HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Vaj Qhia teev Ntuj Urbi et Orbi rau ntiaj teb 27-03-2020 Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Yesterday at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


2 posters

    Vaj Qhia teev Ntuj Urbi et Orbi rau ntiaj teb 27-03-2020

    NrhiavTswvNtuj
    NrhiavTswvNtuj
    Tswv Cuab Hmong Catholique
    Tswv Cuab Hmong Catholique


    Messages : 1033
    Date d'inscription : 2009-08-18

    Vaj Qhia teev Ntuj Urbi et Orbi rau ntiaj teb 27-03-2020 Empty Vaj Qhia teev Ntuj Urbi et Orbi rau ntiaj teb 27-03-2020

    Post  NrhiavTswvNtuj 27th March 2020, 10:02 pm

    Hnub Friday tim 27/03/2020 Vaj Qhia teev Ntuj tshwj xeeb rau sab foob Covid 19, kis thoob ntiaj teb thiab nws ua lub Cim Daws Txhaum ntawm Basilique Saint Pierre, Vatican rau tsoom ntseeg thoob ntiaj teb koom raws cab sab.

    Lawv coj tus Ntoo Cuam Hwj Huam Yees Ntxwv hauv lub tsev teev Ntuj San Marcelo, Rome. Tau pab lub nroog dim Aws Dub thaum 1552. Zaum no Txiv Vaj Qhia coj los rau ntawm Basique Saint Pierre, Vatican hnub 27/03/2020 . Thov Ntuj pab lub ntiaj teb raug kab mob Corona virus.

    Vaj Qhia teev Ntuj Urbi et Orbi rau ntiaj teb 27-03-2020 90388310



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Vaj Qhia teev Ntuj Urbi et Orbi rau ntiaj teb 27-03-2020 Empty Re: Vaj Qhia teev Ntuj Urbi et Orbi rau ntiaj teb 27-03-2020

    Post  Maiv Tooj 8th April 2020, 7:37 am





    Tus Ntoo Cuam lub tsev teev Ntuj Saint Marcello al Corso
    Hwj Huaj uas cawm tau Rome tsis tuag aws.


    Vaj Qhia teev Ntuj Urbi et Orbi rau ntiaj teb 27-03-2020 Ob_da711


    Lub tsev teev Ntuj Saint Marcello al Corso yog ib lub tsev teev Ntuj me me qub qub uas yog Vaj Qhia Marcello 1 ua thaum Tiam IV. Vaj Qhia raug Maxence ntes kaw tsev loj faj thiab tsim txom ua qhev nyhav nyhav ua rau nws tuag kus. Nws lub cev muab faus rau hauv lub tsev teev Ntuj no.

    Vim li cas thiaj yog ib tug Ntoo Cuam Hwj Huam Yees Ntxwv ?

    Hmo tim 22-23 lub 5 hlis 1519, lub tsev teev Ntuj kub nyhiab ua hluav tag. Taig kis sawv ntxov tsoom ntseeg tuaj saib lub tsev teev Ntuj kub ua hluav ncho ncho pa. Cas tus Ntoo Cuam ntoo uas nyob ntawm Thaj Txi Ntuj sab ped tsis kub nyhiab, thiab lub teev tsav ntawm taw kub ua quav tag tab sis tus nplaim teeb tseem cig li qub.

    Lawv thiaj li qw ntsoo qees tias yog ib qho hwj huam yees ntxwv ces cov muaj siab thiaj li sib sau teev Ntuj txhua hnub Rau ( Friday) thiab taws teeb rau ntawm taw Ntoo Cuam. Li ntawd los ces thiaj li xeeb tau uas tus Ntoo Cuam Ntshiab ntawm Rome.

    Tab sis tsis yog thawj qhov hwj huam yees ntxwv uas tus Ntoo Cuam ua xwb, xyoo 1522, muaj tuag aws loj heev hauv lub nroog Rome, tuag ntau heev txog qhov lawv ntshai tsam cov neeg nyob Rome tu noob kiag.

    Tag kev cia siab ces cov Tij tub txib Mab Liab (les frères des serviteurs de Marie) thiaj li txiav txim siab kw tus Ntoo Cuam Hwj Huaj ua kev them txim ntawm tsev teev Ntuj Saint Marcello mus rau tom tsev teev Ntuj Saint Pedro. Cov nom tswv ntshai tsam sib kis mob ces lawv thiaj li txwv tsis pub tsoom ntseeg nquam tus Ntoo Cuam taug kev, vim kev txhawj xeeb loj ces thiaj li muab Tswv Ntuj tus duab rau tsheb (tsheb nees) mus ncig tag nrho cov kev hauv nroog Rome uas cov neeg hu nkauj cav txog Tswv Ntuj txhua qhov uas tus Tswv Ntuj mus txog.

    Nquam tus Ntoo Cuam nov tau ntau hnub thiaj li thoob cov kev hauv nroog Rome tag nrho. Thaum tus Ntoo Cuam rov los txog rau nws qhov chaw qub, lub tsev teev Ntuj Saint Marcello aws cia li tu nrho, tsis tau ua rau Rome tu noob.

    Txhua xyoo Ntshiab Jubilé txij xyoo 2000 los Txiv Tswv Qhia coj tus Ntoo Cuam Hwj Huaj nov los rau ntawm lub Thaj Txi Ntuj Daws Txhaum ntawm Tuam Tsev teev Ntuj Pob Zeb, Vatican. Txiv Vaj Qhia Zam Paj Lug 2 ua "Hnub Zam Txhaum" ntawm tus Ntoo Cuam hwj huaj nov thiab.

    Hnub tim 15/03/2020
    Vaj Qhia François tau fij sab foob, aws Corona virus thoob ntiaj teb rau tus Ntoo Cuam Ntshiab pab tshem kom ploj mus.

    Hnub Chiv Hla tom ntej nov, tim 12/04/202 nov thaum 12am tav su, xuab moo Rome,
    Txiv Vaj Qhia yuav rov ua Bénédiction Urbi thiab Orbi, yog ib qho kev Foom Hmoov Zoo tseem ceeb.


    Yog koj khoom no mus saib thiavb koom tau hauv KTO

    Youtube los yog TV en direct ua lus fab kis.


    Cov ua lus aas kiv yog lub site:

    Catholic Media
    @catholicmedias


    Vaj Qhia teev Ntuj Urbi et Orbi rau ntiaj teb 27-03-2020 0-15-110

    Vaj Qhia teev Ntuj Urbi et Orbi rau ntiaj teb 27-03-2020 Afpmar10
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Vaj Qhia teev Ntuj Urbi et Orbi rau ntiaj teb 27-03-2020 Empty Re: Vaj Qhia teev Ntuj Urbi et Orbi rau ntiaj teb 27-03-2020

    Post  Maiv Tooj 8th April 2020, 8:06 am


    Keeb kwm lub Thawj tsev teev Ntuj fij rau
    Niam Mab Liab Tswv Ntuj leej NIam.
    Sainte Marie Majeure nyob Rome.


    Vaj Qhia teev Ntuj Urbi et Orbi rau ntiaj teb 27-03-2020 13-jpg10

    Vaj Qhia teev Ntuj Urbi et Orbi rau ntiaj teb 27-03-2020 Sainte11

    Vaj Qhia teev Ntuj Urbi et Orbi rau ntiaj teb 27-03-2020 Salus-10


    Vaj Qhia teev Ntuj Urbi et Orbi rau ntiaj teb 27-03-2020 10166410

    Hmo tim 4-5 lub 8 hlis xyoo 358 (lub 8 hli mas yog lub caij uas kub tshaj nyob Italie teb), Vaj Qhia Libère ua npau suav NIam Mab Liab los hais rau nws tias: "Taig kis yog los daus rau qhov twg no ces koj tsa ib lub tsev teev Ntuj rau kuv nyob qhov chaw ntawd". Taig kis Vaj Qhia tsim los saib cas los daus dawb paug rau saum lub ncov roob l'Esquilin. Tam sim ntawd muaj ib tug yawg nplua nuj neeg los mas npe hu ua Jean no tuaj tib qho chaw ntawd thiab, nws kuj hais tias nws ua npau suav tib yam li Vaj Qhia Libère thiab. Ces Vaj Qhia thiab Jean nkawd thiaj li mus ntsuas qua tsev rau qhov chaw daus meem ntawd los ua thawj lub tsev teev Ntuj fij rau Niam Mab Liab. Yog Jean thiab nws poj niam nkawd ua ob tug tshwm nyiaj los ua. Tom qab no nkawd tuag muab nkawd tso rau hauv qab tsev teev Ntuj, niaj hnub no nkawd lub hleb tseem nyob thiab sau hnub nkawd tuag tib si.

    Keeb kwm daim Icône Mab Liab Salus populi romani.
    Raws li dab neeg hais txog daim duab Mab Liab Salus populi romani loj 117x79cm.
    Yog Kws Ntawv Moo Zoo Lus Kas ua tus kos rau ntawm daim txiag ntoo ciab uas Yes Xus tws thaum Nws nrog Yos Xes ua ntoo ua ke. Yog Sainte Hélène, Vaj Txheeb Constantin niam nqa tim Yes Lus Xas Les los mus rau Constantinople Tiam IV.


    Vaj Qhia teev Ntuj Urbi et Orbi rau ntiaj teb 27-03-2020 Salut_10

    Daim duab Mab Liab ua Hwj Huam Yees Ntxwv.

    Xyoo 590, muaj tuag aws loj heev nyob Rome, tsis pom qab ua li cas ces Vaj Qhia Grégoire le Grand thiaj li txiav txim siab ua kev Daws Txhaum nquam Niam Mab Liab daim duab ntawm Capitole mus rau ntawm Basilique Saint Pierre thov kom Niam Mab Liab thov Ntuj rau Rome.  Thaum lawv nquam daim duab Mab Liab tuaj txog ntawm ntug dej Tibre ze ntawm lub vaj loog château Saint Ange, txawm muaj ib cov Tshiab nqes los sawv ncig daim duab Mab Liab thiab hu zaj nkauj "Regina coeli laetare, alleluia" ncig saum daim duab:  

    Regina caeli laetare, alleluia
    Regina Cœli, laetare,
    alleluia,quia quem meruisti portare,
    alleluia.Resurrexit, sicut dixit, alleluia.
    Ora pro nobis Deum, alleluia

    Zoo siab mog-Mab Liab, Poj Vaj nyob saum Ntuj,.


    Marie Reine du ciel réjouis-toi

    Reine du ciel, réjouissez-vous, alléluia
    car Celui que vous avez mérité de porter dans votre sein, alléluia
    est ressuscité comme Il l'a dit, alléluia
    Priez Dieu pour nous, alléluia.

    Li ntawd thiaj li xeeb muaj zaj nkauj Regina caeli laetare txij thaum ntawd los hauv lub Koom Txoos.

    Cov Tshiab hu nkauj tag ces Leej Ntshiab Miv Kais Es (Saint Michel Archange) ho tshwm rau saum ruv tsev Château tab tom yuav ntxig nws rab ntaj rau hauv hnab, txhais tias Tswv Ntuj hnov tsoom ntseeg cov lus thov, ces mob aws yuav zoo tsis tuag ntxiv lawm. Li ntawd aws cia li zoo hlo ntawm Rome tam sim ntawd. Thiaj li muab lub vaj looj nov tis npe hu ua "Château Saint Ange".

    Li ntawd  Hnub Chiv Hla tom ntej nov, tim 12/04/202 nov thaum 12am tav su, xuab moo Rome,
    Txiv Vaj Qhia tseem yuav rov muab daim Icône Mab Liab nov thiab tus Rome Ntoo Cua Hwj Huaj rov los ua Bénédiction Urbi thiab Orbi dua.
    Yog ib qho kev Foom Hmoov Zoo tseem ceeb.

    Yog koj khoom no mus saib thiavb koom tau hauv KTO

    Youtube los yog TV en direct ua lus fab kis.

    Cov ua lus aas kiv yog lub site:

    Catholic Media
    @catholicmedias


    Vaj Qhia teev Ntuj Urbi et Orbi rau ntiaj teb 27-03-2020 Saint_10

    Vaj Qhia teev Ntuj Urbi et Orbi rau ntiaj teb 27-03-2020 Chatea11


    REGINA CAELI LAETARE,
    Antifona gregoriana, Schola Gregoriana Mediolanensis,
    direttore Giovanni Vianini, Milano, Italia


    Sponsored content


    Vaj Qhia teev Ntuj Urbi et Orbi rau ntiaj teb 27-03-2020 Empty Re: Vaj Qhia teev Ntuj Urbi et Orbi rau ntiaj teb 27-03-2020

    Post  Sponsored content


      Current date/time is 28th March 2024, 6:28 pm