Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» Người Công Giáo H, Mông ở Điên Biên Hmoob Kav Tos liv (Catholic) nyob xeev Dien Bien cob tsib teb
by Maiv Tooj 21st November 2017, 6:47 am

» COV ZAJ NYEEM HNUB CHIV XYOO A 2016-2017
by NrhiavTswvNtuj 15th November 2017, 9:52 pm

» XH. Yaj Zoov Ntxheb lub Tsev THOOB TSIB
by Maiv Tooj 15th November 2017, 9:41 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 15th November 2017, 9:38 pm

» Natuzza Evolo txais Tswv Ntuj txiaj ntsim.
by Maiv Tooj 14th November 2017, 8:53 pm

» TP.Txhiaj Foom
by Maiv Tooj 13th November 2017, 6:22 am

» Txiv Plig Coj Xeem Yaj, Thaib teb.
by Maiv Tooj 13th November 2017, 6:18 am

» Nkauj teev Ntuj nyob hauv Youtube
by Tub Kawm 11th November 2017, 4:59 pm

» Leej Ntshiab Yos Xes nyob Cupertino, Italie teb.
by Maiv Tooj 11th November 2017, 7:18 am

» THOV TAU TXIAJ NTSIM NYOB ARS
by Maiv Tooj 9th November 2017, 7:49 am

» Txhob poob siab
by Maiv Tooj 9th November 2017, 7:44 am

» COV ZAJ NYEEM NRUAB LIS PIAM XYOO I 2016-2017
by Mim 6th November 2017, 11:45 am

Suav neeg tuaj saib, txij hnub 17/09/2010 los mus.


  • Post new topic

NYOB ZOO XYOO TSHIAB 2010

Share
avatar
Npuagtub
Tswv Cuab Hmong Catholique
Tswv Cuab Hmong Catholique

Messages : 1164
Date d'inscription : 2009-08-16
Age : 52
Localisation : Fresno, California, USA.

NYOB ZOO XYOO TSHIAB 2010

Post  Npuagtub on 16th November 2009, 8:04 am

NYOB ZOO XYOO TSHIAB 2010

TXOG IB TSOOM PHOOJ YWG
NYOB THOOB QAB NTUJ
LUB XYOO LAUS TWB YUAV XAUS
LUB XYOO TSHIAJ TWB YUAV TUAJ

THOV KOM TSWV NTUJ
TUS MUAJ HWJ HUAM TAS NRHO
TUAJ SO PEB TXHUA LEEJ TXHUA TUS
YAM PEB TSIS XAV YUAV TSIS XAV TAU
KEV IAB KEV KHW, KEV NTSOJ KEV NTSUAG

KEV NTSIM SIAB NTSIM PLAWV, KUA MUAG IAB
KUA MUAG DAW, KEV PLAUB KEV NTUG,
KEV XAIV KEV LUS, KEV SIB CAV SIB CEG,
SIB NTAUS SIB TUA KEV PUAS NTSOJ PUAS NTSOOG

120 TSAV KEV PHEM KEV TSIS ZOO
UAS PEB TSIS XAV TAU TSIS XAV POM
KOM POOB NROG LUB XYOO LAUS MUS KOM TAG
KOM PEB NTSEJ TSIS HNOV MUAG TSIS POM
MUS TAS IB TXHIS.

Photobucket

LUB XYOO TSHIAB 2010

THOV KOM PEB TXIV TSWV NTUJ
TUS MUAJ HWJ HUAM KOOB HMOOV NPLUA MIAS
TSO KOOB TSO HMOOV LOS
RAU PEB TXHUA LEEJ TXHUA TUS

KOM PEB TSUAS NTSIB KEV NOJ QAB NYOB ZOO
DEJ TSHIAB LOS KOM TAU NROG LUAG HAUS
QAV TSHIAB LOS KOM TAU NROG LUAG NOJ

KOM PEB MUAJ TXOJ KEV SIB NYIAM
SIB HLUB SIB HAUM XEEB
KOM PEB UA QOOB LOS PUV TXHAB
KHWV NYIAJ LOS PUV HNAB
MUAJ LAJ KAM ZOO NROG LUAG UA

KOM PEB TAU TXAIS YAM PEB NTSHAW
KOM PEB TSUAS MUAJ KEV NOJ QAB PW SOV
MUAJ LUB NTSEJ LIAB MUAG TSHIAB
LUAG NTXHWB NTXHI NYOB HAUV
LUB XYOO TSHIAB 2010 NO.

UA LI.



Last edited by Npuag Tub on 16th November 2009, 10:44 am; edited 1 time in total
avatar
Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1631
Date d'inscription : 2009-08-17

Re: NYOB ZOO XYOO TSHIAB 2010

Post  Maiv Paj Lug on 16th November 2009, 9:59 am

Wow......XH Npuagtub, cas koj yuav txawj foom koob hmoob ua luaj rau peb txhua tus ua luaj li naj.....zoo siab heev li lauj, cia kuv khoom mam tuaj ua video Koob Hmoov rau xyoo tshiab pub peb xyuas nawb. Ua tsaug rau nws cov lus zoo tiag tiag li, nyeem tag mas ua kuv siab kaj lug.
avatar
Npuagtub
Tswv Cuab Hmong Catholique
Tswv Cuab Hmong Catholique

Messages : 1164
Date d'inscription : 2009-08-16
Age : 52
Localisation : Fresno, California, USA.

Re: NYOB ZOO XYOO TSHIAB 2010

Post  Npuagtub on 16th November 2009, 11:37 am

Maypajlug,

Ua li os, peb mam li nyob tos saib nws daim video nyob zoo xyoo tshiab nawv.
Sister e..., kuv tsis txawj foom koob hmoov kuv tsuas txawj thov Tswv Ntuj kom nws foom koob hmoov rau peb xwb. Vam tias lub xyoo tshiab no peb txhua leej yuav ntsib kev kaj siab thiab noj qab nyob zoo li lub siab xav.
avatar
Maiv Tooj
Tswv Cuab Hmong Catholique
Tswv Cuab Hmong Catholique

Messages : 5365
Date d'inscription : 2009-08-18

Re: NYOB ZOO XYOO TSHIAB 2010

Post  Maiv Tooj on 16th November 2009, 6:29 pm



Nyob zoo xyoo tshiab tsoom phooj ywg,

XH. Npuag Tub,

Kuv tsis tau npaj paj huam xyoo tshiab ces kuv xav zaj nkauj nov tuaj rau nws mloog xwb.



Nraug Nas Lis & Paj Suab Lauj - Xyoo Tshiab Lawm Honey




avatar
Npuagtub
Tswv Cuab Hmong Catholique
Tswv Cuab Hmong Catholique

Messages : 1164
Date d'inscription : 2009-08-16
Age : 52
Localisation : Fresno, California, USA.

Re: NYOB ZOO XYOO TSHIAB 2010

Post  Npuagtub on 17th November 2009, 2:24 am

Sister Maiv Tooj,

Ua koj tsaug ntau nawv, koj diam video hu nkauj nyob zoo xyoo tshiab zoo kawg li.
Yog nws npaj tau zaj paj huam no los ho coj tuaj tso rau peb sawv daws nawv.

Lawv e...., cas kuv mloog zoo li lub sij hawm dhau mus sai kawg li ib pliag xwb twb tas ib xyoo, es twb npaj tsis tau ib yam tseem ceeb thiab zoo li. Ua li nej puas zoom li kuv thiab os?
avatar
Maiv Tooj
Tswv Cuab Hmong Catholique
Tswv Cuab Hmong Catholique

Messages : 5365
Date d'inscription : 2009-08-18

Re: NYOB ZOO XYOO TSHIAB 2010

Post  Maiv Tooj on 21st November 2009, 10:06 pm

Nyob zoo Xyoo Tshiab XH.Npuag Tub thiab cov phooj ywg,

Xyoo tshiab tuaj yuav txog,
kuv tseem npaj tsis tau tuaj tso.
Ces kuv nqa kwv Ntaj Neeb zaj tuaj rau peb nyeem
Hnub twg xyeej mam tuaj hais ib los lus Tshiab rau peb lub Tsev.





Thov xa ib npoojsiab me me tawm ntawm thajchaw no nrog phoojywg,
niamtxiv, kwvtij, neejtsa sawv daws txais tos lub xyoo tshiab 2010.





Thov peb sawdaws sib pab txhawb nqa xyoo tshiab 2010 no kom lomzem xauv npo !

Los ntawm:

Ntajneeb Thoj
Sau hnub tim 19 lub 11 hli ntiajteb xyoo 2009

Tim rau xib 2 lub 1 hli ntuj xyoo 2010

Nroog Kurume, Zijpees




avatar
Npuagtub
Tswv Cuab Hmong Catholique
Tswv Cuab Hmong Catholique

Messages : 1164
Date d'inscription : 2009-08-16
Age : 52
Localisation : Fresno, California, USA.

Re: NYOB ZOO XYOO TSHIAB 2010

Post  Npuagtub on 22nd November 2009, 9:29 am

Nyob Zoo Sister Maiv Tooj, Maypajlug thiab cov phooj ywg,

Wow......! Maiv Tooj nws tso tau ib zaj lus zoo heev kawg li.
Nws sau hais li es zaj lus no tsis yog nws tsim los, yog tsim los ntawm Ntaj Neeb Thoj, nyob rau Kurum, Zijpees los?

Sau tau cov lus sib qhos zoo kawg, peb kuj yuav tau kawm thiab khaws tej yam zoo no coj mus cia tau kawm thiab. Hnub no kuv tsis khoom pes tsawg ces kuv tuaj nyeem nej cov zaj xwb, tag kis kuv mam li tuaj sau ntawv Ntshiab.

Photobucket
avatar
Maiv Tooj
Tswv Cuab Hmong Catholique
Tswv Cuab Hmong Catholique

Messages : 5365
Date d'inscription : 2009-08-18

Re: NYOB ZOO XYOO TSHIAB 2010

Post  Maiv Tooj on 22nd November 2009, 10:14 am

Npuag Tub wrote:Nyob Zoo Sister Maiv Tooj, Maypajlug thiab cov phooj ywg,

Wow......! Maiv Tooj nws tso tau ib zaj lus zoo heev kawg li.
Nws sau hais li es zaj lus no tsis yog nws tsim los, yog tsim los ntawm Ntaj Neeb Thoj, nyob rau Kurum, Zijpees los?

Sau tau cov lus sib qhos zoo kawg, peb kuj yuav tau kawm thiab khaws tej yam zoo no coj mus cia tau kawm thiab. Hnub no kuv tsis khoom pes tsawg ces kuv tuaj nyeem nej cov zaj xwb, tag kis kuv mam li tuaj sau ntawv Ntshiab.

Photobucket

Nyob zoo XH. Npuag Tub,

Peb nyias khwv khwv nyias es leej twg khoom los tuaj sau, tsis khoom los ho tuaj nyeem xwb.Tau ob peb hnub no kuv twb tsis tau sau ib yam tseem ceeb li thiab. Vim kuv pheej mus nrhiab tej Documents lawm.

Yog kawh, zaj paj huam nov yog sau los ntawm ib tug tub kawm txuj Hmoob Nplog mus kawm ntawv nyob Zim Pees. Nws xa rau peb cov pooj ywg ces kuv pom tias nws sau tau zoo heev, kuv coj tuaj rau peb s d nyeem ua ke. Ntaj Neeb Thoj yog ib tug tub hluas muaj lub zaim muag zoo, nws muaj lub laj lim tswv yim zoo heev. Kuv tso siab tias ib hnub twg nws yuav ua tau tej yam zoo heev rau Peb Hmoob.










Nkias Tswb Hawj

Messages : 6
Date d'inscription : 2009-11-11

Nyob zoo xyoo tshiab 2010

Post  Nkias Tswb Hawj on 14th December 2009, 6:08 am

Lub caij ua hmoov tsuj xeeb tos Huab Tais Yes Xus yug los xyoo 2010 no kuv thov hais nyob zoo xyoo tshiab rau tsoom Hmoob nyob
USA.Nyob Fab kis teb, nyob Thaib teb, Los Tsuas teb, Suav teb, Cob Tsib teb thiab tag nrho tsoom Hmoob nyob thoob lub ncej ntug no.
- Lub xyoo laus 2009 dhau los no, kev phem kev tsis zoo, kev mob kev nkeeg, kev ntsoj kev ntsuag, kev ntuj fav teb lam, kev tawg pab
tawg pawg, kev tsis sib nyiam tsis sib hlub, kev ua lub neej puas tsoj puas tsus ib nqaj tsis nto ntuj ib nploog tsis nto ntsis ib puas yam tsav no thov kom Peb tus Huab Tais Tswv Ntuj muab nrhuav tshem nrog lub xyoo laus mus, kom tag zeej tsoom Hmoob thoob ntuj
ntsej txhob hnov muag txhob pom ib zaug ntxiv lawm.
- Lub xyoo tshiab 2010 tuaj no lawm yav, thov kom peb tus Huab Tais Tswv Ntuj Foom koob nchuav hmoov thiab tsom kab tsom kwm
tsoom Hmoob thoob ntuj kom tsuas tau txais kev noj qab nyob zoo muaj kev thaj yeeb nyab xeeb sib nyiam sib hlub nyob ncoo ko
hauv peb tus Huab Tais Yes Xus pleev lub npe mus ib txhis.
- Ib tsoom Hmoob thoob ntuj cov hlub thiab hmov tshua sawv daws kuv thov siv lub xyoo C. thiab ho yog lub xyoo tshiab 2010 no
tuaj ntsib SD. Hais txog ntawm peb tsav neeg Hmoob lub neej yav dhau los thiab lub neej yuav ua mus ntxiv lawm yav pem suab li no:
1. Kuv pom tseeb tias peb Hmoob yog ib haiv neeg ua yam twg lawm mas Hmoob tsis lam nrhuav yooj yim yog ntseeg yam twg lawm mas Hmoob ntseeg ruaj ntseeg tiag. Tab sis tsis muaj tus tuaj qhia qhov tseeb kom txog tsoom Hmoob xwb, Hmoob yog ib tsav neeg
hwm ntuj zoo heev tab sis txij Huab Tais Yes Xus yug los & rov mus saum ntuj lawm mas Hmoob caum tsis cuag ntu no lawm xwb,
ces Hmoob li kev teev hawm thiaj tseem nyob li tiam neeg AS NPLAS HAS lawv xwb vim Hmoob tej kev ua dab ua qhua mas muaj ntau
yam thooj li tiam neeg ntaw kawg xws li Hmoob ua saub, Hmoob fiv yeem, Hmoob muab tsiaj los txi ntuj pauj yeem, Hmoob lub ntees
tuag kev tshwm tshav, Hmoob muab hmoov qab yiag los pleev ua khaub liag saum tus me nyuam yug los tshiab lub hauv pliaj thiab
ntau yam piav tsis tag hnub no.
- Ib qhov uas ua rau Hmoob lub neej nyob tsis taus zoo li ib cuab ib yig neeg nkaus xwb mas yog vim Hmoob kev teev dab teev qhua
xim moj xim mub dhau xwb, xws li txawm yuav yog Hmoob ib yam, txawm yuav yog koom tib lub xeem xwb los koj caiv kuv dab kuv
caiv koj dab (yias tsuas teev nyias tus dab li ib txwm ua kam xwb) tsuas txawv txij thaum Huab Tais Yes Xus nqe lus nws hais tias kuv
yog TXOJ SIA- kuv yog LUB QHOV ROOJ yog tus tuav txog kuv lub npe mas nws yuav mus cuag tau kuv txiv kuv muab kuv lub cev
thiab cov ntshav los ris nej cov txhaum thiab nej lub txhoj, txij no mus nej tsis tas yuav muab tsiaj los txiv ntuj lawm. Peb tsav neeg
Hmoob khaws tsis tau lo lus no lawm xwb.
2. Tsoom Hmoob uas twb hnov Tswv Ntuj lub suab hu & twb los ua Tswv Ntuj haiv neeg lawm los peb tseem ua xyem xyav kawg rau
peb lub neej ua Ntuj me nyuam kawg li thiab, qhov nov vim tsoom Hmoob tsuas pom luag los coj ntuj kev cai ces yus tau kev tws
es lam los xwb tab sis yeej tsis paub tias qhov twg thiaj yog qhov tseeb tiag. thiaj pheej tseem ua lub neej nrab neej nrab dab ua
lub neej tsis ruaj tsis kho li niaj hnub no peb tsoom Hmoob tsis hais cov twb yog Tswv Ntuj haiv neeg lawm los cov tseem coj dab
niaj hnub ua. qhov tseem ceeb tshaj mas tiam neej 21 no nws hloov ceev dhau lawm peb yuav siv zog caum tiag peb thiaj yuav caum
cuag Tswv Ntuj lub hom phiaj, Txawm kev teev hawm xwb los yuav teev hawm raws kev vam meej yus thiaj yuav nrog lub qab ntuj
neeg nyob tau.
3. Txoj kev yuav pus tau tsav neeg Hmoob lub neej kom saib caum puas yuav cuag tau Tswv Ntuj ces yog cov hlob, cov ua niam
ua txiv, cov XH.Cov leej tsob hwb, cov txiv plig, Cov thawj coj Hmoob & Hmoob tsoom kev txwj laus neeg puas yuav xav txog Hmoob
thiab kho Hmoob nkaus lawm xwb, thov peb cov nov xub kho ntawm peb tus kheej tuaj tso, nyob hauv ntawv ntshiab qhuab tseg
qhia cia tias xub muab yav cav ntoo paug hauv yus lub qhov muag tawm kom tau tso mam mus pab tshem lwm tus lub qhov muag
uas paug ib yav quav nyab npleg, tseeb tiag.

Thov ntsib sawv daws li no xwb, Merry Christmas and Happy New year.

Thov kom lub xyoo tshiab no Tswv Ntuj nrog nraim nej nyob ua nej siab kaj lug mus li mog




Nkias Tswb Hawj USA.
avatar
Maiv Tooj
Tswv Cuab Hmong Catholique
Tswv Cuab Hmong Catholique

Messages : 5365
Date d'inscription : 2009-08-18

Re: NYOB ZOO XYOO TSHIAB 2010

Post  Maiv Tooj on 14th December 2009, 9:01 am





Nyob Zoo Xyoo Tshiab 2010
Xh. Npuag tub, Xh. Nkias tswb
thiab cov phooj ywg
Nyob qab ntuj khwb
Xyoo tshiab no tuaj
Hmoov Zoo kom nej muaj
Lus zoo kom nej tau hnov
Mov tshiab kom nej tau noj
Dej tshiab kom nej tau haus
Kev thaj yeeb nyab xeeb kom nej tau
Tsuas muaj lom zem xyiv fab luag ntxhi
Tam Nkauj Ntsuab Nraug Nab ua neej nyob Ntuj hnub qub ci.


Xh. Nkias Tswb,

Ua tsaug rau koj cov lus piav, zoo kawg nkaus.
Thov kom Tswv Ntuj xa Leej Tswv Yim Ntshiab los pab peb ua neeg sib nyiam sib hlub, sib pauv zog DOB NROJ, vim roj hlob sai dua qoob loo.





avatar
Maiv Tooj
Tswv Cuab Hmong Catholique
Tswv Cuab Hmong Catholique

Messages : 5365
Date d'inscription : 2009-08-18

Re: NYOB ZOO XYOO TSHIAB 2010

Post  Maiv Tooj on 17th December 2009, 9:42 am



Nyob zoo xyoo tshiab,

2010 los txog lawm tiag
thov kom koj thiab tsev neeg lom zem
luag hehehe....
rua ub rau no
kom luag nco
nej lub suab qab zib
qhov thib 1
tseem ceeb tshaj plaws
kom nej raws
cuag tus npau suav
ua nej muaj
los tau ntau xyoo
hais luag mloog
ua los luag nyiam
hnav cev tshiab
kom luag tej ntshaw
kom luag hawm
nej li huab tais
kom luag txais
tos nej li nom
tsawg leej pom
nej los kom qhuas
tag tej hluas
tej laus hlub koj
txog pluas noj
rub koj ua ntej
xav haus dej
los muaj neeg hliv
tag niam txiv
tub nyuag kaj siab
nrog xyoo tshiab
mus tas ib sim nawb mog.

Tus sau: Tsheej Muas; Los Tsuas teb.





avatar
Mim
Tswv Cuab Hmong Catholique
Tswv Cuab Hmong Catholique

Messages : 1985
Date d'inscription : 2009-10-16

Hmoob Detroit, Michigan

Post  Mim on 23rd December 2009, 4:26 pm

Nyob zoo cov niam txiv kwv tij neej tsa sawv daws,

Tag kis tsaus ntuj peb yuav ua lub koob tsheej nco txog peb tus HT Yes Xus lub hnub nyoog yug los. Thov kom nej sawv daws tau txais txiaj ntsim zoo ntawm nws txoj kev yug los nawb!!!...thiab kom nej muaj kev noj qab nyob zoo hauv lub xyoo tshiab os!!


Tsis tas li ntawd, nag kis tim 25, peb mus koom thaj txi Ntuj thaum 9 teev 30 sawv ntxov tas ces peb cov Hmoob yuav npaj ib nyuag qhov mov coj mus noj thaum tav su, ua kev zoo siab tos txais HT Yes Xus yug los, thiab tib txhij ntawd ua kev thov Ntuj foom koob foom hmoov rau sawv daws hauv lub xyoo tshiab 2010 tuaj no. Thov txim tias kuv hais tau lig me ntsis lawm, txawm li ntawd los thov nej coj nej cov tswv yim siab ntsws tuaj koom peb pawg ntseeg tsawg tsawg ntawm no thiab os nawb....
avatar
Maiv Tooj
Tswv Cuab Hmong Catholique
Tswv Cuab Hmong Catholique

Messages : 5365
Date d'inscription : 2009-08-18

Re: NYOB ZOO XYOO TSHIAB 2010

Post  Maiv Tooj on 31st December 2009, 6:51 am



Nyob zoo Xyoo Tshiab 2010
Rau me hluas me laus
Kom tsuas ntsib kev noj qab nyob zoo
Khwv nyiaj kom puv nas
Ua qoob kom puv txhab
Tu tub tu kiv kom puv tsev
Nce toj tsis ntshaus hlaub
Nqes hav tsis ntshau raws
Ib xyoo 12 lub hlis
Kom tsuas muaj kev kaj siab luag ntxhi
Txog xab niaj lwm xyoo
Kom txhua leej txhua tus tau txais koob Hmoov.






avatar
Mim
Tswv Cuab Hmong Catholique
Tswv Cuab Hmong Catholique

Messages : 1985
Date d'inscription : 2009-10-16

Re: NYOB ZOO XYOO TSHIAB 2010

Post  Mim on 31st December 2009, 5:15 pm

Ua tsaug tais Tooj, koj tseem pab pab kuv ua tsaug tsis txawj tag os nawb....


Nyob zoo xyoo tshiab rau txhua leej txhua tus os. Tim Mes Kas no, tam sis no ntawm peb thaj tsam no, peb tseem tshuav 50 fiab nyob hauv xyoo laus. Ib pliag tsis ntev no ces lub xyoo tshiab twb yuav tawm tuaj tiag tiag li!!...

Thov kom sawv daws tsuas ntsib kev noj qab nyob zoo thiab kev kaj siab nawb!...
avatar
Npuagtub
Tswv Cuab Hmong Catholique
Tswv Cuab Hmong Catholique

Messages : 1164
Date d'inscription : 2009-08-16
Age : 52
Localisation : Fresno, California, USA.

Re: NYOB ZOO XYOO TSHIAB 2010

Post  Npuagtub on 31st December 2009, 7:27 pm

NYOB ZOO XYOO TSHIAB

Lub xyoo 2009 twb los xaus
lub xyoo 2010 twb tuaj txog
thov kom peb txhua leej tau noj qab pw sov
cov muaj mob nkeeg los kom mob txawj ploj
nce toj kom muaj zog nqis hav kom zog nchav.

Ua qoob ua loo los muaj puv txhab
khwv nyiaj kub kom muaj los puv hnab
tus tsiaj tu txhuv los kom muaj puv vaj
tu tub tu kiv los kom huam vam xws xub ntaj
nroo ntws xws xub muv.

Lub xyoo 2010 no tuaj txog
thov kom cov hlob txawj hlub cov yau
cov laus los txawj hlub cov hluas
cov muaj txawj hlub cov pluag
cov ruam txawj mloog cov ntse
kom peb haiv neeg hmoob nyob
ruaj li zeb kho li tsua mus tas ib sim.

Photobucket

Tus sau: Npuag Tub Hawj
1-01-2010
USA

Sponsored content

Re: NYOB ZOO XYOO TSHIAB 2010

Post  Sponsored content

  • Post new topic

Current date/time is 23rd November 2017, 3:31 am