HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Niam Mab Liab lub cev mus saum Ntuj Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Yesterday at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


    Niam Mab Liab lub cev mus saum Ntuj

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Niam Mab Liab lub cev mus saum Ntuj Empty Niam Mab Liab lub cev mus saum Ntuj

    Post  Maiv Tooj 16th August 2016, 9:53 am



    Tim 15/08/ Hmoov Niam Mab Liab lub cev mus saum Ntuj (ASSOMPTION) .



    Niam Mab Liab lub cev mus saum Ntuj Assomp10

    Tus  Nkauj Tsim Txiaj Mab Liab nce mus pem Tswv  Ntuj lub Ceeb Tsheej  )
    Cov kwv tij, nej sawv daws nco ntsoov tias nyob hauv peb lub Koom  Txoos Kav Tos Lis thiaj muaj tej hnub tseem ceeb uas peb tsoom ntseeg zoo siab  sib sau hauv tsev teev Ntuj , yam peb nco txog Tswv Ntuj tej txiaj ntsim  muaj nqe ,xws li peb sib sau lub 12 hli, hnub 24 – thiab 25 ces thiaj ua hmoov nco  ntsoov txog hnub tsuj xeeb tus Huab Tais Cawm neeg  yug los ,  uas yog Tswv Ntuj Leej Tub .Nws yog Huab Tais Yes Xus- nws  yug los nyob Npes Les Hes, tim His Xas Lais teb.
    Hos, txhua txhia xyoo, hnub 15 lub 8 hlis, peb tsoom neeg Kav Tos Liv ua hmoov nco ntsoov tias : tus Nkauj Tsim Txiaj Mab Liab ,.lub caij nws tau tas sim neej mas nws tus ntsuj tus plig ib txhij nrog nws lub cev nqaij daim tawv nce mus pem Tswv Ntuj lub Ceeb Tsheej -  Yeej yog ib yam tob kawg nkaus.  Yog ib yam nplij peb tej siab ntsws kom tom thawj   . .
    PAJ  NRUAG :  zaj : Koj nyob kaj lug
    Zoo li hnub  no ,thaum peb ua Thaj Txi Ntuj- mas ua ntej peb hais zaj nkauj  teev  Ntuj FAJ  TIM  HUAB  TAIS  NTSHIAB, tus Leej Choj zoo siab hais lo lus cav txog Tswv Ntuj txiaj ntsim zoo li no tias:
    : “Leej Txiv  Ntshiab, tsim nyog peb yuav ua koj tsaug mus thoob ntuj thoob teb,nyob hauv Yes Xus Pleev,koj Leej Tub zoo  nyiam - Hnub no zoo hnub uas peb nco tias  koj tau txais tus Nkauj Tsim Txiaj Mab Liab lub cev thiab tus ntsuj plig nyob pem Tswv  Ntuj lub Ceeb Tsheej uas ci ntsa iab, tsis tu ncua. Zaj tseem ceeb no pab peb tos nrhw txog  hnub zoo tshaj plaws uas lub Koom Txoos  yuav txais Ntuj lub hwj chim ci ntsa iab,yoog raws li tus Nkauj Tsim Txiaj Mab Liab tau xub txais ntawm Tswv Ntuj tuaj- .Leej Ntshiab Mab Liab ua peb luag coj peb kev mus pem Tswv Ntuj lub Ceeb Tsheej -- .Leej Ntshiab Mab Liab tau xeeb koj Leej Tub los ua neeg ,kom xwv tus tib neeg rov yug los tshiab dua
    Ua li ,Tswv  Ntuj siab  zoo, koj tau pab txuag Mab Liab lub cev nqaij kom tsis txhob lwj –Thiab koj tau rub Mab Liab lub cev thiab tus ntsuj plig  nce mus pem koj lub Ceeb Tsheej -.Yog vim  li ntawd, ces peb nrog tas zeej tsoom Tshiab pem Tswv Ntuj lub Ceeb Tsheej koom suab tshaj koj lub koob meej mus li tias :
    Tus Leej Choj hais zaj lus cav txog Tswv Ntuj tas ,ces pab neeg ntseeg thiaj sib koom  suab nyob kaj siab lug hawm Tswv  Ntuj tias :  Faj tim    Huab Tais Ntshiab
     
    PAJ   NRUAG .”  FAJ  TIM  HUAB  TAIS..
    : Cov kwv tij,  hnub  no peb thiaj yuav tau hnov tus Leej Choj zaj lus teev hawm Tswv Ntuj zoo li no tias : “ Huab Tais Tswv Ntuj, koj tau hlub tshua koj tus ntxhais txib Mab Liab tas npaud, koj tau pub koj tej txiaj ntsim  rau nws los mus xeeb koj Leej Tub ua neeg–Hos koj yees pub kom nws  lub cev nqaij daim tawv ib txhij nrog nws tus  ntsuj tus plig nce mus pem koj lub Ceeb Tsheej ci ntsa iab.-Yog vim  peb yog koj cov me nyuam, peb thov koj pab kom xwv peb coj tau lub neej npuab koj lub siab, tsis tu  ncua -  Yav tom ntej, peb mam li  yuav tsim  nyog txais lub hwj chim ci ntsa iab, pem koj lub Ceeb Tsheej, ib yam  nkaus li tus Nkauj Tsim Txiaj Mab Liab – Huab Tais Tswv Ntuj, tus khuv leej neeg tas nrho,  peb  nyob kaj lug ua koj tsaug ntau“ .
        Cov kwv tij.peb yuav tshaj 2 zaj lus tseem ceeb pub rau nej. Yam li 1 : Peb yuav yoog raws li niam Mab Liab tus piv txwv – 2  : Peb yuav kub siab hlub tshua peb niam siab zoo thiab peb yuav  vam txog nws pab
    ….1 : Peb yuav yoog raws li niam Mab Liab tus piv txwv.
    Peb xyuas saib tus Nkauj Tsim Txiaj Mab Liab tau xav li cas yog thaum Ntuj   tus Tshiab Nkas Nplias xa xov rau Mab Liab. Nws xa xov txog dab tsi ? Nws xa xov zoo li no rau tus ntxhais hluas Mab Liab ,nyob hauv lub zos Nas Xas Les ,tias :” Koj yuav xeeb ib tug tub- .Koj yuav tis nws npe hu ua Yes Xus.-Nws yuav yog ib tug loj.-Nws txoj kev ua vaj yuav tsis muaj caij kawg”..Mab Liab to taub tias lo lus Yes Xus mas muab txhais tias :”Tswv Ntuj cawm” :.Ua li,Mab  Liab zoo siab kawg  nkaus vim  tias Huab Tais Tswv Ntuj xaiv nws los ua niam yug  tus Huab Tais cawm neeg -.Ib ntsis  Ntuj tus Tshiab Nkas Nplias  hais tej lo lus txhawb  nqa Mab Liab siab tias :”  .Koj tsis txhob ntshai – Leej  Ntuj Plig Ntshiab yuav los nyob saum koj- Tus  nyob siab lub hwj huam yuav los  nyob saum koj. Qhov tias koj tsis xav yuav txiv- koj xav coj lub neej qee   rau Tswv Ntuj - Zoo heev – Li cas los,  koj tsis txhob  txhawj,-   Koj yuav xeeb tub vim Tswv Ntuj yuav pov hwm koj. Koj twb paub tias : tsis muaj ib yam uas Tswv Ntuj ua tsis tau “…
    Mab  Liab yeej ntseeg ruaj nreb tias: “Tsis muaj ib yam uas Tswv Ntuj ua tsis tau “- Tsis tas li ntawd xwb :,Mab Liab nco txog Tswv Ntuj txiaj ntsim ,yam Mab Liab yuav ua niam yug  tus Huab Tais cawm neeg – Mab Liab lub siab kub lug ntseeg ruaj  nreb khov kho . Nws mam li npaj siab ua Ntuj lub luag hauj lwm hais tias :” Kuv yog Huab Tais tus ntxhais txib- Kuv xav kom muaj raws li koj hais “- Tus Tshiab thiaj tso Mab Liab tseg .Lus Kas 1.26-38
       Cov kwv tij, tus Nkauj Tsim Txiaj Mab Liab ntseeg ruaj nreb  khov kho tias: Tswv  Ntuj kawg hais lus tseeb .Nws tsis dag ib zaug li. Ua li , Tswv Ntuj muaj hwj huam loj kawg nkaus , nws muaj peev  xwm ncaj qha ua kom ib tug ntxhais zoo li nws xeeb tub tau - Mas Mab Liab tsis tau hnov dua txog ib yam hwj huam yees ntxwv loj kawg nkaus li ntawd   .
    -Tab txawm nws tsis tau hnov  dua los nws ntseeg ruaj nreb ,khov kho .  
       Cov kwv tij ,phim yuav thov kom niam   Mab Liab cev peb tej lus rau Tswv  Ntuj- Ces peb yuav  ntseeg ruaj nreb khov kho zoo li Mab Liab me  ntsis
     Cov kwv tij,peb ntseeg tau mas tsis yog vim peb khwv khwv tswv yim.  Tab sis yog vim Tswv Ntuj tshoj peb siab, peb mam li los mus ntseeg tau .
    THOV  NTUJ ; Huab Tais khuv leej neeg tas nrho, peb vam txog Leej Ntshiab Mab Liab los thov koj tshoj tej pab Hmoob coob coob tej  siab ntsws- lawv mam li yuav tau tig los ntseeg koj tas siab ntsws-  ces lawv  yuav tau coj tau ib lub neej ruaj  nreb khov kho ,ib lub neej  ntshiab dawb huv,  nyob ntawm koj xub ntiag ,nyob hauv txoj kev nyiam ( Es Fes Xos 1:4 ) .
    PAJ   NRUAG  : Koj nyob kaj lug…
    2 :… Peb yuav kub siab hlub tshua peb niam siab zoo thiab peb yuav  vam txog nws pab
    Peb  sawv  daws yeej nco ntsoov tias : tim li cas peb saib Huab Tais Yes Xus niam los ua peb niam ?.  Thov kom nej qhib nej siab  los mloob 2-3 qib lus hauv Zam Ntawv Moo Zoo tias : thaum Yes Xus dai saum tus Ntoo Cuam ,mas Yes Xus niam thiab nws  niam tus niam  hluas, ua ke  nrog lwm tus Mab Liab uas yog Khos Pas poj niam, thiab Mab Liab Mas Ntas Las, lawv  sawv  daws kuj sawv ze tus ntoo cuam,  Yes Xus pom nws  niam thiab pom tus thwj tim uas nws  nyiam kawg – Tus thwj tim ntawd lub npe hu ua Zam- Yes Xus thiaj hais rau nws  niam tias :”Niad ,tus ntawd yog koj tus  tub”. Ib ntsis Yes Xus hais rau tus thwj tim tias :” Tus ntawd yog koj niam”-
    Txij ntawm lub sij hawm ntawd los ,mas tus  thwj tim coj Mab Liab mus nyob hauv nws tsev “  Zam 19:25-27
    Yes Xus lo lus tias :.. Niad ,tus ntawd yog koj tus tub ”mas zoo li Yes Xus hais rau tus Nkauj Tdim Txiaj Mab Liab tias :”Niad, tas 33 xyoo ,koj tau muab koj tej siab  ntsws los hlub tshua kuv.- Mas txij ntawm hnub no mus lawm yav tom ntej, koj  mam li yuav hlub tshua  Zam, uas nyob ntawm koj ib sab..Koj yuav saib nws txhua txhia hnub-  Tsis tas li ntawd xwb ,koj yuav ua niam khuv leej tas tsoom neeg  hauv lub ntiaj teb thiab nyob saum ntuj os mog”.
    Hos lwm zaj lus Yes Xus tau hais kuj yog lo ,lus no tias :” Tus  ntawd yog koj  niam”. Mas , zoo  li Yes Xus  hais rau tus Hauv Paus Xa Lus Zam  tias :” Zam  od ,ua ntej ntawm lub sij hawm kuv yuav tso ntiaj teb  no tseg, kuv zoo siab muab kuv niam Mab Liab pub rau koj los ua koj niam thiab rau tas sawv daws neeg nyob ntiaj teb no thiab nyob saum ntuj ,mas sawv daws yuav tsa muag los hlub tshua Mab Liab . Leej twg hauv teb chaws twg kuj xij yuav vam txog kuv niam Mab Liab los thov nws pab txhawb nqa nej lub neej ,  mas kuv niam Mab Liab yeej yuav pab  nej, ib yam nkaus nws tau pab kuv ,ib yam nkaus li nws tau hlub kuv  los mas “
    THOV  NTUJ : Huab Tais Yes Xus, peb nco txog koj tej txiaj ntsim ,vim tias koj niaj hnub cia koj niam ( uas yog tus Nkauj Tsim Txiaj Mab Liab ) dauv muag los saib peb ,ib yam nkaus li lub caij koj nyob tim lub zos Nas Xas Les.,niam Mab Liab tau saib koj,  tsis tu ncua .Thov kom peb  niam siab  zoo  thov Tswv Ntuj tas zog , Ces teb chaws Suav, teb chaws Nyab Laj thiab Los Tsuas teb - teb chaws Lis Npias ,teb chaws Xis Lias thiab teb  chaws Is Laas thiaj yuav rov nyob thaj yeeb nyab xeeb sai. Huab Tais Leej Txiv ,.Huab  Tais khuv leej neeg tas nrho ,thov  koj  pov  hwm 2-3 lub teb chaws ntawd . Ua koj tsaug ntau
    NTUJ  AIB – PEB THOV KOJ,  HUAB  TAIS  LEEJ  TXIV  SIAB  

    Tshaj  : Koj nyob kaj lug, Mab Liab..
               Poj Huab Tais…

    Tshaj tas lawm :  ces rov hais dua  zaj KOJ   NYOB  KAJ  LUG …..     10 zaus ntxiv

    Sau: TP.Txhiaj Foom.

      Current date/time is 28th March 2024, 6:54 am