Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM NRUAB LIS PIAM XYOO I 2016-2017
by Mim Today at 6:17 am

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    KAB KE XA PLIG ntu 2

    Share

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    KAB KE XA PLIG ntu 2

    Post  Maiv Tooj on 6th November 2009, 4:24 am



    KAB KE XA PLIG

    Hmoob Kav Tos Liv

    NTU 2








    KAB KE XA PLIG – NTU OB

    THAWJ NQE KAB KE - NTU 2






    1- Thov Tsoom Leej Ntshiab pab (____):



    NB:

    TC=Tus Coj ( Xib Hwb, Ib tug coj, Txiv Plig)
    SD= Sawv daws

    TC: Tswv Ntuj yog tus tsim tas ib puas tsav yam zoo nyob saum ntuj thiab nyob hauv lub ntiaj teb no, xws li: yam muaj lub cev, txoj sia, tus ntsuj plig, yog Tswv Ntug tug. Tas nrho txhua txhia haiv neeg tshwm sim los nyob hauv lub ntiaj teb thiab peb tsoom poj yawm txwv koob uas sawv daws tau tawm rooj dua nra nram ntej ub los lawm, lawv sawv daws puav leej tau mus nrog Tswv Ntuj nyob hauv nws lub ceeb tsheej. Lawv sawv daws yog tsoom Leej Ntshiab nyob saum ntuj. Peb yuav koom siab ua ke thov kom tsoom Leej Ntshiab pab thov Tswv Ntuj txais N… (hais tus tuag lub npe) mus nyob hauv Tswv Ntuj lub ceeb tsheej.

    TC: Leej Ntshiab Mab Liab aib!
    SD: Koj thov Ntuj rau nws.

    TC: Tas ib tsoom Tshiab nyob saum ntuj aib!
    SD: Nej thov Ntuj rau nws.

    TC: Leej Ntshiab Has Nplas Has aib!
    SD: Koj thov Ntuj rau nws.

    TC: Tas ib tsoom Poj Yawm Txwv Koob His Xas Lais siab ntshiab aib!
    SD: Nej thov Ntuj rau nws.

    TC: Tas ib tsoom Poj Yawm Txwv Koob Ntshiab aib!
    SD: Nej thov Ntuj rau nws.

    TC: Cov Yaj Saub Ntshiab aib !
    SD: Nej thov Ntuj rau nws.

    TC: Leej Ntshiab Zam Ntxuav Plig aib!
    SD: Koj thov Ntuj rau nws.

    TC: Leej Ntshiab Yos Xes aib!
    SD: Koj thov Ntuj rau nws.

    TC: Leej Ntshiab Pob Zeb aib!
    SD: Koj thov Ntuj rau nws.

    TC: Leej Ntshiab Paj Lug aib!
    SD: Koj thov Ntuj rau nws.

    TC: Leej Ntshiab As Nres aib!
    SD: Koj thov Ntuj rau nws.

    TC: Leej Ntshiab Zam aib!
    SD: Koj thov Ntuj rau nws.

    TC: Tas nrho tsoom Hauv Paus Xa Lus siab ntshiab aib!
    SD: Nej thov Ntuj rau nws.

    TC: Tas ib tsoom tim khawv ntshiab aib!
    SD: Nej thov Ntuj rau nws.

    TC: Tas ib tsoom Leej Txiv ntshiab aib!
    SD: Nej thov Ntuj rau nws.

    TC: Tas ib tsoom Leej Niam ntshiab aib!
    SD: Nej thov Ntuj rau nws.




    Zaj nyeem 1: Daniel 12, 1-3.

    Lub caij sawv rov los thiab txiav txim

    1 Txog lub zim txwv ntawd mas
    tus vaj txheeb loj Miv Kas yuav
    sawv los nyob ze koj tsoom pej xeem
    huab hwm. Yuav yog ib lub caij txhawj
    xeeb tshaj plaws uas ib txwm txij thaum
    muaj neeg xeeb los nyob ntiaj teb no tsis
    tau pom dua ib zaug. Lub zim txwv
    ntawd koj tsoom pej xeem uas lawv muaj
    lub npe sau cia rau hauv phau ntawv lawv
    yuav dim.
    2 Cov pw tsaug zog hauv teb chaws plua
    tshauv plua av yuav rov tsim los ntau leej.
    Ib txhia yuav tau txoj sia nyob mus li, ib
    txhia yuav raug poob ntsej muag, raug
    kev txom nyem mus ib txhiab mus ib
    txhis.
    3 Cov kws txawj kws ntse yuav ci ntsa
    iab xws li hauv ntuj ntsa. Cov tau qhia
    txoj kev ncaj kev ncees coob leej yuav ci
    ntsa iab mus ib sid xws li cov hnub qub.

    ( Xaiv lwm zaj kom haum. Piav zaj nyeem ntawd kom haum li lub caij nyoog.)








    2- Vam txog Huab Tais Yes Xus thov kom Leej Txiv zam txhaum:



    TC: Huab Tais Yes Xus, koj thov Leej Txiv rau nws.
    SD: Huab Tais Yes Xus, koj thov Leej Txiv rau nws.

    TC: Kom nws tsis txhob muaj txhaum.
    SD: Huab Tais Yes Xus, koj thov Leej Txiv rau nws.

    TC: Kom nws txhob raug nplua.
    SD: Huab Tais Yes Xus, koj thov Leej Txiv rau nws.

    TC: Kom nws txhob poob rau hauv txoj kev tuag mus li.
    SD: Huab Tais Yes Xus, koj thov Leej Txiv rau nws.

    TC: Kom nws rov ntshiab rov huv tuaj.
    SD: Huab Tais Yes Xus, koj thov Leej Txiv rau nws.




    3- Thov txiaj ntsim koob hmoov ntawm Huab Tais Yes Xus tus cawm seej:




    TC: Huab Tais Yes Xus, thov koj pub txiaj ntsim rau nws.
    SD: Huab Tais Yes Xus, thov koj pub txiaj ntsim rau nws.

    TC: Peb vam txog cov txiaj ntsim tawm ntawm lub hnub nyoog koj yug los.
    SD: Huab Tais Yes Xus, thov koj pub txiaj ntsim rau nws.

    TC: Peb vam txog cov txiaj ntsim tawm ntawm lub hnub nyoog, koj mus tshaj lub Moo Zoo hais txog Tswv Ntuj lub Ceeb Tsheej.
    SD: Huab Tais Yes Xus, thov koj pub txiaj ntsim rau nws.

    TC: Peb vam txog cov txiaj ntsim tawm ntawm lub hnub nyoog, koj txais lub Cim Ntxuav hauv tus dej Yos Las Das.
    SD: Huab Tais Yes Xus, thov koj pub txiaj ntsim rau nws.


    TC: Peb vam txog cov txiaj ntsim tawm ntawm lub hnub nyoog, koj tau txais yeej Xas Tas kev ntxias nyob saum lub Tuam tsev teev Ntuj.
    SD: Huab Tais Yes Xus, thov koj pub txiaj ntsim rau nws.

    TC: Peb vam txog cov txiaj ntsim tawm ntawm lub hnub nyoog, koj raug kev txom nyem.
    SD: Huab Tais Yes Xus, thov koj pub txiaj ntsim rau nws.

    TC: Peb vam txog cov txiaj ntsim tawm ntawm lub hnub nyoog, koj dai saum ntoo cuam.
    SD: Huab Tais Yes Xus, thov koj pub txiaj ntsim rau nws.

    TC: Peb vam txog cov txiaj ntsim tawm ntawm lub hnub nyoog, koj sawv rov los.
    SD: Huab Tais Yes Xus, thov koj pub txiaj ntsim rau nws.

    TC: Peb vam txog cov txiaj ntsim tawm ntawm lub hnub nyoog, koj rov mus lawm pem Ntuj.
    SD: Huab Tais Yes Xus, thov koj pub txiaj ntsim rau nws.

    TC: Peb vam txog cov txiaj ntsim tawm ntawm lub hnub nyoog, koj xa Leej Ntuj Plig nqes los nyob ntiaj teb no.
    SD: Huab Tais Yes Xus, thov koj pub txiaj ntsim rau nws.

    TC: Zaum no txog nws lub caij txiav txim lawm, koj zam rau nws.
    SD: Huab Tais Yes Xus, thov koj pub txiaj ntsim rau nws.





    Lus ntuas: (Nyeem)

    TC: Thaum ub, Tswv Ntuj tsim As Das thiab Es Vas, nws muab av luaj los puab. Thaum nws puab tau tib neeg noob neej lub cev lawm, nws tshuab ib pas ua txoj sia, thiab muab tus ntsuj plig yug neeg lub cev. Ces As Das thiab Es Vas thiaj muaj sia sawv los ciaj neeg. Txij thaum ntawd los, txhua leej txhua tus tib neeg thiaj muaj txoj sia thiab tus ntsuj plig nrog lub cev ua ke nraim. Tab sis, vim noob neej lub keeb tau mus poob rau kev txog kev txhaum loj heev. Zaum no, peb noob neej thiaj txawj mob txawj tuag. Thaum twg yog peb leej tib neeg leej twg txoj sia tu nrho lawm, tshuav tus plig thiaj yuav tsum rov mus cuag tus Tswv tsim. Peb sib sau nyob ntawm no, peb sawv daws ua ke koom suab qhia txoj ncauj ke rau N… (hais tus tuag lub npe) tus ntsuj plig kom paub rov mus cuag nws tus Tswv.






    TC: Plig, uas yog Ntuj me nyuam, koj tso lub ntiaj teb no tseg mog.
    SD: Plig, uas yog Ntuj me nyuam, koj tso lub ntiaj teb no tseg mog.

    TC: Tus Tswv Ntuj muaj hwj huam tag nrho, nws yog koj txiv, nws yog tus tsim koj. Koj tuav txog nws lub npe. Koj cia li mus os.
    SD: Plig, uas yog Ntuj me nyuam, koj tso lub ntiaj teb no tseg mog.

    TC: Huab Tais Yes Xus Pleev, nws yog tus yeem raug txom nyem kom pab koj. Koj tuav txog nws lub npe. Koj cia li mus os.
    SD: Plig, uas yog Ntuj me nyuam, koj tso lub ntiaj teb no tseg mog.

    TC: Huab Tais Leej Ntuj Plig, nws yog tus los tsa tsev nyob hauv koj. Koj tuav txog nws lub npe. Koj cia li mus os.
    SD: Plig, uas yog Ntuj me nyuam, koj tso lub ntiaj teb no tseg mog.

    TC: Tus nkauj tsim txiaj Mab Liab, nws yog koj tus Huab Tais niam. Koj tuav txog nws lub npe. Koj cia li mus os.
    SD: Plig, uas yog Ntuj me nyuam, koj tso lub ntiaj teb no tseg mog.

    TC: Koj hu txog tas ib tsoom Leej Txiv ntshiab thiab ib tsoom Leej Niam ntshiab. Koj tuav txog lawv lub npe. Koj cia li mus os.
    SD: Plig, uas yog Ntuj me nyuam, koj tso lub ntiaj teb no tseg mog.

    TC: Tswv Ntuj lub teb chaws yog lub teb chaws ntshiab, koj yuav tau nyob tiaj nyob tus mus li. Koj tso siab. Koj cia li mus os.
    SD: Plig, uas yog Ntuj me nyuam, koj tso lub ntiaj teb no tseg mog.





    Ntawv Moo Zoo: MT 10, 26-33.
    (Matthew)

    26 "Nej txhob ntshai luag hem ! Vim tsis muaj ib yam npog rawv uas yuav tsis qhib tawm, tsis muaj ib yam zais ntshis uas yuav tsis tawm los rau sawv daws paub.
    27 Tej yam uas kuv hais rau nej hauv qhov tsaus ntuj, nej yuav hais tawm nruab hnub nrig. Hos yam nej hnov ntxhi rau hauv nej pob ntseg, mas nej yuav nce mus tshaj saum ruv tsev.
    28 "Nej txhob ntshai cov neeg tua nej lub cev, tab sis lawv tua tsis tau nej tus plig. Nej yuav ntshai tus muaj peev xwm rhuav nej lub cev thiab tus plig hauv hav hluav taws.
    29 Ob tug noog tsig txhuv, luag tsuas muag tau ib npib xwb. Tsis kav, tsis muaj ib tug poob hauv av tau, yog nej Txiv tsis tso lus.
    30 Nej kuj ib yam li ntawd, tab yog nej cov plaub hau, nej Txiv yeej suav tas huv si lawm.
    31 Nej tsis txhob ntshai dab tsi mog, nej muaj nqis tshaj tej pab tsig txhuv coob coob ua ke.
    32 "Leej twg lees rau sawv daws tias nws paub kuv, mas kuv kuj lees rau kuv Txiv nyob saum Ntuj tias kuv paub nws. 33 Hos tus tsis lees rau sawv daws tias nws paub kuv, kuv kuj yuav tsis lees rau kuv Txiv nyob saum ntuj tias kuv paub nws. (Huab Tais Pleev)









    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: KAB KE XA PLIG ntu 2

    Post  Maiv Tooj on 6th November 2009, 4:31 am




    Lus ntuas: (nyeem)

    TC: Peb leej tib neeg lub neej nyob ntiaj teb no mas ntshaw thiab xav tau tas txhia yam los ua lub cev tug,
    vim lub cev yuav noj yuav hnav, thiab lub siab ntshaw kom muaj nyiaj muaj txiaj siv,
    muaj teb muaj chaw txoos, muaj vaj muaj tsev zoo nyob.
    Thaum tag lub cev lawm tshuav tus ntsuj plig xwb, tus plig yuav rov mus cuag Tswv Ntuj.
    Tswv Ntuj yuav pub tas puas tsav yam rau tus plig kom tau mus so mus li,
    nyob nplua nuj mias nyob saum ntuj lub ceeb tsheej.
    Tus plig tsis yuav tsum coj tej yam uas thaum tseem ua neej nyob lub cev siv no mus siv lawm saum ntuj ceeb tsheej.





    TC: Tav nov, N…… zoo nyiam, koj mus saum Ntuj Ceeb Tsheej. Koj yuav so mus li yuas!
    SD: Tav nov, N…… zoo nyiam, koj mus saum Ntuj Ceeb Tsheej. Koj yuav so mus li yuas!


    TC: Wb xa koj mus rau tus Tswv Ntuj muaj hwj huam tas nrho. Koj sawv li tsees los mus os!
    SD: Tav nov, N…… zoo nyiam, koj mus saum Ntuj Ceeb Tsheej. Koj yuav so mus li yuas!

    TC: Wb xa koj mus nyob hauv tus tsim koj xub ntiag. Koj sawv li tsees los mus os!
    SD: Tav nov, N…… zoo nyiam, koj mus saum Ntuj Ceeb Tsheej. Koj yuav so mus li yuas!

    TC: Wb xa koj mus cuag tus muab av los puab noob neej. Koj sawv li tsees los mus os!
    SD: Tav nov, N…… zoo nyiam, koj mus saum Ntuj Ceeb Tsheej. Koj yuav so mus li yuas!

    TC: Huab Tais Yes Xus Pleev nws yuav txais koj los nyob hauv tsoom hawm nws. Koj yuav pom nws lub ntsej muag hlub koj. Koj sawv li tsees los mus os!
    SD: Tav nov, N…… zoo nyiam, koj mus saum Ntuj Ceeb Tsheej. Koj yuav so mus li yuas!

    TC: Koj yuav tsis paub tsis pom tas ib puas tsav yam nyob hauv lub teb chaws tsaus ntuj. Koj sawv li tsees los mus os!
    SD: Tav nov, N…… zoo nyiam, koj mus saum Ntuj Ceeb Tsheej. Koj yuav so mus li yuas!

    TC: Tus dab phem, Xas Tas, thiab nws cov tub taw yuav khiav mus deb ntawm koj txoj xub ke. Koj sawv li tsees los mus os!
    SD: Tav nov, N…… zoo nyiam, koj mus saum Ntuj Ceeb Tsheej. Koj yuav so mus li yuas!


    Zaj nkauj xaus kev xa plig, ntu ob:



    LUB NEEJ TSHIAB NYOB SAUM NTUJ





    ______________________________________



    Thov Ntuj rau tsev xyom cuab:

    TC: Peb Txiv Tswv Ntuj siab zoo,
    peb thov koj rau tsev xyom cuab uas lawv raug txoj kev ntxhov siab,
    kev quaj ntsuag kev txom nyem, kev tu siab.
    Thov koj pub koj Leej Tswv Ntshiab txoj kev zoo los nplij lawv lub siab,
    los nres lawv txoj kev nyuaj. Koj pab lawv kom rov ua siab loj siab tawv tiv tej kev nyuaj kev ntxhov no.
    Koj pab lawv kom lawv rov nyob kaj siab lug mus li ……Peb vam txog peb tus Huab Tais Yes Xus Pleev.
    SD: Ua li.

    TAS






    Khoom mam tuaj tso zaj nkauj.




      Current date/time is 10th December 2016, 8:59 pm