Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM NRUAB LIS PIAM XYOO I 2016-2017
by Mim Today at 6:17 am

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    Hmoob Guyane

    Share

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Hmoob Guyane

    Post  Maiv Tooj on 2nd April 2012, 6:29 pm



    Nyob zoo txiv Suav Nus thiab cov phooj ywg,

    Txiv Suav Nus,

    Ua tsaug ntau rau nej lub zos Hmoob Kas Kaus, nej nyob ua pab ua pawg, nej ua tau tej yam zoo heev tsim nyog qhuas. Kuv thov ua nej sawv daws tsaug thiab ua tsaug rau koj lub siab zoo, koj muaj koj lub sij hawm muaj nqes tuaj tshaj rau peb pom thoob ntiaj teb.




    Yaj Suav Nus
    Phooj Ywg
    Phooj Ywg

    Messages : 279
    Date d'inscription : 2009-10-23

    Re: Hmoob Guyane

    Post  Yaj Suav Nus on 4th April 2012, 7:20 am

    Nyob zoo cov phooj ywg, kuv thov txim uas kuv yuav tsis sau nej cov npe kom tas.
    Kuv zoo siab rau nej cov lus txhawb nqa thiab rau tas nrho txhua tus tuaj nrog saib nrog xyuas kuv cov duab. Kuv ua tas nrho nej sawv daws tsaug.

    Ob peb lo lus teb rau Txawj Tuam,
    Txhua xyoo peb yeej muaj nqaum nplooj raws li koj pom cov duab xyoo no thiab cov uas tsaib no kuv tau tso. Peb ua tsis tau raws li thaum ub cov His Xas Lais, peb tsis tau muab nplooj pua kev, peb ua cov kab ke nqaum nplooj yoog raws li cov His Xas Lais, peb cav txog Huab Tais Yes Xus uas nws yog peb tus Vaj, peb tsis txaj muag tias peb yog ib co ntseeg thiab tso siab rau peb tus Vaj...
    Txawj Tuam, vim nej tsis muaj TP. tuaj coj nej ua cov kab ke nqaum nplooj koj thiaj tsis paub cov kab ke nqaum nplooj muaj TP. Raws li kuv paub thiab pom kam los: cov kab ke nqaum nplooj Xib Hwb yog tus coj, tej lub zos tsis muaj Xib Hwb ces ib tug sawv Xib Hwb chaw coj sawv daws teev ntuj ua tus coj thiab cov kab ke nqaum nplooj Txiv Plig yog tus coj mas tus txheej txheem zoo ib yam, tsuas yog muaj tej qho Txiv Plig ua tau Xib Hwb los yog tus sawv Xib Hwb chaw ua tsis tau, yam li: tus Xib Hwb los yog tus sawv Xib Hwb chaw tsuas muaj cai nyeem Ntawv Moo Zoo, yog tsis tau cai nthuav Ntawv Moo Zoo mas nthuav tsis tau, Xib Hwb los yog tus sawv Xib Hwb chaw tsis tau cai ua cov dej foom hmoov zoo mas ua tsis cov dej foom hmoov zoo ces tsis muaj dej foom hmoov zoo rau cov nplooj thiab cov ntseeg. Kuv tham li no vam tias koj yuav to taub zoo lawm.

    Txuas ntxiv no kuv tso tus txheej txheem Hnub Chiv Nqaum Nplooj, tus txheej txheem no yog muab los ntawm TP. Nyiaj Pov paub ntawv LUB LIS PIAM NTSHIAB, sau xyoo 1972 thiab rov kho dua, lub 4 hlis xyoo 1992.
    Thov cov saib lub Forum. pab xyuas, yog tsis phim rau lub topic Hmoob Guyane mas nej pab muab tshem rau lwm qhov los yog muab tshem pov tseg. Ua tsaug.


    H N U B C H I V N Q A U M N P L O O J


    FEEM IB: KAB KE NQAUM NPLOOJ

    NQE 1 – HLAWV XYAB QHIB KAB KE

    Xub npaj txhua yam kom txhij ua ntej yuav pib cov kab ke.
    Sawv daws ua Ntoo Cuam lub cim:


    Hu txog Leej Txiv thiab Leej Tub thiab Leej Ntuj Plig lub npe. Ua li.

    Leej Choj nrog ob los peb leeg hlawv xyab,
    Txaum yim thiab txhos xyab rau saum lub rooj.


    NQE 2 – FOOM HMOOV RAU COV NPLOOJ

    Qib 1 – Xib Hwb qhia lub txoos:

    Kwv tij sawv daws, hnub no peb ua cov kab ke nqaum nplooj.
    Yog ib co kab ke cav txog Yes Xus yog peb tus Huab Tais.
    Peb yuav ua peb yam:
    1 : Peb yuav foom hmoov zoo rau cov nplooj thiab rau peb sawv daws.
    2 : Pev yuav mloog Ntawv Moo Zoo piav txog
    cov His Xas Lais nqaum nplooj cav txog Yes Xus.
    3 : Peb yuav nqaum nplooj mus kev kom txog tsev teev ntuj.

    Qib 2 – Zaj thov Huab Tais:

    Xub npaj ib co nplooj los paj tso rau saum ib lub rooj
    kom tau pub rau cov ntseeg uas lawv tsis tau nqa tuaj.
    Muaj ib co ntseeg lawv twb npaj thiab nqa nrog lawv tuaj lawm.
    Xib Hwb hais tias:


    Nyias tsa nyias rev nplooj kom ncaj nyias xub ntiag,
    Leej Choj yuav thov Ntuj foom hmoov zoo rau.

    LC. Huab Tais Ntuj nrog nej nyob.
    SD. Huab Tais Ntuj nrog koj nyob

    LC. Peb sawv daws thov Huab Tais:
    XH. Kom Huab Tais foom hmoov zoo rau peb thiab cov nplooj peb tuav.
    LC. Huab Tais, thov koj foom hmoov zoo rau peb thiab rau cov nplooj no.
    Hnub no peb cov neeg ua koj cov pej xeem nqaum nplooj hwm koj.
    Thov koj ua kom peb lub siab npuab koj zoo,
    koj ua kom peb yeej tus yeeb ncuab ntxub peb,
    koj ua kom peb nyiam koj mub siab cawm peb.
    Peb vam txog peb tus Huab Tais Yes Xus Pleev uas nws yog koj tus Tub,
    nws nrog koj thiab nrog Leej Tswv Yim Ntshiab muaj txoj sia
    thiab ua Vaj nyob mus li txog txhiab niag tim puas xyoo.
    SD. Ua li.

    LC. pov dej foom hmoov zoo rau saum cov nplooj thiab cov ntseeg.

    NQE 3 – NYEEM NTAWV MOO ZOO

    LC. Huab Tais Ntuj nrog nej nyob.
    SD. Huab Tais Ntuj nrog koj nyob
    LC. Nej mloog ib zag nyob hauv N… Ntawv Moo Zoo.
    SD. Huab Tais Pleev, peb cav txog koj lub koob meej.

    Nyeem Ntawv Moo Zoo:
    Xyoo A, MT. 21, 1 – 9
    Xyoo B, MK. 11, 1 – 10
    Xyoo C, LK. 19, 28 – 38

    Nyeem Nta
    wv Moo Zoo tas:

    LC. Huab Tais Pleev.
    SD. Lub qab ntuj neeg cav txog koj.

    NQE 4 – NTHUAV NTAWV MOO ZOO

    LC. nthuav me ntsis Ntawv Moo Zoo.
    Yog lub txoos tsis muaj LC. los tus muaj cai mas tsis muaj nthuav
    Ntawv Moo Zoo.

    NQE 5 – NQAUM NPLOOJ

    Qib 1 – Sawv kev

    Leej Choj txhib sawv daws, nws hais tias:

    Kwv tij sawv daws,
    peb yoog raws li cov pab neeg txais Yes Xus nyob Yes Lus Xas Les,
    peb tuav nplooj thiab hu nkauj cav txog peb tus Huab Tais.

    Ces sawv daws mus zoo li no:
    1. Tus nqa Ntoo Cuam mus ua ntej.
    2. Ob tug pab Leej Choj
    3. Tas lub txoos nr
    og cov hu nkauj

    Qib 2 – Hu nkauj.

    XH. Faj Tim Huab Tais Ntshiab,
    SD. Tswv Ntuj kav tsoom hnub qub, koj nto kooj meej puv lub ntuj lub teb,
    koj muaj txoj sia mus li nyob txheej ntuj saud.
    Tus tuaj ntawm Huab Tais xub ntiag tuaj nto moo lug.
    Nws muaj txoj sia mus li nyob txheej ntuj saud.

    Thaum sawv daws hais zaj Faj Tim Huab Tais Ntshiab tas,
    XH. mus hauv nruab nrab sawv daws,
    nws hais tias:

    Huab Tais Yes Xus Pleev yog tus qhia txoj kev rau ntiaj teb neeg taug,
    nws yog txoj kev tseem ceeb, nws yog tus pub txoj sia.
    Peb yog nws tsoom pej xeem zoo siab cav txog nws.

    Cov ntseeg tsis txawj hu ntau zaj nkauj sib quas, rov hais zaj Faj Tim Huab Tais Ntshiab…
    Yog sawv daws mus tsis tau txog tsev teev ntuj mas XH. h
    ais ntxiv tias:

    Huab Tais Yes Xus Pleev yog tus coj tsoom sid zoo tas nrho,
    Yog tus Tswv Ntuj muaj zog, yog tus Vaj Txheeb pub kev thaj yeeb.
    Peb yog nws tsoom pej xeem zoo siab cav txog nws.

    rov hais zaj Faj Tim Huab Tais Ntshiab…

    Qib 3 – Thaum mus txog haub tsev teev ntuj

    LC. Peb sawv daws thov Huab Tais:
    XH. Kom Huab Tais Yes Xus tuaj pov hwm pov yawm cov ntseeg
    tuaj nqaum nplooj cav txog nws.
    LC. Huab Tais Yes Xus Pleev, peb tau hu nkauj cav txog koj
    raws li tsoom ntseeg ib txwm ua los, thov koj tso koj cov lus foom hmoov zoo nqes los rau saum cov tsev neeg tuaj nqaum paj nqaum nplooj no,
    koj pab lawv ua neeg tsim kev thaj yeeb hauv zej zog,
    koj pab lawv to taub tias koj yog Vaj Tswv thiab koj yog Tswv Ntuj Leej Tub Txib.
    Peb vam txog peb tus Huab Tais Pleev.
    SD. Ua li.

    FEEM OB: LUB TXOOS TXI NTUJ

    NQE 1 – LUB TXOOS

    LC. Hais rau lub txoos tias:

    Hnub no peb ua lub txoos qhib lub lis piam Ntshiab.
    Lub lis piam Ntshiab yog lub lis piam peb rov nco Yes Xus cov hnub kawg nyob ntiaj teb no.
    Peb yuav ncaj qha nyeem cov Ntawv Ntshiab piav txog Yes Xus kev tuag.
    LC. Peb sawv daws thov Huab Tais:
    XH. Kom peb txawj yoog raws Yes Xus kev tuag
    thiab rov nrhiav nws txoj sia.
    LC. Tswv Ntuj muaj hwj huam nyob mus li,
    koj xav muab ib tug piv txwv zoo ntuas peb kom peb nyiam ua neeg me,
    koj thiaj tso koj Leej Tub tuaj yuav ib lub cev neeg,
    koj cia nws tuag nyob saum ntoo cuam.
    Thov koj pab peb xyaum ua neeg siab ntev
    yoog Yes xus mus taug txoj kev txom nyem,
    peb thiaj yuav nrog koj Leej Tub sawv rov los muaj txoj sia.
    Peb vam txog peb tus Huab Tais Yes Xus Pleev uas nws yog koj tus Tub,
    nws nrog koj thiab nrog Leej Tswv Yim Ntshiab muaj txoj sia
    thiab ua Vaj nyob mus li txog txhiab niag tim puas xyoo.
    SD. Ua li.

    NQE 2 – ZAJ NYEEM IB

    Nyob hauv cov “zaj nyeem xyoo A, B, C”
    Muaj ob zag: saib lub caij 4o Chiv 6.
    His Xais 50, 4 – 7.
    Fis Lis Pos 2, 6 – 11.
    Yus xaiv zaj yus xav nyeem.
    Nthuav me ntsis: hais ib co lus zoo pab lub txoos kom muab siab mloog
    Ntawv Moo Zoo piav txog Yes Xus
    txoj kev tuag.

    NQE 3 – HU NKAUJ NPAJ MLOOG NTAWV MOO ZOO

    Sawv daws sawv thiab hu nkauj.

    Leej Ntuj Plig, koj los mas,
    koj los nyob hauv cov neeg ntseeg txog koj,
    koj ua kom lawv lub siab kub li hluav taws,
    koj xa koj lub tswv yim los mas.
    Mas tas lub ntiaj teb yuav ntshiab tuaj.

    NQE 4 – NTAWV MOO ZOO

    Nyeem Ntawv Moo Zoo piav Yes Xus txoj kev tuag:
    Xyoo A: nyeem MT. Xyoo B: nyeem MK. Xyoo C: nyeem LK.
    Yog cov ntseeg tsis muaj cov txawj nyeem ntawv
    mas XH. nyeem ib leeg kom tas.
    Tab sis yog muaj mas yuav ua zoo li nram no:
    Peb leeg nyeem ntawv Moo Zoo.
    Ib tug ua Yes Xus ( Y ) nws hais lub suab laus.
    Ib tug ua tus piav ( P ) nws hais lub suab raws li kev cai.
    Ib tug ua luag tej ( L ) nws hais lub suab soob.
    Sawv daws sawv mloog zaj piav txog Yes Xus kev tuag.
    Tab sis yog ib zaj ntev, ces yuav ua zoo li no:
    a: Thaum txog cov lus hais tias lawv ntes Yes Xus thiab coj mus rau
    Kais Fas tsev, ces XH. Hais kom sawv daws zaum.
    b: Thau nyeem txog lawv muab ntoo cuam rau Yes Xus kwv,
    Sawv daws sawv.
    c: Thaum nyeem txog Yes Xus tuag, XH nres, nws txhos caug me ntsis,
    thiab tas lub txoos
    kuj txhos caug.


    NQE 5 – THOV NTUJ RAU COV TXIM

    Tsis muaj hais zaj “Ntseeg”
    Tab sis muaj zaj thov ntuj rau lub ntiaj teb thiab tas t
    xhia yam ntxiv.

    NQE 6 – ZAJ THOV NTUJ RAU COV TXIM

    LC. Huab Tais,
    Thov koj zam rau peb thiab txais cov txim no, vim yog peb thaj
    Cav txog koj Leej Tub uas nws rov muab nws los txi rau koj…

    NQE 7 – ZAJ XAUS LUB TXOOS

    LC. Huab Tais,
    Hnub no koj tau pub koj cov txhiam xws los nres peb txoj sia.
    Vim koj Leej Tub tuaj yeem tuag pab peb mas peb tso siab rau koj.
    Vim nws sawv rov los, peb yuav nrog koj muaj txoj sia mus li.
    Peb vam txog peb tus Huab Tais Pleev.
    SD. Ua li.


    yog nej pom tias kuv ntaus tus txwm ntawv twg tsis raug mas kuv thov nej pab kho rau.
    Tus txheej txheem no zoo pab rau tus coj, XH thiab TP. huv si.
    Nyob hauv peb zos cov XH. siv TP Nyiaj Pov tus txheej txheem no.

    Y. Suav Nus

    Yaj Suav Nus
    Phooj Ywg
    Phooj Ywg

    Messages : 279
    Date d'inscription : 2009-10-23

    Hnub 6 Ntshiab

    Post  Yaj Suav Nus on 6th April 2012, 4:47 pm

    Nyob zoo cov phooj ywg,
    Nag hmo yog hmo hnub 5 Ntshiab kuv tsis tau nqa lub yees duab mus ces tsis tau yees duab, hmo no yog hmo hnub 6 Ntshiab tus neeg kuv thov yees duab yees tau tsis tshua zoo, kuv thov tso ob peb daim duab ua puav pheej khaws tseg.



    Theem ib nqa ntoo cuam los rau lub txoos saib
    Daim ntaub npog tas nrho tus mlom Yes Xus


    [center]Tub Tsob Hwb Vaj Ntxoov Nruas, qhib ib ces kaum ntaub


    Qhib tau ib ces kaum ntaub,
    Tub Tsob Hwb seev lub suab qis me ntsis: nej ntsia tus nto cuam no.
    Sawv daws teb: Tus cawm lub ntiaj teb dai ntawm tus ntoo no,
    peb sawv daws pe zoj mog. (sawv daws kim caug ib me pliag)



    Theem ob nqa tus ntoo cuam los ze ntawm lub thaj txi ntuj.
    Qhib daim ntau yuav luag tas.
    Tub Tsob Hwb seev lub suab nruab nrab: nej ntsia tus nto cuam no.
    Sawv daws teb: Tus cawm lub ntiaj teb dai ntawm tus ntoo no,
    peb sawv daws pe zoj mog. (sawv daws kim caug ib me pliag)



    Theem peb nqa tus ntoo cuam los tso ncaj nruab nrab lub thaj txi ntuj.
    Qhib tas nrho daim ntaub kom pom tas tus mlom Yes Xus.
    Tub Tsob Hwb seev lub suab nruab siab: nej ntsia tus nto cuam no.
    Sawv daws teb: Tus cawm lub ntiaj teb dai ntawm tus ntoo no,
    peb sawv daws pe zoj mog. (sawv daws kim caug ib me pliag)



    Leej choj xub pe hawm ntoo cuam



    Ob tug Tsob Hwb pe hawm nto cuam


    Tas nrho sawv daws los pe hawm ntoo cuam.
    Kev pe hawm ntoo cuam:
    cov txiv neej feem ntau pe li Hmoob pe
    ib txhia muab ob sab tes los ua ke ntawm hauv siab thiab nyo hauv xwb
    cov poj niam kuj muab ob txhais tes los ua ke ntawm hauv siab thiab nyo hau









    Thov kom peb txhua tus uas tau tuag mus rau hauv txoj niag kev txhaum tau nrog peb tus Huab Tais Yes Xus sawv rov los muaj lub siab kaj lug.

    Y. Suav Nus


    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Hmoob Guyane

    Post  Maiv Paj Lug on 9th April 2012, 7:27 am

    Ua tsaug os Suav Nus, txawm koj yees tsis tau duab ntau los twb muaj tus yees tau me ntsis rau koj tau xa moo rau peb nrog nej koom . Zoo siab thiab thov kom txhua leej txhua tus tau txais kev kaj siab lug rau lub caij Yesxus sawv rov los.




    <3 <3 Pab kuv rov los cuag koj Huab Tais Yesxus <3 <3

    Yaj Suav Nus
    Phooj Ywg
    Phooj Ywg

    Messages : 279
    Date d'inscription : 2009-10-23

    Hmo Hla

    Post  Yaj Suav Nus on 16th April 2012, 4:12 pm

    Nyob zoo cov phooj ywg txua tus,
    Zoo siab rov tuaj tham nrog duab Hmo Hla. Thov kev zam ntawm nej vim kuv cov duab thau tau tsis pom meej, cov duab no tsis yog kuv thau... tus neeg kuv thov thau duab tsis tau paub lub thau duab zoo ces thiaj li thau tau tsis pom meej.



    Thaum lub ntiaj teb neeg tsis paub Yes Xus,
    lub ntiaj teb neeg nyob hauv qhov tsaus ntuj,
    zoo li ziag no peb nyob hauv qhov tsaus ntuj.




    Yes Xus tawm ntawm nws lub ntxa tuaj kaj lub ntiaj teb,
    zoo li cov hluav taws tawm ntawm lub cub tawg.



    Yex Xus Pleev sawv rov los muaj hwj chim ci ntsa iab,
    nws qhov pom kev rhuav qhov tsaus ntuj nyob hauv peb lub tswv yim.


    Yes xus Pleev yog peb txoj kev pom kev


    Lub sij hawm no ze ib tag hmo lawm
    cov me nyuam yaus nyob tos tsis taus ces lawv mus pw tas lawm.


    Hmo Hla yog ib hmos tseem ceeb rau peb tsoom ntseeg,
    tseem ceeb rau cov laus, peb cov uas yog niam yog txiv,
    yog tsis muaj Hmo Hla peb tsis tas ntseeg kuj tau...


    Xyoo no muaj 9 tus poj niam thiab 2 tug me nyuam
    txais lub Cim Ntxuav Hmo Hla,
    cov poj niam no yog cov nyab uas peb cov tub yuav los
    ntawm cov niam txiv tsis tau los ntseeg.








    Sawv daws sib tuav tes thooj siab hais zaj Peb Txiv...
    Duab thau tau ntau vim muaj teeb meem li hais los saud ces kuv tso li no ua kev sis tham xwb, vam tias nej yuav tsis xav li cas.
    Ua tsaug rau koj lub sij hawm tuaj nrog kuv saib duab.
    Sis ntsib dua lwm lub sij hawm. Nej sawv daws nyob zoo.


    Y. Suav Nus






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Hmoob Guyane

    Post  Maiv Tooj on 17th April 2012, 8:21 am



    Nyob zoo txiv Suav Nus,

    Ua tsaug ntau rau nws cov duab, yog ib qho muaj nqes heev rau peb Hmoob sawv daws kev sib nug moo. Kuv ua nws tsaug.

    Kuv nyiam nws daim duab nov heev, zoo li muaj txiaj ntsim heev.







    Yaj Suav Nus
    Phooj Ywg
    Phooj Ywg

    Messages : 279
    Date d'inscription : 2009-10-23

    Hmoov txiv lwm tsib

    Post  Yaj Suav Nus on 18th April 2012, 5:15 am

    Nyob zoo cov phooj ywg,
    Tso ib co duab rau koj tus muaj sij hawm tuaj ncig saib.
    Yog koj tsis muaj sij hawm no thov txhob tab kaum koj lub sij hawm !!



    Daim duab no thau thaum tseem ntxov lub hnub nyuam qhua tshwm.
    Xyoo no cov tswj lub hmoov txiv lwm tsib muab txoj kev
    nruab nrab hauv zos kaw tsis pub tsheb khiav.
    Lawv tso lus rau sawv daws muag txhua yam raws ob sab ntug kev.


    Raws li koj pom no mas zoo li tsis muaj neeg coob.
    Yog lawm! vim nyuam qhuav yog 9 teev sawv ntxov xwb
    cov qhua tuaj ntxov tshaj nyuam qhua pib tuaj txog.












    Lub sij hawm no cov qhua tsis tau tuaj coob, cov tswj tseem tsis tau hais
    cov lus qhib lub hmoov txiv lwm tsib thiab tos txais qhua,



















    Qhia rau koj paub tias lawv cov txhiam xws tsis yog cov koj pom saum rooj no xwb,
    lawv tsuas tso me ntsis rau saum rooj qhia tias lawv muaj cov txhiam xws ntawd,
    lawv tshuav ntau tshaj 10 npaug tsis tau thau los,
    qhov lawv tsis thau los kom ntau vim yog ib txog kev txuag cov txhiam xws...


    Kuv tsis tau mus thau duab thaum lub sij hawm cov qhua tuaj coob coob, vam tias koj tus uas tau paub txog kuv zoo tsuas muaj nrog kuv zoo siab xwb.
    Ua tsaug uas koj tau nrog saib, yog ib qho kev txhawb siab, koj tau pab cuab kuv lub zog.
    Sis ntsib dua lwm zaus.

    Y. Suav Nus










    Last edited by Yaj Suav Nus on 18th April 2012, 5:39 am; edited 1 time in total

    Yaj Suav Nus
    Phooj Ywg
    Phooj Ywg

    Messages : 279
    Date d'inscription : 2009-10-23

    Re: Hmoob Guyane

    Post  Yaj Suav Nus on 18th April 2012, 5:37 am

    Maiv Tooj wrote:


    Nyob zoo txiv Suav Nus,

    Ua tsaug ntau rau nws cov duab, yog ib qho muaj nqes heev rau peb Hmoob sawv daws kev sib nug moo. Kuv ua nws tsaug.

    Kuv nyiam nws daim duab nov heev, zoo li muaj txiaj ntsim heev.



    Nyob zoo tais Tooj,
    Ua tsaug koj cov lus qhuas thiab txhawb nqa, zoo siab koj nrog nyiam kuv daim duab.

    Nyob zoo Maiv Paj Lug,
    thov zam qhov uas kus tsis tau hais ib lo lus teb rau koj, ua tsaug koj tau hais ib lo lus zoo kawg rau kuv, koj lo lus muab nyiaj muas tsis tau.

    Y. Suav Nus

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Hmoob Guyane

    Post  Maiv Paj Lug on 18th April 2012, 9:41 am

    Wow...zaum no rov pom Hmoob Guyane vam meej lawm ntau npaug, Hmoob nyob Guyane tsis txhawj txog kev tuag tshaib tuag nqhis , nej vam meej thiab nto moo vim Tswv Ntuj nrog nraim nej,coj nej kev, pab nej txhua lub sij hawm, nej yuav ua ib qho txiaj ntsim zoo tshaj plaws uas Tswv Ntuj coj nej tuaj cog rau teb chaws Guyane kom lwm haiv neeg pom. Thov kom nej tsuas muaj kev vam meej thiab kaj siab lug mus lawm yav tom ntej . Ua li o)




    <3 <3 Pab kuv rov los cuag koj Huab Tais Yesxus <3 <3

    Tub Kawm
    Phooj Ywg
    Phooj Ywg

    Messages : 404
    Date d'inscription : 2011-10-13

    Re: Hmoob Guyane

    Post  Tub Kawm on 18th April 2012, 10:08 am

    Nyob zoo sawv daws, zoo siab thiab thov ua tsaug ntau rau nej cov lus qhia kuv og nawb. Txiv Suav Num, thiab Mim ua tsaug rau neb cov lus qhia txog kab ke nqaum nplooj muaj leej choj rau peb paub og, thiab nej tseem piav txog hnub tsib Ntshiab rau peb paub thiab, zaum no kuv to taub lawm hais tias yog muaj TP mas yuav ua kab ke ntau tshaj muaj XH lawm. Li no xwb nyob zoo.

    Ntxhuav Mom Xyooj
    Tuaj Tshiab
    Tuaj Tshiab

    Messages : 98
    Date d'inscription : 2012-02-23

    Re: Hmoob Guyane

    Post  Ntxhuav Mom Xyooj on 21st April 2012, 12:00 pm

    Nyob zoo npawg Suav Nus
    Ua koj tsaug ntau uas koj tseem tso ib co duab txiv lwm tsib thiab nej covkhw tshav puam muag txhiam laj txhiam xws zoo nkauj thiab zoo saib heev rau peb pom. Txawm tias peb taw tsis tau tuaj tsuj los zoo li peb kuj tuajtxog thiab pom zoo siab ntau. Ntsia pom nej cov txiv lwm tsib mas kuj nqhis thiab xav noj kawg.

    Npawg Suav Nus kuv nug koj ua kwv ib lo tias kuv pheej hnov cov Hmoob uastuaj xyuas nej lub zos rov los tsev pheej muaj dev mub tom lawv es cia linteg qee rau hauv lawv daim tawv nqaij cia li xeeb kas rau hauv no puas muajtiag? Thiab tseem hnov hais tias muaj ib co yoov tshaj cum tom mas neegtuag no thiab tom cov neeg tuaj tshiab hos nej cov uas ib txwm nyob ntev los lawm ces kuj tsis tom nej, ua li puas muaj tiag?

    Kuv pom nej tej zej zog, kev ua noj ua haus, kev nyob tau kaj siab dua lwm qhov chaw. Xws li peb nyob rau USA no peb nyob xyaw mab sua xwb,
    peb tsis nyob tau ua pab ua pawg li nej, tsis ywj siab li nej. Kuv muab
    xav los mas nej thiaj tsim nyog tias tuaj mus ua lub neej zoo lawm tiag.

    Kuv nug koj ib lo ntxiv tias nej mus teev ntuj nej hlawv xyab rau ntawm
    thaj txi ntuj thiab los? Zoo li kuv pom nej muaj tej lub tais txhos xyab
    rau hauv thiab.

    X. Ntxhuav Mom

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Hmoob Guyane

    Post  Maiv Tooj on 21st April 2012, 7:20 pm

    Nyob zoo kwv Ntxhuav Mom,

    Koj nug txiv Suav Nus xwb, tab sis kuv lam los nrog koj txuas lus me ntsis, vim kuv kuj tau mus ntau zaud, thiab tau nyob ntev, nyob luv nram Nkws Yas lawm thiab.

    Hais txog cov kab tom yus ais nteg qe rau hauv lub npauj kab, ua qe, ua kas nyob hauv yus mas yeej muaj, tab sis muaj tshawg tshawg zaud xwb. Twb tsis heev npaum li sawv daws nyob teb chaws no es mus ua si raug muv plev. Tseem muaj tsawg tshaj ntawd. Yog muaj los ua lub npe hais xwb, tsis niaj hnub pom muaj.

    Hais txog cov yoog tshaj cum tom tuag, zoo li kuv twb tsis tau hnov dua, nyuam qhuav hnov koj hais no xwb.
    Cov yoos tshaj cum ces yeej muaj ntsis zoo tib yam li nyob cov teb chaws suam kab hnub, yeej yog tus kis kab npaws tshaj nyeej, npaws daj, npaws txias, npaws tsob ntshav (la dengue), npaws Chikungunya ( kis tau xya hnub mam mob, mob tej leeg dab tes dab taw, mob tau hauv, mob nqaub qaum, leeg rub, kub taub hau me ntsis).

    Tab sis luag kev noj qab haus huv yeej saib xyuas rawv, tua tshuaj rau zej zog tsis tu ncua...



    Yoov tshaj cum kab npaws dengue.

    Yog koj nqhis txiv lwm tsib, kom txiv Suav Nus xa hauv Post tuaj rau koj, 2 hnub tseem xwb txog lawm, nqe xa pheej yig tshaj qhov koj mus yuav ob peb npaug...Hahahah...



    Hais txog hlawv xyab hwm thaj txiv Ntuj mas txhob ntau nqe yuav kev tias siv xyab ces yog ua dab.
    Xyab ib txwm siv puag thaum ua ntej Yes Xus yug lis, tom qab Yes Xus, lub caij Yes Xus tsis tu ncua txog niaj hnub no. Thaum lub caij yug Yes Xus, cov Vaj Kws Hnub Qub tuaj hawm Me Nyuam Yes Xus, lawv nqa:

    - Xyab yog tuaj Hawm tus muaj hwj huam tas nrho
    - Kub yog tuaj tsa tus vaj txheeb ntiaj teb (lub theej kiab, lub mom kub"couronne")
    - Tshuaj tsw qab yog tshuaj qhwv tus vaj txheeb lub cev tuag.

    Xyab muaj ntau hom sib txawv, xyab pam ua tus, xyab hmoov, xyab ntsiav, ...thc...

    Xyab pam (tej tug, pam xyab=muab cov pas xyoob ntau saum cov hmoov xyab kom lo ua tej tug pas)
    Xyab hmoov, cia li muab hmoob xyab pov rau hauv cov ncaig.
    Xyab lub, ua tej ntsiav, hlawv hauv theev los npaim roj ntses.



    Xyab pam (Hmoob thiab cov teb chaws Tawv Daj siv)



    Xyab lub (cov teb chaws India thiab Khej Dawb siv).



    Xyab hmoov (cov teb chaws Tawv Dawb siv)




    Ntxhuav Mom Xyooj
    Tuaj Tshiab
    Tuaj Tshiab

    Messages : 98
    Date d'inscription : 2012-02-23

    Re: Hmoob Guyane

    Post  Ntxhuav Mom Xyooj on 23rd April 2012, 8:41 am

    Nyob zoo Maiv Tooj
    Ua nws tsaug ntau ntau uas nws tseem pab qhia txog teb chaws Nkws Yas tej
    nyob kev ua noj ua haus pub rau kuv paub. Qhov kuv nug ntawd mas vim tias
    kuv xav mus xyuas Hmoob Nkws Yas teb chaws, kuv thiaj li tau nug li ntawd.

    Hos hais txog ntawm qhov hlawv xyab pe hawm Tswvntuj mas kuv tsis tau pom
    dua los li txij thaum kuv tau los ntseeg Yesxus, kuv tsuas pom yog hlawv
    tswm ciab nkaus xwb.

    Hais txog kom npawg Suav Nus lawv xa txiv lwm tsib tuaj rau kuv saj mas tej zaum teb chaws America lawv tsis kam xa tej txiv xyoob txiv ntoo tuaj
    nkag rau lawv teb chaws qhov nov kuv xav xwb, tsis tau mus nug lawv kiag
    seb puas tau xwb lau'''.


    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Hmoob Guyane

    Post  Maiv Tooj on 23rd April 2012, 9:21 am



    Ntxhuav Mom Xyooj,

    Hlawv xyab hawm Huab tais Ntuj, nws tsis tau pom dua, vim cov teb chaws tawb dawb, lawv hlaw hmoov xyab xwb, yog Hmoob hlawv xyab li Hmoob tug ces yog xyab pam.

    Ntxhuav Mom, tej txiv ntoo thiab nroj ntsuab tej yog nqa ntawm tes mas lawv tsis kam, yog xa hauv post mas tau kawg mas. Kuv twb xa tau tshuaj ntsuab tuaj rau Hmoob Mes Kas cog nev...Hahahah...! Thiab kuv twb tau xa txiv ntseej tuaj tim Mes Kas ko lawm mas.




    Yaj Suav Nus
    Phooj Ywg
    Phooj Ywg

    Messages : 279
    Date d'inscription : 2009-10-23

    Re: Hmoob Guyane

    Post  Yaj Suav Nus on 23rd April 2012, 2:59 pm

    Nyob zoo Maiv Paj Lug, Txawj Tuam, npawg Ntxhuav Mom thiab tais Tooj kuv ua tsaug rau nej cov lus teb thiab nug, yog ib co lus cuab kuv zog. (tau 3 hnub lawm txoj sab internet nyob Cacao tsis khiav zoo thiaj tsis tau tuaj pom nej cov lus)
    Tais Tooj, ua koj tsaug koj tau teb zoo kawg rau npawg Ntxhuav Mom cov lus nug.

    Npawg Ntxhuav Mom kuv teb koj ob lo lus nug:
    Tais Tooj twb teb meej kawg lawm kuv teb me ntsis ntxiv, cov dev mub tom tib neeg nteg qe mas muaj tiag tab sis tsis yog ib qho txaus ntshai. Yim neeg twg tsis nyiam tu vaj tu tsev tsheej xyoo ces lub caij ntuj qhua kuj muaj deb mub...Kuv nyob tau 35 xyoos nyob hauv peb zos Cacao kuv tsis tau raug ib tug dev mub tom li, tab sis 35 xyoos nyob teb chaws Guyane kuv kuj mag dev mub tom ib zaug kom pom thiab paub nrog luag tham...Thaum tus dev mub tom yeej tsis hnov mob li, dhau ntawd mam hnov khaus khaus (txob txob) xyuas ces yog dev mub lawm xwb. Muab koob dig thiab muab paim kom nws cov qe tawm los; txawm tias paim cov qe tawm tsis tas los muab tshuaj pleev rau xwb ces nws cia li zoo lawm, twb mob tsis cuag li thaum yus hluas mob pob kab ntxau es muab pob kab ntxau paim...
    Hais txog tus yoov tshaj cum tom neeg tuag mas yog ib lo lus tham xyav moo tsis zoo kom txaus luag thiab txaus ntshai xwb nws yeej tsis muaj...Tus mob npaws ua kub ua no mas muaj, txij thaum kuv tuaj nyob Guyane xyoo 1977 los txog rau xyoo 2012 no mas kuv tau tus mob no 2 zaug thiab, noj tshuaj xwb zoo lawm. Peb cov Hmoob tuaj nyob Guyane tsis tau muaj ib tug raug yoov tshaj cum tom tuag li. (yog koj hnov tus twg tham no koj sim nug saib tus raug yoov tshaj cum tom tuag npe hu li cas?) Nyob teb chaws Guyane tsis muaj mob li teb chaws Los Tsuas thiab teb chaws Thaib.
    Hais txog hlawv xyab kuv tham ob peb lo ntxiv tais Tooj cov lus:
    Raws li kuv nco tau meej meej mas koj thiab kuv tau sis paub zoo tshaj yog lub caij nyob ua ke hauv yeej thoj nam tawg rog Nam Yao, zoo li thaum ntawd koj tsev neeg tseem tsis tau los ntseeg... Ib txwm yeej muaj hlawv xyab nyob hauv tsev teev ntuj tab sis tsis yog txhua txhua hnub chiv,(qhov tsis hlawv txhua txhua hnub chiv mas yog txoj kev pluag) muaj hlawv xyab rau hnub ua hmoov: Hmoov nqaum nplooj, hnub Tsib Ntshiab thc...Thaum nyob Los Tsuas teb peb cov TP. puav leej yog cov neeg tawv dawb mas ntau zaus tus TP. lawv hmoov xyab los yog ib co tshuaj tsw qab li tais Tooj hais.
    Npawg Ntxhuav Mom kuv nrog koj tham li no xwb, sis ntsib dua lwm zaus.


    Ib lo lus tshaj:

    Xyoo no Hmoob Guyane lub zos CACAO
    Yuav noj tsiab peb caug rau:

    31 / 10 / 2012 - 5 / 11 / 2012

    Thov caw cov kwv tij neej tsa thiab cov phooj ywg nyob deb thiab nyob ze
    tuaj nrog saib nrog xyuas thiab koom kev lom zem.
    Vam tias yuav tau ntsib nej ntau tus.



    Muaj lus xav nug txhob ua siab deb, nug kuv los tau.
    Y. Suav Nus

    Lajpovyaj
    Phooj Ywg
    Phooj Ywg

    Messages : 166
    Date d'inscription : 2009-12-03
    Age : 56
    Localisation : USA

    Re: Hmoob Guyane

    Post  Lajpovyaj on 26th April 2012, 2:46 pm

    Yaj Suav Nus wrote:Nyob zoo Maiv Paj Lug, Txawj Tuam, npawg Ntxhuav Mom thiab tais Tooj kuv ua tsaug rau nej cov lus teb thiab nug, yog ib co lus cuab kuv zog. (tau 3 hnub lawm txoj sab internet nyob Cacao tsis khiav zoo thiaj tsis tau tuaj pom nej cov lus)
    Tais Tooj, ua koj tsaug koj tau teb zoo kawg rau npawg Ntxhuav Mom cov lus nug.

    Npawg Ntxhuav Mom kuv teb koj ob lo lus nug:
    Tais Tooj twb teb meej kawg lawm kuv teb me ntsis ntxiv, cov dev mub tom tib neeg nteg qe mas muaj tiag tab sis tsis yog ib qho txaus ntshai. Yim neeg twg tsis nyiam tu vaj tu tsev tsheej xyoo ces lub caij ntuj qhua kuj muaj deb mub...Kuv nyob tau 35 xyoos nyob hauv peb zos Cacao kuv tsis tau raug ib tug dev mub tom li, tab sis 35 xyoos nyob teb chaws Guyane kuv kuj mag dev mub tom ib zaug kom pom thiab paub nrog luag tham...Thaum tus dev mub tom yeej tsis hnov mob li, dhau ntawd mam hnov khaus khaus (txob txob) xyuas ces yog dev mub lawm xwb. Muab koob dig thiab muab paim kom nws cov qe tawm los; txawm tias paim cov qe tawm tsis tas los muab tshuaj pleev rau xwb ces nws cia li zoo lawm, twb mob tsis cuag li thaum yus hluas mob pob kab ntxau es muab pob kab ntxau paim...
    Hais txog tus yoov tshaj cum tom neeg tuag mas yog ib lo lus tham xyav moo tsis zoo kom txaus luag thiab txaus ntshai xwb nws yeej tsis muaj...Tus mob npaws ua kub ua no mas muaj, txij thaum kuv tuaj nyob Guyane xyoo 1977 los txog rau xyoo 2012 no mas kuv tau tus mob no 2 zaug thiab, noj tshuaj xwb zoo lawm. Peb cov Hmoob tuaj nyob Guyane tsis tau muaj ib tug raug yoov tshaj cum tom tuag li. (yog koj hnov tus twg tham no koj sim nug saib tus raug yoov tshaj cum tom tuag npe hu li cas?) Nyob teb chaws Guyane tsis muaj mob li teb chaws Los Tsuas thiab teb chaws Thaib.
    Hais txog hlawv xyab kuv tham ob peb lo ntxiv tais Tooj cov lus:
    Raws li kuv nco tau meej meej mas koj thiab kuv tau sis paub zoo tshaj yog lub caij nyob ua ke hauv yeej thoj nam tawg rog Nam Yao, zoo li thaum ntawd koj tsev neeg tseem tsis tau los ntseeg... Ib txwm yeej muaj hlawv xyab nyob hauv tsev teev ntuj tab sis tsis yog txhua txhua hnub chiv,(qhov tsis hlawv txhua txhua hnub chiv mas yog txoj kev pluag) muaj hlawv xyab rau hnub ua hmoov: Hmoov nqaum nplooj, hnub Tsib Ntshiab thc...Thaum nyob Los Tsuas teb peb cov TP. puav leej yog cov neeg tawv dawb mas ntau zaus tus TP. lawv hmoov xyab los yog ib co tshuaj tsw qab li tais Tooj hais.
    Npawg Ntxhuav Mom kuv nrog koj tham li no xwb, sis ntsib dua lwm zaus.


    Ib lo lus tshaj:

    Xyoo no Hmoob Guyane lub zos CACAO
    Yuav noj tsiab peb caug rau:

    31 / 10 / 2012 - 5 / 11 / 2012

    Thov caw cov kwv tij neej tsa thiab cov phooj ywg nyob deb thiab nyob ze
    tuaj nrog saib nrog xyuas thiab koom kev lom zem.
    Vam tias yuav tau ntsib nej ntau tus.



    Muaj lus xav nug txhob ua siab deb, nug kuv los tau.
    Y. Suav Nus
    Nyob zoo txiv suav nus.
    Kuv xav tuaj koom nej lub tsiab 30 kom pom kwv tij neej tsa txhua tus kawg tab sis kuv yog niag neeg muaj mob luag niaj luag xyoo twb tawm tsis tau 1 hnub rau qhov twg li nyob rawv hauv kws kho mob xub ntiag tas niaj tas xyoo xwb ntshe yuav tuaj koom tsis tau nej li lau.
    Ua tsaug uas koj coj tuaj qhia 3 paub mog.

    Yaj Suav Nus
    Phooj Ywg
    Phooj Ywg

    Messages : 279
    Date d'inscription : 2009-10-23

    Ua si ua kev zoo siab HT. Yes Xus sawv rov los

    Post  Yaj Suav Nus on 29th May 2012, 4:59 pm

    Nyob zoo cov phooj ywg,
    Tshaj ib lub hlis uas kuv muaj teeb meem (internet khiav tsis zoo) thiaj tsis tau tuaj saib nej thiab nrognej tham. Hnub no tuaj tham tej yam uas lub caij twb dhau lawm, tab sis xav tias cia tham kom tau laug lub caij nyoog thiab ho khaws ua dab neeg. Tso ib co duab ua kev sis tham...

    Hnub tim 28/4/2012 yog ib hnub hauv lub caij Hla,



    Thaum sawv daws tuaj txhij, lawv sib faib ua tej pab,
    pab twg twb yuav coj ib pluaj ntaub ua lub cim,
    ib co hluas paub tab pab saib xyuas kom txhob muaj xwm txheej.



















    Xyoo no yog ib xyoos muaj ntau tshaj txhia xyoo,
    cov hluas nrog cov me nyuam yaus tsis kam hloov tus txheej txheem ces lawv tiv nag ua si.
    (Lub teb chaws Guyane yog ib lub teb chaws tiv nag tas hnub los tsis tau khaub thuas)


    Tus thawj coj Yaj Huab sib tab tom piav kev yuav ua si rau sawv daws










    Cov me nyuam yuav nrhiav kom tau txhua yam raws li cov duab







































    Ua tsaug rau nej cov sij hawm nrog xyuas kuv cov duab.
    Sis ntsib dua lwm zaus, nej sawv daws nyob zoo.

    Y. Suav Nus

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Hmoob Guyane

    Post  Maiv Tooj on 30th May 2012, 5:54 am



    Nyob zoo txiv Suav nus,

    Yog kawg, ntev ntev tsis pom koj tuaj xyuas peb lawm, peb nco koj kawg li.

    Ua tsaug rau koj cov duab zoo nkauj, pom nej nyob ua pab ua pawg mas ua rau peb muaj kev kaj siab lawm ntau.

    Ua li koj tham txog nej kev sib sau ntawm cov duab ntau me ntsis rau peb puas tau?
    Yog nej ua dab tsi thiab yog nej sib sau los ua dab tsi?
    Kom cov tuaj xyuas los thiaj paub txog nej kev sib koom zaum no.

    Ua tsaug.




    Yaj Suav Nus
    Phooj Ywg
    Phooj Ywg

    Messages : 279
    Date d'inscription : 2009-10-23

    Re: Hmoob Guyane

    Post  Yaj Suav Nus on 31st May 2012, 6:54 am

    Nyob zoo tais Tooj,
    Raws li txhua xyoo thaum ua lub hmoov Huab Tais Yes Xus tuag thiab sawv rov los tas mas lub rooj tswj hwm phab kev ntseeg npaj ib lub sij hawm ua kev lom zem rau sawb daws. Xyoo no lub rooj tswj hwm npaj ib hnub ua kev lom zem cov me nyuam yau. Rov tham me ntsis txog lub caij qhib lub xyoo teev ntuj : lub caij qhib lub xyoo teev ntuj yog pib txij lub caij ‘Tos Huab Tais’ xyoo no mas nyob hauv kev teev ntuj cov coj yuav nco ntsoov ua kom muaj qhov rub cov me nyuam los npuab txoj kev ntseeg. Kuv twb tau tham txog thaum ua lub hmoov Huab Tais Yes Xus yog log, hais tias txhob txwm npaj lub txoos teev ntuj kom ntxov cov me nyuam thiaj yuav koom tau kom txog thaum teev ntuj tas.
    Lub rooj tswj hwm yeej xub npaj tau tus txheej txheem ua ntej yuav txog lub hmoov Huab Tais Yes Xus tuag thiab sawv rov los, vim muaj ob peb tug hluas tuaj yeem pab ntau txoj hauj lwm tsis xyeej rau luj caij teem ces thiab tau muab ncua rau hnub tim 28/4/2012. Raws li cov duab nej pom los saud yog ua si li ua si xwb, tab sis muaj txoj kev ntseeg mus nrog uas tsis thau duab tseg xwb, yam li : sawv daws teev ntuj, hu nauj, thiab xib Hwb los Txiv Plig hais tej co lus txhawb cov me nyuam, qhia cov me nyuam kom kub siab ua ib co me nyuam ntseeg zoo… Tus txheej txheem kev ua si muaj ntsis zoo raws li taug ‘Ntoo cuam’ txoj kev. Cov me nyuam kev ua si mus ib qho rau ib qho thoob plaws hauv lub zos. Muab cov me nyuam faib ua ntau pab, ib pab twg muaj ib los ob tug hluas paub tab kom tau pab cov yau thiab ib leeg coj ib pluaj ntaub ua kev cim kom txhob yuam kev mus poo lwm pab. Muaj paj tshab pub rau txhua tus me nyuam. Qhib kev tuaj sis sau ua si thaum 8 teev sawv ntxov mus txog rau 9 teev tsaus ntuj. Cov tuaj koom ua si yog tas nrho cov me nyuam tus me txog tus loj, ib co niam txiv tuaj txhawb lawv cov me nyuam nrog rau tus Txiv Plig thiab ob tug Xib Hwb.
    Lub ntsiab lus ua si yog zoo siab tshaj peb tus Huab Tais Yes Xus kev sawv rov los muaj txoj sia nyob mus li.


    Tus txheej txheem ua si ob qho rau ib qho

    Vam tias cov lus tham yuav pab tau sawv daws to taub zoo.
    Sis ntsib dua lwm zaus.

    Y. Suav Nus

    Yaj Suav Nus
    Phooj Ywg
    Phooj Ywg

    Messages : 279
    Date d'inscription : 2009-10-23

    Hmoob cog paj

    Post  Yaj Suav Nus on 1st June 2012, 11:31 am

    Nyob zoo cov phooj ywg txhua tus,
    Kuv tuaj tham me ntsis txog nyob Guyane muaj tej co Hmoob cog paj muag.
    Caw nej nrog saib thiab nyeem cov lus tham:



    Thov txim, kuv mus tsis tau txog cov tswv uas lawv cog paj muag ces kuv tso khoog paj no rau nej saib xwb,
    koog paj no nyuam qhuav cog tshiab tawg thawj phaum paj,
    yog tias thaum cov paj huam ntom cov kab tag mas yuav zoo nkauj zog


    Paj nplai kum zaug dawb
    kuv paub cov npe uas yog lus Fab Kis tsis tas ces kuv tsis sau
    Cov tswv cog paj muag mas lawv paub tag huv si cov paj npe


    Paj nplai kum zaug liab


    Lub paj no cia koj ua tus tis npe raws li koj nyiam rau


    Paj qws nruas dawb


    Paj qws nruas liab
    Nej pom muaj txoj hlua khi, peb hais tias ib teg losyog ib pob
    Tus nqi pheej yig tshaj ib teg yog 1,50e.


    Paj nplai kum zaug loj


    Lub paj tsawb ntshav no mas yog kiag cov tsawb uas nej paub
    tab sis hom tsawb no yog ib hom me me, cog saib xwb, nws cov txiv tsis txawj puv li


    Paj tsawb liab


    Paj tsawb kaus ncauj leeb nkaub daj


    Paj kaus ncauj leeb nkaub soob


    Paj qhaus

    [center]


    Lub teb chaws Fab Kis, cov laus uas twb noj nyiaj laus lawm mas txoj cai pub ua teb raws li ib txwm ua tab sis yog tsis muaj kev pab lawm, yog ib qho cia cov laus ua kev txhoj phob laug sij hawm kom txhob muaj mob, txawm yuav tau nyiaj ntau npaum li cas los luag tsis txiav nyiaj laus, luag tsuas muaj qhuas xwb.


    Tseem tshuav ntau ntau yam paj ntxiv uas kuv thau tsis tau, cia lwm hnub yog thau tau daim puav duab no mam rob muab tuaj tham dua.
    Lub caij no nyob rau As Mes Lis Kas teb lub Hmoov Leej Niam twb dhau lawm, tab sis nyob rau teb chaws Fab Kis no tseem nyuam qhuav los txog rau hnub chiv tim 3/6/2012, Lub caij ua lub Hmoov Leej Niam mas cov Hmoob cog paj tau zoo ua luam kawg li, thaum tshuav li 20 tawm hnub yuav txog twb muaj cov tub luam hu xov tooj tuaj teem yuav paj lawm. cov paj ua nej pom no feem ntau ces yog xa ncaj qha rau cov tub luam, tshuav cov seem mam coj mus kav kiab.

    Lus tham muaj li no xwb, ua tsaug koj lub sij hawm xyuas kuv cov paj thiab nyeem cov lus tham.
    Mam sis ntsib dua nej sawv daws nyob zoo, Nyob zoo rau koj tus uas yog ib leeg niam.

    Y. Suav Nus

    Ntxhuav Mom Xyooj
    Tuaj Tshiab
    Tuaj Tshiab

    Messages : 98
    Date d'inscription : 2012-02-23

    Re: Hmoob Guyane

    Post  Ntxhuav Mom Xyooj on 1st June 2012, 9:20 pm

    Nyob zoo npawg Suav Nus

    Ua koj tsaug ntau uas koj tseem tso tau ib co duab paj qhaus uas zoo nkauj
    kawg rau peb tau saib. Pom cov paj qhaus no mas nco txog teb chaws Los tsuas kawg. Nej nyob rau lub teb chaws sov thiaj li cog tau tej paj qhaus no, peb nyob rau lub teb chaws txias ces yeej tsis pom tej paj no li.

    Mam sis ntsib dua.

    Yaj Suav Nus
    Phooj Ywg
    Phooj Ywg

    Messages : 279
    Date d'inscription : 2009-10-23

    Re: Hmoob Guyane

    Post  Yaj Suav Nus on 4th June 2012, 1:19 pm

    Ntxhuav Mom Xyooj wrote:Nyob zoo npawg Suav Nus

    Ua koj tsaug ntau uas koj tseem tso tau ib co duab paj qhaus uas zoo nkauj
    kawg rau peb tau saib. Pom cov paj qhaus no mas nco txog teb chaws Los tsuas kawg. Nej nyob rau lub teb chaws sov thiaj li cog tau tej paj qhaus no, peb nyob rau lub teb chaws txias ces yeej tsis pom tej paj no li.

    Mam sis ntsib dua.
    Nyob zoo npawg Ntxhuav Mom,
    ua koj tsaug koj tseem nrog kuv qhuas thiab ua tsaug rau nej txhua tus tuaj nrog kuv saib.
    Lub teb chaws Guyane tsuas muaj pej xeem tshaj zog ob puas txhiab leej xwb, tab yog cov neeg uas lawv yeej yog cog paj muag xwb los tsis cog ntau li cov neeg cog paj muag nyob As Mes Lis Kas thiab nyob rau Fas Kis av loj, qhov lawv tsis cog ntau mas yog lawv tsuas cog muag rau cov pej xeem nyob hauv Guyane xwb lawv tsis cog yuav xa mus muag txawv teb chaws. Lwm haiv neeg uas tsis yog Hmoob tsis muaj cov cog tau paj muag ntau npau li Hmoob.
    nrog koj tham li no xwb, nyob zoo koj. Mam sis tham dua lwm zaus.

    Y. Suav Nus

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Hmoob Guyane

    Post  Maiv Tooj on 5th June 2012, 7:53 am



    Nyob zoo txiv Suav nus thiab kwv Ntxhuav Mom Xyooj,

    Txiv Suav Nus,

    Ua tsaug ntau rau koj cov duab zoo nkauj thiab ntau yam uas nej sib koom tes ua rau lub Caij Plaub Caug. Yog ib qho zoo kawg. Nco ntsoov xa nej moo rau peb Hmoob thoob ntiaj teb taug pom nawb.

    Kwv Ntxhuav Mom,

    Cas nws txawm siv muab nws thiab nws nyab cov duab tshem tag lawm naj?
    Kuv twb tuaj saib pom nws cov duab, tab sis kuv tseem mob mob tes ces kuv tsis sau dab tsi rau nws. Txhob muab tshem mas mog, hauv peb lub tsev nov yog ib lub tsev tseem ceeb, txhua yam peb tso peb tso siab lug. Ua li cov paj uas nej mus thaij duab ntawd yog lawv cog muag los yog cog ua noob?
    Puas yog Hmoob li teb, cas yuav cog tau ntau ua luaj li?







    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Hmoob Guyane

    Post  Maiv Paj Lug on 5th June 2012, 8:05 am





    Suav Nus...zoo siab ntau pom cov paj koj tuaj tso no zoo nkauj heev li os, kuv xav nug seb cov paj no es thaum cog nws tawg paj lawm ces yeej tawg thawm niaj thawm xyoo li los? los yog tawg muaj caij ib yam li lwm hom paj os los? cas yuav zoo nkauj ua luaj, thaum ub peb nyob teb chaws Guyane kuv tseem yau thiab zoo li tsis tau pom neeg cog ntau ces kuv tsis nco qab tas lawm, tiam sis tam sim no neeg cog tau ntau thiab zoo nkauj heev, muaj txhij muaj txhua zoo tag siab nrho.[/center]




    <3 <3 Pab kuv rov los cuag koj Huab Tais Yesxus <3 <3

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Hmoob Guyane

    Post  Maiv Paj Lug on 5th June 2012, 8:10 am

    Yaj Suav Nus wrote:Nyob zoo Maiv Paj Lug, Txawj Tuam, npawg Ntxhuav Mom thiab tais Tooj kuv ua tsaug rau nej cov lus teb thiab nug, yog ib co lus cuab kuv zog. (tau 3 hnub lawm txoj sab internet nyob Cacao tsis khiav zoo thiaj tsis tau tuaj pom nej cov lus)
    Tais Tooj, ua koj tsaug koj tau teb zoo kawg rau npawg Ntxhuav Mom cov lus nug.

    Npawg Ntxhuav Mom kuv teb koj ob lo lus nug:
    Tais Tooj twb teb meej kawg lawm kuv teb me ntsis ntxiv, cov dev mub tom tib neeg nteg qe mas muaj tiag tab sis tsis yog ib qho txaus ntshai. Yim neeg twg tsis nyiam tu vaj tu tsev tsheej xyoo ces lub caij ntuj qhua kuj muaj deb mub...Kuv nyob tau 35 xyoos nyob hauv peb zos Cacao kuv tsis tau raug ib tug dev mub tom li, tab sis 35 xyoos nyob teb chaws Guyane kuv kuj mag dev mub tom ib zaug kom pom thiab paub nrog luag tham...Thaum tus dev mub tom yeej tsis hnov mob li, dhau ntawd mam hnov khaus khaus (txob txob) xyuas ces yog dev mub lawm xwb. Muab koob dig thiab muab paim kom nws cov qe tawm los; txawm tias paim cov qe tawm tsis tas los muab tshuaj pleev rau xwb ces nws cia li zoo lawm, twb mob tsis cuag li thaum yus hluas mob pob kab ntxau es muab pob kab ntxau paim...
    Hais txog tus yoov tshaj cum tom neeg tuag mas yog ib lo lus tham xyav moo tsis zoo kom txaus luag thiab txaus ntshai xwb nws yeej tsis muaj...Tus mob npaws ua kub ua no mas muaj, txij thaum kuv tuaj nyob Guyane xyoo 1977 los txog rau xyoo 2012 no mas kuv tau tus mob no 2 zaug thiab, noj tshuaj xwb zoo lawm. Peb cov Hmoob tuaj nyob Guyane tsis tau muaj ib tug raug yoov tshaj cum tom tuag li. (yog koj hnov tus twg tham no koj sim nug saib tus raug yoov tshaj cum tom tuag npe hu li cas?) Nyob teb chaws Guyane tsis muaj mob li teb chaws Los Tsuas thiab teb chaws Thaib.
    Hais txog hlawv xyab kuv tham ob peb lo ntxiv tais Tooj cov lus:
    Raws li kuv nco tau meej meej mas koj thiab kuv tau sis paub zoo tshaj yog lub caij nyob ua ke hauv yeej thoj nam tawg rog Nam Yao, zoo li thaum ntawd koj tsev neeg tseem tsis tau los ntseeg... Ib txwm yeej muaj hlawv xyab nyob hauv tsev teev ntuj tab sis tsis yog txhua txhua hnub chiv,(qhov tsis hlawv txhua txhua hnub chiv mas yog txoj kev pluag) muaj hlawv xyab rau hnub ua hmoov: Hmoov nqaum nplooj, hnub Tsib Ntshiab thc...Thaum nyob Los Tsuas teb peb cov TP. puav leej yog cov neeg tawv dawb mas ntau zaus tus TP. lawv hmoov xyab los yog ib co tshuaj tsw qab li tais Tooj hais.
    Npawg Ntxhuav Mom kuv nrog koj tham li no xwb, sis ntsib dua lwm zaus.


    Ib lo lus tshaj:

    Xyoo no Hmoob Guyane lub zos CACAO
    Yuav noj tsiab peb caug rau:

    31 / 10 / 2012 - 5 / 11 / 2012

    Thov caw cov kwv tij neej tsa thiab cov phooj ywg nyob deb thiab nyob ze
    tuaj nrog saib nrog xyuas thiab koom kev lom zem.
    Vam tias yuav tau ntsib nej ntau tus.



    Muaj lus xav nug txhob ua siab deb, nug kuv los tau.
    Y. Suav Nus

    Ua tsaug ntau ua nej nyob teb chaws Guyane tseem caw txog peb thiab os, kuv xav nug seb nej noj peb caug hnub tim 31 mus txog hnub 5 no es hnub 31 ces yeej pov pob lawm los tseem yog hnub uas lwm qaib tej ntawv xwb? thiab hnub 5 yog hnub xaus los? kuv kuj xav tuaj koom nej kawg li thiab tiag, tiam sis kuv vacance txij hnub 5 mus xwb, ces yog tuaj ces nej twb noj tag lawm, tiam sis yog kuv tuaj kiag hnub 1 thiab 2 ntawv tseem ncav nej thiab, tiam sis cia seb npaj puas yeej tuaj lau, vim kuv los zoo li tsis muaj txeeb ze nyob Guyane lawm es tsis pom qab mus so qhov twg, yog tias tuaj centshe kawg yaum tej phoojywg tuaj es sib koom nyiaj xaub luv caij thiab mus nrhiav Hotel pw lawm xwb ho, zoo li kuv tsis paub neeg txheeb nyob Guyane tas lawm. Nyob hauv Cacao puas muaj Hotel uas yus yuav xaub tau nyob thiab pw li ib lis piam ne los?




    <3 <3 Pab kuv rov los cuag koj Huab Tais Yesxus <3 <3

    Sponsored content

    Re: Hmoob Guyane

    Post  Sponsored content Today at 8:55 pm


      Current date/time is 10th December 2016, 8:55 pm