Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

ZOS ROOB NYUJ QUS 1956 NTAWV HMOOB THOOB TEB LUB HAUV PAUS.

Gallery


2018 MUS TEEV NTUJ tim DAIM AV NTSHIAB (Israël) - Page 2 Empty

Latest topics

» UA KOOB TSHEEJ YES XUS YUG LOS XYOO 2018
by Mim 24th May 2019, 9:06 am

» COV ZAJ NYEEM HNUB CHIV 2018-2019 xyoo C
by NrhiavTswvNtuj 23rd May 2019, 7:41 am

» Qhia Ntuj Kev Cai.
by Maiv Tooj 23rd May 2019, 7:28 am

» XH. Yaj Zoov Ntxheb lub Tsev THOOB TSIB
by Maiv Tooj 23rd May 2019, 7:22 am

» XH.Zoov Ntxheb Yaj Nthuav Ntawv Ntshiab.
by Maiv Tooj 23rd May 2019, 7:18 am

» KEV THOOB TSIB & ZAJ NKAUJ SEEV
by Maiv Tooj 16th May 2019, 10:10 pm

» NTUJ MUAJ TXIAJ NTSIM LOJ RAU HMOOB.
by Maiv Tooj 9th May 2019, 6:52 am

» LUB KOOM HAUM KAS TOS LIV.
by Maiv Tooj 3rd May 2019, 8:32 am

» PIAV TXOG THAWJ TUG DAB PHEM.
by Maiv Tooj 25th April 2019, 6:34 am

» QHIA TXOG HUAB TAIS 6 TEEV NTSHAV.
by Maiv Tooj 25th April 2019, 6:31 am

» TUS NTSEEG YES XUS YUAV TSUM UA NEEG PAUB TAB.
by Maiv Tooj 25th April 2019, 6:22 am

» Thov Ntuj rau cov neeg mob TSWV NTUJ LO LUS TAWM TUAJ.
by Maiv Tooj 25th April 2019, 5:51 am

Suav neeg tuaj saib, txij hnub 17/09/2010 los mus.


    2018 MUS TEEV NTUJ tim DAIM AV NTSHIAB (Israël)

    Tub Kawm
    Tub Kawm
    Phooj Ywg
    Phooj Ywg

    Messages : 424
    Date d'inscription : 2011-10-13

    2018 MUS TEEV NTUJ tim DAIM AV NTSHIAB (Israël) - Page 2 Empty Re: 2018 MUS TEEV NTUJ tim DAIM AV NTSHIAB (Israël)

    Post  Tub Kawm on 1st January 2019, 5:57 pm

    Zoo heev os niam hlob koj sau tas no kuv yuav muab coj mus copy los ua ib daim ntawv rau peb tau saib os.




    2018 MUS TEEV NTUJ tim DAIM AV NTSHIAB (Israël) - Page 2 Colomb11

    Ua tsaug ntau rau koj  tuaj saib peb lub Tsev Forum hmong Catholic  no.
    Thov Leej Ntuj Plig Ntshiab tuaj tshoj koj lub siab kom koj to taub Tswv Ntuj cov lus.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5668
    Date d'inscription : 2009-08-18

    2018 MUS TEEV NTUJ tim DAIM AV NTSHIAB (Israël) - Page 2 Empty Re: 2018 MUS TEEV NTUJ tim DAIM AV NTSHIAB (Israël)

    Post  Maiv Tooj on 2nd January 2019, 7:07 am


    Tub Kawm,

    Nov mas kuv ua thawj zaug ces kuv tsuas ua raws Ntawv Ntshiab xwb kuv tsis tau ntxiv ntau yam uas tsis nyob hauv Ntawv Ntshiab rau vim ib leeg xwb ces ua tsis tau li siab xav. Luag pej kum neeg mas luag twb ua tau ntau txheej ntau tiam los lawm ces luag ua tau meej heev li. Tab sis li cas los yog kuv pib thawj kauj ruam lawm ces twb yog ib qho zoo dua uas tsis muaj li. Kuv pom luag tej lwm haiv neeg ua tau zoo zoo, txhij txhij mas mob kuv siab kawg li tiag.

    Ua li, cia kuv ua tag koj mam li muab khaws mus ua puav pheej tshaj rau lwm tus ntxiv. Thov Tswv Ntuj foom koob hmoov rau koj tus muaj siab tshaj Tswv Ntuj lub Moo Zoo. Tswv Ntuj yuav pub phaj tshab txiaj ntsim rau koj mog.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5668
    Date d'inscription : 2009-08-18

    2018 MUS TEEV NTUJ tim DAIM AV NTSHIAB (Israël) - Page 2 Empty Re: 2018 MUS TEEV NTUJ tim DAIM AV NTSHIAB (Israël)

    Post  Maiv Tooj on 4th January 2019, 7:07 am



    Kas Fas Nos.

    Kas Fas Nos yog cov puav ntses ntawm qaum ntug pas dej Tis Npes Lias lub zos uas Pob Zeb nyob.  Yog thaj chaw uas Yes Xus xub xub tuaj tshaj Ntuj Lus thiab hu Nws 5 tug Thwj Tim hloov siab los txais kev ntseeg xws li:  As Nres, Pob Zeb, Zam thiab Yas Kos uas yog Ntxes Npes Dais tub thiab Mas Tais los yog Les Vis.  Yes Xus tseem qhia txog cov Mov yug Txoj Sia uas yog lub Cim Yug thiab nws kho tus tuag ceg zoo ua lub cim daws txhaum.

    2018 MUS TEEV NTUJ tim DAIM AV NTSHIAB (Israël) - Page 2 Vestig10

    Cov phab siab qua tsev tsheej thaum Pob Zeb lawv nyob zoo li nov.
    Lub zos nov tsis tau nrhuav ua tshiab li, cov qua tsev yeej yog cov thaum chiv keeb.

    Hu thawj plaub leeg thwj tim.
    Lus Kas: 5,1 - 11.

    1    Muaj  ib  zaug,  thaum  Yes  Xus
    nyob  ntawm  ntug  pas  dej  Nkes  Nes
    Xas Les, ib pab neeg coob sib txiv mloog
    Tswv  Ntuj  Lo  Lus  ntawm  nws.    2    Yes
    Xus  pom  ob  lub  nkoj  nres  ntawm  ntug
    dej.   Cov  tub  puav  ntses  nqes  nkoj  tas  

    lawm,  lawv  ntxuav  lawv  cov  vas.  3  Yes
    Xus  nce  mus    hauv  ib  lub  nkoj,  yog  Xis
    Moos  lub,  nws    kom  Xis  Moos  nquam
    nkoj  mus  deb  ntawm  ntug  dej  me  ntsis.  
    Yes Xus zaum hauv nkoj qhia tsoom sid.
    4    Thaum  Yes  Xus  hais  lus  tas,  nws  hais
    rau Xis Moos tias :  
    "Koj nquam nkoj mus lawm tom qhov dej
    tob,  nej  tso  nej  cov  vas  nqes  mus  puav ntses."  
    5  Xis Moos teb tias :  
    "Xib Hwb, peb twb khwv ib hmos tsis tau
    dab  tsi.    Tab  sis  yog  vim  koj  hais,    mas
    kuv  yuav pov cov vas nqes mus."  
    6    Ces  lawv  pov  vas.    Lawv  puav  tau
    ntses  ntau  kawg  ua  lawv  cov  vas  ntuag
    kiag.  7  Lawv co tes rau cov npawg nyob
    lwm  lub  nkoj  kom  tuaj  pab.    Cov  npawg
    tuaj txog, sawv daws muab ntses ntim rau
    ob lub  nkoj puv nkaus, ua nkoj  yuav luag tog.  
    8    Xis  Moos  Pob  Zeb  pom  li  ntawd,  nws
    txhos caug ntua pe Yes Xus, nws hais tias  
    "Huab  Tais,  koj  txav  mus  deb  kuv,  vim
    kuv yog ib tug neeg txhaum."  
    9    Xis  Moos  ntshai  kawg,    cov  nrog  Xis
    Moos  ua  ke  puav  leej  ntshai,  vim  lawv
    puav  tau  ntses  ntau.    10    Yas  Kos  thiab
    Zam,  uas  yog  Ntxes  Npes  Dais  ob  tug
    tub,  thiab  yog  Xis  Moos  ob  tug  npawg,
    nkawd kuj ntshai kawg.  Yes Xus hais rau
    Xis Moos tias :  
    "Koj  txhob  ntshai,  txij  no  mus,  koj  yuav puav neeg."  
    11    Ces  lawv  nquam  nkoj  los  rau  tim
    ntug.  Lawv  tso  tas  ib  puas  tsav  yam  tseg,
    lawv raws Yes Xus mus.


    2018 MUS TEEV NTUJ tim DAIM AV NTSHIAB (Israël) - Page 2 Jesus_11

    2018 MUS TEEV NTUJ tim DAIM AV NTSHIAB (Israël) - Page 2 Caphar11

    Lub Synagogue ( Tsev Txoos) uas thaum Yes Xus qhia kev cai thiab kho tus tuag ceg zoo
    tag uas Nws tawm los rau tom Pob Zeb tsev los kho Pob Zeb niam tais zoo.
    Cov pob zeb ntawm tog tsev Txoos yog cov neeg cov qua tsev.





    Pob Zeb lub tsev ces nyob kiag ntawm lub Tsev Txoos (tsev teev Ntuj) qhov rooj kiag.

    Yes  Xus  kho  Xis  Moos  niam  tais zoo.   MK: 1, 29 - 39.
    29    Tam  sim  ntawd,  Yes  Xus  tawm  hauv
    tsev  txoos,  nws  nrog  Yas  Kos  thiab  Zam
    nkawd  mus  hauv Xis Moos thiab As Nres
    nkawd  tsev.   30  Xis Moos niam tais mob
    kub  cev,  nws  pw  saum  txaj.    Tam  sim
    ntawd,  lawv  tham  txog  tus  niam  tais  rau
    Yes    Xus  paub.    31    Yes  Xus  txav  los
    tuav  niam  tais  txhais  tes,  tsa  nws  sawv.  
    Tus mob kub cev cia li thim hlo.  Ces nws tsob hwb lawv.  

    32    Yav  tsaus  ntuj,  thaum  lub  hnub  poob
    qho  lawm,  sawv  daws  coj  tas  nrho  cov
    neeg  mob  thiab  cov  raug  dab  huv  si  tuaj
    rau Yes Xus. 33  Tas lub nroog sau nthwv
    tuaj nyob ua ke ntawm nws qhov rooj.   34
    Yes  Xus  kho  neeg  coob  coob,  cov  uas
    nyias   raug   nyias   hom  mob,  thiab  nws
    tseem  ntiab  ntau  tus  dab  tawm.    Nws  tsis
    pub  dab  hais  lus  li,  vim  cov  dab  paub nws.
    Yes  Xus  tawm  twj  ywm  hauv  Kas

    35  Thaum sawv ntxov, thaum tseem tsaus
    ntuj  nti,  Yes  Xus  sawv,  nws  tawm  mus
    rau  ib  qho  chaw  tsis  muaj  neeg,  ces  nws
    teev Ntuj nyob ntawd. 36  Xis Moos thiab
    nws  cov  npawg  raws  Yes  Xus  qab.    37  
    Thaum  lawv  nrhiav  tau  Yes  Xus,  lawv
    hais rau nws tias :  
    "Sawv daws nrhiav koj."  
    38  Yes Xus hais rau lawv tias :  
    "Peb  mus  lwm  qhov  chaw,  hauv  cov  zej
    zog  nyob  tsis  deb  ntawm  no, kom kuv tau
    kev  tshaj lus nyob ntawd thiab, yog vim li
    ntawd, kuv thiaj tawm tuaj".  
    39    Ces  Yes  Xus  mus  thoob  lub  xeev
    Nkas  Lis  Lais,  nws  tshaj  lus  nyob  hauv
    cov tsev txoos, thiab nws ntiab dab phem.  

    2018 MUS TEEV NTUJ tim DAIM AV NTSHIAB (Israël) - Page 2 1200px10

    Daim duab nov ces yog tuaj tom lub Tsev Txoos qhov rooj ntsia tuaj rau ntawm Pob Zeb tsev kiag.

    2018 MUS TEEV NTUJ tim DAIM AV NTSHIAB (Israël) - Page 2 Img_2092

    2018 MUS TEEV NTUJ tim DAIM AV NTSHIAB (Israël) - Page 2 Img_2093

    2018 MUS TEEV NTUJ tim DAIM AV NTSHIAB (Israël) - Page 2 Arc_1610

    Pob Zeb lub tsev nyob kiag ntawm lub Tsev Txoos, Synagogue, qhov rooj.
    Zaum no lawv ua ib lub tsev teev Ntuj tshooj kiag Pob Zeb lub qua tsev.

    2018 MUS TEEV NTUJ tim DAIM AV NTSHIAB (Israël) - Page 2 Pb4-2010

    Kem tsev uas Pob Zeb tswj tseg rau Yes Xus.


    Zam 6,25-29 Cov mov pub txoj sia.

    25  Lawv tuaj nrhiav tau Yes Xus rau sab
    ntug dej tid, lawv hais rau nws tias :  
    "Las  Npis,  thaum  twg  koj  tuaj  ntawm  no lawm ?"

    26  Yes Xus teb rau lawv tias :  
    "Kuv  hais  qhov  tseeb  tiag  rau  nej  :  Nej
    nrhiav kuv, tsis yog vim nej tau pom ib co
    cim, yog vim nej tau noj  cov  ncuav mov
    tsau nej plab.  27  Nej txhob ua hauj lwm
    nrhiav cov txhiam xws txawj ploj.  Nej ua
    hauj lwm nrhiav cov txhiam xws pub txoj
    sia  nyob  mus  li.    Cov  txhiam  xws  ntawd
    yog cov uas Neeg Leej Tub yuav pub rau
    nej.    Vim  nws  yog  tus  uas  Leej  Txiv
    Tswv Ntuj ntaus thwj rau."  
    28  Lawv hais rau Yes Xus tias :  
    "Peb  yuav  ua  dab  tsi,  peb  thiaj  ua  tau
    Tswv Ntuj cov hauj lwm ?"  
    29    Yes  Xus  teb  rau  lawv  hais  tias  :
    "Tswv Ntuj txoj hauj lwm  yog zoo  li  no :  
    Kom nej ntseeg txog tus nws xa tuaj."


    2018 MUS TEEV NTUJ tim DAIM AV NTSHIAB (Israël) - Page 2 Img_2095


    Yes  Xus  kho  ib  tug  tuag  ceg  zoo.  
    MK: 2, 1 - 12.

    1    Ob  peb  hnub  tom  qab,  Yes  Xus
    rov  los  hauv  Kas  Fas  Naus,    sawv
    daws  paub  tias  Yes  Xus  nyob  hauv  tsev.  
    2   Ces neeg tuaj sib sau coob coob ua ke,
    tsis tshuav chaw seem ntawm qhov rooj li.  
    Yes  Xus  qhia  Lo  Lus  rau  sawv  daws.    3  
    Muaj  plaub  leeg  nqa  ib  tug  tuag  ceg  tuaj
    rau Yes Xus.  4  Lawv tsis tau kev nqa tus  
    tuag  ceg  los  rau  Yes  Xus  vim  neeg  coob
    dhau,  ces  lawv  yaws  lub  ruv  tsev  ncaj
    qhov  chaw  Yes  Xus  nyob,  lawv  tho  qhov
    saum ruv tsev,  lawv dauv lub txaj uas tus
    tuag  ceg  pw  nqes  los.    5    Yes  Xus  pom
    lawv  lub  siab  ntseeg,  nws  hais  rau  tus tuag ceg tias :  
    "Me   kwv,   koj   cov   txhaum   daws   tas lawm."  
    6    Muaj  ib  co  kws  Ntawv  Ntshiab  nrog
    tsoom  neeg  zaum  nyob  ntawd,  lawv  xav
    hauv nruab siab tias :  
    7  "Tus neeg ntawd hais dab tsi li ntawd ?  
    Nws  thuam  Ntuj  !    Leej  twg  thiaj  daws
    txhaum  tau  ?    Tsuas  kawg  Tswv  Ntuj  tib leeg xwb."  
    8    Tab  sis  Yes  Xus  lub  tswv  yim  paub
    tam  sis  ntawd  tias  lawv  xav  qhov  ntawd
    hauv siab, nws thiaj hais rau lawv tias :  
    "Ua  cas  nej  xav  tej  zaj  zoo  li  no  hauv  nej
    siab  ?  9  Lo lus twg yog lo hais yooj yim
    dua  rau  tus  tuag  ceg  :  Yog  lo  tias    'Koj
    cov  txhaum  daws  tas',    los  yog  lo  tias  :
    ‘Koj  sawv,  nqa  koj  lub  txaj,  koj  mus’  ?  
    10    Ua  li  mas,    nej  yuav  paub  tias  Neeg
    Leej  Tub  muaj  hwj  huam  daws  txhaum
    tau nyob ntiaj teb no."  
    Ces Yes Xus hais rau tus tuag ceg tias :  
    11    "Kuv  hais  rau  koj,  koj  sawv,  nqa  koj
    lub txaj, koj rov mus tsev."  

    12  Tus tuag ceg sawv tsees.  Nws nqa hlo
    nws lub txaj tam sim ntawd, nws hla sawv
    daws xub ntiag tawm mus. Cov neeg nyob
    ntawd yoob tas, lawv cav txog Tswv Ntuj,
    thiab lawv hais tias :  
    "Peb tsis tau pom dua ib yam zoo li ntawd
    ib zaug li."

    Yes Xus hu Les Vis ( Mas Tais).  MK:2 ,13 - 14.
    13  Yes Xus rov qab tawm mus taug ntug
    dej ntuj, tas tsoom sid tuaj ntsauv nws, ces
    nws qhia lawv.  
    14    Yes  Xus  mus  ntxiv.    Nws  pom  Les
    Vis,  uas  yog  As  Fas  Yos  tus  tub.  Les Vis
    zaum ntawm rooj sau se, ces Yes Xus hais
    rau Les Vis tias :  
    "Koj los raws kuv."  
    Les Vis sawv, nws raws Yes Xus mus.

    Yes Xus nrog cov neeg txhaum noj
    mov.  MK 2 : 15 - 17


    15  Thaum Yes Xus noj mov hauv Les Vis
    tsev,    mas  muaj  ib  co  sau  se  thiab  ib  co
    neeg txhaum coob nrog Yes Xus thiab cov
    thwj  tim  noj  mov  :  vim  cov  sau  se  thiab
    cov  neeg  txhaum  coob  coob  raws  Yes
    Xus.    16    Cov  kws  Ntawv  Ntshiab  uas
    yog  togFas  Lis  Xais  pom  Yes  Xus  nrog
    cov  neeg  txhaum  thiab  cov  sau  se  noj
    mov, lawv hais rau cov thwj tim tias :  
    "Vim li cas nws nrog cov sau se thiab cov
    neeg txhaum noj mov ?"  
    17    Yes  Xus  hnov,  nws  hais  rau  lawv   tias :  
    "Tsis yog cov neeg noj qab nyob zoo yuav
    vam  txog  kws  kho  mob,  yog  cov  neeg
    mob.  Kuv  tsis  tuaj  hu  cov  neeg  ncaj,  kuv
    tuaj hu cov neeg txhaum."


    Last edited by Maiv Tooj on 16th January 2019, 6:27 am; edited 3 times in total



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5668
    Date d'inscription : 2009-08-18

    2018 MUS TEEV NTUJ tim DAIM AV NTSHIAB (Israël) - Page 2 Empty Re: 2018 MUS TEEV NTUJ tim DAIM AV NTSHIAB (Israël)

    Post  Maiv Tooj on 7th January 2019, 6:56 am


    TUS YUAM SIJ QHEB ROOJ NTUG.

    2018 MUS TEEV NTUJ tim DAIM AV NTSHIAB (Israël) - Page 2 49637410

    2018 MUS TEEV NTUJ tim DAIM AV NTSHIAB (Israël) - Page 2 49629710

    Qhov chaw Yes Xus muab tus Yuam Sij qheb Rooj Ntug rau Pob Zeb.

    Pob Zeb lees ntseeg. Yes Xus tsa
    Pob Zeb ua tus coj. MT: 16,13 - 20.


    13 Yes Xus tuaj txog cheeb tsam ntawm
    Xes Ntxas Les Fis Lis Pos, ces nws nug
    cov thwj tim li no :
    "Luag tej hais tias Neeg Leej Tub yog leej twg ?"
    14 Lawv teb tias :
    Ib txhia hais tias : Yog Zam Ntxuav Plig.
    Ib txhia hais tias, yog Es Lias. Tseem
    muaj lwm cov hais tias yog Yes Les Mias
    los yog ib tug hauv cov yaj saub. Yes Xus hais tias :
    15 "Nej ne, nej hais tias kuv yog leej twg ?"
    16 Xis Moos Pob Zeb teb tias :
    "Koj yog Leej Pleev, yog tus Tswv Ntuj
    Muaj Txoj Sia Leej Tub."
    17 Yes Xus teb rau Pob Zeb tias : "Xis
    Moos, Yos Nas tus tub, koj txoj hmoov
    zoo, vim qhov koj paub no, tsis yog nqaij
    thiab ntshav qhia koj. Yog kuv Txiv nyob
    saum ntuj qhia koj. 18 Ua li mas kuv
    hais rau koj : Koj yog Pob Zeb, kuv yuav
    txhim kuv lub Koom Txoos rau saum lub
    pob zeb no. Dab phem teb cov qhov rooj
    yuav tiv tsis taus lub pob zeb no. 19 Kuv
    yuav muab Ntuj lub Ceeb Tsheej cov
    yawm sij rau koj. Koj khi yam twg nyob
    ntiaj teb no, Ntuj yuav saib yam ntawd
    yog khi nyob saum ntuj. Koj daws yam
    twg nyob ntiaj teb no, Ntuj yuav saib yam
    ntawd yog daws nyob saum ntuj."
    20 Ces Yes Xus txwv cov thwj tim tsis
    pub qhia leej twg tias nws yog Leej Pleev




    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5668
    Date d'inscription : 2009-08-18

    2018 MUS TEEV NTUJ tim DAIM AV NTSHIAB (Israël) - Page 2 Empty Re: 2018 MUS TEEV NTUJ tim DAIM AV NTSHIAB (Israël)

    Post  Maiv Tooj on 7th January 2019, 8:41 am

    Ntses Pob Zeb.

    Cov ntses peb noj nov yog hom ntses uas thaum ub lawv sau se rau tsev teev Ntuj es Huab Tais Yes Xus tsis muaj nyiaj them ces nws kom Pob Zeb mus cuab ib tug, kom rua hauv  qhov ncaujj muaj ib lub txiaj 4 drachmes muab them se Tsev teev Ntuj rau Yes Xus thiab Pob Zeb. Lawv tis npe hu ua Ntses Pob Zeb.

    2018 MUS TEEV NTUJ tim DAIM AV NTSHIAB (Israël) - Page 2 Img_2096

    2018 MUS TEEV NTUJ tim DAIM AV NTSHIAB (Israël) - Page 2 Img_2097

    2018 MUS TEEV NTUJ tim DAIM AV NTSHIAB (Israël) - Page 2 Img_2098

    Yes Xus thiab Pob Zeb nkawd them
    se rau lub Tuam Tsev Teev Ntuj. MT: 17, 22 - 27.

    22 Muaj ib zaug Yes Xus lawv rov los
    Nkas Lis Lais, nws hais rau lawv tias :
    "Neeg Leej Tub yuav raug luag muag rau
    hauv tsoom neeg txhais tes. 23 Lawv
    yuav muab nws tua, hnub peb nws yuav sawv rov los."
    Tas cov thwj tim sawv daws ntxhov siab.

    24 Thaum Yes Xus lawv rov qab los rau
    Kas Fas Naus, cov sau se rau lub Tuam
    Tsev Teev Ntuj tuaj cuag Pob Zeb, lawv
    hais rau nws tias :
    "Nej tus xib hwb puas them se pab lub
    Tuam Tsev Teev Ntuj ?"
    25 Pob Zeb teb tias :
    "Nws them."
    Thaum Pob Zeb los txog hauv tsev, mas
    Yes Xus xub ua ntej nug Pob Zeb tias :
    "Xis Moos, koj xav li cas ? Cov vaj kav
    ntiaj teb sau se ntawm leej twg ? Ntawm
    lawv cov tub los ntawm luag tej qhua ?"
    26 Pob Zeb teb tias :
    "Lawv sau se ntawm luag tej qhua." Yes
    Xus hais rau Pob Zeb tias :
    "Yog li, mas cov tub tsis them se. 27
    Tab sis, wb yuav tsis txhob ua kom luag
    to taub yuam kev. Ua li mas, koj mus
    nram dej ntuj, koj pov nuv mus rub thawj
    tug ntses tawm tuaj. Koj nthos nkaus
    nws. Koj rua nws lub qhov ncauj : Koj
    yuav pom ib lub txiaj nyiag, koj muab rau
    lawv kom tau them se rau wb."



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5668
    Date d'inscription : 2009-08-18

    2018 MUS TEEV NTUJ tim DAIM AV NTSHIAB (Israël) - Page 2 Empty Re: 2018 MUS TEEV NTUJ tim DAIM AV NTSHIAB (Israël)

    Post  Maiv Tooj on 16th January 2019, 7:54 am


    Tabgha, Tsev teev Ntuj mov su nyob Nkas Lis Lais.

    Nyob Tabgha yog sia npe los ntawm lus as lav, lus Hais Las yog thaj chaw 7 lub qhov dej txhawv, yog lub tsev teev Ntuj uas thaum Yes Xus muab ob tug ntses thiab tsib lub mov mog los pub rau 5.000 leej neeg noj yog nyob ze ntug pas dej Tis Npes Lias, deb ntawm Kas Phas Nos li 3 km. Yog thaum Vaj Txheeb Constantin lees paub txoj kev ntseeg nyob Los Mas, nws niam, Es Les (Hélène) tuaj nrhiav cov chaw uas tseem ceeb ntawm Yes Xus lub neej ua cov tsev teev Ntuj rau. Lub tsev teev Ntuj nov yog ib lub ntawm cov tsev teev Ntuj uas Es Les txhim thaum xyoo 300 tawm uas nyob txog tav nov tsis raug rhuav tab sis thaum ua tau tsis ntev tom qab muaj toj pob ntawm ib lub roob ib sab los txhub ces lawv rov ua dua rau. Nej pom cov plag tsev dhos pob zeb txaug ua duab mos mos yog cov plag tsev xeeb keeb thaum ub.


    2018 MUS TEEV NTUJ tim DAIM AV NTSHIAB (Israël) - Page 2 Img_2099

    2018 MUS TEEV NTUJ tim DAIM AV NTSHIAB (Israël) - Page 2 Img_2100

    2018 MUS TEEV NTUJ tim DAIM AV NTSHIAB (Israël) - Page 2 Img_2101

    Ua kom mov ntsu, nyob Nkas Lis Lais. Zam: 6, 1 - 15.
    1 Dhau tej no lawm, Yes Xus mus
    rau sab dej ntuj Nkas Lis Lais tim
    ub, uas tseem hu ua Dej Ntuj Tis Npes
    Lias. 2 Ib pab neeg coob raws nws mus,
    vim lawv tau pom cov cim nws ua kho neeg mob.
    3 Yes Xus nce saum lub roob, nws nrog
    nws cov thwj tim zaum nyob saud.
    4 Yuav txog lub Ntees Hla uas yog cov
    Yus Das lub ntees nqaum paj nqaum nruas.
    5 Yes Xus tsa muag ntsia pom ib pab
    neeg coob tuaj cuag nws, nws hais rau Fis Lis Pos tias :
    "Peb yuav ua li cas muas ncuav mov
    txaus cov neeg ntawd noj ?"
    6 Yes Xus hais li ntawd sim Fis Lis Pos,
    tab sis Yes Xus yeej paub tias nws yuav ua dab tsi.
    7 Fis Lis Pos teb rau Yes Xus tias :
    "Muab ob puas lub txiaj nyiag muas mov
    los tseem yuav tsis txaus kom ib leeg tau ib qho me me."
    8 Yes Xus ib tug thwj tim hu ua As Nres,
    yog Xis Moos Pob Zeb tus kwv, hais rau Yes Xus tias :
    9 "Ib tug me tub nyob ntawm no muaj
    tsib lub ncuav mov qib thiab ob tug ntses
    me me, tab sis qhov ntawd yuav ua cas
    txaus rau npaum no leej neeg noj ?"
    10 Yes Xus hais tias :
    "Nej kom cov neeg zaum."
    Nyob ntawm qhov chaw ntawd muaj nroj
    ntau. Ces cov neeg zaum, kwv yees muaj
    tsib txhiab leej neeg. 11 Yes Xus tuav
    cov ncuav mov, nws ua ntuj tsaug tas,
    nws muab faib rau cov neeg uas zaum
    ntawd. Nws kuj ua ib yam li ntawd rau
    cov ntses me me kom txaus lawv noj
    thiab. 12 Thaum lawv noj tsau tas, Yes
    Xus hais rau nws cov thwj tim tias :
    "Nej khaws cov sab mov seem kom txhob sem ib qho li."
    13 Thaum lawv noj tsau tas, lawv thiaj
    khaws cov mov seem uas ntsu ntawm tsib
    lub ncuav mov qib los, lawv ntim puv
    kaum ob tawb. 14 Tsoom sid pom lub
    cim Yes Xus ua, ces lawv hais tias : "Tus
    no yog tus Yaj Saub uas yuav tuaj nyob
    hauv lub qab ntuj neeg tiag."
    15 Yes Xus to taub hais tias lawv yuav
    tuaj ntes nws mus tsa ua vaj, ces nws mus
    nws tib leeg twj ywm rau pem roob.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5668
    Date d'inscription : 2009-08-18

    2018 MUS TEEV NTUJ tim DAIM AV NTSHIAB (Israël) - Page 2 Empty Re: 2018 MUS TEEV NTUJ tim DAIM AV NTSHIAB (Israël)

    Post  Maiv Tooj on 16th January 2019, 8:23 am


    Yes Xus caij nkoj hauv pas dej Zes Ntxes Nes Xas Les (Pas dej Tis Npes Lias).

    Peb caij nkoj raws li Yes Xus caij tau muaj 2000 xyoo dhau los.

    2018 MUS TEEV NTUJ tim DAIM AV NTSHIAB (Israël) - Page 2 Lac-de10

    Lub pes dej Tis Npes Lias yog ib lub hiav txwv tsuag, loj 160 Km2

    2018 MUS TEEV NTUJ tim DAIM AV NTSHIAB (Israël) - Page 2 Img_2102

    2018 MUS TEEV NTUJ tim DAIM AV NTSHIAB (Israël) - Page 2 Img_2103

    2018 MUS TEEV NTUJ tim DAIM AV NTSHIAB (Israël) - Page 2 Img_2104

    Lub nroog Mas Das Las uas yog Mab Liab Mas Das Las lub zos.

    2018 MUS TEEV NTUJ tim DAIM AV NTSHIAB (Israël) - Page 2 Img_2105

    Lub nroog Tis Npes Lias.

    Cua daj cua dub rov tus.   MK 4 : 35 - 41.

    35    Hnub  ntawd,  thaum  tsaus  ntuj  zuag,
    Yes Xus hais rau lawv tias :  
    "Peb hla mus sab ntug dej tid."  
    36    Ces  lawv  tso  tsoom  sid  tseg.    Lawv
    coj  Yes  Xus  mus,  nws  cia  li  mus  zoo  li
    ntawd  rau  hauv  nkoj.    Muaj  ib  co  nkoj
    nrog nws mus thiab.
    37    Muaj  ib  nthwv  khaub  zeeg  cua  loj
    kawg sawv tuaj.  Dej nphau nphwv los rau
    hauv  nkoj,  ces  lub  nkoj  twb  puv  dej  tas
    lawm.    38      Yes  Xus  nyob  tom  tw  nkoj,
    nws  tsaug zog saum lub hauv ncoo. Lawv
    tsa Yes Xus, lawv hais rau nws  tias :  
    "Xib  Hwb,  peb  yuav  tuag,  koj  tsis  quav ntsej lod ?"  
    39  Yes  Xus  tsim  dheev,  nws  txwv  cua,
    nws hais rau dej ntuj tias :  
    "Tswm seeb ! Koj nyob twj ywm !"  
    Ces cua tu nrho, dej ntuj  rov tus yees.  
    40   Yes Xus hais rau lawv tias :  
    "Ua cas nej ntshai ua luaj ?  Nej tseem tsis
    tau ntseeg lod ?  
    41  Lawv ntshai kawg, lawv sib tham hais tias :  
    "Tus  ntawd  yog  leej  twg  ?    Txawm  tias
    yog  cua  thiab  dej  ntuj  los  yeej  mloog  nws lus ?"


    Last edited by Maiv Tooj on 23rd January 2019, 8:08 am; edited 1 time in total



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5668
    Date d'inscription : 2009-08-18

    2018 MUS TEEV NTUJ tim DAIM AV NTSHIAB (Israël) - Page 2 Empty Re: 2018 MUS TEEV NTUJ tim DAIM AV NTSHIAB (Israël)

    Post  Maiv Tooj on 16th January 2019, 8:47 am


    Npes Xais Das.

    Npes Xais Das yog lub nroog uas Pob Zeb, As Nres, Zam thiab Yas Kos uas yog Zam tij laug uas yog Ntxes Npes Des tub thiab Fis Lis Pos lawv nyob, Pob Zeb thiab As Nres nkawd muaj ob qhov chaw nyob xws li Npes Xais Das thiab Kas Fas Nos. Yes Xus tau kho tus dig muag nyob ntawd.

    2018 MUS TEEV NTUJ tim DAIM AV NTSHIAB (Israël) - Page 2 Bethsa10

    2018 MUS TEEV NTUJ tim DAIM AV NTSHIAB (Israël) - Page 2 Bethsa11

    2018 MUS TEEV NTUJ tim DAIM AV NTSHIAB (Israël) - Page 2 Bethsa12

    MK. Kho  ib  tug  neeg  dig  muag  nyob
    Npes Xais Das.   8 : 22 - 26.


    22    Lawv  tuaj  txog  Npes  Xais  Das,  luag
    coj  ib  tug  neeg  dig  muag  tuaj  rau  Yes
    Xus,  lawv  thov  kom  Yes  Xus  kov  tus  dig
    muag.  23  Yes Xus tuav tus dig muag tes,
    thiab  coj  nws  tawm  hauv  zos  rau  sab
    nraud.  Yes  Xus  muab  nws  aub  ncaug
    pleev tus dig muag ob lub qhov muag, ces
    nws  tsa  tes  rau  saum  tus  dig  muag.    Yes
    Xus nug nws tias :  
    "Koj puas pom ib qho dab tsi ?"  
    24   Tus dig muag pib pom kev, teb tias :  
    "Kuv  pom  ib  co  neeg,  zoo  li  ib  co  ntoo mus kev."  
    25    Yes  Xus  rov  qab  tsa  tes  rau saum tus
    dig  muag  ob  lub  qhov  muag  dua,  ces  tus
    dig  muag  pom  kev  tseeb,  nws  zoo  lawm.  
    Nws  pom  ib  puas  tsav  yam  meej  thiab
    nws  pom  tau  deb.   26  Yes Xus thiaj kom
    nws  rov  mus  tsev,  nws  hais  rau  tus  dig muag tias :  
    "Tab yog lub zos no, los koj tsis txhob rov



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5668
    Date d'inscription : 2009-08-18

    2018 MUS TEEV NTUJ tim DAIM AV NTSHIAB (Israël) - Page 2 Empty Re: 2018 MUS TEEV NTUJ tim DAIM AV NTSHIAB (Israël)

    Post  Maiv Tooj on 23rd January 2019, 9:06 am



    HNUB 06

    Hnub 6 peb lub teb chaws roob hav Nkas Lis Lais tseg, peb mus rau Xas Mas Lias teb yuav mus rau Yus Das teb. Peb hla tej chaw uas Yes Xus kho 10 tus mob ruas zoo thiab Hauv Paus Xa Lus Fis Lis Pos tej chaw tshaj Ntuj Lus.



    2018 MUS TEEV NTUJ tim DAIM AV NTSHIAB (Israël) - Page 2 La-car10

    Lo  lus  qhia  loj  tshaj.    Tus Xas  Mas Lias siab zoo.  LK:10, 25 - 37.

    25    Lub  sij  hawm  ntawd,  ib  tug  Kws  Lij
    Choj sawv, nws xav sim Yes Xus ces nws
    nug  tias  :  "Xib  Hwb,  kuv  yuav  ua  dab  tsi
    thiaj  tau  txais  txoj  sia  nyob  mus  li  los  ua
    kuv lub cuab tam ?" 26  Yes Xus hais rau nws tias :  
    "Nyob  hauv  Txoj  Cai    muaj    dab  tsi  sau
    tseg ?  Koj nyeem dab tsi ?  27  Tus Kws
    Lij Choj teb tias :  
    "Koj yuav nyiam Huab Tais, koj tus Tswv
    Ntuj,  tas  koj  siab  ntsws,  tas  koj  tus  ntsuj
    plig, tas koj lub zog,  tas koj lub tswv yim,
    thiab  koj  yuav  nyiam  tus  nyob  ze  koj  ib
    yam  li koj  nyiam  koj.
       28    Yes  Xus  hais
    rau tus Kws Lij Choj tias :  
    "Koj  teb  raug  lawm.  Koj  ua  li  ntawd,  koj
    yuav muaj txoj sia."
    29  Tab sis tus Kws Lij Choj xav cav tias
    nws hais yog lawm, ces  nws hais rau Yes Xus tias :  
    "Leej twg yog tus nyob ze kuv ?”  
    30  Yes Xus thiaj hais ntxiv tias :  
    "Muaj  ib  tug  neeg  nqes  ntawm  Yes  Lus
    Xas Les mus rau nram Yes Lis Kos.  Nws
    ntsib  ib  pab  tub  sab,  lawv  muab  nws  tej
    ris  tsho  hle,  muab  nws  ntaus  to  tas,  ces
    lawv   mus   lawv   lawm,   tso   nws   tseg,
    tshuav txoj sia xwb.  31 Muaj ib tug Leej
    Choj  taug  txoj  kev  ntawd  nqes  tuaj  tom
    thawj,  nws  pom  tus  raug  mob,  nws  lug
    kev  hla  mus.  32  Muaj ib tug Les  Vis ho
    tuaj  txog  ntawd,  nws  pom  tus  raug  mob,
    nws  kuj  lug  kev  hla  mus.    33    Tab  sis  ib
    tug  Xas  Mas  Lias  mus  tawm  rooj  tuaj
    txog  ze  tus  raug  mob,  nws  pom  tus  neeg
    raug  mob,  nws hlub.  34  Nws  txav  los  
    ntawm  tus  raug  mob,  nws  hliv  roj  thiab
    hliv  cawv  rau  cov  qhov  txhab,  nws  muab
    qhwv.    Nws  tsaws  tus  raug  mob  caij  nws
    tus  luj,  ces  nws  coj  tus  raug  mob  mus
    txog  lub  tsev  txais  qhua,  nws  tu  tus  raug
    mob  ntawd.    35  Hnub  tom  qab,  nws  rho
    tau  ob  lub  txiaj  nyiag  rau  tus  tswv  tsev
    txais qhua, nws hais tias :
    "Koj tu tus neeg mob no, yog koj siv tshaj
    lawd,  thaum  kuv  rov  qab  los,  kuv  yuav
    them rov rau koj."  
    36    Raws  li  koj  xav,  lawv  peb  leeg  no,
    leej twg ua tus nyob ze tus neeg uas poob
    rau hauv tub sab txhais tes ?"  
    37  Tus Kws Lij Choj hais tias :  
    "Yog tus uas tau khuv leej tus raug mob."  
    Ces Yes Xus hais rau nws tias :  
    "Koj   mus,   koj   ua   zoo   li   ntawd   thiab mog."

    2018 MUS TEEV NTUJ tim DAIM AV NTSHIAB (Israël) - Page 2 Xas_ma11

    Nkas Lis Lais teb chaws.

    2018 MUS TEEV NTUJ tim DAIM AV NTSHIAB (Israël) - Page 2 Xas_ma12

    2018 MUS TEEV NTUJ tim DAIM AV NTSHIAB (Israël) - Page 2 Xas_ma13

    Xas Mas Lias teb chaws qhuav, ua puam khab roob qhua.



    Kaum tus neeg mob ruas.
    Lus Kas: 17, 11 - 19.

    11    Yes  Xus  taug  kev  mus  Yes  Lus  Xas
    Les, nws hla Xas Mas Lias thiab Nkas Lis
    Lais ciam teb.  12  Thaum Yes Xus  yuav
    mus  hauv  ib  lub zos,  muaj  kaum tus  mob
    ruas tuaj cuag nws, lawv nres nrug deb.  
    13  Lawv tsa suab hais nrov rau nws tias :  
    "Xib  Hwb  Yes  Xus,  thov  koj  khuv  leej peb."  
    14  Yes Xus pom lawv, nws hais rau lawv tias :  
    “Nej  mus  thws  nej  lub  cev  rau  cov  Leej Choj saib."  
    Thaum  lawv  tab  tom  mus,    ces  lawv  lub
    cev huv.  15  Muaj ib tug hauv pab ntawd
    pom  tias  nws  lub  cev  zoo  lawm,  ces  nws
    tig hlo rov qab los, nws tsa suab nrov cav
    txog Tswv Ntuj.  16 Nws pe ntsej muag ti
    av  rau  ntawm  Yes  Xus  ko  taw,  nws  ua
    Yes Xus tsaug.  Nws  yog  ib tug Xas Mas Lias.  
    17  Yes Xus thiaj tsa ncauj hais tias : Tsis
    muaj kaum leej rov huv tuaj lod ?  Tshuav
    cuaj  leeg  ne,  lawv  dua  qhov  twg  lawm?  
    18    Ua  cas  tsuas  muaj  tus  qhua  no  xwb
    thiaj rov los cav txog Tswv Ntuj ?"  
    19  Ces Yes Xus hais rau nws tias :  
    "Koj sawv mus, koj lub siab ntseeg cawm  koj lawm."


    Last edited by Maiv Tooj on 24th January 2019, 7:39 am; edited 1 time in total



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5668
    Date d'inscription : 2009-08-18

    2018 MUS TEEV NTUJ tim DAIM AV NTSHIAB (Israël) - Page 2 Empty Re: 2018 MUS TEEV NTUJ tim DAIM AV NTSHIAB (Israël)

    Post  Maiv Tooj on 23rd January 2019, 9:15 am

    Xas Mas Lias Hauv Paus Xas Lus Fis Lis Pos tej chaw tshaj Ntuj Lus.


    2018 MUS TEEV NTUJ tim DAIM AV NTSHIAB (Israël) - Page 2 Samari10

    2018 MUS TEEV NTUJ tim DAIM AV NTSHIAB (Israël) - Page 2 45328010


    Fis Lis Pos nyob Xas Mas Lias teb.  
    Hauj Lwm: 8 , 4 - 25.

    4    Cov  neeg  uas  tawg  ncaim  mus  rau
    txhua qhov chaw, mas lawv tshaj lub Moo
    Zoo rau sawv daws mloog.  5  Yog vim li
    ntawd,  mas  Fis  Lis  Pos  thiaj  li  mus  rau
    nram ib lub nroog nyob Xas Mas Lias teb.  
    Nws  tshaj  lus  txog  Yes  Xus  nyob  ntawd.  
    6    Tas  tsoom  sid  koom  siab  koom  ntsws
    npuab  cov  lus  uas  Fis  Lis  Pos  hais,  vim
    sawv daws hnov txog cov cim uas Fis Lis
    Pos ua thiab pom nws ua.  7  Vim tias cov
    neeg  raug  dab  phem  coob  leej    rov    zoo
    los : cov dab phem ntawd tawm hauv cov
    neeg  mus,  dab  qw  tej  suab  nrov  nrov.  
    Cov tuag ceg thiab cov ceg tawv coob leej
    kuj cia li zoo hlo.  8 Nyob hauv lub nroog
    ntawd, mas sawv daws zoo siab tas nrho.

    9  Thaum ntawd, nyob  hauv lub nroog  no
    muaj  ib  tug  neeg  hu  ua  Xis  Moos.    Nws
    txawj ua khawv koob, ces tsoom pej xeem
    Xas  Mas  Lias  qhuas  nws  kawg.    Nws
    khav tias nws yog ib tug neeg loj. 10  Tas
    sawv  daws,  tsis  hais  me  hlob  me  yau,
    ntseeg nws. Sawv daws hais tias :  
    "Tus  neeg  ntawd  yog  Tswv  Ntuj  lub  hwj
    huam ! Yog lub hwj huam loj tiag !"  
    11    Lawv  sawv  daws  raws  nws,  vim  nws
    ua  khawv  koob  tau  ntev  los  rau  sawv
    daws  pom.    Sawv  daws  thiaj  li  qhuas
    kawg.    12    Tiam  sis  thaum  Fis  Lis  Pos
    qhia  lub  Moo  Zoo  txog  Tswv  Ntuj  lub
    Ceeb Tsheej thiab txog Yes Xus Pleev lub
    npe,  mas  lawv  ntseeg  Fis  Lis  Pos.    Ces
    tsis  hais  poj  niam  los  txiv  neej,  sawv
    daws txais lub cim ntxuav.  13  Xis Moos
    kuj  ntseeg  thiab.    Thaum  nws  txais  lub
    cim  ntxuav  tas  lawd,  nws  tsis  tso  Fis  Lis
    Pos  tseg  li.    Nws  pom  Fis  Lis  Pos  ua  tej
    yam  hwj  huam  yees  ntxwv  loj,  mas  nws qhuas kawg.
    14  Cov Hauv Paus Xa Lus nyob Yes Lus
    Xas Les, lawv hnov tias Xas Mas Lias teb
    txais Tswv Ntuj lo lus lawm, mas lawv xa
    Pob  Zeb  thiab  Zam  nkawd  mus  Xas  Mas
    Lias  teb.  15    Nkawd  nqes  mus  nram  cov
    Xas  Mas  Lias,  ces  nkawd  thov  Ntuj  rau
    lawv  kom  Ntuj  pub  Leej  Ntuj  Plig  rau
    lawv.    16    Vim  tias  Leej  Ntuj  Plig  tseem
    tsis  tau  poob  los  rau  saum  leej  twg  li.  
    Lawv tsuas kawg tau txais lub cim ntxuav
    nyob  hauv    Huab  Tais  Yes  Xus  lub  npe
    xwb.    17    Pob  Zeb  thiab  Zam  nkawd  tsa
    tes rau saum lawv, ces lawv thiaj tau txais
    Leej  Ntuj  Plig  Ntshiab.    18    Thaum  Xis
    Moos  pom  tias  yog  vim  cov  Hauv  Paus
    Xa  Lus  tsa  tes,  mas  Ntuj  thiaj  pub  Leej
    Ntuj Plig Ntshiab, ces nws muab nyiaj rau
    cov Hauv Paus Xa Lus.  Nws hais tias :  
    19  "Neb  muab  lub  hwj  huam  ntawd  rau
    kuv thiab saib ! Kom kuv tsa tes rau saum
    leej  twg,  mas  tus  ntawd  tau  txais  Leej
    Ntuj Plig Ntshiab thiab."  
    20    Tiam  sis  Pob  Zeb  teb  rau  nws  tias  :
    Kom  koj  cov  nyiaj  ploj,  thiab  koj  nrog
    cov  nyiaj  ntawd  ploj  mus  !  Vim  koj  xav
    tias  nyiaj  txiag  muas  tau  Tswv  Ntuj  lub
    txiaj  ntsim.    21    Koj  tsis  muaj  feem  tsis
    muaj  tug  nyob  hauv  txoj  hauj  lwm  no,
    vim  koj  lub  siab  tsis  ncaj  nyob  ntawm
    Tswv  Ntuj  xub   ntiag.    22    Koj  thov
    txhaum  rau  koj  zaj  tswv  yim  phem,  thiab
    koj  thov  Huab  Tais  :  tej  zaum  nws  yuav
    zam  rau  zaj  tswv  yim  uas  nyob  hauv  koj
    lub siab. 23  Vim kuv pom koj nyob hauv
    ib co kua tsib iab iab thiab nyob hauv kev
    nkhaus  cov  hlua.    24    Xis  Moos  teb  hais tias :  
    "Neb  thov  Huab  Tais  rau  kuv,  kom  kuv
    tsis  txhob  raug  zoo  li  neb  nyuam  qhuav hais."  
    25    Thaum  ob  tug  Hauv  Paus  Xa  Lus  ua
    tim  khawv  txog  Huab  Tais,  thiab  tshaj
    Huab  Tais  lo  lus  tas,  mas  nkawd  rov  qab
    mus  Yes  Lus  Xas  Les.    Nkawd  qhia  lub
    Moo  Zoo  rau  ntau  lub  zos  Xas  Mas  Lias
    nyob ntawm kev.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5668
    Date d'inscription : 2009-08-18

    2018 MUS TEEV NTUJ tim DAIM AV NTSHIAB (Israël) - Page 2 Empty Re: 2018 MUS TEEV NTUJ tim DAIM AV NTSHIAB (Israël)

    Post  Maiv Tooj on 23rd January 2019, 9:41 am



    LUB ROOB KAS MES
    Mont Carmel.

    2018 MUS TEEV NTUJ tim DAIM AV NTSHIAB (Israël) - Page 2 Roob_c10


    2018 MUS TEEV NTUJ tim DAIM AV NTSHIAB (Israël) - Page 2 Roob_c11

    Es  Lias  txi   Ntuj  nyob  saum  lub
    roob Kas Mes.  1 Vaj: 18, 20 - 39.

    20    Tus  vaj  As  Kas  hu  tas  tsoom
    His  Xas  Lais  thiab  lawv  cov  yaj
    saub tuaj nyob saum lub roob Kas Mes.  
    21    Es  Lias  txav  los  ze  tsoom  sid,  nws
    hais tias :  
    "Nej  yuav  xuas  ob  txhais  ceg  deeg  pauv
    mus  txog  thaum  twg  ?  Yog  tias  HUAB
    TAIS  yog  Tswv  Ntuj  ces  nej  raws  nws
    mas !  Yog tias Npas Has yog  Tswv Ntuj
    ces nej raws Npas Has mas !"  
    Tsoom sid teb tsis tau dab tsi rau Es Lias.
    22  Es Lias hais ntxiv tias :  
    "Tshuav  kuv  ib  leeg  ua  HUAB  TAIS  tus
    Yaj Saub xwb, hos Npas Has cov yaj saub  
    muaj     plaub     puas     tsib     caug     leej.              
    23  Nej coj  ob tug thav  nyuj tuaj rau peb.  
    Cov  yaj  saub  Npas  Has  yuav  xaiv  ib  tug
    rau  lawv.      Thaum  lawv  tua  thiab  phais
    tas  lawm,  mas  lawv  yuav  muab  tso  rau
    saum  ib  co  taws,  tab  sis  tsis  txhob  rauv
    taws  li.    Kuv  kuj  yuav  npaj  ib  tug  ntsuag
    nyuj  thiab,  kuv  kuj  yuav  tsis  rauv  taws hlawv.  
    24    Nej  yuav  xub  hu  txog  nej  tus  tswv
    ntuj   lub   npe,   hos   kuv   yuav   hu   txog
    HUAB  TAIS  lub  npe.    Tus  tswv  ntuj  uas
    tso hluav taws los hlawv cov tsiaj mas tus
    ntawd  thiaj   yog  tus  tseem  Tswv  Ntuj tiag."  
    Tsoom sid teb tias :  
    "Zoo kawg."
    25  Ces Es Lias hais rau Npas Has cov yaj saub tias :  
    "Nej  xaiv  ib  tug  ntsuag  nyuj,  nej  ua  ua
    ntej  vim  nej  yog  cov  coob.    Nej  hu  txog
    nej  tus  tswv  ntuj  lub  npe  xwb,  nej  tsis
    txhob rauv taws li."  
    26    Lawv  muab  tus  nyuj  tua,  thaum  lawv
    tseev tas, mas lawv hu txog Npas Has lub
    npe txij sawv ntxov mus txog tav su, lawv hais tias :  
    "Npas  Has,  thov  koj  teb  peb  mas  !"    Tab
    sis  tsis  hnov  ib  lub  suab  li.    Lawv  dhia,
    lawv kim caug ntawm lub thaj txi ntuj uas
    lawv  txhim.    27    Thaum  txog  tav  su,  Es
    Lias thuam lawv tias :  
    "Nej  qw  nrov  dua  mas  !    Nws  yog  ib  tug
    tswv  ntuj,  ntshai  nws  muaj  chaw  ntxhov
    siab  ntau  los  nws  muaj  hauj  lwm  ntau.
    Los  ntshai  nws  muaj  chaw  tawm  rooj
    lawm.    Los  tej  zaus  nws  tsaug  zog  lawm.
    Nej  hu  tiag  mas  nws  yuav  tsim  los,  nws
    yeej yuav teb nej xwb !"
    28  Lawv haj  yam  qw nrov dua tuaj thiab
    lawv  xuas  ntaj  xuas  riam  los  hlais  lawv
    kom  ntshav  los  raws  li  lawv  kev  cai  ua
    kam.    29    Thaum  tav  su  dua  lawm,  lawv
    cov  yaj saub hais li ub li no  mus txog lub
    caij yuav cev cov txim.   Tab sis tsis hnov
    ib lub suab los ib lo lus teb li.    
    30  Es Lias  thiaj hais rau tsoom sid tias :  
    "Nej sawv daws txav los ze kuv."  
    Sawv  daws  thiaj  txav  los  ntawm  Es  Lias.  
    Es Lias thiaj rov tsa HUAB TAIS lub thaj
    uas puas tas lawm.  
    31    Es  Lias  muab  kaum  ob  lub  pob  zeb
    raws  li  Yas  Kos  kaum  ob  leeg  tub.    Yas
    Kos  yog  tus  uas  HUAB  TAIS  hais  rau
    nws tias : Koj lub npe yuav hu ua His Xas Lais.  
    32    Es  Lias  muab  cov  pob  zeb  ntawd  los
    txhim  ua  ib  lub  thaj  rau  HUAB  TAIS.  
    Nws khawb ib tug kwj ntim taus ob kawg
    noob  ncig  lub  thaj.    33    Nws  teeb  cov
    taws  rauv,  nws  muab  tus  thav  nyuj  phais
    thiab tso rau saum cov taws.    
    34  Ces nws hais tias :  
    "Nej  ntim plaub hub  dej thiab nej nqa  los
    nchuav rau saum tus nyuj thiab cov taws."  
    Lawv ua li ntawd tas.  
    Es Lias hais tias :  
    "Nej ua zaum ob mas !"  
    Lawv tseem ywg dej zaum ob.  
    Es Lias tseem rov hais tias :  
    "Nej ua zaum peb ntxiv mas !"  
    Lawv thiaj ua zaum peb ntxiv.  
    35  Dej nyab lub thaj txi Ntuj tas, tus kwj
    kuj puv dej tas.  
    36   Thaum  txog  lub  caij  txi  Ntuj,  tus  Yaj
    Saub Es Lias txav los hais tias :  
    "HUAB  TAIS,  uas  koj  yog  Has  Nplas
    Has,  His  Xas  Has  thiab  His  Xas  Lais  tus
    Tswv  Ntuj,  koj  ua  kom  tsoom  sid  paub

    tias koj yog tus Tswv Ntuj nyob hauv His
    Xas  Lais  mas  !    Koj  ua  kom  lawv  paub
    tias  kuv  yog  koj  tus  tub  txib  !    Yog  vim
    koj   qhia   mas   kuv   thiaj   ua   tej   no.            
    37    HUAB  TAIS,  thov  koj  teb  kuv  !  Ces
    tas  tsoom  pej  xeem  nyob  ntawm  no  thiaj
    yuav  paub  tias  koj  yog  Tswv  Ntuj,  koj
    yog  tus  ua  kom  lawv  lub  siab  rov  tig  los cuag koj."
    38  Ces HUAB TAIS cov hluav taws nqes
    los  hlawv  tus  nyuj  thiab  cov  taws  thiab
    los nqus cov dej nyob hauv tus kwj tas.  
    39  Tas tsoom sid  ntshai poob siab nthav.  
    Tas  sawv  daws  ntog  khwb  rwg  hauv  av,
    lawv hais tias :  
    "HUAB   TAIS   yog   Tswv   Ntuj   tiag   !  
    HUAB  TAIS  yog  tus  tseem  Tswv  Ntuj tiag !"
    40 Es Lias hais rau lawv tias :  
    "Nej  ntes  Npas  Has  cov  yaj  saub,  txhob
    cia ib tug dim !"  
    Lawv  ntes  cov  yaj  saub.  Es  Lias  kom
    lawv  coj  cov  yaj  saub  mus  nram  tus  kwj
    deg  Kis  Soos.  Ces  Es  Lias  muab  lawv
    txiav caj dab tas nyob ntawd .

    2018 MUS TEEV NTUJ tim DAIM AV NTSHIAB (Israël) - Page 2 Lub_qh10

    Nov yog lub qhov tsua uas Yaj Saub Es Lis nkaum
    Cov Orthodox ua lub tsev teev Ntuj rau.





    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5668
    Date d'inscription : 2009-08-18

    2018 MUS TEEV NTUJ tim DAIM AV NTSHIAB (Israël) - Page 2 Empty Re: 2018 MUS TEEV NTUJ tim DAIM AV NTSHIAB (Israël)

    Post  Maiv Tooj on 24th January 2019, 8:52 am


    YAS KOS LUB QHOV TSHIJ.

    Yas Kos lub qhov dej nov yog thaum nws los rau teb chaws Xas Mas Lias ntawm lub zos Sychar hauv cov teb Shechem, zaum no yog lub nroog Naplouse, Yas Kos yuav ntawm Hamor tus tub uas yog Sichem txiv. Tom qab no Yas Kos muab rau nws tus tub Yos Xes uas rov nram Hais Nkws Tos teb rov los. Yog qhov chaw uas lawv muab Yos Xes cov pob txha los faus rau thiab.

    Yog lub qhov dej uas thaum Yes Xus tuaj mus tshaj Ntuj Lus rau Xas Mas Lias NWS thov dej haus.

    2018 MUS TEEV NTUJ tim DAIM AV NTSHIAB (Israël) - Page 2 Img_2106

    2018 MUS TEEV NTUJ tim DAIM AV NTSHIAB (Israël) - Page 2 Img_2107

    2018 MUS TEEV NTUJ tim DAIM AV NTSHIAB (Israël) - Page 2 Img_2108

    Lub pas dej tob heev.

    2018 MUS TEEV NTUJ tim DAIM AV NTSHIAB (Israël) - Page 2 45437910

    2018 MUS TEEV NTUJ tim DAIM AV NTSHIAB (Israël) - Page 2 45428210

    Cov dej ntshiab ntshiab thiab tseem qab kawg li.

    Yes Xus nrog ib tug poj niam Xas Mas Lias tham. Zam: 4, 1 - 42.

    1 Huab Tais paub txog qhov uas
    cov Fas Lis Xais hnov tias Yes Xus
    tau thwj tim coob dua thiab nws ua kab ke
    ntxuav rau ntau leej dua Zam. 2 Hais
    tiag mas tsis yog kiag Yes Xus ua kab ke
    ntxuav, yog nws cov thwj tim ua.
    3 Thaum ntawd, Yes Xus tso xeev Yus
    Das tseg, nws rov mus Nkas Lis Lais.
    4 Nws yuav tsum hla Xas Mas Lias.
    5 Nws mus txog ib lub nroog Xas Mas
    Lias hu ua Xis Kes, nyob ze thaj av uas
    Yas Kos muab rau nws tus tub Yos Xes.
    6 Yas Kos lub qhov dej nyob ntawd.
    7 Yes Xus mus kev, nws sab, nws zaum
    ntawm lub qhov dej. Kwv yees tav su
    lawm. Ib tug poj niam Xas Mas Lias tuaj
    ce dej. Yes Xus hais rau nws tias :
    "Koj muab dej rau kuv haus."
    8 Nws cov thwj tim mus yuav txhiam
    xws noj hauv nroog lawm. 9 Tus poj
    niam Xas Mas Lias hais rau Yes Xus tias :
    "Ua li cas ? Koj yog ib tug Yus Das, koj
    tseem yuav thov dej haus ntawm kuv.
    Kuv yog ib tug poj niam Xas Mas Lias."
    Vim tias cov Yus Das tsis nrog cov Xas
    Mas Lias sib fim. 10 Yes Xus teb rau tus
    poj niam tias :
    "Yog koj paub Tswv Ntuj lub txiaj ntsim,
    thiab paub tus uas hais rau koj tias :
    'koj muab dej rau kuv haus,' mas yog koj
    yuav thov nws, ces nws yuav muab ib co
    dej muaj txoj sia rau koj."
    11 Tus poj niam hais rau Yes Xus tias:
    "Huab Tais, koj tsis muaj dab tsi ce dej,
    hos lub qhov dej los kuj tob. Koj yuav ua
    li cas muab tau cov dej muaj txoj sia
    ntawd ? 12 Koj puas loj dua peb yawg
    koob Yas Kos uas nws muab lub qhov dej
    no rau peb ? Nws thiab nws cov tub, nws
    cov tsiaj puav leej tau haus lub qhov dej no."
    13 Yes Xus teb rau tus poj niam hais tias :
    "Leej twg haus cov dej no tas tseem yuav
    rov nqhis dua. 14 Hos tus haus cov dej
    uas kuv muab rau nws, mas nws yuav tsis
    nqhis ib zaug ntxiv. Cov dej uas kuv
    muab, yuav txia ua ib tug dej txhawv
    muaj txoj sia nyob mus li nyob hauv nws."
    15 Tus poj niam hais rau Yes Xus tias:
    "Huab Tais, koj pub cov dej ntawd rau
    kuv, kom kuv tsis txhob nqhis dej ntxiv,
    kom kuv txhob tau rov tuaj ce dej ntawm no ntxiv."
    16 Yes Xus hais rau nws tias :
    "Koj mus, koj hu koj tus txiv, koj rov tuaj ntawm no."
    17 Tus poj niam teb hais tias :
    "Kuv tsis muaj txiv."
    Yes Xus hais rau nws tias :
    "Koj hais tias : 'Kuv tsis muaj txiv,' koj
    hais yog lawm, 18 vim koj twb yuav tsib
    tug txiv, hos tus uas koj muaj tam sis no,
    tsis yog koj tus txiv. Qhov koj hais no muaj tseeb."
    19 Tus poj niam hais rau Yes Xus tias:
    "Huab Tais, kuv pom tias koj yog ib tug
    yaj saub. 20 Peb cov yawg koob teev
    ntuj saum lub roob no, hos nej, mas nej
    hais tias qhov chaw uas sawv daws yuav
    tsum mus teev Ntuj yog Yes Lus Xas Les."
    21 Yes Xus hais rau tus poj niam tias :
    "Phauj, koj ntseeg kuv mog, lub caij
    nyoog los txog lawm : tsis yog nyob saum
    lub roob no los nyob Yes Lus Xas Les uas
    nej yuav teev Leej Txiv. 22 Nej teev
    qhov uas nej tsis paub. Peb teev qhov uas
    peb paub, vim txoj kev cawm tuaj ntawm
    cov Yus Das tuaj. 23 Tab sis txog sij
    hawm lawm, yog tam sis no ntag, uas cov
    neeg hawm Ntuj haum kev tseeb, lawv
    hawm Leej Txiv nyob hauv lub tswv yim
    thiab nyob hauv txoj kev tseeb. Leej Txiv
    nrhiav cov neeg zoo li ntawd los teev
    nws. 24 Tswv Ntuj yog tswv yim, cov
    neeg teev Tswv Ntuj yuav tsum teev nyob
    hauv lub tswv yim thiab hauv qhov tseeb."
    25 Tus poj niam hais rau Yes Xus tias:
    "Kuv paub hais tias tus Mes Xias, uas
    luag hu ua Leej Pleev, yuav tuaj. Thaum
    tus ntawd tuaj txog, nws yuav tshaj ib
    puas tsav yam rau peb."
    26 Yes Xus hais rau nws tias :
    "Kuv yog tus ntawd, tus uas hais lus rau koj."
    27 Thaum ntawd, Yes Xus cov thwj tim
    los txog, lawv poob siab rau qhov tias
    Yes Xus nrog ib tug poj niam hais lus.
    Tsis kav tsis muaj leej twg hais tias :
    "Koj xav tau dab tsi ntawm nws?" los hais tias :
    "Vim li cas koj nrog nws tham ?"
    28 Ces tus poj niam tso nws lub hub tseg
    rau ntawd, nws rov mus hauv lub nroog.
    Nws hais rau zeej tsoom tias :
    29 "Nej tuaj xyuas ib tug neeg saib, nws
    hais tej uas kuv tau ua tas huv tib si rau
    kuv. Tej zaum nws yog Leej Pleev ?"
    30 Lawv tawm hauv nroog tuaj cuag Yes
    Xus. 31 Thaum ntawd, cov thwj tim
    txhib Yes Xus hais tias :
    "Las Npis, los noj mov."
    32 Tab sis Yes Xus hais rau lawv tias :
    "Kuv muaj ib cov txhiam xws noj uas nej tsis paub."
    33 Cov thwj tim sib tham tias :
    "Ntshai muaj neeg nqa mov tuaj rau nws noj lawm ?"
    34 Yes Xus hais rau lawv tias :
    "Kuv cov txhiam xws noj yog ua raws
    Tus Xa kuv tuaj lub siab, thiab leg nws tej
    dej num kom tiav. 35 Puas yog nej hais
    tias : Tshuav plaub hlis ntxiv, mam txog
    caij sau qoob ? Tab sis kuv hais rau nej :
    Nej tsa muag ntsia tej nras teb saib, nplej
    siav daj vog, zoo hlais lawm. 36 Tus
    sau nplej yuav txais nqi zog, nws yuav
    sau cov qoob mus rau txoj sia nyob mus
    li. Tus sau nplej yuav nrog tus tseb nplej
    ib txhij zoo siab. 37 Vim zaj paj lug no
    hais qhov tseeb tias : tus sau nplej nws
    muaj nws ib tug, tus tseb nplej nws muaj
    nws ib tug. 38 Kuv tau xa nej mus sau tej
    qoob uas nej tsis tau khwv cog. Lwm cov
    tau khwv, hos nej khaws xyeem qhov lawv khwv tau."
    39 Coob leej Xas Mas Lias hauv lub
    nroog no ntseeg txog Yes Xus, vim tus
    poj niam lo lus ua tim khawv tias :
    "Nws hais tas puas tsav yam kuv tau ua rau kuv."
    40 Thaum cov Xas Mas Lias tuaj cuag
    Yes Xus, mas lawv thov kom nws nrog
    lawv nyob. Yes Xus thiaj nrog lawv nyob
    ob hnub. 41 Ces haj yam muaj neeg
    coob ntseeg txog nws vim nws cov lus.
    42 Lawv hais rau tus poj niam tias :
    "Tsis yog vim tej lus koj tau hais, mas
    peb thiaj ntseeg, yog vim peb tau hnov
    nws hais kiag, ces peb paub tias nws yog
    tus Cawm lub qab ntuj neeg tiag."



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5668
    Date d'inscription : 2009-08-18

    2018 MUS TEEV NTUJ tim DAIM AV NTSHIAB (Israël) - Page 2 Empty Re: 2018 MUS TEEV NTUJ tim DAIM AV NTSHIAB (Israël)

    Post  Maiv Tooj on 28th January 2019, 8:26 am


    HNUB 07


    Npes Les Hes.

    Npes Les Hes yog qhov chaw uas Tswv Ntuj tau pleev roj tsa 2 tug vaj xws li tus 1 yog Vaj Das Vis, tus 2 yog Vaj Yes Xus.

    2018 MUS TEEV NTUJ tim DAIM AV NTSHIAB (Israël) - Page 2 Npes_l10

    Npes Les Hes niaj hnub no.

    2018 MUS TEEV NTUJ tim DAIM AV NTSHIAB (Israël) - Page 2 Img_2110


    2018 MUS TEEV NTUJ tim DAIM AV NTSHIAB (Israël) - Page 2 Img_2109


    Lub tsev tu me nyuam ntsuag nyob Npes Les Hes uas peb mus so.


    Vaj Das Vis keeb kwm thiab ua vaj kav Yus Das teb.


    Xas Muas Phau Ib:
    Xas Muas pleev Das Vis ua vaj.  
    1 Xas Muas: 16,1 - 13.


    1 HUAB  TAIS   hais  rau  Xas
    Muas  tias :  
    "Koj  tseem  yuav  quaj  txog  Xas  Ws  hov
    ntev  ntxiv  ?    Kuv  twb  tso  nws  pov  tseg
    lawm.    Kuv  tsis  xav  kom  nws  kav  His
    Xas Lais ntxiv.  Koj  ntim roj puv tus kub
    nyuj, koj  mus.   Kuv xa koj  mus tom  Yes
    Xes  tsev  nyob  Npes  Les  Hes,  vim  nyob
    hauv  nws  cov  tub  kuv  xaiv  ib  tug  los  ua
    vaj."
    2   Xas Muas hais tias :  
    "Kuv yuav ua zoo li cas mus ?   Yog Xas
    Ws hnov, mas nws yuav muab kuv tua."  
    HUAB TAIS teb tias :  
    "Koj  yuav  cab  ib  tug  xyuas  nyuj.    Koj
    hais  tias  koj  mus  txi  tus  nyuj  rau  HUAB
    TAIS.   3  Koj yuav caw Yes Xes tuaj txi
    Ntuj.  Kuv yuav qhia koj tias koj yuav ua
    zoo  li  cas.    Koj  yuav  sawv  kuv  chaw
    pleev tus kuv yuav qhia rau koj."
    4    Xas  Muas  ua  raws  li  HUAB  TAIS
    qhia.    Thaum  nws  tuaj  txog  Npes  Les
    Hes, cov txwj laus nyob hauv tsheej sawv
    daws  ntshai  tshee  na,  lawv  tuaj  cuag  Xas
    Muas, lawv nug nws tias :  
    "Yaj  Saub,  koj  tuaj  li  no.    Koj  puas  coj
    txoj hmoov zoo tuaj rau peb ?"
    5  Xas Muas teb tias :  
    "Kuv  coj  txoj  hmoov  zoo  tuaj,  kuv  tuaj
    cev ib thaj txi HUAB TAIS."
    6  Xas Muas kom  Yes Xes thiab nws cov
    tub huv tib si tuaj, ces nws caw lawv tuaj
    txi  Ntuj.    Thaum  lawv  tuaj  txog,  Xas
    Muas xub pom Es Lis, nws xav tias :  
    "Yog  HUAB  TAIS  tus  pleev  tuaj  txog
    lawm."    
    7    Tab  sis  HUAB  TAIS  hais  rau  Xas
    Muas tias :  
    "Koj  txhob  saib  nws  tus  yam  ntxwv  sab
    nraud los nws lub cev siab. Kuv tsis yuav
    nws.    HUAB  TAIS  nws  ntsuas  tas  txhia
    yam,  nws  tsis  ntsuas  zoo  li  neeg.    Neeg
    saib tus yam ntxwv sab nraud, hos HUAB
    TAIS saib hauv lub siab lub plawv."
    8  Yes Xes hu As Npis Nas Das tuaj nyob
    ntawm Xas Muas xub ntiag.  
    Xas Muas hais tias :  
    "Tsis yog tus uas HUAB TAIS xaiv  
    thiab !"
    9    Yes  Xes  coj  Sas  Mas  tuaj,  Xas  Muas
    hais tias :  
    "Tsis yog tus HUAB TAIS xaiv."    
    10    Yes  Xes  coj  nws  xya  leej  tub  ib  tug
    zuj  zus  tuaj  nyob  ntawm  Xas  Muas  xub
    ntiag, tab sis Xas Muas hais tias :
    "HUAB TAIS tsis xaiv cov no ib tug li."
    11  "Koj puas tshuav tub ntxiv ?"  
    Yes Xes teb tias :  
    "Tshuav  tus  tub  ntxawg.    Nws  zov  cov
    tsiaj nyob tom tshav zaub."  
    Xas Muas hais rau Yes Xes tias :  
    "Koj tso  neeg  mus  hu  nws los.  Peb  yuav
    zaum  ntawm  tsum  mov  no  tos  nws  los tso."  
    12  Yes Xes thiaj tso neeg mus hu tus tub
    ntxawg los.  Tus tub ntawd cov plaub hau
    liab  daj.  Nws  lub  ntsej  muag  zoo  nraug.  
    Nws sawm txhiaj kawg !  
    HUAB TAIS hais rau Xas Muas tias :  
    "Yog tus no.  Koj pleev nws mas !"  
    13    Xas  Muas  nthos  nkaus  tus  kub  ntim
    roj,  nws  pleev  tus  tub  ntxawg  nyob  hauv
    nruab  nrab  nws  cov  kwv  tij.    Txij  hnub
    ntawd  los  HUAB  TAIS  lub  tswv  yim  ya
    los  nyob  hauv  Das  Vis.      Ces  Xas  Muas
    mam sawv kev rov mus Las Mas.

    2018 MUS TEEV NTUJ tim DAIM AV NTSHIAB (Israël) - Page 2 Img_2111


    Das Vis tua Nkaus Lias.  
    1 Xas Muas: 17, 32 - 50.


    32    Das  Vis  hnov  Nkaus  Lias
    tsawm  haiv  His  Xas  Lais,  nws
    hais rau tus vaj Xas Ws tias :  
    "Peb  txhob  muaj  leej  twg  ntaus  siab  me
    vim  tus  Fis  Lis  Tis  ntawd.    Koj  tus  tub
    txib yuav mus ntaus nws."
    33  Xas Ws teb Das Vis tias :  
    "Kuv  mus  ntaus  tsis  tau  tus  Fis  Lis  Tis
    ntawd.    Koj  yog  ib  tug  me  nyuam  yaus,
    hos tus neeg  ntawd txij nws  yav hluas los
    nws yeej yog ib tug tub rog."
    34   Das   Vis   hais   rau   Xas   Ws   tias   :  
    "Yav  nram  ntej,  koj  tus  tub  txib  zov  nws
    txiv  cov  tsiaj  nog  zaub,  yog  muaj  ib  tug
    17tsov  los  ib  tug  dais  los  tom  ib  tug  yaj
    lawm,  35   mas kuv caum tus tsiaj ntawd,
    kuv txeeb tus tsiaj  nyeg  ntawm  nws  qhov
    ncauj  los.    Yog  tus  tsiaj  qus  sawv  ntsug
    tiv kuv mas kuv nthos nkaus nws cov hwj
    txwv   ces   kuv   ntaus   nws   kom   tuag.        
    36      Koj  tus  tub  txib  twb  tua  tau  tsov  tau
    dais.  Tus  Fis  Lis  Tis  tsis  txais  lub  Cim
    Txiav  ntawd  kuv  kuj  yuav  muab  nws  tua
    thiab, vim nws thuam tus Tswv Ntuj muaj
    txoj sia tsoom tub rog."
    37  Das Vis tseem hais tias :  
    "HUAB  TAIS  twb  npo  kuv  ntawm  tsov
    thiab    dais  cov  rau  tes  rau  taw,  nws  yeej
    yuav   npo   kuv   ntawm  tus  Fis  Lis  Tis
    ntawd txhais tes thiab."    
    38    Ces  Xas  Ws  thiaj  muab  nws  tej  tsoos
    ua  rog  rau  Das  Vis  hnav,  muab  ib  lub
    mom tooj rau nws  ntoo,  muab ib  lub tsho
    hlau  rau  nws  hnav.    39    Xas  Ws  muab
    nws rab ntaj rau Das Vis sia tuaj saum lub
    tsho  hlau.    Tab  sis  thaum  Das  Vis  hnav
    tas  nws  tshais  ruam  tsis  tau,  vim  nws
    hnav  tsis  kam  tej  yam  hnyav  li  ntawd.  
    Nws hais rau Xas Ws tias :  
    "Kuv coj ntau yam li ntawd, mas kuv mus
    tsis   taus   kev,      kuv   hnav   tsis   kam   li ntawd."
    Ces lawv thiaj pab nws rov hle txhua yam
    ntawd tseg.  40  Das Vis nthos nkaus nws
    rab  qws.    Nws  xaiv  tsib  lub  qe  zeb  du  du
    nram  hav  dej  los  ntim  rau  hauv  lub  hnab
    uas  nws  ris  zov  yaj,  nws  cia  li  mus  cuag
    tus Fis Lis Tis.  
    41    Tus  Fis  Lis  Tis  txav  los  ze  Das  Vis
    zuj  zus.    Muaj  ib  tug  nqa  ib  lub  vab  hlau
    ua  nws  ntej.      42    Tus  Fis  Lis  Tis  tig  los
    pom  Das  Vis,  nws  cem  Das  Vis  vim  Das
    Vis  hluas  hluas,  Das  Vis  cov  plaub  hau
    daj  liab,  thiab  nws    zoo  nraug  zoo  saib
    kawg.    43    Tus  Fis  Lis  Tis  hais  rau  Das Vis tias :  
    "Kuv puas yog ib tug dev.  Ua cas koj nqa
    ib rab qws tuaj tiv kuv ?"  
    Ces tus Fis Lis Tis tuav txog nws cov dab
    lub  npe  los  tsawm  Das  Vis.    44    Tus  Fis
    Lis Tis hais rau Das Vis tias :  
    "Koj  txav  los  ze  kuv  mas  !    Kuv  yuav
    muab  koj  tej  nqaij  rau  cov  noog  ya  saum
    ntuj thiab cov tsiaj nyob nruab nrag noj."    
    45  Das Vis teb rau tus Fis Lis Tis tias :  
    "Koj tuav ntaj tuav hmuv tuaj tiv kuv, hos
    kuv tuav txog HUAB TAIS Xas Npas Os
    lub  npe  tuaj  tiv  koj.      HUAB  TAIS  yog
    tsoom tub rog His Xas Lais tus Tswv Ntuj
    uas koj thuam.  
    46  Hnub no HUAB TAIS yuav muab koj
    rau  hauv  kuv  txhais  tes.    Kuv  yuav  muab
    koj  tua,  kuv  yuav  txiav  koj  taub  hau.  
    Hnub no kuv yuav muab koj lub cev thiab
    tsoom tub rog Fis Lis Tis lub cev rau cov
    noog  ya  saum  ntuj  thiab  cov  tsiaj  nruab
    nrag  noj.    Ces  tas  lub  qab  ntuj  neeg  yuav
    paub tias muaj  ib tug Tswv Ntuj saib His
    Xas  Lais.    47    Tas  ib  zeej  tsoom  nyob
    ntawm  no  yuav  pom  tias  tsis  tas  HUAB
    TAIS yuav siv  ntaj siv hmuv los pub txoj
    kev  yeej,  vim HUAB TAIS yog tus tswv
    coj tsam rog  no.  Nws yuav  muab nej rau
    hauv peb xib teg."
    48  Tus Fis Lis Tis Nkaus Lias pib tshais
    ruam  tuaj  cuag  Das  Vis.    Das  Vis  thiaj
    txav  tawm  ntawm  phiaj  tub  rog  His  Xas
    Lais khiav mus thawj tus Fis Lis Tis.  
    49    Nws  cev  tes  hauv  nws  lub  hnab,  nws
    thau  tau  ib  lub  qe  zeb  los,  nws  xuas  hlua
    txawb lub qe zeb mus raug tus Fis Lis Tis
    hauv  pliaj.    Lub  pob  zeb  nkag  kiag  hauv
    tus  Fis  Lis  Tis  Nkaus  Lias  hauv  pliaj,
    Nkaus   Lias   cia   li   vau   hlo   khwb   rwg
    ntsuav rau hauv av.  50  Ces Das Vis xuas
    hlua  thiab pob  zeb  xwb,  nws  ntaus  yeej
    tus  Fis  Lis  Tis.    Das  Vis  tua  tus  Fis  Lis
    Tis  tuag,  nws  txhais  tes  tsis  tau  tuav  ntaj tuav hmuv li.

    2018 MUS TEEV NTUJ tim DAIM AV NTSHIAB (Israël) - Page 2 Das_vi12


    Xas Ws pib ntxub Das Vis.  1 Xas Muas 18: 6 - 11.
    6   Thaum Das Vis mus tua tus Fis
    Lis  Tis  Nkaus  Lias  rov  qab  los,
    mas  cov  poj  niam  tuaj  txhua  lub  nroog
    His  Xas  Lais  tuaj  cuag  tus  vaj  Xas  Ws.  
    Lawv  dhia  daj  dhia  luag  hu  nkauj,  ntaus
    nruas,  ntaus  thaj  cheej  thiab  nqua  suab
    lom zem.   7  Cov poj niam hu nkauj dhia tias :  
    "Xas  Ws  tua  ntau  txhiab  leej  neeg.    Hos
    Das Vis tua ntau vam leej neeg."
    8    Xas  Ws  npau  taws  heev  kawg  vim  tej
    lus ntawd tsis ntxim  nws siab.   Nws hais tias :  
    "Lawv  muab  ntau  vam  leej  neeg  rau  Das
    Vis,  muab  txhiab  leej  neeg  rau  kuv  xwb.  
    Tshuav  qhov  lawv  tsis  tau  hu  nws  ua  vaj xwb !"
    9    Ces  txij  hnub  ntawd  los,  Xas  Ws  pib
    khib thiab  ntxub Das Vis.  
    10    Tag  kis,  Tswv  Ntuj  ib  tug  dab  phem
    los  nyob  hauv  Xas  Ws.    Ces  Xas  Ws
    vwm.    Thaum  Das  Vis  tab  tom  qoj  nws
    rab nkauj nog  ncas li  niaj hnub,  mas  Xas
    Ws   tuav   nws   rab   hmuv   ntawm   tes,          
    11    Xas  Ws  tsa  hlo  nws  rab  hmuv,  nws hais tias :  
    "Kuv yuav muab Das Vis nkaug kom mus
    lo rau tim phab ntsa !"
    Tab  sis  Das  Vis  maim  dhau  Xas  Ws  rab
    hmuv ob zaug.

    Yos  Nas  Thas  thov  kom  Xas  Ws
    txhob ua phem rau Das Vis.   1 Xas Muas: 19, 1- 7.

    1    Xas  Ws  hais  rau  nws  tus  tub
    Yos Nas Thas thiab rau cov thawj
    tub  rog  tias  nws  xav  muab  Das  Vis  tua
    pov  tseg.    Tab  sis  Xas  Ws  tus  tub  Yos
    Nas Thas nyiam Das Vis kawg.    
    2   Nws qhia Das Vis tias :  
    "Kuv  txiv  Xas  Ws  nrhiav  kev  tua  koj.  
    Koj  yuav  ceev  faj  zoo.    Tag  kis  sawv
    ntxov koj tsiv nraim nyob twj ywm.    
    3    Kuv  yuav  nrog  kuv  txiv  tawm  mus
    nraum  daim teb.  Kuv  yuav hais zoo txog
    koj  rau  nws.    Saib  nws  yuav  ua  dab  tsi
    kuv mam rov los hais qhia koj."
    4    Yos  Nas  Thas  hais  zoo  txog  Das  Vis
    rau nws txiv Xas Ws.  Yos Nas Thas hais tias :  
    "Tus  vaj  yuav  tsis  txhob  ua  txhaum  rau
    nws tus tub txib Das Vis, vim Das Vis tsis
    tau ua txhaum dab tsi rau koj.   Qhov nws
    tau ua mas yog ib yam pab koj ntau kawg
    xwb.    5    Nws  muab  nws  txoj  sia  mus  tiv
    rog,  nws  tua  tus  Fis  Lis  Tis,  ces  HUAB
    TAIS  pub  kom  His  Xas  Lais  yeej  loj
    kawg.    Koj  pom  tias  His  Xas  Lais  yeej
    mas  koj  yuav  zoo  siab.    Vim  li  cas  koj
    thiaj  yuav  ua  txhaum  ?    Ua  cas  koj  yuav
    ua  kom  ib  tug  neeg  siab  dawb  tej  ntshav
    ntws  ?    Ua  cas  koj  yuav  lam  tau  lam
    muab Das Vis tua ?"
    6   Xas Ws mloog Yos Nas Thas, nws cog lus tias :  
    "Yog  HUAB  TAIS  muaj  txoj  sia  tiag,
    mas Das Vis yuav tsis tuag."  
    7      Ces  Yos  Nas  Thas  hu  Das  Vis  tuaj,
    nws  hais  tej  ntawd  qhia  Das  Vis  tib  si.  
    Tas  ces  Yos  Nas  Thas  coj  Das  Vis  mus
    cuag  Xas  Ws.    Das  Vis  rov  ua  nws  txoj hauj lwm li qub.

    Das Vis khiav mus tsiv nraim.
    1 Xas Muas 22 : 1 - 5.

    1      Das   Vis   khiav   tawm   mus
    nkaum  hauv  lub   qhov  tsua  As
    Dus Las.  Nws cov kwv tij thiab nws tsev
    neeg  hnov  lub  moo  ntawd  ces  lawv  nqes
    mus nrog nws nyob.  
    2  Cov neeg txom nyem, cov neeg tshuav
    luag  nuj  nqes,  cov  tsis  txaus  siab,  sawv
    daws  khiav  tuaj  khaub  zig  Das  Vis,  ces
    nws  ua  lawv  tus  thawj  coj.    Nws  muaj
    400 tawm leej neeg nrog nws.    
    3    Das  Vis  tseem  tso  qhov  chaw  ntawd
    tseg, nws mus rau Mis Pes uas nyob Muas
    teb.  Nws hais rau tus vaj Muas tias :  
    "Thov  koj  pub  kuv  niam  thiab  kuv  txiv
    nkawd  nrog  koj  nyob  ntawm  no  tos  txog
    hnub  kuv  paub  tias  Tswv  Ntuj  yuav  ua
    dab tsi rau kuv tso."    
    4    Das  Vis  tso  nws  niam  thiab  nws  txiv
    nkawd   nyob   hauv   tus   vaj   Muas   tsev.  
    Nkawd  nyob  ntawd  tas  lub  caij  uas  Das
    Vis khiav mus tsiv nraim.  
    5    Tus  Yaj  Saub  Nkas  hais  rau  Das  Vis
    tias :  
    "Koj tsis txhob  nkaum twj  ywm  hauv lub
    qhov  tsua  no  xwb.    Koj  mus  hauv  Yus
    Das teb."  
    Ces Das Vis sawv kev mus txog hauv cov
    hav zoov nyob Hes Les.

    Das  Vis  tau  kev  muab  Xas  Ws  tua,
    tab sis nws tsis tua.   1 Xas Muas 24 : 1 - 21.


    1    Das  Vis  tso  thaj  tsam  ntawd
    tseg, nws mus nyob pem cov qhov
    tsua Es Nkas Dis.    
    2    Xas  Ws  mus  caum  cov  Fis  Lis  Tis.  
    Thaum nws rov qab los, luag hais rau nws  tias :  
    "Das  Vis  mus  pem  thaj  suab  puam  Es
    Nkas Dis lawm."  
    3    Xas  Ws  thiaj  sau  peb  txhiab  leej  neeg
    nyob  hauv  tsoom  His  Xas  Lais,  nws  kom
    lawv  mus  nrhiav  Das  Vis  thiab  Das  Vis
    pab   neeg   ntawm   cov   pob   tsuas   Sai.          
    4  Xas Ws tuaj txog ntawm cov nkuaj yaj
    uas  nyob  ntawm  ntug  kev.    Nyob  ntawd
    muaj  ib  lub  qhov  tsua.  Xas  Ws  mus  so
    nyob hauv.  
    Das Vis thiab nws pab tub rog twb nkaum
    hauv   lub  qhov  tsua  ntawd  lawm thiab.  
    5   Cov tub  rog  hais  rau  Das  Vis  tias :  
    "Txog  hnub  HUAB TAIS  qhia koj tias :  
    'Kuv  tso  koj  tus  yeeb  ncuab  rau  hauv  koj
    txhais  tes.    Koj  ua  rau  nws  ywj  koj  siab mas."
    Das  Vis  sawv,  nws  nyiag  mus  txiav  Xas
    Ws  ib  sab  tw  tsho  tshaj  sab.    6    Nws
    ntshai, nws lub plawv dhia heev, vim nws
    txiav tau Xas Ws ib sab tw tsho tshaj sab
    lawm.    7    Nws  hais  rau  nws  pab  tub  rog tias :  
    "Thov  kom  HUAB  TAIS  txhob  cia  kuv
    ua  phem  rau  kuv  tus  Huab  Tais  !    Kuv
    txhob  tua  Xas  Ws,  vim   Xas  Ws  yog
    HUAB TAIS tus pleev."  
    8    Ces  Das  Vis  hais  tej  lo  lus  tawv  txwv
    tsis pub nws pab tub rog dhia mus tua Xas
    Ws.  Xas Ws sawv, nws tawm  hauv  qhov
    tsua, nws mus taug nws txoj kev ntxiv.  
    9  Das Vis thiaj sawv, nws kuj tawm hauv
    qhov  tsua  mus,    nws  hu  Xas  Ws  nrov
    nrov  tias :    
    "Kuv tus tswv huab tais !"    
    Xas  Ws  tig  ntsia  rov  tom  qab.    Das  Vis
    khoov thiab pe Xas Ws.   10  Das Vis hais
    rau Xas Ws tias :  
    "Ua cas koj ntseeg cov neeg uas lawv hais
    rau  koj  tias  Das  Vis  nrhiav  ua  phem  rau
    koj  ?    11    Hnub  no,  koj  qhov  muag  pom
    tias HUAB TAIS  muab koj rau hauv kuv
    txhais  tes  lawm  nyob  hauv  lub  qhov  tsua
    no.  Kuv tsis  kam  muab koj tua.  Kuv cia
    koj  ciaj.    Kuv  tau  hais  tias  kuv  txhais  tes
    yuav  tsis  tua  kuv  tus  huab  tais,  vim  nws
    yog HUAB TAIS tus pleev.  12  Txiv, koj
    ntsia  koj  lub  tsho  ib  sab  nyob  hauv  kuv
    txhais  tes  no.    Kuv  tau  txiav  koj  lub  tsho
    ib  sab,  tab  sis  kuv  tsis  tau  muab  koj  tua.  
    Koj  yuav  tsum  lees  tias  kuv  lub  siab  tsis
    xav  ua  phem  rau  koj,  tsis  xav  muab  neeg
    tua.    Kuv  tsis  tau  ua  txhaum  rau  koj,  hos
    koj nrhiav kev ntes kuv thiab txo kuv txoj
    sia.    13    Kuv  thov  kom  HUAB  TAIS
    txiav saib puas yog kuv los  yog koj muaj
    txhaum.    Kuv  thov  kom  HUAB  TAIS
    pauj rau koj.  Tab sis  kuv txhais tes  yuav
    tsis kov koj li. 14  Tej laus qhia hais tias:
    Cov  neeg  phem  rho  txoj  kev  phem  tawm
    los.  Ua  li  mas  kuv  yuav  tsis  tsa  tes  ntaus
    koj.    15    Vaj  His  Xas  Lais,  koj  taug  txoj
    kev  ntaus rog, koj xav tua leej twg ?  Koj
    caum  leej  twg  ?    Koj  caum  ib  tug  dev    
    lod  ?    Los  koj  caum  ib  tug  nyuag  dev  
    mub ?   16  Cia HUAB TAIS ua tus txiav
    txim  rau  wb.    Kuv  thov  kom  nws  ntsuas
    kuv  cai  thiab  npo  kuv  ntawm  koj  txhais tes."
    17    Thaum  Das  Vis  hais  li  ntawd  tas  rau
    Xas   Ws,   mas   Xas   Ws   hais   tias   :  
    "Kuv  me  tub  Das  Vis,  puas  yog  koj  lub
    suab tiag ?"  
    18    Ces  Xas  Ws  quaj  nrov  nrov.    Nws
    hais rau Das Vis tias :
    "Koj  siab  ncaj  dua  kuv.    Vim  koj  ua  zoo
    rau  kuv,  hos  kuv  kawg  ua  phem  rau  koj
    xwb.   19   Hnub no koj tseem tau ua zoo
    tshaj   rau   kuv,   vim   HUAB   TAIS   twb
    muab  kuv  rau  hauv  koj  txhais  tes,  tab  sis
    koj  tsis  muab  kuv  tua.   20   Thaum  ib  tug
    neeg  ntsib  nws  tus  yeeb  ncuab,  nws  puas
    yuav  cia  nws  tus  yeeb  ncuab  mus  taug
    nws   txoj   kev   ntxiv   ?   Kuv   thov   kom
    HUAB  TAIS  pub  paj  tshab  rau  koj  pauj
    qhov zoo uas hnub no koj tau ua rau kuv.  
    21  Nyem no kuv paub tseeb tias koj yuav
    ua vaj, thiab txoj kev ua vaj tswj His Xas  
    Lais  yuav  nyob  ruaj  nreb  hauv  koj  txhais tes."


    Das Vis zam rau Xas Ws.
    1 Xas Muas 26 : 2 + 7 - 9 + 12 - 13 + 22 - 23.

    2    Xas  Ws  sawv  kev  mus  nram
    lub  hav  suab  puam  Xis  Fes.    Peb
    txhiab leej tub rog His Xas Lais zoo tshaj
    nrog  nws  mus  caum  Das  Vis  nyob  hauv
    lub  hav  suab  puam  Xis  Fes.    7    Das  Vis
    thiab  As  Npis  Sais  nkawd  maub  mus  soj
    Xas Ws pw tsaug zog nyob  hauv  nws lub
    yeej,  nws  rab  hmuv  txhos  hauv  av  ze
    ntawm  nws.    Cov  tub  rog  pw  ncig  Xas
    Ws.      8    Ces  As  Npis  Sais  hais  rau  Das Vis tias :  
    "Hnub  no,  HUAB  TAIS  tso  koj  tus  yeeb
    ncuab  rau  hauv  koj  txhais  tes.    Koj  cia
    kuv  mus  muab  nws  rab  hmuv  rov  hno
    nws  rau  hauv  av.    Kuv  nkaug  ib  teg  xwb
    ces  txaus  lawm,  tsis  tas  kuv  yuav  nkaug ob teg !"
    9    Tab  sis  Das  Vis  hais  rau  As  Npis  Sais tias :  
    "Koj  tsis  txhob  tua  nws  !  Leej  twg  tua
    HUAB  TAIS  tus  pleev,  mas  nws  yuav
    nyob tsis raug txim puas tau ?"
    12  Ces  Das  Vis  mus  ze  ntawm  Xas  Ws
    taw,  nws  muab  Xas  Ws  rab  hmuv  thiab
    lub  plhuaj  taub  dej.    Ces  nkawd  khiav
    lawm.    Tsis  muaj  leej  twg  pom  nkawd.  
    Sawv  daws  tsaug  zog  tas.    Tsis  muaj  tus
    hnov li.  13  Das Vis hla hav dej  mus sab
    tim ub, nws mus saum lub ncov roob nrug
    deb ntawm Xas Ws.  
    22  Das Vis mam li hu Xas Ws nrov nrov tias :  
    "Tus vaj rab hmuv  nyob ntawm no  !  Koj
    tso  koj  ib  tug  tub  txib  hla  tuaj  nqa  mas  !  
    23  Cia HUAB TAIS txiav txim rau nyias
    raws  li  nyias  lub  siab  ncaj  siab  ncees.  
    Hnub no HUAB TAIS muab koj rau hauv
    kuv  tes,  tab  sis  kuv  tsis  kam  tsa  tes  tua
    koj, HUAB TAIS tus pleev !"

    2018 MUS TEEV NTUJ tim DAIM AV NTSHIAB (Israël) - Page 2 Das_vi11



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5668
    Date d'inscription : 2009-08-18

    2018 MUS TEEV NTUJ tim DAIM AV NTSHIAB (Israël) - Page 2 Empty Re: 2018 MUS TEEV NTUJ tim DAIM AV NTSHIAB (Israël)

    Post  Maiv Tooj on 29th January 2019, 7:31 am


    NPES LES HES Yes Xus yug.

    Tswv Ntuj pleev roj tsa tus Vaj 2 nyob Npes Les Hes yog tus Vaj kav lub Ntuj lub teb Yes Xus Pleev.

    Leej Lo Lus lub hwj chim. Zam 1 : 1 - 18.
    1 Thaum lub hauv paus, Leej Lo
    Lus yeej nyob txawm lawm. Leej Lo
    Lus nyob ze Tswv Ntuj. Leej Lo Lus yog
    Tswv Ntuj. 2 Thaum lub hauv paus, Leej
    Lo Lus nyob ze Tswv Ntuj. 3 Tas ib
    puas tsav yam tshwm los vim nws. Yog
    tsis muaj nws, mas tsis muaj ib yam dab
    tsi tshwm tau los nyob.
    4 Txoj sia xeeb txawm nyob hauv nws.
    Txoj sia yog neeg qhov pom kev.
    5 Ces qhov pom kev ci hauv qhov tsaus
    ntuj, qhov tsaus ntuj thaiv tsis tau qhov pom kev.
    6 Muaj ib tug neeg tuaj, yog Tswv Ntuj
    xa nws tuaj. Nws lub npe hu ua Zam.
    7 Nws yog ib tug tim khawv tuaj ua pov
    thawj txog qhov pom kev, kom txhua leej
    txhua tus ntseeg vim nws. 8 Tus ntawd
    tsis yog qhov pom kev, tab sis nws yuav
    ua tim khawv txog qhov pom kev.
    9 Qhov pom kev uas yog qhov tseeb, ci
    tuaj ziab txhua leej tib neeg, nws tuaj
    nyob hauv lub sim ceeb. 10 Nws yeej
    nyob txawm hauv lub sim ceeb no. Yog
    nws ua kom muaj lub sim ceeb no tshwm
    los, tsis kav lub sim ceeb tsis paub nws.
    11 Nws los nyob hauv nws tsev, tsis kav
    nws cov neeg tsis txais nws. 12 Tab sis,
    cov neeg uas txais nws thiab ntseeg txog
    nws lub npe, mas nws pub hwj huam rau
    lawv kom los ua Tswv Ntuj cov me
    nyuam tas huv tib si. 13 Cov ntawd, yog
    cov uas tsis yug ntawm ntshav los, tsis
    yog lub cev nqaij xav kom lawv yug los,
    thiab kuj tsis yog neeg lub siab xav kom
    lawv yug los. Lawv yog cov yug ntawm
    Tswv Ntuj los. 14 Ces Leej Lo Lus xeeb
    los ua ib lub cev neeg, nws nrog peb
    nyob. Peb tau ntsia ntsoov nws lub hwj
    chim. Yog lub hwj chim uas Leej Tub
    twm zeej tau ntawm Leej Txiv los. Leej
    Tub muaj txiaj ntsim thiab qhov tseeb
    nyob puv hauv nws.
    15 Zam ua tim khawv txog Leej Lo
    Lus : Zam tshaj hais tias :
    "Tus no yog tus kuv hais txog tias, tus uas
    lawv kuv qab tuaj, mus ua kuv ntej lawm,
    vim nws xub nyob dua kuv."
    16 Peb puav leej tau txais qhov txhawv
    nphau nphwv hauv nws los : peb txais
    txiaj ntsim sis laub sis lug. 17 Txoj Cai
    yog Mais Xes muab, hos lub txiaj ntsim
    thiab txoj kev tseeb yog Yes Xus Pleev coj tuaj.
    18 Tsis muaj leej twg tau pom Tswv Ntuj
    ib zaug. Tab sis Leej Tub Twm Zeej uas
    yug ntawm Tswv Ntuj los, thiab nws
    nyob nraim hauv Leej Txiv lub xub ntiag,
    nws ua kom peb paub Tswv Ntuj.


    2018 MUS TEEV NTUJ tim DAIM AV NTSHIAB (Israël) - Page 2 Img_2112

    2018 MUS TEEV NTUJ tim DAIM AV NTSHIAB (Israël) - Page 2 Img_2113

    2018 MUS TEEV NTUJ tim DAIM AV NTSHIAB (Israël) - Page 2 Img_2114

    Lub qhov tsua uas cov zov yaj nyob es Ntuj cov Tshiab tuaj hu lawv mus hawm Me Nyuam Yes Xus.

    Yes Xus yug los. LK 2 : 1 - 21
    1 Lub zwj ceeb ntawd, vaj ntxwv
    Xes Ntxas Aus Nkus Tus tshaj lus
    ceeb toom kom tas ntiaj teb txheeb tsoom
    mej hwm. 2 Thaum txheeb tsoom mej
    hwm thawj zaug no, yog lub caij Kis Lis
    Nyus ua nom tswj Xis Lias teb.
    3 Txhua leej txhua tus sawv kev mus,
    nyias mus sau nyias npe hauv nyias lub
    nroog. 4 Yos Xes kuj sawv kev hauv lub
    nroog Nas Xas Les, xeev Nkas Lis Lais
    mus pem Das Vis lub nroog hu ua Npes
    Les Hes, nyob hauv xeev Yus Das, vim
    Yos Xes yog Das Vis tsev neeg thiab Das
    Vis caj ces. 5 Yos Xes xav muab Mab
    Liab lub npe sau nrog nws lub npe, vim
    Mab Liab yog tus nws qhaib thiab Mab
    Liab cev hnyav lawm. 6 Thaum nkawd
    nyob Npes Les Hes, txog lub caij Mab
    Liab yuav daws cev. 7 Nws yug nws tus
    tub, nws muab ntaub qhwv, thiab muab
    tso pw hauv ib lub dab nyuj, vim lub tsev
    txais qhua tsis muaj chaw rau nkawd so.
    8 Nyob thaj tsam ntawd, muaj ib co neeg
    zov yaj. Lawv nyob nruab teb. Hmo ntuj,
    lawv nyob zov lawv pab yaj. 9 Huab
    Tais tus Tshiab tawm los rau lawv pom,
    Huab Tais lub hwj chim ci dawb paug
    ncig lawv, lawv ntshai kawg. 10 Tus
    Tshiab hais rau lawv tias :
    "Nej txhob ntshai, vim kuv tuaj xa ib tsab
    xov zoo uas yuav ua kom nej zoo siab
    thiab ib tsoom neeg zoo siab. 11 Hnub
    no, nyob hauv Das Vis lub nroog, tus
    Cawm nej yug los lawm, nws yog Leej
    Pleev, thiab yog Huab Tais. 12 Lub cim
    yuav ua kom nej paub yog lub cim no :
    nej yuav pom ib tug me nyuam mos qhwv
    ntaub pw hauv ib lub dab nyuj."
    13 Ib sij huam, txawm muaj ib pab
    Tshiab coob coob tuaj nrog tus Tshiab xa
    xov cav lus zoo txog Tswv Ntuj tias :
    14 "Nyob saum cov txheej ntuj siab,
    Tswv Ntuj nto meej nto moo, nyob ntiaj
    teb, tsoom neeg Tswv Ntuj nyiam, nyob thaj yeeb.
    15 Thaum cov Tshiab tso cov zov yaj
    tseg rov mus saum ntuj lawm, cov zov
    yaj sib yaum tias :
    "Peb mus Npes Les Hes, mus xyuas yam
    xwm uas Huab Tais tuaj qhia peb ntawd saib."


    Last edited by Maiv Tooj on 29th January 2019, 8:08 am; edited 2 times in total



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5668
    Date d'inscription : 2009-08-18

    2018 MUS TEEV NTUJ tim DAIM AV NTSHIAB (Israël) - Page 2 Empty Re: 2018 MUS TEEV NTUJ tim DAIM AV NTSHIAB (Israël)

    Post  Maiv Tooj on 29th January 2019, 9:20 am


    YES XUS YUG LOS NYOB NPES LES HES.

    Lub tsev teev Ntuj qhov tsua Yes Xus Yug nyob Npes Les Hes.

    2018 MUS TEEV NTUJ tim DAIM AV NTSHIAB (Israël) - Page 2 Img_2117

    2018 MUS TEEV NTUJ tim DAIM AV NTSHIAB (Israël) - Page 2 Img_2116

    2018 MUS TEEV NTUJ tim DAIM AV NTSHIAB (Israël) - Page 2 Img_2118


    Lub qhov rooj me me txhais txog los lus uas Yes Xus tau hais tias lub qhov rooj yuav mus pem Ntuj Ceeb Tsheej yog lub qhov rooj nqaim.

    2018 MUS TEEV NTUJ tim DAIM AV NTSHIAB (Israël) - Page 2 Img_2119

    2018 MUS TEEV NTUJ tim DAIM AV NTSHIAB (Israël) - Page 2 Yes_xu10

    Qhov chaw Yug Yes Xus.
    Lawv muab cov roj ntawm lub teeb tsav los pleev hauv pliaj thov txiaj ntsim.


    2018 MUS TEEV NTUJ tim DAIM AV NTSHIAB (Israël) - Page 2 Img_2120

    2018 MUS TEEV NTUJ tim DAIM AV NTSHIAB (Israël) - Page 2 Lub_da10


    Lub dab nyuj uas Yes Xus pw.

    Lus Kas: 1,15-21 Yes Xus yug los.

    15 Thaum cov Tshiab tso cov zov yaj
    tseg rov mus saum ntuj lawm, cov zov
    yaj sib yaum tias :
    "Peb mus Npes Les Hes, mus xyuas yam
    xwm uas Huab Tais tuaj qhia peb ntawd saib."
    16 Ces lawv maj zeeg tuaj mus. Lawv
    pom Mab Liab thiab Yos Xes, thiab pom
    tus me nyuam mos pw hauv dab nyuj.
    17 Thaum lawv pom li ntawd, lawv piav
    lo lus uas tus Tshiab tau qhia rau lawv
    txog tus me nyuam. 18 Tus twg hnov, tus
    twg kuj qhuas txog tej lus uas cov zov yaj
    hais rau lawv. 19 Hos Mab Liab, nws ua
    tib zoo khaws tej lus no huv si cia rau
    nruab siab. 20 Cov zov yaj rov mus tsev,
    lawv foom koob meej thiab cav lus zoo
    txog Tswv Ntuj vim tas txhua yam lawv
    tau pom thiab tau hnov raws li Ntuj qhia lawv.
    21 Thaum dhau lub caij yim hnub lawm,
    txog hnub ua lub cim txiav, lawv tis npe
    rau tus me nyuam hu ua Yes Xus, yog lub
    npe uas tus Tshiab tau qhia Mab Liab
    thaum nws tsis tau xeeb tub.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5668
    Date d'inscription : 2009-08-18

    2018 MUS TEEV NTUJ tim DAIM AV NTSHIAB (Israël) - Page 2 Empty Re: 2018 MUS TEEV NTUJ tim DAIM AV NTSHIAB (Israël)

    Post  Maiv Tooj on 1st February 2019, 8:06 am



    DAB NEEG PIAV TXOG THAUM YUG YES XUS.


    2018 MUS TEEV NTUJ tim DAIM AV NTSHIAB (Israël) - Page 2 Npes_l11


    2018 MUS TEEV NTUJ tim DAIM AV NTSHIAB (Israël) - Page 2 Tsev_t10

    Lub tsev teev Ntuj Yes Xus Yug nyob Npes Las Hes.

    2018 MUS TEEV NTUJ tim DAIM AV NTSHIAB (Israël) - Page 2 Chaw_y10

    Qhov chaw Yes Xus Yug nyob sab lauj ntawm daim duab,
    yug tau muab tso pw ntawm sab xis yog lub dab nyuj.

    Raws li kwv huam hais, Yos Xes coj Mab Liab tuaj pem Naj Xas Les, NKas Lis Lais teb tuaj mus rau Npes Les Hes Yus Das teb, taug ko taw 156 km, ntshe nkawd yuav tuaj pw 3-4 hmo tog kev mam li tuaj txog. Thaum nkawd tuaj txog Npes Les Hes neeg tuaj sau npe txheeb pej xeem coob tsis muaj chaw so, tus tub zov yaj uas xub ntsib nkawd tom roob thiab pom tias Mab Liab sab ces nws muab tau ib khob mis yaj cev rau Mab Liab haus thiaj hais rau nkawd tias yog neb nrhiav tsis tau chaw so no kuv mam li coj neb mus so tom cov qhov tsua nyob tom npoo roob uas yog cov nkuaj nyug, li cas los neb tau chaw qhuav yuav zoo dua pw las hnub qub vim hmo ntuj no heev. Ces tub zov yaj thiaj li qhia nkawd mus...

    Thaum nkawd mus txog, muaj ib tug nyuj nyob hauv lub qhov tsua, Yos Xes thob me ntsis chaw thiab sua taw rau lub me nyuam cub tawg, nws zaum rov tom rooj tsua, Mab Liab ntxhos caug rov pom qab tsuas, lub qhov tsua ci lam thab tej vas kab laug sav, tej plua plav ci laim ntoom cuag xov nyiaj xov kub pom kev lam lug zoo li tsis yog ntiaj teb lawm. Ib pliag qhov ci las thab ntaug me ntsis ces twb pom Mab Liab yug tau Yes Xus lawm. Mab Liab hu Yos Xes
    thiab cev tus me Nyuam rau Yos Xes, Yos Xes txhos caug hawm thiab tsis kam txais hais tias: "Kuv tsis tsim nyob yuav kov Huab Tais". Mab Liab teb tias: "Koj tsim nyog kawg Tswv Ntuj thiaj li xaiv koj los thaj tsob Nws."

    Tswv Ntuj tus Tshiab hu cov zov yaj tuaj hawm Me Nyuam Yes Xus.
    Tsaus ntuj pab zov yaj pw, cas cia li muaj qhov pom kev ci ci, tiag mas tsis muaj hli mas yuav tsaus ntuj nti tab sis ho pom kev lam lug. Lawv ntshai ces tus me nyuam yau tshaj yog hnub nyug 12 xyoos cia li pos taub hau quaj ces tus hlob cem nws tias cas yuav tais caus ua luaj, koj ces nkaum hauv koj niam qab tiab xwb taig kis peb muab koj xav rov qab. Tus me nyuam ntsiag tsis quaj lawm tab sis zoo li nws yoob, nws cia li tawm mus nraum tshav puam li tuav maum theeb nws tsis hnov lawv hais lus lawm. Lawv thuam nws zom zaws tias niag ruam ntawd ua li cas lawm. taig kis muab nws xa mus tsev, kuv tsis yuav cov neeg vwm li ntawd nrog kuv zov yaj.

    Tus hluas txawm luag nyav thiab hais tias: Qhov qaim hli txav los ze ze peb lawm! Cov teb tias kuv tsis pom dab tsi? Tus uas muab khob mis rau Mab Liab thaum nruab hnub thiaj li hais tias: Kuv pom li yog ib tug neeg. Tus me nyuam thiaj teb tias: Yog ib tug Tshiab nqes los! Ces nws txhos caug hawm tus Tshiab, tag nrho cov zov yaj txhos caug tib si ntawm tus Tshiab xub ntiag. Cov yau xwb thiaj pom tus Tshiab, cov laus tsis pom. Tus Tshiab thiaj hais rau lawv tias: "Nej txhob ntshai, kuv tsis yog xa ib lub moo phem rau nej, kuv xa ib lub Moo Zoo tias Hmo no tus Cawm Seej yug rau ntawm Vaj Das Vis lub nroog lawm." Tus Tshiab ntxuaj tis tho ci lam dawb paug lug. Hais tias nej mus nraum Npes Les Hes sab nraud, nej pom ib tug me nyuam mos nyuam qhuav yug pw hauv lub dab nyuj ces yog.

    Tib pliag ntshis cas hnov cov tshiab hu nkauj puag txheej Ntuj sab saud tuaj tias: ...Tswv Ntuj nto koob meej...

    Cov zov yaj thiaj li hais tias peb mus saib.

    Lawv hais rau Les Vis tias: Koj yog tus xub pom ces koj coj peb kev!
    Es Lis tus uas muab ib khob mis rau Mab Liab thiaj tias kuv yuav nqa ib tug me nyuam yaj mus hawm Huab Tais.
    Lawv thiaj mus txog, pom Mab Liab thiab Yos Xes zov tus me nyuam pw hauv lub dab nyuj. Lawv thiaj hais tias yog ib tug Tshiab qhia kom lawv tuaj hawm tus me nyuam yug los.




    Sponsored content

    2018 MUS TEEV NTUJ tim DAIM AV NTSHIAB (Israël) - Page 2 Empty Re: 2018 MUS TEEV NTUJ tim DAIM AV NTSHIAB (Israël)

    Post  Sponsored content


      Current date/time is 26th May 2019, 6:50 am