HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Yes Xus khob qhov rooj Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Yesterday at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


4 posters

    Yes Xus khob qhov rooj

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Yes Xus khob qhov rooj Empty Yes Xus khob qhov rooj

    Post  Mim 11th November 2009, 12:48 pm


    Yes Xus sawv nraum qhov rooj khob tas zog. Koj puas hnov?
    Koj puas yuav qhib qhov rooj hu nws los tsev?


    Nej puas pom daim duab no?
    Nws tsis muaj tus tes los lub pob yuav qhib tau qhov rooj li. Yuav tsum yog tus nyob sab hauv xwb thiaj qhib tau. Txhais hais tias Yes Xus tos ntsoov saib peb puas kam txais nws, puas qhib yus lub siab lug rau nws los nyob hauv yus. Yes Xus tsis coj li peb xav. Nws hlub peb kawg nkaus, tiam sis nws tsis yuam peb, nws tsis lam yuav cia li siv siv zog nyom kom qhov rooj qhib plho. Nws tos ntshis xav kom peb qhib peb lub siab rau nws, xav kom peb nyiam nws tas siab nrho, xav kom peb muab nws saib ua qhov loj hauv peb lub neej, xav kom peb muab nws ua peb tus phooj ywg zoo; tiam sis nws tso rau peb ua tus xaiv.

    Peb sawv daws yuav luag txhua leej txhua tus, qhov ntau peb muab peb tej kev ntshaw, tej kev khwv, tej kev lom zem kev ua si, tej kev neej kev tsav kev phooj ywg kev noj haus los ua qhov loj nyob hauv peb lub neej. Tej ntawd nyob puv ntom nkaus hauv peb lub siab lub tswv yim thiab peb lub caij, ces HT Yes Xus twb tsis tau ib nyuag qhov chaw zaum los chaw sawv; ib hnub tsaus ntuj peb twb tsis nco txog nws ib nyuag pliag los muaj. Yog zoo li no no peb puas yog ib tug neeg ntseeg tiag?

    Nyob hauv ntawv Qhib Yav TomNtej hais li no:

    Yes Xus khob qhov rooj King-of-kings

    3, 15 Kuv paub koj cov dej num; kuv paub tias koj tsis txias tsis kub(tsis qab tsis tsuag). Kuv xav kom koj yuav kub txawm kub kiag, yuav txias txawm txias kiag!
       16 Tiam sis vim koj nyuag sov ntem ntauv, tsis txias kiag ho tsis kub kiag, kuv yuav muab koj nti tawm hauv kuv lub ncauj mus!
        20 Kuv sawv ntawm no khob qhov rooj tas zog. Yog leej twg hnov kuv hu thiab qhib qhov rooj, kuv yuav chaws mus hauv nws tsev, thiab yuav nrog nws noj mov, nws yuav nrog kuv noj mov.
        21 Tus uas tiv yeej, kuv yuav pub cai rau nws tau nrog kuv zaum ntawm kuv lub theej kiab...


    Raws li cov lus saum no, HT Yes Xus xav kom peb mob siab kub siab ua neeg ntseeg tiag tiag. Yog peb tsis qab tsis tsuag, tsis ciaj tsis tuag xwb ces thaum kawg peb yuav tsis tau nrog nws nyob. Yog li peb leej twg ntshaw kev tau zoo, ntshaw kev kaj siab luag ntxhi nrog Tswv Ntuj yuav tsum tau kub siab mob siab tiag.


    Last edited by Mim on 28th January 2015, 5:50 pm; edited 2 times in total
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    Yes Xus khob qhov rooj Empty Re: Yes Xus khob qhov rooj

    Post  Npuagtub 12th November 2009, 2:20 am

    Sister Mim,

    Wow.......! Koj zaj lus no zoo kawg thiab tseem ceeb heev rau peb sawv daws txhua tus.
    Peb zoo siab thiab thov qhuas koj txoj kev tshaj lij coj tau tej yam zoo tuaj tso rau hauv peb lub tsev no, Koj hais yeej yog lus kawg li, peb sawv daws lam hais tias ua neeg ntseeg no xwb tiam sis hais txog mus teev ntuj hnub chiv mas tsis muaj tus xav mus li, tsuas hais qhov tsis khoom xwb, peb twb qee tsis tau ib teev mus ntsib Tswv Ntuj li es xyov peb lub neej no yuav muab mus suaj kaum rau qhov twg.

    Yog kawg, yog peb coj thiab ua tau li Huab Tais Yes Xus hais mas peb yeej yuav tau raws li nws cov txiaj ntsim tiag, tiam sis peb twb ua tsis tau li 10%. Vim peb muab txhua yam nyob ntiaj teb no saib ua qhov loj thiab tseem ceeb lawm, ces peb thiaj li tsis nco qab txog Tswv Ntuj lawm.

    Feem ntau ntawm peb sawv daws mas peb tos txog thaum peb muaj kev txom nyem los yog tau kev tws lawm tsis pom qab yuav ua zaj twg mas peb mam li nco txog thov Tswv Ntuj pab xwb. Thaum peb tau noj qab nyob zoo, mas peb tsuas nrhiav kev lom zem ua si tas zog xwb. Vim peb lub siab muaj kev xav thiab ntshaw ntau yam coj los rau peb lub neej thiab cev nqaij daim tawv ua neej nyob ntiaj teb no, peb tsis npaj lub neej rau sab ntsuj plig li.
    Kuv xa tias txawm Huab Tais Yes Xus hu peb los peb yuav tsis hnov, thiab txawm peb hnov los peb yuav tsis khoom teb nws li vim nyob hauv peb nruab siab muaj ntau yam dhau lawm.


    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Yes Xus khob qhov rooj Empty Re: Yes Xus khob qhov rooj

    Post  Maiv Tooj 12th November 2009, 5:04 am



    Nyob zoo XH. Npuag Tub thiab Mim,

    Wow...! Neb yuav tham tau zoo ua luaj li. Zoo kawg neb muaj lub laj lim tswv yim zoo qhia cov neeg tsis hnov HT Yes Xus luv suab hu kom tib zoo mloog thiaj hnov. Yog kawg, Yes Xus twb hu yus heev los yus lub siab ntxhov nyho rau txoj kev tsaus ntuj xwb ces yus tsis hnov nws lub suab hu yus kom yus tawm mus rau qhov pom kev.

    Mim,

    Nws mas twj lij heev tiag lauj! Tsim nyog nws ua peb ib leej tij txhawb peb lub siab lub zog. Txhua yam nws yuav ua lub teeb kaj peb txoj hauv kev. Zoo kawg nkaus nws cov zaj lus qhuab qhia peb kom peb txhob yuam kev, peb paub nrhiav Tswv Ntuj tus hneev taw.

    XH. Npuag Tub,

    Cov neeg lawv lauj tsis tau lub caij mus hais lus rau HTN, yog lawv lub siab fab rau tej kev txhawj xeeb. Lawv ntshai txoj kev maub tsaus ntuj ces lawv tsis nco qab hnov HT Yes Xus lub suab hu lawv kom tawm mus rau qhov pom kav, es txhob nyob hauv txoj kev tsaus ntuj, txoj kev ntxhov siab. Cov neeg lawv tsis muaj siab mus teev Ntuj, mus los lam mus kom tag ib txoj hauj lwm xwb. Tsis yog mus tag siab tag ntsws mas yog lawv tseem tsis tau hnov YES XUS khob lawv lub qhov rooj, lawv tsis tau qheb qhov rooj rau Yes Xus los tsev. Lawv thiaj tsis qab siab ntseeg thiab hwm HTN tiag tiag li. Yog hnub twg lawv hnov thiab qheb qhov rooj rau HT Yes Xus los lawv lub tsev lawm mas hnub ntawd lawv mus teev Ntuj los lawv yuav pom tej nuj qes ntawm txoj kev Ntseeg thiab teev Ntuj.


    Yes Xus khob qhov rooj Image005


    Last edited by Maiv Tooj on 6th November 2016, 9:34 am; edited 1 time in total
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Yes Xus khob qhov rooj Empty Re: Yes Xus khob qhov rooj

    Post  Maiv Paj Lug 22nd November 2009, 7:55 am



    Zoo tiag tiag li lauj.....kuv kam nyeem 2 lwm diam vim tias qhia thoob tsib heev, kuv yim nyeem mas nws yim ua rau kuv to taub thiab xav tob heev tuaj.

    Niamlaus Mim, koj muaj Tswv Ntuj nyob nrog koj nraim koj tuaj sau ntawv zoo ua rau peb zoo siab tshaj ntsib nyiaj ntsib kub, kuv zoo siab heev dhau nrhiav tsis tau ib lo lus los qhia nej tias kuv zoo siab npaum cas ces kuv tuaj qhia nej paub tias txhua yam lus nej sau muaj nqis rau kuv tshaj plaws nyiaj thiab kub li lawm no nawb.
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    Yes Xus khob qhov rooj Empty Re: Yes Xus khob qhov rooj

    Post  Npuagtub 22nd November 2009, 10:39 am


    Sister,

    Yog li koj hais kawg., hnub twg peb paub Tswv Ntuj zoo lawm mas peb yeej yuav qhib peb lub siab tos nws txhua lub sij hawm. Tos peb tsis kam qheb peb lub siab rau nws los yog vim peb tseem tsis tau paub nws zoo thiab tsis tau tso siab rau nws tiag, peb tsuas tso siab rau yam peb pom tau xwb ces yam peb tsis tau pom ces peb yuav tsi kam ntseeg 100%, thiab peb kuj yuav tsis kam qhib peb lub qhov rooj rau nws los hauv pev lub tsev thiab.
    Yuav ua li cas peb thiaj li kam qhib peb lub qhov rooj rau HT. Yes Xus..?



    Sponsored content


    Yes Xus khob qhov rooj Empty Re: Yes Xus khob qhov rooj

    Post  Sponsored content


      Current date/time is 28th March 2024, 7:44 am