Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM NRUAB LIS PIAM XYOO I 2016-2017
by Mim Today at 6:17 am

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    LUB TXOOS TXI NTUJ NIAJ HNUB.

    Share

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    LUB TXOOS TXI NTUJ NIAJ HNUB.

    Post  Maiv Tooj on 2nd August 2015, 8:43 am



    Zaj 242- LUB TXOOS TXI NTUJ NIAJ HNUB.



    Lub thaj txi Ntuj niaj hnub chiv, tus piv txwv nws, zoo kiag li ob tug thwj tim mus rau lub Nroog Es Ma Ws.
    Thaum Yes Xus caum tau Ob Tug Thwj tim mus kev ces Yes Xus nug nkawd thiab nthuav ntawv ntshiab rau nkawd, mas nkawd siab kub lug thiab to taub cov lus Yes Xus nthuav ntawd. tab sis nkawd tsis paub Yes Xus li. Lawv sib raws mus txog lub Nroog Nkawd cheem Yes Xus nrog nkawd nyob.
    Thaum lawv noj mov ces Yes Xus ua lub Cim Yug tas mas nkawd mam zeem tau tias yog Yes Xus, Ces Yes Xus ploj ntais ntawm nkawd xub ntiag lawm.
    Thaum peb pib ua Zaj Txi Ntuj ces peb kuj pib nthuav ntawv ntshiab li ntawd. Peb sib raws mus kom txog thaum peb txais lub cim yug tas mas peb mam lees paub tias Yes Xus nrog peb tham tas ib teev ntawd lawm tiag. Ces peb tso lub tsev teev Ntuj ntseg peb rov los cuag peb lub tsev uas tej kwv tij los niam txiv nyob hauv. peb mam sib tham tias peb mus teev Ntuj peb hnov Ntuj lo lus zoo li cas.
    Thaum peb nyeem cov tsab ntawv ces zoo li Thaum Yes Xus caum tau ob tug thwj Tim mus kev. yog peb txawj mloog mas peb siab yuav kub lug li ntawd.
    Zaum no Kuv yuav hais kom to taub zoo zog:
    Lub txoos txi ntuj ntawd, mas zoo nkaus lu rooj mov loj ua los txais qhua, tshoob qhua kos ntag.
    Thaum pib uas Leej Choj thiab Xib Hwb cov tub pab lawv pib los tim qhov rooj los. Mas yog pab neeg hauv tsev teev ntuj peb txais cov qhua tshoob qhua kos nce rooj, yuav noj nqaig haus dej caw.
    Thaum ua ntoo cuam lub cim hais zaj kuv Lees txhaum, zaj nyob pem ntuj, thiab Huab Tais Koj khuv leej yuas. Peb sib txais, sib hu sib ntsib sib zam txhaum li tseg ntev tsis tau sib pom ces rov zoo siab sib zam tej kev ntxub ntxaug uas tau ua dhau los lawd.
    Thaum Leej Choj ua zaj Thov Ntuj yuav mus nyeem cov tsab ntawv ntshiab ntawd hu ua ntu txais Ntuj lus. Yog peb tuaj khaws Ntuj lo lus los yug peb lub siab los peb tus ntsuj plig. Yog peb coj peb lub siab tuaj noj Yes Xus cov lus.
    Lub caij cev mov cev cawv ntawd, peb muab peb lub cev peb tej hauj lwm uas peb ua niaj hnub los cev rau Tswv Ntuj,zoo li ib co txim yuav muab los txi rau Tswv Ntuj.
    Cov mov cov cawv ntawd yog peb tej qav num los peb lub siab ntsws peb lub cev ua ke nyob hauv.  Uas ib pliag ces Leej Choj yuav muab yees ua Yes Xus Lub cev thiab nws cov ntshav.  Kom peb tau nrog Tswv Ntuj ua ib cuab ib yim, nyob hauv Yes Xus Pleev.
    Thaum ua ntej yuav rub Yes Xus los nyob hauv cov ncuav mov thiab cov cawv ntawd,thaum lub txoos hais zaj Faj Tim Huab Tais. Peb xav cav tias nyob txheej Ntuj siab saud mas tswv Ntuj muaj koob meej nto moo lug. Peb xav nrog Tsoom Leej Ntshiab thiab Ntuj cov Tshiab koom siab cav txog tswv Ntuj nto moo lug mus li.
    Thaum Leej choj Rub Yes Xus tuaj nyob hauv lub Cim yug tas, ces Leej Choj hais peb zaj lus thov Ntuj zoo li no:
    a. Nws hais zaj Tswv Ntuj Foom lus zoo kom cov mov cov cawv yog Yes Xus lub cev thiab cov ntshav tseeb tiag li.
    b. Leej Choj hais zaj thov kom Tswv Ntuj pov hwm lub Koom txoo, zoo li txuag peb tus Vaj qhia, peb cov tswv qhia, peb cov leej choj. tas tsoom ntseeg sawv daws tib si kom nyob thaj yeeb  hauv Tswv Ntuj  cuab xeem neeg.
    c. Leej choj thov kom peb leej tib neeg nyob ruaj nreb koom siab koom ntsws nrog Leej Ntshiab Mab liab thiab Yes Xus uas yog Tswv Ntuj Yim neeg nyob ruaj nrog Mab Liab thiab Yes Xus. ces thiaj tsa lub Cim yug tias Leej Txiv Tswv Ntuj kev muaj hwj  huam...
    d.Leej choj mam hais zaj Yes Xus pub kev thaj yeeb uas nws pub rau peb sawv daws, ces Nws foom Yes Xus los lus Tswv Ntuj ua nej Siab Kaj lug.  Daws daws thiaj sib foom Yes Xus kev kaj siab lug.
    Ces Leej choj thiaj thov Ntuj foom lus zoo rau sawv daws yuav rov mus nyias vaj nyias tsev. ces Xib Hwb xa Tswv Ntuj  kev nyob kaj siab lug, rau sawv daws ua Ntuj tsaug ces xaus.
    Lub thaj txi Ntuj Muaj qab hau dua ib rooj mov  noj tshoob kos los rooj mov txais ib tug zoo neeg muaj koob meej tuaj txog hauv yus vaj tse, vim muaj peb txheej:
    Muaj Tswv Ntuj cov tshiab, muaj peb cov poj koob yawg koob thiab peb txheej neeg nyob ntiaj teb no ua ke.

    7 hli ntuj 2015.
    Yaj Zoov Ntxheb Xib Hwb.





      Current date/time is 10th December 2016, 3:10 pm