg ntseeg, peb yuav tso tag nrho txhua yam uas tsis nyob hauv kev ntseeg tseg; txhob ua ib co neeg ntseeg tab sis tseem coj tej laus kev coj ua li thaum uas lawv tsis tau paub txog Tswv Ntuj. Peb los ua neeg ntseeg, los coj Tswv Ntuj txoj cai, ua Tswv Ntuj me nyuam, ua Tswv Ntuj laj mej pej xeem, peb yuav tsum hwm thiab ua raws li Tswv Ntuj txoj cai, tej lus qhia peb thiaj li yog ib cov neeg "ua Ntuj Kev Cai" tiag. Peb tso kev teev dab qhuas tseg, los ua neeg ntseeg, yog peb txaus siab yuav tso txhua yam uas tej poj yawm txwv koob coj thiab ua thaum uas lawv tsis paub txog Tswv Ntuj, yog peb tsis hloov peb lub siab, mas peb yuav ua tsis tau Ntuj me nyuam.

    Peb yuav xyaum hloov siab los ua Tswv Ntuj me nyuam vim ua Tswv Ntuj me nyuam, peb yuav tau lub neej kaj siab lug nyob yaj ceeb thiab tseem yuav tau lub neej kaj lug kaj nrig rau lub neej tom qab txoj sia. Tswv Ntuj xav kom peb mloog Tswv Ntuj txoj cai, kom peb nrhiav tau Tswv Ntuj lub ceeb tsheej uas zoo tas nrho. Kom peb txhob poob rau kev tsaus ntuj hauv peb lub neej niaj hnub no.

    Thaum ib tug ua tsis ncaj rau peb, hais tsis yog los lawv hiam peb mas peb yuav xyaum txhob foom lawv kom lawv poob rau qhov phem. Peb yuav thov ntuj rau lawv, tab txawm lawv foom peb kiag lawm los peb yuav txhob cem thiab hais lus phem rov rau lawv, peb yuav foom lus zoo rau lawv, yuav thov Ntuj rau lawv. Yog lawv foom peb, peb tsis rov foom lawv rov qab, peb foom lus zoo rau lawv mas tej lus phem uas lawv foom peb ntawd yuav tig ua ib qho koob hmoov rov rau peb, txhiaj khoov yuav khaum peb, nws txia ua ib qho txiaj ntsim zoo rau peb; li ntawd Huab Tais Yes Xus thiaj tau hais tseg tias:

    "28 nej foom lus zoo rau cov foom phem
    rau nej, nej thov Ntuj rau cov neeg xyav
    nej lub moo.( Lk 6,)"

    PEB YUAV CAV LUS ZOO TXOG PEB TUS HUAB TAIS
    PEB UA ZOO RAU PEB COV YEEB NCUAB PEB TSIS HAIS LUS PHEM RAU LAWV
    =YOG PEB CAV LUS ZOO RAU HUAB TAIS TSWV NTUJ.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 6 Empty Re: KEV THOOB TSIB & ZAJ NKAUJ SEEV

    Post  Maiv Tooj 1st October 2014, 8:12 am



    Thov cov thawj tshiab pab.

    Hnub tim 29-09-2014, suab xov tooj cua Vas Tis Kaas:

    Txiv Vaj Qhia Faas Tshes Kus hais tias
    Peb yuav tau teev 3 tug Thawj Tshiab:
    LN.Mis Kais, LN.Las Fais thiab NL.Nkas Nplias
    pab peb txhua hnub. Vim dab phem muab
    txhua yam los plooj neeg ntiaj teb qhov muag,
    kom neeg yuam kev rau nws txoj kev ntxias
    kom neeg cov ntsuj plig poob mus rau
    lub teb chaws tsaus ntuj.

    Niaj hnub, sawv ntxov tsaus ntuj,
    peb yuav hu txog 3 tug thawj tshiab
    no los pab tib thaiv peb.

    Thiab nco ntsoov teev zaj teev LN.Miv Kais.

    Prayer to Saint Michael
    Saint Michael, Archangel, defend us in battle.
    Be our defense against the wickedness and snares of the devil.
    May God rebuke him, we humbly pray.
    And you, Prince of the heavenly host,
    by the power of God, thrust into Hell Satan and the other
    evil spirits who prowl the world for the ruin of souls. Amen.


    Prière à St.Michel Archange

    Saint Michel Archange défendez-nous dans le combat ;
    soyez notre secours contre la perfidie et les embûches du démon.
    Que Dieu exerce sur lui Son empire,
    nous le demandons en suppliant;
    et vous, prince de la milice céleste,
    refoulez en enfer, par la Vertu divine, Satan
    et les autres esprits malins qui errent dans le monde
    pour la perte des âmes.                              Amen.


    Zaj thov Leej Ntshiab Miv Kais


    Leej Ntshiab Miv Kais thov pab peb peb tawm tsam
    Thov koj pab thaiv dab phem txoj kev nyiag ntsis ntxias.

    Thov Tswv Ntuj tso Tswv Ntuj cov
    peeb zeej los thaiv Nws lub Ceeb Tsheej;

    Peb txhos caug thov koj;
    Tswv Ntuj tus tub txib tshaj lij nyob Ceeb Tsheej.

    Thov koj ntiab rov lawm ntuj txiag teb tsaus,
    dab phem Xas Tas
    thiab tag nrho cov dab uas haub ntxias
    neeg ntiaj teb kom lawv tus ntuj plig yuam kev.

    Ua li.






    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 6 Empty Re: KEV THOOB TSIB & ZAJ NKAUJ SEEV

    Post  Maiv Tooj 2nd October 2014, 9:38 am


    TUS YUAM SIJ QHEB ROOJ NTUG.


    KEV THOOB TSIB & ZAJ NKAUJ SEEV - Page 6 56653310


    Yes Xus foom hmoov zoo rau Pob Zeb tag, NWS muab tus yuam sij qheb Leej Pleev lub Ceeb Tsheej rau Pob Zeb uas yuav yog tus tsav Nws lub Koom Txoos. (MT.16,18-19). Tus yuam sij yog tso cai rau ib tug neeg qheb thiab kaw, thiab Yes Xus hais rau Pob Zeb tias: " Koj khi yam twg nyob
    ntiaj teb no, Ntuj yuav saib yam ntawd
    yog khi nyob saum ntuj. Koj daws yam
    twg nyob ntiaj teb no, Ntuj yuav saib yam
    ntawd yog daws nyob saum ntuj." (MT.16,19b).

    Qhov no His Xais twb tau hais hauv Ntawv Faj Lem:
    "22 Kuv yuav muab Das Vis tsev neeg tus
    yawm sij tso saum nws xub pwg. Yog
    nws qhib mas tsis muaj leej twg yuav
    kaw, yog nws kaw mas tsis muaj leej twg yuav qhib." (His Xais 22,22)

    Kuj tau hais hauv Qhib lub caij tom ntej tias:
    "7 Koj sau ntawv mus rau tus Tshiab pov
    hwm lub Koom Txoos nyob Fis Las Des
    Fias tias : Tus Ntshiab, tus Tseem Ceeb
    uas nws tuav Das Vis rab yawm sij. Yog
    tus ntawd qhib mas tsis muaj leej twg
    yuav kaw tau, yog nws kaw mas tsis muaj
    leej twg yuav qhib tau. "(Qytn 3,7)

    Thaum Yes Xus yeej Xas Tas lawd
    thiaj li muaj raws nraim li cov yaj saub tau hais tseg:
    "Nws yuav tsuj koj taub hau, koj yuav tom nws luj taws."


    Thawm chiv keeb puam kwm, Tswv Ntuj tsim tau neeg zoo li nws tus duab, Tswv Ntuj muab tag nrho kev tswj kav, tag nrho hwj chim rau neeg. NWS muab tus yuam sij tswj kav thiab hwj huam rau neeg. Tab sis As Das tau tawv ncauj, tsis mloog Tswv Ntuj lus, ces Xas Tas (tub huab tais pom kev) thiaj tau tus yuam sij coj los ua huab tais kav lub ntiaj teb no (dab phem thiaj li ntxias neeg ua phem, ua tsov rog sib ntaus sib tua, sib ntxub, sib ceg, sib caij tsuj kom muaj kev kub ntxhov rau neeg txhua txhia qhov, kom dab phem tau neeg cov ntsuj plig tag nrho mus rau dab phem teb; mus raug kev tsim txom, txom nyem rau dab phem noj lawv lub zog). Thaum Huab Tais Yes Xus tuag rau saum Ntoo Cuam, NWS muab Xas Tas pov rau dab phem teb thiab txeeb tau tus yuav sij rov los. Li ntawd Huab Tais Yes Xus tsis yog tau tus yuam sij muaj txoj sia los ua vaj kav xwb, nws tseem tau tus yuam sij txoj kev tuag thiab tus yuam sij dab phem teb tib si.
    "...18 Kuv tau tuag lawm ; tab sis nyem no,
    kuv muaj txoj sia mus li txheej dhau
    txheej. Kuv tuav tus yawm sij hauv txoj
    kev tuag thiab hauv tub tuag teb." (Qytn 1,18).

    Tom qab Yes Xus sawv hauv cov tub tuag rov los NWS hais tias:
    "Ntuj pub ib puas tsav yam hwj huam rau
    kuv nyob saum ntuj thiab nyob ntiaj teb no." (MT. 28,18a).

    Qhov nov yog tus yuam sij muaj hwj huam uas Yes Xus muab rau Pob Zeb.


    KEV THOOB TSIB & ZAJ NKAUJ SEEV - Page 6 3f738410
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 6 Empty Re: KEV THOOB TSIB & ZAJ NKAUJ SEEV

    Post  Maiv Tooj 6th October 2014, 8:55 am


    Hnub tim 24-09-2014, Vaj Qhia Faas Tshis Kus hais tias kom peb nco ntsoov thov Huab Tais Ntuj zam txhaum rau peb; vim peb txhua leej puav leej yog neeg txhaum. Tswv Ntuj tsis nkees zam txhaum rau peb, tsuas yog peb nkees thov txhaum xwb.

    Thaum peb thov Huab Tais Yes Xus zam txhaum rau peb, peb hais li no:

    KEV THOOB TSIB & ZAJ NKAUJ SEEV - Page 6 Calice10

    Tswv Ntuj muaj hwj huam tas nrhog, uas tau tsim ntuj tsim teb
    thiab tag puas tsav yam uas nyob saum ntuj thiab hauv ntiaj teb;
    los pab kuv, thov khuv leej kuv, thov zam kuv cov txhaum;
    cawm kuv niam no thiab yav tom ntej,
    Yog peb tus Huab Tais Yes Xus Pleev uas Cawm Peb,
    Yog NWS yuav ua kom KOJ nto koob meej thiab muaj hwj huam
    nyob mus li tiam dhau tiam! Ua li.




    Sponsored content


    KEV THOOB TSIB & ZAJ NKAUJ SEEV - Page 6 Empty Re: KEV THOOB TSIB & ZAJ NKAUJ SEEV

    Post  Sponsored content


      Current date/time is 28th March 2024, 12:15 am