NTHUAV ZAJ KOJ NYOB KAJ LUG MAB LIAB.
->.Thaum hais koj nyob kaj lug Mab Liab, tus muaj txiaj ntsi puv siab. Huab Tais Ntuj nrog koj nyob. Koj tau koob tau hmoov tshaj ib zeej tsoom poj niam huv tib si.
Yog Tswv Ntuj tuaj qhuas thiab cav txog Mab Liab ua Tswv Ntuj niam. Tswv Ntuj tuaj yeem pub txiaj ntsim rau Mab Liab los ua Tswv Ntuj niam.
Tswv Ntuj ua kom Mab Liab tsis lo, thawj tus pog koob lub keeb txhaum. Uas Tswv Ntuj tau qee los ntawm thawj yug txiv neej uas tswv Ntuj tau tsim los.
Ces Mab Liab yog thawj tug poj niam muaj koob hmoob tshaj tas nrho txhua tus poj niam uas Ntuj tau tsim los.
->.Los lus uas hais tias, lub txiv uas koj lub cev txi tau koob tau hmoov. Thawj tug poj niam uas Tswv Ntuj qee los ntawm thawj tug txiv neej.
Nws tau swb rau dab Xas Tas zaj lus haub lus ntxias lawm. Yog Tswv rov ua kom dab Phem swb tus poj niam no mus.
Dab phem ua npaum li cas los tsuas tuaj txog ntawm tus poj niam no lub luj taws lawm xwb.
Yam li tsuas ntxias tau cov poj niam uas lawv tus ntsuj plig tseem qaug nrog thawj tug poj niam zaj lus mloog dab lus, raws li yav thaud lawm xwb.
Cov uas nyiam thiab raws Tswv Ntuj Leej Niam tshiab no, mas dab yuav ntxias tsis tau yooj yim lawm. Cov poj niam uas lawv npuab. Tus ua Tswv Ntuj Leej Niam no, mas yog pab poj niam uas nrog tus ua Leej Niam qhib lub rooj ntug rau Tswv Ntuj nqes los yuav lub cev neeg.
->.Lo lus hais tias, Mab Liab Tswv Ntuj Leej niam koj thiv Ntuj lub peb thaum txog peb lub cai dua mog. Yog hais tias, Peb thov kom Tswv Ntuj Leej Niam hlub peb thaum peb nyob ze lub caij yuav tas sim neej mus.
Kom peb nco ntsoov tawm ntawm txoj kev ua txhaum mus. Txhob npaj sib tuag thaum lub caij ua kev txhaum no.
Zaj lus no Tswv Ntuj xub hais ua ntej, thaum Tswv Ntuj Leej tub tsim lub Cim daws txhaum. Yes Xus tsim lub cim daws txhaum yog thaum Yes Xus hais rau Pob Zeb tias:
Xis Moos Koj yuav hu ua Pob Zeb, Kuv yuav tsa koj ua lub Koom Tsoos. Nyob saum lub Pob Zeb no, mas Dab Phem cov rooj loog yuav tsis yeej lub pob zeb no. Koj khi yam twg nyob ntiaj teb no.
Mas Ntuj saib yog khi nyob saum ntuj, Koj daws yam twg nyob ntiaj teb no, mas Ntuj kuj saib og daws nyob saum ntuj.
->.Zaj koj nyob kaj lug Mab Liab no, mas yog koj txawj hais thiab paub lub ntsiab zoo. Mas muaj nuj nqes loj tas nrho.
Zaj koj nyob kaj lug Mab Liab thiab zaj peb txiv nyob saum ntuj nws nyob ze lub Cim daws txhaum kawg nkaus li. Tos Tswv Ntuj txib kom muaj tus hais ob zaj no, mas yog xav hais rau tsoom uas yog Ntuj li me nyuam tias.
Kom peb txhob pw nyob hauv txoj kev ua txhaum ces cia li tuag mus. Cov nyiam pw hauv kev ua txhaum tuag mus ntawd, yog ib txoj kev txaus tu siab loj kawg. Nws yuav tsim tsis tau rov los thiab thiab thim tsis tau los li lawm.
Leej twg yog ib tug neeg ntseeg, nyob ruaj hauv Yes Xus lub npe. Nco ntsoov xub tsim los ua ntej yuav tuag mus. Thaum txoj kev tuag raws tau ua koj tus phooj ywg sib puag xub pwg taug kev tuag mus lawm.
Mas txaus tus siab, vim tias koj tsis tau txav los nyob ze lub Pob Zeb uas Dab Phem cov roog loog yuav tsis yeej nws. Thiab koj nyob deb ntawm zaj peb Txiv nyob saum ntuj thiab zaj koj nyob kaj lug M ?ab Liab no, deb heev lawm.
Hais tseeb li Hmoob tej lus, cov zaj teev Ntuj mas yog cov tseem khawv koob daws dab leej tshaj plaws li. Uas dab tiv tsis taus, Dab kawg yuav tsum tawm khiav mus xwb.
Dab twb ntshai Hmoob tej khawv koob tsuag roj thiab nphoo hmoov pias. Cov Zaj teev Ntuj tseem muaj zog tshaj tej ntawd lawm ntau npaug.
Ib tug neeg ntseeg lawm txhob lam sim, cia li ntseeg thiab thov, los vam txog Tswv Ntuj cov txiaj ntsim ces tau txoj hmoov yuav zoo xwb.
Yaj Zoov Ntxheb Xib Hwb.