Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

ZOS ROOB NYUJ QUS 1956 NTAWV HMOOB THOOB TEB LUB HAUV PAUS.

Gallery


Latest topics

» COV ZAJ NYEEM NRUAB LIS PIAM XYOO II 2017-2018
by Mim 18th October 2018, 5:13 pm

» COV ZAJ NYEEM HNUB CHIV Xyoo B 2017-2018
by NrhiavTswvNtuj 18th October 2018, 6:21 am

» XH.Zoov Ntxheb Yaj Nthuav Ntawv Ntshiab.
by Maiv Tooj 18th October 2018, 6:14 am

» XH. Yaj Zoov Ntxheb lub Tsev THOOB TSIB
by Maiv Tooj 18th October 2018, 6:11 am

» Tsa Vaj Qhia äj Lug 6 ua Leej Ntshiab
by Maiv Tooj 14th October 2018, 6:01 am

» TP.Txhiaj Foom lub TSEV Ntawv
by Maiv Tooj 5th October 2018, 11:08 pm

» 3 Tug Tij Hmoob Nyab Laj teb.
by Mim 4th September 2018, 2:26 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 31st August 2018, 6:10 am

» Notre Dame du Laus
by Maiv Tooj 9th August 2018, 8:28 am

» Txiv Tswv QhiaTxwj Choo Thoj nyob los tsuas
by Maiv Tooj 27th July 2018, 8:04 am

» Hmoob Roob Nyuj Qus 1956-57 ( Saib duab nias ntawm no)
by Maiv Tooj 20th July 2018, 10:47 pm

» Nyob pab saib tsev
by Maiv Tooj 18th July 2018, 2:01 pm

Suav neeg tuaj saib, txij hnub 17/09/2010 los mus.


    Hmoob Guyane

    Share
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5553
    Date d'inscription : 2009-08-18

    Re: Hmoob Guyane

    Post  Maiv Tooj on 18th April 2011, 1:14 am


    Nyob zoo Txiv Suav Nus,

    Ua tsaug koj tso nej ua Hmoov Nquam Nplooj rau peb pom. Ua li yog nej Foom Hmoov Zoo rau Nplooj tim tsev teev Ntuj es nej los ua Mis Xas tom Tsev Haum Xeeb los yog li cas?

    Zoo kawg li, pom nej coob heev, muab saib rau rau txoj kev ntseeg.





    avatar
    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1163
    Date d'inscription : 2009-08-16
    Age : 53
    Localisation : Fresno, California, USA.

    Re: Hmoob Guyane

    Post  Npuagtub on 18th April 2011, 4:29 am

    Nyob zoo D. Suav Nus,

    Zoo siab tau pom nej ua hmoov nquam nplooj, nej ua tau zoo heev thiab pom nej tuaj coob kawg zoo siab rau nej txoj kev sib koom os nawv. Kuv thov nug koj ib los, zoo li nej ua hmoov ua ke nrog cov neeg Fab Kis puas yog ne los?
    Hahaaaaaa....!!! Nag hmo peb kuj mus ua hmoov ib yam thiab tiam sis kuv maj maj ces tsis nco qab koob thaij duab lawm ces tsis muaj duab tuaj tso rau nej saib li os cov phooj ywg...
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5553
    Date d'inscription : 2009-08-18

    Re: Hmoob Guyane

    Post  Maiv Tooj on 18th April 2011, 9:39 am



    XH.Npuag Tub,

    Peb li ces peb mus nrog Fab kis xwb ces kuv tsis thaij duab tuag tso...Yog nej cov uas Hmoob ua Hmoob xwb mas xav kom nej thaij duab tuaj rau peb saib thiab kom pom tias qhov twg ua zoo li cas. Kuj yog kev sib pauv txuj thiab.



    avatar
    Yaj Suav Nus
    Phooj Ywg
    Phooj Ywg

    Messages : 287
    Date d'inscription : 2009-10-23

    Re: Hmoob Guyane

    Post  Yaj Suav Nus on 19th April 2011, 12:48 am

    Nyob zoo T. Tooj, Y. Npuag Tub thiab tas nrho cov phooj ywg.
    Ob hnub tas los mas tsis muaj sij hawm ntau ces tsis tau teb neb lo lus nug li vam tias neb yeej to taub kuv zoo lawm, hnub no mam li teb ov! Kuv yuav tau tham ntau tshaj qhov neb nug.
    Yeej yog lawm tiag uas peb pib qhib lub txoos thiab ua cov kab ke foom hmoov rau cov nplooj rau ntawm lub tsev teev ntuj thiab sawv daws taug kev los rau hauv lub tsev Haum Xeeb. Tej zaum neb yuav xav nug tias: vim li cas ho tsis ua cov kab ke foom hmoov ntawm lub tsev Haum Xeeb los yog lwm qhov chaw es mam los rau hauv tsev teev ntuj?
    Xub tham ib qho tseem ceeb ua ntej tso: Tau 40 hnub tas los mas muaj ib co hluas tau thov tuaj tias lawv xav tuaj koom peb rau hnuv Chiv Nqaum Nplooj, cov hluas no tsis yog tuaj teev ntuj xwb lawv muaj ib tug txheej txheem uas kav ob hnub (lawv yog cov hluas uas lus Fab Kis hais tias: JMJ = Journée Mondiale de la Jeunesses, lo lus no yuav txhais li cas? Raws li kuv to taub mas txhais tias: ib hnub ntawm tsoom hluas hauv lub ntiaj teb, kuv kuj tsis tau paub txog lawv tus txhooj coj siab yog li cas).Tas nrho cov hluav muaj 60 leej, cov hluas no tuaj ntawm ntau lub zos hauv teb chaws Guyane. Nyob hauv 2 hnub uas cov hluas tuaj no mas peb pawg ntseeg npaj 2 pluas mov tseem ceeb rau lawv noj, chaw txoos, chaw pw thc...
    Muaj ib co laus los yog cov niam txiv 120 leej. (cov laus thiab cov hluas no mas yeej xub paub 40 hnub ua ntej lawm, lawv tuaj 3 lub tsheb "Bus" ib lub yog 60 leej) cov laus 120 leej mas yog tuaj hnuv Chiv thaum sawv ntxov. Tseem ntshuav ib co tuaj lawv li tsheb lawv hais tias lawv muaj kwv yees li 40 tej.
    Coob npaum li no ntxiv rau peb thiab ces peb lub tsev teev ntuj yuav ntim tsis tas, peb thiaj tau npaj ua lub txoos teev ntuj rau hauv luv tsev Haum Xeeb. Peb npaj dej, txiv lwm tsib thiab lwm yam txom ncauj rau thaum ua lub txoos tas. Thov txim uas kuv tsis tau thau duab thaum ua lub txoos tas, vim kuv muaj qhua tuaj tos kuv tom tsev. Lub caij no yog caij ntuj nag, tab sis ua nej 3 hnub txog ntua hnub Chiv tag mas ntuj kuj tsis los ib teev nag li (xav tias yog Ntuj pab peb).
    T. Tooj thiab Y. Npaug Tub kuv vam tias neb yuav to taub lawm, yog tshuav qhov twg thiab mas txhob ua siab deb yeej meem nug nawb!
    Sis ntsib dua lwm zaus.

    Y. Suav Nus
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5553
    Date d'inscription : 2009-08-18

    Re: Hmoob Guyane

    Post  Maiv Tooj on 19th April 2011, 6:15 am



    Nyob zoo txiv Suav Nus,

    Zoo siab ntau rau koj zaj piav txog nej ua Hmoov Nruam Nplooj 2011. Yog ib lub sam xeeb uas nej tsev Hmoob Guyane tau los sawv Peb Haiv Hmoob ntiaj teb chaw. Txawm Kas Kaus yog ib lub zos me me xwb los nws lub koob meej thiab lub moo loj heev rau ntiaj teb. Zoo kawg nkaus uas xyoo 2011 nov JMJ Nkws Yas teb tau xaiv Kas Kaus los ua lawv qhov chaw txoos.
    Kuv mloog Txiv Plig Nyiaj Pov zaj nkauj uas nws xaiv los cev nws cov lus rau Huab Tais Ntuj txog nws lub siab ntshaw, yog nws xav cawm kom Peb Hmoob, Haiv Neeg Me pom kev vam meej, kev thaj yeeb thiab muaj vaj huam sib luag nrog luag pej kum. Hnub no Txiv Plig Nyiaj Pov tus npau suav uas nws thov ntawm tswv Ntuj tau tshwm sim los rau saum yaj ceeb lawm tiag.

    Txiv Suav Nus, yog nej muaj kev sib txoos coob thaum Hmoov Hla no koj pab thaij ib cov duab thiab piav pem me ntsis tuaj pub rau peb saib thiab nawb.

    Ua tsaug.


    TP.Nyiaj Pov muab nws lub neej txi rau Ntuj txhawb Hmoob lub neej tsim nuj.MP4




    avatar
    Yaj Suav Nus
    Phooj Ywg
    Phooj Ywg

    Messages : 287
    Date d'inscription : 2009-10-23

    Hnub tsib ntshiab

    Post  Yaj Suav Nus on 21st April 2011, 1:56 pm

    Nyob zoo cov phooj ywg txhua tus,
    Lus tham ua si muaj ntau tab sis lus tseem ceeb muaj tsawg, hnub no kuv tso ob daim duab rau nej saib ua puav pheej xwb.






    Raws li nej pom nyob hauv ob daim duab no mas nej yuav xav tias:
    cas ho muab ob peb tug ntxhais thiab ?
    Yes Xus cov thwj tim kawg yog ib co txiv neej xwb !
    Ob xyoos no peb yuav hwm cov poj niam thiab:
    li ntawd cov tau npaj lub txoos thiaj tau xaiv ib co ntxhais

    Vam tias hnub Chiv Hla tas yuav rov tau tuaj tham dua.

    Y. Suav Nus
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5553
    Date d'inscription : 2009-08-18

    Re: Hmoob Guyane

    Post  Maiv Tooj on 22nd April 2011, 3:17 am



    Nyob zoo Txiv Suav Nus,

    Ua tsaug koj tuaj tso duab ua ntu zus, yog ib qho zoo kawg li.

    Nyob hauv keeb kwm kev Ntseeg, yeej muaj cov poj niam uas tuav teg hauj lwm tseem ceeb, uas HT.Yes Xus yeej hwm rawv, yeej tsis cais. Li ntawd ziag no tau xaiv poj niam los ntxhuav ko taw thiab los yeej yog ib qho zoo thiab yog kawg lawm.













    avatar
    Yaj Suav Nus
    Phooj Ywg
    Phooj Ywg

    Messages : 287
    Date d'inscription : 2009-10-23

    Lub cub tawg ntshiab

    Post  Yaj Suav Nus on 23rd April 2011, 3:37 pm

    Nyob zoo cov phooj ywg,
    Kuv tsis muaj lus yuav tham tsuas yog tso ob peb daim duab rau nej tau xwb.


    [center]
    Koj ua twb zoo saib lub cub tawg
    koj yuav pom muaj tej lub ntsej muag neeg tiag !


    Koj saib daim duab no puas yog duab neeg ?



















    Y. Suav Nus


    Last edited by Yaj Suav Nus on 7th May 2011, 11:27 am; edited 1 time in total
    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 2318
    Date d'inscription : 2009-10-16

    Re: Hmoob Guyane

    Post  Mim on 23rd April 2011, 4:42 pm

    Txiv Suav Nus,

    Ua tsaug koj tseem coj daim duab saum no tuaj tso rau kuv saib thiab os. Zoo siab tau pom kuv tus tub tus nyab no...
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5553
    Date d'inscription : 2009-08-18

    Re: Hmoob Guyane

    Post  Maiv Tooj on 24th April 2011, 3:29 am

    Yaj Suav Nus wrote:Nyob zoo cov phooj ywg,
    Kuv tsis muaj lus yuav tham tsuas yog tso ob peb daim duab rau nej tau xwb.



    Koj ua twb zoo saib lub cub tawg
    koj yuav pom muaj tej lub ntsej muag neeg tiag !


    Koj saib daim duab no puas yog duab neeg ?


    Y. Suav Nus

    AS LAS LUS YAS YES XUS SAWV ROV LOS...TAS QAB NTUJ YUAV ZOO SIAB...AS LES LUS YAS...


    Txiv Suav Nus, ua tsaug rau koj cov duab...Zoo kawg...Tswv Ntuj nrog cov vam txog NWS nyob...Zoo siab heev...Koj ob daim duab nov ua rau kuv zoo siab heev...Daim ib, yog ntsia mus rau tom ntug sab xis mas pom li yog lub ntsej muag txiv neej tig ua ntsais..., saib saum qhov kawg nkaus, pom ib tug Ntoo Cuam,...
    Daim ob, kuv pom zoo li cov duab uas Huab Tais Yes Xus YEEJ txoj kev tuag...Glorieux...

    Ua tsaug mog...Tswv Ntuj nrog peb nyob ua peb siab kaj lug...Tswv Ntuj pov hwm peb kom peb muaj dag muaj zog mus li...



    avatar
    Yaj Suav Nus
    Phooj Ywg
    Phooj Ywg

    Messages : 287
    Date d'inscription : 2009-10-23

    Re: Hmoob Guyane

    Post  Yaj Suav Nus on 27th April 2011, 9:28 am

    Nyob zoo cov phooj ywg txhua tus;
    Lub hmoov nco txog Yes Xus txoj kev tuag thiab sawv rov los tsis yog tas rau hnub Chiv xwb, tseem tshuav kev lom zem ntau yam ntxiv... Hnub no kuv tso ib co duab ntawm cov hluas uas tseem nyiam kev sib koom ua si lom zem raub hnub Ob ntawm thawj lub lis piam nyob hauv lub caij Hla. Li ntawd caw nej nrog saib !






    Sawv daws tuaj sib txoos rau ntawm tsev teev ntuj


    "Sawv kev mus rau qhov chaw ua si"
    Ib txhia caij tsheb


    Ib txhia mus taw










    Sawv daws sib tham haum thiab sib faib ua ob pab,
    nyias pab yuav tau sib pab xav tswv yim thiab sau kom tau ib zaj nkauj luv luv
    nrhiav kom tau lub suab thiab hu kom tau nrog lub suab thaj cheej,
    tsuas siv lub sij hawm kwv yees ib teev xwb.


    Pab hluas tim ib


    Pab hluas tim ob


    Pab hluas tim ib, xyaum hu nkauj


    Pab hluas tim ob,xyaum hu nkauj












    Teev ntuj noj mov








    Thaj chaw no muaj ntau lub rooj sawv daws mus nyob tsis puv


    "Lub sij hawm noj su tas yog lub sij hawm ua si ywj siab"
    Ib txhia kuj mus kov dej









    La Comté déborde à Cacao par dhoualet



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5553
    Date d'inscription : 2009-08-18

    Re: Hmoob Guyane

    Post  Maiv Tooj on 20th May 2011, 5:11 am




    HMOOV TXIV LWM TSIB TIM 1 LUB 5 HLIS 2011


    Twb tau tham ntau zaud dhau los lawm, tab sis rov hais ib los ntxiv txog keeb kwm "txiv lwm tsib" nyob Nkws yas teb.
    Yam li thaum ub lub teb chaws Nkws Yas yog ib lub teb chaws uas lub Sawm Fem Cev Qhev, cov Fab Kis Dawb coj cov neeg Dub mus ua Qhev nrau Nkws Yas teb. Tom qab tau txais kev tso cai vaj huam sib luag lawm, cov Dub tsis tshua nyiam ua noj ua haus, khwv noj. Ces lub teb chaws khwv tsis tau rau nws noj, cia Tseem Hwv Fab Kis yug lawv, ua rau lub teb chaws ntawd tau tau cai tias yog ib "lub teb chawd khwv tsis tau noj". Ib qho mas kuj yog huab cua phem me ntsis, ib xyoos no los nag txog ntawm 11 lub hlis, tshav ntuj 1 hlis xwb. Thiab cov av yog av qaub, ces tsis muaj chiv, thiaj ua rau lub teb chaws khwv tsis tau noj.

    Tab sis tom qab 1977, lawv coj tau 500 leej Hmoob mus nyob sim, cov Hmoob ib txwm yog neeg khwv noj, ntse nruab thiab, ces lawv yuav tau qos tuaj rau Hmoob noj, Hmoob noj ib txhia, muab ib txhia coj mus cog...Thiab TP.Nyiaj Pov ho nrhiav noob qoob noob tsa mus rau Hmoob sim cog thiab. Nws thauj noob qoob puag Thaib teb, Australia teb, Argentina teb, Brasilia teb tuaj rau Hmoob cog. Ces tom qab no, Hmoob khwv tau noj, thiaj muaj cov tub luam, cov los pav mus coob dua ntxiv, neeg mus coob zuj zus, zaum no teb chaws vam meej ib yam li nyob rau Fab kis Av Loj lawm. Tawm rooj plaws, nyob li yav ntuj thaum ub, tab sis muaj tsheb caij, muaj nkoj caij, tsis tau mus ko taw lawm.

    Dua li Hmoob yog thawj cov uas cog tau txiv kab ntxwv, txiv lws zoov, taub ntoo, txiv mov mes, lwm yam txiv ntxiv thiab zaub noj ntau yam nyob rau lub teb chaws Guyane. Cov txiv lwm tsib thiaj yog ib cov txiv uas qab thiab zoo nkauj, tshwm sim rau Nkws Yas teb. Li ntawd lawv thiaj muaj ib hnub Chiv hauv ib xyoos, lub caij txi los ua ib "lub hmoov Txiv Lwm tsib". Lawv tshaj tawm rau ntau qhov, hauv xov tooj cua, xov xwm, TV, thiab cov chaw Tsam teb chaws. Lub hmoov no muaj koob nto npe heev, muaj neeg ncig teb chaws mus ntau qhov mus xyuas, thiab saj txiv lwm tsib.

    Txiv Suav Nus, kuv lam tham me ntsis, cia koj tham nej ua Hmoov txiv lwm tsib xyoo no mus ntxiv...Peb klhwv khwv es txawm muab tso tau lig me ntsis los zoo dua uas tsis tso...

    Hmoov txiv lwm tsib xyoo no yog Hnub Tim 1 lub 5hlis 2011.

    Nej ntsia cov tsheb, seb tuaj coob li coob...Qhov nov txhais tau tias luag QHUAS PEB HAIV HMOOB LAWM.




















    avatar
    Yaj Suav Nus
    Phooj Ywg
    Phooj Ywg

    Messages : 287
    Date d'inscription : 2009-10-23

    Re: Hmoob Guyane

    Post  Yaj Suav Nus on 20th May 2011, 1:41 pm

    Nyob zoo T. Tooj,
    Thov txim kuv ntxiv ib daim duab thiab ib co lus xyaw rau koj cov duab lawm.

    Hnub ua "Hmoov Txiv Lwm Tsib" mas kuv thau tsis tau ib daim duab li tiag, qhov kuv thau tsis tau mas vim yog cov qhua tuaj coob dhau ces kuv tsis xav mus dawm lawv kev, qhov tseeb ces yog tsis tau kev mus. Kuv vam tias cov neeg txheeb yuav muaj tus thau tau xwb, txog thaum kawg ces tus twg los hais tias npaj tau lub thau duab tab sis tsis muaj caij thau duab li ha! ha!.Vim li ntawd kuv thiaj tsis tau sau hais txog hmoov txiv lwm tsib xyoo no. Kuv tsis tu siab tias kuv tsis tau kev mus thau duab, tab sis kuv zoo siab tias muaj qhua tuaj coob. Xyoo no yog ib xyoos uas muaj qhua tuaj coob tiag, nyob hauv zos tsis muaj ib qho chaw seem yuav tsis muaj tsheb nres li,txhua lub tsev muag mov (restaurant) mas ntsawm nkaus, tej lub zaub mov tsis txaus qhua noj, tej lub fawm tsis txaus ces tau tsa ncauj thov tias: thov txim peb tsis muaj fawm lawm. Txhua tus neeg muag khoom ntawm thaj chaw ua Hmoov Txiv Lwm Tsib tsis hais txiv lwm tsib xwb, txhua yam txiv, txhua yam zaub thc... luag yuav tag nrho tsis tshuav ib qho seem li, 3 teev hnub qaij xwb ces sawv daws tej khoom twb muag tag lawm, tsuas tshuav cov tswv teb uas tuaj yeem thauj neeg mus de kiag hauv lawv daim teb xwb.
    Hnub ua Hmoov txiv lwm tsib mas cov tub ceev xwm (police) kuj tuaj pab saib xyuas thaj yeeb hauv zos, muaj ib co (police) nyob puag tom kev tshuam, kev ncaim ntawm txoj kev loj tuaj. Txij 2 teev yav hnub qaij xwb lawv twb cheem tej qhua tias kom tsis tuaj mas yuav zoo dua, vim yog cov tub ceev xwm hauv zos hais mus rau cov nyob tom kev tias: nyob hauv zos tsis muaj chaw nres tsheb lawm, cov tsev muag mov (restaurants) yuav tsis muaj mov txaus sawv daws noj, Hmoob tej khoom muag ntawm lub tshav twb tag lawm.

    Xyooj Ntxoov Tsawb uas yog ib tug nyob hauv lub rooj tswj hwm lub hmoov txiv lwm tsis, thaum ua hmoov tas nws tau mus cov neeg muag txhua yam hnub ntawd saib ib leeg tau nyiaj npaum li cas ? Nws hais rau kuv tias nws tau nug tas ib nrab xwb ces nws tsis mus nug ntxiv lawm, yeej paub tias ib txhia tsis kam qhia qhov tseeb hos ib txhia kuj qhia qhov tseeb. Ntawm cov neeg nws nug tas ib nrab ntawd xwb muab ua xam phaj mas tau tshaj zog 50.000,00 Euros, xav tias yog nug tas mas yam tsawg twb yuav yog 80 mus rau 1000 txhiab.Pom tau tias ib hnub xwb tej qhua coj nyiaj tuaj rau Hmoob ntau tas nrho li. Vam tias lwm xyoo Hmoob yuav npaj kom loj thiab ntau zog tuaj.
    Kuv tsis muaj duab tuaj tso raunej saib li, thov txim nawv!!

    Y. Suav Nus
    avatar
    Yaj Suav Nus
    Phooj Ywg
    Phooj Ywg

    Messages : 287
    Date d'inscription : 2009-10-23

    Re: Hmoob Guyane

    Post  Yaj Suav Nus on 20th May 2011, 2:31 pm

    Maiv Tooj wrote:


    Saib dej nyab zos Kas kaus, Nkws Yas teb...Txiv Suav Nus, yog xyoo twg lawm? Puas yog 2002?


    La Comté déborde à Cacao par dhoualet

    Nyob zoo T. Tooj,
    Daim video no xav tias yuav tsis yog xyoo 2002,
    Txhua xyoo twb muaj dej nyab teb, tab sis tsuas yog nyab raws cov teb uas txawm tau qis nyob ntawm ntug dej Comté xwb. Raws li kuv nco tau mas xyoo dej hlob tshaj thiab nyab teb ntau tshaj mas yog xyoo 1999 thaum lub 12 hlis (Décembre) xyoo ntawd toj pob los txhub kev ua rau Hmoob cov tsheb mus tsis tau rau hauv nroog, kuv kuj nco tau tias xyoo 1999 ntawd nyob Fab Kis av loj kuj muaj ib lub khaub zeeg cua loj los raug Fab Kis teb ua rau tej toj roob hauv pes ntoo qaug tag.

    Teb chaws Guyane muaj muaj 4 lub caij: (hais raws li nyob haub ntaub ntawv) 2 lub caij ntuj nag thiab 2 lub caij ntuj tshav. 2 lub caij ntuj nag kuj faib ua 1 lub caij ntuj nag ntev thiab 1 lub caij ntuj nag luv. 2 lub caij ntuj tshav kuj faib ua 1 lub caij ntuj tshav ntev thiab 1 lub caij ntuj tshav luv.
    (Koj tus uas tsis tau paub teb chaws Guyane mas koj yuav xav tias txawv ua luaj ! tsis tau hnov dua !)
    Lub caij ntuj nag ntev: txij lub 4 hlis mus txog lub 7 hli tas.
    Lub caij ntuj nag luv: Txij lub 11 hlis ib nrab mus txog rau lub 2 hlis ib nrab.
    Lub caij ntuj tshav ntev: Txij lub 8 hli mus txog lub 11 hlis ib nrab.
    Lub caij ntuj tshav luv: txij lub 2 hlis ib nrab txog lub 4 hlis.
    Li ntawd Hmoob thiaj cog nplej cog pob kws thiab txhua yam txhiam xws, qoob loo tsis muaj sij hawm tsis li, lub caij twg los puav leej tau noj (tsuav yog koj cog tau thiab tu kom tau xwb)

    Mam sis tham dua rov lwm zaus.

    Y. Suav Nus
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5553
    Date d'inscription : 2009-08-18

    Re: Hmoob Guyane

    Post  Maiv Tooj on 21st May 2011, 8:36 am



    Nyob zoo txiv Suav Nus,

    Koj yog tus paub tseeb dua, yog koj hais li ces daim xyam nov yeej yog dej nyab Kas Kaus xyoo 1999 lawm, kuv nco tau tias dej nyab loj heev.

    Dua li, yog koj muaj caij no thov koj pab tham txog lub "Hmoov txiv lwm tsib" seb nej ua li cas rau li cas?
    Yog vim li cas thiaj muaj tsheb tuaj ntau ua luaj li tom teb?
    Ua li yog txiv Nkias Teeb nkawd muag ib hnub tau 6.000€ no nkawd thaj txiv ntawd, nkawd yeej tssi de li, yeej txhob tseg cia ua Hmoov xwb lov?
    Thiab cov txiv siab li cas es neeg ho tuaj de cuag thiab?

    Ua tsaug.



    avatar
    Yaj Suav Nus
    Phooj Ywg
    Phooj Ywg

    Messages : 287
    Date d'inscription : 2009-10-23

    Hmoob Guyane txais lus qhuas

    Post  Yaj Suav Nus on 21st May 2011, 3:08 pm

    HMOOB GUYANE TXAIS LUS QHUAS


    Ib zaug hauv zaj dab neeg Hmoob nyob Guyane.
    Hnub tim 15 / 5 / 2011 cov nom tswv hauv teb chaws Guyane tuaj chob Kib Hnub Qub rau ib co Hmoob uas tau ua cov hauj lwm tsim nyog qhuas. ( qhov no tsuas hais txog phab kev ua noj ua haus, qoob loo )

    Cov duab hauv qab no yog cov nom twv teb chaws Guyane.


    Yawg Claud Ho-A-Chuck nkawd ob niam txiv
    Hmoob saib nkawd zoo tam li yog Hmoob niam thiab Hmoob txiv


    Maire de Roura (Cacao)



    Swv cev Préfet


    Thawj tus qub nom txais Hmoob tuaj teb chaws Guyane xyoo 1977


    Sawv cev cov koom haum phab kev ua noj


    Sawv cev tus thawj tswj teb chaws Guyane


    Tus thawj tswj phab kev ua liaj ua teb


    Sawv cev tus Sénateur


    Tus nom saib av ua liaj ua teb thiab hav zoov


    Cov duab hauv qab no yog peb cov Hmoob



    Xyooj Nraj Ntxhi thiab niam Xyooj Nraj Ntxhi
    (npe hluas: Xyooj Cheeb)






    Xyooj Nraj Ntxhi


    Xyooj Faiv Txam thiab niam Xyooj Faiv Txam


    Xyooj Faiv Txam


    Yaj Nkaj Mas




    Yaj Nkaj Mas thiab niam Yaj Nkaj Mas


    Lis Tswv Txos thiab niam Lis Tswv Txos
    Nkawd ob niam txiv puav leej tau txais lus qhuas


    Yaj Nom Hwm thiab niam Yaj Nom Hwm


    Yaj Txawj Kub tiab niam Yaj Txawj Kub


    Yaj Vam Thaiv thiab niam Yaj Vam Thaiv