Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Suav neeg tuaj saib, txij hnub 17/09/2010 los mus.


    The Miracle of Damascus

    Share
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5325
    Date d'inscription : 2009-08-18

    The Miracle of Damascus

    Post  Maiv Tooj on 30th November 2009, 6:28 am



    Dab phem ces yog Tswv Ntuj tus kwv xwb...Thaum twg leej twg tau txiaj ntsim es yuav tau txoj kev Ntshiab ( Sainteté) ces khib khib Dab Phem li, nws thiaj pheej los muab cov neeg ntawd tsim txom tas li xwb...!


    The Miracle of Damascus: Part One



    The Miracle of Damascus: Part Two [Lo Res for Dial-up]



    The Miracle of Damascus: Part Three




    The Miracle of Damascus: Part Four



    The Miracle of Damascus: Part Five


    The Miracle of Damascus: Part Six



    The Miracle of Damascus: Part Seven



    The Miracle of Damascus: Part Eight



    The Miracle of Damascus: Part Nine



    Saib Txuas ntxiv hauv Youtube

    Tag nrho muaj 31 daim videos


    http://www.youtube.com/watch?v=uOx_xBSn1Rk&feature=PlayList&p=EF7D832AC95D0515&index=0&playnext=1


    Last edited by Maiv Tooj on 3rd December 2009, 9:41 am; edited 1 time in total



    avatar
    Maivxis
    Phooj Ywg
    Phooj Ywg

    Messages : 265
    Date d'inscription : 2009-11-05

    Re: The Miracle of Damascus

    Post  Maivxis on 1st December 2009, 3:33 am

    Maiv Tooj wrote:





    Oh , maivtooj aws ..!!!!! Vuag ua li cas es txaus ntshai thiab ho zoo ua luaj li os ,
    Ua tsaug nawb ua koj muab tuaj tso rau hauv no es kuv ho pom thiab os
    Kuv yuav mus saib kom tag os ,Vim zoo li nws raug kuv siab heev li

    Maivxis.
    avatar
    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    Re: The Miracle of Damascus

    Post  Maiv Paj Lug on 1st December 2009, 4:08 am

    Zoo heev os Maiv Tooj , peb leej twg yog tau ntseeg tag nrho siab ntsws tuaj ces yeej yuav pom tus dab phem ntawv txim txom nws yam nkaus li dab phem tsim txom cov Leej Ntshiab thiab, yog tias yus ntseeg ntuj xwb dab phem tsis khib yus ces txhais tau tias yus tseem ntseeg tsis tau tas dab phem xav ntxias yus hnub twg los yeej tau . Dab phem txawj ua rau yus ntshai kom yus zog me thiab yus nsthai ces yus yuav khiav deb ntawm txoj kev ntseeg.
    Dab phem kuj tau hais ntawm Antoine Gay lub qhov ncauj tuaj tias " yog leej twg tsis thov ntuj lawm mas kuv yuav tso nws tau zoo nyob, yog leej twg tseem thov ntuj thiab mas kuv yuav tsis tso nws tau zoo nyob kiag, tiam sis tus twg yog Tswv Ntuj li lawm ces peb zog me, hos tus twg yog peb li mas peb zog loj."
    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 1939
    Date d'inscription : 2009-10-16

    Re: The Miracle of Damascus

    Post  Mim on 1st December 2009, 5:52 pm

    Tais Tooj, Maiv Paj Lug, phauj Maiv Xis,

    Tais Tooj, kuv yeej tau hnov thiab tau nyeem txog thiab tau saib zaj movie no dua los lawm, tiam sis kuv kuj tsis tau saib kom tas nrho 31 daim li koj hais ntawd. Daim 31 zoo li yog hais txog thaum lub Easter xyoo 2007 sub.

    Nyob hauv zaj no lawv tsis hais txog dab phem kiag li os.... lawv tsuas hais txog ib tug poj niam nyob Damascus, Syria teb, uas nws tau txais ib lub txiaj ntsim loj thiab zoo xwb. Pib thaum lub 11 hlis tim 22 xyoo 1982, yog thawj zaug uas nws ob txhais tes cia li txia ib co roj, yog nws muab cov roj ntawd pleev cov neeg muaj mob ces lawv tej mob txawj zoo lawm. Ces nws ho cia li pib pom Niam Mab Liab tuaj hais lus rau nws. Nws muaj ib daig duab Mab Liab cia li txawj txia roj ntws si laws, lawv cug tau tej tais roj faib rau neeg siv, lawv muab daim duab ntawd copy ua ntau daim, cov copies ntawd los txawj txia roj tib si. Muaj ib daig duab Yes Xus los kuj cia li txawj txia roj thiab. Tus poj niam ntawd npe hu ua Mirna Nazzour. Thaum lub 11 hlis xyoo 1982 ntawd nws nyuam qhuav yuav txiv tau rau hli xwb.


    Daim duab Mab Liab uas txawj txia roj: Our Lady of Soufanieh

    Nyob hauv cov movies no, peb pom Mirna pheej pw, thiab nws pheej quaj quaj, nti nti, yog vim nws xub pib txia roj ntawm nws ob txhais tes ces nws ntsej muag thiab nws ob lub qhov muag ua ntej nws yuav pom HT Yes Xus. Thaum cov roj tawm hauv nws ob lub qhov muag los mas mob mob kawg nkaus li, nws nyiaj tsis taus li, nws thiaj quaj thiab xav kaus nws ob lub qhov muag. Tiam sis ib chim qhov mob ntawd ploj lawm ces nws cia li zoo li looj lawm, vim HT Yes Xus nrog nws tham lawm. Thaum ntawd lawv xuas koob nkaug nws tej tes tej taw los nws yeej tsis hnov mob li lawm, thaum nws xeev rov los nws mam hnov mob xwb.

    Niaj xyoo thaum txog lub caij Yes Xus raug txom nyem, xws li hnub Rau Ntshiab, Mirna ob txhais tes ob txhais taw, hauv siab thiab taub hau kuj cia li muab ib cov qhov txhab uas nyob nyob cia li txawj tshwm tuaj, los ntshav tas mus li, lawv so tsis tseg, tiam sis so tas los yeej rov txia ntshav tuaj tas li. Thiab yeej mob heev kawg nkaus, Mirna yeej nyiaj tsis taus li, nws thov ntuj thov niam Mab Liab tas zog kom pab nws nyiaj, qee tsam thov kom muab tej mob ntawd tshem mus. Thaum zoo li ntawd yog nws nyiaj HT Yes Xus cov qhov txhab uas lawv muab nws ntsia dai rau saum ntoo cuam, thiab nkaug nws lub plawv. Thaum dhau lub caij nws raug mob li ntawd tas, nws cov qhov txhab txawj cia li nws ploj nws tas, tej nqaij rov loos zoo zoo li qub lawm xwb.

    Mirna txiv yog ib tug neeg ntseeg Kas tos liv, nws niam yog ib tug Orthodox, nws tus txiv yog ib tug Orthodox thiab. HT Yes Xus thiab Niam Mab Liab los siv Mirna kom qhia rau sawv daws paub txog tias nkawd tsis zoo siab rau qhov cov ntseeg muaj kev sib cais, nkawd xav kom sawv daws rov los sib haum xeeb thiab sib koom. Mirna yeej tuaj ncig txog Mes Kas teb tib si, tuaj tham txog qhov tias HT Yes Xus xav kom cov ntseeg rov los sib haum xeeb (Unity). Kuv tsis tau hnov thiab tsis tau pom nws, tiam sis kuv paub hais tias nws tuaj.

    Kuv lam piav me ntsis raws li kuv paub, vim nej tau sau tias dab phem khib khib thiaj tsim txom cov neeg uas yuav tau kev ntshiab.... Ntshai yog kuv ho tsis tau saib txog qhov uas lawv hais txog dab phem, tiam sis cov uas kuv tau saib mas tsuas hais txog Mirna txoj kev nyiaj HT Yesd Xus tej kev txom nyem los them lub Koom Txoos tej kev txhaum uas muaj kev sib ncaim xwb.


    Last edited by Mim on 2nd December 2009, 5:11 pm; edited 1 time in total
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5325
    Date d'inscription : 2009-08-18

    Re: The Miracle of Damascus

    Post  Maiv Tooj on 1st December 2009, 6:09 pm


    Nyob zoo Mim,

    Ua tsaug koj tau piav keeb kwm ntawm Mirna Nazzour rau peb paub zoo dua ntxiv.

    Kuv hais txog Dab Phem nyiam nyob ze thiab khib cov neeg lawv uas muaj txoj kev ntseeg loj thiab Ntshiab. Kuv tsis yog hais rau Mirna Nazzour, tab sis kuv hais General xwb. Ib yam li Padre Pio, Marthe Robin thiab lwm tus ntxiv...Niaj hmo tsaus ntuj mas Dab Phem los nrog nkawd sib ntsuas zog, muab nkawd ntau ua poob qab txag tas, ua pob kub ntsuab o nkoog lam. Ua tej yam tsis huv rau nkawd lub tswv yim...Tsis yog nkawd xwb, coob tus neeg muaj txoj kev ntseeg zoo yeej pom Dab Phem los txiav lawv kev thiab tshoj tej neeg ib ncig ntawm lawv tawm tsam kom lawv ntxhov siab txhob ua tau Tswv Ntuj txoj hauj lwm thiab tsis muaj kev kaj siab.

    Mim, kuv pom koj muaj kev ntseeg zoo, koj paub ntau yam heev. Kuv xav nug koj tias koj tus kheej kiag puas tau ntsib tej yam li kuv tham nov?

    Peb tham ntau yam sib xyaws ntxaws, zoo siab uas koj los tshuam lus kom meej dua ntxiv.


    Emission Mystere "Padre Pio" partie 1




    avatar
    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    Re: The Miracle of Damascus

    Post  Maiv Paj Lug on 2nd December 2009, 3:54 am

    Nkawv aw! cas neb yuav txawj tham tau txaus zoo siab thiab ho txaus ntshai ua luaj li thiab os, Niamlaus Mim, ua tsuag rau koj tuaj qhia ntxiv rau tus pojniam txawj txia roj nawb, txaus ntshai thiab ho zoo siab heev vim yog Tswv Ntuj qhov volonté ua thiaj tshwm sim tau tej ntawv.




    Thaum yus paub hais tias Dab Phem tuaj thab yus lawm mas zaj thov ntuj muaj zog tshaj plaws yog zaj " KUV NTSEEG TXOG HUAB TAIS NTUJ, Zaj PEB TXIV NYOB SAUM NTUJ thiab zaj KOJ NYOB KAJ LUG MAB LIAB.....yus hais 3 zaj no tag nrho xwb ces tus yeeb ncuab zog me kiag ntawm yus lawm, thaum tus yeeb ncuab lub zog yau lawm ces yus mam hais kiag zaj nyob hauv lub kib SAINT BENOIT ......niaj hnub no kuv siv qho no ua ntej xwb zoo heev......kuv tseem yuav kawm kom tau cov zaj ntiab dab phem tuaj ntawm cov TSHIAB ARCHANGE : MICHEL, RAPHAËLthiab GABRIEL.
    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 1939
    Date d'inscription : 2009-10-16

    Re: The Miracle of Damascus

    Post  Mim on 2nd December 2009, 5:54 pm

    Tais Tooj thiab Maiv Paj Lug,

    Neb kuj piav tau txaus qhuas kawg li.... Neb yog neeg dawb huv, muaj kev ntseeg zoo thiab neb hmoov zoo, Tswv Ntuj thiaj ua tej yam cig plaws ntawm qhov muag rau neb pom. Nyob li kuv mas kuv lub neej yeej tsuas nyob thas mas das xwb, tsis muaj tej yam txawv txav li ntawd. Tiam sis yus yeej paub hais tias yog Tswv ntuj tau pab yus lawm no xwb.

    Xws li thaum kuv tseem yug yug me nyuam, kuv pheej xav tau tias cas yug los ua poj niam mas pheej yuav tsum tau nyiaj mob tu me tub nyuam, zoo li yus txom nyem dua ib tug txiv neej ne... Ces kuv txawm thov Ntuj tias kuv tsis xav yug ntxhais coob, xav thov kom yug tub coob no. Cas kuv yug kuv cov me nyuam muaj rau leej, ob leeg yog ntxhais hos plaub leeg yog tub. Ces kuv ua Ntuj tsaug tias nws twb pub rau kuv raws li kuv ntshaw lawm no xwb...

    Tej zaum Tswv Ntuj ua tej yam rau yus pom kom yus txoj kev ntseeg loj tshaj qub tuaj. Tej zaum Tswv Ntuj kuj tsis ua dab tsi loj loj rau yus pom li, yog nws xav sim saib yus txoj kev ntseeg puas tom thawj thiab...
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5325
    Date d'inscription : 2009-08-18

    Re: The Miracle of Damascus

    Post  Maiv Tooj on 2nd December 2009, 6:15 pm



    Nyob zoo Mim thiab May Paj Lug,

    May Paj Lug a...! Ua cas nws txawm siv muab nws cov lus tshem tawm tag lawm naj...? Kuv twb ytuaj nyeem tag lawm tab sis tsis muaj caij teb nws xwb. Nws yog ib tug neeg muaj hmoo thiaj muaj tus khib nws...Kuv yeej ntseeg txhua yam nws hais thiab nws mloog tau. Txawm yuav txom nyem npaum li cas los qaug zog nawb May, tus ntawd nws xav ntxias yus xwb, hnub twg ntxias tau yus tso kev ntseeg tseg ces nws yuav muab yus hlawv siab hlawv ntsws xwb, nws yuav muab tsis tau lub theej kiab kaj nrig rau yus. Nws khib yus heev vim yus mus yuav txog Tswv Ntuj tus taw ntaiv. Ua siab loj thiab txhob ntshai kiag li nawb mog.

    Mim,

    Ua tsaug nws cov lus zoo lus txhawb siab. Kuv mas kuv nyiam pom Tswv Ntuj lub hwj huam heev. Thaum yus pom thiab tau txais mas yus nyob thaj yeeb heev, tsis muaj kev ntxhov siab tsis muaj mob kiag li. Yus hnov yus lub cev sib sib huv si kaj lug xwb. Xav tias Ceeb Ntsheej ntshe zoo li ntawd no...

    Thaum yus nyob ze Tswv Ntuj me me xwb mas muaj kev tawm tsam yus tas li...tej thaum ua rau yus nyuaj nyuaj siab, yus twb tsis muaj zog teev ntuj li lawm. Kuv txoj hmoov zoo heev, vim txhua zaus kuv hu txog Tswv Ntuj, kuv paub hais tias NWS mloog kuv lub suab hu...Tab sis kuv pom tias muaj TUS tshoj ib txhia neeg ntawm kuv ib ncig siab tawm sam kuv tas li xwb. Hais los kuj tu siab thiab, vim yus lub zog yog zog neeg ntiaj teb xwb...

    Mim, kuv zoo siab heev uas koj tuaj tham ntau yam zoo heev rau peb paub lub ntsiab zoo dua tuaj. Kuv ua koj tsaug mog.



    avatar
    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    Re: The Miracle of Damascus

    Post  Maiv Paj Lug on 3rd December 2009, 4:33 am



    Maiv Tooj, kuv tau muab kuv cov lus tshem ib nrab , vim tias kuv xav cia seb puas  yog zoo sij hawm kuv qhia tus phem txoj kev khib thiab hiam kuv . Vim kuv xav paub seb Tswv Ntuj puas pom zoo kuv tham tej yam tshwm sim zoo li no, kuv ntshai tsam kuv tham ntau ntau ces Tswv Ntuj ho yuav tsis pub txiaj ntsim rau kuv ntxiv.....twb yog kuv tuaj sau qhia txog tus phem tas ces kuv siab nyob tsis kaj li lawm, xyov puas yog tus phem ua kom kuv ntshai es muab tshem los xyov yog Tswv ntuj tsis pom zoo ces kuv thiaj muab tshem lawm.
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5325
    Date d'inscription : 2009-08-18

    Re: The Miracle of Damascus

    Post  Maiv Tooj on 3rd December 2009, 4:44 am



    Nyob zoo May Paj Lug,

    Ua li mas, nws muab tshem los yog ib qho zoo thiab. Peb txhob tham ntau ym sib xyaws tsam s d ho to taub yuam kev thiab. Cia tham raws peb lub ntsib lus mus xwb. Lwm hnub muaj caij muaj nyoog mam mus tham rau lub tsev nram hav.
    May, ob hnub no mas khwv khwv cuag dab tsi li...Tsis khoom tuaj sau ib yam tseem ceeb li, nej sau los tseem ua ob peb zaug nyeem mam tag...Hahahah...!Nco nws li...


    Last edited by Maiv Tooj on 6th November 2016, 9:18 am; edited 1 time in total



    avatar
    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    Re: The Miracle of Damascus

    Post  Maiv Paj Lug on 3rd December 2009, 5:10 am

    Mim aw! kuv los kuj tsis to taub hais tias kuv tsuas yog ib tug me nyuam neeg me dog dig xwb , kuv yog neeg txom nyeem, kuv los kuj tsis yog ib tug neeg tseem ceeb, kuv kuj tsis tau kawm tiav qhov twg kom tau ua ib txoj hauj lwm zoo rau Tswv Ntuj hauv koos txoos kas tos liv  kom tsim nyog tus dab phem khib nws thiaj tsim nyog los ua heev heev rau kuv tej looj tsim.

    Kuv los niaj hnub no yeej tsis to taub hais tias vim li cas dab phem pheej khib kuv ua luaj pheej tab los ua looj tsim tsis tseg rau kuv, dab phem yuav tsum paub tias hauv kuv lub neej tsis muaj dab tsi li, kuv tsuas thov muaj YESXUS nyob hauv kuv lub siab nkaus xwb, txawm phoojywg neeg ntiaj teb no thiab kuv tej kwv tej tij lawv tso kuv tseg tsis xav hlub kuv lawm los kuv tsis tu siab tsis chim tsis quaj, kuv tsuas thov yuav Huab Tais Yesxus nyob hauv kuv lub siab xwb es tseem mag niag phem khib thiab? txhua yam tus phem twb tau tag nrho lawm nev, tsuas tshuav kuv lub siab nkaus xwb qho no kuv muab tsis tau rau dab phem nkaus xwb nav, kuv twb swb nyiaj kub, kuv twb swb cov neeg txawj ntse, kuv twb swb kuv kwv kuv tij kuv twb cia lawv ua cov cem kuv, kuv twb swb cov neeg nrog kuv ua hauj lwm tas li.... .....li no es tseem tsim nyog dab phem khib thiab los niamlaus Mim thiab niamlaus Maiv Tooj

    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5325
    Date d'inscription : 2009-08-18

    Re: The Miracle of Damascus

    Post  Maiv Tooj on 3rd December 2009, 8:42 am



    Hahahah...! MaypajLug aw...Cas yuav hais tau ntxim hlub ua luaj li...! Txawm yog qhov twg los nws swb tag es thiaj khib tus tuaj kub ua luaj mas...Yog nws ho yeej yam puav thiab ces Dab Phem twb muas tau nws ib txhia lawm ces nyaj yuav tsis khib luaj twg lawm thiab. Li cas los yuav tau ua siab tawv thiab txhob yeem swb li.


    Last edited by Maiv Tooj on 6th November 2016, 9:21 am; edited 1 time in total



    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 1939
    Date d'inscription : 2009-10-16

    Re: The Miracle of Damascus

    Post  Mim on 3rd December 2009, 4:28 pm



    Maiv Paj Lug,

    Tej zaum yog Tswv Ntuj xav siv nws ua tim khawv txog Tswv Ntuj rau peb cov Hmoob xwb os....Ntau zaus li Tswv Ntuj tsis xaiv tej neeg muaj koob meej los txawj ntse los muaj muaj, nws tsuas xaiv cov neeg me uas luag ntsia tsis muaj qab hau dab tsi xwb os.  Es nws ua siab loj loj thiab thov Tswv Ntuj lub hwj chim lub zog pab nws kom yeej dab ntxwj nyoog txhua lub sij hawm xwb ces zoo kawg li lawm os nawb....
    avatar
    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    Re: The Miracle of Damascus

    Post  Maiv Paj Lug on 4th December 2009, 5:21 am

    Mim wrote:
    Maiv Paj Lug,

    Tej zaum yog Tswv Ntuj xav siv nws ua tim khawv txog Tswv Ntuj rau peb cov Hmoob xwb os....Ntau zaus li Tswv Ntuj tsis xaiv tej neeg muaj koob meej los txawj ntse los muaj muaj, nws tsuas xaiv cov neeg me uas luag ntsia tsis muaj qab hau dab tsi xwb os. Es nws ua siab loj loj thiab thov Tswv Ntuj lub hwj chim lub zog pab nws kom yeej dab ntxwj nyoog txhua lub sij hawm xwb ces zoo kawg li lawm os nawb....
    Ab! Niamlaus Mim aw! kheev lam Tswv Ntuj xaiv kuv ua tim khawv qhia tus phem rau peb tsoom Hmoob mav, ntshe kuv yuav muaj ntau yam qhia rau lawv heev li lau, tiam sis yus qhia leej twg los twb tsis muaj tus ntseeg twb tsis muaj tus mloog li es ntshe Tswv Ntuj tsis xaiv yus li os vim tias yus me dhau lawm, kheev lam yus ho ib nyuag muaj tsim me ntsis thiab no nyaj yuav qhia tau rau sawv daws ntseeg thiab kheev lam yus lam txawj txawj ntse ntse no ntshe neeg yuav ntseeg yus heev li lauj, tab sis cas yus tseem yog niag neeg ntxub tshaj plaws li lawm thiab es xyov li tiag.......hahaha kuv mloog hauv kuv lub neej mas zoo li cov neeg ruam ruam thiab cov niag uas txom nyeem tshaaaaaaaj kuv lawm mas lawv thiaj nyiam kuv xwb as , hauv kuv lub neej nyuam qhuav yog Xyoo ua kuv tuaj Ntsib Maiv Tooj es thiaj muaj nej 2 3 tug nav kuv xwb os niamlaus Mim. Dua li ces kuv twb tsis tau luag tawm mus qhov twg vim Hmoob paub kuv niam zoo heev, kuv niam yog ib tug pojniam txom txom nyeem, yav thaum peb yau mas muaj tej hnub kuv mus kawm ntawv los kuv tshaib tshaib plab mas kuv kaws ib ya mov ci tawv tawv nrog dej tas ces rov qab mus kawm ntawv lawm xwb tiag, lub sij hawm ntawv peb twb nyob Fab Kis Teb kiag los cas yuav txom nyeem npaum ntawv ua rau neeg cia li tsis muaj kev vam txog peb pab lawv li lawm, lawv hais tias cov niag me nyuam phem li peb thiaj tau yug los ntawm ib niag poj niam kob huam li kuv niam mas yeej pab tsis tau lawv dab tsi li tsis tas hlub peb, no ces peb cia li ua neej poob zog li lawm las as.

    Kuv lub neej ces zoo li no xwb es kuv thiaj hais tias twb tsis muaj dab tsi yuav tseem ceeb rau tus tuaj kub khib li los cas nws nim ua heev heev rau kuv thiab, muaj ib zaug nws los ua looj tsim rau kuv pom kiag nws lub ntsej muag thiab nws 2 tug kub, tiam sis nws muaj zog heev li , kuv saib mas yog Tswv ntuj tso cai ntshe nws twb muab kuv ua ntsoog tag lawm, kuv twb tsis muaj cuab kav hais dab tsi rau tus tuaj kub vim tuaj kub lub zog loj tiag tiag, kuv ces zoo li ib daim nplooj nyob rau cua tshuab kom ya rau qhov twg los xij xwb, tiam sis mas Tswv Ntuj ho tsis tso cai rau nws muab kuv dua ces kuv nsthai nsthai tas rov qab los nyob twj ywm hu nkauj cav txog Tswv Ntuj tus ntoo koob meej txhua hnub thiab xwb.

    Ab yaj, kuv xav tias yam yooj yim tshaj plaws uas kuv tsis tau poob nyiaj dab tsi tsis tau ntiav leej twg pab li ces yog thov Ntuj xwb twb tau txoj sia nyob mus li no ces kuv cia li thov ntuj tas li ua hnub ua hmo, nyob qhov twg los pheej hu nkauj luj loos txog Yesxus xwb, nsthe tej zaum yam no ua rau tuaj kub toog ntsej xwb es nws thiaj khib xwb os.
    avatar
    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    Re: The Miracle of Damascus

    Post  Maiv Paj Lug on 4th December 2009, 5:39 am

    Maiv Tooj wrote:
    Hahahah...! MaypajLug aw...Cas yuav hais tau ntxim hlub ua luaj li...! Txawm yog qhov twg los nws swb tag es thiaj khib tus tuaj kub ua luaj mas...Yog nws ho yeej yam puav thiab ces Dab Phem twb muas tau nws ib txhia lawm ces nyaj yuav tsis khib luaj twg lawm thiab. Li cas los yuav tau ua siab tawv thiab txhob yeem swb li.

    Ham tsis tiag las as yom niamlaus Maiv Tooj aj......koj sim xav seb maj, koj los kuj yuav tsum xav tib yam li kuv thiab nav, yus yog niag neeg me ua luaj, nyiaj kub tsis nrog luag muaj, ua nom ua tswv los yus tsis tau nrog luag ua, ib tug neeg tseem ceeb los yus twb tsis yog li, yus yog niag neeg uas nyob qhov twg mas zoo li ruam ruam , yus twb tsis muaj cuab kav tsa muag saib cov neeg zoo nkauj zoo nraug tsam lawv tseem xav tias yus niag zoo li no xwb tseem saib lawv thiab, yus ces txog qhov twg los ua tus swb luag xwb es niag tuaj kub khib yus ua dab tsij maj? Tuaj kub hais tias koj pluag, no los yus twb yeej pluag, tuaj kub hais tias koj ruam, no los yus niag yeej ruam, tuaj kub hais tias koj tsis tsim nyog muaj kwv muaj tij, no los yus twb ua siab tsis ntshaw lawm.........tsuas sthuav qhov niag tuaj kub hais tias: " koj txhob hu hu nkauj cav txog Tswv Ntuj Yesxus lawm vim mloog tsis taus li " Qhov no es yus tsis tau ntiav kom nws los mloog yus hu nkauj ne, ua cas nws pheej los mloog yus hu nkauj cav txog Tswv ntuj ua rau nws toog ntsej los yus pab tsis tau li las as.

    Cov lus saum no muaj tseeb os Niamlaus Maiv tooj, tuaj kub ua looj tsim rau kuv nws thuam kuv kawg nkaus vim tib qho kuv hu nkauj qhuas Tswv Ntuj dhau lawm nws dhuav kawg nkaus li no. Li no kuv thiaj hais tias txhua yam nws twb tau lawm es kuv qhov nyuag hu nkauj qhuas Tswv ntuj xwb no es tuaj kub tseem khib tshaj kuv txoj kev txawj ntse muaj nyiaj muaj kub kuv tso phluav rau tuaj kub es kuv tsis yuav li naj yom.
    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 1939
    Date d'inscription : 2009-10-16

    Re: The Miracle of Damascus

    Post  Mim on 4th December 2009, 12:15 pm



    Maiv Paj Lug, thiab tais Tooj...

    Maiv Paj Lug aw.... cas nws yuav tu siab mas yuad.... Txhob tu tu siab os... HT Yes Xus twb hais tias tus muaj hmoov zoo yog tus pluag hauv nruab siab no nas yod... Es yus yog neeg me neeg phem neeg pluag kob huam neeg ruam, luag tej saib tsis taus yus los, thov kom Tswv Ntuj saib taus yus xwb los mas... Tsuav yog koj paub li ntawd lawm ces kav tsij zoo siab os nawb mog... Tos niag tuaj kub khib khib  los yog koj muaj lub siab dawb paug tas nrho cav txog Tswv Ntuj ces nws yeej khib los mas, vim nws ntxeev siab lawm, nws tsis kam qhuas Tswv Ntuj li ces nws twb xav kom peb txhua leej txhua tus ua ib yam nws thiab kom sawv daws poob hauv lub cub tawg ib yam li nws thiab ne.... Koj cov lus tim khawv uas koj hais ntawm ko ces twb yog lus tim khawv lawm los mas, koj twb qhia hais tias tus niag phem tsis nyiam kom peb cav txog Tswv Ntuj no ne... Tiam sis peb twb paub hais tias txoj kev qhuas txog Tswv Ntuj yog ib qho tseem ceeb thiab zoo tshaj plaws no ne... Ces txawm nws tsim txom yus npaum twg los yus kav tsij hu yus nkauj tas zog, nws yim laj mloog kav tsij yim hu nkauj ntau rau nws mloog, muaj ib hnub nws yeej yuav tsum swb yus xwb os nawb....Thov kom Tswv Ntuj lub txiaj ntsim nrog nraim koj os....
    avatar
    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    Re: The Miracle of Damascus

    Post  Maiv Paj Lug on 4th December 2009, 10:32 pm



    Niamlaus Mim aw! ua koj tsaug ntau txhawb kuv lub zog nawb, kuv yeej yuav ua kom tau siab loj, kuv yeej yuav ua kom tau ib tug neeg zoo, kuv yeej yuav tsis muaj hnub ncaim Tswv Ntuj, kuv mam ua li koj hais kuv mam ua siab loj tiam sis kuv tseem yuav maj mam yoog tus tuaj kub txoj kev khib thiab os nawb, kuv xav txog tus pojniam Korea Julia Kim nyob Naju uas yuav tau txais Txiaj Ntsim ntawm Tswv Ntuj mas tuaj kub los muab nws khawb thiab muab nws ntaus ua doog ntshav ntau kawg nkaus li, qho no mas tuaj kub tseem ua heev tshaj peb cov looj stim tuaj kub ua lawm ces kuv thov ntuj kom Huab Tais Yesxus nrog nraim kuv nyob thaum kuv tsis muaj zog thiab raug tuaj kub ua tej yam kuv tiv tsis taus lawm thov Tswv ntuj lub zog nyob ntawm kuv mus txog hnub kuv tau rov mus tsev mus nyob ze ntawm Huab Tais Yesxus .

    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5325
    Date d'inscription : 2009-08-18

    Re: The Miracle of Damascus

    Post  Maiv Tooj on 13th January 2010, 9:47 pm


    emission Mystère "icone de la vierge Marie en Russie"

    TV Tshooj 1 National Fab Kis: TF1, thaj tsam 1990






    Sponsored content

    Re: The Miracle of Damascus

    Post  Sponsored content


      Current date/time is 19th September 2017, 6:06 am