HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


LO LUS TIAS MAB LIAB YOG TSWV NTUJ NIAM. Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Yesterday at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


    LO LUS TIAS MAB LIAB YOG TSWV NTUJ NIAM.

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    LO LUS TIAS MAB LIAB YOG TSWV NTUJ NIAM. Empty LO LUS TIAS MAB LIAB YOG TSWV NTUJ NIAM.

    Post  Maiv Tooj 1st July 2018, 5:01 am


    LO LUS TIAS MAB LIAB YOG TSWV NTUJ NIAM.


    LO LUS TIAS MAB LIAB YOG TSWV NTUJ NIAM. Ob_dc710

    Kuv hais ib lo lus kom ze me ntsis, Tswv Ntuj lub tswv yim. Tswv Ntuj yog tus tsim kom muaj txhua yam, tuaj nyob saum ntuj thiab nyob ntiaj teb no.
    Tswv Ntuj yog tus muaj hwj huam loj tas nrho, Nws tsim lub ntuj lub teb. Ntuj tsis siv dab tsi los tsim li tib neeg tsim toob xib.
    Tswv Ntuj hais ib lo lus kom muaj, ces cia li muaj tuaj. Tas nrho tej tsiaj, nrog nroj tsuag, xyoob ntaoo thiab dej nag huab cua huv tib si.
    Tsuas yog Leej Tib Neeg, mas Tswv Ntuj thiaj hais tias, Ntuj muab Av los puab ua thawj tug Txiv Neej.Ua tau li ntawd los.
    Tswv Ntuj pom tias, zoo tsis txaus,Ntuj yuav tsim ib tug Poj Niam los nyob phim tus Txiv Neej. Thiaj tau sib ua lug.
    -Thaum Tswv Ntuj ua tiav lawd, mas Tswv Ntuj hlub thiab nyiam kawg. Tswv Ntuj tsis yuam thiab muab kev txom nyem rau neeg.
    Tswv Ntuj tsuas muab ib los lus tias, kom caiv tsis txhob noj lub txiv ntoo nyob hauv nruab nrab lub Vaj xwb.
    Thaum no Xas Tas uas nws tseem nyob hauv kev tsob hwb Tswv Ntuj. Nws nshaw ua tus loj tuaj kav lub sim ceeb, ces Xas Tas ntxeev siab ncaim ntawm Tswv Ntuj.
    Xas Tas, pom tias neeg Yaj Ceeb yuav tau zoo dua nws, vim Tswv Ntuj nyiam neeg Yaj Ceeb kawg. Cuag li Tswv Ntuj tsim lub lub Ceeb Tsheej zoo nkauj tas nrho rau neeg tuaj nyob.
    Ces Xas tas thiaj tuaj ntxias kom Noob Neej yuam kev tsis tau ua Tswv Ntuj me nyuam nyob tsob hwb Tswv Ntuj.
    Tus Xas Tas uas Hmoob hu ua Ntxwj Nyoog thiaj tuaj ntxias tus poj niam kom noj lub txiv uas Tswv Ntuj txwv ntawd.
    Lub txiv thiab txoj kev txwv yog ib txoj cai tias, yog kev loog lus thiab hwm Tswv Ntuj no. Tswv Ntuj tsis tau yuam, Ntuj tsuas hais tso rau ntawd xwb.
    Tus Poj Niam hnov Xas Tas lo lus ntxias tas nrho, ces nws xav kiag li Xas Tas hais. Nws thiaj de los noj, Nws tseem coj los rau Yawg As Das noj ib qho thiab.
    Thaum Tswv Ntuj paub cov xwm txhej ntawd tas, Tswb Ntuj kuj hlub neeg ces Tswv Ntuj cog lus tseg tias: Koj ntxias tus Poj Niam no noj.
    Nws raug rau koj kev ua txhaum, Mas tus Poj Niam no, yuav ua yeeb ncuab rau koj. Yog qhov no ntag, Es Vas raug dab ntxias. Nws tseem cia nws lub siab dawb huv.
    Mab Liab nyob hauv Tswv Ntuj lo lus cog no. Mab Liab los hloov ua tus Es Vas tshiab kom tau nyob yeej dab phem.
    As Das nws yog thawj tug Txiv Neej, uas Tswv Ntuj xub tsim los kom ua neeg nyob. Nws tsis tau ua kev txhaum loj nws yoog pog Es Vas kom tau nyob ua ke raws li txoj kev Tswv Ntuj qhia kom nyob sib ua luag.
    Kuj yog zoo li Tswv Ntuj muab tig, kom Mab Liab los ua Thawj tug muaj peev xwm los ua Tswv Ntuj Leej Niam. As Das tsis tau raug dab ntxia ib zaug li. Tswv Ntuj yuav As Das lub meej mom. Kom Tswv Ntuj tau xeeb los yuav lub cev neeg.
    Kom muaj yeej Xas Tas, Thaum Yes Xus mus nyob teb chaws Suab Puam, Yes Xus yoo mo tas 40 hnub 40 hmo. Xas tas rov tuaj ntxias li thaum Tswv Ntuj pib tsim muaj neeg tuaj nyob ntiaj teb no.
    Xas Tas ntxias Yes Xus peb zaug, Yes Xus tsis tau swb rau Xas Tas li. Ces Xas Tas tig rov mus ntxias cov neeg nyob hauv lub keeb txhaum tuaj liam rau Yes Xus tias:
    Yes Xus raug tusThawj dab loj lawm Yes Xus tej kev ntiab dab yog tus Vaj dab pab, Yes Xus ntiab cov xov dab. Mas dab thiaj mloog Yes Xus lus. Thiab Yes Xus yog tus neeg thuam Ntuj.
    Vim Yes Xus hu tus Tswv Ntuj tsim lub ntuj, tsim teb ua Leej Txiv no lawm. Txoj kev cawm neeg ntiaj teb tawm ntawm Yes Xus thiab Mab Liab los.
    Mab Liab ua Tswv Ntuj Niam, mas nkawd yog ob Niam Tub. Tsis yog txij nkawm li tus Yawg As Das qub thiab Pog Es Vas qub lawm. Tswv Ntuj ua li no kom Ntuj muab tau As das thiab Es Vas lub hwj huam yuam kom tau tus dab Xas tas kom swb mus tas nws sim neej.
    Peb yuav ntseeg tias, Tswv Ntuj muaj hwj huam loj, Tswv Ntuj yuav ua yam twg los tau. Txoj kev ua neeg thiab cov ntsuj plig phem qhia ua, mas tswv Ntuj xav rhuav lub caij twg los tau.
    Yam yog neeg ua, mas Tswv Ntuj tseem ua siab ntev maj mam tos kom neeg hloov siab ces Tswv Ntuj zam rau neeg.


    Yaj Zoov Ntxheb Xib Hwb.

      Current date/time is 28th March 2024, 12:02 pm