HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Taws tsau tsis pom tom hauv ntej, ua neeg tsis pom tom qab. Empty

Latest topics

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

» Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975
by Maiv Tooj 14th November 2022, 10:03 am

Suav neeg tuaj saib, txij hnub 17/09/2010 los mus.


5 posters

    Taws tsau tsis pom tom hauv ntej, ua neeg tsis pom tom qab.

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Taws tsau tsis pom tom hauv ntej, ua neeg tsis pom tom qab. Empty Taws tsau tsis pom tom hauv ntej, ua neeg tsis pom tom qab.

    Post  Maiv Tooj 26th November 2009, 10:51 am



    Taws tsau tsis pom tom hauv ntej, ua neeg tsis pom tom qab.

    Ua neej tsuas paub hnub zoo xwb tsis paub hnub twg yus yuav muaj kev nyuaj siab ntxhov plawv, hnub twg yus yuav ntsib kev txom nyem.
    Tab sis kuv hais rau koj tias txoj kev tau zoo thiab kev txom nyem ces peb yug los ua neeg, peb txhua tus yeej yuav tau ntsib nyob hauv peb lub neej.
    Tab sis ib txhia neeg txawj txais tos lawv tej kev txom nyem ces zoo li lawv muaj kev txom nyem tsawg dua.
    Ib txhia tsis txawj txais tos lawv tej kev nyuaj ces twb tsis loj heev los lawv tsis txawj muab ua kom yau, lawv tseem muab ua loj tshaj lawm ces lawv tej kev txom nyem yuav ntau tshaj lwm tus.

    Kuv pom koj cov lus hais rau Maypaj wb, kuv tsis chim nawb, kuv xav hais ib los rau koj, rau kuv, rau peb sawv daws tuaj nyeem txog nov yuav tib si:

    -Kuv xav tias txog ib lub caij zoo li koj tam sim no, yam li lub neej muaj hmoo los yog tsis muaj hmoo los yog, ua neej mob ntsuav, txom nyem siab ntsws,txom nyem lub cev ntaj ntsug, txom nyem nyiaj txiag toob xib...etc...

    Yam thaum yus noj qab nyob zoo lub neej khwv khwv, niaj hnub nrog lub caij lub nyoog sib tw khiav, tsis muaj sij hawm los xav tswv yim. Thiab yus xav tias yus tseem muaj zog heev ntshe lub ntiaj teb tseem tsis tau ntiab yus, yus tseem yuav muaj nqes ntxiv rau lub ntiaj teb...
    Tab sis txog hnub yus tej ntaub ntawv tag zuj zus, lub ntiaj teb tias nws yuav tsos yus tseg mus...yus yuav tsis muaj nqes pes tsawg rau nws lawm...Thaum ntaws yus yuav muab lub caij los npaj yus lub NEEJ TOM QAB LUB NEEJ yam li yuav npaj lub lub siab rau thaum yus tsi nyob ntiaj teb no lawm, yuav los thim xav txog tej kev ua txhaum, tej kev zam txhaum, tej kev nrhiab Ntuj lub Ceeb Tsheej...Yog tias tuag ces lwj ua av tas li xwb ces xij peem...Yog tias muaj Ntuj lub Ceeb Tsheej tiag...Kom yus txhob tau mus Them Txim...Txom nyem ntxiv lawm...Kom yus tau mus nyob ze ze Tswv Ntuj thiaj tsim nyog...Vim twb txom nyem nyob ntiaj teb txaus lawm.

    -KUv xav hais rau koj tias:
    Txog lub caij zoo li nov lawm, kuv xav thov koj rho tej caub tej chim hauv koj lub siab tawm.
    Koj yuav rhiav kev thaj yeeb rau koj lub siab, rau luag tej ib ncig ntawm koj.
    Tej luag tsis paub luag ua tau tej yam tsis zoo los koj zam lub txim rau luag.
    Tej luag paub, luag lub siab tsis ncaj, luag ua tau tsis zoo los koj zam rau luag...
    Koj yuav nrhiav thiab tsim kev thaj yeeb rau lub ntiaj teb me ntsis ua ntej koj yuav tso nws tseg...Vim Ntuj lub Ceeb Tsheej yuav yog koj tug.
    Koj Txhob tos thaum twg koj twb tso lub ntiaj teb tseg tas es mam kom cov tom qab thov Ntuj rau koj...Tsam lawv ho tsis mob siab los tsis nco qab thov Ntuj rau koj kom txaus ces koj ho yuav mus khuam nyob Teb chaws Them Txim ntev ntev ( Purgatoire). Kuv hais ib los rau koj, koj yuav ntseeg thiab tsis ntseeg los nyob ntawm koj xav. Cov lawv mus nyob qhov Them Txim mas tej zaud twb tuag tau li 40-50 xyoo tseem los thov cov tom qab pab thov NTuj rau kom lawv tau mus...Ces ntau zaus tus pom ntawd twb tsi paub txog tus los thov, mam nug thiab tshawb ntawv xyuas ces mam paub tias tug ntawd yog tus neeg twg xwb.

    Thov txim kuv tham ntev heev lawm.

    THAUM KAWG KUV XAV THOV KOM PEB TXHUA TUS NRHIAV TXOJ KEV THAJ YEEB NYAB XEEB RAU PEB CES YOG PEB NRHIA TXOJ KEV THAJ YEEB RAU IB NCIG NTAWM PEB LAWM.

    PEB NTSIA LUAG QHOV ZOO PEB THAM LUAG QHOV ZOO CES LUAG ZOO SIAB PEB ZOO SIAB CES SAWV DAWS ZOO SIAB.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Taws tsau tsis pom tom hauv ntej, ua neeg tsis pom tom qab. Empty Re: Taws tsau tsis pom tom hauv ntej, ua neeg tsis pom tom qab.

    Post  Mim 27th November 2009, 4:56 am

    Tais Tooj,

    Koj cov lus no zoo kawg los mas... Koj hais rau peb xav tswv yimm txog peb lub neej xwb los yog koj hais rau leej twg uas muaj kev nyuaj nas lod?.....

    Tais Tooj, cov neeg uas nyob hauv teb chaws Them Txim mas muaj cov uas mus hla kuag hauv xwb los muaj, cov mus nyob ob peb teev, ob peb hnub los ob peb hlis ob peb xyoos los muaj.... Tiam sis kuj muaj cov uas yeej yuav tsum nyob caum xyoo los pua xyoo los muaj, thiab tseem muaj cov uas nyob txij lawv hnub tuag mus txog hnub ntiaj teb kawg los muaj thiab no hod.......vim tsis muaj leej thov ntuj pab lawv li..... Yog li nyob nyob peb yuav tau hais zaj puav teev ntuj pab rau lawv thiab......
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    Taws tsau tsis pom tom hauv ntej, ua neeg tsis pom tom qab. Empty Re: Taws tsau tsis pom tom hauv ntej, ua neeg tsis pom tom qab.

    Post  Npuagtub 21st December 2009, 2:39 pm

    Sister MT,

    Kuv pom koj cov lus koj sau hauv no zoo li koj sau rau ib tug neeg koj paub nws zoo
    thiab nej tau sib tham nyob rau lwm qhov es koj copy los tso rau hauv no xwb puas yog?
    Los yog koj sau tuaj rau peb sawv daws? Vim muaj ob kab lus koj sau hais li no:


    Kuv pom koj cov lus hais rau Maypaj wb, kuv tsis chim nawb, kuv xav hais ib los rau koj, rau kuv, rau peb sawv daws tuaj nyeem txog nov yuav tib si.

    -Kuv xav tias txog ib lub caij zoo li koj tam sim no, yam li lub neej muaj hmoo los yog tsis muaj hmoo los yog, ua neej mob ntsuav, txom nyem siab ntsws,txom nyem lub cev ntaj ntsug, txom nyem nyiaj txiag toob xib...etc...


    Tos kuv ho nug koj los thaum kuv nyeem tas mas kuv mloog zoo li koj sob lus muaj me ntsis nag tshauv tshia ya dawb vog, ua cas zoo li kuv twb tsis hnov xob nroo li es cas zoo li nej teb chaws lam los nag tshav ntuj xyaw lawg los yog xyaw daus, nws puas kam piav me ntsis rau kuv vim kuv tsis nca siab nws sob lus no zoo ?

    KUV THOV HAIS LI NO RAU NEJ SAWV DAWS
    COV PHOOJ YWG NTXIM HLUB THIAB HMOV TSHUA

    TWB ROV TXOG LUB CAIJ UA HMOOV
    NCO TXOG HUAB TAIS YES XUS HNUB XEEB
    THOV NEJ TXHOB HAIS LUS CIB NYEEJ
    TWB ROV TXOG LUV CAIJ UA HMOOV
    NCO TXOG HUAB TAIS YES XUS HNUB YUG
    THOV NEJ TXHOB HAIS PHEM LUS

    UA LI NEJ LUB SIAB PUAS TAU NPAJ TOS ?
    LOS YOG NEJ LUB SIAB TSEEM TSAUG ZOG ?
    UA LI NEJ LUB SIAB PUAS TAU NPAJ TXHUA ?
    LOS YOG NEJ LUAB SIAB TSEEM UA NPAU SUAV ?

    YOG TIAS NEJ LUB SIAB TSEEM TSAUG ZOG
    NEJ CIA LI TSIM DHEEV SAWV LOS ZOV HMO
    YOG TIAS NEJ LUB SIAB TSEEM PW TSIS TAU TSIM
    NEJ CIA LI SAWV TSEEV LOS NPAJ TOS TXAIS
    TSWV NTUJ COV TXIAJ NTSIM THAUM TSEEM TSIS TAU LIG.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Taws tsau tsis pom tom hauv ntej, ua neeg tsis pom tom qab. Empty Re: Taws tsau tsis pom tom hauv ntej, ua neeg tsis pom tom qab.

    Post  Maiv Tooj 22nd December 2009, 9:30 am



    Nyob zoo Mim thiab XH. Npuag Tub,

    Mim,

    Zaj lus nov yog thaum i muaj ib nthwv cua los chwv Maypajlug wb es kuv sau rau nws xwb. Tab sis kuv lam nqa coj los tso rau hauv nov kom tau khaws cia faj seeb xwb.

    XH. NPuag Tub,

    Koj yeej pom los nag tshauv, vim nag xob nag cua los dhau ces yeej tshuav nag tshauv tshia me ntsis.

    Kuv lub siab kuv yeej npaj ntsoov tos Huab tais yuav Yug los. Tab sis ua cas muaj kev cov nyom kuv ua luaj li...zoo li muaj ib yam pheej txhob txwm ua kom kuv lub siab tsis tus xwb. Koj yuav tau thov Ntuj pab kuv thiab...Vim kuv lub zog muag dhau lawm...Ua tsaug.
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    Taws tsau tsis pom tom hauv ntej, ua neeg tsis pom tom qab. Empty Re: Taws tsau tsis pom tom hauv ntej, ua neeg tsis pom tom qab.

    Post  Npuagtub 22nd December 2009, 10:15 am

    Sister MT,

    Kuv saib zoo li nws muab khwv tshaj zog mus pab rau sab nraud lawm ces nws tsis nco qab tig pom nws lawm ces thaum muaj kev cov nyom tuaj txog ces nws thiaj li qhaug zog. Kuv hais rau nws tias;

    YUS YOG LUAG IB TUG COJ, YUAV TAU UA SIAB LOJ, YUS ZOO LI LUB LAUG CAM RAU LAWV TSUAV UA NOJ TIAM SIS YUS YUAV TSUM EV LUB KAWM TO QAB, THAUM LUAG POV POB ZEB POB CA RAU YUS THIAJ LI TSI HNOV HNYAV.

    Ua li os., txog hnub 25, Christmas peb cov ntseeg yuav ua ib lub txoos teev ntuj
    kuv mam li mus sau nws lub npe rau hauv peb phau ntawv thov ntuj. Mt, kuv twb tsis muaj hwj chim dab tsi yuav los pab daws tau nws li kev nyuaj siab kuv tsuas muab nws lub npe cev rau HT. Yes Xus ua tus pab nws xwb thov nws txhob tu siab rau kuv nawv mog vim kuv yeej tsis muaj zog ib nyuag qhov li thiab tiam sis kuv yuav thov kom HT. Yes Xus tuaj ntiab tas txhua yam phem uas nws tsis nyiam tawm mus deb ntawm nws kom tas. Thov HT. Ntuj nrog koj nyob ua koj siab kaj lug.


    Photobucket
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Taws tsau tsis pom tom hauv ntej, ua neeg tsis pom tom qab. Empty Re: Taws tsau tsis pom tom hauv ntej, ua neeg tsis pom tom qab.

    Post  Maiv Tooj 22nd December 2009, 11:26 am



    XH. Npuag Tub,

    Ntawm kuv pawg ntseeg tsis muaj teeb meem, lawv pab kuv txhua yam, lawv tsis muab kuv ua log cam. Lawv txhawb kuv lub siab lub zog ib txwd, vim lawv txaus siab tso lawv lub nra rau kuv ris. Tab sis yog lwm qhov tuaj mus raug kuv xwb, vim luag txoj kev khib xeeb rau kuv txoj kev zoo es luag txov kuv xwb. Zoo li kuv swb zuj zus lawm, zoo li kuv lub zog ntaug tag nrho lawm...Puas yog kuv tseem nrhiav tsis tau Tswv Ntuj los yog Tswv Ntuj xav HLAWV kuv lub siab ntxiv? Kawg mob mob kuv lub siab kuv twb tsis hnov mob lawm...Cas tseem yuav tau nyiaj mob thiab? Es kuv yuav nyiaj mob mus txog hnub twg thaum twg? Kuv mam li yuav nyob thaj yeeb nyab xeeb?

    Twb yuav txog Christmas es kuv lub siab khoob ntshuv xwb.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Taws tsau tsis pom tom hauv ntej, ua neeg tsis pom tom qab. Empty Re: Taws tsau tsis pom tom hauv ntej, ua neeg tsis pom tom qab.

    Post  Mim 22nd December 2009, 1:46 pm

    Tais Tooj,

    ZKoj pheej hais li es yog luag khib no yog khib tias yus zoo hauv vaj hauv tsev los yog khib tias yus zoo tom chaw hauj lwm mas lod?....Tiam sis txawm qhov twg los yeej yuav ua rau yus muaj kev mob siab li koj hais los mas....Es peb yog neeg ntseeg Ntuj ces kawg peb yuav tau ua qhov zoo pauj qhov phem xwb, kawg tau ua siab ntev nyiaj twj ywm xwb....Tiam sis lo lus hais mas kuj haais tau zoo kawg, qhov ua mas yeej tsis yooj yim kiag li....Kuv kuj ho tsis paub koj qhov situation, es koj tsis muaj ib txog yuav daws tau koj txoj kev nyuaj me ntsis li lod?... Txawm li cas los, koj ho nco txog tias cav cuag HT Yes Xus twb tsis tau ua dab tsi phem rau leej twg, luag twb muab nws khi muab nws ntaus, tseem muab nws ntsia dai rau saum ntoo cuam thiab no es saib puas pab tau koj ua siab ntev tuaj os..... Kuv ho mam thov Ntuj pab koj thiab thov kom HT Yes Xus uas yug los pub nws txoj kev thaj yeeb rau koj os...
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Taws tsau tsis pom tom hauv ntej, ua neeg tsis pom tom qab. Empty Re: Taws tsau tsis pom tom hauv ntej, ua neeg tsis pom tom qab.

    Post  Maiv Tooj 22nd December 2009, 6:09 pm


    Mim,

    Nws yuav tau thov Ntuj pab kuv nawb mog...Kuv yeej yuav tsis tso kuv lub luag hauj lwm tseg, kuv yeej yuav ua Tswv Ntuj txoj hauj lwm mus txog hnub tsis muaj kuv. Vim txij kuv paub Tswv Ntuj los, kuv mus txog qhov twg, nyob qhov twg kuv yeej ib txwm ua nws txoj hauj lwm. Yog ib ntus no muaj kev cov nyom ua ntu zus rau ntau yam es chim chim siab xwb. Yog tom hauj lwm thiab tus puav txheeb ze qhov muag txaij lawm xwb. Xij peem, ntshe yuav zoo li daim teb uas yuav xaiv tej nroj laum teb rho kom tag hauv yus lub siab. Yuav xaiv tej kem zaub, tej nplej,pob kws uas tuaj tau ntau zog lawm dob kom tag, kom tej teb khab seeb ntshe thiaj muaj txoj kev kaj. Yog pheej khuv xim cia cov zoo cov phem nyob sib xyaws ntxaws ces yuav aiv tej qoob loo, yuav hlob tsis taus, thaum kawg ces qoob loo yuav las kav thiab mob lib xwb. Tu siab kawg nkaus, xav kom Tswv Ntuj pab xaiv tej nroj tsuag thiab nplej, zaub laum thaum hauv paus. Txhob cia thaum sau mam xaiv pov tseg...Vim ceeb laj tiv txog thaum sau nplej li...


    Last edited by Maiv Tooj on 23rd December 2009, 7:28 am; edited 1 time in total
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    Taws tsau tsis pom tom hauv ntej, ua neeg tsis pom tom qab. Empty Re: Taws tsau tsis pom tom hauv ntej, ua neeg tsis pom tom qab.

    Post  Npuagtub 23rd December 2009, 2:34 am

    Nyob zoo Merry Christmas MT,

    Kuv hais rau koj tias, nws yuav tau ua siab loj thiab zan txim rau cov neeg xav txov nws.
    Vim lawv twb tsis paub qhov lawv ua. Kuv kuj tsis paub nws qhov kev nyuaj siab yog dab tsi tiag, kuv yeej xav tias nws twb coj cov ntseeg tau los tshaj 30 xyoo lawm nws yeej yuav tsis swb rau tej yam kev cov nyom nyob hauv nws pawg ntseeg. Nws tsis qhia meej tiam sis kuv xav tias peb ua neej nyob mas txhua yam kev nyuaj siab yog tuaj sab nraud tuaj raug yus mas yuav daws thiab tiv thaiv tsis tshua nyuaj, hos yog yam teeb meem chiv tawm hauv yus tsev neeg los yog tej txheeb ze tuaj mas yuav daws ib nyaug nyuaj zog.

    Tiam sis kuv hais rau nws tias; Tswv Ntuj ua tau tas puas tsav yam, nws yauv tau teev ntuj ntau li ntau tau, ua li MP. wb hais yuav tau siv caij ntau ua meditation nrog Tswv Ntuj tham ces nws yeej yuav tau txais kev muaj yeej xwb.

    NCO QAB NTSOOV THAUM YUS UA TAU TEJ YAM ZOO MAS NEEG YUAV TSIS NYIAM YUS.
    THAUM KOJ MUAJ TXOJ KEV NTSEEG ZOO LAWM MAS DAB PHEM YUAV SIV KOJ COV TXHEEB ZE LOS YOG KOJ TSEV NEEG LOS TXOV KOJ. YOG DAB PHEM NTXIAS TSIS TAU KOJ MAS NWS YUAV NTXIAS KOJ LEEJ NKAWM, KOJ COV TUB KI UA NTEJ, THAUM NWS NTXIAS TAU LAWV LAWM CES YUAV MOB KOJ SIAB HEEV CES KOJ YUAV TAU UA LI LAWV HAIS VIM KOJ HLUB LAWV HEEV, YOG KOJ TSIS UA LI KOJ TSEV NEEG HAIS TEJ ZUAM KOJ LUB NEEJ KUJ YUAV PEM SIJ LOS YOG KOJ TSEV NEEG YUAV SIB TAWG TAS MUS TXAIS TXOJ KEV TSAUS NTUJ LOS KUJ MUAJ THIAB.

    Kuv tsis paub lub ntsiab ntawm nws kev nyuaj siab meej ces kuv lam hais li no rau nws xwb, nws yuav tau ntsuam xyuas nws tus kheej kom zoo ua ntej nws yuav txiav txim rho nws tej yub nroj nyob ib ncig ntawm nws tog vaj nawv mog.
    Vam tias lub caij peb ua hmoov Huab Tais Yes Yus yug los tas ces nws yuav tau txais kev kaj siab li lub siab xav.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Taws tsau tsis pom tom hauv ntej, ua neeg tsis pom tom qab. Empty Re: Taws tsau tsis pom tom hauv ntej, ua neeg tsis pom tom qab.

    Post  Maiv Tooj 23rd December 2009, 8:02 am





    NCO QAB NTSOOV THAUM YUS UA TAU TEJ YAM ZOO MAS NEEG YUAV TSIS NYIAM YUS.
    THAUM KOJ MUAJ TXOJ KEV NTSEEG ZOO LAWM MAS DAB PHEM YUAV SIV KOJ COV TXHEEB ZE LOS YOG KOJ TSEV NEEG LOS TXOV KOJ. YOG DAB PHEM NTXIAS TSIS TAU KOJ MAS NWS YUAV NTXIAS KOJ LEEJ NKAWM, KOJ COV TUB KI UA NTEJ, THAUM NWS NTXIAS TAU LAWV LAWM CES YUAV MOB KOJ SIAB HEEV CES KOJ YUAV TAU UA LI LAWV HAIS VIM KOJ HLUB LAWV HEEV, YOG KOJ TSIS UA LI KOJ TSEV NEEG HAIS TEJ ZUAM KOJ LUB NEEJ KUJ YUAV PEM SIJ LOS YOG KOJ TSEV NEEG YUAV SIB TAWG TAS MUS TXAIS TXOJ KEV TSAUS NTUJ LOS KUJ MUAJ THIAB.






    XH. Npuag Tub,

    Txawm yog peb pawg Ntseeg coj tau zoo heev thiab sib hlub, sib pab heev es thiaj khib tus tuaj kub heev. Nws thiaj tshoj tej txheeb ze siab thiab ntawm hauj lwm cov nyom xwb. Yog peb pawg ntseeg tsis sib haum xeeb ntshe twb tsis khib nws npaum no thiab. Tab sis kav liam, kuv quaj tag los kuv yuav rov tiv dua...Kuv luam ib npaj,yuav ua rau kuv muaj zog tshaj qub.

    Ua tsaug rau nws cov lus thoob tsib, zoo tag nrho li. Yeej muaj tseeb kawg nkaus...kuv yeej mloog tau li ntawd thiab...Nws mas txawj nplij kuv lub siab, txhawb kuv lub zog heev...Kuv ua Tswv Ntuj tsaug tau coj Maypaj thiab Maiv Mim nej tuaj ntsib kuv.

    Xav kom XH. Nkias Twb thiab Txiv Nkaj Tsab tuaj tham kev Thoob Tsib rau peb mloog thiab.


    Taws tsau tsis pom tom hauv ntej, ua neeg tsis pom tom qab. Calice33
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    Taws tsau tsis pom tom hauv ntej, ua neeg tsis pom tom qab. Empty Re: Taws tsau tsis pom tom hauv ntej, ua neeg tsis pom tom qab.

    Post  Npuagtub 23rd December 2009, 9:48 am

    Sister MT,

    Zoo siab heev tau hnov nws pawg ntseeg muaj kev sib hlub sib haum xeeb li lub siab xav.
    Txoj kev sib nyiam sib hlub yog txoj kev muaj zog yeej tas txhua yam kev phem kev tsis zoo.
    Leej Ntshiab Paj Lug thiaj hais rau cov Koslisnthos tias:

    Yog kuv txawj hais ntau haiv
    neeg cov xeem lus
    thiab txawj hais Ntuj cov Ntshiab
    cov xeem lus huv tib si
    tab sis kuv tsis muaj ib lub siab nyiam
    mas kuv tsuas yog ib lub nruas tooj nrov dag
    thiab ib lub nruas npuaj ncha ncha xwb.

    Yog kuv txawj ua Yaj Saub
    los kuv paub tas ib puas tsav yam lus tob
    ib puas tsav yam txuj ci
    thiab kuv lub siab ntseeg loj heev
    txawm kuv lub siab ntseeg tshem tau
    tej lub roob rau lwm qhov
    tab sis yog kuv tsis muaj ib lub siab nyiam
    mas kuv tsis muaj nqis dab tsi.

    Yog kuv muab kuv lub cuab tam tas huv tib si
    los faib rau cov neeg pluag
    thiab kuv muab kuv lub cev hlawv
    yog kuv tsis muaj ib lub siab nyiam
    mas txhua yam ntawd tsis nqa
    ib qho dab tsi zoo los rau kuv.

    1 KLNT : 13, 1-3

    LOVE ONE ANOTHER
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Taws tsau tsis pom tom hauv ntej, ua neeg tsis pom tom qab. Empty Re: Taws tsau tsis pom tom hauv ntej, ua neeg tsis pom tom qab.

    Post  Mim 23rd December 2009, 3:47 pm

    Maiv Tooj wrote:
    Mim,

    Nws yuav tau thov Ntuj pab kuv nawb mog...Kuv yeej yuav tsis tso kuv lub luag hauj lwm tseg, kuv yeej yuav ua Tswv Ntuj txoj hauj lwm mus txog hnub tsis muaj kuv. Vim txij kuv paub Tswv Ntuj los, kuv mus txog qhov twg, nyob qhov twg kuv yeej ib txwm ua nws txoj hauj lwm. Yog ib ntus no muaj kev cov nyom ua ntu zus rau ntau yam es chim chim siab xwb. Yog tom hauj lwm thiab tus puav txheeb ze qhov muag txaij lawm xwb. Xij peem, ntshe yuav zoo li daim teb uas yuav xaiv tej nroj laum teb rho kom tag hauv yus lub siab. Yuav xaiv tej kem zaub, tej nplej,pob kws uas tuaj tau ntau zog lawm dob kom tag, kom tej teb khab seeb ntshe thiaj muaj txoj kev kaj. Yog pheej khuv xim cia cov zoo cov phem nyob sib xyaws ntxaws ces yuav aiv tej qoob loo, yuav hlob tsis taus, thaum kawg ces qoob loo yuav las kav thiab mob lib xwb. Tu siab kawg nkaus, xav kom Tswv Ntuj pab xaiv tej nroj tsuag thiab nplej, zaub laum thaum hauv paus. Txhob cia thaum sau mam xaiv pov tseg...Vim ceeb laj tiv txog thaum sau nplej li...

    Tais Tooj,

    Raws li koj tham ntawd ces yog muaj teeb meem tom hauj lwm thiab ho muaj ntawm tus puav txheeb ze thiab no los puas yog?... Yog li ntawd mas tej zaum kuv txawm yuav kom koj ua li ub li no los kuv twb paub tsis meej tias yog vim li cas tiag, ces hais los ntshai yuav tsis raug, ces cia kuv mam li thov Ntuj pab koj os nawb, kom koj tej kev nyuaj ntawd yuav muaj qhov los daws, es kom txawj zoo zuj zus tuaj os nawb....
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Taws tsau tsis pom tom hauv ntej, ua neeg tsis pom tom qab. Empty Re: Taws tsau tsis pom tom hauv ntej, ua neeg tsis pom tom qab.

    Post  Maiv Tooj 24th December 2009, 5:32 am



    Tsuj Xeeb Hmoob Yes Xus yug neuj nyob kaj lug cov phooj yg txhua tus,

    Mim thiab XH. Npuag Tub,

    Ua tsaug rau neb tej lus zoo lus txhawb siab.
    Thaum ntuj dav ces zoo li ntuj kaj, thaum ntuj nqaim ces zoo li ntuj nim tsaus diam. Cas leej neeg yuav tsis paub nyob kaj siab li, tsuas niaj hnub nrhiav kev cov nyom kom ntxhov siab xwb siab thiaj nqeg.

    Kuv tso siab rau neb kev thov Huab Tais Yes Xus YUG los rau kuv lub siab thiab kuv lub TSEV. Kuv vam tias NWS yuav hnov peb lub suab hu thiab peb kev vam txog nws HNUB 24 lub 12 hlis 2009 no. Thov Leej Ntshiab Michel Archange tuaj pab peb, tiv thaiv peb. Kom Huab Tais Yes Xus yug los rau peb lub siab peb lub neej. Yog Leej Ntshiab Michel Archange tsis pab, ntshe peb yuav tswj tsis tau peb lub siab tus yees tos Huab Tais Yes Xus yug los. Tsam no ces NWS twb yug los rau phab Asia lawm. Tseem tsis tau los txog Fabkis teb. Tshuab 5h29 xwb ces NWS los txog Fab Kis teb lawm...Tseem tshuav ntev me ntsis nws mam mus txog rau USA.


    Yaj Suav Nus
    Yaj Suav Nus
    Phooj Ywg
    Phooj Ywg


    Messages : 268
    Date d'inscription : 2009-10-23

    Taws tsau tsis pom tom hauv ntej, ua neeg tsis pom tom qab. Empty Ob lo lus teb MT

    Post  Yaj Suav Nus 24th December 2009, 9:13 pm

    Xub hais Joyeux Noël tais Tool, Txooj Tub thiab koj tsev neeg,
    Kev cov nyom ntawm koj, ntawm lawv, ntawm kuv thiab lwm leej lwm tus. Tag nrho sawv daws puav leej muaj kev cov nyom tab sis tsis sib xws. Kuv lub neej uas thaum tab tom nyob nrog txoj kev cov nyom kuv xav tias yuav tsis muaj leej twg pab tau li, kuv tau muab phau ntawv Ntshiab los nyeem vim kuv vam tias phau ntawv Ntshiab yeej yuav pab tau kuv, kuv tau nyeem phau ntawv Ntshiab phab ib txog ntua phab kawg tsis seem ib tus npe ntaw uas kuv tsis tau nyeem li, kuv tsis yog khav kuv hais raws li kuv tau xav, kuv nyeem phau ntawv Ntshiab 5 lwm raws ku kuv tau hais saum toj no tag los zoo li kuj pab tsis tau kuv li, qhov uas pab tau mas thaum kuv nyeem ces ua rau tsis nco xav txog lwm yam thiab ua kom hnub thiab hmo txhob ntev ntev rau kuv xwb. Hniab hnub kuv thov ntuj pab kom kuv txhob ua neeg puas hlwb thiab kom kuv nrhiav tau txoj kev los daws kuv tej kev cov nyom. Nyob hauv phau ntawv Ntshiab kuv pom muaj 3 qho uas raug kuv siab tshaj: 1- Yes Xus yug los rau hauv ib lub nkuaj tsiaj. 2- Yes Xus ntxuav nws cov thwj tim taw thiab tseem muab nwj los yog hnia. 3- Yes Xus haiv neeg yog cov yuam kom Pis Las Tos muab nws tua, Yes Xus tseem hais tias "txiv thov koj zam txim rau lawv vim lawv tsis paub qhov uas lawv ua". Kuv kam siv sij hawm 10 xyoo kuv htiaj nrhiav tau qhov daws tau kuv kev cov nyom.
    Tais Tooj koj puas ua tau raws li kuv yuav hais mus ntxiv no: leej twg yuav ua zoo ua phem li cas rau koj mas koj zoo siab hlo cia nws ua rau koj kom nws siab qhig kiag koj txhob nrhiav kev pauj rov rau nws los yog ua tej yam twv nws li, koj yuav nrog nws zoo siab rau qhov uas nws tau ua rau koj, qhov koj yuav ua mas yog qog Yes Xus cov lus tias "Txiv thov koj zam txim rau lawv viv lawm tsis paub qhov uas lawv ua"; kuv ntseeg tias yog koj hais lo lus no tag mas tam sis ntawd koj lub siab zoo hlo.
    Y. Sua Nus
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Taws tsau tsis pom tom hauv ntej, ua neeg tsis pom tom qab. Empty Re: Taws tsau tsis pom tom hauv ntej, ua neeg tsis pom tom qab.

    Post  Maiv Paj Lug 25th December 2009, 1:32 am

    Maiv Tooj wrote:

    Taws tsau tsis pom tom hauv ntej, ua neeg tsis pom tom qab.
    Ua neej tsuas paub hnub zoo xwb tsis paub hnub twg yus yuav muaj kev nyuaj siab ntxhov plawv, hnub twg yus yuav ntsib kev txom nyem.
    Tab sis kuv hais rau koj tias txoj kev tau zoo thiab kev txom nyem ces peb yug los ua neeg, peb txhua tus yeej yuav tau ntsib nyob hauv peb lub neej.
    Tab sis ib txhia neeg txawj txais tos lawv tej kev txom nyem ces zoo li lawv muaj kev txom nyem tsawg dua.
    Ib txhia tsis txawj txais tos lawv tej kev nyuaj ces twb tsis loj heev los lawv tsis txawj muab ua kom yau, lawv tseem muab ua loj tshaj lawm ces lawv tej kev txom nyem yuav ntau tshaj lwm tus.

    Kuv pom koj cov lus hais rau Maypaj wb, kuv tsis chim nawb, kuv xav hais ib los rau koj, rau kuv, rau peb sawv daws tuaj nyeem txog nov yuav tib si:

    -Kuv xav tias txog ib lub caij zoo li koj tam sim no, yam li lub neej muaj hmoo los yog tsis muaj hmoo los yog, ua neej mob ntsuav, txom nyem siab ntsws,txom nyem lub cev ntaj ntsug, txom nyem nyiaj txiag toob xib...etc...

    Yam thaum yus noj qab nyob zoo lub neej khwv khwv, niaj hnub nrog lub caij lub nyoog sib tw khiav, tsis muaj sij hawm los xav tswv yim. Thiab yus xav tias yus tseem muaj zog heev ntshe lub ntiaj teb tseem tsis tau ntiab yus, yus tseem yuav muaj nqes ntxiv rau lub ntiaj teb...
    Tab sis txog hnub yus tej ntaub ntawv tag zuj zus, lub ntiaj teb tias nws yuav tsos yus tseg mus...yus yuav tsis muaj nqes pes tsawg rau nws lawm...Thaum ntaws yus yuav muab lub caij los npaj yus lub NEEJ TOM QAB LUB NEEJ yam li yuav npaj lub lub siab rau thaum yus tsi nyob ntiaj teb no lawm, yuav los thim xav txog tej kev ua txhaum, tej kev zam txhaum, tej kev nrhiab Ntuj lub Ceeb Tsheej...Yog tias tuag ces lwj ua av tas li xwb ces xij peem...Yog tias muaj Ntuj lub Ceeb Tsheej tiag...Kom yus txhob tau mus Them Txim...Txom nyem ntxiv lawm...Kom yus tau mus nyob ze ze Tswv Ntuj thiaj tsim nyog...Vim twb txom nyem nyob ntiaj teb txaus lawm.

    -KUv xav hais rau koj tias:
    Txog lub caij zoo li nov lawm, kuv xav thov koj rho tej caub tej chim hauv koj lub siab tawm.
    Koj yuav rhiav kev thaj yeeb rau koj lub siab, rau luag tej ib ncig ntawm koj.
    Tej luag tsis paub luag ua tau tej yam tsis zoo los koj zam lub txim rau luag.
    Tej luag paub, luag lub siab tsis ncaj, luag ua tau tsis zoo los koj zam rau luag...
    Koj yuav nrhiav thiab tsim kev thaj yeeb rau lub ntiaj teb me ntsis ua ntej koj yuav tso nws tseg...Vim Ntuj lub Ceeb Tsheej yuav yog koj tug.
    Koj Txhob tos thaum twg koj twb tso lub ntiaj teb tseg tas es mam kom cov tom qab thov Ntuj rau koj...Tsam lawv ho tsis mob siab los tsis nco qab thov Ntuj rau koj kom txaus ces koj ho yuav mus khuam nyob Teb chaws Them Txim ntev ntev ( Purgatoire). Kuv hais ib los rau koj, koj yuav ntseeg thiab tsis ntseeg los nyob ntawm koj xav. Cov lawv mus nyob qhov Them Txim mas tej zaud twb tuag tau li 40-50 xyoo tseem los thov cov tom qab pab thov NTuj rau kom lawv tau mus...Ces ntau zaus tus pom ntawd twb tsi paub txog tus los thov, mam nug thiab tshawb ntawv xyuas ces mam paub tias tug ntawd yog tus neeg twg xwb.

    Thov txim kuv tham ntev heev lawm.

    THAUM KAWG KUV XAV THOV KOM PEB TXHUA TUS NRHIAV TXOJ KEV THAJ YEEB NYAB XEEB RAU PEB CES YOG PEB NRHIA TXOJ KEV THAJ YEEB RAU IB NCIG NTAWM PEB LAWM.

    PEB NTSIA LUAG QHOV ZOO PEB THAM LUAG QHOV ZOO CES LUAG ZOO SIAB PEB ZOO SIAB CES SAWV DAWS ZOO SIAB.

    Maiv Tooj koj sau rau leej twg cas yuav sau tau tu siab qas nrho thiab zoo tag npaum li no li naj? Maiv Tooj, muaj tej lub caij mas yus xav tias yus yog neeg me me xwb ntshe Tswv Ntuj tsis nco qab xyuas yus lawm es lwm tus neeg nyiam kev phem thiaj tawm tsam yus tas li, muab xav tias Tswv ntuj txawm tso cai rau lwm tus tawm tsam yus los yog Tswv Ntuj xav kom yus txom nyeem yog nkaus li Yesxus es yus thiaj tau txiaj ntsim xwb mas mog. Muaj tej lub caij yus siab tsis kaj, yus saib zoo li yus yog neeg txhaum tas li xwb, qhov tseeb yog yus pom yus txoj kev txhaum yus thiaj txawj zam txim rau luag. Tus neeg nws tsis pom nws tej kev txhaum nws tawm tsam yus tas li mas tus neeg zoo li ntawv nws twb yog neeg txhaum lawm nws thiaj paub tawm tsam luag xwb ces yus yuav thov ntuj pub rau tus neeg tawm tsam yus kom tus neeg ntawv siab kaj thiab rov tig los ua neeg zoo ces tus neeg phem lub siab yeej yuav hloov xwb. Kuv nco ntsoov Txiv Tswv Qhia Txwj Choo cov lus hais tias " Yus thov ntuj rau cov neeg phem mas lawv lub siab yeej yuav txawj hloov los ua zoo."
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Taws tsau tsis pom tom hauv ntej, ua neeg tsis pom tom qab. Empty Re: Taws tsau tsis pom tom hauv ntej, ua neeg tsis pom tom qab.

    Post  Maiv Paj Lug 25th December 2009, 1:48 am

    Yaj Suav Nus wrote:
    Xub hais Joyeux Noël tais Tool, Txooj Tub thiab koj tsev neeg,
    Kev cov nyom ntawm koj, ntawm lawv, ntawm kuv thiab lwm leej lwm tus. Tag nrho sawv daws puav leej muaj kev cov nyom tab sis tsis sib xws. Kuv lub neej uas thaum tab tom nyob nrog txoj kev cov nyom kuv xav tias yuav tsis muaj leej twg pab tau li, kuv tau muab phau ntawv Ntshiab los nyeem vim kuv vam tias phau ntawv Ntshiab yeej yuav pab tau kuv, kuv tau nyeem phau ntawv Ntshiab phab ib txog ntua phab kawg tsis seem ib tus npe ntaw uas kuv tsis tau nyeem li, kuv tsis yog khav kuv hais raws li kuv tau xav, kuv nyeem phau ntawv Ntshiab 5 lwm raws ku kuv tau hais saum toj no tag los zoo li kuj pab tsis tau kuv li, qhov uas pab tau mas thaum kuv nyeem ces ua rau tsis nco xav txog lwm yam thiab ua kom hnub thiab hmo txhob ntev ntev rau kuv xwb. Hniab hnub kuv thov ntuj pab kom kuv txhob ua neeg puas hlwb thiab kom kuv nrhiav tau txoj kev los daws kuv tej kev cov nyom. Nyob hauv phau ntawv Ntshiab kuv pom muaj 3 qho uas raug kuv siab tshaj: 1- Yes Xus yug los rau hauv ib lub nkuaj tsiaj. 2- Yes Xus ntxuav nws cov thwj tim taw thiab tseem muab nwj los yog hnia. 3- Yes Xus haiv neeg yog cov yuam kom Pis Las Tos muab nws tua, Yes Xus tseem hais tias "txiv thov koj zam txim rau lawv vim lawv tsis paub qhov uas lawv ua". Kuv kam siv sij hawm 10 xyoo kuv htiaj nrhiav tau qhov daws tau kuv kev cov nyom.
    Tais Tooj koj puas ua tau raws li kuv yuav hais mus ntxiv no: leej twg yuav ua zoo ua phem li cas rau koj mas koj zoo siab hlo cia nws ua rau koj kom nws siab qhig kiag koj txhob nrhiav kev pauj rov rau nws los yog ua tej yam twv nws li, koj yuav nrog nws zoo siab rau qhov uas nws tau ua rau koj, qhov koj yuav ua mas yog qog Yes Xus cov lus tias "Txiv thov koj zam txim rau lawv viv lawm tsis paub qhov uas lawv ua"; kuv ntseeg tias yog koj hais lo lus no tag mas tam sis ntawd koj lub siab zoo hlo.
    Y. Sua Nus

    Nyob zoo Suav Nus Joyeux Noêl rau koj thiaj koj tsev neeg, Maiv Tooj tsis tau tuaj teb koj ces cia kuv xub nrog koj tham ua ntej Taws tsau tsis pom tom hauv ntej, ua neeg tsis pom tom qab. Icon_biggrin ... koj mas txawj tham thiab ua tau qauv zoo rau peb kawm heev , ua tsaug ntau koj tseem piav koj txoj kev nrhiav Tswv Ntuj pub peb nyeem thiab nawb. Hauv kuv lub neej kuv tau nyeem 2 zaug phau Ntawv Ntshiab xwb ces kuv tseem tsis tau paub ntau yam npaum koj , kuv niaj hnub nrhiav Tswv ntuj, kuv mloog zoo li kuv yog neeg me me xwb xyov kuv puas yuav nrhiav tau Tswv Ntuj vim kuv tsis paub teev ntuj thiab kuv tsis paub hais dab tsi thiaj yuav ntxim Yes Xus siab, kuv niaj hnub tuav nrhiav Tswv Ntuj, kuv xav tias kuv twb nrhiav tau Tswv Ntuj lamw no tab sis muab hais los kuv nyuam qhuav pib nrhiav xwb, txij li kuv nrhiav yuav tau Tswv ntuj zuj zus mas niag tuaj kub pheej los cuam tshuam kuv kev tas li.


    Suav nus, tus neeg nrhiav tsis tau Tswv ntuj tsis yog neeg txom nyeem daim nqaij daim tawv thiab nyiaj txiaj tab sisyog neeg txom nyeem siab ntsws. Thaum yus nrhiav tau Tswv ntuj lawm mas yus siab kaj lug, kev noj kev haus thiab kev hnav zoo kev lom zem kev zoo daim nqaij daim tawv twb piv tsis tau li yus lub siab kaj nrig, ua neej pw tsaug zog thiab tsis nsthai txoj kev tuag lawm tiag.
    ..Kuv mloog mas zoo li no rau kuv xwb ces kuv yeej xav tias yog nrhiav tau Tswv ntuj lawm xwb. Kuv tseem xav kom nej qhia kuv seb nrhiav tau Tswv ntuj yog nrhiav tau dab tsi tiag tiag. Puas yog nrhiav li kuv nrhiav xwb los yog tseem yuav nrhiav tau tej yam zoo sthaj qhov yus siab kaj lug lawm thiab?

    Niaj hnub no ces kuv tsuas muaj zam rau luag thiab hais zoo rau luag xwb, txawm leej twg hais phem thuam kuv thiab ntxub kuv los cas kuv tsis muaj qhov yuav ua pauj thiab kuv pheej tsis chim li. Tej no nws tsis yog ib txwm thaum kuv me kuv coj li no, tab sis yog thaum kuv nrhiav tau Tswv Ntuj lawm ces kuv mloog kuv cia li hloov lawm xwb.
    Yaj Suav Nus
    Yaj Suav Nus
    Phooj Ywg
    Phooj Ywg


    Messages : 268
    Date d'inscription : 2009-10-23

    Taws tsau tsis pom tom hauv ntej, ua neeg tsis pom tom qab. Empty ib lo lus rau MP

    Post  Yaj Suav Nus 25th December 2009, 5:12 pm

    Nyob zoo os Maiv Paj Lug, zoo siab uas koj tau sau ib co lus teb kuv los yog nrog kuv tham, kuv tsis txawj yuav tham li cas rau koj thiaj zoo ? Koj tau hais ib los tias: kuv tsis paub teev ntuj thiaj yuav hais li cas thiaj li haum Yes Xus siab, hais ib lo yooj yim tshaj plaws tsis tas yuav ua npaum ub npaum no los teev ntuj, peb yog neeg me peb muab peb lub siab los teev ntuj tiag tiag, tsis tas peb yuav paub ntau ntau zaj teev ntuj los yog ntau ntau zaj nkauj los hu nkauj cav txog huab tais ntuj. Peb cia li hais kiag zaj peb tus huab tais Yes Xus qhia "Peb txiv nyob saum ntuj" thiab "koj nyob zoo Mab Liab" peb yuav hais ib hnub kuj tau peb hais hauv peb siab rau huab tais ntuj tias peb thov hais ob zaj no los taj tas nrho txhua lo lus uas peb xav hais tab sis vim peb tsis txawj hais. Qhov tseem ceeb tshaj mas peb tsis yog yuav hais nrawm nrawm kom tas sai sai, yog peb hais lub suab tawm mas peb hais cov lus kom meej meej hos yog peb hais hauv siab xwb los peb maj mam hais ib yam li thaum peb hais nrov nrov.
    Maiv Paj Lug rau kuv mas kuv tsuas paub npaum li no xwb. Sib tham dua rov lwm zaus.
    Y. Suav Nus
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Taws tsau tsis pom tom hauv ntej, ua neeg tsis pom tom qab. Empty Re: Taws tsau tsis pom tom hauv ntej, ua neeg tsis pom tom qab.

    Post  Mim 26th December 2009, 6:57 am

    Tais Tooj, Maiv Paj Lug thiab Txiv Suav Nus,

    Yog li Txiv Suav Nus hais lawm thiab laiv... Peb yuav tau ntsia HT Yes Xus saib nws ua li cas. Nws yog Tswv ntuj diam, tiam sis nws yug los ua ib tug neeg zoo nkaus li peb. Nws raug kev txom nyem kev pluag, nws raug kev ntxias, nws raug luag thuam luag cem luag saib tsis taus, nws tseem raug luag ntes luag tsim txom thiab muab tua dai ncuv saum tus ntoo cuam, tiam sis nws tsis ua dab tsi los pauj, nws tseem thov kom Leej Txiv zam rau lawv xwb vim lawv tsis paub qhov uas lawv ua. Yes Xus yog peb tus piv txwv, peb yuav tau ntsia nws ua neej, peb yuav tau xyaum yoog raws li nws peb thiaj phim ua nws cov neeg. Tiam sis kuv hais rau nej tias, thaum hais lo lus mas yog qhov yooj yim, thaum xyaum ua kiag yog qhov nyuaj. Thaum kev cov nyom los ti yus ntho lawm, mas tej zaum yus twb xav tsis tawm tias yuav ua qhov twg, cia li lam maub lawm xwb; qee zaum mas yeej xav ua pauj kiag kom ua nwg lawv pom kiag thiab paub kiag ho yus mas zoo siab kawg. Tiam sis vim peb yog Yes Xus neeg, peb xav yoog raws li nws, ces peb yuav tsum muab kev zam tas mus li rau luag, zam tas los tseem yuav niaj hnub zam dua thiab. Lub neej ua neeg ntseeg mas yog ib lub neej uas yus yuav xyaum xav txog luag ntau tshaj xav txog yus tus kheej. Qhov no kuv yeej tseem coj nyuaj kawg li thiab hos.

    Sponsored content


    Taws tsau tsis pom tom hauv ntej, ua neeg tsis pom tom qab. Empty Re: Taws tsau tsis pom tom hauv ntej, ua neeg tsis pom tom qab.

    Post  Sponsored content


      Current date/time is 18th March 2024, 11:18 pm