Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM NRUAB LIS PIAM XYOO I 2016-2017
by Mim Today at 6:17 am

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    XYOO NTSHIAB NRHIAV THIAB FAIB TSWV NTUJ TXOJ KEV KHUV LEEJ

    Share

    Mim
    Tswv Cuab Hmong Catholique
    Tswv Cuab Hmong Catholique

    Messages : 1650
    Date d'inscription : 2009-10-16

    XYOO NTSHIAB NRHIAV THIAB FAIB TSWV NTUJ TXOJ KEV KHUV LEEJ

    Post  Mim on 8th December 2015, 6:26 pm

    Xyoo Ntshiab Nrhiav thiab Faib Tswv Ntuj
    txoj kev Khuv Leej



    Vaj Qhia Faas Ntshis Kus tau teem ib xyoos Ntshiab rau peb nrhiav thiab faib Tswv Ntuj txoj kev khuv leej (Jubilee year of Mercy/Année du Jubilé de la Miséricorde).

    Hnub pib Xyoo Ntshiab yog hnub no ntag uas yog hnub peb hwm Niam Mab Liab xeeb los tsis lo neeg lub keeb txhaum. Xyoo Ntshiab yuav xaus rau Hnub Chiv tim 20 lub 11 Hlis 2016, uas yog hnub hawm Yes Xus ua Vaj thiab yog hnub xaus Xyoo Teev Ntuj 2015-16. Vaj Qhia xav kom peb xyaum nrhiav Tswv Ntuj txoj kev khuv leej rau yus tus kheej. Vim peb yog neeg muaj txhaum, txawm peb xav ua zoo npaum twg los ntau zaus peb yeej ua qhov tsis zoo, yog li ntawd peb yuav tsum vam txog Tswv Ntuj txoj kev hlub kev khuv leej peb. Txhais hais tias peb yuav tsum tau xyaum nquag mus daws txhaum ntawm txiv plig hauv lub Cim Daws Txhaum. Tej zaum peb cov ntseeg tsuas mus daws txhaum li ib zaug thaum lub Caij yes Xus Yug Los xwb los kuj muaj. Ib txhia tej zaum kuj mus thaum lub Caij Hla thiab, ces tsuas mus ib xyoos ib zaug los ob zaug xwb. Yog peb mus daws txhaum tsawg tsawg li ntawd xwb puas txaus lost sis txaus? Lub Cim Daws Txhaum yog mus thov Tswv ntuj txoj kev Khuv Leej rau yug tus kheej. Yog peb ntshaw Tswv Ntuj txoj kev Hkuv Leej peb mas peb yuav tsum tau xyaum nquag mus daws txhaum ntau tshaj ntawd.

    Nyob hauv Xyoo Ntshiab no peb kuj yuav tau xyaum faib Tswv Ntuj txoj kev Khuv Leej rau lwm leej lwm tus thiab. Ib yam li Tswv Ntuj twb hlub peb thiab zam txhaum rau peb, yog li ntawd peb kuj yuav tsum zam rau cov neeg uas tau ua phem rau yus thiab. HT Yes Xus yog tus piv txwv qhia txog Tswv Ntuj txoj kev Khuv Leej zoo tshaj. Thaum nws ua nruj nriaj saum ntoo cuam, nws qw nrov nrov thov Leej Txiv tias: “Thov koj zam rau lawv, vim lawv tsis paub tias lawv ua dab tsi.” HT Yes Xus twb zam rau cov neeg ua phem thiab tsim txom nws loj tas npaud, yog li peb yuav xyaum sib zam txhaum thiab. HT Yes Xus yeej hais tau ib lo lus tseg rau nws cov thwj tim tias: “Nej yuav sib nyiam sib hlub ib yam li kuv tau nyiam thiab hlub nej.” Lo lus ntawd Yes Xus yeej hais rau peb txhua leej txhua tus uas ntseeg nws.

    Hnub no Vaj Qhia tau pib lub Xyoo Ntshiab lawm. Txoj cai pib lub Xyoo Ntshiab mas yog yuav tsum qhib ib lub qhov rooj hu ua lub Qhov Rooj Ntshiab (Holy Door). Xyoo no hu ua lub “Qhov Rooj Mus rau kev Khuv Leej” (Mercy Door).
    Nej mus mloog cov lus no piav txog lub Qhov Rooj Ntshiab ntawd:

    Lus Aas Kiv:    https://misericordia.media/en/

    Lus Fab Kis:    https://misericordia.media/fr/

    Hnub no Vaj Qhia qhib lub Qhov Rooj Ntshiab hauv lub tuam tsev teev ntuj Leej Ntshiab Pob Zeb nyob Los Mas (St Peter Basilica, Rome) los pib Xyoo Ntshiab. Vaj Qhia Npes Nes Dis XVI kuj tuaj koom tib si. Thaum peb cov ntseeg mus hla lub Qhov Rooj Ntshiab yog ib lub cim qhia tias peb hla ntawm txoj kev txhaum mus rau hauv Tswv Ntuj txoj kev Khuv Leej.  Nej mus saib thiab nyeem zaj nyob hauv ob qho chaw no; thaum nej qhib mas lawv xub muaj khaus xas nam ua ntej, nej ua siab ntev tos kom tas ces nej mam pom:
    https://www.washingtonpost.com/news/acts-of-faith/wp/2015/12/08/pope-francis-has-just-launched-a-year-of-mercy-heres-what-to-expect/

    http://www.foxnews.com/world/2015/12/08/pope-launches-his-holy-year-mercy-amid-heavy-security-in-rome/

    Vaj Qhia tau tso cai kom nyob thoob ntiaj teb, cov Tswv Qhia loj saib lawv cov Cheeb Koom Txoos yuav tsum qhib ib lub Qhov Rooj Ntshiab nyob hauv nyias lub Cheeb Koom Txoos rau nyias cov ntseeg tuaj mus hla mus nrhiav Tswv Ntuj txoj kev Khuv Leej. Txoj cai qhia hais tias thaum Vaj Qhia los cov Tswv Qhia qhib ib lub Qhov Rooj Ntshiab li no mas yog yus mus hla lub qhov rooj ntawd mus teev ntuj mas yus yuav tau txais Tswv Ntuj lub txiaj ntsim, xyoo no yog lub txiaj ntsim Tswv Ntuj Khuv Leej  peb. Yog nej leej twg xav txais Tswv Ntuj lub txiaj ntsim Khuv Leej Neeg xyoo no mas nej yuav tsum nug saib lub Qhov Rooj Ntshiab uas nej tus Tswv Qhia yuav qhib rau hnub Chiv yuav tuaj no uas yog tim 13 lub 12 hlis 2015 no yog lub twg. Ntau zaus yog lub qhov rooj ntawm lub tuam tsev teev ntuj uas tus Tswv Qhia nyob.




    Last edited by Mim on 9th December 2015, 6:07 pm; edited 1 time in total

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XYOO NTSHIAB NRHIAV THIAB FAIB TSWV NTUJ TXOJ KEV KHUV LEEJ

    Post  Maiv Tooj on 9th December 2015, 9:50 am



    Nyob zoo Mim,

    Ua tsaug ntau koj txhais tau zaj nov tuaj rau sawv daws nyeem thiab paub txog. Kuv yeej hnov ntsoov xov tooj cua hais, tab sis kuv tsis muaj sij hawm ces kuv tseem khuv khuv xim uas txhais tsis tau tuaj qhia sawv daws no tab sis koj twb ho maj zeeg txhais tau tuaj tso lawm mas zoo siab tshaj plaws. Kuv tseem mus nrhiav tau cov lus uas thiab cov zaj uas thaum tab tom yuav hla thiab hla lub qhov rooj Ntshiab uas yus npaj ua ntej ntawd. Cia seb kuv puas npaj yeej tuaj tso ua ntej hnub Chiv 13/12/2016 no. Kom sawv daws ho tau npaj ua ntej yuav mus hla.




    Mim
    Tswv Cuab Hmong Catholique
    Tswv Cuab Hmong Catholique

    Messages : 1650
    Date d'inscription : 2009-10-16

    Re: XYOO NTSHIAB NRHIAV THIAB FAIB TSWV NTUJ TXOJ KEV KHUV LEEJ

    Post  Mim on 9th December 2015, 6:11 pm

    Tais Tooj,

    Tsis ua cas os. Kuv xav tau tias tej zaum koj yeej muaj hauj lwm ntau no ces kuv thiaj tuaj piav me me kom peb cov Hmoob paub thiab hnov txog. Koj sau hais tias hnub chiv 13/12/2016 no tiam sis ntshai yog koj sau yuam kev xwb, nws yog hnub chiv 13/12/2015, yog hnub Chiv yuav tuaj no kiag xwb ov.

    Tub Kawm
    Phooj Ywg
    Phooj Ywg

    Messages : 404
    Date d'inscription : 2011-10-13

    Re: XYOO NTSHIAB NRHIAV THIAB FAIB TSWV NTUJ TXOJ KEV KHUV LEEJ

    Post  Tub Kawm on 11th December 2015, 3:44 am

    Nyob zoo Mim thiab N hlob, ua tsaug uas neb tuaj qhia zaj xov xwm tshiab no og. Yog tsi muaj nej no tej zaum peb yuav tsi paub li.

    Zoo kawg, yog li xyoo no yog ib xyoos ua ntshiab huv, tiam sis peb kuj nyob deb TP thiab TTQ kawg, peb kuj tsi paub txog li, ntshe peb yuav tsis paub mus hauv lub Qhov Rooj Ntshiab yog mus li cas og.





    Ua tsaug ntau rau koj  tuaj saib peb lub Tsev Forum hmong Catholic  no.
    Thov Leej Ntuj Plig Ntshiab tuaj tshoj koj lub siab kom koj to taub Tswv Ntuj cov lus.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XYOO NTSHIAB NRHIAV THIAB FAIB TSWV NTUJ TXOJ KEV KHUV LEEJ

    Post  Maiv Tooj on 11th December 2015, 7:03 am



    Nyob zoo Tub Kawm,

    Nej nyob deb Txiv Plig thiab Tswv Qhia, nej tsis tau ua qhov kab ke Nkag lub Qhov Rooj Ntshiab los tsis ua cas, tsuav nej muab lub xyoo no coj los hloov yus lub siab zam txhaum rau luag, xyaum txhob ua txhaum luag, txhob ua siab luag, hwm luag thiab yog muaj chaw daws txhaum ces ho mus daws txhaum kom ntau dua xwb, yog nej tsis muaj Txiv Plig ces nej rau siab teev Ntuj thiab ua hauj lwm dawb pab luag, pab cov neeg txom nyem los yog muaj mob xwb ces yeej yog kev Nkag lub Qhov Rooj Ntshiab lawm. Peb cov nyob muaj tsev teev Ntuj ua npog luas los coob leej yeej tsis muaj fwv tsam mus nkag thiab.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XYOO NTSHIAB NRHIAV THIAB FAIB TSWV NTUJ TXOJ KEV KHUV LEEJ

    Post  Maiv Tooj on 11th December 2015, 9:08 am



    YUAV NPAJ LI CAS THAUM HLA LUB QHOV ROOJ NTSHIAB.

    UA NTEJ YUAV HLA LUB QHOV ROOJ.

    Yuav tsum paub txog Leej Txiv txoj kev khuv leej.

    Lo lus « miséricorde = Khuv leej » los ntawm lus hes nplaws los= puag nruab siab, puag nruab nrog cev, uas mob thiab nyuaj siab ntshee na.
    « Txoj kev khu leej, yog qhov txiaj ntsim loj tshaj plaws uas Tswv ntuj muab rau peb. » (Vaj qhia Faas Tshes kus cov lus).


    TXAIS TSWV NTUJ LOS LUS (His Xais 60,19-20)

    Nruab hnub koj yuav tsis muaj lub hnub ua koj qhov pom kev,
    Lub hli qhov ci yuav tsis qaim koj lawm :
    Tswv Ntuj yuav yog koj qhov pom kev ib txhiab ib txhi,
    Koj tus Tswv Ntuj yuav yog koj qhov zoo nkauj ci ntsa.
    Koj lub hnub yuav tsis txawj poob qho,
    Thiab lub hli yuav tsis nraim li lawm ;
    vim Tswv Ntuj yuav yog koj qhov pom kev mus li.


    CIA LO LUS TXEEM LOS RAU YUS.
    Yuav paub txog Tswv Ntuj txoj kev zoo tsis txawj tag rau kuv.
    Nws tsis muab kuv kaw rau tej uas kuv ua tsis yog
    thiab nws lam qhov pom kev rau kuv tsis tseg, nws muab nws txoj kev
    khuv leej hlub rau kuv dawb do.

    HAIS COV LUS NO LOS NCO TXIAJ NTSIM (Zaj paj nruag (102) 103,8-10)

    Huab Tais hlub mos nyoos, nws khuv leej neeg,
    Nws npau taws qeeb, nws hlub neeg tas nrho.
    Nws tsis nrog neeg ua plaub mus li,
    Nws tsis cib nyeej ntev.
    Nws tsis nplua peb li peb tau txhaum,
    Nws tsis pauj rau peb li tej txhaum peb tau ua.


    THAUM TAB TOM HLA LUB QHOV ROOJ.


    Cia Leej Pleev los hla los hauv kuv lub siab lub taw rooj.

    Leej Pleev khob kuv lub qhov rooj zais ntshis,
    vam tias kuv yuav qheb rau,
    kom nws tau muab kuv lub siab ua tsev nyob.
    «Yes Xus tham txog lub siab khuv leej neeg.
    Tsis tshuav dab tsi lawm uas tseem yuav tsis
    txaus rau nws txoj kev khuv leej luag. (Vaj Qhia Faas Tshes Kus cov lus)


    Txais Tswv Ntuj lo lus (Zam 10,9-10)

    Yes Xus hais tias : « 9 Kuv yog lub qhov
    rooj : tus twg nkag ntawm kuv mus, nws
    yuav txais kev cawm, nws yuav nkag tau
    rau hauv thiab tawm tau los, nws yuav
    nrhiav tau lub tshav zaub. 10 Tus tub sab
    tsuas tuaj nyiag, tuaj lwg, thiab tuaj txo
    txoj sia xwb. Hos kuv, mas kuv tuaj ua
    kom lawv tau txoj sia, thiab kom lawv tau
    txoj sia loj zuj zus. »

    Yuav tsum cia Tswv Ntuj Lo Lus nqes los rau saum yus.

    Yuav txais lub neej nplua mias uas Leej Pleev muab rau kuv yam tsis xam.
    « Yog tias leej twg… »
    Hnub no kuv yuav yog tau tus leej twg thiab kuv txiav txim siab
    chaws hauv Leej Pleev thiab muab kuv lub neej rau Nws.

    Ua Tswv Ntuj tsaug nrog cov Lus (Paj Nruag 23,1-3)

    Huab Tais yog kuv tus tswv zov yaj,
    Kuv tsis ntshaw dab tsi.
    Nws tso kuv pw hauv tej tshav zaub mos
    Nws coj kuv mus ze tus dej uas sawv daws so.
    Nws rov ntxiv siav rau kuv tus plig.
    Nws coj kuv taug cov kev ncaj.

    THAUM HLA LUB QHOV ROOJ TAG LAWD.

    Nrog txoj kev khuv leej nyob, yog Leej Ntuj Plig ua tus coj.
    Leej Ntuj Plig hloov peb hauv nruab nrog
    Kom peb lo lus thiab peb tus yam ntxwv kev coj
    Nyob nrog txoj kev khuv leej.
    « Zoo li Leej Txiv lub siab khuv leej neeg,
    peb yuav xyaum ua neeg txawj khuv leej luag,
    ib leeg khuv leej ib leeg. » (Vaj Qhia Faas Tshes Kus cov lus)

    Txais Tswv Ntuj Los Lus (Kos Los Xais 3,12-13)
    12 Li ntawd, mas nej yog cov uas Tswv
    Ntuj xaiv, nej yog nws cov ntshiab, yog
    cov uas nws nyiam tshaj. Nej yuav hnav
    ib lub siab txawj khuv leej, ib lub siab
    nyiam ua zoo, nyiam ua neeg me, ib lub
    siab txawj hlub, ib lub siab ntev. 13 Nej
    ib leeg yuav ris ib leeg, yog nej ib tug
    muaj lus rau lwm tus, mas nej yuav sib
    zam. Huab Tais twb zam rau nej : nej kuj
    yuav ua raws li nws tus lwj lwm.

    Yuav tsum cia Tswv Ntuj Lo Lus nqes los rau saum yus.

    Yuav xav txog cov lus tau hais los saud,
    Thiab yuav cia nws kaj kuv txoj kev hais lus
    Kom xwv thiaj li mus tshab rau luag lwm leej lwm tus.

    Ua Tswv Ntuj tsaug nrog cov Lus (Zaj ntxuag qeej 82,3-4)

    Nyob hauv Ntuj lub tsev txiav txim , Tswv Ntuj hais tias :
    Nej cia li txiav txim ncaj rau tus neeg me thiab tus ntsuag nos,
    Nej txiav txim ncaj rau tus txom nyem thiab tus pluag.
    Nej tso tus neeg me thiab tus pluag mus,
    Nej daws kom nws dim ntawm tus neeg txhaum tes.


    NYOB HAUV TSEV TEEV NTUJ, NTAWM TUS NTOO CUAM.

    Thaum Yes Xus raug ntsia saum ntoo cuam,
    Nws ris thiab daws txhaum ntawm Leej Txiv rau
    tag nrho Ntiaj teb neeg cov txhaum.

    Qhia cov txheej txheem ua.

    - Tib zoo ntsias Huab Tais Yes Xus dai saum ntoo cuam.
    - Muab tes kes ua ntoo cuam lub cim raws nws lub cev thiab hais li no :
    Hu txog Leej Txiv, Peb Txiv !
    Hu txog Leej Tub, peb tus kwv tij
    Hu txog Leej Ntuj Plig, tus coj peb kev !
    Kom cav lus zoo txog koj !
    Kom tau koob tau hmoov, os Huab Tais Tswv Ntuj.
    - Nyob tig ywm ib pliag.
    - Xav cov lus thov tij ywm rau nruab siab thiab teev zaj Peb Txiv.
    - Hais yus tus kheej zaj thov Ntuj, yus hais li yus xav hais los yog teev ib zaj uas yus paub.



    THAUM KAWG UA QHOV KAB KE NOV TAG.

    Thaum tau ua cov kab ke hloov siab nov tag,
    Yuav tau ua qhov kev teev Ntuj nov mus ntxiv
    nrog rau lub cim daws txhaum los yog ua ib qho hauj lwm
    los them yus cov txim txhaum nyob rau hauv lub Xyoo Ntshiab nov.
    Tus neeg teev Ntuj nov yuav tau los
    ua tim khawv rau txoj kev khuv leej nov
    kom raws li tej yam tes tuav tau, muag pom tau xws li :
    Mus xyuas tej neeg tsis muaj txheeb ze, tsis muaj tus siab xyuas,
    Pub mov rau tej tug tshaib plawb noj,
    Mus xyuas tej neeg mob,
    Nplij cov neeg quaj ntsuag…thc.








    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XYOO NTSHIAB NRHIAV THIAB FAIB TSWV NTUJ TXOJ KEV KHUV LEEJ

    Post  Maiv Tooj on 16th December 2015, 4:13 am



    Hla Qhov Rooj Ntshiab tim 08-12-2015  Lyon


    Kuv tau nrog ib tug phooj ywg, wb mus nrog Tswv Qhia Barbarin thiab tsoom Leej Cgoj nrog rau cov Phauj thiab tsoom ntseeg nyob Lyon mus hla lub qhov rooj Ntshiab nyob rau Thawj lub tsev teev Ntuj Primatiale Saint Jean, Lyon Fab Kis teb.
    Yog thawj zaug uas kuv tau mus koom lawv ua cov kab ke Hla Qhov Rooj, kuj ua tau zoo kawg nkaus thiab muaj paub muaj ntsis, kuj los kua muag kawg thiab vim yog ib cov kab keb Zam txim thiab Khuv Leej neeg.

    1/

    2/

    3/

    4/

    5/

    6/

    7/

    8/

    9/

    10/

    11/

    12/




    Sponsored content

    Re: XYOO NTSHIAB NRHIAV THIAB FAIB TSWV NTUJ TXOJ KEV KHUV LEEJ

    Post  Sponsored content Today at 3:13 pm


      Current date/time is 10th December 2016, 3:13 pm