HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Cim Yug ua Hwj Huam Yees Ntxwv nyob Buenos Aires 1996. Empty

Latest topics

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

» Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975
by Maiv Tooj 14th November 2022, 10:03 am

Suav neeg tuaj saib, txij hnub 17/09/2010 los mus.


2 posters

    Cim Yug ua Hwj Huam Yees Ntxwv nyob Buenos Aires 1996.

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Cim Yug ua Hwj Huam Yees Ntxwv nyob Buenos Aires 1996. Empty Cim Yug ua Hwj Huam Yees Ntxwv nyob Buenos Aires 1996.

    Post  Maiv Tooj 3rd October 2015, 2:22 am


    Cim Yug ua Hwj Huam Yees Ntxwv nyob Buenos Aires.




    Xyoo 1996, thaum uas Vaj Qhia Faas tshes Kus tseem ua Tswv Qhia Liab Quarracino nyob  Buenos Aires tus tiam lis, tau muaj ib qho hwj hum yees ntxwv ntawm lub Cim Yug tshwm sim. Tseem yog Txiv Vaj Qhia Faas Tshes Kus ua tus kom lawv muab yees duab cia thiab muab ntsuam (analyse) xyuas kiag ntag. Thaum paub qhov tseeb mas lawv yoob tag li.
    Hnub tim 08-08-1996, thaum 19 teev, Txiv Plig Alejandro Pezet ua Mis Xas hauv ib lub tsev teev Ntuj hauv ib co tsev hum loj (centre commercial) nyob hauv nroog. Thaum nws faib lub Cim Yug Ntshiab tas, ib tug pog los hais tias nws pom ib lub Cim Yug uas lawv tsis noj, lawv muab pov tseg tim kaum tsev. Txiv Plig Alejandro  mus xyuas pom lub Cim Yug los av li. Poob lawm ces tsis noj, nws txawm muab pov rau hauv lub me nyuam tais dej uas nyob hauv lub tsev tsam phooj hauv tsev teev Ntuj uas tso cov Cim Yug.

    Hnub Ob tim 26 lub 8 hli, nws qheb lub tsev tsam phooj naj cas pom lub Cim Yug lo ib cov ntshav tshiab khiv. Nws thiaj qhia rau Tswv Qhia Jorge Bergoglio (Vaj Qhia Faas tshes Kus) thiaj li hais kom kws yees duab tuaj muab lub Cim Yug yees duab cia. Cov duab yees hnub tim 06 lub 9 hlis, pom tseeb tseeb tias lub Cim Yug txia ua ib qho nqaij ciaj sia, ntshav liab ploog, thiab cia li loj tshaj qub lawm. Tau ntev xyoo los lawm uas lawv cia lub Cim Yug nyob zais ntshis hauv lub tsev tsam phooj tsis qhia ib leej ib tug twg paub li. Yam li lub Cim Yug tsis puas, tsis lwj li, ntshav yeej tshiab li qub. Ces Tswv Qhia Jorge Bergoglio thiaj li txiav txim siab kom kws tshuaj tuaj muab ntsuam xyuas raws li scientifique.
    Hnub tim 05 lub 10 hli 1999, ntawm Tswv Qhia Jorge Bergoglio xub ntiag, Dr. Castanon thiaj li txia ib qho Cim Yug lo ntshav mus rau lawv tshuaj xyuas nyob pem New Yok. Vim nws ntshai tsam lawv ho raug nws haub, ces nws thiaj txiav txim siab tsis qhia rau pab kws txuj paub tias qhov nws xa mus rau lawv ntsuam ntawd yog tau qhov twg los. Muaj ib tug ntawm cov kws txuj yogb ib tug kws tshwj xeeb kho plawv uas nto moo heev, yog Dr. Frederic Zugiba. Nws hais tias  qhov lawv ntsuam ntawd yog ib qho tseem nqaij ciaj sia thiab tseem ntshav, muaj ADN tib neeg. Nws tshaj tawm tias :
    « Qhov muab rau lawv soj ntsuam ntawd yog ib qho nqaij ntawm lub plawv, yog nyob ntawm sab hauv lub plawv qhov khoob, ntawm qhov plawv ntoj cov ntshav rov los sab lauj, ze ntawm txoj leeg loj xa ntshav rov los. Qhov nqaij nov yog qhov ua kom lub plawv ntoj, xa ntshav mus yug lub cev thoob plaws. Qhov nqaij plawv nov tab tom mob voos thiab muaj ntshav dawb ntau ntau. Qhia tau tias qhov nqaij plawv nov ciaj sia thaum Kws tshuaj txiav ib qho mus rau lawv ntsuam. Kuv zeem tseeb tias lub plawv nov ciaj sia, vim cov ntshav dawb tsis tuag, cov ntshav dawb yuav tuag yog tsis muaj ib qho ciaj sia yug nws. Yuav tsum tau ib qho ciaj sia los yug cov ntshav dawb mas cov ntshav dawb thiaj li tsis tuag. Li no, hais meej tias thaum lawv txia ib qhov coj mus sim ntawd lub plawv tseem ciaj sia. Ib qho ntxiv, cov ntshav dawb tau txeem mus rau hauv cov nqaij, txhais tau tias lub plawv tau nyiaj ib qhov txom nyem heev, zoo li nws tus tswv tau raug ntau ntawm hauv siab sab heev. »
    Ob tug neeg Australia, ib tug tub xov xwm Mike Willesee thiab ib tug tub txiav plaub ntug Ron Tesoriero, yeej pom ntsoov cov soj ntsuam no. Nkawd paub txog keeb kwm qhov xa tuaj nov ces Mike Willesee thiaj nug cov Kws txuj hais tias  cov ntshav dawb nyob taus ciaj sia ntev npaum li cas yog tias qhov nqaij hlais ntawm neeg los ntawd muab tsau dej. Dr Zugiba teb tias nws yuav nyob taus ciaj ob peb fiab xwb. Tus tub xov xwm thiaj li qhia rau Kws Tshuaj hais tias qhov nqaij uas muab tuaj ntawd thaum ntej tsau hauv cov dej uas peb siv tau ib lub hlis ces ho tsau tau 3 xyoos hauv cov dej uas tsis muaj zeb toob txuab (démiralisée), txog niaj hnub no mam thiaj li txiav ib qho tuaj sim. Hais li ntawd tag, Dr.Zugiba kuj tsis pom qab yuav muab cov lus pov thawj nov los ntseeg raws li scientifique. Ces nws thiaj li nug tias :
    «  Koj yuav tau qhia tseeb rau kuv : Seb qhov coj los sim nov yog los ntawm ib tug neeg tuag li los, ua cas thaum kuv ntsuam xyuas, cov cellules ho txawj txav thiab ua zog ? Yog tias qhov nov yog los ntawm ib tug neeg tuag thaum 1996, ua cas ho tseem niaj hnub ciaj sia thiab maj ? »
    Mike Willesee tib leeg thiaj li qhia rau Dr.Zugiba hais tias qhov nws soj ntsuam nov yog txia ntawm lub Cim Yug uas yog cov mov mog tsis muaj poov xab uas twb  muab cev rau Tswv Ntuj (consacré) lawm es cia li txia ua nqaij thiab ntshav ib qho los. Dr.Zugiba thiaj li teb tias :
    « Ua li cas ib lub Cim Yug cev rau Ntuj lawm thiaj li yuav hloov tau nws los ua nqaij thiab ntshav neeg ciaj, qhov nov mas yog ib qho uas Sciences paub tsis tau thiab deb tshaj qhov uas sciences yuav paub txog. »
    Tom qab Dr Ricardo Castanon Gomez kom cov kws txuj muab qhov hwj huam yees ntxwv Buenos Aires thiab qhov hwj huam yees ntxwv nyob Lanciano los sib piv, ob lub laboratoires puav leej  hais tias ob qho nov yog los ntawm tib tug neeg los. Yam tsis qhia lawv paub txog keeb kwm yog dab tsi. Lawv tseem hais ntxiv tias ob lub laboratoires puav leej nrhiav tau tias tus neeg no cov ntshav yog pawg « AB+ ». Cov pawg ntshav nov qhia tau tias tus neeg nov yog nyob rau sab Hnub Tuaj Ib Nrab (Moyen Orient).
    « Tsuas yog txoj kev ntseeg nyob hauv Tswv Ntuj txhais tes ua thiaj li yuav muab tau ib lo lus teb meej rau peb. Tswv Ntuj xav kom peb paub tseeb tias NWS yeej nyob tiag tiag li hauv lub Cim Yug uas peb tsis paub.  Yes Xus xav kom peb ntseeg tias NWS muaj sia Tiag Nyob rawv hauv lub Cim Yug es tsis yog ib lub cim xwb. Tsuas yog peb qhov muag thiaj pom tias yog cov mov mog thiab cov cawv Cev rau Ntuj xwb. Yes Xus li NWS pom peb thiab NWS hlub peb, NWS xav cawm peb. »

    Maiv Tooj,
    Tim 02-10-2015

    Txhais los ntawm lub site:
    http://lesalonbeige.blogs.com/my_weblog/2013/06/miracle-eucharistique-%C3%A0-buenos-aires.html
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Cim Yug ua Hwj Huam Yees Ntxwv nyob Buenos Aires 1996. Empty Re: Cim Yug ua Hwj Huam Yees Ntxwv nyob Buenos Aires 1996.

    Post  Maiv Tooj 10th October 2015, 12:31 pm



    Cim Yug ua Hwj Huam Yees Ntxwv nyob Buenos Aires 1996. Miracl10

    Qhov nov yog qhov Cim Yug uas Dr. Castanon txiav mus rau Kws Txuj ntsuam nyob New York.
    Qhov plawv ciaj sia li tseem nyob hauv tus neeg lub cev thaum lawv ntsuam.


    Last edited by Maiv Tooj on 26th October 2015, 6:38 pm; edited 1 time in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Cim Yug ua Hwj Huam Yees Ntxwv nyob Buenos Aires 1996. Empty Re: Cim Yug ua Hwj Huam Yees Ntxwv nyob Buenos Aires 1996.

    Post  Maiv Tooj 11th October 2015, 11:49 am


    Dr. Castanon TUS KWS TSHUAJ UAS TXIAV LUB CIM YUG MUS NTSUAM
    PIAV TXOG LUB CIM YUG UA HWJ HUAM YEES NTXWV NYOB BUENOS AIRES
    Milagro Eucaristico Buenos Aires Argentina




    Last edited by Maiv Tooj on 13th October 2015, 9:31 am; edited 1 time in total
    Tub Kawm
    Tub Kawm
    Phooj Ywg
    Phooj Ywg


    Messages : 375
    Date d'inscription : 2011-10-13

    Cim Yug ua Hwj Huam Yees Ntxwv nyob Buenos Aires 1996. Empty Re: Cim Yug ua Hwj Huam Yees Ntxwv nyob Buenos Aires 1996.

    Post  Tub Kawm 12th October 2015, 11:50 pm

    Nyob zoo N hlob ua tsaug rau nws tso zaj xov xwm kev ntseeg no rau sawv daws paub og.

    Huab Tais Yes Xus twb los cawm lub qab ntuj neeg tau 2000 ntau xyoo lawm, tiam sis Nws tseem niaj hnub nrog peb nyob.

    Vim peb neeg ntiaj teb niaj hnub xav ua xyem xyav tsi paub tseeb tias lub Cim Yug yog Yes Xus lub cev thiab cov ntshav, li ntawd Tswv Ntuj thiaj ua hwj huam kom neeg paub tias lub Cim Yug yog Yes Xus cov ntshav thiab lub cev, Yes Xus tseem niaj hnub nrog peb nyob nraim, Nws tsi tso peb tseg.

    Thov kom peb sawv daws kub siab mus txais lub Cim Yug tsi tu ncua, kom peb tau saj Yes Xus lub cev thiab cov ntshav cia cawm peb tus plig.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Cim Yug ua Hwj Huam Yees Ntxwv nyob Buenos Aires 1996. Empty Re: Cim Yug ua Hwj Huam Yees Ntxwv nyob Buenos Aires 1996.

    Post  Maiv Tooj 26th October 2015, 6:45 pm


    Piav txog lub Cim Yug ua hwj huam yees ntxwv nyob Buenos Aires 1996 ua lus aas kiv. Pom cov neeg uas muaj feem xyuam nrog kev ua hwj huam yees ntxwv zaum no cov duab tib si.

    The Eucharistic Miracle of Buenos Aires


    Sponsored content


    Cim Yug ua Hwj Huam Yees Ntxwv nyob Buenos Aires 1996. Empty Re: Cim Yug ua Hwj Huam Yees Ntxwv nyob Buenos Aires 1996.

    Post  Sponsored content


      Current date/time is 18th March 2024, 3:22 pm