Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» Xib Hwb Thoj Xyooj lub neej
by Maiv Tooj Today at 5:53 am

» COV ZAJ NYEEM NRUAB LIS PIAM XYOO I 2016-2017
by Mim Yesterday at 8:12 am

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» COV ZAJ NYEEM HNUB CHIV XYOO A 2016-2017
by NrhiavTswvNtuj 1st December 2016, 12:54 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 1st December 2016, 12:35 pm

» XH. Yaj Zoov Ntxheb lub Tsev THOOB TSIB
by Maiv Tooj 1st December 2016, 12:33 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    Hmoob Guyane

    Share

    Yaj Suav Nus
    Phooj Ywg
    Phooj Ywg

    Messages : 279
    Date d'inscription : 2009-10-23

    Re: Hmoob Guyane

    Post  Yaj Suav Nus on 6th June 2012, 6:28 am

    Nyob zoo Maiv Paj Lug, Xeeb Zeej Kim thiab cov phooj ywg txhua tus,

    Hnub tim 31/10/2012 yog hnub noj peb caug, hnub uas cov ntseeg muaj lub txoos teev ntuj xaus xyoo laus, foom hmoov zoo rau qaib, qe, txhuv thc... Hnub tim 5/11/2012 yog hnub xaus tsiab peb caug.
    Maiv Paj Lug, kuv xav tias tsis tau lig rau qhov yuav hloov koj cov vacances,yog hloov yeej tseem tau.
    Hais rau koj thiab rau txhua tus tsis muaj tus txheeb txheeb nyov Guyane, nej yeej paub tias peb nyob ua ib zog, nej tuaj so rau ib yig twg los yeej tsis muaj teeb meem. Yog nej tsis paub yuav tuaj so rau ib yig twg kuv caw nej tuaj so hauv kuv tsev, tsev ti los neeg siab tsis ti es tuaj peb mam sis txiv nyob, ib los ntxiv: nej yeej paub kuv yog ib tug neeg zoo li cas lawm nej tuaj txog kuv tsev yog nej tsev, nej xav noj qab noj tsuag ywj nej ua vim rau qhov tus neeg lub siab tab taus nej lub cev nqaij thiab tes taw tab tsis taus, nej tuaj tsuav tau lub chaw so xwb los nej yuav tsis tu siab nej tsuas muaj yuav zoo siab xwb. Yog nej tuaj ib pab ua ke nej ho xav tias tsis xav tab kaum ib yig neeg twg li mas ntawm peb zos no tsis muaj tsev so (Hotel) li nyob hauv nroog, tab sis peb pawg ntseeg muaj ib lub tsev zoo txais qhua, twb tau txais qhua los lawm ntau pab, lub tsev no tsis muaj txaj rau cov qhua pw, tsua yog muab pam, lev los lwm yam los pua ua chaw pw thiab dai viav vais pw li cov Mab Qus, muaj chav dej rau sawv daws siv. Leej twg xav siv lub tsev no yuav xub teem ua ntej tsam muaj lwm cov xub teem lawm ces ho tsis tau. Xav teem sau ntawv tuaj rau: Paroisse de Cacao. Village de Cacao. 97352 Cacao. Guyane-Française. Yog tsis sau ntawv tuaj teem hais rau kuv los tau.
    Ib los ua Mab Sua tug, ib tug twg ho muaj mob los txhob ntaus siab me...Lub teb chaws kuv nyob no yog ib tug muaj mob lawm cov tsev kho mob tsis xub kom them tus nqe kho mob ua ntej, luag xub cawm tus neeg mob kom zoo tso vim tib neeg txoj sia yog ib yam tseem ceeb, thaum tus neeg mob zoo lawm nws muaj txoj hau ke them los haj yam zoo, yog tus tsis muaj los lub teb chaws muaj txoj hau ke pab nws kho mob yam tsis tau them dab tsis li. Nyob hauv peb zos muaj ib lub tsev kho mob me pab sawv daws yam tsis tau them dab tsis.

    Lus muaj li no xwb, xav paub ntau tshaj nug kuv tau, Thov kom nej tau txhua yam raws siab xav.

    Y. Suav Nus

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Hmoob Guyane

    Post  Maiv Paj Lug on 7th June 2012, 9:39 am

    Yaj Suav Nus wrote:Nyob zoo Maiv Paj Lug, Xeeb Zeej Kim thiab cov phooj ywg txhua tus,

    Hnub tim 31/10/2012 yog hnub noj peb caug, hnub uas cov ntseeg muaj lub txoos teev ntuj xaus xyoo laus, foom hmoov zoo rau qaib, qe, txhuv thc... Hnub tim 5/11/2012 yog hnub xaus tsiab peb caug.
    Maiv Paj Lug, kuv xav tias tsis tau lig rau qhov yuav hloov koj cov vacances,yog hloov yeej tseem tau.
    Hais rau koj thiab rau txhua tus tsis muaj tus txheeb txheeb nyov Guyane, nej yeej paub tias peb nyob ua ib zog, nej tuaj so rau ib yig twg los yeej tsis muaj teeb meem. Yog nej tsis paub yuav tuaj so rau ib yig twg kuv caw nej tuaj so hauv kuv tsev, tsev ti los neeg siab tsis ti es tuaj peb mam sis txiv nyob, ib los ntxiv: nej yeej paub kuv yog ib tug neeg zoo li cas lawm nej tuaj txog kuv tsev yog nej tsev, nej xav noj qab noj tsuag ywj nej ua vim rau qhov tus neeg lub siab tab taus nej lub cev nqaij thiab tes taw tab tsis taus, nej tuaj tsuav tau lub chaw so xwb los nej yuav tsis tu siab nej tsuas muaj yuav zoo siab xwb. Yog nej tuaj ib pab ua ke nej ho xav tias tsis xav tab kaum ib yig neeg twg li mas ntawm peb zos no tsis muaj tsev so (Hotel) li nyob hauv nroog, tab sis peb pawg ntseeg muaj ib lub tsev zoo txais qhua, twb tau txais qhua los lawm ntau pab, lub tsev no tsis muaj txaj rau cov qhua pw, tsua yog muab pam, lev los lwm yam los pua ua chaw pw thiab dai viav vais pw li cov Mab Qus, muaj chav dej rau sawv daws siv. Leej twg xav siv lub tsev no yuav xub teem ua ntej tsam muaj lwm cov xub teem lawm ces ho tsis tau. Xav teem sau ntawv tuaj rau: Paroisse de Cacao. Village de Cacao. 97352 Cacao. Guyane-Française. Yog tsis sau ntawv tuaj teem hais rau kuv los tau.
    Ib los ua Mab Sua tug, ib tug twg ho muaj mob los txhob ntaus siab me...Lub teb chaws kuv nyob no yog ib tug muaj mob lawm cov tsev kho mob tsis xub kom them tus nqe kho mob ua ntej, luag xub cawm tus neeg mob kom zoo tso vim tib neeg txoj sia yog ib yam tseem ceeb, thaum tus neeg mob zoo lawm nws muaj txoj hau ke them los haj yam zoo, yog tus tsis muaj los lub teb chaws muaj txoj hau ke pab nws kho mob yam tsis tau them dab tsis li. Nyob hauv peb zos muaj ib lub tsev kho mob me pab sawv daws yam tsis tau them dab tsis.

    Lus muaj li no xwb, xav paub ntau tshaj nug kuv tau, Thov kom nej tau txhua yam raws siab xav.

    Y. Suav Nus

    Aws.. Ua li os Suav Nus, yog koj hais li lawm, cia yog hnub twg peb yuav tuaj xyuas Guyane mam li qhia koj paub, yog xav xaub lawv lub tsev pw hauv Paroisse de Cacao los mam qhia koj nawb, thiab yog tsis muaj chaw lamw no mam tuaj so hauv koj, es hais txog kev ua noj ua haus xwb ces peb yeej npaj peb, tsuav yog tau chaw so kom txhob tau pw nraum zoov xwb os, ua tsaug ntau koj tseem siab dawb siab zoo pub peb so hauv koj tsev od mog. Txhob poob siab yog peb tuaj so hauv koj tsev os , yeej yuav tsis pub kom koj ntxhov siab li, tsuas muaj kev zoo siab nrog txhua leej txhua tus xwb. J:




    <3 <3 Pab kuv rov los cuag koj Huab Tais Yesxus <3 <3

    Lajpovyaj
    Phooj Ywg
    Phooj Ywg

    Messages : 166
    Date d'inscription : 2009-12-03
    Age : 56
    Localisation : USA

    Re: Hmoob Guyane

    Post  Lajpovyaj on 13th June 2012, 3:20 am

    Nyob zoo kuv txiv ntxawm suav nus Maivpajlug thiab cov phooj ywg sawv daws.
    Txiv suav nus koj cov paj no zoo nkauj heev kuv nyiam koj cov paj kawg nkaus.
    Kuv thov nug koj tias lub paj tsawb liab thiab lub paj tsawb paj yeeb yog nej cog noob los nej cog kaus tsawb li 3 cog tsawb nyeg tim nplog teb?
    Yog tias nej cog noob no kuv xav thov koj xa me ntsis noob tuaj pub kuv cog ntawm tog tsev tau saib ua chaw zoo nkauj.nyob USA no kuv tsis pom leej twg cog tau cov paj tsawb li koj 2 lub no li.
    Hais txog qhov yuav tuaj nrog nej noj 30 mas xav tuaj kawg kiag tab sis yus yog niag neeg muaj mob niaj hnub ceg tawv pluav xwb ces yuav tuaj tsis tau lub caij nim no li.cia seb nyob nyob mus kuv tus mob puas txawj zoo yog tias kuv tus mob txawj zoo zuj zus ces nyaj muaj 1 hnub twg yuav tuaj txog nej teb nej chaw thiab hos yog tus mob tsis zoo li ces ntshe tas tiam neej no yuav tsis muaj txoj hauv kev tuaj txog nej teb nej chaw lub chaw zoo nkauj li lauj mog.


    Yaj Suav Nus
    Phooj Ywg
    Phooj Ywg

    Messages : 279
    Date d'inscription : 2009-10-23

    Re: Hmoob Guyane

    Post  Yaj Suav Nus on 14th June 2012, 4:32 am

    Nyob zoo Xeebzeejkim thiav cov phooj ywg,
    Raws li kuv paub mas cov tsawb no tsis muaj noob, yuav cog ces yog khawb los yog txhiv cov kaus cog xwb. Luag txoj cai txwv tsis pub xa txhua yam uas yog nroj tsuag ces ntshai yuav pab tsis tau koj li lauj! Kuv xam pom muaj ib txog kev xwb: yog tias koj yog ib tug neeg muaj mob koj mus thov koj tus kws tshuaj pab ua ntawv kom tej nom tswv tso cai koj tuaj Guyane es koj tau cai nqa tshuaj ntsuab mus rau koh siv mas tej zaum yuav nyiag tau thiab.
    Ua tsaug koj nrog nyiam cov me nyuam tsawb no thiah.
    Tham me me li no vam tias koj yuav to taub lawm, Sis ntsib dua thiab nyob zoo koj ov!

    Y. Suav Nus

    Lajpovyaj
    Phooj Ywg
    Phooj Ywg

    Messages : 166
    Date d'inscription : 2009-12-03
    Age : 56
    Localisation : USA

    Re: Hmoob Guyane

    Post  Lajpovyaj on 14th June 2012, 12:42 pm

    Nyob zoo txiv suav nus'
    Kuv yeej xav tias yuav xa nyuaj zog li koj hais no lawm.
    Raws li America txoj cai luag yeej tsis pub tej nroj tsuag txiv hmab txiv ntoo uas tuaj txawv teb chaws tuaj nkag rau luag lub teb chaws yooj yim.
    Yog tias xa tsis tau li siab xav los tsis ua cas cia nyob nyob mus seb kuv puas muaj caij tuaj tau yog tias kuv muaj sij hawm tuaj tau nram ko no los mam li tham ntxiv mog.

    Yaj Suav Nus
    Phooj Ywg
    Phooj Ywg

    Messages : 279
    Date d'inscription : 2009-10-23

    Saib duab laug sij hawm ua si

    Post  Yaj Suav Nus on 7th July 2012, 6:40 am

    Nyob zoo cov phooj ywg txhua tus,
    Tso ib co duab saib laug sij hawm ua si, tsis tshua zoo los nej lam saib!
























    Cov duab saum no thau hnub tim 3/5/2012








    Cov duab saum no thau hnub tim 3/6/2012










    Cov duab saum no thau hnub tim 3/7/2012
    Tso li no ua ntej, lwm hnub nplej siav yog thau tau duab no mam rov tuaj tso dua.
    Ua tsaug rau nej cov sij hawm nrog saib, sis ntsib dua lwm zaus, nej sawv daws nyob zoo.
    (Kuv tsis to taub li!! cov duab hauv qab no thawj zaug kuv twb tso tau, ib teev tom qab ploj tag ?)

    Y. Suav Nus


    Last edited by Yaj Suav Nus on 7th July 2012, 1:53 pm; edited 3 times in total

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: Hmoob Guyane

    Post  Maiv Tooj on 7th July 2012, 10:12 am



    Nyob zoo txiv Suav Nus,

    Wow...! Koj yuav tuaj tso tau ib cov duab kho siab ua luaj li...! Zoo kawg, tej duab ntawm lub neej niaj hnub xwb los peb yuav tsum khaws tseg, vim muaj ib hnub yuav nrhiav tsis tau los ua tshuaj lawm. Ib yam li tej vaj tsev, yog tsis yees duab cia, muaj hnub xav rob pom tej qub vaj qub tsev los tsis tau li lawm. Ua tsaug ntau nawb txiv Suav Nus, koj tuaj tso ntau daim duab zoo heev ua Peb Hmoob tug khaws cia.

    Txiv Suav Nus, ob hnub no kuv hauj lwm ntau heev, muaj chaw tab kaum ntau, tsis muaj caij tuaj sau ntawv li, yog koj muaj caij no tuaj sau zaj puav rau peb tau nyeem nawb. Xav kom koj nug cov neeg laus, cov laus neeg, yog leej twg muaj tej zaj uas lawv thov tau Tswv Ntuj txiaj ntsim no thov koj sau ib cov rau peb tau khaws tseg. Vim nej nyob ua zej ua zos ces yuav yooj yim dua rau nej. Tim peb no ib tug nyob ib qho, yuav mus ib qhov rau ib qho mas tag yus ib hnub kiag li lawm. Tsis tag li los, hauj lwm ntau ntau ces twb lauj tsis tau lub caij mus nrog cov laus tham li thiab.




    Yaj Suav Nus
    Phooj Ywg
    Phooj Ywg

    Messages : 279
    Date d'inscription : 2009-10-23

    Txiv Plig Cwj Vuam Chiv tuaj nyob ob peb hnub hauv zos Cacao

    Post  Yaj Suav Nus on 10th July 2012, 6:47 am

    Nyob zoo cov phooj ywg,
    Txiv Plig Cwj Vuam Chiv tuaj Guyane nws ncig xyuas txhua qhov chaw muaj Hmoob nyob, nws ncig los txog rau ntawm peb zos Cacao no thiab nws nyob ob peb hnub kom tau ntsib sawv daws. Hnub Chiv uas yog hnub tim 8/7/2012 nws ua lub txoos nyob hauv peb lub tsev teev ntuj pab rau peb.



    Txiv Plig Cwj Vuam Chiv tau hais ntau los lus zoo kawg rau tag nrho cov ntseeg
    nws tau hais lus zoo rau:
    cov laus, cov hluas thiab cov neej tsa uas tsis yog Hmoob


















    Hnub Chiv yav noj hmo tas Txiv Plig Cwj Vuam Chiv txais ib co niam txiv,
    Txiv Plig tham txog kev txij nkawm raws li txoj kev ntseeg,
    sib pab txhua yam hauv lub cuab yig.


    Dhau hmo hnub Chiv tsaus ntuj lawm Txiv Plig tseem nyob ib tav su tos txais txhua txhua tus tuaj ntsib nws: tus xav daws txhaum los Txiv Plig ua lub Cim Daws Txhaum rau, tus muaj kev iab siab ntsim plawv txhua yam Txiv Plig pab lub tswv yim daws txhua yam iab siab ntsim plawv kom nws lub siab kaj, tus muaj kev zoo siab lom zem tuaj tham nws tej kev zoo siab lom zem Txiv Plig zoo siab nrog nws tsev neeg zoo siab thiab txhawb nqa nws tsev neeg kom nws tsev neeg haj yam yuav muaj kev zoo siab mus li tsis txawj tag thiab faib nws kev zoo siab rau ib tsoom neeg nyob ib ncig ntawm nws.

    Kuv hais ib lo lus ua Txiv Plig Cwj Vuam tsaug uas nws tau muab nws lub sij hawm muaj txiaj ntsim loj tas nrho tuaj nyob ob peb hnub hauv peb lub zos thiab pab peb ob peb yam tseem ceeb. Thov kom Huab Tais ntuj pov hwm thiab txuag Txiv Plig Cwj Vuam Chiv kom nws tsuas muaj ntsib keb noj qab nyob zoo, muaj lub tswv yim thoob tsib tshaj Lub Moo Zoo rau peb cov Hmoob nyob thoob plaws hauv lub ntiaj teb no.
    Vam tias peb sawv daws tseem yuav tau rov sis ntsib mus li rog peb tus Huab Tais Yex Xus Pleev.


    Y. Suav Nus




    Lajpovyaj
    Phooj Ywg
    Phooj Ywg

    Messages : 166
    Date d'inscription : 2009-12-03
    Age : 56
    Localisation : USA

    Re: Hmoob Guyane

    Post  Lajpovyaj on 13th July 2012, 4:06 am


    Nyob zoo kuv txiv ntxawm Suav Nus Y'
    Kuv zoo siab uas koj tuaj tso 1 co duab cog nplej hav nplej tab tom dauv tw qaib zom zes rau peb tau pom.kuv saib koj cov duab cog nplej thiab cog tsob puav tsawb sib nrhav rau hauv tej hav nplej mas ua rau kuv cav kho siab zim cav nco txog tej qub teb qub chaw tej qub liaj qub teb kawg thiab tiag.
    Kuv thov nug 1 los tias nej yeej cog nplej los noj li peb nyob nplog teb ntag los yog cog muaq ua lag luam xwb.
    Tos kuv ho nug koj li no los kuv saib cov teb npleg no mas tsis yog tsawg hos yeej yog cog ntau li thaumm ub peb nyob nplog teb es tej laus cog lawm.
    Kuv tham me ntsis rau koj tias thaum ub kuv nyob nram nruab nrab teb kuv yeej cog me ntsis nplej kom txaus noj 1 nyuag npluas mov nplej tshiab xwb.
    Thaum ub kuv cog tau me tsis nplej thaum hlais nplej tag cav muaj kab nas du lug hauv tej hav quav nplej li thaum peb nyob tim nplog teb thiab mas cav zoo li yus rov mus nyob lub qub neej thaum ub dua thiab.Kuv cav xav mus cuab ntxiab rau tej kab nas du lug hauv tej hav nplej li thaum ub peb me nyuam yaus es peb mus cuab tim nplog teb.
    Kuv ntsib koj li no xwb sib ntsib dua lwm zaus mog.

    Yaj Suav Nus
    Phooj Ywg
    Phooj Ywg

    Messages : 279
    Date d'inscription : 2009-10-23

    Re: Hmoob Guyane

    Post  Yaj Suav Nus on 13th July 2012, 7:05 am

    Nyob zoo xeebzeejkim,
    Cov nplej koj pom no muaj 2 tug tswv ib tug tswv txij qhov tsis muaj tsawb, cov nplej cog xyaw tsawb yog tus tswv tim ob li, 2 tug tswv ib txhij laij teb thiab ib txhij cog tib hnub. Cov nplej no tsuas yog cog kom tau noj mov nplej tshiab thiab coj los tuav ncuav thaum noj peb caug, yog nplej nplaum ntshav thiab nplej nplaum dawb. Peb cov tsis cog nplej ces tos thaum cov cog tau coj mus zom tas los ces nqa tshob mus thov ob peb tshob coj los tuav ncuav xwb tiag !
    Raws li koj pom cog tsawb sib nru, kuv tsis tau tham qhia nej cov tsawb no tus tswv cog ua tej leej nrug deb, nyob hauv cov kis nruab nrab ntawm cov tsawb tus tswv cog ib co yub txiv ntoo, tsawb thiab txiv ntoo tsis tau loj ces tus tswv thiaj cog nplej rau hauv cov kis nruab nrab tsawb thiab txiv ntoo raws li koj pom hau daim dua hauv qab no.




    Nyob ib ncig ntawm tsob tsawb no muaj ib co hauv paus nplej
    nyuam qhuav hlais tas thaum lub 4 hlis xiab.

    Kuv nrog koj tham li no xwb,sis nstib dua lwm zaus, koj nyob zoo.

    Y. Suav Nus

    Lajpovyaj
    Phooj Ywg
    Phooj Ywg

    Messages : 166
    Date d'inscription : 2009-12-03
    Age : 56
    Localisation : USA

    Re: Hmoob Guyane

    Post  Lajpovyaj on 13th July 2012, 4:55 pm

    Nyob zoo txiv Suav Nus'
    Zoo siab koj tuaj qhia qhov tseeb rau peb paub cov tsawb thiab nplej no zoo kawg thiab tiag yom.
    Daim duab hauv qab cov tsawb twb loj heev lawm lawv cog nplej rau kuj ntxim li yuav ntxoov kawg tab sis kuj zoo heev.

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Hmoob Guyane

    Post  Maiv Paj Lug on 14th July 2012, 10:52 pm


    Ua tsaug ntau Txiv Suav Nus uas koj tseem xa moo T.P Cwj Vuam chiv tuaj txog teb chaws Guyane rau peb taug nws qab thiab os, T.P Cwj Viam Chiv yog Tswv Ntuj leej tub txib zoo tswv zov yaj, nws mus txog qhov twg, nws sau Tswv ntuj pab yaj los ua ib cuab ua ib ke, T.P Cwj Vuam Chiv mas nto moo raws Yesxus qab, nws zoo li peb txhua tus txiv saib xyuas peb rau txhua txoj ke, pom T. P. tuaj txog nej lawm mas peb kuj nrog nej zoo siab kawg, T. P Cwj Vuam Chiv tej lus yog lus nyiaj lus kub, nws tuaj txog leej twg tsev, cuag li Huab Tais Yesxus nrog nws tuaj, peb sawv daws thov ntuj kom T. P. Cwj Vuam Chiv tsuas ntsib kev noj qab nyob zoo. Amen J: ...





    <3 <3 Pab kuv rov los cuag koj Huab Tais Yesxus <3 <3

    Yaj Suav Nus
    Phooj Ywg
    Phooj Ywg

    Messages : 279
    Date d'inscription : 2009-10-23

    Hwm Niam Mab Liab nce mus saum ntuj

    Post  Yaj Suav Nus on 16th August 2012, 8:05 am

    Nyob zoo cov phooj sawv daws,
    Tau ib nyuag ntu tsis tau tuaj nrog sawv daws sib tham, hnub no kuv tuaj tso ib co duab, txhua xyoo cov ntseeg muaj kev nquam tus mlom Niam Mab Liab taug txoj kev hauv zos mus txog rau hauv lub tsev teev ntuj. Tso ib co duab ua lus sis tham thiab ua puav pheej.



    Chaw teem cov ntseeg tuaj sib sau ua ke yog ntawm lub khw














    Sawv daws mus ib me nyuam ntu kev ces nres me ntsis
    hais ib lo lus thov Niam Mab Liab pab cev rau nws Leej Tub
















    Thaum txog ntawm tsev teev ntuj lawm cov tub ntxhais pab,
    Xib Hwb thiab Txiv Plig cia cov ntseeg mus ua ntej rau hauv tsev teev ntuj









    Ua tsaug rau nej cov sij hawm nrog kuv saib duab, muaj lwm yam peb mam sib tham dua, nej sawv daws nyob zoo.

    Y. Suav Nus

    Yaj Suav Nus
    Phooj Ywg
    Phooj Ywg

    Messages : 279
    Date d'inscription : 2009-10-23

    Nplej siav lawm lau !

    Post  Yaj Suav Nus on 4th September 2012, 4:14 pm

    Nyob zoo cov phooj ywg txhua tus,
    yav tas los lawd kuv tau tso ib co duab cog nplej, ib hlis thiab ob hlis tom qab cog nplej tas; hnub no kuv tso ob peb daim duab nplej siav rau nej tau saib laug lub sij hawm, tsis muaj ib los hais txog kev ntseeg li, kuv vam tias nws yuav yog ib qho deev sawv daws siab thiab hloov tswv yim me ntsis xwb. caw nej nrog saib.



    Ob lis piam ua ntej nplej siav


    Cov nplej no nplej nplaum ntshav


    Muaj ib lub me nyuam khaub zeeg cua los ncaj rau hau cov nplej ua rau nplej qaug yuav luag tas

    Cov nplej nej pom los saud yog tus tswv tim ib cov.
    Hauv qab no yog tus tswv tim ob




    Neeg cog nplej tsawg ces nquab sau los noj nplej coob coob




    Nplej nplaum dawb


    Pib hlais nplej nplaum dawb




    Hlais nplej nplaum ntshav





    Tus no yog tus tswv cog nplej tim ob


    Yaj Hnub Tshiab, kuv tus ntxhais thau duab
    tag nrho cov duab yav dhau los txog rau cov hnub no nws yog tus thau,
    kuv ua tsaug rau nws thiab nws cov viv ncaus uas tau sis pab thau rau kuv
    vim muaj nws thiab nws cov vim ncaus peb thiaj tau saib ib co duab zoo

    Cov duab no thau hnub tim 23/8/2012, tam sis no twb noj mov nplej tshiab tag lawm.
    Zoo siab rau nej cov sij hawm nrog kuv saib duab, nej yog cov txhawb kuv lub zog.
    Sis ntsib dua lwm zaus, nej sawv daws nyob zoo.

    Y. Suav Nus




    Hmoob ntuj qub qab
    Tuaj Tshiab
    Tuaj Tshiab

    Messages : 71
    Date d'inscription : 2010-11-22

    Re: Hmoob Guyane

    Post  Hmoob ntuj qub qab on 4th September 2012, 6:21 pm

    Nyob zoo Yaj Suav Nus

    Nej puas ua liaj es cog Thaib thiab Nplog cov nplej Hmoom mab lib, zoo li nej ua teb cog nplej teb xwb yuam.
    Cov nplej hoom mab lib no yog kuv li kuv niaj xyoo ua



    Yaj Suav Nus
    Phooj Ywg
    Phooj Ywg

    Messages : 279
    Date d'inscription : 2009-10-23

    Re: Hmoob Guyane

    Post  Yaj Suav Nus on 5th September 2012, 5:23 am

    Nyob zoo Hmoob ntuj qub qab, zoo siab tau ntsij koj.
    Ua tsaug koj nrog saib kuv cov duab,koj tseem tso ib daim duab nplej Mab Lib zoo nkauj tshaj plaws li. Kuv tau nug tus tswv cog cov nplej no saib lub npe ntawm covn plej hu li cas ? Nws kuj tsis paub thiab ces nws hais rau kuv tias nws hu ua nplej nplaum dawb, hu li no kom paub tias tsis yog nplej nplaum ntshav xwb. Zoo Siab uas koj tau qhia lub npe ntawm cov nplej nplaum dawb no rau kuv.
    Kuv teb koj lo lus nug tias peb puas ua liaj? Xub hais ib lo rau koj thiab cov phooj ywg sawv daws: cia kub tham kom ntev zog los ua ib lo lus teb: Xyoo 1975 peb tuaj txog teb chaws Guyne uas yog ib lub teb chaws tshiab rau peb Hmoob, peb tuaj tsawg tsawg ces peb sib koom luaj teb ua ke thaum hlawv teb thiab them teb tas mam li muab faib rau txhua txhua yim kom nyias tau ua nyias tug. Lub caij ntawd sawv daws puav leej cog nplej, pob kws, dib, taub thiab tej txhiam xws raws li Hmoob tej laus ib txwm ua los. Xyoo tom qab sawv daws rov sib koom luaj teb ntxiv kom ntau tshaj qub tsis tag li ntawd xwb Tseem Hwv Fab Kis pab tsheb tuaj nraus teb rau peb. Thaum txhua yam tiav tas raws lub hom phiaj lawm mam li rov muab cov teb faib dua rau txhua txhua yim raws li yim neeg coob thiab tsawg. Kuv tsev neeg tau sim ua 3-4 zes liaj (cog tas ib kas loos noob nplej) nplej zoo kawg, qhov tshiab peb tsis tau pom dua yog thaum hlais nplej tas muab cov hauv paus quav nplej luaj ti nkaus npoo av, cov hauv paus nplej rov hlav tuaj zoo cuag li yog rov cog dua ib co tshiab, thaum cov nplej txhawv cov hnab nplej me zog lawm. Vim muaj raws li kuv hais los saud sawv daws thiaj tau hais tias "cog ib cim noj ob cim" Dhau cim ob lawm mam yog "ntxaib nplej tsw paus".
    Ob peb xyoos tom qab sawv daws pom tias kev ua nplej thiab pob kws tsuas yog tau noj xwb tsis muaj kev lag luam ntau ces sawv daws maj mam tso kev cog nplej thiab pob kws tseg, hloov mus cog lwm yam kom muaj kev lag luam. Tau muaj kaum ntau xyoo los no sawv daws tsis cog nplej thiab pob kws lawm, tsuas tshuav yim puav cog koog puav kom tau yeej noob xwb.
    Hmoob ntuj qub qab, vam tias cov lus kub tham los saud koj yuav to taub zoo lawm, muaj lus dab tsi mam rov sis tham dua. Koj nyob zoo.

    Y. Suav Nus

    Hmoob ntuj qub qab
    Tuaj Tshiab
    Tuaj Tshiab

    Messages : 71
    Date d'inscription : 2010-11-22

    Re: Hmoob Guyane

    Post  Hmoob ntuj qub qab on 5th September 2012, 2:42 pm

    Nyob zoo Yaj Suav Nus

    Raws li koj piav no Av nyob Guiyane nej teb chaws kuj yog av zoo lawm , yog cog liaj tau noj 2 cim,Ntuj qub qab yog cov Av nyob raws ntus dej uas tiaj tus kuj sim ua lawm tau noj 2 cim thiab tab sis cim 2 ua hnab soob zog lawm thiab.
    Ntuj qub qab daim ua liaj cia ua liaj xwb daim uas ua yam lag luam los nws muaj nws vim peb tsis ua liaj tsis tau mov noj , mov los kim cov nquag 1 xyoo ua 2 cim ua liaj xyoo thiab liaj ntuj tsaug.
    Nej ua teb cog yam txhiam xwm lag luam ne nej cog yam dab tsi thiaj zoo lag luam.
    Mam sib ntsib dua






    Yaj Suav Nus
    Phooj Ywg
    Phooj Ywg

    Messages : 279
    Date d'inscription : 2009-10-23

    Mus sis tham rau lwm qhov

    Post  Yaj Suav Nus on 6th September 2012, 6:43 am

    Nyob zoo Hmoob ntuj qub qab,
    Wb sib tham nyob ntawm chav no tsam ho tsis tshua phim, yog koj tsis xav li cas no wb mus sis tham rau lwm chav, kuv mas sau ob peb los rau koj ntawm MP, wb mam sis tham ntawm chav ntawd. Ua tsaug.

    Y. Suav Nus

    Hmoob ntuj qub qab
    Tuaj Tshiab
    Tuaj Tshiab

    Messages : 71
    Date d'inscription : 2010-11-22

    Re: Hmoob Guyane

    Post  Hmoob ntuj qub qab on 6th September 2012, 2:53 pm


    Nyob zoo Yaj Suav Nus

    Yog ntawm no tsis zoo tham los mus tham hauv zos Hmoobtshavntuj los kuj tau vim puav yog Maiv Tooj thiab Maiv Paj Lug li zos huv si.



    Lajpovyaj
    Phooj Ywg
    Phooj Ywg

    Messages : 166
    Date d'inscription : 2009-12-03
    Age : 56
    Localisation : USA

    Re: Hmoob Guyane

    Post  Lajpovyaj on 20th September 2012, 9:19 am

    Nyob zoo me kwv Hmoob ntuj qub qab thiab txiv ntxawm suav nus.
    Ua li cas tsis pom neb tuaj sib tham tom zos hmoob tshav ntuj li naj?
    Txiv suav nus kuv xav muab cov nquab uas los noj nplej ntawd txhiab daj rhuv ntxuag mov nplej tshiab kawg yom.


    Yaj Suav Nus
    Phooj Ywg
    Phooj Ywg

    Messages : 279
    Date d'inscription : 2009-10-23

    Qos Dachine

    Post  Yaj Suav Nus on 20th September 2012, 1:04 pm

    Nyob zoo Hmoob ntuj qub qab thiab Xeebzeejkim,
    Kuv hais ib los rau nej ob leeg, kuv vam tias neb yuav tsis xav li cas.
    Kuv tsis tau tuaj tom zos hmoob tshav ntuj vim kuv tsis nyiam tso npe cuav tuaj mus tham tej qho uas twb yog tiag. Kuv tau xa ob peb lo lus rau koj hmoob ntuj qub qab hauv lub forum no ntawm chav Messagerie los yog Message privée MP. Kuv tsis paub tias kuv ob peb los lus puas txog koj, kuv ntseeg tias pom lawm tsuas yog koj tsis tau muaj sij hawm sau rov rau kuv xwb, yog tias koj tsis au mus qhib xyuas mas koj yuav pom muab ib lub hnub qub ci ci, thaum koj mus qhib tas lub hnub qub ploj lawm.

    Xeebzeejkim, cov nquab ntawd muab coj los txhiab noj mas qab kawg ov ! Kuv noj kam qaij ntau ntau ces yuav yog 4-5 tug thiaj mam txaus kuv noj ib pluag hos !

    Hmoob ntuj qub qab, txawm tias wb tsis muaj sij hawm sib tham los tsis ua cas nawv ! Cia kuv tham cov qos xib (qos tsw ha) teb chaws no luag hu ua Dachine los ua ib lo lus teb rau koj,yog koj xav pom lwm yam koj rov mus saib "ua hmoov txiv lwm tsib" rau cov xyoo tas lawd koj yuav pom, nyob rau ntawd kuv tso ib co duab muaj yuav luag txhua.

    Tso ob peb daim duab nrog lus sis tham.







    cov neeg nyob teb chaws Guyane es tsis yog neeg tawv daj mas lawv noj qos(txhua yam qos), noj txiv tsawb, noj mov kuam uas yog muab qos ntoo ua thc... Lawv tsis tshua noj mov nplej li cov neeg tawv daj. Hmoob cog nplej ces tsuas yog rau Hmoob noj nkaus xwb tsis muaj kev lag luam raws li kuv tau tham los lawd. Cov qos no cog tau kuj tau zoo muag kawg, tsis yog txhua txhua yim Hmoob cog tas nrho, cov tsis nyiam lawv kuj tsis cog lawv mus cog lwm yam lawm. Yog cog nplej thiab cog lwm yam ua ke ces siv sij hawm ntau dhau Hmoob thiaj li tso kev cog nplej tseg tsis cog lawm.

    Thov zam qhov kuv tsis tau teb rau koj raws li koj tau xav tseg. Mam sis ntsib dua lwm zaus.

    Y. Suav Nus

    Lajpovyaj
    Phooj Ywg
    Phooj Ywg

    Messages : 166
    Date d'inscription : 2009-12-03
    Age : 56
    Localisation : USA

    Re: Hmoob Guyane

    Post  Lajpovyaj on 28th September 2012, 11:47 am

    Nyob zoo txiv suav nus.
    Tuaj pom koj cov qos tsw ha no mas ntxim qab heev kuj xav noj kawg thiab.
    Nej nyob Guyane yog yus nrhiav chaw yug nyuj no ntxim uas yuav zoo nqe?
    Kuv xav tias yog nej yug nyuj thiab twm muag no ntxim li yuav tau nqe thiab laiv.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: Hmoob Guyane

    Post  Maiv Tooj on 26th November 2012, 6:49 pm


    Voyage en Guyane Cacao hmong fevrier 2012





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: Hmoob Guyane

    Post  Maiv Tooj on 26th November 2012, 6:50 pm



    French Guiana/Guyane




    Hmong in French Guiana pt. 2



    Last edited by Maiv Tooj on 26th November 2012, 6:56 pm; edited 1 time in total




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: Hmoob Guyane

    Post  Maiv Tooj on 26th November 2012, 6:52 pm


    Paul Cha: Hmong farm in Guyana





    Sponsored content

    Re: Hmoob Guyane

    Post  Sponsored content Today at 8:48 am


      Current date/time is 6th December 2016, 8:48 am