HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Tsim nyog muab tej lus zoo khaws cia Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Yesterday at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


4 posters

    Tsim nyog muab tej lus zoo khaws cia

    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Tsim nyog muab tej lus zoo khaws cia Empty Tsim nyog muab tej lus zoo khaws cia

    Post  Maiv Paj Lug 2nd September 2009, 11:26 pm

    kuv pom Kzkz thiab nws leej nkawv
    , zoo nkauj zoo nraug cev yiag 2 leeg tib si....nkawv cov me nyuam cev
    yiag tas tus , lawv txawj txuag lawv tej khoom noj thiab lawv lub neej
    muaj ntau yam zoo, me tub me nyuam zoo nkauj zoo nraug....
    kzkz
    tus ntxhais nkauj ntxawm zoo nkauj heev...kuv hais rau Kzkz
    tias nyob hauv Fabkisteb no nsthe kuv muab nws tus ntxhais nkauj ntxawm
    ua MISS FRANCE lawm vim cov mus xeem nkauj ntsuab twb zoo nkauj tsis
    npaum Kzkz tus ntxhais nkauj ntxawm mloog lus ntawm no li os...tus ntxhais yim luag yim zoo nkauj, nws tsis yog tha khob piab zoo nkauj tab sis nws niam nws txiv yeej xeeb tau nws zoo ntsej zoo muag tseem nrog zoo cev thiab Tsim nyog muab tej lus zoo khaws cia Smile






    Maypaj
    aw...Nws yuav qhuas kuv dab tsi naj...? Nws twb zoo nkauj heev lawm
    mas...Kuv ua rau nws pob ntseg kub, nws thiaj tuaj qhuas kuv me xeeb
    leej xeeb ntxwv; twb yog hnub i kuv leej nkawm wb tham txog nws, wb
    hais tias nws mas yuav txawj zoo nkauj thiab hluas tshaj nws lub hnub
    nyug lawm...Hehheeh...Zoo li tus me ntxhais 16 xyoo xwb...Nws yuav tau
    zoo siab rau nws mog...Nws twb yog ib tug uas muaj hmoo heev, Saub pub
    ntau yam rau nws: Kev zoo nkauj los nws tau, kev txawj ntse los nws
    muaj tseem xeeb tau ua tus neeg siab DAWB siab ZOO ntawm cov NEEG ZOO
    hauv lub ntiaj teb no thiab. Yog muaj Ntuj Ceeb Tsheej, nws yuav yog
    thawj tug uas tau mus zaum ze Huab tais Ntuj. Kuv qhuas txog nws tus
    neeg siab zoo thiab siab ncaj...Siab ncaj npaum HT Yes Xus tej LUD tau
    hais tseg rau leej neeg ntiaj teb ntag...Kuv ua neej laus li nov, nws
    yog thawj tug uas kuv tau qhuas nws rau kuv lub siab. Yam tsis tau muaj
    dua ib tug li.
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Tsim nyog muab tej lus zoo khaws cia Empty Re: Tsim nyog muab tej lus zoo khaws cia

    Post  Maiv Paj Lug 2nd September 2009, 11:29 pm

    Me
    Naib aw...Cas nws yuav ua rau kuv quaj kiag lawm os!!! Laughing Laughing
    Laughing Nws puas paub tias kuv muaj yees Maypaj lawm es tsis pom lub me
    paj nthuav tshwm ces kuv nco nco nws no lov!!!! Heheheh...Kuv los kuv
    tseg tsis tau nws li thiab...Kuv thiaj tsis pub nws chim siab li kom
    nws yuav tsum tuaj rau kuv pom nws mas thiaj mus pw tsaug zog naj....

    Tsim nyog muab tej lus zoo khaws cia Image_236
    Muaj
    tseeb ! vim niamlaus kzkz yog kuv tus viv ncaus zoo,yog kuv ib tug
    angel thiab yog kuv pob nyiaj pob kub uas Tswv Ntuj muab tso rau ntawm
    kuv hauv kev ,ces kuv tau ntsib lawm yeej xav nrog ua ke zoo yam li
    ntsib txoj kev zoo tuaj nruab siab , niamlaus kzkz koj zoo li txoj kab
    hnub tuaj ci ntsa rau kuv thaum kuv nyob hauv ib lub hav tsaus pos huab
    nti tiag, cia kuv taug ib txoj kev nrog koj kom kuv tau luag mus kev
    nawb mog

    Tsim nyog muab tej lus zoo khaws cia Autresjardinsprivesyevr
    Maypaj!
    Ua tsaug mog...Koj hais tau zoo ua luaj li...Kuv puas tsim nyog txais
    koj lub txiaj ntsim...? Koj hais tias kuv yog koj pob nyiaj, kuv hais
    rau koj tias koj yog kuv tus Ntshiab ( Ange Gardien) Koj hais tias kuv
    yog koj pob kub, kuv hais rau koj tias koj yog tus qheb kuv qhov muag
    rau txoj kev HLUB Maypaj...Kuv twb tu siab rau ntiaj teb NEEG lub siab
    Cas hnub no Tswv Ntuj tso koj los qheb kuv qhov muag rau ib lub ntuj
    tshiab Maypaj...kuv nrhiav nrhiav kuv twb tu siab tag... Cas hnub no
    Tswv Ntuj tso koj los ntsib kuv...Ua rau kuv rov pom lub ntiaj teb NEEG
    txoj kev ncaj. Kuv ua nws tsaug...Rau nws lub siab zoo rub kuv tes
    ntawm ncauj zag tsov lo...Nws los txhawb kuv lub zog...thaum kuv lub
    siab mob mob...Nws yog kuv qhov chaw vam khom, kuv qhov chaw so siab
    nawb mog...

    Tsim nyog muab tej lus zoo khaws cia 1625539066Koj Kev Hlub Loj Npaum Lub Ntuj


    Koj
    yeej tsim nyog txais txhua yam txiaj ntsim mas niamlaus
    koojziagkabzaug, vim twb yog muaj koj es kuv thiaj paub hais tias hauv
    hmongZa no tseem muaj txoj kev cia siab thiab tsis yog kuv tuaj poob
    phem yog kuv tuaj poob rau hauv kev internet zoo xwb, kuv twb tu siab
    tias internet ntshe tsuas muaj kev phem xwb txhob tuaj lawm los vim sib
    cuag tsis tau es internet kuj yog peb neeg ntiaj teb txoj kev sib fi
    txuj thiab sib fi xov. Koj yog tus muab txiaj ntsim ntau tshaj rau kuv
    hos qhov kuv muaj muab rau koj kuv thiaj yog tus tsis tsim nyog txais
    vim kuv yog neeg me me ntsuag nos twm zej tib neeg twb tsis pom kuv yog
    lawv dawm kuv ko taw. Kuv zoo li ib lub paj tuaj tshiab zoo nkauj nyob
    rau hauv ib co npoo av qhuav ,kuv xav tias nsthe yuav peem tawg tsis
    tau vim tus hlob tus yau tuaj dua kev luag qab xib taws tsuj lub paj
    tsis tseg tiam sis hnub no ho muaj kzkz dua kev nws nyiam nws ho khawb
    coj mus cog ywg dej rau ces lub paj siav loj lub paj mam pib nthuav,
    kuv ces twb ua ntuj tsaug tsis tseg rau ib tug neeg siab zoo li kzkz ,
    txawm kuv tsis muaj dab tsi pauj koj txiaj ntsim los kuv yuav thov ua
    koj khub taug ib txoj kev zoo li ob viv ncaus nkauj Yaj taug kev xyaw
    ib pab Tshis tuaj mus cuag tus Zoo Tswv zov Yaj xwb ces zoo kuv lub
    siab hlo mus kom txog hnub ncaim lub ntiaj teb no. Peb ua neej nyob
    txhua hnub peb txawm pom kev los zoo li peb dig muag xuas dub , peb mus
    ncaj qhov twg ces peb kov qhov ntawv es xuas taug kev, yog hnub twg peb
    ntsib ib tug neeg pom kev los tuav peb tes ces zoo li peb pom kev zuj
    zus.... kzkz kuj yog ib tug zoo niam tuav peb tes mus rau txoj hauv kev
    ncaj. Tos hnub no kzkz ho pom muaj NEEG ncaj nyob ntiaj teb los vim
    kzkz txawj saib tib neeg lub siab tuaj tsis yog saib tib neeg txoj kev
    ntse uas muaj neej mom siab. Qhov kzkz pom tseeb ces tsuas yog tus neeg
    hais lus thiab sau ntawv Thoob tsib thiaj tseem neeg ntse thiab ncaj
    ncees. Smile

    Tsim nyog muab tej lus zoo khaws cia Cheminbrumeuforet
    Nyob
    zoo Maypaj, Uab...! Uab...! Nws mas...! Yuav txawj hais ua luaj
    li...May! Lub TXIAJ NTSIM yog nws li, txoj kev ZOO yog nws tug... Luag
    tsis pom NWS, vim luag ntsia qhov ci ci...Luag tsis paub tias qhov ci
    tsis yog KUB. Lub POB ZEB uas cov txhim tsev muab pov tseg, txia ua lub
    pob zeb TXHEEM TSEV. Ib tug NEEG zoo luag txawm luam, txawm xuab los
    yeej yuav nto MOO. Ib tug NEEG thoob tsib, txawm luag yuav muab nws txo
    los nws yeej muaj MEEJ MOM. Maypaj, ntau zaud thaum kuv tag kev cia
    siab, Tswv Ntuj ua kom nws tuaj hais lus rau kuv...Nws cawm tau kuv lub
    siab kaj thaum kuv chim siab tshaj...Ntau zaud nws tias tuaj nrog kuv
    sau ntawv tag mus pw tsaug zog...Kuv tsis hais ib los rau nws paub
    hlo...Hnub no kuv hais rau nws tias: Tswv Ntuj tsim WB los thooj siab
    koom ntsws, vim hnub kuv chim nws paub, hnub nws chim kuv mloog
    tau...Ces kuv UA Ntuj TSAUG...

    Tsim nyog muab tej lus zoo khaws cia 203,1104377108,1
    Laughing
    Wowowow......nev nev nev tos kuv tseg tsis tau Koojziagkabzuag kiag li
    os vim Koojziagkabzaug thiaj yog kuv tus niamlaus paub txog qhov kuv
    ntshaw thiab qhov kuv nyiam txhua hnub hauv kuv tus dab ntub npau suav
    thiab thaum kuv sawv. Niamlaus Koojziagkabzaug koj xav li kuv thiab
    tiag , hehehe puas yog Leej Tswv Yim ntshiab xa lub Tswv Yim zoo no
    tuaj pub rau wb ma los ? Txhua hnub hauv kuv lub neej ,kuv kuj xav
    ntsib ib tug neeg kom paub txog kuv lub siab ntshaw, vim yam nyob hauv
    kuv nruab siab tsuas yog tus neeg muaj Esprist Saint thiaj pom, zaum no
    koj yog thawj tug thiaj pom txog hauv kuv lub siab. Kuv tsev neeg , kuv
    niam kuv txiv , kuv tej vivncaus thiab kuv tus nus , lawv twb tsis paub
    tseeb hauv kuv lub siab tias kuv nyiam thiab ntshaw dab tsi na niamlaus
    Smile : qhov kuv ntshaw ces tsuas yog kom lawv qhib qhov muag saib lub
    ntiaj teb no , vim peb nyob tsis ntev peb tsuas nyob zoo li ib vuag dua
    xwb twb yuav dua toj ,es kuv tsuas ntshaw kom lawv txhob nrog luag sib
    txeeb nyiaj thiab kub txhob nrog luag sib txeeb neeg ntiaj teb lub tswv
    yim, kuv tsuas xav kom txhua tus kuv tau ntsib hauv kuv lub neej paub
    tias thaum kawg nyiaj thiab kub peb yuav ev tsis tau mus nrog peb, hnub
    no kuv pom tias koj paub kuv zoo heev vim koj muaj Leej Tswv yim
    Ntshiab nyob nrog nraim koj , kuv thov koj txhob tso kuv tseg nawb,
    txawm wb yuav nyob deb li cas los tsuas yog lub cev xwb wb twb koom
    Huab Tais Yesxus Leej Pleev lub siab lawm mog. ...Bisou koj nawb
    niamlaus , bonne nuit.

    Dieu est partout, Il nous entend, Il nous écoute, Il nous aime, Il nous pardonne, Il nous Béni, nous lui rendons Grâce.
    Tsim nyog muab tej lus zoo khaws cia Phucsinh
    Nyob
    zoo Maypaj, Ua tsaug nws cov lus zoo lus txhawb siab. Zaum no Ntuj xaiv
    wb los sib ntsib lawm txawm yuav muaj cua daj cua dub, dej sab siv,
    qhov kub qhov ntaiv los kem, los cai wb los wb tuav tes hla kom dhau
    nawb mog. Vim thaum tsis muaj kev hlub yus ntshaw heev, tab sis muaj ib
    txoj kev hlub, yuav tau siv zog txuag thiaj yuav nyob tau ruaj. muaj
    ntau yam xwm txheej yuav los tshuam...Hnub muaj kev kaj siab, wb yuav
    ob leeg zoo siab ua ke, hnub muaj kev ntswv siab, wb yuav ob leeg sib
    txhawb zog kom dhau txhua yam... May! Ua neeg nyias pom nyias ib yam,
    nyias muaj nyias txoj kev kaj siab, nyias muaj nyias txoj kev xav kev
    ntshaw. Hauv kuv lub siab los kuv xav ib yam li nws thiab. Kuv xav tias
    lub ntiaj teb zoo nkauj heev, peb yuav rau siab txuag. Lub neej yog ib
    vuag dua xwb, peb yuav qheb qhov muag ntsia txoj kev zoo nkauj, sib
    nyiam sib hlub, sib zam, kom txhua tus muaj kev kaj siab xwb. Yog tsis
    muaj txoj kev sib zam, niaj hnub sib chim los yeej tsis tau dab
    tsi...Yog peb muaj kev thaj yeeb, lub neej yuav kaj siab, ua dab tsi
    los muaj siab ua, lub hnub lub hmo yuav tsis laj nyob dhau, koj pom
    kuv, kuv pom koj los yuav muaj lub ntsej lub muag luag ntxhi...Tsis
    ntswv ib tug lub siab, tsis ntsim leej twg lub plawv...Lub ntuj yuav
    tshiab lub teb yuav zoo nkauj...Thiaj tsim nyog yug los ua ib zaug neeg
    rau lub ntiaj teb no... Kuv zoo siab kuv tau los ntsib koj mog...Kuv
    yuav hwm tsob paj uas nws muab rau kuv cog kom hlob mos nyoos, tawg paj
    txi txiv rau tsoom sid pom...Bisous et Bonne nuit petite soeur.

    Tsim nyog muab tej lus zoo khaws cia Arton93-dc188
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Tsim nyog muab tej lus zoo khaws cia Empty Re: Tsim nyog muab tej lus zoo khaws cia

    Post  Maiv Paj Lug 2nd September 2009, 11:57 pm

    Sau ntawv zoo rau ib tug neeg, yog ib yam zoo Tswv Ntuj nyiam kom peb ua, peb txhawb luag lub siab luag yuav rov tig los txhawb yus lub siab tib yam nkaus, tej no nws txhawv ntawm kev thoob tsib tuaj, ib tug neeg nws muaj Tswv ntuj puv npo hauv nws nruab siab nws tsis lam xav hais lus phem rau lwm tus, txawm tus yeeb ncuab kiag los nws tseem xav zam txim rau kom tau tuav txhais tes rov los ua phoojywg.

    Sau ntawv zoo thiab hais lus zoo rau lwm tus, yuav txhawv lub noob txiv thoob tsib puag hauv yus nruab siab tuaj , yus yim hais lus zoo lub noob txiv yim tshwm siab yuav tawg paj txi txiv....thaum luag tau cov txiv txi yus tseb rau luag ces luag yuav tawg paj txi txiv tib yam nkaus li yus thiab, li no Yesxus twb yog tus los tseb nws cov noob nplej yog tias peb tau nws cov noob nplej los cog ces peb yuav txhawv ua ib tsob nplej muaj ntau lub npluag yuav cog tau ntau lub noob ntxiv.

    Ib tug neeg nws nyiam zoo, hauv nws nruab siab kev hlub puv npo yuav faib tsis txawj tag vim nws yim faib yim xav faib, thaum neeg tau txais lawm neeg yuav kaj siab lug nrog nws mus li.

    "Yesxus nrog nej nyob ua nej siab kaj lug mog kuv cov me nyuam zoo ntxim nyiam ,kuv tau ywg ntshav thiab dej los ntxhuav nej kom nej dawb huv vim kuv hlub nej tsis txawj tag."


    Tsim nyog muab tej lus zoo khaws cia 7on09410
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Tsim nyog muab tej lus zoo khaws cia Empty Re: Tsim nyog muab tej lus zoo khaws cia

    Post  Maiv Tooj 3rd September 2009, 4:37 am

    [quote name='maypaj' post='210820' date='May 31 2009, 05:09 PM']


    NLL es cas yuav seev tu siab thiab ntxim hlub ua luaj......kuv twb tsis muaj phoojywg li thiab es thiaj li tuaj zeem nej txhua leej txhua tus hauv no ua phoojywg xwb mas, nyob ntawm kuv lub teb chaws no kuv tsis muaj phoojywg vim luag yog neeg nplua nuj yus yog neeg txom nyeem ces luag tsis yuav yus ua luag phoojywg li es kuv lam nyob kuv tsuav tsis tuag xwb kuj peem nrog teb nrog chaw ua neej nyob tshav ntuj nrig thiab mas nawb. Tsuav yog kev hlub ces kuv tsis tseem tsis tau dhiav xwb vim yus yog neeg txom nyeem ces ntshe yuav tsis muaj tus phim li es lam nyob ua neeg tsis muaj phoojywg tsis muaj hlub los tsuav yus siab ncaj siab ncees thiab nyob luag ntxhi xwb tiag, kuv cov phoojywg ces yog paj hmab paj ntoo laim txias tsw qab ntxiag thiab yog me nas me noog thiaj nyiam thiab kam seev nrog kuv xwb tiag!

    Leej twg tsis muaj phoojywg los txhob tu siab, yog yus pom tus twg hais lus haum yus thiab nws hlub yus tuaj nruab siab tuaj yam tsis saib yus yog neeg muaj los neeg pluag ces tus ntawv thiaj yog yus phoojywg ....Koojziagkabzaug lawv yog ib haiv hmoob nto moo thiab lawv muaj neej mom rau luag teb luag chaw thoob fabkisteb hwm lawv tab sis Koojziagkabzaug tseem lees txais ib tug me nyuam ntsuag li kuv tsis muaj kw muaj tig los ua nws phoojywg thiab, ua neej nyob thaum yus xav tias tw kev lawm los tseem tshuav ib tug neeg zoo nyob ntiaj teb no tseem hlub yus. Kuv tso siab tau thiab hwm txog kuv tus niamlaus koojziagkabzaug uas yog kuv tus phoojywg zoo tshaj plaws nyob internet thiab nyob koom ib sab ntuj Fabkisteb.....kuv hlub koj os kuv tus niamlaus siabdawb, txawm hnub no kuv tsis tau nrog nws zaum ua ke noj nab vam los nws twb tuaj qhia kuv lawm ces kuv zoo zoo siab hais tias nws tseem nco txog kuv thiab tseem xam muaj kuv nyob hauv nws nruab siab.......hauv ntiaj teb no puas tseem tshuav leej twg yuav lees kuv ua nws phoojywg zoo ntxiv neb? Smile ..........ntsib ib tug phoojywg zoo mas tam ntua li ntsib ib pob nyiaj ib pob kub.......tsawg tsawg tus neeg thiaj yog phoojywg zoo xwb, dua li ces yog cov neeg zoo ntawm taw phem thaum nrug ntxias yus lub zog noj lauj yus taw xwb tu siab kawg nkaus.


    Kev Phooj Ywg