HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Hmoob Guyane - Page 8 Empty

Latest topics

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

» Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975
by Maiv Tooj 14th November 2022, 10:03 am

Suav neeg tuaj saib, txij hnub 17/09/2010 los mus.


+12
Bao X Mary
Lajpovyaj
Nujsisloob1
Maivxis
NrhiavTswvNtuj
dejntwstsirovqab
Admin
Mim
Maiv Paj Lug
Npuagtub
Yaj Suav Nus
Maiv Tooj
16 posters

    Hmoob Guyane

    Lajpovyaj
    Lajpovyaj
    Phooj Ywg
    Phooj Ywg


    Messages : 112
    Date d'inscription : 2009-12-03
    Age : 64
    Localisation : USA

    Hmoob Guyane - Page 8 Empty Re: Hmoob Guyane

    Post  Lajpovyaj 10th November 2011, 4:26 pm

    Txiv suav nus.
    nej noj 30 haib tag npaum no ntag?
    yog haib npaum no tiag ces kuv tsis mus tim nplog li lawm lauj kuv tuaj tim nej xwb haib dua thiab tseem tsis poob nyiaj ntau npaum mus tim nplog lawm os.
    xyoo no ces dhau lawm lwm xyoo yog yuav noj 30 thaum twg no koj nco ntsoov qhia kuv es kuv yuav tuaj nrog nej noj 30 noj ncuav ntsw suav thaj.noj nej tej txiv hmab txiv ntoo.
    thiab koj teem kom tau 2 tug pog laus kuv tuaj txog koj coj kuv mus tham nawb.yuav los tau li tiag yuav 1 tug poj niam tim nej nqe li cas koj qhia kuv thiaj zoo npaj phaj tshab kom txaus ov.
    ua cas kuv pom koj cov duab muaj 1 tug yog kiag xib hwb zoov ntxheb ne?nws tuaj nrog nej noj 30 lod?
    Xib hwb zoov ntxheb xib hwb xaiv tuam thiab kuv txiv yog 1 phaum neeg nim no nkawd tseem nyob khov kho.
    kuv txiv dua twg lawm nid?yog tseem nyob no ntshe tsuas laus 1 yam li nkawd thiab xwb auv.
    NrhiavTswvNtuj
    NrhiavTswvNtuj
    Tswv Cuab Hmong Catholique
    Tswv Cuab Hmong Catholique


    Messages : 1033
    Date d'inscription : 2009-08-18

    Hmoob Guyane - Page 8 Empty Re: Hmoob Guyane

    Post  NrhiavTswvNtuj 10th November 2011, 10:02 pm


    Nyob zoo txiv Suav Nus,

    Ua tsaug rau koj lub caij muaj nqes tuaj tshaj nej lub Tsiab Peb Caug rau qab ntuj neeg paub thiab pom.
    Nej nyob txawm chaw, nyob ua pab ua pawg, nej yeej ua tau zoo heev. Txhob tso tseg, rau siab mus ntxiv nawb, Hmoob li teej tug thiab puav pheej ces yog nej coj nej nqa lawm xwb. Hmoob lub sam xeeb uas muaj Txiaj Ntsim ntawm Fab Kis los yog nej tuav, kuv zoo siab rau nej kev nyob ua pab, tswj ua pawg, yog ib qho uas Peb Hmoob yuav muab khaws ua qauv ua neej vam meej thiaj twj lij.
    Txiv Suav Nus, kuv kho nws ib lo lus lawm, hais rau nws paub, yam li los lus Lwm Qaib yog lwm nkauj nraug los sib sau ua neej, yog LWM qaib Noj Peb Caug mas yeej xuas qaib lwm tib yam, tab sis hu ua LWM TSIAB.

    Me tub Xeebzeejkim,

    Nws xa mus nrog lawv noj Peb Caug nyob Kas Kaus, NKws Yas ces nws npaj, lub week-end kawg nkaus ntawm lub 10 hli ces lawv yeej noj txhua xyoo, kom haum rau Tub Ntawv So, thiaj li los ua si tau thiab kom cov zos ib ncig tuaj tau. Hahahah...Yog vam pog laus , ntxhais hluas mas ntshe yuav tig rov rau sab Toob Fab lawm, vim nyob Nkws Yas mas cov niam txiv sib sib hlub, tsis muaj sib cav thiaj sib ceg, sib ciav sib cais. Tus uas tssi muaj hmoo es ntuj faib teb qee lawm los lawv yeej nyob ua ib cov poj ntsuam tsim txiaj muaj meej, lawv tsis lam qaij tes ntxeev taw rau luag tej txiv los tej tub hluas. Nws mus no ces nws yaum kom lawv coj nws mus plob hav zoo, cuab ntse tua nqaij xwb txhob yaum lawv mus yos hmo ntuj tsam ces lawv saib nws tssi khuav qhov muag, tsis muaj neeg hu nws mus noj mov lawm... Cool ces mus ib lom Nkws Yas los tssi tau txiv hmab txiv ntoo noj.

    Hmoob Guyane - Page 8 Pt693010
    Lajpovyaj
    Lajpovyaj
    Phooj Ywg
    Phooj Ywg


    Messages : 112
    Date d'inscription : 2009-12-03
    Age : 64
    Localisation : USA

    Hmoob Guyane - Page 8 Empty Re: Hmoob Guyane

    Post  Lajpovyaj 24th November 2011, 2:05 pm


    Nyob zoo nrhiavtswvntuj.
    Tos txiv suav nus nim tsis teb kuv li los vim yog teb chaws nkws yas tsis muaj pog laus poj nrauj poj ntsuam li koj hais nev yom.
    kav liam mas yog tsis muaj cov pog laus uas tseem tham hluas nraug li lwm qhov lwm lub teb chaws no los tsis ua cas cia lwm xyoo yog kuv npaj tau sij hawm txaus no los kuv tuaj mus nrog lawv noj 30 thiab ho npaj mus ncig saib lawv tej liaj tej teb tej kev khwv noj khwv haus xwb ces zoo siab lawm.
    lo niag lus uas kuv kom txiv suav nus teem tus puav pog laus es kuv tuaj ho coj kuv mus saib mus tham mas tsuas yog hais tso dag ua si kom lom zem xwb yus yuav ua tsis taus txiv npaum li hais lawm.
    sib ntsib dua mog.
    Maivxis
    Maivxis
    Phooj Ywg
    Phooj Ywg


    Messages : 191
    Date d'inscription : 2009-11-05

    Hmoob Guyane - Page 8 Empty Re: Hmoob Guyane

    Post  Maivxis 25th November 2011, 6:00 am

    Yaj Suav Nus wrote:Nyob zoo cov phooj ywg,

    Nyob zoo os suav nus ,

    Oh........ es nej twb noj peb ncaug lawm los , Zoo siab tau pom nej hmoob guyane Noj peb ncaug os zoo li nej lom zem kawg li os yuad .....! Peb hmoob fabkis Av loj no ces ib leeg nyob ib qho deb deb es peb twb noj tsis lom zem li nej li os , Ua taug uas koj Tuaj tso duab rau peb saib nawb lod

    Maivxis .
    Yaj Suav Nus
    Yaj Suav Nus
    Phooj Ywg
    Phooj Ywg


    Messages : 268
    Date d'inscription : 2009-10-23

    Hmoob Guyane - Page 8 Empty Re: Hmoob Guyane

    Post  Yaj Suav Nus 25th November 2011, 1:20 pm

    Nyob zoo Xeebzeejkim,
    Ua tsaug rau koj cov lus tso daj tso luag ! Ha…!!! Tsis hais zaum no thiab ob peb nyuag hnub tas lawd. Yog tsis muaj koj ntshai cov phooj ywg twb tsis paub tias kuv tsis xis neej tau ob peb hnub… Ob peb hnub kuj yog ib tog hli thiab…!!! Rau qhov kuv tsis xav qhia nev!
    Ua tsaug ntxiv, zoo li koj muaj kev txhawj txog kuv thiab… (thaum yus nquag me ntsis lawm es mus ncig ntawm tej mas xav hnov cov neeg yus ntsib ntawd hais tias: zoo lawm lod ?... )
    Yog muaj siab cia saus tiag xyoo no tsis xam npaj siab rov lwm xyoo… Tuaj txog kuv vaj kuv tsev yog koj vaj koj tsev ntag ! Koj yeej paub zoo tias kuv yuav coj tsis tau koj mus ua si raws koj siab xav… tab sis txhob ua siab deb kuv muaj kwv muaj tij thiab muaj phooj ywg… ib tug tsis xyeej los ib tug yuav xyeej ov !
    Qhov kuv zoo siab tshaj mas yog pom koj noj qab nyob zoo.

    Nyoob zoo NrhiavTswvNtuj,
    Ua tsaug uas koj tau pab kub kho…yog li kuv tau hais lawm: nws yog ib qho kev kawm ntxiv rau kuv. Txhob tso tej qho zoo li koj ua no tseg… Kuv xav kom peb txhua tus xyaum yoog raws li koj.

    Nyob zoo Maivxis,
    Zoo siab uas koj tseem tau qhuas txog peb thiab tej lo lus txhawb kuv zog loj kawg, kuv tsis txawj yuav hais li cas thiaj zoo tsuas txawj hais tia: Ua tsaug rau koj xwb.

    Cov phooj ywg… tshuav nej leej twg kuv tsis tau hais lus teb rau nej no kuv thov nej zam kuv qhov yuam kev ov!

    Kuv ntseeg tias peb tus Huab Tais Tswv Ntuj yuav maj mam pauj 100 – 1000… npaug ntawm txhua yam zoo uas nej sawv daws tau ua rov rau nej.

    Sis ntsib dual wm zaus.

    Y. Suav Nus
    Tub Kawm
    Tub Kawm
    Phooj Ywg
    Phooj Ywg


    Messages : 375
    Date d'inscription : 2011-10-13

    Hmoob Guyane - Page 8 Empty Re: Hmoob Guyane

    Post  Tub Kawm 26th November 2011, 10:18 pm

    Nyoob zoo Txiv suav num. Xyov tem kuv ho yuav muab koj hu li cas thiab. Viam kuv twb muab Niam Txooj Tub hu ua niam hlob lawm. Kuv lam hu raws li Niam hlob hu koj xawb. Xyov koj yog phaj txiv los nrog niam hlob ib phaj xwb? kuv tsi tau paub lam muab koj hu txiv ntxawm no ib zau. Txiv suav kuv twb tuaj tau ib lub hli hau no lawm. Kuv nco mas zoo nkaus li kuv tsi tau hu koj los tem twb hu tas lawm, es tsi nco qab lawm. Thov koj txhob xav li cas rau kuv, Txiv Suav kuv ua koj tsaug uas koj coj nej lub paj tsiab peb caug hmoob nkws yas tuaj tso pub rau peb paub og, saib nws cov duab mas ua rau kuv lub siab ya yuj plawg zoo nkau li twb tuaj tau nrog nej koom ua ke lawm. Txiv Suav kuv thov nug es ua li koj thiab Maiv paj neb nyob ua kes los? koj nyob koj ib qho lawm og? Thiab koj puas yog nyob kiag rau hauv lub nroo nkws yas uas Txiv plig Txhiaj Tswv uas yog cob tsi es tuaj kawm lus hmoob tim nej ko no. Koj puas paub nws thia? Txiv suav kuv thov nug tias nyob rau hauv nej lub zos peb cov kav tos liv puas muaj coob? Thiab cov Tub ntxhais seev cev puas yog hmoob? Txiv suav num kuv tau nug ntau kawg li lawm ntshai nws laj laj teb li lawm og, hahaha... Nyob zoo, thov kom lub xyoob tshiab nws nyob kaj siab lug. Mam sib ntsib dua
    Yaj Suav Nus
    Yaj Suav Nus
    Phooj Ywg
    Phooj Ywg


    Messages : 268
    Date d'inscription : 2009-10-23

    Hmoob Guyane - Page 8 Empty Re: Hmoob Guyane

    Post  Yaj Suav Nus 27th November 2011, 2:54 am

    Nyob zoo Txawj Tuam,
    Kuv nrog niam Txooj Tub ib phaj, kuv yog kwv, Txooj Tub wb yog kwv tij.

    Maiv Paj Lug wb tsis koom lub xeem, thaum Maiv Paj tseem yau peb tau nyob ua ke Guyane tab si Maiv Paj tsev neeg tau tsiv mus nyob rau Fab Kis (Fab Kis av loj).

    Kuv paub T.P. Tshaj Tswv (tsis yog T.P.txhiaj Tswv) lub npe "Tshaj Tswv" twb yog Hmoob Guyane tis rau ntag. Nws tau tuaj nyob Guyane zoo li yog 10 xyoo (tsis nco meej lawm) T.P. Tshaj Tswv paub kuv zoo, yog koj nug nws mas nws yuav nco tau kuv xwb.

    Cov ntseeg Catholique sua cov tub nyab uas tseem nrog niam txiv nyob ua ke muaj tshaj 100 yim, muaj tshaj 600 leej.
    Xam rau tag nrho cov Hmoob lub zos Cacao (kas kaus) cov ntseeg yog 40%.

    cov tub ntxhais seev cev puav leej yog Hmoob tas nrho.
    Yog koj muaj lus xav nug lwm yam ntawm kuv mas koj nug tau.

    Sis ntsib dua.

    Y. Suav Nus
    Tub Kawm
    Tub Kawm
    Phooj Ywg
    Phooj Ywg


    Messages : 375
    Date d'inscription : 2011-10-13

    Hmoob Guyane - Page 8 Empty Re: Hmoob Guyane

    Post  Tub Kawm 27th November 2011, 8:21 am


    Nyob zoo Txiv suav num yog koj hais li ko ces kuv los kuj yuav tau nej cov hmoob yaj thiab ces kuv muab koj hu xws Txiv Ntxawm  og nawb. Xws li kuv hu Niam hlob og, tiam si tsi paub koj ho yog hlob thiab los yog txiv ntxawm, vim kuv Txiv uas yug kuv poj niam niam twb muaj 55 xyoo lawm. Ua tsau uas koj tau qhia txog ntau yam rau kuv og. Kuv muaj ntau yam yuav nug koj tiam sis cia wb sib nug rau hauv lub "topic" uas "sib nrhiav Tswv Ntuj thiab sib nug moo" og, thov koj pab muab wb cov lus no tshem coj mus tso rau chav ntawd, los (topic) ntawd kom thiaj li yuav nyob ua ke og. Vim tias kuv tsi txawj tshem li ntawd es thiaj li kom koj pab. Nyob zoo koj.
    Yaj Suav Nus
    Yaj Suav Nus
    Phooj Ywg
    Phooj Ywg


    Messages : 268
    Date d'inscription : 2009-10-23

    Hmoob Guyane - Page 8 Empty Re: Hmoob Guyane

    Post  Yaj Suav Nus 28th November 2011, 3:40 am

    Nyob zoo Txawj Tuam,
    koj hu Txooj Tub nkawd ob niam txiv ua niam hlob thiab txiv hlob, nkawd kuj yog kuv niam tij thiab tij laug. Koj hu kuv ua txiv ntxawm yeej yog lawm, kuv yog phaj txiv koj yog phaj tub, hu li no mus yog lwm hnub muaj chaw txheeb qhov tshiab los mam dua qhov tshiab ov!

    Y. Suav Nus
    Yaj Suav Nus
    Yaj Suav Nus
    Phooj Ywg
    Phooj Ywg


    Messages : 268
    Date d'inscription : 2009-10-23

    Hmoob Guyane - Page 8 Empty Re: Hmoob Guyane

    Post  Yaj Suav Nus 26th December 2011, 6:23 am

    Nyob zoo cov phooj ywg,
    Caw nej nrog saib ob peb daim duab peb cov ntseeg nyob lub zos Cacao teb chaws Guyane ua lub ntees cav txog Huab Tais Yes Xus yug los.

    Hmoob Guyane - Page 8 Img_0010
    Xyoo no lub rooj tswj pawg ntseeg ua ib qho kom muaj kev lom zem rau cov me nyuam
    thiab txhawb cov me nyuam raws txoj kev ntseeg
    xyoo no sawv daws ua lub txoos ntxov dua txhia xyoo
    li ntawd mas tseem tsis tau tsaus ntuj twb muaj neeg tuaj nyob tos lawm

    Hmoob Guyane - Page 8 Img_0011

    Hmoob Guyane - Page 8 Img_0012

    Hmoob Guyane - Page 8 Img_0013

    Hmoob Guyane - Page 8 Img_0014

    Hmoob Guyane - Page 8 Img_0015

    Hmoob Guyane - Page 8 Img_0016

    Hmoob Guyane - Page 8 Img_0018
    Leej Choj muab tus me nyuam Yes Xus los foom hmoov zoo rau
    tas nrho cov me nyuam uas tuaj teev ntuj

    Hmoob Guyane - Page 8 Img_0019
    Cov coj lub txoos hu nkauj
    Hu nkauj nrog lub suab paj nruag (music)
    lub suab nkauj nrog suab paj nruag mas nrov tsis tua ncua mus txog
    thaum ua lub txoos tas

    Kuv tsis piav kom tas txhua daim duab los kuv vam tias koj tus saib yeej to taub zoo lawm
    Ua tsaug rau koj lub sij hawm nrog saib.
    Thov kom lub caij nco txog Yes Xus yug los no nej txhua tus tsuas muaj kev haj siab lug.

    Y. Suav Nus


    Yaj Suav Nus
    Yaj Suav Nus
    Phooj Ywg
    Phooj Ywg


    Messages : 268
    Date d'inscription : 2009-10-23

    Hmoob Guyane - Page 8 Empty Dej nyab teb

    Post  Yaj Suav Nus 2nd March 2012, 5:02 am

    Nyob zoo cov phooj ywg txhua tus,
    Tau ntev lawm tsis tau tuaj nrog nej sawv daws tham, pom tias nej txhua tus puav leej noj qab nyob zoo. Hnub no kuv tuaj tso ib co duab ua kev sis tham, yeej paub tias tshuav ntau yam uas tsis tau raws sawv daws lub siab xav, caw nej nrog saib...


    Tus niam dej Comté nyob ntawm lub zos Cacao
    Hmoob Guyane - Page 8 Img_0912

    Hmoob Guyane - Page 8 Img_0911

    Hmoob Guyane - Page 8 Img_0910

    Tus choj ntawm tus me nyuam dej Cacao (Crique Cacao)
    Hmoob Guyane - Page 8 40141010

    Hmoob Guyane - Page 8 39644610

    Sab qab choj
    Hmoob Guyane - Page 8 Img_0810
    [quote]

    Sab qaum choj
    Hmoob Guyane - Page 8 39979710

    Hmoob Guyane - Page 8 42350910

    Tej chaw ncig ua si ntawm ob sab ntug dej raug dej nyab tas
    Hmoob Guyane - Page 8 Img_0811

    Ib daim duab ntawm ntau ntu kev raug dej nyaj
    Hmoob Guyane - Page 8 39582510

    Hmoob Guyane - Page 8 Img_0812

    Muaj ntau txoj kev mus teb ntau ntu dhau mus ua tej tus dej me
    Hmoob Guyane - Page 8 Img_0813

    Hmoob Guyane - Page 8 Img_0814

    Hmoob Guyane - Page 8 Img_0815

    Hmoob Guyane - Page 8 Img_0816

    Hmoob Guyane - Page 8 Img_0817

    Hmoob Guyane - Page 8 40319810

    Hmoob Guyane - Page 8 Img_0818

    Cov teb nyob siab zog los kuj raug dej nag nyab tag
    Hmoob Guyane - Page 8 Img_0819

    Hmoob Guyane - Page 8 Img_0820

    Cov duab dej nyab teb saum no mas puav leej yog cov teb uas txhua xyoo dej yeej nyab tsis txog xwb, dua li cov teb nyob npuas tus ntug dej loj Comté mas txhua xyoo lub caij ntuj nag loj dej yeeb ib txwm nyab ces kuv tsis tas yuav tsum mus thau duab tso tawm (qhov tseeb tiag ces yog tsheb mus tsis taus txog lawm).
    Muaj ntau ntau daim teb uas tsheb mus tsis tau, yog xav mus kawg yuav tau siv nkoj mus xwb. Ob hnub dej nyab siab tshaj yog hnub tim 29 thiab 30 lub 2 hlis (Février) 2012. Xyoo no dej nyab siab ib yam li xyoo 1999 lub 12 lhis uas tau 13 xyoos dhau mus lawd.
    Paub tias nej ntau leej yeej tau tuaj txog teb chaws Guyane ntau zaus, nej pom cov duab no nej yuav paub zoo lawm.
    Kawg no kuv ua tsaug rau koj lub sij hawm tau nrog saib kuv ob peb daim duab no, nej leej twg xav nrog kuv txuas lus los tau kawg, kuv yuav zoo siab hnov nej cov lus.
    Sis ntsib dua lwm zaus

    Y. Suav Nus
    Ntxhuav Mom Xyooj
    Ntxhuav Mom Xyooj
    Tuaj Tshiab
    Tuaj Tshiab


    Messages : 83
    Date d'inscription : 2012-02-23

    Hmoob Guyane - Page 8 Empty Re: Hmoob Guyane

    Post  Ntxhuav Mom Xyooj 2nd March 2012, 8:16 pm

    Tus phooj ywg Suavnus koj puas nco qab kuv lawm?kuv yog Lwj Xyooj thaum ub
    peb nyob ua ke rau xum Namyao,Thaibteb. Kuv lub npe laus hu ua Ntxhuav
    Mom no lawm. Kuv pom koj cov duab koj tso rau hauv no mas khosiab zim
    ua rau kuv xav tuaj xyuas nej kawg li,pom tej hav zoov zoo nkauj xws li
    teb chaws Nplog kiag puas yog? Nyog hauv tus dej ntawd puas muaj tej ntses
    tom neeg los tej tsiaj tom neeg,ntxim li tsis tau luag mus kwm hla tus
    dej ntawd puas yog?. Tam sim no kuv nyob rau USA lub nroog Oregon. Peb sib
    ncaim tau ntev kawg lawm,koj thiab tsev nyob li cas lawm? Kuv kuj tseem
    nyob nyab xeeb thiab. Txawm peb nyias nyob nyias ib roog ntuj los peb yeej
    tseem koom ntseeg ib tug Yesxus xwb,ces zooli peb tseem nyob ua ke puas yog?
    Mam sib ntsib dua. Nyob zoo.

    Ntxhuav Mom Xyooj
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Hmoob Guyane - Page 8 Empty Re: Hmoob Guyane

    Post  Maiv Paj Lug 2nd March 2012, 9:13 pm





    Nyob zoo Suav Nus,

    Lub caij no dej nag hlob heev nyob teb chaws Guyane, saib koj cov duab mas zoo li dej loj tiag, nyab ntau yam, nyob Guyane teb tsis zoo ua teb thaum lub caij ntuj nag.

    Kuv xav nug koj seb lub caij nag no,Txiv Lwm Tsib puas tau txi nyob nram nej ? thiab yuav yog lub caij twg mam siav, nyob nyob yog kuv xav rov qab tuaj thiaj paub tuaj nrog nej saj Txiv Lwm Tsib o) .
    Lajpovyaj
    Lajpovyaj
    Phooj Ywg
    Phooj Ywg


    Messages : 112
    Date d'inscription : 2009-12-03
    Age : 64
    Localisation : USA

    Hmoob Guyane - Page 8 Empty Re: Hmoob Guyane

    Post  Lajpovyaj 3rd March 2012, 4:40 am



    Nyob zoo txiv ntxawm suav nus.tau ntev lawm tsis tau sib tham li lawm zoo siab hnub no tau rov ntsib koj thiab tau nrog koj sib tham me ntsis.
    Lub 2 hlis 3 hlis ntuj no twb tsis tau txog caij ntuj nag ua cas ntawm lub teb chaws Guyane no ho los nag loj ua rau dej nyab qhov txhia chaw puv tag li.
    Raws li saib koj cov duab no mas zoo li dej loj heev tej liaj teb tej kev tsheb raug dej nyab tag li.koj tseem hais tias ntawm cov duab no tseem yog tej chaw siab zog lawm tej chaw qes zog rau nram tej ntug dej ntshe haj yam yuav nyab loj thiab ntshe yuav kuav hmoob tej liaj teb qoob loo lawm ntau heev pob.
    Yaj Suav Nus
    Yaj Suav Nus
    Phooj Ywg
    Phooj Ywg


    Messages : 268
    Date d'inscription : 2009-10-23

    Hmoob Guyane - Page 8 Empty Re: Hmoob Guyane

    Post  Yaj Suav Nus 3rd March 2012, 1:04 pm

    Nyob zoo npawg Ntxhuav Mom,
    Zoo siab heev uas rov tau hnov koj moo, kuv tseem nco tau koj lub npe qub uas thaud peb nyob ua ke rau yeej thoj nam Nam Yao, tsis tau xav tias yuav tau rov ntsib koj li !
    Lub teb chaws Guyane tej nroj tsuag, xyoob ntoo zoo xws li teb chaws nplog, tab sis raws li kuv nco tau sab Sayboury mas tej ntoo loj thiab siab tsis cuag li teb chaws Guyane. Teb chaws Guyane kuj muaj cov ntses tom neeg thiab tab sis tsuas yog lub npe xwb tau muaj peb caug ntau xyoo lawm kuv tsis tau pom los yog hnov tias muaj neeg raug ntses tom li. Muaj ib hom ntses yog tias koj tau ua rau nws mob los yog ntes nws mas nws txawj tso hluav taws xob (Electricité) rau koj ua rau koj ib ce caus yaum tag vim yog nws tiv thaiv nws tus kheej xwb, yog koj tsis thab nws ces nws yeej tsis ua dab tsi rau koj thiab nws tseem ntshai koj, khiav nkaum kom koj txhob pom nws. Tej tsiaj qus muaj ntau hom tsiaj li teb chaws nplog.
    Tas nrho kuv tsev neeg puav leej nyob zoo.

    Nyob zoo Maiv Paj Lug,
    Lub ob hlis (février) lub peb hlis (Mars) thiab lub plaub hlis (Avril) yog lub caij txiv lwm tsib siav, tshuav tsis ntev twb txog lub Hmoov Txiv Lwm Tsib.

    Nyob zoo Xeeb Zeej Kim,
    Nyob teb chaws Guyane lub 12 hlis (Décembre) lub 1 hlis (Janvier)thiab lub 2 hlis (Février) yog thawj lub caij ntuj nag loj ntawm ob lub caij ntuj nag loj (yav dhau mus lawd kuv twb tau tham txog cov caij ntuj nag thiab ntuj tshav lawm, vam tias koj yuav rov nco tau)

    Yog tshuav tej lo kuv tsis nco tham los yog nej leej twg cov lus tham uas kuv tsis tau rov tham teb rau nej no kuv thov nej ho zam rau kuv thiab. Ua tsaug.

    Kuv thov ua tsaug rau tas nrho nej cov lus tham, qhuas thiab txhawb qa nws yog ib co lus cuab kuv lub zog

    Y. Suav Nus
    Yaj Suav Nus
    Yaj Suav Nus
    Phooj Ywg
    Phooj Ywg


    Messages : 268
    Date d'inscription : 2009-10-23

    Hmoob Guyane - Page 8 Empty Lub hnub nyoog txais Tshauv

    Post  Yaj Suav Nus 3rd March 2012, 1:52 pm

    Nyob zoo cov phooj ywg txhua tus,
    Lub hnub nyoog txais Tshauv twb dhau lawm, vim muaj chaw khuam kuv thiaj tsis tau tuaj tham qhia nej tab sis lub caij Plaub Caug tseem tsis tau dhau. Li ntawd hnub no kuv muaj zoo sij hawm tuaj tham ib los ua dab neeg tseg. Xyoo no lub rooj tswj hwm kev ntseeg hauv lub zos Cacao tau muab hnub plaub txais tshauv (Mercredi Cendres)ziag los rau hnub Chiv. Tso ob peb daim duab ua kev sis yham.


    Hmoob Guyane - Page 8 Img_0913

    Hmoob Guyane - Page 8 Img_0914
    Xyoo no lub rooj tswj hwm kev ntseeg thov tus Leej Choj
    ua ib nqe kab ke Foom Hmoov rau cov neeg laus

    Hmoob Guyane - Page 8 Img_0915
    Leej Choj xub ua lub Cim Txais Tshauv rau cov neeg laus

    Hmoob Guyane - Page 8 Img_0917

    Hmoob Guyane - Page 8 Img_0918

    Thaum ua lub txoos tas cov ntseeg kuj muaj kev haus dej thiab noj tej yam txom ncauj ua kev zoo siab qhib lub caij Plaub Caug.
    Thov txim uas kuv tsis tau tso duab.

    Y. Suav Nus
    Yaj Suav Nus
    Yaj Suav Nus
    Phooj Ywg
    Phooj Ywg


    Messages : 268
    Date d'inscription : 2009-10-23

    Hmoob Guyane - Page 8 Empty Hnub Chiv nqaum nplooj

    Post  Yaj Suav Nus 1st April 2012, 2:57 am

    Nyob zoo cov phooj ywg txhua tus,
    tseg tau ntev tsis tau tuaj nrog nej tham, hnub no coj ob peb daim duab tuaj nrog nej tham khaws cia ua puav pheej.


    Hmoob Guyane - Page 8 Hni_0010

    Hmoob Guyane - Page 8 Img_1410
    Hnub yog ib hnub ntuj los nag tsis tu li
    tsis tau kaj ntug nag twb los lawm, txog tav su lub ntuj mam ka me ntsis

    Hmoob Guyane - Page 8 Img_1411
    Los nag nrhuav tseg sawv daws tus txheej txheem,
    tsis zoo nquam nplooj ntawm qhov chaw uas tau xub npaj tseg,
    sawv daws cia li pib cov kab ke ntawm lub qhov rooj mus xwb

    Hmoob Guyane - Page 8 Img_1412

    Hmoob Guyane - Page 8 Img_1413

    Hmoob Guyane - Page 8 Img_1414

    Hmoob Guyane - Page 8 Img_1415

    Hmoob Guyane - Page 8 Img_1510

    Hmoob Guyane - Page 8 Img_1511

    Hmoob Guyane - Page 8 Img_1512


    Kuv ntsib nej li no xwb mam sis ntsib dua lwm zaus, nej sawv daws nyob zoo.

    Y. Suav Nus



    Tub Kawm
    Tub Kawm
    Phooj Ywg
    Phooj Ywg


    Messages : 375
    Date d'inscription : 2011-10-13

    Hmoob Guyane - Page 8 Empty Re: Hmoob Guyane

    Post  Tub Kawm 1st April 2012, 5:53 am

    Nyob zoo Txiv Suav Num, zoo siab hnub no rov tau ntsib nws og. Thov ua tsaug rau nws coj nej kab ke Nqaum Nplooj tuaj tso rau peb saib og. Nws cov duab Zoo nkauj kawg li. Txiv Suav es nej Nqaum Nplooj nej muab nplooj los pua kev raws li thaum ub cov His xas lais thiab los cas? Ntsia Nws cov Duab es pom zoo li muab nplooj pua rau hauv av thiab. Los kuv siv X.T saib xwb es pom tsi tseeb nav. Nej ua tau lom zem xov npo li og yom. Yog nej leej twg paub kom tuaj piav kab ke nqaum nplooj uas muaj TP rau peb paub thiab og. Vim kuv twb tsi tau mus pom dua TP nqaum nplooj ib zaug li xyov puas txawv cov XH me ntsis. Thov nej tuaj piav rau peb paub thiab yom. Los nej twb sau muaj lawm tab sis kuv nrhiav tseem tsis tau Lub Topis xwb nav?
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Hmoob Guyane - Page 8 Empty Re: Hmoob Guyane

    Post  Mim 2nd April 2012, 4:02 am

    Nyob zoo Txawj Tuam,

    Koj xav kom peb tuaj piav kev cai nqaum nplooj muaj TP. Kuv tsis paub tias nyob lwm lub tsev teev ntuj lawv tus TP coj li cas, kuv tsuas piav tau raws li peb tus TP coj nyob hauv peb lub tsev teev ntuj xwb os nawb.

    Peb siv cov nplooj kuj yem los nplooj txiv maj phaub (tsis paub nej hu li cas, peb hu raws lus Nplog xwb - kuv tau hnov zoo li ib txhia hais tias Hmoob hu ua txiv plaws ploom no tiam sis kuv tsis paub tseeb puas yog li ntawd tiag) zoo ib yam li cov uas peb pom txiv Suav Nus lawv siv nram Nkws Yas thiab os. Hnub ua ntej hnub nqaum nplooj mas yeej yuav tsum npaj teeb ib lub rooj rau ntawm lub qhov rooj loj lawm. Muab ntaub liab los pua lub rooj ntawd. Tsos liab yog muaj lub cim qhia txog kev ua vaj. Yes Xus yog peb tus tseem vaj, ces thiaj siv ntaub liab. Thiab hnub Yes Xus caij tus luj nkag los mas cov neeg coob coo qw thiab cav txog Yes Xus yog tus tuaj saum ntuj tuaj, sawv daws zoo siab.

    Hnub Chiv nqaum nplooj thaum sawv ntxov, muaj cov neeg tuaj pab TP muab cov nplooj coj los tso rau saum rooj. Lawv kuj tso rau tej lub rooj me ze ntawm cov qhov rooj me tib si thiab. Thaum cov neeg tuaj, lawv khaws li 2-3 daim los 4-5 daim nplooj nqa nrog lawv. Yog lawv tsis xav khaws los lawv tos cia thaum TP thov ntuj foom hmoov zoo rau cov nplooj nyob saum rooj nram qhov rooj los tas tso mam li mus khaws. Thaum pib teev ntuj mas sawv daws mus tib si rau nram qhov rooj loj, tsuas tshuav cov laus laus nrig pas xwb mas lawv thiaj tsis mus, lawv zaum lawv twj ywm ntawm lawv qhov chaw.

    Thaum sawv daws mus sawv tas rau nram qhov rooj loj lawm, TP hnav ib ce ua thaj txi ntuj liab los thiab. Nws xub pib thov ntuj rau saum cov nplooj tas ces nws muab dej ntshiab los pov rau cov nplooj, thiab nws kuj coj dej ntshiab mus pov rau cov neeg sawv daws tib si thiab. Ces nws rov los ntawm nws qhov chaw, nws los nyeem zaj Ntawv Moo Zoo uas piav txog thaum Yes Xus caij tus luj nkag los rau hauv nroog Yes Lus Xas Les. Nws nyeem tas nws kuj los nthuav Ntawv Ntshiab qhia rau sawv daws li ib nyuag me ntsis. Thaum nws hais lus tas lawm, nws qhia saib cov ntseeg sawv daws yuav taug kev li cas. Yog tsis no nraum zoov mas tej zaum sawv daws kuj nqa nplooj tawm mus taug kev ncig tsev teev ntuj me ntsis mam rov los rau hauv tsev teev ntuj. Nag hmo peb tsis tawm vim tias ntawm peb tseem no no, ces peb cia li tuav nplooj yoj taug kev ntawm qhov rooj loj los mus rau pem peb cov rooj zaum xwb. Thaum sawv daws los nyob lawv qhov chaw tas lawm, peb pib ua thaj txi ntuj li niaj zaus. Tiam sis hnub ntawd mas peb nyeem zaj Ntawv Moo Zoo ntev ntev uas piav txog HT Yes txoj kev raug txom nyem tsim txom, pib txij thaum nws noj nws pluas hmo kawg mus txog thaum lawv muab nws lub cev mus zwm ntxa lawm. Thaum nyeem ntawv tas lawm, yog TP xav hais ob peb lo lus luv luv los nws hais, yog nws tsis npaj hais ces cia li hais Zaj "Kuv Ntseeg" thiab zaj thov ntuj rau ntiaj teb thiab ua thaj txi ntuj ntxiv mus raws li kev cai xwb.

    Kuv xav lam hais ob peb lo lus txog cov nplooj. Niaj xyoo kuv nqa kuv cov nplooj los dai los puas txhos rau ib lub hwj rau hauv kuv tsev. Kuv xav xyaum muab ntxias kom zoo nkauj los tau. Kuv pom peb tus TP niaj xyoo muab ib daig los ib ya nplooj coj los txhos rau ntawm tus Ntoo Cuam tas mus li. Txog lwm xyoo hnub txais tshauv cov neeg mam nqa cov nplooj rov qab mus rau nram tsev teev ntuj. TP siv cov qub nplooj ntawd los hlawv ua tshauv pleev rau saum cov ntseeg hauv pliaj.

    Raws kuv paub mas cov nplooj ntawd yog ib co nplooj ntshiab lawm, vim TP tau foom hmoov zoo rau tas lawm. Yav thaum ub mas kuv kuj tsis paub txog li, tiam sis zaum no kuv paub hais tias peb yuav tsum tau hwm tej yam ntshiab. Vim li ntawd yog peb tsis xav khaws cov nplooj ntawd lawm mas peb cia kom qhuv qhuav lawm, ces peb muab hlawv faus rau hauv av xwb, tsis txhob muab lam taus lam pov ua ntia xyaw khib nywab (tej yam qias neeg los tsis zoo siv).

    Maivxis
    Maivxis
    Phooj Ywg
    Phooj Ywg


    Messages : 191
    Date d'inscription : 2009-11-05

    Hmoob Guyane - Page 8 Empty Re: Hmoob Guyane

    Post  Maivxis 2nd April 2012, 6:47 am

    Yaj Suav Nus wrote:Nyob zoo cov phooj ywg txhua tus,
    tseg tau ntev tsis tau tuaj nrog nej tham, hnub no coj ob peb daim duab tuaj nrog nej tham khaws cia ua puav pheej.


    Kuv ntsib nej li no xwb mam sis ntsib dua lwm zaus, nej sawv daws nyob zoo.

    Y. Suav Nus


    Nyob zoo os Suav nus Zoo siab uas koj tseem nqa duab tuaj rau peb saib thiab os mog , Suav nus zoo li nej nyob lub teb Guyane ko nej ua tau txhua yam li nej lub siab ntshaw os yuad , Nej ua tau zoo Nkauj kawg li os Thov qhua txog peb cov Hmoob nyob rau Guyane nawb Ua tsaug ntau rau koj os Suav nus Mam sib ntsib dua .



    Maivxis .



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Hmoob Guyane - Page 8 Empty Re: Hmoob Guyane

    Post  Maiv Tooj 2nd April 2012, 6:29 pm



    Nyob zoo txiv Suav Nus thiab cov phooj ywg,

    Txiv Suav Nus,

    Ua tsaug ntau rau nej lub zos Hmoob Kas Kaus, nej nyob ua pab ua pawg, nej ua tau tej yam zoo heev tsim nyog qhuas. Kuv thov ua nej sawv daws tsaug thiab ua tsaug rau koj lub siab zoo, koj muaj koj lub sij hawm muaj nqes tuaj tshaj rau peb pom thoob ntiaj teb.
    Yaj Suav Nus
    Yaj Suav Nus
    Phooj Ywg
    Phooj Ywg


    Messages : 268
    Date d'inscription : 2009-10-23

    Hmoob Guyane - Page 8 Empty Re: Hmoob Guyane

    Post  Yaj Suav Nus 4th April 2012, 7:20 am

    Nyob zoo cov phooj ywg, kuv thov txim uas kuv yuav tsis sau nej cov npe kom tas.
    Kuv zoo siab rau nej cov lus txhawb nqa thiab rau tas nrho txhua tus tuaj nrog saib nrog xyuas kuv cov duab. Kuv ua tas nrho nej sawv daws tsaug.

    Ob peb lo lus teb rau Txawj Tuam,
    Txhua xyoo peb yeej muaj nqaum nplooj raws li koj pom cov duab xyoo no thiab cov uas tsaib no kuv tau tso. Peb ua tsis tau raws li thaum ub cov His Xas Lais, peb tsis tau muab nplooj pua kev, peb ua cov kab ke nqaum nplooj yoog raws li cov His Xas Lais, peb cav txog Huab Tais Yes Xus uas nws yog peb tus Vaj, peb tsis txaj muag tias peb yog ib co ntseeg thiab tso siab rau peb tus Vaj...
    Txawj Tuam, vim nej tsis muaj TP. tuaj coj nej ua cov kab ke nqaum nplooj koj thiaj tsis paub cov kab ke nqaum nplooj muaj TP. Raws li kuv paub thiab pom kam los: cov kab ke nqaum nplooj Xib Hwb yog tus coj, tej lub zos tsis muaj Xib Hwb ces ib tug sawv Xib Hwb chaw coj sawv daws teev ntuj ua tus coj thiab cov kab ke nqaum nplooj Txiv Plig yog tus coj mas tus txheej txheem zoo ib yam, tsuas yog muaj tej qho Txiv Plig ua tau Xib Hwb los yog tus sawv Xib Hwb chaw ua tsis tau, yam li: tus Xib Hwb los yog tus sawv Xib Hwb chaw tsuas muaj cai nyeem Ntawv Moo Zoo, yog tsis tau cai nthuav Ntawv Moo Zoo mas nthuav tsis tau, Xib Hwb los yog tus sawv Xib Hwb chaw tsis tau cai ua cov dej foom hmoov zoo mas ua tsis cov dej foom hmoov zoo ces tsis muaj dej foom hmoov zoo rau cov nplooj thiab cov ntseeg. Kuv tham li no vam tias koj yuav to taub zoo lawm.

    Txuas ntxiv no kuv tso tus txheej txheem Hnub Chiv Nqaum Nplooj, tus txheej txheem no yog muab los ntawm TP. Nyiaj Pov paub ntawv LUB LIS PIAM NTSHIAB, sau xyoo 1972 thiab rov kho dua, lub 4 hlis xyoo 1992.
    Thov cov saib lub Forum. pab xyuas, yog tsis phim rau lub topic Hmoob Guyane mas nej pab muab tshem rau lwm qhov los yog muab tshem pov tseg. Ua tsaug.


    H N U B C H I V N Q A U M N P L O O J


    FEEM IB: KAB KE NQAUM NPLOOJ

    NQE 1 – HLAWV XYAB QHIB KAB KE

    Xub npaj txhua yam kom txhij ua ntej yuav pib cov kab ke.
    Sawv daws ua Ntoo Cuam lub cim:


    Hu txog Leej Txiv thiab Leej Tub thiab Leej Ntuj Plig lub npe. Ua li.

    Leej Choj nrog ob los peb leeg hlawv xyab,
    Txaum yim thiab txhos xyab rau saum lub rooj.


    NQE 2 – FOOM HMOOV RAU COV NPLOOJ

    Qib 1 – Xib Hwb qhia lub txoos:

    Kwv tij sawv daws, hnub no peb ua cov kab ke nqaum nplooj.
    Yog ib co kab ke cav txog Yes Xus yog peb tus Huab Tais.
    Peb yuav ua peb yam:
    1 : Peb yuav foom hmoov zoo rau cov nplooj thiab rau peb sawv daws.
    2 : Pev yuav mloog Ntawv Moo Zoo piav txog
    cov His Xas Lais nqaum nplooj cav txog Yes Xus.
    3 : Peb yuav nqaum nplooj mus kev kom txog tsev teev ntuj.

    Qib 2 – Zaj thov Huab Tais:

    Xub npaj ib co nplooj los paj tso rau saum ib lub rooj
    kom tau pub rau cov ntseeg uas lawv tsis tau nqa tuaj.
    Muaj ib co ntseeg lawv twb npaj thiab nqa nrog lawv tuaj lawm.
    Xib Hwb hais tias:


    Nyias tsa nyias rev nplooj kom ncaj nyias xub ntiag,
    Leej Choj yuav thov Ntuj foom hmoov zoo rau.

    LC. Huab Tais Ntuj nrog nej nyob.
    SD. Huab Tais Ntuj nrog koj nyob

    LC. Peb sawv daws thov Huab Tais:
    XH. Kom Huab Tais foom hmoov zoo rau peb thiab cov nplooj peb tuav.
    LC. Huab Tais, thov koj foom hmoov zoo rau peb thiab rau cov nplooj no.
    Hnub no peb cov neeg ua koj cov pej xeem nqaum nplooj hwm koj.
    Thov koj ua kom peb lub siab npuab koj zoo,
    koj ua kom peb yeej tus yeeb ncuab ntxub peb,
    koj ua kom peb nyiam koj mub siab cawm peb.
    Peb vam txog peb tus Huab Tais Yes Xus Pleev uas nws yog koj tus Tub,
    nws nrog koj thiab nrog Leej Tswv Yim Ntshiab muaj txoj sia
    thiab ua Vaj nyob mus li txog txhiab niag tim puas xyoo.
    SD. Ua li.

    LC. pov dej foom hmoov zoo rau saum cov nplooj thiab cov ntseeg.

    NQE 3 – NYEEM NTAWV MOO ZOO

    LC. Huab Tais Ntuj nrog nej nyob.
    SD. Huab Tais Ntuj nrog koj nyob
    LC. Nej mloog ib zag nyob hauv N… Ntawv Moo Zoo.
    SD. Huab Tais Pleev, peb cav txog koj lub koob meej.

    Nyeem Ntawv Moo Zoo:
    Xyoo A, MT. 21, 1 – 9
    Xyoo B, MK. 11, 1 – 10
    Xyoo C, LK. 19, 28 – 38

    Nyeem Nta
    wv Moo Zoo tas:

    LC. Huab Tais Pleev.
    SD. Lub qab ntuj neeg cav txog koj.

    NQE 4 – NTHUAV NTAWV MOO ZOO

    LC. nthuav me ntsis Ntawv Moo Zoo.
    Yog lub txoos tsis muaj LC. los tus muaj cai mas tsis muaj nthuav
    Ntawv Moo Zoo.

    NQE 5 – NQAUM NPLOOJ

    Qib 1 – Sawv kev

    Leej Choj txhib sawv daws, nws hais tias:

    Kwv tij sawv daws,
    peb yoog raws li cov pab neeg txais Yes Xus nyob Yes Lus Xas Les,
    peb tuav nplooj thiab hu nkauj cav txog peb tus Huab Tais.

    Ces sawv daws mus zoo li no:
    1. Tus nqa Ntoo Cuam mus ua ntej.
    2. Ob tug pab Leej Choj
    3. Tas lub txoos nr
    og cov hu nkauj

    Qib 2 – Hu nkauj.

    XH. Faj Tim Huab Tais Ntshiab,
    SD. Tswv Ntuj kav tsoom hnub qub, koj nto kooj meej puv lub ntuj lub teb,
    koj muaj txoj sia mus li nyob txheej ntuj saud.
    Tus tuaj ntawm Huab Tais xub ntiag tuaj nto moo lug.
    Nws muaj txoj sia mus li nyob txheej ntuj saud.

    Thaum sawv daws hais zaj Faj Tim Huab Tais Ntshiab tas,
    XH. mus hauv nruab nrab sawv daws,
    nws hais tias:

    Huab Tais Yes Xus Pleev yog tus qhia txoj kev rau ntiaj teb neeg taug,
    nws yog txoj kev tseem ceeb, nws yog tus pub txoj sia.
    Peb yog nws tsoom pej xeem zoo siab cav txog nws.

    Cov ntseeg tsis txawj hu ntau zaj nkauj sib quas, rov hais zaj Faj Tim Huab Tais Ntshiab…
    Yog sawv daws mus tsis tau txog tsev teev ntuj mas XH. h
    ais ntxiv tias:

    Huab Tais Yes Xus Pleev yog tus coj tsoom sid zoo tas nrho,
    Yog tus Tswv Ntuj muaj zog, yog tus Vaj Txheeb pub kev thaj yeeb.
    Peb yog nws tsoom pej xeem zoo siab cav txog nws.

    rov hais zaj Faj Tim Huab Tais Ntshiab…

    Qib 3 – Thaum mus txog haub tsev teev ntuj

    LC. Peb sawv daws thov Huab Tais:
    XH. Kom Huab Tais Yes Xus tuaj pov hwm pov yawm cov ntseeg
    tuaj nqaum nplooj cav txog nws.
    LC. Huab Tais Yes Xus Pleev, peb tau hu nkauj cav txog koj
    raws li tsoom ntseeg ib txwm ua los, thov koj tso koj cov lus foom hmoov zoo nqes los rau saum cov tsev neeg tuaj nqaum paj nqaum nplooj no,
    koj pab lawv ua neeg tsim kev thaj yeeb hauv zej zog,
    koj pab lawv to taub tias koj yog Vaj Tswv thiab koj yog Tswv Ntuj Leej Tub Txib.
    Peb vam txog peb tus Huab Tais Pleev.
    SD. Ua li.

    FEEM OB: LUB TXOOS TXI NTUJ

    NQE 1 – LUB TXOOS

    LC. Hais rau lub txoos tias:

    Hnub no peb ua lub txoos qhib lub lis piam Ntshiab.
    Lub lis piam Ntshiab yog lub lis piam peb rov nco Yes Xus cov hnub kawg nyob ntiaj teb no.
    Peb yuav ncaj qha nyeem cov Ntawv Ntshiab piav txog Yes Xus kev tuag.
    LC. Peb sawv daws thov Huab Tais:
    XH. Kom peb txawj yoog raws Yes Xus kev tuag
    thiab rov nrhiav nws txoj sia.
    LC. Tswv Ntuj muaj hwj huam nyob mus li,
    koj xav muab ib tug piv txwv zoo ntuas peb kom peb nyiam ua neeg me,
    koj thiaj tso koj Leej Tub tuaj yuav ib lub cev neeg,
    koj cia nws tuag nyob saum ntoo cuam.
    Thov koj pab peb xyaum ua neeg siab ntev
    yoog Yes xus mus taug txoj kev txom nyem,
    peb thiaj yuav nrog koj Leej Tub sawv rov los muaj txoj sia.
    Peb vam txog peb tus Huab Tais Yes Xus Pleev uas nws yog koj tus Tub,
    nws nrog koj thiab nrog Leej Tswv Yim Ntshiab muaj txoj sia
    thiab ua Vaj nyob mus li txog txhiab niag tim puas xyoo.
    SD. Ua li.

    NQE 2 – ZAJ NYEEM IB

    Nyob hauv cov “zaj nyeem xyoo A, B, C”
    Muaj ob zag: saib lub caij 4o Chiv 6.
    His Xais 50, 4 – 7.
    Fis Lis Pos 2, 6 – 11.
    Yus xaiv zaj yus xav nyeem.
    Nthuav me ntsis: hais ib co lus zoo pab lub txoos kom muab siab mloog
    Ntawv Moo Zoo piav txog Yes Xus
    txoj kev tuag.

    NQE 3 – HU NKAUJ NPAJ MLOOG NTAWV MOO ZOO

    Sawv daws sawv thiab hu nkauj.

    Leej Ntuj Plig, koj los mas,
    koj los nyob hauv cov neeg ntseeg txog koj,
    koj ua kom lawv lub siab kub li hluav taws,
    koj xa koj lub tswv yim los mas.
    Mas tas lub ntiaj teb yuav ntshiab tuaj.

    NQE 4 – NTAWV MOO ZOO

    Nyeem Ntawv Moo Zoo piav Yes Xus txoj kev tuag:
    Xyoo A: nyeem MT. Xyoo B: nyeem MK. Xyoo C: nyeem LK.
    Yog cov ntseeg tsis muaj cov txawj nyeem ntawv
    mas XH. nyeem ib leeg kom tas.
    Tab sis yog muaj mas yuav ua zoo li nram no:
    Peb leeg nyeem ntawv Moo Zoo.
    Ib tug ua Yes Xus ( Y ) nws hais lub suab laus.
    Ib tug ua tus piav ( P ) nws hais lub suab raws li kev cai.
    Ib tug ua luag tej ( L ) nws hais lub suab soob.
    Sawv daws sawv mloog zaj piav txog Yes Xus kev tuag.
    Tab sis yog ib zaj ntev, ces yuav ua zoo li no:
    a: Thaum txog cov lus hais tias lawv ntes Yes Xus thiab coj mus rau
    Kais Fas tsev, ces XH. Hais kom sawv daws zaum.
    b: Thau nyeem txog lawv muab ntoo cuam rau Yes Xus kwv,
    Sawv daws sawv.
    c: Thaum nyeem txog Yes Xus tuag, XH nres, nws txhos caug me ntsis,
    thiab tas lub txoos
    kuj txhos caug.


    NQE 5 – THOV NTUJ RAU COV TXIM

    Tsis muaj hais zaj “Ntseeg”
    Tab sis muaj zaj thov ntuj rau lub ntiaj teb thiab tas t
    xhia yam ntxiv.

    NQE 6 – ZAJ THOV NTUJ RAU COV TXIM

    LC. Huab Tais,
    Thov koj zam rau peb thiab txais cov txim no, vim yog peb thaj
    Cav txog koj Leej Tub uas nws rov muab nws los txi rau koj…

    NQE 7 – ZAJ XAUS LUB TXOOS

    LC. Huab Tais,
    Hnub no koj tau pub koj cov txhiam xws los nres peb txoj sia.
    Vim koj Leej Tub tuaj yeem tuag pab peb mas peb tso siab rau koj.
    Vim nws sawv rov los, peb yuav nrog koj muaj txoj sia mus li.
    Peb vam txog peb tus Huab Tais Pleev.
    SD. Ua li.


    yog nej pom tias kuv ntaus tus txwm ntawv twg tsis raug mas kuv thov nej pab kho rau.
    Tus txheej txheem no zoo pab rau tus coj, XH thiab TP. huv si.
    Nyob hauv peb zos cov XH. siv TP Nyiaj Pov tus txheej txheem no.

    Y. Suav Nus
    Yaj Suav Nus
    Yaj Suav Nus
    Phooj Ywg
    Phooj Ywg


    Messages : 268
    Date d'inscription : 2009-10-23

    Hmoob Guyane - Page 8 Empty Hnub 6 Ntshiab

    Post  Yaj Suav Nus 6th April 2012, 4:47 pm

    Nyob zoo cov phooj ywg,
    Nag hmo yog hmo hnub 5 Ntshiab kuv tsis tau nqa lub yees duab mus ces tsis tau yees duab, hmo no yog hmo hnub 6 Ntshiab tus neeg kuv thov yees duab yees tau tsis tshua zoo, kuv thov tso ob peb daim duab ua puav pheej khaws tseg.


    Hmoob Guyane - Page 8 P4060110
    Theem ib nqa ntoo cuam los rau lub txoos saib
    Daim ntaub npog tas nrho tus mlom Yes Xus

    Hmoob Guyane - Page 8 P4060111
    [center]Tub Tsob Hwb Vaj Ntxoov Nruas, qhib ib ces kaum ntaub

    Hmoob Guyane - Page 8 P4060112
    Qhib tau ib ces kaum ntaub,
    Tub Tsob Hwb seev lub suab qis me ntsis: nej ntsia tus nto cuam no.
    Sawv daws teb: Tus cawm lub ntiaj teb dai ntawm tus ntoo no,
    peb sawv daws pe zoj mog. (sawv daws kim caug ib me pliag)


    Hmoob Guyane - Page 8 P4060114
    Theem ob nqa tus ntoo cuam los ze ntawm lub thaj txi ntuj.
    Qhib daim ntau yuav luag tas.
    Tub Tsob Hwb seev lub suab nruab nrab: nej ntsia tus nto cuam no.
    Sawv daws teb: Tus cawm lub ntiaj teb dai ntawm tus ntoo no,
    peb sawv daws pe zoj mog. (sawv daws kim caug ib me pliag)


    Hmoob Guyane - Page 8 P4060115
    Theem peb nqa tus ntoo cuam los tso ncaj nruab nrab lub thaj txi ntuj.
    Qhib tas nrho daim ntaub kom pom tas tus mlom Yes Xus.
    Tub Tsob Hwb seev lub suab nruab siab: nej ntsia tus nto cuam no.
    Sawv daws teb: Tus cawm lub ntiaj teb dai ntawm tus ntoo no,
    peb sawv daws pe zoj mog. (sawv daws kim caug ib me pliag)


    Hmoob Guyane - Page 8 P4060116
    Leej choj xub pe hawm ntoo cuam


    Hmoob Guyane - Page 8 P4060117
    Ob tug Tsob Hwb pe hawm nto cuam

    Hmoob Guyane - Page 8 P4060118
    Tas nrho sawv daws los pe hawm ntoo cuam.
    Kev pe hawm ntoo cuam:
    cov txiv neej feem ntau pe li Hmoob pe
    ib txhia muab ob sab tes los ua ke ntawm hauv siab thiab nyo hauv xwb
    cov poj niam kuj muab ob txhais tes los ua ke ntawm hauv siab thiab nyo hau

    Hmoob Guyane - Page 8 P4060119

    Hmoob Guyane - Page 8 P4060120

    Hmoob Guyane - Page 8 P4060121

    Hmoob Guyane - Page 8 P4060210


    Thov kom peb txhua tus uas tau tuag mus rau hauv txoj niag kev txhaum tau nrog peb tus Huab Tais Yes Xus sawv rov los muaj lub siab kaj lug.

    Y. Suav Nus

    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Hmoob Guyane - Page 8 Empty Re: Hmoob Guyane

    Post  Maiv Paj Lug 9th April 2012, 7:27 am

    Ua tsaug os Suav Nus, txawm koj yees tsis tau duab ntau los twb muaj tus yees tau me ntsis rau koj tau xa moo rau peb nrog nej koom . Zoo siab thiab thov kom txhua leej txhua tus tau txais kev kaj siab lug rau lub caij Yesxus sawv rov los.
    Yaj Suav Nus
    Yaj Suav Nus
    Phooj Ywg
    Phooj Ywg


    Messages : 268
    Date d'inscription : 2009-10-23

    Hmoob Guyane - Page 8 Empty Hmo Hla

    Post  Yaj Suav Nus 16th April 2012, 4:12 pm

    Nyob zoo cov phooj ywg txua tus,
    Zoo siab rov tuaj tham nrog duab Hmo Hla. Thov kev zam ntawm nej vim kuv cov duab thau tau tsis pom meej, cov duab no tsis yog kuv thau... tus neeg kuv thov thau duab tsis tau paub lub thau duab zoo ces thiaj li thau tau tsis pom meej.


    Hmoob Guyane - Page 8 P4070210
    Thaum lub ntiaj teb neeg tsis paub Yes Xus,
    lub ntiaj teb neeg nyob hauv qhov tsaus ntuj,
    zoo li ziag no peb nyob hauv qhov tsaus ntuj.

    Hmoob Guyane - Page 8 P4070211

    Hmoob Guyane - Page 8 P4070212
    Yes Xus tawm ntawm nws lub ntxa tuaj kaj lub ntiaj teb,
    zoo li cov hluav taws tawm ntawm lub cub tawg.

    Hmoob Guyane - Page 8 P4070213

    Yex Xus Pleev sawv rov los muaj hwj chim ci ntsa iab,
    nws qhov pom kev rhuav qhov tsaus ntuj nyob hauv peb lub tswv yim.

    Hmoob Guyane - Page 8 P4070214
    Yes xus Pleev yog peb txoj kev pom kev

    Hmoob Guyane - Page 8 P4070310
    Lub sij hawm no ze ib tag hmo lawm
    cov me nyuam yaus nyob tos tsis taus ces lawv mus pw tas lawm.

    Hmoob Guyane - Page 8 P4070311
    Hmo Hla yog ib hmos tseem ceeb rau peb tsoom ntseeg,
    tseem ceeb rau cov laus, peb cov uas yog niam yog txiv,
    yog tsis muaj Hmo Hla peb tsis tas ntseeg kuj tau...

    Hmoob Guyane - Page 8 P4070312
    Xyoo no muaj 9 tus poj niam thiab 2 tug me nyuam
    txais lub Cim Ntxuav Hmo Hla,
    cov poj niam no yog cov nyab uas peb cov tub yuav los
    ntawm cov niam txiv tsis tau los ntseeg.

    Hmoob Guyane - Page 8 P4070313

    Hmoob Guyane - Page 8 P4070314

    Hmoob Guyane - Page 8 P4070315

    Hmoob Guyane - Page 8 P4070410
    Sawv daws sib tuav tes thooj siab hais zaj Peb Txiv...
    Duab thau tau ntau vim muaj teeb meem li hais los saud ces kuv tso li no ua kev sis tham xwb, vam tias nej yuav tsis xav li cas.
    Ua tsaug rau koj lub sij hawm tuaj nrog kuv saib duab.
    Sis ntsib dua lwm lub sij hawm. Nej sawv daws nyob zoo.


    Y. Suav Nus






    Sponsored content


    Hmoob Guyane - Page 8 Empty Re: Hmoob Guyane

    Post  Sponsored content


      Current date/time is 27th March 2024, 9:59 pm