HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Mother Térésa Empty

Latest topics

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

» Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975
by Maiv Tooj 14th November 2022, 10:03 am

Suav neeg tuaj saib, txij hnub 17/09/2010 los mus.


2 posters

    Mother Térésa

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Mother Térésa Empty Mother Térésa

    Post  Maiv Tooj 30th August 2016, 10:21 am


    Hnub Chiv im 04-09-2016 nov Txiv Vaj Qhia Faas Tshes Kus yuav tsa Mother Teresa ua Leej Ntshiab. Nws yog ib leej Phauj uas hlub cov pluag thiab cov me nyuam txom nyem.

    Mother Térésa Mere_t10
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Mother Térésa Empty Re: Mother Térésa

    Post  Mim 5th September 2016, 7:16 pm

    Nej taum ntawm no mus saib Thaj Txi Ntuj uas Vaj Qhia tsa Mother Teresa ua leej ntshiab (canonization).

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Mother Térésa Empty Re: Mother Térésa

    Post  Maiv Tooj 18th October 2016, 9:39 am



    LEEJ NTSHIAB TES LES XAS .


    Cov kwv tij phooj ywg hmov thiab tshua, hnub no zoo hnub, yog Hnub Chiv uas peb tsoom ntseeg zoo siab cav txog Tswv Ntuj lub hwj chim nyob hauv THAJ TXI NTUJ.
    Ib ntsis nej yuav hnov moo txog Leej Ntshiab TES LES XAS lub neej , ces peb yuav sib koom siab koom ntsws nco txog Tswv Ntuj tej txiaj ntsim, vim Tswv Ntuj vam txog peb cov neeg los hlub cov neeg txom nyem thiab cov neeg pluag., raws li Yes Xus tus piv txwv .
    Zoo li xyoo 1929 Tes Les Xas yug los nyob tim teb chaws As Npas Nis, nyob Aws Los Pas teb - Nws niam nws txiv yog neeg ua teb. Nkawd kub siab ntseeg Ntuj nyob rau hauv lub Koom Txoos Kav Tos Lis.. Nyob nyob , Tes Les Xas hnub nyoog 20 xyoo, mas nws niam nws txiv hnov nkawd tus ntxhais hluas Tes Les Xas lo lus tias: “ Kuv xav ua Leej Phauj ! “ – mas niam txiv zoo siab heev thiab nkawd cia Tes Les Xas npaj siab coj lub neej qee rau Tswv Ntuj thiab lub neej khuv leej cov neeg
    pluag thiab cov neeg txom nyem .
    Ces tau muaj ib hnub Tes Les Xas sawv kev mus nyob puag tim Is Ntias teb los nrog ib cov Leej Phauj nyob ua ke ib ntus.- Tes Les Xas qhia ntawv rau ib pab me nyuam pluag.- Ces xyoo 1949 nws txhim tsa ib lub koom haum uas lub npe hu ua” Tej pab Leej Phauj tshaj Ntuj Lus hais txog kev khuv leej luag tej “.
    Yog vim Tes Les Xas khuv leej cov neeg pluag, cov neeg txom txom nyem mas hnub 4 ,lub 9 hlis xyoo 2016 Vaj Qhia Faas Xuas tshaj ib zaj lus meej pem tias: tus Leej Phauj Tes Les Xas twb yog ib tug Leej Siab Ntshiab nyob pem Tswv Ntuj lub Ceeb Tsheej,
    Nej mloog saib : hauv lub nroog Kas Kws Tas, nyob Is Ntias teb, Leej Phauj Tes Les Xas los mus ntsib ib tug pog laus,uas pw nyob nraum zoov. Nws tsis muaj zog kiag- Nws nkees heev-.Hos txog lub caij tus pog laus ntawd yuav tso lub ntiaj teb no tseg-. Nws ntsej muag los ntshav ntau, yog vim ib cov nas tuaj tom nws - Leej Phauj Tes Les Xas hlub hlub tus pog laus ntawd, ces nws coj tus ntawd los hauv cov Leej Phauj lub tsev . Leej Phauj Tes Les Xas pab saib tus pog laus ntawd kom zoo, rov mus txog lub caij nws txoj sia tu .
    Leej Phauj Tes Les Xas niaj hnub nco ntsoov txog Huab Tais Yes Xus lo lus tias :” Nej tau ua npaum li cas rau cov me tshaj hauv kuv tsoom kwv ,mas yog nej ua rau kuv “ Lo lus no mas peb twm tau hauv Mas Tais Ntawv Moo Zoo zaj 25, qib 40.
    Leej Ntshiab Tes Les Xas tseem nco ntsoov txog 2-3 qib lus hauv Ntawv Moo Zoo tias :”Nej tsis txhob ua txuj nyiam luag tej –Nej muab nej lub siab khi rau hauv txoj kev zoo- Nej yuav sib hlub vim nej yog ib cov kwv tij .. – Thaum nej pab luag tej , mas nej tsis txhob ua neeg tub nkeeg - Nej ua neeg siab kub ,vim nej tsob hwb Huab Tais “ . Zaj lus no kuj nyob hauv tsab ntawv Los Mas zaj 12: 9-11
    Qhov tias Leej Ntshiab Tes Les Xas tsob hwb Huab Tais tas siab ntsws. Qhov loj tshaj plaws thiaj yog Thaj Txi Ntuj thiab lub Cim Yug .
    Tsis tas li ntawd xwb : ib tug Txiv Plig sau zaj lus no tias :” Txij yav sawv ntxov mus txog yav tsaus ntuj, Leej Phauj Tes Les Xas teev hawm Tswv Ntuj mus li, kuj yog vim nws hais Txoj Saw Mab Liab, zoo li thaum nws sawv kev mus xyuas ib pab neeg mob los thaum nws zaum hauv tsheb , Phauj Tes Les Xas hais Txoj Saw Mab Liab, tsis tu ncua .
    Hos ib yam txawv txav ,uas tsim nyog tshaj tawm hauv xov tooj cua kuj mus zoo li no tias : Leej Ntshiab Tes Les Xas tau ua Leej Phauj 50 xyoo.- Li cas los nws lees tias :” Fab hauv kuv tus ntsuj plig mas zoo li kuv nyob hauv teb chaws suab puam los kuv nyob hauv qhov tsaus ntuj nti , tsam Tswv Ntuj nyob deb ntawm kuv lauj - Li cas los, kuv niaj hnub ua tus dab tsi ? Kuv muab kuv lub neej thiab kuv txoj sia cev rau Tswv Ntuj- Kuv yeej ntshaw txog Tswv Ntuj tej txiaj ntsim nqes los txhab zog rau kuv tus plig . Qhov tseeb kuj mus li no tias : kuv lub siab yim nyob hauv qhov tsaus ntuj, kuv yim thov Huab Tais Yes Xus nqes los pab nres kuv tej siab ntsws . Ua li, Huab Tais Yes Xus yog kuv lub dag lub zog ces thiaj tso siab lug rau Huab Tais thiab nrog Huab Tais Yes Xus koom dai saum tus Ntoo Cuam . Ua li Tswv Ntuj kev kaj lug kaj nrig nyob txawm hauv kuv lub siab tag mus li.- Hais qhov tseeb mas kuv tej siab ntsws yim mag qhov tsaus ntuj nti, kuv yim luag ntxhwb ntxhi los nyiam kuv tus Tswv Ntuj ntag “.

    PAJ NRUAG Zaj hu nkauj“ Thaum peb nyiam peb ...

    Cov kwv tij, Leej Phauj Tes Les Xas tau txhim tsa ib lub Koom Haum uas lub npe hu ua :”Cov Leej Phauj lub Koom Haum pab tshaj txoj kev khuv leej neeg “- Ces niaj hnub no, tas cov Leej Phauj ua tes taws nyob hauv Leej Ntshiab Tes Les Xas lub Koom Haum, lawv coob txog 5,000 leej -Lawv kuj nyob hauv 123 lub teb chaws- Mas tas cov Leej Phauj ntawd tsis ntshai mus hauv tej lub teb chaws,uas ib cov pej xeem ntxub tej pab neeg ntseeg Ntuj -xws li teb chaws Yes Mees ( uas nyob ze teb chaws As Las Npias )- Mas ib cov Leej Phauj kuj ib siab mus tim lub teb chaws Yes Mees ntawd -.Ho xyoo 2016 no ,lub 3 hlis ntuj ,4 tug Leej Phauj raug tuag hauv teb chaws ntawd, kuj yog vim ib cov pej xeem Das Es ntxub cov neeg uas ntseeg Ntuj……

    Cov kwv tij, Leej Ntshiab Tes Les Xas sau ib tsab ntawv los txhib ib cov Leej Phauj, uas txiav txim mus pej kum teb tias :” “Nej niaj hnub nyob kaj lug kaj nrig kuj yog vim nej nyiam Tswv Ntuj – mas nej los mus ntsib ib pab neeg nyob qhov twg kuj xij, mas nej cia li muab nej tej kev nyob kaj lug los hlub lawv - Yog tias nej kub siab ua qhov ntawd mas txhais tias nej txhim tsa kev thaj yeeb nyab xeeb nyob ntiaj teb no ntag “
    Ib tug T.P. Fab Kis ( uas lub npe hu ua T.P.Vas Nies ) sau tej lo lus no tias:” Leej Phauj Tes Les Xas lub siab dav fo cuag li nws puag tas sawv daws neeg nyob thoob ntiaj teb hauv nws nruab siab -. Nws nrog cov neeg txom txom nyem koom ua ib lub siab, ib lub ntsws kuj yog vim nws tau txais Tswv Ntuj tej txiaj ntsim ntau kawg “
    Ces hais ib zaj lus txog ib tug txiv neej Is Ntias- Nws lees tias:” Xyoo 1982 , kuv hnub nyoog 10 hnub xwb – Kuv niam yug kuv yog neeg pluag pluag- Nws mam li ev kuv mus txog cov Leej Phauj tsev - Cov Leej Phauj ntawd lub siab zoo tas npawd, lawv thiaj cia li yug kuv kom hlob- Nyob nyob ces kuv tau txais lub Cim Ntxuav- Ob tug niam txiv Fab Kis txais kuv zoo cuag li kuv yog lawv ib tug tub - Nyem no kuv hnub nyoog 34 xyoo – Kuv yog neeg Fab Kis – Hos kuv kawm txuj ci los npaj siab ua Leej Choj “.
    Cov kwv tij, tseem tshuav ib zag lus txawv txav -.Puag tas nej tau mloog zaj lus tias Leej Phauj Tes Les Xas kuj tau xa nws ib cov Leej Phauj mus pab txhawb nqa thiab khuv leej tej pab neeg pluag thiab txom txom nyem hauv ntau lub teb chaws. Ua li Leej Phauj Tes Les Xas lub npe nto koob meej kuj yog vim nws lees tias :” Kawg yuav tsum tshaj lub Moo Zoo rau tej pab neeg coob – Hauv ntau lub teb chaws, cov neeg tshaib nqhis txog Tswv Ntuj, lawv kuj coob – Ces kawg yuav tsum daws lawv tej qhov nqhis “. Ua li ntawd ces tau muaj tej pab neeg coob saib Leej Phauj Tes Les Xas loj thiab lawv qhuas txog nws kawg nkaus– Ua li xyoo 1979, tim teb chaws Nos Ves, hauv lub nroog Aus Los, Leej Phauj Tes Les Xas txais ib qho paj tshab uas hais txog kev txhim tsa kev thaj yeeb nyab xeeb . Leej Phauj Tes Les Xas qhuab qhia ib cov thawj coj hauv lub nroog Aus Los ntawd txog tej pab neeg pluag thiab txom nyem uas nws hlub tshua kawg nkaus.- Ua cas hnub nws txais qhov paj tshab ntawd, mas Leej Phauj Tes Les Xas muaj peev xwm tshaj ib zaj lus meej pem tias:” Hauv ntau lub teb chaws ,tej pab poj niam kuj cia cov kws tshuaj rho tus me nyuam tawm ntawm lawv niam plab pov tseg -Qhov txhaum ntawd kuj yog ib yam phem phem uas rhuav kev thaj yeeb nyab xeeb ntag”
    Cov kwv tij, hais qhov tseeb rau nej tias :cov thawj coj hauv lub nroog Aus Los uas tau muab qhov paj tshab uas hais txog kev txhim tsa kev thaj yeeb nyab xeeb rau Leej Phauj Tes Les Xas, lawv sawv daws poob siab nthav – Lawv tsis xub xav tias Leej Phauj Tes Les Xas yuav tshaj lo lus ntawd lauj .
    Leej Ntshiab Tes Les Xas tau tas sim neej hnub 5, lub 9 hlis,xyoo 1997, nyob tim lub nroog Kas Kws Tas, nyob Is Ntias teb.

    TEEV NTUJ : Huab Tais Tswv Ntuj, peb ua koj tsaug kuj yog vim Leej Ntuj Plig Ntshiab tau nqes los tshoj Leej Ntshiab Tes Les Xas lub siab heev kawg nkaus. Nws mam li tau siv tas nws lub neej los khuv leej cov txom nyem thiab cov neeg pluag coob leej -.Leej Ntshiab Tes Les Xas lub neej thiaj yog ib qhov ua piv txwv muaj nqi kawg nkaus.
    Thov koj xa Leej Ntuj Plig Ntshiab nqes los tshoj peb sawv daws lub siab thiab.- Ces niaj hnub peb yuav khaws Huab Tais Yes Xus lo lus tseg tias: “Nej tau ua npaum li cas rau cov me tshaj hauv kuv tsoom kwv, mas yog nej ua rau kuv “ ( Mas Tais 25:40 )

    HU NKAUJ : Thaum peb nyiam peb hlub,,,
    Peb sawv daws yog ib tsev neeg….

    ( T.P.Txhiaj Foom omi )

























    Sponsored content


    Mother Térésa Empty Re: Mother Térésa

    Post  Sponsored content


      Current date/time is 27th March 2024, 9:55 pm