Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» TP.Txhiaj Foom lub TSEV Ntawv
by Maiv Tooj Today at 8:04 am

» COV ZAJ NYEEM NRUAB LIS PIAM XYOO I 2016-2017
by Mim Yesterday at 1:02 pm

» COV ZAJ NYEEM HNUB CHIV XYOO A 2016-2017
by NrhiavTswvNtuj 17th February 2017, 10:57 am

» XH.Zoov Ntxheb Yaj Nthuav Ntawv Ntshiab.
by Maiv Tooj 17th February 2017, 10:51 am

» Xib Hwb Thoj Xyooj lub neej
by Maiv Tooj 13th February 2017, 11:15 am

» Tshuaj NTSUAB
by Lajpovyaj 12th February 2017, 8:54 am

» COV ZAJ NYEEM RAU TEJ HNUB TSHWJ XEEB
by Mim 24th January 2017, 5:06 pm

» Hmoob Guyane
by Yaj Suav Nus 21st January 2017, 6:59 am

» XH. Yaj Zoov Ntxheb lub Tsev THOOB TSIB
by Maiv Tooj 19th January 2017, 10:10 am

» Tswv Ntuj txoj kev HLUB. Cob Tsib teb.
by NrhiavTswvNtuj 17th January 2017, 11:45 pm

» HMOOB CATHOLIC NYOB COB TSIB TEB (Hmong Catholic Vietnam)
by Maiv Tooj 17th January 2017, 11:19 pm

» Nos Hes lub nkoj = L'Arche de Noé = Noah's Ark
by NrhiavTswvNtuj 13th January 2017, 9:53 am

Suav neeg tuaj saib, txij hnub 17/09/2010 los mus.


    HAIS PAJ LUG

    Share

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5189
    Date d'inscription : 2009-08-18

    Re: HAIS PAJ LUG

    Post  Maiv Tooj on 23rd March 2010, 8:25 am


    - Nkag zoov tsis ntshai tsov sab neeg, tsuas ntshai riam ob phab ntse.
    - Nce zoov tsis ntshai hma luav tom, nqes qhov tsis ntshai nab zig cev.
    - Tua tsos tsis tuag rov xyaum hneev, txiav zaj tsis tu rov hov riam.
    - Cawm ciaj* poob dej, tig ncauj tom ib kaug.
    - Ntses loj noj me ntses, me ntses noj me cws.
    - Ua tswv txhob xyiv fab, tswv poob tsis txhob txhawj.
    - Poj ntsuam tawm rooj lus xaiv ntau, txiv neej tab seeb kheev puag plaub.
    - Hauv dab qhuas tas npau tshom dab, faib txab tsis yeej d ev tom d ev.
    - Kwv luag tsis hais lus dag, nrog poj tsis muab tseeb ntsiab.
    - Mus kev yuav ntsia tom ntej, hais lus yuav xav tom qab.


    1. nkag zoov tsis ntshai tsov sab neeg= plos hav fab tsis tshai tsov thiab sab (sab neeg= lim, nkees), riam ob phab ntse= nplooj tauj nplooj nqeeb. Tas nrho sab lus txhais tias, nkag hav fab tsis ntshai sab, tsis ntshai dab tsov tab sis ntshai nplooj nqeeb nplooj tauj hlais.

    2.nce zoov tsis ntshai hma luav tom= tham hluas tsis ntshai niam txiv cem. Nqes qhov tsis ntshai nab zig cev = hnav ris tsis ntshai sia hlab.

    3. Tua tsov tsis tuag rov xyaum hneev= txawj zaj tsis txaus yuav tau kawm zaj ntxiv. txiav zaj tsis tu rov hov riam= daws plaub ntug tsis tau rov sab laj. Sob lus no, yog muab piv rau hlaus nkauj hluas nraug ces yog txuj ci fab kwv txhiaj paj ntsha lus tawm. Yog kev tshoob kev kos, ces yog mej koob thiaj com tej txuj sib lwv hauv ntees dej ntees cawv. Yus tsis txawj zaj tshoob los sis kwv txhiaj txaus ces yuav chib tsis tau lwm tus, txawm luag chib yus khib npaum twg los teb tsis tau. Yuav tau rov kawm kom muaj zaj txaus txaus thiaj tsis raug luag chib. (chib = hais lus khib neeg).

    4. Cawm ciaj de-v poob dej, de-v tsis lam txawj poob dej vim txhua tus de-v puav leej txawj dej. De-v poob dej= neeg qaug cawv los sis tus neeg qaug yeeb qaug tshuaj. Tus neeg noj yeeb noj tshuaj yeej raug haus kua quav de-v kom ntuav los sis hliv dej rau kom txias es yeeb tshuaj thiaj tsis huam. Tig ncauj tom ib kaug= kev noj yeeb noj tshuaj. Tig ncauj = rua ncauj, tom ib kaug= rua ncauj yeej yuav rov qhaws.

    5. cov muaj noj cov pluag, cov pluag noj mov zaub tsuag.
    6. yog tswv yeej tsis kub siab, tab sis tswv plam yeej tsis txhawj txog yus.
    7. poj ntsuam tawm rooj lus xaiv ntau = tus poj niam txiv tuag yeej nyiam tham lus tso tshav plhuav, ces muaj ntsis meem txom lwm tus poj niam muaj txiv. txiv neej tab seeb=tus txiv neej tsis muaj poj niam. Kheev puag plaub= hom kheev ntsib plaub ntug vim nyiam txhoj puab kov ub kov no ces thiaj pheej ntsib xau. Feem ntau yog plaub poj niam hluas nkauj xwb.
    8. kev niam hlob niam yau sib cav sib ceg tsis yog tim dab, ntawd yog faib ncej puab tsis haum xwb.
    9. zoo phooj ywg yeej tsis lam sib dag, tab sis tham hluas nkauj yeej tsis hais lo tseeb, tsuas lam ntxias kom tau deev.
    10. ntov ntoo saib ceg qhuav, hais lus yuav ntshai tub qaug neeg.






    Tag nrho txhua txoj hauv kev ntawm lub neej,
    txoj tseem ceeb tshaj yog txoj kev sib hlub ntawm leej neeg.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5189
    Date d'inscription : 2009-08-18

    Re: HAIS PAJ LUG

    Post  Maiv Tooj on 23rd March 2010, 8:33 am


    - Noj mov tsis zeem tsam, tuag lawm ua huj sam.
    - Hauv tsev muaj nqaij tawb miv quaj, hauv zos muaj plaub sawv daws txhawj.
    - Luag tsev zoo haus cawv, yus tsev cawv laj haus.
    - Ntoo yuav tawv, neeg yuav plhu.
    - Ntoo nkhaus ntshai dai xov, neeg nkhaus ntshai cuag tswv.
    - Laus neeg teeb toob, ntoo laus plawv khoob.
    - Nplej ntshai cua rov, neeg ntshai laus pluag.
    - Ncauj txeeb ntsaws tswm, ncauj neeg ntsaws tsis tswm.
    - Noj zoo qab hauv ncauj, zoo phem tshwm ntawm muag.
    - Nce toj caij seem nees, nqes hav caij nees rov.


    1. neeg tub nkeeg yeej noj tsis zam thiab luag muaj tsawg pluas los yeej koom kom txhua. Tsis zeem tsam = tsis sav tsam, tsis pub nrug, tsis qaij rau lwm tus. Tuag lawm = ploj, zais nws tus kheej, khiav nkaum. ua huj sam = zaum puag tes puag taw.
    2. tsev muaj ntxhais ces thiaj raug qhua. zos muaj tshoob muaj kos ua sawv daws kev tab kaum. Plaub= xaiv lus, ntees tshoob ntees kos.
    3. kev haus dej haus cawv yeej yog haus saum qhua xwb. Hauv yus tsev yeej tsis haus. Laj= tsis, ceeb laj, dhuav, meem txom.
    4. yog lawm, ntoo tsis muaj tawv ces nplooj zeeg, ceg qhuav ces tuag. Neeg yuav plhu = hus kwj tsej, de-v huas npua tug, lwm tus ua tau los qhuas tias yog yus ua, txeeb khawv chim.
    5. = li hmoob xov tshoj lo hais tias 'taws nkaus tsiv rauv, neeg nkaus tsiv hais lus'. neeg nkhaus ntshai cuag tswv = neeg com viab tsis muaj leej twg xav ntsib.
    6. = li hmoob xov tshoj hais tias 'ntoo laus ntoo khoob neeg laus neeg tem toob.
    7. nplej ntshai cua = yus ntshai tsam cua nplawm yus tej nplej vau. Laus pluag = tus neeg thov khawv tom tej kev. Yog lawm, tus neeg laus tsis muaj tub ki tsob zeem, hnav phem, ceb muag, txog twg pw twg, txog leej twg tsuab noj tsuab haus tsis xyeej, Leej twg los yeej ntshai. Tej zaum nws kuj yuav txhais tau tias lub neej yav laus yuav txom nyem.
    8. ncauj txeeb = ncauj hub, ncauj raj dej, ncauj hnab, lub qhov to. Sob lus no txhais tias, ncauj hub vov tau, ncauj neeg vov tsis tau. Tej laus yeej ib txwm tias txuag lus tsam lus dua lus dim tab sis yim hais lus ntxhi mas neeg yim hnov deb.
    9. hais zoo lus leej twg los xav mloog, hais phem luag saib tsis khuab qhov muag.
    10. caij nees mus nce toj, tig yus xub ntiag rau pem nees tob hau. Caij nees nqes hav, tig yus xub ntiag rau pem nees pob tw. Sob lus no tej zaum yuav txhais tias, nrog me yaus yus yuav hais lus li cas los tau tab sis nrog cov muaj meej mom lawm yus yuav tau mam xav mam hais luag thiaj tsis saib yus qaij. Ib los ntxiv, sob lus no yuav txhais tias, kwv tuag tig ko taw ua ntej, kwv neeg ciaj tig tobhau ua ntej.




    Tus neeg xav los ces ib txoj plaub hau cab xwb los tau,
    yog tus neeg xav khiav ces txoj saw hlau khi los yeej yuav tu




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5189
    Date d'inscription : 2009-08-18

    Re: HAIS PAJ LUG

    Post  Maiv Tooj on 23rd March 2010, 8:39 am



    - Neeg tsis ua qoob loo, ntsia ntoo tawg paj zoo.
    - Tsis tau ua kiv pw, tsis paub pam vov ntuag.
    - Sawv yog ncaj zaum yog nkhaus, hauv plab ntim le twb yog paus.
    - Kws ntau tsev qaij
    - Hauv tsev pluag ntses, miv tsis ncawg tswv.
    - Hnub hnub tim qhua tsis pom pluag, hnub hnub ua hlau tsis pom muaj.
    - Roj tag teeb tsis kaj, r og tag ntaus muag ntsia.
    - Muag tsis muaj ntsiab, kheev this luag haub.
    - Ntauj tsis tav li kev, xyaum tsis tas le txuj.
    - Kwj tse le av, muaj hnub ntxeev cev.



    1. tus neeg tsis ua liaj teb, nws yeej muaj caij nuam yaj thiaj pom xyoob ntoo tawg paj. Tab sis sob lus no yuav txhais tau tias, nws tsis ua qoob loo los vim nws kawm txuj kawm ci txaus, nws muaj lub zoo tswv yim tshiab npaum xyoob ntoo tawg paj.
    2. tsis tau ua kiv pw = tsis tau nrog koom txaj koom chaw pw. Tsis paub pam vov ntuag = tsis paub txoj kev niam txiv sib cav sib ceg saum lub txaj lub chaw. Sob lus no suav siv rau lub caij ntuas tub ntuas ntxhais thaum tej me niam txiv hais lus tsis haum, los sis tej laus hu tias 'twj taig sib dug'. Hmoob tej khub niam txiv tsis sib haum ua twj tais sib dug feem ntau, teeb meem los ntawm lub txaj lub chaw xwb. Cov laus thiaj muaj sob paj lug no los hais piv txwv rau tej txaj tej chaw.
    3. Tib neeg tus yuav ncaj yuav nkaus, yuav phem yuav zoo, nyias yeej muaj muaj nyias teeb meem. Tej laus thiaj muaj los lus tias 'tawm rooj plaws ua nraug ntxhub, los txog tsev pw kauv hau lam nram qab cub'. Tus neeg zoo nkauj zoo nraug, luag pom nws lub cev ntaj ntsug daim duab zoo, tab sis tsis paub nws lub siab ntsws. Tej laus thiaj muaj lo paj lug tias 'tsov txaij nraud'.
    4. kws ntau tsev qaij = hmoob xov tshoj lo hais tias 'ntau tus txiv muam puas dab'. Ib pab neeg txawj txawj tsav nkoj koom caij ib lub nkoj los yuav yog cia ib tug txheeb nkoj xwb mas khoj thiaj khiav raws seem, yog nyias taus nyias txheeb nkoj ces kawg nkoj kiv teev xwb, thaum kawg ces nkoj yeej tog los sis raug dej tshoob mus poob tsag xwb.
    5. zoo ib yam li peb cov nraug seem uas pheej nyiam nyiam mus tim nplog. Thaum cov nplooj ntsuab tseem muaj ntau hauv hnab tshos ces leej twg los yeej xav nrog, tab sis thaum nplooj ntsuab tas lawm ces nyias xia nyias txav deb.
    6. hnub hnub tim qhua tsis pom pluag = qhua tuaj hauv yus vaj yus tsev yeej tsis paub yus txom nyem, luag tsuas paub zaum tos yuav noj. Hnub hnub ua hlau tsis pom muaj = tsis npaj cuab yeej toom txeem yeej ua tsis tau liaj teb. Tas nrho sob lus no nws txhais tias, yuav tsum npaj kom yus muaj txhij txhua, qhua tuaj los yus thiaj tab taus qhua, npaj muaj cuab yeej toom txeem txhij txhua, txog caij ua liaj ua teb yus thiaj tau twj nrog luag ua.
    7. roj tag teeb tsis kaj, ro g tag ntaus muag ntsia = yus tsis npaj tub ro g, npaj cuab yeej ua ro g, tsis muaj tub r og pab yus ces tsaus ntuj nti. Thaum r og tuaj luam yus dhau ces vaj tse ntsoog, tsiaj txhu raug luag cab, kwv tij sawv daws raug luag tua. Thaum ntawd ces tshuav qhov muag ntsia lawm xwb tes taw ua tsis tau dab tsi.
    8. muag tsis muaj ntsiab = tus neeg tsis pom kev, tsis paub haj tom, tsis pom yam yuav puas tsuaj. Kheev this luag haub = raug luag dag tas li, ntseeg neeg yooj yim, raws luag qab tas li. Sob lus no tas nrho txhais tias tus neeg tswv yim tsawg thiaj raug luag haub luag dag.
    9. Ntauj = taug kev. Ntauj tsis tav li kev = puas tsav txoj kev yeej taug tsis thoob. Xyaum tsis tas le txuj = txuj ci muaj puas tsav yam, yeej kawm tsis paub tas. Ntiaj teb tib neeg cov doctor, tsuas tau doctor yam twg yam ntawd. Tus doctor kho qhov muag nws yeej kho tsis tau hniav. Tus doctor kho hniav nws yeej tsis txawj phais neeg. Tus doctor kho neeg yeej tsis paub kho tsiaj. Yog li ntawd thia muaj lo lus tias 'xyaum tsis tas le txuj' Le = li. Txuj = tswv yim, kev txawj.
    10. Kwj tse le av = tes li tes taw li taw = kev txom nyem, ntsia hauv yog tshauv, ntsia saud yog nkawb. Peb hmoob xov tshoj hais li ntawd. Muaj hnub ntxeev cev = tus neeg pw tas hnub, tsis nyuaj siab txog nws tus kheej lub neej. Sob lus no txhais tias ' tus neeg tub nkeeg yeej txom nyem'.





    Thaum lub caij txom nyem siab thiaj paub leej twg yog tus phooj ywg tiag




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5189
    Date d'inscription : 2009-08-18

    Re: HAIS PAJ LUG

    Post  Maiv Tooj on 23rd March 2010, 8:45 am


    - Zeb tsis nias hauv, muaj ib hnub txawj ciaj yawg.
    - Tes tuav ko hlau, raug txim yog yau.
    - Tuaj ntxov ntshai tsov tom, tuaj lig ntshai luag pom.
    - Ua ntej ntshai d ev caum, ua qab ntshai poj luag.
    - Tuaj lig ntshai luag paub, tuaj ntxov ntshai tsiaj qus.
    - Tus zuam me yau yau, txiv nyuj tso cev nias tsis tuag.
    - Muaj txiaj ua txiv ntxhias, txiaj qhuad ua ruas txias zias.
    - Hnub no muaj cawv hnob no qaug, ib xyoo khwv los ib pluag qhuav.
    - Muab neeg tes ntev, noj neeg ncauj luv.
    - Vam tub ciaj zaj nce ntuj ntsuab, yog tub ciaj nab nkag khaub nyab.


    1. Zeb tsis nyias hauv = zeb tsis nias hau tab sis nws spelling yuam kev ua "nyias hauv". muaj ib hnub txawj ciaj yawg = yuav txawj loj hlob. Sob lus no feem ntau yog hais rau thaum cov neeg muaj nyiaj hais lus saib tsis taus cov txom nyem. los sis cov hlob tsis kam yuav cov yau. Tej laus thiaj li hais lo lus tias ' zeb tsis nias hau, ib hnub nram ntej nws yuav txawj loj hlob'.
    2. Tes tuav ko hlau = pw txim hauv nkuaj "plhw kav hlau". raug txim yog yau = tsis yog txim tuag. Tejzaum nyob suav teb, cov raug txim loj ces tsis raug kaw nkuaj tab sis tua pov tseg. cov raug kaw nkuaj yog cov lub txim yau.
    3. sob lus no nws relate rau kev tham hluas. Phaum laus thaud mas mus tham hluas yeej yog mus yav ntxov ntxov uas tseem tsaus tsaus ntuj xwb thiaj muaj sob lus no los hais.
    4. Ua ntej ntshai de v caum = xav ua thawj hau tab sis ntshai kev hais lus, ntshai luag hniav ntaj hniav phom. Ua qab ntshai poj luag = ua npom tshai txaj muag rau hluas nkauj. Sob lus no txhais tias ' xav ua thawj ntshai tsam tau hais luag hauv lus, ua npom lawv luag qab ho ntshai txaj muag rau tej hluas nkauj. Yog yus txawj tsis txaus ces, xav ntaus thawj los ntshai ntshai muaj plaub muaj ntug yus yog tus yuav tau daws, yus ua cov yau kom txhob tau hais plaub hais ntug los tej hluas nkauj zoo zoo nkauj ho yuav tsis nyiam yus.
    5. Sob no nws relate rau sob # 3 saum no, muaj ntsiab lus relate rau kev nkauj nraug ib yam.
    6. Tus zuam me me, txiv nyuj tso cev nias tsis tuag. Tsis paub lub ntsiab paj lug yog txhais li cas, tab sis hais qhov ncaj, tus zuam tom nyuj tej tav, nyuj txawm muab nws nias rau hauv av los zuam nyob zuam tsis tuag. Leej twg muaj tswv yim no ho pab txhais sob no. Nr.L tswv yim ploj lawm.
    7. Muaj txiaj ua txiv ntxhias, txiaj qhuav ua tsis ntse txias zias = thaum muaj nyiaj ces suab nrov, nyiaj tas ces suab tsuag.
    8. hnub no muaj cawv hnob no qaug, ib xyoo khwv los ib pluag qhuav = khwv ciaj khwv tuag tsis txaus yus tus me kwv noj ib pluag.
    9. Muab neeg tes ntev, noj neeg ncauj luv = Yus muaj muab rau neeg mas nyob deb npaum twg twb cev mus kom txog tab sis yog yus noj teb noj chaw los sis noj tus leej tus twg li nyiaj mas yuav tu kev phooj kev ywg, tu kev muaj meej mom, tsis muaj lub ntsej muag luag, tsis muaj ntsej muag nrog leej twg hais lus.
    10. vam tub = tub coob. tub ciaj nab = npaum zaj sawv saum ntuj. Sob lus no nws txhais tias muaj tub coob, thaum tub loj tiav hlaub tiav ceg mas leej twg twb ntshaw, tab sis thaum tub yuav nyab tus tas tus tuaj mas txom nyem, kawg yuav tau mus khwv nkag kaws thiaj tau nyiaj los them nyab.




    Dalai lama hais tias:

    Txhua hnub dhau mus rau siab nrhiav tus yam ntxwv zoo thiab muaj nqes



    - Tus zuam me yau yau, txiv nyuj tso cev nias tsis tuag.

    6. Tus zuam me me, txiv nyuj tso cev nias tsis tuag. Tsis paub lub ntsiab paj lug yog txhais li cas, tab sis hais qhov ncaj, tus zuam tom nyuj tej tav, nyuj txawm muab nws nias rau hauv av los zuam nyob zuam tsis tuag.

    * Kuv xav ntxiv me ntsis tias tej zaud yog hais txog kev tswj hwm, nom tswv thiab me nyuam neeg. Tej nom loj tsis ncaj ncees xav tsuam kom tus neeg me tuag, tab sis luag kuj tsis tuag thiab. Kuv xav li ntawd xwb, tsis paub lub ntsiab tiag li koj hais thiab.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5189
    Date d'inscription : 2009-08-18

    Re: HAIS PAJ LUG

    Post  Maiv Tooj on 23rd March 2010, 8:51 am


    1- Hu ntuj ntuj nyob siab, hu teb teb nyob qes.
    2- Nce ntuj tsis muaj kev, nqes av tsis muaj kab.
    3- Hlua muag cuab nees qus, lus muag ntim neeg siab.
    4- Tsav yam qab ntuj khwb, tsuas muaj kawm ntawv teg.
    5- Neeg tsis noj mov txawj tshaib plab, neeg tsis kawm ntawv tsis paub tab.
    6- Neeg tsis kawm ntawv tsis tsim txiaj, yus txawj yus yus paub tsawg mus chawj.
    7- Saum ntuj tsis muaj huab laj los nog, sim sam tsis muaj neeg plaub laj ua.
    8- Yuav raug yog nyiaj kub zog, yuav tsis raug yog d-ev npua zog.
    9- Nqaij tshis tsis tau noj, tawv tshis npua nto toj.
    10- Kaum tus caij nees tsis cuag ib tug taum nees qhov quav.


    1. Thuv tus yus tsis paub ces yuav tsis tau kev pab. Hlub tus nyob ze luag thiaj pab tau yus.
    2. Ua yam twg yuav tsum ua kom raws seem, xyaum hais lus muaj fij xws kev thiaj tsis tws.
    3. Lus zoo deev tau neeg nplooj siab, siab zoo neeg thiaj poog.
    4. Nyob hauv qab ntuj txhua tsav yam los ntawm kev txawj ntse.
    5. Tsis kawm txuj ces tsis muaj tswv yim, yim kawm siab yim paub ntau.
    6. Tsis kawm hais tsis tau, yim kawm yim paub ntau.
    7. Nqaij dawb xeeb kas, nrog cov neeg com viab plaub ua tsis tas.
    8. tsis thov zog yog d-ev npua zog, thov zog yog nyiaj kub zog.
    9. Xyaum hais lus laus luag thiaj tsis piv yus rau yaj kub tshis nkhaus.
    10. kaum tus npoj tswv yim zoo tsis cuag ib tug coj.




    Leej twg muaj txoj kev thaj yeeb nyob hauv nws, yuav tau txoj kev thaj yeej hauv lub ntiaj teb


    Texte post 419>p.11
    Img Post 211>pge 6




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5189
    Date d'inscription : 2009-08-18

    Re: HAIS PAJ LUG

    Post  Maiv Tooj on 25th March 2010, 5:50 am

    Posted 16 April 2009 - 03:54 PM

    - Zeb tsis nias hauv, muaj ib hnub txawj ciaj yawg.
    - Tes tuav ko hlau, raug txim yog yau.
    - Tuaj ntxov ntshai tsov tom, tuaj lig ntshai luag pom.
    - Ua ntej ntshai d ev caum, ua qab ntshai poj luag.
    - Tuaj lig ntshai luag paub, tuaj ntxov ntshai tsiaj qus.
    - Tus zuam me yau yau, txiv nyuj tso cev nias tsis tuag.
    - Muaj txiaj ua txiv ntxhias, txiaj qhuad ua ruas txias zias.
    - Hnub no muaj cawv hnob no qaug, ib xyoo khwv los ib pluag qhuav.
    - Muab neeg tes ntev, noj neeg ncauj luv.
    - Vam tub ciaj zaj nce ntuj ntsuab, yog tub ciaj nab nkag khaub nyab.


    1. Zeb tsis nyias hauv = zeb tsis nias hau tab sis nws spelling yuam kev ua "nyias hauv". muaj ib hnub txawj ciaj yawg = yuav txawj loj hlob. Sob lus no feem ntau yog hais rau thaum cov neeg muaj nyiaj hais lus saib tsis taus cov txom nyem. los sis cov hlob tsis kam yuav cov yau. Tej laus thiaj li hais lo lus tias ' zeb tsis nias hau, ib hnub nram ntej nws yuav txawj loj hlob'.
    2. Tes tuav ko hlau = pw txim hauv nkuaj "plhw kav hlau". raug txim yog yau = tsis yog txim tuag. Tejzaum nyob suav teb, cov raug txim loj ces tsis raug kaw nkuaj tab sis tua pov tseg. cov raug kaw nkuaj yog cov lub txim yau.
    3. sob lus no nws relate rau kev tham hluas. Phaum laus thaud mas mus tham hluas yeej yog mus yav ntxov ntxov uas tseem tsaus tsaus ntuj xwb thiaj muaj sob lus no los hais.
    4. Ua ntej ntshai de v caum = xav ua thawj hau tab sis ntshai kev hais lus, ntshai luag hniav ntaj hniav phom. Ua qab ntshai poj luag = ua npom tshai txaj muag rau hluas nkauj. Sob lus no txhais tias ' xav ua thawj ntshai tsam tau hais luag hauv lus, ua npom lawv luag qab ho ntshai txaj muag rau tej hluas nkauj. Yog yus txawj tsis txaus ces, xav ntaus thawj los ntshai ntshai muaj plaub muaj ntug yus yog tus yuav tau daws, yus ua cov yau kom txhob tau hais plaub hais ntug los tej hluas nkauj zoo zoo nkauj ho yuav tsis nyiam yus.
    5. Sob no nws relate rau sob # 3 saum no, muaj ntsiab lus relate rau kev nkauj nraug ib yam.
    6. Tus zuam me me, txiv nyuj tso cev nias tsis tuag. Tsis paub lub ntsiab paj lug yog txhais li cas, tab sis hais qhov ncaj, tus zuam tom nyuj tej tav, nyuj txawm muab nws nias rau hauv av los zuam nyob zuam tsis tuag. Leej twg muaj tswv yim no ho pab txhais sob no. Nr.L tswv yim ploj lawm.
    7. Muaj txiaj ua txiv ntxhias, txiaj qhuav ua tsis ntse txias zias = thaum muaj nyiaj ces suab nrov, nyiaj tas ces suab tsuag.
    8. hnub no muaj cawv hnob no qaug, ib xyoo khwv los ib pluag qhuav = khwv ciaj khwv tuag tsis txaus yus tus me kwv noj ib pluag.
    9. Muab neeg tes ntev, noj neeg ncauj luv = Yus muaj muab rau neeg mas nyob deb npaum twg twb cev mus kom txog tab sis yog yus noj teb noj chaw los sis noj tus leej tus twg li nyiaj mas yuav tu kev phooj kev ywg, tu kev muaj meej mom, tsis muaj lub ntsej muag luag, tsis muaj ntsej muag nrog leej twg hais lus.
    10. vam tub = tub coob. tub ciaj nab = npaum zaj sawv saum ntuj. Sob lus no nws txhais tias muaj tub coob, thaum tub loj tiav hlaub tiav ceg mas leej twg twb ntshaw, tab sis thaum tub yuav nyab tus tas tus tuaj mas txom nyem, kawg yuav tau mus khwv nkag kaws thiaj tau nyiaj los them nyab.




    Los lus zoo nkag ti nkaus tus thoob tsib lub siab, chaws tus phem pob ntseg nrov ziav

    - Tus zuam me yau yau, txiv nyuj tso cev nias tsis tuag.

    6. Tus zuam me me, txiv nyuj tso cev nias tsis tuag. Tsis paub lub ntsiab paj lug yog txhais li cas, tab sis hais qhov ncaj, tus zuam tom nyuj tej tav, nyuj txawm muab nws nias rau hauv av los zuam nyob zuam tsis tuag.

    * Kuv xav ntxiv me ntsis tias tej zaud yog hais txog kev tswj hwm, nom tswv thiab me nyuam neeg. Tej nom loj tsis ncaj ncees xav tsuam kom tus neeg me tuag, tab sis luag kuj tsis tuag thiab. Kuv xav li ntawd xwb, tsis paub lub ntsiab tiag li koj hais thiab.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5189
    Date d'inscription : 2009-08-18

    Re: HAIS PAJ LUG

    Post  Maiv Tooj on 25th March 2010, 6:00 am

    Posted 17 April 2009 - 07:34 PM


    1- Hu ntuj ntuj nyob siab, hu teb teb nyob qes.
    2- Nce ntuj tsis muaj kev, nqes av tsis muaj kab.
    3- Hlua muag cuab nees qus, lus muag ntim neeg siab.
    4- Tsav yam qab ntuj khwb, tsuas muaj kawm ntawv teg.
    5- Neeg tsis noj mov txawj tshaib plab, neeg tsis kawm ntawv tsis paub tab.
    6- Neeg tsis kawm ntawv tsis tsim txiaj, yus txawj yus yus paub tsawg mus chawj.
    7- Saum ntuj tsis muaj huab laj los nog, sim sam tsis muaj neeg plaub laj ua.
    8- Yuav raug yog nyiaj kub zog, yuav tsis raug yog d-ev npua zog.
    9- Nqaij tshis tsis tau noj, tawv tshis npua nto toj.
    10- Kaum tus caij nees tsis cuag ib tug taum nees qhov quav.


    1. Thuv tus yus tsis paub ces yuav tsis tau kev pab. Hlub tus nyob ze luag thiaj pab tau yus.
    2. Ua yam twg yuav tsum ua kom raws seem, xyaum hais lus muaj fij xws kev thiaj tsis tws.
    3. Lus zoo deev tau neeg nplooj siab, siab zoo neeg thiaj poog.
    4. Nyob hauv qab ntuj txhua tsav yam los ntawm kev txawj ntse.
    5. Tsis kawm txuj ces tsis muaj tswv yim, yim kawm siab yim paub ntau.
    6. Tsis kawm hais tsis tau, yim kawm yim paub ntau.
    7. Nqaij dawb xeeb kas, nrog cov neeg com viab plaub ua tsis tas.
    8. tsis thov zog yog d-ev npua zog, thov zog yog nyiaj kub zog.
    9. Xyaum hais lus laus luag thiaj tsis piv yus rau yaj kub tshis nkhaus.
    10. kaum tus npoj tswv yim zoo tsis cuag ib tug coj.





    Paj lug Zim Pees:

    Zoo nkauj rau txhua txoj kle tsis yog ib qho zoo nkauj
    Yog txhua tus li phooj ywg tsis yog ib tug phooj ywg

    Kuv nyiam ob sob lus heev:

    9- Nqaij tshis tsis tau noj, tawv tshis npua nto toj= Xyaum hais lus laus luag thiaj tsis piv yus rau yaj kub tshis nkhaus.

    3- Hlua muag cuab nees qus, lus muag ntim neeg siab= Lus zoo deev tau neeg nplooj siab, siab zoo neeg thiaj poog.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5189
    Date d'inscription : 2009-08-18

    Re: HAIS PAJ LUG

    Post  Maiv Tooj on 25th March 2010, 6:10 am

    Posted 19 April 2009 - 02:32 PM

    kaum nqe hauv no mas zoo li ntxim nyuaj hauj sim lam txhais seb puas txhuam plaub ya ris nqug nawb.

    1- Muaj sia mus thoob ntuj, siav luv tuag ntawm rooj qhov txos.
    2- Tsis muaj paj muv tsis ntxais, tsis muaj ntxhais txhob lam tuaj.
    3- Niam poj qaib foob qhov rooj, thaid tsis tau dab ntxoog.
    4- Kua yug cev xya hnub, phuas yug cev peb hnub.
    5- Quav laj noj, ntawv laj kawm.
    6- Tsis zoo noj le xub noj, tsis zoo hais le xub hais.
    7- Lawv tsis tau kauv, tua d-ev noj.
    8- Mus kev mus niam kev, tsis haub txhua luag sev.
    9- Mus kev mus niam kab, tsis haub txhua luag nyab.
    10- Xaiv xaiv tau paiv, xyuas xyuas tau xuas.


    1. = li hmoob xov tshoj lo hais tias 'taws dim nruab kab kub tas puas fab, tsuag taws puag ntawm tsos tsuas sov rooj qhov txos; Txhais tias lo lus nrov tsis txog twg tab sis lo lus ntxhi mas nrhov thoob ntuj.
    2. muaj ntxhais muaj qhua tab, tsis muaj ntxhais ntshai qhua yog tub sab.
    3. nplooj tshuam ntawm rooj thaiv tsis tau dab ntxoog, tab sis thaiv tsis pub qhua tuaj poob
    4. Npaj dej puv hub tsis txaus siv 3 hnub.
    5. tsis kawm ntawv thaum yau, mag luag thuam ua pas so quav yav laus.
    6. tiv thaiv ua ntej zoo dua teeb meem tshwm mam daws.
    7. coj* mus raws tsis tau kauv, muab de-v tua noj = txib tsis tau tub ki ua hauj lwm, rho pas lwm.
    8. taug kev kom ncaj kev, txhob haub deev luag poj luag sev, los sis xyaum coj ncaj txhob deev luag poj hauv txaj.
    9. kaug kev taug ncaj kab, txhob haub deev luag tej nyab.
    10. Hmoob xov tshoj hais tias " xaiv tau paiv, xuas tau ruas ".
    Paiv= luv luv.
    Xuas = maub dub los sis dig muag.
    ruas = neeg mob ruas.
    Hmoob suav lo mas ho hais tias xaiv tau paiv xyuas tau xuas.
    Nws txhais tias yus pheej xaiv xaiv ces yuav xaiv tau tus siab luv luv.
    Xyuas xyuas tau xuas = saib tseeb kawg tab sis tseem yuav tau tus dig muag.
    Xuas = dig muag.




    Fab kis hais tias: Lo lus tseeb tawm ntawm me nyuam qhov ncauj los
    Hmoob hais tias: Lo lus tseeb nyob qab phaj yeeb, lo lus tshuaj nyob qab phaj ntxuag.

    Kuv thov txuas ob los ntxiv cov nws xub txhais. Kuv xav tias:

    4- Kua yug cev xya hnub, phuas yug cev peb hnub= tsis haus dej xya hnub tuag, tsis noj mov peb hnub tuag. ( xyov puas yog, vim tsis tau tshawb nrhiav)


    6- Tsis zoo noj le xub noj, tsis zoo hais le xub hais.=
    Noj thawj zaug qab rov noj dua tsis qab li qub lawm.
    Ib lo lus hais thawj zaug zoo heev thiab lom zem rov hais dua tsis zoo li qub lawm.

    ===> Luav tsis pw luav qub zeg.

    Lam xav li nov xwb, nws txhob xav li cas.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5189
    Date d'inscription : 2009-08-18

    Re: HAIS PAJ LUG

    Post  Maiv Tooj on 25th March 2010, 6:18 am

    Nws cov hauv qab no lam muab txhais seb puas raug nawb. Tshuav qhov twg nws ho pab kho ntxiv rau.

    1- Ncaj zog tiv txhiab kiv, ncaj neeg tiv num nyav.
    2- Ib tug kwv luag ib rab riam, kaum tus kwv luag tib phab siab.
    3- Xyab tes yooj yim, nkaum tes laj.
    4- Tsis muaj cua dej tsis ntas, tsis muaj plaub tsis lam dhia.
    5- Lau qaib seev poj qaib seev, leej twg nrhiav tau leej twg yuav.
    6- Lau qaib tso quav thawj yav tawv, hais lus poob cai thawj lo nchav.
    7- Roob tsis muaj tsov, liab ua yawg.
    8- Ib roob tsis yug ob tug tsov, ob nyuj tsis thub ib rab haiv.
    9- Caij nees zoo saib, noj qav tsis zoo saib.
    10. Caij nees tsawg, taum nees qhov qua v le ntau.


    1. Zog = lub zog, ua zog, txav zog, nkaus zog, hwj chim, tshaj, qoos. Tiv = ze, pheej seem. Txhiab = kaum npaug pua. Kiv = ncig, tig, ntswj, kauv, dov. Num = hauj lwm, nom - lus hmoob ntsuab. nyav = hnyav lus hmoob xov tshoj, nyiav- lus hmoob ntsuab, quaj nrog kev tu siab seev suab hais lus, nyuam qhuav. Tas nrho sob lus no txhais tias. Ua luag zog ces ywj yus zog kiv, pab tib neeg siv zog ntau tshaj.
    2. Ib tus neeg ib lub tswv yim, kaum leej neeg los yuav tsum thooj siab tso tswv yim uake koom ib nqag lus.
    3. cev pub rau luag zoo tshaj li cia luag ua de-v nuam yaj.
    4. tsis muaj lus xaiv plaub tsis tuaj, plaub tuaj kawg yuav tau ntoj kab. Ntoj kab = mus thov mus chawj, los sis tsiv teb tsaws chaw.
    5. poj qaib seev lau qaib thiaj qua, nkauj nraug sib swm thiaj sib yuav.
    6. qaib tso quav tawv thawj yav, hais lus poob cai yog siv lus nchav.
    7. teb chaws tsis ua tsov ua r og ces txiv neej nyob ntev txog thaum muaj xeeb leej xeeb ntxwv. (ua yawg)
    8. ib tug neeg tsis ua ob lub tob hau, ib rab khais tsis siv ob tug nyuj laij. Haiv = tsav neeg, rab sua kom av phom thiab sua nroj tsuag tawm hauv zes liaj.
    9. luag caij nees mas yus zoo saib, tab sis luag noj mov tsis zoo rau yus saib. Koj saib luag noj piv li yus xav noj. Koj saib luag noj, luag tsis zoo noj. Sob lus no txhais tias, yus caij nees tsis hu luag nrog yus caij los luag yeej tsis tu siab. Yog yus noj tsis hu luag nrog yus noj ces yuav tusiab mus tas ib tiam.
    10. Nees tsawg = tus nees tsis tshua mloog lus. taum qhov quav le ntau = yuav tau nplawm nees pob tw mas nws thiaj li khiav. Sob lus no nws txhais tias tib neeg tsawg tsawg ces yuav raug hauj lwm ntau ntau. Nws kuj txhais tau tias neeg tsis yuav lus ces yuav tau siv tsuam kab hnyav neeg thiaj mloog.




    Paj lug Is Tas Lias hais tias:

    Kev sib hlub qaug lub caij lub nyoog
    Caij nyoog laug kev hlub.

    Kuv nyiam nws sob lus nov heev:

    7- Roob tsis muaj tsov, liab ua yawg=teb chaws tsis ua tsov ua r og ces txiv neej nyob ntev txog thaum muaj xeeb leej xeeb ntxwv. (ua yawg)




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5189
    Date d'inscription : 2009-08-18

    Re: HAIS PAJ LUG

    Post  Maiv Tooj on 25th March 2010, 6:24 am

    Posted 21 April 2009 - 05:40 PM


    1- Tsuas ntshai qhov qua v tais qua v, tsis ntshai dej kuv phem ntxuav ib ce.
    2- Kev tsis tiaj sawv daws tsuj, plaub tsis haum sawv daws pheej.
    3- Tsis saib tus dej los saib lub lwg, tsis saib niag poj yuav los saib tus ntxhais.
    4- Tsis saib zes liaj los saib txooj yub, tsis saib tus niam los saib tus tub.
    5- Yuav noj zoo yuav ua tshwj txiv, yuav hnav zoo yuav dhia nkauj neeg.
    6- Lus yuav hais rau neeg mloog, mov yuav hais rau yuav qhauv noj.
    7- Txhaub d-ev caum nqaij qus, tau nqaij ntau d-ev tsiv.
    8- Dev thiab kauv ua ib lauj kaub hau.
    9- Nyob tsev ntsib luag tsis hu luas, tawm rooj luag ntsib luag tsis hu.
    10. Noj hauv ntim le mov, xav hauv teb le num.




    1. Tsuas ntshai tus ntawm yus xub ntiag xwb, tsis ntshai lwm leej lwm tus sab nraud
    2. Kev fab sib pab tho, muaj plaub sib pab kho
    3. Tsis hlub leej yus tus poj niam yuav los, los yuav hlub yus tus ntxhais nws yug
    4. Txawv tsis deb li sob 3, tsuas txawv ntawm tub thiab ntxhais xwb
    5. Sob no relate rau ntees ploj ntees tuag lawm. Xav tau noj tes taw tobhau ces yuav tsum ua txiv qeej txiv ruas. Xav
    hnav zoo ces yuav xyaum hu nkauj. Dhia nkauj neeg = Hmoob xov tshoj hu tias 'xyuas xau'.
    6. muaj mov yuav noj, muaj lus yuav hais
    7. Tus neeg koj cob txawj, ceev faj nws yuav rov tig tom yus.
    8. Nqaij zaub hau sib xyaws, plaub ntug thooj txhij daws
    9. Luag = lawv, neeg, lwm leej lwm tus, tuaj dab ros. Sob lus no txhais tias "Luag tuaj yus tsis hu los txhob tshuam
    nplooj, mus tshwm luag thiaj tsis kaw yus rooj" Luag tuaj tsis hu los txhob dub muag, mus tshwm luag thiaj tsis luag.
    10. Ntim = lub tais ntim, ntim zaub ntim mov. Num = hauj lwm, nom tswv. Sob lus no yuav txhais tias 'noj luag mov ua
    luag zog' los sis 'noj luag ntim luag txhib tsis txhob chim'




    Txoj kev tseeb muaj kwv tij coob, tab sis sawv daws siab tsis ncaj ib yam.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5189
    Date d'inscription : 2009-08-18

    Re: HAIS PAJ LUG

    Post  Maiv Tooj on 25th March 2010, 6:31 am

    Posted 23 April 2009 - 02:57 PM



    1- Tub ntshai swb cai, ntxhais ntshai swb cev.
    2- Ntxhais ntshai yuav txhaum vauv, tub ntshai yuav txhaum poj.
    3- Laus ntshai noj txhaum qav, hluas ntshai mus txhaum kev.
    4- Zood-ev tsis tom qhua, zoo yawg tsis ntau qaib.
    5- Zoo d-ev tsis tom qaib, zoo yawg tsis ntau poj.
    6- Nab ntsuag tuag tsis tu siav, tub ntsuag tuag tsis tu noob.
    7- Xav cia luag tsis paub, tsuas ntshai yus tsis ua.
    8- Noj mov tsis poob qab, ntaus cuam tsis ua ntej.
    9- Zoo cawv tsis qaug neeg, zoo ntxhais tsis chib qhua.
    10. Dai hau ntshis, muag nqaij d-ev.



    Txhais tsis yog los txhob luag nawb.

    1. Qhov tseeb ces yeej yog li ntawd, tub ntshai swb cai
    =thaum luag taug cai los es qhov twg los yus tuav tsis tau ces yeej swb xwb 'luag tias cai luaj plaub hau hla tsis dhau' vim li ntawd tub ntshai tsuas yog ntshai txoj cai xwb.
    ntxhais ntshai swb cev
    = yus txawm muaj txoj cai ntug ntoob luaj plab hlaub los yus lub cev muaj me nyuam tsaub lawm ces phem li tus liab los yuav tau qi muag yuav.

    2. Ntxhais ntshai yuav txhaum vauv
    = ntxhais ntshai tsam yuav tau txiv tsis tab yig.
    tub ntshai yuav txhaum poj
    = tub ntshai tsam yuav tau poj niam tsis tab cuab.

    3. Noj txhaum qav =quav yeeb quav tshuaj.
    mus txhaum kev
    = yuam kev. Sob lus no txhais tias, cov laus ntshai tsam tej hluas lam xyaum haus yeeb haus tshuaj.
    Tej hluas ntshai tsam lam tham yuam kev luag tej poj niam ces tau plaub tau ntug.

    4. Qhua = neeg sab nraud tuaj.
    Sob lus no txhais tias, neeg tsev zoo tsis kws tub kws ntxhais, cem (hluas nraug), txiv yawg zoo tsis ntau ncauj.

    5. Niam zoo tsis cem tub ntxhais, txiv zoo tsis yuav ntau tus poj niam.
    6. Nab ntsuab tuag tsis tu siav
    = neeg tub nkeeg ua dab tsi yeej ua tsis thoob.
    Tub ntsuag tuag tsis tu noob
    = tub ntsuag txawm txom nyem npaum twg los yeej, peem tsheej los ciaj tshoob.

    7. Muaj zoo tswv yim tsis muaj leej twg paub, tab sis xav tseg xwb yeej tsis ua
    8. Noj mov tsis poob qab, ntaus cuam tsis ua ntej. Tib neeg, hais txog noj mas leej twg los yeej xav ua ntej xwb tab sis hais txog yuav mus sib ntaus sib tua mas leej twg los yeej xav ua qab xwb.
    9. Nqe no kuv twb txhais ib zaug ua ntej lawm.

    10. Dai hau ntshis =nyo hau nyes.
    Muag nqaij de-v = txhaum plaub.
    Sob lus no txhais tias leej twg txhaum plaub ces yeej txaj muag tsis xav pub lwm leej lwm tus pom yus lub ntsej muag, yuav tau nyo hau ntis ntsej ntis muag.




    Paj Lug Latin hais tias:

    Muaj lub caij txhob hais lus, muaj lub caij hais lus, muaj lub caij yuav hais tag nrog lus.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5189
    Date d'inscription : 2009-08-18

    Re: HAIS PAJ LUG

    Post  Maiv Tooj on 31st March 2010, 5:35 am

    Posted 24 April 2009 - 10:51 AM

    1- Lag ntshe hnov lus ntxhi, dig muag pom nruab qaig hli.
    2- Zoo yawg kwm pob zeb, zoo d-ev zov peb yig.
    3- Niam d-ev tsis co tw, txiv d-ev tsis raws qab.
    4- Niam cuag niam txiv cuag txiv, raj xyoob cuag muv qhev.
    5- Muv ntsawj peb zaug laj faib yig, neeg nkees ev lav peb taig kes.
    6- Tuaj tw le pw yog nyuj, hnav tiab le yog poj.
    7- Qab tsis dua le kua txhais taum, zoo tsis dua le txij nkawm tau sib phem.



    1. Tus neeg pob ntseg hnyav, hais lus nrhov nws tsis hnov tab sis hnov lus ntxhi. Qhov tseeb lus ntxhi lus nws yeej tsis hnov ib yam tiam sis, nws hnov lus ces nws saib luag lub qhov ncauj ua zog xwb nws yeej twm tawm tias luag hais dab tsi lawm. Tus neeg qhov muas tsis zoo los kuj ib yam, txawm nruab hnub hmo ntuj los nws yeej mus kam ces tsaus ntuj los nws yeej pom kev li rhuab hnub, thiaj hu tau tias pom kev nruab qaim hli.
    2. Neeg zoo yog neeg tawv, neeg tawv leej twg txawm yuav ua phem ua zoo tuaj los nws yeej tawv npaum pob zeb xwb.
    Zoo de-v zov peb yig = thaum neeg tawv leej twg los poog ces coob tus yuav siv nws lub hwj chim kav li tus de-v zov ntau yim neeg.
    3. poj niam tsis thab txiv neej tsis deev
    4. Sob no relate rau cov niam txiv qua-v yeeb "koj pw sab kuv pw sab raj xyoob tuam nruab nrab"
    5. Muv ntsawj peb zaug laj faib yig = tub nyab sib ceg txog 3 zaug lawm ces yuav tau faib cuab faib yig. Tus neeg twg sawv lig 3 tag kis lawm ces luag hu tias neeg tubnkeeg.
    6. Le pw = hmoob xov tshoj hu pwj. Pwj = lau, txiv, pwj qaib pwj os, txiv pwj nyug. Pw = pw ntog, pw tsaug zog.
    Muaj tw hu txiv thiaj yog nyuj, hnav tiab ces luag hu poj niam.
    7. Hmoob xov tshoj hais tias, neeg laus nqis kua siv tawm he.he.he.





    Lub paj txawj ntsws, lub ntuj txawj vau,
    tab sis txoj kev phooj ywg yuav qhau tsis qaug




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5189
    Date d'inscription : 2009-08-18

    Re: HAIS PAJ LUG

    Post  Maiv Tooj on 31st March 2010, 5:40 am

    tijlaug twb tsis tau xav tias cov lus no yuav zoo tshuaj kho tau s/d nplooj siab nplooj ntsws. Tij laug yeej ntseeg lawm tias yog peb poj niam txiv neej txhua leej ib tug xyaum ua zoo tauj ib tug lawm, txoj kev thaj yeeb thiaj li yuav nyob nrog nraim peb.



    Peb hmoob txoj kev sib nrauj sib tso nws piv nthuav loj dav zuj zus.

    Ua li tej laus ib txwm hais tsis yeeb vim los yeeb vaim,
    tej niam txiv zoo zoo thaum ub,
    niam no thiaj muaj txoj kev sib ncaim.

    Tab sis yuav luag txhua khub niam txiv uas sib nrauj sib tso,
    pheej mus hu nkauj seev suab tias tseem nco nco.

    Niam mus los yeej kho niam siab txaus,
    txiv mus los yeej kho txiv siab txhij txhua.
    Tab sis qhov teeb meem loj tshaj
    ces yog tej me nyuam tsis muaj lub chaw xaus,
    piv yam li qaib ntsuag tsis muaj lub cooj qua.

    Niam tau txiv li child support zoo niam siab,
    txaus txaus niam luag los chim chim txiv siab tshuav tuag,
    me tub me nyuam ces khaws tau txoj kev ntsoj kev ntsuag.
    Naim zoo siab tias nrauj txiv tas ces yuav tau nraug tshiab los hlub,
    nrauj ntxiv tas nrho nraug tshiab los kuj yuav tib tias
    niam pab me nyuam txaus txaus ntxub ces ua siab tsis txhob hlub.
    Vim xav yuav niam nyuj los ntshai tsam me nyuj tsuj ntswg liag pob,
    xav yuav niam los ntshai niam cov niag kas tom plab hlob.

    Txiv xav tias nrauj niam tas nrho ces yuav tau ib tug zoo los puag,
    nrauj niam tas nrho ces tsuas tau txoj me kev plaj kev pluag,
    lub me neej ces twb ceeb laj raws cuag luag thiaj kho kho
    lub siab yuav ciaj yuav tuag. Puas yog no Maypaj ?








    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5189
    Date d'inscription : 2009-08-18

    Re: HAIS PAJ LUG

    Post  Maiv Tooj on 31st March 2010, 5:44 am



    Sob lus txooj uas peb twb hnov dhau los yog lo lus qhuas nom qhuas tswv.
    Tab sis sob hauv qab no yog lo lus cem nom cem tswv vim saib dej ua ntu saib neeg ua plhub.
    Cov laus lawv hais li no:




    TXIV NEEJ YAWG YIJ TXHIJ KHAWS XAB LWM YUAJ,

    CUJ PWM TUAV CEEV TAWV,

    NTSUAS ROJ NTAUS NRIG NPHAU,

    OB R-OG PEB HNEE OB FAB PEB TXHEE,

    YAWS MOJ THIAJ YAWS HAU,

    YAWS HAU THIAJ SO SA,

    TSUAS THWJ KUV ZEEJ LUM KAWB TAB KAWB LUM PHEEJ YAJ,

    CES SUAM THOOB SWB SIV THOOJ TSHAJ.


    Txhais tias:


    Txiv neej yawg 36 hniav tom qoos nrias,

    fwj txwv kom xib xib cuab nyog tsim lib,

    tso zis tuav q-a-u rawv hais lus tom hniav nkawv,

    muaj lub paus thiaj muaj lub ntsis, muaj lub txaim taws thiaj kub lub hauv toj,

    tsuas pom kuv tub rua-g tub us neeg, ncauj pob taub nplaig pob thawj,

    hais tsis taus nej no ces nej yuav ntov ntoo tsuam mos txhov




    Last edited by Maiv Tooj on 31st March 2010, 6:18 am; edited 1 time in total




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5189
    Date d'inscription : 2009-08-18

    Re: HAIS PAJ LUG

    Post  Maiv Tooj on 31st March 2010, 5:57 am

    Muaj ib nqes paj lug kuv hnov los ntawm ib tug txwj laug nws lub npe hu ua txiaj tswb. zaj lus ntawd hais tias,







    FAJ TIM TXAIM PEM CEEB LIJ CHOJ TXAWM TOOB THEEB
    FAJ TIM TXAIM PEM CEEB TSHEEJ LIJ CHOJ TXAWM TOOB THEEB ZEEJ
    XAB XWM KUJ MUAS PUJ TAM YIJ CHOJ LUJ TXW
    XAB XWM KUM LOS ZEEJ PUJ TAM YIJ MEEJ TSW
    LIM ZEEJ ZEEJ KOB LIM SWM SWM ZEEJ.


    Nws txhais hais li no:


    Huab tais nyob pem ntuj,
    txoj cai nyob ntiaj teb, huab tais nyob pem ceeb tsheej,
    txoj cai nyob nrog txhua tus neeg.
    Cuaj tug nees tsis npaum ib tug zag, cuaj tug npom tsis npaum ib tug nom.
    Tis tswb rau lau lau qua, ti npe rau nkauj nkauj ua niam.
    Tsa leej twg ua thawj tus ntawd ua tus tuav cai.







    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5189
    Date d'inscription : 2009-08-18

    Re: HAIS PAJ LUG

    Post  Maiv Tooj on 31st March 2010, 6:28 am



    Posted 27 April 2009 - 03:50 PM



    me nyuam yaus ntxiav qaum liab qaum ntsuab, neeg twm zeej ntxiav twj cuab
    nkauj nraug ntxiav raj ncas, de-v npua phim rho pas
    poj niam ntxiav ev kawm, ntsoj ntsuag ntxiav raj rawm
    txiv neej ntxiav ev khib, kawm rov phim ev dib
    neeg laus ntxiav luam yeeb , neeg tub nkees ntxiav tes taw qeeb
    laus neeg ntxiav yeeb thooj, lau qaib ntxiav pw cooj
    nom tswv ntxiav dej caw, tub txawg ntxiav txawj ntaw
    neeb yaig ntxiav ntawv xyab, khawv koob ntxiav daws dab




    Sib hlub ces zoo npaum kub
    Sib nyiam zoo npaum nyiaj

    Texte TSN. P 12
    Img P.7




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5189
    Date d'inscription : 2009-08-18

    Re: HAIS PAJ LUG

    Post  Maiv Tooj on 9th April 2010, 9:07 am



    FAJ TIM TXAIM PEM CEEB LIJ CHOJ TXAWM TOOB THEEB
    FAJ TIM TXAIM PEM CEEB TSHEEJ LIJ CHOJ TXAWM TOOB THEEB ZEEJ
    XAB XWM KUJ MUAS PUJ TAM YIJ CHOJ LUJ TXW
    XAB XWM KUM LOS ZEEJ PUJ TAM YIJ MEEJ TSW
    LIM ZEEJ ZEEJ KOB LIM SWM SWM ZEEJ.


    TXHAIS TIAS


    Faj tim nyob ceeb tsheej kav tag nrho ntiajteb, lub ntuj.
    Faj tim nyob nyob ceeb tsheej koj paub kav tag nrho neeg ntiajteb neeg

    3 kab nram qab kuv txhais tsis tau meej lawm,
    vim ntev dhau kuv tsis nco qab lawm.

    Tej paj lug no kuv kawm los ntawm Zam Ntxawg Lis
    ntev ces kuv tsis nco lawm.

    Tus sau: Xyooj Cheeb








    Last edited by Maiv Tooj on 18th May 2010, 7:17 am; edited 1 time in total




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5189
    Date d'inscription : 2009-08-18

    Re: HAIS PAJ LUG

    Post  Maiv Tooj on 9th April 2010, 9:28 am


    HAIS PAJ HUAM PAJ LUG
    Sau Tim 25/4HLIS/2009
    tus sau

    Txawj Vaag Yaaj

    tus sau

    Maiv Paj Lug




    Maypajlug:

    Lus nyiaj lus kub

    Tus dim yeej loj
    tus ploj yeej zoo
    tab sis tuav rawv tus ntawm tes
    thiaj yog neeg muaj hmoo.

    Kaum npib nyob ntawm lawv
    zoo tsis cuag ib npib nyob ntawm tes,
    poj dim tsis zoo tsis cuag poj pw ntawm zes.

    Npua dim ces npua noj qoob,
    nkauj dim ces muaj nraug coob.
    Dim thaum ub zoo dua dim niam no,
    txoj kev nco cia tham nruab dab plos,
    poj hnov nws thiaj tsis nros nas phooj ywg.


    Txawj Vaag Yaaj

    Koj los txawj kuv los ntse
    wb lub meej mom thiaj nrov nto npe

    Kuv twb R.U.A.M koj tseem pheej tuam
    Ces wb yuav kob huam

    Koj muaj hom phiaj Kuv tsis tsim txiaj
    Thaum kawg wb tsis nrog ntiaj teb muaj nyiaj

    Poj niam txawj xav txiv neej ua tas mav
    Yeej tau lub koob lub npe cuab tsav


    ['maypajlug' date='May 18 2009, 03:56 PM']

    Tus txawj cheem nws lub cauj
    nws txuag nws txoj sia.

    Tus hais lus ntau dhau
    ntsib kev puas tshuaj.

    Tus neeg tub nkeeg nyob tos
    tsis muaj dab tsi tuaj daws nws kev tshaib.

    Muaj tej tus ua txuj tsab ua neeg muaj
    tab sis lawv tsis muaj dab tsi.

    Muaj tej tus ua txuj tsab ua neeg phluag
    lawv ho muaj ib lub cuab tam loj.

    kev muaj hlob ua kom sib cav sib ceg
    kev thoov tsib nyob hauv cov neeg mloog luag qhuab qhia

    koj mus fim cov neeg thoob tsib
    koj yuav thoob tsib tuaj.

    Hos tus mus fim cov neeg tsis txawj xav
    nws phem zuj zus tuaj


    Last edited by Maiv Tooj on 18th May 2010, 11:05 am; edited 3 times in total




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5189
    Date d'inscription : 2009-08-18

    Re: HAIS PAJ LUG

    Post  Maiv Tooj on 18th May 2010, 10:42 am

    Tus sau: Maypajlug
    date='27 August 2008 - 10:50 PM'

    Txoj cai luaj txoj plaub hau, txhua leej txhua tus hla tsis dhau .
    ***Yog ua raws kevcai mas txhaum loj txhaum me los yuav tsum kho.***
    (Laws are passed but not to be bypassed)

    Txawj ntos tsis qig ntxaiv, txawj lus tsig qig lus xaiv.
    ***Nom txawj txiav txim ces tsis qig lus.***

    Tsev nqeeb tsis zoo sim taws, tsev ruas tsis zoo sim zeb.
    ***Tsis yuav los yog tsis ua tiag, tsis txhob lam zes.***
    (There is no try. There is only DO)

    Ruaj cuag thaiv, thaiv cuag zeb ntsuab.
    ***Hais dab tsis yuav tsum hais kom tawv hais kom ruaj.***
    (No man is better than his principles)




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5189
    Date d'inscription : 2009-08-18

    Re: HAIS PAJ LUG

    Post  Maiv Tooj on 18th May 2010, 10:46 am

    maypaj
    date='29 August 2008





    * Ua ruam thiaj tau nyob zov luag tsev, ua ntse ces tau ua luag qhev.
    * Ua lag ua luam yuav saib hmoov, tsham tua nqaij yuav saib hav zoov.
    * Ua nyab thiaj pom kab, ua sev thiaj pom kev .
    * Ua quav nyuj puab phawv, tshav ntuj tuaj ces quav nyuj nti zawv .
    * Ua neej nyob nqag nto ntuj, ploog nto ntsis, nyob txhiab txog ib txhis.
    * Ua neej nyob yaj los kib txoob, cheb plag tsev qawj qab-yiag to nyob muaj koob .
    * Ua neej nyob xav muaj tsis xav pluag, xav muaj txoj-sia nyob tsis xav tuag.
    * Ua neej nyob ua lub siab ncaj dhia dhau luag lub nkuaj,
    Txawm tias noj qab nyob zoo los dhia tsis dhau tshuaj .
    * Ua qoob yeej muaj nroj, ua neej nyob yeej khiav tsis dhau txoj kev ploj .
    * Ua nplej yeej muaj npluag, ua neej nyob yeej khiav tsis dhau txoj kev tuag .
    * Ua tsev txhaum laj nyob txog hnub puas, yuav pojniam txhaum xav txog yav hluas .
    * Ua tau tsev thiaj pom zoo ntoo, muaj pojniam lawm mam pom hluas-nkauj zoo .
    * Ua liaj tau taug kev dav , ua teb taug kev mus saum cav.
    * Ua tawv, tawv ces tsis khov, yuav ua muag muag thiaj tsis lov.
    * Ua neeg nyob leej twg ua tub-sab, luag pom ces luag ntshais nws cuag ntshai dab.
    * Ua niam tsev yuav ua qhov zoo, tsev neeg thiaj nto moo.
    Ua txiv tsev yuav muaj tswv-yim, yav tom ntej thiaj pab tau tsev neeg dim.
    * Ua yam twg yuav siv tswv-yim, thaum ua tau thiaj tsis khuv sim .
    * Ua yam twg yuav xwb sablaj, thaum ua tiav lub siab thiab kaj.






    Tus sau: Txawj Vaag Yaaj
    date='30 August 2008




    Wow!! Very kool...hehehe!!

    Nyuj zoo ntawm kub,neeg zoo ntawm tsoos

    Ua ntej tau ntses,ua qab tau nab

    Tshaib plab neeg tsis pom,ntuag khaub hlab luag pom

    Neeg txawj mus tsis tom thawj,tus ntse ntiaj teb cav yus lub npe......hehehe!

    Maypaj
    Posted 31 August 2008 - 08:41 AM


    Laughing Wowow.....Txawj Vaag koj los tshaj lij kawg li thiab nav....txawj hais diam los mloog nawb:

    Pom txiv qaub tsis los aub-ncaug ces luag tiag yuav tuag...Pom nyiaj txiag tsis nrog luag ntshaw ceg yog yuav sawm pluag.
    Pojniam siab zoo, los nrog tus txiv ua neej ncoo pu...Pojniam siab phem, los nrog tus txiv ua neej tsoo-yias tsoo-tsu.
    Pojniam ruam, cem tus txiv piv rau neeg kaub-huam...Pojniam khib xeeb, cem tus txiv piv rau neeg loj-leeb .
    Puag luag tub tsaws dej dag, deev luag poj tuaj ruab txag...Puag luag tub tsaws dej ntab, nyiag luag qoob tuaj nruab txhab.




    Txawj Vaag,
    on Sep 1 2008, 02:40 AM, said:

    Hmmmmm!! Maypaj,koj hais tau ntxim siab kawg thiab laiv...hehehehe!!

    Thaum riam ntse tsis hlais
    Cia dua toj hais

    Thaum hlau kub tsis ntaus
    cia txias dub mam kaus

    Zaub mov siav tsis ua zaj
    luag noj tag ces mam ho saj

    Hluas nkauj nyob ze,tsis kam de
    Thaum ntses dim,mam ho khuv xim

    Nyob ua ke ntsia tsis zoo
    Sib ncaim mam ho ua txoj nug hmoo

    Caij ntuj qhua ho tsis ua
    Ntuj nag tuaj ho mam mus luaj

    Ntsia tsis ntxim qab zib
    Sib tso mam khib


    "Ntawm no kuv lam hais kom peb muaj kev lom zem xwb nawb. Thov sawv daws ua siab loj" Very Happy Very Happy Very Happy


    Maypaj
    Posted 01 September 2008 - 07:07 AM


    WOW nice tshaj lij kawg lawm nawb TubSojNtsuam....THX U sharing...koj sau tau zoo heev , koj muaj tswv yim thiaj sau tau zoo raws kev pajlug piv txoj lus .


    Thaum pom zoo tsis yuav, thaum dua toj ces plam tes qhuav.

    Ua neej nyob txhob nyhos luag, tsam txog yus thib ces yus ho pluag.

    Liab tau tsua liab muaj zog dhia, pojniam tau neej tau tsav pojniam muaj zog khav ntxhias.

    Tsis paub txhob lam sim, tsam mag plaub ces khiav tsis dim.

    Lo zoo nco ib ntsis, lo phem nco tag ib txhis.

    Txawj noj ces hlob, tsis txawj noj ces ua mob.

    Xyoob loj tsis cuag ntoo, muaj zog tsis cuag muaj hmoo.


    Txawj Vaag Yaaj
    Posted 01 September 2008 - 11:21 AM



    Maypaj txawj dag kawg laiv......hehehehehe!!

    Thaum nyob deb neeg taw tes tias nyob twg
    Thaum yus nyob ze luag tsa ntswg

    Niam txiv tsa tsis sawv
    Phooj ywg tuaj ya nrov plawv

    Ua neeg siab zoo thiaj tau lub ntuj ntoo
    Coj lub siab phem thaum kawg mag luag cem

    Kuv qhib siab dav
    Koj txawm hu luag nyav

    Cov neeg khib oom
    Leej twg los hais lus foom

    Tus hlub mob tsis xav nrhiav tshuaj
    Thaum ploj tuag mam ho da quaj

    Neeg qia dub tswv yim loj
    Yus tsis nyob mam thau los noj

    Cov neeg coj nplaum
    Hais zaj twg twb tsis haum

    Thaum sib hlub kuv nco
    Thaum sib ntxub koj nto

    Thaum tsau lam hais honey
    Thaum npau mam hlais ua chawj ua chim


    "Thov sawv daws tsis txhob xav li cas nawb mog. Ntawm no yog peb qhov chaw tuaj tso daj tso luag xwb"


    maypaj
    date='03 September 2008


    Wink .......

    Niam mloog txiv qhuab ua neej thiaj tsis raug luag ntuas
    Txiv mloog nian qhia ua neej thiaj tsis rau luag ntxias


    Niam hais tau siab los txiv txhob cem ua lub neej thiaj nyob tau ua ke
    Txiv hais tau tshaj los niam txhob chim ua lub neej thiaj li tsheej tau ib yig

    Ua txij ua nkawm yuav tsum siab zoo ua qoob ua loo thiaj li puv loog
    Txhob hais tias yog niam li txiv li tab sis yog ob leeg ua tib si


    kuv nyiam kawm thiab sau cov lus pajlug zoo qhuab qhia tau yus txawj thim xav ntau zog tuaj Smile


    Txawj Vaag Yaaj
    Posted 03 September 2008 - 02:29 PM



    Hehehehe.....Haib kawg!!!

    "Niam txib ntxhais sawv ntxov pub npua
    Ntxhais khwv tswv yim tias tsis muaj xua"

    "Txiv khaiv tub mus luaj teb ntov ntoo
    Tub hais tias me taus txuas tsis zoo"

    "Xyoo tshiab tawm tuaj kuv xav yuav ib nkawg khau
    Niam txiv ntxias tias tsis muaj nyiaj yuav tsis tau"

    "Lub siab dag cwj pwm lim hiam
    Xyov neeg ntiaj teb siv los tau pes tsawg tiam"

    "Paj lug Hmoob muaj ntsiab tseem ceeb
    Tiam sis zaum puav yog lus khav theeb"

    "Ua tsaug os tus muam me Paj
    Koj puas yog nkauj Hmoob Vaj
    Tub Soj Ntsuam yog xeem yaj
    Ua siab loj rov tuaj wb tso daj.....hehehehe"


    Maypaj
    Posted 07 September 2008 - 01:59 PM


    Paj lug hmoob muaj ntsiab tseem ceeb
    yuav tau kawm thiaj paub qhov tseeb.

    Lub paj tawg tshiab tsuas dua ib vuag
    Kuv hlub koj mas txog hnub tuag.

    Neeg nplua nuj yog neeg qia dub
    Neeg txom nyem yog neeg sib hlub.

    Dej kub vim hluav taws hlawv
    Neeg sib ntxub vim neeg qaug cawv.

    Ua luam ces zoo thawj ntsug
    Muaj tus hlub ces zoo thawj tug.

    Nraug nuj yob, ib hnub ua tau cuaj txhab
    Ib hmos rauj lawm cuaj leeg nyab

    ntxawm nkauj fa, ib hnub chob lawm cuaj rau laug
    Ib hmos nrauj lawm cuaj leeg vauv.


    Txawj Vaag Yaaj
    Posted 07 September 2008 - 09:11 PM



    Wow! Keej kawg laiv......hehehe!

    Oh! Hmo no yog xiab tsib xiab kaum cuaj
    kuv zoo siab pom May Paj rov tuaj

    Yog koj lam nyob ze tus muam
    ntshe yuav pub ib phau ntawv paj huam

    Kuv ntsia koj yog poj niam txawj xav
    Ntshaw cov zoo li nej los ua tus tav

    May Paj yog ntxhais txawj ntxhais ntse
    yuav ua li cas thiaj tau nrog koj ua ke....hehehe!


    Maypaj
    Posted 08 September 2008 - 07:43 AM


    WOW...Txawj Vaag, koj cas yuav txawj sau Pajlug piv lus ua luaj li ne? zoo siab koj qhuas kuv cov pajlug thiab nawb kuv nyiam koj cov kawg kiag sau tau zoo heev... Smile



    Zaj no twb tsis yog lus Pajlug
    Maypaj tswv yim tas lam sau los sib nug.

    Maypaj tsis yog ntxhais txawj xav
    Tiam sis maypaj kuj yog ntxhais siab dav

    Maypaj tsis yog ntxhais txawj ntse
    Tiam sis maypaj lub tswv yim kuj tsis me.



    TubSojntsuam yog nraug txuj txawj saub
    TubSojNtsuam thiaj tsis kam tuaj qhia rau leej twg paub

    TubSojNtsuam yog nraug muaj koob
    TubSojntsuam thiaj yog tus tsim pajhuam rau peb tsoom hmoob.

    Tub Soj ntsuam kuab pajhuam mas zoo ua tshuaj
    Maypaj tsis tau nyeem ces maypaj quaj Very Happy



    hahahaha Laughing ......tsam no kuv twb tsis yog sau lus pajlug lawm ho lus no yog dab tsi ne Txawj Vaag?.....puas yog lus xev los lus paj huam los yog dab tsi nab? cas kuv rov xav luag lawm thiab.......tsuas lam sau kom phim koj cov xwb tsis yog lus Pajlug kuv kawm los nawb.



    Txawj Vaag
    Posted 09 September 2008 - 03:22 PM


    WOW! Wow! Haib Ua luaj na.hehe!!

    Hnub qub 30 lub,quav ntsuas 30 yag
    Hnub no tau twm May Paj cov lus nyiaj lus kub ntag....hehe!

    Ua tsaug nawb mog
    Mam coj mus puag pw tsaug zog

    Thov kom 100 tsav yam muaj tseeb
    Tawg paj tuaj saum yaj,txi txiv rau nruab yeeb

    Nkauj Hmoob fab kis tus zoo ntxim hlub
    muab koj nplooj siab rau kuv cog ua yub....hehehe!!

    Txawj Vaag
    Posted 16 September 2008 - 03:33 PM



    Hmmmmmmm!! Zoo kawg lawm nawb. Thanks for sharing.

    Noog ya saum ntuj,ntses yuj hav dej
    Txhob cia lig kav tsij huas ntej

    Pom luag muaj tsis txhob xam khib
    Rau siab ntso mus cog yus tej taub dib

    Leej twg ntshaw muaj t.x.i.a.g. nplua nuj
    Kav tsij mus khwv txhob tos hu ntuj

    Ua neeg nquag thiaj caum cuag luag
    Xub sawv ntxov thiaj muaj zaub mov

    Kawm yam zoo txhob xyaum kev phem
    Yog kuv hlub koj yeej tsis cem.....hehehehe!

    ********

    Oh! Txheev leej txheev com
    pojniam xav sawv ua txiv neej tus nom!

    Vam lom vam cheej
    tsis ua tiag yus tsis yog txiv neej...hehehehe!

    ********

    Vam leej vam coj poj niam hnav ris lawm sub os!

    Txheev com txheev leej txiv neej tseem kav tim kav theeb


    Twawj Vaag Yaaj
    Posted 26 September 2008 - 06:42 PM


    Wow! Haib kawg nawb!!

    "Noj nceb yuav tsum taug cav
    vim me tub me nyuam yoog neej yoog tsav"

    "Niam zoo nkauj
    ntxhais tau ua cob lauj"

    "Txiv muaj hwj chim
    tub sawv los tuav tij lim"

    "Ntshaw ua tus neeg ncaj
    coj sawv daws sib pab ciaj vaj"

    "Koojziagkabzaug txawj tham lus
    kuv always pom nws txais tos txhua tus"

    "Maypaj chim lawm los cas
    ntu no tsis pom nws tuaj li as"

    "Tuaj peb tso dag os nkauj Hmoob
    kuv xyeej tsawg tsis xyeej coob"

    Maypaj
    Posted 28 September 2008 - 01:28 AM


    Laughing Txawj Vaag koj mas txawj funny thiab los, kuv xav hais tias ib tug neeg tshaj lij txawj sau pajhuam npaum koj ntshe tsis nyiam tso daj tso luag li no Laughing

    Thaum mos liab niam thiab txiv tos nrw tub tsis txawj loj,
    Thaum tub hlob los tub tos nrhw niam thiab txiv tsis txawj ploj.

    Ua tsev tag: mam pom ntoo yiag, yuav poj niam tag mam pom tus yus nyiam tiag.
    Ua tsev txhaum: laj nyob txog hnub puas, yuav pojniam txhaum xav txog yav hluas .


    kuv lam sau xwb xyov puas haib thiab. Laughing


    ****

    Thaum ntxhais tseem yau ntxhais xav noj ncej puab qaib
    Thaum ntxhais loj hlob tiav nkauj ntxhais yuav khiav mus ua laib..

    Chim niam siab ua luaj niam xav tuag los ntxhais tseem luag luag...
    Niam xav rho qws kom taub hau tawg los ntxhais tseem hu pusliv tuaj cab niam mus kaw...ab tuag lau zaum no!!


    ****

    maypaj
    date='28 September 2008 - 07:32 AM'


    Laughing Leej twg tus me Tub no es yuav hais raug kuv ua luaj li ne..... :P J/K.... Laughing

    Thaum me ntxhais tseem yau, me tub cuaj nrwb cuaj nrig ntaus
    Thaum me ntxhais hlob tuaj tiav nkauj, me tub nim ua zaj ua ntxeev tuaj xauj

    Thaum me ntxhais txib mas me tub ua tus nquag nquag
    Thaum niam txiv txib mas me tub ua cuag yuav tuag



    Laughing Laughing Laughing lam sau ua si xwb :P

    Txawj Vaag Yaj
    Posted 28 September 2008 - 02:13 PM


    Tus muam Maypaj,

    Lub caij uas kuv coj li tus neeg tseem ceeb kuv kuj hais kom muaj tseeb.
    Zaum puav kuv ho nyiam nrog sawv daws tas lauv
    kom muaj kev lom zem cuag npua sib huas noj qhauv.

    Maypaj yog ib tug ntxhais zoo tawb
    kuv thiaj ua zaj ua ntxeev khawb...hehehe!

    "Thov koj tsis txhob xav li cas nawb mog tus muam nkauj Hmoob txim txiaj"

    *******

    "Tsis tshuab qeej tsis hnov nrov
    tsis hu neeg tsis kam noj mov"

    "Tsis hais lus leej twg tsis paub
    mov nplej tshiab tsw txhua tus sawv los ntsaub"

    "Phooj ywg kev dav yeeb ncuab kev ti
    nqa teeb khoo nplim txhob maub tsaus ntuj nti"

    *******

    Maypaj
    Posted 01 October 2008 - 11:56 AM


    Txawj Vaag, koj cov lus paj lug zoo heev , thov tuaj sua ntxiv ,vim tej lus pajluag yuav tsum yog tus neeg ntse tiag tiag thiaj paub hais xwb, thov qhuas koj nawb kuv yeej tsis paub txog kiag li kuv tseem tshuav deb yuav kawm nej cov kev tshaj lij. Smile

    Noj mov txhob maj tso diav, tej qhua nrog yus noj thiaj tsis maj khiav.

    Noj mov tsis txhob khee tais, tej qhuas mus tsev luag thiaj tsis cem yus ua niag neeg hu dab plab zais.

    Noj mov tsis txhob ua poob, tej qhua pom luag thiaj tsis cem yus ua noob pluag koob.


    Txawj Vaag
    Posted 01 October 2008 - 09:01 PM


    Ua tsaug os Ntxhais Siab Zoo,

    "I like yours too....hehehehe"

    Neej nyob saum yaj dab nyob hauv nruab yeeb
    yuav tsum coj kom ncaj tsis txhob kav theeb.

    Ntses nyob hav dej neeg nyob nruab nqhuab
    sib hlub tiag tiag thiaj tsheej ib cuab.

    Xyaum mloog niam txiv lo lus zoo
    Ua neej mus tom ntej thiaj nto moo.

    Lub tsev txawm me los yog yus siab loj
    pej xeem yeej xav tsa koj ua lawv tus thawj coj.

    Thaum ua nkauj ua nraug kuv ntshaw kev hlub
    Thaum tau ua niam txiv kuv ntshaw thawj tug tub...hehe!

    Maypaj
    Posted 09 October 2008 - 01:29 PM


    Hob!!! es kuv twb tsis txawj sau npaum koj es koj tseem qhuas kuv me me kom kuv zoo siab thiab no mas ua tsuag ntau nawb heheh...ntshe yuav tau sib zog kawm kom txawj kiag li nej cov tshaj tshaj lij hauv no seb puas yuav sua tau zoo zog qhov qub tuaj Laughing

    Xav ntau ces thiaj li tau, xav paub ces thiaj ciaj saub.

    Tus txawj tsis nco los qhia, tus ntsia los tsis nco los saib.

    Tus neeg pluag los tshaib nyiaj, tus neeg nquag los tshaib plab.

    Ntaus ces mob taw, Ncaws ces mob plawv.



    Txawj Vaag Yaaj
    Posted 09 October 2008 - 07:10 PM


    Hmmm!! Zoo kawg nawb.....hehehe!! Thanks for sharing.

    "Neeg txawj swb tus neeg ntse
    Ko taus ko txuas yog theev ntau ces nws hle"

    "Ib leeg muaj ib lub tswv yim zoo
    Tuaj peb sib qhia tsis txhob khib tsoo"

    "Tus neeg paub tab ces yus hais tsawg nws paub ntau
    Yog muaj siab kawm tiag yuav tsum txawj sau"

    "1,000,100 leej tsuas muaj 1 leeg ntse nruab thiab
    Txoj kev kawm yog ua zoo ntsia ces yeej nkag siab"


    *********

    "Xav nrog cov neeg txawj tham
    Ib los ntxiv ib lo thiaj huam vam"

    "Cov neeg tswv yim tob
    sau ntawv nrov cuag suab xob"

    *********

    Fin page 4


    Last edited by Maiv Tooj on 19th May 2010, 7:44 am; edited 3 times in total




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5189
    Date d'inscription : 2009-08-18

    Re: HAIS PAJ LUG

    Post  Maiv Tooj on 18th May 2010, 10:52 am

    Tus sau: Txawj Vaag Yaaj
    date='29 August 2008


    Nyob zoo tas nrho ib tsoom phooj ywg sawv daws,
    hnub no kuv tau tuaj pom coob leej ntau tus lub laj lim plab plaw, txoj kev xav thiab txuj ci siab. "Wow! It is incredible"
    Thov cia kuv ho sau ob peb nyuag lo rau sawv daws tau twm kom lom zem nawb...hehehe!!


    Pub rau r.u.a.m. noj ces r.u.a.m. yim zov nruj
    Pub rau ntse noj ces nws nco yus tshav ntuj...

    Hu tsis teb xuas kos zeb
    Qw tsis hnov xuas tog qws...

    Xav luaj teb xu luaj zeb
    Xav luaj ntug xu luaj nyug...

    Nkauj mog nkauj dawb
    Hluas pom hluas xav tawb...

    Nraug hluas nraug cus
    Nkauj pom nkauj xav txuas lus...hehehe!




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5189
    Date d'inscription : 2009-08-18

    Re: HAIS PAJ LUG

    Post  Maiv Tooj on 19th May 2010, 8:56 am


    Txawj Vaag Yaaj
    Posted 11 October 2008 - 11:04 AM



    "Cov neeg siab zoo siab dav
    Hnub twg loj hlob tuaj nplooj siab me ntsws
    Tawg nthuav ua paj huam tsav"

    "Leej twg yog neeg txim txiaj
    Nws lub npe nrov tshwm hauv daim nyiaj"


    Maypaj
    Posted 11 October 2008 - 01:35 PM


    "Nrog neeg tshaj li tham ua ke
    Yim tuaj yim ntse"

    "Nrog neeg tshaj lij tham luag nyav
    Yim tuaj yim txawj xav" Wink


    Maiv Tooj
    Posted 11 October 2008 - 01:32 PM



    Ua neej nyob....

    - Nplooj tsis zeeg kav tsis qhuav
    Ua neej nyob yuav tsum coj ncaj luag thiaj yuav
    - Nplooj tsis zeeg kav tsis kaj
    Ua neeg nyob yuav coj zoo luag thiaj pab
    - Nplooj tsis zeeg kav tsis lov
    Ua neej nyob yuav coj kom yog luag thiaj vam txog

    Muaj nyiaj twb zoo tsis npaum muaj zoo tub tsim txiaj
    Muaj kub twb zoo tsis npauj muaj kev sib hlub

    Ntuj qhua ces av tsis tuaj nroj
    Yam tsis qab ces yeej tsis muaj neeg noj
    Ntuj nag ces tuaj ntsuag
    Yam tsis qab ces hais tias txhob noj tsam tuag

    Nkaj yeej tsis tawg paj tauj dub yeej tsis txi txiv
    Ua neeg nyob yuav tsum coj kom ncaj luag thiaj siv.



    Maiv Tooj
    on Oct 11 2008, 08:41 PM, said:

    Heheheh...May!

    Tus neeg ntse yog nruab thiab tus neeg tsab xeeb yog los ntawm siab
    Tus neeg txawj hais lus hnub twg los muaj lo tshiab tuaj nplij yus...os may...!

    Maypaj
    Posted 11 October 2008 - 01:49 PM


    Wow hais tau zoo tiag tiag li, mm tab sis nej cov ntawv loj dhau lawm na tsam ib chim kuv qhov muag txaij lawm thiab ces nej yuav pom haj yam loj nawb :P .........koj hais tau zoo heev nawb niamlaus.

    "Tus neeg txawj swb tus neeg ntse,
    coob leej kawm txawj tsawg leej kawm ntse."

    "Tus neeg txom nyeem yog tus paub ntuj,
    tus neeg paub txuj yog tus tsis hnav zoo."

    "Txhua leej xav noj qab,
    tab sis tsawg leej thiaj kam lauj npab"

    "Txhua leej xav hnav zoo,
    tab sis tsawg leej thiaj kam tsoo."


    Txawj Vaag Yaaj
    Posted 11 October 2008 - 03:45 PM


    Cov neeg tswv yim tob hais lus nrov cuag suab xob

    Niam txiv sib ntxub
    Tub ntxhais sib rub

    Niam txiv sib yaws
    Tub ki pab daws


    Maiv Tooj
    Posted 27 October 2008 - 05:37 AM


    Kuv mam tuaj nrog koj hais paj lug, muaj hnub wb yuav nce nto ntuj

    Kuv yuav tuaj nrog koj lus lus piv, muaj hnub wb yuav mus txog sab ntug dej tid...

    Yog wb sib pus, wb yuab mus tau ib ntus, yog wb sib coj, wb lub zog yuav loj...Es mus koj hos tuaj os...!


    *************

    Laus nplooj tsis laus kav, twb laus lawm los tseem xav xav .

    Hnov nej tej hlua hais pajlug es lam tuaj xauj me me. Cia siab tias nej yuav hais ntxiv.

    Muaj ob tug me ntxhais hauv nod mas ua li luag hais tias:

    Koj yij muas xav thom cawv looj nyab, koj yij looj tab siv looj cab, koj yij zeej xav heev cawv li choj (Koj ib tug nees xav nog cuaj lub eeb, koj ib tug zaj xav tauv cuaj tus dej, koj ib tug neeg xav heev cuaj zag cai) {Qhov twg los yeej yog tus heev tshaj thiab ua-tau dua lawm.}

    Koj pom dua ntuj qhuav, koj tsis tau pom teb nkig; koj pom dua qaib quav, koj tsis tau pom dua qaib zis. {Tus uas muaj (experience) zog hais rau tus tsis tshua muaj (experience)}

    Tus kab puv muaj tus noog khaws, los nyaj tus nab lwg muaj tug uab nqa; tus zoo muaj nrog luag qaws, los nyaj tus phem yuav muaj lub yig nrog luag tsa

    Dej ntws raws kwj, taws kub raws duas

    Tub tshaib tau qav nchuav
    Taum lag taum lig yog taum quav ntsooj, tub lag tub lig yog tub puab rooj
    Taum lag taum lig yog taum quav nas, tub lag tub lig yog tub puab ntsa

    路遙見馬力,日就見人心 (Kev ncua deb ces pom nees zog, sijhawm ncua ntev ces pom neeg siab)

    Yaj txhawb yaj, yeeb txhawb yeeb = txhais hais tias cov neeg saum yaj ceeb (陽界) txhawb los kom cov dab hauv yeeb ceeb (陰界) txhawb thiab. Yog muab hais lus Hmoob kom tas tas ces hais tias neej los neej txhawb, dab los dab txhawb. Neej txhawb saum neej mus los kom dab txhawb sab hauv dabteb tuaj thiab.


    Maiv Tooj
    Posted 28 October 2008 - 08:23 AM


    Nyob zoo phooj ywg Khejdaj,

    Wow..Cas koj laj lim tswv yim yuav muaj ceem ua luaj...Tsis ntxov tuaj nrog peb kom txuj naj....!
    Zoo kawg li koj cov lus muaj kuab heev. Tseem xyaw lus suav thiab mas muaj peev feem heev.

    Ah...! Ua cas koj pom ob tug ntxhais hauv nov xav tau: 9 lub eeb es nkawd puas yuav txais tau lub sam xeeb, xav tau 9 lub nra es nkawd lub peev xwm puas yuav txais tau lub yim cuab kav?
    Ib tug nees xav hee 9 suab, puas hnov txog suav meej nom meej tsw kev tsim cuab?
    Ib tug zaj xav tau 9 tug dej, ua li nkaws puas yuav tsim nyog txais ib lub yim ne...?

    Txawj Vaag Yaaj
    Posted 28 October 2008 - 04:24 PM


    Hehehe!!! Zoo heev nawb!!

    "Kuv yuav sau kom tsawg tsawg tiam sis nws ntxawg ntxawg"

    "Tsis kam hais kom ntev ntev tsam khaum khaum kev"

    "Zoo siab koj rov tuaj wb mam tawm tswv yim hais nrov nkuaj" Hahahaha!


    Khej Daj
    Posted 28 October 2008 - 05:59 PM


    Luag hais tias: Nyuj ua nyuj thauj, nees ua nees ris.

    Txogtxij me nyuj nees nuam puamxeeb nrag tau tus txuj hlob tus ci heev, nyaj me nyuj nees nuam yuav txhawj tsis nyog lub zoo samxeeb tuaj nrog luag keev.

    Nyuj hlob nyuj kub ntse, nyuj thiaj nqov lawm cuaj nre; nees hlob nees kaus zuag, nees thiaj quaj lawm cuaj pluag. Suab nyuj suab nees ces thiaj yog Suav meej nom meej tsw kev tsim cuab mus kev tsa yim. Niam leej ntxhais hlob niam leej ntxhai txawj ntse, niam leej ntxhais thiaj nkaus hlo tus mem tooj mem hlau cig li yees suav txawj txeeg sib kws lub vas loj nqis vas nte; txiv leej tub txawj hlob los tsis txawj vuag es twb vuag tsis tau niam leej ntxhai tus roj tus hneev tuaj ua chaw saib dabmuag. Yog ho muaj txoj hmoo es txiv leejtub roos tau niam leej ntxhais tus ntxoov ntxoo tuaj tus zoo duab, ces nyaj txiv leej tub yuav muaj hmoo nrog niam leej ntxhais tham ntxuaj ntxog txoj kev mus tsim cuab.

    Zaj tsis xav tuag kom zaj pas nqhuab es zaj thiaj yuav tauv kom tau 9 tug dej los ua ib pag. Tub lag tub lig tsis xav nyob ib leeg es thiaj ua* txais cua tuaj nrog Hmoob meej nom meej tsw me ntxhais nkauj xwb hais lawm ib zag.

    Tsis ua luam ces yog txiv tub, ua luam ces yog Suav dub
    Tsis ua luam ces yog neej yog tsav, ua luam ces yog liaj yog dav

    Ua neej ces xav nyob nqaj nto ntuj nploog nto ntsi, ua neejtsa ces xav kom tej menyuam cheb qab plaj tsev qawj ntxuav qab yiag to.

    Dawb hau nrig caug
    Txhiab nyeej tis vam sawm (千年地萬壽)


    Maiv Tooj
    Posted 29 October 2008 - 01:30 PM


    sau kom tsawg tab sis ua kom ntxaws ntxaws ua kom thawd thawv...
    sau me me tab sis khes khes ua kom pob kub lem...kiag yom!

    on Oct 29 2008, 08:57 PM, said:


    Khejdaj,

    Qaib sis noj txhuv txhi vuam zog kab liag ntuj hnub qub ntsuab. Ntiaj teb no tiag nrag qaum ped tsuas cav txiv leej tub li koj ib leeg thiaj txawj hais lus Suav, yuav tsim nyog suav meej nom meej tsw tus Tsav cuab. Niam leej ntxhais ces ntshe kawg tso tes duaj lawm xwb lauj...Heheheh...


    Khej Daj
    Posted 29 October 2008 - 07:38 PM


    Qaib cog qua ntxuaj ntxog es yuav ntxuaj tau niam nkauj hnub tshwm li plaws tej npoo ntuj, ntiaj teb no koj me Nkauj Koobziagkabkaug thiaj yog tus txawj txuj; txiv neej tus hlob me yau los yeej ntshaw koj mus ua quas puj, Hmoob tub lag tub lig ces kawg yuav tau nyiag saib ua qhovmuag nruj nruj xwb.

    Ntuj ntxo teb nram ub twb yog Hmoob meej nom meej tsw me ntxhais nkauj ntxawm hais lawm Suav paj lug nyob tsis tseg, es thiaj kho tas Hmoob tub yug nyuj siab tuaj ua ntswg hlauv leg; yog Hmoob meej nom meej tsw me ntxhais nkauj ntxawm txawj lus Mab tsis paub lus Suav, ces nws yuav hais tsis tau tus paj lug Suav nrov xiv xuav yam me nas tuaj me noog puav.

    Noj hno ntxuag kua muag, taug kev nrog suab quag
    Qas yeev mus, qas yi los
    Pom nqua ya, tsis pom nqua ze
    Khi nyuj tos zaub hlob


    Maiv Tooj
    Posted 30 October 2008 - 02:56 PM


    Khejdaj,

    Txiv nraug Khej daj noj nyog leej niam mis pw ko leej txiv chaw. Tawm rooj plaws yuav qaim qhov suav meej nom meej tsw tus cwj kais kab ntaw, yuav txawj hais me paj ntsha lus tau ua rau niam leej ntxhais ntshawv.

    Txiv nraug Khej daj tawm rooj plaws, yuav hnav zoj leej txiv lub tsho mus meej mom, txog rooj teb rab ntug twg los cuaj caum yim pom yuav rov fib xyom yuav ua rau niam leej ntxhais li kuv no tsis tsim nyob ua neeg nyob...

    Chij laj xeeb xaus xi daim nplooj hmab, tav nov me ntxhais nkauj xwb mam xav txog ces tshav ntuj nram khuab ha...niam leej ntxhais xav zaj twg los xav npo pa...xwb las.

    Ntoo vau Mab nrug, cov hlob raug plaub pejxeem phu dub

    Tsawb vau Nplooj ntuag, cov hlob raug ntug pejxeem quaj

    Mab ruaj khi Ntoo khov, pejxeem txawj sibhlub cawm tau cov hlob tawm los

    Nplooj tsis ntuag Rawb tsis vau, pejxeem txawj sibpab thiaj cawm cov hlob tawm tau

    Zeb ruaj Ntoo khov, pejxeem kwm hlub yawg hlob Vaj Pov

    Tsawb txhawv tawg paj, yawg hlob tawm pejxeem luag ntxhi zoo siab tshaj



    Khej daj
    Posted 30 October 2008 - 06:08 PM



    Koojziagkabzaug,

    Hmoob ntuj laug rov thaum ub luag tsuas cav Hmoob muam nkauj txawg tus nkauj peb siab pias, Hmoob ntuj txheej nim no ces tus txawj tus ntse kawg xaus rau peb me nkauj Koojziagkabzaug tus ntxim hnias.

    Leej niam mis yog peb me nkauj Koojziabkaug noj qhuab, leejtxiv ris tsho peb me nkauj Koojziagkabzaug hnav ntuag; nyob hauv peb Hmoob ces ntshai tsua yog koj tib tug xwb thiaj yuav raws cuag luag.

    Luag twb hais tias nag hlob los yuav los tsis tau tas hnub, cua loj los yuav nplawm tsis taus tas ib tag kis; zog nag thiab zog cua twb yog zog ntuj es twb ua tsis tomthawj. Peb leej tib neeg es ho yog leejtwg es thiaj yuav ua kom ib nqaj nto ntuj ib nploog nto ntsi.

    Ib sab nte yeej npuaj tsis nrov, ib sab taw yeej sawv tsis khov es luag thiaj tias tus pw chaw siab kom pw khwbrwg ho tus pw chaw qis ces kom pw ntxeevtiaj.

    Nom tswv yog niam yog txiv; qab zeb yog chaw nkaum chaw tsiv;pej xeem yog tes yog taw, me tub me nyuam ces yog niam thiab txiv txoj kev vam thiab kev ntshaw.

    Maiv Tooj
    Posted 01 November 2008 - 04:45 AM


    Nyob zoo Khejdaj hmoob tus txawj zaj, Tubsojntsuam tus txawj qhuab,

    Tubsojntsuam aw...Nws tias nws yuav tuaj hais tsawg tsawg tab sis muaj muaj kuab no es kuv tos tos nws lawm os...!


    Khejdaj,

    Toj zeb tib toj tsuas sib laug taw, yog tias yog niam coob miv ncaus yuav muab zoj ib yam txuj los hloov niam leej ntxhais chaw, yuav txia ntshis ua me nkauj kab ziag kab xiv xis tsaws ntua leej tub tej me nqaws awv, thiaj tau mloog me txiv leej tub khej daj tej me lus paj nrog lus txawb nyob mus zoo plawv.

    Ntuj tshiab rov li fiav, ntuj tsaug tuaj txog li ntxiag, cas cuaj caum yim tsav kab mus quaj txhij yim caum yim tsav noog mus quaj txhua, ntshe yuav tshuav tas lawm yawm suav tus me noog qej qaws tsis tau quaj es yuav quaj xi laws niam peb suab. Ntiaj teb no me nplooj xyoob nplooj ntoos mus hlav ntsuab, los nim tshuav kuv me txiv nraug Khej daj lub me suab mus muaj kuab tuaj qhuab lawm ntiaj teb neeg kev tsa cuab...

    Chij laj xeeb xaus xi daim nplooj qos, xyoo no muaj hmoo tau ntsib kuv txiv nraug khej daj tus ncauj npliag siab nkiag ua rau niam leej ntxhais lub siab yuav zoo hlo.


    Ib sab nte yeej npuaj tsis nrov, ib sab taw yeej sawv tsis khov es luag thiaj tias tus pw chaw siab kom pw khwbrwg ho tus pw chaw qis ces kom pw ntxeevtiaj.

    Heheheh...koj hais dab tsi naj???
    Txawv ua luaj:

    Tus pw chaw siab kom pw khwb rwg ces yog choj rau me ntsuj plig taug mus thawj thw
    Tus pw chaw qes pw ntxeev tiaj ces yog kab npauj kab xiv xi chaws mus thawj thiab


    Muaj nyiaj yeej meem ntxuv muaj lus yeej meem hais

    Tawg paj yuav tau yoog txiv txiv yuav tau noj

    Kev txawj yuav tau kawm kev ntse yuav tau thawj

    Nkauj txawg tsawg ib los tub txawg tsawg ib txub

    Khejdaj
    Posted 01 November 2008 - 06:58 AM


    Txivneej yawg ntse ntsuav los kawg tuag rau pojniam qhov... txivneej yawg ntse leg los yeej kawg tuag rau pojniam ob...
    Ncauj qab zib nplaig qab ntse, ncauj ntxias noj nplaig ntxia qhe; ncauj qab ntse plaig nqab roj ces khwv tsis heev los yeej tau tau noj.
    Ncauj heev siab ntsim ces tsua hais tau kom neeg chim chim


    Kuv thov khawsxyeem muab lub cibfim no ua koj tsaug ntau ntau mog, Koojziagkabzaug(pajdabpog). Kuv tau copied ntau yam uas koj mus dib tau los cia rau hauv no, xws li Sam cov pajlug, xeevtxwjlaug cov tshuaj, hmoob ntuj qub qab cov txuj, thiab ntau tus neeg tej dabneeg thiab tswvyim. Ntiaj teb no yog muaj cov neeg zoo li ko coob tus me ntsi ces tej tub plog tub pluag thiab tej neeg tsis muaj niam muaj txiv kuj tau nrog luag xyaum txuj kawm ci txij tog txij peg thiab os mog. Nyob yog tub ntsog tub ntsuag txawj ua lub neej ces koj tus txiaj ntsha txiaj ntsig yuav rais lis lees rov fib qab, yog tub ntsog tub ntsuag tsis txawj ua neej ces ntshai koj tus txiaj ntsig txiaj ntsha cuag li yuav nrog dej dub dej dag sib ntw ntab xwb laus mog. Pe ib pes. Pe ob pes. Pe peb pe.

    Dhau hnub no thiab zaum no lawm ces Khejdaj txoj sia yaj nrog tsab ntawv no lawm...yuav mus...tag ib sim...nqus ntswg...ncia.ncia...ncia. Txiav muag tuab tuab. So kua muag ntawm caj npab ces tig xub ntiag lawm.

    http://www1.chinacul...ent_71909_2.htm

    http://www.wku.edu/~...proverbs/j.html

    http://www.asiaing.c...e-proverbs.html

    http://www.thankyoui...e=asianheritage

    http://www.geocities...17/proverbs.htm

    http://www.riccibase...le/lin-la03.htm

    http://www.famous-pr...com/chinese.htm

    http://www.worldofqu...se/7/index.html

    fin p 5




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5189
    Date d'inscription : 2009-08-18

    Re: HAIS PAJ LUG

    Post  Maiv Tooj on 10th October 2010, 11:54 am


    LUS TXUJ CI


    Los Ntawm
    Jay Xiong


    Copyright © 2003-2005 HmongDictionary.com, LLC
    http://www.HmongDictionary.com
    All rights reserved




    Thov muab cov lus Txuj Ci no pub rau txhua leej uas xav
    kawm txog Hmoob lus thiab Hmoob txuj ci.
    Tus neeg paub Tswv Ntuj txawm nws nyob lub tebchaws twg los
    nws yeej txawj xav.


    Tus neeg coj dav txawm nyob lub zos twg los phooj ywg yeej muaj coob.
    Tus neeg tsis paub Ntuj yog tus neeg qia dub.
    Tus neeg tsis paub hlub yog tus neeg tsis muaj kev ncaj ncees.
    Xav paub neeg siab ces tso nyiaj ntawm kev.
    Xav paub neeg dev ces tham txog kev plees.
    Tswv Ntuj hlub txhua leej, tabsis Tswv Ntuj
    Tsis pub rau txhua leej + Smile

    LUS CEV


    Nyob zoo ib tsoom phooj ywg. Ua tsaug ntau nej tau pab saib phau ntawv no. Kuv
    vam thiab cia siab tias yog nej nyeem tag, nkag siab, thiab paub txog cov ntsiab lus
    zoo nyob hauv phau ntawv no, nws tsis yog yuav pab tau nej lub neej xwb, tabsis
    nej tseem yuav muaj peev xwm qhia thiab pab tau nej tej txheeb thiab tej ze.
    Cov lus sau nyob rau hauv no, kuv txhob txwm tsis muab txhais vim tias kuv xav
    kom nyias txhais li nyias kev xav thiab pom. Yog tias nej leeg twg ho xav kom kuv
    muab txhais me ntsis, thov nej hais qhia es kuv mam li piav me ntsis qhia rau nej.
    Qhov tseem ceeb, ib zaj lus twg nws kuj txhais tau ntau yam. Tsis tag li xwb, yog
    tias kuv muab txhais lawd ces nej yuav tsis muaj kev xav txawv thiab pom txawv
    lawm.

    Phau ntawv no muaj txog li 210 phab ntawv, thiab kuv tseem tabtom muab sau
    kom zoo thiab tiav xwb. Yog nej leej twg ho tau nyeem ob peb nplooj no, thiab
    xav tias phau Lus Txuj Ci no yog ib phau ntawv muaj nqis, thov nej ho hais qhia
    kuv paub. Yog tias tsis muaj neeg ntshaw thiab xav tias zoo ces tej zaum kuv yuav
    muab tso rau hauv kuv qhov vejxaij (website as random quotes) xwb.

    Vim li Cas Kuv Thiaj Sau Phau Ntawv No?


    Peb Hmoob yeej ib txwm muaj kev txawj ntse li luag lwm haiv neeg, tabsis vim
    yog peb tsis muaj ib lub tebchaws. Yog li, peb tsim tsis tau ib co ntawv uas yuav
    los sau tau peb tej txuj ci cia, thiab muab khaws tseg li. Thaum zoo li no lawd, peb
    thiaj ua neej tsis vam meej. Ib tsob ntoo twg yuav muaj tawg paj thiab txi txiv taus
    los nws yuav tsum muaj lub hauv paus, cag thiab daim av. Peb tej txuj yuav nyiam
    phem npaum li tus nquab lub zes los peb yuav tsum muab sau thiab khaws tseg; es
    ib tiam dhau ib tiam peb thiaj yuav paub txhim kho kom zoo zuj zus lawm yav pem
    suab. Yog nej leej twg ho paub tej zaj kuv tsis muaj lossis yog nej tsim tau tej zaj
    es ho xav kom kuv muab sau rau hauv no, thov nej hais qhia kuv paub es kuv yuav
    zoo siab tso nej npe rau tom qab ntawm nej cov zaj lus txawm yog qub los yuav
    tso nej npe rau vim nej yog tus nco txog thiab pab kuv.

    Yuav Siv Phau Ntawv No Mus Li Cas?


    Phau ntawv Lus Txuj Ci no muaj ntau~ zaj lus uas Hmoob hu tias lus tshooj vim
    nws muaj ob fab los sib tshooj, xws li zaj lus hais tias, “Zoo ntxov zoo rov.” “Zoo
    ntxov”yog fab ib hos “zoo rov” yog fab ob. Ces ob fab lus no los mus ua ib tshooj.
    Thiab tseem muaj txuam rau lus paj huam, xws li “Nyuj kub tsis hnav nyuj hau.”
    Ntxiv mus kuj muaj cov lus kuv hu tias lus “Txuj Ci”, xws li “Ruam noj ntau es
    ntse noj tsau.”
    Cov zaj lus uas muaj “–qub” nyob rau tom kawg nws qhia tau tias yog ib zaj lus
    Hmoob yeej ib txwm siv thiab paub ntev los lawm. Cov uas tsis muaj li ces yog cov
    kuv tsim tshiab lossis muab hloov me ntsis los ntawm cov qub lawm. Cov ho yog
    los ntawm lwm haiv neeg, xws li Lostsuas, Askiv thiab Suav los yuav muaj lawv
    npe qhia rau nej paub tias yog haiv neeg twg tsim los.
    Tsis Lees lossis Tsis Lav
    Thov tshaj tawm rau nej txhua leej paub tias cov lus, zaj lus, thiab kev qhuab qhia
    nyob rau hauv phau ntawv Lus Txuj Ci no tsuas yog ib cov lus ntuas thiab qhia
    txog neeg kev ua neej xwb. Cov lus no tsis tau txhais tias yuav pab nej lossis ua
    rau nej zoo yog nej ua raws li hais, thiab ho yuav phem yog tias nej tsis ua li hais.
    Yog li, kuv yuav tsis lees, tsis lav, thiab tsis pab yog tias nej siv cov lus no es ho
    txhaum kev cai lossis ua rau tub qhaug thiab txhaum lwm leej lwm tus neeg.
    Nej siv phau ntawv thiab cov lus no ces yog nej lees paub thiab pom zoo tias nej
    txaus siab siv los ntawm nej tus kheej xwb, thiab nej paub txog cov lus kuv tsis lav
    thiab tsis lees uas tau hais los no lawm.

    Rua muag thiaj yuav pom ntuj; rua siab thiaj yuav pom txuj.
    Tus ruam hais lus thuam; tus ntse hais lus de.
    Lub hnub qub ci npaum li cas los yog muab faus tseg xwb ces yeej tsis muaj neeg
    pom. Kev txawj ntse thiab tswv yim zoo npaum li cas los yog zais tseg ces yeej tsis
    muaj neeg paub.
    Tus neeg txawj swb tus neeg ntse.
    Coob leej kawm txawj tsawg leej kawm ntse.
    Tus neeg txom nyem yog tus paub Ntuj; tus neeg paub txuj yog tus tsis hnav zoo.
    Txhua leej xav noj qab, tabsis tsawg leej thiaj kam lauj npab.
    Txhua leej xav hnav zoo, tabsis tsawg leej thiaj kam tsoo.
    Muaj tsaus thiaj muaj kaj; muaj nkhaus thiaj muaj ncaj.
    Muaj ib txoj kev nkhaus zoo tshaj kaum txoj kev ncaj tsis tau tho.
    Dab yeej muaj yog yus pom; Tswv Ntuj yeej muaj yog yus ntseeg.
    Tus neeg Ntuj pab yog tus lauj npab; tus neeg Ntuj cawm yog tus neeg muaj
    kawm.
    Tswv Ntuj yeej hlub txhua leej, tabsis Tswv Ntuj tsis pub txhua leej.
    Ruam ua neej nyob ywj siab; ntse ua neej nyob lwj siab.
    Tus ruam yeem pluag; tus ntse yeem tuag.
    Yog peb hais tias peb yog neeg Ntseeg Ntuj, peb yuav tsum hlub cov tsis muaj av
    tsuj.
    Yog tus ntiv taw twg mob, tus ntawv haj yam dawm loj pob.

    Ruam nyiam hais lus maj; ntse nyiam hais lus tshaj.
    Tus neeg tsis ntshai tuag ces nws yeej dab; tus neeg tsis ntshai tshaib plab ces nws
    yeej kev pluag.
    Yog koj yog ib tus neeg nyiam zoo meej koj yuav ua tsis tau ntau yam.
    Yog ua thawj zaug es tau zoo meej ces yog muaj hmoo.
    Ntov ntoo saib seem; hais lus saib fab.
    Tus neeg nplua nuj Ntuj tsis khaiv; tus neeg txawj txuj Ntuj tsis xaiv.
    Yog thaum dej nro es tsis pom qab thu ces thaum yus chim los tsis pom qab xav.
    Coob leej ua npau suav tabsis tsawg leej thiaj ua tau yuav.
    Tus neeg tso paus tsis hnov nws paus tsw.
    Tsob ntoo twg txi txiv hnyav tshaj nws cov ceg ces yuav ntshau; tus neeg twg ev
    hnyav tshaj nws lub duav ces yuav vau.
    Pom tshiab ua rau xav hnav; pom qab ua rau xav noj.
    Noj tsau ces dhuav; noj ntau ces ntuav.
    Ruam hais lus kom mob siab; ntse hais lus kom yog ntsiab.
    Ntse paub zam txim; ruam paub khaws chim.
    Tub nkeeg ncauj ncab; tub sab ncauj nte – qub.
    Ntse los tsuas khwv txaus nws coj; ruam los tsuas thov txaus nws noj.
    Txuj ci zoo li lub hli – tsuas ci thaum tsis muaj lub hnub.
    Ib txhais tes npuaj tsis nrov; ib txhais taw sawv tsis ntseg–qub. Los ntawm Txoov
    Neeb Xyooj.
    Tsis yog yus num txhob mus thab; tsis yog yus Dab txhob mus teev.
    Neeg ruam hais lus mob; neeg ntse hais lus tob.
    Neeg siab luv feem ntau yog neeg ntse; neeg siab me feem ntau yog neeg loj.
    Ib koog zoov yeej muaj ib tsob pos; ib lub zos yeej muaj ib tug khaub.
    Muaj zoo txuj tsis qhia ces yuav ploj; muaj zoo noj tsis siv ces yuav puas.
    Neeg ntshai yam neeg tsis paub; neeg xaub yam neeg tsis pom.
    Muaj peb hom neeg: 1) ua tau, 2) xaiv tau, thiab 3) xav tau.
    Tus neeg paub tab ces tsis ntshai Dab; tus neeg paub txuj ces tsis ntshai Ntuj.
    Coob leej neeg xav ntse, tabsis tsawg leej neeg xav kawm.
    Ruam noj tsuav yog qab; ntse noj tsuav yog tsis muaj kab.
    Thaum hluas nyiam noj qab zib; thaum laus nyiam noj qab tsib.
    Ruam hais zog; ntse hais yog.
    Yog tsis muaj Tswv Ntuj ces foom yeej tsis khaum.
    Tus ua kev phem yuav tuag txom nyem; tus ua kev zoo yuav tuag nto moo.
    Tsiaj txhu tuag ces tsov noj; tsov tuag ces tsiaj txhu loj.
    Tus neeg ua phem vim nws tsis tau pom Tswv Ntuj.
    Neeg tsis pom Ntuj, tabsis Ntuj pom neeg.
    Ntes yoov ntes lawv qab; ntes nab ntes tuav tw.
    Hnov tsw lwj ces yog muaj poj ntxoog; hnov tig toog ces yog muaj dab.
    Ib koog zoov yeej muaj ib tug nab; ib koog tsua yeej muaj ib tug dab.
    Txoj kev ua neej nyob ces zoo li tho kev: tus tho ncaj ces tsuas poob tsag, tabsis
    tus tho nkhaus ces poob tsua.
    Txhua yam neeg ua txawm phem thiab zoo los puav leej rov los rau neeg ntoo.
    Pluag npaum cas los txhob tub sab; ncab npaum cas los txhob tub nkeeg.
    Tus neeg ncaj luag nyiag los tsis pluag; tus neeg nquag luag mob los tsis nkees.
    Tus neeg siab dub yuav tuag rau chaw tsaus; tus neeg siab nkhaus yuav tuag rau
    chaw phem.
    Tus neeg ua zoo Tswv Ntuj hlub; tus neeg ua pub Tswv Ntuj qhuas.
    Neeg plab hlaub yiag ntxiag yog neeg ev tsis taus qoob; neeg plab hlaub ntug
    ntoob yog neeg ev taus hnyav.
    Neeg pluag noj tsis txuag; neeg muaj noj tsis seem.
    Thaum peb hloov peb txoj kev xav ces yam peb ntsia los yeej txawv txav.
    Tus ntshaw txoj kev plees yuav puas rau txoj kev nrauj.
    Xub pom qhov dub ces tsis hlub; xub pom qhov zoo ces tsis nroo.
    Ntov tsob ntoo ces tau txiv noj ib pluag, tabsis de txiv noj xwb ces ntau tiam noj
    los tsis paub tsuag.
    Tsiaj ntse txawj cog qoob; tsiaj ruam tsuas paub nqos noob.
    Txiv tsis raug hnub txiv tsis liab; neeg tsis raug kub neeg tsis ris siab.
    Neeg yuam kev vim yog kev maj; neeg muaj teeb meem vim yog tsis ceev faj.
    Tsis yog mus txoj kev ncaj es thiaj txog, tabsis yuav tsum taug txoj kev yog es thiaj
    tshwm.
    Yog koj tsis xav tias muaj ntxhw ces txawm koj tuav nws tw los koj yuav tsis
    paub.
    Xav~ ntau ces thiaj li tau; xav~ paub ces thiaj li ciaj Saub.
    Tus txawj tsis nco los qhia; tus ntsia tsis nco los saib.
    Tus neeg pluag los tshaib nyiaj; tus nquag los tshaib plab.
    Thaum neeg ntshaw nyiaj, neeg tsis nco qab txog kev tsim txiaj.
    Twv tau txiaj yuav ua rau yus pluag; khwv tau nyiaj yuav ua rau yus nquag.
    Qia dub yog thawj kauj ruam ntawm kev muaj nyiaj; tsim txiaj yog thawj kauj ruam
    ntawm kev muaj hmoo.
    Hlub tus muaj ces tau meej mom zoo; hlub tus pluag ces tau Ntuj koob hmoo.
    Tus neeg ncaj ncees thov ntuj ces ntuj pub; tus ruam thov ntuj ces ntuj hlub.
    Tus hais qhia yog tus tsis paub ua; tus hais tshua yog tus tsis paub hlub.
    Yam yus nyiam ces ua zoo; yam yus nroo ces ua puas.
    Ntshaw noj qab tshaj tshaib noj.
    Hais lus hlub ces sib tshua; hais lus ntxub ces sib tua.
    Ruam ntshai ua yuam kev; ntse ntshai ua luag qhev.
    Yuav thaum tshiab, tabsis xav rau thaum qub; yuav thaum hlub, tabsis xav rau
    thaum ntxub..
    Ruam ua neej vim txoj kev deev; ntse ua neej vim txoj kev seev.
    Tus tau txij nkawm nquag thiab siab ntev ces yuav tau nom ua; tus tau txij nkawm
    tub nkeeg thiab siab dev ces xav mus dhia tsua..
    Tsis txhob tham tus yus tsis kam yuav; tsis txhob tuav tus yus tsis kam hlub.
    Tsis txhob saib tsiaj pub zaub; tsis txhob tu plaub saib neeg.
    Txawm ntse thiab ua nom loj npaum li cas los yuav khiav tsis dhau txoj kev khaum
    yog tias yus coj tsis ncaj.
    Yog muaj sibceg ces yuav muaj sib ntaus; yog muaj sibntaus ces yuav muaj sib tua.
    Tus neeg ncaj thov Ntuj pab; tus nkhaus thov Ntuj xyab.
    Tus neeg siab ncaj thov Ntuj los; tus neeg siab phem thov Ntuj qos.
    Cog paj ces tau txiv noj; cog pos ces tau saus coj.
    Pom zaub mov qias ua rau tsis tshaib plab.
    Ib tug qus nrog kaum tus seej ces nws seej; ib tug seej nrog kaum tus qus ces nws
    qus.
    Tus neeg ntuas phem yog nws hlub; tus neeg ntuas ntxub yog nws tshua.
    Ntawv raug los yuav tsum txawj ua zoo; muaj hmoo los yuav tsum yog txawj hlub.
    Ua ntej yus yuav thuam, yus yuav tsum paub qhov tseeb; ua ntej yus yuav txeeb,
    yus yuav tsum paub qhov zoo.
    Yog tau noj lawm ces yuav tsis xawb; yog tau tshawb lawm ces yuav tsis nrhiav.
    Niaj hnub ntaus ua rau luag ntxub; niaj hnub hlub ua rau luag dhuav.
    Ntaus ces mob tawv cem ces mob plawv.
    Txhob ncaws dev es dev thiaj li tsis paub tom ko taw.
    Thaum hluas ntshaw kev deev; thaum laus ntshaw kev hlub.
    Yog tsis txom nyem txaus yuav tsis paub hlub; yog tsis ntxub txaus yuav tsis paub
    nco.
    Tsis txhob muab ib txhais tes mus tuav ob tus ntses – Lostsuas.
    Hlub ntiav ces khiav; hlub tob ces nyob.
    Txawj ntxias ces tau kev hlub; txawj dag ces tau kev ntxub.
    Tus ua dev ntsuav yog tus tau tuav; tus txaj~ muag yog tus tsis tau puag.
    Tus neeg ntxub ces tsawg tus zov; tus neeg nyiam ces coob tus kov.
    Ruam xav yuav poj Huab Tais; ntse xav yuav tus mloog hais.
    Nyuj quav tsis tsw nyuj ntswg.
    Yog tus yus hlub, yus tsis pom nws qhov dub.
    Tus neeg muaj nyiaj hnav ntuag; tus neeg pluag hnav zoo.
    Tsis pom dej dag siab tsis nqig–qub.
    Zoo nraug ces tau nkauj Sua, tabsis txhais tsis tau tias tau neej zoo ua.
    Neeg hais ntawm ncauj tias hlub, tabsis hauv neeg siab ces yeej dub.
    Ntshaw dhau ces ntshaw tau; ntshai ntau ces ntshai tau.
    Hla dej ces yuav tau hle khau; tsiv teb tsaws chaw ces yuav tau hle hau – qub.
    Thaj av twg yog muaj nceb ces xyoo twg los yeej rov tuaj nceb.
    Tus neeg ntse hais lus tsawg; tus neeg ruam hais lus tseeb.
    Tho kev ncaj ces neeg taug; tho kev nkhaus ces neeg hla.
    Xaiv~ tau paiv; xuas~ tau ruas -- qub.
    Ruam xaiv tus zoo nkauj; ntse xaiv tus tsis nrauj.
    Ruam xaiv tus muaj nyiaj; ntse xaiv tus tsim txiaj.
    Yog tsis muaj ib tug dej tus, ces yeej tsis muaj ib tug neeg ncaj.
    Piav kev plees ntau ces yuav sib deev; piav kev hlub ntau ces yuav sib tshua.
    Ruam xaiv tus zoo tshaj; ntse xaiv tus coj ncaj.
    Ntse ua txuj tsis nyiam kov; ruam ua hnub ua hmo zov.
    Ruam ua txhua yam kom tau hlub; ntse hlub txhua yam kom tau ua.
    Thaum hluas xav ntsoov txog kev sib hlub; thaum laus xav ntsoov txog tej ntxhais
    thiab tej tub.
    Zoo nkauj thiab dab tuag yog los ntawm lub ntsej muag.
    Zoo nkauj thiab dab tuag yog pom ntawm tus saib lub qhov muag.
    Txheej nrauv zoo nkauj; txheej hauv zoo nrauj.
    Txiv tawv ntxhib yog txiv noob qab zib.
    Tus neeg kawm ntawv siab feem ntau yog tus dab tuag.
    Nco~ luag thiaj tso; hlub~ luag thiaj ntxub.
    Ruam xaiv tus zoo tawv; ntse xaiv tus zoo plawv.
    Ruam xaiv tus hnav tshiab; ntse xaiv tus zoo siab.
    Ruam xaiv tus nplua nuj; ntse xaiv tus txawj txuj.
    Ruam xaiv tus du dais; ntse xaiv tus mloog hais.
    Ruam xaiv lub cev; ntse xaiv lub tsev.
    Cog txiv ces saib qoob; tseg noob ces saib loo lossis ntoo.
    Thaum hluas muab zog pauv nyiaj; thaum laus muab nyiaj pauv zog.
    Thaum yus pluag tsis muaj neeg hlub; thaum yus nquag tsis muaj neeg ntxub.
    Yuav tus hluas saib tus laus; yuav tus ntse saib tus ruam.
    Ib res nplej yeej muaj ib lub npluag.
    Xav kom muaj nyiaj yuav tsum txuag nyiaj zoo tshaj yus ob lub qhov muag.
    Neeg nplua nuj tsis xyob nyiaj; neeg muaj txiaj tsis nkim qhauv.
    Tsis xav kom pluag yuav tsum khaws txhua yam yus muaj.
    Txoj kev zoo me tshaj daim lag zeb; txoj kev phem dav tshaj ib plas teb.
    Tau txij nkawm zoo ces neeg zej zog qhuas; tau txij nkawm phem ces raug neeg
    zej zog ntuas.
    Ntov ntoo saib ceg qhuav – qub.
    Poj dab ncauj ncab; poj qhe ncauj nte – qub.
    Pluag los mag poj niam nrauj; nplua nuj los mag poj niam lauj.
    Ruam los mag poj niam thuam; ntse los mag poj niam de.
    Ruam muab dag zog mus phov; ntse muab kev txawj mus lov.
    Tus neeg cev pham nphoob yog tus neeg zoo qoob.
    Yus tsis nco qab hnub, tabsis yus nco ntsoov tias tau hlub.
    Tau ua ces nco li npau suav; tau tuav ces nco mus ib txhis.
    Tus txawj kov tsis nco ntev npaum li tus txawj tshov.
    Tus ruam npaj zog; tus ntse npaj yog.
    Poj niam lus mos txiv neej lus nchav; poj niam siab nqaim txiv neej siab dav.
    Riam ntse tsuas muaj npub; riam npub tsuas muaj hov.
    Tsis yog ua ntau zaus es khov, tabsis yog ua zoo txaus es tsis lov.
    Qhov noj qab tsis npaum qhov xav; qhov ua zoo tsis npaum qhov cav.
    Lo lus txawv nyob hauv plawv; lo lus tshiab nyob hauv siab.
    Hlub ntau dhau tsis sibtau; hlub tsis txaus tsis sibxaus.
    Tus neeg tuag yeej yog tus zoo; tus ntses dim yeej yog tus loj.
    Tus ntoo muaj nplooj ntau yog tus ntoo ceg nkhaus.
    Ua neej nyob tsis txhob qhia tag siab; tsam luag paub ces luag saib yus zoo li tus
    liab.
    Thaum tsis tau hlub, pom poj niam zoo nkauj; thaum hlub tas, txiv neej muab poj
    niam nrauj.
    Thaum tsis tau hlub poj niam tsis nco; thaum hlub tas poj niam tsis kam tso.
    Tsis yuav tsis txhob hais tias hlub; tsam hlub tag ces tau ntuj dub.
    Hlub coob leej tsis tau tus yuav; hlub tsawg dhau tsis tau tus tuav.
    Yam yooj yim ces txhua leej txhua tus tsim; yam nyuaj ces txhua leej txhua tus
    ntshai.
    Kev ua neej tsis yog loj thiab me tabsis yog kev txawj thiab ntse.
    Ib rab riam ob sab ntse – qub.
    Ib lub quav tsuag ua puas tag ib tsus mov – qub.
    Riam tsis siv yuav xeb; tswm yim tsis nthuav yuav ploj.
    Nyiaj kub los txawj poob nqis; kev hlub los txawj paub tsuag.
    Lub tswv yim yuav tsum muab xav; xws li tsob ntoo uas niaj hnub niaj hmo hlav.
    Dag ruam ces ruam pub; dag ntse ces ntse ntxub.
    Tau pov haum los yog yus tsis tsim txiaj ces yeej tsis muaj hmoo; tau ua niam poj
    Huab Tais los yog yus tsis ncaj ncees ces yeej tsis muaj zoo.
    Tub pluag mus nrhiav pov haum thoob ntuj; tub nquag pib khwv ntawm nws taw
    tsuj.
    Ruam noj ntau; ntse noj tsau.
    Xav kom yuag yuav tsum yoo kom dhau peb hnub; xav kom nplua nuj yuav tsum
    txuag nyiaj kom dhau peb hlis.
    Zoov ntsuab vim yog zoo roob hav; qoob loo ntsuab vim yog muaj zoo av.
    Txuj lom ua rau zaub mov ntxim qab; saw npab ua rau tib neeg ntxim nyiam.
    Txiv neej ruam tuag rau nkauj Kub Kaws; poj niam ruam tuag rau nraug Kub Ko.
    Tus neeg phem pom qhov zoo; tus zoo pom qhov phem.
    Ruam ces noj yam qab hauv ncauj; ntse ces noj yam pab hauv nrog.
    Xav pev thoob nrav, xav nrav thoob pev mam li ua thiaj tsis yuam kev.
    Yuav tsum ntsuas ob lwm mas txiav ib zaug.
    Tus ntshai pluag yog tus txuag; tus ntshaw muaj yog tus khwv.
    Neeg tsis nco kaum hnub tshav, tabsis neeg cav kaum hnub tsaus.
    Cov me nyuam yug los me, feem ntau, yog cov me nyuam ntse.
    Yog ua tag los yuav tsis loj thiab tsis yau ces tsis tas ua los tau.
    Yog tau ua, ua kom yog thiab zoo es ua tag thiaj li yuav nto moo.
    Lam taus lam ua ces yog yuav rov ua dua.
    Coob leej hnov qeej nrov tabsis tsawg leej paub qeej suab.
    Ua tsis yog rau lwm tus qhuas; ua kom yus qhuas thiab nyiam.
    Muaj nyiaj muaj kub tsis zoo npaum muaj tus los hlub.
    Thaum hluas ntshaw txoj kev dhia; thaum laus ntshaw txoj kev muaj sia.
    Pas dej me tsis muaj ntse loj.
    Niam txiv coj phem tub ki tau txom nyem; niam txiv coj zoo tub ki tau koob hmoo.
    Tus neeg tsis muaj kev tsim txom tsis paub sib hlub; tus neeg tsis muaj kev ntxub
    tsis paub sib nco.
    Yog dag me ntsis es yuav ua rau zoo siab ces zoo tshaj qhia lub ntsiab es ua rau
    chim.
    Pluag tsis ntshai tuag; nquag tsis ntshai mob.
    Hais txog kev kawm ntawv ces tus xub kawm yeej xub paub, tabsis hais txog kev
    paub los ntawm yawm Saub ces yog tus nws xaiv.
    Tus neeg paub Ntuj hais lus saib Ntsuj; tus neeg paub ntawv hais lus saib plawv.
    Yog tsis muaj Tswv Ntuj ces foom yeej tsis khaum.
    Ib leeg muaj npau suav zoo tshaj kaum tus pw ua qaj; ib leeg sawv los tsaj zoo dua
    kaum tus pheej los qhia.
    Riam npub cia tsoo txha; riam ntse cia hlais nqaij.
    Ntse muaj nyiaj ces ntse tsis pluag; ruam muaj nyiaj ces ruam tsis txuag.
    Tus neeg siab ncaj pw ces ua qaj qog; tus neeg siab phem ces pw tsis tsaug zog.
    Tus ruam ntsia pom luag daim tiab; tus ntse ntsia pom luag nplooj siab.
    Poj ntsuam txawj hlub; poj nrauj txawj ntxub.
    Dev tsis paub tom tsis txhob ncaws dev.
    Tsis muaj neeg xav ncaws tus dev tuag.
    Khaus twg khawb twg xwb – qub.
    Ib tsob nplej yeej muaj ib lub noob qoos.
    Ntse thuam ces ruam; ruam nthe ces ntse.
    Tus neeg nkhaus hais lus tsis tag; tus neeg ncaj hais lus tsis dag.
    Neeg siab phem cem tsis quaj; neeg siab tawv hlawv tsis ntshai.
    Niam txiv nquag ces tub ki pluag; niam txiv muaj ces tub ki nkees.
    Nyuj kub tsis hnyav nyuj hau – qub.
    Nyuj tawv nyuj tsis pom dub; nyuj kub nyuj tsis pom ncau.
    Nyuj quav nyuj tsis hnov tsw; nyuj tw nyuj tsis pom phem.
    Kev twv txiaj yog kev pluag; kev nquag yog kev tau noj.
    Daim teb tsis muaj nroj yog daim teb tsis zoo qoob.
    Luag pom pos hniav ua rau luag khiav.


    =================== XAUS LI NO XWB ====================


    Kawg no, kuv vam thiab cia siab tias yuav muaj zaj puav lus Txuj Ci hauv phau
    ntawv no zoo thiab yuav pab tau nej. Zoo li tej noob txiv, txawm qoos thiab zoo
    npaum li cas los yog yus tsis muab cog ces tsuas muaj lwj xwb. Tabsis yog muab
    cog thiab niaj hnub ywg dej lawd, tsuas yuav muaj nthaw kaus, tawg paj thiab
    tseem yuav huam vam mus thoob ntiaj teb los kuj tsis paub.

    Jay Xiong
    http://www.HmongDictionary.com




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5189
    Date d'inscription : 2009-08-18

    Re: HAIS PAJ LUG

    Post  Maiv Tooj on 28th October 2010, 10:34 am



    Yam tham tsis tham ces yuav ploj
    Yam noj tsis noj ces yuav lwj

    Yam kawm ces kawg tag los yuav kawm ntxiv
    Kawm kom tag yus ib sim
    Yam tshiab, tshiab hnub no yuav qub taig kis.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5189
    Date d'inscription : 2009-08-18

    Re: HAIS PAJ LUG

    Post  Maiv Tooj on 8th November 2010, 7:28 am





    Tus hais lus tsis meej, mas hauj lwm yuav tsis tiav.
    Yuav tau rho riam los nyom dua ncauj, cog dua hniav.

    Ua neej, ua hauj lwm tsis tiav, yog hais lus tsis meej.
    Yuav rho dua riam los nyom dua hniav, cog dua ncauj.

    Ua xwm txheej, ua tsis raws li tej poj yawm txwv txoob.
    Hais lus tsis zoo, puas poj yawm tej qub yeej koob.

    Ua txwm txheej, ua tsis raws li poj yawm tej qub pheem kam.
    Hais lus tsis zoo, yuav puas poj yawm tej qub yeej ntxwv.





    Sponsored content

    Re: HAIS PAJ LUG

    Post  Sponsored content


      Current date/time is 21st February 2017, 12:19 pm