HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Neeg ntiaj teb muab yes xus sib cav Empty

Latest topics

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

» Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975
by Maiv Tooj 14th November 2022, 10:03 am

Suav neeg tuaj saib, txij hnub 17/09/2010 los mus.


3 posters

    Neeg ntiaj teb muab yes xus sib cav

    Tub Kawm
    Tub Kawm
    Phooj Ywg
    Phooj Ywg


    Messages : 375
    Date d'inscription : 2011-10-13

    Neeg ntiaj teb muab yes xus sib cav Empty Neeg ntiaj teb muab yes xus sib cav

    Post  Tub Kawm 15th August 2016, 11:40 pm

    Nyob zoo peb ib tsoom ntseeg Catholic thoob ntiaj teb, kuv thov nej pab nrog soj cov lus uas tug yawg no tau hais saib puas muaj tseeb tiag. cas nws yuav hais ib cov lus thuam Lub Koom Txoos Kav Tos Liv loj ua luaj.
    kuv muab tsis tau tus Link rau nej , cas nej Mus hauv YouTube. Nej sau hais tias : COG RUAJ LIS los tias TUS LEJ 666 no ces tawm lawm.

    N.hlob thiab Mim kuv thov neb pab muab cov video ntawd Copley tseg coj los ua puav pheej nawb. cov video ntawd muaj ntau ntau zaj yog tus yawg ntawd hais, tias sis muaj ob zaj thiaj li thuam Lub Koom Txoos xwb.
    yog nej tsi muaj sij hawm, nej saib ob zaj, lub hau ntawv hais tias : LEEJ TWG YOG TUS HLOOV VAJ TSWV HNUB XANPATAU los zaj hais tias: TUS UAS LEJ 666 YOG TUS TWG. Nej saib ob zaj ntawd xwb

    Thov sawv daws txhob nyob ntsiag to zoo li peb tsi
    muaj feem .
    Sawv daws yuav tsum nrhiav kev pov thaiv thiaj yuav tsi muaj ib tus yaj ploj mus.

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Neeg ntiaj teb muab yes xus sib cav Empty Re: Neeg ntiaj teb muab yes xus sib cav

    Post  Maiv Tooj 16th August 2016, 8:56 am



    Nyob Tub Kawm,

    Txoj kev ntseeg Catholic yog ib txoj kev ntseeg thaj yeeb.
    Lub npe Catholic yog txhais hais tias "universel, tag nrho, thoob plaws, thua pais", yog txhais tias yuav nyiam tag nrho tsoom neeg tsis hais tus zoo li yus, coj li yus los tsis coj li yus, tsis ntseeg li yus, tus ruam tus ntse, tus muaj tus pluag tib si. Xws li HT. Yes Xus hais tias nej yuav nyiam nej cov yeeb ncuab thiab thov Ntuj rau nej cov yeeb ncuab. Nej hlub cov neeg txom nyem mas yog nej hlub kuv lawm.

    Li ntawd tej tug neeg paub paus tsis nto ntsis, paub ntsis tsis paub ces thiaj li dhos cua kom suab nrov. Yog nws paub txoj kev ntseeg zoo zoo mas nws yuav tsis thuam thiab tsis cem luag tej. Tus nws xav kom nws nrov, tab sis tsis yog tuaj ntawm Ntuj tuaj mas nws yuav tsis nrov, tus nws nyob tij ywm hauv txoj kev hwm neeg hwm Ntuj, yog tuaj ntawm Ntuj tuaj mas yeej yuav nyob mus li thiab yuav nrob thoob ntuj thoob teb.

    Txhob ntau siab me thiab txhob khib tej uas luag thuam yus. Cov ntseeg Catholic tsis tos qhov luag qhuas, tsuas tos qhov hauj lwm kom tawg paj txi txiv xwb, tseem yuav zais ntsis kom luag txhob paub qhov zoo uas yus ua, vim yam yus ua Tswv Ntuj twb paub lawm, tsis tos kom neeg qhuas tso Tswv Ntuj mam li paub.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Neeg ntiaj teb muab yes xus sib cav Empty Re: Neeg ntiaj teb muab yes xus sib cav

    Post  Mim 17th August 2016, 4:45 pm


    Nyob zoo Tub Kawm,

    Kuv kuj tseem tsis tau paub txog tus XH Cog Ruaj Lis no li thiab, tiam sis koj tuaj qhia ces kuv mus taum pom nws cov zaj tawm ntau hauj sim. Kuv tsis tau qhib mloog los qhib nyeem li , tiam sis kuv pom tias tus XH ntawd nws mus ntseeg lub church hu ua Seventh(7th) Day Adventist no. Mas hom church ntawd lawv tsis caiv thiab tsis mus teev ntuj Hnub Chiv, lawv caiv thiab mus teev ntuj rau hnub Xya. Lawv hais tias vim nyob hauv Ntawv Ntshiab, Tswv Ntuj kom so hnub Xya, nws tsis tau kom so Hnub Chiv. Yog vim li ntawd lawv thiaj cem hais tias yog Kas Tos Liv muab hnub so ntawd pauv mus rau Hnub Chiv lawm. Tiam sis peb nco ntsoov hais tias HT Yes Xus nws tsis yog sawv rov los rau Hnub Xya, hos nws sawv rov los rau Hnub Chiv, nws tawm tuaj xyuas cov thwj tim rau Hnub Chiv, ces cov thwj tim thiaj tuaj sib sau teev ntuj nyob tos nws. Ces lawv cia li sib sau kam rau hnub uas Yes Xus sawv rov los ntawd. Niaj hnub no peb tseem sib sau teev ntuj hnub uas Yes Xus sawv rov los ntawd, thiaj yog Hnub Chiv. Tsis yog Kas Tos Liv pauv hnub so xas npas tos, yog Yes Xus pauv thaum nws sawv rov los. Tiam sis niaj hnub no qhov ntau peb yeej so Hnub Xya thiab Hnub Chiv huv tib si.

    Kuv tsis taus mus tshawb kom paub tseeb tias hom church ntawd hais li cas kiag txog Koom Txoos Kas Tos Liv, tiam sis muaj ib cov church Plos tes Taas uas yeej cem thiab thuam Koom Txoos Kas Tos Liv kawg nkaus. Kuv yeej ib txwm paub txog lawv tej lus cem lus thuam, tiam sis kuv tsis tau tuaj hais txog qhov ntawd rau sawv daws xwb. Tej zaum tus XH Hmoob ntawd nws tsis yog hais los ntawm nws tus kheej, tej zaum nws yeej hais raws li nws cov XH thiab nws lub church qhia lost sis paub.

    Nco ntsoov hais tias thaum ub, thaum Lws Tes (Luther) thiab lwm tus cov uas pib khiav tawm hauv lub Koom Txoos mus, mas lawv muaj lus tib lub Koom Txoos, lawv thiaj tawm mus lawm. Tsis tas li xwb, thaum lawv tawm lawm mas lawv yuav tsum hais ib co lus thuam thiab cem lub Koom Txoos ces neeg thiaj li yuav poog lawv. Cov neeg tsis tau kawm kev ntseeg ntau tsis paub kev ntseeg kom tob thiab tsis paub lub Koom Txoos kwv huam zoo mas lawv ntseeg tej lus dag lus cuav ntawd sai sai. Thiab cov ntseeg Plos Tes Taas cov coob yeej kawm puag thaum yau yau los lawm tias Kas Tos Liv tsis yog tseem kev ntseeg Yes Xus, vim lawv tsis teev Yes Xus lawv teev Niam Mab Liab xwb, vim li ntawd Kas Tos Liv yog ib hom kev cai teev dab, tsis yog kev cai teev Ntuj.

    Lawv hais ntau yam phem kawg nkaus txog Koom Txoos Kas Tos Liv: Lawv hais tias Kas Tos Liv xev ntau txoj cai cuav thiab tej yam kev ntseeg uas tsis muaj nyob hauv Ntawv Ntshiab; tab Yes Xus lub Cev los yog Kas Tos Liv xev xwb, vim Yes Xus tsuas hais tias kom ua kab ke nco txog Yes Xus xwb, lawv tsis nyeem thiab txhob txwm tsis lees Yes Xus lo lus uas nws hais tias: “Nej tsis noj kuv lub cev nqaij mas nej yuav tsis tau txoj sia.” Lawv hais tias Koom Txoos Kas Tos Liv yog tus poj ntiav nyob Npas Npis Los uas Ntawv Ntshiab hais txog, thiab vaj qhia yog tus uas muaj tus lej 666. Qhov kuv hais no mas yog hais raws li kuv tau nyeem los tau mloog zaum puav cov XH As Mes Lis Kas xwb. Kuv tsis tau mloog XH Cog Ruaj Lis li ov. Cia thaum twg kuv muaj sij hawm no kuv mam mloog, vim niaj hnub no kuv yeej tsis muaj sij hawm li.

    Muaj ib co neeg ntseeg Plos Tes Taas kuj tseem cem hais tias hnub Christmas (Hnub Yes Xus Yug los) tsis yog ib hnub teev HT Yes Xus hos yog ib hnub teev dab xwb, vim txheej thaum ub cov neeg Los Mas teev kam lub Hnub rau hnub tim 25 lub 12 hlis. Mas lawv yeej cem hais tias yog Koom Txoos Kas Tos Liv coj sawv daws mus teev lub Hnub lawm. Peb nco ntsoov tias thaum cov neeg Los Mas los ua neeg ntseeg Yes Xus lawm, lawv tsis kam teev lub Hnub ntxiv, ces txog hnub ntawd lawv teev Yes Xus rau hnub ntawd, vim Yes Xus thiaj yog tseem lub Hnub uas kaj pom kev rau tas ntiaj teb neeg. Niaj hnub no peb kuj tseem ua Yes Xus lub hnub yug rau hnub ntawd.
    Tub Kawd, tseem muaj ntau yam tshaj qhov kuv hais no, tiam sis kuv piav me ntsis kom peb ceev faj thiab peb paub tias thaum ub Yes Xus yeej raug luag thuam, niaj hnub no los lub Koom Txoos yeej raug luag thuam ib yam thiab. Peb hnov lawv thuam peb ces peb yuav tau thov ntuj rau lawv xwb, kom muaj ib hnub lawv los paub txog thiab to taub txog tias Koom Txoos Kas Tos Liv yog lub Koom Txoos uas HT Yes Xus tau tsim tsa rau saum Pob Zeb, thiab tej kev ntseeg tej kev cai los kev teev hawm peb muaj yeej yog los ntawm cov Hauv Paus Xa Lus los, tsis yog Vaj Qhia lam nyob lam cia li xev thiab muab yuam rau sawv daws coj. Tshwj xeeb yog peb lub Thaj Txi Ntuj, yog los ntawm cov neeg Yus Das lawv txoj kev teev ntuj txi ntuj thaum ub los, vim cov Hauv Paus Xa Lus yeej yog ib co neeg Yus Das, thiab Yes Xus yog ib tug neeg Yus Das.


    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Neeg ntiaj teb muab yes xus sib cav Empty Re: Neeg ntiaj teb muab yes xus sib cav

    Post  Maiv Tooj 17th August 2016, 9:03 pm



    Nyob zoo Mim thiab Tub Kawm,

    Mim, ua tsaug rau koj cov lus teb, yeej muaj ntau yam yuav piav yuav tham kom sawv daws to taub zoo txog txoj kev ntseeg Kas Tos Liv, tab sis lub caij lub nyoog tsis txaus thiaj li tsis tham xwb.

    Ntawm kuv tus kheej, kuv xav thov peb ib tsoom Hmoob ntseeg kas tos Liv, yuav rau siab kawm txoj kev ntseeg kom paub paus ntsis, thiaj li yuav paub qhov tseeb, "txhob ua ib cov neeg ua Ntuj Kev Cai tsis paub kev cai." Yog peb ua neeg ua Ntuj Kev Cai tsis paub kev cai ces luag haub dag, tus twg suab nrov ces sawv daws qe muag mus caum mus raws tus ntawd yam tsis paub qhov tseeb qhov cuav.


    Xav los kuj pab sawv daws tu siab thiab. Yam uas Tswv Ntuj pub yog txoj kev Zoo kev HLUB, kom sawv daws tau lub neej kaj siab, lub neej thaj yeeb nyab xeeb, tsis hais nyiaj txiag toob xib los yog kev sib poj sib poog; Tswv Ntuj yeej pub tag nrog rau neeg, yog neeg tsis kam yuav, tsis kam khaws xyeem los siv kom tau lub neej zoo, neeg xav mus peem xav mus quaj mus nroo kom neeg lub siab thiaj nqeg. Yog cia li khaws nkaus Tswv Ntuj cov LUS, Tswv Ntuj txoj CAI los siv kom tau lub neej zoo mas neeg tsis zoo siab.

    Yog tias cov Plos Tes Taas Hnub Xya yog cov zoo, los yog Plos Tes Taas kiag xwb, yog cov zoo thiab cov yog. Yog tim li cas nyob hauv ntiaj teb no tsis pom muaj ib qho Chaw Ntshaib uas mus xyuas mus thov Ntuj tau txais txiaj ntsim nyob qhov twg uas yog cov Plos Tes Taas li tug? Yog tim li cas lawv ho tsis muaj tsev teev Ntuj nyob txhua qhov rau sawv daws mus teev Ntuj? Lawv tsuas sib sau teev Ntuj ib hnub hauv koj tsev, ib hnub hauv kuv tsev, ua tub sab teev Ntuj xwb ? Yog leej twg txwv lawv?

    Cov Kas Tos Liv ses mus thoob ntiaj teb, tsis hais lub teb chaws twg, tsev teev Ntuj ncee ai cuag nceb lwg qaib, xav mus hnub twg thaum twg, nruab hnub hmo ntuj los ywj siab li. Muaj chawv Ntshia suav tsis thoob nyob ntiaj teb.

    Yog paub txoj kev ntseeg Kas Tos Liv zoo mas yus yuav ua neej tsis txob tsis txhawj tsis hais mob nkeeg, khwv noj khwv haus, nyiaj txiag, toob xib, kev sib haum xeeb, tso plhuav rau Tswv Ntuj lub xub ntiag. Tswv Ntuj yuav saib xyuas kom yus muaj tsis tu ncua.

    Kuv tham tsis nkag kis li uas koj hais Tub Kawm, twb yog kuv tsis xav nkag nrog lawv sib cav sib ceg, vim kev sib cav sib ceg tsis ua rau neeg vam meej, neeg nyob thaj yeeb, tsuas chib kom neeg lub siab kub ntxiv, kom neeg khib xeeb thiab ciaj caub nkaus xwb. Yuav tsis coj neeg mus rau kev zoo kev huaj vam. Yuav coj neeg mus rau kev liam kev poob qab kev quaj ntsuag xwb. Kuv thiaj li tsis teb lawv tej kev thuam thiab cem lub Koom Txoos Kas Tos Liv.
    Tub Kawm
    Tub Kawm
    Phooj Ywg
    Phooj Ywg


    Messages : 375
    Date d'inscription : 2011-10-13

    Neeg ntiaj teb muab yes xus sib cav Empty Re: Neeg ntiaj teb muab yes xus sib cav

    Post  Tub Kawm 18th August 2016, 12:18 am

    Nyob zoo N hlob thiab Mim
    yeej yog li neb hais lawm, cov neeg uas lawv qhuav tias lawv paub Ntawv Ntshiab VAJ lug kub kawg li, mas lawv muab cov Ntawv Ntshiab coj los txhais kom thuam Luv Koom Txoos mas lawv muab txhais tsi yog li lawm. ib qib ib quas nyob qho, nyiiag hais muaj nyiag ib lub ntsiab lus, los lawv muab txhais los yuav, lawv hais tias yog ua no ua to, kom luas ham lawv.
    nyob kiag ntawm peb thaj tsam mas tam sim no lawv cov Plos ties tias ntawd twb taag ua plaub pab lawm. Muaj in pab yog pab so rau hnub xya ntawd. Pab ntawd nyuam qhuav tawg tau muaj 2 Lub hais no xwb. Kuv mus nrog lawv tham mas lawv hais tias lawv tsi zwm rau leej twg li, lawv rov tsa lawv ua tus thawj coj xwb hauv lawv lub zos xwb , lawv tsi mloog
    lawv cov XH cob tsib loj nyob rau nram Hanoi lus li lawm.
    kuv xav mas lawv ua ib cov neeg ntseeg zoo li tsi muaj tsw, kun tau tu saib kawg, vim tias lawv tsi muaj kev hlub xws li thuam tseem koom ua in pab in pawg lawm.

    Mim
    2 txoj video kuv hais ntawd cov lus mas txawm yog cov lus uas koj hais ntawd nkaus, li ntawd kuv xav thov kom peb cov XH los cov TP cov Leej Tij Leej Phauj cov neeg thoob tsib Catholic mus tshawb peb ten keen kwm hauv Lub Koom Txoos los txhais ua lus h moob kom pov thaiv ten kev ntawd kom txhob muaj neeg qaug luas qhuav.

    Sponsored content


    Neeg ntiaj teb muab yes xus sib cav Empty Re: Neeg ntiaj teb muab yes xus sib cav

    Post  Sponsored content


      Current date/time is 18th March 2024, 8:42 pm